UzbekAI

Ўзбекистон Республикаси Президентининг

қарори

Тошкент метрополитенидан фойдаланишда пенсия олувчиларга қўшимча қулайликлар яратиш тўғрисида

Кексаларни қўллаб-қувватлаш ҳамда пенсия олувчиларнинг ҳаёт фаолияти ва турмуш даражасини янада яхшилаш, уларнинг шаҳар йўловчи ташиш транспортидан фойдаланишида қўшимча қулайликлар яратиш мақсадида:

1. Белгилансинки, 2023 йил 1 апрелдан бошлаб Тошкент метрополитенининг тўлиқ фаолият кўрсатиши вақти давомида пенсия олувчиларга бепул хизмат кўрсатилади.

Бунда, Тошкент метрополитенининг мазкур бандда кўрсатилган хизматларни кўрсатиш эвазига олинмай қолган даромадлари Ўзбекистон Республикаси Давлат бюджети маблағлари ҳисобидан қоплаб борилади.

2. Иқтисодиёт ва молия вазирлиги Транспорт вазирлиги билан биргаликда мазкур қарорнинг 1-бандида белгиланган тадбирларнинг ўз вақтида ва сифатли амалга оширилишини таъминласин.

3. Иқтисодиёт ва молия вазирлиги:

Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги билан биргаликда ушбу қарор мақсади ва вазифаларини оммавий ахборот воситаларида ва Интернет тармоғида кенг ёритиш ишларини ташкил қилсин;

манфаатдор вазирлик ва идоралар билан биргаликда бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

4. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 15 март,

ПҚ-94-сон

(Қонунчилик маълумотлари миллий базаси, 15.03.2023 й., 07/23/94/0151-сон)

lex.uz

Oʻzbekiston Respublikasi Prezidentining

qarori

Toshkent metropolitenidan foydalanishda pensiya oluvchilarga qoʻshimcha qulayliklar yaratish toʻgʻrisida

Keksalarni qoʻllab-quvvatlash hamda pensiya oluvchilarning hayot faoliyati va turmush darajasini yanada yaxshilash, ularning shahar yoʻlovchi tashish transportidan foydalanishida qoʻshimcha qulayliklar yaratish maqsadida:

1. Belgilansinki, 2023-yil 1-apreldan boshlab Toshkent metropolitenining toʻliq faoliyat koʻrsatishi vaqti davomida pensiya oluvchilarga bepul xizmat koʻrsatiladi.

Bunda, Toshkent metropolitenining mazkur bandda koʻrsatilgan xizmatlarni koʻrsatish evaziga olinmay qolgan daromadlari Oʻzbekiston Respublikasi Davlat budjeti mablagʻlari hisobidan qoplab boriladi.

2. Iqtisodiyot va moliya vazirligi Transport vazirligi bilan birgalikda mazkur qarorning 1-bandida belgilangan tadbirlarning oʻz vaqtida va sifatli amalga oshirilishini taʼminlasin.

3. Iqtisodiyot va moliya vazirligi:

Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi bilan birgalikda ushbu qaror maqsadi va vazifalarini ommaviy axborot vositalarida va Internet tarmogʻida keng yoritish ishlarini tashkil qilsin;

manfaatdor vazirlik va idoralar bilan birgalikda bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

4. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 15-mart,

PQ-94-son

(Qonunchilik maʼlumotlari milliy bazasi, 15.03.2023-y., 07/23/94/0151-son)

lex.uz

Президента Республики Узбекистан

Постановление

О создании дополнительных удобств получателям пенсии при пользовании Ташкентским метрополитеном

В целях дальнейшей поддержки престарелых, повышения уровня и качества жизни получателей пенсии, а также создания дополнительных удобств в пользовании ими городским пассажирским транспортом:

1. Установить, что с 1 апреля 2023 года в течение всего времени работы Ташкентского метрополитена получателям пенсии услуги оказываются бесплатно.

При этом доходы Ташкентского метрополитена, недополученные в счет оказания услуг, указанных в настоящем пункте, покрываются за счет средств Государственного бюджета Республики Узбекистан.

2. Министерству экономики и финансов совместно с Министерством транспорта обеспечить своевременную и качественную реализацию мер, определенных в пункте 1 настоящего постановления.

3. Министерству экономики и финансов совместно с:

Национальным информационным агентством Узбекистана, Национальной телерадиокомпанией Узбекистана, Агентством информации и массовых коммуникаций организовать широкое освещение целей и задач настоящего постановления в средствах массовой информации и сети Интернет;

заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

4. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

15 марта 2023 г.,

№ ПП-94

(Национальная база данных законодательства, 15.03.2023 г., № 07/23/94/0151)

lex.uz