📅 2023-yil 4-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 апреля 2023 г. · Постановления Президента
Официальный текст. Официальный документ. Редакционные примечания не включены.
📅 4 April 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
Аҳолини сифатли истеъмол товарлари билан таъминлашга қаратилган қўшимча чора-тадбирлар тўғрисида
Истеъмолчилар ҳуқуқлари ҳимоя қилинишини таъминлаш, сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйиш, аҳолини сифатли истеъмол товарлари билан таъминлаш мақсадида:
1. Бош прокуратура, Ички ишлар вазирлиги ва Адлия вазирлигининг қуйидагиларни назарда тутувчи таклифлари маъқуллансин:
истеъмолчиларнинг ҳаёти ёки соғлиғи хавфсизлиги талабларига жавоб бермайдиган маҳсулотларнинг ноқонуний муомаласи билан боғлиқ қилмиш учун жавобгарликни кучайтириш;
этил спирти, алкоголь ва тамаки маҳсулотларининг ноқонуний муомаласи билан боғлиқ қилмиш учун жавобгарликни ижтимоий хавфлилик даражасидан келиб чиқиб ўрнатиш;
санитария қонунчилиги ва ветеринария, ветеринария-санитария қоидаларини бузганлик учун белгиланган маъмурий жавобгарликни кучайтириш;
ўзганинг товар белгисидан, хизмат кўрсатиш белгисидан, географик кўрсаткичидан, товар келиб чиққан жой номидан, адаштириб юбориш даражасида улар билан ўхшаш бўлган белгидан ёки фирма номидан қонунга хилоф равишда фойдаланганлик учун жавобгарликни кучайтириш;
белгиланган талаблар ва шартларнинг қўпол равишда бузилиши оқибатида лицензияси бекор қилинган ёки хабардор қилиш тартибида фаолиятни (ҳаракатларни) амалга ошириши тугатилган тадбиркорлик субъектларига 1-иловага мувофиқ фаолият турлари билан шуғулланишига қўйиладиган чекловларни белгилаш.
Бош прокуратура Олий суд, Ички ишлар вазирлиги, Адлия вазирлиги ва бошқа манфаатдор идоралар билан биргаликда уч ой муддатда мазкур бандда назарда тутилган масалалар юзасидан тегишли қонун лойиҳасини Ўзбекистон Республикаси Олий Мажлиси Қонунчилик палатасига киритсин.
2. Истеъмолчилар ҳуқуқлари ҳимоя қилинишини таъминлаш, сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйишда жамоатчилик назоратини кучайтиришнинг қуйидаги тартиби жорий этилсин:
2-иловага мувофиқ мурожаатлар ягона ахборот тизими орқали қабул қилинади ва улар ваколатли органлар томонидан қисқа муддатларда кўриб чиқилади;
ҳуқуқбузарликлар ҳақида хабар берган шахслар рағбатлантирилади;
мусодара қилинган хавфсизлик талабларига жавоб бермайдиган озиқ-овқат ҳамда алкоголь ва тамаки маҳсулотлари жамоатчилик вакиллари ва оммавий ахборот воситалари иштирокида йўқ қилинади.
Вазирлар Маҳкамаси бир ҳафта муддатда 2-иловада кўрсатилган мурожаатларни ягона ахборот тизими орқали қабул қилиш, кўриб чиқиш ҳамда ҳуқуқбузарликлар ҳақида хабар берган шахсларни рағбатлантириш тартибини тасдиқласин.
3. Белгилансинки:
2023 йил 1 июлдан бошлаб кўпикланадиган ва табиий вино маҳсулотлари акциз маркалари билан маркаланмайди;
2023 йил 1 августдан бошлаб алкоголь маҳсулотларининг товар белгилари белгиланган тартибда Адлия вазирлиги томонидан рўйхатга олинганлиги тўғрисидаги гувоҳноманинг мавжудлиги алкоголь маҳсулотлари ишлаб чиқариш учун лицензия талаби ҳисобланади;
2023 йил 1 сентябрдан бошлаб тамаки маҳсулотининг улгуржи ва чакана савдоси, пиво маҳсулотининг улгуржи савдоси хабардор қилиш тартибида амалга оширилади, бундан алкоголь маҳсулотларининг улгуржи ва чакана савдоси бўйича лицензия ёки хабарномага эга бўлган субъектлар мустасно;
бириктирилган ҳудудда контрафакт ва истеъмолга яроқсиз маҳсулотларни ишлаб чиқариш билан боғлиқ ҳолатларнинг содир этилиши ички ишлар органларининг профилактика инспекторлари фаолиятини баҳолаш мезонларидан бири ҳисобланади.
4. Шундай тартиб ўрнатилсинки, унга мувофиқ:
биржа савдоларида харид қилинган истеъмол ва техник этил спиртининг ўз эҳтиёжидан ортган қисмини реализация қилиш фақат биржа савдолари орқали амалга оширилади;
йил давомида биржа савдолари орқали харид қилинган истеъмол ва техник этил спирти миқдори тадбиркорлик субъектларининг йиллик ишлаб чиқариш қуввати учун истеъмол ва техник этил спиртининг талабига нисбатан 110 фоиздан ошганда, Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси тегишли ваколатли органлар билан биргаликда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни хабардор қилган ҳолда ушбу тадбиркорлик субъектлари томонидан истеъмол ва техник этил спиртидан мақсадли фойдаланилишини жойига чиққан ҳолда ўрганади.
5. Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси тадбиркорлик субъектларнинг йиллик ишлаб чиқариш қуввати учун истеъмол ва техник этил спиртининг талаби ҳамда биржа савдолари орқали харид қилинган истеъмол ва техник этил спирти миқдорининг ҳисобини юритиб борсин.
6. Солиқ қўмитаси Инвестициялар, саноат ва савдо вазирлиги билан биргаликда:
«Asl belgisi» маҳсулотларни маркировкалаш ва кузатиб бориш миллий ахборот тизимини «Электрон ҳукумат» тизимининг Рақамли маълумотлар платформаси билан интеграция қилиш ҳамда ундаги маълумотлардан ҳуқуқни муҳофаза қилувчи ва ваколатли давлат органлари томонидан фойдаланиш имконини яратиш чораларини кўрсин;
лицензия (хабардорлик) талаблари ва шартларини бажармаган тадбиркорлик субъектларига белгиланган тартибда чоралар кўрсин ва ҳар чоракда натижасини оммавий ахборот воситалари орқали жамоатчиликка эълон қилиб борсин;
2023 йил 1 июнга қадар алкоголь ва тамаки маҳсулотлари акциз маркаларининг янги намунасини жорий этиш чораларини кўрсин;
икки ой муддатда лицензия, рухсат бериш ҳужжати ёки хабардорлик фаолияти (ҳаракати) тўхтатилган, бекор қилинган (тугатилган) тадбиркорлик субъектларининг хатланмаган ишлаб чиқариш хомашёлари ва реализация қилинадиган маҳсулотларини сотиш тартибини назарда тутувчи қарор лойиҳасини ишлаб чиқиб, Вазирлар Маҳкамасига киритсин.
7. Адлия вазирлиги контрафакт товарлар муомаласига барҳам бериш мақсадида уч ой муддатда интеллектуал мулк объектларига бўлган ҳуқуқларни бузиш билан боғлиқ ҳуқуқбузарликлар бўйича назорат харидини амалга ошириш тартибини ишлаб чиқиб, Вазирлар Маҳкамасига киритсин.
8. Бош прокуратура бир ой муддатда истеъмолчилар ҳуқуқлари ҳимоя қилинишини таъминлаш, сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйишга қаратилган тезкор-қидирув тадбирларини амалга ошириш билан боғлиқ текширувларни ўтказиш тартибини такомиллаштириш бўйича тегишли таклифларни Ўзбекистон Республикаси Президенти Администрациясига киритсин.
9. Ўзбекистон Миллий телерадиокомпанияси ва Ўзбекистон Миллий ахборот агентлигига:
Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Соғлиқни сақлаш вазирлиги ҳамда Инвестициялар, саноат ва савдо вазирлиги билан биргаликда сифатсиз ва қалбаки товарларнинг истеъмолга яроқли товарлардан фарқи ва уларнинг инсон соғлиғига салбий таъсирини ёритиб боришга алоҳида эътибор қаратган ҳолда, «Сифат назорати» телекўрсатувини такомиллаштириш;
сифат назоратини амалга оширувчи ташаббускор жамоатчилик вакиллари томонидан тасвирга олинган видеолавҳаларни барча телеканаллар орқали намойиш этиш тавсия этилсин.
10. Ўзбекистон Республикаси Президентининг 2021 йил 17 мартдаги «Юқори ликвидли ва монопол товарларни сотиш жараёнларига бозор механизмларини жорий этишни давом эттириш чора-тадбирлари тўғрисида»ги ПҚ-5031-сон қарори 1-бандининг «а» кичик банди учинчи хатбошиси қуйидаги таҳрирда баён этилсин:
«истеъмол этил спирти — ташкилий-ҳуқуқий шаклидан қатъи назар, тегишли лицензия (рухсат этиш, хабарнома ҳужжати) ва сериялаб ишлаб чиқариладиган маҳсулот учун берилган мувофиқлик сертификатига эга бўлган ишлаб чиқарувчиларга, шунингдек, фақат ўз эҳтиёжлари учун охирги истеъмолчи сифатида фойдаланиш мақсадида давлат органлари ва ташкилотларига;».
11. Иқтисодиёт ва молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ва шахсий жавобгар этиб иқтисодиёт ва молия вазири Ш.Д. Кудбиев ҳамда инвестициялар, саноат ва савдо вазири Л.Ш. Қудратов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 4 апрелдаги ПҚ-110-сон қарорига 1-ИЛОВА
Лицензиялаш ва хабардор қилиш тартиб-таомиллари доирасида қўшимча талаблар ўрнатилаётган фаолият йўналишлари
I. Амалга оширилиши учун лицензия олиш талаб қилинадиган фаолият турлари:
1. Истеъмол ва техник этил спирти, алкоголь маҳсулотлари ишлаб чиқариш.
