UzbekAI

Ўзбекистон Республикаси Марказий сайлов комиссиясининг

Қарори

НИЗОМ

СЎРОВНОМА

СХЕМАСИ

Сайлов ёки референдум участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги низомни тасдиқлаш ҳақида

Ўзбекистон Республикаси фуқароларининг конституциявий ҳуқуқлари амалга оширилишига янада қулай шароитлар яратиш мақсадида Ўзбекистон Республикаси Сайлов кодексининг 14 , 16 ва 29-моддалари ҳамда «Ўзбекистон Республикасининг референдуми тўғрисида»ги Қонунининг 18 ва 27-моддаларига асосан Ўзбекистон Республикаси Марказий сайлов комиссияси қарор қилади:

1. Сайлов жараёнига замонавий ахборот-коммуникация технологияларини жорий этиш мақсадида сайлов участкасини аниқлаш ва ўзгартириш бўйича интерфаол хизмат кўрсатиш тартиби жорий этилганлиги маълумот учун қабул қилинсин.

2. Ўзбекистон Республикаси Рақамли технологиялар вазирлиги:

Марказий сайлов комиссияси билан биргаликда бир ҳафта муддатда Ўзбекистон Республикаси Ягона интерактив давлат хизматлари портали орқали референдум участкасини аниқлаш ва ўзгартириш бўйича интерфаол хизмат кўрсатиш тартиби жорий этилишини таъминласин;

сайлов ёки референдум даврида, шунингдек Ўзбекистон Республикаси Марказий сайлов комиссиясининг сўровига асосан бошқа вақтда ҳам Ягона интерактив давлат хизматлари портали орқали сайлов ёки референдум участкасини аниқлаш ва ўзгартириш бўйича интерфаол хизматини доимий равишда ишлашини таъминлаш бўйича зарурий чораларни кўрсин.

3. Сайлов ёки референдум участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги низом иловага мувофиқ тасдиқлансин.

4. Ўзбекистон Республикаси Марказий сайлов комиссиясининг Матбуот хизмати Қорақалпоғистон Республикаси Марказий сайлов комиссияси, вилоятлар ва Тошкент шаҳар ҳудудий сайлов комиссиялари билан биргаликда сайлов ёки референдум участкасини аниқлаш ва ўзгартириш бўйича интерфаол хизматдан фойдаланиш тартиби аҳоли ўртасида кенг тушунтирилишини ҳамда оммавий ахборот воситаларида ёритиб борилишини таъминласин.

5. Ўзбекистон Республикаси Марказий сайлов комиссиясининг «Сайлов участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги низомни тасдиқлаш ҳақида» 2021 йил 20 августдаги 1101-сон қарори ўз кучини йўқотган деб ҳисоблансин.

6. Мазкур қарор Ўзбекистон Республикаси Рақамли технологиялар вазирлиги билан келишилган.

7. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

8. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари Б. Кучкаров зиммасига юклансин.

Ўзбекистон Республикаси Марказий сайлов комиссиясининг 2023 йил 23 мартдаги 1215-сон қарорига ИЛОВА

Сайлов ёки референдум участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги

1-боб. Умумий қоидалар

1. Мазкур Низом сайлов ёки референдум участкасини аниқлаш ва ўзгартириш бўйича интерфаол хизмат (кейинги ўринларда — интерфаол хизмат) кўрсатиш тартибини белгилайди.

2. Ушбу Низомнинг амал қилиши Ўзбекистон Республикасининг чет давлатлардаги дипломатик ва бошқа ваколатхоналари ҳузурида (бундан Ўзбекистон Республикаси ҳудудида жойлашган сайлов ёки референдум участкасига ўзгартириш мустасно), ҳарбий қисмларда, санаторийларда ва дам олиш уйларида, касалхоналарда ҳамда бошқа стационар даволаш муассасаларида, қамоқда сақлаш ва озодликдан маҳрум қилиш жойларида ташкил этилган сайлов ёки референдум участкаларига нисбатан татбиқ этилмайди.

3. Интерфаол хизмат Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ва Ўзбекистон Республикаси Марказий сайлов комиссиясининг (кейинги ўринларда — Марказий сайлов комиссияси) расмий веб-сайти орқали кўрсатилади.

4. Интерфаол хизмат Марказий сайлов комиссиясининг расмий веб-сайти, ЯИДХП ва Сайлов жараёнини бошқариш ахборот тизими (кейинги ўринларда — СЖБАТ) ўртасидаги идоралараро электрон ахборот алмашинуви ёрдамида амалга оширилади.

5. Интерфаол хизматдан доимий ёки вақтинча яшаш жойи манзилига эга бўлган, сайлов ёки референдум кунига қадар ёхуд сайлов ёки референдум куни ўн саккиз ёшга тўлган, Ўзбекистон Республикаси фуқаролари фойдаланишлари мумкин.

6. Интерфаол хизмат кўрсатилганлиги учун йиғим ундирилмайди.

7. Сайловчи ёки овоз берувчи фуқаро (кейинги ўринларда — фуқаро) интерфаол хизмат кўрсатилишининг ҳар қандай босқичида ундан бош тортиш ҳуқуқига эга. Бунда, фуқаронинг сўровномаси кўрмасдан қолдирилади.

2-боб. Сайлов ёки референдум участкасини аниқлаш бўйича интерфаол хизмат кўрсатиш тартиби

8. Фуқаро сайлов ёки референдум участкасини аниқлаш бўйича интерфаол хизматдан электрон тарзда фойдаланиш учун ЯИДХПда рўйхатдан ўтиши талаб этилмайди.

9. Фуқаро сайлов ёки референдум участкасини аниқлаш учун ЯИДХПдаги сайлов ёки референдум участкасини аниқлаш хизматини танлайди ва (ёки) унга биометрик паспорт ёки идентификация ID-картасининг серияси ва рақамини ҳамда туғилган санасини киритади.

