UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига маҳкумларнинг ҳуқуқлари ва қонуний манфаатларини ишончли ҳимоя қилишга қаратилган ўзгартиш ва қўшимчалар киритиш тўғрисида

Қонунчилик палатаси томонидан 2022 йил 27 сентябрда қабул қилинган Сенат томонидан 2022 йил 19 ноябрда маъқулланган

Сўнгги йилларда мамлакатимизда маҳкумлар учун қулай шарт-шароитлар яратилишини, уларнинг ҳуқуқ ва эркинликларига риоя этилишини, шаъни ва қадр-қиммати ҳурмат қилинишини таъминлаш чоралари кўрилмоқда, шу жумладан озодликдан маҳрум этиш жойларида маҳкумларни сақлаш шарт-шароитларини инсонпарварлик нуқтаи назаридан янада яхшилашни назарда тутувчи қонунчиликни такомиллаштириш бўйича ишлар олиб борилмоқда.

Шу билан бирга, жиноят-ижроия амалиёти таҳлили ва жамоатчилик билан тўғридан-тўғри мулоқот натижалари маҳкумларнинг ҳуқуқ ва эркинликлари кафолатларини кучайтириш, уларни сақлаш шарт-шароитларини янада яхшилаш ҳамда халқаро стандартларга мувофиқлаштириш, шунингдек жазони ижро этиш муассасаларида меҳнатга жалб этилган маҳкумларга ҳақ тўланадиган ишлаш даврини уларнинг умумий меҳнат стажига қўшиб ҳисоблаш зарурлигини кўрсатмоқда.

Ушбу Қонун билан «Фуқароларнинг давлат пенсия таъминоти тўғрисида»ги Ўзбекистон Республикаси Қонунига ҳамда Ўзбекистон Республикасининг Жиноят-ижроия кодексига озодликдан маҳрум этишга ҳукм қилинган шахсларнинг умумий меҳнат стажига ишланган ҳамда ижтимоий солиқ тўланган даврни қўшиб ҳисоблашни назарда тутувчи ўзгартиш ва қўшимчалар киритилмоқда.

Шу билан бирга, жиноят-ижроия қонунчилигига маҳкумларга нисбатан қийноққа солиш ва бошқа шафқатсиз, ғайриинсоний ёки қадр-қимматини камситувчи муомала ёхуд жазо турларининг қўлланилишига йўл қўйилмаслиги ҳақидаги нормалар, шунингдек маҳкумларнинг тузалиш йўлига ўтганлигини белгиловчи мезонлар киритилмоқда.

Мазкур Қонун маҳкумларнинг ҳуқуқлари, эркинликлари ва қонуний манфаатларини таъминлашга хизмат қилади.

1-модда. Ўзбекистон Республикасининг 1993 йил 3 сентябрда қабул қилинган «Фуқароларнинг давлат пенсия таъминоти тўғрисида»ги 938-XII-сонли Қонуни (Ўзбекистон Республикаси Олий Кенгашининг Ахборотномаси, 1993 йил, № 9, 338-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил, № 4-5, 126-модда; 1998 йил, № 9, 181-модда; 1999 йил, № 5, 112-модда; 2001 йил, № 5, 89-модда; 2002 йил, № 4-5, 74-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 5, 152-модда; 2007 йил, № 12, 590, 608-моддалар; 2008 йил, № 12, 640-модда; 2010 йил, № 5, 178-модда, № 9, 334-модда, № 12, 472-модда; 2012 йил, № 1, 4-модда; 2013 йил, № 10, 263-модда; 2014 йил, № 12, 341-модда; 2016 йил, № 4, 125-модда, № 12, 383, 384-моддалар; 2018 йил, № 1, 1-модда, № 10, 676-модда, № 12, 783-модда; 2019 йил, № 5, 265-модда, № 8, 469-модда, № 9, 592-модда, № 11, 792-модда, № 12, 880-модда; 2020 йил, № 11, 652-модда; 2021 йил, 4-сонга илова, № 10, 973-модда; 2022 йил, № 2, 79-модда, № 5, 464-модда) 37-моддасининг биринчи қисми қуйидаги мазмундаги «к» банд билан тўлдирилсин:

«к) озодликдан маҳрум этишга ҳукм қилинган шахсларнинг жазони ижро этиш муассасаларида жазони ўташ даврида бажарадиган ҳар қандай иши, агар ушбу иш бажарилган давр учун жазони ижро этиш муассасаси томонидан ижтимоий солиқ тўланган бўлса».

