📅 2023-yil 23-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 23 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 марта 2023 г. · Постановления Президента
Официальный текст. Официальный документ. Редакционные примечания не включены.
📅 23 March 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолига маъмурий жарималарни тўлашда қўшимча қулайликлар яратиш ҳамда соҳада коррупцион омилларни бартараф этиш чора-тадбирлари тўғрисида
Аҳолига маъмурий жарималарни тўлашда қўшимча қулайликлар яратиш ва жарима юкини камайтириш, қўлланилган жарималарни ижро этиш тизимини янада соддалаштириш, шунингдек, давлат органларининг аҳоли билан муносабатларида ортиқча бюрократик тўсиқларни ва коррупцион омилларни бартараф этиш мақсадида:
1. 2023 йил 1 майдан бошлаб маъмурий ҳуқуқбузарликлар бўйича қўлланилган жаримани ихтиёрий тўлаш тизими янада соддалаштирилсин. Унга кўра:
ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида жарима миқдорининг 50 фоизини, ўттиз кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинсин;
мазкур тартиб суд қарорларига асосан қўлланиладиган жарималарга нисбатан ҳам татбиқ этилсин.
Вазирлар Маҳкамаси бир ҳафта муддатда мазкур бандда назарда тутилган талаблардан келиб чиқиб, Ўзбекистон Республикаси Олий Мажлиси Қонунчилик палатасига тегишли қонун лойиҳасини белгиланган тартибда киритсин.
2. Суд ва бошқа органлар ҳужжатларини мажбурий ижро этиш соҳасида суиистеъмолчиликларнинг олдини олиш ҳамда фуқаро ва тадбиркорларни қийнаётган муаммоларни ҳал этиш мақсадида, белгилансинки:
Мажбурий ижро бюроси томонидан қўлланиладиган маъмурий жариманинг миқдори ижро ҳужжатида ундирилиши белгиланган суммадан юқори бўлиши мумкин эмас;
Мажбурий ижро бюроси номидан маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо қўллашга фақат Ўзбекистон Республикасининг Бош давлат ижрочиси, Қорақалпоғистон Республикаси, вилоятлар ва Тошкент шаҳрининг бош давлат ижрочилари, уларнинг ўринбосарлари, шунингдек, Мажбурий ижро бюросининг туман (шаҳар) бўлимлари бошлиқлари ҳақлидир.
Бош прокуратура бир ой муддатда мазкур бандда назарда тутилган талаблардан келиб чиқиб, Ўзбекистон Республикаси Олий Мажлиси Қонунчилик палатасига тегишли қонун лойиҳасини белгиланган тартибда киритсин.
3. Олий суд, Ички ишлар вазирлиги ва Адлия вазирлигининг судланганлик муддатининг тугалланиши ва уни олиб ташлаш йўналишида бюрократия ва сансалорлик ҳолатларига чек қўйиш, шунингдек, эскирган ва замон талабларига мос келмайдиган тартиб-таомилларни тубдан қисқартириш мақсадида соҳага проактив шаклдаги давлат хизматларини кўрсатиш тамойилларини жорий этиш тўғрисидаги таклифига розилик берилсин.
Шундай тартиб ўрнатилсинки, унга мувофиқ 2023 йил 1 сентябрдан бошлаб:
а) судланганлик муддатининг ўтиб кетганлиги ёки судланганликнинг олиб ташланиши ҳақидаги маълумотлар Ички ишлар вазирлигининг «Тезкор маълумотлар» ягона ахборот тизимида автоматик равишда онлайн шакллантирилади;
б) судланганлик муддатининг ўтиб кетганлиги ёки судланганликнинг олиб ташланганлиги ҳақидаги маълумотнома судланганлик муддати тугаган ёки судланганлик олиб ташланган сананинг эртасидан кечиктирмасдан тегишли шахснинг Ягона интерактив давлат хизматлари порталидаги шахсий кабинетига автоматик равишда бепул юборилади.
Ички ишлар вазирлиги Олий суд, Бош прокуратура ва Рақамли технологиялар вазирлиги билан биргаликда 2023 йил 1 июлга қадар мазкур банд ижросини таъминлаш билан боғлиқ барча зарур чораларни кўрсин.
Бунда, жумладан «Электрон жиноий-ҳуқуқий статистика» ягона ахборот тизимида қуйидаги маълумотлар автоматик равишда акс эттирилишини таъминлаш йўлга қўйилсин:
Олий суд ва Ички ишлар вазирлигининг ахборот тизимларини ўзаро интеграция қилиш орқали судда ихтиёрий тўланган жарималар, суд қарорларини ижро этишда юзага келадиган масалаларни ҳал этиш билан боғлиқ материалларнинг кўрилиши ҳақидаги маълумотлар;
Мажбурий ижро бюроси ва Ички ишлар вазирлигининг ахборот тизимларини ўзаро интеграция қилиш орқали ундирилган жарималар ҳақидаги маълумотлар;
«Пробация ҳисоби» электрон базаси билан «Электрон жиноий-ҳуқуқий статистика» ягона ахборот тизимини ўзаро интеграция қилиш орқали пробация ҳисобидан озод этилган шахслар ҳақидаги маълумотлар.