10. Фуқаронинг мазкур Низомнинг 9-бандида назарда тутилган маълумотлари СЖБАТдаги Сайловчиларнинг ягона электрон рўйхатидаги маълумотлар билан автоматик тарзда текширилади.

Маълумотлар мос келган тақдирда фуқарога сайлов ёки референдум участкаси ҳақидаги маълумотлар тақдим этилади.

11. Сайлов ёки референдум участкасини аниқлаш бўйича интерфаол хизмат натижаси бўйича QR-кодли (матрик штрихли код) маълумотнома ЯИДХПда расмийлаштирилади ҳамда уни электрон шаклда юклаб олиш ва чоп этиш имконияти мавжуд бўлади. Бунда, ушбу маълумотномани юклаб олиш учун фуқаро ЯИДХПда рўйхатдан ўтиши лозим.

12. Марказий сайлов комиссиясининг расмий веб-сайти орқали сайлов ёки референдум участкасини аниқлаш фуқаронинг биометрик паспорти ёки идентификация ID-картасининг серияси ва рақами ҳамда туғилган санасини киритиш йўли билан автоматик тарзда амалга оширилади.

13. Марказий сайлов комиссиясининг расмий веб-сайти орқали сайлов ёки референдум участкасини аниқлаш бўйича интерфаол хизматдан фойдаланиш учун рўйхатдан ўтиш талаб этилмайди.

3-боб. Сайлов ёки референдум участкасини ўзгартириш бўйича интерфаол хизмат кўрсатиш тартиби

14. Фуқаро Сайловчиларнинг ягона электрон рўйхатидаги сайлов ёки референдум участкаси ҳақидаги маълумотлар билан унинг доимий ёки вақтинча яшаш жойи манзили ўзаро номувофиқ бўлган тақдирда сайлов ёки референдум участкасини ўзгартириши мумкин.

ЯИДХП ёки Марказий сайлов комиссиясининг расмий веб-сайти орқали сайлов ёки референдум участкасини ўзгартириш муддатлари Марказий сайлов комиссияси томонидан эълон қилинади.

Бунда, ЯИДХПда фуқароларга сайлов ёки референдум участкасини ўзгартириш мумкин бўлган муддатнинг тугашига қадар қолган вақт ҳақида маълумот бериш имконияти мавжуд бўлади.

15. Фуқаро сайлов ёки референдум участкасини ўзгартириш ҳақида ЯИДХП орқали мурожаат қилган тақдирда мустақил равишда ушбу Низомнинг 1-иловасига мувофиқ шаклдаги сўровномани электрон тарзда тўлдиради.

Бошқа шахсга тегишли маълумотларни кўрсатган ҳолда сайлов ёки референдум участкасини ўзгартириш бўйича интерфаол хизматдан фойдаланиш тақиқланади.

Сайлов ёки референдум участкаси ҳақидаги маълумотларга оператор томонидан аниқлик киритилиши учун фуқаро сўровномани телефон рақами ва унга бепул юбориладиган махсус код билан тасдиқлаши лозим.

Шундан сўнг, сўровномада кўрсатилган доимий ёки вақтинча яшаш жойи манзилига мувофиқ интерфаол хизмат фойдаланувчисига ўзгартирилаётган сайлов ёки референдум участкаси ҳақидаги маълумот дастлабки тарзда танишиб чиқиши учун кўрсатилади ва фуқаро маълумотлар билан танишиб чиққанидан кейин сўровномани кўриб чиқиш учун юборади.

16. Сўровнома «UNICON.UZ» ДУК қошида ташкил этилган Call-марказ операторига (кейинги ўринларда — оператор) келиб тушади. Оператор сўровномада кўрсатилган маълумотларни аниқлаштиради.

Шундан сўнг, оператор СЖБАТга фуқарога тегишли маълумотларни, ўзгартириш назарда тутилаётган участкани, ўзгартириш сабабини ҳамда ЯИДХПда кўрсатилган ариза рақамини киритади ва сайлов ёки референдум участкасини ўзгартиради.

17. Сайлов ёки референдум участкасини ўзгартириш бўйича интерфаол хизмат ушбу Низомнинг 2-иловасига мувофиқ схема асосида белгиланган муддатларда кўрсатилади.

18. Сайлов ёки референдум участкасини ўзгартириш юзасидан интерфаол хизмат натижаси бўйича QR-кодли (матрик штрихли код) маълумотнома ЯИДХПда расмийлаштирилади ҳамда уни электрон шаклда юклаб олиш ва чоп этиш имконияти мавжуд бўлади.

Фуқаронинг интерфаол хизматдан фойдаланиши натижасида сайлов ёки референдум участкасидаги сайловчилар ёки овоз берувчи фуқаролар рўйхатида юз берган ўзгаришлар тўғрисидаги батафсил маълумотлар СЖБАТда кўчирилган сайловчилар ёки овоз берувчи фуқаролар тарихида ўз аксини топади.

19. Марказий сайлов комиссиясининг расмий веб-сайти орқали сайлов ёки референдум участкасини ўзгартириш бўйича интерфаол хизматини кўрсатиш ЯИДХПга ҳавола қилиш ёрдамида амалга оширилади.

20. Интерфаол хизмат ёрдамида ўзгартирилган сайлов ёки референдум участкасини фуқаронинг розилигисиз ўзгартириш ёхуд сайловчилар ёки овоз берувчи фуқаролар рўйхатига тузатишлар киритиш тақиқланади.

21. Қуйидаги ҳолларда сайлов ёки референдум участкасини ўзгартириш бўйича интерфаол хизмат кўрсатиш рад этилади:

сўровномадаги маълумотлар тўлиқ тўлдирилмаган бўлса;

сўровнома сайлов ёки референдумга беш кундан кам муддат қолганида берилган бўлса;

нотўғри маълумотлар киритилган бўлса.

Интерфаол хизмат кўрсатишни бошқа асослар бўйича рад этиш тақиқланади.

