UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ЖУРНАЛИ

НИЗОМ

СХЕМАСИ

НИЗОМ

СХЕМАСИ

СХЕМАСИ

Ўзбекистон Республикаси Ҳуқуқни муҳофаза қилиш академиясида олий таълим ва олий таълимдан кейинги таълимга қабул қилиш ва ўқитиш тартибини белгилаш чора-тадбирлари тўғрисида

Ўзбекистон Республикаси Президентининг «Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида» 2022 йил 28 ноябрдаги ПФ-257-сон Фармони ижросини таъминлаш, шунингдек Ўзбекистон Республикаси Ҳуқуқни муҳофаза қилиш академиясида олий таълим ва олий таълимдан кейинги таълимга қабул қилиш ва ўқитиш тартибини белгилаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида» 2022 йил 28 ноябрдаги ПФ-257-сон Фармони 15-банди учинчи хатбошисида очиқ, ҳар томонлама ва холис танлов мезон ва механизмларини қамраб олган Ўзбекистон Республикаси Ҳуқуқни муҳофаза қилиш академиясида олий таълим ҳамда олий таълимдан кейинги таълимга қабул қилиш ва ўқитишнинг алоҳида тартибини назарда тутувчи Ҳукумат қарори лойиҳасини Вазирлар Маҳкамасига киритиш белгиланганлиги маълумот учун қабул қилинсин.

2. Қуйидагилар:

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низом 1-иловага мувофиқ;

Ўзбекистон Республикаси Ҳуқуқни муҳофаза қилиш академияси магистратурасига ўқишга қабул қилиш ва ўқитишни ташкил этиш тартиби тўғрисидаги низом 2-иловага мувофиқ;

Ўзбекистон Республикаси Ҳуқуқни муҳофаза қилиш академиясида олий таълимдан кейинги таълимга қабул қилиш ва ўқитишни ташкил этиш тартиби тўғрисидаги низом 3-иловага мувофиқ тасдиқлансин.

3. Мудофаа вазирлиги Ўзбекистон Республикаси Ҳуқуқни муҳофаза қилиш академиясининг (кейинги ўринларда — Академия) «тергов фаолияти» таълим йўналиши бўйича бакалавриат босқичи талабаларини вазирликнинг куч ва воситаларидан фойдаланган ҳолда, Ўзбекистон Миллий университети Ҳарбий тайёргарлик ўқув марказида бепул ҳарбий тайёргарликдан ўтишини таъминласин.

4. Академия суриштирув ва тергов фаолиятини амалга ошириш ваколатига эга давлат органлари билан биргаликда ўз расмий веб-сайтлари, ижтимоий тармоқларидаги саҳифалари ва оммавий ахборот воситалари орқали Академиянинг «тергов фаолияти» бакалавриат таълим йўналишига номзодларни танлаш ва ўқишга қабул қилиш учун танлов ҳар йили 1 февралга қадар, 2023/2024 ўқув йили учун, истисно тариқасида, 2023 йил 15 апрелга қадар эълон қилинишини таъминласин.

5. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.

6. Манфаатдор вазирлик ва идоралар ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси олий таълим, фан ва инновациялар вазири И.Ю. Абдураҳмонов зиммасига юклансин.

Вазирлар Маҳкамасининг 2023 йил 6 апрелдаги 143-сон қарорига 1-ИЛОВА

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Ҳуқуқни муҳофаза қилиш академияси (кейинги ўринларда — Академия) бакалавриатида юридик кадрларни тайёрлаш бўйича ўқишга қабул қилиш ва ўқитишни ташкил этиш тартибини белгилайди.

2. Академияда ўқишга қабул «тергов фаолияти» бакалавриат таълим йўналиши (кейинги ўринларда — «тергов фаолияти» йўналиши) ҳамда юриспруденциянинг бошқа бакалавриат таълим йўналишлари бўйича ташкил этилади.

«Тергов фаолияти» йўналишида ўқув жараёни кундузги таълим шаклида ташкил этилади.

Юриспруденциянинг бошқа бакалавриат таълим йўналишларида ўқув жараёни таълимнинг кундузги, кечки, масофавий ва қонунчилик ҳужжатларида белгиланган бошқа муқобил таълим шаклларида ташкил этилиши мумкин.

3. Ушбу Низомда қуйидаги асосий тушунчалардан фойдаланилади:

Академиянинг Мувофиқлаштириш-васийлик кенгаши (кейинги ўринларда — Васийлик кенгаши) — Академия фаолиятининг устувор масалаларида кўмаклашувчи жамоатчилик бошқаруви органи. Васийлик кенгашига Ўзбекистон Республикаси Бош прокурори (кейинги ўринларда — Бош прокурор) раҳбарлик қилади;

апелляция комиссияси — ёзма имтиҳон ва тест синовлари натижалари бўйича номзодларнинг шикоятларини кўриб чиқиш учун тузиладиган комиссия;

ваколатли давлат органлари — қонунчиликка мувофиқ суриштирув ва тергов фаолиятини амалга ошириш ваколатига эга давлат органлари;

Идоралараро қабул комиссияси (кейинги ўринларда — Қабул комиссияси) — Академия «тергов фаолияти» йўналиши бўйича бакалавриатга ўқишга қабул қилишни сифатли ташкил этиш, шу жумладан талабгорларнинг ҳужжатларини қабул қилиш, танловни ўтказиш ва уларга маслаҳатлар бериш, бошқа ташкилий масалаларни тезкор ҳал этиш учун Бош прокурор буйруғи билан ваколатли давлат органлари вакилларидан 9 нафар аъзолардан иборат таркибда тузиладиган Васийлик кенгашининг ваколатли аъзоси раислик қиладиган комиссия;

номзод — Академияга ўқишга кириш учун белгиланган тартибда рўйхатдан ўтган ҳамда ушбу Низом талаблари асосида танловларда иштирок этаётган Ўзбекистон Республикаси фуқароси;

талаба — Академия бакалавриатига ўқишга қабул қилинган шахс;

тақсимот комиссияси — Академия битирувчиларини ваколатли давлат органларига хизматга тақсимлаш учун тузиладиган комиссия.

4. Академияда кадрларни амалиёт билан узвий боғлиқлигини таъминлаган ҳолда ягона ёндашув асосида тайёрлашга қаратилган узлуксиз ўқитиш тизими йўлга қўйилади.

2-боб. Академия бакалавриатига ўқишга қабул қилиш тартиби

1-§. Умумий қоидалар

5. Академиянинг «тергов фаолияти» йўналиши бўйича кундузги таълим шаклига ўқишга қабул қилиш танлов, тенг ҳуқуқлилик принциплари ва қабул қилишнинг ягона қоидалари асосида қуйидаги босқичларда ташкил этилади:

дастлабки танлов;

махсус психологик танлов;

ёзма имтиҳон;

тест синовлари.

Махсус психологик танлов ва ёзма имтиҳон босқичларида иштирок этмаган номзодлар ҳамда ушбу босқичларда иштирок этиб, «0» балл олган номзодлар танловдан четлаштирилади.

6. Қабул комиссиясининг таркиби, асосий вазифалари ва функциялари, ҳуқуқлари ва мажбуриятлари, шунингдек, унинг фаолиятини ташкил этиш тартиби Васийлик кенгаши томонидан белгиланади.

Қабул комиссияси фаолиятини ташкилий жиҳатдан таъминлаш комиссия масъул котиби томонидан амалга оширилади.

Қабул комиссиясининг масъул котиби Бош прокурор томонидан белгиланади.

7. Қабул комиссияси фаолиятида унинг ярмидан ортиқ аъзолари ҳамда ушбу комиссия раиси иштирок этган тақдирда, ваколатли ҳисобланади.

8. Қабул комиссиясининг раиси:

Қабул комиссиясининг ишини ташкил этади;

кичик комиссиялар таркибини шакллантиради;

кичик комиссиялар фаолиятини мувофиқлаштиради ва назорат қилади.

9. Номзодлар танловининг Академияда ўтказиладиган тадбирларини ўз вақтида ва сифатли ташкил этиш борасида Академияга юклатилган вазифалар ижросини таъминлаш учун Академия бошлиғи ўз ваколати доирасида буйруқ (фармойиш) чиқаради.

10. Академия «тергов фаолияти» йўналишида бакалавриат дастури бўйича таълим олиш муддати уч йилни ташкил этиб, битирувчиларга белгиланган давлат намунасидаги диплом берилади.

11. Академияга қабул қилишда ҳужжат топширган абитуриентларнинг муайян тоифаларига республиканинг бошқа олий таълим муассасаларига кириш учун қонунчилик ҳужжатларида назарда тутилган имтиёзлар татбиқ этилмайди.

12. Академияда ўқитиш давлат грантлари ва тўлов-контракт асосида ташкил этилиб, тўлов-контракт асосида ўқитиш қийматлари ҳар йили Васийлик кенгаши томонидан белгиланади.

Табақалаштирилган тўлов-контракт асосида қабул қилинган талабалар биринчи ўқув йилини муваффақиятли тугатгандан сўнг кейинги ўқув йилидан бошлаб умумий белгиланган тартибда ўқишини давом эттиради.

Табақалаштирилган тўлов-контракт асосида ўқиш истагини билдирган абитуриент Олий таълим, фан ва инновациялар вазирлиги томонидан белгиланган муддатларда тўлов-контракт шартларининг биринчи ўқув йили учун камида 50 фоизини бажарганидан сўнг Академия бошлиғининг буйруғи билан ўқишга қабул қилинади.

13. «Тергов фаолияти» йўналишига умумий ўрта таълим (11-синф негизида) ёки ўрта махсус, касб-ҳунар профессионал таълим маълумотига эга, соғлиғининг ҳолати бўйича ходим ёки ҳарбий хизматчининг хизмат мажбуриятларини бажаришга қодир бўлган Ўзбекистон Республикаси фуқароларидан ўқишга кириш учун ҳужжатлар қабул қилинади.

2-§. Академиянинг «тергов фаолияти» йўналиши бўйича ҳужжатларни қабул қилиш ва дастлабки танловни ўтказиш

14. Академиянинг «тергов фаолияти» йўналишидаги ҳар йилги қабул параметри ваколатли давлат органларининг ҳудудлар кесимидаги эҳтиёжларидан келиб чиққан ҳолда белгиланади.

Ваколатли давлат органлари томонидан ҳудудлар кесимидаги эҳтиёжларидан келиб чиққан ҳолда шакллантирилган таклифлари қабул йилининг 10 январига қадар Академияга тақдим этилади.

Академия ва ваколатли давлат органлари ўзларининг расмий веб-сайтлари, ижтимоий тармоқлардаги саҳифалари ҳамда оммавий ахборот воситалари орқали Академиянинг «тергов фаолияти» бўйича бакалавриатига номзодларни танлаш ва ўқишга қабул қилиш учун танловни қабул йилининг 1 февралига қадар эълон қилади.

Номзодларни танлаш ва ўқишга қабул қилиш танловларни ўтказиш тўғрисида берилган эълонда тегишли ҳужжатлар қабул қилинадиган манзил, ўқишга қабул қилиш шартлари ҳамда танловни ўтказиш билан боғлиқ бошқа маълумотлар акс эттирилади.

15. Академиянинг «тергов фаолияти» йўналиши бўйича бакалавриати қабулига дастлабки танлов:

ҳарбийлаштирилган тузилмалар (Давлат хавфсизлик хизмати, Ички ишлар вазирлиги, Миллий гвардия, Божхона қўмитаси, Ҳарбий прокуратура);

ҳарбийлаштирилмаган ташкилотлар (прокуратура органлари, шу жумладан Иқтисодий жиноятларга қарши курашиш департаменти, Мажбурий ижро бюроси)даги талабларни инобатга олган ҳолда алоҳида тартибда амалга оширилади.

Бунда, номзод ўз ҳужжатларини ҳарбийлаштирилган ёки ҳарбийлаштирилмаган соҳа бўйича топшириши лозим.

16. Номзод қабул йилининг 1 февралидан 1 мартига қадар ҳужжатларни Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик)нинг махсус электрон платформаси орқали онлайн топшириб, рўйхатдан ўтади.

Номзод ушбу банднинг биринчи хатбошисида кўрсатилган муддатларда:

ҳарбийлаштирилган йўналиш бўйича — ҳудудий ички ишлар органларига;

ҳарбийлаштирилмаган йўналиш бўйича — ҳудудий прокуратура органларига тегишли ҳужжатларни тақдим этади.

17. Номзод томонидан қуйидаги ҳужжатлар тақдим қилинади:

шахсини тасдиқловчи ҳужжат (паспорт ёки ID-карта) нусхаси;

туғилганлик ҳақидаги гувоҳномаси нусхаси, туғилганлик ҳақидаги гувоҳнома алмаштирилган ёхуд фамилияси, исми, отасининг исми ва бошқа маълумотлар ўзгартирилган бўлса, бу ҳақда ФҲДЁ органининг маълумотномаси;

яқин қариндошлари паспорти, никоҳ тузилганлиги ҳақидаги гувоҳнома, никоҳдан ажралганлик ҳақидаги гувоҳнома, қариндошларининг ўлими ҳақидаги гувоҳномалар нусхалари;

номзод томонидан қўлда ва компьютерда ёзилган таржимаи ҳол;

анкета (маълумотнома);

ҳарбий хизматга чақирилувчининг қайд этилганлиги тўғрисидаги гувоҳномаси ёки ҳарбий гувоҳномаси (агар мавжуд бўлса) нусхаси;

3х4 сантиметр ўлчамдаги 6 та фотосурат (бош кийимсиз) ҳамда 9х12 сантиметр ўлчамдаги 2 та фотосурат (бош кийимсиз);

номзодлар томонидан ҳужжатларни тақдим этишда шахсни тасдиқловчи ҳужжатлар (паспорт ёки ID-карта), туғилганлик ҳақида гувоҳномалар, ҳарбий хизматга чақирилувчининг қайд этилганлиги тўғрисидаги гувоҳномаси ёки ҳарбий гувоҳномаси шахсан кўрсатилади.

18. Ҳужжатларни қабул қилган ҳудудий ички ишлар органи/ҳудудий прокуратура органи масъул ходими тақдим этилган ҳужжатларнинг аслини текшириб олади. Хизмат ўташ хусусиятидан келиб чиқиб, шунингдек айрим ҳужжатларга аниқлик киритиш мақсадида тегишли муассасалардан қўшимча ҳужжат ёхуд маълумотлар талаб қилиб олиниши мумкин.

19. Академияга ўқишга кириш истагини билдирган номзодлар учун дастлабки танлов ҳудудий ички ишлар органи/ҳудудий прокуратура органи томонидан қабул йилининг 1 мартидан 20 майига қадар ўтказилади.

20. Дастлабки танловнинг мақсади — номзодни тавсифловчи маълумотларнинг улар келгусида ваколатли давлат органларида хизмат қилиши учун мослигини ва уларнинг соғлиғи ҳолатини аниқлашдан иборат.

21. Қуйидагилар дастлабки танловнинг асосий вазифалари ҳисобланади:

номзодга тегишли ҳужжатларни ва уни тавсифловчи маълумотларни тўплаш;

номзод тўғрисидаги турли маълумотларни аниқлаш (оилавий аҳволи ва бошқалар);

номзоднинг соғлиғи жиҳатидан ўқишга яроқлилигини аниқлаш.

22. Дастлабки танлов қуйидаги тадбирларни ўз ичига олади:

ҳарбийлаштирилмаган йўналишлар учун — ҳужжатларни тўплаш ва ўрганиш (махсус ўрганиш);

ҳарбийлаштирилган йўналишлар учун — ҳужжатларни тўплаш ва ўрганиш (махсус ўрганиш) ҳамда тиббий кўрикдан ўтказиш.

23. Ҳужжатларни тўплаш ва ўрганиш натижаларини таҳлил қилиш номзод тўғрисидаги маълумотларни режали жамлаш ва тизимлаштириш усули орқали ўтказилади.

24. Дастлабки танлов босқичида иштирок этадиган номзодларнинг сони чекланмайди.

25. Ҳудудий ички ишлар органлари номзодларни ички ишлар органларида махсус ташкил этиладиган ҳарбий-тиббий комиссиялар томонидан тиббий кўрикдан ўтказилишини таъминлайди.

26. Ҳарбийлаштирилган тузилмалар учун қуйидаги махсус параметрлар талаб этилади:

ёши ўн еттидан кичик ва йигирма бешдан катта бўлмаслиги (муддатли ҳарбий хизмат ва сафарбарлик чақируви резервидаги ҳарбий хизматни ўтаган ёши йигирма олтидан катта бўлмаган);

бўйи баландлиги эркаклар учун — 165 сантиметрдан, аёллар учун — 160 сантиметрдан паст бўлмаслиги;

ҳарбий-тиббий комиссия кўриги натижасига кўра соғлиғининг ҳолати бўйича хизматга яроқли деб топилганлиги.

Ҳарбийлаштирилмаган ташкилотларга ишга қабул қилинадиган номзодларга ушбу банддаги махсус талаблар татбиқ этилмайди.

27. Ҳарбий-тиббий комиссия кўриги натижасига кўра, кейинчалик ҳарбийлаштирилган тузилмаларга ишга қабул қилинадиган номзод соғлиғининг ҳолати бўйича ҳарбийлаштирилган ваколатли давлат органларида хизматга яроқсиз деб топилган тақдирда, бу ҳақда номзодга маълум қилинади ва ушбу номзодни ваколатли давлат органларига қабул қилиш мақсадга мувофиқ эмаслиги тўғрисида хулоса тузилади. Ушбу тоифадаги номзодларнинг алоҳида рўйхати шакллантирилади.

28. Номзодга тегишли ҳужжатларни ўрганиш ва ҳарбий-тиббий комиссия кўриги натижасига кўра номзодлар рўйхати ва йиғмажилдлари ҳудудий ички ишлар органи/ҳудудий прокуратура органи томонидан қабул йилининг 25 майига қадар Академияга тақдим этилади.

29. Рўйхатга ҳарбий-тиббий комиссиянинг хулосаси илова қилинади.

30. Дастлабки танловдан ўтган номзодлар тўғрисидаги маълумотлар Академия расмий веб-сайтида эълон қилинади.

3-§. Академиянинг «тергов фаолияти» йўналиши бўйича махсус психологик танлов

31. Махсус психологик танлов учун тест топшириқлари Агентлик томонидан тузилади ва тест синовлари ўтказилади.

Номзодлар Агентлик томонидан махсус психологик танловни ўтказиш вақти ва жойи ҳақида шахсий кабинети орқали танловдан камида 3 кун олдин хабардор қилинади.

32. Махсус психологик танлов ҳар йили июнь-июль ойларида Агентлик томонидан қуйидаги мезон асосида баҳоланади:

тест топшириқларини бажариш учун 50 та тест саволига 40 дақиқа (жавоблар варақасини тўлдириш билан бирга) вақт берилади. Ҳар бир тўғри жавоб учун 2 балл берилади;

махсус психологик танлов натижалари 0 баллдан 100 баллгача баҳоланади.

33. Психологик танлов ўтказиш жараёни Академия расмий веб-сайтида тўғридан-тўғри намойиш этиб борилади.

4-§. Академиянинг «тергов фаолияти» йўналиши бўйича ёзма имтиҳонни ўтказиш

34. Ёзма имтиҳон ҳар йили июнь-июль ойларида Агентлик томонидан диктант шаклида ўтказилади.

Номзодлар Агентлик томонидан ёзма имтиҳонни ўтказиш вақти ва жойи ҳақида шахсий кабинети орқали имтиҳондан камида 3 кун олдин хабардор қилинади.

35. Ёзма имтиҳонни ўзбек тилида топшираётган номзодларга лотин ёзувига асосланган ўзбек алифбосида ёзиш талаб этилади.

36. Диктант матни 160 — 170 та сўздан иборат бўлади.

Номзодларга диктантнинг аудиоматни бир маротаба эшиттирилади. Аудиоматн тўлиқ эшиттирилгандан кейин номзодлар диктантни ёзишга тайёрланади.

Аудиоматндаги ҳар бир гап 2 маротаба эшиттирилади.

Диктант ёзиш якунлангандан сўнг аудиоматн яна бир маротаба тўлиқ эшиттирилади.

37. Ёзма имтиҳон қуйидаги мезон асосида баҳоланади:

максимал балл 100 баллни ташкил этади;

орфографик (имловий) ёки пунктуацион (тиниш белги) хатоликка йўл қўйилмаган диктант 100 балл билан баҳоланади;

ҳар бир орфографик ёки пунктуацион хатолик учун 4 баллдан айириб ташланади.

38. Қуйидаги ҳолатларда диктантдаги хатоликлар 1 та хато деб ҳисобланади:

айнан бир хил сўздаги орфографик хатоликлар такрорланса;

тиниш белгисини қўллаш билан боғлиқ хатолик айнан такрорланса.

39. Номзод жавоблар варақасини диктант ёзилмаган ҳолда топширса, «0» балл билан баҳоланади.

40. Ёзма имтиҳон ўтказиш жараёни Академия расмий веб-сайтида тўғридан-тўғри намойиш этиб борилади.

5-§. Академиянинг «тергов фаолияти» йўналиши бўйича тест синовларини ўтказиш

41. Академиянинг «тергов фаолияти» йўналиши бўйича тест синовлари, қоида тариқасида, ҳар йили июль-август ойларида ўтказилади.

42. Қабул комиссияси қарорига асосан тест ўтказиш жараёни Академия расмий веб-сайтида тўғридан-тўғри намойиш этиб борилади.

43. Номзодларни ўқишга қабул қилиш ўтказилган махсус психологик танлов, ёзма имтиҳон ва тест синовлари натижалари йиғиндиси асосида Академия томонидан амалга оширилади.

44. Номзод тест синовларини Академияда таълим олиш тилида топширади.

45. Тест синовлари ўтказиладиган фанлар мажмуаси, тест топшириқлари сони ва баҳолаш мезонлари тест синовлари бошланишидан камида 6 ой олдин Бош прокуратуранинг таклифига биноан Олий таълим, фан ва инновациялар вазирлиги томонидан белгиланади.

Бунда, номзодларга Академиянинг «тергов фаолияти» йўналишига ўқишга кириш учун тест синови топшириладиган фанлар мажмуаси ва баҳолаш мезонлари мос бўлган давлат олий таълим муассасаларининг бештагача таълим йўналишлари бўйича танловда иштирок этиш имконияти берилади.

46. Номзод ўқиган чет тилидан қатъи назар, хоҳлаган чет тилидан тест синовларини топшириши мумкин.

Академияга ҳужжат топширган ва Агентлик томонидан берилган чет тилини билиш даражаси тўғрисидаги сертификат (кейинги ўринларда — миллий сертификат) ёки халқаро сертификатнинг қуйидаги даражаларига эга бўлган абитуриентларга ушбу фандан имтиҳонларсиз белгиланган максимал балл берилади:

инглиз тили учун — миллий сертификат ёки International English Language Testing System (IELTS 5,5), Test of English as a Foreign Language (TOEFL IBT 72), Cambridge Assessment English (FCE, CAE) ва Linguaskill халқаро имтиҳон тизимлари бўйича тилни билиш даражалари B2 ва ундан юқори;

немис тили учун — миллий сертификат ёки Goethe-Zertifikat, Deutsches Sprachdiplom (DSD II), TestDaF (TDN3), ECL, халқаро имтиҳон тизимлари бўйича тилни билиш даражалари B2 ва ундан юқори;

француз тили учун — миллий сертификат ёки Diplome dʼEtudes en Langue Française (DELF, DALF), Test de Connaissance du Français (TCF) халқаро имтиҳон тизимлари бўйича тилни билиш даражалари B2 ва ундан юқори;

япон тили учун — миллий сертификат ёки Japanese Language Proficiency Test (JLPT № 2) халқаро имтиҳон тизимлари бўйича тилни билиш даражалари B2 ва ундан юқори;

бошқа тиллар (испан, турк, араб, форс, дари, ҳинд, урду, хитой, корейс, уйғур, итальян, пушту) учун — миллий сертификат ёки халқаро имтиҳон тизимлари бўйича тилни билиш даражаси B2 ва ундан юқори;

Бунда B1 даражадаги миллий ёки халқаро тан олинган сертификатга эга абитуриентларга ушбу фандан белгиланган максимал баллнинг 75 фоизи миқдорида балл берилади.

47. Тест синовлари Вазирлар Маҳкамасининг «Олий таълим ташкилотларига ўқишга қабул қилиш жараёнларини тартибга солувчи норматив-ҳуқуқий ҳужжатларни тасдиқлаш тўғрисида» 2025 йил 13 сентябрдаги 578-сон қарори талаблари асосида амалга оширилади.

48. Академиянинг «тергов фаолияти» йўналишида махсус психологик танлов, ёзма имтиҳон ва тест синовларида иштирок этиш учун қуйидаги тартибда ва миқдорда тўлов ундирилади:

махсус психологик танлов ва ёзма имтиҳонда иштирок этиш учун барча талабгорлардан базавий ҳисоблаш миқдорининг ярим баравари миқдорида;

тест синовларида иштирок этиш учун тест синовлари ташкил этилаётган ўқув йилидан аввалги йилларда таълим муассасаларини тугатган номзодлардан (тўлиқ давлат таъминотидаги шахслар, Ижтимоий реестрга киритилган оилалар ва уларнинг фарзандлари ҳамда «Ёшлар дафтари»га киритилган ёшлар бундан мустасно) базавий ҳисоблаш миқдорининг ярим баравари миқдорида.

Махсус психологик танлов, ёзма имтиҳон ва тест синовида иштирок этмаган талабгорларга тўлов қайтарилмайди.

49. Тест синовига белгиланган вақтда келмаган номзодлар учун қўшимча тест синовлари ўтказилмайди.

50. Ёзма имтиҳон ва тест синовлари натижаси бўйича берилган апелляция шикоятлари Агентликнинг апелляция комиссияси томонидан кўриб чиқилади.

Апелляция аризалари имтиҳон натижалари эълон қилинган вақтдан бошлаб 24 соат ичида қабул қилинади ва апелляция комиссияси томонидан мурожаат қилганларнинг сонидан келиб чиққан ҳолда бир кундан уч кунгача бўлган муддатда кўриб чиқилади.

Махсус психологик танлов натижалари апелляция тартибида кўриб чиқилмайди.

51. Номзодлар Агентлик томонидан тақдим этилган махсус психологик танлов, ёзма имтиҳон ва тест синовлари йиғиндиси натижалари асосида Академия бошлиғининг буйруғи билан ўқишга қабул қилинади ва уларга стипендия тайинланади.

52. Ўқишга қабул қилинган номзодлар ҳақидаги маълумотлар икки кун муддатдан кечикмасдан Агентликка тақдим этилади.

6-§. Академиянинг «тергов фаолияти» йўналишидан ташқари юриспруденциянинг бошқа йўналишлари бўйича ўқишга қабул қилиш

53. Академиянинг «тергов фаолияти» йўналишидан ташқари юриспруденциянинг бошқа йўналишлари бўйича қабул Вазирлар Маҳкамасининг «Олий таълим ташкилотларига ўқишга қабул қилиш жараёнларини тартибга солувчи норматив-ҳуқуқий ҳужжатларни тасдиқлаш тўғрисида» 2025 йил 13 сентябрдаги 578-сон қарори талаблари асосида амалга оширилади.

Бакалавриатнинг барча йўналишларига номзодларни қабул қилишда давлат олий таълим муассасаларига кириш учун қонунчилик ҳужжатларида назарда тутилган бошқа имтиёзлар татбиқ этилмайди.

54. Юриспруденциянинг бошқа йўналишларининг фаолият турлари Бош прокурор томонидан белгиланади.

3-боб. Ўқув жараёнини ташкил этиш

55. Академия бакалавриатида таълим Вазирлар Маҳкамасининг «Олий таълим муассасаларида таълим жараёнини ташкил этиш билан боғлиқ тизимни такомиллаштириш чора-тадбирлари тўғрисида»ги 2020 йил 31 декабрдаги 824-сон қарори билан белгиланган кредит-модуль тизими асосида ташкил этилади.

56. «Тергов фаолияти» йўналиши бўйича кундузги таълим шаклига ўқишга қабул қилинган фуқаро билан ўқиш (хизмат ўташ) ва ўқишни тамомлаганидан кейин уч календарь йили мобайнида тақсимот бўйича юборилганда ваколатли давлат органларида ёки бошқа давлат органларида мажбурий узлуксиз хизмат ўташ тўғрисида шартнома имзоланади.

57. Академияда ўқитиш тили белгиланган қабул параметрлари доирасида ҳужжатлар қабул қилинишига қадар Васийлик кенгаши томонидан белгиланади.

58. Бакалавриатда ўқитишни ташкил этиш жараёни бакалавриат факультети томонидан Академиянинг кафедра, марказ ва бўлимлари билан биргаликда амалга оширилади.

