📅 2023-yil 10-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 10 февраля 2023 г. · Указы Президента
Официальный текст. Официальный документ. Редакционные примечания не включены.
📅 10 February 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тадбиркорлик субъектларини тоифаларга ажратиш мезонлари ҳамда солиқ сиёсати ва солиқ маъмуриятчилигини янада такомиллаштириш чора-тадбирлари тўғрисида
Тадбиркорлик фаолиятини амалга ошириш учун қулай шарт-шароитларни яратишга қаратилган солиқ ислоҳотларини изчил давом эттириш, солиқ маъмуриятчилигини янада такомиллаштириш ҳамда 2022 йилнинг 22 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган устувор вазифалар ижросини таъминлаш мақсадида:
1. Иқтисодиёт ва молия вазирлиги, Адлия вазирлиги ва Савдо-саноат палатасининг тадбиркорлик субъектларини қуйидаги мезонлар асосида тоифаларга ажратиш тўғрисидаги таклифи маъқуллансин:
а) кичик тадбиркорлик субъектлари:
якка тартибдаги тадбиркорлар;
микрофирмалар — таъсисчилари (иштирокчилари) жисмоний шахслар бўлган ҳамда жами даромади календарь йил давомида 1 миллиард сўмгача бўлган тадбиркорлик субъектлари;
кичик корхоналар — жами даромади календарь йил давомида 1 миллиард сўмдан 10 миллиард сўмгача бўлган ҳамда ушбу кичик банднинг учинчи хатбошисидаги таъсисчилари (иштирокчилари) юридик шахслар бўлган тадбиркорлик субъектлари;
б) ўрта тадбиркорлик субъектлари — жами даромади календарь йил давомида 10 миллиард сўмдан 100 миллиард сўмгача бўлган тадбиркорлик субъектлари;
в) йирик тадбиркорлик субъектлари — жами даромади календарь йил давомида 100 миллиард сўм ва ундан юқори бўлган тадбиркорлик субъектлари.
Тадбиркорлик субъектларини солиққа тортиш қонун ҳужжатларига мувофиқ амалга оширилиши маълумот учун қабул қилинсин.
2. Белгилансинки, 2023 йил 1 апрелдан бошлаб:
б) жами даромади 10 миллиард сўмдан кам бўлмаган тадбиркорлик субъектлари учун давлат харидларида 20 фоизлик квота жорий этилади ва ушбу харидлар доирасида бюджет буюртмачилари билан тузиладиган шартномаларда 50 фоиз миқдорида олдиндан тўловни амалга ошириш назарда тутилади.
Бунда, солиқ органлари томонидан жами даромади 10 миллиард сўмдан ошган тадбиркорлик субъектлари тўғрисидаги маълумотлар шакллантирилади ва махсус ахборот портали билан маълумот алмашинуви таъминланади;
в) давлат харидларида энг яхши таклифларни танлаш ва тендер савдоларида иштирокчилар таклифларини баҳолашда қўшилган қиймат солиғи суммаси инобатга олинмайди;
г) юқори қўшилган қийматли мис маҳсулотларини экспорт қилувчи корхоналарнинг маҳсулотлар ишлаб чиқариш ва уларни ташқи бозорга сотиш билан боғлиқ харажатларини экспорт қийматининг 6 фоизигача қоплаш тартиби бекор қилинади.
Иқтисодиёт ва молия вазирлиги икки ой муддатда ишончли солиқ тўловчиларни инсон омилисиз аниқлаш ва уларга давлат харидларида устунлик берилишини назарда тутувчи Ҳукумат қарори лойиҳасини Вазирлар Маҳкамасига киритсин.
3. Иқтисодиёт ва молия вазирлигининг Инновацион фаолиятни қўллаб-қувватлаш жамғармасига ажратмалар суммаларини «Навоий кон-металлургия комбинати» АЖ ва «Олмалиқ кон-металлургия комбинати» АЖ учун 10 миллиард сўм этиб қатъий белгиланган миқдорда ўрнатиш тўғрисидаги таклифига розилик берилсин.
4. Дори воситаларининг давлат соғлиқни сақлаш муассасаларига бепул берилиши ёки амал қилиш муддати қисқалиги сабабли нархи пасайтирилган қиймат бўйича реализация қилиниши иқтисодий жиҳатдан ўзини оқлайдиган харажатлар (зарарлар) деб эътироф этилиши ва мос равишда фойда солиғини ҳисоблашда чегириб ташланиши маълумот учун қабул қилинсин.
5. Рақамли технологиялар вазирлиги Иқтисодиёт ва молия вазирлиги билан биргаликда икки ой муддатда ахборот-коммуникация технологиялари соҳасидаги хизматлар турларини аниқ белгилашни назарда тутувчи Ҳукумат қарори лойиҳасини Вазирлар Маҳкамасига киритсин.
