📅 2023-yil 25-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 25 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 марта 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 25 March 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
СХЕМАСИ
СХЕМАСИ
СХЕМАСИ
Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентини тасдиқлаш тўғрисида
Ўзбекистон Республикаси Президентининг «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида» 2022 йил 22 августдаги ПҚ-357-сон қарори ижроси юзасидан телекоммуникация воситаларини жойлаштириш учун телекоммуникация операторларига ер участкаларини ажратишда тенг, шаффоф ва бозор тамойилларига асосланган тартибни жорий этиш мақсадида Вазирлар Маҳкамаси қарор қилади:
1. Рақамли технологиялар вазирлиги, Давлат активларини бошқариш агентлиги ва Табиат ресурслари вазирлигининг телекоммуникация воситаларини жойлаштириш учун телекоммуникация операторларига ижарага берилиши режалаштирилган ер участкалари рўйхатини шакллантириш, уларни танлов (электрон онлайн-аукцион)га қўйиш ва телекоммуникация операторларига ижарага бериш жараёнларини рақамлаштириш тўғрисидаги таклифига розилик берилсин.
2. Телекоммуникация воситаларини жойлаштириш учун ижара шартномаларини расмийлаштиришнинг маъмурий регламенти 1-иловага мувофиқ тасдиқлансин ва 2023 йил 1 июндан бошлаб амалга киритилсин.
3. Телекоммуникация воситаларини жойлаштириш учун телекоммуникация операторларига ижарага берилиши режалаштирилган ер участкалари рўйхатини шакллантириш, уларни танлов (электрон онлайн-аукцион)га қўйиш ва телекоммуникация операторларига ижарага бериш имконини берувчи махсус ахборот тизими (кейинги ўринларда — ахборот тизими)ни ишлаб чиқиш, уни техник ва ташкилий жиҳатдан қўллаб-қувватлашни таъминлаш мақсадида Рақамли технологиялар вазирлигининг ««UNICON.UZ» фан-техника ва маркетинг тадқиқотлари маркази» масъулияти чекланган жамияти — ахборот тизими оператори этиб белгилансин.
4. Ахборот тизими оператори:
2023 йил 1 майга қадар ўз маблағлари ҳисобидан ахборот тизимини ишлаб чиқсин;
2023 йил 1 июлга қадар телекоммуникация воситаларини жойлаштириш бўйича телекоммуникация операторлари томонидан аввал расмийлаштирилган ижара шартномалари, телекоммуникация воситалари жойлашган ер (координата нуқталари ва чегаралари) ва шартномаларнинг тегишли маълумотлари (реквизитлари) ахборот тизимига киритилишини таъминласин.
5. Иқтисодиёт ва молия вазирлиги ҳузуридаги Кадастр агентлиги ижарага берилиши режалаштирилган ер участкаси тўғрисидаги маълумотларни ахборот тизими операторига доимий асосда электрон ахборот алмашинуви орқали тақдим этиб борсин.
6. Рақамли технологиялар вазирлиги, Маданият ва туризм вазирлиги, Табиат ресурслари вазирлиги, Давлат активларини бошқариш агентлиги, Иқтисодиёт ва молия вазирлиги ҳузуридаги Кадастр агентлиги, Транспорт вазирлиги ҳузуридаги Фуқаро авиацияси агентлиги ўз ахборот тизимларини ушбу қарорнинг 3-бандида кўрсатилган ахборот тизими билан ўзаро интеграция қилиш чораларини кўрсин.
7. Вазирлар Маҳкамасининг 2001 йил 26 октябрдаги 429-сон қарори билан тасдиқланган Ўзбекистон Республикасида радиочастота спектридан фойдаланганлик учун ҳақ тўлаш тартиби тўғрисидаги низомга 2-иловага мувофиқ ўзгартиришлар киритилсин.
8. Рақамли технологиялар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов зиммасига юклансин.
Вазирлар Маҳкамасининг 2023 йил 25 мартдаги 127-сон қарорига 1-ИЛОВА
Телекоммуникация воситаларини жойлаштириш учун ижара шартномаларини расмийлаштиришнинг
1-боб. Умумий қоидалар
1. Мазкур Регламент телекоммуникация воситаларини жойлаштириш учун ижара шартномаларини расмийлаштириш тартибини белгилайди.
2. Мазкур Регламентда қуйидаги асосий тушунчалардан фойдаланилади:
ахборот тизими — телекоммуникация воситаларини жойлаштириш учун телекоммуникация операторларига ижарага берилиши режалаштирилган ер участкалари рўйхатини шакллантириш, уларни танлов (электрон онлайн-аукцион)га қўйиш ва телекоммуникация операторларига ижарага бериш имконини берувчи махсус электрон ахборот тизими;
ахборот тизими оператори — Ўзбекистон Республикаси Рақамли технологиялар вазирлигининг ««UNICON.UZ» фан-техника ва маркетинг тадқиқотлари маркази» масъулияти чекланган жамияти;
аукцион иштирокчиси — «E-AUKSION» электрон савдо платформасидан белгиланган тартибда рўйхатдан ўтиб, аукционда қатнашиш учун ариза берган телекоммуникация тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш фаолияти билан шуғулланиш бўйича лицензияга эга бўлган телекоммуникация оператори;
балансда сақловчи — давлат мулки ҳисобланган бино ва ер майдони ёки моддий маданий мерос объектлари ҳисобланган иншоотлар балансида ҳисобга олинган юридик шахс;
ваколатли органлар (ташкилотлар) — ушбу Регламентга мувофиқ телекоммуникация воситаларини жойлаштириш масаласи келишиладиган давлат органлари ва бошқа ташкилотлар;
давлат мулки объекти — электрон онлайн-аукцион орқали ижарага бериладиган давлат мулки ҳисобланган бино ва иншоотлар, моддий маданий мерос объектлари ҳамда уларнинг ер участкалари;
реестр — телекоммуникация операторлари, телекоммуникация воситаларини жойлаштириш бўйича ижара шартномалари ҳамда уларга тегишли бўлган ҳужжатлар тўпламини ўз ичига олувчи маълумотлар базаси;
савдо оператори — «E-AUKSION» электрон савдо платформасида аукционни ташкил этиш ва ўтказиш ваколати берилган «Электрон онлайн-аукционларни ташкил этиш» акциядорлик жамияти;
талабнома — телекоммуникация воситаларини жойлаштириш учун зарур ер участкаларининг майдони ва координаталарини белгилаш ҳамда ер участкасини ижарага олиш бўйича телекоммуникация оператори томонидан тўлдириладиган ва ахборот тизими орқали киритиладиган маълумотлар;
телекоммуникация воситалари — сигналларни ҳосил қилиш, узатиш, қабул қилиш, қайта ишлаш ҳамда уларни бошқариш имконини берувчи техник қурилмалар, ускуналар, иншоотлар ва тизимлар;
телекоммуникация оператори — мулк ҳуқуқи ёки бошқа ашёвий ҳуқуқ асосида телекоммуникация (телефон алоқаси, маълумотлар узатиш, мобил алоқа, телевидение) тармоғига эга бўлган, унинг қурилиши, ишлаши, ривожланишини таъминловчи ва лицензияга асосан тегишли телекоммуникация хизматларини кўрсатувчи юридик шахс;
шахсий кабинет — ахборот тизими фойдаланувчилари томонидан маълумотларни киритиш, таҳрирлаш, фойдаланиш ва қўллаш имкониятини яратиш учун мўлжалланган махсус ойна;
электрон онлайн-аукцион (кейинги ўринларда — аукцион) — «E-AUKSION» электрон савдо платформаси орқали жисмоний ва юридик шахсларга аукцион объектини ижарага бериш бўйича нархни ошириб бориш тамойили асосида онлайн ўтказиладиган савдо шакли.
3. Ахборот тизими орқали расмийлаштирилган ва муддати узайтирилган ижара шартномалари ҳамда бошқа хизматлар (аукцион объектини савдога чиқаришда материалларни келишиш, шунингдек савдони ташкил этиш ва ўтказиш харажатлари бундан мустасно) учун тўловлар ахборот тизими оператори ва телекоммуникация операторлари ўртасида тузиладиган шартномага мувофиқ белгиланади.
Бунда, ахборот тизими орқали ушбу ҳужжатларни расмийлаштириш учун телекоммуникация оператори томонидан ахборот тизими операторига базавий ҳисоблаш миқдорининг бир баравари миқдорида тўлов амалга оширилади.
4. «E-AUKSION» электрон савдо платформасида онлайн-аукцион ташкил этиш ҳамда ўтказиш тартиби Вазирлар Маҳкамасининг 2022 йил 12 январдаги 18-сон қарори билан тасдиқланган «E-AUKSION» электрон савдо платформасида онлайн-аукцион ва танловларни ташкил этиш ҳамда ўтказиш тартиби тўғрисидаги низом асосида амалга оширилади.
Бунда, бўш ва захирага олинган ер участкалари ҳамда давлат мулки объектини телекоммуникация воситаларини жойлаштириш учун ижарага бериш бўйича ўтказилган электрон аукционда бир иштирокчи қатнашган тақдирда ҳам у ўтказилган деб ҳисобланади.
Шунингдек, аукцион ўтказиш аукцион ўтказиладиган кун тўғрисида хабарнома ва лотга оид ахборот «E-AUKSION» электрон савдо платформасида эълон қилингандан ўттиз кун ўтгандан кейинги кунга белгиланади. Байрам ва дам олиш кунларида аукционлар ўтказилмайди.
2-боб. Ўзбекистон Республикаси Рақамли технологиялар вазирлигига доимий фойдаланиш ҳуқуқи асосида ер участкаларини ажратиш ва уларда телекоммуникация воситаларини жойлаштириш тартиби
5. Ўзбекистон Республикаси Рақамли технологиялар вазирлиги (кейинги ўринларда — Вазирлик)га доимий фойдаланиш ҳуқуқи асосида ажратилиши режалаштирилган ер участкаларини келишиш ҳамда ажратилган ер участкаларини телекоммуникация воситаларини жойлаштириш учун ижарага бериш ушбу Регламентнинг 1-иловасида келтирилган схемага мувофиқ амалга оширилади.
6. Телекоммуникация операторлари томонидан телекоммуникация воситаларини жойлаштириш учун жойига чиққан ҳолда зарур лойиҳаолди ўрганиш ишлари олиб борилади.
7. Телекоммуникация оператори ахборот тизими ёки Ягона интерактив давлат хизматлари портали орқали телекоммуникация воситаларини жойлаштириш учун зарур ер участкаларининг майдони ва координаталарини белгилаб беради ҳамда зарур ер участкаларини ижарага олиш бўйича талабнома тўлдиради.
8. Ахборот тизими оператори телекоммуникация оператори томонидан белгиланган майдон ва координаталар бўйича маълумотларни олиш учун ахборот тизими орқали автоматик тарзда Давлат кадастрлари палатасининг ҳудудий бошқармасига сўров жўнатади.
Бунда, ер участкаси маълумотлари (ер участкаларининг майдони ва координаталари) телекоммуникация оператори томонидан нотўғри киритилганлиги аниқланган тақдирда, ушбу ҳолат талабномани рад этиш учун асос ҳисобланади ва талабнома бекор қилинади.
9. Давлат кадастрлари палатасининг ҳудудий бошқармаси уч иш куни ичида ахборот тизимидаги сўровга жавоб тариқасида ер участкаси ҳақидаги маълумотларни юборади.
10. Ахборот тизими оператори мазкур ер участкасида телекоммуникация воситаларини жойлаштириш билан боғлиқ ҳужжатларни ваколатли орган (ташкилот)ларга улар билан дастлабки келишиш учун ахборот тизими орқали автоматик тарзда юборади.
11. Антенна-мачта иншоотлари ва бошқа телекоммуникация иншоотларини қуриш билан боғлиқ ҳужжатлар телекоммуникация воситалари турига мос равишда қуйидаги ваколатли орган (ташкилот)лар билан ахборот тизими орқали келишилади:
Ўзбекистон Республикаси Транспорт вазирлиги ҳузуридаги Фуқаро авиацияси агентлиги;
Ўзбекистон Республикаси Санитария-эпидемиологик осойишталик ва жамоат саломатлиги қўмитаси;
«Электромагнит мослашув маркази» давлат унитар корхонаси.
Антенна-мачта иншоотларидан ташқари бошқа телекоммуникация иншоотларини қуриш билан боғлиқ ҳужжатлар, заруратга кўра, бошқа манфаатдор ташкилотлар билан ҳам келишилиши мумкин.
Ваколатли орган (ташкилот)лар телекоммуникация воситаларини жойлаштиришда зарур ҳужжатларнинг ўз вақтида кўриб чиқилиши, келишилиши ва хулосалар қабул қилиниши учун жавобгар ҳисобланади.
12. Ваколатли орган (ташкилот)лар телекоммуникация воситаларини жойлаштириш масаласини уч иш куни ичида келишади ёки келишишни асослантирилган ҳолда рад этади.
