📅 2023-yil 29-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 29 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 марта 2023 г. · Постановления Президента
Официальный текст. Официальный документ. Редакционные примечания не включены.
📅 29 March 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Аграр секторни замонавий қишлоқ хўжалиги техникалари билан таъминлашни рағбатлантиришнинг қўшимча чора-тадбирлари тўғрисида
Қишлоқ хўжалиги маҳсулотларини етиштиришда зарур агротехник тадбирларни ўз вақтида ва сифатли амалга ошириш, аграр секторда қишлоқ хўжалиги техникасига бўлган талабни қондириш, қишлоқ хўжалиги корхоналарини маънан ва жисмонан эскирган техникалар ўрнига замонавий ва ресурстежамкор техникалар билан таъминлашни рағбатлантириш тизимини такомиллаштириш мақсадида:
1. Ўзбекистон Республикасида ишлаб чиқарилган қишлоқ хўжалиги техникалари харидини давлат томонидан қўллаб-қувватлашнинг қуйидаги ягона тартиби 2023 йил 1 апрелдан бошлаб жорий қилинсин:
Ўзбекистон Республикаси Президентининг 2021 йил 11 ноябрдаги «Чирчиқ шаҳрида қишлоқ хўжалиги машинасозлик кластерини ташкил қилиш чора-тадбирлари тўғрисида»ги ПҚ-7-сон қарорида назарда тутилган субсидиялар барча маҳаллий қишлоқ хўжалиги техникаси ишлаб чиқарувчи корхоналарга татбиқ этилади;
қишлоқ хўжалиги корхоналари ва тадбиркорлик субъектлари томонидан ўрнатилган тартибда шакллантириладиган рўйхат бўйича хориждан олиб келинадиган ишлаб чиқарилганига 3 йилдан ошмаган барча турдаги қишлоқ хўжалиги техникалари ва агрегатлари ҳамда уларнинг бутловчи буюмлари ва эҳтиёт қисмлари, истисно тариқасида, 2025 йил 1 январга қадар божхона тўловларидан (қўшилган қиймат солиғи ва божхона расмийлаштируви йиғимларидан ташқари) ва утилизация йиғимидан озод қилинади ҳамда тадбиркорлик субъектларига эркин муомалага чиқариш (импорт) божхона режимига жойлаштирилган санадан бошлаб қўшилган қиймат солиғини 120 кунгача бўлган муддатга кечиктириб тўлашга рухсат берилади;
халқаро молия институтлари томонидан лизинг компанияларига ажратилган маблағлар доирасида ўзини ўзи банд қилган шахслар ва якка тартибдаги тадбиркорларга қишлоқ хўжалиги техникаси ва агрегатларини лизингга беришга рухсат этилади;
2. 2023-2024 йилларда қишлоқ хўжалиги техникаси харидини молиялаштириш учун жами 2,6 трлн сўм йўналтирилсин, шундан:
Ўзбекистон Республикаси Президентининг 2022 йил 28 июлдаги ПҚ-335-сон қарорига асосан Иқтисодиёт ва молия вазирлиги томонидан қишлоқ хўжалиги техникаларини харид қилиш учун тижорат банкларига жойлаштирилган 100 млн АҚШ долларидан 2022 йилда ўзлаштирилмасдан қолган 670 млрд сўм (59 млн АҚШ доллари) миқдоридаги маблағ техника хариди учун 10 фоиз ставкада 10 йилга кредит ажратиш учун;
800 млрд сўм (70 млн АҚШ доллари) — халқаро молия институтлари маблағлари ҳисобидан қишлоқ хўжалиги техникаларини харид қилиш учун лизинг ташкилотларига жойлаштириш ҳисобига;
1,1 трлн сўм (100 млн АҚШ доллари) — халқаро молия институтлари маблағлари ҳисобидан қишлоқ хўжалиги техникаларини харид қилиш учун тижорат банкларига жойлаштириш ҳисобига.
