📅 2023-yil 23-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 23 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2023 г. · Постановления Президента
Официальный текст. Официальный документ. Редакционные примечания не включены.
📅 23 February 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
ШАРТЛАРИ
Касаначиликни янада ривожлантиришга оид қўшимча чора-тадбирлар тўғрисида
Касаначиларга қулай солиқ режимини жорий этиш, фаолиятини йўлга қўйиш учун уларни молиявий қўллаб-қувватлаш чораларини кенгайтириш, тадбиркорлик субъектлари томонидан ўз фаолиятига касаначиларни кенг жалб қилишни рағбатлантириш орқали аҳолининг бандлигини таъминлаш ва даромадларини кўпайтириш мақсадида:
1. Иш берувчиларга ўзини ўзи банд қилган шахсларни касаначи сифатида товарлар ишлаб чиқариш, ишларни бажариш ва хизматлар кўрсатиш фаолиятига жалб қилишга рухсат берилсин.
Белгилаб қўйилсинки, касаначи сифатида жалб қилинган ўзини ўзи банд қилган шахсларга касаначилик фаолияти учун назарда тутилган имтиёз ва преференциялар билан бирга ўзини ўзи банд қилган шахслар учун белгиланган имтиёз ва преференциялар ҳам қўлланилади.
2. Ўзини ўзи банд қилган шахслар шуғулланиши мумкин бўлган фаолият (ишлар, хизматлар) турлари рўйхати 1-иловага мувофиқ тўлдирилсин.
3. Белгилансинки, 2023 йил 1 мартдан 2026 йил 1 январга қадар уч ойдан ортиқ муддатга ўттиз нафардан зиёд касаначиларни белгиланган тартибда жалб қилган ва касаначилик асосида ишлаб чиқарилган маҳсулотларни (кўрсатилган хизматларни) реализация қилишдан олган даромадлари жами даромадининг 60 фоизидан кўпроғини ташкил этган тадбиркорлик субъектлари учун:
фойда солиғи ва айланмадан олинадиган солиқнинг солиқ базаси 50 фоизга камайтирилган ҳолда, бироқ тадбиркорлик субъекти томонидан касаначиларга тўланган иш ҳақи миқдорининг 1,5 бараваридан ошмаган миқдорда ҳисобланади;
2-иловага мувофиқ давлат мулки объектларидан фойдаланганлик учун ижара тўловлари 50 фоиз миқдорида белгиланади;
давлат харидлари доирасида тузиладиган шартномаларда бюджет буюртмачилари томонидан 50 фоиз миқдорида олдиндан тўловни амалга ошириш назарда тутилади.
Бунда, мазкур банддаги имтиёзлар ўттиз нафардан ортиқ касаначилар жалб қилинган даврга татбиқ этилсин.
4. Савдо-саноат палатаси ва «Ҳунарманд» уюшмасининг «Уста-шогирд» мактаблари ўқувчиларига ижтимоий солиқни тўлашнинг ўзини ўзи банд қилган шахслар учун белгиланган тартибини татбиқ этиш тўғрисидаги таклифи маъқуллансин.
Савдо-саноат палатаси Солиқ қўмитаси билан биргаликда бир ой муддатда ўз маълумотлар базасини солиқ органларининг маълумотлар базаси билан интеграция қилишни таъминласин.
6. Камбағалликни қисқартириш ва бандлик вазирлиги ҳузурида юридик шахс мақомига эга бўлмаган Ҳунармандчилик ва касаначиликни қўллаб-қувватлаш жамғармаси (кейинги ўринларда — Жамғарма) ташкил этилсин.
7. Белгилаб қўйилсинки, 2023 йил 1 мартдан бошлаб:
касаначиликни молиявий қўллаб-қувватлаш чоралари Жамғарма маблағлари ҳисобидан амалга оширилади;
Камбағалликни қисқартириш ва бандлик вазирлигининг Бандликка кўмаклашиш давлат жамғармаси ҳамда Жамоат ишлари жамғармасига касаначиликни қўллаб-қувватлаш учун Давлат бюджетидан ажратилган трансфертлар Жамғармага йўналтирилади, 2024 йилдан бошлаб — Давлат бюджети параметрларини шакллантиришда ушбу маблағлар Жамғарма учун ажратилиши кўзда тутилади.
