📅 2023-yil 23-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 23 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2023 г. · Указы Президента
Официальный текст. Официальный документ. Редакционные примечания не включены.
📅 23 February 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ЖАДВАЛИ
Ўзбекистон Республикаси Президентининг 2020 йил 12 ноябрдаги «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги ПФ-6109-сон Фармонига ўзгартиришлар киритиш ҳақида
Сурхондарё вилоятининг саноат ва хизмат кўрсатиш соҳаларидаги имкониятларидан самарали фойдаланиш орқали минтақавий савдони ривожлантириш, шунингдек, маҳаллий маҳсулотларни ташқи бозорларга олиб чиқиш мақсадида ташкил этилган «Термиз халқаро савдо маркази» эркин савдо зонаси ҳудудида савдо комплекслари, ишлаб чиқариш ва омборхона бинолари, логистика ва соғломлаштириш марказлари, меҳмонхона объектлари қурилиб, босқичма-босқич фойдаланишга топширилмоқда.
Хусусан, биринчи босқичда, қурилиш ишлари якунланган савдо комплекслари тадбиркорлик фаолиятини йўлга қўйиш учун маҳаллий ва хорижий инвесторларга таклиф этилмоқда.
«Термиз халқаро савдо маркази» эркин савдо зонаси ҳудудида қурилиш ишларини жадаллаштириш, шунингдек, қўшни мамлакат фуқароларига тиббий ва бошқа турдаги хизматлар кўрсатиш фаолиятини бошлашга кўмаклашиш мақсадида:
1. Ўзбекистон Республикаси Президентининг 2020 йил 12 ноябрдаги «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги ПФ-6109-сон Фармонига иловага мувофиқ қуйидагиларни назарда тутувчи ўзгартиришлар киритилсин:
Тикланиш ва тараққиёт жамғармаси томонидан Сурхондарё вилояти ҳокимлигига 3 йил муддатга, шу жумладан 1 йиллик имтиёзли даврни ҳисобга олган ҳолда ажратилган кредитни қайтариш муддатини 1 йилга узайтириш;
кредитни қайтариш прогноз жадвалини қайта тасдиқлаш.
2. Тикланиш ва тараққиёт жамғармаси Сурхондарё вилояти ҳокимлиги билан биргаликда бир ой муддатда ушбу Фармондан келиб чиққан ҳолда кредит шартномаси шартларини қайта кўриб чиқсин.
3. Инвестициялар, саноат ва савдо вазирлиги:
Савдо-саноат палатаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда икки ой муддатда «Термиз халқаро савдо маркази» эркин савдо зонасига ҳудудларда экспортбоп маҳсулотлар ишлаб чиқарувчи ҳамда ўз фаолиятини кенгайтириш истагидаги тадбиркорлик субъектларини;
Ташқи ишлар вазирлиги билан биргаликда «Термиз халқаро савдо маркази» эркин савдо зонасида яратилган кенг имкониятлар (имтиёзлар) тўғрисида хорижий ҳамкорлар билан музокаралар ўтказган ҳолда ишлаб чиқариш ва хизмат кўрсатиш йўналишида тўғридан-тўғри хорижий инвестицияларни жалб этиш чораларини кўрсин.
4. Мазкур Фармон ижросини самарали ташкил қилишга масъул ва шахсий жавобгар этиб Сурхондарё вилояти ҳокими вазифасини бажарувчи У.Б. Қосимов ҳамда инвестициялар, саноат ва савдо вазири Л.Ш. Қудратов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 23 февралдаги ПФ-26-сон Фармонига ИЛОВА
Ўзбекистон Республикаси Президентининг 2020 йил 12 ноябрдаги «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги ПФ-6109-сон Фармонига киритилаётган ўзгартиришлар
1. 10-банднинг иккинчи хатбошиси қуйидаги таҳрирда баён этилсин:
«Жамғарма кредитлари Сурхондарё вилояти ҳокимлигига 4 йил муддатга, шу жумладан 2 йиллик имтиёзли даврни ва Тошкент шаҳар ҳокимлигига 3 йил муддатга, шу жумладан 1 йиллик имтиёзли даврни ҳисобга олган ҳолда, йиллик фоиз ставкаси 6 ойлик LIBOR + 2 фоизда объектлар қурилиш-монтаж ишларини бажариш ҳамда зарур инфратузилмаларни барпо этишга Маъмурий кенгашлар томонидан тасдиқланадиган манзилли рўйхатларга асосан ажратилади».
