📅 2023-yil 4-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 апреля 2023 г. · Постановления Президента
Официальный текст. Официальный документ. Редакционные примечания не включены.
📅 4 April 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
УСТУВОР ЙЎНАЛИШЛАРИ
УСТУВОР ЙЎНАЛИШЛАРИ
ТАРТИБИ
Иқтисодий ислоҳотларни амалга оширишда илмий ёндашувларни кенгайтириш ва бошқарув кадрларини тайёрлаш тизимини янада такомиллаштириш чора-тадбирлари тўғрисида
Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармонига мувофиқ, шунингдек, иқтисодий ислоҳотларни амалга ошириш билан боғлиқ қарорлар ижросини самарали амалга оширишда илмий ёндашувлар ва бошқарув кадрларини тайёрлаш тизимини такомиллаштириш мақсадида:
1. Вазирлар Маҳкамаси ҳамда Иқтисодиёт ва молия вазирлигининг Иқтисодиёт ва молия вазирлиги ҳузуридаги:
Прогнозлаштириш ва макроиқтисодий тадқиқотлар институти негизида Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институтини (кейинги ўринларда — Институт);
Бизнес ва тадбиркорлик олий мактаби негизида Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактабини (кейинги ўринларда — Олий мактаб) ташкил этиш тўғрисидаги таклифлари маъқуллансин.
2. Қуйидагилар:
Вазирлар Маҳкамаси ҳузуридаги Макроиқтисодий ва ҳудудий тадқиқотлар институти фаолиятининг устувор йўналишлари 1-иловага мувофиқ;
Вазирлар Маҳкамаси ҳузуридаги Бизнес ва тадбиркорлик олий мактаби фаолиятининг устувор йўналишлари 2-иловага мувофиқ;
Вазирлар Маҳкамаси ҳузуридаги Макроиқтисодий ва ҳудудий тадқиқотлар институти ҳамда Бизнес ва тадбиркорлик олий мактаби раҳбарларини тайинлаш, ходимларига тиббий хизмат кўрсатиш, меҳнатга ҳақ тўлаш ва устама белгилаш тартиби 3-иловага мувофиқ тасдиқлансин.
3. Институт ва Олий мактаб фаолиятининг устувор йўналишлари самарали амалга оширилишини таъминлаш мақсадида:
Институт таркибида ҳудудларда ер ресурсларидан унумли фойдаланиш ва уларни оптимал тақсимлаш орқали бандликни таъминлаш, аҳоли даромадларини ошириш юзасидан муаммоларни ўрганиш ва амалий таклифлар тайёрлашга йўналтирилган юридик шахс бўлмаган «Ер ислоҳотлари маркази»;
Олий мактаб тузилмасида юридик шахс бўлмаган «Яшил иқтисодиётни илгари суриш ва жорий этиш» лойиҳа офиси ва Бизнес инкубатор ва стартап лойиҳалар билан ишлаш маркази ташкил этилсин.
4. Вазирлар Маҳкамаси (Ж. Қўчқоров):
Институт ва Олий мактабнинг бошқарув ҳамда илмий педагогик ходимларини аттестациядан ўтказиш ҳамда замонавий талабларга мос юқори малакали кадрлар билан тўлдириш;
Институт ва Олий мактабнинг Васийлик кенгаши орқали уларнинг фаолиятини мувофиқлаштириб бориш ва моддий-техника базасини яхшилаш чораларини кўрсин.
5. Ҳудудлар ва соҳалар кесимидаги муаммоларни жойларга чиқиб ўрганиш, аҳоли ва тадбиркорлар ўртасида сўровномалар олиб бориш, мунтазам равишда Ўзбекистон иқтисодчилар форумини ташкил этиш, хорижий экспертларни жалб қилиш ҳамда ходимларни моддий рағбатлантириш мақсадида Институт қошида юридик шахс бўлмаган Тадқиқотларни қўллаб-қувватлаш ва рағбатлантириш жамғармаси ташкил этилсин ва унинг молиялаштириш манбалари этиб қуйидагилар белгилансин:
Давлат бюджетидан ҳар йили Институтнинг бир йиллик меҳнатга ҳақ тўлаш жамғармасининг 40 фоизи миқдорида ажратиладиган маблағлар;
қонунчиликда тақиқланмаган бошқа манбалар.
6. Қуйидагилар Институт ва Олий мактаб фаолиятининг молиялаштириш манбалари этиб белгилансин:
2023 йилда Ўзбекистон Республикасининг республика бюджети параметрларида Институт ва Олий мактаб фаолият кўрсатиши учун назарда тутилган маблағлар, 2024 йилдан бошлаб белгиланган тартибда Давлат бюджети параметрларида кўзда тутиладиган маблағлар;
жисмоний ва юридик шахсларнинг ҳомийлик хайриялари ва қонунчилик ҳужжатларида тақиқланмаган бошқа манбалар.
Бунда Олий мактабга ижтимоий солиқнинг 12 фоиз миқдордаги ставкаси қўлланилади.
