UzbekAI

Ўзбекистон Республикаси Президентининг

Қарори

Истеъмолчиларни автобензин маҳсулотлари билан узлуксиз таъминлашда қулай шарт-шароитлар яратиш бўйича қўшимча чора-тадбирлар тўғрисида

Республика истеъмолчиларининг нефть маҳсулотларига бўлган талабини қондириш ҳамда нархлар барқарорлигини таъминлаш мақсадида:

1. Энергетика вазирлиги, Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитасининг 2023 йил 1 мартдан 2023 йил 31 декабрга қадар импорт қилинадиган, маҳаллий корхоналар томонидан ишлаб чиқариладиган ва тадбиркорлик субъектлари томонидан якуний истеъмолчиларга сотиладиган АИ-80 русумли автобензин маҳсулоти учун, истисно тариқасида, акциз солиғини «ноль» ставкада қўллаш тўғрисидаги таклифига розилик берилсин.

2. Ўзбекистон Республикаси Президентининг 2022 йил 12 декабрдаги «Куз-қиш мавсумида истеъмолчиларни автобензин маҳсулотлари билан узлуксиз таъминлаш ва уларнинг нархлари кескин ошишининг олдини олиш чора-тадбирлари тўғрисида»ги ПҚ-440-сон қарори 1-бандидаги «2023 йил 1 мартга қадар» сўзлари «2023 йил 31 декабрга қадар» сўзлари билан алмаштирилсин.

3. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 28 февраль,

ПҚ-80-сон

(Қонунчилик маълумотлари миллий базаси, 01.03.2023 й., 07/23/80/0122-сон)

lex.uz

Oʻzbekiston Respublikasi Prezidentining

Qarori

Isteʼmolchilarni avtobenzin mahsulotlari bilan uzluksiz taʼminlashda qulay shart-sharoitlar yaratish boʻyicha qoʻshimcha chora-tadbirlar toʻgʻrisida

Respublika isteʼmolchilarining neft mahsulotlariga boʻlgan talabini qondirish hamda narxlar barqarorligini taʼminlash maqsadida:

1. Energetika vazirligi, Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasining 2023-yil 1-martdan 2023-yil 31-dekabrga qadar import qilinadigan, mahalliy korxonalar tomonidan ishlab chiqariladigan va tadbirkorlik subyektlari tomonidan yakuniy isteʼmolchilarga sotiladigan AI-80 rusumli avtobenzin mahsuloti uchun, istisno tariqasida, aksiz soligʻini “nol” stavkada qoʻllash toʻgʻrisidagi taklifiga rozilik berilsin.

2. Oʻzbekiston Respublikasi Prezidentining 2022-yil 12-dekabrdagi “Kuz-qish mavsumida isteʼmolchilarni avtobenzin mahsulotlari bilan uzluksiz taʼminlash va ularning narxlari keskin oshishining oldini olish chora-tadbirlari toʻgʻrisida”gi PQ-440-son qarori 1-bandidagi “2023-yil 1-martga qadar” soʻzlari “2023-yil 31-dekabrga qadar” soʻzlari bilan almashtirilsin.

3. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 28-fevral,

PQ-80-son

(Qonunchilik maʼlumotlari milliy bazasi, 01.03.2023-y., 07/23/80/0122-son)

lex.uz

Президента Республики Узбекистан

Постановление

О дополнительных мерах по созданию благоприятных условий для бесперебойного обеспечения потребителей автобензином

В целях удовлетворения потребности потребителей республики в нефтепродуктах и обеспечения стабильности цен:

1. Согласиться с предложением Министерства энергетики, Министерства экономики и финансов, Комитета по развитию конкуренции и защите прав потребителей о применении с 1 марта 2023 года по 31 декабря 2023 года в порядке исключения нулевой ставки акцизного налога к автобензину марки АИ-80, импортируемому, производимому отечественными предприятиями и реализуемому субъектами предпринимательства конечным потребителям.

2. В пункте 1 постановления Президента Республики Узбекистан от 12 декабря 2022 года № ПП-440 «О мерах по бесперебойному обеспечению потребителей автобензином в осенне-зимний период и предотвращению резкого повышения его цен» слова «по 1 марта 2023 года» заменить словами «по 31 декабря 2023 года».

3. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

28 февраля 2023 г.,

№ ПП-80

(Национальная база данных законодательства, 01.03.2023 г., № 07/23/80/0122)

lex.uz