59. Бакалавриатда Академия ходимлари, профессор-ўқитувчилар ҳамда талабаларнинг ҳуқуқ ва мажбуриятлари, ўқув методик, илмий-педагогик фаолияти, амалиёт ўташи ва ўқитишни ташкил этиш билан боғлиқ бошқа масалалар Академия томонидан белгиланади.

60. Академиянинг «тергов фаолияти» йўналиши бўйича 1-курс талабаларининг ҳарбий тайёргарлик машғулотлари ташкил этилиб, ушбу машғулотлар Ўзбекистон Республикаси Мудофаа вазирлиги томонидан ўтказилади.

61. Академиянинг «тергов фаолияти» йўналиши бўйича бакалавриатда биринчи курс ва (ёки) иккинчи курс учун белгиланган ўқув жараёни якунланганидан сўнг талабалар (муддатли ҳарбий хизмат ва сафарбарлик чақируви резервидаги ҳарбий хизматни ўтаганлар бундан мустасно) қонунчилик ҳужжатларида белгиланган тартибда ва муддатларда, шартнома асосида ёзги таътил даврида Тошкент вилояти ҳудудида ёки яшаш жойидаги ҳудудда жойлашган ҳарбий қисмда сафарбарлик чақируви резервидаги ҳарбий хизматни ўтайди.

62. Ҳарбий тайёргарлик машғулотлари доирасида икки ҳафтагача бўлган муддатда ўқув-дала йиғинлари Бош прокуратура ва Мудофаа вазирлиги томонидан тасдиқланадиган қўшма чора-тадбирлар режасига мувофиқ ташкил этилади.

63. Кейинчалик номзод талаба сифатида Академияга ҳарбийлаштирилмаган йўналиш бўйича ўқишга қабул қилинганидан сўнг, агар ҳарбийлар учун белгиланган талабларга жавоб берган тақдирда, унга хоҳишига кўра ҳарбийлаштирилган йўналишда ишлаш имконияти яратилади.

64. Талаба Академия талабалари сафидан қуйидаги ҳолларда четлаштирилиши мумкин:

ўз хоҳишига биноан;

Академиянинг ички тартиб-қоидаларини бузгани сабабли;

бир семестр давомида дарсларни узрли сабабларсиз 74 соатдан ортиқ қолдирганлиги сабабли;

ўқиш учун белгиланган тўлов ўз вақтида амалга оширилмаганлиги сабабли (тўлов-контракт бўйича таҳсил олаётганлар учун);

суднинг ҳукми асосида озодликдан маҳрум этилганлиги муносабати билан;

суд қарорига кўра кириш имтиҳонларида белгиланган тартибни бузганлиги аниқланганда (ушбу ҳолатда тингловчилар сафидан четлаштирилганлар қайта тикланмайди);

талаба абитуриент сифатида қабул комиссиясига тақдим этган (топширган) ҳужжатларининг қалбакилиги ёки белгиланган талабларга жавоб бермаслиги аниқланса;

вафот этганлиги сабабли ёки суд қарорига асосан бедарак йўқолган ёхуд вафот этган деб эълон қилинганда.

65. Интизомий жазо чораси қўлланилган талаба бундан норози бўлса, Бош прокуратура ёки судга мурожаат қилиш ҳуқуқига эга.

66. Талабага нисбатан қўлланилган интизомий жазо юзасидан маълумот унинг шахсий йиғмажилдида сақланади.

67. Талаба Академиядан четлаштирилганда унга академик маълумотнома берилади.

68 1 . Талабалар Академия бошлиғининг буйруғи билан қуйидаги ҳолларда курсдан-курсга қолдирилади:

Академияда семестр ва ўқув йили якунида фанларни ўзлаштиришнинг ўртача кўрсаткичи (GPA (grade point average) баллини тўплай олмаганда;

малакавий амалиётга қатнашмаган, шунингдек, малакавий амалиёт якунлари бўйича қониқарсиз баҳоланганда.

69. Давлат гранти ёки тўлов-контракт асосида бакалавриатда таҳсил олаётган талабалар талабалар сафидан четлаштирилган тақдирда улар кейинги ўқув йилида тўлов-контракт асосида ўқишга тикланади.

Бундай ҳолатда давлат гранти асосида ўқишга қабул қилинган талабаларнинг суриштирув ва тергов фаолияти соҳасида ваколатли давлат органларида камида уч йил узлуксиз ишлаб бериш мажбурияти сақланиб қолади.

Талабалар сафидан четлаштирилган талаба ўқишини қуйи курс (семестр)дан қайта тиклаш ёки давом эттириш бўйича контракт тўлови миқдори Академия кенгаши томонидан белгиланади.

Талабалар сафидан четлаштирилган талаба кейинги ўқув йили бошлангунига қадар ўқишини тикламаса, унинг ўқиши учун сарфланган маблағлар талаба томонидан қопланиши шарт.

Белгиланган муддатда қопланмаган маблағлар суд орқали ундирилади.

Талабаларнинг ўқишини қайта тиклаш бўйича аризаларни қабул қилиш бир ўқув йилида икки марта:

кузги семестр ўқув машғулотлари бошланишидан олдин — 15 июлдан 5 августгача (5 август куни ҳам);

баҳорги семестр ўқув машғулотлари бошланишидан олдин — 10 январдан 20 январгача (20 январь куни ҳам) амалга оширилади.

Аризалар Академия томонидан электрон шаклда ҳам қабул қилинади.

Талабалар ўқишини қайта тиклаш тўғрисидаги аризаларни кўриб чиқиш ва қарор қабул қилиш:

кузги семестр учун — 6 августдан 31 августгача;

баҳорги семестр учун — 21 январдан 10 февралгача амалга оширилади.

70. Ўқишга тикланган тингловчилар модуллар бўйича олинмай қолган кредитларга мос равишда тўлов-контракт суммасини тўлайди.

Тўлов-контракт, шу жумладан табақалаштирилган тўлов-контракт асосида ўқишга қабул қилинган талаба талабалар сафидан четлаштирилган тақдирда, ўқишини тиклашида тўлов-контракт миқдорининг қолган қисмини тўлаши талаб этилади.

71. Фанлар бўйича қайта таълим олиш учун тўлов қиймати Академия томонидан бутун ўқув йилининг контракт суммасидан келиб чиққан ҳолда белгиланади. Қайта таълим олиш учун тўлов механизми Академия томонидан бир кредит қийматини ҳисоблаш асосида белгиланади. Бир кредит қиймати ўқув йили давомидаги таълим олиш учун тўланадиган умумий суммани режалаштирилган кредитлар миқдорига бўлиш йўли билан аниқланади.

72. Талаба томонидан четлаштирилгунга қадар ўзлаштирган синов бирликлари миқдори Академия томонидан тўлиқ ҳажмда ҳисобга олинади. Академик қарздорлиги туфайли тингловчилар сафидан четлаштирилган талабалар кейинги ўқув йилида тегишли ўқув семестридан бошлаб фақат ўзлаштира олмаган модулларни такроран ўқиши мумкин.

73. Шартнома асосида талабани ўқишга қайта тиклаш сони чегараланмайди.

4-боб. Тергов фаолияти йўналиши бўйича битирувчиларини тақсимотга мувофиқ ишлаб беришини ташкил этиш

74. Давлат гранти асосида битирувчилар (кейинги ўринларда — битирувчилар) ваколатли давлат органларининг ҳудудлар кесимидаги эҳтиёжлари бўйича берилган таклифлари асосида ушбу органларга ишга қабул қилиниши таъминланади.

75. Битирувчиларни ваколатли давлат органларига хизматга тақсимлаш учун Академияда тақсимот комиссияси тузилади.

Тақсимот комиссиясига Васийлик кенгаши раиси раислик қилади ҳамда унинг таркибига ваколатли давлат органлари вакиллари билан бир қаторда бошқа ташкилотларнинг вакиллари ҳам, уларнинг раҳбарлари билан келишилган ҳолда киритилиши мумкин.

76. Битирувчиларни ишлаб бериш учун тақсимлаш ҳар йили, қоида тариқасида, битирувчи ўқишни тамомлагандан сўнг, бир ойдан кечиктирмай амалга оширилади.

77. Тақсимот комиссияси томонидан битирувчининг рейтинг натижалари ва талабани ўрганиш жараёнида йиғилган шахсий ҳужжатлар йиғмажилдини, шунингдек ҳарбий-тиббий комиссия хулосасини инобатга олиб, ваколатли давлат органларида хизматни ўташ учун битирувчига ушбу Низомга 2-иловада келтирилган шаклдаги йўлланма берилади.

78. Тақсимот комиссиясининг битирувчини хизматга тақсимлаш ҳақидаги қарори қабул қилинганидан сўнг Академия томонидан ҳар бир битирувчига уч иш кунидан кечиктирмаган ҳолда олий маълумот тўғрисидаги дипломдан кўчирма берилади.

79. Тақсимот комиссияси қарори асосида ваколатли давлат органларига йўлланма берилган битирувчилар билан қонунчилик ҳужжатларида белгиланган тартибда шартнома (контракт) тузилади. Битирувчининг хизмат вазифаларини бажаришга киришганлиги ҳақида ушбу Низомга 3-иловада келтирилган шаклдаги маълумотнома (кейинги ўринларда — маълумотнома) иш берувчи ташкилот томонидан Академияга тақдим этилади.

Академия маълумотнома асосида ушбу Низомга 4-иловада келтирилган шаклдаги журналга мувофиқ ҳар бир битирувчининг ҳисобини юритади.

80. Битирувчи 3-курс давомида қайта ўтказиладиган махсус ўрганишдан ўтмаганда ёки ваколатли давлат органларининг ҳарбий-тиббий комиссияси хулосасига кўра хизматга номувофиқ деб топилганда битирувчиларга мустақил ишга жойлашиш имконияти берилганлиги тўғрисида маълумотнома ва олий маълумот тўғрисидаги дипломнинг асли берилади.

Битирувчи мазкур махсус ўрганишдан ўтмаганда ёки ҳарбий-тиббий комиссияси хулосасига кўра хизматга номувофиқ деб топилганда, у белгиланган компенсация тўловидан озод этилади.

81. Уч йиллик ишлаб бериш муддати давомида битирувчи хизматдан бўшатилганда, ваколатли давлат органлари ҳудудий давлат органлари раҳбари томонидан тегишли маълумот беш иш куни мобайнида Академияга тақдим этилади.

Бунда, компенсация миқдори битирувчи томонидан ишлаб берилган вақтга пропорционал тарзда ҳисоблаб чиқилади.

Академия битирувчи томонидан компенсация миқдорини тўлашни таъминлаш, шунингдек заруратга кўра, суд тартибида ундириш чорасини кўради.

Битирувчидан ундирилган компенсация маблағлари тўлиқ ҳажмда Академия ҳисобига тўланади.

82. Мазкур Низомга мувофиқ битирувчи хизмат бурчини бажариш вақтида меҳнат лаёқатини йўқотганлиги сабабли (тасдиқловчи ҳужжатлар мавжуд бўлганда) ишлаб бериш имкониятига эга бўлмаганда Васийлик кенгаши қарори асосида компенсация тўловидан озод этилади.

83. Битирувчининг уч йиллик ишлаб бериш муддати тугагандан сўнг хизматни давом эттириш ҳақидаги масала қонунчилик ҳужжатларига мувофиқ иш берувчи ва ходим ёки ҳарбий хизматчи ўртасида ўзаро келишувга асосан ҳал этилади.

5-боб. Якунловчи қоидалар

84. Давлат гранти асосида ўқишни тамомлаган Академия бакалавриатининг битирувчиларига ваколатли давлат органларида уч йил ишлаб бериш (хизматни ўташ) мажбурияти юкланади.

Академияга ўқишга киришдан олдин номзод Академияга давлат гранти асосида ўқишга қабул қилинган ва бакалавриатни битирган тақдирда, суриштирув ва тергов фаолиятини амалга ошириш ваколатига эга давлат органларида ишлаб бериш (хизматни ўташ) мажбуриятини бажаришдан бош тортганида ёки уч йиллик муддатдан илгари меҳнат қонунчилигига асосан ёхуд хизматни лозим даражада бажармаганлиги ёки содир этилган ҳуқуқбузарлик туфайли меҳнат қилиш (хизматни ўташ) мумкин бўлмай хизматдан (ишдан) бўшатилганида, ўқишни битирган вақтидаги Академияда амалда бўлган тўлов-шартнома суммасининг йигирма беш баравари миқдорида Академияга компенсация тўлаганидан сўнг диплом берилиши тўғрисида огоҳлантирилади.

Огоҳлантириш хати орқали зиммасига юкланадиган барча мажбуриятларни ўз вақтида ва тўлиқ бажарилишига кафолат бериши тўғрисида мажбурият шартлари ҳамда унинг бажарилмаслиги юзасидан моддий жавобгарлик бўйича ўқишга кириш учун ҳужжат топшириш жараёнида ушбу Низомга 5-иловада келтирилган шаклдаги огоҳлантириш хати орқали таништирилади.

Битирувчи томонидан тўлов амалга оширилганидан сўнг унга диплом берилиши таъминланади.

Огоҳлантириш хатини имзолашни рад этган фуқаролар Академияга қабул қилинмайди.

85. Академияда таълим олаётган талабалар ўқишини бошқа олий таълим муассасаларига, шунингдек бошқа олий таълим муассасалари талабалари ўқишини Академияга кўчириш мумкин эмас.

Академия талабалари ўқишини бир таълим шаклидан бошқа таълим шаклига кўчириш масаласи Академия Кенгаши томонидан ҳал қилинади. Бунда талабалар ўқишини бир таълим шаклидан бошқа таълим шаклига кўчириш бўйича аризаларни қабул қилиш:

кузги семестр ўқув машғулотлари бошланишидан олдин — 15 июлдан 5 августгача (5 август куни ҳам);

баҳорги семестр ўқув машғулотлари бошланишидан олдин — 10 январдан 20 январгача (20 январь куни ҳам) амалга оширилади.

Талабалар ўқишини бир таълим шаклидан бошқа таълим шаклига кўчириш бўйича аризаларни кўриб чиқиш ва қарор қабул қилиш кузги семестр ўқув машғулотлари бошланишидан олдин — 6 августдан 30 августгача (30 август куни ҳам), баҳорги семестр ўқув машғулотлари бошланишидан олдин — 21 январдан 10 февралгача (10 февраль куни ҳам) амалга оширилади.

Талабалар ўқишини «тергов фаолияти» йўналишидан бошқа таълим йўналишига, бошқа таълим йўналишидан «тергов фаолияти» йўналишига кўчиришига йўл қўйилмайди.

86. Мазкур Низомда назарда тутилган тадбирларни амалга ошириш билан боғлиқ харажатлар Академия ҳамда ваколатли давлат органларининг бюджетдан ташқари жамғармалари маблағлари ҳисобидан қопланади.

87. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомга 1-ИЛОВА

Ўзбекистон Республикаси Ҳуқуқни муҳофаза қилиш академияси бакалавриатининг «тергов фаолияти» йўналишига қабул қилишни ташкил этиш

Босқичлар Субъектлар Чора-тадбирлар Муддатлар 1-босқич Ҳуқуқни муҳофаза қилиш академияси (Академия) Ўқишга қабул қилиш муддатлари, таълим йўналишлари ва қабул параметрлари тўғрисида Академиянинг расмий веб-сайти ҳамда оммавий ахборот воситаларида эълон бериш. Ҳар йили 1 февралга қадар 2-босқич Номзодлар, Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (Агентлик), ҳудудий ички ишлар органлари, ҳудудий прокуратура органлари 1. Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги махсус электрон платформасида рўйхатдан ўтиш. 2. Ҳудудий ички ишлар (ҳарбийлаштирилган йўналиш бўйича) ва ҳудудий прокуратура (ҳарбийлаштирилмаган йўналиш бўйича) органларига тегишли ҳужжатларни топшириш. Ҳар йили 1 февралдан 1 мартга қадар 3-босқич Ҳудудий ички ишлар органлари, ҳудудий прокуратура органлари 1. Ҳарбийлаштирилган ва ҳарбийлаштирилмаган йўналишлар бўйича ўқишга топшираётган номзодлар ҳужжатларини тўплаш ва ўрганиш (дастлабки танлов). 2. Ҳарбийлаштирилган йўналиш бўйича ўқишга ҳужжат топшираётган номзодларни тиббий кўрикдан ўтказиш (дастлабки танлов). Ҳар йили 1 мартдан 1 майга қадар 3. Дастлабки танлов натижаларини Академияга тақдим қилиш. 5 майга қадар 4-босқич Агентлик, Идоралараро қабул комиссияси Номзодлар учун махсус психологик танлов (тест шаклида) ўтказиш. Ҳар йили июнь-июль ойларида 5-босқич Агентлик, Идоралараро қабул комиссияси Номзодлар учун ёзма имтиҳон (диктант шаклида) ўтказиш. Ҳар йили июнь-июль ойларида 6-босқич Агентлик, Идоралараро қабул комиссияси Номзодлар учун тест синови ўтказиш. Июль-август ойлари (қоида тариқасида) 7-босқич Академия бошлиғи 1. Номзодларни давлат гранти асосида бакалавриатга қабул қилиш ва тўлов-контракт асосида номзодларни дарсга қўйиш ҳақида буйруқ чиқариш. Қабул комиссияси ўз ишини якунлагандан сўнг 3 кун ичида 2. Номзодларни тўлов-контракт асосида бакалавриатга қабул қилиш ҳақида буйруқ чиқариш. Тўлов-контракт суммасининг тегишли қисми тўлангандан сўнг 3 кун ичида

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомга 2-ИЛОВА

‎‎Суриштирув ва тергов фаолиятини амалга ошириш ваколатига эга ‎давлат органларида хизматни ўташ учун ____-сон ‎ХИЗМАТГА ЙЎЛЛАНМА ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ й. «___» _____________ ‎ ‎ ‎ ‎ ‎ ‎ ‎ ‎ ‎ Тошкент ш. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси Ҳуқуқни муҳофаза қилиш академияси бакалавриатини тамомлаган ______________________________________________________________________________________________________________га‎‎ ‎‎(битирувчининг Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎тақсимот комиссиясининг қарорига кўра_____________________________________________________________________________ да ‎ ‎ ‎ ‎ ‎‎(битирувчи юборилган ташкилот номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎уч йил давомида ишлаб бериш учун юборилди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (лавозими) ‎ ‎ ‎(лавозими)‎‎‎ ‎ ‎ ‎(лавозими)‎‎‎ ‎‎‎ (имзо, муҳр)‎‎ ‎ ‎ ‎(имзо) ‎ ‎ ‎(имзо) ‎ (Тақсимот комиссияси раисининг Ф.И.О.) ‎ ‎ ‎(Тақсимот комиссияси раисининг Ф.И.О.)‎‎ ‎ ‎ ‎(Тақсимот комиссияси раисининг Ф.И.О.)‎‎ ‎‎

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомга 3-ИЛОВА

Битирувчини хизмат вазифаларини бажаришга киришганлиги ҳақида ‎ МАЪЛУМОТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ й. «___» _____________ ‎ ‎ ‎ ‎ ‎ ‎ ‎ ‎ ‎ т./ш. номи ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________________________________‎‎ ‎‎(иш берувчи ташкилот номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси Ҳуқуқни муҳофаза қилиш академиясини 20 ____ йилда тамомлаган ва унга «_____» ___________ 20 ____ йилда _______-сон хизматга йўлланма берилган. ‎ ‎________________________________________________________________________________________________________________ ‎‎(битирувчининг Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «_____» ____________ 20____ йилда хизматга жойлашиш учун етиб келди. ‎ ‎Битирувчи «_____» _________ 20____ йилдаги _____-сон буйруққа асосан,‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________________________________ ‎‎(битирувчи қабул қилинган лавозим) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎лавозимига хизматга қабул қилинди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(иш берувчи ташкилот раҳбари) ‎‎(имзо, муҳр) ‎ ‎ ‎‎(Ф.И.О.) ‎ ‎

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомга 4-ИЛОВА

Академия битирувчисига берилган йўлланмалар ва уларнинг хизматга жойлашганини ҳисобга олиш

Т/р Ф.И.О. Жинси Туғилган йили Оилавий ҳолати Доимий яшаш жойи Тақсимот бўйича ташкилот номи Битирувчи имзоси Ишга келгани ва жойлашгани тўғрисидаги ҳужжатни олгани ҳақида қайд Уч йил ишлаб берилгани ҳақидаги маълумот Қўшимча маълумотлар

Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомга 5-ИЛОВА

Ўзбекистон Республикаси Ҳуқуқни муҳофаза қилиш академиясига давлат гранти асосида ўқишга қабул қилинган тақдирда, битирувчи томонидан суриштирув ва тергов фаолиятини амалга ошириш ваколатига эга давлат органларида у ч йил ишлаб бериш мажбуриятининг бажарилиши бўйича ОГОҲЛАНТИРИШ ХАТИ Мен Ўзбекистон Республикаси Ҳуқуқни муҳофаза қилиш академияси (Академия)га ўқишга киришга номзод (номзоднинг Ф.И.О.) Академияга ўқишга киришдан олдин Академияга давлат гранти асосида ўқишга қабул қилиниб, бакалавриатни битирганимдан сўнг, суриштирув ва тергов фаолиятини амалга ошириш ваколатига эга давлат органларида уч йил ишлаб бериш (хизматни ўташ) мажбуриятини бажаришдан бош тортганимда ёки уч йиллик муддатдан илгари хизматни лозим даражада бажармаганлигим ёхуд содир этилган ҳуқуқбузарлик туфайли ишлаб бериш (хизматни ўташ) мумкин бўлмай ишдан (хизматдан) бўшатилганимда, ўқишни битирган вақтимдаги Академияда амалда бўлган тўлов-шартнома суммасининг йигирма беш баробари миқдорида Академияга компенсация тўлаганимдан сўнг диплом берилиши тўғрисида огоҳлантирилдим. Ушбу огоҳлантириш хати орқали зиммамга юкланадиган барча мажбуриятларни ўз вақтида ва тўлиқ бажарилишига кафолат бераман. ______________________________ _______________________________ (имзо) (Ф.И.О.) 20___ йил «___» _______________

Вазирлар Маҳкамасининг 2023 йил 6 апрелдаги 143-сон қарорига 2-ИЛОВА

Ўзбекистон Республикаси Ҳуқуқни муҳофаза қилиш академияси магистратурасига ўқишга қабул қилиш ва ўқитишни ташкил этиш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Ҳуқуқни муҳофаза қилиш академияси (кейинги ўринларда — Академия) магистратурасига ўқишга қабул қилиш ва ўқитишни ташкил этиш тартибини белгилайди.

2. Мазкур Низомда қуйидаги асосий тушунчалардан фойдаланилади:

Академиянинг Мувофиқлаштириш-васийлик кенгаши (кейинги ўринларда — Васийлик кенгаши) — Академиянинг Ўзбекистон Республикаси Бош прокурори (кейинги ўринларда — Бош прокурор) раҳбарлик қиладиган жамоатчилик бошқаруви органи;

Юриспруденциянинг бошқа бакалавриат таълим йўналишларида ўқув жараёни таълимнинг кундузги, кечки, масофавий ва қонунчилик ҳужжатларида белгиланган бошқа муқобил таълим шаклларида ташкил этилиши мумкин;

ваколатли давлат органлари — қонунчиликка мувофиқ суриштирув ва тергов фаолиятини амалга ошириш ваколатига эга давлат органлари;

Идоралараро қабул комиссияси — «тергов фаолияти» мутахассислиги бўйича ўқишга қабул қилиш учун танлов ўтказиш, номзодлардан ҳужжатларни қабул қилиш ва уларга маслаҳатлар бериш ҳамда бошқа ташкилий масалаларни ҳал этиш учун Бош прокурор буйруғи билан ваколатли давлат органларидан камида 7 нафар аъзодан иборат таркибда тузиладиган Васийлик кенгашининг ваколатли аъзоси раислик қиладиган комиссия;

номзод — Академияга ўқишга кириш учун белгиланган тартибда рўйхатдан ўтган ҳамда ушбу Низом талаблари асосида танловларда иштирок этувчи шахслар;

Ўзбекистон Республикаси Ҳуқуқни муҳофаза қилиш академиясининг кенгаши (кейинги ўринларда — Академия кенгаши) — қонунчилик ҳужжатларига мувофиқ Академия фаолиятининг асосий масалаларини кўриб чиқиш мақсадида тузиладиган коллегиал маслаҳат органи.

Ушбу бандда қайд этилган комиссиялар фаолиятига Академия ва ваколатли давлат органлари ходимлари, шунингдек бошқа давлат органлари ва ташкилотлар, тегишли фанлар бўйича экспертлар жалб қилиниши мумкин.

3. Академия магистратурасига (кейинги ўринларда — магистратура) ўқишга қабул қилиш:

«тергов фаолияти» мутахассислиги бўйича — Васийлик кенгаши томонидан ваколатли давлат органларининг ҳудудлар кесимидаги эҳтиёжларидан келиб чиққан ҳолда ишлаб чиқиладиган таклифлари асосида Ўзбекистон Республикаси Президенти томонидан белгиланадиган;

бошқа мутахассисликлар бўйича — Ўзбекистон Республикаси Бош прокуратураси (кейинги ўринларда — Бош прокуратура) ҳамда Ўзбекистон Республикаси Иқтисодиёт ва молия вазирлиги томонидан тасдиқланадиган;

бошқа мутахассисликлар бўйича тасдиқланган қабул параметрларидан ташқари Академия кенгашининг таклифига кўра Бош прокурор томонидан белгиланадиган табақалаштирилган тўлов-контракт асосида қўшимча қабул параметрларига мувофиқ амалга оширилади;

Қўшимча қабул қилинган талабалар биринчи ўқув йилини тугатгандан сўнг кейинги ўқув йилидан бошлаб амалда белгиланган базавий тўлов-контракт миқдори асосида ўқишини давом эттирадилар.

4. Магистратурага қуйидаги шахслар танлов асосида қабул қилинадилар:

а) «тергов фаолияти» мутахассислиги бўйича:

Академиянинг «тергов фаолияти» бакалавриат таълим йўналишини тамомлаган битирувчилари;

ваколатли давлат органларининг суриштирув ва тергов фаолиятини амалга оширувчи тузилмаларида ҳамда прокуратура органларида камида 3 йил хизматни ўтаган, «Юриспруденция» бакалавриат таълим йўналиши бўйича таянч олий юридик маълумотга эга амалдаги ходимлари (ҳарбий хизматчилари);

а 1 ) «Киберхавфсизликни ҳуқуқий таъминлаш» мутахассислиги бўйича:

«Юриспруденция» бакалавриат таълим йўналиши бўйича таянч олий юридик маълумотга эга шахслар (кейинги ўринларда — ташқи номзодлар);

«Юриспруденция» бакалавриат таълим йўналиши бўйича таянч олий юридик маълумотга эга прокуратура органларининг ходимлари (шу жумладан, амалдаги кадрлар захирасидаги ходимлари), шунингдек, бошқа мутахассислик йўналишлари бўйича олий маълумотга ва бевосита прокуратура органларида камида 5 йиллик меҳнат стажига эга бўлган прокуратура органлари ходимлари (кейинги ўринларда — ички номзодлар);

ваколатли давлат органларининг «Юриспруденция» бакалавриат таълим йўналиши бўйича таянч олий юридик маълумотга эга бўлган ходимлари.

б) бошқа мутахассисликлар бўйича:

«Юриспруденция» бакалавриат таълим йўналиши бўйича таянч олий юридик маълумотга эга шахслар (кейинги ўринларда — ташқи номзодлар);

«Юриспруденция» бакалавриат таълим йўналиши бўйича таянч олий юридик маълумотга эга прокуратура органларининг ходимлари (шу жумладан, амалдаги кадрлар захирасидаги ходимлари), шунингдек бошқа мутахассислик йўналишлари бўйича олий маълумотга ва бевосита прокуратура органларида камида 5 йиллик меҳнат стажига эга бўлган прокуратура органлари ходимлари (кейинги ўринларда — ички номзодлар).

ваколатли давлат органларининг «Юриспруденция» бакалавриат таълим йўналиши бўйича таянч олий юридик маълумотга эга бўлган ходимлари.

Давлат гранти асосида ўқишни тамомлаган Академия бакалавриатининг битирувчилари ўқишга қабул қилинган тақдирда, магистратурадаги ўқиш даври уларнинг ваколатли давлат органларида камида уч йил ишлаб бериш (хизматни ўташ) мажбуриятини ҳисоблашда инобатга олинмайди.

5. Магистратурага ўқишга қабул қилиш номзодлар учун тенг ҳуқуқлилик, қабулнинг ягона қоидалари ва танлов асосида амалга оширилади.

