📅 2023-yil 3-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 3 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 февраля 2023 г. · Постановления Президента
Официальный текст. Официальный документ. Редакционные примечания не включены.
📅 3 February 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ҳаво ҳарорати кескин совиб кетишининг иқтисодиётга салбий таъсирини камайтириш учун тадбиркорлик субъектларини қўллаб-қувватлаш чора-тадбирлари тўғрисида
Ҳаво ҳароратининг кескин совиб кетиши оқибатида қийинчиликларга дуч келган тадбиркорлик субъектларини қўллаб-қувватлаш ва фаолиятини жадал қайта тиклаш мақсадида:
1. Тадбиркорлик субъектларининг 2023 йил 1 январга нисбатан 1 февраль ҳолатига ошган (ҳосил бўлган) солиқ қарзини 2023 йил 1 мартдан 1 июлга қадар фоизларсиз, қўшимча шартлар қўймасдан ва таъминот талаб этмасдан тенг улушларда бўлиб-бўлиб тўлашга рухсат берилсин.
Солиқ қўмитаси солиқ қарзини бўлиб-бўлиб тўлаш имкониятини бериш тўғрисидаги аризаларни 5 кунгача муддатда кўриб чиқсин. Бунда, ҳаво ҳароратининг кескин совиб кетиши даврида тўлиқ қувватда ишлай олмаган солиқ тўловчиларнинг январь ойи якуни бўйича ҳосил бўлган солиқ қарзини бўлиб-бўлиб тўлаш имконияти ҳам берилсин.
2. Тадбиркорлик субъектларининг солиқ қарзига пеня ҳисоблаш 2023 йил 1 апрелга қадар тўхтатилсин.
3. Ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўлланилиши, шунингдек, мазкур қарор кучга киргунига қадар қўлланилган жарималар ундирилиши 2023 йил 1 апрелга қадар тўхтатилсин.
4. Тадбиркорлик субъектларига 2022 йил декабрь ва 2023 йил январь-февраль ойларида давлат мулкидан фойдаланганлик учун ижара тўловларини 2023 йил 1 мартдан бошлаб 1 июлга қадар тенг улушларда бўлиб-бўлиб тўлашга рухсат берилсин.
Давлат мулкидан фойдаланиш юзасидан 2022 йилдан буён амалда бўлган ижара шартномалари бўйича ижара тўловлари миқдори 2023 йил 1 апрелга қадар ўзгаришсиз қолдирилсин.
5. Тадбиркорлик субъектлари томонидан бўлиб-бўлиб тўлаш шарти билан сотиб олинган давлат активлари бўйича 2022 йил декабрь ва 2023 йил январь ойларида тўланиши лозим бўлган тўловлар, шу жумладан дастлабки тўлов тўланмаганлиги учун фоизлар ва пенялар ҳисоблаш 2023 йил 1 апрелга қадар тўхтатиб турилсин.
6. Белгилансинки, 2022 йил декабрь ва 2023 йил январь ойларида давлат харидлари доирасида тузилган шартномалар шартлари ҳаво ҳароратининг кескин совиб кетиши туфайли бажарилмаганлиги учун тадбиркорлик субъектларига давлат буюртмачилари (шу жумладан, устав фондида давлат улуши 50 фоиз ва ундан юқори бўлган корхоналар) томонидан жарима ва пенялар қўлланилмайди.
7. Ҳаво ҳароратининг кескин совиб кетиши оқибатида қийинчиликларга дуч келган тадбиркорлик субъектларига нисбатан 2023 йил 1 апрелга қадар давлат фойдасига ундирувлар билан боғлиқ суд ҳужжатлари ва бошқа органлар ҳужжатларининг мажбурий ижроси тўхтатиб турилсин.
8. Марказий банк (М. Нурмуратов) тижорат банклари билан биргаликда жорий қиш мавсумида ҳаво ҳароратининг кескин совиб кетиши туфайли талафот кўрган тадбиркорлик субъектларининг:
кредитлари бўйича 2023 йил январь — март ойлари учун тўловлар муддатини 2023 йил 1 июнга қадар узайтириш;
муддати ўтган кредитларига жарима санкциялари ва гаров таъминоти бўйича 2023 йил 1 апрелга қадар ундирув чораларини қўлламаслик;
фаолияти узлуксизлигини таъминлашга, шу жумладан вақтинчалик пул оқимларидаги узилишларини қоплаш ва айланма маблағларини тўлдиришга йўналтирилган қисқа муддатли (револьвер) кредит маҳсулотларини олдиндан маъқулланган (модул) қарорлар асосида таклиф этиш;
носоз ҳолга келган асосий воситаларини таъмирлаш учун кредитлар ажратиш;
кредит бюроларида кредитлари бўйича тўловлар муддатининг узайтирилишини уларнинг кредит тарихи ва скоринг кўрсаткичларини текширишда инобатга олмаслик бўйича тегишли чоралар кўрсин.
