📅 2023-yil 31-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 31 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 31 января 2023 г. · Указы Президента
Официальный текст. Официальный документ. Редакционные примечания не включены.
📅 31 January 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
ТАРКИБИ
Ўзбекистон Республикаси Қуролли Кучларини қуроллантириш вa мудофаа саноати соҳасида давлат бошқарувини такомиллаштириш бўйича чора-тадбирлар тўғрисида
[Кўчирма]
Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармонига мувофиқ, Ўзбекистон Республикаси Қуролли Кучларига кирувчи вазирлик ва идоралар ҳамда ҳуқуқни муҳофаза қилувчи органларни (кейинги ўринларда — махсус органлар) замонавий қурол-яроғ, ҳарбий ва махсус техника билан қуроллантириш тизимини такомиллаштириш, мудофаа саноати самарали фаолият юритиши учун янада қулай шарт-шароитлар яратиш мақсадида:
1. Ўзбекистон Республикаси Қуролли Кучларини қуроллантириш бўйича давлат комиссияси (кейинги ўринларда — Давлат комиссияси) 1-иловага мувофиқ таркибда ташкил этилсин ва қуйидагилар унинг асосий вазифалари этиб белгилансин:
махсус органларни қурол-яроғ, ҳарбий ва махсус техника ҳамда бошқа ҳарбий ва икки хил мақсадга мўлжалланган маҳсулотлар (кейинги ўринларда — ҳарбий ва икки хил мақсадга мўлжалланган маҳсулотлар) билан таъминлаш бўйича яқин, ўрта ва узоқ муддатли истиқболларни белгилаш;
Ўзбекистон Республикаси Қуролли Кучларини ҳарбий ва икки хил мақсадга мўлжалланган маҳсулотлар билан таъминлаш бўйича комплекс дастурларни кўриб чиқиш ва тасдиқлаш;
махсус органларни ҳарбий ва икки хил мақсадга мўлжалланган маҳсулотлар билан таъминлашни молиялаштириш масалаларини кўриб чиқиш ва унинг манбаларини белгилаш;
давлат мудофаа буюртмасини кўриб чиқиш ва тасдиқлаш;
янги ҳарбий ва икки хил мақсадга мўлжалланган маҳсулотларни ишлаб чиқаришни ташкил этиш ёки мавжудларини модернизация қилиш, инвестицияларни жалб қилиш ва ушбу соҳада давлат-хусусий шерикликни йўлга қўйиш, соҳани ривожлантириш учун имтиёзлар ва преференциялар бериш бўйича таклифларни кўриб чиқиш;
ҳарбий ва икки хил мақсадга мўлжалланган маҳсулотлар, бутловчи буюмлар ва эҳтиёт қисмлар, озиқ-овқат, кийим-кечак анжомлари, дори воситалари, ёқилғи-мойлаш материаллари ва бошқа ҳарбий-техник мол-мулкнинг стратегик захираларини яратиш чораларини белгилаш;
мудофаа саноатини ривожлантириш, ҳарбий ва икки хил мақсадга мўлжалланган маҳсулотлар бўйича янги ишлаб чиқариш қувватларини ташкил қилиш масалаларини кўриб чиқиш;
уруш даври учун маҳаллий ишлаб чиқариш корхоналарига сафарбарлик топшириғини бириктириш бўйича таклифларни кўриб чиқиш;
махсус органларни қуроллантириш ва мудофаа саноатини ривожлантириш бўйича чора-тадбирларнинг бажарилишини кўриб чиқиш.
Давлат комиссиясининг топшириқларини ижро этиш мақсадида Ўзбекистон Республикаси Қуролли Кучларини қуроллантириш вазифаларини амалга ошириш бўйича ташкилий-маъмурий гуруҳ 2-иловага мувофиқ таркибда ташкил этилсин.
2. Мудофаа саноати давлат қўмитаси негизида:
Мудофаа вазирлиги ҳузурида Мудофаа саноати агентлиги (кейинги ўринларда — Агентлик);
Инвестициялар, саноат ва савдо вазирлиги ҳузурида «Oʻztextreyd» давлат унитар корхонаси (кейинги ўринларда — «Oʻztextreyd» ДУК) тузилсин.
3. Белгилансинки:
а) қуйидагилар Агентликнинг асосий вазифалари ҳисобланади:
ҳарбий ва икки хил мақсадга мўлжалланган маҳсулотларни яратиш, ишлаб чиқариш, таъмирлаш, модернизация қилиш, йўқ қилиш ва қайта ишлашни амалга оширувчи мудофаа аҳамиятига эга ташкилотлар ва ишлаб чиқариш корхоналари (кейинги ўринларда — мудофаа саноати корхоналари) фаолиятини тартибга солиш, шунингдек, янги ишлаб чиқаришларни, шу жумладан маҳаллий корхоналар ва хорижий ҳамкорлар билан кооперация орқали ташкил этиш;
мудофаа саноати соҳасида технологик мустақилликни таъминлаш, муҳим аҳамиятга эга ҳарбий ва икки хил мақсадга мўлжалланган маҳсулотлар ҳамда замонавий технологиялар асосида импорт ўрнини босувчи ва экспортга йўналтирилган маҳсулотларни ишлаб чиқаришни ташкил этиш;
махсус органларни мудофаа саноати корхоналарида ишлаб чиқарилган ҳарбий ва икки хил мақсадга мўлжалланган маҳсулотлар ҳамда бошқа моддий-техник воситалар билан таъминлашни ташкил этиш;
хорижий ҳамкорлар билан ҳарбий-техник ҳамкорликни амалга ошириш, соҳага чет эл инвестицияларини жалб қилиш, шунингдек, мудофаа саноати корхоналарининг ҳарбий ва икки хил мақсадга мўлжалланган маҳсулотлари (ишлар, хизматлар)ни экспорт қилиш (сотиш)ни ташкил қилиш;
ҳарбий ва икки хил мақсадга мўлжалланган маҳсулотлар, янги материаллар, бутловчи буюмлар ва хом ашёларни ишлаб чиқаришни ўзлаштириш, замонавий технологияларни яратишга қаратилган илмий-тадқиқот ва тажриба-конструкторлик ишларини ташкил этиш ва олиб бориш;
ҳарбий ва икки хил мақсадга мўлжалланган маҳсулотларни яратиш, ишлаб чиқариш, таъмирлаш, модернизация қилиш, унификациялаш, мослаштириш, йўқ қилиш (утилизация қилиш), қайта ишлаш, шунингдек, уларни импорт ва экспорт қилишда халқаро тажрибани инобатга олган ҳолда ягона техник сиёсатни амалга ошириш, стандартлар ва маҳсулот сифати талабларига риоя этилишини назорат қилиш;
мудофаа саноати корхоналари учун илмий кадрлар, муҳандислар, лойиҳачилар ва конструкторларни тайёрлаш, қайта тайёрлаш ҳамда уларнинг малакасини оширишни ташкил этиш;
б) қуйидагилар «Oʻztextreyd» ДУКнинг асосий вазифалари ҳисобланади:
махсус органлар эҳтиёжлари учун хорижда ишлаб чиқариладиган ҳарбий ва икки хил мақсадга мўлжалланган маҳсулотлар (ишлар, хизматлар)ни харид қилиш (импорт қилиш) бўйича амалиётларни амалга ошириш;
фойдаланишдан чиқарилган ҳарбий ва икки хил мақсадга мўлжалланган маҳсулотларни ташқи бозорларга сотиш (экспорт)ни амалга ошириш;
мудофаа саноати корхоналари томонидан ишлаб чиқарилган ҳарбий ва икки хил мақсадга мўлжалланган маҳсулотлар (ишлар, хизматлар)нинг экспортига кўмаклашиш;
хорижий ҳамкорлар билан ҳарбий-техник ҳамкорликни амалга оширишда ва мудофаа саноати соҳасига чет эл инвестицияларини жалб этишда иштирок этиш.