Ваколатли орган (ташкилот)лар томонидан келишиш рад этилган ҳолларда, тегишли хулоса телекоммуникация операторига ахборот тизими орқали тақдим этилади ва талабнома бекор қилинади,
13. Ваколатли орган (ташкилот)лар билан келишилгандан сўнг ахборот тизими оператори талабномада кўрсатилган ер участкалари тўғрисидаги маълумотларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ер участкасини ажратиш учун Вазирлик томонидан бириктирилган масъул ходимнинг ахборот тизимидаги шахсий кабинетига жўнатади.
14. Вазирликка ер участкалари Вазирлар Маҳкамасининг 2021 йил 27 августдаги 543-сон қарори билан тасдиқланган Ер участкаларини давлат ва жамоат эҳтиёжлари учун доимий фойдаланишга ажратишнинг маъмурий регламентида белгиланган тартибда ажратилади.
Вазирлик томонидан бириктирилган масъул ходим ер участкалари тўғрисидаги маълумотлар билан танишади ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига ер участкасини ажратиш учун уларнинг ахборот тизимидаги шахсий кабинетига буюртма юборади.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир иш куни ичида буюртмани (буюртмага лойиҳалаштирилаётган объектлар бўйича атроф муҳитга таъсир кўрсатилиши тўғрисидаги баённома лойиҳасини илова қилган ҳолда) ер участкасини ажратиш материалларини белгиланган тартибда тайёрлаш учун тегишли Давлат кадастрлари палатасининг ҳудудий бошқармасига ахборот тизимидаги шахсий кабинет орқали юборади.
Давлат кадастрлари палатасининг ҳудудий бошқармаси беш иш куни ичида шахсий кабинетда ер участкасини ажратиш материалларини тайёрлаш юзасидан шартномани шакллантиради ва электрон рақамли имзо орқали имзолайди. Шакллантирилган шартномани Вазирликка ахборот тизими орқали юборади.
Вазирлик томонидан бириктирилган масъул вакил бир кун ичида ахборот тизимидаги шахсий кабинетида электрон рақамли имзо орқали шартномани иккинчи томондан имзолайди ва Давлат кадастрлари палатасининг ҳудудий бошқармасига юборади.
Давлат кадастрлари палатасининг ҳудудий бошқармаси тузилган шартнома асосида ер участкасини ажратиш ҳақида электрон шаклда ҳужжатлар йиғмажилдини тайёрлайди ва уни «YERELEKTRON» автоматлаштирилган ахборот тизимига жойлаштиради.
«YERELEKTRON» автоматлаштирилган ахборот тизимида келишув жараёнининг ҳар бир босқичи бўйича маълумотни ахборот тизимига электрон ахборот алмашинуви орқали доимий узатиб боради.
3-боб. Вазирликка ажратилган ер участкасини электрон онлайн-аукцион савдоларига чиқаришга тайёрлаш тартиби
15. Ер участкасини ижарага беришнинг бошланғич нархи қуйидаги формула асосида ахборот тизимида ҳисобланади:
С = S х Р х T + Е,
бунда:
S — ер участкасининг майдони, кв.м;
Р — бир квадрат метр ер участкаси учун ижарага беришнинг минимал қиймати, сўм/кв.м.;
Т — ер участкасини ижарага бериш муддати, йил;
Е — ер участкасини танлаш материалларини тайёрлаш ишларининг қиймати, ер участкасига бўлган ҳуқуқларни давлат рўйхатидан ўтказишга оид харажатлар, сўм.
Бир квадрат метр ер участкаси учун ижарага беришнинг минимал қиймати ҳар бир туман (шаҳар) учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлари қарорлари билан тасдиқланади.
Ҳар бир туман (шаҳар) учун ер участкасини ижарага беришнинг минимал қийматини белгилашда ҳудудда мавжуд ҳамда келгусида марказлашган манбалар ҳисобидан барпо этилиши режалаштирилган муҳандислик-коммуникация тармоқларига уланиш нуқталари инобатга олинади.
Охирги тасдиқланган ер участкасини ижарага беришнинг минимал қиймати унинг янги қиймати тасдиқлангунга қадар амалда бўлади.
16. Ахборот тизими оператори Давлат активларини бошқариш агентлиги ҳузуридаги Давлат мулки объектларидан самарали фойдаланиш маркази (кейинги ўринларда — Давлат мулки объектларидан самарали фойдаланиш маркази) ахборот тизимига Вазирликка доимий фойдаланиш ҳуқуқи асосида ажратилган ер участкасини ижарага бериш мақсадида электрон онлайн-аукцион савдоларига чиқариш бўйича аризани ахборот тизими ёрдамида электрон ахборот алмашинуви орқали юборади.
17. Давлат мулки объектларидан самарали фойдаланиш марказининг ҳудудий бошқармалари ахборот тизими операторининг аризаси келиб тушганидан сўнг бир иш куни ичида буюртмачи сифатида белгиланган тартибда савдо операторига ер участкасини ижарага бериш учун электрон онлайн-аукцион савдоларига чиқариш бўйича электрон буюртмани юборади.
18. Электрон онлайн-аукцион савдолари натижаси бўйича баённома расмийлаштирилгандан сўнг ўн иш кунидан кечиктирмай баённома асосида аукцион ғолиби ва Давлат мулки объектларидан самарали фойдаланиш марказининг тегишли ҳудудий бошқармаси ўртасида «E-AUKSION» электрон савдо платформасида электрон шаклда ижара шартномаси тузилади.
19. Вазирликка доимий фойдаланиш ҳуқуқи асосида ажратилган ер участкасини ижарага беришдан тушган маблағлар белгиланган тартибда тақсимланади.
20. Давлат мулки объектларидан самарали фойдаланиш марказининг ахборот тизими ижара шартномаси маълумотлари ва нусхасини ахборот тизимига электрон ахборот алмашинуви орқали юборади.
21. Ер участкасини ижарага бериш жараёнида давлат органлари томонидан ер тузиш, давлат ер кадастри ва ерларни мониторинг қилиш бўйича лойиҳа-изланиш, лойиҳа ҳужжатларини ишлаб чиқиш, уларни келишиш ва тасдиқлаш, ҳужжатларни рўйхатдан ўтказиш билан боғлиқ харажатлар телекоммуникация оператори томонидан қопланади.
4-боб. Жисмоний ва юридик шахсларга мулк ҳуқуқи асосида тегишли бўлган ер участкалари, бино ва иншоотларда телекоммуникация воситаларини ўрнатиш шартномасини расмийлаштириш тартиби
22. Жисмоний ва юридик шахсларга мулк ҳуқуқи асосида тегишли бўлган ер участкалари, бино ва иншоотларда телекоммуникация воситаларини ўрнатиш шартномасини расмийлаштириш ушбу Регламентнинг 2-иловасида келтирилган схемага мувофиқ амалга оширилади.
23. Телекоммуникация операторлари томонидан телекоммуникация воситаларини жойлаштириш учун зарур лойиҳаолди ўрганишлар жойига чиққан ҳолда олиб борилади ва мулк ҳуқуқида бўлган ер участкалари ёки биноларнинг мулкдорлари билан ўзаро келишади.
24. Телекоммуникация воситаларини жойлаштириш учун мақсадли ер участкалари ёки биноларни ижарага олиш бўйича талабнома электрон шаклда ахборот тизими орқали телекоммуникация операторлари томонидан тўлдирилади, келишув маълумотлари ҳамда манзил ва координаталари киритилади.
25. Ахборот тизими оператори ваколатли орган (ташкилот)ларга мазкур ер участкалари ёки биноларда телекоммуникация воситаларини жойлаштиришни дастлабки келишиш учун ахборот тизими орқали юборади.
Ваколатли орган (ташкилот)лар телекоммуникация воситаларини жойлаштиришни уч иш куни ичида келишади ёки келишишни асослантирилган ҳолда рад этади.
Ваколатли орган (ташкилот)лар томонидан келишиш рад этилган ҳолларда, тегишли хулоса телекоммуникация операторига ахборот тизими орқали тақдим этилади ва талабнома бекор қилинади.
26. Ваколатли орган (ташкилот)лар билан ижобий келишувга эришилганидан сўнг икки иш куни ичида мулк ҳуқуқидаги ер участкалари ёки бино ва иншоот мулкдори ҳамда телекоммуникация оператори ўртасида ижара шартномаси ахборот тизими орқали имзоланади.
Ижара шартномасини ахборот тизими орқали расмийлаштириш имконияти мавжуд бўлмаган ҳолларда, шартнома қоғоз кўринишида имзоланади ҳамда бу ҳақидаги маълумотлар ва ушбу шартнома нусхаси телекоммуникация оператори томонидан ахборот тизимига киритилади.
27. Ижара шартномаси асосида телекоммуникация воситалари жойлаштириладиган ер участкаларини дастлабки келишиш, шунингдек ижара шартномасини расмийлаштириш (тарафларнинг келишувига кўра ахборот тизими орқали расмийлаштирилганда) харажатлари билан боғлиқ тўловлар телекоммуникация оператори томонидан ижара шартномаси имзоланганидан сўнг беш иш куни ичида амалга оширилади.
28. Ахборот тизими оператори ижара шартномаси тўғрисидаги маълумотларни Ўзбекистон Республикаси Иқтисодиёт ва молия вазирлиги ҳузуридаги Солиқ қўмитаси (кейинги ўринларда — Солиқ қўмитаси)га электрон ахборот алмашинуви орқали белгиланган тартибда ҳисобдан ўтказиш учун юборади.
Кўчмас мулкка бўлган ҳуқуқлар белгиланган тартибда давлат рўйхатидан ўтказилади.
29. Солиқ қўмитаси икки иш куни ичида ижара шартномасини белгиланган тартибда ҳисобдан ўтказади ва гувоҳномани электрон ахборот алмашинуви орқали ахборот тизимига юборади.
30. Ахборот тизими оператори томонларга ахборот тизими орқали икки томонлама имзоланган шартнома ҳисобдан ўтказилганлиги тўғрисидаги гувоҳномани юборади.
5-боб. Давлат мулки объектида телекоммуникация воситаларини жойлаштириш тартиби
31. Давлат мулки объектида телекоммуникация воситаларини жойлаштириш ушбу Регламентнинг 3-иловасида келтирилган схемага мувофиқ амалга оширилади.
32. Телекоммуникация операторлари томонидан телекоммуникация воситаларини жойлаштириш учун зарур лойиҳаолди ўрганишлар жойига чиққан ҳолда олиб борилади ҳамда телекоммуникация воситаларини жойлаштириш учун давлат мулки объектини ижарага бериш бўйича балансда сақловчига мурожаат қилади.
33. Балансда сақловчи томонидан давлат мулки объектини ижарага беришга розилик билдирилган тақдирда, телекоммуникация воситаларини жойлаштириш учун давлат мулки объектини ижарага олиш бўйича талабнома электрон шаклда ахборот тизими орқали телекоммуникация операторлари томонидан тўлдирилади, давлат мулки объекти маълумотлари ҳамда манзил, координаталари, балансда сақловчининг розилик хати ва бошқа тегишли маълумотлари киритилади.
Бунда, моддий маданий мерос объектлари ҳисобланган давлат мулки объектларини ижарага олиш бўйича талабномага маданий мерос объектларини муҳофаза қилиш ва улардан фойдаланиш бўйича ваколатли органнинг хулосаси илова қилинади.
34. Ахборот тизими оператори ваколатли орган (ташкилот)ларга мазкур давлат мулки объектига телекоммуникация воситаларини жойлаштиришни дастлабки келишиш учун ахборот тизими орқали юборади.
Ваколатли орган (ташкилот)лар телекоммуникация воситаларини жойлаштиришни уч иш куни ичида келишади ёки келишишни асослантирилган ҳолда рад этади.
Ваколатли орган (ташкилот)лар томонидан келишиш рад этилган ҳолларда, тегишли хулоса телекоммуникация операторига ахборот тизими орқали тақдим этилади ва талабнома бекор қилинади.
35. Ваколатли органлар билан ижобий келишувга эришилганидан сўнг ахборот тизими оператори Давлат мулки объектларидан самарали фойдаланиш маркази ахборот тизимига давлат мулки объектини ижарага бериш мақсадида электрон онлайн-аукцион савдоларига чиқариш бўйича аризани электрон ахборот алмашинуви орқали юборади.
36. Давлат мулки объектларидан самарали фойдаланиш марказининг ҳудудий бошқармалари ахборот тизими операторининг аризаси келиб тушганидан сўнг бир иш куни ичида буюртмачи сифатида белгиланган тартибда савдо операторига давлат мулки объектини ижарага бериш учун электрон онлайн-аукцион савдоларига чиқариш бўйича электрон буюртмани юборади.
37. Электрон онлайн-аукцион савдолари натижаси бўйича баённома расмийлаштирилгандан сўнг ўн иш кунидан кечиктирмай баённома асосида аукцион ғолиби ва Давлат мулки объектларидан самарали фойдаланиш марказининг тегишли ҳудудий бошқармаси ўртасида белгиланган тартибда ижара шартномаси тузилади.
38. Давлат мулки объектини ижарага беришдан тушган маблағлар қонунчилик ҳужжатларида белгиланган тартибда тақсимланади.
