📅 2023-yil 27-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 27 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 февраля 2023 г. · Постановления Президента
Официальный текст. Официальный документ. Редакционные примечания не включены.
📅 27 February 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ўзбекистон Республикаси Президентининг 2022 йил 12 апрелдаги «Муҳандислик-коммуникация тармоқлари учун ер участкаларини ажратиш тартибини такомиллаштириш чора-тадбирлари тўғрисида»ги ПҚ–204-сон қарорига ўзгартиришлар киритиш тўғрисида
Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармонига мувофиқ, шунингдек, Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссияси фаолиятини такомиллаштириш мақсадида:
1. Ўзбекистон Республикаси Президентининг 2022 йил 12 апрелдаги «Муҳандислик-коммуникация тармоқлари учун ер участкаларини ажратиш тартибини такомиллаштириш чора-тадбирлари тўғрисида»ги ПҚ-204-сон қарорига иловага мувофиқ ўзгартиришлар киритилсин.
2. Вазирлар Маҳкамаси икки ой муддатда Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссияси тўғрисидаги низомни тасдиқласин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 27 февралдаги ПҚ-78-сон қарорига ИЛОВА
Ўзбекистон Республикаси Президентининг 2022 йил 12 апрелдаги «Муҳандислик-коммуникация тармоқлари учун ер участкаларини ажратиш тартибини такомиллаштириш чора-тадбирлари тўғрисида»ги ПҚ-204-сон қарорига киритилаётган ўзгартиришлар
1. 3-банднинг учинчи — саккизинчи хатбошилари қуйидаги мазмундаги учинчи — тўққизинчи хатбошилар билан алмаштирилсин:
«Ўзбекистон Республикаси Президенти маслаҳатчисининг ўринбосари Ҳукумат комиссияси раиси, Қишлоқ хўжалиги вазирлиги Ҳукумат комиссиясининг ишчи органи ҳисобланади;
Ҳукумат комиссияси кўриб чиқиши учун масалалар Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари, шунингдек, улар билан келишган ҳолда республика давлат бошқаруви органларининг биринчи раҳбарлари томонидан ишчи органга Вазирлар Маҳкамаси томонидан белгиланадиган ягона талаблар асосида киритилади;
ишчи орган Сув хўжалиги вазирлиги, Қурилиш ва уй-жой коммунал хўжалиги вазирлиги ва Кадастр агентлиги тизими ходимлари билан бирга жойига чиққан ҳолда ҳар бир таклиф Ер кодексининг 44 ва 45-моддаларида ҳамда бошқа қонунчилик ҳужжатларида белгиланган талабларга мувофиқлигини ўрганади, ўрганиш якунлари бўйича ўз хулосасини Ҳукумат комиссиясига тақдим этади;
Ҳукумат комиссияси йиғилиши, қоида тариқасида, ҳар ойда бир маротаба унинг раиси ёки ишчи органи ташаббуси билан ўтказилади;
Ҳукумат комиссияси ҳар бир таклиф ва у юзасидан ишчи орган хулосасини кўриб чиқади ва қарор қабул қилади;
Ҳукумат комиссиясининг қарори баён шаклида расмийлаштирилади, баёнга Ер кодексининг 9-моддасига мувофиқ Ўзбекистон Республикаси Президентининг ва (ёки) Вазирлар Маҳкамасининг фармойиши лойиҳаси илова қилинади, баён ва фармойиш лойиҳаси уни ёқлаб овоз берганлар томонидан имзоланади;
Ҳукумат комиссияси аъзолари томонидан имзоланган Ўзбекистон Республикаси Президентининг ва (ёки) Вазирлар Маҳкамасининг фармойиши лойиҳаси ишчи орган томонидан Вазирлар Маҳкамасига киритилади, бунда мазкур лойиҳаларни бошқа идоралар билан келишиш талаб этилмайди».