Бунда
хизмат кўрсатадиган тижорат банклари томонидан лизинг ташкилотларига кредит ажратилишида гаров таъминоти сифатида лизингга бериладиган техникалар ва суғурта полиси қабул қилиниши мумкин;
халқаро молия институтларидан жалб қилинган маблағлар ҳисобидан харидорларга қишлоқ хўжалиги техникалари лизинг маржаси йиллик 3 фоиздан ошмаган ставкада 10 йилгача бўлган муддатга Қишлоқ хўжалиги вазирлиги буюртмаси асосида лизингга берилади.
3. Тижорат банкларига лизинг компанияларига қишлоқ хўжалиги техникаларини етказиб бериш учун қарз маблағларини гаров таъминоти сифатида сотиб олинадиган қишлоқ хўжалиги техникасини, кредитнинг бутун даври учун қарз маблағларини қайтармаслик хатарларидан 100 фоиз гаров сифатида суғурта полисини ёки учинчи шахсларнинг кафиллигини қабул қилиш орқали ажратиш тавсия этилсин.
Марказий банк Иқтисодиёт ва молия вазирлиги билан биргаликда ўн кун муддатда тижорат банклари томонидан гаров таъминоти сифатида қабул қилинадиган суғурта компаниялари томонидан тақдим этиладиган қарз маблағларини қайтармаслик хатарларидан суғурта полиси (шартномаси)нинг намунавий шаклини ишлаб чиқиб, амалиётга жорий этсин.
Иқтисодиёт ва молия вазирлиги икки ой муддатда суғурта бозорини такомиллаштириш, хавф-хатарларни тўғри баҳолаш, айниқса, бюджет маблағлари ҳисобидан молиялаштириш учун ресурслар ҳисобига кредитларга нисбатан суғурта операциялари устидан пруденциал назоратни кучайтириш бўйича таклиф киритсин.
4. Қишлоқ хўжалиги вазирлиги ҳамда Инвестициялар, саноат ва савдо вазирлиги ҳар йили 1 октябрга қадар маҳаллий ва жаҳоннинг етакчи ишлаб чиқарувчиларини жалб қилган ҳолда кейинги йил учун қишлоқ хўжалиги техникаларини етказиб беришнинг мақсадли параметрларини ишлаб чиқиб, Иқтисодиёт ва молия вазирлигига тақдим этилишини таъминласин.
Иқтисодиёт ва молия вазирлиги ҳар йили тақдим этиладиган қишлоқ хўжалиги техникаларини етказиб беришнинг мақсадли параметрлари ва етказиб бериладиган қишлоқ хўжалиги техникалари турларидан келиб чиқиб, қишлоқ хўжалиги техникасини лизинг шартларида етказиб беришнинг молиялаштириш манбаларини уларни ажратиш даврлари кесимида шакллантирсин ҳамда Жамғармадан маблағлар ажратилишини таъминласин.
5. Ўзбекистон Республикаси Президентининг ва Ўзбекистон Республикаси Ҳукуматининг айрим қарорлари иловага мувофиқ 2023 йил 1 апрелдан ўз кучини йўқотган деб ҳисоблансин.
6. Қишлоқ хўжалиги вазирлиги манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров, иқтисодиёт ва молия вазири Ш.Д. Кудбиев ва қишлоқ хўжалиги вазири А.Б. Воитов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 29 мартдаги ПҚ-103-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг 2023 йил 1-апрелдан ўз кучини йўқотган деб эътироф этилаётган айрим қарорлари
1. Ўзбекистон Республикаси Президентининг 2018 йил 10 майдаги «Қишлоқ хўжалигини ўз вақтида қишлоқ хўжалиги техникаси билан таъминлаш механизмларини янада такомиллаштириш чора-тадбирлари тўғрисида»ги ПҚ-3712-сон қарори .
2. Ўзбекистон Республикаси Президентининг 2019 йил 4 апрелдаги «Аграр секторни қишлоқ хўжалиги техникалари билан ўз вақтида таъминлашга оид қўшимча чора-тадбирлар тўғрисида»ги ПҚ-4268-сон қарори .