4. Белгилаб қўйилсинки:
а) Агентлик:
мудофаа саноати корхоналари фаолиятини тартибга солиш ва уларни ривожлантириш соҳасида давлат сиёсатини ишлаб чиқиш ва амалга ошириш бўйича ягона давлат бошқаруви органи ҳисобланади;
қурол-яроғ ва унинг ўқ-дориларини, ҳимоя воситаларини, ҳарбий техникани, уларнинг эҳтиёт қисмлари, бутловчи қисмлари ва приборларини, агар улардан бошқа тармоқларда фойдаланилмаса, шунингдек, уларни ишлаб чиқариш учун махсус материалларни ва махсус асбоб-ускунани яратиш, ишлаб чиқариш, таъмирлаш ва реализация қилиш соҳасидаги фаолиятни лицензиялашни амалга оширади;
Мудофаа саноати давлат қўмитасининг барча ҳуқуқ ва мажбуриятлари бўйича ҳуқуқий вориси ҳисобланади, бундан мазкур банд «б» кичик бандининг учинчи хатбошисида назарда тутилган ҳоллар мустасно;
б) «Oʻztextreyd» ДУК:
давлат мудофаа буюртмаси доирасида хорижда ишлаб чиқариладиган ҳарбий ва икки хил мақсадга мўлжалланган маҳсулотлар (ишлар, хизматлар)ни харид қилиш (импорт қилиш) бўйича ягона агент ҳисобланади;
Мудофаа саноати давлат қўмитасининг махсус органлар эҳтиёжлари учун хорижда ишлаб чиқарилган ҳарбий ва икки хил мақсадга мўлжалланган маҳсулотлар (ишлар, хизматлар)ни харид қилиш (импорт қилиш), шунингдек, фойдаланишдан чиқарилган ҳарбий ва икки хил мақсадга мўлжалланган маҳсулотларни ташқи бозорларга сотиш (экспорт қилиш) тўғрисидаги шартномалар (контрактлар) бўйича ҳуқуқий вориси ҳисобланади.
5. Шундай тартиб ўрнатилсинки, унга мувофиқ:
а) 2023 йил 1 апрелдан бошлаб ҳарбий ва икки хил мақсадга мўлжалланган маҳсулотларнинг харидларига ажратилиши режалаштирилган Давлат бюджети маблағлари миқдори доирасида маҳаллийлаштириладиган ҳарбий ва икки хил мақсадга мўлжалланган маҳсулотларни уч йил муддатга ўрнатилган тартибда шартнома тузиш орқали кафолатли харид қилиш механизми жорий этилади;
б) ҳарбий, ҳарбий-техник ҳамкорликнинг қўшма режалари, дастурлари ва бошқа тадбирлар доирасида Ўзбекистон Республикасига таклиф этилаётган хорижий мутахассисларга кириш визалари махсус органлар, Агентлик ҳамда «Oʻztextreyd» ДУКнинг виза буюртманомалари асосида халқаро аэропортларда консуллик йиғими ундирилмасдан расмийлаштирилади;
в) ҳарбий ва ҳарбий-техник ҳамкорликнинг қўшма режалари, дастурлари ва бошқа тадбирлар доирасида Ўзбекистон Республикаси таклиф этилаётган хорижий мутахассисларга кўп марталик визалар бериш ва муддатини узайтириш, шунингдек, уларни турган жойи бўйича рўйхатдан ўтказиш ва унинг муддатини узайтириш махсус органлар, Агентлик ҳамда «Oʻztextreyd» ДУКнинг буюртманомаларига кўра давлат божи ундирилмасдан амалга оширилади.
6. Мудофаа саноати комплексини ривожлантириш жамғармаси (кейинги ўринларда — Жамғарма) Агентлик тасарруфига ўтказилсин.
10. Агентлик:
Иқтисодиёт ва молия вазирлиги билан биргаликда бир ой муддатда Жамғарма маблағларини шакллантириш ва улардан фойдаланиш тартиби тўғрисидаги янгиланган низомни;
Инвестициялар, саноат ва савдо вазирлиги ҳамда Иқтисодиёт ва молия вазирлиги билан биргаликда икки ой муддатда шаффоф танлов асосида ҳарбий ва икки хил мақсадга мўлжалланган маҳсулотларни ишлаб чиқаришни ўзлаштирадиган корхоналар билан уч йил муддатга ўрнатилган тартибда шартномалар тузиш орқали маҳсулотларни кафолатли харид қилиш механизмини жорий қилиш бўйича норматив-ҳуқуқий ҳужжат лойиҳасини;
2024 йил 1 мартга қадар манфаатдор вазирлик ва идоралар билан биргаликда «Давлат мудофаа буюртмаси тўғрисида»ги Ўзбекистон Республикаси қонуни лойиҳасини ишлаб чиқиб, Вазирлар Маҳкамасига киритсин.
