📅 2023-yil 4-yanvar · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 январь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 4 января 2023 г. · Документы Центрального банка
Официальный текст. Официальный документ. Редакционные примечания не включены.
📅 4 January 2023 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқарувининг
Қарори
«Марказий банкнинг банклараро тўлов тизими орқали электрон тўловларни амалга ошириш тартиби тўғрисида низомни тасдиқлаш ҳақида»ги қарорга ўзгартириш ва қўшимчалар киритиш тўғрисида
Ўзбекистон Республикасининг « Ўзбекистон Республикасининг Марказий банки тўғрисида »ги, « Банклар ва банк фаолияти тўғрисида »ги ва « Тўловлар ва тўлов тизимлари тўғрисида »ги қонунларига мувофиқ Ўзбекистон Республикаси Марказий банки бошқаруви қарор қилади:
1. Ўзбекистон Республикаси Марказий банки бошқарувининг 2006 йил 17 январдаги 1/3-сон «Марказий банкнинг банклараро тўлов тизими орқали электрон тўловларни амалга ошириш тартиби тўғрисида низомни тасдиқлаш ҳақида»ги қарорига (рўйхат рақами 1545, 2006 йил 14 февраль) (Ўзбекистон Республикаси қонун ҳужжатлари тўплами, 2006 й., 6-7-сон, 48-модда) иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки бошқарувининг 2023 йил 4 январдаги 30/27-сон қарорига ИЛОВА
«Марказий банкнинг банклараро тўлов тизими орқали электрон тўловларни амалга ошириш тартиби тўғрисида низомни тасдиқлаш ҳақида»ги қарорга киритилаётган ўзгартириш ва қўшимчалар
1. Қарор муқаддимаси қуйидаги таҳрирда баён этилсин:
«Ўзбекистон Республикасининг «Ўзбекистон Республикасининг Марказий банки тўғрисида»ги ва «Тўловлар ва тўлов тизимлари тўғрисида»ги қонунларига мувофиқ, Ўзбекистон Республикаси Марказий банки бошқаруви қарор қилади:».
2. Низомда :
а) муқаддима қуйидаги таҳрирда баён этилсин:
«Мазкур Низом Марказий банкнинг банклараро тўлов тизими орқали электрон тўлов ҳужжатлари асосида тўловларни амалга ошириш тартибини белгилайди.»;
б) 14-банд қуйидаги таҳрирда баён этилсин:
«14. Филиалга эга бўлмаган банк ёки банк филиалини банклараро тўлов тизимига улаш учун:
1) қонунчиликда белгиланган тартибда банк фаолиятини амалга ошириш учун лицензияга эга бўлиши, бундан банк филиали мустасно;
2) Банк Депозиторларининг Миллий Ахборот базаси (кейинги ўринларда — БДМАБ)да хос рақам (уникал код)га эга бўлиши;
3) банклараро тўлов тизими билан маълумот алмашинувини таъминлаш имконини берадиган тегишли дастурий мажмуага эга бўлиши керак.»;
в) 15-банднинг 3-кичик бандидаги «рўйхатдан ўтган» деган сўзлар «аккредитация қилинган» деган сўзлар билан алмаштирилсин;
г) 17-банднинг 2-кичик банди қуйидаги таҳрирда баён этилсин:
«2) Электрон тўловлар фақатгина банкларнинг вакиллик ҳисобварақларидаги маблағлар қолдиғи доирасида амалга оширилади, бундан шартномада кўзда тутилган ҳоллар ҳамда Марказий банкнинг клиринг асосида ишловчи тўлов тизимларидан олинган банклар ўртасидаги якуний ҳисоб-китобга оид маълумотлар асосида электрон тўловларни амалга ошириш мустасно. Бунда, банкларнинг вакиллик ҳисобварақларида электрон тўловларни амалга ошириш учун етарли маблағлар мавжуд бўлмаган тақдирда, ушбу маблағлар овердрафт сифатида акс эттирилади;»;
д) қуйидаги мазмундаги 18 1 -банд билан тўлдирилсин:
«18 1 . Қонунчилик ҳужжатларида белгиланган тартибда банкларнинг вакиллик ҳисобварағидан маблағларни акцептсиз тарзда ҳисобдан чиқаришда Марказий банк мемориал ордердан фойдаланади.»;
е) 31-банд ўз кучини йўқотган деб топилсин;
ж) қуйидаги мазмундаги 40 1 -40 2 -бандлар билан тўлдирилсин:
«40 1 . Марказий банкнинг клиринг асосида ишловчи тўлов тизимларидан олинган банклар ўртасидаги якуний ҳисоб-китобга оид маълумотлар асосида электрон тўловларни амалга ошириш учун банкнинг Марказий банкдаги вакиллик ҳисобварағида етарли маблағ мавжуд бўлмаган тақдирда, мазкур вакиллик ҳисобварағида овердрафтни шакллантириш орқали банклар ўртасидаги якуний ҳисоб-китоб ниҳоясига етказилади.