39. Давлат мулки объектларидан самарали фойдаланиш марказининг ахборот тизими ижара шартномаси маълумотлари ва нусхасини ахборот тизимига электрон ахборот алмашинуви орқали юборади.
40. Ижара шартномаси асосида телекоммуникация воситалари жойлаштириладиган ер участкаларини дастлабки келишиш, шунингдек ижара шартномасини расмийлаштириш (тарафларнинг келишувига кўра ахборот тизими орқали расмийлаштирилганда) харажатлари билан боғлиқ тўловлар телекоммуникация оператори томонидан ижара шартномаси имзоланганидан сўнг беш иш куни ичида амалга оширилади.
6-боб. Телекоммуникация воситаларини жойлаштиришга оид шартномалар ёки келишувларни ахборот тизимига киритиш ва тизимда шартнома ва келишувларнинг муддатини узайтириш тартиби
41. Телекоммуникация воситаларини жойлаштиришга оид шартномалар ёки келишувларни ахборот тизимига киритиш ва уларнинг муддатини узайтириш ушбу Регламентнинг 4-иловасида келтирилган схемага мувофиқ амалга оширилади.
42. Телекоммуникация оператори томонидан ахборот тизими ишга туширилгунига қадар телекоммуникация воситаларини жойлаштиришга оид ва айни бир ер участкаси ёки антенна-мачталардан биргаликда фойдаланиш бўйича ахборот тизими ёрдамида имзолаш имконияти мавжуд бўлмаган ижара шартномалари, келишувлар ва бошқа турдаги ҳужжатлар нусхаси ва унга доир маълумотлар мос равишда ахборот тизими реестрига доимий равишда киритиб борилиши лозим.
43. Ахборот тизими оператори реестрга киритилган ижара шартномалари муддатларини автоматик таҳлил қилиш ишларини олиб боради. Муддати якунланишига икки ой қолган шартномалар рўйхатини қонунчилик ҳужжатларида рухсат этилган ҳолатларда муддатини узайтириш учун телекоммуникация операторларига ахборот тизимидаги шахсий кабинети орқали тақдим этади.
44. Телекоммуникация операторлари шартнома ва келишув имзоланган томонлар билан ахборот тизими орқали ҳужжат расмийлаштирилиши борасида ўн иш куни ичида музокаралар олиб боради.
Томонлар икки иш куни ичида шартнома шартларига қўшимчалар киритган ҳолда (зарур ҳолларда) ахборот тизими орқали шартномага қўшимча келишувни имзолайдилар.
Ижара шартномаси муддатини узайтириш тўғрисидаги қўшимча шартномани ахборот тизими орқали расмийлаштириш имконияти мавжуд бўлмаган ҳолларда, ушбу қўшимча келишув қоғоз кўринишида имзоланади ҳамда бу ҳақидаги маълумотлар ва ушбу ҳужжат нусхаси телекоммуникация оператори томонидан ахборот тизимига киритилади.
45. Телекоммуникация оператори томонидан ахборот тизими орқали кўрсатилган хизматлар учун ахборот тизими операторининг махсус ҳисобварағига тегишли тўловлар амалга оширилади.
46. Ахборот тизими оператори ахборот тизимида яратилган ва имзоланган, реестрдаги муддати якунланишига бир ой муддат қолган ижара шартномалари маълумотларини қонунчилик ҳужжатларида рухсат этилган ҳолатларда муддатини узайтириш учун ахборот тизимида автоматик тарзда шакллантиради ва телекоммуникация операторларига бу ҳақда хабарнома ва ҳисоб-фактура юборади.
47. Телекоммуникация операторлари беш иш кунидан кечиктирмай тўловларни ахборот тизими операторининг махсус ҳисобварағига ўтказиб беради.
48. Ахборот тизими оператори тўлов қабул қилинганидан сўнг шартномалар муддатларини узайтиради.
Телекоммуникация операторига муддатлари узайтирилган шартномалар бўйича маълумотни ахборот тизими орқали тақдим этади.
Тўланмаслик ҳоллари кузатилганда, шартномалар муддати узайтирилмайди ва шартнома ўз кучини йўқотган ҳисобланади.
49. Ижара шартномасининг тўлов миқдорини кейинги муддат учун узайтириш ёки шартномани бекор қилиш истагида бўлган ижарага берувчилар шартноманинг якунланиш муддатидан уч ойдан кам бўлмаган муддатда ушбу ҳақида ахборот тизимига маълумот киритиши лозим.
Бунда, телекоммуникация операторига тегишли маълумот ахборот тизимидаги шахсий кабинети орқали тақдим этилади ва томонларнинг ўзаро келишувидан сўнг шартнома расмийлаштирилади.
Ижара шартномасини бекор қилиш истаги билдирилган ҳолларда томонларга ахборот тизимидаги шахсий кабинетлари орқали маълумотлар тақдим этилади, ўзаро қайта келишиш учун бир ой муддат берилади.
50. Ижара шартномалари беш иш куни ичида мос равишда Солиқ қўмитаси ва Давлат мулки объектларидан самарали фойдаланиш марказига тегишли реестридан рўйхатдан ўтказилади ва кўчирмаси томонларнинг ахборот тизимидаги шахсий кабинетларига юборилади.
Солиқ қўмитаси ва Давлат мулки объектларидан самарали фойдаланиш маркази томонидан ўзининг реестридан рўйхатдан ўтказиш рад этилса, телекоммуникация оператори ва томонларга бу ҳақида маълумот шахсий кабинет орқали юборилади ва манфаатдор ташкилотлар билан келишиш ишларини томонлар ўзаро амалга оширади.
Солиқ қўмитаси Давлат мулки объектларидан самарали фойдаланиш маркази билан келишилганидан сўнг манфаатдор ташкилотлар томонидан реестрдан рўйхатдан ўтказилганлиги тўғрисидаги кўчирмани ахборот тизимига электрон ахборот алмашинуви орқали юборилади.
Кўчмас мулкка бўлган ҳуқуқлар белгиланган тартибда давлат рўйхатидан ўтказилади.
7-боб. Якунловчи қоидалар
51. Телекоммуникация операторлари ваколатли органларнинг мурожаатини кўриб чиқишни қонунга хилоф равишда рад этганлик устидан бўйсунув тартибида юқори турувчи органга ёки бевосита судга шикоят қилишга ҳақли.
52. Ахборот тизимининг бошқа ташкилотлар билан ахборот алмашиш тартиби ва ўзаро ҳамкорлик қилиш шартлари ташкилотлар ҳамда ахборот тизими оператори ўртасида тузилган ўзаро ҳамкорлик бўйича алоҳида технологик йўриқномалар ва битимлар билан белгиланади.
53. Ахборот тизими оператори ахборот тизимидан фойдаланиш орқали шартнома асосида қонунчилик ҳужжатларида тақиқланмаган хизматларни тақдим қилиш ҳуқуқига эга.
54. Ушбу Регламент талаблари бузилиши аниқланган ҳолатлар ҳақида телекоммуникация операторларидан келиб тушган мурожаатлар бўйича шартнома бекор қилинади ва амалга оширилган тўловлар қайтарилмайди.
55. Мазкур Регламент талабларини бузганликда айбдор шахслар қонунчилик ҳужжатларида белгиланган тартибда жавобгар бўлади.
Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентига 1-ИЛОВА
Ўзбекистон Республикаси Рақамли технологиялар вазирлигига ер участкаларини доимий фойдаланиш ҳуқуқи асосида ажратиш ва уларда телекоммуникация воситаларини жойлаштириш
Босқичлар Субъектлар Тадбирлар Муддатлар I. Рақамли технологиялар вазирлигига ер участкаларини ажратиш 1-босқич Телекоммуникация оператори Ахборот тизими ёки Ягона интерактив давлат хизматлари портали орқали телекоммуникация воситаларини жойлаштириш учун зарур ер участкаларининг майдони ва координаталарини белгилайди ва ушбу ер участкаларини ижарага олиш бўйича талабнома тўлдиради. Заруратга кўра 2-босқич Ахборот тизими оператори Телекоммуникация оператори томонидан белгиланган майдон ва координаталар бўйича маълумотларни олиш учун ахборот тизими орқали Давлат кадастрлари палатасининг ҳудудий бошқармасига сўров жўнатади. Автоматик тарзда 3-босқич Давлат кадастрлари палатаси ҳудудий бошқармаси Ахборот тизимидаги сўровга жавоб тариқасида ер участкаси ҳақидаги маълумотларни юборади. 3 иш куни ичида 4-босқич Ахборот тизими оператори Ваколатли орган (ташкилот)ларга ер участкасига телекоммуникация воситаларини жойлаштиришни дастлабки келишиш учун ахборот тизими орқали юборади. Автоматик тарзда 5-босқич Ваколатли орган (ташкилот)лар 1. Телекоммуникация воситаларини жойлаштиришни келишади ёки келишишни асослантирилган ҳолда рад этади. 2. Натижани ахборот тизими орқали электрон рақамли имзо билан тасдиқлайди. 3 иш куни ичида 6-босқич Ахборот тизими оператори Ер участкаси ҳақидаги маълумотларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан кўриб чиқилиши учун уларнинг ахборот тизимидаги шахсий кабинетига буюртма юборади. Автоматик тарзда 7-босқич Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Буюртмани (буюртмага лойиҳалаштирилаётган объектлар бўйича атроф муҳитга таъсир кўрсатилиши тўғрисидаги баённома лойиҳасини илова қилган ҳолда) ер участкасини ажратиш материалларини белгиланган тартибда тайёрлаш учун тегишли Давлат кадастрлари палатаси ҳудудий бошқармасининг шахсий кабинетига юборади. 1 иш куни ичида II. Ажратилган ер участкаларини телекоммуникация операторларига ижарага бериш 8-босқич Давлат кадастрлари палатаси ҳудудий бошқармаси Шахсий кабинетда ер участкасини ажратиш материалларини тайёрлаш юзасидан шартномани шакллантиради ва электрон рақамли имзо ёрдамида имзолайди. Шакллантирилган шартномани Рақамли технологиялар вазирлигига (Вазирлик) ахборот тизими орқали юборади. 5 иш куни ичида 9-босқич Вазирлик Ахборот тизимидаги шахсий кабинетида электрон рақамли имзо ёрдамида шартномани иккинчи томондан имзолайди ва Давлат кадастрлари палатаси ҳудудий бошқармасига юборади. 1 иш куни ичида 10-босқич Давлат кадастрлари палатаси ҳудудий бошқармаси Давлат кадастрлари палатаси ҳудудий бошқармаси ер участкасини ажратиш ҳақида электрон шаклда ҳужжатлар йиғмажилдини тайёрлайди ва уни «YERELEKTRON» ахборот тизимига жойлаштиради. Белгиланган муддатда «YERELEKTRON» ахборот тизимида келишув жараёнининг ҳар бир босқичи бўйича маълумотни ахборот тизимига электрон ахборот алмашинуви орқали доимий узатиб боради. Автоматик тарзда 11-босқич Ахборот тизими оператори Давлат активларини бошқариш агентлиги ҳузуридаги Давлат мулки объектларидан самарали фойдаланиш маркази ахборот тизимига Вазирликка доимий фойдаланиш ҳуқуқи асосида ажратилган ер участкасини ижарага бериш мақсадида электрон онлайн-аукцион савдоларига чиқариш бўйича аризани ахборот тизими ёрдамида электрон ахборот алмашинуви орқали юборади. Автоматик тарзда 12-босқич Давлат мулки объектларидан самарали фойдаланиш маркази Буюртмачи сифатида белгиланган тартибда савдо операторига ер участкасини ижарага бериш учун электрон онлайн-аукцион савдоларига чиқариш бўйича электрон буюртмани юборади. 1 иш кунида 13-босқич «Электрон онлайн-аукционларни ташкил этиш маркази» ДУК «E-AUKSION» платформасида электрон онлайн-аукционни белгиланган тартибда ташкил этади ва ўтказади. Белгиланган муддатда 14-босқич Давлат мулки объектларидан самарали фойдаланиш маркази 1. Белгиланган тартибда ижара шартномаси тузилади. 10 иш куни ичида 2. Ижара шартномаси маълумотлари ва нусхасини ахборот тизими операторига электрон ахборот алмашинуви орқали юборади. Шартнома имзоланганидан сўнг автоматик равишда
Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентига 2-ИЛОВА
Жисмоний ва юридик шахсларга мулк ҳуқуқи асосида тегишли бўлган ер участкалари, бино ва иншоотларда телекоммуникация воситаларини ўрнатиш шартномасини расмийлаштириш