6. «Тергов фаолияти» мутахассислиги бўйича магистратуранинг кундузги шаклига ўқишга қабул қилинган ваколатли давлат органлари ходимлари, шунингдек бошқа мутахассисликлар бўйича тасдиқланган қабул параметрлари доирасида магистратуранинг кундузги шаклига ўқишга қабул қилинган ички номзодларни ўқитиш бепул асосда амалга оширилади.

Бошқа мутахассисликлар бўйича тасдиқланган қабул параметрлари доирасида танловда энг юқори балл тўплаган номзодлар давлат грантлари бўйича биринчи навбатда, қолганлар рейтинг баллари асосида тўлов-контракт, шунингдек квотадан ташқари Академия кенгашининг қарорига мувофиқ белгиланадиган табақалаштирилган тўлов-контракт асосида магистратурага ўқишга қабул қилинади.

Тўлов-контракт асосида ўқитишнинг тўлов миқдорини белгилаш бир талабани ўқитиш билан боғлиқ асосланган харажатлар миқдоридан келиб чиққан ҳолда Академия кенгаши томонидан амалга оширилади.

Ваколатли давлат органлари ходимларини табақалаштирилган тўлов-контракт асосида магистратурага ўқишга қабул қилиш унинг аризаси ва бевосита раҳбари томонидан имзоланган тавсияномаси асосида амалга оширилади.

7. Танлов ҳар йили фақат бир марта ўтказилади.

Тергов фаолияти» мутахассислиги бўйича ўқишга қабул қилиш уч босқичда, яъни тест шаклида ўтказиладиган махсус психологик танлов, ёзма имтиҳон ва чет тилидан тест синови орқали амалга оширилади.

«Киберхавфсизликни ҳуқуқий таъминлаш» мутахассислиги бўйича танлов ташқи номзодлар учун абитуриентнинг бакалавриат дипломи бўйича тўплаган баллари ўртача кўрсаткичи ҳамда хорижий тилни билиш даражаси бўйича тегишли миллий ёки халқаро сертификат балли асосида баллар кетма-кетлигига қатъий риоя қилган ҳолда амалга оширилади ҳамда Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик) томонидан «Информатика ва ахборот технологиялари» фанидан тест синовлари ўтказилади.

Бунда Рақамли технологиялар вазирлиги томонидан белгиланадиган нуфузли халқаро IT-сертификатига эга номзодлар «Информатика ва ахборот технологиялари» фани тест синовларидан озод қилинади ва уларга максимал балл берилади.

Бошқа мутахассисликлар бўйича танлов ташқи номзодлар учун абитуриентнинг бакалавриат дипломи бўйича тўплаган баллари ўртача кўрсаткичи ҳамда хорижий тилни билиш даражаси бўйича тегишли миллий ёки халқаро сертификат балли асосида баллар кетма-кетлигига қатъий риоя қилган ҳолда амалга оширилади ҳамда қўшимча имтиҳон ўтказилмайди.

«Киберхавфсизликни ҳуқуқий таъминлаш» ва бошқа мутахассисликлар учун ваколатли давлат органлари ходимлари хорижий тилни билиш даражаси бўйича тегишли миллий ёки халқаро сертификат балли, агар улар бундай сертификатга эга бўлмаган тақдирда, чет тилидан Агентлик томонидан ўтказиладиган тест синовлари натижасида тўплаган балли, шунингдек, Агентлик томонидан ўтказиладиган «Информатика ва ахборот технологиялари» фанидан тест синовлари натижасида тўплаган балли ҳамда бакалавриат дипломи бўйича тўплаган баллари ўртача кўрсаткичи асосида баллар кетма-кетлигига қатъий риоя қилган ҳолда ўқишга қабул қилинади.

Бунда Рақамли технологиялар вазирлиги томонидан белгиланадиган нуфузли халқаро IT-сертификатига эга номзодлар, «Информатика ва ахборот технологиялари» фани тест синовларидан озод қилинади ва уларга максимал балл берилади.

Ички номзодлар учун танлов ўтказиш тартиби Бош прокурор томонидан белгиланади.

8. Танловлар, қоида тариқасида, август ойида магистратурада ўқитиладиган тилда ўтказилади.

Қабул параметрларининг ўқитиш тили бўйича тақсимоти Васийлик кенгаши томонидан белгиланади.

9. Ёзма имтиҳон номзодларнинг мутахассислик фанлари бўйича таҳлил, ҳуқуқий манбалар билан мустақил ишлаш ҳамда ҳуқуқий масалалар бўйича хулосаларни баён этиш борасида қобилиятларини аниқлашга қаратилган.

Шунингдек, номзодларнинг чет тилларини билишнинг тегишли даражасини аниқлаш мақсадида тест синови ўтказилади.

10. Магистратурага қабул қилишни ташкил этиш ушбу Низомнинг иловасига мувофиқ схема бўйича амалга оширилади.

11. Магистратурада ўқув жараёни таълимнинг кундузги, кечки, сиртқи ва масофавий шакллари асосида ташкил этилади.

Магистратурада ўқиш муддати:

кундузги ва кечки таълим шаклида — бир йил;

сиртқи ва масофавий таълим шаклида — ўқув дастурларидан келиб чиқиб, Академия кенгашининг қарори билан бир ярим йилдан икки йилгача этиб белгиланади.

Магистратурадаги таълимнинг сиртқи шаклидаги ўқув жараёни, қоида тариқасида, махсус дастурий таъминот ёрдамида онлайн, модуллар бўйича назорат синовлари эса анъанавий тарзда амалга оширилади.

12. Магистратуранинг «тергов фаолияти» мутахассислиги бўйича таълимнинг кундузги шаклига ўқишга қабул қилинган ваколатли давлат органлари ходимлари, шунингдек, бошқа мутахассисликлар бўйича магистратуранинг кундузги шаклига ўқишга қабул қилинган прокуратура органлари ходимларининг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.

Табақалаштирилган тўлов-контракт асосида қабул қилинган талабалар биринчи ўқув йилини муваффақиятли тугатгандан сўнг кейинги ўқув йилидан бошлаб умумий белгиланган тартибда ўқишини давом эттиради.

Табақалаштирилган тўлов-контракт асосида ўқиш истагини билдирган абитуриент Олий таълим, фан ва инновациялар вазирлиги томонидан белгиланган муддатларда тўлов-контракт шартларининг биринчи ўқув йили учун камида 50 фоизини бажарганидан сўнг Академия бошлиғининг буйруғи билан ўқишга қабул қилинади.

Магистратуранинг «Киберхавфсизликни ҳуқуқий таъминлаш» мутахассислиги бўйича таълимнинг кундузги шаклига ўқишга қабул қилинган тингловчиларнинг охирги эгаллаб турган лавозими бўйича белгиланган тартиб ва миқдорда меҳнатга ҳақ тўлаш фонди тўловлари (пул таъминоти) сақланади.

Академияда ўқиш даври ваколатли давлат органлари ходимлари учун пенсияга чиқиш, унвон (даража) олиш ва кўп йиллик хизматини ҳисоблаш ҳуқуқини берувчи умумий хизмат (ҳарбий хизмат) стажига ўқишнинг бир йили хизмат (ҳарбий хизмат)нинг бир йилига тенглаштирилган ҳолда киритилади.

13. Магистратура битирувчиларига тегишли мутахассисликлар бўйича давлат намунасидаги диплом ва «ҳуқуқ магистри» даражаси, шунингдек Бош прокурор томонидан тасдиқланадиган намунадаги академик кўкрак нишони берилади.

Академия магистратурасини тамомлаганлик тўғрисидаги диплом ҳарбий хизмат (хизмат)ни ўташда Ўзбекистон Республикаси Ҳарбий хавфсизлик ва мудофаа университетининг икки йиллик магистратура дастурини, Ички ишлар вазирлиги Академиясининг иккинчи даражадаги магистратурасини тамомлаганлик тўғрисидаги дипломларга тенглаштирилади.

Ўқиш якунлари бўйича юқори натижаларга эришган ваколатли давлат органлари ходимлари магистратурани тамомлаши билан, қоида тариқасида, илгари эгаллаб турган лавозимига нисбатан юқори лавозимга тайинланади.

Ўқишда юқори натижалар қайд этган ташқи номзодлар эса Академия кенгашининг қарорига кўра прокуратура органларига хизматга тавсия этилган тақдирда, улар фақат офицерлар таркибига кирувчи даражали унвон берилиши кўзда тутилган лавозимларга тайинланади.

2-боб. Ҳужжатларни қабул қилиш

14. Идоралараро қабул комиссияси ва Академия қабул комиссияси (кейинги ўринларда — Қабул комиссиялари) томонидан ҳар йили 1 майдан бошлаб ўқишга қабул қилиш муддатлари, мутахассислик номлари, қабул параметрлари тўғрисидаги маълумотлар Академия ва ваколатли давлат органларининг расмий веб-сайтларида жойлаштирилиши ҳамда оммавий ахборот воситаларида эълон қилиниши таъминланади.

Қабул комиссиялари фаолиятини ташкилий жиҳатдан таъминлаш ушбу комиссияларнинг масъул котиблари томонидан амалга оширилади.

Қабул комиссияларининг масъул котиби Бош прокурор томонидан белгиланади.

Қабул комиссиялари фаолиятида унинг уч ва ундан ортиқ аъзолари ҳамда комиссия раиси иштирок этганда, у ваколатли ҳисобланади.

15. Магистратурага ўқишга кириш учун ҳужжатлар ҳар йили:

«тергов фаолияти» мутахассислиги бўйича — 10 майдан 10 июнга қадар (шу куни ҳам);

бошқа мутахассисликлар бўйича — 10 июндан 31 июлга қадар (шу куни ҳам) қабул қилинади.

16. Магистратурага ўқишга қабул қилиш учун номзодлардан қуйидаги ҳужжатлар талаб этилади:

ташқи номзодлар учун — чет тилини билиш даражасини тасдиқловчи В2 ва ундан юқори даражадаги халқаро сертификатларнинг электрон нусхаси (ички номзодлар учун мавжуд бўлганда);

ваколатли давлат органлари ходимлари учун — номзоднинг бевосита раҳбари томонидан имзоланган тавсиянома ва маълумотнома-объективка.

Номзодларнинг шахсни тасдиқловчи ҳужжат (паспорт ёки идентификацияловчи ID-картаси) нусхаси, олий маълумот тўғрисидаги диплом маълумотлари ҳамда чет тилини билиш даражасини тасдиқловчи В2 ва ундан юқори даражадаги миллий сертификат «Рақамли ҳукумат» тизимининг идоралараро интеграциялашув платформаси орқали мустақил равишда олинади.

17. Номзодлар Агентлик махсус электрон платформасида рўйхатдан ўтган ҳолда, тегишли ҳужжатларни Академиянинг махсус электрон платформаси орқали тақдим этишади.

18. Номзодлар томонидан ҳужжатлар тўлиқ тақдим этилгандан сўнг, уларга шу куннинг ўзида ҳужжатлар қабул қилинганлиги тўғрисида электрон шаклда хабарнома юборилади.

19. Ҳужжатлар белгиланган муддатда тўлиқ тақдим этилмаган тақдирда, номзодга камчиликларни бартараф этиш ва ҳужжатларни қабул қилишнинг белгиланган муддати тугагунга қадар уларни такроран тақдим этиш имконияти берилади.

Ҳужжатларни қабул қилишнинг белгиланган муддати тугагандан сўнг уларга ўзгартириш ва қўшимчалар киритиш тақиқланади.

20. Ҳужжат топширган номзодларнинг рўйхати электрон шаклда автоматик тарзда шакллантириб борилади.

3-боб. Танловни ташкил этиш

24. Танловни ушбу Низомга қатъий риоя қилган ҳолда ташкил этиш Қабул комиссияларига юклатилади. Танлов Қабул комиссиялари ва (ёки) у томонидан белгиланган бошқа ваколатли ташкилот томонидан ўтказилади.

25. Масъул котиб танловни ўтказиш санасини белгилаш ҳамда унда иштирок этиш ҳуқуқига эга бўлган номзодлар рўйхатини тасдиқлаш тўғрисида Қабул комиссияларига тақдимнома киритади ва бу ҳақда Қабул комиссиялари йиғилишининг тегишли қарори қабул қилинади.

26. «Тергов фаолияти» мутахассислиги бўйича танловга киритилган фанлар дастури, қоида тариқасида, ёзма имтиҳон ўтказилишидан бир ой олдин Академия расмий веб-сайтида жойлаштирилади.

27. Танлов бошлангунга қадар Идоралараро қабул комиссияси тасдиқлаган жадвалга мувофиқ консультациялар ташкил этади.

28. Идоралараро қабул комиссияси раиси томонидан комиссия аъзолари, Академиянинг бошқа ходимлари ва келишув асосида жамоатчилик вакиллари аудиторияларга масъул (аудитория кузатувчиси) этиб жалб қилинади.

Танловни ўтказиш жараёни видеотасвирга олинади ва ундан нусха кўчириш тақиқланади.

29. Масъул котиб томонидан танловни ўтказишга оид ҳужжатларни сақлаш учун имтиҳон вақтида сейфлар билан жиҳозланган махсус хона-штаб тайёрланади.

30. Танлов ўтказиладиган бино ва аудиторияларда уларни ўтказиш учун санитария нормалари, қоидалари ва гигиена нормативларига, ёнғин хавфсизлиги фаолиятини тартибга солиш соҳасидаги норматив ҳужжатлар талабларига тўлиқ жавоб берадиган зарур техник, тиббий ва маиший шароитлар яратилади.

31. «Тергов фаолияти» мутахассислиги бўйича имтиҳон топшириқлари психологик танлов, мутахассислик фанлари ҳамда чет тиллари бўйича саволлар ва вазифалар шаклида тузилади.

32. Имтиҳон саволлари ва вазифаларини тузишда қуйидаги талабларга алоҳида эътибор қаратилади:

а) психологик танлов бўйича:

психологик танлов номзодларнинг қуйидаги индивидуал-психологик хусусиятларини аниқлашга йўналтирилади:

ақл заковати, умумий интеллектуал салоҳияти;

мантиқий фикрлаши, зийраклиги, фикрлаш тезлиги ва таҳлил қилиш қобилиятлари;

б) мутахассислик фанлари бўйича:

номзодларда таҳлилий фикрлаш даражасини, ҳуқуқий манбалар билан мустақил ишлаш, шунингдек ҳуқуқий масалалар бўйича хулосаларни баён этиш қобилиятини аниқлашга қаратилиши;

тегишли фан ўқув дастурига, шунингдек тегишли соҳада қабул қилинган норматив-ҳуқуқий ҳужжатларга мувофиқлиги;

мамлакатда ўтказилаётган ислоҳотларнинг мақсад ва вазифаларини акс эттириши;

лўнда, оддий ва равон тилда баён этилиши;

фойдаланилган тушунча ва атамаларни турлича изоҳлаш имкониятини истисно этиши, шунингдек уларнинг қонун ҳужжатларида ва фанда қабул қилинган маъносига мувофиқ ягона шаклда қўлланилиши;

умумқабул қилинган грамматик, орфографик, пунктуация қоидаларига мувофиқ расмий тил услублари ва юридик терминологиядан фойдаланган ҳолда тузилиши;

в) чет тиллари бўйича:

номзодларнинг матн ва атамаларни тушуниш ҳамда улардан фойдалана олиш даражасини аниқлашга қаратилиши;

қисқа, аниқ ва тушунарли тил билан ифодаланиши ҳамда В2 даражасига мувофиқлиги;

умумқабул қилинган грамматик, орфографик ва пунктуация қоидаларига мувофиқлиги.

33. Ёзма имтиҳон саволлари ва вазифаларини тузиш мақсадида Академия ходимлари ва тегишли соҳанинг малакали мутахассисларидан иборат таркибда Академия бошлиғи томонидан эксперт гуруҳи ташкил этилади.

Имтиҳон саволлари ва вазифаларининг сифати ҳамда тўғри тузилганлиги бўйича масъулият эксперт гуруҳи раҳбарига юкланади.

34. Чет тилидан кириш имтиҳонлари саволлари ва вазифалари инглиз, немис, француз тилида ёки Идоралараро қабул комиссияси қарорига кўра, номзоднинг хоҳишини инобатга олиб, бошқа тилда ҳам тузилиши мумкин.

35. Эксперт гуруҳи томонидан билетлар шаклида тузилган кириш имтиҳонлари саволлари ва вазифалари масъул котибга сақлаш учун топширилади.

36. Танловларни ўтказиш вақти ва жойи тўғрисидаги маълумотлар қабул комиссиялари томонидан танловлар бошланишидан камида бир ҳафта олдин номзодлар эътиборига етказилиши лозим.

37. Танловда иштирок этиш учун номзодлар:

ўтказиладиган имтиҳонлар учун Агентликка базавий ҳисоблаш миқдорининг 50 фоизи миқдорида тўловни амалга оширишлари;

шахсини тасдиқловчи ҳужжат билан белгиланган вақтда имтиҳон ўтказиладиган жойга келишлари лозим.

Белгиланган вақтдан кеч қолган номзодлар имтиҳонга киритилмайди, шунингдек, келмаган номзодлар учун қўшимча имтиҳон ўтказилмайди.

Тест синовида иштирок этмаган талабгорларга тўлов қайтарилмайди.

38. Имтиҳон куни аудиторияга ўқув адабиёти, луғат, маълумотнома, жадвал, конспект, ёзув дафтари, қоғоз ёки электрон шаклдаги шпаргалкалар, норматив-ҳуқуқий ҳужжатлар, калькулятор, алоқа воситалари, аудио, фото ва видео ёзиш қурилмаларини олиб кириш ҳамда улардан фойдаланиш, шунингдек имтиҳон саволлари ва вазифалари юзасидан номзодларнинг ўзаро суҳбатлашиши тақиқланади.

39. Номзодларнинг имтиҳон давомида аудиториядан чиқиши тақиқланади. Соғлиғининг ёмонлашиши ва бошқа зарур ҳолатларда номзодларга имтиҳон материалларини қолдириб, кузатув остида аудиториядан чиқишга рухсат берилади.

40. Белгиланган тартибни бузган номзод кириш имтиҳонларидан четлаштирилади, бунда аудитория кузатувчиси томонидан далолатнома расмийлаштирилиб, ушбу номзоднинг имтиҳон жавоблари баҳоланмайди ҳамда у имтиҳонда иштирок этмаган деб ҳисобланади.

41. Танлов ўтказилаётган вақтда Идоралараро қабул комиссияси аъзолари ва ушбу комиссия томонидан танловни ўтказишга жалб этилганлардан ташқари шахсларнинг танлов ўтказиладиган бинога (аудиторияга) кириши тақиқланади.

42. Кириш имтиҳонлари учун максимал балл 260 баллни ташкил этади, ушбу баллар қуйидагилардан ташкил топади:

махсус психологик танлов — 0 баллдан 100 баллгача;

мутахассислик фанлари бўйича ёзма имтиҳон — 0 баллдан 100 баллгача.

Ёзма имтиҳонда ҳар бир жавоб 100 баллик тизимда баҳоланиб, ушбу баллар қўшилади ҳамда саволлар ва вазифалар сонига бўлинади, ҳосил бўлган қиймат тегишлича имтиҳондан олинган якуний балл ҳисобланади;

чет тили бўйича тест — 0 баллдан 60 баллгача.

43. Кириш имтиҳонлари натижалари Идоралараро қабул комиссияси томонидан тасдиқланадиган баҳолаш мезонларига мувофиқ баҳоланади.

44. Танлов натижалари Академия қабул комиссиялари томонидан Академия расмий веб-сайтида дарҳол эълон қилинади.

4-боб. Танловни ўтказиш

45. Танлов психологик танлов, мутахассислик фанларидан ёзма имтиҳон, чет тили ҳамда информатика ва ахборот технологиялари фанлари бўйича тест синовидан иборат бўлади.

46. Эксперт гуруҳи томонидан танловни ўтказиш учун мутахассислик фанлари бўйича савол ва вазифалар тузилади. Бунда, мутахассислик фанларидан ёзма имтиҳон, қоида тариқасида, 2 та савол ва вазифадан иборат бўлади.

47. Ёзма имтиҳон учун таклиф этиладиган савол ҳамда вазифаларнинг таркибини тасдиқлаш Идоралараро қабул комиссияси томонидан амалга оширилади.

48. Психологик танлов учун 50 та, чет тилидан 30 та, информатика ва ахборот технологияларидан 30 та тест саволлари ҳамда вазифалари Агентлик томонидан тузилади ва ўтказилади.

Ҳар бир тўғри жавоб учун 2 балл берилади.

Чет тили ҳамда информатика ва ахборот технологияларидан ўтказилган тест синовлари натижаси бўйича берилган апелляция шикоятлари Агентликнинг апелляция комиссияси томонидан кўриб чиқилади.

Апелляция аризалари имтиҳон натижалари эълон қилинган вақтдан бошлаб 24 соат ичида қабул қилинади ва апелляция комиссияси томонидан мурожаат қилганларнинг сонидан келиб чиққан ҳолда бир кундан уч кунгача бўлган муддатда кўриб чиқилади.

49. Махсус психологик танлов Агентлик томонидан қуйидаги мезон асосида баҳоланади:

тест топшириқларини бажариш учун тест саволларига 40 дақиқа (жавоблар варақасини тўлдириш билан бирга) вақт берилади;

махсус психологик танлов натижалари 0 баллдан 100 баллгача баҳоланади, 20 баллдан паст балл тўплаган номзодлар танловдан четлаштирилади;

махсус психологик танлов натижалари апелляция тартибида кўриб чиқилмайди.

50. Шакллантирилган ёзма имтиҳон билетлари конвертларга солинади, улар ўз навбатида аудиториялар сонини ҳисобга олган ҳолда алоҳида пакетларга солинади. Конвертлар ва пакетлар Идоралараро қабул комиссиясининг муҳри билан тасдиқланади ва штабда сақланади.

51. Аудитория кузатувчилари номзодлар гувоҳлигида ёзма имтиҳон билетлари солинган конвертлар муҳрланганлигига ишонч ҳосил қилгач, уларни очади.

Аудитория кузатувчилари ёзма имтиҳон билетларига жавоб ёзиш учун мўлжалланган қатъий ҳисобда турувчи рақамланиб, муҳрланган дафтарларни тартиб билан тарқатади.

Бунда, дафтарларнинг варақлари алмаштириш имконини истисно қиладиган тарзда Идоралараро қабул комиссияси муҳри ва комиссия масъул котибининг имзоси билан тасдиқланган бўлиши лозим.

52. Аудитория кузатувчилари номзодларга дафтар муқовасида ўз фамилияси, исми, отасининг исмини кўрсатиши, дафтар варақларини букламаслик, фарқ қилувчи белгилар қўймаслик, ёзувлар тагига чизмаслик, жавобларни белгилашда кўк ҳаворанг шарикли ручкадан бошқа ручкадан фойдаланмаслик ҳақида тушунтириш бериши, шунингдек ушбу талабларни бузиш ёзма имтиҳон ўтказиш тартибини бузиш деб ҳисобланиши ҳақида уларни огоҳлантириши лозим.

53. Ёзма имтиҳонни ёзишга, қоида тариқасида, тўрт соат вақт берилади.

54. Ёзма имтиҳон якунлангач, аудитория кузатувчилари ҳар бир дафтарнинг муқоваси ва биринчи варағига махсус шифрлар қўйиб, дафтарлар муқовасини йиртиб олади ва дафтарлар солинган қутиларни, шунингдек муҳрланиб, имзоланган конвертга солинган дафтарлар муқоваларини масъул котибга топширади.

55. Ёзма ишларни текшириш ва баҳолаш мақсадида имтиҳон якунланган куннинг ўзида Академия бошлиғининг буйруғи билан махсус комиссия ташкил этилади.

56. Махсус комиссия аъзолари томонидан ёзма ишларни текшириш ва баҳолаш учун ажратилган хонага уяли телефонлар, бошқа алоқа ва телекоммуникация воситаларини олиб кириш тақиқланади.

Ёзма ишларни текшириш жараёни видеотасвирга олинади ва ундан нусха кўчириш тақиқланади.

57. Махсус комиссия раиси дафтарлар солинган қутиларни масъул котибдан қабул қилиб олиб, махсус комиссия аъзолари иштирокида очади ва дафтарларнинг муқовалари ажратилганлиги ва шифрланганлигини текширади.

Муқоваси ажратилмаган, шифрланмаган ёки номзоднинг шахсини аниқлаш имконини берувчи бошқа белгилар мавжуд бўлган дафтарлар аниқланган тақдирда, далолатнома тузилади. Бундай ишлар текширилмайди.

58. Ёзма иш натижалари тегишли шифрлар билан алоҳида қайдномага киритилади.

Дафтарлар ва ёзма иш натижалари қайдномаси қутиларга солинади ҳамда махсус комиссия раиси томонидан масъул котибга топширилади.

Ўқишга қабул қилинган номзодларнинг ёзма ишлари уларнинг ўқиш даврлари мобайнида, қабул қилинмаган номзодларнинг ёзма ишлари 6 ой давомида сақланади, сўнг белгиланган тартибда йўқ қилинади.

59. Ёзма иш натижалари Идоралараро қабул комиссиясининг раиси томонидан тасдиқланадиган баённома шаклидаги қарор билан расмийлаштирилади.

60. Чет тили бўйича имтиҳон Агентлик томонидан ушбу Низом қоидаларини инобатга олган ҳолда, Академия билан келишилган тартибда ўтказилади ва баҳоланади.

61. Миллий сертификат ёки халқаро сертификатларнинг қуйидаги даражаларига эга бўлган номзодларга чет тилидан имтиҳонларсиз максимал балл берилади:

инглиз тили учун — B2 («Multilevel» тест синовида камида 51 балл) ва ундан юқори даражадаги миллий сертификат ёки International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE халқаро имтиҳон тизимлари бўйича тилни билиш даражалари B2 ва ундан юқори;

немис тили учун — B2 ва ундан юқори даражадаги миллий сертификат ёки Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халқаро имтиҳон тизимлари бўйича тилни билиш даражалари B2 ва ундан юқори;

француз тили учун — B2 ва ундан юқори даражадаги миллий сертификат ёки Diplôme d'Etudes en Langue Française (DELF), Тest de Connaissance du Français (TCF) халқаро имтиҳон тизимлари бўйича тилни билиш даражалари B2 ва ундан юқори;

япон тили учун — B2 ва ундан юқори даражадаги миллий сертификат ёки Japanese Language Proficiency Test (JLPT № 2) халқаро имтиҳон тизимлари бўйича тилни билиш даражалари B2 ва ундан юқори;

бошқа тиллар (испан, турк, араб, ҳинд, хитой, корейс, итальян) учун — миллий сертификат ёки халқаро имтиҳон тизимлари бўйича тилни билиш даражаси B2 ва ундан юқори.

5-боб. Танлов натижалари бўйича шикоятларни кўриб чиқиш

62. Танлов натижаларидан норози бўлган номзодлар натижалар Академия расмий веб-сайтида эълон қилинган кундан бошлаб уч иш куни давомида Апелляция комиссиясига апелляция бериш ҳуқуқига эга.

63. Танлов натижалари бўйича номзодларнинг шикоятларини кўриб чиқиш учун қабул комиссиялари фаолиятида иштирок этмаган шахслар орасидан камида 5 нафар аъзодан иборат Бош прокурор буйруғи билан апелляция комиссияси тузилади.

Апелляция комиссияси тақдим этилган апелляцияни у келиб тушган кундан бошлаб икки иш куни ичида кўриб чиқади. Номзод апелляцияни кўриб чиқиш жараёнида иштирок этиш ҳуқуқига эга.

Апелляция кўриб чиқиладиган кун ҳақида номзодга хабар берилади.

64. Апелляция комиссияси томонидан апелляцияни кўриб чиқишда танловнинг тўғри ўтказилганлиги, ёзма имтиҳон жавобларининг холис текширилганлиги ва тўғри баҳоланганлигига баҳо берилади ҳамда унинг натижаси бўйича апелляция комиссияси аъзоларининг оддий кўпчилик овози билан қуйидаги қарорлардан бири қабул қилинади:

номзоднинг шикоятини қаноатлантириш тўғрисида;

танлов натижаларини ўзгаришсиз қолдириш ва номзоднинг шикоятини қаноатлантиришни рад қилиш тўғрисида.

Апелляцияни кўриб чиқиш жараёнида иштирок этмаган номзодга апелляцияни кўриб чиқиш натижасида қабул қилинган қарор тўғрисида қарор қабул қилинган куни ахборот-коммуникация воситалари орқали хабар берилади.

Апелляция комиссияси қарори комиссия раиси, аъзолари ва котиби томонидан имзоланадиган баённома билан расмийлаштирилади.

