📅 2023-yil 14-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 14 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2023 г. · Постановления Президента
Официальный текст. Официальный документ. Редакционные примечания не включены.
📅 14 March 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маҳалла тизими ходимлари куни белгиланиши муносабати билан Ўзбекистон Республикаси Президентининг 2017 йил 13 июлдаги «Маҳалла ифтихори» кўкрак нишонини таъсис этиш тўғрисида»ги ПҚ-3132-сон қарорига ўзгартиришлар киритиш ҳақида
Сўнгги йилларда маҳалланинг жамият ижтимоий-иқтисодий ҳаётига алоқадорлигини янада кучайтириш, хусусан бандликни таъминлаш, тадбиркорликни қўллаб-қувватлаш, ижтимоий ҳимояга муҳтож аҳоли қатламига ёрдам кўрсатиш борасида кенг кўламли ишлар олиб борилмоқда.
Маҳаллада маҳалла раиси, профилактика инспектори, ҳоким ёрдамчиси, ёшлар етакчиси ва хотин-қизлар фаоли бешлигининг ўзаро мувофиқлаштирилган фаолияти йўлга қўйилиб, жойлардаги муаммоларни маҳалланинг ўзида аниқлаб, уларни комплекс ёндашув асосида ҳал этиш амалиёти жорий этилди.
2022 — 2026 йилларга мўлжалланган Янги Ўзбекистоннинг тараққиёт стратегиясида белгиланган мақсадларга эришиш ҳамда маҳалла ходимларини рағбатлантириш тизимини янада такомиллаштириш орқали уларнинг фаолияти самарадорлигини ошириш мақсадида:
1. Ўзбекистон Республикаси Президентининг 2017 йил 13 июлдаги «Маҳалла ифтихори» кўкрак нишонини таъсис этиш тўғрисида»ги ПҚ-3132-сон қарорига иловага мувофиқ қуйидагиларни назарда тутувчи ўзгартиришлар киритилсин:
кўкрак нишонини топшириш вақтини 1 сентябрь — Мустақиллик куни арафасидан 22 март — Маҳалла тизими ходимлари куни арафасига кўчириш;
кўкрак нишонини топшириш вазифасини Маҳалла ва оилани қўллаб-қувватлаш вазирлигидан Камбағалликни қисқартириш ва бандлик вазирлиги зиммасига ўтказиш.
2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 14 мартдаги ПҚ-93-сон қарорига ИЛОВА
Ўзбекистон Республикаси Президентининг 2017 йил 13 июлдаги «Маҳалла ифтихори» кўкрак нишонини таъсис этиш тўғрисида»ги ПҚ-3132-сон қарорига киритилаётган ўзгартиришлар
1. 1-иловада :
а) 2-банддаги «маҳалла ва оилани қўллаб-қувватлаш» сўзлари «камбағалликни қисқартириш ва бандлик» сўзлари билан алмаштирилсин;
б) 3-банд қуйидаги таҳрирда баён этилсин:
«3. Туман (шаҳар) камбағалликни қисқартириш ва бандлик бўлимларининг кўкрак нишони билан тақдирлашга оид таклифлари Қорақалпоғистон Республикаси Камбағалликни қисқартириш ва бандлик вазирлиги, вилоятлар ва Тошкент шаҳри камбағалликни қисқартириш ва бандлик бошқармалари томонидан кўриб чиқилиб, ҳар йилнинг 3 январь санасига қадар Ўзбекистон Республикаси Камбағалликни қисқартириш ва бандлик вазирлигига (кейинги ўринларда — Вазирлик) тақдим этилади»;
в) 4 — 6-бандлардаги «маҳалла ва оилани қўллаб-қувватлаш» сўзлари «камбағалликни қисқартириш ва бандлик» сўзлари билан алмаштирилсин;
г) 8-9-бандлар қуйидаги таҳрирда баён этилсин:
«8. Кўкрак нишони, унинг гувоҳномаси ва пул мукофоти Маҳалла тизими ходимлари куни арафасида камбағалликни қисқартириш ва бандлик вазири томонидан тантанали вазиятда топширилади.
9. Кўкрак нишони билан тақдирланган шахсларнинг маҳалла тизими ривожига қўшган муносиб ҳиссаси ва ибратли фаолиятини кенг тарғиб қилиш мақсадида маҳалла фуқаролар йиғинлари ҳамда туман (шаҳар) марказларидаги «Маҳалла маркази» мажмуалари биноларига ўрнатиладиган «Маҳалламиз ифтихорлари» ахборот пешлавҳасининг намунавий шакли камбағалликни қисқартириш ва бандлик вазири томонидан тасдиқланади».
