📅 2023-yil 6-fevral · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 6 февраль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 6 февраля 2023 г. · Законы и кодексы
Официальный текст. Официальный документ. Редакционные примечания не включены.
📅 6 February 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига қўшимча ва ўзгартишлар киритиш тўғрисида
Қонунчилик палатаси томонидан 2022 йил 9 августда қабул қилинган Сенат томонидан 2022 йил 27 декабрда маъқулланган
Мамлакатимизда йўл ҳаракати хавфсизлиги тизимини такомиллаштиришга, шу жумладан ҳайдовчилар ва пиёдаларнинг йўл ҳаракати қоидаларига риоя этиш маданиятини оширишга, ҳайдовчиларни тайёрлаш ва қайта тайёрлаш тизимини яхшилашга, шунингдек илғор ахборот-коммуникация технологияларини жорий этишни кенгайтириш орқали йўл ҳаракатини ташкил этишни тўлиқ рақамлаштиришга қаратилган кенг қамровли ишлар амалга оширилмоқда.
Шу билан бирга, ҳозирги вақтда автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ҳамда уларнинг малакасини ошириш бўйича фаолият олиб бориш соҳасида қонунчиликда назарда тутилган талаблар ва шартларга риоя этилиши устидан назорат қилиш, шунингдек ўқитиш, назарий ҳамда амалий имтиҳонлар жараёнлари тизимида назорат қилиш бўйича ягона ваколатли давлат органини белгилаш зарурияти юзага келмоқда.
Ушбу Қонун Ўзбекистон Республикаси Ички ишлар вазирлигини автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш бўйича фаолиятни, шунингдек автомототранспорт воситалари ва шаҳар электр транспорти воситалари ҳайдовчиларининг малакасини ошириш юзасидан хабардор қилиш тартибида амалга ошириладиган фаолиятни лицензиялаш бўйича ваколатли орган этиб белгилашни назарда тутади.
Ушбу Қонун мамлакатимизда ҳайдовчиларни тайёрлаш, қайта тайёрлаш ва уларнинг малакасини ошириш тизимининг самарадорлигини оширишга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар) иловасига қуйидаги қўшимча ва ўзгартиш киритилсин:
1) 21-банд қуйидаги мазмундаги «в» кичик банд билан тўлдирилсин:
« в) автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш соҳасида нодавлат таълим хизматларини кўрсатиш бўйича фаолият — БҲМнинг 10 баравари » ;
2) 29-банд қуйидаги таҳрирда баён этилсин:
« 29. Фаолиятнинг айрим турларини Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан лицензиялаганлик учун тўланадиган давлат божи: нодавлат таълим хизматлари кўрсатиш соҳасидаги фаолият, бундан автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш соҳасидаги фаолият мустасно — БҲМнинг 10 баравари » .
2-модда. Ўзбекистон Республикасининг 2021 йил 14 июлда қабул қилинган «Лицензиялаш, рухсат бериш ва хабардор қилиш тартиб-таомиллари тўғрисида»ги ЎРҚ-701-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 661-модда; 2022 йил, № 4, 340-модда, № 5, 465-модда) қуйидаги ўзгартишлар киритилсин:
1) 1-илованинг 1-позицияси қуйидаги таҳрирда баён этилсин:
« Т/р Лицензиянинг номи Лицензияланадиган фаолиятнинг кичик турлари Лицензиялаш соҳасидаги ваколатли органлар 1. Нодавлат таълим хизматларини кўрсатиш соҳасидаги фаолият учун лицензия Мактабгача таълим хизматлари (бундан оилавий нодавлат мактабгача таълим ташкилотларининг хизматлари мустасно); Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси умумий ўрта ва ўрта махсус таълим хизматлари; профессионал таълим хизматлари; олий таълим хизматлари; олий таълимдан кейинги таълим хизматлари; автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш . Ўзбекистон Республикаси Ички ишлар вазирлиги » ;
2) 3-илованинг 13-позициясидаги «Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси» деган сўзлар «Ўзбекистон Республикаси Ички ишлар вазирлиги» деган сўзлар билан алмаштирилсин.