65. Зарур ҳолларда, апелляцияни кўриб чиқиш жараёнига махсус комиссия аъзолари, аудитория кузатувчилари ва бошқа шахслар жалб қилиниши мумкин.

66. Номзоднинг шикояти қаноатлантирилган тақдирда, апелляция комиссияси номзоднинг имтиҳон ишига узил-кесил балл қўяди.

Апелляция комиссияси қарори устидан белгиланган тартибда судга шикоят қилиниши мумкин.

6-боб. Магистратурага қабул қилиш ва ўқитишни ташкил этиш

67. Қабул комиссияси томонидан номзодларнинг ҳамда ваколатли давлат органлари номзодларининг танловда олган баллари жамланиб, умумий қайдномада ҳар бир мутахассислик бўйича ташқи ва ички номзодларнинг ҳамда ваколатли давлат органлари номзодларининг алоҳида рўйхати шакллантирилади.

Рўйхатда номзодлар ҳар бир мутахассислик бўйича тўпланган энг юқори баллдан бошлаб камайиб бориш тартибида ҳамда давлат гранти ва тўлов-контракт асосида ўқишга қабул қилинганлар кетма-кетлигида жойлаштирилади.

Бунда, таълимнинг кундузги шакли бўйича бир ўқув йилида қабул параметрлари доирасида ички номзодлардан:

бир ҳудуддан, яъни Қорақалпоғистон Республикаси, Тошкент шаҳар, вилоятлар прокуратуралари ва унга тенглаштирилган прокуратуралар, шунингдек Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ва Мажбурий ижро бюросидан номзоднинг тўплаган бали кетма-кетлигига кўра кўпи билан 2 нафардан;

Ўзбекистон Республикаси Бош прокуратураси марказий маҳкамасининг таркибий бўлинмаларидан 1 нафардан, Академиядан кўпи билан 2 нафар номзод ўқишга қабул қилиниши мумкин.

Мазкур банднинг учинчи — бешинчи хатбошиларида назарда тутилган қоида «Киберхавфсизликни ҳуқуқий таъминлаш» мутахассислигига нисбатан татбиқ этилмайди.

68. Қабул параметрлари ва танлов натижаларидан келиб чиқиб, Академия қабул комиссияси томонидан минимал ўтиш баллари белгиланади.

69. Танлов натижаларига кўра, қабул параметрлари бўйича белгиланган рўйхатда охирги ўринда турувчи номзоднинг тўплаган жами бали билан ундан кейинги ўринда турувчи номзодларнинг тўплаган баллари бир хил бўлса, уларнинг барчаси ўқишга қабул қилинади.

Барча мутахассисликлар бўйича танловлар якунига кўра ўқишга тавсия этилган номзод ўқишни рад этган тақдирда, ушбу ўрин бўш қолади.

70. «Тергов фаолияти» мутахассислигидан бошқа мутахассисликлар бўйича тасдиқланган қабул квоталари тўлмай қолган тақдирда, бошқа мутахассисликка ўқишга кириш учун ҳужжат топшириб, белгиланган минимал ўтиш балидан кам балл тўплаган номзодлар баллар кетма-кетлиги бўйича Қабул комиссиясининг қарори асосида тўлмай қолган мутахассислик квотаси доирасида ўқишга тавсия этилади.

71. Умумий қайднома асосида Идоралараро қабул комиссияси томонидан «тергов фаолияти» мутахассислиги, бошқа мутахассисликлар бўйича Академия қабул комиссияси томонидан номзодларни магистратурага ўқишга қабул қилишга тавсия этиш тўғрисида баённомалар расмийлаштирилиб, тасдиқланади.

72. Қабул комиссиялари баённомаларига асосан Академия бошлиғининг номзодларни давлат гранти асосида магистратура тингловчилари сафига қабул қилиш ҳамда тўлов-контракт асосида номзодларни дарсга қўйиш ҳақидаги буйруғи чиқарилади ҳамда бу ҳақдаги маълумот Академия расмий веб-сайтига жойлаштирилади.

Тўлов-контракт асосида ўқишга қабул қилиш тавсия этилган номзодлар шартномада белгиланган тўлов суммасининг тегишли қисмини белгиланган муддатда тўлаган тақдирда Академия бошлиғининг магистратура тингловчилари сафига қабул қилиш ҳақида буйруғи чиқарилади.

73. Тўлов-контракт асосида дарсга қўйилган номзодлар шартномада белгиланган муддатда тўлов суммасини тўлиқ амалга оширишлари лозим.

Тўлов-контракт бўйича шартнома шартларини белгиланган муддатда бажармаган номзодлар ўқишдан четлаштирилади ва бу ҳақда Академия бошлиғининг буйруғи чиқарилади.

74. Академия магистратурасининг кундузги ёки кечки шаклига ўқишга қабул қилинган тингловчилар аризаларига кўра фақатгина ўқишнинг биринчи семестри якунида ўқишни сиртқи ёки масофавий шаклга ўтказиши мумкин, агар магистратурада таълимнинг ушбу шакллари мавжуд бўлса.

Сиртқи ёки масофавий шаклдаги магистратурага ўқишга қабул қилинган тингловчилар ўқиш даври давомида таълимнинг кундузги ёки кечки шаклига ўтказилишига йўл қўйилмайди.

Шунингдек, таълимнинг кундузги шаклида магистратуранинг муайян мутахассислигига ўқишга қабул қилинган тингловчининг ўқиши бир мутахассисликдан бошқа мутахассисликка кўчирилишига йўл қўйилмайди.

75. Магистратурага ўқишга кириш учун номзодлар томонидан топширилган ҳужжатларнинг электрон нусхалари номзодлар ўқишни якунлагунга қадар дастурий таъминотда сақланади.

76. Магистратурада ўқитишни ташкил этиш жараёни Магистратура факультети томонидан Академиянинг кафедра, марказ ва бўлимлари билан биргаликда амалга оширилади.

76 1 . Магистратурага хорижий фуқароларни суҳбат асосида ўқишга қабул қилиш тартиби Васийлик кенгаши томонидан қонунчилик ҳужжатларига мувофиқ белгиланади.

77. Магистратурада ўқитиш тингловчиларни прокуратура органлари фаолиятининг асосий йўналишлари, шунингдек ваколатли давлат органларининг тергов фаолиятига доир илмий-тадқиқот ишларини олиб боришга тайёрлаш мақсадида, уларни зарур ўқув-методик ва моддий-техник база билан таъминлаган ҳолда ташкил этилади.

78. Магистратурада академик кредит тизимининг жорий этилиши, Академия ходимлари, профессор-ўқитувчилар ҳамда тингловчиларнинг ҳуқуқ ва мажбуриятлари, ўқув-методик, илмий-педагогик фаолияти, амалиёт ўташи, магистрлик диссертациясини тайёрлаши ва ўқитишни ташкил этиш билан боғлиқ бошқа масалалар Академия томонидан белгиланади.

7-боб. Тингловчини ўқишдан четлаштириш ва қайта тиклаш

79. Тингловчи Академия магистратураси тингловчилари сафидан қуйидаги ҳолларда четлаштирилиши мумкин:

ўз хоҳишига биноан;

саломатлиги туфайли (тиббий комиссия маълумотномаси асосида);

ўқув интизомини ва Академия магистратурасида ички тартиб қоидаларини бузганлиги учун Академия кенгаши қарори асосида;

академик қарздорлиги туфайли Академия кенгаши қарори асосида;

ўқув йили давомида дарсларни узрли сабабларсиз 74 соатдан ортиқ қолдирганлиги сабабли;

ўқиш учун белгиланган тўлов ўз вақтида амалга оширилмаганлиги сабабли (тўлов-контракт бўйича таҳсил олаётганлар учун);

тингловчи суд томонидан озодликдан маҳрум этилганлиги муносабати билан;

суд қарорига кўра кириш имтиҳонларида белгиланган тартибни бузганлиги аниқланганда (ушбу ҳолатда тингловчилар сафидан четлаштирилганлар қайта тикланмайди);

вафот этганлиги сабабли ёки суд қарорига асосан бедарак йўқолган ёхуд вафот этган деб эълон қилинганда.

80. Интизомий жазога тортилган тингловчи ўзига қўлланилган жазо чорасининг қонунийлиги ва адолатлилиги юзасидан Бош прокурорга шикоят қилиши мумкин.

81. Тингловчига нисбатан қўлланилган интизомий жазо юзасидан маълумот унинг шахсий йиғмажилдида сақланади.

82. Магистратуранинг «тергов фаолияти» мутахассислиги бўйича кундузги шаклда ўқишга қабул қилинган ваколатли давлат органлари ходимлари, шунингдек, бошқа мутахассисликлар бўйича магистратуранинг кундузги шаклига ўқишга қабул қилинган прокуратура органлари ходимлари тингловчилар сафидан четлаштирилганда, унга ўқишдан четлаштирилгунига қадар тўланиб келинган ойлик иш ҳақини қайтариш масаласи иш берувчи томонидан кўриб чиқилади.

83. Магистратуранинг «тергов фаолияти» мутахассислиги бўйича кундузги шаклда ўқишга қабул қилинган ваколатли давлат органлари ходимлари, шунингдек, бошқа мутахассисликлар бўйича магистратуранинг кундузги шаклига ўқишга қабул қилинган прокуратура органлари ходимлари ўқиш даврида хизматдан бўшаган тақдирда, улар тўлиқ ўқув йили учун тўлов-контракт миқдорини тўлаши лозим бўлади.

84. Тингловчи Академиядан четлаштирилганда унга академик маълумотнома берилади.

85. Тингловчи Ўзбекистон Республикаси қонунчилик ҳужжатлари асосида ўқишини қайта тиклаш ва кўчириш ҳуқуқига эга.

86. Давлат гранти ёки тўлов-контракт асосида магистратурада таҳсил олаётган тингловчилар тингловчилар сафидан четлаштирилган тақдирда улар кейинги ўқув йилида тўлов-контракт асосида ўқишга тикланади.

Ўқишга тикланган тингловчилар модуллар бўйича олинмай қолган кредитларга мос равишда тўлов-контракт суммасини тўлайди.

87. Фанлар бўйича қайта таълим олиш учун тўлов қиймати Академия томонидан бутун ўқув йилининг контракт суммасидан келиб чиққан ҳолда белгиланади. Қайта таълим олиш учун тўлов механизми Академия томонидан бир кредит қийматини ҳисоблаш асосида белгиланади. Бир кредит қиймати ўқув йили давомидаги таълим олиш учун тўланадиган умумий суммани режалаштирилган кредитлар миқдорига бўлиш йўли билан аниқланади.

88. Тингловчи томонидан четлаштирилгунга қадар ўзлаштирган синов бирликлари миқдори Академия томонидан тўлиқ ҳажмда ҳисобга олинади. Академик қарздорлиги туфайли тингловчилар сафидан четлаштирилган тингловчилар кейинги ўқув йилида тегишли ўқув семестридан бошлаб фақат ўзлаштира олмаган модулларни такроран ўқиши мумкин.

89. Тингловчилар сафидан четлаштирилган тингловчи четлаштирилган ўқув йилидан эътиборан беш йил ичида ўқишни қайта тиклашига йўл қўйилади.

8-боб. Якунловчи қоидалар

90. Мазкур Низомда назарда тутилган тадбирларни амалга ошириш билан боғлиқ харажатлар Академия ҳамда ваколатли органларнинг бюджетдан ташқари жамғармалари маблағлари ҳисобидан қопланади.

91. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Ўзбекистон Республикаси Ҳуқуқни муҳофаза қилиш академияси магистратурасига ўқишга қабул қилиш ва ўқишни ташкил этиш тартиби тўғрисида низомга ИЛОВА

Ўзбекистон Республикаси Ҳуқуқни муҳофаза қилиш академияси магистратурасига қабул қилишни ташкил этиш

Босқичлар Масъуллар Ўтказиладиган тадбирлар Бажариш муддатлари 1-босқич Ҳуқуқни муҳофаза қилиш академияси (Академия) Ўқишга қабул қилиш муддатлари, мутахассислик номлари ва қабул параметрлари тўғрисида Академиянинг расмий веб-сайти ҳамда оммавий ахборот воситаларида эълон бериш. Ҳар йили 1 майдан бошлаб 2-босқич Номзодлар, Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (Агентлик) 1. Номзодлар томонидан Агентликнинг махсус платформаси орқали ўқишга кириш учун зарур ҳужжатларни топшириш. Бунда, ҳужжатлар қабул қилинганлиги тўғрисида номзодларга махсус платформа орқали дарҳол хабарнома юборилади. 10 май — 10 июнь («тергов фаолияти» мутахассислиги бўйича) 10 июнь — 31 июль (бошқа мутахассисликлар бўйича) Қорақалпоғистон Республикаси, вилоятлар ва Тошкент шаҳар прокуратуралари, прокуратура органлари аттестация комиссиялари 2. Аттестация комиссияларида ички номзодлар билан суҳбат ўтказиш, суҳбат натижасига кўра магистратурага танловда иштирок этишга тавсия этилган ички номзодларнинг рўйхатини шакллантириш. Ўқишга кириш учун ҳужжатларни қабул қилиш муддати тугагунига қадар 3-босқич Агентлик «Тергов фаолияти» мутахассислиги бўйича ўқишга киришга номзодлар учун психологик танлов (тест шаклида) ўтказиш. Ҳар йили июль ойида (бир ҳафта ичида) 4-босқич Академия, Агентлик «Тергов фаолияти» мутахассислиги бўйича номзодлар учун ёзма имтиҳон (эссе шаклида) (Академия томонидан) ва тест синови (Агентлик томонидан) ўтказиш. Бошқа мутахассисликлар бўйича ташқи номзодларнинг бакалавриат диплом балли ўртача кўрсаткичи ҳамда хорижий тилни билиш даражаси бўйича тегишли миллий ёки халқаро сертификат учун берилган баллни ҳисоблаш. Бунда, бошқа мутахассисликлар бўйича ички номзодлар учун танлов тартиби Бош прокурор томонидан белгиланади. Ҳар йили август ойида (бир ҳафта ичида) 5-босқич Академия қабул комиссиялари Танлов натижаларини Академия расмий веб-сайтида эълон қилиш. Танлов якунлангандан сўнг дарҳол 6-босқич Номзодлар 1. Танлов натижалари бўйича шикоят қилиш. Танлов натижалари эълон қилинган кундан бошлаб 3 иш куни ичида Апелляция комиссияси 2. Шикоятларни кўриб чиқиш. 2 иш куни ичида 7-босқич Академия Танловдан муваффақиятли ўтган номзодларни магистратурага ўқишга қабул қилишга тавсия этиш. Танлов натижалари эълон қилингандан эътиборан 10 кун ичида 8-босқич Академия бошлиғи 1. Номзодларни давлат грантлари асосида магистратурага қабул қилиш ва тўлов-контракт асосида номзодларни дарсга қўйиш ҳақида буйруқ чиқариш. Қабул комиссияси ўз ишини якунлагандан сўнг 3 кун ичида 2. Номзодларни тўлов-контракт асосида магистратурага қабул қилиш ҳақида буйруқ чиқариш. Тўлов-контракт суммасининг тегишли қисми тўлангандан сўнг 3 кун ичида

Вазирлар Маҳкамасининг 2023 йил 6 апрелдаги 143-сон қарорига 3-ИЛОВА

Ўзбекистон Республикаси Ҳуқуқни муҳофаза қилиш академиясида олий таълимдан кейинги таълимга қабул қилиш ва ўқитишни ташкил этиш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Ҳуқуқни муҳофаза қилиш академияси (кейинги ўринларда — Академия) олий таълимдан кейинги таълим институтига қабул қилишни ташкил этиш ва ўқитиш тартибини белгилайди.

2. Мазкур Низомда қуйидаги асосий тушунчалар қўлланилади:

докторант — Академияга таянч докторантура ёки докторантурага белгиланган тартибда қабул қилинган шахс;

докторантура — фан доктори (Doctor of Science) (кейинги ўринларда — фан доктори (DSc)) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;

изланувчи — фалсафа доктори (Doctor of Philosophy (PhD) (кейинги ўринларда — фалсафа доктори (PhD)) ёки фан доктори (DSc) илмий даражасини олиш учун докторлик диссертациясини тайёрлаётган шахс;

мустақил изланувчилик — фалсафа доктори (PhD) ёки фан доктори ((DSc) илмий даражаларига даъвогар изланувчилар учун ишлаб чиқаришдан ажралмаган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;

мустақил изланувчи — Академияга мустақил изланувчиликка белгиланган тартибда қабул қилинган шахс;

олий таълимдан кейинги таълим — фалсафа доктори (PhD) ёки фан доктори (DSc) илмий даражасини олиш учун докторлик диссертациясини тайёрлаш ва ҳимоя қилиш мақсадида мутахассисликни чуқур ўрганишни ва илмий изланишлар олиб боришни назарда тутадиган таянч докторантура, докторантура ва мустақил изланувчилик асосида илмий даражага эга илмий ва илмий-педагогик кадрлар тайёрлашни таъминлайдиган таълим тури;

олий таълимдан кейинги таълим институти — Академияда таянч докторантура, докторантура ёки мустақил изланувчилик шаклларидаги олий таълимдан кейинги таълимни амалга ошириш тизими;

олий таълимдан кейинги таълимни мувофиқлаштиришнинг ягона электрон тизими (кейинги ўринларда — Ягона электрон тизим) — олий таълимдан кейинги таълим институтларига қабул қилиш ва изланувчиларнинг якка тартибдаги режалари бажарилиши юзасидан ҳисоботларни шакллантириш бўйича ҳужжатларнинг электрон алмашинувини ташкил этишга мўлжалланган ахборот тизими;

таянч докторантура — фалсафа доктори (PhD) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли.

3. Академияда олий таълимдан кейинги таълим институти қуйидаги шаклларда ташкил этилади:

таянч докторантура;

докторантура;

мустақил изланувчилик.

4. Олий таълимдан кейинги таълим институти фан ва техниканинг муҳим тармоқларида олий малакали илмий ва илмий-педагогик кадрлар тайёрлаш, шунингдек фан ва технологияларнинг устувор йўналишларида фундаментал тадқиқотларни ривожлантириш, давлат илмий дастурларини амалга ошириш мақсадида очилади.

5. Ўзбекистон Республикаси фуқароларини олий таълимдан кейинги таълим институтига қабул қилиш қуйидагича амалга оширилади:

бепул таянч докторантура ва докторантура шаклида ўқитиш;

бепул ва тўлов-контракт асосида мустақил тадқиқотчилик шаклида ўқитиш.

Хорижий фуқаролар ва фуқаролиги бўлмаган шахсларни (Ўзбекистон Республикаси ҳудудида истиқомат қилаётган фуқаролиги бўлмаган шахслар бундан мустасно) олий таълимдан кейинги таълим институтларига ўқишга қабул қилиш Ўзбекистон Республикаси қонунчилигига ёки халқаро шартномаларга мувофиқ тўлов-контракт асосида амалга оширилади.

Ўзбекистон Республикаси ҳудудида истиқомат қилаётган фуқаролиги бўлмаган шахслар олий таълимдан кейинги таълим институтларига ўқишга фуқаролар билан тенг ҳуқуқларда қабул қилинади.

Ўзбекистон Республикасида инвестиция визасига эга бўлган хорижий инвесторлар ҳамда уларнинг оила аъзолари Ўзбекистон Республикаси фуқаролари учун назарда тутилган шартларда олий таълимдан кейинги таълим институтларига ўқишга киришга ва таълим олишга ҳақли.

6. Олий таълимдан кейинги таълим институтига қабул қилинаётган магистр ёки мутахассислик дастурлари бўйича олинган олий маълумот тўғрисидаги дипломга эга бўлиши, фан номзоди, фалсафа доктори (PhD) ёки унга тенглаштирилган хорижий мамлакатларда илмий даражага эга бўлганлар мутахассислиги олий таълимдан кейинги таълим ихтисослиги тегишли бўлган фан соҳасига мувофиқ бўлиши шарт. Фан соҳалари мос келмаганда ёки олий таълимдан кейинги таълимда фаннинг турдош соҳалари бўйича олиш режалаштирилганда талабгорлар Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси (кейинги ўринларда — ОАК) белгилаган фанлар бўйича қўшимча имтиҳонлар топшириши лозим.

Бакалавриат таълими йўналиши ва магистратура мутахассислиги таълимнинг турли соҳаларига тегишли бўлганда, ОАК томонидан белгиланган фанлар бўйича қўшимча имтиҳонлар топшириш шарти билан, бакалавриат таълимининг йўналишига тегишли бўлган таълим соҳасига мувофиқ мутахассислик бўйича фалсафа доктори (PhD) илмий даражасини олиш учун докторлик диссертациясининг белгиланган тартибда тайёрланишига ва ҳимоя қилинишига йўл қўйилади (Академия магистратураси битирувчилари бундан мустасно).

7. Олий малакали илмий ва илмий-педагогик кадрларни сифатли тайёрлашни таъминлаш, шунингдек диссертация тадқиқотларини ўтказишда уларга илмий ва ўқув-услубий ёрдам кўрсатиш мақсадида фалсафа доктори (PhD) илмий даражасини олиш истагидаги талабгорлар Академия кенгаши қарори билан илмий раҳбарларга, фан доктори (DSc) илмий даражасини олиш истагидаги талабгорлар эса — илмий консультантларга бириктирилади.

Фан доктори (DSc) илмий даражасини олиш учун тайёрланадиган диссертация тадқиқотлари илмий консультантни тайинланмасдан ҳам амалга оширилиши мумкин.

Танланган тадқиқот мавзуси асосида барча тадқиқотчилар Академия кенгаши қарорлари билан Академиянинг таркибий бўлинмасига бириктирилади.

8. Академиянинг фан доктори бир вақтнинг ўзида олтитадан кўп бўлмаган докторантлар учун раҳбар ва маслаҳатчи бўлиши мумкин.

Илмий унвони бўлган фан номзоди ёки фалсафа доктори (PhD) бир вақтнинг ўзида учтадан кўп бўлмаган изланувчиларга илмий раҳбарлик қилиши мумкин. Сўнгги уч йилда изланувчилари ўз вақтида ҳимоя қилган илмий раҳбарларга Академия кенгаши хулосаси асосида тўрттадан кўп бўлмаган изланувчилар бириктирилиши мумкин.

Илмий унвони бўлмаган фан номзоди ёки фалсафа доктори (PhD) илмий раҳбар бир вақтнинг ўзида иккитадан кўп бўлмаган докторант ва мустақил изланувчиларнинг илмий раҳбари бўлиши мумкин. Сўнгги уч йилда изланувчилари ўз вақтида ҳимоя қилган илмий раҳбарларга Академия кенгаши хулосаси асосида учтадан кўп бўлмаган изланувчилар бириктирилиши мумкин.

Хорижий фуқароларга ёки фуқаролиги бўлмаган изланувчиларга ўрнатилган меъёрдан ортиқ илмий раҳбар ёки консультантлар тайинланиши мумкин.

9. Олий таълимдан кейинги таълим институтини аккредитация қилиш ваколатли давлат органи томонидан қонунчилик ҳужжатларида белгиланган тартибда амалга оширилади.

10. Ўзбекистон Республикаси Олий таълим, фан ва инновациялар вазирлиги (кейинги ўринларда — Олий таълим, фан ва инновациялар вазирлиги) олий малакали илмий ва илмий-педагог кадрлар тайёрлаш масалаларида Академиянинг фаолиятини мувофиқлаштиради.

2-боб. Олий таълимдан кейинги таълимни таянч докторантура ва докторантура шаклида ташкил этиш

11. Таянч докторантура ва докторантурага Ўзбекистон Республикаси Давлат бюджети маблағлари ҳисобига ва тўлов-контракт асосида ўқитиш учун қабул квотаси (кейинги ўринларда — қабул квотаси), қоида тариқасида, тегишли ўқув йили учун тасдиқланган олий таълим муассасаларига давлат буюртмаси асосида магистратура мутахассисликларига ўқишга қабул қилиш умумий параметрларининг 30 фоизидан кам бўлмаган миқдорда белгиланади.

Илмий марказ бошлиғининг тақдимномасига асосан Академия бошлиғи рухсат берган тақдирда, Академия докторантлари ҳафтасига 10 соатдан ошмаган ҳажмда соатбай тартибидаги педагогик фаолият билан шуғулланишлари мумкин. Бошқа ҳар қандай меҳнат фаолияти тақиқланади.

Академия докторантларига стипендияси сақлаб қолинган ҳолда 21 календарь кунидан иборат ҳар йилги меҳнат таътиллари берилади.

Ҳуқуқни муҳофаза қилиш академияси таянч докторантура ҳамда докторантура босқичига ўқишга қабул қилиш мазкур Низомга 1-иловада келтирилган схемага мувофиқ ташкил этилади.

Академия ҳар йили 1 июнга қадар Ягона электрон тизим орқали электрон шаклда Олий таълим, фан ва инновациялар вазирлигига илмий даражали кадрларга бўлган эҳтиёжлар, амалдаги олий таълимдан кейинги таълим институтларининг самарадорлиги, таълим олаётган докторантлар ва мустақил изланувчилар контингенти, илмий раҳбарлар ва илмий консультантларнинг самарали ишлари, шунингдек, мазкур Низомда белгиланган битта илмий раҳбар ва битта илмий консультантга бириктириладиган изланувчилар сонидан келиб чиқиб, кейинги йилдан бошлаб аттестациядан ўтган йўналишлар бўйича таянч докторантурага ва докторантурага қабул квотаси бўйича асосланган таклифлар билан мурожаат қилади.

12. Академия томонидан қабул квотаси бўйича асосланган таклифларни ҳар йили 10 июнга қадар Ягона электрон тизим орқали Ўзбекистон Республикаси Иқтисодиёт ва молия вазирлиги билан келишиш учун Олий таълим, фан ва инновациялар вазирлигига юборилишини таъминлайди.

13. Академия ҳар йили 1 сентябрдан кечикмасдан оммавий ахборот воситаларида қабул квоталарига мувофиқ ҳужжатларни қабул қилиш муддатларини, талаб қилинадиган ҳужжатлар, топшириладиган имтиҳонлар рўйхатини ва қабул квотаси миқдорини кўрсатган ҳолда таянч докторантура ва докторантурада ўқиш учун талабгорларнинг ҳужжатларини қабул қилиш тўғрисида эълон беради.

Ҳужжатлар Академия томонидан 15 сентябрдан 15 октябргача бўлган даврда Ягона электрон тизим орқали қабул қилинади.

14. Таянч докторантурага қуйидагилар қабул қилинади:

бакалавр ва магистр дипломлари (фақат юридик соҳа бўйича) ёки олий маълумот тўғрисидаги (ихтисослик бўйича) дипломга эга бўлганлар;

Академия магистратураси битирувчилари;

юридик соҳа бўйича бакалавр дипломига эга Ўзбекистон Республикаси Президенти ҳузуридаги Давлат бошқарув академияси ҳамда Ўзбекистон Республикаси Стратегик таҳлил ва истиқболни белгилаш олий мактаби магистратураси битирувчилари;

юридик фанлар бўйича фалсафа доктори (PhD) илмий даражасини олиш учун диссертация тадқиқоти асосини ташкил қилиши мумкин бўлган илмий натижалар, шу жумладан, илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга бўлганлар;

чет тилини билиш даражасининг миллий ёки тегишли халқаро сертификатига эга бўлганлар, Олий таълим, фан ва инновациялар вазирлиги томонидан тасдиқланадиган халқаро рейтингларда биринчи 300 та ўриндан бирини эгаллаган олий таълим ташкилотлари битирувчилари бундан мустасно.

15. Академияда бошлиқ раислигида қабул комиссияси тузилади. Қабул комиссияси аъзолари бошлиқ томонидан тегишли ихтисослик бўйича етакчи мутахассислар орасидан тайинланади.

Ихтисослик бўйича имтиҳонларни топширишда қабул комиссияси таркибида камида битта фан доктори ёки профессор бўлиши зарур, комиссиянинг қолган аъзолари фан номзодлари ёки фалсафа докторлари (PhD) бўлиши мумкин.

16. Таянч докторантурада ўқишга талабгорлар Академияга қуйидаги ҳужжатларни тақдим этадилар:

қисқача биографик маълумотнома;

тегишли халқаро сертификатнинг нусхаси;

нашр этилган илмий ишлар рўйхати, шунингдек уларнинг нусхалари.

Талабгорларнинг олий таълим муассасаси бакалавр ва магистратураси диплом маълумотлари, миллий сертификати «Рақамли ҳукумат» тизимининг идоралараро интеграциялашув платформаси орқали мустақил равишда олинади.