11. Вазирлар Маҳкамаси бир ҳафта муддатда Давлат комиссияси, Агентлик ва «Oʻztextreyd» ДУК фаолиятини ташкил этиш бўйича Ўзбекистон Республикаси Президентининг қарори лойиҳасини киритсин.
12. Ўзбекистон Республикаси Президенти ва Ўзбекистон Республикаси Ҳукуматининг айрим ҳужжатларига 3-иловага мувофиқ ўзгартиришлар киритилсин.
13. Ўзбекистон Республикаси Президентининг 2017 йил 20 ноябрдаги «Ўзбекистон Республикаси Мудофаа саноати давлат қўмитасини ташкил этиш тўғрисида»ги ПФ-5246-сон Фармони ўз кучини йўқотган деб ҳисоблансин.
14. Мудофаа вазирлиги Адлия вазирлиги билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 31 январдаги ПФ-16-сон Фармонига 1-ИЛОВА
Ўзбекистон Республикаси Қуролли Кучларини қуроллантириш бўйича давлат комиссияси
Ш.М. Мирзиёев — Ўзбекистон Республикаси Президенти, Давлат комиссияси раиси А.Н. Арипов — Ўзбекистон Республикаси Бош вазири, Давлат комиссияси раисининг ўринбосари С.У. Умурзаков — Ўзбекистон Республикаси Президенти Администрацияси раҳбари В.В. Махмудов — Ўзбекистон Республикаси Президенти ҳузуридаги Хавфсизлик кенгаши котиби, Давлат комиссияси котиби Б.Н. Курбанов — мудофаа вазири П.Р. Бобожонов — ички ишлар вазири А.Х. Кулдашев — фавқулодда вазиятлар вазири Л.Ш. Кудратов — инвестициялар, саноат ва савдо вазири Ш.Д. Кудбиев — иқтисодиёт ва молия вазири А.А. Азизов — Давлат хавфсизлик хизмати раиси А.А. Усманов — Ўзбекистон Республикаси Президенти давлат хавфсизлик хизмати раиси Р.М. Джураев — Миллий гвардия қўмондони Ш.Ғ. Халмухамедов — мудофаа вазирининг биринчи ўринбосари — Ўзбекистон Республикаси Қуролли Кучлари Бош штаби бошлиғи С.Э. Хусанов — Давлат хавфсизлик хизмати раисининг ўринбосари — Чегара қўшинлари қўмондони О.Т. Ходжаакбаров — Электрон технологияларни ривожлантириш маркази бошлиғи Лавозими бўйича — Мудофаа вазирлиги ҳузуридаги Мудофаа саноати агентлиги директори
Ўзбекистон Республикаси Президентининг 2023 йил 31 январдаги ПФ-16-сон Фармонига 2-ИЛОВА
Ўзбекистон Республикаси Қуролли Кучларини қуроллантириш вазифаларини амалга ошириш бўйича ташкилий-маъмурий гуруҳнинг
Б.Н. Курбанов — мудофаа вазири, Гуруҳ раҳбари И.А. Ибрагимов — миллий гвардия қўмондонининг биринчи ўринбосари А.Т. Нарбаев — мудофаа вазирининг қуролланиш ва қуроллантириш бўйича ўринбосари Г.Х. Ёзиев — Давлат хавфсизлик хизмати раисининг ўринбосари З.А. Абдуллаев — Ўзбекистон Республикаси Президенти Давлат хавфсизлик хизмати раисининг ўринбосари Н.К. Холмуродов — инвестициялар, саноат ва савдо вазирининг биринчи ўринбосари Лавозимига кўра — иқтисодиёт ва молия вазирининг биринчи ўринбосари М.М. Икрамов — адлия вазирининг ўринбосари Б.И. Даниярходжаев — Электрон технологияларни ривожлантириш маркази бошлиғининг маслаҳатчиси Д.Ю. Бекмуратов — Мудофаа вазирлиги Инспекцияси бошлиғи А.А. Абиджанов — Ички ишлар вазирлиги Молия ва моддий таъминот департаменти бошлиғи Лавозимига кўра — Ўзбекистон Республикаси Президенти ҳузуридаги Хавфсизлик кенгаши аппарати бош консультанти Ф.К. Рахматов — Ўзбекистон Республикаси Президенти Администрацияси бош консультанти Ш.Ф. Султанов — Ўзбекистон Республикаси Президенти ҳузуридаги хавфсизлик кенгаши аппарати етакчи консультанти Лавозимига кўра — Мудофаа саноати агентлиги директори Лавозимига кўра — «Oʻztextreyd» ДУК директори
Ўзбекистон Республикаси Президентининг 2023 йил 31 январдаги ПФ-16-сон Фармонига 3-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2015 йил 15 майдаги «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида»ги ПФ-4725-сон Фармони 8-бандининг иккинчи хатбошисидаги «20 фоизи» сўзлари «18 фоизи» сўзлари билан алмаштирилсин.
2. Ўзбекистон Республикаси Президентининг 2019 йил 14 январдаги «Давлат активларини бошқариш, монополияга қарши курашишни тартибга солиш тизимини ва капитал бозорни тубдан такомиллаштириш чора-тадбирлари тўғрисида»ги ПФ-5630-сон Фармони 6-банди «а» кичик бандининг тўртинчи хатбошисидаги «35 фоиз» сўзлари «20 фоиз» сўзлари билан алмаштирилсин.
3. Ўзбекистон Республикаси Президентининг 2020 йил 31 январдаги «Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида»ги ПФ-5930-сон Фармони 14-бандининг иккинчи хатбошисидаги «20 фоизи» сўзлари «18 фоизи» сўзлари билан алмаштирилсин.
4. Ўзбекистон Республикаси Президентининг 2017 йил 12 декабрдаги «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш тўғрисида»ги ПҚ-3430-сон қарори 4-бандининг иккинчи хатбошисидаги «20 фоизи» сўзлари «18 фоизи» сўзлари билан алмаштирилсин.