6. Қўшилган қиймат солиғини қоплаш тартибини янада такомиллаштириш, шунингдек, солиқни ноқонуний қоплаш ҳолатларининг олдини олиш мақсадида 2023 йил 1 октябрга қадар тажриба тариқасида товарларни (хизматларни) сотиб олиш ва (ёки) реализация қилиш билан боғлиқ битимларда иштирок этган контрагентлар — сотувчилар (харидорлар) томонидан қўшилган қиймат солиғининг кам тўланганлиги (солиқ узилиши) аниқланганда, Солиқ қўмитасига мазкур контрагентларга нисбатан солиқ назорати тадбирларини тайинлаш ҳуқуқи берилсин.
Иқтисодиёт ва молия вазирлиги 2023 йил 1 апрелга қадар тажриба доирасида қўшилган қиймат солиғи бўйича солиқ узилишини аниқлаш ва қўллаш тартибини белгиловчи норматив-ҳуқуқий ҳужжат лойиҳасини Вазирлар Маҳкамасига киритсин.
7. 2023 йил 1 майдан шундай тартиб ўрнатилсинки, унга мувофиқ:
автомобилларга газ тўлдириш компрессор станциялари ва автомобилларга газ қуйиш станцияларида электрон ўлчаш ускуналари ва онлайн видео камераларини ўрнатиш ҳамда уларни солиқ органларининг ахборот тизимлари билан интеграция қилиш мажбурий ҳисобланади;
пахта хомашёси, ғалла ёки шолини қабул қилиш ва ҳисобини юритиш бўйича ахборот тизимларининг операторлари ўз тизимларини солиқ органларининг ахборот тизимлари билан интеграция қилишлари мажбурий ҳисобланади.
8. Иқтисодиёт ва молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ қўшимча ва ўзгартиришлар киритилсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 10 февралдаги ПФ-21-сон Фармонига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган қўшимча ва ўзгартиришлар
1. Ўзбекистон Республикаси Президентининг 2020 йил 30 октябрдаги ПФ-6098-сон Фармони билан тасдиқланган Реал вақт режимида идоралараро электрон алоқа орқали солиқ органларига тақдим этиладиган қўшимча маълумотлар рўйхати қуйидаги мазмундаги 16 — 19 позициялар билан тўлдирилсин:
« 16. Реализация қилинган ёки ижарага берилган давлат мулки объектлари тўғрисида, шунингдек, давлат улушига тегишли соф фойдадан ҳисобланган дивидендлар ва ажратмалар тўғрисида маълумот Давлат активларини бошқариш агентлиги 17. Солиқ имтиёзларини қўлловчи иштирокчилар ва резидентлар тўғрисида маълумот Солиқ имтиёзлари тақдим этилиши назарда тутилган бирлашмалар, махсус иқтисодий зоналарнинг дирекциялари ва бошқа ташкилотлар 18. Шахсларнинг пенсияга чиқиши тўғрисидаги маълумот Пенсия жамғармаси 19. Биллинг тизими орқали мижозлардан олинган тўловлар ҳақида маълумот Электр ва (ёки) иссиқлик энергияси, сув, газ, коммунал хизматлар, алоқа хизматларини реализация қилувчи корхоналар » .
2. Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармони 7-банди «б» кичик бандининг биринчи хатбошиси «12 фоизгача ҳамда» сўзларидан кейин «2025 йилдан» сўзлари билан тўлдирилсин.
3. Ўзбекистон Республикаси Президентининг 2022 йил 6 июлдаги «2022 — 2026 йилларда Ўзбекистон Республикасининг инновацион ривожланиш стратегиясини тасдиқлаш тўғрисида»ги ПФ-165-сон Фармони 6-банди «а» кичик бандининг учинчи хатбошиси қуйидаги таҳрирда баён этилсин:
«устав фондида 50 ва ундан ортиқ фоиз давлат улуши бўлган хўжалик жамиятларида фойда солиғини тўлагунга қадар фойданинг 10 фоизгача миқдоридаги («Навоий кон-металлургия комбинати» АЖ ва «Олмалиқ кон-металлургия комбинати» АЖда 10 миллиард сўм қатъий белгиланган миқдордаги) ажратмалари ҳисобидан корхоналарнинг алоҳида ҳисоб рақамида шакллантириладиган Инновацион фаолиятни қўллаб-қувватлаш жамғармалари (кейинги ўринда — Жамғарма) ташкил этилади. Бунда:».
4. Ўзбекистон Республикаси Президентининг 2019 йил 30 майдаги «Электротехника саноатини янада ривожлантириш учун қулай шарт-шароитлар яратиш ва тармоқнинг инвестициявий ҳамда экспорт салоҳиятини ошириш бўйича қўшимча чора-тадбирлар тўғрисида»ги ПҚ-4348-сон қарорининг 6-бандида :
учинчи хатбоши чиқариб ташлансин;
тўртинчи — ўнинчи хатбошилар тегишинча учинчи — тўққизинчи хатбошилар деб ҳисоблансин.
5. Ўзбекистон Республикаси Президентининг 2021 йил 2 мартдаги «Электротехника саноатини янада ривожлантириш ва маҳаллий маҳсулотларнинг рақобатбардошлигини оширишга доир қўшимча чора-тадбирлар тўғрисида»ги ПҚ-5011-сон қарорида :
а) 9-бандда :
иккинчи хатбоши чиқариб ташлансин;
учинчи — олтинчи хатбошилар тегишинча иккинчи — бешинчи хатбошилар деб ҳисоблансин;
б) 2-илованинг 2-банди «в» кичик бандида :
тўртинчи хатбоши чиқариб ташлансин;
бешинчи — ўн биринчи хатбошилар тегишинча тўртинчи — ўнинчи хатбошилар деб ҳисоблансин.