3. Ўзбекистон Республикаси Президентининг 2019 йил 31 июлдаги «Қишлоқ хўжалиги машинасозлигини жадал ривожлантириш, аграр секторни қишлоқ хўжалиги техникалари билан таъминлашни давлат томонидан қўллаб-қувватлашга оид чора-тадбирлар тўғрисида»ги ПҚ-4410-сон қарорининг 6-банди .
4. Вазирлар Маҳкамасининг 2021 йил 2 ноябрдаги «2021 йил пахта ҳосилини йиғиб-териб олиш ишларини молиялаштиришга доир қўшимча чора-тадбирлар тўғрисида»ги 666-сон қарорининг 4-банди учинчи хатбошиси .
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 29 март,
ПҚ-103-сон
Oʻzbekiston Respublikasi Prezidentining
Qarori
ROʻYXATI
Agrar sektorni zamonaviy qishloq xoʻjaligi texnikalari bilan taʼminlashni ragʻbatlantirishning qoʻshimcha chora-tadbirlari toʻgʻrisida
Qishloq xoʻjaligi mahsulotlarini yetishtirishda zarur agrotexnik tadbirlarni oʻz vaqtida va sifatli amalga oshirish, agrar sektorda qishloq xoʻjaligi texnikasiga boʻlgan talabni qondirish, qishloq xoʻjaligi korxonalarini maʼnan va jismonan eskirgan texnikalar oʻrniga zamonaviy va resurstejamkor texnikalar bilan taʼminlashni ragʻbatlantirish tizimini takomillashtirish maqsadida:
1. Oʻzbekiston Respublikasida ishlab chiqarilgan qishloq xoʻjaligi texnikalari xaridini davlat tomonidan qoʻllab-quvvatlashning quyidagi yagona tartibi 2023-yil 1-apreldan boshlab joriy qilinsin:
Oʻzbekiston Respublikasi Prezidentining 2021-yil 11-noyabrdagi “Chirchiq shahrida qishloq xoʻjaligi mashinasozlik klasterini tashkil qilish chora-tadbirlari toʻgʻrisida”gi PQ-7-son qarorida nazarda tutilgan subsidiyalar barcha mahalliy qishloq xoʻjaligi texnikasi ishlab chiqaruvchi korxonalarga tatbiq etiladi;
qishloq xoʻjaligi korxonalari va tadbirkorlik subyektlari tomonidan oʻrnatilgan tartibda shakllantiriladigan roʻyxat boʻyicha xorijdan olib kelinadigan ishlab chiqarilganiga 3 yildan oshmagan barcha turdagi qishloq xoʻjaligi texnikalari va agregatlari hamda ularning butlovchi buyumlari va ehtiyot qismlari, istisno tariqasida, 2025-yil 1-yanvarga qadar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) va utilizatsiya yigʻimidan ozod qilinadi hamda tadbirkorlik subyektlariga erkin muomalaga chiqarish (import) bojxona rejimiga joylashtirilgan sanadan boshlab qoʻshilgan qiymat soligʻini 120 kungacha boʻlgan muddatga kechiktirib toʻlashga ruxsat beriladi;
xalqaro moliya institutlari tomonidan lizing kompaniyalariga ajratilgan mablagʻlar doirasida oʻzini oʻzi band qilgan shaxslar va yakka tartibdagi tadbirkorlarga qishloq xoʻjaligi texnikasi va agregatlarini lizingga berishga ruxsat etiladi;
2. 2023-2024-yillarda qishloq xoʻjaligi texnikasi xaridini moliyalashtirish uchun jami 2,6 trln soʻm yoʻnaltirilsin, shundan:
Oʻzbekiston Respublikasi Prezidentining 2022-yil 28-iyuldagi PQ-335-son qaroriga asosan Iqtisodiyot va moliya vazirligi tomonidan qishloq xoʻjaligi texnikalarini xarid qilish uchun tijorat banklariga joylashtirilgan 100 mln AQSH dollaridan 2022-yilda oʻzlashtirilmasdan qolgan 670 mlrd soʻm (59 mln AQSH dollari) miqdoridagi mablagʻ texnika xaridi uchun 10 foiz stavkada 10 yilga kredit ajratish uchun;
800 mlrd soʻm (70 mln AQSH dollari) — xalqaro moliya institutlari mablagʻlari hisobidan qishloq xoʻjaligi texnikalarini xarid qilish uchun lizing tashkilotlariga joylashtirish hisobiga;
1,1 trln soʻm (100 mln AQSH dollari) — xalqaro moliya institutlari mablagʻlari hisobidan qishloq xoʻjaligi texnikalarini xarid qilish uchun tijorat banklariga joylashtirish hisobiga.