5. Вазирлар Маҳкамасининг 2010 йил 2 апрелдаги 62-сон қарори билан тасдиқланган Вазирликлар, давлат қўмиталари ва идораларнинг бюджетдан ташқари жамғармаларига йўналтирилаётган давлат божлари, йиғимлар ва солиқ бўлмаган тўловлардан, маъмурий ва молиявий жазолардан ажратмалар миқдорларининг 9-позицияси «Ажратмалар миқдори (фоизларда)» устунидаги «45» рақами «40» рақами билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 31 январь,
ПФ-16-сон
Oʻzbekiston Respublikasi Prezidentining
Farmoni
TARKIBI
TARKIBI
Oʻzbekiston Respublikasi Qurolli Kuchlarini qurollantirish va mudofaa sanoati sohasida davlat boshqaruvini takomillashtirish boʻyicha chora-tadbirlar toʻgʻrisida
[Koʻchirma]
Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoniga muvofiq, Oʻzbekiston Respublikasi Qurolli Kuchlariga kiruvchi vazirlik va idoralar hamda huquqni muhofaza qiluvchi organlarni (keyingi oʻrinlarda — maxsus organlar) zamonaviy qurol-yarogʻ, harbiy va maxsus texnika bilan qurollantirish tizimini takomillashtirish, mudofaa sanoati samarali faoliyat yuritishi uchun yanada qulay shart-sharoitlar yaratish maqsadida:
1. Oʻzbekiston Respublikasi Qurolli Kuchlarini qurollantirish boʻyicha davlat komissiyasi (keyingi oʻrinlarda — Davlat komissiyasi) 1-ilovaga muvofiq tarkibda tashkil etilsin va quyidagilar uning asosiy vazifalari etib belgilansin:
maxsus organlarni qurol-yarogʻ, harbiy va maxsus texnika hamda boshqa harbiy va ikki xil maqsadga moʻljallangan mahsulotlar (keyingi oʻrinlarda — harbiy va ikki xil maqsadga moʻljallangan mahsulotlar) bilan taʼminlash boʻyicha yaqin, oʻrta va uzoq muddatli istiqbollarni belgilash;
Oʻzbekiston Respublikasi Qurolli Kuchlarini harbiy va ikki xil maqsadga moʻljallangan mahsulotlar bilan taʼminlash boʻyicha kompleks dasturlarni koʻrib chiqish va tasdiqlash;
maxsus organlarni harbiy va ikki xil maqsadga moʻljallangan mahsulotlar bilan taʼminlashni moliyalashtirish masalalarini koʻrib chiqish va uning manbalarini belgilash;
davlat mudofaa buyurtmasini koʻrib chiqish va tasdiqlash;
yangi harbiy va ikki xil maqsadga moʻljallangan mahsulotlarni ishlab chiqarishni tashkil etish yoki mavjudlarini modernizatsiya qilish, investitsiyalarni jalb qilish va ushbu sohada davlat-xususiy sheriklikni yoʻlga qoʻyish, sohani rivojlantirish uchun imtiyozlar va preferensiyalar berish boʻyicha takliflarni koʻrib chiqish;
harbiy va ikki xil maqsadga moʻljallangan mahsulotlar, butlovchi buyumlar va ehtiyot qismlar, oziq-ovqat, kiyim-kechak anjomlari, dori vositalari, yoqilgʻi-moylash materiallari va boshqa harbiy-texnik mol-mulkning strategik zaxiralarini yaratish choralarini belgilash;
mudofaa sanoatini rivojlantirish, harbiy va ikki xil maqsadga moʻljallangan mahsulotlar boʻyicha yangi ishlab chiqarish quvvatlarini tashkil qilish masalalarini koʻrib chiqish;
urush davri uchun mahalliy ishlab chiqarish korxonalariga safarbarlik topshirigʻini biriktirish boʻyicha takliflarni koʻrib chiqish;
maxsus organlarni qurollantirish va mudofaa sanoatini rivojlantirish boʻyicha chora-tadbirlarning bajarilishini koʻrib chiqish.
Davlat komissiyasining topshiriqlarini ijro etish maqsadida Oʻzbekiston Respublikasi Qurolli Kuchlarini qurollantirish vazifalarini amalga oshirish boʻyicha tashkiliy-maʼmuriy guruh 2-ilovaga muvofiq tarkibda tashkil etilsin.
2. Mudofaa sanoati davlat qoʻmitasi negizida:
Mudofaa vazirligi huzurida Mudofaa sanoati agentligi (keyingi oʻrinlarda — Agentlik);
Investitsiyalar, sanoat va savdo vazirligi huzurida “Oʻztextreyd” davlat unitar korxonasi (keyingi oʻrinlarda — “Oʻztextreyd” DUK) tuzilsin.
3. Belgilansinki:
a) quyidagilar Agentlikning asosiy vazifalari hisoblanadi:
harbiy va ikki xil maqsadga moʻljallangan mahsulotlarni yaratish, ishlab chiqarish, taʼmirlash, modernizatsiya qilish, yoʻq qilish va qayta ishlashni amalga oshiruvchi mudofaa ahamiyatiga ega tashkilotlar va ishlab chiqarish korxonalari (keyingi oʻrinlarda — mudofaa sanoati korxonalari) faoliyatini tartibga solish, shuningdek, yangi ishlab chiqarishlarni, shu jumladan mahalliy korxonalar va xorijiy hamkorlar bilan kooperatsiya orqali tashkil etish;
mudofaa sanoati sohasida texnologik mustaqillikni taʼminlash, muhim ahamiyatga ega harbiy va ikki xil maqsadga moʻljallangan mahsulotlar hamda zamonaviy texnologiyalar asosida import oʻrnini bosuvchi va eksportga yoʻnaltirilgan mahsulotlarni ishlab chiqarishni tashkil etish;
maxsus organlarni mudofaa sanoati korxonalarida ishlab chiqarilgan harbiy va ikki xil maqsadga moʻljallangan mahsulotlar hamda boshqa moddiy-texnik vositalar bilan taʼminlashni tashkil etish;
xorijiy hamkorlar bilan harbiy-texnik hamkorlikni amalga oshirish, sohaga chet el investitsiyalarini jalb qilish, shuningdek, mudofaa sanoati korxonalarining harbiy va ikki xil maqsadga moʻljallangan mahsulotlari (ishlar, xizmatlar)ni eksport qilish (sotish)ni tashkil qilish;
harbiy va ikki xil maqsadga moʻljallangan mahsulotlar, yangi materiallar, butlovchi buyumlar va xom ashyolarni ishlab chiqarishni oʻzlashtirish, zamonaviy texnologiyalarni yaratishga qaratilgan ilmiy-tadqiqot va tajriba-konstruktorlik ishlarini tashkil etish va olib borish;
harbiy va ikki xil maqsadga moʻljallangan mahsulotlarni yaratish, ishlab chiqarish, taʼmirlash, modernizatsiya qilish, unifikatsiyalash, moslashtirish, yoʻq qilish (utilizatsiya qilish), qayta ishlash, shuningdek, ularni import va eksport qilishda xalqaro tajribani inobatga olgan holda yagona texnik siyosatni amalga oshirish, standartlar va mahsulot sifati talablariga rioya etilishini nazorat qilish;
mudofaa sanoati korxonalari uchun ilmiy kadrlar, muhandislar, loyihachilar va konstruktorlarni tayyorlash, qayta tayyorlash hamda ularning malakasini oshirishni tashkil etish;
b) quyidagilar “Oʻztextreyd” DUKning asosiy vazifalari hisoblanadi:
maxsus organlar ehtiyojlari uchun xorijda ishlab chiqariladigan harbiy va ikki xil maqsadga moʻljallangan mahsulotlar (ishlar, xizmatlar)ni xarid qilish (import qilish) boʻyicha amaliyotlarni amalga oshirish;
foydalanishdan chiqarilgan harbiy va ikki xil maqsadga moʻljallangan mahsulotlarni tashqi bozorlarga sotish (eksport)ni amalga oshirish;
mudofaa sanoati korxonalari tomonidan ishlab chiqarilgan harbiy va ikki xil maqsadga moʻljallangan mahsulotlar (ishlar, xizmatlar)ning eksportiga koʻmaklashish;
xorijiy hamkorlar bilan harbiy-texnik hamkorlikni amalga oshirishda va mudofaa sanoati sohasiga chet el investitsiyalarini jalb etishda ishtirok etish.