Камбағалликни қисқартириш ва бандлик вазирлиги бир ҳафта муддатда Жамғарма фаолиятини молиялаштириш учун Аҳолини тадбиркорликка жалб қилиш жамғармасидан 100 миллиард сўм миқдорида маблағ ажратсин.
8. 2023 йил 1 мартдан шундай тартиб ўрнатилсинки, унга мувофиқ, Жамғарма ҳисобидан:
а) тадбиркорлик субъектларига ҳар бир касаначининг дастлабки уч ой давомидаги касаначилик фаолияти учун бир ойлик ўртача даромади миқдорида бир марталик субсидия улар касаначиликни ташкил этган маҳаллалар жойлашган ҳудудидан қатъи назар ажратилади;
б) тадбиркорлик субъектларига қуйидаги субсидиялар ажратилади:
2025 йил 1 январга қадар касаначилик билан шуғулланаётган ишсиз ва иш қидираётган, шунингдек, «Темир дафтар», «Аёллар дафтари», «Ёшлар дафтари» ёки «Ижтимоий ҳимоя ягона реестри»га киритилган фуқароларга асбоб-ускуналар ва хомашё харид қилиш бўйича харажатларини қоплаш учун, бироқ ҳар бир касаначи учун базавий ҳисоблаш миқдорининг 30 бараваригача миқдорда бир марталик;
касаначилик асосида уй шароитида ишлаётган ногиронлиги бўлган шахсларнинг иш жойини мослаштириш учун ҳар бир мослаштирилаётган иш жойи бўйича базавий ҳисоблаш миқдорининг 40 бараваригача миқдорда;
касаначиларни касб-ҳунарга ўқитишга сарфланадиган харажатларини уч ойгача бўлган муддатда қоплаш учун, бироқ ҳар бир касаначи учун ҳар ойда базавий ҳисоблаш миқдорининг 2 бараваригача миқдорда.
9. 2023 йилда оилавий тадбиркорликни ривожлантириш дастурлари доирасида ажратилаётган кредитларнинг камида 500 миллиард сўми касаначилик ва ҳунармандчиликни ривожлантириш бўйича лойиҳаларни молиялаштиришга йўналтирилсин.
Белгилансинки, тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимларининг ёрдамчилари тавсияси асосида тадбиркорлик субъектларига айланма маблағларини тўлдириш учун:
оилавий тадбиркорликни ривожлантириш дастурлари доирасида ҳар бир жалб қилинган касаначи учун 2 миллион сўмгача, бироқ жами 300 миллион сўмгача йиллик 14 фоиз ставкада, 6 ойгача бўлган имтиёзли давр билан 3 йилгача муддатга револьвер кредитлар ажратилади;
Жамғарма ҳисобидан ҳар бир жалб қилинган касаначи учун 1 миллион сўмгача, бироқ жами 150 миллион сўмгача 2 йилгача муддатга фоизсиз ссуда ажратилади.
Мазкур кредит ва ссудаларни тадбиркорлик субъектлари талабига биноан касаначиларнинг банк карталарига ўтказиб берилишига рухсат берилсин.
10. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Савдо-саноат палатаси билан биргаликда 2023 йил 1 июнга қадар давлат улуши мавжуд йирик савдо мажмуалари ва деҳқон бозорлари ҳудудларида доимий ҳунармандчилик ва касаначилик савдо расталари ташкил этилишини таъминласин.
Бунда:
савдо расталари ҳунармандлар ва касаначилар томонидан ишлаб чиқарилган маҳсулотларни сотишга мўлжаллансин;
савдо ўринлари ижара тўловлари 50 фоизга камайтирилган ҳолда ижарага берилсин.