Bunda
xizmat koʻrsatadigan tijorat banklari tomonidan lizing tashkilotlariga kredit ajratilishida garov taʼminoti sifatida lizingga beriladigan texnikalar va sugʻurta polisi qabul qilinishi mumkin;
xalqaro moliya institutlaridan jalb qilingan mablagʻlar hisobidan xaridorlarga qishloq xoʻjaligi texnikalari lizing marjasi yillik 3 foizdan oshmagan stavkada 10 yilgacha boʻlgan muddatga Qishloq xoʻjaligi vazirligi buyurtmasi asosida lizingga beriladi.
3. Tijorat banklariga lizing kompaniyalariga qishloq xoʻjaligi texnikalarini yetkazib berish uchun qarz mablagʻlarini garov taʼminoti sifatida sotib olinadigan qishloq xoʻjaligi texnikasini, kreditning butun davri uchun qarz mablagʻlarini qaytarmaslik xatarlaridan 100 foiz garov sifatida sugʻurta polisini yoki uchinchi shaxslarning kafilligini qabul qilish orqali ajratish tavsiya etilsin.
Markaziy bank Iqtisodiyot va moliya vazirligi bilan birgalikda oʻn kun muddatda tijorat banklari tomonidan garov taʼminoti sifatida qabul qilinadigan sugʻurta kompaniyalari tomonidan taqdim etiladigan qarz mablagʻlarini qaytarmaslik xatarlaridan sugʻurta polisi (shartnomasi)ning namunaviy shaklini ishlab chiqib, amaliyotga joriy etsin.
Iqtisodiyot va moliya vazirligi ikki oy muddatda sugʻurta bozorini takomillashtirish, xavf-xatarlarni toʻgʻri baholash, ayniqsa, budjet mablagʻlari hisobidan moliyalashtirish uchun resurslar hisobiga kreditlarga nisbatan sugʻurta operatsiyalari ustidan prudensial nazoratni kuchaytirish boʻyicha taklif kiritsin.
4. Qishloq xoʻjaligi vazirligi hamda Investitsiyalar, sanoat va savdo vazirligi har yili 1-oktabrga qadar mahalliy va jahonning yetakchi ishlab chiqaruvchilarini jalb qilgan holda keyingi yil uchun qishloq xoʻjaligi texnikalarini yetkazib berishning maqsadli parametrlarini ishlab chiqib, Iqtisodiyot va moliya vazirligiga taqdim etilishini taʼminlasin.
Iqtisodiyot va moliya vazirligi har yili taqdim etiladigan qishloq xoʻjaligi texnikalarini yetkazib berishning maqsadli parametrlari va yetkazib beriladigan qishloq xoʻjaligi texnikalari turlaridan kelib chiqib, qishloq xoʻjaligi texnikasini lizing shartlarida yetkazib berishning moliyalashtirish manbalarini ularni ajratish davrlari kesimida shakllantirsin hamda Jamgʻarmadan mablagʻlar ajratilishini taʼminlasin.
5. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlari ilovaga muvofiq 2023-yil 1-apreldan oʻz kuchini yoʻqotgan deb hisoblansin.