2. 2-илованинг матни қуйидаги таҳрирда баён этилсин:
«Ўзбекистон Республикаси Тикланиш ва тараққиёт жамғармасидан Сурхондарё вилояти ҳокимлигига ажратиладиган кредитни қайтариш прогноз
Кредит суммаси 20 000 минг АҚШ доллари эквивалентида Кредит муддати 4 йил Имтиёзли давр 2 йил Фоиз ставкаси (ўзгарувчан) 6 ойлик LIBOR + 2 фоиз йиллик Кредитни ташкил этиш учун комиссия 0,3 фоиз Мажбурият бўйича комиссия 0,3 фоиз йиллик (минг АҚШ долларида) Тўлаш даври Танлаб олиш* Тўлов суммаси* Комиссия Тўланиши керак бўлган жами сумма* Асосий қарз Фоизлар Кредитни ташкиллаштириш учун Мажбурият бўйича 2021 йилнинг I ярим йиллиги 10 000,00 - - 60** - 60 2021 йилнинг II ярим йиллиги - - 106,27** - 14,38** 120,65 2022 йилнинг I ярим йиллиги 9 000,00 - 115,51 - 14,61 130,12 2022 йилнинг II ярим йиллиги - - 373,00 - 1,48 374,48 2023 йилнинг I ярим йиллиги - 4 000,00 653,02 - 1,49 4 654,51 2023 йилнинг II ярим йиллиги 1 000,00 4 000,00 524,09 - 1,51 4 525,60 2024 йилнинг I ярим йиллиги - 4 000,00 414,71 - - 4 414,71 2024 йилнинг II ярим йиллиги - 4 000,00 279,51 - - 4 279,51 2025 йилнинг I ярим йиллиги - 4 000,00 137,48 - - 4 137,48 Жами 20 000,00 20 000,00 2 603,59 60,00 33,47 22 697,06
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 23 февраль,
ПФ-26-сон
Oʻzbekiston Respublikasi Prezidentining
Farmoni
JADVALI
Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga oʻzgartirishlar kiritish haqida
Surxondaryo viloyatining sanoat va xizmat koʻrsatish sohalaridagi imkoniyatlaridan samarali foydalanish orqali mintaqaviy savdoni rivojlantirish, shuningdek, mahalliy mahsulotlarni tashqi bozorlarga olib chiqish maqsadida tashkil etilgan “Termiz xalqaro savdo markazi” erkin savdo zonasi hududida savdo komplekslari, ishlab chiqarish va omborxona binolari, logistika va sogʻlomlashtirish markazlari, mehmonxona obyektlari qurilib, bosqichma-bosqich foydalanishga topshirilmoqda.
Xususan, birinchi bosqichda, qurilish ishlari yakunlangan savdo komplekslari tadbirkorlik faoliyatini yoʻlga qoʻyish uchun mahalliy va xorijiy investorlarga taklif etilmoqda.
“Termiz xalqaro savdo markazi” erkin savdo zonasi hududida qurilish ishlarini jadallashtirish, shuningdek, qoʻshni mamlakat fuqarolariga tibbiy va boshqa turdagi xizmatlar koʻrsatish faoliyatini boshlashga koʻmaklashish maqsadida:
1. Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga ilovaga muvofiq quyidagilarni nazarda tutuvchi oʻzgartirishlar kiritilsin:
Tiklanish va taraqqiyot jamgʻarmasi tomonidan Surxondaryo viloyati hokimligiga 3 yil muddatga, shu jumladan 1 yillik imtiyozli davrni hisobga olgan holda ajratilgan kreditni qaytarish muddatini 1 yilga uzaytirish;
kreditni qaytarish prognoz jadvalini qayta tasdiqlash.
2. Tiklanish va taraqqiyot jamgʻarmasi Surxondaryo viloyati hokimligi bilan birgalikda bir oy muddatda ushbu Farmondan kelib chiqqan holda kredit shartnomasi shartlarini qayta koʻrib chiqsin.
