📅 2023-yil 9-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 9 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 марта 2023 г. · Постановления Президента
Официальный текст. Официальный документ. Редакционные примечания не включены.
📅 9 March 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Аҳоли томонидан тўловларни амалга оширишда қўшимча қулайликлар яратиш тўғрисида
Тўлов хизматлари бозорида илғор тўлов турлари ҳамда усуллари салмоғини ошириш, соғлом рақобат ва янги технологик ечимларни қўллаб-қувватлаш ҳамда аҳолига қўшимча қулайликлар яратиш мақсадида:
1. Шундай тартиб ўрнатилсинки, унга мувофиқ 2023 йил 1 майдан бошлаб иловада келтирилган, бенефициари бюджет ва корпоратив буюртмачи ҳисобланган тўловлар бўйича тўлов хизматлари кўрсатганлик учун воситачилик ҳақи (йиғимлар) тўлов шаклидан қатъи назар тўловчи — жисмоний шахсдан эмас, балки тўлов суммасидан чегириб қолиш йўли билан ундирилади.
Мазкур бандда кўрсатилган тўловларнинг бенефициари ҳисобланган бюджет ва корпоратив буюртмачилар 2023 йил 1 майга қадар тўлов хизматлари кўрсатишга доир амалдаги шартномаларга тегишли ўзгартиришлар киритилишини таъминласин.
Бунда, воситачилик ҳақи (йиғимлар) миқдори тўлов суммасининг бир фоизигача, бироқ жами суммаси Марказий банк томонидан белгиланадиган чегаравий миқдорлардан кўп бўлмаган миқдорда бўлиши назарда тутилсин.
2. 2023 йил 1 майга қадар Тошкент шаҳрида ҳуқуқий эксперимент тариқасида виртуал касса билан қамраб олинган савдо ва хизмат кўрсатиш шохобчаларида Марказий банк томонидан белгиланадиган чекланган лимит ва кунлик нақд пул тушумлари доирасида нақд пул ечиш хизматини кўрсатиш амалиёти жорий этилсин.
Бунда, мазкур бандда кўрсатилган нақд пул ечиш хизматини кўрсатиш тартиби Марказий банк томонидан белгиланади.
3. Марказий банк «НUMO» ва «UZCARD» тўлов тизимлари ўзаро интеграциясини босқичма-босқич, жумладан 2023 йил май ойига қадар банкоматлар ҳамда 2023 йил якунига қадар тўлов терминаллари тизимини интеграция қилиш ишларини якунласин.
4. Иқтисодиёт ва молия вазирлиги Марказий банк билан биргаликда 2023 йил 1 сентябрга қадар Ягона ғазна ҳисобварағи орқали ҳисоб-китобларни 24/7 режимида онлайн тартибда амалга ошириш мақсадида Иқтисодиёт ва молия вазирлигининг ахборот тизимини Марказий банкнинг «Тезкор тўловлар» тизимига интеграция қилишни таъминласин.