11. Камбағалликни қисқартириш ва бандлик вазирининг биринчи ўринбосарига касаначилик фаолиятини ривожлантириш бўйича қуйидаги қўшимча вазифалар юклатилсин:
маҳаллаларда касаначиликни ташкил этиш ва ривожлантириш орқали маҳсулот ишлаб чиқариш ва хизматлар кўрсатиш кўламини кенгайтириш;
маҳаллаларда ишсиз фуқароларни касаначиликка жалб қилиш бўйича давлат томонидан рағбатлантирувчи механизмларни жорий этиш;
касаначилик маҳсулотларининг кооперация усулида, шу жумладан электрон савдо платформалари орқали сотилишига тизимли кўмаклашиш.
Бош вазир ўринбосари Ж.А. Қўчқоров бир ҳафта муддатда 2023 йилда касаначилик асосида аҳолининг бандлигини таъминлаш бўйича ойма-ой маҳаллалар кесимида мақсадли кўрсаткичларни тасдиқласин.
12. Камбағалликни қисқартириш ва бандлик вазирлиги манфаатдор вазирлик ва идоралар билан биргаликда:
икки ҳафта муддатда Касаначиликни қўллаб-қувватлаш жамғармаси тўғрисидаги низом лойиҳасини;
икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб камбағалликни қисқартириш ва бандлик вазири Б.А. Мусаев белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 23 февралдаги ПҚ-70-сон қарорига 1-ИЛОВА
Ўзини ўзи банд қилган шахслар шуғулланиши мумкин бўлган қўшимча фаолият (ишлар, хизматлар) турлари
1. Қайта ишланган жундан кийимлар ва бошқа буюмлар тўқиш
2. Уй шароитида лойдан тандир тайёрлаш
3. Атлас ва адрас тўқиш
4. Майда мунчоқ (бисер) тикиш
5. Дўппидўзлик маҳсулотларини уй шароитида тайёрлаш
6. Темирчилик маҳсулотларини уй шароитида тайёрлаш
7. Асаларичилик, шунингдек, асалари уяси ва рамкаларини ясаш
8. Қуроқчилик усулида кўйлак, кўрпа ва ёпинчиқлар тикиш
9. Қўзиқоринларни териш, уй шароитларида етиштириш ва сотиш
10. Пичоқ тайёрлаш, чархлаш ва сотиш
11. Қоғоздан қутилар, бандероллар тайёрлаш
12. Уй шароитида иссиқхона маҳсулотларини етиштириш
13. Тайёр маҳсулотга этикетка бириктириш
14. Уй шароитида болалар ўйинчоғи ишлаб чиқариш
15. Уй шароитида супурги етиштириш ва тайёрлаш
16. Ясси оёқли болалар оёқ кийимларини тайёрлаш
17. Миллий тақинчоқлар ясаш
18. Кандакорлик, мискарлик буюмларини уй шароитида тайёрлаш
19. Дағал жундан гилам, кўрпа ва ёстиқ тайёрлаш
Ўзбекистон Республикаси Президентининг 2023 йил 23 февралдаги ПҚ-70-сон қарорига 2-ИЛОВА
Касаначиларни жалб қилган тадбиркорлик субъектларига давлат мулки объектларини ижара тўловларини 50 фоизга камайтирган ҳолда ижарага бериш
Жалб қилинган касаначилар сони Касаначилар жалб қилинган давр Касаначилик асосида ишлаб чиқарилган маҳсулотларни (кўрсатилган хизматларни) реализация қилишдан олинган даромад миқдори Давлат мулки объектининг имтиёз қўлланиладиган энг кўп майдони (кв.м) Тошкент шаҳри Нукус шаҳар ва вилоят марказлари Туман марказлари Бошқа ҳудудлар 30 нафардан ортиқ 3 ойдан ортиқ Жами даромаднинг 60 фоизидан ортиқ 220 240 260 280
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 23 февраль,
ПҚ-70-сон
Oʻzbekiston Respublikasi Prezidentining
Qarori
ROʻYXATI
SHARTLARI
Kasanachilikni yanada rivojlantirishga oid qoʻshimcha chora-tadbirlar toʻgʻrisida
Kasanachilarga qulay soliq rejimini joriy etish, faoliyatini yoʻlga qoʻyish uchun ularni moliyaviy qoʻllab-quvvatlash choralarini kengaytirish, tadbirkorlik subyektlari tomonidan oʻz faoliyatiga kasanachilarni keng jalb qilishni ragʻbatlantirish orqali aholining bandligini taʼminlash va daromadlarini koʻpaytirish maqsadida:
1. Ish beruvchilarga oʻzini oʻzi band qilgan shaxslarni kasanachi sifatida tovarlar ishlab chiqarish, ishlarni bajarish va xizmatlar koʻrsatish faoliyatiga jalb qilishga ruxsat berilsin.