7. Вазирлар Маҳкамаси икки ой муддатда Институт ва Олий мактаб фаолиятини самарали йўлга қўйиш, уларнинг низомларини тасдиқлаш, моддий-техника базасини яхшилаш ва бошқа ташкилий-техник масалаларни назарда тутувчи қарорни қабул қилсин.
8. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 4 апрелдаги ПҚ-108-сон қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти фаолиятининг
1. 2022 — 2026 йилларга мўлжалланган Янги Ўзбекистоннинг тараққиёт стратегияси доирасида тегишли йилларга мўлжалланган давлат дастурларини ишлаб чиқиш ва амалга оширишда илмий асосланган таклиф ва тавсиялар тайёрлаш.
2. Ҳудудларда ер ресурсларидан унумли фойдаланиш ва уларни оптимал тақсимлаш орқали бандликни таъминлаш, аҳоли даромадларини ошириш юзасидан муаммоларни ўрганиш ва амалий таклифлар тайёрлаш, шунингдек, ер ислоҳотларига оид замонавий бозор механизмларини жорий этишда иштирок этиш.
3. Жойларда мавжуд муаммоларни бевосита ўрганган ҳолда иқтисодий ўсиш нуқталари ва ривожланиш драйверларини аниқлаш, ҳудудларни ижтимоий-иқтисодий ривожлантириш дастурларини шакллантириш бўйича таклифлар ишлаб чиқиш.
4. Мамлакатда иқтисодий кўрсаткичларни доимий равишда ҳудудлар кесимида таҳлил қилиб бориш, эришилаётган натижалар асосида камбағалликни қисқартириш ва аҳоли даромадини ошириш борасида илмий ва амалий тадқиқотларни олиб бориш ҳамда шулар асосида соҳадаги устувор йўналишларни белгилаш ва самараси юқори бўлган молиявий механизмларни ишлаб чиқиш.
5. Иқтисодиётда бозор механизмларини ва рақобатни ривожлантириш, илғор хорижий тажрибани ўрганиш асосида бизнес муҳитини яхшилаш ҳамда халқаро рейтинг ва индексларда мамлакат мавқеини ошириш бўйича тавсиялар тайёрлаш.
6. Ижтимоий-иқтисодий ислоҳотларнинг боришини комплекс баҳолаган ҳолда асослантирилган экспертлик хулосаларини тайёрлаш ва натижаларини даврий чоп этиб бориш.
7. Ҳудудлар ва соҳаларни ривожлантиришга таъсир қилувчи ташқи хавфларни ўрганиш ва уларнинг салбий таъсирини камайтириш бўйича таклифларни ишлаб чиқиш.
8. Иқтисодиётда меҳнат унумдорлиги, капитал қиймати самарадорлиги, энергия, сув ва бошқа ресурслар тежамкорлигини баҳолаш ҳамда барқарор ривожланишга қаратилган миллий мақсад ва вазифаларни амалга ошириш самарадорлигини ўрганиш.
9. Ҳудудлар кесимида асосий озиқ-овқат маҳсулотларининг нархларини таҳлил қилиб бориш, уларга талаб ва таклиф ҳажмини аниқлаш, нархларнинг ўсишига таъсир этувчи бевосита ва билвосита омилларни таҳлил қилиш, аҳоли томорқаларидан самарали фойдаланиш ҳолати тўғрисида маълумотларни тайёрлаш.
10. Урбанизация жараёнларини такомиллаштириш, ишлаб чиқаришни оқилона жойлаштириш, турар жойларни муҳандислик, транспорт ва ижтимоий инфратузилма билан биргаликда қуришни инобатга олган ҳолда урбанизация жараёнларини мувофиқлаштиришда иштирок этиш.
11. Вазирлар Маҳкамасининг ижтимоий-иқтисодий ислоҳотларни амалга оширишдаги фаолиятини илмий ва ахборот-таҳлилий жиҳатдан қўллаб-қувватлаш, шунингдек, Иқтисодиёт ва молия вазирлиги ҳамда бошқа манфаатдор идора ва ташкилотлар билан яқин ҳамкорликда ислоҳотлар натижадорлигини оширишга қаратилган таклифлар ишлаб чиқиш.
Ўзбекистон Республикаси Президентининг 2023 йил 4 апрелдаги ПҚ-108-сон қарорига 2-ИЛОВА
Вазирлар Маҳкамаси ҳузуридаги Бизнес ва тадбиркорлик олий мактаби фаолиятининг
1. «Бизнесни бошқариш» (MBA) ҳамда иқтисодиётнинг талаб юқори бўлган бошқа таълим йўналишлари ва мутахассисликлари бўйича бакалаврлар ва магистрлар тайёрлаш, шунингдек олий таълимдан кейинги таълимни амалга ошириш.
2. Замонавий иқтисодий билимлар бўйича вазирлик ва идоралар, маҳаллий ҳокимият вакиллари, ҳоким ўринбосарлари ҳамда иқтисодиёт тармоқларида кадрларнинг малакасини ошириш ва қайта тайёрлаш.
3. Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимларининг ёрдамчилари малакаси ва уларнинг фаолияти самарадорлигини оширишга қаратилган тренинг, семинар ва мастер-класслар ташкил этиш, уларга аҳоли билан самарали ишлашни ўргатиш, бир маҳаллада юқори самара кўрсатаётган тажрибаларни бошқа маҳаллаларга қўллаш амалиётини жорий этиш.
4. «Яшил» технологияларни жорий этишнинг институционал асосларини ривожлантириш, илмий ва инновацион тадқиқотларни амалга ошириш ҳамда мазкур соҳада кадрлар малакасини оширишда етакчи хорижий таълим муассасалари ва илмий-тадқиқот марказлари билан ҳамкорликни йўлга қўйиш.
5. Кичик инновацион бизнес ва стартап ғояларни лойиҳа даражасига етказишда консалтинг хизматларини кўрсатиш, шу жумладан бизнес экотизимини шакллантириш, менежмент, маркетинг, бухгалтерия, ҳуқуқий масалалар ҳамда бошқа профессионал мутахассисларнинг менторлик хизматларини кўрсатиш.
6. Қўшма икки диплом (dual degree) дастурлари бўйича Quacquarelli Symonds (QS) ва Times Нigher Education (TНE) ҳамда бошқа халқаро рейтингларда етакчи бўлган ривожланган мамлакатларнинг олий таълим муассасалари ва илмий марказлари билан ҳамкорлик алоқаларини кенгайтириш.
7. Тадбиркорлик экотизими, кадрлар салоҳияти ва ижтимоий-иқтисодий масалалар бўйича таҳлилий маълумотлар ҳамда экспертлик хулосаларини тайёрлаш ва натижаларини даврий чоп этиб бориш.
Ўзбекистон Республикаси Президентининг 2023 йил 4 апрелдаги ПҚ-108-сон қарорига 3-ИЛОВА
Вазирлар Маҳкамаси ҳузуридаги Макроиқтисодий ва ҳудудий тадқиқотлар институти ҳамда Бизнес ва тадбиркорлик олий мактаби раҳбарларини тайинлаш, ходимларига тиббий хизмат кўрсатиш, меҳнатга ҳақ тўлаш ва устама белгилаш
Т/р Йўналиш Лавозим Тартиб 1. Директорлар ва уларнинг ўринбосарларини тайинлаш ва лавозимидан озод этиш Директорлар Вазирлар Маҳкамасининг қарори билан лавозимга тайинланади ва лавозимидан озод этилади. Директор ўринбосарлари Бош вазир ўринбосари билан келишилган ҳолда Институт ва Олий мактаб директори томонидан лавозимга тайинланади ва лавозимидан озод этилади. 2. Тиббий хизмат кўрсатиш шарт-шароитлари Директорлар Бош вазир ўринбосари котибияти мудирига тенглаштирилади. Директор ўринбосарлари Бош вазир ўринбосари котибияти мудири ўринбосарига тенглаштирилади. Директор маслаҳатчилари, лойиҳа раҳбарлари, марказ ва бўлим бошлиқлари, кафедра мудирлари, профессор-ўқитувчилар Бош вазир ўринбосари котибиятининг бош мутахассисига тенглаштирилади. 3. Ходимларга иш ҳақи ҳисоблаш Ходимлар Вазирликлар учун белгиланган Ягона тариф сеткаси бўйича меҳнатга ҳақ тўлаш тариф коэффициентини 2 бараварга оширилган ҳолда қўллаш орқали амалга оширилади. Бунда: Директорлар Вазир ўринбосари; Директорларнинг биринчи ўринбосари ва ўринбосарлари вазирликларнинг мос равишда департамент бошлиғи ва департамент бошлиғи ўринбосари; Директор маслаҳатчилари, лойиҳа ва марказ раҳбарлари, кафедра мудирлари вазирликларнинг бошқарма бошлиғи; Бўлим бошлиқлари вазирликларнинг бўлим бошлиғи; Профессор-ўқитувчилар вазирликларнинг бўлим бошлиғи ўринбосари; Бош ва етакчи мутахассислар вазирликларнинг мос равишда бош ва етакчи мутахассиси учун назарда тутилган разрядларга нисбатан қўлланилади. 4. Кўп йиллик ишлаганлик учун ҳар ойлик устама (рағбатлантириш коэффициентини инобатга олган ҳолда лавозим маошига нисбатан коэффициентларда) Барча ходимлар Давлат бюджети маблағлари ҳисобидан қуйидаги миқдорларда: 1 йилдан 3 йилгача — 0,3; 3 йилдан 5 йилгача — 0,6; 5 йилдан 10 йилгача — 0,8; 10 йилдан 15 йилгача — 1,0; 15 йилдан 20 йилгача — 1,2; 20 йилдан юқори — 1,5. Кўп йиллик ишлаганлик учун ҳар ойлик устама олиш ҳуқуқини берувчи иш стажи Институт ва Олий мактаб томонидан белгиланган тартибда аниқланади.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 4 апрель,
ПҚ-108-сон
Oʻzbekiston Respublikasi Prezidentining
Qarori
USTUVOR YOʻNALISHLARI
USTUVOR YOʻNALISHLARI
TARTIBI
Iqtisodiy islohotlarni amalga oshirishda ilmiy yondashuvlarni kengaytirish va boshqaruv kadrlarini tayyorlash tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoniga muvofiq, shuningdek, iqtisodiy islohotlarni amalga oshirish bilan bogʻliq qarorlar ijrosini samarali amalga oshirishda ilmiy yondashuvlar va boshqaruv kadrlarini tayyorlash tizimini takomillashtirish maqsadida:
1. Vazirlar Mahkamasi hamda Iqtisodiyot va moliya vazirligining Iqtisodiyot va moliya vazirligi huzuridagi:
Prognozlashtirish va makroiqtisodiy tadqiqotlar instituti negizida Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar institutini (keyingi oʻrinlarda — Institut);
Biznes va tadbirkorlik oliy maktabi negizida Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabini (keyingi oʻrinlarda — Oliy maktab) tashkil etish toʻgʻrisidagi takliflari maʼqullansin.