6. Ўзбекистон Республикаси Президентининг 2021 йил 4 октябрдаги «Чакана савдо ва хизмат кўрсатиш соҳасида назорат-касса техникасидан фойдаланишни такомиллаштиришга доир қўшимча чора-тадбирлар тўғрисида»ги ПҚ-5252-сон қарори 1-банди «а» кичик бандининг иккинчи хатбошиси қуйидаги таҳрирда баён этилсин:
«чакана савдо, умумий овқатланиш ва аҳолига маиший хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида харид чекининг фискал белгисини матрицали штрих код (QR-код) ёрдамида сканерлаш орқали рўйхатдан ўтказган жисмоний шахсларнинг банк карталарига ой якуни билан харид суммасининг 1 фоизи республика бюджетидан қайтарилади, бундан автомобиль сотиб олганлик учун, темир йўл ва авиа чипта хариди, коммунал ва алоқа хизмати учун тўлов ҳамда ўзини-ўзи банд қилган шахслар томонидан берилган харид чеклари мустасно».
7. Ўзбекистон Республикаси Президентининг 2022 йил 22 августдаги «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида»ги ПҚ-357-сон қарори 11-бандининг тўртинчи хатбошиси қуйидаги мазмундаги жумла билан тўлдирилсин:
«Бунда, солиқ ва кадастр органларининг ахборот тизимлари ва ресурсларида мавжуд бўлган маълумотларнинг учинчи шахсларга тақдим этилиши Вазирлар Маҳкамасининг 2021 йил 19 августдаги «Учинчи шахсларга солиқ тўловчилар тўғрисидаги маълумотларни тақдим этиш чора-тадбирлари ҳақида»ги 529-сон қарорида назарда тутилган тартибда амалга оширилади».
8. Ўзбекистон Республикаси Президентининг 2022 йил 30 декабрдаги «Ўзбекистон Республикасининг «2023 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-471-сон қарори 16-бандининг иккинчи хатбошисидаги «20» рақами «30» рақами билан алмаштирилсин.
9. Вазирлар Маҳкамасининг 2019 йил 13 апрелдаги «Электр энергетика тармоғида тариф сиёсатини такомиллаштиришга доир қўшимча чора-тадбирлар тўғрисида»ги 310-сон қарорига 3-илованинг матни қуйидаги таҳрирда баён этилсин:
«Ўзбекистон Республикаси Вазирлар Маҳкамаси ҳузуридаги Идоралараро тариф комиссиясининг
ТАРКИБИ
1. Ш.Д. Кудбиев — Ўзбекистон Республикаси иқтисодиёт ва молия вазири, Комиссия раиси 2. А.И. Ахмедхаджаев — Ўзбекистон Республикаси энергетика вазирининг биринчи ўринбосари, комиссия раиси ўринбосари 3. Ш.С. Хидоятов — Ўзбекистон Республикаси қурилиш ва уй-жой коммунал хўжалиги вазирининг биринчи ўринбосари 4. А.А. Муминов — Ўзбекистон Республикаси транспорт вазири ўринбосари 5. А.Н. Каримов — Ўзбекистон Республикаси адлия вазири ўринбосари 6. Ш.Ш. Шарахметов — Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг раиси 7. Лавозимига кўра — Ўзбекистон Республикаси иқтисодиёт ва молия вазири ўринбосари
10. Вазирлар Маҳкамасининг 2019 йил 16 октябрдаги 877-сон қарори билан тасдиқланган «Ўзэлтехсаноат» уюшмасининг Электротехника саноатини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомнинг 4-банди «б» кичик банди ва Низомга 1-илова ўз кучини йўқотган деб ҳисоблансин.
11. Вазирлар Маҳкамасининг 2022 йил 12 майдаги 255-сон қарори билан тасдиқланган Сотиб олинган товарлар (хизматлар) қийматининг бир қисмини жисмоний шахсларга қайтариш тартиби тўғрисидаги низомнинг 7-банди қуйидаги мазмундаги хатбоши билан тўлдирилсин:
«жисмоний шахслар томонидан ўзини ўзи банд қилган шахслардан харид қилинган товарлар (хизматлар) чеклари».