Belgilab qoʻyilsinki, kasanachi sifatida jalb qilingan oʻzini oʻzi band qilgan shaxslarga kasanachilik faoliyati uchun nazarda tutilgan imtiyoz va preferensiyalar bilan birga oʻzini oʻzi band qilgan shaxslar uchun belgilangan imtiyoz va preferensiyalar ham qoʻllaniladi.
2. Oʻzini oʻzi band qilgan shaxslar shugʻullanishi mumkin boʻlgan faoliyat (ishlar, xizmatlar) turlari roʻyxati 1-ilovaga muvofiq toʻldirilsin.
3. Belgilansinki, 2023-yil 1-martdan 2026-yil 1-yanvarga qadar uch oydan ortiq muddatga oʻttiz nafardan ziyod kasanachilarni belgilangan tartibda jalb qilgan va kasanachilik asosida ishlab chiqarilgan mahsulotlarni (koʻrsatilgan xizmatlarni) realizatsiya qilishdan olgan daromadlari jami daromadining 60 foizidan koʻprogʻini tashkil etgan tadbirkorlik subyektlari uchun:
foyda soligʻi va aylanmadan olinadigan soliqning soliq bazasi 50 foizga kamaytirilgan holda, biroq tadbirkorlik subyekti tomonidan kasanachilarga toʻlangan ish haqi miqdorining 1,5 baravaridan oshmagan miqdorda hisoblanadi;
2-ilovaga muvofiq davlat mulki obyektlaridan foydalanganlik uchun ijara toʻlovlari 50 foiz miqdorida belgilanadi;
davlat xaridlari doirasida tuziladigan shartnomalarda budjet buyurtmachilari tomonidan 50 foiz miqdorida oldindan toʻlovni amalga oshirish nazarda tutiladi.
Bunda, mazkur banddagi imtiyozlar oʻttiz nafardan ortiq kasanachilar jalb qilingan davrga tatbiq etilsin.
4. Savdo-sanoat palatasi va “Hunarmand” uyushmasining “Usta-shogird” maktablari oʻquvchilariga ijtimoiy soliqni toʻlashning oʻzini oʻzi band qilgan shaxslar uchun belgilangan tartibini tatbiq etish toʻgʻrisidagi taklifi maʼqullansin.
Savdo-sanoat palatasi Soliq qoʻmitasi bilan birgalikda bir oy muddatda oʻz maʼlumotlar bazasini soliq organlarining maʼlumotlar bazasi bilan integratsiya qilishni taʼminlasin.
6. Kambagʻallikni qisqartirish va bandlik vazirligi huzurida yuridik shaxs maqomiga ega boʻlmagan Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin.
7. Belgilab qoʻyilsinki, 2023-yil 1-martdan boshlab:
kasanachilikni moliyaviy qoʻllab-quvvatlash choralari Jamgʻarma mablagʻlari hisobidan amalga oshiriladi;
Kambagʻallikni qisqartirish va bandlik vazirligining Bandlikka koʻmaklashish davlat jamgʻarmasi hamda Jamoat ishlari jamgʻarmasiga kasanachilikni qoʻllab-quvvatlash uchun Davlat budjetidan ajratilgan transfertlar Jamgʻarmaga yoʻnaltiriladi, 2024-yildan boshlab — Davlat budjeti parametrlarini shakllantirishda ushbu mablagʻlar Jamgʻarma uchun ajratilishi koʻzda tutiladi.