4-боб. Якуний қоидалар

22. Марказий сайлов комиссияси мазкур Низом талабларига риоя этилиши устидан назоратни амалга оширади.

23. Ўзбекистон Республикаси Рақамли технологиялар вазирлиги мазкур Низомга мувофиқ ЯИДХП орқали интерфаол хизмат доимий ва узлуксиз кўрсатилишини таъминлаш устидан назоратни амалга оширади.

24. Интерфаол хизмат кўрсатиш натижасида олинган маълумотларнинг сир сақланиши таъминланади.

25. Фуқаро интерфаол хизматнинг кўрсатилиши ва натижалари юзасидан судга белгиланган тартибда шикоят қилиши мумкин.

26. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Сайлов ёки референдум участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги низомга 1-ИЛОВА

Ягона интерактив давлат хизматлари портали орқали сайлов ёки референдум участкасини ўзгартириш бўйича

Сайловчи ёки овоз берувчи фуқаро тўғрисида маълумот : 1. Фамилияси * 2. Исми * 3. Отасининг исми * 4. Туғилган санаси (йййй.оо.кк) * 5. Биометрик паспорт ёки ID-карта серияси * 6. Биометрик паспорт ёки ID-карта рақами * 7. Жисмоний шахснинг шахсий идентификация рақами (ЖШШИР) * 8. Доимий ёки вақтинча яшаш жойи манзили бўйича вилоят номи, туман номи, сайлов ёки референдум участкаси рақами ** 9. Телефон рақами 10. Электрон почта манзили 11. Сайлов ёки референдум участкасини ўзгартириш сабаби

Сайлов ёки референдум участкасини аниқлаш ва ўзгартириш бўйича интерфаол хизмат кўрсатиш тартиби тўғрисидаги низомга 2-ИЛОВА

Ягона интерактив давлат хизматлари портали орқали сайлов ёки референдум участкасини аниқлаш ва ўзгартириш бўйича интерфаол хизмат кўрсатиш

Босқичлар Субъектлар Тадбирлар Бажариш муддатлари 1-босқич Сайловчи ёки овоз берувчи фуқаро (кейинги ўринларда — фуқаро) Интерфаол хизматдан фойдаланиш учун Ягона интерактив давлат хизматлари порталида (кейинги ўринларда — ЯИДХП) рўйхатдан ўтади (сайлов ёки референдум участкасини аниқлаш бўйича интерфаол хизматдан фойдаланишда ихтиёрий) Хоҳишига кўра 2-босқич Фуқаро ёки ЯИДХП Сайлов ёки референдум участкасини аниқлаш автоматик тарзда Сайлов жараёнини бошқариш ахборот тизими (кейинги ўринларда — СЖБАТ) орқали амалга оширилади Автоматик тарзда 3-босқич Фуқаро Сайлов ёки референдум участкасини ўзгартириш тўғрисидаги сўровномани тўлдиради Хоҳишига кўра 4-босқич Фуқаро Сайлов ёки референдум участкаси ҳақидаги маълумотларга оператор томонидан аниқлик киритилиши учун фуқаро сўровномани телефон рақами ва унга бепул юбориладиган махсус код билан тасдиқлайди 2 дақиқа ичида 5-босқич ЯИДХП Сўровномада кўрсатилган доимий ёки вақтинча яшаш жойи манзилига мувофиқ интерфаол хизмат фойдаланувчисига ўзгартирилаётган сайлов ёки референдум участкаси ҳақидаги маълумот дастлабки тарзда танишиб чиқиши учун кўрсатилади 1 дақиқа ичида 6-босқич Фуқаро Фуқаро маълумотлар билан танишиб чиққанидан кейин сўровномани кўриб чиқиш учун операторга юборади Хоҳишига кўра 7-босқич ЯИДХП Сўровнома «UNICON.UZ» ДУК қошида ташкил этилган Call-марказ операторига келиб тушади 1 дақиқа ичида 8-босқич Оператор 1. Сўровномада кўрсатилган маълумотларни аниқлаштиради. 2. СЖБАТга фуқарога тегишли маълумотларни, ўзгартириш назарда тутилаётган участкани, ўзгартириш сабабини ҳамда ЯИДХПда кўрсатилган ариза рақамини киритади ва сайлов ёки референдум участкасини ўзгартиради. Бир иш кунида 9-босқич СЖБАТ Фуқаронинг интерфаол хизматдан фойдаланиши натижасида сайлов ёки референдум участкасидаги сайловчилар ёки овоз берувчи фуқаролар рўйхатида юз берган ўзгаришлар тўғрисида батафсил маълумотлар СЖБАТда кўчирилган сайловчи ёки овоз берувчи фуқаролар тарихида акс этади Сайлов ёки референдум участкаси ўзгартирилганидан сўнг 1 дақиқа ичида 10-босқич ЯИДХП 1. Фуқаронинг электрон манзилига сайлов ёки референдум участкаси ўзгартирилганлиги тўғрисидаги хабар юборилади. 2. ЯИДХП орқали фуқаронинг шахсий кабинетига QR-кодли маълумотнома юборилади. Фуқаронинг сўровномасига кўра

Раис З. НИЗАМХОДЖАЕВ

Тошкент ш.,

2023 йил 23 март,

1215-сон

lex.uz

Oʻzbekiston Respublikasi Markaziy saylov komissiyasining

Qarori

NIZOM

SOʻROVNOMA

SXEMASI

Saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi nizomni tasdiqlash haqida

Oʻzbekiston Respublikasi fuqarolarining konstitutsiyaviy huquqlari amalga oshirilishiga yanada qulay sharoitlar yaratish maqsadida Oʻzbekiston Respublikasi Saylov kodeksining 14 , 16 va 29-moddalari hamda “Oʻzbekiston Respublikasining referendumi toʻgʻrisida”gi Qonunining 18 va 27-moddalariga asosan Oʻzbekiston Respublikasi Markaziy saylov komissiyasi qaror qiladi:

1. Saylov jarayoniga zamonaviy axborot-kommunikatsiya texnologiyalarini joriy etish maqsadida saylov uchastkasini aniqlash va oʻzgartirish boʻyicha interfaol xizmat koʻrsatish tartibi joriy etilganligi maʼlumot uchun qabul qilinsin.