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 10 февраль,
ПФ-21-сон
Oʻzbekiston Respublikasi Prezidentining
Farmoni
Tadbirkorlik subyektlarini toifalarga ajratish mezonlari hamda soliq siyosati va soliq maʼmuriyatchiligini yanada takomillashtirish chora-tadbirlari toʻgʻrisida
Tadbirkorlik faoliyatini amalga oshirish uchun qulay shart-sharoitlarni yaratishga qaratilgan soliq islohotlarini izchil davom ettirish, soliq maʼmuriyatchiligini yanada takomillashtirish hamda 2022-yilning 22-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash maqsadida:
1. Iqtisodiyot va moliya vazirligi, Adliya vazirligi va Savdo-sanoat palatasining tadbirkorlik subyektlarini quyidagi mezonlar asosida toifalarga ajratish toʻgʻrisidagi taklifi maʼqullansin:
a) kichik tadbirkorlik subyektlari:
yakka tartibdagi tadbirkorlar;
mikrofirmalar — taʼsischilari (ishtirokchilari) jismoniy shaxslar boʻlgan hamda jami daromadi kalendar yil davomida 1 milliard soʻmgacha boʻlgan tadbirkorlik subyektlari;
kichik korxonalar — jami daromadi kalendar yil davomida 1 milliard soʻmdan 10 milliard soʻmgacha boʻlgan hamda ushbu kichik bandning uchinchi xatboshisidagi taʼsischilari (ishtirokchilari) yuridik shaxslar boʻlgan tadbirkorlik subyektlari;
b) oʻrta tadbirkorlik subyektlari — jami daromadi kalendar yil davomida 10 milliard soʻmdan 100 milliard soʻmgacha boʻlgan tadbirkorlik subyektlari;
v) yirik tadbirkorlik subyektlari — jami daromadi kalendar yil davomida 100 milliard soʻm va undan yuqori boʻlgan tadbirkorlik subyektlari.
Tadbirkorlik subyektlarini soliqqa tortish qonun hujjatlariga muvofiq amalga oshirilishi maʼlumot uchun qabul qilinsin.
2. Belgilansinki, 2023-yil 1-apreldan boshlab:
b) jami daromadi 10 milliard soʻmdan kam boʻlmagan tadbirkorlik subyektlari uchun davlat xaridlarida 20 foizlik kvota joriy etiladi va ushbu xaridlar doirasida budjet buyurtmachilari bilan tuziladigan shartnomalarda 50 foiz miqdorida oldindan toʻlovni amalga oshirish nazarda tutiladi.
Bunda, soliq organlari tomonidan jami daromadi 10 milliard soʻmdan oshgan tadbirkorlik subyektlari toʻgʻrisidagi maʼlumotlar shakllantiriladi va maxsus axborot portali bilan maʼlumot almashinuvi taʼminlanadi;
v) davlat xaridlarida eng yaxshi takliflarni tanlash va tender savdolarida ishtirokchilar takliflarini baholashda qoʻshilgan qiymat soligʻi summasi inobatga olinmaydi;
g) yuqori qoʻshilgan qiymatli mis mahsulotlarini eksport qiluvchi korxonalarning mahsulotlar ishlab chiqarish va ularni tashqi bozorga sotish bilan bogʻliq xarajatlarini eksport qiymatining 6 foizigacha qoplash tartibi bekor qilinadi.
Iqtisodiyot va moliya vazirligi ikki oy muddatda ishonchli soliq toʻlovchilarni inson omilisiz aniqlash va ularga davlat xaridlarida ustunlik berilishini nazarda tutuvchi Hukumat qarori loyihasini Vazirlar Mahkamasiga kiritsin.
3. Iqtisodiyot va moliya vazirligining Innovatsion faoliyatni qoʻllab-quvvatlash jamgʻarmasiga ajratmalar summalarini “Navoiy kon-metallurgiya kombinati” AJ va “Olmaliq kon-metallurgiya kombinati” AJ uchun 10 milliard soʻm etib qatʼiy belgilangan miqdorda oʻrnatish toʻgʻrisidagi taklifiga rozilik berilsin.
4. Dori vositalarining davlat sogʻliqni saqlash muassasalariga bepul berilishi yoki amal qilish muddati qisqaligi sababli narxi pasaytirilgan qiymat boʻyicha realizatsiya qilinishi iqtisodiy jihatdan oʻzini oqlaydigan xarajatlar (zararlar) deb eʼtirof etilishi va mos ravishda foyda soligʻini hisoblashda chegirib tashlanishi maʼlumot uchun qabul qilinsin.
5. Raqamli texnologiyalar vazirligi Iqtisodiyot va moliya vazirligi bilan birgalikda ikki oy muddatda axborot-kommunikatsiya texnologiyalari sohasidagi xizmatlar turlarini aniq belgilashni nazarda tutuvchi Hukumat qarori loyihasini Vazirlar Mahkamasiga kiritsin.
6. Qoʻshilgan qiymat soligʻini qoplash tartibini yanada takomillashtirish, shuningdek, soliqni noqonuniy qoplash holatlarining oldini olish maqsadida 2023-yil 1-oktabrga qadar tajriba tariqasida tovarlarni (xizmatlarni) sotib olish va (yoki) realizatsiya qilish bilan bogʻliq bitimlarda ishtirok etgan kontragentlar — sotuvchilar (xaridorlar) tomonidan qoʻshilgan qiymat soligʻining kam toʻlanganligi (soliq uzilishi) aniqlanganda, Soliq qoʻmitasiga mazkur kontragentlarga nisbatan soliq nazorati tadbirlarini tayinlash huquqi berilsin.
Iqtisodiyot va moliya vazirligi 2023-yil 1-aprelga qadar tajriba doirasida qoʻshilgan qiymat soligʻi boʻyicha soliq uzilishini aniqlash va qoʻllash tartibini belgilovchi normativ-huquqiy hujjat loyihasini Vazirlar Mahkamasiga kiritsin.