2. 2-илованинг матни қуйидаги таҳрирда баён этилсин:
«Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссияси
1. Ш.М. Ғаниев — Ўзбекистон Республикаси Президенти маслаҳатчисининг ўринбосари, Комиссия раиси 2. А.Б. Воитов — қишлоқ хўжалиги вазири, Комиссия раиси ўринбосари 3. Ш.Р. Хамраев — сув хўжалиги вазири 4. Ф.Ж. Пўлатов — Кадастр агентлиги директори 5. Н.Ж. Бакиров — Ўрмон хўжалиги агентлиги директори 6. Лавозимига кўра — Бош прокурор ўринбосари 7. Н.Қ. Холмуродов — инвестициялар, саноат ва савдо вазирининг биринчи ўринбосари 8. О.А. Пекось — рақамли технологиялар вазирининг биринчи ўринбосари 9. Д.К. Адилов — қурилиш ва уй-жой коммунал хўжалиги вазири ўринбосари 10. А.О. Қобилов — тоғ-кон саноати ва геология вазири ўринбосари 11. С.А. Нишанбаев — ички ишлар вазири ўринбосари 12. А.Н. Каримов — адлия вазири ўринбосари 13. Лавозимига кўра — Қорақалпоғистон Республикаси Вазирлар Кенгаши Раисининг, вилоятлар ҳокимларининг қишлоқ ва сув хўжалиги масалалари бўйича ўринбосарлари 14. Лавозимига кўра — Бош вазир котибияти масъул ходими, Комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 27 февраль,
ПҚ-78-сон
Oʻzbekiston Respublikasi Prezidentining
Qarori
TARKIBI
Oʻzbekiston Respublikasi Prezidentining 2022-yil 12-apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari toʻgʻrisida”gi PQ–204-son qaroriga oʻzgartirishlar kiritish toʻgʻrisida
Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoniga muvofiq, shuningdek, Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasi faoliyatini takomillashtirish maqsadida:
1. Oʻzbekiston Respublikasi Prezidentining 2022-yil 12-apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari toʻgʻrisida”gi PQ-204-son qaroriga ilovaga muvofiq oʻzgartirishlar kiritilsin.
2. Vazirlar Mahkamasi ikki oy muddatda Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasi toʻgʻrisidagi nizomni tasdiqlasin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 27-fevraldagi PQ-78-son qaroriga ILOVA
Oʻzbekiston Respublikasi Prezidentining 2022-yil 12-apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari toʻgʻrisida”gi PQ-204-son qaroriga kiritilayotgan oʻzgartirishlar
1. 3-bandning uchinchi — sakkizinchi xatboshilari quyidagi mazmundagi uchinchi — toʻqqizinchi xatboshilar bilan almashtirilsin:
“Oʻzbekiston Respublikasi Prezidenti maslahatchisining oʻrinbosari Hukumat komissiyasi raisi, Qishloq xoʻjaligi vazirligi Hukumat komissiyasining ishchi organi hisoblanadi;
Hukumat komissiyasi koʻrib chiqishi uchun masalalar Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari, shuningdek, ular bilan kelishgan holda respublika davlat boshqaruvi organlarining birinchi rahbarlari tomonidan ishchi organga Vazirlar Mahkamasi tomonidan belgilanadigan yagona talablar asosida kiritiladi;
ishchi organ Suv xoʻjaligi vazirligi, Qurilish va uy-joy kommunal xoʻjaligi vazirligi va Kadastr agentligi tizimi xodimlari bilan birga joyiga chiqqan holda har bir taklif Yer kodeksining 44 va 45-moddalarida hamda boshqa qonunchilik hujjatlarida belgilangan talablarga muvofiqligini oʻrganadi, oʻrganish yakunlari boʻyicha oʻz xulosasini Hukumat komissiyasiga taqdim etadi;
Hukumat komissiyasi yigʻilishi, qoida tariqasida, har oyda bir marotaba uning raisi yoki ishchi organi tashabbusi bilan oʻtkaziladi;
Hukumat komissiyasi har bir taklif va u yuzasidan ishchi organ xulosasini koʻrib chiqadi va qaror qabul qiladi;
Hukumat komissiyasining qarori bayon shaklida rasmiylashtiriladi, bayonga Yer kodeksining 9-moddasiga muvofiq Oʻzbekiston Respublikasi Prezidentining va (yoki) Vazirlar Mahkamasining farmoyishi loyihasi ilova qilinadi, bayon va farmoyish loyihasi uni yoqlab ovoz berganlar tomonidan imzolanadi;
Hukumat komissiyasi aʼzolari tomonidan imzolangan Oʻzbekiston Respublikasi Prezidentining va (yoki) Vazirlar Mahkamasining farmoyishi loyihasi ishchi organ tomonidan Vazirlar Mahkamasiga kiritiladi, bunda mazkur loyihalarni boshqa idoralar bilan kelishish talab etilmaydi”.