17. Докторантурага қуйидагиларга эга бўлганлар қабул қилинади:

юридик фанлар номзоди ёки юридик фанлари бўйича фалсафа доктори (PhD) ёхуд уларга тенглаштирилган хорижий давлатларда олинган илмий даражалар;

юридик фанлар номзоди ёки юридик фанлари бўйича фалсафа доктори (PhD) илмий даражаси ёхуд уларга тенглаштирилган бошқа илмий даражалар олгандан сўнг муҳим илмий ютуқларга эришиш, шу жумладан, фан доктори (DSc) илмий даражасини олиш учун диссертация тадқиқоти асосини ташкил қилиши мумкин бўлган илмий журналларда чоп этилган камида учта илмий мақолага ҳамда илмий-амалий конференциялар, семинарлар ва тегишли илмий йўналишлар бўйича илмий ишлар тўпламларида камида иккита тезисга эга бўлиш.

18. Докторантурада ўқишга талабгорлар Академияга қуйидаги ҳужжатларни тақдим этадилар:

қисқача биографик маълумотнома;

юридик фанлар номзоди ёхуд юридик фанлар бўйича фалсафа доктори (PhD) ёки хорижий давлатларда унга тенглаштирилган илмий даражага эга бўлганлиги тўғрисидаги диплом нусхаси;

тадқиқот мавзуси бўйича илмий маъруза ва фан доктори (DSc) илмий даражасини олиш учун тайёрланган докторлик диссертацияси режасининг муфассал лойиҳаси;

нашр этилган илмий ишлар рўйхати, шунингдек уларнинг нусхалари.

Талабгорларнинг олий маълумот тўғрисидаги диплом маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади.

19. Таянч докторантурада ўқиш учун чет тилини билиш тўғрисидаги қуйидаги миллий ёки халқаро сертификатга эга талабгорлар мутахассислик бўйича кириш имтиҳонларини топширадилар:

IELTS — ўртача балли камида 5,5;

TOEFL (РВТ) — 567 баллдан кам бўлмаган;

TOEFL (iBT) — 87 баллдан кам бўлмаган;

CEFR — В2 даражадан паст бўлмаган.

Кириш имтиҳонлари саволлари Академиянинг таркибий тармоқлари томонидан тузилади ҳамда Академия бошлиғининг илмий ишлар ва инновациялар бўйича ўринбосари томонидан тасдиқланади.

Докторантурага даъвогарлар қабул комиссияси томонидан ўтказиладиган мутахассислик бўйича суҳбатдан ўтадилар.

20. Таянч докторантурага кириш имтиҳонлари ва докторантурага кириш учун суҳбат ҳар йили 1 — 25 ноябрь кунлари оралиғида ўтказилади.

21. Таянч докторантурага ва докторантурага кирувчи талабгорларнинг кириш имтиҳонлари, суҳбат натижаларидан ва ажратилган қабул квотасидан келиб чиқиб, қабул комиссияси томонидан 30 ноябргача бўлган муддатда қабул қилинганлардан танланади.

Бир неча талабгорларнинг таянч докторантурага ва докторантурага кириш имтиҳонлари ёки суҳбат натижалари бўйича улар томонидан тўпланган якуний баллари тенг бўлган тақдирда қуйидаги талабгорларга устунлик берилади:

а) таянч докторантурага:

магистратурани аъло баҳолар билан тамомлаганлар;

муаллифлик гувоҳномалари ва патентга эга бўлганлар;

кўп йиллик меҳнат стажига эга бўлганлар;

б) докторантурага:

5 йилдан ортиқ илмий-педагогик стажга эга бўлганлар;

муаллифлик гувоҳномалари ва патентга эга бўлганлар;

монография, талабгорнинг диссертация мавзуси бўйича тегишли илмий журналларда, шу жумладан хорижий журналларда чоп этилган сони бўйича (бошқа талабгорларга нисбатан) кўп миқдорда илмий мақолага эга бўлганлар;

диссертация тадқиқоти ҳажмининг 50 фоиздан кўп қисмини бажарганлар.

22. Қабул комиссияси таянч докторантура ва докторантурада таълим олувчиларнинг кириш имтиҳонлари ва ўтказилган суҳбат натижаларини мажлис баённомаси билан расмийлаштиради ва беш кун муддатда Академия кенгашига тасдиқлаш учун киритади.

Академия бошлиғининг буйруғи билан бир вақтнинг ўзида таянч докторантура ва докторантурага қабул қилинган шахсларнинг диссертациялари мавзулари, шунингдек улар бириктирилган таркибий тармоқлар тасдиқланади.

Қабул комиссияси кириш имтиҳонлари ва суҳбат жараёнларини видео кузатув остида (онлайн трансляция) ўтказиш чораларини кўради.

23. Таянч докторантура ва докторантурага ўқишга қабул қилиш Академия бошлиғи буйруғи билан ҳар йили 5 декабргача амалга оширилади. Бунда таянч докторантура ва докторантурада таълим олиш кейинги йилнинг 1 январидан бошланади.

Ўқишга қабул қилиш тўғрисидаги буйруқда илмий раҳбарлар ва илмий консультантлар (консультант бўлган тақдирда) ҳам белгиланади.

24. Таянч докторантура ва (ёки) докторантурада ўқишга қабул қилинганлар, уларнинг тасдиқланган мавзулари, илмий раҳбарлари ва илмий консультантлари (консультантлар тайинланган ҳолатларда) тўғрисидаги маълумот Академия томонидан ҳар йили 15 декабргача Ягона электрон тизимга киритилади.

25. Докторантлар диссертацияларининг тасдиқланган мавзулари, илмий раҳбар ва илмий маслаҳатчи тўғрисидаги маълумотлар (маслаҳатчи тайинланганда) Ягона электрон тизимига киритилиши, шунингдек ОАКнинг Бюллетенида эълон қилиниши лозим.

26. Докторант илмий раҳбар ва консультант (консультант тайинланган ҳолатларда) билан биргаликда якка тартибдаги режасини ишлаб чиқади. Якка тартибдаги режа таянч докторантурага ёки докторантурага ўқишга қабул қилингандан кейин бир ойда Академия бошлиғининг илмий ишлар ва инновациялар бўйича ўринбосари томонидан тасдиқланади.

27. Илмий раҳбар докторант учун ихтисослик бўйича назарий-методологик дастур ишлаб чиқади. Назарий-методологик дастур таянч докторантурага ўқишга қабул қилингандан бошлаб бир ой муддат ичида Академия кенгаши томонидан тасдиқланади.

Назарий-методологик дастур методологиянинг умумий концепцияси ва масалаларини, мазкур ихтисослик бўйича назарий асосларни ва илмий тадқиқот усулларини ўз ичига олади. Назарий-методологик дастур таянч докторант томонидан ўқишнинг биринчи йили мобайнида илмий раҳбарнинг ёрдамида ўзлаштирилади.

28. Ўқишга қабул қилинган шахсларга, шу кундан бошлаб стипендия умумий белгиланган миқдор ва тартибда тўланади.

29. Ўзбекистон Республикаси Иқтисодиёт ва молия вазирлиги ҳамда Олий таълим, фан ва инновациялар вазирлиги томонидан таянч докторантура ва докторантурага ўқишга қабул қилиш бўйича тасдиқланган квоталарини ҳисобга олган ҳолда тайёрланган харажатлар сметасига мувофиқ Ўзбекистон Республикаси Давлат бюджети харажатлар параметрларида белгиланган тартибда Академиянинг тегишли соҳаларига зарур маблағлар ажратишни назарда тутади.

30. Тегишли ҳужжатлар мавжуд бўлган тақдирда, таянч докторантура ва докторантурада ўқиш муддати узоқ вақт касал бўлиш, ҳомиладорлик ва туғиш таътилида бўлиш даврига, шунингдек ҳарбий йиғинларга чақирилиш муносабати билан икки йил муддатгача узайтирилиши мумкин.

31. Фалсафа доктори (PhD) илмий даражасига изланувчилар докторлик диссертацияларини Олий таълимдан кейинги таълимга қўйиладиган давлат таълим талабларига мувофиқ малакавий имтиҳонларни топширганларидан кейин ҳимоя қилишга қўйиладилар.

32. Академияда илмий раҳбарлар ва консультантларнинг докторантлар билан меҳнатига ҳақ тўлаш ҳар ойда ўқув машғулотлари ўтказганлик учун меҳнатга соатбай ҳақ тўлашнинг қонунчиликда белгиланган тартибда ҳар бир докторант учун бир йилда 100 соат ҳисобида Ўзбекистон Республикаси Давлат бюджетидан ажратилган маблағлар ҳисобидан амалга оширилади.

Хорижий фуқаролар ёки фуқаролиги бўлмаган, шунингдек, тўлов-контракт асосида қабул қилинган докторантларнинг илмий раҳбарлари ва консультантларнинг меҳнатига ҳақ тўлаш ўқитиш учун келиб тушадиган маблағлар ҳисобидан амалга оширилади.

33. Таянч докторантура ва докторантурада ўқиш муддати уч йилни ташкил этади, бу вақт докторантларнинг умумий иш стажига қўшилади.

34. Олий таълимдан кейинги таълимни тугатганлар таянч докторантура ёки докторантурага қайта қабул қилинмайди.

3-боб. Олий таълимдан кейинги таълимни мустақил изланувчилик шаклида ташкил этиш

35. Фалсафа доктори (PhD) илмий даражаси учун мустақил изланувчиликка қуйидагиларга эга шахслар расмийлаштирилади:

бакалавр ва магистр дипломлари (фақат юридик соҳа бўйича) ёки олий маълумот тўғрисидаги (ихтисослик бўйича) дипломга эга бўлганлар;

белгиланган илмий мақолаларига эга бўлганлар, шу жумладан, илмий журналда чоп этилган камида битта илмий мақола ва фалсафа доктори (PhD) илмий даражасини олиш учун диссертация тадқиқотининг асосини ташкил этиши мумкин бўлган тегишли илмий соҳалардаги илмий ишлар тўпламларида камида иккита тезис.

Ҳуқуқни муҳофаза қилиш академияси мустақил изланувчиликка ўқишга қабул қилиш мазкур Низомга 2-иловада келтирилган схемага мувофиқ ташкил этилади.

36. Фан доктори (DSc) илмий даражаси учун мустақил изланувчиликка юридик фанлари номзоди ёки юридик фанлар бўйича фалсафа доктори (PhD) ёхуд уларга тенглаштирилган хорижий мамлакатларда олинган дипломга эга бўлган, белгиланган тартибда талабларга мувофиқ илмий даража олганидан сўнг салмоқли илмий ютуқларга эришган шахслар расмийлаштирилади.

Фанлари номзоди ёки фанлар бўйича фалсафа доктори (PhD) юридик фан соҳасига мос келмаганда ёки олий таълимдан кейинги таълимда фаннинг турдош соҳалари бўйича олиш режалаштирилганда талабгорлар юридик соҳа бўйича бакалавр дипломига эга бўлиши лозим ва ушбу низомнинг 6-бандига мувофиқ расмийлаштирилади.

37. Академия талабгорларнинг мустақил изланувчиликка ҳужжатларини қабул қилиш йил давомида амалга оширилади.

38. Мустақил изланувчиликка талабгор қуйидаги ҳужжатларни илова қилган ҳолда Академияга Ягона электрон тизим орқали мурожаат қилади:

қисқача биографик маълумотнома;

фалсафа доктори (PhD) илмий даражасини олиш учун мустақил изланувчи сифатида расмийлаштириш учун бакалавр ва магистрлик ёхуд олий маълумот (мутахассислик дастури бўйича) тўғрисидаги диплом нусхаси;

илмий ишлар рўйхати ва уларнинг нусхаси;

фан доктори (DSc) илмий даражасини олиш учун мустақил изланувчи сифатида расмийлаштириш учун юридик фанлар номзоди ёки юридик фанлар бўйича фалсафа доктори (PhD) дипломи ёки хорижда олинган унга тенглаштирилган бошқа илмий даражалар дипломи нусхаси;

иш жойидан тавсифнома.

39. Мустақил изланувчиликка талабгорларни танлаб олиш ҳар чоракнинг учинчи ойигача бўлган муддатда ихтисослик бўйича суҳбат натижалари ва Академиядаги қабул комиссиясининг тегишли хулосаси бўйича амалга оширилади.

40. Талабгорлар Академия бошлиғининг ҳар чоракда 5 март, 5 июнь, 5 сентябрь ва 5 декабрга қадар эълон қилинадиган буйруғи билан мустақил изланувчиликка расмийлаштириладилар. Буйруқда, шунингдек, мустақил изланувчиларнинг илмий раҳбарлари ва илмий консультантлари (консультант бўлган тақдирда) белгиланади.

41. Мустақил изланувчиликка қабул қилиш тўғрисидаги буйруқ Академия бошлиғи томонидан қабул қилинганидан сўнг 5 кун давомида Ягона электрон тизимга киритилади.

42. Мустақил изланувчилар диссертацияларининг тасдиқланган мавзулари ҳамда илмий раҳбар ва илмий маслаҳатчи тўғрисидаги маълумотлар (маслаҳатчи тайинланганда) Ягона электрон тизимига киритилиши, шунингдек ОАКнинг Бюллетенида эълон қилиниши лозим.

43. Мустақил изланувчилар расмийлаштирилганларидан сўнг бир ой муддатда илмий раҳбар ёки консультант (консультант бўлган тақдирда) билан келишган ҳолда якка тартибдаги режаларини Академияда кўриб чиқиш ва тасдиқлаш учун тақдим этадилар.

Мустақил изланувчи якка тартибдаги режасини қабул қилинганидан сўнг 5 кун давомида Ягона электрон тизимга киритади.

44. Амалдаги барча талабларни бажарган ва диссертациясини ОАК талабларига мувофиқ равишда расмийлаштирган мустақил изланувчилар диссертация ҳимоясига қўйилади.

45. Академияда илмий раҳбарлар ва консультантларнинг мустақил изланувчилар билан олиб борадиган иши учун ҳақ меҳнатга соатбай ҳақ тўлаш бўйича қонунчиликда белгиланган тартибда ўқув машғулотлари олиб борилгани учун ҳар бир изланувчи ҳисобига бир йилда 50 соат ҳисобидан ҳар ойда тўланади.

Академияда илмий раҳбар ёки консультант муассасанинг бюджетдан ташқари маблағлари ҳисобдан ойлик маош олаётган бўлса, мустақил изланувчилар билан ишлаш унинг умумий ўқув юкламаси ҳажмига киритилиши мумкин.

Илмий раҳбарлар ва консультантларнинг хорижий фуқаролар ёки фуқаролиги бўлмаган мустақил изланувчилар билан меҳнатига ҳақ тўлаш ўқиш бўйича тузилган шартномаларга мувофиқ амалга оширилади.

46. Бир неча илмий ташкилот ёки таълим муассасасида бир вақтнинг ўзида мустақил изланувчиликка йўл қўйилмайди.

4-боб. Олий таълимдан кейинги таълимни тўлов-контракт асосида ташкил этиш

47. Олий таълимдан кейинги таълимнинг ортиқча квотасига докторант, таянч докторант ҳамда чет эл фуқароси бўлган докторант ва мустақил изланувчиларни қабул қилиш тўлов-контракт асосида ташкил этилади.

Бепул асосда қабул қилинган изланувчиларнинг қабул квотаси ҳар чоракда Академия кенгаши қарори билан юқори малакали илмий ва илмий-педагогик кадрларга бўлган ҳақиқий эҳтиёжни, Академия талабалар контингентининг мавжудлигини таҳлил қилиш асосида тасдиқланади, белгиланган тартибда докторантлар ва мустақил изланувчиларнинг илмий раҳбарлари ва илмий маслаҳатчиларининг самарадорлиги белгиланади.

Квота бўйича қабул қилинган докторант, таянч докторант ҳамда чет эл фуқароси бўлган докторант ва мустақил изланувчилар ўқишга қабул қилингандан сўнг уч йил мобайнида докторлик диссертациясини ҳимоя қилишлари шарт.

48. Хорижий фуқароларни ва фуқаролиги бўлмаган шахсларни олий таълимдан кейинги таълим институтларига қабул қилиш ва ўқитиш қонунчилик ва (ёки) Ўзбекистон Республикасининг халқаро шартномаларига мувофиқ олий таълимдан кейинги таълимга қабул квоталаридан ташқари тўлов-контракт асосида амалга оширилади.

Ўзбекистон Республикасида инвестиция визасига эга бўлган хорижий инвесторлар ҳамда уларнинг оила аъзолари Ўзбекистон Республикаси фуқаролари учун назарда тутилган шартларда олий таълимдан кейинги таълим институтларига ўқишга киришга ва таълим олишга ҳақлидир.

49. Академияда тўлов-контракт асосида ўқиш ставкалари ҳар йили Академиянинг Мувофиқлаштирувчи васийлик кенгаши томонидан белгиланади.

50. Олий таълимдан кейинги таълимни тўлов-контракт асосида тақдим этишда тўлов миқдори, бошқа нарсалар қатори, илмий раҳбарлар ва маслаҳатчилар, оппонентлар, шунингдек илмий семинар ва илмий кенгаш аъзоларининг тадқиқотлар ва экспериментлар ўтказиш билан боғлиқ харажатларни инобатга оладиган ҳақ миқдори билан боғлиқ харажатларни ҳисобга олади.

Академиянинг бюджетдан ташқари жамғармасидан қўшимча тўловлар миқдори илмий раҳбар ва маслаҳатчилар, оппонентлар, тақризчилар, шунингдек илмий семинар ва илмий кенгаш аъзоларининг иш ҳақига ҳар йили Академиянинг кенгаш томонидан тасдиқланади.

5-боб. Изланувчилар фаолияти самарадорлигининг мониторинги

51. Академия Олий таълим, фан ва инновациялар вазирлиги билан келишилган ҳолда тадқиқотчиларнинг фаолияти самарадорлигини назорат қилади.

52. Фалсафа доктори (PhD) илмий даражаси учун изланувчилар фаолияти самарадорлигининг мониторинги қуйидаги мезонлар бўйича амалга оширилади:

а) ўқишнинг биринчи йилида:

диссертация мавзуси бўйича тасдиқланган якка тартибдаги режанинг мавжудлиги ва унинг бажарилиши;

ихтисослик бўйича тасдиқланган назарий-методологик дастурнинг мавжудлиги ва унинг бажарилиши (докторантлар учун);

тегишли журналларда диссертация мавзуси бўйича камида битта илмий мақоланинг чоп этилганлиги;

илмий конференцияда диссертация мавзуси бўйича маъруза билан иштирок этганлиги;

диссертация мавзуси бўйича таҳлилий умумлаштирувчи қисқача маълумотнинг мавжудлиги;

Академия семинарида диссертация мавзусига доир таҳлилий умумлаштирувчи қисқача маълумот натижалари бўйича (илмий раҳбар билан биргаликда) маъруза қилганлиги;

Академиянинг ички тартиб қоидаларига риоя қилганлиги;

б) ўқишнинг иккинчи йилида:

тегишли журналларда диссертация мавзуси бўйича ҳисобот даврида чоп этилган камида битта илмий мақоланинг мавжудлиги;

диссертация мавзуси бўйича ҳисобот даврида илмий конференция материалларида камида битта чоп этилган маъруза тезисининг мавжудлиги;

тегишли хорижий журналда диссертация мавзуси бўйича камида битта чоп этилган илмий мақола мавжудлиги;

Академия таркибий тармоқлари илмий семинарида диссертация ишининг дастлабки натижалари бўйича (мустақил) маъруза билан иштирок этганлиги;

диссертация мавзуси бўйича якка тартибдаги режасининг бажарилиши бўйича ҳисобот берганлиги;

Академиянинг ички тартиб қоидаларига риоя қилинганлиги;

в) ўқишнинг учинчи йилида:

журналларда, шу жумладан хорижий журналларда сони белгиланган талабларга мувофиқ чоп этилган илмий мақолалари мавжудлиги;

ОАК талабларига мувофиқ тайёрланган тугалланган диссертация иши, авторефератининг мавжудлиги;

Академия таркибий тармоқлари мажлисларида диссертация ва авторефератининг кўриб чиқилганлиги ва муҳокама қилинганлиги.

Академиянинг ички тартиб қоидаларига риоя қилинганлиги.

53. Фан доктори (DSc) илмий даражаси учун изланувчилар фаолияти самарадорлигининг мониторинги қуйидаги мезонлар бўйича амалга оширилади:

а) ўқишнинг биринчи йилида:

диссертация мавзуси бўйича якка тартибдаги режанинг мавжудлиги ва унинг бажарилганлиги;

диссертациянинг биринчи ва иккинчи боблари тайёрлиги;

диссертация мавзуси бўйича тегишли журналларда камида учта илмий мақола чоп этилганлиги;

диссертация мавзуси бўйича республика ва халқаро илмий конференциялар материалларида камида битта маъруза тезиси чоп этилганлиги;

диссертация мавзуси бўйича илмий конференция ёки семинарда маъруза қилганлиги;

диссертация мавзуси бўйича таҳлилий шарҳ;

диссертация мавзуси бўйича таҳлилий шарҳ натижалари бўйича семинарда сўзга чиққанлиги;

Академиянинг ички тартиб қоидаларига риоя қилганлиги;

б) ўқишнинг иккинчи йилида:

диссертациянинг учинчи ва тўртинчи боблари тайёрлиги;

тегишли журналларда диссертация мавзуси бўйича ҳисобот даврида чоп этилган камида тўртта илмий мақола эълон қилинганлиги (шу жумладан, биттаси хорижда);

диссертация мавзуси бўйича халқаро ва республика илмий конференциялар материалларида чоп этилган камида иккита маъруза тезисининг мавжудлиги;

диссертация ишининг дастлабки натижалари бўйича семинар ўтказганлиги;

конференция ёки семинарда маъруза билан қатнашиш (камида бир марта);

диссертация мавзуси бўйича якка тартибдаги режанинг бажарилиши тўғрисидаги ҳисобот;

Академиянинг ички тартиб қоидаларига риоя қилганлиги;

в) ўқишнинг учинчи йилида:

тегишли журналларда диссертация мавзуси бўйича ҳисобот даврида чоп этилган камида учта илмий мақола эълон қилинганлиги;

диссертация натижалари бўйича чоп этилган монографиянинг мавжудлиги;

Академиянинг ички тартиб қоидаларига риоя қилганлиги;

ОАК талабларига мувофиқ тайёрланган тугалланган диссертация иши ва авторефератнинг мавжудлиги;

диссертация ёки авторефератни Академия таркибий тармоқларида кўриб чиқилганлиги ва муҳокама этилганлиги.

54. Мониторинг натижалари Академия кенгаши томонидан кўриб чиқилади ва тасдиқланади. Якка тартибдаги режаларини бажармаган изланувчиларга нисбатан тегишли қарорлар қабул қилинади.

Якка тартибдаги режаларини бажармаган докторантлар Академия бошлиғи буйруғи билан таянч докторантура ёки докторантурадан четлатилади ва ўқишга қайта тикланмайди.

Докторантурадан мониторинг натижалари бўйича четлатилган ёки диссертациясини муддатида ҳимоя қилмаган шахслар диссертациясини тугатиш ва ҳимоя қилиш даврида мустақил изланувчи сифатида расмийлаштирилиши мумкин. Академиянинг ички тартиб қоидаларини бузганлиги учун ўқишдан четлатилган шахслар ўқишга тикланмайди.

Якка тартибдаги режаларни бажармаган мустақил изланувчилар Академия бошлиғининг буйруғи билан мустақил изланувчилар сафидан четлаштирилади.

Якка тартибдаги режаларини бажармаган мустақил изланувчиларнинг илмий раҳбарлари ва консультантларига нисбатан Академия кенгаши қарори билан раҳбарлик ва маслаҳат учун тўланадиган ҳақ тўхтатилади.

55. Мунтазам равишда (қаторасига икки марта ва ундан кўп) изланувчиларнинг диссертацияларини ўз вақтида ҳимоя қилишни таъминламаган илмий раҳбарлар ва консультантлар Академия кенгаши қарори билан уч йилгача бўлган даврга илмий раҳбарлик ёки консультантликдан четлатилиши мумкин.

56. Академия кенгаши тавсияси бўйича изланувчиларнинг якка тартибдаги режаларига ўзгартиришлар киритилиши мумкин.

Илмий раҳбарлар ва илмий консультантлар фаолиятининг самарадорлигини назорат қилиш Академия кенгаши томонидан амалга оширилади.

57. Таянч докторантура ёки докторантурадан четлатиш учун қуйидаги асослар ҳисобланади:

ўз аризасига мувофиқ;

саломатлик туфайли;

якка тартибдаги режаларни бажармаслик;

Академия ички тартиб-қоидаларини тизимли (уч ёки ундан ортиқ) бузиш;

суд қарори билан озодликдан маҳрум қилиш;

ҳисоботларни муддатида тақдим этмаганлик;

диссертацияни тайёрлаш ва ҳимоя қилиш талабини бузиш.

58. Мустақил изланувчини четлаштириш учун қуйидаги асослар ҳисобланади:

ўз аризасига мувофиқ;

якка тартибдаги режаларни бажармаслик;

ҳисоботларни муддатида тақдим этмаганлик;

тўлов-контракт тўламаслиги.

6-боб. Олий таълимдан кейинги таълим тўғрисидаги ҳужжатлар

60. Қонунчиликда назарда тутилган олий таълимдан кейинги таълим талабларини бажарган ва белгиланган тартибда диссертация ҳимоя қилган шахсларга ўрнатилган тартибда давлат намунасидаги тегишли фалсафа доктори (PhD) ва фан доктори (DSc) дипломи берилади.

Ўзбекистон Республикаси Ҳуқуқни муҳофаза қилиш академияси олий таълимдан кейинги таълимга ўқишга қабул қилиш ва ўқитишни ташкил этиш тартиби тўғрисида низомга 1-ИЛОВА

Ҳуқуқни муҳофаза қилиш академияси таянч докторантура ҳамда докторантура босқичига ўқишга қабул қилишни ташкил этиш

Босқичлар Масъуллар Ўтказиладиган тадбирлар Бажариш муддатлари 1-босқич Ҳуқуқни муҳофаза қилиш академияси (Академия) Академиянинг расмий веб-сайтида ва оммавий ахборот воситаларида қабул тўғрисида эълон бериш. Ҳар йили 1 сентябрга қадар 2-босқич Академия Тегишли ҳужжатларни олий таълимдан кейинги таълимни мувофиқлаштиришнинг ягона электрон тизими орқали қабул қилиш. Ҳар йили 15 сентябрдан 15 октябрга қадар 3-босқич Академия Таянч докторантурага кириш имтиҳонларини ҳамда докторантурага кириш суҳбатини ўтказиш. Ҳар йили 1 ноябрдан 25 ноябрга қадар 4-босқич Академия Қабул комиссияси томонидан номзодлар орасидан кириш имтиҳонлари ҳамда суҳбатдан муваффақиятли ўтганларни танлаб олиш. Ҳар йили 30 ноябрга қадар 5-босқич Академия Кириш имтиҳонлари ҳамда суҳбатдан муваффақиятли ўтган номзодларни ўқишга қабул қилиш тўғрисида Академия бошлиғининг буйруғини қабул қилиш. Ҳар йили 5 декабрга қадар

Ўзбекистон Республикаси Ҳуқуқни муҳофаза қилиш академияси олий таълимдан кейинги таълимга ўқишга қабул қилиш ва ўқитишни ташкил этиш тартиби тўғрисида низомга 2-ИЛОВА

Ҳуқуқни муҳофаза қилиш академиясига мустақил изланувчиликка ўқишга қабул қилишни ташкил этиш

Босқичлар Масъуллар Ўтказиладиган тадбирлар Бажариш муддатлари 1-босқич Ҳуқуқни муҳофаза қилиш академияси (Академия) Академиянинг расмий веб-сайтида ва оммавий ахборот воситаларида қабул тўғрисида эълон бериш. Ҳар чоракда биринчи ойнинг 15 санасидан кейинги ойнинг 15 санасига қадар 2-босқич Академия Тегишли ҳужжатларни олий таълимдан кейинги таълимни мувофиқлаштиришнинг ягона электрон тизими орқали қабул қилиш. Ҳар чорак 1 ой давомида 3-босқич Академия Мустақил изланувчиликка талабгорларни танлаб олиш мақсадида кириш суҳбатини ўтказиш. Ҳар чоракнинг сўнгги ойига қадар 4-босқич Академия Кириш суҳбатидан муваффақиятли ўтган номзодларни ўқишга қабул қилиш тўғрисида Академия бошлиғининг тегишли буйруғини қабул қилиш. Ҳар йили чоракнинг 5 март, 5 июнь, 5 сентябрь, 5 декабрь саналарига қадар

Вазирлар Маҳкамасининг 2023 йил 6 апрелдаги 143-сон қарорига 4-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 1997 йил 3 июлдаги 339-сон қарори билан тасдиқланган Давлат хизматчиларининг лавозимлари рўйхатининг «Ўзбекистон Республикаси Бош прокуратурасининг Академияси» бўлими қуйидаги таҳрирда баён этилсин:

«Ўзбекистон Республикаси Ҳуқуқни муҳофаза қилиш академияси

Бошлиқ

Бошлиқнинг биринчи ўринбосари

Бошлиқ ўринбосари

Бошлиқ ёрдамчиси

Кафедра (бошқарма, факультет, бўлим, марказ) бошлиғи

Профессор

Доцент

Катта ўқитувчи

Ўқитувчи

Бўлим (бошқарма, факультет, марказ) катта прокурори

Бўлим (бошқарма, факультет, марказ) прокурори

Бош мутахассиси

Етакчи мутахассис

1-тоифали мутахассис

2-тоифали мутахассис».