6. Qishloq xoʻjaligi vazirligi manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov, iqtisodiyot va moliya vaziri Sh.D. Kudbiyev va qishloq xoʻjaligi vaziri A.B. Voitov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 29-martdagi PQ-103-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining 2023-yil 1-apreldan oʻz kuchini yoʻqotgan deb eʼtirof etilayotgan ayrim qarorlari
1. Oʻzbekiston Respublikasi Prezidentining 2018-yil 10-maydagi “Qishloq xoʻjaligini oʻz vaqtida qishloq xoʻjaligi texnikasi bilan taʼminlash mexanizmlarini yanada takomillashtirish chora-tadbirlari toʻgʻrisida”gi PQ-3712-son qarori .
2. Oʻzbekiston Respublikasi Prezidentining 2019-yil 4-apreldagi “Agrar sektorni qishloq xoʻjaligi texnikalari bilan oʻz vaqtida taʼminlashga oid qoʻshimcha chora-tadbirlar toʻgʻrisida”gi PQ-4268-son qarori .
3. Oʻzbekiston Respublikasi Prezidentining 2019-yil 31-iyuldagi “Qishloq xoʻjaligi mashinasozligini jadal rivojlantirish, agrar sektorni qishloq xoʻjaligi texnikalari bilan taʼminlashni davlat tomonidan qoʻllab-quvvatlashga oid chora-tadbirlar toʻgʻrisida”gi PQ-4410-son qarorining 6-bandi .
4. Vazirlar Mahkamasining 2021-yil 2-noyabrdagi “2021-yil paxta hosilini yigʻib-terib olish ishlarini moliyalashtirishga doir qoʻshimcha chora-tadbirlar toʻgʻrisida”gi 666-son qarorining 4-bandi uchinchi xatboshisi .
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 29-mart,
PQ-103-son
Президента Республики Узбекистан
Постановление
ПЕРЕЧЕНЬ
О дополнительных мерах по стимулированию обеспечения аграрного сектора современной сельскохозяйственной техникой
В целях своевременного и качественного проведения необходимых агротехнических мероприятий при выращивании сельскохозяйственной продукции, удовлетворения спроса на сельскохозяйственную технику в аграрном секторе, совершенствования системы стимулирования обеспечения современной и ресурсосберегающей техникой взамен морально и физически устаревшей техники сельскохозяйственных предприятий:
1. Ввести с 1 апреля 2023 года единый порядок государственной поддержки закупки сельскохозяйственной техники, произведенной в Республике Узбекистан, в соответствии с которым:
субсидии, предусмотренные постановлением Президента Республики Узбекистан от 11 ноября 2021 года № ПП-7 «О мерах по созданию кластера сельскохозяйственного машиностроения в городе Чирчике», распространяются на все отечественные предприятия по производству сельскохозяйственной техники;
все виды сельскохозяйственной техники и агрегатов, а также их комплектующие и запасные части, со дня выпуска которых прошло не более 3 лет ввозимые из-за рубежа сельскохозяйственными предприятиями и субъектами предпринимательства, согласно формируемому в установленном порядке перечню в срок до 1 января 2025 года, в порядке исключения, освобождаются от уплаты таможенных платежей (кроме налога на добавленную стоимость и сборов за таможенное оформление), от уплаты утилизационного сбора, а также субъектам предпринимательства разрешается произвести уплату налога на добавленную стоимость с отсрочкой до 120 дней с даты размещения их в таможенном режиме выпуска для свободного обращения (импорт);
разрешается передача в лизинг сельскохозяйственной техники и агрегатов самозанятым лицам и индивидуальным предпринимателям в рамках средств, выделенных лизинговым компаниям международными финансовыми институтами.