3. Investitsiyalar, sanoat va savdo vazirligi:
Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda ikki oy muddatda “Termiz xalqaro savdo markazi” erkin savdo zonasiga hududlarda eksportbop mahsulotlar ishlab chiqaruvchi hamda oʻz faoliyatini kengaytirish istagidagi tadbirkorlik subyektlarini;
Tashqi ishlar vazirligi bilan birgalikda “Termiz xalqaro savdo markazi” erkin savdo zonasida yaratilgan keng imkoniyatlar (imtiyozlar) toʻgʻrisida xorijiy hamkorlar bilan muzokaralar oʻtkazgan holda ishlab chiqarish va xizmat koʻrsatish yoʻnalishida toʻgʻridan-toʻgʻri xorijiy investitsiyalarni jalb etish choralarini koʻrsin.
4. Mazkur Farmon ijrosini samarali tashkil qilishga masʼul va shaxsiy javobgar etib Surxondaryo viloyati hokimi vazifasini bajaruvchi U.B. Qosimov hamda investitsiyalar, sanoat va savdo vaziri L.Sh. Qudratov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 23-fevraldagi PF-26-son Farmoniga ILOVA
Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga kiritilayotgan oʻzgartirishlar
1. 10-bandning ikkinchi xatboshisi quyidagi tahrirda bayon etilsin:
“Jamgʻarma kreditlari Surxondaryo viloyati hokimligiga 4 yil muddatga, shu jumladan 2 yillik imtiyozli davrni va Toshkent shahar hokimligiga 3 yil muddatga, shu jumladan 1 yillik imtiyozli davrni hisobga olgan holda, yillik foiz stavkasi 6 oylik LIBOR + 2 foizda obyektlar qurilish-montaj ishlarini bajarish hamda zarur infratuzilmalarni barpo etishga Maʼmuriy kengashlar tomonidan tasdiqlanadigan manzilli roʻyxatlarga asosan ajratiladi”.
2. 2-ilovaning matni quyidagi tahrirda bayon etilsin:
“Oʻzbekiston Respublikasi Tiklanish va taraqqiyot jamgʻarmasidan Surxondaryo viloyati hokimligiga ajratiladigan kreditni qaytarish prognoz
Kredit summasi 20 000 ming AQSh dollari ekvivalentida Kredit muddati 4 yil Imtiyozli davr 2 yil Foiz stavkasi (oʻzgaruvchan) 6 oylik LIBOR + 2 foiz yillik Kreditni tashkil etish uchun komissiya 0,3 foiz Majburiyat boʻyicha komissiya 0,3 foiz yillik (ming AQSh dollarida) Toʻlash davri Tanlab olish* Toʻlov summasi* Komissiya Toʻlanishi kerak boʻlgan jami summa* Asosiy qarz Foizlar Kreditni tashkillashtirish uchun Majburiyat boʻyicha 2021-yilning I yarim yilligi 10 000,00 - - 60** - 60 2021-yilning II yarim yilligi - - 106,27** - 14,38** 120,65 2022-yilning I yarim yilligi 9 000,00 - 115,51 - 14,61 130,12 2022-yilning II yarim yilligi - - 373,00 - 1,48 374,48 2023-yilning I yarim yilligi - 4 000,00 653,02 - 1,49 4 654,51 2023-yilning II yarim yilligi 1 000,00 4 000,00 524,09 - 1,51 4 525,60 2024-yilning I yarim yilligi - 4 000,00 414,71 - - 4 414,71 2024-yilning II yarim yilligi - 4 000,00 279,51 - - 4 279,51 2025-yilning I yarim yilligi - 4 000,00 137,48 - - 4 137,48 Jami 20 000,00 20 000,00 2 603,59 60,00 33,47 22 697,06
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 23-fevral,
PF-26-son
Президента Республики Узбекистан
Указ
«ПРОГНОЗНЫЙ ГРАФИК
О внесении изменений в Указ Президента Республики Узбекистан от 12 ноября 2020 года № УП-6109 «О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте»
На территории зоны свободной торговли «Международный торговый центр Термез», организованной в целях развития региональной торговли путем эффективного использования возможностей Сурхандарьинской области в сферах промышленности и оказания услуг, а также продвижения отечественной продукции на внешние рынки, строятся и поэтапно сдаются в эксплуатацию торговые комплексы, производственные и складские здания, центры логистики и оздоровления, гостиничные объекты.
