📅 2023-yil 23-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 23 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2023 г. · Постановления Президента
Официальный текст. Официальный документ. Редакционные примечания не включены.
📅 23 February 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалигида аҳоли бандлигини ошириш ва ер участкаларидан самарали фойдаланиш чора-тадбирлари тўғрисида
Амалга оширилаётган ислоҳотларни изчил давом эттириш, ердан оқилона фойдаланиш ва кўп қаватли ишлаб чиқариш биноларини қуришни ҳамда ҳудудларнинг саноат салоҳиятини кенгайтиришни солиқ юкини пасайтириш ҳисобига рағбатлантириш мақсадида:
1. 2023 йил 1 апрелдан 2024 йил 1 майга қадар эксперимент тариқасида республика бюджетидан пахта ва (ёки) ғалла етиштиришга ихтисослашган фермер хўжаликларига уларнинг ишчиларининг меҳнатга ҳақ тўлаш тарзидаги даромадлари бўйича тўланган жисмоний шахслардан олинадиган даромад солиғини бир вақтнинг ўзида қуйидаги шартларга риоя қилинганда қайтариб бериш тартиби жорий этилсин:
қишлоқ хўжалигига мўлжалланган ҳар бир гектар ер учун ойига камида бир нафар ишчининг бандлиги таъминланганда;
ҳар бир нафар ишчи учун ойига меҳнатга ҳақ тўлаш тарзидаги даромад меҳнатга ҳақ тўлашнинг энг кам миқдорининг бир бараваридан кам бўлмаган миқдорда белгиланганда;
пахта ва (ёки) ғалла етиштиришга ихтисослашган фермер хўжалиги ўтган йил якуни бўйича Солиқ кодексининг 57-моддаси талабларига жавоб берганда.
2. Иқтисодиёт ва молия вазирлиги ҳузуридаги Солиқ қўмитаси бир ой муддатда республика бюджетидан пахта ва (ёки) ғалла етиштиришга ихтисослашган фермер хўжаликларининг ҳисоб рақамларига уларнинг ишчиларининг меҳнатга ҳақ тўлаш тарзидаги даромадлари бўйича тўланган жисмоний шахслардан олинадиган даромад солиғини ҳисобот ойидан кейинги ойнинг 25 санасидан кейин тўлиқ миқдорда қайтаришнинг автоматлаштирилган тизимини ишлаб чиқсин.
3. Белгилансинки, 2023 йил 1 апрелдан бошлаб тадбиркорлик субъектлари янги қурилган кўп қаватли ишлаб чиқариш бинолари, шу жумладан 2023 йил 1 январдан кейин фойдаланишга топширилган бинолар юзасидан (республиканинг шаҳарлари, шунингдек, Тошкент вилоятининг Зангиота, Қибрай ва Тошкент туманларида жойлашган бинолар бундан мустасно) юридик шахсларнинг мол-мулкига солинадиган солиқ бўйича ҳисобланган суммани уч қаватли бинога — 0,9, тўрт қаватли бинога — 0,8, беш қаватли бинога — 0,7, олти қаватли бинога — 0,6, етти ва ундан юқори қаватли бинога — 0,5 пасайтирувчи коэффициентни қўллаган ҳолда, бино фойдаланишга топширилган ойдан бошлаб 3 йилдан ортиқ бўлмаган муддатга тўлайди. Бунда, ушбу бандда белгиланган пасайтирувчи коэффициент:
маҳсулот ишлаб чиқариш бўйича фаолиятни амалга ошириш учун зарур бўлган ёрдамчи хоналар билан (офис учун хоналар ва ўзи ишлаб чиқарган маҳсулотларни сотиш учун, касбни эгаллаш мақсадида ташкил этилган ўқув-ишлаб чиқариш хоналари ва ҳ.к.) бирга, агар уларнинг майдони янги қурилган кўп қаватли ишлаб чиқариш биносининг умумий майдонининг 20 фоизидан ошмаган бўлса;
ишлаб чиқариш мақсадларида бино бир нечта хўжалик юритувчи субъектлар томонидан биргаликда фойдаланилаётган бўлса, бундай бинонинг ҳар бир мулкдори томонидан қўлланилади.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 23 февраль,
ПҚ-69-сон
Oʻzbekiston Respublikasi Prezidentining
Qarori
Qishloq xoʻjaligida aholi bandligini oshirish va yer uchastkalaridan samarali foydalanish chora-tadbirlari toʻgʻrisida
Amalga oshirilayotgan islohotlarni izchil davom ettirish, yerdan oqilona foydalanish va koʻp qavatli ishlab chiqarish binolarini qurishni hamda hududlarning sanoat salohiyatini kengaytirishni soliq yukini pasaytirish hisobiga ragʻbatlantirish maqsadida:
1. 2023-yil 1-apreldan 2024-yil 1-mayga qadar eksperiment tariqasida respublika budjetidan paxta va (yoki) gʻalla yetishtirishga ixtisoslashgan fermer xoʻjaliklariga ularning ishchilarining mehnatga haq toʻlash tarzidagi daromadlari boʻyicha toʻlangan jismoniy shaxslardan olinadigan daromad soligʻini bir vaqtning oʻzida quyidagi shartlarga rioya qilinganda qaytarib berish tartibi joriy etilsin:
qishloq xoʻjaligiga moʻljallangan har bir gektar yer uchun oyiga kamida bir nafar ishchining bandligi taʼminlanganda;
har bir nafar ishchi uchun oyiga mehnatga haq toʻlash tarzidagi daromad mehnatga haq toʻlashning eng kam miqdorining bir baravaridan kam boʻlmagan miqdorda belgilanganda;
paxta va (yoki) gʻalla yetishtirishga ixtisoslashgan fermer xoʻjaligi oʻtgan yil yakuni boʻyicha Soliq kodeksining 57-moddasi talablariga javob berganda.