3. Вазирлар Маҳкамасининг 2017 йил 26 сентябрдаги 764-сон қарори билан тасдиқланган Ўзбекистон Республикаси ички ишлар органларида тиббий текширувни ташкил этиш ва ҳарбий-тиббий экспертизани ўтказиш тартиби тўғрисидаги низомнинг 4-банди қуйидаги мазмундаги «ж» кичик банд билан тўлдирилсин:

«ж) Ўзбекистон Республикаси Ҳуқуқни муҳофаза қилиш академияси бакалавриатига кириш учун номзодлар».

5. Вазирлар Маҳкамасининг 2018 йил 26 октябрдаги 873-сон қарори билан тасдиқланган Прокуратура органлари ходимларига имтиёзли шартларда кредитга уй-жой ва автотранспорт воситаларини сотиб олиш учун дастлабки бадални киритиш мақсадида Мажбурий ижро бюросини ривожлантириш жамғармаси маблағлари ҳисобидан фоизсиз қарз бериш тартиби тўғрисидаги низомнинг 1-бандидаги «Бош прокуратураси Академияси» сўзлари «Ҳуқуқни муҳофаза қилиш академияси» сўзлари билан алмаштирилсин.

6. Вазирлар Маҳкамасининг 2020 йил 4 мартдаги 122-сон қарори билан тасдиқланган Олий таълим муассасаларини спорт турларига ихтисослаштириш жадвалидан 107-позиция чиқариб ташлансин.

7. Вазирлар Маҳкамасининг «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида» 2020 йил 28 сентябрдаги 593-сон қарорига 4-илованинг 84-банди ўз кучини йўқотган деб ҳисоблансин.

8. Вазирлар Маҳкамасининг «Ўзбекистон Республикаси Ички ишлар вазирлигининг умумий ўрта ва ўрта махсус таълим муассасаларида ўқув жараёнини такомиллаштириш чора-тадбирлари тўғрисида» 2021 йил 28 июлдаги 466-сон қарорига 2-илованинг 2-банди ўз кучини йўқотган деб ҳисоблансин.

9. Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида» 2021 йил 22 ноябрдаги 705-сон қарорига 3-илованинг 13-банди ўз кучини йўқотган деб ҳисоблансин.

10. Вазирлар Маҳкамасининг «Давлат олий таълим муассасалари магистратура босқичида таълим олаётган хотин-қизларнинг тўлов-контракт маблағларини тўлаб бериш чора-тадбирлари тўғрисида» 2022 йил 15 августдаги 447-сон қарорининг 2-банди иккинчи хатбошисидаги «Бош прокуратура» сўзлари «Ҳуқуқни муҳофаза қилиш» сўзлари билан алмаштирилсин.

11. Вазирлар Маҳкамасининг «Президент таълим муассасалари агентлиги тизимидаги ихтисослаштирилган мактаблар тармоғининг кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2022 йил 19 августдаги 463-сон қарорига илованинг 2-банди ўз кучини йўқотган деб ҳисоблансин.

12. Вазирлар Маҳкамасининг 2006 йил 26 апрелдаги 180-ф-сон фармойиши билан тасдиқланган Ўзбекистон Республикасининг аэропортларида расмий делегацияларга хизмат кўрсатиш зали тўғрисидаги низом иловасининг рус тилидаги матнининг 5-банди 5.5.-кичик банди «, начальник Правоохранительной академии» сўзлари билан тўлдирилсин.

Ўзбекистон Республикасининг Бош вазири А. АРИПОВ

Тошкент ш.,

2023 йил 6 апрель,

143-сон

(Қонунчилик маълумотлари миллий базаси, 07.04.2023 й., 09/23/143/0199-сон; 13.06.2025 й., 09/25/362/0507-сон; 15.09.2025 й., 09/25/578/0826-сон; 06.01.2026 й., 09/26/840/0012-сон; 02.02.2026 й., 09/26/35/0101-сон; 17.04.2026 й., 09/26/175/0373-сон; 25.08.2026 й., 09/26/456/0870-сон; 18.09.2026 й., 09/26/500/0950-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

JURNALI

NIZOM

SXEMASI

NIZOM

SXEMASI

SXEMASI

Oʻzbekiston Respublikasi Huquqni muhofaza qilish akademiyasida oliy taʼlim va oliy taʼlimdan keyingi taʼlimga qabul qilish va oʻqitish tartibini belgilash chora-tadbirlari toʻgʻrisida

Oʻzbekiston Respublikasi Prezidentining “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida” 2022-yil 28-noyabrdagi PF-257-son Farmoni ijrosini taʼminlash, shuningdek Oʻzbekiston Respublikasi Huquqni muhofaza qilish akademiyasida oliy taʼlim va oliy taʼlimdan keyingi taʼlimga qabul qilish va oʻqitish tartibini belgilash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida” 2022-yil 28-noyabrdagi PF-257-son Farmoni 15-bandi uchinchi xatboshisida ochiq, har tomonlama va xolis tanlov mezon va mexanizmlarini qamrab olgan Oʻzbekiston Respublikasi Huquqni muhofaza qilish akademiyasida oliy taʼlim hamda oliy taʼlimdan keyingi taʼlimga qabul qilish va oʻqitishning alohida tartibini nazarda tutuvchi Hukumat qarori loyihasini Vazirlar Mahkamasiga kiritish belgilanganligi maʼlumot uchun qabul qilinsin.

2. Quyidagilar:

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizom 1-ilovaga muvofiq;

Oʻzbekiston Respublikasi Huquqni muhofaza qilish akademiyasi magistraturasiga oʻqishga qabul qilish va oʻqitishni tashkil etish tartibi toʻgʻrisidagi nizom 2-ilovaga muvofiq;

Oʻzbekiston Respublikasi Huquqni muhofaza qilish akademiyasida oliy taʼlimdan keyingi taʼlimga qabul qilish va oʻqitishni tashkil etish tartibi toʻgʻrisidagi nizom 3-ilovaga muvofiq tasdiqlansin.

3. Mudofaa vazirligi Oʻzbekiston Respublikasi Huquqni muhofaza qilish akademiyasining (keyingi oʻrinlarda — Akademiya) “tergov faoliyati” taʼlim yoʻnalishi boʻyicha bakalavriat bosqichi talabalarini vazirlikning kuch va vositalaridan foydalangan holda, Oʻzbekiston Milliy universiteti Harbiy tayyorgarlik oʻquv markazida bepul harbiy tayyorgarlikdan oʻtishini taʼminlasin.

4. Akademiya surishtiruv va tergov faoliyatini amalga oshirish vakolatiga ega davlat organlari bilan birgalikda oʻz rasmiy veb-saytlari, ijtimoiy tarmoqlaridagi sahifalari va ommaviy axborot vositalari orqali Akademiyaning “tergov faoliyati” bakalavriat taʼlim yoʻnalishiga nomzodlarni tanlash va oʻqishga qabul qilish uchun tanlov har yili 1-fevralga qadar, 2023/2024 oʻquv yili uchun, istisno tariqasida, 2023-yil 15-aprelga qadar eʼlon qilinishini taʼminlasin.

5. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Manfaatdor vazirlik va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi oliy taʼlim, fan va innovatsiyalar vaziri I.Yu. Abdurahmonov zimmasiga yuklansin.

Vazirlar Mahkamasining 2023-yil 6-apreldagi 143-son qaroriga 1-ILOVA

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Huquqni muhofaza qilish akademiyasi (keyingi oʻrinlarda — Akademiya) bakalavriatida yuridik kadrlarni tayyorlash boʻyicha oʻqishga qabul qilish va oʻqitishni tashkil etish tartibini belgilaydi.

2. Akademiyada oʻqishga qabul “tergov faoliyati” bakalavriat taʼlim yoʻnalishi (keyingi oʻrinlarda — “tergov faoliyati” yoʻnalishi) hamda yurisprudensiyaning boshqa bakalavriat taʼlim yoʻnalishlari boʻyicha tashkil etiladi.

“Tergov faoliyati” yoʻnalishida oʻquv jarayoni kunduzgi taʼlim shaklida tashkil etiladi.

Yurisprudensiyaning boshqa bakalavriat taʼlim yoʻnalishlarida oʻquv jarayoni taʼlimning kunduzgi, kechki, masofaviy va qonunchilik hujjatlarida belgilangan boshqa muqobil taʼlim shakllarida tashkil etilishi mumkin.

3. Ushbu Nizomda quyidagi asosiy tushunchalardan foydalaniladi:

Akademiyaning Muvofiqlashtirish-vasiylik kengashi (keyingi oʻrinlarda — Vasiylik kengashi) — Akademiya faoliyatining ustuvor masalalarida koʻmaklashuvchi jamoatchilik boshqaruvi organi. Vasiylik kengashiga Oʻzbekiston Respublikasi Bosh prokurori (keyingi oʻrinlarda — Bosh prokuror) rahbarlik qiladi;

apellyatsiya komissiyasi — yozma imtihon va test sinovlari natijalari boʻyicha nomzodlarning shikoyatlarini koʻrib chiqish uchun tuziladigan komissiya;

vakolatli davlat organlari — qonunchilikka muvofiq surishtiruv va tergov faoliyatini amalga oshirish vakolatiga ega davlat organlari;

Idoralararo qabul komissiyasi (keyingi oʻrinlarda — Qabul komissiyasi) — Akademiya “tergov faoliyati” yoʻnalishi boʻyicha bakalavriatga oʻqishga qabul qilishni sifatli tashkil etish, shu jumladan talabgorlarning hujjatlarini qabul qilish, tanlovni oʻtkazish va ularga maslahatlar berish, boshqa tashkiliy masalalarni tezkor hal etish uchun Bosh prokuror buyrugʻi bilan vakolatli davlat organlari vakillaridan 9 nafar aʼzolardan iborat tarkibda tuziladigan Vasiylik kengashining vakolatli aʼzosi raislik qiladigan komissiya;

nomzod — Akademiyaga oʻqishga kirish uchun belgilangan tartibda roʻyxatdan oʻtgan hamda ushbu Nizom talablari asosida tanlovlarda ishtirok etayotgan Oʻzbekiston Respublikasi fuqarosi;

talaba — Akademiya bakalavriatiga oʻqishga qabul qilingan shaxs;

taqsimot komissiyasi — Akademiya bitiruvchilarini vakolatli davlat organlariga xizmatga taqsimlash uchun tuziladigan komissiya.

4. Akademiyada kadrlarni amaliyot bilan uzviy bogʻliqligini taʼminlagan holda yagona yondashuv asosida tayyorlashga qaratilgan uzluksiz oʻqitish tizimi yoʻlga qoʻyiladi.

2-bob. Akademiya bakalavriatiga oʻqishga qabul qilish tartibi

1-§. Umumiy qoidalar

5. Akademiyaning “tergov faoliyati” yoʻnalishi boʻyicha kunduzgi taʼlim shakliga oʻqishga qabul qilish tanlov, teng huquqlilik prinsiplari va qabul qilishning yagona qoidalari asosida quyidagi bosqichlarda tashkil etiladi:

dastlabki tanlov;

maxsus psixologik tanlov;

yozma imtihon;

test sinovlari.

Maxsus psixologik tanlov va yozma imtihon bosqichlarida ishtirok etmagan nomzodlar hamda ushbu bosqichlarda ishtirok etib, “0” ball olgan nomzodlar tanlovdan chetlashtiriladi.

6. Qabul komissiyasining tarkibi, asosiy vazifalari va funksiyalari, huquqlari va majburiyatlari, shuningdek, uning faoliyatini tashkil etish tartibi Vasiylik kengashi tomonidan belgilanadi.

Qabul komissiyasi faoliyatini tashkiliy jihatdan taʼminlash komissiya masʼul kotibi tomonidan amalga oshiriladi.

Qabul komissiyasining masʼul kotibi Bosh prokuror tomonidan belgilanadi.

7. Qabul komissiyasi faoliyatida uning yarmidan ortiq aʼzolari hamda ushbu komissiya raisi ishtirok etgan taqdirda, vakolatli hisoblanadi.

8. Qabul komissiyasining raisi:

Qabul komissiyasining ishini tashkil etadi;

kichik komissiyalar tarkibini shakllantiradi;

kichik komissiyalar faoliyatini muvofiqlashtiradi va nazorat qiladi.

9. Nomzodlar tanlovining Akademiyada oʻtkaziladigan tadbirlarini oʻz vaqtida va sifatli tashkil etish borasida Akademiyaga yuklatilgan vazifalar ijrosini taʼminlash uchun Akademiya boshligʻi oʻz vakolati doirasida buyruq (farmoyish) chiqaradi.

10. Akademiya “tergov faoliyati” yoʻnalishida bakalavriat dasturi boʻyicha taʼlim olish muddati uch yilni tashkil etib, bitiruvchilarga belgilangan davlat namunasidagi diplom beriladi.

11. Akademiyaga qabul qilishda hujjat topshirgan abituriyentlarning muayyan toifalariga respublikaning boshqa oliy taʼlim muassasalariga kirish uchun qonunchilik hujjatlarida nazarda tutilgan imtiyozlar tatbiq etilmaydi.

12. Akademiyada oʻqitish davlat grantlari va toʻlov-kontrakt asosida tashkil etilib, toʻlov-kontrakt asosida oʻqitish qiymatlari har yili Vasiylik kengashi tomonidan belgilanadi.

Tabaqalashtirilgan toʻlov-kontrakt asosida qabul qilingan talabalar birinchi oʻquv yilini muvaffaqiyatli tugatgandan soʻng keyingi oʻquv yilidan boshlab umumiy belgilangan tartibda oʻqishini davom ettiradi.

Tabaqalashtirilgan toʻlov-kontrakt asosida oʻqish istagini bildirgan abituriyent Oliy taʼlim, fan va innovatsiyalar vazirligi tomonidan belgilangan muddatlarda toʻlov-kontrakt shartlarining birinchi oʻquv yili uchun kamida 50 foizini bajarganidan soʻng Akademiya boshligʻining buyrugʻi bilan oʻqishga qabul qilinadi.

13. “Tergov faoliyati” yoʻnalishiga umumiy oʻrta taʼlim (11-sinf negizida) yoki oʻrta maxsus, kasb-hunar professional taʼlim maʼlumotiga ega, sogʻligʻining holati boʻyicha xodim yoki harbiy xizmatchining xizmat majburiyatlarini bajarishga qodir boʻlgan Oʻzbekiston Respublikasi fuqarolaridan oʻqishga kirish uchun hujjatlar qabul qilinadi.

2-§. Akademiyaning “tergov faoliyati” yoʻnalishi boʻyicha hujjatlarni qabul qilish va dastlabki tanlovni oʻtkazish

14. Akademiyaning “tergov faoliyati” yoʻnalishidagi har yilgi qabul parametri vakolatli davlat organlarining hududlar kesimidagi ehtiyojlaridan kelib chiqqan holda belgilanadi.

Vakolatli davlat organlari tomonidan hududlar kesimidagi ehtiyojlaridan kelib chiqqan holda shakllantirilgan takliflari qabul yilining 10-yanvariga qadar Akademiyaga taqdim etiladi.

Akademiya va vakolatli davlat organlari oʻzlarining rasmiy veb-saytlari, ijtimoiy tarmoqlardagi sahifalari hamda ommaviy axborot vositalari orqali Akademiyaning “tergov faoliyati” boʻyicha bakalavriatiga nomzodlarni tanlash va oʻqishga qabul qilish uchun tanlovni qabul yilining 1-fevraliga qadar eʼlon qiladi.

Nomzodlarni tanlash va oʻqishga qabul qilish tanlovlarni oʻtkazish toʻgʻrisida berilgan eʼlonda tegishli hujjatlar qabul qilinadigan manzil, oʻqishga qabul qilish shartlari hamda tanlovni oʻtkazish bilan bogʻliq boshqa maʼlumotlar aks ettiriladi.

15. Akademiyaning “tergov faoliyati” yoʻnalishi boʻyicha bakalavriati qabuliga dastlabki tanlov:

harbiylashtirilgan tuzilmalar (Davlat xavfsizlik xizmati, Ichki ishlar vazirligi, Milliy gvardiya, Bojxona qoʻmitasi, Harbiy prokuratura);

harbiylashtirilmagan tashkilotlar (prokuratura organlari, shu jumladan Iqtisodiy jinoyatlarga qarshi kurashish departamenti, Majburiy ijro byurosi)dagi talablarni inobatga olgan holda alohida tartibda amalga oshiriladi.

Bunda, nomzod oʻz hujjatlarini harbiylashtirilgan yoki harbiylashtirilmagan soha boʻyicha topshirishi lozim.

16. Nomzod qabul yilining 1-fevralidan 1-martiga qadar hujjatlarni Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Agentlik)ning maxsus elektron platformasi orqali onlayn topshirib, roʻyxatdan oʻtadi.

Nomzod ushbu bandning birinchi xatboshisida koʻrsatilgan muddatlarda:

harbiylashtirilgan yoʻnalish boʻyicha — hududiy ichki ishlar organlariga;

harbiylashtirilmagan yoʻnalish boʻyicha — hududiy prokuratura organlariga tegishli hujjatlarni taqdim etadi.

17. Nomzod tomonidan quyidagi hujjatlar taqdim qilinadi:

shaxsini tasdiqlovchi hujjat (pasport yoki ID-karta) nusxasi;

tugʻilganlik haqidagi guvohnomasi nusxasi, tugʻilganlik haqidagi guvohnoma almashtirilgan yoxud familiyasi, ismi, otasining ismi va boshqa maʼlumotlar oʻzgartirilgan boʻlsa, bu haqda FHDY organining maʼlumotnomasi;

yaqin qarindoshlari pasporti, nikoh tuzilganligi haqidagi guvohnoma, nikohdan ajralganlik haqidagi guvohnoma, qarindoshlarining oʻlimi haqidagi guvohnomalar nusxalari;

nomzod tomonidan qoʻlda va kompyuterda yozilgan tarjimai hol;

anketa (maʼlumotnoma);

harbiy xizmatga chaqiriluvchining qayd etilganligi toʻgʻrisidagi guvohnomasi yoki harbiy guvohnomasi (agar mavjud boʻlsa) nusxasi;

3x4 santimetr oʻlchamdagi 6 ta fotosurat (bosh kiyimsiz) hamda 9x12 santimetr oʻlchamdagi 2 ta fotosurat (bosh kiyimsiz);

nomzodlar tomonidan hujjatlarni taqdim etishda shaxsni tasdiqlovchi hujjatlar (pasport yoki ID-karta), tugʻilganlik haqida guvohnomalar, harbiy xizmatga chaqiriluvchining qayd etilganligi toʻgʻrisidagi guvohnomasi yoki harbiy guvohnomasi shaxsan koʻrsatiladi.

18. Hujjatlarni qabul qilgan hududiy ichki ishlar organi/hududiy prokuratura organi masʼul xodimi taqdim etilgan hujjatlarning aslini tekshirib oladi. Xizmat oʻtash xususiyatidan kelib chiqib, shuningdek ayrim hujjatlarga aniqlik kiritish maqsadida tegishli muassasalardan qoʻshimcha hujjat yoxud maʼlumotlar talab qilib olinishi mumkin.

19. Akademiyaga oʻqishga kirish istagini bildirgan nomzodlar uchun dastlabki tanlov hududiy ichki ishlar organi/hududiy prokuratura organi tomonidan qabul yilining 1-martidan 20-mayiga qadar oʻtkaziladi.

20. Dastlabki tanlovning maqsadi — nomzodni tavsiflovchi maʼlumotlarning ular kelgusida vakolatli davlat organlarida xizmat qilishi uchun mosligini va ularning sogʻligʻi holatini aniqlashdan iborat.

21. Quyidagilar dastlabki tanlovning asosiy vazifalari hisoblanadi:

nomzodga tegishli hujjatlarni va uni tavsiflovchi maʼlumotlarni toʻplash;

nomzod toʻgʻrisidagi turli maʼlumotlarni aniqlash (oilaviy ahvoli va boshqalar);

nomzodning sogʻligʻi jihatidan oʻqishga yaroqliligini aniqlash.

22. Dastlabki tanlov quyidagi tadbirlarni oʻz ichiga oladi:

harbiylashtirilmagan yoʻnalishlar uchun — hujjatlarni toʻplash va oʻrganish (maxsus oʻrganish);

harbiylashtirilgan yoʻnalishlar uchun — hujjatlarni toʻplash va oʻrganish (maxsus oʻrganish) hamda tibbiy koʻrikdan oʻtkazish.

23. Hujjatlarni toʻplash va oʻrganish natijalarini tahlil qilish nomzod toʻgʻrisidagi maʼlumotlarni rejali jamlash va tizimlashtirish usuli orqali oʻtkaziladi.

24. Dastlabki tanlov bosqichida ishtirok etadigan nomzodlarning soni cheklanmaydi.

25. Hududiy ichki ishlar organlari nomzodlarni ichki ishlar organlarida maxsus tashkil etiladigan harbiy-tibbiy komissiyalar tomonidan tibbiy koʻrikdan oʻtkazilishini taʼminlaydi.

26. Harbiylashtirilgan tuzilmalar uchun quyidagi maxsus parametrlar talab etiladi:

yoshi oʻn yettidan kichik va yigirma beshdan katta boʻlmasligi (muddatli harbiy xizmat va safarbarlik chaqiruvi rezervidagi harbiy xizmatni oʻtagan yoshi yigirma oltidan katta boʻlmagan);

boʻyi balandligi erkaklar uchun — 165 santimetrdan, ayollar uchun — 160 santimetrdan past boʻlmasligi;

harbiy-tibbiy komissiya koʻrigi natijasiga koʻra sogʻligʻining holati boʻyicha xizmatga yaroqli deb topilganligi.

Harbiylashtirilmagan tashkilotlarga ishga qabul qilinadigan nomzodlarga ushbu banddagi maxsus talablar tatbiq etilmaydi.

27. Harbiy-tibbiy komissiya koʻrigi natijasiga koʻra, keyinchalik harbiylashtirilgan tuzilmalarga ishga qabul qilinadigan nomzod sogʻligʻining holati boʻyicha harbiylashtirilgan vakolatli davlat organlarida xizmatga yaroqsiz deb topilgan taqdirda, bu haqda nomzodga maʼlum qilinadi va ushbu nomzodni vakolatli davlat organlariga qabul qilish maqsadga muvofiq emasligi toʻgʻrisida xulosa tuziladi. Ushbu toifadagi nomzodlarning alohida roʻyxati shakllantiriladi.

28. Nomzodga tegishli hujjatlarni oʻrganish va harbiy-tibbiy komissiya koʻrigi natijasiga koʻra nomzodlar roʻyxati va yigʻmajildlari hududiy ichki ishlar organi/hududiy prokuratura organi tomonidan qabul yilining 25-mayiga qadar Akademiyaga taqdim etiladi.

29. Roʻyxatga harbiy-tibbiy komissiyaning xulosasi ilova qilinadi.

30. Dastlabki tanlovdan oʻtgan nomzodlar toʻgʻrisidagi maʼlumotlar Akademiya rasmiy veb-saytida eʼlon qilinadi.

3-§. Akademiyaning “tergov faoliyati” yoʻnalishi boʻyicha maxsus psixologik tanlov

31. Maxsus psixologik tanlov uchun test topshiriqlari Agentlik tomonidan tuziladi va test sinovlari oʻtkaziladi.

Nomzodlar Agentlik tomonidan maxsus psixologik tanlovni oʻtkazish vaqti va joyi haqida shaxsiy kabineti orqali tanlovdan kamida 3 kun oldin xabardor qilinadi.

32. Maxsus psixologik tanlov har yili iyun-iyul oylarida Agentlik tomonidan quyidagi mezon asosida baholanadi:

test topshiriqlarini bajarish uchun 50 ta test savoliga 40 daqiqa (javoblar varaqasini toʻldirish bilan birga) vaqt beriladi. Har bir toʻgʻri javob uchun 2 ball beriladi;

maxsus psixologik tanlov natijalari 0 balldan 100 ballgacha baholanadi.

33. Psixologik tanlov oʻtkazish jarayoni Akademiya rasmiy veb-saytida toʻgʻridan-toʻgʻri namoyish etib boriladi.

4-§. Akademiyaning “tergov faoliyati” yoʻnalishi boʻyicha yozma imtihonni oʻtkazish

34. Yozma imtihon har yili iyun-iyul oylarida Agentlik tomonidan diktant shaklida oʻtkaziladi.

Nomzodlar Agentlik tomonidan yozma imtihonni oʻtkazish vaqti va joyi haqida shaxsiy kabineti orqali imtihondan kamida 3 kun oldin xabardor qilinadi.

35. Yozma imtihonni oʻzbek tilida topshirayotgan nomzodlarga lotin yozuviga asoslangan oʻzbek alifbosida yozish talab etiladi.

36. Diktant matni 160 — 170 ta soʻzdan iborat boʻladi.

Nomzodlarga diktantning audiomatni bir marotaba eshittiriladi. Audiomatn toʻliq eshittirilgandan keyin nomzodlar diktantni yozishga tayyorlanadi.

Audiomatndagi har bir gap 2 marotaba eshittiriladi.

Diktant yozish yakunlangandan soʻng audiomatn yana bir marotaba toʻliq eshittiriladi.

37. Yozma imtihon quyidagi mezon asosida baholanadi:

maksimal ball 100 ballni tashkil etadi;

orfografik (imloviy) yoki punktuatsion (tinish belgi) xatolikka yoʻl qoʻyilmagan diktant 100 ball bilan baholanadi;

har bir orfografik yoki punktuatsion xatolik uchun 4 balldan ayirib tashlanadi.

38. Quyidagi holatlarda diktantdagi xatoliklar 1 ta xato deb hisoblanadi:

aynan bir xil soʻzdagi orfografik xatoliklar takrorlansa;

tinish belgisini qoʻllash bilan bogʻliq xatolik aynan takrorlansa.

39. Nomzod javoblar varaqasini diktant yozilmagan holda topshirsa, “0” ball bilan baholanadi.

40. Yozma imtihon oʻtkazish jarayoni Akademiya rasmiy veb-saytida toʻgʻridan-toʻgʻri namoyish etib boriladi.

5-§. Akademiyaning “tergov faoliyati” yoʻnalishi boʻyicha test sinovlarini oʻtkazish

41. Akademiyaning “tergov faoliyati” yoʻnalishi boʻyicha test sinovlari, qoida tariqasida, har yili iyul-avgust oylarida oʻtkaziladi.

42. Qabul komissiyasi qaroriga asosan test oʻtkazish jarayoni Akademiya rasmiy veb-saytida toʻgʻridan-toʻgʻri namoyish etib boriladi.

43. Nomzodlarni oʻqishga qabul qilish oʻtkazilgan maxsus psixologik tanlov, yozma imtihon va test sinovlari natijalari yigʻindisi asosida Akademiya tomonidan amalga oshiriladi.

44. Nomzod test sinovlarini Akademiyada taʼlim olish tilida topshiradi.

45. Test sinovlari oʻtkaziladigan fanlar majmuasi, test topshiriqlari soni va baholash mezonlari test sinovlari boshlanishidan kamida 6 oy oldin Bosh prokuraturaning taklifiga binoan Oliy taʼlim, fan va innovatsiyalar vazirligi tomonidan belgilanadi.

Bunda, nomzodlarga Akademiyaning “tergov faoliyati” yoʻnalishiga oʻqishga kirish uchun test sinovi topshiriladigan fanlar majmuasi va baholash mezonlari mos boʻlgan davlat oliy taʼlim muassasalarining beshtagacha taʼlim yoʻnalishlari boʻyicha tanlovda ishtirok etish imkoniyati beriladi.