40 2 . Операцион кун охирида вакиллик ҳисобварағида овердрафт юзага келган банкнинг Марказий банк ҳисоб-китоблар клиринг тизими ва Тезкор тўловлар тизими орқали операциялари кейинги иш кунидан бошлаб вакиллик ҳисобварағида ижобий қолдиқ шакллангунга қадар тўхтатилади.
Банкнинг вакиллик ҳисобварағида ижобий қолдиқ шаклланган куннинг ўзида Марказий банк ҳисоб-китоблар клиринг тизими ва Тезкор тўловлар тизимида ушбу банкнинг электрон тўловларни амалга ошириш имконияти қайта тикланади.»;
з) 46-банддаги «Марказий банкдаги вакиллик ҳисобварағи етарли ижобий қолдиққа эга бўлиши керак» деган сўзлар «Марказий банкдаги вакиллик ҳисобварағида етарли маблағ мавжуд бўлиши керак» деган сўзлар билан алмаштирилсин.
Марказий банк раиси М. НУРМУРАТОВ
Тошкент ш.,
2023 йил 4 январь,
30/27-сон
Oʻzbekiston Respublikasi Markaziy banki boshqaruvining
Qarori
“Markaziy bankning banklararo toʻlov tizimi orqali elektron toʻlovlarni amalga oshirish tartibi toʻgʻrisida nizomni tasdiqlash haqida”gi qarorga oʻzgartirish va qoʻshimchalar kiritish toʻgʻrisida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi, “ Banklar va bank faoliyati toʻgʻrisida ”gi va “ Toʻlovlar va toʻlov tizimlari toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:
1. Oʻzbekiston Respublikasi Markaziy banki boshqaruvining 2006-yil 17-yanvardagi 1/3-son “Markaziy bankning banklararo toʻlov tizimi orqali elektron toʻlovlarni amalga oshirish tartibi toʻgʻrisida nizomni tasdiqlash haqida”gi qaroriga (roʻyxat raqami 1545, 2006-yil 14-fevral) (Oʻzbekiston Respublikasi qonun hujjatlari toʻplami, 2006-y., 6-7-son, 48-modda) ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki boshqaruvining 2023-yil 4-yanvardagi 30/27-son qaroriga ILOVA
“Markaziy bankning banklararo toʻlov tizimi orqali elektron toʻlovlarni amalga oshirish tartibi toʻgʻrisida nizomni tasdiqlash haqida”gi qarorga kiritilayotgan oʻzgartirish va qoʻshimchalar
1. Qaror muqaddimasi quyidagi tahrirda bayon etilsin:
“Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Toʻlovlar va toʻlov tizimlari toʻgʻrisida”gi qonunlariga muvofiq, Oʻzbekiston Respublikasi Markaziy banki boshqaruvi qaror qiladi:”.