2. Oʻzbekiston Respublikasi Raqamli texnologiyalar vazirligi:

Markaziy saylov komissiyasi bilan birgalikda bir hafta muddatda Oʻzbekiston Respublikasi Yagona interaktiv davlat xizmatlari portali orqali referendum uchastkasini aniqlash va oʻzgartirish boʻyicha interfaol xizmat koʻrsatish tartibi joriy etilishini taʼminlasin;

saylov yoki referendum davrida, shuningdek Oʻzbekiston Respublikasi Markaziy saylov komissiyasining soʻroviga asosan boshqa vaqtda ham Yagona interaktiv davlat xizmatlari portali orqali saylov yoki referendum uchastkasini aniqlash va oʻzgartirish boʻyicha interfaol xizmatini doimiy ravishda ishlashini taʼminlash boʻyicha zaruriy choralarni koʻrsin.

3. Saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi nizom ilovaga muvofiq tasdiqlansin.

4. Oʻzbekiston Respublikasi Markaziy saylov komissiyasining Matbuot xizmati Qoraqalpogʻiston Respublikasi Markaziy saylov komissiyasi, viloyatlar va Toshkent shahar hududiy saylov komissiyalari bilan birgalikda saylov yoki referendum uchastkasini aniqlash va oʻzgartirish boʻyicha interfaol xizmatdan foydalanish tartibi aholi oʻrtasida keng tushuntirilishini hamda ommaviy axborot vositalarida yoritib borilishini taʼminlasin.

5. Oʻzbekiston Respublikasi Markaziy saylov komissiyasining “Saylov uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi nizomni tasdiqlash haqida” 2021-yil 20-avgustdagi 1101-son qarori oʻz kuchini yoʻqotgan deb hisoblansin.

6. Mazkur qaror Oʻzbekiston Respublikasi Raqamli texnologiyalar vazirligi bilan kelishilgan.

7. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

8. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi raisining oʻrinbosari B. Kuchkarov zimmasiga yuklansin.

Oʻzbekiston Respublikasi Markaziy saylov komissiyasining 2023-yil 23-martdagi 1215-son qaroriga ILOVA

Saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi

1-bob. Umumiy qoidalar

1. Mazkur Nizom saylov yoki referendum uchastkasini aniqlash va oʻzgartirish boʻyicha interfaol xizmat (keyingi oʻrinlarda — interfaol xizmat) koʻrsatish tartibini belgilaydi.

2. Ushbu Nizomning amal qilishi Oʻzbekiston Respublikasining chet davlatlardagi diplomatik va boshqa vakolatxonalari huzurida (bundan Oʻzbekiston Respublikasi hududida joylashgan saylov yoki referendum uchastkasiga oʻzgartirish mustasno), harbiy qismlarda, sanatoriylarda va dam olish uylarida, kasalxonalarda hamda boshqa statsionar davolash muassasalarida, qamoqda saqlash va ozodlikdan mahrum qilish joylarida tashkil etilgan saylov yoki referendum uchastkalariga nisbatan tatbiq etilmaydi.

3. Interfaol xizmat Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) va Oʻzbekiston Respublikasi Markaziy saylov komissiyasining (keyingi oʻrinlarda — Markaziy saylov komissiyasi) rasmiy veb-sayti orqali koʻrsatiladi.

4. Interfaol xizmat Markaziy saylov komissiyasining rasmiy veb-sayti, YIDXP va Saylov jarayonini boshqarish axborot tizimi (keyingi oʻrinlarda — SJBAT) oʻrtasidagi idoralararo elektron axborot almashinuvi yordamida amalga oshiriladi.

5. Interfaol xizmatdan doimiy yoki vaqtincha yashash joyi manziliga ega boʻlgan, saylov yoki referendum kuniga qadar yoxud saylov yoki referendum kuni oʻn sakkiz yoshga toʻlgan, Oʻzbekiston Respublikasi fuqarolari foydalanishlari mumkin.

6. Interfaol xizmat koʻrsatilganligi uchun yigʻim undirilmaydi.

7. Saylovchi yoki ovoz beruvchi fuqaro (keyingi oʻrinlarda — fuqaro) interfaol xizmat koʻrsatilishining har qanday bosqichida undan bosh tortish huquqiga ega. Bunda, fuqaroning soʻrovnomasi koʻrmasdan qoldiriladi.

2-bob. Saylov yoki referendum uchastkasini aniqlash boʻyicha interfaol xizmat koʻrsatish tartibi

8. Fuqaro saylov yoki referendum uchastkasini aniqlash boʻyicha interfaol xizmatdan elektron tarzda foydalanish uchun YIDXPda roʻyxatdan oʻtishi talab etilmaydi.

9. Fuqaro saylov yoki referendum uchastkasini aniqlash uchun YIDXPdagi saylov yoki referendum uchastkasini aniqlash xizmatini tanlaydi va (yoki) unga biometrik pasport yoki identifikatsiya ID-kartasining seriyasi va raqamini hamda tugʻilgan sanasini kiritadi.

10. Fuqaroning mazkur Nizomning 9-bandida nazarda tutilgan maʼlumotlari SJBATdagi Saylovchilarning yagona elektron roʻyxatidagi maʼlumotlar bilan avtomatik tarzda tekshiriladi.

Maʼlumotlar mos kelgan taqdirda fuqaroga saylov yoki referendum uchastkasi haqidagi maʼlumotlar taqdim etiladi.

11. Saylov yoki referendum uchastkasini aniqlash boʻyicha interfaol xizmat natijasi boʻyicha QR-kodli (matrik shtrixli kod) maʼlumotnoma YIDXPda rasmiylashtiriladi hamda uni elektron shaklda yuklab olish va chop etish imkoniyati mavjud boʻladi. Bunda, ushbu maʼlumotnomani yuklab olish uchun fuqaro YIDXPda roʻyxatdan oʻtishi lozim.