46. Nomzod oʻqigan chet tilidan qatʼi nazar, xohlagan chet tilidan test sinovlarini topshirishi mumkin.

Akademiyaga hujjat topshirgan va Agentlik tomonidan berilgan chet tilini bilish darajasi toʻgʻrisidagi sertifikat (keyingi oʻrinlarda — milliy sertifikat) yoki xalqaro sertifikatning quyidagi darajalariga ega boʻlgan abituriyentlarga ushbu fandan imtihonlarsiz belgilangan maksimal ball beriladi:

ingliz tili uchun — milliy sertifikat yoki International English Language Testing System (IELTS 5,5), Test of English as a Foreign Language (TOEFL IBT 72), Cambridge Assessment English (FCE, CAE) va Linguaskill xalqaro imtihon tizimlari boʻyicha tilni bilish darajalari B2 va undan yuqori;

nemis tili uchun — milliy sertifikat yoki Goethe-Zertifikat, Deutsches Sprachdiplom (DSD II), TestDaF (TDN3), ECL, xalqaro imtihon tizimlari boʻyicha tilni bilish darajalari B2 va undan yuqori;

fransuz tili uchun — milliy sertifikat yoki Diplome dʼEtudes en Langue Française (DELF, DALF), Test de Connaissance du Français (TCF) xalqaro imtihon tizimlari boʻyicha tilni bilish darajalari B2 va undan yuqori;

yapon tili uchun — milliy sertifikat yoki Japanese Language Proficiency Test (JLPT № 2) xalqaro imtihon tizimlari boʻyicha tilni bilish darajalari B2 va undan yuqori;

boshqa tillar (ispan, turk, arab, fors, dari, hind, urdu, xitoy, koreys, uygʻur, italyan, pushtu) uchun — milliy sertifikat yoki xalqaro imtihon tizimlari boʻyicha tilni bilish darajasi B2 va undan yuqori;

Bunda B1 darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ballning 75 foizi miqdorida ball beriladi.

47. Test sinovlari Vazirlar Mahkamasining “Oliy taʼlim tashkilotlariga oʻqishga qabul qilish jarayonlarini tartibga soluvchi normativ-huquqiy hujjatlarni tasdiqlash toʻgʻrisida” 2025-yil 13-sentabrdagi 578-son qarori talablari asosida amalga oshiriladi.

48. Akademiyaning “tergov faoliyati” yoʻnalishida maxsus psixologik tanlov, yozma imtihon va test sinovlarida ishtirok etish uchun quyidagi tartibda va miqdorda toʻlov undiriladi:

maxsus psixologik tanlov va yozma imtihonda ishtirok etish uchun barcha talabgorlardan bazaviy hisoblash miqdorining yarim baravari miqdorida;

test sinovlarida ishtirok etish uchun test sinovlari tashkil etilayotgan oʻquv yilidan avvalgi yillarda taʼlim muassasalarini tugatgan nomzodlardan (toʻliq davlat taʼminotidagi shaxslar, Ijtimoiy reyestrga kiritilgan oilalar va ularning farzandlari hamda “Yoshlar daftari”ga kiritilgan yoshlar bundan mustasno) bazaviy hisoblash miqdorining yarim baravari miqdorida.

Maxsus psixologik tanlov, yozma imtihon va test sinovida ishtirok etmagan talabgorlarga toʻlov qaytarilmaydi.

49. Test sinoviga belgilangan vaqtda kelmagan nomzodlar uchun qoʻshimcha test sinovlari oʻtkazilmaydi.

50. Yozma imtihon va test sinovlari natijasi boʻyicha berilgan apellyatsiya shikoyatlari Agentlikning apellyatsiya komissiyasi tomonidan koʻrib chiqiladi.

Apellyatsiya arizalari imtihon natijalari eʼlon qilingan vaqtdan boshlab 24 soat ichida qabul qilinadi va apellyatsiya komissiyasi tomonidan murojaat qilganlarning sonidan kelib chiqqan holda bir kundan uch kungacha boʻlgan muddatda koʻrib chiqiladi.

Maxsus psixologik tanlov natijalari apellyatsiya tartibida koʻrib chiqilmaydi.

51. Nomzodlar Agentlik tomonidan taqdim etilgan maxsus psixologik tanlov, yozma imtihon va test sinovlari yigʻindisi natijalari asosida Akademiya boshligʻining buyrugʻi bilan oʻqishga qabul qilinadi va ularga stipendiya tayinlanadi.

52. Oʻqishga qabul qilingan nomzodlar haqidagi maʼlumotlar ikki kun muddatdan kechikmasdan Agentlikka taqdim etiladi.

6-§. Akademiyaning “tergov faoliyati” yoʻnalishidan tashqari yurisprudensiyaning boshqa yoʻnalishlari boʻyicha oʻqishga qabul qilish

53. Akademiyaning “tergov faoliyati” yoʻnalishidan tashqari yurisprudensiyaning boshqa yoʻnalishlari boʻyicha qabul Vazirlar Mahkamasining “Oliy taʼlim tashkilotlariga oʻqishga qabul qilish jarayonlarini tartibga soluvchi normativ-huquqiy hujjatlarni tasdiqlash toʻgʻrisida” 2025-yil 13-sentabrdagi 578-son qarori talablari asosida amalga oshiriladi.

Bakalavriatning barcha yoʻnalishlariga nomzodlarni qabul qilishda davlat oliy taʼlim muassasalariga kirish uchun qonunchilik hujjatlarida nazarda tutilgan boshqa imtiyozlar tatbiq etilmaydi.

54. Yurisprudensiyaning boshqa yoʻnalishlarining faoliyat turlari Bosh prokuror tomonidan belgilanadi.

3-bob. Oʻquv jarayonini tashkil etish

55. Akademiya bakalavriatida taʼlim Vazirlar Mahkamasining “Oliy taʼlim muassasalarida taʼlim jarayonini tashkil etish bilan bogʻliq tizimni takomillashtirish chora-tadbirlari toʻgʻrisida”gi 2020-yil 31-dekabrdagi 824-son qarori bilan belgilangan kredit-modul tizimi asosida tashkil etiladi.

56. “Tergov faoliyati” yoʻnalishi boʻyicha kunduzgi taʼlim shakliga oʻqishga qabul qilingan fuqaro bilan oʻqish (xizmat oʻtash) va oʻqishni tamomlaganidan keyin uch kalendar yili mobaynida taqsimot boʻyicha yuborilganda vakolatli davlat organlarida yoki boshqa davlat organlarida majburiy uzluksiz xizmat oʻtash toʻgʻrisida shartnoma imzolanadi.

57. Akademiyada oʻqitish tili belgilangan qabul parametrlari doirasida hujjatlar qabul qilinishiga qadar Vasiylik kengashi tomonidan belgilanadi.

58. Bakalavriatda oʻqitishni tashkil etish jarayoni bakalavriat fakulteti tomonidan Akademiyaning kafedra, markaz va boʻlimlari bilan birgalikda amalga oshiriladi.

59. Bakalavriatda Akademiya xodimlari, professor-oʻqituvchilar hamda talabalarning huquq va majburiyatlari, oʻquv metodik, ilmiy-pedagogik faoliyati, amaliyot oʻtashi va oʻqitishni tashkil etish bilan bogʻliq boshqa masalalar Akademiya tomonidan belgilanadi.

60. Akademiyaning “tergov faoliyati” yoʻnalishi boʻyicha 1-kurs talabalarining harbiy tayyorgarlik mashgʻulotlari tashkil etilib, ushbu mashgʻulotlar Oʻzbekiston Respublikasi Mudofaa vazirligi tomonidan oʻtkaziladi.

61. Akademiyaning “tergov faoliyati” yoʻnalishi boʻyicha bakalavriatda birinchi kurs va (yoki) ikkinchi kurs uchun belgilangan oʻquv jarayoni yakunlanganidan soʻng talabalar (muddatli harbiy xizmat va safarbarlik chaqiruvi rezervidagi harbiy xizmatni oʻtaganlar bundan mustasno) qonunchilik hujjatlarida belgilangan tartibda va muddatlarda, shartnoma asosida yozgi taʼtil davrida Toshkent viloyati hududida yoki yashash joyidagi hududda joylashgan harbiy qismda safarbarlik chaqiruvi rezervidagi harbiy xizmatni oʻtaydi.

62. Harbiy tayyorgarlik mashgʻulotlari doirasida ikki haftagacha boʻlgan muddatda oʻquv-dala yigʻinlari Bosh prokuratura va Mudofaa vazirligi tomonidan tasdiqlanadigan qoʻshma chora-tadbirlar rejasiga muvofiq tashkil etiladi.

63. Keyinchalik nomzod talaba sifatida Akademiyaga harbiylashtirilmagan yoʻnalish boʻyicha oʻqishga qabul qilinganidan soʻng, agar harbiylar uchun belgilangan talablarga javob bergan taqdirda, unga xohishiga koʻra harbiylashtirilgan yoʻnalishda ishlash imkoniyati yaratiladi.

64. Talaba Akademiya talabalari safidan quyidagi hollarda chetlashtirilishi mumkin:

oʻz xohishiga binoan;

Akademiyaning ichki tartib-qoidalarini buzgani sababli;

bir semestr davomida darslarni uzrli sabablarsiz 74 soatdan ortiq qoldirganligi sababli;

oʻqish uchun belgilangan toʻlov oʻz vaqtida amalga oshirilmaganligi sababli (toʻlov-kontrakt boʻyicha tahsil olayotganlar uchun);

sudning hukmi asosida ozodlikdan mahrum etilganligi munosabati bilan;

sud qaroriga koʻra kirish imtihonlarida belgilangan tartibni buzganligi aniqlanganda (ushbu holatda tinglovchilar safidan chetlashtirilganlar qayta tiklanmaydi);

talaba abituriyent sifatida qabul komissiyasiga taqdim etgan (topshirgan) hujjatlarining qalbakiligi yoki belgilangan talablarga javob bermasligi aniqlansa;

vafot etganligi sababli yoki sud qaroriga asosan bedarak yoʻqolgan yoxud vafot etgan deb eʼlon qilinganda.

65. Intizomiy jazo chorasi qoʻllanilgan talaba bundan norozi boʻlsa, Bosh prokuratura yoki sudga murojaat qilish huquqiga ega.

66. Talabaga nisbatan qoʻllanilgan intizomiy jazo yuzasidan maʼlumot uning shaxsiy yigʻmajildida saqlanadi.

67. Talaba Akademiyadan chetlashtirilganda unga akademik maʼlumotnoma beriladi.

68 1 . Talabalar Akademiya boshligʻining buyrugʻi bilan quyidagi hollarda kursdan-kursga qoldiriladi:

Akademiyada semestr va oʻquv yili yakunida fanlarni oʻzlashtirishning oʻrtacha koʻrsatkichi (GPA (grade point average) ballini toʻplay olmaganda;

malakaviy amaliyotga qatnashmagan, shuningdek, malakaviy amaliyot yakunlari boʻyicha qoniqarsiz baholanganda.

69. Davlat granti yoki toʻlov-kontrakt asosida bakalavriatda tahsil olayotgan talabalar talabalar safidan chetlashtirilgan taqdirda ular keyingi oʻquv yilida toʻlov-kontrakt asosida oʻqishga tiklanadi.

Bunday holatda davlat granti asosida oʻqishga qabul qilingan talabalarning surishtiruv va tergov faoliyati sohasida vakolatli davlat organlarida kamida uch yil uzluksiz ishlab berish majburiyati saqlanib qoladi.

Talabalar safidan chetlashtirilgan talaba oʻqishini quyi kurs (semestr)dan qayta tiklash yoki davom ettirish boʻyicha kontrakt toʻlovi miqdori Akademiya kengashi tomonidan belgilanadi.

Talabalar safidan chetlashtirilgan talaba keyingi oʻquv yili boshlanguniga qadar oʻqishini tiklamasa, uning oʻqishi uchun sarflangan mablagʻlar talaba tomonidan qoplanishi shart.

Belgilangan muddatda qoplanmagan mablagʻlar sud orqali undiriladi.

Talabalarning oʻqishini qayta tiklash boʻyicha arizalarni qabul qilish bir oʻquv yilida ikki marta:

kuzgi semestr oʻquv mashgʻulotlari boshlanishidan oldin — 15-iyuldan 5-avgustgacha (5-avgust kuni ham);

bahorgi semestr oʻquv mashgʻulotlari boshlanishidan oldin — 10-yanvardan 20-yanvargacha (20-yanvar kuni ham) amalga oshiriladi.

Arizalar Akademiya tomonidan elektron shaklda ham qabul qilinadi.

Talabalar oʻqishini qayta tiklash toʻgʻrisidagi arizalarni koʻrib chiqish va qaror qabul qilish:

kuzgi semestr uchun — 6-avgustdan 31-avgustgacha;

bahorgi semestr uchun — 21-yanvardan 10-fevralgacha amalga oshiriladi.

70. Oʻqishga tiklangan tinglovchilar modullar boʻyicha olinmay qolgan kreditlarga mos ravishda toʻlov-kontrakt summasini toʻlaydi.

Toʻlov-kontrakt, shu jumladan tabaqalashtirilgan toʻlov-kontrakt asosida oʻqishga qabul qilingan talaba talabalar safidan chetlashtirilgan taqdirda, oʻqishini tiklashida toʻlov-kontrakt miqdorining qolgan qismini toʻlashi talab etiladi.

71. Fanlar boʻyicha qayta taʼlim olish uchun toʻlov qiymati Akademiya tomonidan butun oʻquv yilining kontrakt summasidan kelib chiqqan holda belgilanadi. Qayta taʼlim olish uchun toʻlov mexanizmi Akademiya tomonidan bir kredit qiymatini hisoblash asosida belgilanadi. Bir kredit qiymati oʻquv yili davomidagi taʼlim olish uchun toʻlanadigan umumiy summani rejalashtirilgan kreditlar miqdoriga boʻlish yoʻli bilan aniqlanadi.

72. Talaba tomonidan chetlashtirilgunga qadar oʻzlashtirgan sinov birliklari miqdori Akademiya tomonidan toʻliq hajmda hisobga olinadi. Akademik qarzdorligi tufayli tinglovchilar safidan chetlashtirilgan talabalar keyingi oʻquv yilida tegishli oʻquv semestridan boshlab faqat oʻzlashtira olmagan modullarni takroran oʻqishi mumkin.

73. Shartnoma asosida talabani oʻqishga qayta tiklash soni chegaralanmaydi.

4-bob. Tergov faoliyati yoʻnalishi boʻyicha bitiruvchilarini taqsimotga muvofiq ishlab berishini tashkil etish

74. Davlat granti asosida bitiruvchilar (keyingi oʻrinlarda — bitiruvchilar) vakolatli davlat organlarining hududlar kesimidagi ehtiyojlari boʻyicha berilgan takliflari asosida ushbu organlarga ishga qabul qilinishi taʼminlanadi.

75. Bitiruvchilarni vakolatli davlat organlariga xizmatga taqsimlash uchun Akademiyada taqsimot komissiyasi tuziladi.

Taqsimot komissiyasiga Vasiylik kengashi raisi raislik qiladi hamda uning tarkibiga vakolatli davlat organlari vakillari bilan bir qatorda boshqa tashkilotlarning vakillari ham, ularning rahbarlari bilan kelishilgan holda kiritilishi mumkin.

76. Bitiruvchilarni ishlab berish uchun taqsimlash har yili, qoida tariqasida, bitiruvchi oʻqishni tamomlagandan soʻng, bir oydan kechiktirmay amalga oshiriladi.

77. Taqsimot komissiyasi tomonidan bitiruvchining reyting natijalari va talabani oʻrganish jarayonida yigʻilgan shaxsiy hujjatlar yigʻmajildini, shuningdek harbiy-tibbiy komissiya xulosasini inobatga olib, vakolatli davlat organlarida xizmatni oʻtash uchun bitiruvchiga ushbu Nizomga 2-ilovada keltirilgan shakldagi yoʻllanma beriladi.

78. Taqsimot komissiyasining bitiruvchini xizmatga taqsimlash haqidagi qarori qabul qilinganidan soʻng Akademiya tomonidan har bir bitiruvchiga uch ish kunidan kechiktirmagan holda oliy maʼlumot toʻgʻrisidagi diplomdan koʻchirma beriladi.

79. Taqsimot komissiyasi qarori asosida vakolatli davlat organlariga yoʻllanma berilgan bitiruvchilar bilan qonunchilik hujjatlarida belgilangan tartibda shartnoma (kontrakt) tuziladi. Bitiruvchining xizmat vazifalarini bajarishga kirishganligi haqida ushbu Nizomga 3-ilovada keltirilgan shakldagi maʼlumotnoma (keyingi oʻrinlarda — maʼlumotnoma) ish beruvchi tashkilot tomonidan Akademiyaga taqdim etiladi.

Akademiya maʼlumotnoma asosida ushbu Nizomga 4-ilovada keltirilgan shakldagi jurnalga muvofiq har bir bitiruvchining hisobini yuritadi.

80. Bitiruvchi 3-kurs davomida qayta oʻtkaziladigan maxsus oʻrganishdan oʻtmaganda yoki vakolatli davlat organlarining harbiy-tibbiy komissiyasi xulosasiga koʻra xizmatga nomuvofiq deb topilganda bitiruvchilarga mustaqil ishga joylashish imkoniyati berilganligi toʻgʻrisida maʼlumotnoma va oliy maʼlumot toʻgʻrisidagi diplomning asli beriladi.

Bitiruvchi mazkur maxsus oʻrganishdan oʻtmaganda yoki harbiy-tibbiy komissiyasi xulosasiga koʻra xizmatga nomuvofiq deb topilganda, u belgilangan kompensatsiya toʻlovidan ozod etiladi.

81. Uch yillik ishlab berish muddati davomida bitiruvchi xizmatdan boʻshatilganda, vakolatli davlat organlari hududiy davlat organlari rahbari tomonidan tegishli maʼlumot besh ish kuni mobaynida Akademiyaga taqdim etiladi.

Bunda, kompensatsiya miqdori bitiruvchi tomonidan ishlab berilgan vaqtga proporsional tarzda hisoblab chiqiladi.

Akademiya bitiruvchi tomonidan kompensatsiya miqdorini toʻlashni taʼminlash, shuningdek zaruratga koʻra, sud tartibida undirish chorasini koʻradi.

Bitiruvchidan undirilgan kompensatsiya mablagʻlari toʻliq hajmda Akademiya hisobiga toʻlanadi.

82. Mazkur Nizomga muvofiq bitiruvchi xizmat burchini bajarish vaqtida mehnat layoqatini yoʻqotganligi sababli (tasdiqlovchi hujjatlar mavjud boʻlganda) ishlab berish imkoniyatiga ega boʻlmaganda Vasiylik kengashi qarori asosida kompensatsiya toʻlovidan ozod etiladi.

83. Bitiruvchining uch yillik ishlab berish muddati tugagandan soʻng xizmatni davom ettirish haqidagi masala qonunchilik hujjatlariga muvofiq ish beruvchi va xodim yoki harbiy xizmatchi oʻrtasida oʻzaro kelishuvga asosan hal etiladi.

5-bob. Yakunlovchi qoidalar

84. Davlat granti asosida oʻqishni tamomlagan Akademiya bakalavriatining bitiruvchilariga vakolatli davlat organlarida uch yil ishlab berish (xizmatni oʻtash) majburiyati yuklanadi.

Akademiyaga oʻqishga kirishdan oldin nomzod Akademiyaga davlat granti asosida oʻqishga qabul qilingan va bakalavriatni bitirgan taqdirda, surishtiruv va tergov faoliyatini amalga oshirish vakolatiga ega davlat organlarida ishlab berish (xizmatni oʻtash) majburiyatini bajarishdan bosh tortganida yoki uch yillik muddatdan ilgari mehnat qonunchiligiga asosan yoxud xizmatni lozim darajada bajarmaganligi yoki sodir etilgan huquqbuzarlik tufayli mehnat qilish (xizmatni oʻtash) mumkin boʻlmay xizmatdan (ishdan) boʻshatilganida, oʻqishni bitirgan vaqtidagi Akademiyada amalda boʻlgan toʻlov-shartnoma summasining yigirma besh baravari miqdorida Akademiyaga kompensatsiya toʻlaganidan soʻng diplom berilishi toʻgʻrisida ogohlantiriladi.

Ogohlantirish xati orqali zimmasiga yuklanadigan barcha majburiyatlarni oʻz vaqtida va toʻliq bajarilishiga kafolat berishi toʻgʻrisida majburiyat shartlari hamda uning bajarilmasligi yuzasidan moddiy javobgarlik boʻyicha oʻqishga kirish uchun hujjat topshirish jarayonida ushbu Nizomga 5-ilovada keltirilgan shakldagi ogohlantirish xati orqali tanishtiriladi.

Bitiruvchi tomonidan toʻlov amalga oshirilganidan soʻng unga diplom berilishi taʼminlanadi.

Ogohlantirish xatini imzolashni rad etgan fuqarolar Akademiyaga qabul qilinmaydi.

85. Akademiyada taʼlim olayotgan talabalar oʻqishini boshqa oliy taʼlim muassasalariga, shuningdek boshqa oliy taʼlim muassasalari talabalari oʻqishini Akademiyaga koʻchirish mumkin emas.

Akademiya talabalari oʻqishini bir taʼlim shaklidan boshqa taʼlim shakliga koʻchirish masalasi Akademiya Kengashi tomonidan hal qilinadi. Bunda talabalar oʻqishini bir taʼlim shaklidan boshqa taʼlim shakliga koʻchirish boʻyicha arizalarni qabul qilish:

kuzgi semestr oʻquv mashgʻulotlari boshlanishidan oldin — 15-iyuldan 5-avgustgacha (5-avgust kuni ham);

bahorgi semestr oʻquv mashgʻulotlari boshlanishidan oldin — 10-yanvardan 20-yanvargacha (20-yanvar kuni ham) amalga oshiriladi.

Talabalar oʻqishini bir taʼlim shaklidan boshqa taʼlim shakliga koʻchirish boʻyicha arizalarni koʻrib chiqish va qaror qabul qilish kuzgi semestr oʻquv mashgʻulotlari boshlanishidan oldin — 6-avgustdan 30-avgustgacha (30-avgust kuni ham), bahorgi semestr oʻquv mashgʻulotlari boshlanishidan oldin — 21-yanvardan 10-fevralgacha (10-fevral kuni ham) amalga oshiriladi.

Talabalar oʻqishini “tergov faoliyati” yoʻnalishidan boshqa taʼlim yoʻnalishiga, boshqa taʼlim yoʻnalishidan “tergov faoliyati” yoʻnalishiga koʻchirishiga yoʻl qoʻyilmaydi.

86. Mazkur Nizomda nazarda tutilgan tadbirlarni amalga oshirish bilan bogʻliq xarajatlar Akademiya hamda vakolatli davlat organlarining budjetdan tashqari jamgʻarmalari mablagʻlari hisobidan qoplanadi.

87. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizomga 1-ILOVA

Oʻzbekiston Respublikasi Huquqni muhofaza qilish akademiyasi bakalavriatining “tergov faoliyati” yoʻnalishiga qabul qilishni tashkil etish

Bosqichlar Subyektlar Chora-tadbirlar Muddatlar 1-bosqich Huquqni muhofaza qilish akademiyasi (Akademiya) Oʻqishga qabul qilish muddatlari, taʼlim yoʻnalishlari va qabul parametrlari toʻgʻrisida Akademiyaning rasmiy veb-sayti hamda ommaviy axborot vositalarida eʼlon berish. Har yili 1-fevralga qadar 2-bosqich Nomzodlar, Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (Agentlik), hududiy ichki ishlar organlari, hududiy prokuratura organlari 1. Oliy taʼlim, fan va innovatsiyalar vazirligi huzuridagi Bilim va malakalarni baholash agentligi maxsus elektron platformasida roʻyxatdan oʻtish. 2. Hududiy ichki ishlar (harbiylashtirilgan yoʻnalish boʻyicha) va hududiy prokuratura (harbiylashtirilmagan yoʻnalish boʻyicha) organlariga tegishli hujjatlarni topshirish. Har yili 1-fevraldan 1-martga qadar 3-bosqich Hududiy ichki ishlar organlari, hududiy prokuratura organlari 1. Harbiylashtirilgan va harbiylashtirilmagan yoʻnalishlar boʻyicha oʻqishga topshirayotgan nomzodlar hujjatlarini toʻplash va oʻrganish (dastlabki tanlov). 2. Harbiylashtirilgan yoʻnalish boʻyicha oʻqishga hujjat topshirayotgan nomzodlarni tibbiy koʻrikdan oʻtkazish (dastlabki tanlov). Har yili 1-martdan 1-mayga qadar 3. Dastlabki tanlov natijalarini Akademiyaga taqdim qilish. 5-mayga qadar 4-bosqich Agentlik, Idoralararo qabul komissiyasi Nomzodlar uchun maxsus psixologik tanlov (test shaklida) oʻtkazish. Har yili iyun-iyul oylarida 5-bosqich Agentlik, Idoralararo qabul komissiyasi Nomzodlar uchun yozma imtihon (diktant shaklida) oʻtkazish. Har yili iyun-iyul oylarida 6-bosqich Agentlik, Idoralararo qabul komissiyasi Nomzodlar uchun test sinovi oʻtkazish. Iyul-avgust oylari (qoida tariqasida) 7-bosqich Akademiya boshligʻi 1. Nomzodlarni davlat granti asosida bakalavriatga qabul qilish va toʻlov-kontrakt asosida nomzodlarni darsga qoʻyish haqida buyruq chiqarish. Qabul komissiyasi oʻz ishini yakunlagandan soʻng 3 kun ichida 2. Nomzodlarni toʻlov-kontrakt asosida bakalavriatga qabul qilish haqida buyruq chiqarish. Toʻlov-kontrakt summasining tegishli qismi toʻlangandan soʻng 3 kun ichida

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizomga 2-ILOVA

‎‎Surishtiruv va tergov faoliyatini amalga oshirish vakolatiga ega ‎davlat organlarida xizmatni oʻtash uchun ____-son ‎XIZMATGA YOʻLLANMA ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ y. “___” _____________ ‎ ‎ ‎ ‎ ‎ ‎ ‎ ‎ ‎ Toshkent sh. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi Huquqni muhofaza qilish akademiyasi bakalavriatini tamomlagan ______________________________________________________________________________________________________________ga‎‎ ‎‎(bitiruvchining F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎taqsimot komissiyasining qaroriga koʻra_____________________________________________________________________________ da ‎ ‎ ‎ ‎ ‎‎(bitiruvchi yuborilgan tashkilot nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎uch yil davomida ishlab berish uchun yuborildi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (lavozimi) ‎ ‎ ‎(lavozimi)‎‎‎ ‎ ‎ ‎(lavozimi)‎‎‎ ‎‎‎ (imzo, muhr)‎‎ ‎ ‎ ‎(imzo) ‎ ‎ ‎(imzo) ‎ (Taqsimot komissiyasi raisining F.I.O.) ‎ ‎ ‎(Taqsimot komissiyasi raisining F.I.O.)‎‎ ‎ ‎ ‎(Taqsimot komissiyasi raisining F.I.O.)‎‎ ‎‎

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizomga 3-ILOVA

Bitiruvchini xizmat vazifalarini bajarishga kirishganligi haqida ‎ MAʼLUMOTNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ y. “___” _____________ ‎ ‎ ‎ ‎ ‎ ‎ ‎ ‎ ‎ t./sh. nomi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________________________________‎‎ ‎‎(ish beruvchi tashkilot nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi Huquqni muhofaza qilish akademiyasini 20 ____ yilda tamomlagan va unga “_____” ___________ 20 ____ yilda _______-son xizmatga yoʻllanma berilgan. ‎ ‎________________________________________________________________________________________________________________ ‎‎(bitiruvchining F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “_____” ____________ 20____ yilda xizmatga joylashish uchun yetib keldi. ‎ ‎Bitiruvchi “_____” _________ 20____ yildagi _____-son buyruqqa asosan,‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________________________________ ‎‎(bitiruvchi qabul qilingan lavozim) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎lavozimiga xizmatga qabul qilindi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(ish beruvchi tashkilot rahbari) ‎‎(imzo, muhr) ‎ ‎ ‎‎(F.I.O.) ‎ ‎

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizomga 4-ILOVA

Akademiya bitiruvchisiga berilgan yoʻllanmalar va ularning xizmatga joylashganini hisobga olish

T/r F.I.O. Jinsi Tugʻilgan yili Oilaviy holati Doimiy yashash joyi Taqsimot boʻyicha tashkilot nomi Bitiruvchi imzosi Ishga kelgani va joylashgani toʻgʻrisidagi hujjatni olgani haqida qayd Uch yil ishlab berilgani haqidagi maʼlumot Qoʻshimcha maʼlumotlar

Oʻzbekiston Respublikasi Huquqni muhofaza qilish akademiyasi bakalavriatiga oʻqishga qabul qilish va oʻqitishni tashkil etish tartibi toʻgʻrisidagi nizomga 5-ILOVA

Oʻzbekiston Respublikasi Huquqni muhofaza qilish akademiyasiga davlat granti asosida oʻqishga qabul qilingan taqdirda, bitiruvchi tomonidan surishtiruv va tergov faoliyatini amalga oshirish vakolatiga ega davlat organlarida u ch yil ishlab berish majburiyatining bajarilishi boʻyicha OGOHLANTIRISH XATI Men Oʻzbekiston Respublikasi Huquqni muhofaza qilish akademiyasi (Akademiya)ga oʻqishga kirishga nomzod (nomzodning F.I.O.) Akademiyaga oʻqishga kirishdan oldin Akademiyaga davlat granti asosida oʻqishga qabul qilinib, bakalavriatni bitirganimdan soʻng, surishtiruv va tergov faoliyatini amalga oshirish vakolatiga ega davlat organlarida uch yil ishlab berish (xizmatni oʻtash) majburiyatini bajarishdan bosh tortganimda yoki uch yillik muddatdan ilgari xizmatni lozim darajada bajarmaganligim yoxud sodir etilgan huquqbuzarlik tufayli ishlab berish (xizmatni oʻtash) mumkin boʻlmay ishdan (xizmatdan) boʻshatilganimda, oʻqishni bitirgan vaqtimdagi Akademiyada amalda boʻlgan toʻlov-shartnoma summasining yigirma besh barobari miqdorida Akademiyaga kompensatsiya toʻlaganimdan soʻng diplom berilishi toʻgʻrisida ogohlantirildim. Ushbu ogohlantirish xati orqali zimmamga yuklanadigan barcha majburiyatlarni oʻz vaqtida va toʻliq bajarilishiga kafolat beraman. ______________________________ _______________________________ (imzo) (F.I.O.) 20___ yil “___” _______________

Vazirlar Mahkamasining 2023-yil 6-apreldagi 143-son qaroriga 2-ILOVA

Oʻzbekiston Respublikasi Huquqni muhofaza qilish akademiyasi magistraturasiga oʻqishga qabul qilish va oʻqitishni tashkil etish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Huquqni muhofaza qilish akademiyasi (keyingi oʻrinlarda — Akademiya) magistraturasiga oʻqishga qabul qilish va oʻqitishni tashkil etish tartibini belgilaydi.