2. Iqtisodiyot va moliya vazirligi huzuridagi Soliq qoʻmitasi bir oy muddatda respublika budjetidan paxta va (yoki) gʻalla yetishtirishga ixtisoslashgan fermer xoʻjaliklarining hisob raqamlariga ularning ishchilarining mehnatga haq toʻlash tarzidagi daromadlari boʻyicha toʻlangan jismoniy shaxslardan olinadigan daromad soligʻini hisobot oyidan keyingi oyning 25 sanasidan keyin toʻliq miqdorda qaytarishning avtomatlashtirilgan tizimini ishlab chiqsin.
3. Belgilansinki, 2023-yil 1-apreldan boshlab tadbirkorlik subyektlari yangi qurilgan koʻp qavatli ishlab chiqarish binolari, shu jumladan 2023-yil 1-yanvardan keyin foydalanishga topshirilgan binolar yuzasidan (respublikaning shaharlari, shuningdek, Toshkent viloyatining Zangiota, Qibray va Toshkent tumanlarida joylashgan binolar bundan mustasno) yuridik shaxslarning mol-mulkiga solinadigan soliq boʻyicha hisoblangan summani uch qavatli binoga — 0,9, toʻrt qavatli binoga — 0,8, besh qavatli binoga — 0,7, olti qavatli binoga — 0,6, yetti va undan yuqori qavatli binoga — 0,5 pasaytiruvchi koeffitsiyentni qoʻllagan holda, bino foydalanishga topshirilgan oydan boshlab 3 yildan ortiq boʻlmagan muddatga toʻlaydi. Bunda, ushbu bandda belgilangan pasaytiruvchi koeffitsiyent:
mahsulot ishlab chiqarish boʻyicha faoliyatni amalga oshirish uchun zarur boʻlgan yordamchi xonalar bilan (ofis uchun xonalar va oʻzi ishlab chiqargan mahsulotlarni sotish uchun, kasbni egallash maqsadida tashkil etilgan oʻquv-ishlab chiqarish xonalari va h.k.) birga, agar ularning maydoni yangi qurilgan koʻp qavatli ishlab chiqarish binosining umumiy maydonining 20 foizidan oshmagan boʻlsa;
ishlab chiqarish maqsadlarida bino bir nechta xoʻjalik yurituvchi subyektlar tomonidan birgalikda foydalanilayotgan boʻlsa, bunday binoning har bir mulkdori tomonidan qoʻllaniladi.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 23-fevral,
PQ-69-son
Президента Республики Узбекистан
Постановление
О мерах по повышению занятости населения в сельском хозяйстве и эффективному использованию земельных участков
В целях последовательного продолжения осуществляемых реформ, рационального использования земель, стимулирования строительства многоэтажных производственных зданий и расширения промышленного потенциала регионов за счет снижения налоговой нагрузки:
1. Внедрить в период с 1 апреля 2023 года по 1 мая 2024 года в качестве эксперимента порядок возврата из республиканского бюджета фермерским хозяйствам, специализирующимся на выращивании хлопка и (или) зерна, налога на доходы физических лиц, уплаченного с доходов в виде оплаты труда их работников, при соблюдении данными фермерскими хозяйствами одновременно следующих условий:
обеспечение занятости не менее одного работника на один гектар земельного участка сельскохозяйственного назначения в месяц;
установление дохода в виде оплаты труда на каждого работника в размере не менее одного минимального размера оплаты труда в месяц;
соответствие фермерского хозяйства, специализирующегося на выращивании хлопка и (или) зерна, требованиям статьи 57 Налогового кодекса по итогам предыдущего года.
2. Налоговому комитету при Министерстве экономики и финансов в месячный срок обеспечить разработку автоматизированной системы возврата из республиканского бюджета на расчетные счета фермерских хозяйств, специализирующихся на выращивании хлопка и (или) зерна, налога на доходы физических лиц, уплаченного с доходов в виде оплаты труда их работников в полном объеме, после 25-го числа месяца, следующего за отчетным.
3. Установить, что с 1 апреля 2023 года субъекты предпринимательства по вновь построенным многоэтажным производственным зданиям, в том числе введенным в эксплуатацию после 1 января 2023 года (за исключением расположенных в городах республики, а также в Зангиатинском, Кибрайском и Ташкентском районах Ташкентской области), уплачивают налог на имущество юридических лиц с применением понижающего коэффициента в размере 0,9 к начисленной сумме этого налога в отношении трехэтажного здания, 0,8 — четырехэтажного здания, 0,7 — пятиэтажного здания, 0,6 — шестиэтажного здания, 0,5 — семиэтажного и выше здания, с месяца ввода их в эксплуатацию на срок не более 3 лет. При этом понижающий коэффициент, установленный в настоящем пункте, применяется:
с учетом вспомогательных помещений необходимых для осуществления деятельности по производству продукции (помещения под офис и по реализации собственной произведенной продукции, учебно-производственные помещения для освоения профессии и т.п.), если их площадь не превышает 20 процентов от общей площади вновь построенного многоэтажного производственного здания;
каждым собственником такого здания, если здание используется в производственных целях совместно несколькими хозяйствующими субъектами.
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
23 февраля 2023 г.,
№ ПП-69