2. Направить на финансирование закупок сельскохозяйственной техники в 2023-2024 годах всего 2,6 трлн сумов, из них:
неосвоенные в 2022 году средства в размере 670 млрд сумов (59 млн долларов США) из 100 млн долларов США, размещенных Министерством экономики и финансов в коммерческих банках на приобретение сельскохозяйственной техники, в соответствии с постановлением Президента Республики Узбекистан от 28 июля 2022 года № ПП-335 — на выделение кредитов сроком на 10 лет по ставке 10 процентов для приобретения техники;
800 млрд сумов (70 млн долларов США) — за счет размещения в лизинговых организациях на приобретение сельскохозяйственной техники за счет средств международных финансовых институтов;
1,1 трлн сумов (100 млн долларов США) — за счет размещения в коммерческих банках на приобретение сельскохозяйственной техники за счет средств международных финансовых институтов.
При этом:
коммерческие банки, оказывающие услуги, при выделении кредитов лизинговым организациям могут принимать в качестве залогового обеспечения технику, передаваемую в лизинг, и страховой полис;
сельскохозяйственная техника передается в лизинг покупателям за счет средств, привлеченных от международных финансовых институтов, на основании заказа Министерства сельского хозяйства на срок до 10 лет с лизинговой маржей не более 3 процентов годовых.
3. Рекомендовать коммерческим банкам выделять заемные средства на поставку сельскохозяйственной техники лизинговым компаниям, принимая приобретаемую сельскохозяйственную технику в качестве залогового обеспечения, страховой полис или поручительство третьей стороны — в качестве 100-процентной гарантии от рисков невозврата заемных средств на весь кредитный период.
Центральному банку совместно с Министерством экономики и финансов в десятидневный срок разработать и внедрить в практику типовую форму страхового полиса (договора) от риска невозврата заемных средств, предоставляемых страховыми компаниями, принимаемых коммерческими банками в качестве залогового обеспечения.
Министерству экономики и финансов в двухмесячный срок внести предложения по совершенствованию страхового рынка, корректной оценке рисков, особенно по усилению пруденциального контроля за страховыми операциями в отношении кредитов за счет ресурсов для финансирования из бюджетных средств.
4. Министерству сельского хозяйства и Министерству инвестиций, промышленности и торговли с привлечением отечественных и ведущих мировых производителей ежегодно до 1 октября разрабатывать и обеспечить представление в Министерство экономики и финансов целевых параметров поставок сельскохозяйственной техники на следующий год.
Министерству экономики и финансов сформировать источники финансирования поставок сельскохозяйственной техники на условиях лизинга в разрезе периодов их выделения исходя из представляемых ежегодно целевых параметров поставок сельскохозяйственной техники и видов поставляемой сельскохозяйственной техники, а также обеспечить выделение средств из Фонда.
5. Признать утратившими силу некоторые решения Президента Республики Узбекистан и Правительства Республики Узбекистан с 1 апреля 2023 года согласно приложению .
6. Министерству сельского хозяйства совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Возложить на заместителя Премьер-министра Д.А. Кучкарова, министра экономики и финансов Ш.Д. Кудбиева и министра сельского хозяйства А.Б. Воитова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 29 марта 2023 года № ПП-103
некоторых решений Президента Республики Узбекистан и Правительства Республики Узбекистан, признаваемых утратившими силу с 1 апреля 2023 года
1. Постановление Президента Республики Узбекистан от 10 мая 2018 года № ПП-3712 «О мерах по дальнейшему совершенствованию механизмов своевременного оснащения сельского хозяйства сельскохозяйственной техникой».
2. Постановление Президента Республики Узбекистан от 4 апреля 2019 года № ПП-4268 «О дополнительных мерах по своевременному оснащению аграрного сектора сельскохозяйственной техникой».
3. Пункт 6 постановления Президента Республики Узбекистан от 31 июля 2019 года № ПП-4410 «О мерах по ускоренному развитию сельскохозяйственного машиностроения, государственной поддержке обеспечения аграрного сектора сельскохозяйственной техникой».
4. Абзац третий пункта 4 постановления Кабинета Министров от 2 ноября 2021 года № 666 «О дополнительных мерах по финансированию работ по сбору урожая хлопка-сырца в 2021 году».
Президент Республики Узбекистан Ш. МИРЗИЁЕВ
г. Ташкент,
29 марта 2023 г.,
ПП-103