2. 2-ilovaning matni quyidagi tahrirda bayon etilsin:
“Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasi
1. Sh.M. Gʻaniyev — Oʻzbekiston Respublikasi Prezidenti maslahatchisining oʻrinbosari, Komissiya raisi 2. A.B. Voitov — qishloq xoʻjaligi vaziri, Komissiya raisi oʻrinbosari 3. Sh.R. Xamrayev — suv xoʻjaligi vaziri 4. F.J. Poʻlatov — Kadastr agentligi direktori 5. N.J. Bakirov — Oʻrmon xoʻjaligi agentligi direktori 6. Lavozimiga koʻra — Bosh prokuror oʻrinbosari 7. N.Q. Xolmurodov — investitsiyalar, sanoat va savdo vazirining birinchi oʻrinbosari 8. O.A. Pekos — raqamli texnologiyalar vazirining birinchi oʻrinbosari 9. D.K. Adilov — qurilish va uy-joy kommunal xoʻjaligi vaziri oʻrinbosari 10. A.O. Qobilov — togʻ-kon sanoati va geologiya vaziri oʻrinbosari 11. S.A. Nishanbayev — ichki ishlar vaziri oʻrinbosari 12. A.N. Karimov — adliya vaziri oʻrinbosari 13. Lavozimiga koʻra — Qoraqalpogʻiston Respublikasi Vazirlar Kengashi Raisining, viloyatlar hokimlarining qishloq va suv xoʻjaligi masalalari boʻyicha oʻrinbosarlari 14. Lavozimiga koʻra — Bosh vazir kotibiyati masʼul xodimi, Komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 27-fevral,
PQ-78-son
Президента Республики Узбекистан
Постановление
«СОСТАВ
О внесении изменений в постановление Президента Республики Узбекистан от 12 апреля 2022 года № ПП–204 «О мерах по совершенствованию порядка выделения земельных участков для инженерно-коммуникационных сетей»
В соответствии с Указом Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана», а также в целях совершенствования деятельности Правительственной комиссии по вопросам изменения категорий земельного фонда земель сельскохозяйственного назначения и лесного фонда:
1. Внести изменения в постановление Президента Республики Узбекистан от 12 апреля 2022 года № ПП-204 «О мерах по совершенствованию порядка выделения земельных участков для инженерно-коммуникационных сетей», согласно приложению .
2. Кабинету Министров в двухмесячный срок утвердить Положение Правительственной комиссии по рассмотрению вопросов изменения категорий земельного фонда земель сельскохозяйственного назначения и лесного фонда.
3. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 27 февраля 2023 года № ПП-78
Изменения, вносимые в постановление Президента Республики Узбекистан от 12 апреля 2022 года № ПП-204 «О мерах по совершенствованию порядка выделения земельных участков для инженерно-коммуникационных сетей»
1. В пункте 3 абзацы третий — восьмой заменить абзацами третьим — девятым следующего содержания:
«заместитель советника Президента Республики Узбекистан является председателем Правительственной комиссии, Министерство сельского хозяйства — рабочим органом Правительственной комиссии;
вопросы для рассмотрения Правительственной комиссией вносятся Председателем Совета Министров Республики Каракалпакстан, хокимами областей и города Ташкента, а также по согласованию с ними — первыми руководителями республиканских органов государственного управления в рабочий орган, на основе единых требований, устанавливаемых Кабинетом Министров;
рабочий орган совместно с работниками систем Министерства водного хозяйства, Министерства строительства и жилищно-коммунального хозяйства и Агентства по кадастру изучает соответствие каждого предложения требованиям, установленным в статьях 44 и 45 Земельного кодекса, иных актах законодательства с выходом на места, по итогам изучения — представляет свое заключение в Правительственную комиссию;
заседания Правительственной комиссии проводятся, как правило, один раз в месяц по инициативе ее председателя или рабочего органа;
Правительственная комиссия рассматривает каждое предложение и заключение по нему рабочего органа и принимает решение;
решения Правительственной комиссии оформляются в форме протокола, к которому в соответствии со статьей 9 Земельного кодекса прилагается проект распоряжения Президента Республики Узбекистан и (или) Кабинета Министров, проекты протокола и распоряжения подписываются проголосовавшими за них;
проект распоряжения Президента Республики Узбекистан и (или) Кабинета Министров, подписанный членами Правительственной комиссии, вносится в Кабинет Министров рабочим органом, при этом согласование данных проектов с другими ведомствами не требуется».
2. Текст приложения № 2 изложить в следующей редакции:
Правительственной комиссии по рассмотрению вопросов изменения категорий земельного фонда земель сельскохозяйственного назначения и лесного фонда
1. Ш.М. Ганиев — заместитель советника Президента Республики Узбекистан, председатель Комиссии 2. А.Б. Воитов — министр сельского хозяйства, заместитель председателя Комиссии 3. Ш.Р. Хамраев — министр водного хозяйства 4. Ф.Ж. Пулатов — директор Агентства по кадастру 5. Н.Ж. Бакиров — директор Агентства по лесному хозяйству 6. По должности — заместитель Генерального прокурора 7. Н.К. Холмуродов — первый заместитель министра инвестиций, промышленности и торговли 8. О.А. Пекось — первый заместитель министра цифровых технологий 9. Д.К. Адилов — заместитель министра строительства и жилищно-коммунального хозяйства 10. А.О. Кобилов — заместитель министра горнодобывающей промышленности и геологии 11. С.А. Нишанбаев — заместитель министра внутренних дел 12. А.Н. Каримов — заместитель министра юстиции 13. По должности — заместитель Председателя Совета Министров Республики Каракалпакстан, заместители хокимов областей по вопросам сельского и водного хозяйства 14. По должности — ответственный сотрудник Секретариата Премьер-министра, секретарь Комиссии
Президент Республики Узбекистан Ш. МИРЗИЁЕВ
г. Ташкент,
27 февраля 2023 г.,
№ ПП-78