4. Belgilab qoʻyilsinki:
a) Agentlik:
mudofaa sanoati korxonalari faoliyatini tartibga solish va ularni rivojlantirish sohasida davlat siyosatini ishlab chiqish va amalga oshirish boʻyicha yagona davlat boshqaruvi organi hisoblanadi;
qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek, ularni ishlab chiqarish uchun maxsus materiallarni va maxsus asbob-uskunani yaratish, ishlab chiqarish, taʼmirlash va realizatsiya qilish sohasidagi faoliyatni litsenziyalashni amalga oshiradi;
Mudofaa sanoati davlat qoʻmitasining barcha huquq va majburiyatlari boʻyicha huquqiy vorisi hisoblanadi, bundan mazkur band “b” kichik bandining uchinchi xatboshisida nazarda tutilgan hollar mustasno;
b) “Oʻztextreyd” DUK:
davlat mudofaa buyurtmasi doirasida xorijda ishlab chiqariladigan harbiy va ikki xil maqsadga moʻljallangan mahsulotlar (ishlar, xizmatlar)ni xarid qilish (import qilish) boʻyicha yagona agent hisoblanadi;
Mudofaa sanoati davlat qoʻmitasining maxsus organlar ehtiyojlari uchun xorijda ishlab chiqarilgan harbiy va ikki xil maqsadga moʻljallangan mahsulotlar (ishlar, xizmatlar)ni xarid qilish (import qilish), shuningdek, foydalanishdan chiqarilgan harbiy va ikki xil maqsadga moʻljallangan mahsulotlarni tashqi bozorlarga sotish (eksport qilish) toʻgʻrisidagi shartnomalar (kontraktlar) boʻyicha huquqiy vorisi hisoblanadi.
5. Shunday tartib oʻrnatilsinki, unga muvofiq:
a) 2023-yil 1-apreldan boshlab harbiy va ikki xil maqsadga moʻljallangan mahsulotlarning xaridlariga ajratilishi rejalashtirilgan Davlat budjeti mablagʻlari miqdori doirasida mahalliylashtiriladigan harbiy va ikki xil maqsadga moʻljallangan mahsulotlarni uch yil muddatga oʻrnatilgan tartibda shartnoma tuzish orqali kafolatli xarid qilish mexanizmi joriy etiladi;
b) harbiy, harbiy-texnik hamkorlikning qoʻshma rejalari, dasturlari va boshqa tadbirlar doirasida Oʻzbekiston Respublikasiga taklif etilayotgan xorijiy mutaxassislarga kirish vizalari maxsus organlar, Agentlik hamda “Oʻztextreyd” DUKning viza buyurtmanomalari asosida xalqaro aeroportlarda konsullik yigʻimi undirilmasdan rasmiylashtiriladi;
v) harbiy va harbiy-texnik hamkorlikning qoʻshma rejalari, dasturlari va boshqa tadbirlar doirasida Oʻzbekiston Respublikasi taklif etilayotgan xorijiy mutaxassislarga koʻp martalik vizalar berish va muddatini uzaytirish, shuningdek, ularni turgan joyi boʻyicha roʻyxatdan oʻtkazish va uning muddatini uzaytirish maxsus organlar, Agentlik hamda “Oʻztextreyd” DUKning buyurtmanomalariga koʻra davlat boji undirilmasdan amalga oshiriladi.
6. Mudofaa sanoati kompleksini rivojlantirish jamgʻarmasi (keyingi oʻrinlarda — Jamgʻarma) Agentlik tasarrufiga oʻtkazilsin.
10. Agentlik:
Iqtisodiyot va moliya vazirligi bilan birgalikda bir oy muddatda Jamgʻarma mablagʻlarini shakllantirish va ulardan foydalanish tartibi toʻgʻrisidagi yangilangan nizomni;
Investitsiyalar, sanoat va savdo vazirligi hamda Iqtisodiyot va moliya vazirligi bilan birgalikda ikki oy muddatda shaffof tanlov asosida harbiy va ikki xil maqsadga moʻljallangan mahsulotlarni ishlab chiqarishni oʻzlashtiradigan korxonalar bilan uch yil muddatga oʻrnatilgan tartibda shartnomalar tuzish orqali mahsulotlarni kafolatli xarid qilish mexanizmini joriy qilish boʻyicha normativ-huquqiy hujjat loyihasini;
2024-yil 1-martga qadar manfaatdor vazirlik va idoralar bilan birgalikda “Davlat mudofaa buyurtmasi toʻgʻrisida”gi Oʻzbekiston Respublikasi qonuni loyihasini ishlab chiqib, Vazirlar Mahkamasiga kiritsin.
