📅 2023-yil 9-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 9 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 февраля 2023 г. · Постановления Президента
Официальный текст. Официальный документ. Редакционные примечания не включены.
📅 9 February 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент шаҳрининг ижтимоий-иқтисодий вазифаларини жадал суръатларда ҳал этиш ҳамда аҳоли фаровонлигини яхшилашга доир қўшимча чора-тадбирлар тўғрисида
Тошкент шаҳри маҳаллаларининг инфратузилмасини ривожлантириш, ҳаво ҳарорати кескин совиб кетиши даврида талафот кўрган маҳаллалардаги ички йўллар, пиёдалар йўлаклари, муҳандислик-коммуникация объектларини таъмирлаш мақсадида:
1. Иқтисодиёт ва молия вазирлиги ҳамда Тошкент шаҳар ҳокимлигининг Тикланиш ва тараққиёт жамғармаси (кейинги ўринларда — Жамғарма) ҳисобидан Тошкент шаҳри маҳаллаларининг инфратузилмасини ривожлантириш, ҳаво ҳарорати кескин совиб кетиши даврида талафот кўрган маҳаллалардаги ички йўллар, пиёдалар йўлаклари, муҳандислик-коммуникация объектларини таъмирлаш, ҳамда болалар ва спорт майдончаларини қуриш, маҳалла ҳудудида микро хиёбонлар ташкил этиш, ирригация ишлари, кўп қаватли уйларнинг том ва фасад қисмларини таъмирлаш ҳамда аҳоли кайфияти ва яшаш сифатига ижобий таъсир қилувчи ободонлаштириш, таъмирлаш ва бошқа қурилиш ишлари учун Тошкент шаҳар ҳокимлигига 584 миллиард сўм миқдорида фоизсиз кредит ажратиш тўғрисидаги таклифи маъқуллансин.
Белгилансинки, мазкур кредит маблағларининг 200 миллиард сўми 2023 йилнинг IV чорагида, 384 миллиард сўми 2024 йилнинг ҳар чорагида тенг улушларда Тошкент шаҳар маҳаллий бюджетининг қўшимча манбалари ҳисобидан Жамғармага қайтарилади.
1 1 . Иқтисодиёт ва молия вазирлиги икки ҳафта муддатда Тошкент шаҳри маҳаллалардаги ички йўллар, пиёдалар йўлаклари, муҳандислик-коммуникация объектларини таъмирлаш, болалар ҳамда спорт майдончаларини қуриш, маҳалла ҳудудида микро хиёбонлар ташкил этиш, ирригация ишлари, кўп қаватли уйларнинг том ва фасад қисмларини таъмирлаш ҳамда аҳоли кайфияти ва яшаш сифатига ижобий таъсир қилувчи ободонлаштириш, таъмирлаш ва бошқа қурилиш ишлари учун Тошкент шаҳар маҳаллий бюджетига Ўзбекистон Республикаси республика бюджети ҳисобидан 211 миллиард сўм миқдорида ажратсин.
2. Тошкент шаҳар ҳокимлиги мазкур қарорнинг 1 ва 1 1 -бандларга мувофиқ ажратилган маблағлар ҳисобидан Тошкент шаҳридаги маҳаллаларга амалга ошириладиган қурилиш, таъмирлаш ва ободонлаштириш ишларидан келиб чиқиб маблағ ажратсин.
Тошкент шаҳрининг туман ҳокимликлари маҳаллалар раислари билан биргаликда маҳаллаларнинг инфратузилмасини ривожлантириш бўйича амалга ошириладиган лойиҳаларнинг рўйхатларини халқ депутатлари туман Кенгашлари йиғилишида муҳокама қилиб, тасдиқласин.
3. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 9 февраль,
ПҚ-50-сон
Oʻzbekiston Respublikasi Prezidentining
Qarori
Toshkent shahrining ijtimoiy-iqtisodiy vazifalarini jadal surʼatlarda hal etish hamda aholi farovonligini yaxshilashga doir qoʻshimcha chora-tadbirlar toʻgʻrisida
Toshkent shahri mahallalarining infratuzilmasini rivojlantirish, havo harorati keskin sovib ketishi davrida talafot koʻrgan mahallalardagi ichki yoʻllar, piyodalar yoʻlaklari, muhandislik-kommunikatsiya obyektlarini taʼmirlash maqsadida:
1. Iqtisodiyot va moliya vazirligi hamda Toshkent shahar hokimligining Tiklanish va taraqqiyot jamgʻarmasi (keyingi oʻrinlarda — Jamgʻarma) hisobidan Toshkent shahri mahallalarining infratuzilmasini rivojlantirish, havo harorati keskin sovib ketishi davrida talafot koʻrgan mahallalardagi ichki yoʻllar, piyodalar yoʻlaklari, muhandislik-kommunikatsiya obyektlarini taʼmirlash, hamda bolalar va sport maydonchalarini qurish, mahalla hududida mikro xiyobonlar tashkil etish, irrigatsiya ishlari, koʻp qavatli uylarning tom va fasad qismlarini taʼmirlash hamda aholi kayfiyati va yashash sifatiga ijobiy taʼsir qiluvchi obodonlashtirish, taʼmirlash va boshqa qurilish ishlari uchun Toshkent shahar hokimligiga 584 milliard soʻm miqdorida foizsiz kredit ajratish toʻgʻrisidagi taklifi maʼqullansin.