Kambagʻallikni qisqartirish va bandlik vazirligi bir hafta muddatda Jamgʻarma faoliyatini moliyalashtirish uchun Aholini tadbirkorlikka jalb qilish jamgʻarmasidan 100 milliard soʻm miqdorida mablagʻ ajratsin.
8. 2023-yil 1-martdan shunday tartib oʻrnatilsinki, unga muvofiq, Jamgʻarma hisobidan:
a) tadbirkorlik subyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ular kasanachilikni tashkil etgan mahallalar joylashgan hududidan qatʼi nazar ajratiladi;
b) tadbirkorlik subyektlariga quyidagi subsidiyalar ajratiladi:
2025-yil 1-yanvarga qadar kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xomashyo xarid qilish boʻyicha xarajatlarini qoplash uchun, biroq har bir kasanachi uchun bazaviy hisoblash miqdorining 30 baravarigacha miqdorda bir martalik;
kasanachilik asosida uy sharoitida ishlayotgan nogironligi boʻlgan shaxslarning ish joyini moslashtirish uchun har bir moslashtirilayotgan ish joyi boʻyicha bazaviy hisoblash miqdorining 40 baravarigacha miqdorda;
kasanachilarni kasb-hunarga oʻqitishga sarflanadigan xarajatlarini uch oygacha boʻlgan muddatda qoplash uchun, biroq har bir kasanachi uchun har oyda bazaviy hisoblash miqdorining 2 baravarigacha miqdorda.
9. 2023-yilda oilaviy tadbirkorlikni rivojlantirish dasturlari doirasida ajratilayotgan kreditlarning kamida 500 milliard soʻmi kasanachilik va hunarmandchilikni rivojlantirish boʻyicha loyihalarni moliyalashtirishga yoʻnaltirilsin.
Belgilansinki, tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilari tavsiyasi asosida tadbirkorlik subyektlariga aylanma mablagʻlarini toʻldirish uchun:
oilaviy tadbirkorlikni rivojlantirish dasturlari doirasida har bir jalb qilingan kasanachi uchun 2 million soʻmgacha, biroq jami 300 million soʻmgacha yillik 14 foiz stavkada, 6 oygacha boʻlgan imtiyozli davr bilan 3 yilgacha muddatga revolver kreditlar ajratiladi;
Jamgʻarma hisobidan har bir jalb qilingan kasanachi uchun 1 million soʻmgacha, biroq jami 150 million soʻmgacha 2 yilgacha muddatga foizsiz ssuda ajratiladi.
Mazkur kredit va ssudalarni tadbirkorlik subyektlari talabiga binoan kasanachilarning bank kartalariga oʻtkazib berilishiga ruxsat berilsin.
10. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Savdo-sanoat palatasi bilan birgalikda 2023-yil 1-iyunga qadar davlat ulushi mavjud yirik savdo majmualari va dehqon bozorlari hududlarida doimiy hunarmandchilik va kasanachilik savdo rastalari tashkil etilishini taʼminlasin.
Bunda:
savdo rastalari hunarmandlar va kasanachilar tomonidan ishlab chiqarilgan mahsulotlarni sotishga moʻljallansin;
savdo oʻrinlari ijara toʻlovlari 50 foizga kamaytirilgan holda ijaraga berilsin.
11. Kambagʻallikni qisqartirish va bandlik vazirining birinchi oʻrinbosariga kasanachilik faoliyatini rivojlantirish boʻyicha quyidagi qoʻshimcha vazifalar yuklatilsin:
mahallalarda kasanachilikni tashkil etish va rivojlantirish orqali mahsulot ishlab chiqarish va xizmatlar koʻrsatish koʻlamini kengaytirish;
mahallalarda ishsiz fuqarolarni kasanachilikka jalb qilish boʻyicha davlat tomonidan ragʻbatlantiruvchi mexanizmlarni joriy etish;
kasanachilik mahsulotlarining kooperatsiya usulida, shu jumladan elektron savdo platformalari orqali sotilishiga tizimli koʻmaklashish.