2. Quyidagilar:
Vazirlar Mahkamasi huzuridagi Makroiqtisodiy va hududiy tadqiqotlar instituti faoliyatining ustuvor yoʻnalishlari 1-ilovaga muvofiq;
Vazirlar Mahkamasi huzuridagi Biznes va tadbirkorlik oliy maktabi faoliyatining ustuvor yoʻnalishlari 2-ilovaga muvofiq;
Vazirlar Mahkamasi huzuridagi Makroiqtisodiy va hududiy tadqiqotlar instituti hamda Biznes va tadbirkorlik oliy maktabi rahbarlarini tayinlash, xodimlariga tibbiy xizmat koʻrsatish, mehnatga haq toʻlash va ustama belgilash tartibi 3-ilovaga muvofiq tasdiqlansin.
3. Institut va Oliy maktab faoliyatining ustuvor yoʻnalishlari samarali amalga oshirilishini taʼminlash maqsadida:
Institut tarkibida hududlarda yer resurslaridan unumli foydalanish va ularni optimal taqsimlash orqali bandlikni taʼminlash, aholi daromadlarini oshirish yuzasidan muammolarni oʻrganish va amaliy takliflar tayyorlashga yoʻnaltirilgan yuridik shaxs boʻlmagan “Yer islohotlari markazi”;
Oliy maktab tuzilmasida yuridik shaxs boʻlmagan “Yashil iqtisodiyotni ilgari surish va joriy etish” loyiha ofisi va Biznes inkubator va startap loyihalar bilan ishlash markazi tashkil etilsin.
4. Vazirlar Mahkamasi (J. Qoʻchqorov):
Institut va Oliy maktabning boshqaruv hamda ilmiy pedagogik xodimlarini attestatsiyadan oʻtkazish hamda zamonaviy talablarga mos yuqori malakali kadrlar bilan toʻldirish;
Institut va Oliy maktabning Vasiylik kengashi orqali ularning faoliyatini muvofiqlashtirib borish va moddiy-texnika bazasini yaxshilash choralarini koʻrsin.
5. Hududlar va sohalar kesimidagi muammolarni joylarga chiqib oʻrganish, aholi va tadbirkorlar oʻrtasida soʻrovnomalar olib borish, muntazam ravishda Oʻzbekiston iqtisodchilar forumini tashkil etish, xorijiy ekspertlarni jalb qilish hamda xodimlarni moddiy ragʻbatlantirish maqsadida Institut qoshida yuridik shaxs boʻlmagan Tadqiqotlarni qoʻllab-quvvatlash va ragʻbatlantirish jamgʻarmasi tashkil etilsin va uning moliyalashtirish manbalari etib quyidagilar belgilansin:
Davlat budjetidan har yili Institutning bir yillik mehnatga haq toʻlash jamgʻarmasining 40 foizi miqdorida ajratiladigan mablagʻlar;
qonunchilikda taqiqlanmagan boshqa manbalar.
6. Quyidagilar Institut va Oliy maktab faoliyatining moliyalashtirish manbalari etib belgilansin:
2023-yilda Oʻzbekiston Respublikasining respublika budjeti parametrlarida Institut va Oliy maktab faoliyat koʻrsatishi uchun nazarda tutilgan mablagʻlar, 2024-yildan boshlab belgilangan tartibda Davlat budjeti parametrlarida koʻzda tutiladigan mablagʻlar;
jismoniy va yuridik shaxslarning homiylik xayriyalari va qonunchilik hujjatlarida taqiqlanmagan boshqa manbalar.
Bunda Oliy maktabga ijtimoiy soliqning 12 foiz miqdordagi stavkasi qoʻllaniladi.
7. Vazirlar Mahkamasi ikki oy muddatda Institut va Oliy maktab faoliyatini samarali yoʻlga qoʻyish, ularning nizomlarini tasdiqlash, moddiy-texnika bazasini yaxshilash va boshqa tashkiliy-texnik masalalarni nazarda tutuvchi qarorni qabul qilsin.
8. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 4-apreldagi PQ-108-son qaroriga 1-ILOVA
Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti faoliyatining
1. 2022 — 2026-yillarga moʻljallangan Yangi Oʻzbekistonning taraqqiyot strategiyasi doirasida tegishli yillarga moʻljallangan davlat dasturlarini ishlab chiqish va amalga oshirishda ilmiy asoslangan taklif va tavsiyalar tayyorlash.
2. Hududlarda yer resurslaridan unumli foydalanish va ularni optimal taqsimlash orqali bandlikni taʼminlash, aholi daromadlarini oshirish yuzasidan muammolarni oʻrganish va amaliy takliflar tayyorlash, shuningdek, yer islohotlariga oid zamonaviy bozor mexanizmlarini joriy etishda ishtirok etish.
3. Joylarda mavjud muammolarni bevosita oʻrgangan holda iqtisodiy oʻsish nuqtalari va rivojlanish drayverlarini aniqlash, hududlarni ijtimoiy-iqtisodiy rivojlantirish dasturlarini shakllantirish boʻyicha takliflar ishlab chiqish.
4. Mamlakatda iqtisodiy koʻrsatkichlarni doimiy ravishda hududlar kesimida tahlil qilib borish, erishilayotgan natijalar asosida kambagʻallikni qisqartirish va aholi daromadini oshirish borasida ilmiy va amaliy tadqiqotlarni olib borish hamda shular asosida sohadagi ustuvor yoʻnalishlarni belgilash va samarasi yuqori boʻlgan moliyaviy mexanizmlarni ishlab chiqish.
5. Iqtisodiyotda bozor mexanizmlarini va raqobatni rivojlantirish, ilgʻor xorijiy tajribani oʻrganish asosida biznes muhitini yaxshilash hamda xalqaro reyting va indekslarda mamlakat mavqeyini oshirish boʻyicha tavsiyalar tayyorlash.
6. Ijtimoiy-iqtisodiy islohotlarning borishini kompleks baholagan holda asoslantirilgan ekspertlik xulosalarini tayyorlash va natijalarini davriy chop etib borish.
7. Hududlar va sohalarni rivojlantirishga taʼsir qiluvchi tashqi xavflarni oʻrganish va ularning salbiy taʼsirini kamaytirish boʻyicha takliflarni ishlab chiqish.
8. Iqtisodiyotda mehnat unumdorligi, kapital qiymati samaradorligi, energiya, suv va boshqa resurslar tejamkorligini baholash hamda barqaror rivojlanishga qaratilgan milliy maqsad va vazifalarni amalga oshirish samaradorligini oʻrganish.
9. Hududlar kesimida asosiy oziq-ovqat mahsulotlarining narxlarini tahlil qilib borish, ularga talab va taklif hajmini aniqlash, narxlarning oʻsishiga taʼsir etuvchi bevosita va bilvosita omillarni tahlil qilish, aholi tomorqalaridan samarali foydalanish holati toʻgʻrisida maʼlumotlarni tayyorlash.
10. Urbanizatsiya jarayonlarini takomillashtirish, ishlab chiqarishni oqilona joylashtirish, turar joylarni muhandislik, transport va ijtimoiy infratuzilma bilan birgalikda qurishni inobatga olgan holda urbanizatsiya jarayonlarini muvofiqlashtirishda ishtirok etish.
11. Vazirlar Mahkamasining ijtimoiy-iqtisodiy islohotlarni amalga oshirishdagi faoliyatini ilmiy va axborot-tahliliy jihatdan qoʻllab-quvvatlash, shuningdek, Iqtisodiyot va moliya vazirligi hamda boshqa manfaatdor idora va tashkilotlar bilan yaqin hamkorlikda islohotlar natijadorligini oshirishga qaratilgan takliflar ishlab chiqish.
Oʻzbekiston Respublikasi Prezidentining 2023-yil 4-apreldagi PQ-108-son qaroriga 2-ILOVA
Vazirlar Mahkamasi huzuridagi Biznes va tadbirkorlik oliy maktabi faoliyatining
1. “Biznesni boshqarish” (MBA) hamda iqtisodiyotning talab yuqori boʻlgan boshqa taʼlim yoʻnalishlari va mutaxassisliklari boʻyicha bakalavrlar va magistrlar tayyorlash, shuningdek oliy taʼlimdan keyingi taʼlimni amalga oshirish.
2. Zamonaviy iqtisodiy bilimlar boʻyicha vazirlik va idoralar, mahalliy hokimiyat vakillari, hokim oʻrinbosarlari hamda iqtisodiyot tarmoqlarida kadrlarning malakasini oshirish va qayta tayyorlash.
3. Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilari malakasi va ularning faoliyati samaradorligini oshirishga qaratilgan trening, seminar va master-klasslar tashkil etish, ularga aholi bilan samarali ishlashni oʻrgatish, bir mahallada yuqori samara koʻrsatayotgan tajribalarni boshqa mahallalarga qoʻllash amaliyotini joriy etish.