7. 2023-yil 1-maydan shunday tartib oʻrnatilsinki, unga muvofiq:
avtomobillarga gaz toʻldirish kompressor stansiyalari va avtomobillarga gaz quyish stansiyalarida elektron oʻlchash uskunalari va onlayn video kameralarini oʻrnatish hamda ularni soliq organlarining axborot tizimlari bilan integratsiya qilish majburiy hisoblanadi;
paxta xomashyosi, gʻalla yoki sholini qabul qilish va hisobini yuritish boʻyicha axborot tizimlarining operatorlari oʻz tizimlarini soliq organlarining axborot tizimlari bilan integratsiya qilishlari majburiy hisoblanadi.
8. Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq qoʻshimcha va oʻzgartirishlar kiritilsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 10-fevraldagi PF-21-son Farmoniga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan qoʻshimcha va oʻzgartirishlar
1. Oʻzbekiston Respublikasi Prezidentining 2020-yil 30-oktabrdagi PF-6098-son Farmoni bilan tasdiqlangan Real vaqt rejimida idoralararo elektron aloqa orqali soliq organlariga taqdim etiladigan qoʻshimcha maʼlumotlar roʻyxati quyidagi mazmundagi 16 — 19 pozitsiyalar bilan toʻldirilsin:
“ 16. Realizatsiya qilingan yoki ijaraga berilgan davlat mulki obyektlari toʻgʻrisida, shuningdek, davlat ulushiga tegishli sof foydadan hisoblangan dividendlar va ajratmalar toʻgʻrisida maʼlumot Davlat aktivlarini boshqarish agentligi 17. Soliq imtiyozlarini qoʻllovchi ishtirokchilar va rezidentlar toʻgʻrisida maʼlumot Soliq imtiyozlari taqdim etilishi nazarda tutilgan birlashmalar, maxsus iqtisodiy zonalarning direksiyalari va boshqa tashkilotlar 18. Shaxslarning pensiyaga chiqishi toʻgʻrisidagi maʼlumot Pensiya jamgʻarmasi 19. Billing tizimi orqali mijozlardan olingan toʻlovlar haqida maʼlumot Elektr va (yoki) issiqlik energiyasi, suv, gaz, kommunal xizmatlar, aloqa xizmatlarini realizatsiya qiluvchi korxonalar ” .
2. Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmoni 7-bandi “b” kichik bandining birinchi xatboshisi “12 foizgacha hamda” soʻzlaridan keyin “2025-yildan” soʻzlari bilan toʻldirilsin.
3. Oʻzbekiston Respublikasi Prezidentining 2022-yil 6-iyuldagi “2022 — 2026-yillarda Oʻzbekiston Respublikasining innovatsion rivojlanish strategiyasini tasdiqlash toʻgʻrisida”gi PF-165-son Farmoni 6-bandi “a” kichik bandining uchinchi xatboshisi quyidagi tahrirda bayon etilsin:
“ustav fondida 50 va undan ortiq foiz davlat ulushi boʻlgan xoʻjalik jamiyatlarida foyda soligʻini toʻlagunga qadar foydaning 10 foizgacha miqdoridagi (“Navoiy kon-metallurgiya kombinati” AJ va “Olmaliq kon-metallurgiya kombinati” AJda 10 milliard soʻm qatʼiy belgilangan miqdordagi) ajratmalari hisobidan korxonalarning alohida hisob raqamida shakllantiriladigan Innovatsion faoliyatni qoʻllab-quvvatlash jamgʻarmalari (keyingi oʻrinda — Jamgʻarma) tashkil etiladi. Bunda:”.
4. Oʻzbekiston Respublikasi Prezidentining 2019-yil 30-maydagi “Elektrotexnika sanoatini yanada rivojlantirish uchun qulay shart-sharoitlar yaratish va tarmoqning investitsiyaviy hamda eksport salohiyatini oshirish boʻyicha qoʻshimcha chora-tadbirlar toʻgʻrisida”gi PQ-4348-son qarorining 6-bandida :
uchinchi xatboshi chiqarib tashlansin;
toʻrtinchi — oʻninchi xatboshilar tegishincha uchinchi — toʻqqizinchi xatboshilar deb hisoblansin.
5. Oʻzbekiston Respublikasi Prezidentining 2021-yil 2-martdagi “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida”gi PQ-5011-son qarorida :
a) 9-bandda :
ikkinchi xatboshi chiqarib tashlansin;
uchinchi — oltinchi xatboshilar tegishincha ikkinchi — beshinchi xatboshilar deb hisoblansin;
b) 2-ilovaning 2-bandi “v” kichik bandida :
toʻrtinchi xatboshi chiqarib tashlansin;
beshinchi — oʻn birinchi xatboshilar tegishincha toʻrtinchi — oʻninchi xatboshilar deb hisoblansin.