5 . Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 9 мартдаги ПҚ-88-сон қарорига ИЛОВА
2023 йил 1 майдан бошлаб воситачилик ҳақи (йиғимлар) тўлов суммасидан чегириб қолиш йўли билан ундириладиган, бенефициари бюджет ва корпоратив буюртмачи ҳисобланган тўловлар
Т/р Тўловлар тури 1. Барча турдаги давлат божи ва маъмурий жарималар бўйича тўловлар 2. Давлат хизматлари марказлари томонидан кўрсатиладиган давлат хизматлари, шу жумладан Ягона интерактив давлат хизматлари портали орқали кўрсатиладиган давлат хизматларига тўловлар 3. Мактабгача, умумий ўрта, ўрта махсус, профессионал, олий ва олий таълимдан кейинги таълим, қайта тайёрлов, малака ошириш ҳамда соғлиқни сақлаш муассасаларига тўловлар 4. Барча турдаги коммунал хизматлар учун тўловлар 5. Мажбурий ижро бюроси органлари томонидан суд ҳужжатлари ва бошқа органлар ҳужжатларини мажбурий ижро этиш бўйича ундириладиган тўловлар 6. «E-auksion» электрон савдо платформаси ва «K-Savdo» автоматлаштирилган ахборот тизимига тўловлар 7. Авиа, темир йўл ва бошқа жамоат транспортларига чипталарни харид қилишдаги тўловлар
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 9 март,
ПҚ-88-сон
Oʻzbekiston Respublikasi Prezidentining
Qarori
ROʻYXATI
Aholi tomonidan toʻlovlarni amalga oshirishda qoʻshimcha qulayliklar yaratish toʻgʻrisida
Toʻlov xizmatlari bozorida ilgʻor toʻlov turlari hamda usullari salmogʻini oshirish, sogʻlom raqobat va yangi texnologik yechimlarni qoʻllab-quvvatlash hamda aholiga qoʻshimcha qulayliklar yaratish maqsadida:
1. Shunday tartib oʻrnatilsinki, unga muvofiq 2023-yil 1-maydan boshlab ilovada keltirilgan, benefitsiari budjet va korporativ buyurtmachi hisoblangan toʻlovlar boʻyicha toʻlov xizmatlari koʻrsatganlik uchun vositachilik haqi (yigʻimlar) toʻlov shaklidan qatʼi nazar toʻlovchi — jismoniy shaxsdan emas, balki toʻlov summasidan chegirib qolish yoʻli bilan undiriladi.
Mazkur bandda koʻrsatilgan toʻlovlarning benefitsiari hisoblangan budjet va korporativ buyurtmachilar 2023-yil 1-mayga qadar toʻlov xizmatlari koʻrsatishga doir amaldagi shartnomalarga tegishli oʻzgartirishlar kiritilishini taʼminlasin.
Bunda, vositachilik haqi (yigʻimlar) miqdori toʻlov summasining bir foizigacha, biroq jami summasi Markaziy bank tomonidan belgilanadigan chegaraviy miqdorlardan koʻp boʻlmagan miqdorda boʻlishi nazarda tutilsin.
2. 2023-yil 1-mayga qadar Toshkent shahrida huquqiy eksperiment tariqasida virtual kassa bilan qamrab olingan savdo va xizmat koʻrsatish shoxobchalarida Markaziy bank tomonidan belgilanadigan cheklangan limit va kunlik naqd pul tushumlari doirasida naqd pul yechish xizmatini koʻrsatish amaliyoti joriy etilsin.
Bunda, mazkur bandda koʻrsatilgan naqd pul yechish xizmatini koʻrsatish tartibi Markaziy bank tomonidan belgilanadi.
3. Markaziy bank “NUMO” va “UZCARD” toʻlov tizimlari oʻzaro integratsiyasini bosqichma-bosqich, jumladan 2023-yil may oyiga qadar bankomatlar hamda 2023-yil yakuniga qadar toʻlov terminallari tizimini integratsiya qilish ishlarini yakunlasin.
4. Iqtisodiyot va moliya vazirligi Markaziy bank bilan birgalikda 2023-yil 1-sentabrga qadar Yagona gʻazna hisobvaragʻi orqali hisob-kitoblarni 24/7 rejimida onlayn tartibda amalga oshirish maqsadida Iqtisodiyot va moliya vazirligining axborot tizimini Markaziy bankning “Tezkor toʻlovlar” tizimiga integratsiya qilishni taʼminlasin.