3-модда. Ўзбекистон Республикаси Ички ишлар вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан уч ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 6 февраль,
ЎРҚ-816-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga qoʻshimcha va oʻzgartishlar kiritish toʻgʻrisida
Qonunchilik palatasi tomonidan 2022-yil 9-avgustda qabul qilingan Senat tomonidan 2022-yil 27-dekabrda maʼqullangan
Mamlakatimizda yoʻl harakati xavfsizligi tizimini takomillashtirishga, shu jumladan haydovchilar va piyodalarning yoʻl harakati qoidalariga rioya etish madaniyatini oshirishga, haydovchilarni tayyorlash va qayta tayyorlash tizimini yaxshilashga, shuningdek ilgʻor axborot-kommunikatsiya texnologiyalarini joriy etishni kengaytirish orqali yoʻl harakatini tashkil etishni toʻliq raqamlashtirishga qaratilgan keng qamrovli ishlar amalga oshirilmoqda.
Shu bilan birga, hozirgi vaqtda avtomototransport vositalari va shahar elektr transporti vositalari haydovchilarini tayyorlash, qayta tayyorlash hamda ularning malakasini oshirish boʻyicha faoliyat olib borish sohasida qonunchilikda nazarda tutilgan talablar va shartlarga rioya etilishi ustidan nazorat qilish, shuningdek oʻqitish, nazariy hamda amaliy imtihonlar jarayonlari tizimida nazorat qilish boʻyicha yagona vakolatli davlat organini belgilash zaruriyati yuzaga kelmoqda.
Ushbu Qonun Oʻzbekiston Respublikasi Ichki ishlar vazirligini avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha faoliyatni, shuningdek avtomototransport vositalari va shahar elektr transporti vositalari haydovchilarining malakasini oshirish yuzasidan xabardor qilish tartibida amalga oshiriladigan faoliyatni litsenziyalash boʻyicha vakolatli organ etib belgilashni nazarda tutadi.
Ushbu Qonun mamlakatimizda haydovchilarni tayyorlash, qayta tayyorlash va ularning malakasini oshirish tizimining samaradorligini oshirishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar) ilovasiga quyidagi qoʻshimcha va oʻzgartish kiritilsin:
1) 21-band quyidagi mazmundagi “v” kichik band bilan toʻldirilsin:
“ v) avtomototransport vositalari va shahar elektr transporti vositalari haydovchilarini tayyorlash hamda qayta tayyorlash sohasida nodavlat taʼlim xizmatlarini koʻrsatish boʻyicha faoliyat — BHMning 10 baravari ” ;
2) 29-band quyidagi tahrirda bayon etilsin:
“ 29. Faoliyatning ayrim turlarini Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan litsenziyalaganlik uchun toʻlanadigan davlat boji: nodavlat taʼlim xizmatlari koʻrsatish sohasidagi faoliyat, bundan avtomototransport vositalari va shahar elektr transporti vositalari haydovchilarini tayyorlash hamda qayta tayyorlash sohasidagi faoliyat mustasno — BHMning 10 baravari ” .
2-modda. Oʻzbekiston Respublikasining 2021-yil 14-iyulda qabul qilingan “Litsenziyalash, ruxsat berish va xabardor qilish tartib-taomillari toʻgʻrisida”gi OʻRQ-701-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 7, 661-modda; 2022-yil, № 4, 340-modda, № 5, 465-modda) quyidagi oʻzgartishlar kiritilsin:
1) 1-ilovaning 1-pozitsiyasi quyidagi tahrirda bayon etilsin:
“ T/r Litsenziyaning nomi Litsenziyalanadigan faoliyatning kichik turlari Litsenziyalash sohasidagi vakolatli organlar 1. Nodavlat taʼlim xizmatlarini koʻrsatish sohasidagi faoliyat uchun litsenziya Maktabgacha taʼlim xizmatlari (bundan oilaviy nodavlat maktabgacha taʼlim tashkilotlarining xizmatlari mustasno); Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi umumiy oʻrta va oʻrta maxsus taʼlim xizmatlari; professional taʼlim xizmatlari; oliy taʼlim xizmatlari; oliy taʼlimdan keyingi taʼlim xizmatlari; avtomototransport vositalari va shahar elektr transporti vositalari haydovchilarini tayyorlash hamda qayta tayyorlash . Oʻzbekiston Respublikasi Ichki ishlar vazirligi ” ;
2) 3-ilovaning 13-pozitsiyasidagi “Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi” degan soʻzlar “Oʻzbekiston Respublikasi Ichki ishlar vazirligi” degan soʻzlar bilan almashtirilsin.