4. Мазкур қарор ижросини самарали ташкил қилишга масъул ва шахсий жавобгар этиб ички ишлар вазири П.Р. Бобожонов, Олий суд раиси Б.Д. Исламов ҳамда Бош прокурор Н.Т. Йўлдошев белгилансин.
Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 23 март,
ПҚ-99-сон
Oʻzbekiston Respublikasi Prezidentining
Qarori
Aholiga maʼmuriy jarimalarni toʻlashda qoʻshimcha qulayliklar yaratish hamda sohada korrupsion omillarni bartaraf etish chora-tadbirlari toʻgʻrisida
Aholiga maʼmuriy jarimalarni toʻlashda qoʻshimcha qulayliklar yaratish va jarima yukini kamaytirish, qoʻllanilgan jarimalarni ijro etish tizimini yanada soddalashtirish, shuningdek, davlat organlarining aholi bilan munosabatlarida ortiqcha byurokratik toʻsiqlarni va korrupsion omillarni bartaraf etish maqsadida:
1. 2023-yil 1-maydan boshlab maʼmuriy huquqbuzarliklar boʻyicha qoʻllanilgan jarimani ixtiyoriy toʻlash tizimi yanada soddalashtirilsin. Unga koʻra:
huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining 50 foizini, oʻttiz kun ichida 70 foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinsin;
mazkur tartib sud qarorlariga asosan qoʻllaniladigan jarimalarga nisbatan ham tatbiq etilsin.
Vazirlar Mahkamasi bir hafta muddatda mazkur bandda nazarda tutilgan talablardan kelib chiqib, Oʻzbekiston Respublikasi Oliy Majlisi Qonunchilik palatasiga tegishli qonun loyihasini belgilangan tartibda kiritsin.
2. Sud va boshqa organlar hujjatlarini majburiy ijro etish sohasida suiisteʼmolchiliklarning oldini olish hamda fuqaro va tadbirkorlarni qiynayotgan muammolarni hal etish maqsadida, belgilansinki:
Majburiy ijro byurosi tomonidan qoʻllaniladigan maʼmuriy jarimaning miqdori ijro hujjatida undirilishi belgilangan summadan yuqori boʻlishi mumkin emas;
Majburiy ijro byurosi nomidan maʼmuriy huquqbuzarliklar toʻgʻrisidagi ishlarni koʻrib chiqishga hamda maʼmuriy jazo qoʻllashga faqat Oʻzbekiston Respublikasining Bosh davlat ijrochisi, Qoraqalpogʻiston Respublikasi, viloyatlar va Toshkent shahrining bosh davlat ijrochilari, ularning oʻrinbosarlari, shuningdek, Majburiy ijro byurosining tuman (shahar) boʻlimlari boshliqlari haqlidir.
Bosh prokuratura bir oy muddatda mazkur bandda nazarda tutilgan talablardan kelib chiqib, Oʻzbekiston Respublikasi Oliy Majlisi Qonunchilik palatasiga tegishli qonun loyihasini belgilangan tartibda kiritsin.
3. Oliy sud, Ichki ishlar vazirligi va Adliya vazirligining sudlanganlik muddatining tugallanishi va uni olib tashlash yoʻnalishida byurokratiya va sansalorlik holatlariga chek qoʻyish, shuningdek, eskirgan va zamon talablariga mos kelmaydigan tartib-taomillarni tubdan qisqartirish maqsadida sohaga proaktiv shakldagi davlat xizmatlarini koʻrsatish tamoyillarini joriy etish toʻgʻrisidagi taklifiga rozilik berilsin.
Shunday tartib oʻrnatilsinki, unga muvofiq 2023-yil 1-sentabrdan boshlab:
a) sudlanganlik muddatining oʻtib ketganligi yoki sudlanganlikning olib tashlanishi haqidagi maʼlumotlar Ichki ishlar vazirligining “Tezkor maʼlumotlar” yagona axborot tizimida avtomatik ravishda onlayn shakllantiriladi;
b) sudlanganlik muddatining oʻtib ketganligi yoki sudlanganlikning olib tashlanganligi haqidagi maʼlumotnoma sudlanganlik muddati tugagan yoki sudlanganlik olib tashlangan sananing ertasidan kechiktirmasdan tegishli shaxsning Yagona interaktiv davlat xizmatlari portalidagi shaxsiy kabinetiga avtomatik ravishda bepul yuboriladi.
Ichki ishlar vazirligi Oliy sud, Bosh prokuratura va Raqamli texnologiyalar vazirligi bilan birgalikda 2023-yil 1-iyulga qadar mazkur band ijrosini taʼminlash bilan bogʻliq barcha zarur choralarni koʻrsin.