В частности, на первом этапе торговые комплексы, строительство которых завершено, предлагаются отечественным и зарубежным инвесторам для организации предпринимательской деятельности.
В целях ускорения строительных работ на территории зоны свободной торговли «Международный торговый центр Термез», а также содействия налаживанию деятельности по оказанию гражданам соседней страны медицинских и других видов услуг:
1. Внести в Указ Президента Республики Узбекистан от 12 ноября 2020 года № УП-6109 «О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте» изменения согласно приложению , предусматривающие:
продление на 1 год срока возврата кредита, выделенного Фондом реконструкции и развития хокимияту Сурхандарьинской области сроком на 3 года, в том числе с учетом льготного периода — 1 год;
переутверждение прогнозного графика возврата кредита.
2. Фонду реконструкции и развития совместно с хокимиятом Сурхандарьинской области в месячный срок пересмотреть условия кредитного договора исходя из настоящего Указа.
3. Министерству инвестиций, промышленности и торговли принять меры по привлечению совместно:
с Торгово-промышленной палатой, Советом Министров Республики Каракалпакстан, хокимиятами областей и города Ташкента в двухмесячный срок в зону свободной торговли «Международный торговый центр Термез» субъектов предпринимательства, производящих в регионах экспортоориентированную продукцию, а также желающих расширить свою деятельность;
с Министерством иностранных дел — прямых иностранных инвестиций в направлении производства и оказания услуг с проведением переговоров с зарубежными партнерами о широких возможностях (льготах), созданных в зоне свободной торговли «Международный торговый центр Термез».
4. Возложить на и.о. хокима Сурхандарьинской области У.Б. Косимова и министра инвестиций, промышленности и торговли Л.Ш. Кудратова персональную ответственность за эффективную организацию исполнения настоящего Указа.
Обсуждение исполнения Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 23 февраля 2023 года № УП-26
Изменения, вносимые в Указ Президента Республики Узбекистан от 12 ноября 2020 года № УП-6109 «О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте»
1. Абзац второй пункта 10 изложить в следующей редакции:
«кредитные средства Фонда выделяются хокимияту Сурхандарьинской области сроком на 4 года, включая двухгодичный льготный период, и хокимияту города Ташкента — сроком на 3 года, включая годичный льготный период, по годовой процентной ставке 6 месяцев LIBOR + 2 процента на основе адресных перечней, утверждаемых Административными советами, на выполнение строительно-монтажных работ и сооружение необходимой инфраструктуры;».
2. Текст приложения № 2 изложить в следующей редакции:
возврата кредита, выделенного из Фонда реконструкции и развития Республики Узбекистан хокимияту Сурхандарьинской области
Сумма кредита в эквиваленте 20 000,0 тыс. долларов США Срок кредита 4 года Льготный период 2 года Процентная ставка (переменная) 6-месячный LIBOR + 2% годовых Комиссия за организацию кредита 0,3% Комиссия за обязательство 0,3% годовых (тыс. долл. США) Период выплат Выборка* Сумма выплат* Комиссия Общая сумма, подлежащая к выплате* Основного займа По процентам За организацию кредита За обязательство I полугодие 2021 года 10 000,00 - - 60** - 60 II полугодие 2021 года - - 106,27** - 14,38** 120,65 I полугодие 2022 года 9 000,00 - 115,51 - 14,61 130,12 II полугодие 2022 года - - 373,00 - 1,48 374,48 I полугодие 2023 года - 4 000,00 653,02 - 1,49 4 654,51 II полугодие 2023 года 1 000,00 4 000,00 524,09 - 1,51 4 525,60 I полугодие 2024 года - 4 000,00 414,71 - - 4 414,71 II полугодие 2024 года - 4 000,00 279,51 - - 4 279,51 I полугодие 2025 года - 4 000,00 137,48 - - 4 137,48 Итого 20 000,00 20 000,00 2 603,59 60,00 33,47 22 697,06
Президент Республики Узбекистан Ш. МИРЗИЁЕВ
г. Ташкент,
23 февраля 2023 г.,
№ УП-26