12. Markaziy saylov komissiyasining rasmiy veb-sayti orqali saylov yoki referendum uchastkasini aniqlash fuqaroning biometrik pasporti yoki identifikatsiya ID-kartasining seriyasi va raqami hamda tugʻilgan sanasini kiritish yoʻli bilan avtomatik tarzda amalga oshiriladi.

13. Markaziy saylov komissiyasining rasmiy veb-sayti orqali saylov yoki referendum uchastkasini aniqlash boʻyicha interfaol xizmatdan foydalanish uchun roʻyxatdan oʻtish talab etilmaydi.

3-bob. Saylov yoki referendum uchastkasini oʻzgartirish boʻyicha interfaol xizmat koʻrsatish tartibi

14. Fuqaro Saylovchilarning yagona elektron roʻyxatidagi saylov yoki referendum uchastkasi haqidagi maʼlumotlar bilan uning doimiy yoki vaqtincha yashash joyi manzili oʻzaro nomuvofiq boʻlgan taqdirda saylov yoki referendum uchastkasini oʻzgartirishi mumkin.

YIDXP yoki Markaziy saylov komissiyasining rasmiy veb-sayti orqali saylov yoki referendum uchastkasini oʻzgartirish muddatlari Markaziy saylov komissiyasi tomonidan eʼlon qilinadi.

Bunda, YIDXPda fuqarolarga saylov yoki referendum uchastkasini oʻzgartirish mumkin boʻlgan muddatning tugashiga qadar qolgan vaqt haqida maʼlumot berish imkoniyati mavjud boʻladi.

15. Fuqaro saylov yoki referendum uchastkasini oʻzgartirish haqida YIDXP orqali murojaat qilgan taqdirda mustaqil ravishda ushbu Nizomning 1-ilovasiga muvofiq shakldagi soʻrovnomani elektron tarzda toʻldiradi.

Boshqa shaxsga tegishli maʼlumotlarni koʻrsatgan holda saylov yoki referendum uchastkasini oʻzgartirish boʻyicha interfaol xizmatdan foydalanish taqiqlanadi.

Saylov yoki referendum uchastkasi haqidagi maʼlumotlarga operator tomonidan aniqlik kiritilishi uchun fuqaro soʻrovnomani telefon raqami va unga bepul yuboriladigan maxsus kod bilan tasdiqlashi lozim.

Shundan soʻng, soʻrovnomada koʻrsatilgan doimiy yoki vaqtincha yashash joyi manziliga muvofiq interfaol xizmat foydalanuvchisiga oʻzgartirilayotgan saylov yoki referendum uchastkasi haqidagi maʼlumot dastlabki tarzda tanishib chiqishi uchun koʻrsatiladi va fuqaro maʼlumotlar bilan tanishib chiqqanidan keyin soʻrovnomani koʻrib chiqish uchun yuboradi.

16. Soʻrovnoma “UNICON.UZ” DUK qoshida tashkil etilgan Call-markaz operatoriga (keyingi oʻrinlarda — operator) kelib tushadi. Operator soʻrovnomada koʻrsatilgan maʼlumotlarni aniqlashtiradi.

Shundan soʻng, operator SJBATga fuqaroga tegishli maʼlumotlarni, oʻzgartirish nazarda tutilayotgan uchastkani, oʻzgartirish sababini hamda YIDXPda koʻrsatilgan ariza raqamini kiritadi va saylov yoki referendum uchastkasini oʻzgartiradi.

17. Saylov yoki referendum uchastkasini oʻzgartirish boʻyicha interfaol xizmat ushbu Nizomning 2-ilovasiga muvofiq sxema asosida belgilangan muddatlarda koʻrsatiladi.

18. Saylov yoki referendum uchastkasini oʻzgartirish yuzasidan interfaol xizmat natijasi boʻyicha QR-kodli (matrik shtrixli kod) maʼlumotnoma YIDXPda rasmiylashtiriladi hamda uni elektron shaklda yuklab olish va chop etish imkoniyati mavjud boʻladi.

Fuqaroning interfaol xizmatdan foydalanishi natijasida saylov yoki referendum uchastkasidagi saylovchilar yoki ovoz beruvchi fuqarolar roʻyxatida yuz bergan oʻzgarishlar toʻgʻrisidagi batafsil maʼlumotlar SJBATda koʻchirilgan saylovchilar yoki ovoz beruvchi fuqarolar tarixida oʻz aksini topadi.

19. Markaziy saylov komissiyasining rasmiy veb-sayti orqali saylov yoki referendum uchastkasini oʻzgartirish boʻyicha interfaol xizmatini koʻrsatish YIDXPga havola qilish yordamida amalga oshiriladi.

20. Interfaol xizmat yordamida oʻzgartirilgan saylov yoki referendum uchastkasini fuqaroning roziligisiz oʻzgartirish yoxud saylovchilar yoki ovoz beruvchi fuqarolar roʻyxatiga tuzatishlar kiritish taqiqlanadi.

21. Quyidagi hollarda saylov yoki referendum uchastkasini oʻzgartirish boʻyicha interfaol xizmat koʻrsatish rad etiladi:

soʻrovnomadagi maʼlumotlar toʻliq toʻldirilmagan boʻlsa;

soʻrovnoma saylov yoki referendumga besh kundan kam muddat qolganida berilgan boʻlsa;

notoʻgʻri maʼlumotlar kiritilgan boʻlsa.

Interfaol xizmat koʻrsatishni boshqa asoslar boʻyicha rad etish taqiqlanadi.