3-modda. Oʻzbekiston Respublikasi Ichki ishlar vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 6-fevral,
OʻRQ-816-son
Закон Республики Узбекистан
О внесении дополнения и изменений в некоторые законодательные акты Республики Узбекистан
Принят Законодательной палатой 9 августа 2022 года Одобрен Сенатом 27 декабря 2022 года
В стране проводится широкомасштабная работа по совершенствованию системы безопасности дорожного движения, направленная в том числе на повышение культуры соблюдения правил дорожного движения водителями и пешеходами, улучшение системы подготовки и переподготовки водителей, а также полную цифровизацию организации дорожного движения путем расширения внедрения передовых информационно-коммуникационных технологий.
Вместе с тем в настоящее время возникает необходимость определения в сфере ведения деятельности по подготовке, переподготовке и повышению квалификации водителей автомототранспортных средств и средств городского электрического транспорта единого уполномоченного государственного органа по контролю за соблюдением требований и условий, предусмотренных законодательством, а также по контролю в системе процессов обучения, теоретических и практических экзаменов.
Настоящим Законом предусматривается определение Министерства внутренних дел Республики Узбекистан уполномоченным органом по лицензированию деятельности по подготовке и переподготовке водителей автомототранспортных средств и средств городского электрического транспорта, а также деятельности по повышению квалификации водителей автомототранспортных средств и средств городского электрического транспорта, осуществлямой в уведомительном порядке.
Настоящий Закон послужит повышению эффективности системы подготовки, переподготовки и повышения квалификации водителей в стране.
Статья 1. Внести в приложение к Закону Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467) следующие дополнение и изменение:
1) пункт 21 дополнить подпунктом «в» следующего содержания:
« в) деятельность по оказанию негосударственных образовательных услуг в сфере подготовки и переподготовки водителей автомототранспортных средств и средств городского электрического транспорта — 10-кратный размер БРВ »;
2) пункт 29 изложить в следующей редакции:
« 29. Государственная пошлина, уплачиваемая за лицензирование отдельных видов деятельности Государственной инспекцией по надзору за качеством образования при Кабинете Министров Республики Узбекистан деятельность в сфере оказания негосударственных образовательных услуг, за исключением деятельности в сфере подготовки и переподготовки водителей автомототранспортных средств и средств городского электрического транспорта — 10-кратный размер БРВ ».
Статья 2. Внести в Закон Республики Узбекистан от 14 июля 2021 года № ЗРУ-701 «О лицензировании, разрешительных и уведомительных процедурах» (Ведомости палат Олий Мажлиса Республики Узбекистан, 2021 г., № 7, ст. 661; 2022 г., № 4, ст. 340, № 5, ст. 465) следующие изменения:
1) позицию 1 приложения № 1 изложить в следующей редакции:
« № Наименование лицензий Подвиды лицензионной деятельности Уполномоченные органы в области лицензирования 1. Лицензия для деятельности в сфере оказания негосударственных образовательных услуг Услуги дошкольного образования (за исключением семейных негосударственных дошкольных образовательных услуг); Государственная инспекция по надзору за качеством образования при Кабинете Министров Республики Узбекистан услуги общего среднего и среднего специального образования; услуги профессионального образования; услуги высшего образования; услуги послевузовского образования; подготовка и переподготовка водителей автомототранспортных средств и средств городского электрического транспорта. Министерство внутренних дел Республики Узбекистан »;
2) в позиции 13 приложения № 3 слова «Государственная инспекция по надзору за качеством образования при Кабинете Министров Республики Узбекистан» заменить словами «Министерство внутренних дел Республики Узбекистан».
Статья 3. Министерству внутренних дел Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 5. Настоящий Закон вступает в силу по истечении трех месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
6 февраля 2023 г.,
№ ЗРУ-816