4. “Yashil” texnologiyalarni joriy etishning institutsional asoslarini rivojlantirish, ilmiy va innovatsion tadqiqotlarni amalga oshirish hamda mazkur sohada kadrlar malakasini oshirishda yetakchi xorijiy taʼlim muassasalari va ilmiy-tadqiqot markazlari bilan hamkorlikni yoʻlga qoʻyish.
5. Kichik innovatsion biznes va startap gʻoyalarni loyiha darajasiga yetkazishda konsalting xizmatlarini koʻrsatish, shu jumladan biznes ekotizimini shakllantirish, menejment, marketing, buxgalteriya, huquqiy masalalar hamda boshqa professional mutaxassislarning mentorlik xizmatlarini koʻrsatish.
6. Qoʻshma ikki diplom (dual degree) dasturlari boʻyicha Quacquarelli Symonds (QS) va Times Nigher Education (TNE) hamda boshqa xalqaro reytinglarda yetakchi boʻlgan rivojlangan mamlakatlarning oliy taʼlim muassasalari va ilmiy markazlari bilan hamkorlik aloqalarini kengaytirish.
7. Tadbirkorlik ekotizimi, kadrlar salohiyati va ijtimoiy-iqtisodiy masalalar boʻyicha tahliliy maʼlumotlar hamda ekspertlik xulosalarini tayyorlash va natijalarini davriy chop etib borish.
Oʻzbekiston Respublikasi Prezidentining 2023-yil 4-apreldagi PQ-108-son qaroriga 3-ILOVA
Vazirlar Mahkamasi huzuridagi Makroiqtisodiy va hududiy tadqiqotlar instituti hamda Biznes va tadbirkorlik oliy maktabi rahbarlarini tayinlash, xodimlariga tibbiy xizmat koʻrsatish, mehnatga haq toʻlash va ustama belgilash
T/r Yoʻnalish Lavozim Tartib 1. Direktorlar va ularning oʻrinbosarlarini tayinlash va lavozimidan ozod etish Direktorlar Vazirlar Mahkamasining qarori bilan lavozimga tayinlanadi va lavozimidan ozod etiladi. Direktor oʻrinbosarlari Bosh vazir oʻrinbosari bilan kelishilgan holda Institut va Oliy maktab direktori tomonidan lavozimga tayinlanadi va lavozimidan ozod etiladi. 2. Tibbiy xizmat koʻrsatish shart-sharoitlari Direktorlar Bosh vazir oʻrinbosari kotibiyati mudiriga tenglashtiriladi. Direktor oʻrinbosarlari Bosh vazir oʻrinbosari kotibiyati mudiri oʻrinbosariga tenglashtiriladi. Direktor maslahatchilari, loyiha rahbarlari, markaz va boʻlim boshliqlari, kafedra mudirlari, professor-oʻqituvchilar Bosh vazir oʻrinbosari kotibiyatining bosh mutaxassisiga tenglashtiriladi. 3. Xodimlarga ish haqi hisoblash Xodimlar Vazirliklar uchun belgilangan Yagona tarif setkasi boʻyicha mehnatga haq toʻlash tarif koeffitsiyentini 2 baravarga oshirilgan holda qoʻllash orqali amalga oshiriladi. Bunda: Direktorlar Vazir oʻrinbosari; Direktorlarning birinchi oʻrinbosari va oʻrinbosarlari vazirliklarning mos ravishda departament boshligʻi va departament boshligʻi oʻrinbosari; Direktor maslahatchilari, loyiha va markaz rahbarlari, kafedra mudirlari vazirliklarning boshqarma boshligʻi; Boʻlim boshliqlari vazirliklarning boʻlim boshligʻi; Professor-oʻqituvchilar vazirliklarning boʻlim boshligʻi oʻrinbosari; Bosh va yetakchi mutaxassislar vazirliklarning mos ravishda bosh va yetakchi mutaxassisi uchun nazarda tutilgan razryadlarga nisbatan qoʻllaniladi. 4. Koʻp yillik ishlaganlik uchun har oylik ustama (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda) Barcha xodimlar Davlat budjeti mablagʻlari hisobidan quyidagi miqdorlarda: 1 yildan 3 yilgacha — 0,3; 3 yildan 5 yilgacha — 0,6; 5 yildan 10 yilgacha — 0,8; 10 yildan 15 yilgacha — 1,0; 15 yildan 20 yilgacha — 1,2; 20 yildan yuqori — 1,5. Koʻp yillik ishlaganlik uchun har oylik ustama olish huquqini beruvchi ish staji Institut va Oliy maktab tomonidan belgilangan tartibda aniqlanadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 4-aprel,
PQ-108-son
Президента Республики Узбекистан
Постановление
ПРИОРИТЕТНЫЕ НАПРАВЛЕНИЯ
ПРИОРИТЕТНЫЕ НАПРАВЛЕНИЯ
ПОРЯДОК
О мерах по расширению научных подходов и дальнейшему совершенствованию системы подготовки управленческих кадров в реализации экономических реформ
В соответствии с Указом Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана», а также в целях совершенствования научных подходов и системы подготовки управленческих кадров в эффективной реализации исполнения решений, касающихся осуществления экономических реформ:
1. Одобрить предложения Кабинета Министров и Министерства экономики и финансов о создании:
Института макроэкономических и региональных исследований при Кабинете Министров Республики Узбекистан (далее — Институт) на базе Института прогнозирования и макроэкономических исследований при Министерстве экономики и финансов;
Высшей школы бизнеса и предпринимательства при Кабинете Министров Республики Узбекистан (далее — Высшая школа) на базе Высшей школы бизнеса и предпринимательства при Министерстве экономики и финансов.