4-bob. Yakuniy qoidalar

22. Markaziy saylov komissiyasi mazkur Nizom talablariga rioya etilishi ustidan nazoratni amalga oshiradi.

23. Oʻzbekiston Respublikasi Raqamli texnologiyalar vazirligi mazkur Nizomga muvofiq YIDXP orqali interfaol xizmat doimiy va uzluksiz koʻrsatilishini taʼminlash ustidan nazoratni amalga oshiradi.

24. Interfaol xizmat koʻrsatish natijasida olingan maʼlumotlarning sir saqlanishi taʼminlanadi.

25. Fuqaro interfaol xizmatning koʻrsatilishi va natijalari yuzasidan sudga belgilangan tartibda shikoyat qilishi mumkin.

26. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi nizomga 1-ILOVA

Yagona interaktiv davlat xizmatlari portali orqali saylov yoki referendum uchastkasini oʻzgartirish boʻyicha

Saylovchi yoki ovoz beruvchi fuqaro toʻgʻrisida maʼlumot : 1. Familiyasi * 2. Ismi * 3. Otasining ismi * 4. Tugʻilgan sanasi (yyyy.oo.kk) * 5. Biometrik pasport yoki ID-karta seriyasi * 6. Biometrik pasport yoki ID-karta raqami * 7. Jismoniy shaxsning shaxsiy identifikatsiya raqami (JSHSHIR) * 8. Doimiy yoki vaqtincha yashash joyi manzili boʻyicha viloyat nomi, tuman nomi, saylov yoki referendum uchastkasi raqami ** 9. Telefon raqami 10. Elektron pochta manzili 11. Saylov yoki referendum uchastkasini oʻzgartirish sababi

Saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish tartibi toʻgʻrisidagi nizomga 2-ILOVA

Yagona interaktiv davlat xizmatlari portali orqali saylov yoki referendum uchastkasini aniqlash va oʻzgartirish boʻyicha interfaol xizmat koʻrsatish

Bosqichlar Subyektlar Tadbirlar Bajarish muddatlari 1-bosqich Saylovchi yoki ovoz beruvchi fuqaro (keyingi oʻrinlarda — fuqaro) Interfaol xizmatdan foydalanish uchun Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi (saylov yoki referendum uchastkasini aniqlash boʻyicha interfaol xizmatdan foydalanishda ixtiyoriy) Xohishiga koʻra 2-bosqich Fuqaro yoki YIDXP Saylov yoki referendum uchastkasini aniqlash avtomatik tarzda Saylov jarayonini boshqarish axborot tizimi (keyingi oʻrinlarda — SJBAT) orqali amalga oshiriladi Avtomatik tarzda 3-bosqich Fuqaro Saylov yoki referendum uchastkasini oʻzgartirish toʻgʻrisidagi soʻrovnomani toʻldiradi Xohishiga koʻra 4-bosqich Fuqaro Saylov yoki referendum uchastkasi haqidagi maʼlumotlarga operator tomonidan aniqlik kiritilishi uchun fuqaro soʻrovnomani telefon raqami va unga bepul yuboriladigan maxsus kod bilan tasdiqlaydi 2 daqiqa ichida 5-bosqich YIDXP Soʻrovnomada koʻrsatilgan doimiy yoki vaqtincha yashash joyi manziliga muvofiq interfaol xizmat foydalanuvchisiga oʻzgartirilayotgan saylov yoki referendum uchastkasi haqidagi maʼlumot dastlabki tarzda tanishib chiqishi uchun koʻrsatiladi 1 daqiqa ichida 6-bosqich Fuqaro Fuqaro maʼlumotlar bilan tanishib chiqqanidan keyin soʻrovnomani koʻrib chiqish uchun operatorga yuboradi Xohishiga koʻra 7-bosqich YIDXP Soʻrovnoma “UNICON.UZ” DUK qoshida tashkil etilgan Call-markaz operatoriga kelib tushadi 1 daqiqa ichida 8-bosqich Operator 1. Soʻrovnomada koʻrsatilgan maʼlumotlarni aniqlashtiradi. 2. SJBATga fuqaroga tegishli maʼlumotlarni, oʻzgartirish nazarda tutilayotgan uchastkani, oʻzgartirish sababini hamda YIDXPda koʻrsatilgan ariza raqamini kiritadi va saylov yoki referendum uchastkasini oʻzgartiradi. Bir ish kunida 9-bosqich SJBAT Fuqaroning interfaol xizmatdan foydalanishi natijasida saylov yoki referendum uchastkasidagi saylovchilar yoki ovoz beruvchi fuqarolar roʻyxatida yuz bergan oʻzgarishlar toʻgʻrisida batafsil maʼlumotlar SJBATda koʻchirilgan saylovchi yoki ovoz beruvchi fuqarolar tarixida aks etadi Saylov yoki referendum uchastkasi oʻzgartirilganidan soʻng 1 daqiqa ichida 10-bosqich YIDXP 1. Fuqaroning elektron manziliga saylov yoki referendum uchastkasi oʻzgartirilganligi toʻgʻrisidagi xabar yuboriladi. 2. YIDXP orqali fuqaroning shaxsiy kabinetiga QR-kodli maʼlumotnoma yuboriladi. Fuqaroning soʻrovnomasiga koʻra

Rais Z. NIZAMXODJAYEV

Toshkent sh.,

2023-yil 23-mart,

1215-son

lex.uz

Центральной избирательной комиссии Республики Узбекистан

Постановление

ПОЛОЖЕНИЕ

АНКЕТА

СХЕМА

Об утверждении Положения о порядке предоставления интерактивной услуги по определению и изменению избирательного участка или референдума

В целях создания наиболее благоприятных условий для реализации конституционных прав граждан Республики Узбекистан, на основании статей 14 , 16 и 29 Избирательного кодекса Республики Узбекистан, а также статей 18 и 27 Закона «О референдуме Республики Узбекистан» Центральная избирательная комиссия Республики Узбекистан постановляет:

1. Принять к сведению, что в целях внедрения современных информационно-коммуникационных технологий в избирательный процесс введен порядок предоставления интерактивных услуг по определению и изменению избирательного участка.