6. Oʻzbekiston Respublikasi Prezidentining 2021-yil 4-oktabrdagi “Chakana savdo va xizmat koʻrsatish sohasida nazorat-kassa texnikasidan foydalanishni takomillashtirishga doir qoʻshimcha chora-tadbirlar toʻgʻrisida”gi PQ-5252-son qarori 1-bandi “a” kichik bandining ikkinchi xatboshisi quyidagi tahrirda bayon etilsin:
“chakana savdo, umumiy ovqatlanish va aholiga maishiy xizmat koʻrsatish obyektlarida xaridni amalga oshirgan va ushbu xaridni soliq organlarining maxsus mobil ilovasida xarid chekining fiskal belgisini matritsali shtrix kod (QR-kod) yordamida skanerlash orqali roʻyxatdan oʻtkazgan jismoniy shaxslarning bank kartalariga oy yakuni bilan xarid summasining 1 foizi respublika budjetidan qaytariladi, bundan avtomobil sotib olganlik uchun, temir yoʻl va avia chipta xaridi, kommunal va aloqa xizmati uchun toʻlov hamda oʻzini-oʻzi band qilgan shaxslar tomonidan berilgan xarid cheklari mustasno”.
7. Oʻzbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida”gi PQ-357-son qarori 11-bandining toʻrtinchi xatboshisi quyidagi mazmundagi jumla bilan toʻldirilsin:
“Bunda, soliq va kadastr organlarining axborot tizimlari va resurslarida mavjud boʻlgan maʼlumotlarning uchinchi shaxslarga taqdim etilishi Vazirlar Mahkamasining 2021-yil 19-avgustdagi “Uchinchi shaxslarga soliq toʻlovchilar toʻgʻrisidagi maʼlumotlarni taqdim etish chora-tadbirlari haqida”gi 529-son qarorida nazarda tutilgan tartibda amalga oshiriladi”.
8. Oʻzbekiston Respublikasi Prezidentining 2022-yil 30-dekabrdagi “Oʻzbekiston Respublikasining “2023-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-471-son qarori 16-bandining ikkinchi xatboshisidagi “20” raqami “30” raqami bilan almashtirilsin.
9. Vazirlar Mahkamasining 2019-yil 13-apreldagi “Elektr energetika tarmogʻida tarif siyosatini takomillashtirishga doir qoʻshimcha chora-tadbirlar toʻgʻrisida”gi 310-son qaroriga 3-ilovaning matni quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Idoralararo tarif komissiyasining
TARKIBI
1. Sh.D. Kudbiyev — Oʻzbekiston Respublikasi iqtisodiyot va moliya vaziri, Komissiya raisi 2. A.I. Axmedxadjayev — Oʻzbekiston Respublikasi energetika vazirining birinchi oʻrinbosari, komissiya raisi oʻrinbosari 3. Sh.S. Xidoyatov — Oʻzbekiston Respublikasi qurilish va uy-joy kommunal xoʻjaligi vazirining birinchi oʻrinbosari 4. A.A. Muminov — Oʻzbekiston Respublikasi transport vaziri oʻrinbosari 5. A.N. Karimov — Oʻzbekiston Respublikasi adliya vaziri oʻrinbosari 6. Sh.Sh. Sharaxmetov — Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasining raisi 7. Lavozimiga koʻra — Oʻzbekiston Respublikasi iqtisodiyot va moliya vaziri oʻrinbosari
10. Vazirlar Mahkamasining 2019-yil 16-oktabrdagi 877-son qarori bilan tasdiqlangan “Oʻzeltexsanoat” uyushmasining Elektrotexnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 4-bandi “b” kichik bandi va Nizomga 1-ilova oʻz kuchini yoʻqotgan deb hisoblansin.
11. Vazirlar Mahkamasining 2022-yil 12-maydagi 255-son qarori bilan tasdiqlangan Sotib olingan tovarlar (xizmatlar) qiymatining bir qismini jismoniy shaxslarga qaytarish tartibi toʻgʻrisidagi nizomning 7-bandi quyidagi mazmundagi xatboshi bilan toʻldirilsin:
“jismoniy shaxslar tomonidan oʻzini oʻzi band qilgan shaxslardan xarid qilingan tovarlar (xizmatlar) cheklari”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 10-fevral,
PF-21-son
Президента Республики Узбекистан
Указ
О мерах по дальнейшему совершенствованию критериев разделения субъектов предпринимательства на категории, а также налоговой политики и налогового администрирования
В целях последовательного продолжения налоговых реформ, направленных на создание благоприятных условий для осуществления предпринимательской деятельности, дальнейшего совершенствования налогового администрирования, а также обеспечения реализации приоритетных задач, определенных в рамках открытого диалога Президента Республики Узбекистан с предпринимателями, проведенного 22 августа 2022 года:
1. Одобрить предложение Министерства экономики и финансов, Министерства юстиции и Торгово-промышленной палаты о разделении субъектов предпринимательства на категории на основе следующих критериев:
а) субъекты малого предпринимательства:
индивидуальные предприниматели;
микрофирмы — субъекты предпринимательства, учредителями (участниками) которых являются физические лица, с совокупным доходом до 1 миллиарда сумов в течение календарного года;
малые предприятия — субъекты предпринимательства с совокупным доходом от 1 миллиарда сумов до 10 миллиардов сумов в течение календарного года, а также субъекты предпринимательства указанные в абзаце третьем настоящего подпункта, учредителями (участниками) которых являются юридические лица;
б) субъекты среднего предпринимательства — субъекты предпринимательства с совокупным доходом от 10 миллиардов сумов до 100 миллиардов сумов в течение календарного года;
в) субъекты крупного предпринимательства — субъекты предпринимательства с совокупным доходом от 100 миллиардов сумов и более в течение календарного года.