2. Алкоголь маҳсулотларининг улгуржи савдоси.
3. Тамаки маҳсулотлари ишлаб чиқариш.
4. Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолият.
5. Дори воситалари ва тиббий буюмларни чакана реализация қилиш (бундан офтальмология тиббий буюмларини чакана реализация қилиш мустасно).
II. Ваколатли органларни хабардор қилиш тартибида амалга ошириладиган фаолият турлари:
6. Пиво ва пиво ичимликлари ишлаб чиқариш.
7. Алкоголь маҳсулотлари билан чакана савдо қилиш.
8. Умумий овқатланиш корхоналари томонидан алкоголь маҳсулотларини сотиш.
9. Тамаки маҳсулотлари билан улгуржи ва чакана савдо қилиш.
10. Пиво маҳсулотлари билан улгуржи савдо қилиш.
Ўзбекистон Республикаси Президентининг 2023 йил 4 апрелдаги ПҚ-110-сон қарорига 2-ИЛОВА
Сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйиш бўйича мурожаатлар ягона ахборот тизими орқали юбориладиган фаолият турларининг
1. Адлия вазирлиги товар ишлаб чиқарувчининг номидан ёки товар белгисидан (шунга ўхшатиб) ёхуд товар келиб чиққан жой номидан фойдаланиб, маҳсулот ишлаб чиқариш ёки ўтказиш; муаллифлик ва турдош ҳуқуқларни бузиш; ихтирога, фойдали моделга ва саноат намунасига бўлган ҳуқуқларни бузиш; 2. Санитария-эпидемиологик осойишталик ва жамоат саломатлиги қўмитаси озиқ-овқат маҳсулотини ишлаб чиқариш, тайёрлаш, сақлаш ва реализация қилиш жойларида ҳашарот ва кемирувчиларнинг мавжудлиги; озиқ-овқат маҳсулотини ушбу мақсадга мўлжалланмаган жойда тайёрлаш, сақлаш ва сотиш; сифати бузилган озиқ-овқат маҳсулотини сотиш; озиқ-овқат тайёрлаш ва сотиш жойининг санитария ҳолати ўта қониқарсиз ҳолатдалиги; 3. Рақобатни ривожлантириш ва истеъмолчилар ҳуқуқларини ҳимоя қилиш қўмитаси савдо объекти томонидан сотувга қўйилган товарга нархнома қўйилмаганлиги; сотувга қўйилган товарнинг нархи касса чекидаги нархдан фарқ қилиши; яроқлилик муддати ўтган товарларни сотиш; дори воситалари ва тиббиёт буюмларини белгиланган нархдан юқори устама қўйган ҳолда сотиш; ишлаб чиқарилган санаси ва яроқлилик муддати кўрсатилиши шарт бўлган товарларни бундай талабларга риоя этмасдан сотиш; 4. Ички ишлар вазирлиги сифатсиз ёки контрафакт дори воситасилари ва тиббий буюмларни сотиш; қалбаки, сертификати бўлмаган ва давлат рўйхатидан ўтказилмаган дори воситалари ва тиббий буюмларни сотиш; рецепт билан бериладиган дори воситалари ва тиббий буюмларни рецептсиз сотиш; 5. Солиқ қўмитаси қалбаки акциз маркали ёки акциз маркаси мавжуд бўлмаган алкоголь ва тамаки маҳсулотларини сотиш; мажбурий рақамли маркировка коди бўлмаган алкоголь ва тамаки маҳсулотини сотиш; рухсати бўлмаган ҳолда алкоголь ва тамаки маҳсулотини сотиш; сифатсиз спирт ва алкоголь маҳсулотини сотиш; 6. Ветеринария ва чорвачиликни ривожлантириш қўмитаси истеъмолга яроқсиз гўшт ва гўшт маҳсулотлари ҳамда сут ва сут маҳсулотларини ишлаб чиқариш ёки сотиш; гўшт ва гўшт маҳсулотлари ҳамда сут ва сут маҳсулотларини ветеринария экспертизасидан ўтказмасдан реализация қилиш; гўшт ва гўшт маҳсулотлари ҳамда сут ва сут маҳсулотларини белгиланмаган жойларда сотиш; гўшт ва гўшт маҳсулотларини белгиланмаган транспорт воситаларида ташиш.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 4 апрель,
ПҚ-110-сон
Oʻzbekiston Respublikasi Prezidentining
Qarori
ROʻYXATI
ROʻYXATI
Aholini sifatli isteʼmol tovarlari bilan taʼminlashga qaratilgan qoʻshimcha chora-tadbirlar toʻgʻrisida
Isteʼmolchilar huquqlari himoya qilinishini taʼminlash, sertifikatlanmagan, saqlash muddati oʻtib ketgan, kontrafakt va isteʼmolga yaroqsiz tovarlarni ishlab chiqarish holatlari hamda ularning aylanmasiga chek qoʻyish, aholini sifatli isteʼmol tovarlari bilan taʼminlash maqsadida:
1. Bosh prokuratura, Ichki ishlar vazirligi va Adliya vazirligining quyidagilarni nazarda tutuvchi takliflari maʼqullansin:
isteʼmolchilarning hayoti yoki sogʻligʻi xavfsizligi talablariga javob bermaydigan mahsulotlarning noqonuniy muomalasi bilan bogʻliq qilmish uchun javobgarlikni kuchaytirish;
etil spirti, alkogol va tamaki mahsulotlarining noqonuniy muomalasi bilan bogʻliq qilmish uchun javobgarlikni ijtimoiy xavflilik darajasidan kelib chiqib oʻrnatish;
sanitariya qonunchiligi va veterinariya, veterinariya-sanitariya qoidalarini buzganlik uchun belgilangan maʼmuriy javobgarlikni kuchaytirish;
oʻzganing tovar belgisidan, xizmat koʻrsatish belgisidan, geografik koʻrsatkichidan, tovar kelib chiqqan joy nomidan, adashtirib yuborish darajasida ular bilan oʻxshash boʻlgan belgidan yoki firma nomidan qonunga xilof ravishda foydalanganlik uchun javobgarlikni kuchaytirish;
belgilangan talablar va shartlarning qoʻpol ravishda buzilishi oqibatida litsenziyasi bekor qilingan yoki xabardor qilish tartibida faoliyatni (harakatlarni) amalga oshirishi tugatilgan tadbirkorlik subyektlariga 1-ilovaga muvofiq faoliyat turlari bilan shugʻullanishiga qoʻyiladigan cheklovlarni belgilash.