2. Утвердить:
Приоритетные направления деятельности Института макроэкономических и региональных исследований при Кабинете Министров согласно приложению № 1 ;
Приоритетные направления деятельности Высшей школы бизнеса и предпринимательства при Кабинете Министров согласно приложению № 2 ;
Порядок назначения руководителей, оказания медицинского обслуживания, оплаты труда и определения надбавки работникам Института макроэкономических и региональных исследований и Высшей школы бизнеса и предпринимательства при Кабинете Министров согласно приложению № 3 .
3. В целях обеспечения эффективного осуществления приоритетных направлений деятельности Института и Высшей школы создать:
в составе Института — Центр земельных реформ без образования юридического лица, направленный на изучение проблем и подготовку практических предложений по обеспечению занятости и повышению доходов населения путем эффективного использования и оптимального распределения земельных ресурсов в регионах;
в структуре Высшей школы — Проектный офис «Продвижение и внедрение зеленой экономики» и Центр по работе с бизнес-инкубаторами и стартап-проектами без образования юридического лица.
4. Кабинету Министров (Д. Кучкаров) принять меры по:
проведению аттестации управленческих и научно-педагогических работников Института и Высшей школы, укомплектованию их соответствующими современным требованиям высококвалифицированными кадрами;
координации деятельности, улучшению материально-технической базы Института и Высшей школы посредством их Попечительского совета.
5. В целях изучения с выездом на места проблем в разрезе регионов и отраслей, проведения опросов среди населения и предпринимателей, организации Форума экономистов Узбекистана, привлечения зарубежных экспертов и материального стимулирования работников на регулярной основе создать при Институте Фонд поддержки и стимулирования исследований без образования юридического лица, определить источниками его финансирования:
средства, выделяемые из Государственного бюджета ежегодно в размере 40 процентов годового фонда оплаты труда Института;
иные источники, не запрещенные законодательством.
6. Определить источниками финансирования деятельности Института и Высшей школы:
средства, предусмотренные в параметрах республиканского бюджета Республики Узбекистан на 2023 год для осуществления деятельности Института и Высшей школы, средства, предусмотренные в параметрах Государственного бюджета начиная с 2024 года в установленном порядке;
благотворительные пожертвования физических и юридических лиц и иные источники, не запрещенные актами законодательства.
При этом к Высшей школе применяется ставка социального налога в размере 12 процентов.
7. Кабинету Министров в двухмесячный срок принять постановление, предусматривающее эффективное налаживание деятельности Института и Высшей школы, утверждение их положений, улучшение материально-технической базы и иные организационно-технические вопросы.
8. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 4 апреля 2023 года № ПП-108
деятельности Института макроэкономических и региональных исследований при Кабинете Министров Республики Узбекистан
1. Подготовка научно обоснованных предложений и рекомендаций при разработке и реализации государственных программ, рассчитанных на соответствующие годы, в рамках Стратегии развития Нового Узбекистана на 2022 — 2026 годы.
2. Изучение проблем и подготовка практических предложений по обеспечению занятости и повышению доходов населения посредством эффективного использования и оптимального распределения земельных ресурсов в регионах, а также участие во внедрении современных рыночных механизмов касательно земельных реформ.
3. Определение экономических точек роста и драйверов развития с непосредственным изучением имеющихся проблем на местах, разработка предложений по формированию программ социально-экономического развития регионов.
4. Проведение анализа экономических показателей в стране в разрезе регионов на постоянной основе, осуществление научных и прикладных исследований по сокращению бедности и повышению доходов населения на основе достигаемых результатов, а также на основе этого — определение приоритетных направлений в сфере и разработка высокоэффективных финансовых механизмов.
5. Развитие рыночных механизмов и конкуренции в экономике, улучшение бизнес-среды на основе изучения передового зарубежного опыта, а также подготовка рекомендаций по повышению статуса страны в международных рейтингах и индексах.
6. Подготовка обоснованных экспертных заключений с комплексной оценкой хода социально-экономических реформ и периодическая публикация их результатов.
7. Изучение внешних угроз, влияющих на развитие регионов и отраслей, разработка предложений по снижению их негативного воздействия.
8. Оценка производительности труда в экономике, эффективности стоимости капитала, экономии энергии, воды и иных ресурсов, а также изучение эффективности реализации национальных целей и задач, направленных на устойчивое развитие.