11. Vazirlar Mahkamasi bir hafta muddatda Davlat komissiyasi, Agentlik va “Oʻztextreyd” DUK faoliyatini tashkil etish boʻyicha Oʻzbekiston Respublikasi Prezidentining qarori loyihasini kiritsin.
12. Oʻzbekiston Respublikasi Prezidenti va Oʻzbekiston Respublikasi Hukumatining ayrim hujjatlariga 3-ilovaga muvofiq oʻzgartirishlar kiritilsin.
13. Oʻzbekiston Respublikasi Prezidentining 2017-yil 20-noyabrdagi “Oʻzbekiston Respublikasi Mudofaa sanoati davlat qoʻmitasini tashkil etish toʻgʻrisida”gi PF-5246-son Farmoni oʻz kuchini yoʻqotgan deb hisoblansin.
14. Mudofaa vazirligi Adliya vazirligi bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 31-yanvardagi PF-16-son Farmoniga 1-ILOVA
Oʻzbekiston Respublikasi Qurolli Kuchlarini qurollantirish boʻyicha davlat komissiyasi
Sh.M. Mirziyoyev — Oʻzbekiston Respublikasi Prezidenti, Davlat komissiyasi raisi A.N. Aripov — Oʻzbekiston Respublikasi Bosh vaziri, Davlat komissiyasi raisining oʻrinbosari S.U. Umurzakov — Oʻzbekiston Respublikasi Prezidenti Administratsiyasi rahbari V.V. Maxmudov — Oʻzbekiston Respublikasi Prezidenti huzuridagi Xavfsizlik kengashi kotibi, Davlat komissiyasi kotibi B.N. Kurbanov — mudofaa vaziri P.R. Bobojonov — ichki ishlar vaziri A.X. Kuldashev — favqulodda vaziyatlar vaziri L.Sh. Kudratov — investitsiyalar, sanoat va savdo vaziri Sh.D. Kudbiyev — iqtisodiyot va moliya vaziri A.A. Azizov — Davlat xavfsizlik xizmati raisi A.A. Usmanov — Oʻzbekiston Respublikasi Prezidenti davlat xavfsizlik xizmati raisi R.M. Djurayev — Milliy gvardiya qoʻmondoni Sh.Gʻ. Xalmuxamedov — mudofaa vazirining birinchi oʻrinbosari — Oʻzbekiston Respublikasi Qurolli Kuchlari Bosh shtabi boshligʻi S.E. Xusanov — Davlat xavfsizlik xizmati raisining oʻrinbosari — Chegara qoʻshinlari qoʻmondoni O.T. Xodjaakbarov — Elektron texnologiyalarni rivojlantirish markazi boshligʻi Lavozimi boʻyicha — Mudofaa vazirligi huzuridagi Mudofaa sanoati agentligi direktori
Oʻzbekiston Respublikasi Prezidentining 2023-yil 31-yanvardagi PF-16-son Farmoniga 2-ILOVA
Oʻzbekiston Respublikasi Qurolli Kuchlarini qurollantirish vazifalarini amalga oshirish boʻyicha tashkiliy-maʼmuriy guruhning
B.N. Kurbanov — mudofaa vaziri, Guruh rahbari I.A. Ibragimov — milliy gvardiya qoʻmondonining birinchi oʻrinbosari A.T. Narbayev — mudofaa vazirining qurollanish va qurollantirish boʻyicha oʻrinbosari G.X. Yoziyev — Davlat xavfsizlik xizmati raisining oʻrinbosari Z.A. Abdullayev — Oʻzbekiston Respublikasi Prezidenti Davlat xavfsizlik xizmati raisining oʻrinbosari N.K. Xolmurodov — investitsiyalar, sanoat va savdo vazirining birinchi oʻrinbosari Lavozimiga koʻra — iqtisodiyot va moliya vazirining birinchi oʻrinbosari M.M. Ikramov — adliya vazirining oʻrinbosari B.I. Daniyarxodjayev — Elektron texnologiyalarni rivojlantirish markazi boshligʻining maslahatchisi D.Yu. Bekmuratov — Mudofaa vazirligi Inspeksiyasi boshligʻi A.A. Abidjanov — Ichki ishlar vazirligi Moliya va moddiy taʼminot departamenti boshligʻi Lavozimiga koʻra — Oʻzbekiston Respublikasi Prezidenti huzuridagi Xavfsizlik kengashi apparati bosh konsultanti F.K. Raxmatov — Oʻzbekiston Respublikasi Prezidenti Administratsiyasi bosh konsultanti Sh.F. Sultanov — Oʻzbekiston Respublikasi Prezidenti huzuridagi xavfsizlik kengashi apparati yetakchi konsultanti Lavozimiga koʻra — Mudofaa sanoati agentligi direktori Lavozimiga koʻra — “Oʻztextreyd” DUK direktori
Oʻzbekiston Respublikasi Prezidentining 2023-yil 31-yanvardagi PF-16-son Farmoniga 3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi PF-4725-son Farmoni 8-bandining ikkinchi xatboshisidagi “20 foizi” soʻzlari “18 foizi” soʻzlari bilan almashtirilsin.
2. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorni tubdan takomillashtirish chora-tadbirlari toʻgʻrisida”gi PF-5630-son Farmoni 6-bandi “a” kichik bandining toʻrtinchi xatboshisidagi “35 foiz” soʻzlari “20 foiz” soʻzlari bilan almashtirilsin.
3. Oʻzbekiston Respublikasi Prezidentining 2020-yil 31-yanvardagi “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida”gi PF-5930-son Farmoni 14-bandining ikkinchi xatboshisidagi “20 foizi” soʻzlari “18 foizi” soʻzlari bilan almashtirilsin.
4. Oʻzbekiston Respublikasi Prezidentining 2017-yil 12-dekabrdagi “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida”gi PQ-3430-son qarori 4-bandining ikkinchi xatboshisidagi “20 foizi” soʻzlari “18 foizi” soʻzlari bilan almashtirilsin.