Босқичлар Субъектлар Тадбирлар Муддатлар 1-босқич Телекоммуникация оператори Телекоммуникация воситаларини жойлаштириш учун мақсадли ер участкалари ёки биноларни ижарага олиш бўйича талабномани электрон шаклда ахборот тизими орқали тўлдиради, келишув маълумотлари ҳамда манзил ва координаталарини киритади. Заруратга кўра 2-босқич Ваколатли органлар 1. Телекоммуникация воситаларини жойлаштиришни келишади ёки келишишни асослантирилган ҳолда рад этади. 2. Натижани ахборот тизими орқали электрон рақамли имзо билан тасдиқлайди. 3 иш куни ичида 3-босқич Телекоммуникация оператори Ижара шартномаси маълумотларини ахборот тизимига киритади ва мулк ҳуқуқидаги ер участкалари ёки бино мулкдори ўртасида ижара шартномасини ахборот тизими орқали имзолайди. Ахборот тизими орқали имзолаш имконияти мавжуд бўлмаган тақдирда, шартнома қоғоз кўринишида имзоланади. 2 иш куни ичида 4-босқич Ахборот тизими оператори Ижара шартномаси тўғрисидаги маълумотларни Иқтисодиёт ва молия вазирлиги ҳузуридаги Солиқ қўмитасига электрон ахборот алмашинуви орқали белгиланган тартибда ҳисобдан ўтказиш учун юборади. Ижара шартномаси имзоланганидан сўнг автоматик равишда 5-босқич Иқтисодиёт ва молия вазирлиги ҳузуридаги Солиқ қўмитаси 1. Ижара шартномасини белгиланган тартибда ҳисобдан ўтказади ҳамда гувоҳнома расмийлаштиради. 2. Гувоҳномани электрон ахборот алмашинуви орқали ахборот тизими операторига юборади. 2 иш кунида ичида 6-босқич Ахборот тизими оператори Ахборот тизими оператори томонларга ахборот тизими орқали икки томонлама имзоланган шартнома ва ҳисобдан ўтказилганлиги тўғрисидаги гувоҳномани юборади. Автоматик тарзда
Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентига 3-ИЛОВА
Давлат мулки объектида телекоммуникация воситаларини жойлаштириш
Босқичлар Субъектлар Тадбирлар Муддатлар 1-босқич Телекоммуникация оператори 1. Давлат мулки объектини телекоммуникация воситаларини жойлаштириш учун ижарага бериш бўйича балансда сақловчига мурожаат қилади. 2. Балансда сақловчи томонидан давлат мулки объектини ижарага беришга розилик билдирилган тақдирда, унинг розилик хатини илова қилган ҳолда телекоммуникация объектларини жойлаштириш учун давлат мулки объектига доир маълумотларни ахборот тизимига киритади. Заруратга кўра 2-босқич Ахборот тизими оператори Давлат мулки объектига телекоммуникация воситаларини жойлаштиришни дастлабки келишиш учун ваколатли органларга ахборот тизими орқали юборади. Автоматик тарзда 3-босқич Ваколатли органлар Телекоммуникация воситаларини жойлаштиришни келишади ёки келишишни асослантирилган ҳолда рад этади. 3 иш куни ичида 4-босқич Ахборот тизими оператори Давлат мулки объектини электрон онлайн-аукцион савдоларига чиқариш бўйича аризани электрон ахборот алмашинуви орқали Давлат мулки объектларидан самарали фойдаланиш марказига юборади. Автоматик равишда 5-босқич Давлат мулки объектларидан самарали фойдаланиш маркази ҳудудий бошқармаси Буюртмачи сифатида ахборот тизими операторининг аризаси келиб тушганидан сўнг белгиланган тартибда савдо операторига давлат мулки объекти бўйича электрон буюртмани юборади. 1 иш куни ичида 6-босқич «Электрон онлайн-аукционларни ташкил этиш маркази» ДУК «E-AUKSION» электрон савдо платформасида электрон онлайн-аукционни белгиланган тартибда ташкил этади ва ўтказади. Белгиланган муддатда 7-босқич Давлат мулки объектларидан самарали фойдаланиш маркази ҳудудий бошқармаси 1. Белгиланган тартибда ижара шартномаси тузилади. 10 иш куни ичида 2. Ижара шартномаси маълумотлари ва нусхасини ахборот тизими операторига электрон ахборот алмашинуви орқали юборади. Шартнома имзоланганидан сўнг автоматик тарзда
Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентига 4-ИЛОВА
Телекоммуникация воситаларини жойлаштириш бўйича ижара шартнома (келишув)ларини тизимга киритиш ва уларнинг муддатини узайтириш
Босқичлар Субъектлар Тадбирлар Муддатлар I. Ахборот тизимида имзоланмаган ижара шартнома (келишув)ларни тизимга киритиш ва уларнинг муддатини узайтириш 1-босқич Телекоммуникация оператори Ахборот тизими ишга туширилгунига қадар телекоммуникация воситаларини жойлаштиришга оид ва айни бир ер участкаси ёки антенна-мачталардан биргаликда фойдаланиш бўйича ахборот тизими ёрдамида имзолаш имконияти мавжуд бўлмаган ижара шартнома (келишув)лари нусхаси ва унга доир маълумотларни ахборот тизимидаги реестрга киритиб боради. Доимий равишда 2-босқич Ахборот тизими оператори 1. Реестрга киритилган ижара шартнома (келишув)лари муддатларини автоматик таҳлил қилиш ишларини олиб боради. Белгиланган муддатда 2. Шартномалар рўйхатини телекоммуникация операторига ахборот тизимидаги шахсий кабинети орқали тақдим этади. Шартнома муддати якунланишидан 2 ой аввал 3-босқич Телекоммуникация оператори Телекоммуникация оператори шартнома (келишув) имзоланган томонлар билан ахборот тизими орқали шартнома (келишув) расмийлаштирилиши борасида музокаралар олиб боради. 10 иш куни ичида 4-босқич Томонлар (мулкдор, телекоммуникация оператори) Томонлар шартнома (келишув) шартларига қўшимчалар киритган ҳолда (зарур бўлса) ахборот тизими орқали шартномани имзолайдилар. 2 иш куни ичида 5-босқич Ахборот тизими оператори Ижара шартнома (келишув)лари тегишли реестрдан рўйхатдан ўтказиш учун манфаатдор ташкилотларга электрон ахборот алмашинуви орқали юборади. Автоматик равишда 6-босқич Иқтисодиёт ва молия вазирлиги ҳузуридаги Солиқ қўмитаси, Давлат мулки объектларидан самарали фойдаланиш маркази Тегишли реестрдан рўйхатдан ўтказилади ва кўчирмаси томонларнинг ахборот тизимидаги шахсий кабинетларига юборади. 2 иш куни ичида 7-босқич Ахборот тизими оператори Томонларга муддатлари узайтирилган шартнома (келишув)ларни ва уларни тегишли реестрдан рўйхатдан ўтказилганлиги бўйича маълумотни томонларнинг шахсий кабинетига юборади. Автоматик тарзда II. Ахборот тизимида имзоланган ижара шартнома (келишув)ларининг муддатини узайтириш 8-босқич Ахборот тизими оператори 1. Ахборот тизимида яратилган ва амал қилиш муддати тугаётган шартнома (келишув)лар рўйхатини шакллантиради. 2. Телекоммуникация операторларига мазкур шартнома (келишув)ларни расмийлаштириш бўйича ҳисоб-фактура тақдим этади. Шартнома муддати якунланишидан 1 ой аввал 9-босқич Телекоммуникация оператори Ахборот тизими операторининг махсус ҳисобварағига тўловларни ўтказиб беради. 5 иш куни ичида 10-босқич Ахборот тизими оператори 1. Тўловлар қабул қилинганидан сўнг шартнома (келишув)ларни муддатларини узайтиради. 2. Ижара шартнома (келишув)ларини тегишли реестрдан рўйхатдан ўтказиш учун манфаатдор ташкилотларга юборади. Автоматик тарзда 11-босқич Иқтисодиёт ва молия вазирлиги ҳузуридаги Солиқ қўмитаси, Давлат мулки объектларидан самарали фойдаланиш маркази Ижара шартнома (келишув)ларини тегишли реестрдан рўйхатдан ўтказади ва кўчирмаси томонларнинг ахборот тизимидаги шахсий кабинетларига юборади. 3 иш куни ичида 12-босқич Ахборот тизими оператори Муддатлари узайтирилган шартнома (келишув)ларни ва уларни тегишли реестрдан рўйхатдан ўтказилганлиги бўйича маълумотни томонларнинг шахсий кабинетига юборади. Автоматик тарзда
Вазирлар Маҳкамасининг 2023 йил 25 мартдаги 127-сон қарорига 2-ИЛОВА
Вазирлар Маҳкамасининг 2001 йил 26 октябрдаги 429-сон қарори билан тасдиқланган Ўзбекистон Республикасида радиочастота спектридан фойдаланганлик учун ҳақ тўлаш тартиби тўғрисидаги низомга киритилаётган ўзгартиришлар
1. 4-банддаги «Радиочастоталар бўйича давлат комиссиясининг» ва «Ахборот технологиялари ва коммуникацияларини ривожлантириш» сўзлари тегишлича «Радиочастоталар бўйича республика кенгашининг» ва «Рақамли технологиялар» сўзлари билан алмаштирилсин.
2. 5-банднинг биринчи хатбошисидаги «Электромагнит мувофиқлик маркази» сўзлари ««Электромагнит мослашув маркази» давлат унитар корхонаси» сўзлари билан алмаштирилсин.
3. 7-банднинг ўнинчи хатбошисидаги «Радиочастота спектрининг тижорат қиммати коэффициенти» жадвали қуйидаги таҳрирда баён этилсин:
«Радиочастота спектрининг тижорат қиммати коэффициенти
Т/р Алоқа тури Е коэффициенти 1. Кўчма радиотелефон алоқаси (транкинг алоқа) 30 2. Умумий фойдаланиладиган уяли радиотелефон алоқаси 85 3. Кўчма радио алоқа 15 4. Йўлдош алоқа (Ўзбекистон Республикаси ҳудудида жойлашган марказни ер станцияси* ва концентратори** орқали телекоммуникация хизматларини тақдим этиш учун мўлжалланган йўлдошли алоқа тармоқлари; ҳаво транспортида маълумот узатиш хизматларини тақдим этиш учун мўлжалланган йўлдошли алоқа тармоқлари бундан мустасно, яъни радиочастота спектридан фойдаланганлик учун тўлов белгиланмайди) 55 5. MMDS, N MDS ва MVLS туридаги тизимлардан фойдаланган ҳолда телевизион дастурларни тарқатиш 50 6. Телевидение ва радиоэшиттириш нодавлат дастурларини тарқатиш, телевидение ва радиоэшиттириш дастурларининг тижорат трансляцияси 40 7. Маълумотларни симсиз узатиш (2400 — 2483,5 МГц ва 5000 — 5999 МГц радиочастоталари полосаларидаги wi-fi технологиялари бундан мустасно) 70
4. 9-банд қуйидаги таҳрирда баён этилсин:
«9. Радиочастота спектридан фойдаланганлик учун:
дастлабки тўлов — фойдаланувчи томонидан Радиочастоталар бўйича республика кенгашининг радиочастота полосаларини (номиналларини) ажратиш тўғрисидаги тегишли қарори олинганидан сўнг 90 кун ичида;
кейинги тўловлар — Вазирликка бериладиган ҳисоб-китоблар асосида йил чораги биринчи ойининг 15-кунидан кечикмай ҳар чоракда тўланади.
Мазкур тўлов қуйидаги тартибда тақсимланади:
50 фоизи Давлат бюджетига йўналтирилади;
50 фоизи Радиочастота спектридан фойдаланишни бошқариш ва мониторинги Вазирлик харажатларини қоплашга йўналтирилади.
Вазирлик тегишли суммани улар тушган кундан бошлаб 3 кундан кечикмай Давлат бюджетига ўтказади».
Ўзбекистон Республикасининг Бош вазири А. АРИПОВ
Тошкент ш.,
2023 йил 25 март,
127-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
SXEMASI
SXEMASI
SXEMASI
Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida” 2022-yil 22-avgustdagi PQ-357-son qarori ijrosi yuzasidan telekommunikatsiya vositalarini joylashtirish uchun telekommunikatsiya operatorlariga yer uchastkalarini ajratishda teng, shaffof va bozor tamoyillariga asoslangan tartibni joriy etish maqsadida Vazirlar Mahkamasi qaror qiladi:
1. Raqamli texnologiyalar vazirligi, Davlat aktivlarini boshqarish agentligi va Tabiat resurslari vazirligining telekommunikatsiya vositalarini joylashtirish uchun telekommunikatsiya operatorlariga ijaraga berilishi rejalashtirilgan yer uchastkalari roʻyxatini shakllantirish, ularni tanlov (elektron onlayn-auksion)ga qoʻyish va telekommunikatsiya operatorlariga ijaraga berish jarayonlarini raqamlashtirish toʻgʻrisidagi taklifiga rozilik berilsin.
2. Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamenti 1-ilovaga muvofiq tasdiqlansin va 2023-yil 1-iyundan boshlab amalga kiritilsin.