2-модда. Ўзбекистон Республикасининг 1997 йил 25 апрелда қабул қилинган 409-I-сонли Қонуни билан тасдиқланган Ўзбекистон Республикасининг Жиноят-ижроия кодексига (Ўзбекистон Республикаси Олий Мажлисининг Ахборотномаси, 1997 йил, № 6, 175-модда; 2003 йил, № 9-10, 149-модда; 2004 йил, № 1-2, 18-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 6, 248-модда, № 9, 422-модда, № 12, 595-модда; 2008 йил, № 4, 187-модда, № 12, 636, 641-моддалар; 2009 йил, № 4, 136-модда, № 12, 470-модда; 2010 йил, № 9, 334-модда; 2012 йил, № 9/1, 238-модда; 2014 йил, № 9, 244-модда; 2015 йил, № 8, 310-модда; 2017 йил, № 3, 47-модда, № 10, 605-модда; 2019 йил, № 3, 165-модда, № 5, 267-модда, № 8, 469-модда, № 9, 588, 592-моддалар, № 12, 880-модда; 2020 йил, № 6, 337-модда; 2021 йил, 4-сонга илова, № 11, 1061-модда, № 12, 1193-модда; 2022 йил, № 5, 464-модда) қуйидаги қўшимча ва ўзгартишлар киритилсин:

1) 8-модда :

қуйидаги мазмундаги иккинчи қисм билан тўлдирилсин:

«Маҳкумларга нисбатан қийноққа солиш ва бошқа шафқатсиз, ғайриинсоний ёки қадр-қимматини камситувчи муомала ёхуд жазо турларининг қўлланилишига йўл қўйилмайди»;

иккинчи қисми учинчи қисм деб ҳисоблансин;

2) 9-модда биринчи қисмининг бешинчи хатбошиси «таржимоннинг» деган сўздан кейин «шу жумладан сурдотаржимоннинг» деган сўзлар билан тўлдирилсин;

3) 70-модда чиқариб ташлансин;

4) 81-модданинг :

биринчи қисми қуйидаги таҳрирда баён этилсин:

«Озодликдан маҳрум этишга ҳукм қилинган шахслар ишдан бўш соатларда, тунги дам олиш учун ажратилган вақтдан ташқари, кинофильмлар ва телекўрсатувлар кўриш, радио эшиттиришлар эшитиш ҳуқуқига эга»;

иккинчи қисми чиқариб ташлансин;

5) 84-модда :

иккинчи қисмининг тўртинчи хатбошисидаги «аёллар ва» деган сўзлар «аёллар, I ва II гуруҳ ногиронлиги бўлган шахслар» деган сўзлар билан алмаштирилсин;

қуйидаги мазмундаги тўртинчи қисм билан тўлдирилсин:

«I ва II гуруҳ ногиронлиги бўлган шахслар учун мўлжалланган умумий турар жойлар махсус воситалар ва мосламалар билан жиҳозланган бўлиши керак»;

6) 88-модда иккинчи қисмининг биринчи жумласи қуйидаги таҳрирда баён этилсин:

«Озодликдан маҳрум этишга ҳукм қилинган шахслар жинси, ёши, соғлиғининг ҳолати, меҳнат қобилияти ва иложи борича, ихтисослиги ҳисобга олинган ҳолда ишлаши керак»;

7) 96-модда :

номи ва биринчи қисми қуйидаги таҳрирда баён этилсин:

«96-модда. Ижтимоий солиқни тўлаш ва маҳкумларнинг пенсия таъминоти

Жазони ижро этиш муассасаларининг озодликдан маҳрум этишга ҳукм қилинган шахслар меҳнатига ҳақ тўлашга доир харажатлари ижтимоий солиқ бўйича солиқ солиш объектидир»;

қуйидаги мазмундаги иккинчи ва учинчи қисмлар билан тўлдирилсин:

«Ижтимоий солиқ тўланган давр озодликдан маҳрум этишга ҳукм қилинган шахсларнинг умумий меҳнат стажига қўшиб ҳисобланади.