Bosh prokuratura Oliy sud, Ichki ishlar vazirligi, Adliya vazirligi va boshqa manfaatdor idoralar bilan birgalikda uch oy muddatda mazkur bandda nazarda tutilgan masalalar yuzasidan tegishli qonun loyihasini Oʻzbekiston Respublikasi Oliy Majlisi Qonunchilik palatasiga kiritsin.
2. Isteʼmolchilar huquqlari himoya qilinishini taʼminlash, sertifikatlanmagan, saqlash muddati oʻtib ketgan, kontrafakt va isteʼmolga yaroqsiz tovarlarni ishlab chiqarish holatlari hamda ularning aylanmasiga chek qoʻyishda jamoatchilik nazoratini kuchaytirishning quyidagi tartibi joriy etilsin:
2-ilovaga muvofiq murojaatlar yagona axborot tizimi orqali qabul qilinadi va ular vakolatli organlar tomonidan qisqa muddatlarda koʻrib chiqiladi;
huquqbuzarliklar haqida xabar bergan shaxslar ragʻbatlantiriladi;
musodara qilingan xavfsizlik talablariga javob bermaydigan oziq-ovqat hamda alkogol va tamaki mahsulotlari jamoatchilik vakillari va ommaviy axborot vositalari ishtirokida yoʻq qilinadi.
Vazirlar Mahkamasi bir hafta muddatda 2-ilovada koʻrsatilgan murojaatlarni yagona axborot tizimi orqali qabul qilish, koʻrib chiqish hamda huquqbuzarliklar haqida xabar bergan shaxslarni ragʻbatlantirish tartibini tasdiqlasin.
3. Belgilansinki:
2023-yil 1-iyuldan boshlab koʻpiklanadigan va tabiiy vino mahsulotlari aksiz markalari bilan markalanmaydi;
2023-yil 1-avgustdan boshlab alkogol mahsulotlarining tovar belgilari belgilangan tartibda Adliya vazirligi tomonidan roʻyxatga olinganligi toʻgʻrisidagi guvohnomaning mavjudligi alkogol mahsulotlari ishlab chiqarish uchun litsenziya talabi hisoblanadi;
2023-yil 1-sentabrdan boshlab tamaki mahsulotining ulgurji va chakana savdosi, pivo mahsulotining ulgurji savdosi xabardor qilish tartibida amalga oshiriladi, bundan alkogol mahsulotlarining ulgurji va chakana savdosi boʻyicha litsenziya yoki xabarnomaga ega boʻlgan subyektlar mustasno;
biriktirilgan hududda kontrafakt va isteʼmolga yaroqsiz mahsulotlarni ishlab chiqarish bilan bogʻliq holatlarning sodir etilishi ichki ishlar organlarining profilaktika inspektorlari faoliyatini baholash mezonlaridan biri hisoblanadi.
4. Shunday tartib oʻrnatilsinki, unga muvofiq:
birja savdolarida xarid qilingan isteʼmol va texnik etil spirtining oʻz ehtiyojidan ortgan qismini realizatsiya qilish faqat birja savdolari orqali amalga oshiriladi;
yil davomida birja savdolari orqali xarid qilingan isteʼmol va texnik etil spirti miqdori tadbirkorlik subyektlarining yillik ishlab chiqarish quvvati uchun isteʼmol va texnik etil spirtining talabiga nisbatan 110 foizdan oshganda, Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi tegishli vakolatli organlar bilan birgalikda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor qilgan holda ushbu tadbirkorlik subyektlari tomonidan isteʼmol va texnik etil spirtidan maqsadli foydalanilishini joyiga chiqqan holda oʻrganadi.
5. Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi tadbirkorlik subyektlarning yillik ishlab chiqarish quvvati uchun isteʼmol va texnik etil spirtining talabi hamda birja savdolari orqali xarid qilingan isteʼmol va texnik etil spirti miqdorining hisobini yuritib borsin.
6. Soliq qoʻmitasi Investitsiyalar, sanoat va savdo vazirligi bilan birgalikda:
“Asl belgisi” mahsulotlarni markirovkalash va kuzatib borish milliy axborot tizimini “Elektron hukumat” tizimining Raqamli maʼlumotlar platformasi bilan integratsiya qilish hamda undagi maʼlumotlardan huquqni muhofaza qiluvchi va vakolatli davlat organlari tomonidan foydalanish imkonini yaratish choralarini koʻrsin;
litsenziya (xabardorlik) talablari va shartlarini bajarmagan tadbirkorlik subyektlariga belgilangan tartibda choralar koʻrsin va har chorakda natijasini ommaviy axborot vositalari orqali jamoatchilikka eʼlon qilib borsin;
2023-yil 1-iyunga qadar alkogol va tamaki mahsulotlari aksiz markalarining yangi namunasini joriy etish choralarini koʻrsin;
ikki oy muddatda litsenziya, ruxsat berish hujjati yoki xabardorlik faoliyati (harakati) toʻxtatilgan, bekor qilingan (tugatilgan) tadbirkorlik subyektlarining xatlanmagan ishlab chiqarish xomashyolari va realizatsiya qilinadigan mahsulotlarini sotish tartibini nazarda tutuvchi qaror loyihasini ishlab chiqib, Vazirlar Mahkamasiga kiritsin.
7. Adliya vazirligi kontrafakt tovarlar muomalasiga barham berish maqsadida uch oy muddatda intellektual mulk obyektlariga boʻlgan huquqlarni buzish bilan bogʻliq huquqbuzarliklar boʻyicha nazorat xaridini amalga oshirish tartibini ishlab chiqib, Vazirlar Mahkamasiga kiritsin.
8. Bosh prokuratura bir oy muddatda isteʼmolchilar huquqlari himoya qilinishini taʼminlash, sertifikatlanmagan, saqlash muddati oʻtib ketgan, kontrafakt va isteʼmolga yaroqsiz tovarlarni ishlab chiqarish holatlari hamda ularning aylanmasiga chek qoʻyishga qaratilgan tezkor-qidiruv tadbirlarini amalga oshirish bilan bogʻliq tekshiruvlarni oʻtkazish tartibini takomillashtirish boʻyicha tegishli takliflarni Oʻzbekiston Respublikasi Prezidenti Administratsiyasiga kiritsin.
9. Oʻzbekiston Milliy teleradiokompaniyasi va Oʻzbekiston Milliy axborot agentligiga:
Raqobatni rivojlantirish va isteʼmolchilar huquqlarini himoya qilish qoʻmitasi, Sogʻliqni saqlash vazirligi hamda Investitsiyalar, sanoat va savdo vazirligi bilan birgalikda sifatsiz va qalbaki tovarlarning isteʼmolga yaroqli tovarlardan farqi va ularning inson sogʻligʻiga salbiy taʼsirini yoritib borishga alohida eʼtibor qaratgan holda, “Sifat nazorati” telekoʻrsatuvini takomillashtirish;
sifat nazoratini amalga oshiruvchi tashabbuskor jamoatchilik vakillari tomonidan tasvirga olingan videolavhalarni barcha telekanallar orqali namoyish etish tavsiya etilsin.
10. Oʻzbekiston Respublikasi Prezidentining 2021-yil 17-martdagi “Yuqori likvidli va monopol tovarlarni sotish jarayonlariga bozor mexanizmlarini joriy etishni davom ettirish chora-tadbirlari toʻgʻrisida”gi PQ-5031-son qarori 1-bandining “a” kichik bandi uchinchi xatboshisi quyidagi tahrirda bayon etilsin:
“isteʼmol etil spirti — tashkiliy-huquqiy shaklidan qatʼi nazar, tegishli litsenziya (ruxsat etish, xabarnoma hujjati) va seriyalab ishlab chiqariladigan mahsulot uchun berilgan muvofiqlik sertifikatiga ega boʻlgan ishlab chiqaruvchilarga, shuningdek, faqat oʻz ehtiyojlari uchun oxirgi isteʼmolchi sifatida foydalanish maqsadida davlat organlari va tashkilotlariga;”.
11. Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul va shaxsiy javobgar etib iqtisodiyot va moliya vaziri Sh.D. Kudbiyev hamda investitsiyalar, sanoat va savdo vaziri L.Sh. Qudratov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 4-apreldagi PQ-110-son qaroriga 1-ILOVA
Litsenziyalash va xabardor qilish tartib-taomillari doirasida qoʻshimcha talablar oʻrnatilayotgan faoliyat yoʻnalishlari
I. Amalga oshirilishi uchun litsenziya olish talab qilinadigan faoliyat turlari:
1. Isteʼmol va texnik etil spirti, alkogol mahsulotlari ishlab chiqarish.
2. Alkogol mahsulotlarining ulgurji savdosi.
3. Tamaki mahsulotlari ishlab chiqarish.
4. Giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyat.
5. Dori vositalari va tibbiy buyumlarni chakana realizatsiya qilish (bundan oftalmologiya tibbiy buyumlarini chakana realizatsiya qilish mustasno).