3. Telekommunikatsiya vositalarini joylashtirish uchun telekommunikatsiya operatorlariga ijaraga berilishi rejalashtirilgan yer uchastkalari roʻyxatini shakllantirish, ularni tanlov (elektron onlayn-auksion)ga qoʻyish va telekommunikatsiya operatorlariga ijaraga berish imkonini beruvchi maxsus axborot tizimi (keyingi oʻrinlarda — axborot tizimi)ni ishlab chiqish, uni texnik va tashkiliy jihatdan qoʻllab-quvvatlashni taʼminlash maqsadida Raqamli texnologiyalar vazirligining ““UNICON.UZ” fan-texnika va marketing tadqiqotlari markazi” masʼuliyati cheklangan jamiyati — axborot tizimi operatori etib belgilansin.
4. Axborot tizimi operatori:
2023-yil 1-mayga qadar oʻz mablagʻlari hisobidan axborot tizimini ishlab chiqsin;
2023-yil 1-iyulga qadar telekommunikatsiya vositalarini joylashtirish boʻyicha telekommunikatsiya operatorlari tomonidan avval rasmiylashtirilgan ijara shartnomalari, telekommunikatsiya vositalari joylashgan yer (koordinata nuqtalari va chegaralari) va shartnomalarning tegishli maʼlumotlari (rekvizitlari) axborot tizimiga kiritilishini taʼminlasin.
5. Iqtisodiyot va moliya vazirligi huzuridagi Kadastr agentligi ijaraga berilishi rejalashtirilgan yer uchastkasi toʻgʻrisidagi maʼlumotlarni axborot tizimi operatoriga doimiy asosda elektron axborot almashinuvi orqali taqdim etib borsin.
6. Raqamli texnologiyalar vazirligi, Madaniyat va turizm vazirligi, Tabiat resurslari vazirligi, Davlat aktivlarini boshqarish agentligi, Iqtisodiyot va moliya vazirligi huzuridagi Kadastr agentligi, Transport vazirligi huzuridagi Fuqaro aviatsiyasi agentligi oʻz axborot tizimlarini ushbu qarorning 3-bandida koʻrsatilgan axborot tizimi bilan oʻzaro integratsiya qilish choralarini koʻrsin.
7. Vazirlar Mahkamasining 2001-yil 26-oktabrdagi 429-son qarori bilan tasdiqlangan Oʻzbekiston Respublikasida radiochastota spektridan foydalanganlik uchun haq toʻlash tartibi toʻgʻrisidagi nizomga 2-ilovaga muvofiq oʻzgartirishlar kiritilsin.
8. Raqamli texnologiyalar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi raqamli texnologiyalar vaziri Sh.X. Shermatov zimmasiga yuklansin.
Vazirlar Mahkamasining 2023-yil 25-martdagi 127-son qaroriga 1-ILOVA
Telekommunikatsiya vositalarini joylashtirish uchun ijara shartnomalarini rasmiylashtirishning
1-bob. Umumiy qoidalar
1. Mazkur Reglament telekommunikatsiya vositalarini joylashtirish uchun ijara shartnomalarini rasmiylashtirish tartibini belgilaydi.
2. Mazkur Reglamentda quyidagi asosiy tushunchalardan foydalaniladi:
axborot tizimi — telekommunikatsiya vositalarini joylashtirish uchun telekommunikatsiya operatorlariga ijaraga berilishi rejalashtirilgan yer uchastkalari roʻyxatini shakllantirish, ularni tanlov (elektron onlayn-auksion)ga qoʻyish va telekommunikatsiya operatorlariga ijaraga berish imkonini beruvchi maxsus elektron axborot tizimi;
axborot tizimi operatori — Oʻzbekiston Respublikasi Raqamli texnologiyalar vazirligining ““UNICON.UZ” fan-texnika va marketing tadqiqotlari markazi” masʼuliyati cheklangan jamiyati;
auksion ishtirokchisi — “E-AUKSION” elektron savdo platformasidan belgilangan tartibda roʻyxatdan oʻtib, auksionda qatnashish uchun ariza bergan telekommunikatsiya tarmoqlarini loyihalashtirish, qurish, ulardan foydalanish va ularning xizmatlarini koʻrsatish faoliyati bilan shugʻullanish boʻyicha litsenziyaga ega boʻlgan telekommunikatsiya operatori;
balansda saqlovchi — davlat mulki hisoblangan bino va yer maydoni yoki moddiy madaniy meros obyektlari hisoblangan inshootlar balansida hisobga olingan yuridik shaxs;
vakolatli organlar (tashkilotlar) — ushbu Reglamentga muvofiq telekommunikatsiya vositalarini joylashtirish masalasi kelishiladigan davlat organlari va boshqa tashkilotlar;
davlat mulki obyekti — elektron onlayn-auksion orqali ijaraga beriladigan davlat mulki hisoblangan bino va inshootlar, moddiy madaniy meros obyektlari hamda ularning yer uchastkalari;
reyestr — telekommunikatsiya operatorlari, telekommunikatsiya vositalarini joylashtirish boʻyicha ijara shartnomalari hamda ularga tegishli boʻlgan hujjatlar toʻplamini oʻz ichiga oluvchi maʼlumotlar bazasi;
savdo operatori — “E-AUKSION” elektron savdo platformasida auksionni tashkil etish va oʻtkazish vakolati berilgan “Elektron onlayn-auksionlarni tashkil etish” aksiyadorlik jamiyati;
talabnoma — telekommunikatsiya vositalarini joylashtirish uchun zarur yer uchastkalarining maydoni va koordinatalarini belgilash hamda yer uchastkasini ijaraga olish boʻyicha telekommunikatsiya operatori tomonidan toʻldiriladigan va axborot tizimi orqali kiritiladigan maʼlumotlar;
telekommunikatsiya vositalari — signallarni hosil qilish, uzatish, qabul qilish, qayta ishlash hamda ularni boshqarish imkonini beruvchi texnik qurilmalar, uskunalar, inshootlar va tizimlar;
telekommunikatsiya operatori — mulk huquqi yoki boshqa ashyoviy huquq asosida telekommunikatsiya (telefon aloqasi, maʼlumotlar uzatish, mobil aloqa, televideniye) tarmogʻiga ega boʻlgan, uning qurilishi, ishlashi, rivojlanishini taʼminlovchi va litsenziyaga asosan tegishli telekommunikatsiya xizmatlarini koʻrsatuvchi yuridik shaxs;
shaxsiy kabinet — axborot tizimi foydalanuvchilari tomonidan maʼlumotlarni kiritish, tahrirlash, foydalanish va qoʻllash imkoniyatini yaratish uchun moʻljallangan maxsus oyna;
elektron onlayn-auksion (keyingi oʻrinlarda — auksion) — “E-AUKSION” elektron savdo platformasi orqali jismoniy va yuridik shaxslarga auksion obyektini ijaraga berish boʻyicha narxni oshirib borish tamoyili asosida onlayn oʻtkaziladigan savdo shakli.
3. Axborot tizimi orqali rasmiylashtirilgan va muddati uzaytirilgan ijara shartnomalari hamda boshqa xizmatlar (auksion obyektini savdoga chiqarishda materiallarni kelishish, shuningdek savdoni tashkil etish va oʻtkazish xarajatlari bundan mustasno) uchun toʻlovlar axborot tizimi operatori va telekommunikatsiya operatorlari oʻrtasida tuziladigan shartnomaga muvofiq belgilanadi.
Bunda, axborot tizimi orqali ushbu hujjatlarni rasmiylashtirish uchun telekommunikatsiya operatori tomonidan axborot tizimi operatoriga bazaviy hisoblash miqdorining bir baravari miqdorida toʻlov amalga oshiriladi.
4. “E-AUKSION” elektron savdo platformasida onlayn-auksion tashkil etish hamda oʻtkazish tartibi Vazirlar Mahkamasining 2022-yil 12-yanvardagi 18-son qarori bilan tasdiqlangan “E-AUKSION” elektron savdo platformasida onlayn-auksion va tanlovlarni tashkil etish hamda oʻtkazish tartibi toʻgʻrisidagi nizom asosida amalga oshiriladi.
Bunda, boʻsh va zaxiraga olingan yer uchastkalari hamda davlat mulki obyektini telekommunikatsiya vositalarini joylashtirish uchun ijaraga berish boʻyicha oʻtkazilgan elektron auksionda bir ishtirokchi qatnashgan taqdirda ham u oʻtkazilgan deb hisoblanadi.
Shuningdek, auksion oʻtkazish auksion oʻtkaziladigan kun toʻgʻrisida xabarnoma va lotga oid axborot “E-AUKSION” elektron savdo platformasida eʼlon qilingandan oʻttiz kun oʻtgandan keyingi kunga belgilanadi. Bayram va dam olish kunlarida auksionlar oʻtkazilmaydi.
2-bob. Oʻzbekiston Respublikasi Raqamli texnologiyalar vazirligiga doimiy foydalanish huquqi asosida yer uchastkalarini ajratish va ularda telekommunikatsiya vositalarini joylashtirish tartibi
5. Oʻzbekiston Respublikasi Raqamli texnologiyalar vazirligi (keyingi oʻrinlarda — Vazirlik)ga doimiy foydalanish huquqi asosida ajratilishi rejalashtirilgan yer uchastkalarini kelishish hamda ajratilgan yer uchastkalarini telekommunikatsiya vositalarini joylashtirish uchun ijaraga berish ushbu Reglamentning 1-ilovasida keltirilgan sxemaga muvofiq amalga oshiriladi.
6. Telekommunikatsiya operatorlari tomonidan telekommunikatsiya vositalarini joylashtirish uchun joyiga chiqqan holda zarur loyihaoldi oʻrganish ishlari olib boriladi.
7. Telekommunikatsiya operatori axborot tizimi yoki Yagona interaktiv davlat xizmatlari portali orqali telekommunikatsiya vositalarini joylashtirish uchun zarur yer uchastkalarining maydoni va koordinatalarini belgilab beradi hamda zarur yer uchastkalarini ijaraga olish boʻyicha talabnoma toʻldiradi.
8. Axborot tizimi operatori telekommunikatsiya operatori tomonidan belgilangan maydon va koordinatalar boʻyicha maʼlumotlarni olish uchun axborot tizimi orqali avtomatik tarzda Davlat kadastrlari palatasining hududiy boshqarmasiga soʻrov joʻnatadi.
Bunda, yer uchastkasi maʼlumotlari (yer uchastkalarining maydoni va koordinatalari) telekommunikatsiya operatori tomonidan notoʻgʻri kiritilganligi aniqlangan taqdirda, ushbu holat talabnomani rad etish uchun asos hisoblanadi va talabnoma bekor qilinadi.
9. Davlat kadastrlari palatasining hududiy boshqarmasi uch ish kuni ichida axborot tizimidagi soʻrovga javob tariqasida yer uchastkasi haqidagi maʼlumotlarni yuboradi.
10. Axborot tizimi operatori mazkur yer uchastkasida telekommunikatsiya vositalarini joylashtirish bilan bogʻliq hujjatlarni vakolatli organ (tashkilot)larga ular bilan dastlabki kelishish uchun axborot tizimi orqali avtomatik tarzda yuboradi.
11. Antenna-machta inshootlari va boshqa telekommunikatsiya inshootlarini qurish bilan bogʻliq hujjatlar telekommunikatsiya vositalari turiga mos ravishda quyidagi vakolatli organ (tashkilot)lar bilan axborot tizimi orqali kelishiladi:
Oʻzbekiston Respublikasi Transport vazirligi huzuridagi Fuqaro aviatsiyasi agentligi;
Oʻzbekiston Respublikasi Sanitariya-epidemiologik osoyishtalik va jamoat salomatligi qoʻmitasi;
“Elektromagnit moslashuv markazi” davlat unitar korxonasi.
Antenna-machta inshootlaridan tashqari boshqa telekommunikatsiya inshootlarini qurish bilan bogʻliq hujjatlar, zaruratga koʻra, boshqa manfaatdor tashkilotlar bilan ham kelishilishi mumkin.
Vakolatli organ (tashkilot)lar telekommunikatsiya vositalarini joylashtirishda zarur hujjatlarning oʻz vaqtida koʻrib chiqilishi, kelishilishi va xulosalar qabul qilinishi uchun javobgar hisoblanadi.
12. Vakolatli organ (tashkilot)lar telekommunikatsiya vositalarini joylashtirish masalasini uch ish kuni ichida kelishadi yoki kelishishni asoslantirilgan holda rad etadi.
Vakolatli organ (tashkilot)lar tomonidan kelishish rad etilgan hollarda, tegishli xulosa telekommunikatsiya operatoriga axborot tizimi orqali taqdim etiladi va talabnoma bekor qilinadi,
13. Vakolatli organ (tashkilot)lar bilan kelishilgandan soʻng axborot tizimi operatori talabnomada koʻrsatilgan yer uchastkalari toʻgʻrisidagi maʼlumotlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan yer uchastkasini ajratish uchun Vazirlik tomonidan biriktirilgan masʼul xodimning axborot tizimidagi shaxsiy kabinetiga joʻnatadi.
14. Vazirlikka yer uchastkalari Vazirlar Mahkamasining 2021-yil 27-avgustdagi 543-son qarori bilan tasdiqlangan Yer uchastkalarini davlat va jamoat ehtiyojlari uchun doimiy foydalanishga ajratishning maʼmuriy reglamentida belgilangan tartibda ajratiladi.