2. Nizomda :
a) muqaddima quyidagi tahrirda bayon etilsin:
“Mazkur Nizom Markaziy bankning banklararo toʻlov tizimi orqali elektron toʻlov hujjatlari asosida toʻlovlarni amalga oshirish tartibini belgilaydi.”;
b) 14-band quyidagi tahrirda bayon etilsin:
“14. Filialga ega boʻlmagan bank yoki bank filialini banklararo toʻlov tizimiga ulash uchun:
1) qonunchilikda belgilangan tartibda bank faoliyatini amalga oshirish uchun litsenziyaga ega boʻlishi, bundan bank filiali mustasno;
2) Bank Depozitorlarining Milliy Axborot bazasi (keyingi oʻrinlarda — BDMAB)da xos raqam (unikal kod)ga ega boʻlishi;
3) banklararo toʻlov tizimi bilan maʼlumot almashinuvini taʼminlash imkonini beradigan tegishli dasturiy majmuaga ega boʻlishi kerak.”;
v) 15-bandning 3-kichik bandidagi “roʻyxatdan oʻtgan” degan soʻzlar “akkreditatsiya qilingan” degan soʻzlar bilan almashtirilsin;
g) 17-bandning 2-kichik bandi quyidagi tahrirda bayon etilsin:
“2) Elektron toʻlovlar faqatgina banklarning vakillik hisobvaraqlaridagi mablagʻlar qoldigʻi doirasida amalga oshiriladi, bundan shartnomada koʻzda tutilgan hollar hamda Markaziy bankning kliring asosida ishlovchi toʻlov tizimlaridan olingan banklar oʻrtasidagi yakuniy hisob-kitobga oid maʼlumotlar asosida elektron toʻlovlarni amalga oshirish mustasno. Bunda, banklarning vakillik hisobvaraqlarida elektron toʻlovlarni amalga oshirish uchun yetarli mablagʻlar mavjud boʻlmagan taqdirda, ushbu mablagʻlar overdraft sifatida aks ettiriladi;”;
d) quyidagi mazmundagi 18 1 -band bilan toʻldirilsin:
“18 1 . Qonunchilik hujjatlarida belgilangan tartibda banklarning vakillik hisobvaragʻidan mablagʻlarni akseptsiz tarzda hisobdan chiqarishda Markaziy bank memorial ordyerdan foydalanadi.”;
e) 31-band oʻz kuchini yoʻqotgan deb topilsin;
j) quyidagi mazmundagi 40 1 -40 2 -bandlar bilan toʻldirilsin:
“40 1 . Markaziy bankning kliring asosida ishlovchi toʻlov tizimlaridan olingan banklar oʻrtasidagi yakuniy hisob-kitobga oid maʼlumotlar asosida elektron toʻlovlarni amalga oshirish uchun bankning Markaziy bankdagi vakillik hisobvaragʻida yetarli mablagʻ mavjud boʻlmagan taqdirda, mazkur vakillik hisobvaragʻida overdraftni shakllantirish orqali banklar oʻrtasidagi yakuniy hisob-kitob nihoyasiga yetkaziladi.
40 2 . Operatsion kun oxirida vakillik hisobvaragʻida overdraft yuzaga kelgan bankning Markaziy bank hisob-kitoblar kliring tizimi va Tezkor toʻlovlar tizimi orqali operatsiyalari keyingi ish kunidan boshlab vakillik hisobvaragʻida ijobiy qoldiq shakllangunga qadar toʻxtatiladi.
Bankning vakillik hisobvaragʻida ijobiy qoldiq shakllangan kunning oʻzida Markaziy bank hisob-kitoblar kliring tizimi va Tezkor toʻlovlar tizimida ushbu bankning elektron toʻlovlarni amalga oshirish imkoniyati qayta tiklanadi.”;
z) 46-banddagi “Markaziy bankdagi vakillik hisobvaragʻi yetarli ijobiy qoldiqqa ega boʻlishi kerak” degan soʻzlar “Markaziy bankdagi vakillik hisobvaragʻida yetarli mablagʻ mavjud boʻlishi kerak” degan soʻzlar bilan almashtirilsin.
Markaziy bank raisi M. NURMURATOV
Toshkent sh.,
2023-yil 4-yanvar,
30/27-son