Bosh vazir oʻrinbosari J.A. Qoʻchqorov bir hafta muddatda 2023-yilda kasanachilik asosida aholining bandligini taʼminlash boʻyicha oyma-oy mahallalar kesimida maqsadli koʻrsatkichlarni tasdiqlasin.
12. Kambagʻallikni qisqartirish va bandlik vazirligi manfaatdor vazirlik va idoralar bilan birgalikda:
ikki hafta muddatda Kasanachilikni qoʻllab-quvvatlash jamgʻarmasi toʻgʻrisidagi nizom loyihasini;
ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
13. Mazkur qarorning ijrosini samarali tashkil qilishga masʼul va shaxsiy javobgar etib kambagʻallikni qisqartirish va bandlik vaziri B.A. Musayev belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 23-fevraldagi PQ-70-son qaroriga 1-ILOVA
Oʻzini oʻzi band qilgan shaxslar shugʻullanishi mumkin boʻlgan qoʻshimcha faoliyat (ishlar, xizmatlar) turlari
1. Qayta ishlangan jundan kiyimlar va boshqa buyumlar toʻqish
2. Uy sharoitida loydan tandir tayyorlash
3. Atlas va adras toʻqish
4. Mayda munchoq (biser) tikish
5. Doʻppidoʻzlik mahsulotlarini uy sharoitida tayyorlash
6. Temirchilik mahsulotlarini uy sharoitida tayyorlash
7. Asalarichilik, shuningdek, asalari uyasi va ramkalarini yasash
8. Quroqchilik usulida koʻylak, koʻrpa va yopinchiqlar tikish
9. Qoʻziqorinlarni terish, uy sharoitlarida yetishtirish va sotish
10. Pichoq tayyorlash, charxlash va sotish
11. Qogʻozdan qutilar, banderollar tayyorlash
12. Uy sharoitida issiqxona mahsulotlarini yetishtirish
13. Tayyor mahsulotga etiketka biriktirish
14. Uy sharoitida bolalar oʻyinchogʻi ishlab chiqarish
15. Uy sharoitida supurgi yetishtirish va tayyorlash
16. Yassi oyoqli bolalar oyoq kiyimlarini tayyorlash
17. Milliy taqinchoqlar yasash
18. Kandakorlik, miskarlik buyumlarini uy sharoitida tayyorlash
19. Dagʻal jundan gilam, koʻrpa va yostiq tayyorlash
Oʻzbekiston Respublikasi Prezidentining 2023-yil 23-fevraldagi PQ-70-son qaroriga 2-ILOVA
Kasanachilarni jalb qilgan tadbirkorlik subyektlariga davlat mulki obyektlarini ijara toʻlovlarini 50 foizga kamaytirgan holda ijaraga berish
Jalb qilingan kasanachilar soni Kasanachilar jalb qilingan davr Kasanachilik asosida ishlab chiqarilgan mahsulotlarni (koʻrsatilgan xizmatlarni) realizatsiya qilishdan olingan daromad miqdori Davlat mulki obyektining imtiyoz qoʻllaniladigan eng koʻp maydoni (kv.m) Toshkent shahri Nukus shahar va viloyat markazlari Tuman markazlari Boshqa hududlar 30 nafardan ortiq 3 oydan ortiq Jami daromadning 60 foizidan ortiq 220 240 260 280
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 23-fevral,
PQ-70-son
Президента Республики Узбекистан
Постановление
ПЕРЕЧЕНЬ
УСЛОВИЯ
О дополнительных мерах по дальнейшему развитию надомничества
В целях обеспечения занятости и увеличения доходов населения путем внедрения благоприятного налогового режима для надомников, расширения мер финансовой поддержки для налаживания их деятельности, а также поощрения широкого вовлечения субъектами предпринимательства надомников в свою деятельность:
1. Разрешить работодателям привлекать самозанятых лиц к деятельности по производству товаров, выполнению работ и оказанию услуг в качестве надомников.