Vazirlik tomonidan biriktirilgan masʼul xodim yer uchastkalari toʻgʻrisidagi maʼlumotlar bilan tanishadi va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yer uchastkasini ajratish uchun ularning axborot tizimidagi shaxsiy kabinetiga buyurtma yuboradi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir ish kuni ichida buyurtmani (buyurtmaga loyihalashtirilayotgan obyektlar boʻyicha atrof muhitga taʼsir koʻrsatilishi toʻgʻrisidagi bayonnoma loyihasini ilova qilgan holda) yer uchastkasini ajratish materiallarini belgilangan tartibda tayyorlash uchun tegishli Davlat kadastrlari palatasining hududiy boshqarmasiga axborot tizimidagi shaxsiy kabinet orqali yuboradi.
Davlat kadastrlari palatasining hududiy boshqarmasi besh ish kuni ichida shaxsiy kabinetda yer uchastkasini ajratish materiallarini tayyorlash yuzasidan shartnomani shakllantiradi va elektron raqamli imzo orqali imzolaydi. Shakllantirilgan shartnomani Vazirlikka axborot tizimi orqali yuboradi.
Vazirlik tomonidan biriktirilgan masʼul vakil bir kun ichida axborot tizimidagi shaxsiy kabinetida elektron raqamli imzo orqali shartnomani ikkinchi tomondan imzolaydi va Davlat kadastrlari palatasining hududiy boshqarmasiga yuboradi.
Davlat kadastrlari palatasining hududiy boshqarmasi tuzilgan shartnoma asosida yer uchastkasini ajratish haqida elektron shaklda hujjatlar yigʻmajildini tayyorlaydi va uni “YERELEKTRON” avtomatlashtirilgan axborot tizimiga joylashtiradi.
“YERELEKTRON” avtomatlashtirilgan axborot tizimida kelishuv jarayonining har bir bosqichi boʻyicha maʼlumotni axborot tizimiga elektron axborot almashinuvi orqali doimiy uzatib boradi.
3-bob. Vazirlikka ajratilgan yer uchastkasini elektron onlayn-auksion savdolariga chiqarishga tayyorlash tartibi
15. Yer uchastkasini ijaraga berishning boshlangʻich narxi quyidagi formula asosida axborot tizimida hisoblanadi:
S = S x R x T + E,
bunda:
S — yer uchastkasining maydoni, kv.m;
R — bir kvadrat metr yer uchastkasi uchun ijaraga berishning minimal qiymati, soʻm/kv.m.;
T — yer uchastkasini ijaraga berish muddati, yil;
E — yer uchastkasini tanlash materiallarini tayyorlash ishlarining qiymati, yer uchastkasiga boʻlgan huquqlarni davlat roʻyxatidan oʻtkazishga oid xarajatlar, soʻm.
Bir kvadrat metr yer uchastkasi uchun ijaraga berishning minimal qiymati har bir tuman (shahar) uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari qarorlari bilan tasdiqlanadi.
Har bir tuman (shahar) uchun yer uchastkasini ijaraga berishning minimal qiymatini belgilashda hududda mavjud hamda kelgusida markazlashgan manbalar hisobidan barpo etilishi rejalashtirilgan muhandislik-kommunikatsiya tarmoqlariga ulanish nuqtalari inobatga olinadi.
Oxirgi tasdiqlangan yer uchastkasini ijaraga berishning minimal qiymati uning yangi qiymati tasdiqlangunga qadar amalda boʻladi.
16. Axborot tizimi operatori Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi (keyingi oʻrinlarda — Davlat mulki obyektlaridan samarali foydalanish markazi) axborot tizimiga Vazirlikka doimiy foydalanish huquqi asosida ajratilgan yer uchastkasini ijaraga berish maqsadida elektron onlayn-auksion savdolariga chiqarish boʻyicha arizani axborot tizimi yordamida elektron axborot almashinuvi orqali yuboradi.
17. Davlat mulki obyektlaridan samarali foydalanish markazining hududiy boshqarmalari axborot tizimi operatorining arizasi kelib tushganidan soʻng bir ish kuni ichida buyurtmachi sifatida belgilangan tartibda savdo operatoriga yer uchastkasini ijaraga berish uchun elektron onlayn-auksion savdolariga chiqarish boʻyicha elektron buyurtmani yuboradi.
18. Elektron onlayn-auksion savdolari natijasi boʻyicha bayonnoma rasmiylashtirilgandan soʻng oʻn ish kunidan kechiktirmay bayonnoma asosida auksion gʻolibi va Davlat mulki obyektlaridan samarali foydalanish markazining tegishli hududiy boshqarmasi oʻrtasida “E-AUKSION” elektron savdo platformasida elektron shaklda ijara shartnomasi tuziladi.
19. Vazirlikka doimiy foydalanish huquqi asosida ajratilgan yer uchastkasini ijaraga berishdan tushgan mablagʻlar belgilangan tartibda taqsimlanadi.
20. Davlat mulki obyektlaridan samarali foydalanish markazining axborot tizimi ijara shartnomasi maʼlumotlari va nusxasini axborot tizimiga elektron axborot almashinuvi orqali yuboradi.
21. Yer uchastkasini ijaraga berish jarayonida davlat organlari tomonidan yer tuzish, davlat yer kadastri va yerlarni monitoring qilish boʻyicha loyiha-izlanish, loyiha hujjatlarini ishlab chiqish, ularni kelishish va tasdiqlash, hujjatlarni roʻyxatdan oʻtkazish bilan bogʻliq xarajatlar telekommunikatsiya operatori tomonidan qoplanadi.
4-bob. Jismoniy va yuridik shaxslarga mulk huquqi asosida tegishli boʻlgan yer uchastkalari, bino va inshootlarda telekommunikatsiya vositalarini oʻrnatish shartnomasini rasmiylashtirish tartibi
22. Jismoniy va yuridik shaxslarga mulk huquqi asosida tegishli boʻlgan yer uchastkalari, bino va inshootlarda telekommunikatsiya vositalarini oʻrnatish shartnomasini rasmiylashtirish ushbu Reglamentning 2-ilovasida keltirilgan sxemaga muvofiq amalga oshiriladi.
23. Telekommunikatsiya operatorlari tomonidan telekommunikatsiya vositalarini joylashtirish uchun zarur loyihaoldi oʻrganishlar joyiga chiqqan holda olib boriladi va mulk huquqida boʻlgan yer uchastkalari yoki binolarning mulkdorlari bilan oʻzaro kelishadi.
24. Telekommunikatsiya vositalarini joylashtirish uchun maqsadli yer uchastkalari yoki binolarni ijaraga olish boʻyicha talabnoma elektron shaklda axborot tizimi orqali telekommunikatsiya operatorlari tomonidan toʻldiriladi, kelishuv maʼlumotlari hamda manzil va koordinatalari kiritiladi.
25. Axborot tizimi operatori vakolatli organ (tashkilot)larga mazkur yer uchastkalari yoki binolarda telekommunikatsiya vositalarini joylashtirishni dastlabki kelishish uchun axborot tizimi orqali yuboradi.
Vakolatli organ (tashkilot)lar telekommunikatsiya vositalarini joylashtirishni uch ish kuni ichida kelishadi yoki kelishishni asoslantirilgan holda rad etadi.
Vakolatli organ (tashkilot)lar tomonidan kelishish rad etilgan hollarda, tegishli xulosa telekommunikatsiya operatoriga axborot tizimi orqali taqdim etiladi va talabnoma bekor qilinadi.
26. Vakolatli organ (tashkilot)lar bilan ijobiy kelishuvga erishilganidan soʻng ikki ish kuni ichida mulk huquqidagi yer uchastkalari yoki bino va inshoot mulkdori hamda telekommunikatsiya operatori oʻrtasida ijara shartnomasi axborot tizimi orqali imzolanadi.
Ijara shartnomasini axborot tizimi orqali rasmiylashtirish imkoniyati mavjud boʻlmagan hollarda, shartnoma qogʻoz koʻrinishida imzolanadi hamda bu haqidagi maʼlumotlar va ushbu shartnoma nusxasi telekommunikatsiya operatori tomonidan axborot tizimiga kiritiladi.
27. Ijara shartnomasi asosida telekommunikatsiya vositalari joylashtiriladigan yer uchastkalarini dastlabki kelishish, shuningdek ijara shartnomasini rasmiylashtirish (taraflarning kelishuviga koʻra axborot tizimi orqali rasmiylashtirilganda) xarajatlari bilan bogʻliq toʻlovlar telekommunikatsiya operatori tomonidan ijara shartnomasi imzolanganidan soʻng besh ish kuni ichida amalga oshiriladi.
28. Axborot tizimi operatori ijara shartnomasi toʻgʻrisidagi maʼlumotlarni Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasi (keyingi oʻrinlarda — Soliq qoʻmitasi)ga elektron axborot almashinuvi orqali belgilangan tartibda hisobdan oʻtkazish uchun yuboradi.
Koʻchmas mulkka boʻlgan huquqlar belgilangan tartibda davlat roʻyxatidan oʻtkaziladi.
29. Soliq qoʻmitasi ikki ish kuni ichida ijara shartnomasini belgilangan tartibda hisobdan oʻtkazadi va guvohnomani elektron axborot almashinuvi orqali axborot tizimiga yuboradi.
30. Axborot tizimi operatori tomonlarga axborot tizimi orqali ikki tomonlama imzolangan shartnoma hisobdan oʻtkazilganligi toʻgʻrisidagi guvohnomani yuboradi.
5-bob. Davlat mulki obyektida telekommunikatsiya vositalarini joylashtirish tartibi
31. Davlat mulki obyektida telekommunikatsiya vositalarini joylashtirish ushbu Reglamentning 3-ilovasida keltirilgan sxemaga muvofiq amalga oshiriladi.
32. Telekommunikatsiya operatorlari tomonidan telekommunikatsiya vositalarini joylashtirish uchun zarur loyihaoldi oʻrganishlar joyiga chiqqan holda olib boriladi hamda telekommunikatsiya vositalarini joylashtirish uchun davlat mulki obyektini ijaraga berish boʻyicha balansda saqlovchiga murojaat qiladi.
33. Balansda saqlovchi tomonidan davlat mulki obyektini ijaraga berishga rozilik bildirilgan taqdirda, telekommunikatsiya vositalarini joylashtirish uchun davlat mulki obyektini ijaraga olish boʻyicha talabnoma elektron shaklda axborot tizimi orqali telekommunikatsiya operatorlari tomonidan toʻldiriladi, davlat mulki obyekti maʼlumotlari hamda manzil, koordinatalari, balansda saqlovchining rozilik xati va boshqa tegishli maʼlumotlari kiritiladi.
Bunda, moddiy madaniy meros obyektlari hisoblangan davlat mulki obyektlarini ijaraga olish boʻyicha talabnomaga madaniy meros obyektlarini muhofaza qilish va ulardan foydalanish boʻyicha vakolatli organning xulosasi ilova qilinadi.
34. Axborot tizimi operatori vakolatli organ (tashkilot)larga mazkur davlat mulki obyektiga telekommunikatsiya vositalarini joylashtirishni dastlabki kelishish uchun axborot tizimi orqali yuboradi.
Vakolatli organ (tashkilot)lar telekommunikatsiya vositalarini joylashtirishni uch ish kuni ichida kelishadi yoki kelishishni asoslantirilgan holda rad etadi.
Vakolatli organ (tashkilot)lar tomonidan kelishish rad etilgan hollarda, tegishli xulosa telekommunikatsiya operatoriga axborot tizimi orqali taqdim etiladi va talabnoma bekor qilinadi.
35. Vakolatli organlar bilan ijobiy kelishuvga erishilganidan soʻng axborot tizimi operatori Davlat mulki obyektlaridan samarali foydalanish markazi axborot tizimiga davlat mulki obyektini ijaraga berish maqsadida elektron onlayn-auksion savdolariga chiqarish boʻyicha arizani elektron axborot almashinuvi orqali yuboradi.
36. Davlat mulki obyektlaridan samarali foydalanish markazining hududiy boshqarmalari axborot tizimi operatorining arizasi kelib tushganidan soʻng bir ish kuni ichida buyurtmachi sifatida belgilangan tartibda savdo operatoriga davlat mulki obyektini ijaraga berish uchun elektron onlayn-auksion savdolariga chiqarish boʻyicha elektron buyurtmani yuboradi.
37. Elektron onlayn-auksion savdolari natijasi boʻyicha bayonnoma rasmiylashtirilgandan soʻng oʻn ish kunidan kechiktirmay bayonnoma asosida auksion gʻolibi va Davlat mulki obyektlaridan samarali foydalanish markazining tegishli hududiy boshqarmasi oʻrtasida belgilangan tartibda ijara shartnomasi tuziladi.
38. Davlat mulki obyektini ijaraga berishdan tushgan mablagʻlar qonunchilik hujjatlarida belgilangan tartibda taqsimlanadi.
39. Davlat mulki obyektlaridan samarali foydalanish markazining axborot tizimi ijara shartnomasi maʼlumotlari va nusxasini axborot tizimiga elektron axborot almashinuvi orqali yuboradi.