5 . Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 9-martdagi PQ-88-son qaroriga ILOVA
2023-yil 1-maydan boshlab vositachilik haqi (yigʻimlar) toʻlov summasidan chegirib qolish yoʻli bilan undiriladigan, benefitsiari budjet va korporativ buyurtmachi hisoblangan toʻlovlar
T/r Toʻlovlar turi 1. Barcha turdagi davlat boji va maʼmuriy jarimalar boʻyicha toʻlovlar 2. Davlat xizmatlari markazlari tomonidan koʻrsatiladigan davlat xizmatlari, shu jumladan Yagona interaktiv davlat xizmatlari portali orqali koʻrsatiladigan davlat xizmatlariga toʻlovlar 3. Maktabgacha, umumiy oʻrta, oʻrta maxsus, professional, oliy va oliy taʼlimdan keyingi taʼlim, qayta tayyorlov, malaka oshirish hamda sogʻliqni saqlash muassasalariga toʻlovlar 4. Barcha turdagi kommunal xizmatlar uchun toʻlovlar 5. Majburiy ijro byurosi organlari tomonidan sud hujjatlari va boshqa organlar hujjatlarini majburiy ijro etish boʻyicha undiriladigan toʻlovlar 6. “E-auksion” elektron savdo platformasi va “K-Savdo” avtomatlashtirilgan axborot tizimiga toʻlovlar 7. Avia, temir yoʻl va boshqa jamoat transportlariga chiptalarni xarid qilishdagi toʻlovlar
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 9-mart,
PQ-88-son
Президента Республики Узбекистан
Постановление
ПЕРЕЧЕНЬ
О создании дополнительных удобств для осуществления платежей населением
В целях увеличения доли передовых видов и способов оплаты, поддержки здоровой конкуренции и новых технологических решений на рынке платежных услуг, а также создания дополнительных удобств для населения:
1. Установить порядок, в соответствии с которым с 1 мая 2023 года комиссионные платежи (сборы) за оказанные платежные услуги по платежам, приведенным в приложении , а также бенефициары которых являются бюджетными и корпоративными заказчиками, взыскиваются не с плательщика — физического лица, а путем вычета из суммы платежа независимо от формы оплаты.
Бюджетным и корпоративным заказчикам, являющимся бенефициарами платежей, указанных в настоящем пункте, в срок до 1 мая 2023 года обеспечить внесение соответствующих изменений в действующие договора по оказанию платежных услуг.
При этом определить размер комиссионных платежей (сборов) до одного процента суммы платежа, однако их общая сумма не может превышать предельных размеров, устанавливаемых Центральным банком.
2. Внедрить на срок до 1 мая 2023 года в городе Ташкенте в порядке правового эксперимента практику оказания услуг по снятию наличных денежных средств в точках торговли и оказания услуг, охваченных сетью виртуальных касс, в рамках предельного лимита, устанавливаемого Центральным банком, и однодневной наличной денежной выручки.
При этом порядок оказания услуг по снятию наличных денежных средств, указанных в настоящем пункте, устанавливается Центральным банком.
3. Центральному банку поэтапно завершить работу по взаимной интеграции платежных систем «НUMO» и «UZCARD», в частности банкоматов — до мая 2023 года, системы платежных терминалов — до конца 2023 года.
4. Министерству экономики и финансов совместно с Центральным банком в срок до 1 сентября 2023 года обеспечить интеграцию информационной системы Министерства экономики и финансов в Систему быстрых платежей Центрального банка для осуществления онлайн-расчетов в режиме 24/7 через Единый казначейский счет.
5. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 9 марта 2023 года № ПП-88
комиссионных платежей (сборов), взыскиваемых с 1 мая 2023 года путем вычета из суммы платежа, а также бенефициарами которых являются бюджетные и корпоративные заказчики
№ Виды платежей 1. Платежи за все виды государственной пошлины и административных штрафов 2. Платежи за государственные услуги, оказываемые центрами государственных услуг, в том числе посредством Единого портала интерактивных государственных услуг 3. Платежи дошкольным образовательным организациям, общим средним, средним специальным, профессиональным, высшим образовательным учреждениям, а также учреждениям послевузовского образования, переподготовки, повышения квалификации и здравоохранения 4. Платежи за все виды коммунальных услуг 5. Платежи за принудительное исполнение судебных актов и актов иных органов, взимаемые органами Бюро принудительного исполнения 6. Платежи Электронной торговой платформе « E-auksion » и Автоматизированной информационной системе « K-Savdo » 7. Платежи за приобретение билетов для проезда в авиационном, железнодорожном и иных видах общественного транспорта
Президент Республики Узбекистан Ш. МИРЗИЁЕВ
г. Ташкент,
9 марта 2023 г.,
№ ПП-88