Bunda, jumladan “Elektron jinoiy-huquqiy statistika” yagona axborot tizimida quyidagi maʼlumotlar avtomatik ravishda aks ettirilishini taʼminlash yoʻlga qoʻyilsin:
Oliy sud va Ichki ishlar vazirligining axborot tizimlarini oʻzaro integratsiya qilish orqali sudda ixtiyoriy toʻlangan jarimalar, sud qarorlarini ijro etishda yuzaga keladigan masalalarni hal etish bilan bogʻliq materiallarning koʻrilishi haqidagi maʼlumotlar;
Majburiy ijro byurosi va Ichki ishlar vazirligining axborot tizimlarini oʻzaro integratsiya qilish orqali undirilgan jarimalar haqidagi maʼlumotlar;
“Probatsiya hisobi” elektron bazasi bilan “Elektron jinoiy-huquqiy statistika” yagona axborot tizimini oʻzaro integratsiya qilish orqali probatsiya hisobidan ozod etilgan shaxslar haqidagi maʼlumotlar.
4. Mazkur qaror ijrosini samarali tashkil qilishga masʼul va shaxsiy javobgar etib ichki ishlar vaziri P.R. Bobojonov, Oliy sud raisi B.D. Islamov hamda Bosh prokuror N.T. Yoʻldoshev belgilansin.
Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 23-mart,
PQ-99-son
Президента Республики Узбекистан
Постановление
О мерах по созданию дополнительных удобств населению при оплате административных штрафов и искоренению коррупционных факторов в данной сфере
В целях создания дополнительных удобств при оплате административных штрафов и снижения штрафной нагрузки на население, дальнейшего упрощения системы исполнения примененных штрафных санкций, а также искоренения излишних бюрократических барьеров и коррупционных факторов в отношениях государственных органов с населением:
1. Упростить с 1 мая 2023 года систему добровольной оплаты примененных штрафных санкций за административные правонарушения. При этом:
освободить правонарушителя от оплаты оставшейся части штрафа в случае добровольной оплаты им 50 процентов суммы штрафа в течение пятнадцати дней со дня вручения ему решения о наложении штрафа, 70 процентов — в течение тридцати дней;
распространить настоящий порядок также на штрафные санкции, применяемые на основании судебных решений.
Кабинету Министров в недельный срок исходя из требований, предусмотренных настоящим пунктом, в установленном порядке внести соответствующий проект закона в Законодательную палату Олий Мажлиса Республики Узбекистан.
2. В целях предупреждения злоупотреблений в сфере принудительного исполнения судебных актов и актов иных органов, а также решения проблем, волнующих граждан и предпринимателей, определить, что:
сумма административного штрафа, применяемого Бюро принудительного исполнения, не может превышать сумму, установленную к взысканию в исполнительном документе;
правом рассмотрения дел об административных правонарушениях и применения административного наказания от имени Бюро принудительного исполнения обладают исключительно Главный государственный исполнитель Республики Узбекистан, главные государственные исполнители Республики Каракалпакстан, областей и города Ташкента, их заместители, а также начальники районных (городских) отделов Бюро принудительного исполнения.
Генеральной прокуратуре в месячный срок исходя из требований, предусмотренных настоящим пунктом, в установленном порядке внести соответствующий проект закона в Законодательную палату Олий Мажлиса Республики Узбекистан.
3. В целях искоренения бюрократии и волокиты, а также коренного сокращения устаревших и не соответствующих современным требованиям процедур в части погашения и снятия судимости согласиться с предложением Верховного суда, Министерства внутренних дел и Министерства юстиции о внедрении в данной сфере принципов оказания государственных услуг в проактивной форме.
Установить порядок, в соответствии с которым с 1 сентября 2023 года:
а) сведения о погашенной судимости или снятии судимости формируются в Единой информационной системе «Оперативные сведения» Министерства внутренних дел в режиме онлайн в автоматическом порядке;
б) справка о погашенной судимости или снятии судимости автоматически направляется в персональный кабинет соответствующего лица на Едином портале интерактивных государственных услуг на безвозмездной основе не позднее дня, следующего за датой погашения или снятия судимости.
Министерству внутренних дел совместно с Верховным судом, Генеральной прокуратурой и Министерством цифровых технологий в срок до 1 июля 2023 года принять все меры, необходимые для обеспечения исполнения данного пункта.
При этом обеспечить автоматическое отображение в Единой информационной системе «Электронная уголовно-правовая статистика» сведений о:
добровольно оплаченных штрафах, рассмотрении в судах материалов, связанных с решением вопросов, возникающих при исполнении судебных решений, путем осуществления взаимной интеграции информационных систем Верховного суда и Министерства внутренних дел;
взысканных штрафах путем осуществления взаимной интеграции информационных систем Бюро принудительного исполнения и Министерства внутренних дел;
лицах, снятых с пробационного учета, путем осуществления взаимной интеграции Электронной базы «Пробационный учет» и Единой информационной системы «Электронная уголовно-правовая статистика».
4. Возложить на министра внутренних дел П.Р. Бобожонова, председателя Верховного суда Б.Д. Исламова и Генерального прокурора Н.Т. Йулдошева персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
23 марта 2023 г.,
№ ПП-99