40. Ijara shartnomasi asosida telekommunikatsiya vositalari joylashtiriladigan yer uchastkalarini dastlabki kelishish, shuningdek ijara shartnomasini rasmiylashtirish (taraflarning kelishuviga koʻra axborot tizimi orqali rasmiylashtirilganda) xarajatlari bilan bogʻliq toʻlovlar telekommunikatsiya operatori tomonidan ijara shartnomasi imzolanganidan soʻng besh ish kuni ichida amalga oshiriladi.
6-bob. Telekommunikatsiya vositalarini joylashtirishga oid shartnomalar yoki kelishuvlarni axborot tizimiga kiritish va tizimda shartnoma va kelishuvlarning muddatini uzaytirish tartibi
41. Telekommunikatsiya vositalarini joylashtirishga oid shartnomalar yoki kelishuvlarni axborot tizimiga kiritish va ularning muddatini uzaytirish ushbu Reglamentning 4-ilovasida keltirilgan sxemaga muvofiq amalga oshiriladi.
42. Telekommunikatsiya operatori tomonidan axborot tizimi ishga tushirilguniga qadar telekommunikatsiya vositalarini joylashtirishga oid va ayni bir yer uchastkasi yoki antenna-machtalardan birgalikda foydalanish boʻyicha axborot tizimi yordamida imzolash imkoniyati mavjud boʻlmagan ijara shartnomalari, kelishuvlar va boshqa turdagi hujjatlar nusxasi va unga doir maʼlumotlar mos ravishda axborot tizimi reyestriga doimiy ravishda kiritib borilishi lozim.
43. Axborot tizimi operatori reyestrga kiritilgan ijara shartnomalari muddatlarini avtomatik tahlil qilish ishlarini olib boradi. Muddati yakunlanishiga ikki oy qolgan shartnomalar roʻyxatini qonunchilik hujjatlarida ruxsat etilgan holatlarda muddatini uzaytirish uchun telekommunikatsiya operatorlariga axborot tizimidagi shaxsiy kabineti orqali taqdim etadi.
44. Telekommunikatsiya operatorlari shartnoma va kelishuv imzolangan tomonlar bilan axborot tizimi orqali hujjat rasmiylashtirilishi borasida oʻn ish kuni ichida muzokaralar olib boradi.
Tomonlar ikki ish kuni ichida shartnoma shartlariga qoʻshimchalar kiritgan holda (zarur hollarda) axborot tizimi orqali shartnomaga qoʻshimcha kelishuvni imzolaydilar.
Ijara shartnomasi muddatini uzaytirish toʻgʻrisidagi qoʻshimcha shartnomani axborot tizimi orqali rasmiylashtirish imkoniyati mavjud boʻlmagan hollarda, ushbu qoʻshimcha kelishuv qogʻoz koʻrinishida imzolanadi hamda bu haqidagi maʼlumotlar va ushbu hujjat nusxasi telekommunikatsiya operatori tomonidan axborot tizimiga kiritiladi.
45. Telekommunikatsiya operatori tomonidan axborot tizimi orqali koʻrsatilgan xizmatlar uchun axborot tizimi operatorining maxsus hisobvaragʻiga tegishli toʻlovlar amalga oshiriladi.
46. Axborot tizimi operatori axborot tizimida yaratilgan va imzolangan, reyestrdagi muddati yakunlanishiga bir oy muddat qolgan ijara shartnomalari maʼlumotlarini qonunchilik hujjatlarida ruxsat etilgan holatlarda muddatini uzaytirish uchun axborot tizimida avtomatik tarzda shakllantiradi va telekommunikatsiya operatorlariga bu haqda xabarnoma va hisob-faktura yuboradi.
47. Telekommunikatsiya operatorlari besh ish kunidan kechiktirmay toʻlovlarni axborot tizimi operatorining maxsus hisobvaragʻiga oʻtkazib beradi.
48. Axborot tizimi operatori toʻlov qabul qilinganidan soʻng shartnomalar muddatlarini uzaytiradi.
Telekommunikatsiya operatoriga muddatlari uzaytirilgan shartnomalar boʻyicha maʼlumotni axborot tizimi orqali taqdim etadi.
Toʻlanmaslik hollari kuzatilganda, shartnomalar muddati uzaytirilmaydi va shartnoma oʻz kuchini yoʻqotgan hisoblanadi.
49. Ijara shartnomasining toʻlov miqdorini keyingi muddat uchun uzaytirish yoki shartnomani bekor qilish istagida boʻlgan ijaraga beruvchilar shartnomaning yakunlanish muddatidan uch oydan kam boʻlmagan muddatda ushbu haqida axborot tizimiga maʼlumot kiritishi lozim.
Bunda, telekommunikatsiya operatoriga tegishli maʼlumot axborot tizimidagi shaxsiy kabineti orqali taqdim etiladi va tomonlarning oʻzaro kelishuvidan soʻng shartnoma rasmiylashtiriladi.
Ijara shartnomasini bekor qilish istagi bildirilgan hollarda tomonlarga axborot tizimidagi shaxsiy kabinetlari orqali maʼlumotlar taqdim etiladi, oʻzaro qayta kelishish uchun bir oy muddat beriladi.
50. Ijara shartnomalari besh ish kuni ichida mos ravishda Soliq qoʻmitasi va Davlat mulki obyektlaridan samarali foydalanish markaziga tegishli reyestridan roʻyxatdan oʻtkaziladi va koʻchirmasi tomonlarning axborot tizimidagi shaxsiy kabinetlariga yuboriladi.
Soliq qoʻmitasi va Davlat mulki obyektlaridan samarali foydalanish markazi tomonidan oʻzining reyestridan roʻyxatdan oʻtkazish rad etilsa, telekommunikatsiya operatori va tomonlarga bu haqida maʼlumot shaxsiy kabinet orqali yuboriladi va manfaatdor tashkilotlar bilan kelishish ishlarini tomonlar oʻzaro amalga oshiradi.
Soliq qoʻmitasi Davlat mulki obyektlaridan samarali foydalanish markazi bilan kelishilganidan soʻng manfaatdor tashkilotlar tomonidan reyestrdan roʻyxatdan oʻtkazilganligi toʻgʻrisidagi koʻchirmani axborot tizimiga elektron axborot almashinuvi orqali yuboriladi.
Koʻchmas mulkka boʻlgan huquqlar belgilangan tartibda davlat roʻyxatidan oʻtkaziladi.
7-bob. Yakunlovchi qoidalar
51. Telekommunikatsiya operatorlari vakolatli organlarning murojaatini koʻrib chiqishni qonunga xilof ravishda rad etganlik ustidan boʻysunuv tartibida yuqori turuvchi organga yoki bevosita sudga shikoyat qilishga haqli.
52. Axborot tizimining boshqa tashkilotlar bilan axborot almashish tartibi va oʻzaro hamkorlik qilish shartlari tashkilotlar hamda axborot tizimi operatori oʻrtasida tuzilgan oʻzaro hamkorlik boʻyicha alohida texnologik yoʻriqnomalar va bitimlar bilan belgilanadi.
53. Axborot tizimi operatori axborot tizimidan foydalanish orqali shartnoma asosida qonunchilik hujjatlarida taqiqlanmagan xizmatlarni taqdim qilish huquqiga ega.
54. Ushbu Reglament talablari buzilishi aniqlangan holatlar haqida telekommunikatsiya operatorlaridan kelib tushgan murojaatlar boʻyicha shartnoma bekor qilinadi va amalga oshirilgan toʻlovlar qaytarilmaydi.
55. Mazkur Reglament talablarini buzganlikda aybdor shaxslar qonunchilik hujjatlarida belgilangan tartibda javobgar boʻladi.
Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamentiga 1-ILOVA
Oʻzbekiston Respublikasi Raqamli texnologiyalar vazirligiga yer uchastkalarini doimiy foydalanish huquqi asosida ajratish va ularda telekommunikatsiya vositalarini joylashtirish
Bosqichlar Subyektlar Tadbirlar Muddatlar I. Raqamli texnologiyalar vazirligiga yer uchastkalarini ajratish 1-bosqich Telekommunikatsiya operatori Axborot tizimi yoki Yagona interaktiv davlat xizmatlari portali orqali telekommunikatsiya vositalarini joylashtirish uchun zarur yer uchastkalarining maydoni va koordinatalarini belgilaydi va ushbu yer uchastkalarini ijaraga olish boʻyicha talabnoma toʻldiradi. Zaruratga koʻra 2-bosqich Axborot tizimi operatori Telekommunikatsiya operatori tomonidan belgilangan maydon va koordinatalar boʻyicha maʼlumotlarni olish uchun axborot tizimi orqali Davlat kadastrlari palatasining hududiy boshqarmasiga soʻrov joʻnatadi. Avtomatik tarzda 3-bosqich Davlat kadastrlari palatasi hududiy boshqarmasi Axborot tizimidagi soʻrovga javob tariqasida yer uchastkasi haqidagi maʼlumotlarni yuboradi. 3 ish kuni ichida 4-bosqich Axborot tizimi operatori Vakolatli organ (tashkilot)larga yer uchastkasiga telekommunikatsiya vositalarini joylashtirishni dastlabki kelishish uchun axborot tizimi orqali yuboradi. Avtomatik tarzda 5-bosqich Vakolatli organ (tashkilot)lar 1. Telekommunikatsiya vositalarini joylashtirishni kelishadi yoki kelishishni asoslantirilgan holda rad etadi. 2. Natijani axborot tizimi orqali elektron raqamli imzo bilan tasdiqlaydi. 3 ish kuni ichida 6-bosqich Axborot tizimi operatori Yer uchastkasi haqidagi maʼlumotlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan koʻrib chiqilishi uchun ularning axborot tizimidagi shaxsiy kabinetiga buyurtma yuboradi. Avtomatik tarzda 7-bosqich Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Buyurtmani (buyurtmaga loyihalashtirilayotgan obyektlar boʻyicha atrof muhitga taʼsir koʻrsatilishi toʻgʻrisidagi bayonnoma loyihasini ilova qilgan holda) yer uchastkasini ajratish materiallarini belgilangan tartibda tayyorlash uchun tegishli Davlat kadastrlari palatasi hududiy boshqarmasining shaxsiy kabinetiga yuboradi. 1 ish kuni ichida II. Ajratilgan yer uchastkalarini telekommunikatsiya operatorlariga ijaraga berish 8-bosqich Davlat kadastrlari palatasi hududiy boshqarmasi Shaxsiy kabinetda yer uchastkasini ajratish materiallarini tayyorlash yuzasidan shartnomani shakllantiradi va elektron raqamli imzo yordamida imzolaydi. Shakllantirilgan shartnomani Raqamli texnologiyalar vazirligiga (Vazirlik) axborot tizimi orqali yuboradi. 5 ish kuni ichida 9-bosqich Vazirlik Axborot tizimidagi shaxsiy kabinetida elektron raqamli imzo yordamida shartnomani ikkinchi tomondan imzolaydi va Davlat kadastrlari palatasi hududiy boshqarmasiga yuboradi. 1 ish kuni ichida 10-bosqich Davlat kadastrlari palatasi hududiy boshqarmasi Davlat kadastrlari palatasi hududiy boshqarmasi yer uchastkasini ajratish haqida elektron shaklda hujjatlar yigʻmajildini tayyorlaydi va uni “YERELEKTRON” axborot tizimiga joylashtiradi. Belgilangan muddatda “YERELEKTRON” axborot tizimida kelishuv jarayonining har bir bosqichi boʻyicha maʼlumotni axborot tizimiga elektron axborot almashinuvi orqali doimiy uzatib boradi. Avtomatik tarzda 11-bosqich Axborot tizimi operatori Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi axborot tizimiga Vazirlikka doimiy foydalanish huquqi asosida ajratilgan yer uchastkasini ijaraga berish maqsadida elektron onlayn-auksion savdolariga chiqarish boʻyicha arizani axborot tizimi yordamida elektron axborot almashinuvi orqali yuboradi. Avtomatik tarzda 12-bosqich Davlat mulki obyektlaridan samarali foydalanish markazi Buyurtmachi sifatida belgilangan tartibda savdo operatoriga yer uchastkasini ijaraga berish uchun elektron onlayn-auksion savdolariga chiqarish boʻyicha elektron buyurtmani yuboradi. 1 ish kunida 13-bosqich “Elektron onlayn-auksionlarni tashkil etish markazi” DUK “E-AUKSION” platformasida elektron onlayn-auksionni belgilangan tartibda tashkil etadi va oʻtkazadi. Belgilangan muddatda 14-bosqich Davlat mulki obyektlaridan samarali foydalanish markazi 1. Belgilangan tartibda ijara shartnomasi tuziladi. 10 ish kuni ichida 2. Ijara shartnomasi maʼlumotlari va nusxasini axborot tizimi operatoriga elektron axborot almashinuvi orqali yuboradi. Shartnoma imzolanganidan soʻng avtomatik ravishda
Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamentiga 2-ILOVA
Jismoniy va yuridik shaxslarga mulk huquqi asosida tegishli boʻlgan yer uchastkalari, bino va inshootlarda telekommunikatsiya vositalarini oʻrnatish shartnomasini rasmiylashtirish
Bosqichlar Subyektlar Tadbirlar Muddatlar 1-bosqich Telekommunikatsiya operatori Telekommunikatsiya vositalarini joylashtirish uchun maqsadli yer uchastkalari yoki binolarni ijaraga olish boʻyicha talabnomani elektron shaklda axborot tizimi orqali toʻldiradi, kelishuv maʼlumotlari hamda manzil va koordinatalarini kiritadi. Zaruratga koʻra 2-bosqich Vakolatli organlar 1. Telekommunikatsiya vositalarini joylashtirishni kelishadi yoki kelishishni asoslantirilgan holda rad etadi. 2. Natijani axborot tizimi orqali elektron raqamli imzo bilan tasdiqlaydi. 3 ish kuni ichida 3-bosqich Telekommunikatsiya operatori Ijara shartnomasi maʼlumotlarini axborot tizimiga kiritadi va mulk huquqidagi yer uchastkalari yoki bino mulkdori oʻrtasida ijara shartnomasini axborot tizimi orqali imzolaydi. Axborot tizimi orqali imzolash imkoniyati mavjud boʻlmagan taqdirda, shartnoma qogʻoz koʻrinishida imzolanadi. 2 ish kuni ichida 4-bosqich Axborot tizimi operatori Ijara shartnomasi toʻgʻrisidagi maʼlumotlarni Iqtisodiyot va moliya vazirligi huzuridagi Soliq qoʻmitasiga elektron axborot almashinuvi orqali belgilangan tartibda hisobdan oʻtkazish uchun yuboradi. Ijara shartnomasi imzolanganidan soʻng avtomatik ravishda 5-bosqich Iqtisodiyot va moliya vazirligi huzuridagi Soliq qoʻmitasi 1. Ijara shartnomasini belgilangan tartibda hisobdan oʻtkazadi hamda guvohnoma rasmiylashtiradi. 2. Guvohnomani elektron axborot almashinuvi orqali axborot tizimi operatoriga yuboradi. 2 ish kunida ichida 6-bosqich Axborot tizimi operatori Axborot tizimi operatori tomonlarga axborot tizimi orqali ikki tomonlama imzolangan shartnoma va hisobdan oʻtkazilganligi toʻgʻrisidagi guvohnomani yuboradi. Avtomatik tarzda
Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamentiga 3-ILOVA
Davlat mulki obyektida telekommunikatsiya vositalarini joylashtirish
Bosqichlar Subyektlar Tadbirlar Muddatlar 1-bosqich Telekommunikatsiya operatori 1. Davlat mulki obyektini telekommunikatsiya vositalarini joylashtirish uchun ijaraga berish boʻyicha balansda saqlovchiga murojaat qiladi. 2. Balansda saqlovchi tomonidan davlat mulki obyektini ijaraga berishga rozilik bildirilgan taqdirda, uning rozilik xatini ilova qilgan holda telekommunikatsiya obyektlarini joylashtirish uchun davlat mulki obyektiga doir maʼlumotlarni axborot tizimiga kiritadi. Zaruratga koʻra 2-bosqich Axborot tizimi operatori Davlat mulki obyektiga telekommunikatsiya vositalarini joylashtirishni dastlabki kelishish uchun vakolatli organlarga axborot tizimi orqali yuboradi. Avtomatik tarzda 3-bosqich Vakolatli organlar Telekommunikatsiya vositalarini joylashtirishni kelishadi yoki kelishishni asoslantirilgan holda rad etadi. 3 ish kuni ichida 4-bosqich Axborot tizimi operatori Davlat mulki obyektini elektron onlayn-auksion savdolariga chiqarish boʻyicha arizani elektron axborot almashinuvi orqali Davlat mulki obyektlaridan samarali foydalanish markaziga yuboradi. Avtomatik ravishda 5-bosqich Davlat mulki obyektlaridan samarali foydalanish markazi hududiy boshqarmasi Buyurtmachi sifatida axborot tizimi operatorining arizasi kelib tushganidan soʻng belgilangan tartibda savdo operatoriga davlat mulki obyekti boʻyicha elektron buyurtmani yuboradi. 1 ish kuni ichida 6-bosqich “Elektron onlayn-auksionlarni tashkil etish markazi” DUK “E-AUKSION” elektron savdo platformasida elektron onlayn-auksionni belgilangan tartibda tashkil etadi va oʻtkazadi. Belgilangan muddatda 7-bosqich Davlat mulki obyektlaridan samarali foydalanish markazi hududiy boshqarmasi 1. Belgilangan tartibda ijara shartnomasi tuziladi. 10 ish kuni ichida 2. Ijara shartnomasi maʼlumotlari va nusxasini axborot tizimi operatoriga elektron axborot almashinuvi orqali yuboradi. Shartnoma imzolanganidan soʻng avtomatik tarzda
Telekommunikatsiya vositalarini joylashtirish uchun ijara shartnomalarini rasmiylashtirishning maʼmuriy reglamentiga 4-ILOVA
Telekommunikatsiya vositalarini joylashtirish boʻyicha ijara shartnoma (kelishuv)larini tizimga kiritish va ularning muddatini uzaytirish
Bosqichlar Subyektlar Tadbirlar Muddatlar I. Axborot tizimida imzolanmagan ijara shartnoma (kelishuv)larni tizimga kiritish va ularning muddatini uzaytirish 1-bosqich Telekommunikatsiya operatori Axborot tizimi ishga tushirilguniga qadar telekommunikatsiya vositalarini joylashtirishga oid va ayni bir yer uchastkasi yoki antenna-machtalardan birgalikda foydalanish boʻyicha axborot tizimi yordamida imzolash imkoniyati mavjud boʻlmagan ijara shartnoma (kelishuv)lari nusxasi va unga doir maʼlumotlarni axborot tizimidagi reyestrga kiritib boradi. Doimiy ravishda 2-bosqich Axborot tizimi operatori 1. Reyestrga kiritilgan ijara shartnoma (kelishuv)lari muddatlarini avtomatik tahlil qilish ishlarini olib boradi. Belgilangan muddatda 2. Shartnomalar roʻyxatini telekommunikatsiya operatoriga axborot tizimidagi shaxsiy kabineti orqali taqdim etadi. Shartnoma muddati yakunlanishidan 2 oy avval 3-bosqich Telekommunikatsiya operatori Telekommunikatsiya operatori shartnoma (kelishuv) imzolangan tomonlar bilan axborot tizimi orqali shartnoma (kelishuv) rasmiylashtirilishi borasida muzokaralar olib boradi. 10 ish kuni ichida 4-bosqich Tomonlar (mulkdor, telekommunikatsiya operatori) Tomonlar shartnoma (kelishuv) shartlariga qoʻshimchalar kiritgan holda (zarur boʻlsa) axborot tizimi orqali shartnomani imzolaydilar. 2 ish kuni ichida 5-bosqich Axborot tizimi operatori Ijara shartnoma (kelishuv)lari tegishli reyestrdan roʻyxatdan oʻtkazish uchun manfaatdor tashkilotlarga elektron axborot almashinuvi orqali yuboradi. Avtomatik ravishda 6-bosqich Iqtisodiyot va moliya vazirligi huzuridagi Soliq qoʻmitasi, Davlat mulki obyektlaridan samarali foydalanish markazi Tegishli reyestrdan roʻyxatdan oʻtkaziladi va koʻchirmasi tomonlarning axborot tizimidagi shaxsiy kabinetlariga yuboradi. 2 ish kuni ichida 7-bosqich Axborot tizimi operatori Tomonlarga muddatlari uzaytirilgan shartnoma (kelishuv)larni va ularni tegishli reyestrdan roʻyxatdan oʻtkazilganligi boʻyicha maʼlumotni tomonlarning shaxsiy kabinetiga yuboradi. Avtomatik tarzda II. Axborot tizimida imzolangan ijara shartnoma (kelishuv)larining muddatini uzaytirish 8-bosqich Axborot tizimi operatori 1. Axborot tizimida yaratilgan va amal qilish muddati tugayotgan shartnoma (kelishuv)lar roʻyxatini shakllantiradi. 2. Telekommunikatsiya operatorlariga mazkur shartnoma (kelishuv)larni rasmiylashtirish boʻyicha hisob-faktura taqdim etadi. Shartnoma muddati yakunlanishidan 1 oy avval 9-bosqich Telekommunikatsiya operatori Axborot tizimi operatorining maxsus hisobvaragʻiga toʻlovlarni oʻtkazib beradi. 5 ish kuni ichida 10-bosqich Axborot tizimi operatori 1. Toʻlovlar qabul qilinganidan soʻng shartnoma (kelishuv)larni muddatlarini uzaytiradi. 2. Ijara shartnoma (kelishuv)larini tegishli reyestrdan roʻyxatdan oʻtkazish uchun manfaatdor tashkilotlarga yuboradi. Avtomatik tarzda 11-bosqich Iqtisodiyot va moliya vazirligi huzuridagi Soliq qoʻmitasi, Davlat mulki obyektlaridan samarali foydalanish markazi Ijara shartnoma (kelishuv)larini tegishli reyestrdan roʻyxatdan oʻtkazadi va koʻchirmasi tomonlarning axborot tizimidagi shaxsiy kabinetlariga yuboradi. 3 ish kuni ichida 12-bosqich Axborot tizimi operatori Muddatlari uzaytirilgan shartnoma (kelishuv)larni va ularni tegishli reyestrdan roʻyxatdan oʻtkazilganligi boʻyicha maʼlumotni tomonlarning shaxsiy kabinetiga yuboradi. Avtomatik tarzda
Vazirlar Mahkamasining 2023-yil 25-martdagi 127-son qaroriga 2-ILOVA
Vazirlar Mahkamasining 2001-yil 26-oktabrdagi 429-son qarori bilan tasdiqlangan Oʻzbekiston Respublikasida radiochastota spektridan foydalanganlik uchun haq toʻlash tartibi toʻgʻrisidagi nizomga kiritilayotgan oʻzgartirishlar
1. 4-banddagi “Radiochastotalar boʻyicha davlat komissiyasining” va “Axborot texnologiyalari va kommunikatsiyalarini rivojlantirish” soʻzlari tegishlicha “Radiochastotalar boʻyicha respublika kengashining” va “Raqamli texnologiyalar” soʻzlari bilan almashtirilsin.
2. 5-bandning birinchi xatboshisidagi “Elektromagnit muvofiqlik markazi” soʻzlari ““Elektromagnit moslashuv markazi” davlat unitar korxonasi” soʻzlari bilan almashtirilsin.
3. 7-bandning oʻninchi xatboshisidagi “Radiochastota spektrining tijorat qimmati koeffitsiyenti” jadvali quyidagi tahrirda bayon etilsin:
“Radiochastota spektrining tijorat qimmati koeffitsiyenti
T/r Aloqa turi E koeffitsiyenti 1. Koʻchma radiotelefon aloqasi (tranking aloqa) 30 2. Umumiy foydalaniladigan uyali radiotelefon aloqasi 85 3. Koʻchma radio aloqa 15 4. Yoʻldosh aloqa (Oʻzbekiston Respublikasi hududida joylashgan markazni yer stansiyasi* va konsentratori** orqali telekommunikatsiya xizmatlarini taqdim etish uchun moʻljallangan yoʻldoshli aloqa tarmoqlari; havo transportida maʼlumot uzatish xizmatlarini taqdim etish uchun moʻljallangan yoʻldoshli aloqa tarmoqlari bundan mustasno, yaʼni radiochastota spektridan foydalanganlik uchun toʻlov belgilanmaydi) 55 5. MMDS, N MDS va MVLS turidagi tizimlardan foydalangan holda televizion dasturlarni tarqatish 50 6. Televideniye va radioeshittirish nodavlat dasturlarini tarqatish, televideniye va radioeshittirish dasturlarining tijorat translyatsiyasi 40 7. Maʼlumotlarni simsiz uzatish (2400 — 2483,5 MGs va 5000 — 5999 MGs radiochastotalari polosalaridagi wi-fi texnologiyalari bundan mustasno) 70
4. 9-band quyidagi tahrirda bayon etilsin:
“9. Radiochastota spektridan foydalanganlik uchun:
dastlabki toʻlov — foydalanuvchi tomonidan Radiochastotalar boʻyicha respublika kengashining radiochastota polosalarini (nominallarini) ajratish toʻgʻrisidagi tegishli qarori olinganidan soʻng 90 kun ichida;
keyingi toʻlovlar — Vazirlikka beriladigan hisob-kitoblar asosida yil choragi birinchi oyining 15-kunidan kechikmay har chorakda toʻlanadi.
Mazkur toʻlov quyidagi tartibda taqsimlanadi:
50 foizi Davlat budjetiga yoʻnaltiriladi;
50 foizi Radiochastota spektridan foydalanishni boshqarish va monitoringi Vazirlik xarajatlarini qoplashga yoʻnaltiriladi.
Vazirlik tegishli summani ular tushgan kundan boshlab 3 kundan kechikmay Davlat budjetiga oʻtkazadi”.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 25-mart,
127-son