Принять к сведению, что налогообложение субъектов предпринимательства осуществляется в соответствии с законодательными актами.
2. Установить, что с 1 апреля 2023 года:
б) для субъектов предпринимательства с совокупным доходом не менее 10 миллиардов сумов вводится 20-процентная квота в государственных закупках и в договорах, заключаемых с бюджетными заказчиками в рамках указанных закупок, предусматривается осуществление предоплаты в размере 50 процентов.
При этом налоговыми органами формируются данные о субъектах предпринимательства с совокупным доходом, превышающем 10 миллиардов сумов, и обеспечивается обмен данными со специальным информационным порталом;
в) при отборе наилучших предложений и оценке предложений участников тендерных торгов по государственным закупкам сумма налога на добавленную стоимость не учитывается;
г) отменяется порядок покрытия расходов предприятий — экспортеров медной продукции с высокой добавленной стоимостью, связанных с производством продукции и ее реализации на внешних рынках, в размере до 6 процентов от экспортной стоимости.
Министерству экономики и финансов в двухмесячный срок внести в Кабинет Министров проект постановления Правительства, предусматривающий определение надежных налогоплательщиков без участия человеческого фактора и предоставление им приоритета в государственных закупках.
3. Согласиться с предложением Министерства экономики и финансов об установлении сумм отчислений в Фонд поддержки инновационной деятельности для АО «Навоийский горно-металлургический комбинат» и АО «Алмалыкский горно-металлургический комбинат» в фиксированном размере — 10 миллиардов сумов.
4. Принять к сведению, что безвозмездная передача государственным учреждениям здравоохранения либо реализация по сниженной стоимости лекарственных средств по причине краткости срока их годности признаются экономически оправданными расходами (убытками) и соответственно вычитаются при расчете налога на прибыль.
5. Министерству цифровых технологий совместно с Министерством экономики и финансов в двухмесячный срок внести в Кабинет Министров проект постановления Правительства, предусматривающий конкретное определение видов услуг в сфере информационно-коммуникационных технологий.
6. В целях дальнейшего совершенствования порядка возмещения налога на добавленную стоимость, а также предотвращения случаев незаконного возмещения налога предоставить Налоговому комитету до 1 октября 2023 года в порядке эксперимента право назначения мероприятий налогового контроля в отношении контрагентов — продавцов (покупателей), принимавших участие в сделках, связанных с покупкой и (или) реализацией товаров (услуг), — в случае выявления недоплаты этими контрагентами налога на добавленную стоимость (налоговый разрыв).
Министерству экономики и финансов до 1 апреля 2023 года внести в Кабинет Министров проект нормативно-правового акта, определяющий порядок определения и применения налогового разрыва по налогу на добавленную стоимость в рамках эксперимента.
7. Установить с 1 мая 2023 года порядок, в соответствии с которым:
установка на автогазонаполнительных компрессорных станциях и автогазозаправочных станциях и интеграция с информационными системами налоговых органов электронных измерительных приборов и онлайн-видеокамер являются обязательными;
интеграция операторами своих информационных систем приема и ведения учета хлопка-сырца, зерна или риса с информационной системой налоговых органов является обязательным.
8. Министерству экономики и финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
9. Внести дополнения и изменения в некоторые решения Президента Республики Узбекистан и Правительства Республики Узбекистан согласно приложению .
10. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 10 февраля 2023 года № УП-21
Дополнения и изменения, вносимые в некоторые акты Президента Республики Узбекистан и Правительства Республики Узбекистан
1. Перечень дополнительных сведений, предоставляемых налоговым органам посредством межведомственного электронного взаимодействия в режиме реального времени, утвержденный Указом Президента Республики Узбекистан от 30 октября 2020 года № УП-6098, дополнить позициями 16 — 19 следующего содержания:
« 16. Сведения о реализованных или переданных в аренду объектах государственной собственности, а также о дивидендах и отчислениях, начисленных из чистой прибыли, относящейся к государственной доле Агентство по управлению государственными активами 17. Сведения об участниках и резидентах, применяющих налоговые льготы Объединения, дирекции специальных экономических зон и другие организации, которым предусмотрено предоставление налоговых льгот 18. Сведения о лицах, выходящих на пенсию Пенсионный фонд 19. Сведения о платежах, полученных от клиентов посредством биллинговой системы Предприятия, реализующие электричество и (или) тепловую энергию, воду, газ, коммунальные услуги и услуги связи ».
2. Абзац первый подпункта «б» пункта 7 Указа Президента Республики Узбекистан от 28 января 2022 года № УП-60 «О Стратегии развития Нового Узбекистана на 2022 — 2026 годы» после слов «до 12 процентов» дополнить словами «а также с 2025 года».