9. Проведение анализа цен основных продуктов питания в разрезе регионов, определение объема спроса и предложения на них, анализ прямых и косвенных факторов, влияющих на рост цен, подготовка информации о состоянии эффективного использования населением приусадебных земель.
10. Совершенствование процессов урбанизации, участие в координации процессов урбанизации с учетом рационального размещения производства, строительства жилья вместе с инженерной, транспортной и социальной инфраструктурой.
11. Научная и информационно-аналитическая поддержка деятельности Кабинета Министров в реализации социально-экономических реформ, а также разработка в тесном взаимодействии с Министерством экономики и финансов, другими заинтересованными ведомствами и организациями предложений, направленных на повышение результативности реформ.
ПРИЛОЖЕНИЕ № 2 к постановлению Президента Республики Узбекистан от 4 апреля 2023 года № ПП-108
деятельности Высшей школы бизнеса и предпринимательства при Кабинете Министров
1. Подготовка бакалавров и магистров по направлению «Бизнес-администрирование» (MBA) и другим востребованным направлениям образования и специальностям экономики, а также осуществление послевузовского образования.
2. Повышение квалификации и переподготовка представителей министерств и ведомств, местных хокимиятов, заместителей хокимов и кадров в отраслях экономики по современным экономическим знаниям.
3. Организация тренингов, семинаров и мастер-классов, направленных на повышение квалификации и эффективности деятельности помощников хокимов районов (городов) по вопросам развития предпринимательства, обеспечения занятости населения и сокращения бедности в махалле, обучение их эффективной работе с населением, внедрение практики применения в других махаллях опыта одной махалли, показавшего высокий результат.
4. Развитие институциональных основ внедрения «зеленых» технологий, налаживание сотрудничества с ведущими зарубежными образовательными учреждениями и научно-исследовательскими центрами в осуществлении научных и инновационных исследований, а также в повышении квалификации кадров в данной сфере.
5. Оказание консалтинговых услуг в доведении малых инновационных бизнес-идей и стартап-идей до уровня проекта, в том числе оказание менторских услуг профессиональными специалистами в области формирования бизнес-экосистемы, менеджмента, маркетинга, бухгалтерии, правовых вопросов, а также другими профессиональными специалистами.
6. Расширение сотрудничества с высшими образовательными учреждениями и научными центрами развитых стран, лидирующими в международных рейтингах Quacquarelli Symonds (QS) и Times Нigher Education (TНE) и другими по программам двойного диплома (dual degree).
7. Подготовка аналитической информации и экспертных заключений по экосистеме предпринимательства, кадровому потенциалу и социально-экономическим вопросам, периодическая публикация их результатов.
ПРИЛОЖЕНИЕ № 3 к постановлению Президента Республики Узбекистан от 4 апреля 2023 года № ПП-108
назначения руководителей, оказания медицинского обслуживания, оплаты труда и определения надбавки работникам Института макроэкономических и региональных исследований и Высшей школы бизнеса и предпринимательства при Кабинете Министров
№ Направление Должность Порядок 1. Назначение на должность и освобождение от должности директоров и их заместителей Директоры Назначаются на должность и освобождаются от должности решением Кабинета Министров. Заместители директоров Назначаются на должность и освобождаются от должности директором Института и Высшей школы по согласованию с заместителем Премьер-министра. 2. Условия оказания медицинского обслуживания Директоры Приравниваются к заведующему секретариатом заместителя Премьер-министра. Заместители директоров Приравниваются к заместителю заведующего секретариатом заместителя Премьер-министра. Советники директора, руководители проектов, начальники отделов и центра, заведующие кафедрами, профессора-преподаватели Приравниваются к главному специалисту секретариата заместителя Премьер-министра. 3. Начисление заработной платы работникам Работники Осуществляется путем применения коэффициента тарифа оплаты труда по Единой тарифной сетке, определенной для министерств, с повышением в 2 раза. При этом применяется относительно разрядов, предусмотренных для: Директоры заместителя министра; Первый заместитель и заместители директоров начальника департамента и заместителя начальника департамента министерств соответственно; Советники директора, руководители проектов и центра, заведующие кафедрами начальника управления министерств; Начальники отделов начальника отдела министерств; Профессора-преподаватели заместителя начальника отдела министерств; Главные и ведущие специалисты главного и ведущего специалистов министерств соответственно. 4. Ежемесячная надбавка за выслугу лет (в коэффициентах относительно должностного оклада с учетом коэффициента стимулирования труда) Все работники За счет средств Государственного бюджета в следующих размерах: от 1 года до 3 лет — 0,3; от 3 лет до 5 лет — 0,6; от 5 лет до 10 лет — 0,8; от 10 лет до 15 лет — 1,0; от 15 лет до 20 лет — 1,2; от 20 лет и более — 1,5. Стаж работы, дающий право на получение ежемесячной надбавки за выслугу лет, определяется Институтом и Высшей школой в установленном порядке.
Президент Республики Узбекистан Ш. МИРЗИЁЕВ
г. Ташкент,
4 апреля 2023 г.,
№ ПП-108