2. 3-иловада :
а) тўққизинчи хатбошидаги «Mahalla va oilani qoʻllab-quvvatlash» сўзлари «Kambagʻallikni qisqartirish va bandlik» сўзлари билан алмаштирилсин;
б) ўн иккинчи хатбоши қуйидаги таҳрирда баён этилсин:
«Сўнгги сўзлардан 9 миллиметр пастда, чап томонда оралиғи 2 миллиметрли икки сатрдан иборат матн жойлашган. Биринчи сатрда «Kambagʻallikni qisqartirish», иккинчи сатрда «va bandlik vaziri» («Times new Roman Bold» шрифти, 10 кегль) сўзлари ёзилган».
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 14 март,
ПҚ-93-сон
Oʻzbekiston Respublikasi Prezidentining
Qarori
Mahalla tizimi xodimlari kuni belgilanishi munosabati bilan Oʻzbekiston Respublikasi Prezidentining 2017-yil 13-iyuldagi “Mahalla iftixori” koʻkrak nishonini taʼsis etish toʻgʻrisida”gi PQ-3132-son qaroriga oʻzgartirishlar kiritish haqida
Soʻnggi yillarda mahallaning jamiyat ijtimoiy-iqtisodiy hayotiga aloqadorligini yanada kuchaytirish, xususan bandlikni taʼminlash, tadbirkorlikni qoʻllab-quvvatlash, ijtimoiy himoyaga muhtoj aholi qatlamiga yordam koʻrsatish borasida keng koʻlamli ishlar olib borilmoqda.
Mahallada mahalla raisi, profilaktika inspektori, hokim yordamchisi, yoshlar yetakchisi va xotin-qizlar faoli beshligining oʻzaro muvofiqlashtirilgan faoliyati yoʻlga qoʻyilib, joylardagi muammolarni mahallaning oʻzida aniqlab, ularni kompleks yondashuv asosida hal etish amaliyoti joriy etildi.
2022 — 2026-yillarga moʻljallangan Yangi Oʻzbekistonning taraqqiyot strategiyasida belgilangan maqsadlarga erishish hamda mahalla xodimlarini ragʻbatlantirish tizimini yanada takomillashtirish orqali ularning faoliyati samaradorligini oshirish maqsadida:
1. Oʻzbekiston Respublikasi Prezidentining 2017-yil 13-iyuldagi “Mahalla iftixori” koʻkrak nishonini taʼsis etish toʻgʻrisida”gi PQ-3132-son qaroriga ilovaga muvofiq quyidagilarni nazarda tutuvchi oʻzgartirishlar kiritilsin:
koʻkrak nishonini topshirish vaqtini 1-sentabr — Mustaqillik kuni arafasidan 22-mart — Mahalla tizimi xodimlari kuni arafasiga koʻchirish;
koʻkrak nishonini topshirish vazifasini Mahalla va oilani qoʻllab-quvvatlash vazirligidan Kambagʻallikni qisqartirish va bandlik vazirligi zimmasiga oʻtkazish.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 14-martdagi PQ-93-son qaroriga ILOVA
Oʻzbekiston Respublikasi Prezidentining 2017-yil 13-iyuldagi “Mahalla iftixori” koʻkrak nishonini taʼsis etish toʻgʻrisida”gi PQ-3132-son qaroriga kiritilayotgan oʻzgartirishlar
1. 1-ilovada :
a) 2-banddagi “mahalla va oilani qoʻllab-quvvatlash” soʻzlari “kambagʻallikni qisqartirish va bandlik” soʻzlari bilan almashtirilsin;
b) 3-band quyidagi tahrirda bayon etilsin:
“3. Tuman (shahar) kambagʻallikni qisqartirish va bandlik boʻlimlarining koʻkrak nishoni bilan taqdirlashga oid takliflari Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahri kambagʻallikni qisqartirish va bandlik boshqarmalari tomonidan koʻrib chiqilib, har yilning 3-yanvar sanasiga qadar Oʻzbekiston Respublikasi Kambagʻallikni qisqartirish va bandlik vazirligiga (keyingi oʻrinlarda — Vazirlik) taqdim etiladi”;
v) 4 — 6-bandlardagi “mahalla va oilani qoʻllab-quvvatlash” soʻzlari “kambagʻallikni qisqartirish va bandlik” soʻzlari bilan almashtirilsin;
g) 8-9-bandlar quyidagi tahrirda bayon etilsin:
“8. Koʻkrak nishoni, uning guvohnomasi va pul mukofoti Mahalla tizimi xodimlari kuni arafasida kambagʻallikni qisqartirish va bandlik vaziri tomonidan tantanali vaziyatda topshiriladi.