5. Vazirlar Mahkamasining 2010-yil 2-apreldagi 62-son qarori bilan tasdiqlangan Vazirliklar, davlat qoʻmitalari va idoralarning budjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar miqdorlarining 9-pozitsiyasi “Ajratmalar miqdori (foizlarda)” ustunidagi “45” raqami “40” raqami bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 31-yanvar,
PF-16-son
Президента Республики Узбекистан
Указ
СОСТАВ
СОСТАВ
O мерах по совершенствованию государственного управления в области оснащения Вооруженных Сил Республики Узбекистан и оборонной промышленности
[Извлечение]
В соответствии с Указом Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана» в целях совершенствования системы оснащения министерств и ведомств, входящих в состав Вооруженных Сил Республики Узбекистан, и правоохранительных органов (далее — специальные органы) современным вооружением, военной и специальной техникой, создания более благоприятных условий для эффективного функционирования оборонной промышленности:
1. Образовать Государственную комиссию по оснащению Вооруженных Сил Республики Узбекистан (далее — Государственная комиссия) в составе согласно приложению № 1 , определив ее основными задачами:
определение краткосрочных, среднесрочных и долгосрочных перспектив обеспечения специальных органов вооружением, военной и специальной техникой и другой продукцией военного и двойного назначения (далее — продукция военного и двойного назначения);
рассмотрение и утверждение комплексных программ по обеспечению Вооруженных Сил Республики Узбекистан продукцией военного и двойного назначения;
рассмотрение вопросов финансирования обеспечения специальных органов продукцией военного и двойного назначения и определение его источников;
рассмотрение и утверждение государственного оборонного заказа;
рассмотрение предложений по организации производства новой или модернизации существующей продукции военного и двойного назначения, привлечению инвестиций и налаживанию государственно-частного партнерства в этой сфере, предоставлению льгот и преференций для развития отрасли;
определение мер по созданию стратегических запасов продукции военного и двойного назначения, комплектующих и запасных частей, продовольствия, вещевого имущества, медикаментов, горюче-смазочных материалов и другого военно-технического имущества;
рассмотрение вопросов развития оборонной промышленности, создания новых мощностей производства продукции военного и двойного назначения;
рассмотрение предложений о закреплении за местными производственными предприятиями мобилизационного задания на военное время;
рассмотрение хода исполнения мер по оснащению специальных органов и развитию оборонной промышленности.
В целях исполнения поручений Государственной комиссии образовать Организационно-административную группу по реализации задач оснащения Вооруженных Сил Республики Узбекистан в составе согласно приложению № 2 .
2. Создать на базе Государственного комитета по оборонной промышленности:
Агентство оборонной промышленности при Министерстве обороны (далее — Агентство);
Государственное унитарное предприятие «Oʻztextreyd» (далее — ГУП «Oʻztextreyd») при Министерстве инвестиций, промышленности и торговли.
3. Установить, что:
а) основными задачами Агентства являются:
регулирование деятельности организаций и производственных предприятий оборонного значения, осуществляющих разработку, производство, ремонт, модернизацию, утилизацию и переработку продукции военного и двойного назначения (далее — предприятия оборонной промышленности), а также создание новых производств, в том числе путем кооперации с отечественными предприятиями и зарубежными партнерами;
обеспечение технологической независимости в сфере оборонной промышленности, организация производства имеющей важное значение продукции военного и двойного назначения, а также импортозамещающей и экспортоориентированной продукции на основе современных технологий;
организация обеспечения специальных органов продукцией военного и двойного назначения и другими материально-техническими средствами, производимыми на предприятиях оборонной промышленности;
осуществление военно-технического сотрудничества с зарубежными партнерами, привлечение иностранных инвестиций в сферу, а также организация экспорта (реализации) продукции (работ, услуг) военного и двойного назначения предприятий оборонной промышленности;
освоение производства продукции военного и двойного назначения, новых материалов, комплектующих и сырья, организация и проведение научно-исследовательских и опытно-конструкторских работ, направленных на создание современных технологий;
реализация единой технической политики с учетом международного опыта при разработке, производстве, ремонте, модернизации, унификации, адаптации, ликвидации (утилизации), переработке продукции военного и двойного назначения, а также при их импорте и экспорте, осуществление контроля за соблюдением стандартов и требований к качеству продукции;
организация подготовки, переподготовки и повышения квалификации научных кадров, инженеров, проектировщиков и конструкторов для предприятий оборонной промышленности;
б) основными задачами ГУП «Oʻztextreyd» являются:
осуществление операций по закупке (импорту) продукции (работ, услуг) военного и двойного назначения, производимой за рубежом, для нужд специальных органов;
осуществление реализации (экспорта) высвобождаемой продукции военного и двойного назначения на внешние рынки;
содействие экспорту продукции (работ, услуг) военного и двойного назначения, произведенной предприятиями оборонной промышленности;
участие в осуществление военно-технического сотрудничества с зарубежными партнерами и при привлечении иностранных инвестиций в сферу оборонной промышленности.
4. Установить, что:
а) Агентство:
является единым органом государственного управления по разработке и реализации государственной политики в области регулирования деятельности предприятий оборонной промышленности и их развития;
осуществляет лицензирование деятельности в сфере разработки, производства, ремонта и реализации вооружения и боеприпасов, средств защиты, военной техники, их запасных частей, комплектующих и приборов, если они не используются в других отраслях, а также специальных материалов и спецоборудования для их производства;
является правопреемником по всем правам и обязанностям Государственного комитета по оборонной промышленности, за исключением случаев, предусмотренных абзацем третьим подпункта «б» настоящего пункта;
б) ГУП «Oʻztextreyd»:
является единым агентом по закупке (импорту) продукции (работ, услуг) военного и двойного назначения, производимой за рубежом, в рамках государственного оборонного заказа;
является правопреемником Государственного комитета по оборонной промышленности по договорам (контрактам) о закупке (импорте) производимой за рубежом продукции (работ, услуг) для нужд специальных органов, а также реализации (экспорте) высвобождаемой продукции военного и двойного назначения на внешние рынки.
5. Установить порядок, в соответствии с которым:
а) с 1 апреля 2023 года внедряется механизм гарантированной закупки локализуемой продукции военного и двойного назначения в пределах объема средств Государственного бюджета, запланированных для выделения на закупку продукции военного и двойного назначения, путем заключения в установленном порядке договора сроком на три года;
б) въездные визы иностранным специалистам, приглашаемым в Республику Узбекистан в рамках совместных планов, программ и иных мероприятий военного, военно-технического сотрудничества, оформляются на основании визовых заявок специальных органов, Агентства и ГУП «Oʻztextreyd» без взимания консульского сбора в международных аэропортах;
в) выдача и продление многократных виз иностранным специалистам, приглашаемым Республикой Узбекистан в рамках совместных планов, программ и иных мероприятий военного и военно-технического сотрудничества, а также их регистрация по месту пребывания и продление ее срока осуществляются по заявкам специальных органов, Агентства и ГУП «Oʻztextreyd» без взимания государственной пошлины.