Бунда, муддати узайтирилаётган кредитлар сифати ёмонроқ таснифланмайди ҳамда ушбу кредитлар бўйича қўшимча эҳтимолий йўқотишларга қарши захиралар шакллантириш талаб этилмайди.
10. Инвестициялар, саноат ва савдо вазирлиги (Л. Кудратов) Иқтисодиёт ва молия вазирлиги (Ш. Кудбиев), Энергетика вазирлиги (Ж. Мирзамаҳмудов), Қишлоқ хўжалиги вазирлиги (А. Воитов), манфаатдор вазирликлар билан биргаликда энг кўп талафот кўрган тармоқларга жорий йилнинг I чорагида қўшимча манзилли ёрдам кўрсатиш чораларини кўрсин.
11. Иқтисодиёт ва молия вазири Ш. Кудбиев 2023 — 2025 йилларга мўлжалланган Ижтимоий ва ишлаб чиқариш инфратузилмасини ривожлантириш дастури доирасида йилдан-йилга ўтувчи объектларда бошланган қурилиш, реконструкция қилиш ва капитал таъмирлаш ишларини амалга ошириш учун 2023 йил 1 февралдан бошлаб молиялаштиришни бошласин.
12. Инвестициялар, саноат ва савдо вазирлиги (Л. Кудратов) ва Савдо-саноат палатаси (Д. Вахобов) жорий қиш мавсумида ҳаво ҳароратининг кескин совиб кетиши туфайли талафот кўрган тадбиркорлик субъектларининг мурожаатлари асосида бир кун муддатда енгиб бўлмайдиган кучлар (форс-мажор) ҳолатларини кўриб чиқсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 3 февраль,
ПҚ-43-сон
Oʻzbekiston Respublikasi Prezidentining
Qarori
Havo harorati keskin sovib ketishining iqtisodiyotga salbiy taʼsirini kamaytirish uchun tadbirkorlik subyektlarini qoʻllab-quvvatlash chora-tadbirlari toʻgʻrisida
Havo haroratining keskin sovib ketishi oqibatida qiyinchiliklarga duch kelgan tadbirkorlik subyektlarini qoʻllab-quvvatlash va faoliyatini jadal qayta tiklash maqsadida:
1. Tadbirkorlik subyektlarining 2023-yil 1-yanvarga nisbatan 1-fevral holatiga oshgan (hosil boʻlgan) soliq qarzini 2023-yil 1-martdan 1-iyulga qadar foizlarsiz, qoʻshimcha shartlar qoʻymasdan va taʼminot talab etmasdan teng ulushlarda boʻlib-boʻlib toʻlashga ruxsat berilsin.
Soliq qoʻmitasi soliq qarzini boʻlib-boʻlib toʻlash imkoniyatini berish toʻgʻrisidagi arizalarni 5 kungacha muddatda koʻrib chiqsin. Bunda, havo haroratining keskin sovib ketishi davrida toʻliq quvvatda ishlay olmagan soliq toʻlovchilarning yanvar oyi yakuni boʻyicha hosil boʻlgan soliq qarzini boʻlib-boʻlib toʻlash imkoniyati ham berilsin.
2. Tadbirkorlik subyektlarining soliq qarziga penya hisoblash 2023-yil 1-aprelga qadar toʻxtatilsin.
3. Tashqi savdo operatsiyalari boʻyicha muddati oʻtgan debitor qarzdorlik uchun xoʻjalik yurituvchi subyektlarga jarimalar qoʻllanilishi, shuningdek, mazkur qaror kuchga kirguniga qadar qoʻllanilgan jarimalar undirilishi 2023-yil 1-aprelga qadar toʻxtatilsin.
4. Tadbirkorlik subyektlariga 2022-yil dekabr va 2023-yil yanvar-fevral oylarida davlat mulkidan foydalanganlik uchun ijara toʻlovlarini 2023-yil 1-martdan boshlab 1-iyulga qadar teng ulushlarda boʻlib-boʻlib toʻlashga ruxsat berilsin.
Davlat mulkidan foydalanish yuzasidan 2022-yildan buyon amalda boʻlgan ijara shartnomalari boʻyicha ijara toʻlovlari miqdori 2023-yil 1-aprelga qadar oʻzgarishsiz qoldirilsin.