Муассаса маъмурияти маҳкумнинг жазони ўташи даврида солиқ тўланганлиги ҳақидаги маълумотномани:

маҳкум жазони ижро этиш муассасасидан озод қилинишидан камида уч иш куни олдин Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимига электрон тарзда юборади;

жазони ижро этиш муассасасидан озод қилинаётганида маҳкумга қоғоз шаклида беради»;

иккинчи — бешинчи қисмлари тегишинча тўртинчи — еттинчи қисмлар деб ҳисоблансин;

8) қуйидаги мазмундаги 97 1 -модда билан тўлдирилсин:

«97 1 -модда. Маҳкумларнинг тузалиш йўлига ўтганлигини аниқлаш мезонлари

Жазони ижро этиш муассасаларида жазони ўтаётган маҳкумларнинг тузалиш йўлига ўтганлиги ушбу Кодекснинг 102 1 -моддасида назарда тутилган комиссия томонидан ҳар чорак якунларига кўра қуйидаги мезонлардан бири асосида белгиланади:

маҳкумнинг меҳнатга виждонан муносабатда бўлиши, белгиланган меҳнат нормаларини бажариши, онгли равишда мустақил ишлаш кўникмаларининг шаклланганлиги, ўқишга ва касб-ҳунар ўрганишга бўлган қизиқиши;

маҳкумнинг жазони ижро этиш муассасаларида ташкил этиладиган маданий-маърифий тадбирлардаги иштироки, унинг ташаббуси, бошқа маҳкумларга ибрат бўлишга интилиши;

маҳкумнинг жазони ижро этиш муассасасида ўрнатилган ички тартиб-қоидаларига риоя этиши, маҳкумга нисбатан рағбатлантириш чоралари қўлланилганлиги, унга нисбатан интизомий жазо чораси қўлланилмаганлиги.

Маҳкумни тузалиш йўлига ўтган ёки ўтмаган деб топиш тўғрисидаги хулоса комиссия томонидан расмийлаштирилади ва маҳкумнинг шахсий йиғмажилдига қўшиб қўйилади.

Комиссия томонидан тузалиш йўлига ўтмаган деб топилган маҳкумлар билан тарбиявий-профилактика ишлари муассаса психологини жалб этган ҳолда алоҳида режа асосида амалга оширилади.

Тузалиш йўлига ўтмаган деб топилган маҳкум комиссиянинг хулосаси устидан ушбу Кодекснинг 107-моддасида белгиланган тартибда шикоят қилишга ҳақли»;

9) 102-модданинг биринчи қисми қуйидаги таҳрирда баён этилсин:

«Озодликдан маҳрум этилган шахсларга нисбатан ушбу Кодекс 97 1 -моддасининг биринчи қисмида назарда тутилган мезонлар асосида рағбатлантириш чоралари қўлланилади»;

10) 102 1 -модданинг иккинчи қисми қуйидаги таҳрирда баён этилсин:

«Маҳкумларни рағбатлантириш масалалари, шу жумладан қўлланилаётган рағбатлантириш чораларининг ушбу Кодекс 97 1 -моддасининг биринчи қисмида назарда тутилган мезонларга мувофиқлиги жазони ижро этиш муассасасида тузилган комиссия томонидан кўриб чиқилади ва улар бўйича хулоса қабул қилинади»;

11) 113-модда иккинчи қисмининг биринчи хатбошисидаги «ижобий тавсифга эга» деган сўзлар «тузалиш йўлига ўтган» деган сўзлар билан алмаштирилсин;

12) 116-модданинг иккинчи қисмидаги , 118-модданинг иккинчи қисмидаги , 120-модданинг иккинчи қисмидаги ва 124-модданинг иккинчи қисмидаги «Ижобий тавсифга эга» деган сўзлар «Тузалиш йўлига ўтган» деган сўзлар билан алмаштирилсин;

13) 131-модданинг биринчи қисмидаги «Ижобий тавсифга эга маҳкума аёлларга» деган сўзлар «Тузалиш йўлига ўтган маҳкума аёлларга» деган сўзлар билан алмаштирилсин;

14) 164-модданинг тўртинчи қисмидаги «маҳкум белгиланган режимга ва меҳнатга виждонан муносабатда бўлса» деган сўзлар «маҳкум тузалиш йўлига ўтган бўлса» деган сўзлар билан алмаштирилсин.