II. Vakolatli organlarni xabardor qilish tartibida amalga oshiriladigan faoliyat turlari:
6. Pivo va pivo ichimliklari ishlab chiqarish.
7. Alkogol mahsulotlari bilan chakana savdo qilish.
8. Umumiy ovqatlanish korxonalari tomonidan alkogol mahsulotlarini sotish.
9. Tamaki mahsulotlari bilan ulgurji va chakana savdo qilish.
10. Pivo mahsulotlari bilan ulgurji savdo qilish.
Oʻzbekiston Respublikasi Prezidentining 2023-yil 4-apreldagi PQ-110-son qaroriga 2-ILOVA
Sertifikatlanmagan, saqlash muddati oʻtib ketgan, kontrafakt va isteʼmolga yaroqsiz tovarlarni ishlab chiqarish holatlari hamda ularning aylanmasiga chek qoʻyish boʻyicha murojaatlar yagona axborot tizimi orqali yuboriladigan faoliyat turlarining
1. Adliya vazirligi tovar ishlab chiqaruvchining nomidan yoki tovar belgisidan (shunga oʻxshatib) yoxud tovar kelib chiqqan joy nomidan foydalanib, mahsulot ishlab chiqarish yoki oʻtkazish; mualliflik va turdosh huquqlarni buzish; ixtiroga, foydali modelga va sanoat namunasiga boʻlgan huquqlarni buzish; 2. Sanitariya-epidemiologik osoyishtalik va jamoat salomatligi qoʻmitasi oziq-ovqat mahsulotini ishlab chiqarish, tayyorlash, saqlash va realizatsiya qilish joylarida hasharot va kemiruvchilarning mavjudligi; oziq-ovqat mahsulotini ushbu maqsadga moʻljallanmagan joyda tayyorlash, saqlash va sotish; sifati buzilgan oziq-ovqat mahsulotini sotish; oziq-ovqat tayyorlash va sotish joyining sanitariya holati oʻta qoniqarsiz holatdaligi; 3. Raqobatni rivojlantirish va isteʼmolchilar huquqlarini himoya qilish qoʻmitasi savdo obyekti tomonidan sotuvga qoʻyilgan tovarga narxnoma qoʻyilmaganligi; sotuvga qoʻyilgan tovarning narxi kassa chekidagi narxdan farq qilishi; yaroqlilik muddati oʻtgan tovarlarni sotish; dori vositalari va tibbiyot buyumlarini belgilangan narxdan yuqori ustama qoʻygan holda sotish; ishlab chiqarilgan sanasi va yaroqlilik muddati koʻrsatilishi shart boʻlgan tovarlarni bunday talablarga rioya etmasdan sotish; 4. Ichki ishlar vazirligi sifatsiz yoki kontrafakt dori vositasilari va tibbiy buyumlarni sotish; qalbaki, sertifikati boʻlmagan va davlat roʻyxatidan oʻtkazilmagan dori vositalari va tibbiy buyumlarni sotish; retsept bilan beriladigan dori vositalari va tibbiy buyumlarni retseptsiz sotish; 5. Soliq qoʻmitasi qalbaki aksiz markali yoki aksiz markasi mavjud boʻlmagan alkogol va tamaki mahsulotlarini sotish; majburiy raqamli markirovka kodi boʻlmagan alkogol va tamaki mahsulotini sotish; ruxsati boʻlmagan holda alkogol va tamaki mahsulotini sotish; sifatsiz spirt va alkogol mahsulotini sotish; 6. Veterinariya va chorvachilikni rivojlantirish qoʻmitasi isteʼmolga yaroqsiz goʻsht va goʻsht mahsulotlari hamda sut va sut mahsulotlarini ishlab chiqarish yoki sotish; goʻsht va goʻsht mahsulotlari hamda sut va sut mahsulotlarini veterinariya ekspertizasidan oʻtkazmasdan realizatsiya qilish; goʻsht va goʻsht mahsulotlari hamda sut va sut mahsulotlarini belgilanmagan joylarda sotish; goʻsht va goʻsht mahsulotlarini belgilanmagan transport vositalarida tashish.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 4-aprel,
PQ-110-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О дополнительных мерах, направленных на обеспечение населения качественными потребительскими товарами
В целях обеспечения защиты прав потребителей, пресечения фактов производства и оборота несертифицированных, контрафактных, с истекшим сроком хранения и непригодных к употреблению товаров, обеспечения населения качественными потребительскими товарами:
1. Одобрить предложения Генеральной прокуратуры, Министерства внутренних дел и Министерства юстиции, предусматривающие:
усиление ответственности за деяние, связанное с незаконным оборотом товаров, не отвечающих требованиям безопасности жизни или здоровья потребителей;
установление ответственности за деяние, связанное с незаконным оборотом этилового спирта, алкогольной и табачной продукции, исходя из уровня общественной опасности;
усиление административной ответственности за нарушение санитарного законодательства и ветеринарных, ветеринарно-санитарных правил;
усиление ответственности за незаконное использование чужого товарного знака, знака обслуживания, географического указания, наименования места происхождения товара, знака, сходного с ним до степени смешения обозначений, или использования чужого фирменного наименования;
установление субъектам предпринимательства, у которых аннулирована лицензия или прекращено осуществление деятельности (действий) в уведомительном порядке в связи с грубым нарушением установленных требований и условий, ограничений на занятие видами деятельности согласно приложению № 1 .