5. Tadbirkorlik subyektlari tomonidan boʻlib-boʻlib toʻlash sharti bilan sotib olingan davlat aktivlari boʻyicha 2022-yil dekabr va 2023-yil yanvar oylarida toʻlanishi lozim boʻlgan toʻlovlar, shu jumladan dastlabki toʻlov toʻlanmaganligi uchun foizlar va penyalar hisoblash 2023-yil 1-aprelga qadar toʻxtatib turilsin.
6. Belgilansinki, 2022-yil dekabr va 2023-yil yanvar oylarida davlat xaridlari doirasida tuzilgan shartnomalar shartlari havo haroratining keskin sovib ketishi tufayli bajarilmaganligi uchun tadbirkorlik subyektlariga davlat buyurtmachilari (shu jumladan, ustav fondida davlat ulushi 50 foiz va undan yuqori boʻlgan korxonalar) tomonidan jarima va penyalar qoʻllanilmaydi.
7. Havo haroratining keskin sovib ketishi oqibatida qiyinchiliklarga duch kelgan tadbirkorlik subyektlariga nisbatan 2023-yil 1-aprelga qadar davlat foydasiga undiruvlar bilan bogʻliq sud hujjatlari va boshqa organlar hujjatlarining majburiy ijrosi toʻxtatib turilsin.
8. Markaziy bank (M. Nurmuratov) tijorat banklari bilan birgalikda joriy qish mavsumida havo haroratining keskin sovib ketishi tufayli talafot koʻrgan tadbirkorlik subyektlarining:
kreditlari boʻyicha 2023-yil yanvar — mart oylari uchun toʻlovlar muddatini 2023-yil 1-iyunga qadar uzaytirish;
muddati oʻtgan kreditlariga jarima sanksiyalari va garov taʼminoti boʻyicha 2023-yil 1-aprelga qadar undiruv choralarini qoʻllamaslik;
faoliyati uzluksizligini taʼminlashga, shu jumladan vaqtinchalik pul oqimlaridagi uzilishlarini qoplash va aylanma mablagʻlarini toʻldirishga yoʻnaltirilgan qisqa muddatli (revolver) kredit mahsulotlarini oldindan maʼqullangan (modul) qarorlar asosida taklif etish;
nosoz holga kelgan asosiy vositalarini taʼmirlash uchun kreditlar ajratish;
kredit byurolarida kreditlari boʻyicha toʻlovlar muddatining uzaytirilishini ularning kredit tarixi va skoring koʻrsatkichlarini tekshirishda inobatga olmaslik boʻyicha tegishli choralar koʻrsin.
Bunda, muddati uzaytirilayotgan kreditlar sifati yomonroq tasniflanmaydi hamda ushbu kreditlar boʻyicha qoʻshimcha ehtimoliy yoʻqotishlarga qarshi zaxiralar shakllantirish talab etilmaydi.
10. Investitsiyalar, sanoat va savdo vazirligi (L. Kudratov) Iqtisodiyot va moliya vazirligi (Sh. Kudbiyev), Energetika vazirligi (J. Mirzamahmudov), Qishloq xoʻjaligi vazirligi (A. Voitov), manfaatdor vazirliklar bilan birgalikda eng koʻp talafot koʻrgan tarmoqlarga joriy yilning I choragida qoʻshimcha manzilli yordam koʻrsatish choralarini koʻrsin.
11. Iqtisodiyot va moliya vaziri Sh. Kudbiyev 2023 — 2025-yillarga moʻljallangan Ijtimoiy va ishlab chiqarish infratuzilmasini rivojlantirish dasturi doirasida yildan-yilga oʻtuvchi obyektlarda boshlangan qurilish, rekonstruksiya qilish va kapital taʼmirlash ishlarini amalga oshirish uchun 2023-yil 1-fevraldan boshlab moliyalashtirishni boshlasin.
12. Investitsiyalar, sanoat va savdo vazirligi (L. Kudratov) va Savdo-sanoat palatasi (D. Vaxobov) joriy qish mavsumida havo haroratining keskin sovib ketishi tufayli talafot koʻrgan tadbirkorlik subyektlarining murojaatlari asosida bir kun muddatda yengib boʻlmaydigan kuchlar (fors-major) holatlarini koʻrib chiqsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 3-fevral,
PQ-43-son
Президента Республики Узбекистан
Постановление
О мерах поддержки субъектов предпринимательства для уменьшения негативного воздействия на экономику резкого снижения температуры воздуха
В целях поддержки и ускоренного восстановления деятельности субъектов предпринимательства, столкнувшихся с затруднениями вследствие резкого снижения температуры воздуха:
1. Разрешить субъектам предпринимательства оплачивать налоговую задолженность, увеличившуюся (образовавшуюся) по состоянию на 1 февраля по отношению к 1 января 2023 года, в рассрочку в равных долях с 1 марта по 1 июля 2023 года без начисления процентов, выставления дополнительных условий и требования обеспечения.