Определить, что на самозанятых лиц, привлеченных в качестве надомников, наряду с льготами и преференциями, предусмотренными для самозанятых лиц, также распространяются льготы и преференции, установленные для надомнической деятельности.
2. Дополнить Перечень видов деятельности (работ, услуг), которыми могут заниматься самозанятые лица, согласно приложению № 1 .
3. Установить, что с 1 марта 2023 года по 1 января 2026 года для субъектов предпринимательства, которые в установленном порядке привлекли на более чем трехмесячный срок свыше тридцати надомников, и чей доход от реализации продукции (оказанных услуг), произведенной путем надомничества, превысил 60 процентов их совокупного дохода:
налоговая база налога на прибыль и налога с оборота рассчитывается со снижением на 50 процентов, но в размере, не превышающем 1,5-кратной суммы заработной платы, выплаченной надомникам субъектом предпринимательства;
арендные платежи за эксплуатацию объектов государственной собственности устанавливаются в размере 50 процентов согласно приложению № 2 ;
в договорах, заключаемых в рамках государственных закупок, предусматривается осуществление бюджетными заказчиками предоплаты в размере 50 процентов.
При этом льготы, определенные настоящим пунктом, применяются на период привлечения свыше тридцати надомников.
4. Одобрить предложение Торгово-промышленной палаты и Ассоциации «Хунарманд» о распространении порядка оплаты социального налога, установленного для самозанятых лиц, на учащихся школ «уста — шогирд».
Торгово-промышленной палате совместно с Налоговым комитетом в месячный срок обеспечить интеграцию своей базы данных с базой данных налоговых органов.
6. Образовать Фонд поддержки ремесленничества и надомничества при Министерстве занятости и сокращения бедности без статуса юридического лица (далее — Фонд).
7. Определить, что с 1 марта 2023 года:
меры финансовой поддержки надомничества осуществляются за счет средств Фонда;
трансферты для поддержки надомничества, выделенные из Государственного бюджета Государственному фонду содействия занятости и Фонду общественных работ Министерства занятости и сокращения бедности, направляются Фонду, с 2024 года предусматривается выделение данных средств Фонду при формировании параметров Государственного бюджета.
Министерству занятости и сокращения бедности в недельный срок выделить средства в размере 100 миллиардов сумов для финансирования деятельности Фонда за счет Фонда привлечения населения к предпринимательству.
8. Установить с 1 марта 2023 года порядок, в соответствии с которым за счет Фонда:
а) субъектам предпринимательства выделяется единовременная субсидия за надомническую деятельность в течение первых трех месяцев каждого надомника в размере его среднемесячного дохода, независимо от территории расположения махалли, в которой они организовали надомничество;
б) субъектам предпринимательства выделяются следующие субсидии:
единовременная до 1 января 2025 года для покрытия расходов на закупку оборудования и сырья для безработных и ищущих работу, а также граждан, включенных в «Железную тетрадь», «Женскую тетрадь», «Молодежную тетрадь» или «Единый реестр социальной защиты», занятых надомничеством, но до 30-кратного размера базовой расчетной величины за каждого надомника;
на приспособление рабочих мест лиц с инвалидностью, работающих в домашних условиях на основе надомничества, до 40-кратного размера базовой расчетной величины за каждое приспособленное рабочее место;
на покрытие расходов на профессиональное обучение надомников сроком до трех месяцев, но ежемесячно до 2-кратного размера базовой расчетной величины за каждого надомника.
9. Направить не менее 500 миллиардов сумов кредитов, выделяемых в рамках программ развития семейного предпринимательства в 2023 году, на финансирование проектов развития надомничества и ремесленничества.
Установить, что на основании рекомендации помощников хокимов районов (городов) по вопросам развития предпринимательства, обеспечения занятости населения и сокращения бедности субъектам предпринимательства для пополнения их оборотных средств выделяются:
револьверные кредиты в рамках программ развития семейного предпринимательства в размере до 2 миллионов сумов за каждого привлеченного надомника, но в общей сложности до 300 миллионов сумов на срок до 3-х лет, включая льготный период до 6 месяцев, по ставке 14 процентов годовых;
беспроцентная ссуда за счет Фонда в размере до 1 миллиона сумов за каждого привлеченного надомника, но в общей сложности до 150 миллионов сумов на срок до 2-х лет.