Генеральной прокуратуре совместно с Верховным судом, Министерством внутренних дел, Министерством юстиции и другими заинтересованными ведомствами в трехмесячный срок внести в Законодательную палату Олий Мажлиса Республики Узбекистан соответствующий проект закона по вопросам, предусмотренным в настоящем пункте.
2. Внедрить следующий порядок усиления общественного контроля в обеспечении защиты прав потребителей, пресечении фактов производства и оборота несертифицированных, контрафактных, с истекшим сроком хранения и непригодных к употреблению товаров:
обращения принимаются посредством Единой информационной системы и рассматриваются компетентными органами в короткие сроки согласно приложению № 2 ;
лица, сообщившие о правонарушениях, вознаграждаются;
конфискованная пищевая, алкогольная и табачная продукция, не отвечающая требованиям безопасности, уничтожается в присутствии представителей общественности и средств массовой информации.
Кабинету Министров в недельный срок утвердить порядок принятия и рассмотрения обращений, предусмотренных в приложении № 2 , посредством Единой информационной системы, а также вознаграждения лиц, сообщивших о правонарушениях.
3. Установить, что:
начиная с 1 июля 2023 года не маркируется акцизными марками продукция игристых и натуральных вин;
начиная с 1 августа 2023 года наличие свидетельства о регистрации в установленном порядке товарных знаков алкогольной продукции Министерством юстиции является лицензионным требованием при производстве алкогольной продукции;
начиная с 1 сентября 2023 года оптовая и розничная торговля табачной продукцией, оптовая торговля пивной продукцией осуществляются в порядке уведомления, за исключением субъектов, имеющих лицензию или уведомление на оптовую и розничную торговлю алкогольной продукцией;
совершение на закрепленной территории фактов, связанных с производством контрафактных и непригодных к употреблению товаров, является одним из критериев оценки деятельности инспекторов по профилактике органов внутренних дел.
4. Установить порядок, в соответствии с которым:
реализация превышающей собственные нужды части пищевого и технического этилового спирта, приобретенного на биржевых торгах, осуществляется только через биржевые торги;
в случаях превышения объема пищевого и технического этилового спирта, приобретенного на биржевых торгах в течение года, 110 процентов от потребности в пищевом и техническом этиловом спирте к годовой производственной мощности субъектов предпринимательства, Инспекция по регулированию алкогольного и табачного рынка при Департаменте по борьбе с экономическими преступлениями совместно с соответствующими компетентными органами с уведомлением Уполномоченного при Президенте Республики Узбекистан по защите прав и законных интересов субъектов предпринимательства изучает с выездом на место целевое использование пищевого и технического этилового спирта данными субъектами предпринимательства.
5. Инспекции по регулированию алкогольного и табачного рынка при Департаменте по борьбе с экономическими преступлениями вести учет потребности в пищевом и техническом этиловом спирте на годовую производственную мощность субъектов предпринимательства и объемов пищевого и технического этилового спирта, приобретенного через биржевые торги.
6. Налоговому комитету совместно с Министерством инвестиций, промышленности и торговли:
принять меры по интеграции Национальной информационной системы мониторинга маркировки и отслеживания продукции «Asl belgisi» с Платформой цифровых данных системы «Электронное правительство» и предоставлению возможности правоохранительным и компетентным государственным органам использовать содержащуюся в ней информацию;
принимать меры в установленном порядке к субъектам предпринимательства, не выполнившим требования и условия лицензии (уведомления), и ежеквартально опубликовывать для общественности результаты через средства массовой информации;
до 1 июня 2023 года принять меры по введению новых образцов акцизных марок на алкогольную и табачную продукцию;
в двухмесячный срок разработать и внести в Кабинет Министров проект постановления, предусматривающий порядок продажи не арестованной реализуемой продукции и сырья для производства субъектов предпринимательства, у которых приостановлены, аннулированы (прекращены) лицензии, разрешительные документы или уведомительная деятельность (действия).
7. Министерству юстиции в целях пресечения оборота контрафактных товаров в трехмесячный срок разработать и внести в Кабинет Министров порядок осуществления контрольных закупок в отношении правонарушений, связанных с нарушением прав на объекты интеллектуальной собственности.