Налоговому комитету рассматривать заявления о предоставлении возможности оплаты в рассрочку налоговой задолженности в срок до пяти дней. При этом предоставить возможность оплаты в рассрочку налоговой задолженности, образовавшейся по итогам января, также налогоплательщикам, не имевшим возможности работать на полную мощность в период резкого снижения температуры воздуха.
2. Приостановить до 1 апреля 2023 года начисление пени по налоговой задолженности субъектов предпринимательства.
3. Приостановить до 1 апреля 2023 года применение штрафных санкций к хозяйствующим субъектам за просроченную дебиторскую задолженность по внешнеторговым операциям, а также взыскание штрафных санкций, наложенных до вступления в силу настоящего постановления.
4. Разрешить субъектам предпринимательства уплату с 1 марта по 1 июля 2023 года в рассрочку в равных долях арендных платежей за пользование государственным имуществом в декабре 2022 года и январе-феврале 2023 года.
Оставить без изменений до 1 апреля 2023 года размер арендных платежей за пользование государственным имуществом по договорам аренды, действующим с 2022 года.
5. Приостановить до 1 апреля 2023 года начисление процентов и пени за невыплату платежей по государственным активам, приобретенным субъектами предпринимательства с условием оплаты в рассрочку, подлежащих выплате в декабре 2022 года и январе 2023 года, в том числе первоначального платежа.
6. Установить, что государственными заказчиками (включая предприятия, в уставном фонде которых государственная доля составляет 50 процентов и более) за невыполнение в декабре 2022 года и январе 2023 года условий договоров, заключенных в рамках государственных закупок, по причине резкого снижения температуры воздуха к субъектам предпринимательства штрафы и пени не применяются.
7. Приостановить до 1 апреля 2023 года принудительное исполнение судебных актов и актов иных органов, связанных с взысканием в пользу государства, в отношении субъектов предпринимательства, столкнувшихся с затруднениями вследствие резкого снижения температуры воздуха.
8. Центральному банку (М. Нурмуратов) совместно с коммерческими банками принять соответствующие меры по поддержке субъектов предпринимательства, понесших потери по причине резкого снижения температуры воздуха в текущий зимний сезон, включающие:
продление до 1 июня 2023 года сроков оплаты их кредитов, приходящихся на январь — март 2023 года;
неприменение до 1 апреля 2023 года мер взыскания по штрафным санкциям и залоговому обеспечению в отношении их просроченных кредитов;
предложение краткосрочной (револьверной) кредитной продукции, направленной на обеспечение их непрерывной деятельности, в том числе возмещение временного прерывания денежного потока и пополнение их оборотных средств, на основе заблаговременно одобренных (модульных) решений;
выделение кредитов на ремонт их основных средств, пришедших в неисправное состояние;
непринятие во внимание продления сроков оплаты по их кредитам при проверке их кредитной истории и показателей скоринга в кредитных бюро.
При этом классификация качества кредитов, сроки которых продлеваются, не ухудшается и формирование по ним дополнительных резервов от возможных потерь не требуется.
10. Министерству инвестиций, промышленности и торговли (Л. Кудратов) совместно с Министерством экономики и финансов (Ш. Кудбиев), Министерством энергетики (Ж. Мирзамахмудов), Министерством сельского хозяйства (А. Воитов) и заинтересованными министерствами принять меры по оказанию в первом квартале текущего года дополнительной адресной помощи отраслям, понесшим наиболее ощутимые потери.
11. Министру экономики и финансов Ш. Кудбиеву с 1 февраля 2023 года начать финансирование для осуществления работ по строительству, реконструкции и капитальному ремонту начатых на переходящих из года в год объектах в рамках Программы развития социальной и производственной инфраструктуры на 2023 — 2025 годы.
12. Министерству инвестиций, промышленности и торговли (Л. Кудратов) и Торгово-промышленной палате (Д. Вахобов) рассматривать в однодневный срок обстоятельства непреодолимой силы (форс-мажор) на основании обращений субъектов предпринимательства, понесших потери по причине резкого снижения температуры воздуха в текущий зимний сезон.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
3 февраля 2023 г.,
№ ПП-43