3-модда. Ўзбекистон Республикаси Ички ишлар вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

5-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 15 февраль,

ЎРҚ-817-сон

(Қонунчилик маълумотлари миллий базаси, 16.02.2023 й., 03/23/817/0091-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga mahkumlarning huquqlari va qonuniy manfaatlarini ishonchli himoya qilishga qaratilgan oʻzgartish va qoʻshimchalar kiritish toʻgʻrisida

Qonunchilik palatasi tomonidan 2022-yil 27-sentabrda qabul qilingan Senat tomonidan 2022-yil 19-noyabrda maʼqullangan

Soʻnggi yillarda mamlakatimizda mahkumlar uchun qulay shart-sharoitlar yaratilishini, ularning huquq va erkinliklariga rioya etilishini, shaʼni va qadr-qimmati hurmat qilinishini taʼminlash choralari koʻrilmoqda, shu jumladan ozodlikdan mahrum etish joylarida mahkumlarni saqlash shart-sharoitlarini insonparvarlik nuqtai nazaridan yanada yaxshilashni nazarda tutuvchi qonunchilikni takomillashtirish boʻyicha ishlar olib borilmoqda.

Shu bilan birga, jinoyat-ijroiya amaliyoti tahlili va jamoatchilik bilan toʻgʻridan toʻgʻri muloqot natijalari mahkumlarning huquq va erkinliklari kafolatlarini kuchaytirish, ularni saqlash shart-sharoitlarini yanada yaxshilash hamda xalqaro standartlarga muvofiqlashtirish, shuningdek jazoni ijro etish muassasalarida mehnatga jalb etilgan mahkumlarga haq toʻlanadigan ishlash davrini ularning umumiy mehnat stajiga qoʻshib hisoblash zarurligini koʻrsatmoqda.

Ushbu Qonun bilan “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasining Jinoyat-ijroiya kodeksiga ozodlikdan mahrum etishga hukm qilingan shaxslarning umumiy mehnat stajiga ishlangan hamda ijtimoiy soliq toʻlangan davrni qoʻshib hisoblashni nazarda tutuvchi oʻzgartish va qoʻshimchalar kiritilmoqda.

Shu bilan birga, jinoyat-ijroiya qonunchiligiga mahkumlarga nisbatan qiynoqqa solish va boshqa shafqatsiz, gʻayriinsoniy yoki qadr-qimmatini kamsituvchi muomala yoxud jazo turlarining qoʻllanilishiga yoʻl qoʻyilmasligi haqidagi normalar, shuningdek mahkumlarning tuzalish yoʻliga oʻtganligini belgilovchi mezonlar kiritilmoqda.

Mazkur Qonun mahkumlarning huquqlari, erkinliklari va qonuniy manfaatlarini taʼminlashga xizmat qiladi.

1-modda. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi 938-XII-sonli Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda, № 12, 383, 384-moddalar; 2018-yil, № 1, 1-modda, № 10, 676-modda, № 12, 783-modda; 2019-yil, № 5, 265-modda, № 8, 469-modda, № 9, 592-modda, № 11, 792-modda, № 12, 880-modda; 2020-yil, № 11, 652-modda; 2021-yil, 4-songa ilova, № 10, 973-modda; 2022-yil, № 2, 79-modda, № 5, 464-modda) 37-moddasining birinchi qismi quyidagi mazmundagi “k” band bilan toʻldirilsin:

“k) ozodlikdan mahrum etishga hukm qilingan shaxslarning jazoni ijro etish muassasalarida jazoni oʻtash davrida bajaradigan har qanday ishi, agar ushbu ish bajarilgan davr uchun jazoni ijro etish muassasasi tomonidan ijtimoiy soliq toʻlangan boʻlsa”.

2-modda. Oʻzbekiston Respublikasining 1997-yil 25-aprelda qabul qilingan 409-I-sonli Qonuni bilan tasdiqlangan Oʻzbekiston Respublikasining Jinoyat-ijroiya kodeksiga (Oʻzbekiston Respublikasi Oliy Majlisining Axborotnomasi, 1997-yil, № 6, 175-modda; 2003-yil, № 9-10, 149-modda; 2004-yil, № 1-2, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 248-modda, № 9, 422-modda, № 12, 595-modda; 2008-yil, № 4, 187-modda, № 12, 636, 641-moddalar; 2009-yil, № 4, 136-modda, № 12, 470-modda; 2010-yil, № 9, 334-modda; 2012-yil, № 9/1, 238-modda; 2014-yil, № 9, 244-modda; 2015-yil, № 8, 310-modda; 2017-yil, № 3, 47-modda, № 10, 605-modda; 2019-yil, № 3, 165-modda, № 5, 267-modda, № 8, 469-modda, № 9, 588, 592-moddalar, № 12, 880-modda; 2020-yil, № 6, 337-modda; 2021-yil, 4-songa ilova, № 11, 1061-modda, № 12, 1193-modda; 2022-yil, № 5, 464-modda) quyidagi qoʻshimcha va oʻzgartishlar kiritilsin:

1) 8-modda :

quyidagi mazmundagi ikkinchi qism bilan toʻldirilsin:

“Mahkumlarga nisbatan qiynoqqa solish va boshqa shafqatsiz, gʻayriinsoniy yoki qadr-qimmatini kamsituvchi muomala yoxud jazo turlarining qoʻllanilishiga yoʻl qoʻyilmaydi”;

ikkinchi qismi uchinchi qism deb hisoblansin;

2) 9-modda birinchi qismining beshinchi xatboshisi “tarjimonning” degan soʻzdan keyin “shu jumladan surdotarjimonning” degan soʻzlar bilan toʻldirilsin;

3) 70-modda chiqarib tashlansin;

4) 81-moddaning :

birinchi qismi quyidagi tahrirda bayon etilsin:

“Ozodlikdan mahrum etishga hukm qilingan shaxslar ishdan boʻsh soatlarda, tungi dam olish uchun ajratilgan vaqtdan tashqari, kinofilmlar va telekoʻrsatuvlar koʻrish, radio eshittirishlar eshitish huquqiga ega”;

ikkinchi qismi chiqarib tashlansin;

5) 84-modda :

ikkinchi qismining toʻrtinchi xatboshisidagi “ayollar va” degan soʻzlar “ayollar, I va II guruh nogironligi boʻlgan shaxslar” degan soʻzlar bilan almashtirilsin;

quyidagi mazmundagi toʻrtinchi qism bilan toʻldirilsin:

“I va II guruh nogironligi boʻlgan shaxslar uchun moʻljallangan umumiy turar joylar maxsus vositalar va moslamalar bilan jihozlangan boʻlishi kerak”;

6) 88-modda ikkinchi qismining birinchi jumlasi quyidagi tahrirda bayon etilsin:

“Ozodlikdan mahrum etishga hukm qilingan shaxslar jinsi, yoshi, sogʻligʻining holati, mehnat qobiliyati va iloji boricha, ixtisosligi hisobga olingan holda ishlashi kerak”;

7) 96-modda :

nomi va birinchi qismi quyidagi tahrirda bayon etilsin:

“96-modda. Ijtimoiy soliqni toʻlash va mahkumlarning pensiya taʼminoti

Jazoni ijro etish muassasalarining ozodlikdan mahrum etishga hukm qilingan shaxslar mehnatiga haq toʻlashga doir xarajatlari ijtimoiy soliq boʻyicha soliq solish obyektidir”;

quyidagi mazmundagi ikkinchi va uchinchi qismlar bilan toʻldirilsin:

“Ijtimoiy soliq toʻlangan davr ozodlikdan mahrum etishga hukm qilingan shaxslarning umumiy mehnat stajiga qoʻshib hisoblanadi.

Muassasa maʼmuriyati mahkumning jazoni oʻtashi davrida soliq toʻlanganligi haqidagi maʼlumotnomani:

mahkum jazoni ijro etish muassasasidan ozod qilinishidan kamida uch ish kuni oldin Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimiga elektron tarzda yuboradi;

jazoni ijro etish muassasasidan ozod qilinayotganida mahkumga qogʻoz shaklida beradi”;

ikkinchi — beshinchi qismlari tegishincha toʻrtinchi — yettinchi qismlar deb hisoblansin;

8) quyidagi mazmundagi 97 1 -modda bilan toʻldirilsin:

“97 1 -modda. Mahkumlarning tuzalish yoʻliga oʻtganligini aniqlash mezonlari

Jazoni ijro etish muassasalarida jazoni oʻtayotgan mahkumlarning tuzalish yoʻliga oʻtganligi ushbu Kodeksning 102 1 -moddasida nazarda tutilgan komissiya tomonidan har chorak yakunlariga koʻra quyidagi mezonlardan biri asosida belgilanadi:

mahkumning mehnatga vijdonan munosabatda boʻlishi, belgilangan mehnat normalarini bajarishi, ongli ravishda mustaqil ishlash koʻnikmalarining shakllanganligi, oʻqishga va kasb-hunar oʻrganishga boʻlgan qiziqishi;

mahkumning jazoni ijro etish muassasalarida tashkil etiladigan madaniy-maʼrifiy tadbirlardagi ishtiroki, uning tashabbusi, boshqa mahkumlarga ibrat boʻlishga intilishi;

mahkumning jazoni ijro etish muassasasida oʻrnatilgan ichki tartib-qoidalariga rioya etishi, mahkumga nisbatan ragʻbatlantirish choralari qoʻllanilganligi, unga nisbatan intizomiy jazo chorasi qoʻllanilmaganligi.

Mahkumni tuzalish yoʻliga oʻtgan yoki oʻtmagan deb topish toʻgʻrisidagi xulosa komissiya tomonidan rasmiylashtiriladi va mahkumning shaxsiy yigʻmajildiga qoʻshib qoʻyiladi.

Komissiya tomonidan tuzalish yoʻliga oʻtmagan deb topilgan mahkumlar bilan tarbiyaviy-profilaktika ishlari muassasa psixologini jalb etgan holda alohida reja asosida amalga oshiriladi.

Tuzalish yoʻliga oʻtmagan deb topilgan mahkum komissiyaning xulosasi ustidan ushbu Kodeksning 107-moddasida belgilangan tartibda shikoyat qilishga haqli”;

9) 102-moddaning birinchi qismi quyidagi tahrirda bayon etilsin:

“Ozodlikdan mahrum etilgan shaxslarga nisbatan ushbu Kodeks 97 1 -moddasining birinchi qismida nazarda tutilgan mezonlar asosida ragʻbatlantirish choralari qoʻllaniladi”;

10) 102 1 -moddaning ikkinchi qismi quyidagi tahrirda bayon etilsin:

“Mahkumlarni ragʻbatlantirish masalalari, shu jumladan qoʻllanilayotgan ragʻbatlantirish choralarining ushbu Kodeks 97 1 -moddasining birinchi qismida nazarda tutilgan mezonlarga muvofiqligi jazoni ijro etish muassasasida tuzilgan komissiya tomonidan koʻrib chiqiladi va ular boʻyicha xulosa qabul qilinadi”;

11) 113-modda ikkinchi qismining birinchi xatboshisidagi “ijobiy tavsifga ega” degan soʻzlar “tuzalish yoʻliga oʻtgan” degan soʻzlar bilan almashtirilsin;

12) 116-moddaning ikkinchi qismidagi , 118-moddaning ikkinchi qismidagi , 120-moddaning ikkinchi qismidagi va 124-moddaning ikkinchi qismidagi “Ijobiy tavsifga ega” degan soʻzlar “Tuzalish yoʻliga oʻtgan” degan soʻzlar bilan almashtirilsin;

13) 131-moddaning birinchi qismidagi “Ijobiy tavsifga ega mahkuma ayollarga” degan soʻzlar “Tuzalish yoʻliga oʻtgan mahkuma ayollarga” degan soʻzlar bilan almashtirilsin;

14) 164-moddaning toʻrtinchi qismidagi “mahkum belgilangan rejimga va mehnatga vijdonan munosabatda boʻlsa” degan soʻzlar “mahkum tuzalish yoʻliga oʻtgan boʻlsa” degan soʻzlar bilan almashtirilsin.

3-modda. Oʻzbekiston Respublikasi Ichki ishlar vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 15-fevral,

OʻRQ-817-son

(Qonunchilik maʼlumotlari milliy bazasi, 16.02.2023-y., 03/23/817/0091-son)

lex.uz

Закон Республики Узбекистан

О внесении изменений и дополнений в некоторые законодательные акты Республики Узбекистан, направленных на надежную защиту прав и законных интересов осужденных

Принят Законодательной палатой 27 сентября 2022 года Одобрен Сенатом 19 ноября 2022 года

В последние годы в стране принимаются меры по обеспечению создания благоприятных условий для осужденных, соблюдения их прав и свобод, уважения их чести и достоинства, в том числе ведется работа по совершенствованию законодательства, предусматривающего дальнейшую гуманизацию условий содержания осужденных в местах лишения свободы.