2. Министерству цифровых технологий Республики Узбекистан:

совместно с Центральной избирательной комиссией в недельный срок обеспечить внедрение порядка предоставления интерактивной услуги по определению и изменению участка референдума через Единый портал интерактивных государственных услуг Республики Узбекистан;

в период выборов или референдума, а также в иное время, по запросу Центральной избирательной комиссии Республики Узбекистан, принять необходимые меры по обеспечению постоянного функционирования интерактивной услуги по определению и изменению избирательного участка или участка референдума через Единый портал интерактивных государственных услуг.

3. Утвердить Положение о порядке предоставления интерактивной услуги по определению и изменению избирательного участка или участка референдума согласно приложению .

4. Пресс-службе Центральной избирательной комиссии Республики Узбекистан совместно с Центральной избирательной комиссией Республики Каракалпакстан, территориальными избирательными комиссиями областей и города Ташкента обеспечить широкое разъяснение и освещение в средствах массовой информации порядка использования интерактивной службы по определению и изменению избирательного участка или участка референдума.

5. Признать утратившим силу постановление Центральной избирательной комиссии Республики Узбекистан от 20 августа 2021 года № 1101 «Об утверждении Положения о порядке предоставления интерактивной услуги по определению и изменению избирательного участка».

6. Настоящее постановление согласовано с Министерством цифровых технологий Республики Узбекистан.

7. Опубликовать настоящее постановление на официальном веб-сайте Центральной избирательной комиссии Республики Узбекистан.

8. Контроль за исполнением настоящего постановления возложить на заместителя председателя Центральной избирательной комиссии Республики Узбекистан Б. Кучкарова.

ПРИЛОЖЕНИЕ к Постановлению Центральной избирательной комиссии Республики Узбекистан от 23 марта 2023 года № 1215

о порядке предоставления интерактивной услуги по определению и изменению избирательного участка или участка референдума

Глава 1. Общие положения

1. Настоящее Положение определяет порядок предоставления интерактивной услуги по определению и изменению избирательного участка или участка референдума (далее — интерактивная услуга).

2. Действие настоящего положения не распространяется на избирательные участки или участки референдума, образованные при дипломатических и иных представительствах Республики Узбекистан в иностранных государствах (за исключением изменения на избирательный участок или участок референдума, расположенного на территории Республики Узбекистан), в воинских частях, санаториях и домах отдыха, больницах и других стационарных лечебных учреждениях, местах содержания под стражей и лишения свободы.

3. Интерактивная услуга предоставляется через Единый портал интерактивных государственных услуг Республики Узбекистан (далее — ЕПИГУ) и официальный веб-сайт Центральной избирательной комиссии Республики Узбекистан (далее — Центральная избирательная комиссия).

4. Интерактивная услуга осуществляется с помощью межведомственного электронного информационного обмена информации между официальным веб-сайтом Центральной избирательной комиссии, ЕПИГУ и Информационной системой управления избирательным процессом (далее — ИСУИП).

5. Интерактивной услугой могут воспользоваться граждане Республики Узбекистан, имеющие адрес постоянного или временного места жительства, достигшие ко дню или в день выборов или проведения референдума восемнадцати лет.

6. Сбор за интерактивную услугу не взимается.

7. Избиратель или голосующий гражданин (далее — гражданин) вправе отказаться от нее на любом этапе предоставления интерактивной услуги. В этом случае, запрос гражданина остается без рассмотрения.

Глава 2. Порядок предоставления интерактивной услуги по определению избирательного участка или участка референдума

8. Гражданин не обязан регистрироваться в ЕПИГУ для получения интерактивной услуги по определению избирательного участка или участка референдума в электронном виде.

9. Для определения избирательного участка или участка референдума гражданин выбирает услугу определения избирательного участка или участка референдума на ЕПИГУ и (или) вводит в нее серию и номер биометрического паспорта или идентификационной ID-карты, а также дату рождения.

10. Данные гражданина, предусмотренные пунктом 9 настоящего Положения, автоматически сверяются с данными Единого электронного списка избирателей в ИСУИП.

В случае совпадения данных гражданину предоставляется информация об избирательном участке или участке референдума.

11. По результатам интерактивной услуги по определению избирательного участка или участка референдума справка с QR-кодом (матричный штрих-код) будет оформлена в ЕПИГУ и доступна для скачивания и печати в электронном виде. В этом случае, для скачивания данной справки гражданин должен зарегистрироваться в ЕПИГУ.

12. Определение избирательного участка или участка референдума через официальный веб-сайт Центральной избирательной комиссии осуществляется автоматически путем ввода серии и номера биометрического паспорта или идентификационной ID-карты гражданина, а также даты рождения.

13. Для использования интерактивной услуги по определению избирательного участка или участка референдума через официальный веб-сайт Центральной избирательной комиссии регистрация не требуется.

Глава 3. Порядок предоставления интерактивной услуги по изменению избирательного участка или участка референдума

14. Гражданин может изменить избирательный участок или участок референдума в случае расхождения между данными об избирательном участке в Едином электронном списке избирателей и адресом его постоянного или временного места жительства.

Сроки изменения избирательного участка или участка референдума через ЕПИГУ или официальный веб-сайт Центральной избирательной комиссии объявляются Центральной избирательной комиссией.

При этом, в ЕПИГУ будет предоставлена возможность информировать граждан о времени изменения избирательного участка или участка референдума, оставшемся до истечения срока.

15. В случае обращения гражданина через ЕПИГУ об изменении избирательного участка или участка референдума, он самостоятельно заполняет анкету в электронном виде по форме согласно приложению № 1 к настоящему Положению.

Пользование интерактивной услугой по изменению избирательного участка или участка референдума с указанием данных, принадлежащих другому лицу, запрещено.

Для уточнения оператором информации об избирательном участке или участке референдума гражданин должен подтвердить анкету номером телефона и специальным кодом, который будет ему выслан бесплатно.