3. Абзац третий подпункта «а» пункта 6 Указа Президента Республики Узбекистан от 6 июля 2022 года № УП-165 «Об утверждении Стратегии инновационного развития Республики Узбекистан на 2022 — 2026 годы» изложить в следующей редакции:
«в хозяйственных обществах с государственной долей в уставном фонде 50 и более процентов за счет отчислений в размере до 10 процентов (в АО «Навоийский горно-металлургический комбинат» и АО «Алмалыкский горно-металлургический комбинат» в фиксированном размере 10 миллиардов сумов) от прибыли до уплаты налога на прибыль на специальных счетах предприятий создаются Фонды поддержки инновационной деятельности (далее — Фонд). При этом:».
4. В пункте 6 постановления Президента Республики Узбекистан от 30 мая 2019 года № ПП-4348 «О дополнительных мерах по созданию благоприятных условий для дальнейшего развития электротехнической промышленности и повышению инвестиционного и экспортного потенциала отрасли»:
абзац третий исключить;
абзацы четвертый — десятый считать соответственно абзацами третьим — девятым.
5. В постановлении Президента Республики Узбекистан от 2 марта 2021 года № ПП-5011 «О дополнительных мерах по дальнейшему развитию электротехнической промышленности и повышению конкурентоспособности отечественной продукции»:
а) в пункте 9 :
абзац второй исключить;
абзацы третий — шестой считать соответственно абзацами вторым — пятым;
б) в подпункте «в» пункта 2 приложения № 2:
абзац четвертый исключить;
абзацы пятый — одиннадцатый считать соответственно абзацами четвертым — десятым.
6. Абзац второй подпункта «а» пункта 1 постановления Президента Республики Узбекистан от 4 октября 2021 года № ПП-5252 «О дополнительных мерах по совершенствованию использования контрольно-кассовой техники в сфере розничной торговли и оказания услуг» изложить в следующей редакции:
«осуществившим покупки на объектах розничной торговли, общественного питания и оказания бытовых услуг населению и зарегистрировавшим эти покупки в специальном мобильном приложении налоговых органов путем сканирования фискальной отметки чеков покупки с помощью матричного штрихового кода (QR-кода), возвращается 1 процент от суммы покупок на их банковские карты за счет средств республиканского бюджета по итогам месяца, за исключением чеков покупки автомобилей, авиа- и железнодорожных билетов, оплаты коммунальных услуг и услуг связи, а также чеков, выданных самозанятыми лицами».
7. Абзац четвертый пункта 11 постановления Президента Республики Узбекистан от 22 августа 2022 года № ПП-357 «О мерах по поднятию на новый уровень сферы информационно-коммуникационных технологий в 2022-2023 годах» дополнить предложением следующего содержания:
«При этом предоставление данных, имеющихся в информационных системах и ресурсах налоговых и кадастровых органов, третьим лицам осуществляется в порядке, предусмотренном в постановлении Кабинета Министров от 19 августа 2021 № 529 «О мерах по предоставлению данных о налогоплательщиках третьим лицам».
8. В абзаце втором пункта 16 постановления Президента Республики Узбекистан от 30 декабря 2022 года № ПП-471 «О мерах по обеспечению исполнения Закона Республики Узбекистан «О Государственном бюджете Республики Узбекистан на 2023 год» цифру «20» заменить цифрой «30».
9. Текст приложения № 3 к постановлению Кабинета Министров от 13 апреля 2019 года № 310 «О мерах по дальнейшему совершенствованию тарифной политики в электроэнергетической отрасли» изложить в следующей редакции:
«СОСТАВ
Межведомственной тарифной комиссии при Кабинете Министров Республики Узбекистан
1. Ш.Д. Кудбиев — Министр экономики и финансов Республики Узбекистан, председатель комиссии 2. А.И. Ахмедхаджаев — Первый заместитель министра энергетики Республики Узбекистан, заместитель председателя комиссии 3. Ш.С. Хидоятов — Первый заместитель министра строительства и жилищно-коммунального хозяйства Республики Узбекистан 4. А.А. Муминов — Заместитель министра транспорта Республики Узбекистан 5. А.Н. Каримов — Заместитель министра юстиции Республики Узбекистан 6. Ш.Ш. Шарахметов — Председатель Комитета по развитию конкуренции и защите прав потребителей Республики Узбекистан 7. (по должности) — Заместитель министра экономики и финансов Республики Узбекистан
10. В тексте на государственном языке подпункт «б» пункта 4 Положения о порядке формирования и использования средств Фонда развития электротехнической промышленности Ассоциации «Узэлтехсаноат», утвержденного постановлением Кабинета Министров от 16 октября 2019 года № 877, а также приложение № 1 к данному Положению признать утратившими силу.
11. Текст на государственном языке пункта 7 Положения о порядке возврата части стоимости приобретенного товара (услуг) физическим лицам, утвержденного постановлением Кабинета Министров от 12 мая 2022 года № 255, дополнить абзацем следующего содержания:
«жисмоний шахслар томонидан ўзини ўзи банд қилган шахслардан харид қилинган товарлар (хизматлар) чеклари».
Президент Республики Узбекистан Ш. МИРЗИЁЕВ
г. Ташкент,
10 февраля 2023 г.,
№ УП-21