Вместе с тем анализ уголовно-исполнительной практики и результаты непосредственного диалога с общественностью свидетельствуют о необходимости усиления гарантий прав и свобод осужденных, дальнейшего улучшения условий содержания осужденных и приведения их в соответствие с международными стандартами, а также включения периода оплачиваемой работы в общий трудовой стаж осужденных, привлеченных к труду в учреждениях по исполнению наказания.

Данным Законом вносятся изменения и дополнения в Закон Республики Узбекистан «О государственном пенсионном обеспечении граждан» и Уголовно-исполнительный кодекс Республики Узбекистан, предусматривающие включение в общий трудовой стаж лиц, осужденных к лишению свободы, периода работы и уплаты социального налога.

Вместе с тем в уголовно-исполнительное законодательство вносятся нормы о недопущении применения пыток и других жестоких, бесчеловечных или унижающих достоинство видов обращения либо наказания в отношении осужденных, а также критерии, определяющие становление осужденных на путь исправления.

Указанный Закон будет способствовать обеспечению прав, свобод и законных интересов осужденных.

Статья 1. Часть первую статьи 37 Закона Республики Узбекистан от 3 сентября 1993 года № 938-XII «О государственном пенсионном обеспечении граждан» (Ведомости Верховного Совета Республики Узбекистан, 1993 г., № 9, ст. 338; Ведомости Олий Мажлиса Республики Узбекистан, 1995 г., № 12, ст. 269; 1997 г., № 4-5, ст. 126; 1998 г., № 9, ст. 181; 1999 г., № 5, ст. 112; 2001 г., № 5, ст. 89; 2002 г., № 4-5, ст. 74; Ведомости палат Олий Мажлиса Республики Узбекистан, 2005 г., № 5, ст. 152; 2007 г., № 12, ст.ст. 590, 608; 2008 г., № 12, ст. 640; 2010 г., № 5, ст. 178, № 9, ст. 334, № 12, ст. 472; 2012 г., № 1, ст. 4; 2013 г., № 10, ст. 263; 2014 г., № 12, ст. 341; 2016 г., № 4, ст. 125, № 12, ст.ст. 383, 384; 2018 г., № 1, ст. 1, № 10, ст. 676, № 12, ст. 783; 2019 г., № 5, ст. 265, № 8, ст. 469, № 9, ст. 592, № 11, ст. 792, № 12, ст. 880; 2020 г., № 11, ст. 652; 2021 г., приложение к № 4, № 10, ст. 973; 2022 г., № 2, ст. 79, № 5, ст. 464) дополнить пунктом «к» следующего содержания:

«к) любая работа, выполняемая осужденными к лишению свободы в период отбывания наказания в учреждениях по исполнению наказания, если за период выполнения этой работы учреждением по исполнению наказания уплачивался социальный налог».

Статья 2. Внести в Уголовно-исполнительный кодекс Республики Узбекистан, утвержденный Законом Республики Узбекистан от 25 апреля 1997 года № 409-I (Ведомости Олий Мажлиса Республики Узбекистан, 1997 г., № 6, ст. 175; 2003 г., № 9-10, ст. 149; 2004 г., № 1-2, ст. 18; Ведомости палат Олий Мажлиса Республики Узбекистан, 2007 г., № 6, ст. 248, № 9, ст. 422, № 12, ст. 595; 2008 г., № 4, ст. 187, № 12, ст.ст. 636, 641; 2009 г., № 4, ст. 136, № 12, ст. 470; 2010 г., № 9, ст. 334; 2012 г., № 9/1, ст. 238; 2014 г., № 9, ст. 244; 2015 г., № 8, ст. 310; 2017 г., № 3, ст. 47, № 10, ст. 605; 2019 г., № 3, ст. 165, № 5, ст. 267, № 8, ст. 469, № 9, ст.ст. 588, 592, № 12, ст. 880; 2020 г., № 6, ст. 337; 2021 г., приложение к № 4, № 11, ст. 1061, № 12, ст. 1193; 2022 г., № 5, ст. 464), следующие дополнения и изменения:

1) в статье 8 :

дополнить частью второй следующего содержания:

«Не допускаются применение пыток и других жестоких, бесчеловечных или унижающих достоинство видов обращения либо наказания в отношении осужденных»;

часть вторую считать частью третьей;

2) абзац пятый части первой статьи 9 после слова «переводчика» дополнить словами «в том числе сурдопереводчика»;

3) статью 70 исключить;

4) в статье 81 :

часть первую изложить в следующей редакции:

«Осужденные к лишению свободы имеют право на просмотр кинофильмов и телепередач, прослушивание радиопередач в свободные от работы часы, кроме времени, отведенного для ночного отдыха»;

часть вторую исключить;

5) в статье 84 :

в абзаце четвертом части второй слова «женщин и» заменить словами «женщин, лиц с инвалидностью I и II групп»;

дополнить частью четвертой следующего содержания:

«Общие жилые помещения, предназначенные для лиц с инвалидностью I и II групп, должны быть оборудованы специальными инвентарем и приспособлениями»;

6) первое предложение части второй статьи 88 изложить в следующей редакции:

«Осужденные к лишению свободы должны работать с учетом их пола, возраста, состояния здоровья, трудоспособности и, по возможности, специальности»;

7) в статье 96 :

наименование и часть первую изложить в следующей редакции:

«Статья 96. Уплата социального налога и пенсионное обеспечение осужденных

Расходы учреждений по исполнению наказания на оплату труда осужденных к лишению свободы являются объектом налогообложения социальным налогом»;

дополнить частями второй и третьей следующего содержания:

«В общий трудовой стаж осужденных к лишению свободы засчитывается период уплаты социального налога.

Администрация учреждения справку об уплате налогов в период отбывания наказания осужденным:

не менее чем за три рабочих дня до освобождения осужденного из учреждения по исполнению наказания направляет в электронном виде в районный (городской) отдел внебюджетного Пенсионного фонда при Министерстве финансов Республики Узбекистан;

при освобождении из учреждения по исполнению наказания выдает осужденному в бумажном виде»;

части вторую — пятую считать соответственно частями четвертой — седьмой;

8) дополнить статьей 97 1 следующего содержания:

«Статья 97 1 . Критерии определения становления осужденных на путь исправления

Становление осужденных, отбывающих наказание в учреждениях по исполнению наказания, на путь исправления определяется комиссией, предусмотренной статьей 102 1 настоящего Кодекса, по итогам каждого квартала на основе одного из следующих критериев:

добросовестное отношение осужденного к труду, выполнение установленных норм труда, осознанное формирование навыков самостоятельной работы, заинтересованность в обучении и приобретении профессии;

участие осужденного в культурно-просветительских мероприятиях, организуемых в учреждении по исполнению наказания, его инициативность, стремление быть примером для других осужденных;

соблюдение осужденным установленных правил внутреннего распорядка учреждения по исполнению наказания, применение мер поощрения к осужденному, неприменение в отношении него дисциплинарного взыскания.

Заключение о признании осужденного вставшим или не вставшим на путь исправления оформляется комиссией и приобщается к личному делу осужденного.

С осужденными, признанными комиссией не вставшими на путь исправления, проводится воспитательно-профилактическая работа на основе отдельного плана с привлечением психолога учреждения.

Признанный не вставшим на путь исправления осужденный вправе обжаловать заключение комиссии в порядке, установленном статьей 107 настоящего Кодекса»;

9) часть первую статьи 102 изложить в следующей редакции:

«К осужденным к лишению свободы меры поощрения применяются на основании критериев, предусмотренных частью первой статьи 97 1 настоящего Кодекса»;

10) часть вторую статьи 102 1 изложить в следующей редакции:

«Вопросы поощрения осужденных, в том числе соответствие применяемых мер поощрения критериям, предусмотренным частью первой статьи 97 1 настоящего Кодекса, рассматриваются комиссией, созданной в учреждении по исполнению наказания, и по ним принимается заключение»;

11) в абзаце первом части второй статьи 113 слова «положительно характеризующиеся» заменить словами «вставшие на путь исправления»;

12) в части второй статьи 116, части второй статьи 118, части второй статьи 120 и части второй статьи 124 слова «положительно характеризующиеся» заменить словами «вставшие на путь исправления»;

13) в части первой статьи 131 слова «Осужденным женщинам, положительно характеризующимся» заменить словами «Осужденным женщинам, вставшим на путь исправления»;

14) в части четвертой статьи 164 слова «соблюдения осужденным установленного режима и добросовестного отношения к труду» заменить словами «если осужденный встал на путь исправления».

Статья 3. Министерству внутренних дел Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону.

Статья 5. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

15 февраля 2023 г.,

№ ЗРУ-817

(Национальная база данных законодательства, 16.02.2023 г., № 03/23/817/0091)

lex.uz