8. Генеральной прокуратуре в месячный срок внести в Администрацию Президента Республики Узбекистан соответствующие предложения по совершенствованию порядка проведения проверок, связанных с осуществлением оперативно-розыскных мероприятий, направленных на обеспечение защиты прав потребителей, пресечение фактов производства и оборота несертифицированных, контрафактных, с истекшим сроком хранения и непригодных к употреблению товаров.
9. Рекомендовать Национальной телерадиокомпании Узбекистана и Национальному информационному агентству Узбекистана:
совместно с Комитетом по развитию конкуренции и защите прав потребителей, Министерством здравоохранения и Министерством инвестиций, промышленности и торговли усовершенствовать телевизионную передачу «Контроль качества» путем обращения особого внимания освещению отличия некачественных и контрафактных товаров от товаров, пригодных для употребления, и их негативного влияния на здоровье человека;
демонстрировать на всех телеканалах видеоролики, записанные представителями инициативной общественности, осуществляющими контроль качества.
10. Абзац третий подпункта «а» пункта 1 постановления Президента Республики Узбекистан от 17 марта 2021 года № ПП-5031 «О мерах по дальнейшему внедрению рыночных механизмов в процессы реализации высоколиквидных и монопольных товаров» изложить в следующей редакции:
«потребительский этиловый спирт — производителям, имеющим соответствующие лицензии (разрешительные, уведомительные документы) и сертификаты соответствия, выданные для серийно производимой продукции, независимо от организационно-правовой формы, а также государственным органам и организациям исключительно для собственных нужд в целях использования в качестве последнего потребителя;».
11. Министерству экономики и финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра экономики и финансов Ш.Д. Кудбиева и министра инвестиций, промышленности и торговли Л.Ш. Кудратова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 4 апреля 2023 года № ПП-110
направлений деятельности, в отношении которых устанавливаются дополнительные требования в пределах лицензирования и уведомительных процедур
I. Виды деятельности, требующие получения лицензии на их осуществление:
1. Производство пищевого и технического этилового спирта, алкогольной продукции.
2. Оптовая торговля алкогольной продукцией.
3. Производство табачной продукции.
4. Деятельность, связанная с оборотом наркотических средств, психотропных веществ и прекурсоров.
5. Розничная реализация лекарственных средств и изделий медицинского назначения (за исключением розничной реализации офтальмологических медицинских изделий).
II. Виды деятельности, осуществляемые в порядке уведомления уполномоченных органов:
6. Производство пива и пивных напитков.
7. Розничная торговля алкогольной продукцией.
8. Реализация алкогольной продукции предприятиями общественного питания.
9. Оптовая и розничная торговля табачной продукцией.
10. Оптовая торговля пивной продукцией.
ПРИЛОЖЕНИЕ № 2 к постановлению Президента Республики Узбекистан от 4 апреля 2023 года № ПП-110
видов деятельности, по которым направляются обращения через Единую информационную систему для пресечения фактов производства и оборота несертифицированных, контрафактных, с истекшим сроком хранения и непригодных к употреблению товаров
1. Министерство юстиции производство или сбыт товаров с использованием наименования или товарного знака (аналога) товаропроизводителя либо наименования места происхождения товара; нарушение авторского права и смежных прав; нарушение прав на изобретение, полезную модель и промышленный образец; 2. Комитет санитарно-эпидемиологического благополучия и общественного здоровья наличие насекомых и грызунов в местах производства, приготовления, хранения и реализации пищевой продукции; приготовление, хранение и реализация пищевой продукции в непредназначенных для этих целей местах; продажа испорченной пищевой продукции; крайне неудовлетворительное санитарное состояние места для приготовления и реализации пищевой продукции; 3. Комитет по развитию конкуренции и защите прав потребителей невыставление объектами торговли ценников на товарах; отличие цены товара, выставленного на продажу, от цены в кассовом чеке; продажа товаров с истекшим сроком годности; продажа лекарственных средств и медицинских изделий с наценкой выше установленной цены; продажа товаров без соблюдения требований к обязательной маркировке даты изготовления и срока годности; 4. Министерство внутренних дел продажа некачественных или контрафактных лекарственных средств и медицинских изделий; продажа фальсифицированных, несертифицированных и не прошедших государственную регистрацию лекарственных средств и медицинских изделий; продажа без рецепта лекарственных средств и медицинских изделий, отпускаемых по рецепту; 5. Налоговый комитет продажа алкогольной и табачной продукции с поддельной акцизной маркой или не имеющей акцизной марки; продажа алкогольной и табачной продукции без кода обязательной цифровой маркировки; продажа алкогольной и табачной продукции без наличия разрешения; продажа некачественной спиртной и алкогольной продукции; 6. Комитет ветеринарии и развития животноводства производство или продажа непригодных к употреблению мяса и мясной продукции, а также молока и молочных продуктов; реализация мяса и мясной продукции, а также молока и молочных продуктов без проведения ветеринарной экспертизы; продажа мяса и мясной продукции, а также молока и молочных продуктов в неустановленных местах; перевозка мяса и мясной продукции не на специализированных транспортных средствах.
Президент Республики Узбекистан Ш. МИРЗИЁЕВ
г. Ташкент,
4 апреля 2023 г.,
№ ПП-110