Разрешить зачислять эти кредиты и ссуды на банковские карты надомников по требованию субъектов предпринимательства.
10. Совету Министров Республики Каракалпакстан, хокимиятам областей и города Ташкента совместно с Торгово-промышленной палатой в срок до 1 июня 2023 года обеспечить создание на территории крупных торговых комплексов и дехканских рынков с государственной долей постоянно действующих торговых рядов ремесленничества и надомничества.
При этом:
приспособить торговые ряды ремесленничества и надомничества под реализацию продукции, изготовленной ремесленниками и надомниками;
торговые места предоставлять в аренду со снижением размера арендных платежей на 50 процентов.
11. Возложить на первого заместителя министра занятости и сокращения бедности следующие дополнительные задачи по развитию надомнической деятельности:
расширение масштаба производства продукции и оказания услуг путем организации и развития надомничества в махаллях;
внедрение государством механизмов стимулирования привлечения к надомничеству безработных граждан в махаллях;
содействие на системной основе в реализации надомнической продукции кооперационным методом, в том числе посредством электронных торговых платформ.
Заместителю Премьер-министра Д.А. Кучкарову в недельный срок утвердить помесячные целевые параметры обеспечения занятости населения путем надомничества в 2023 году в разрезе махаллей.
12. Министерству занятости и сокращения бедности совместно с заинтересованными министерствами и ведомствами внести в Кабинет Министров:
в двухнедельный срок проект Положения о Фонде поддержки надомничества;
в двухмесячный срок предложения об изменениях и дополнениях в акты законодательства, вытекающих из настоящего постановления.
13. Возложить на министра занятости и сокращения бедности Б.А. Мусаева персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на заместителя Премьер-министра Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 23 февраля 2023 года № ПП-70
дополнительных видов деятельности (работ, услуг), которыми могут заниматься самозанятые лица
1. Пошив одежды и других изделий из переработанной шерсти
2. Изготовление тандыра из глины в домашних условиях
3. Изготовление атласа и адраса
4. Изготовление бисера (бисероплетение)
5. Изготовление тюбетеечной продукции в домашних условиях
6. Изготовление кузнечной продукции в домашних условиях
7. Пчеловодство, а также изготовление пчелиных ульев и их рамок
8. Пошив платьев, «курпа» (одеял), покрывал лоскутным методом
9. Сбор, выращивание в домашних условиях и реализация грибов
10. Изготовление, заточка и реализация ножей
11. Изготовление бумажных коробок, бандеролей
12. Выращивание тепличной продукции в домашних условиях
13. Наклейка этикеток на готовую продукцию
14. Изготовление детских игрушек в домашних условиях
15. Выращивание и изготовление веников в домашних условиях
16. Изготовление обуви для детей с плоскостопием
17. Изготовление национальных украшений
18. Чеканка, изготовление медной продукции в домашних условиях
19. Изготовление ковров, «курпа» (одеял) и подушек из грубой шерсти.
ПРИЛОЖЕНИЕ № 2 к постановлению Президента Республики Узбекистан от 23 февраля 2023 года № ПП-70
передачи в аренду объектов государственной собственности субъектам предпринимательства, привлекшим надомников, с уменьшением арендных платежей на 50 процентов
Число привлеченных надомников Срок привлечения надомников Размер дохода, полученного в результате реализации продукции (оказания услуг), произведенной на основе надомничества Максимальный размер площади объекта государственной собственности, в отношении которой применяется льгота (кв.м) Город Ташкент Город Нукус и областные центры Районные центры Другие территории Свыше 30 человек Более 3 месяцев Превышает 60 процентов совокупного дохода 220 240 260 280
Президент Республики Узбекистан Ш. МИРЗИЁЕВ
г. Ташкент,
23 февраля 2023 г.,
№ ПП-70