После этого, в соответствии с адресом постоянного или временного места жительства, указанного в анкете, пользователю интерактивной услуги показывается информация об изменяемом избирательном участке или участке референдума для предварительного ознакомления, и гражданин, ознакомившись с данными, отправляет анкету на рассмотрение.

16. Анкета поступает оператору Call-центра (далее — оператор), созданного при ГУП «UNICON.UZ». Оператор уточняет данные, указанные в анкете.

После этого, оператор вносит в ИСУИП соответствующие данные гражданина, изменение участка, причину изменения, а также номер заявления, указанного в ЕПИГУ и изменяет избирательный участок или участок референдума.

17. Интерактивная услуга по изменению избирательного участка или участка референдума предоставляется в установленные сроки, в соответствии со схемой согласно приложению № 2 к настоящему Положению.

18. По результатам интерактивной услуги по изменению избирательного участка или участка референдума справка с QR-кодом (матричный штрих-код) будет оформлена на ЕПИГУ и доступна для скачивания и печати в электронном виде.

Подробная информация об изменениях, произошедших в списке избирателей или проголосовавших граждан на избирательном участке или участке референдума в результате использования гражданином интерактивной услуги, отражается в истории избирателей или проголосовавших граждан, скопированной в ИСУИП.

19. Предоставление интерактивной услуги по изменению избирательного участка или участка референдума через официальный веб-сайт Центральной избирательной комиссии осуществляется с помощью ссылки на ЕПИГУ.

20. Запрещается без согласия гражданина изменение избирательного участка или участка референдума, который был изменен при помощи интерактивной услуги или вносить поправки в список избирателей или голосующих граждан.

21. Предоставление интерактивной услуги по изменению избирательного участка или участка референдума отказывается в следующих случаях:

информация в анкете заполнена не полностью;

анкета подана менее чем за пять дней до выборов или референдума;

введена неверная информация.

Отказ в предоставлении интерактивной услуги по другим основаниям запрещен.

Глава 4. Заключительные положения

22. Центральная избирательная комиссия осуществляет контроль за соблюдением требований настоящего Положения.

23. Министерство цифровых технологий Республики Узбекистан в соответствии с настоящим Положением осуществляет контроль за обеспечением постоянного и бесперебойного предоставления интерактивной услуги через ЕПИГУ.

24. Обеспечивается конфиденциальность информации, полученной в результате интерактивной услуги.

25. Гражданин может обжаловать предоставление и результаты интерактивной услуги в суде в установленном порядке.

26. Лица, виновные в нарушении требований настоящего Положения, несут ответственность в порядке, установленном законодательством.

ПРИЛОЖЕНИЕ № 1 к Положению о порядке предоставления интерактивной услуги по определению и изменению избирательного участка или участка референдума

по изменению избирательного участка или участка референдума через Единый портал интерактивных государственных услуг

Данные избирателя или голосующего гражданина: 1. Фамилия * 2. Имя * 3. Отчество * 4. Дата рождения (гггг.мм.дд) * 5. Серия биометрического паспорта или ID-карты * 6. Номер биометрического паспорта или ID-карты * 7. Персональный идентификационный номер физического лица (ПИНФЛ) * 8. Название области, района, номер избирательного участка или участка референдума по адресу постоянного или временного места жительства ** 9. Номер телефона 10. Адрес электронной почты 11. Причина изменения избирательного участка или участка референдума

ПРИЛОЖЕНИЕ № 2 к Положению о порядке предоставления интерактивной услуги по определению и изменению избирательного участка или участка референдума

предоставления интерактивной услуги по определению и изменению избирательного участка или участка референдума через Единый портал интерактивных государственных услуг

Этапы Субъекты Мероприятия Сроки исполнения 1-этап Избиратель или голосующий гражданин (далее — гражданин) Для использования интерактивной услуги необходимо зарегистрироваться (необязательно при использовании интерактивной услуги для определения избирательного участка или участка референдума) в Едином портале интерактивных государственных услуг (далее — ЕПИГУ) По желанию 2-этап Гражданин или ЕПИГУ Определение избирательного участка или участка референдума осуществляется в автоматическом режиме в Информационной системе управления избирательным процессом (далее — ИСУИП) Автоматически 3-этап Гражданин Заполняет анкету по изменению избирательного участка или участка референдума По желанию 4-этап Гражданин Для уточнения оператором информации по избирательному участку или участку референдума гражданин подтверждает анкету и номер телефона отправленным специальным бесплатным кодом В течение 2-х минут 5-этап ЕПИГУ В соответствии с адресом постоянного или временного места жительства, указанного в анкете, пользователю интерактивной услуги показывается информация об изменяемом избирательном участке или участке референдума для предварительного ознакомления В течение 1 минуты 6-этап Гражданин Гражданин, ознакомившись с данными, отправляет оператору анкету на рассмотрение По желанию 7-этап ЕПИГУ Анкета поступает оператору Call — центра, созданного при ГУП «U N ICO N .UZ» В течение 1 минуты 8-этап Оператор 1. Уточняет данные, указанные в анкете. 2. Вносит в ИСУИП соответствующие данные гражданина, изменение участка, причину изменения, а также номер заявления, указанного в ЕПИГУ и изменяет избирательный участок или участок референдума В течение 1 рабочего дня 9-этап ИСУИП Подробная информация об изменениях, произошедших в списке избирателей или голосующих граждан на избирательном участке или участке референдума в результате использования гражданином интерактивной услуги, отражается в истории избирателей или голосующих граждан, скопированной в ИСУИП В течение 1 минуты после изменения избирательного участка или участка референдума 10-этап ЕПИГУ 1. На электронный адрес гражданина отправляется оповещение об изменении избирательного участка или участка референдума. 2. В личный кабинет гражданина через ЕПИГУ отправляется справка с QR-кодом. По запросу гражданина

Председатель З. НИЗАМХОДЖАЕВ

г. Ташкент,

23 марта 2023 г.,

№ 1215

lex.uz