Belgilansinki, mazkur kredit mablagʻlarining 200 milliard soʻmi 2023-yilning IV choragida, 384 milliard soʻmi 2024-yilning har choragida teng ulushlarda Toshkent shahar mahalliy budjetining qoʻshimcha manbalari hisobidan Jamgʻarmaga qaytariladi.
1 1 . Iqtisodiyot va moliya vazirligi ikki hafta muddatda Toshkent shahri mahallalardagi ichki yoʻllar, piyodalar yoʻlaklari, muhandislik-kommunikatsiya obyektlarini taʼmirlash, bolalar hamda sport maydonchalarini qurish, mahalla hududida mikro xiyobonlar tashkil etish, irrigatsiya ishlari, koʻp qavatli uylarning tom va fasad qismlarini taʼmirlash hamda aholi kayfiyati va yashash sifatiga ijobiy taʼsir qiluvchi obodonlashtirish, taʼmirlash va boshqa qurilish ishlari uchun Toshkent shahar mahalliy budjetiga Oʻzbekiston Respublikasi respublika budjeti hisobidan 211 milliard soʻm miqdorida ajratsin.
2. Toshkent shahar hokimligi mazkur qarorning 1 va 1 1 -bandlarga muvofiq ajratilgan mablagʻlar hisobidan Toshkent shahridagi mahallalarga amalga oshiriladigan qurilish, taʼmirlash va obodonlashtirish ishlaridan kelib chiqib mablagʻ ajratsin.
Toshkent shahrining tuman hokimliklari mahallalar raislari bilan birgalikda mahallalarning infratuzilmasini rivojlantirish boʻyicha amalga oshiriladigan loyihalarning roʻyxatlarini xalq deputatlari tuman Kengashlari yigʻilishida muhokama qilib, tasdiqlasin.
3. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 9-fevral,
PQ-50-son
Президента Республики Узбекистан
Постановление
О дополнительных мерах по ускоренному решению социально-экономических задач и улучшению благосостояния населения города Ташкента
В целях развития инфраструктуры махаллей, ремонта внутренних дорог, пешеходных дорожек, инженерно-коммуникационных объектов махаллей города Ташкента, пострадавших в период резкого снижения температуры воздуха:
1. Одобрить предложение Министерства экономики и финансов и хокимията города Ташкента о выделении хокимияту города Ташкента беспроцентного кредита в размере 584 миллиардов сумов за счет Фонда реконструкции и развития (далее – Фонд) на развитие инфраструктуры махаллей, ремонт внутренних дорог, пешеходных дорожек, инженерно-коммуникационных объектов махаллей города Ташкента, пострадавших в период резкого снижения температуры воздуха, а также строительство детских и спортивных площадок, создание микроскверов на территории махалли, ирригационные работы, ремонт кровельной и фасадной частей многоэтажных домов, а также благоустройство, ремонт и другие строительные работы на объектах, положительно влияющих на настроение и качество жизни населения.
Установить, что 200 миллиардов сумов указанных кредитных средств возвращается Фонду за счет дополнительных источников местного бюджета города Ташкента в IV квартале 2023 года, 384 миллиарда сумов — в каждом квартале 2024 года в равных долях.
1 1 . Министерству экономики и финансов в двухнедельный срок выделить в местный бюджет города Ташкента 211 миллиардов сумов за счет республиканского бюджета Республики Узбекистан на ремонт внутренних дорог, пешеходных дорожек, инженерно-коммуникационных объектов махаллей города Ташкента, строительство детских и спортивных площадок, создание микроскверов на территории махалли, ирригационные работы, ремонт кровельной и фасадной частей многоэтажных домов, а также благоустройство, ремонт и другие строительные работы на объектах, положительно влияющих на настроение и качество жизни населения.
2. Хокимияту города Ташкента за счет выделенных средств, в соответствии с пунктами 1 и 1 1 настоящего постановления выделить средства исходя из строительства, ремонта и благоустройства, осуществляемых в махаллях города Ташкента.
Хокимиятам районов города Ташкента совместно с председателями махаллей обсудить и утвердить на заседаниях Кенгашей народных депутатов районов перечни реализуемых проектов по развитию инфраструктуры махаллей.
3. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
9 февраля 2023 г.,
№ ПП-50