9. Koʻkrak nishoni bilan taqdirlangan shaxslarning mahalla tizimi rivojiga qoʻshgan munosib hissasi va ibratli faoliyatini keng targʻib qilish maqsadida mahalla fuqarolar yigʻinlari hamda tuman (shahar) markazlaridagi “Mahalla markazi” majmualari binolariga oʻrnatiladigan “Mahallamiz iftixorlari” axborot peshlavhasining namunaviy shakli kambagʻallikni qisqartirish va bandlik vaziri tomonidan tasdiqlanadi”.
2. 3-ilovada :
a) toʻqqizinchi xatboshidagi “Mahalla va oilani qoʻllab-quvvatlash” soʻzlari “Kambagʻallikni qisqartirish va bandlik” soʻzlari bilan almashtirilsin;
b) oʻn ikkinchi xatboshi quyidagi tahrirda bayon etilsin:
“Soʻnggi soʻzlardan 9 millimetr pastda, chap tomonda oraligʻi 2 millimetrli ikki satrdan iborat matn joylashgan. Birinchi satrda “Kambagʻallikni qisqartirish”, ikkinchi satrda “va bandlik vaziri” (“Times new Roman Bold” shrifti, 10 kegl) soʻzlari yozilgan”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 14-mart,
PQ-93-son
Президента Республики Узбекистан
Постановление
О внесении изменений в постановление Президента Республики Узбекистан от 13 июля 2017 года № ПП-3132 «Об учреждении нагрудного знака «Маҳалла ифтихори» в связи с установлением Дня работников системы махалли
В последние годы проводится масштабная работа по дальнейшему усилению связи махалли с социально-экономической жизнью общества, в частности, обеспечению занятости, поддержке предпринимательства, оказанию помощи нуждающимся в социальной защите слоям населения.
Внедрена практика выявления проблем на уровне махалли и их решения на основе комплексного подхода путем налаживания скоординированной деятельности «пятерки», состоящей из председателя махалли, инспектора по профилактике, помощника хокима, лидера молодежи и женского активиста.
В целях достижения задач, определенных в Стратегии развития Нового Узбекистана на 2022 — 2026 годы, а также повышения эффективности деятельности работников махалли путем дальнейшего совершенствования системы их стимулирования:
1. Внести в постановление Президента Республики Узбекистан от 13 июля 2017 года № ПП-3132 «Об учреждении нагрудного знака «Маҳалла ифтихори» изменения в соответствии с приложением , предусматривающие:
перенос даты вручения нагрудного знака с кануна Дня Независимости — 1 сентября на канун Дня работников системы махалли — 22 марта;
передачу задачи по вручению нагрудного знака от Министерства по поддержке махалли и семьи Министерству занятости и сокращения бедности.
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 14 марта 2023 года № ПП-93
Изменения, вносимые в постановление Президента Республики Узбекистан от 13 июля 2017 года № ПП-3132 «Об учреждении нагрудного знака «Маҳалла ифтихори»
1. В приложении № 1 :
а) в пункте 2 слова «по поддержке махалли и семьи» заменить словами «занятости и сокращения бедности»;
б) пункт 3 изложить в следующей редакции:
«3. Предложения по награждению нагрудным знаком, внесенные районными (городскими) отделами занятости и сокращения бедности, рассматриваются Министерством занятости и сокращения бедности Республики Каракалпакстан, областными и Ташкентским городским управлениями занятости и сокращения бедности, а также сдаются ежегодно до 3 января в Министерство занятости и сокращения бедности Республики Узбекистан (далее — Министерство)»;
в) в пунктах 4 — 6 слова «по поддержке махалли и семьи» заменить словами «занятости и сокращения бедности»;
г) пункты 8-9 изложить в следующей редакции:
«8. Вручение нагрудного знака, удостоверения к нему и денежного вознаграждения производится в торжественной обстановке министром занятости и сокращения бедности накануне Дня работников системы махалли.
9. В целях широкой пропаганды образцовой деятельности награжденных нагрудным знаком лиц, внесших достойный вклад в развитие системы махалли, министром занятости и сокращения бедности утверждается типовая форма информационного стенда «Маҳалламиз ифтихорлари», устанавливаемого в зданиях сходов граждан махаллей и комплексов «Маҳалла маркази» в районных (городских) центрах».
2. В приложении № 3 :
а) в абзаце девятом слова «Mahalla va oilani qoʻllab-quvvatlash» заменить словами «Kambagʻallikni qisqartirish va bandlik»;
б) абзац двенадцатый изложить в следующей редакции:
«Слева, на 9 миллиметров ниже последних слов, расположена надпись в две строки с интервалом 2 миллиметра: первая строка — «Kambagʻallikni qisqartirish», вторая строка — «va bandlik vaziri» (шрифт «Times new Roman Bolt», кегль 10)».
Президент Республики Узбекистан Ш. МИРЗИЁЕВ
г. Ташкент,
14 марта 2023 г.,
№ ПП-93