6. Передать Фонд развития оборонно-промышленного комплекса (далее — Фонд) в введение Агентства.
10. Агентству разработать и внести в Кабинет Министров:
совместно с Министерством экономики и финансов в месячный срок — обновленное Положение о порядке формирования и использования средств Фонда;
совместно с Министерством инвестиций, промышленности и торговли и Министерством экономики и финансов в двухмесячный срок — проект нормативно-правового акта по внедрению механизма гарантированной закупки продукции путем заключения в установленном порядке договоров сроком на три года с предприятиями, осваивающими производство продукции военного и двойного назначения, на основе прозрачного отбора;
совместно с заинтересованными министерствами и ведомствами до 1 марта 2024 года — проект закона Республики Узбекистан «О государственном оборонном заказе».
11. Кабинету Министров в недельный срок внести проект постановления Президента Республики Узбекистан об организации деятельности Государственной комиссии, Агентства и ГУП «Oʻztextreyd».
12. Внести изменения в некоторые акты Президента Республики Узбекистан и Правительства Республики Узбекистан согласно приложению № 3 .
13. Признать утратившим силу Указ Президента Республики Узбекистан от 20 ноября 2017 года № УП-5246 «Об образовании Государственного комитета Республики Узбекистан по оборонной промышленности».
14. Министерству обороны совместно с Министерством юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
15. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ № 1 к Указу Президента Республики Узбекистан от 31 января 2023 года № УП-16
Государственной комиссии по оснащению Вооруженных Сил Республики Узбекистан
Ш.М. Мирзиёев — Президент Республики Узбекистан, председатель Государственной комиссии А.Н. Арипов — Премьер-министр Республики Узбекистан, заместитель председателя Государственной комиссии С.У. Умурзаков — руководитель Администрации Президента Республики Узбекистан В.В. Махмудов — секретарь Совета безопасности при Президенте Республики Узбекистан, секретарь Государственной комиссии Б.Н. Курбанов — министр обороны П.Р. Бобожонов — министр внутренних дел А.Х. Кулдашев — министр по чрезвычайным ситуациям Л.Ш. Кудратов — министр инвестиций, промышленности и торговли Ш.Д. Кудбиев — министр экономики и финансов А.А. Азизов — председатель Службы государственной безопасности А.А. Усманов — председатель Государственной службы безопасности Президента Республики Узбекистан Р.M. Джураев — командующий Национальной гвардией Ш.Г. Халмухамедов — первый заместитель министра обороны — начальник Генерального штаба Вооруженных Сил Республики Узбекистан С.Э. Хусанов — заместитель председателя Службы государственной безопасности — командующий Пограничными войсками О.Т. Ходжаакбаров — директор Центра развития электронных технологий По должности — директор Агентства оборонной промышленности при Министерстве обороны
ПРИЛОЖЕНИЕ № 2 к Указу Президента Республики Узбекистан от 31 января 2023 года № УП-16
Организационно-административной группы по реализации задач оснащения Вооруженных Сил Республики Узбекистан
Б.Н. Курбанов — министр обороны, руководитель Группы И.А. Ибрагимов — первый заместитель командующего Национальной гвардией А.T. Нарбаев — заместитель министра обороны по вооружению и оснащению Г.Х. Ёзиев — заместитель председателя Службы государственной безопасности З.А. Абдуллаев — заместитель председателя Государственной службы безопасности Президента Республики Узбекистан Н.К. Холмуродов — первый заместитель министра инвестиций, промышленности и торговли По должности — первый заместитель министра экономики и финансов М.М. Икрамов — заместитель министра юстиции Б.И. Даниярходжаев — советник начальника Центра развития электронных технологий Д.Ю. Бекмуратов — начальник Инспекции Министерства обороны А.А. Абиджанов — начальник Департамента финансового и материального обеспечения Министерства внутренних дел По должности — главный консультант аппарата Совета безопасности при Президенте Республики Узбекистан Ф.К. Рахматов — главный консультант Администрации Президента Республики Узбекистан Ш.Ф. Султанов — ведущий консультант аппарата Совета безопасности при Президенте Республики Узбекистан По должности — директор Агентства оборонной промышленности По должности — директор ГУП «Oʻztextreyd»
ПРИЛОЖЕНИЕ № 3 к Указу Президента Республики Узбекистан от 31 января 2023 года № УП-16
Изменения, вносимые в некоторые акты Президента Республики Узбекистан и Правительства Республики Узбекистан
1. В абзаце втором пункта 8 Указа Президента Республики Узбекистан от 15 мая 2015 года № УП-4725 «О мерах по обеспечению надежной защиты частной собственности, малого бизнеса и частного предпринимательства, снятию преград для их ускоренного развития» слова «20 процентов» заменить словами «18 процентов».
2. В абзаце четвертом подпункта «а» пункта 6 Указа Президента Республики Узбекистан от 14 января 2019 года № УП-5630 «О мерах по коренному совершенствованию системы управления государственными активами, антимонопольного регулирования и рынка капитала» слова «35 процентов» заменить словами «20 процентов».
3. В абзаце втором пункта 14 Указа Президента Республики Узбекистан от 31 января 2020 года № УП-5930 «О дополнительных мерах по ускоренному развитию национальной системы оказания государственных услуг» слова «20 процентов» заменить словами «18 процентов».
4. В абзаце втором пункта 4 постановления Президента Республики Узбекистан от 12 декабря 2017 года № ПП-3430 «Об организации деятельности Агентства государственных услуг при Министерстве юстиции Республики Узбекистан» слова «20 процентов» заменить словами «18 процентов».
5. В графе «Размеры отчислений (в %)» позиции 9 Размеров отчислений от государственных пошлин, сборов и неналоговых платежей, административных и финансовых санкций, направляемых во внебюджетные фонды министерств, государственных комитетов и ведомств, утвержденных постановлением Кабинета Министров от 2 апреля 2010 года № 62, цифру «45» заменить цифрой «40».
Президент Республики Узбекистан Ш. МИРЗИЁЕВ
г. Ташкент,
31 января 2023 г.,
№ УП-16