2. Mazkur Nizomda quyidagi asosiy tushunchalardan foydalaniladi:

Akademiyaning Muvofiqlashtirish-vasiylik kengashi (keyingi oʻrinlarda — Vasiylik kengashi) — Akademiyaning Oʻzbekiston Respublikasi Bosh prokurori (keyingi oʻrinlarda — Bosh prokuror) rahbarlik qiladigan jamoatchilik boshqaruvi organi;

Yurisprudensiyaning boshqa bakalavriat taʼlim yoʻnalishlarida oʻquv jarayoni taʼlimning kunduzgi, kechki, masofaviy va qonunchilik hujjatlarida belgilangan boshqa muqobil taʼlim shakllarida tashkil etilishi mumkin;

vakolatli davlat organlari — qonunchilikka muvofiq surishtiruv va tergov faoliyatini amalga oshirish vakolatiga ega davlat organlari;

Idoralararo qabul komissiyasi — “tergov faoliyati” mutaxassisligi boʻyicha oʻqishga qabul qilish uchun tanlov oʻtkazish, nomzodlardan hujjatlarni qabul qilish va ularga maslahatlar berish hamda boshqa tashkiliy masalalarni hal etish uchun Bosh prokuror buyrugʻi bilan vakolatli davlat organlaridan kamida 7 nafar aʼzodan iborat tarkibda tuziladigan Vasiylik kengashining vakolatli aʼzosi raislik qiladigan komissiya;

nomzod — Akademiyaga oʻqishga kirish uchun belgilangan tartibda roʻyxatdan oʻtgan hamda ushbu Nizom talablari asosida tanlovlarda ishtirok etuvchi shaxslar;

Oʻzbekiston Respublikasi Huquqni muhofaza qilish akademiyasining kengashi (keyingi oʻrinlarda — Akademiya kengashi) — qonunchilik hujjatlariga muvofiq Akademiya faoliyatining asosiy masalalarini koʻrib chiqish maqsadida tuziladigan kollegial maslahat organi.

Ushbu bandda qayd etilgan komissiyalar faoliyatiga Akademiya va vakolatli davlat organlari xodimlari, shuningdek boshqa davlat organlari va tashkilotlar, tegishli fanlar boʻyicha ekspertlar jalb qilinishi mumkin.

3. Akademiya magistraturasiga (keyingi oʻrinlarda — magistratura) oʻqishga qabul qilish:

“tergov faoliyati” mutaxassisligi boʻyicha — Vasiylik kengashi tomonidan vakolatli davlat organlarining hududlar kesimidagi ehtiyojlaridan kelib chiqqan holda ishlab chiqiladigan takliflari asosida Oʻzbekiston Respublikasi Prezidenti tomonidan belgilanadigan;

boshqa mutaxassisliklar boʻyicha — Oʻzbekiston Respublikasi Bosh prokuraturasi (keyingi oʻrinlarda — Bosh prokuratura) hamda Oʻzbekiston Respublikasi Iqtisodiyot va moliya vazirligi tomonidan tasdiqlanadigan;

boshqa mutaxassisliklar boʻyicha tasdiqlangan qabul parametrlaridan tashqari Akademiya kengashining taklifiga koʻra Bosh prokuror tomonidan belgilanadigan tabaqalashtirilgan toʻlov-kontrakt asosida qoʻshimcha qabul parametrlariga muvofiq amalga oshiriladi;

Qoʻshimcha qabul qilingan talabalar birinchi oʻquv yilini tugatgandan soʻng keyingi oʻquv yilidan boshlab amalda belgilangan bazaviy toʻlov-kontrakt miqdori asosida oʻqishini davom ettiradilar.

4. Magistraturaga quyidagi shaxslar tanlov asosida qabul qilinadilar:

a) “tergov faoliyati” mutaxassisligi boʻyicha:

Akademiyaning “tergov faoliyati” bakalavriat taʼlim yoʻnalishini tamomlagan bitiruvchilari;

vakolatli davlat organlarining surishtiruv va tergov faoliyatini amalga oshiruvchi tuzilmalarida hamda prokuratura organlarida kamida 3 yil xizmatni oʻtagan, “Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega amaldagi xodimlari (harbiy xizmatchilari);

a 1 ) “Kiberxavfsizlikni huquqiy taʼminlash” mutaxassisligi boʻyicha:

“Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega shaxslar (keyingi oʻrinlarda — tashqi nomzodlar);

“Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega prokuratura organlarining xodimlari (shu jumladan, amaldagi kadrlar zaxirasidagi xodimlari), shuningdek, boshqa mutaxassislik yoʻnalishlari boʻyicha oliy maʼlumotga va bevosita prokuratura organlarida kamida 5 yillik mehnat stajiga ega boʻlgan prokuratura organlari xodimlari (keyingi oʻrinlarda — ichki nomzodlar);

vakolatli davlat organlarining “Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega boʻlgan xodimlari.

b) boshqa mutaxassisliklar boʻyicha:

“Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega shaxslar (keyingi oʻrinlarda — tashqi nomzodlar);

“Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega prokuratura organlarining xodimlari (shu jumladan, amaldagi kadrlar zaxirasidagi xodimlari), shuningdek boshqa mutaxassislik yoʻnalishlari boʻyicha oliy maʼlumotga va bevosita prokuratura organlarida kamida 5 yillik mehnat stajiga ega boʻlgan prokuratura organlari xodimlari (keyingi oʻrinlarda — ichki nomzodlar).

vakolatli davlat organlarining “Yurisprudensiya” bakalavriat taʼlim yoʻnalishi boʻyicha tayanch oliy yuridik maʼlumotga ega boʻlgan xodimlari.

Davlat granti asosida oʻqishni tamomlagan Akademiya bakalavriatining bitiruvchilari oʻqishga qabul qilingan taqdirda, magistraturadagi oʻqish davri ularning vakolatli davlat organlarida kamida uch yil ishlab berish (xizmatni oʻtash) majburiyatini hisoblashda inobatga olinmaydi.

5. Magistraturaga oʻqishga qabul qilish nomzodlar uchun teng huquqlilik, qabulning yagona qoidalari va tanlov asosida amalga oshiriladi.

6. “Tergov faoliyati” mutaxassisligi boʻyicha magistraturaning kunduzgi shakliga oʻqishga qabul qilingan vakolatli davlat organlari xodimlari, shuningdek boshqa mutaxassisliklar boʻyicha tasdiqlangan qabul parametrlari doirasida magistraturaning kunduzgi shakliga oʻqishga qabul qilingan ichki nomzodlarni oʻqitish bepul asosda amalga oshiriladi.

Boshqa mutaxassisliklar boʻyicha tasdiqlangan qabul parametrlari doirasida tanlovda eng yuqori ball toʻplagan nomzodlar davlat grantlari boʻyicha birinchi navbatda, qolganlar reyting ballari asosida toʻlov-kontrakt, shuningdek kvotadan tashqari Akademiya kengashining qaroriga muvofiq belgilanadigan tabaqalashtirilgan toʻlov-kontrakt asosida magistraturaga oʻqishga qabul qilinadi.

Toʻlov-kontrakt asosida oʻqitishning toʻlov miqdorini belgilash bir talabani oʻqitish bilan bogʻliq asoslangan xarajatlar miqdoridan kelib chiqqan holda Akademiya kengashi tomonidan amalga oshiriladi.

Vakolatli davlat organlari xodimlarini tabaqalashtirilgan toʻlov-kontrakt asosida magistraturaga oʻqishga qabul qilish uning arizasi va bevosita rahbari tomonidan imzolangan tavsiyanomasi asosida amalga oshiriladi.

7. Tanlov har yili faqat bir marta oʻtkaziladi.

Tergov faoliyati” mutaxassisligi boʻyicha oʻqishga qabul qilish uch bosqichda, yaʼni test shaklida oʻtkaziladigan maxsus psixologik tanlov, yozma imtihon va chet tilidan test sinovi orqali amalga oshiriladi.

“Kiberxavfsizlikni huquqiy taʼminlash” mutaxassisligi boʻyicha tanlov tashqi nomzodlar uchun abituriyentning bakalavriat diplomi boʻyicha toʻplagan ballari oʻrtacha koʻrsatkichi hamda xorijiy tilni bilish darajasi boʻyicha tegishli milliy yoki xalqaro sertifikat balli asosida ballar ketma-ketligiga qatʼiy rioya qilgan holda amalga oshiriladi hamda Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Agentlik) tomonidan “Informatika va axborot texnologiyalari” fanidan test sinovlari oʻtkaziladi.

Bunda Raqamli texnologiyalar vazirligi tomonidan belgilanadigan nufuzli xalqaro IT-sertifikatiga ega nomzodlar “Informatika va axborot texnologiyalari” fani test sinovlaridan ozod qilinadi va ularga maksimal ball beriladi.

Boshqa mutaxassisliklar boʻyicha tanlov tashqi nomzodlar uchun abituriyentning bakalavriat diplomi boʻyicha toʻplagan ballari oʻrtacha koʻrsatkichi hamda xorijiy tilni bilish darajasi boʻyicha tegishli milliy yoki xalqaro sertifikat balli asosida ballar ketma-ketligiga qatʼiy rioya qilgan holda amalga oshiriladi hamda qoʻshimcha imtihon oʻtkazilmaydi.

“Kiberxavfsizlikni huquqiy taʼminlash” va boshqa mutaxassisliklar uchun vakolatli davlat organlari xodimlari xorijiy tilni bilish darajasi boʻyicha tegishli milliy yoki xalqaro sertifikat balli, agar ular bunday sertifikatga ega boʻlmagan taqdirda, chet tilidan Agentlik tomonidan oʻtkaziladigan test sinovlari natijasida toʻplagan balli, shuningdek, Agentlik tomonidan oʻtkaziladigan “Informatika va axborot texnologiyalari” fanidan test sinovlari natijasida toʻplagan balli hamda bakalavriat diplomi boʻyicha toʻplagan ballari oʻrtacha koʻrsatkichi asosida ballar ketma-ketligiga qatʼiy rioya qilgan holda oʻqishga qabul qilinadi.

Bunda Raqamli texnologiyalar vazirligi tomonidan belgilanadigan nufuzli xalqaro IT-sertifikatiga ega nomzodlar, “Informatika va axborot texnologiyalari” fani test sinovlaridan ozod qilinadi va ularga maksimal ball beriladi.

Ichki nomzodlar uchun tanlov oʻtkazish tartibi Bosh prokuror tomonidan belgilanadi.

8. Tanlovlar, qoida tariqasida, avgust oyida magistraturada oʻqitiladigan tilda oʻtkaziladi.

Qabul parametrlarining oʻqitish tili boʻyicha taqsimoti Vasiylik kengashi tomonidan belgilanadi.

9. Yozma imtihon nomzodlarning mutaxassislik fanlari boʻyicha tahlil, huquqiy manbalar bilan mustaqil ishlash hamda huquqiy masalalar boʻyicha xulosalarni bayon etish borasida qobiliyatlarini aniqlashga qaratilgan.

Shuningdek, nomzodlarning chet tillarini bilishning tegishli darajasini aniqlash maqsadida test sinovi oʻtkaziladi.

10. Magistraturaga qabul qilishni tashkil etish ushbu Nizomning ilovasiga muvofiq sxema boʻyicha amalga oshiriladi.

11. Magistraturada oʻquv jarayoni taʼlimning kunduzgi, kechki, sirtqi va masofaviy shakllari asosida tashkil etiladi.

Magistraturada oʻqish muddati:

kunduzgi va kechki taʼlim shaklida — bir yil;

sirtqi va masofaviy taʼlim shaklida — oʻquv dasturlaridan kelib chiqib, Akademiya kengashining qarori bilan bir yarim yildan ikki yilgacha etib belgilanadi.

Magistraturadagi taʼlimning sirtqi shaklidagi oʻquv jarayoni, qoida tariqasida, maxsus dasturiy taʼminot yordamida onlayn, modullar boʻyicha nazorat sinovlari esa anʼanaviy tarzda amalga oshiriladi.

12. Magistraturaning “tergov faoliyati” mutaxassisligi boʻyicha taʼlimning kunduzgi shakliga oʻqishga qabul qilingan vakolatli davlat organlari xodimlari, shuningdek, boshqa mutaxassisliklar boʻyicha magistraturaning kunduzgi shakliga oʻqishga qabul qilingan prokuratura organlari xodimlarining egallab turgan lavozimi va oʻrtacha oylik ish haqi oʻqish davri mobaynida saqlab qolinadi.

Tabaqalashtirilgan toʻlov-kontrakt asosida qabul qilingan talabalar birinchi oʻquv yilini muvaffaqiyatli tugatgandan soʻng keyingi oʻquv yilidan boshlab umumiy belgilangan tartibda oʻqishini davom ettiradi.

Tabaqalashtirilgan toʻlov-kontrakt asosida oʻqish istagini bildirgan abituriyent Oliy taʼlim, fan va innovatsiyalar vazirligi tomonidan belgilangan muddatlarda toʻlov-kontrakt shartlarining birinchi oʻquv yili uchun kamida 50 foizini bajarganidan soʻng Akademiya boshligʻining buyrugʻi bilan oʻqishga qabul qilinadi.

Magistraturaning “Kiberxavfsizlikni huquqiy taʼminlash” mutaxassisligi boʻyicha taʼlimning kunduzgi shakliga oʻqishga qabul qilingan tinglovchilarning oxirgi egallab turgan lavozimi boʻyicha belgilangan tartib va miqdorda mehnatga haq toʻlash fondi toʻlovlari (pul taʼminoti) saqlanadi.

Akademiyada oʻqish davri vakolatli davlat organlari xodimlari uchun pensiyaga chiqish, unvon (daraja) olish va koʻp yillik xizmatini hisoblash huquqini beruvchi umumiy xizmat (harbiy xizmat) stajiga oʻqishning bir yili xizmat (harbiy xizmat)ning bir yiliga tenglashtirilgan holda kiritiladi.

13. Magistratura bitiruvchilariga tegishli mutaxassisliklar boʻyicha davlat namunasidagi diplom va “huquq magistri” darajasi, shuningdek Bosh prokuror tomonidan tasdiqlanadigan namunadagi akademik koʻkrak nishoni beriladi.

Akademiya magistraturasini tamomlaganlik toʻgʻrisidagi diplom harbiy xizmat (xizmat)ni oʻtashda Oʻzbekiston Respublikasi Harbiy xavfsizlik va mudofaa universitetining ikki yillik magistratura dasturini, Ichki ishlar vazirligi Akademiyasining ikkinchi darajadagi magistraturasini tamomlaganlik toʻgʻrisidagi diplomlarga tenglashtiriladi.

Oʻqish yakunlari boʻyicha yuqori natijalarga erishgan vakolatli davlat organlari xodimlari magistraturani tamomlashi bilan, qoida tariqasida, ilgari egallab turgan lavozimiga nisbatan yuqori lavozimga tayinlanadi.

Oʻqishda yuqori natijalar qayd etgan tashqi nomzodlar esa Akademiya kengashining qaroriga koʻra prokuratura organlariga xizmatga tavsiya etilgan taqdirda, ular faqat ofitserlar tarkibiga kiruvchi darajali unvon berilishi koʻzda tutilgan lavozimlarga tayinlanadi.

2-bob. Hujjatlarni qabul qilish

14. Idoralararo qabul komissiyasi va Akademiya qabul komissiyasi (keyingi oʻrinlarda — Qabul komissiyalari) tomonidan har yili 1-maydan boshlab oʻqishga qabul qilish muddatlari, mutaxassislik nomlari, qabul parametrlari toʻgʻrisidagi maʼlumotlar Akademiya va vakolatli davlat organlarining rasmiy veb-saytlarida joylashtirilishi hamda ommaviy axborot vositalarida eʼlon qilinishi taʼminlanadi.

Qabul komissiyalari faoliyatini tashkiliy jihatdan taʼminlash ushbu komissiyalarning masʼul kotiblari tomonidan amalga oshiriladi.

Qabul komissiyalarining masʼul kotibi Bosh prokuror tomonidan belgilanadi.

Qabul komissiyalari faoliyatida uning uch va undan ortiq aʼzolari hamda komissiya raisi ishtirok etganda, u vakolatli hisoblanadi.

15. Magistraturaga oʻqishga kirish uchun hujjatlar har yili:

“tergov faoliyati” mutaxassisligi boʻyicha — 10-maydan 10-iyunga qadar (shu kuni ham);

boshqa mutaxassisliklar boʻyicha — 10-iyundan 31-iyulga qadar (shu kuni ham) qabul qilinadi.

16. Magistraturaga oʻqishga qabul qilish uchun nomzodlardan quyidagi hujjatlar talab etiladi:

tashqi nomzodlar uchun — chet tilini bilish darajasini tasdiqlovchi V2 va undan yuqori darajadagi xalqaro sertifikatlarning elektron nusxasi (ichki nomzodlar uchun mavjud boʻlganda);

vakolatli davlat organlari xodimlari uchun — nomzodning bevosita rahbari tomonidan imzolangan tavsiyanoma va maʼlumotnoma-obyektivka.

Nomzodlarning shaxsni tasdiqlovchi hujjat (pasport yoki identifikatsiyalovchi ID-kartasi) nusxasi, oliy maʼlumot toʻgʻrisidagi diplom maʼlumotlari hamda chet tilini bilish darajasini tasdiqlovchi V2 va undan yuqori darajadagi milliy sertifikat “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

17. Nomzodlar Agentlik maxsus elektron platformasida roʻyxatdan oʻtgan holda, tegishli hujjatlarni Akademiyaning maxsus elektron platformasi orqali taqdim etishadi.

18. Nomzodlar tomonidan hujjatlar toʻliq taqdim etilgandan soʻng, ularga shu kunning oʻzida hujjatlar qabul qilinganligi toʻgʻrisida elektron shaklda xabarnoma yuboriladi.

19. Hujjatlar belgilangan muddatda toʻliq taqdim etilmagan taqdirda, nomzodga kamchiliklarni bartaraf etish va hujjatlarni qabul qilishning belgilangan muddati tugagunga qadar ularni takroran taqdim etish imkoniyati beriladi.

Hujjatlarni qabul qilishning belgilangan muddati tugagandan soʻng ularga oʻzgartirish va qoʻshimchalar kiritish taqiqlanadi.

20. Hujjat topshirgan nomzodlarning roʻyxati elektron shaklda avtomatik tarzda shakllantirib boriladi.

3-bob. Tanlovni tashkil etish

24. Tanlovni ushbu Nizomga qatʼiy rioya qilgan holda tashkil etish Qabul komissiyalariga yuklatiladi. Tanlov Qabul komissiyalari va (yoki) u tomonidan belgilangan boshqa vakolatli tashkilot tomonidan oʻtkaziladi.

25. Masʼul kotib tanlovni oʻtkazish sanasini belgilash hamda unda ishtirok etish huquqiga ega boʻlgan nomzodlar roʻyxatini tasdiqlash toʻgʻrisida Qabul komissiyalariga taqdimnoma kiritadi va bu haqda Qabul komissiyalari yigʻilishining tegishli qarori qabul qilinadi.

26. “Tergov faoliyati” mutaxassisligi boʻyicha tanlovga kiritilgan fanlar dasturi, qoida tariqasida, yozma imtihon oʻtkazilishidan bir oy oldin Akademiya rasmiy veb-saytida joylashtiriladi.

27. Tanlov boshlangunga qadar Idoralararo qabul komissiyasi tasdiqlagan jadvalga muvofiq konsultatsiyalar tashkil etadi.

28. Idoralararo qabul komissiyasi raisi tomonidan komissiya aʼzolari, Akademiyaning boshqa xodimlari va kelishuv asosida jamoatchilik vakillari auditoriyalarga masʼul (auditoriya kuzatuvchisi) etib jalb qilinadi.

Tanlovni oʻtkazish jarayoni videotasvirga olinadi va undan nusxa koʻchirish taqiqlanadi.

29. Masʼul kotib tomonidan tanlovni oʻtkazishga oid hujjatlarni saqlash uchun imtihon vaqtida seyflar bilan jihozlangan maxsus xona-shtab tayyorlanadi.

30. Tanlov oʻtkaziladigan bino va auditoriyalarda ularni oʻtkazish uchun sanitariya normalari, qoidalari va gigiyena normativlariga, yongʻin xavfsizligi faoliyatini tartibga solish sohasidagi normativ hujjatlar talablariga toʻliq javob beradigan zarur texnik, tibbiy va maishiy sharoitlar yaratiladi.

31. “Tergov faoliyati” mutaxassisligi boʻyicha imtihon topshiriqlari psixologik tanlov, mutaxassislik fanlari hamda chet tillari boʻyicha savollar va vazifalar shaklida tuziladi.

32. Imtihon savollari va vazifalarini tuzishda quyidagi talablarga alohida eʼtibor qaratiladi:

a) psixologik tanlov boʻyicha:

psixologik tanlov nomzodlarning quyidagi individual-psixologik xususiyatlarini aniqlashga yoʻnaltiriladi:

aql zakovati, umumiy intellektual salohiyati;

mantiqiy fikrlashi, ziyrakligi, fikrlash tezligi va tahlil qilish qobiliyatlari;

b) mutaxassislik fanlari boʻyicha:

nomzodlarda tahliliy fikrlash darajasini, huquqiy manbalar bilan mustaqil ishlash, shuningdek huquqiy masalalar boʻyicha xulosalarni bayon etish qobiliyatini aniqlashga qaratilishi;

tegishli fan oʻquv dasturiga, shuningdek tegishli sohada qabul qilingan normativ-huquqiy hujjatlarga muvofiqligi;

mamlakatda oʻtkazilayotgan islohotlarning maqsad va vazifalarini aks ettirishi;

loʻnda, oddiy va ravon tilda bayon etilishi;

foydalanilgan tushuncha va atamalarni turlicha izohlash imkoniyatini istisno etishi, shuningdek ularning qonun hujjatlarida va fanda qabul qilingan maʼnosiga muvofiq yagona shaklda qoʻllanilishi;

umumqabul qilingan grammatik, orfografik, punktuatsiya qoidalariga muvofiq rasmiy til uslublari va yuridik terminologiyadan foydalangan holda tuzilishi;

v) chet tillari boʻyicha:

nomzodlarning matn va atamalarni tushunish hamda ulardan foydalana olish darajasini aniqlashga qaratilishi;

qisqa, aniq va tushunarli til bilan ifodalanishi hamda V2 darajasiga muvofiqligi;

umumqabul qilingan grammatik, orfografik va punktuatsiya qoidalariga muvofiqligi.

33. Yozma imtihon savollari va vazifalarini tuzish maqsadida Akademiya xodimlari va tegishli sohaning malakali mutaxassislaridan iborat tarkibda Akademiya boshligʻi tomonidan ekspert guruhi tashkil etiladi.

Imtihon savollari va vazifalarining sifati hamda toʻgʻri tuzilganligi boʻyicha masʼuliyat ekspert guruhi rahbariga yuklanadi.

34. Chet tilidan kirish imtihonlari savollari va vazifalari ingliz, nemis, fransuz tilida yoki Idoralararo qabul komissiyasi qaroriga koʻra, nomzodning xohishini inobatga olib, boshqa tilda ham tuzilishi mumkin.

35. Ekspert guruhi tomonidan biletlar shaklida tuzilgan kirish imtihonlari savollari va vazifalari masʼul kotibga saqlash uchun topshiriladi.

36. Tanlovlarni oʻtkazish vaqti va joyi toʻgʻrisidagi maʼlumotlar qabul komissiyalari tomonidan tanlovlar boshlanishidan kamida bir hafta oldin nomzodlar eʼtiboriga yetkazilishi lozim.

37. Tanlovda ishtirok etish uchun nomzodlar:

oʻtkaziladigan imtihonlar uchun Agentlikka bazaviy hisoblash miqdorining 50 foizi miqdorida toʻlovni amalga oshirishlari;

shaxsini tasdiqlovchi hujjat bilan belgilangan vaqtda imtihon oʻtkaziladigan joyga kelishlari lozim.

Belgilangan vaqtdan kech qolgan nomzodlar imtihonga kiritilmaydi, shuningdek, kelmagan nomzodlar uchun qoʻshimcha imtihon oʻtkazilmaydi.

Test sinovida ishtirok etmagan talabgorlarga toʻlov qaytarilmaydi.

38. Imtihon kuni auditoriyaga oʻquv adabiyoti, lugʻat, maʼlumotnoma, jadval, konspekt, yozuv daftari, qogʻoz yoki elektron shakldagi shpargalkalar, normativ-huquqiy hujjatlar, kalkulyator, aloqa vositalari, audio, foto va video yozish qurilmalarini olib kirish hamda ulardan foydalanish, shuningdek imtihon savollari va vazifalari yuzasidan nomzodlarning oʻzaro suhbatlashishi taqiqlanadi.

39. Nomzodlarning imtihon davomida auditoriyadan chiqishi taqiqlanadi. Sogʻligʻining yomonlashishi va boshqa zarur holatlarda nomzodlarga imtihon materiallarini qoldirib, kuzatuv ostida auditoriyadan chiqishga ruxsat beriladi.

40. Belgilangan tartibni buzgan nomzod kirish imtihonlaridan chetlashtiriladi, bunda auditoriya kuzatuvchisi tomonidan dalolatnoma rasmiylashtirilib, ushbu nomzodning imtihon javoblari baholanmaydi hamda u imtihonda ishtirok etmagan deb hisoblanadi.

41. Tanlov oʻtkazilayotgan vaqtda Idoralararo qabul komissiyasi aʼzolari va ushbu komissiya tomonidan tanlovni oʻtkazishga jalb etilganlardan tashqari shaxslarning tanlov oʻtkaziladigan binoga (auditoriyaga) kirishi taqiqlanadi.

42. Kirish imtihonlari uchun maksimal ball 260 ballni tashkil etadi, ushbu ballar quyidagilardan tashkil topadi:

maxsus psixologik tanlov — 0 balldan 100 ballgacha;

mutaxassislik fanlari boʻyicha yozma imtihon — 0 balldan 100 ballgacha.

Yozma imtihonda har bir javob 100 ballik tizimda baholanib, ushbu ballar qoʻshiladi hamda savollar va vazifalar soniga boʻlinadi, hosil boʻlgan qiymat tegishlicha imtihondan olingan yakuniy ball hisoblanadi;

chet tili boʻyicha test — 0 balldan 60 ballgacha.

43. Kirish imtihonlari natijalari Idoralararo qabul komissiyasi tomonidan tasdiqlanadigan baholash mezonlariga muvofiq baholanadi.

44. Tanlov natijalari Akademiya qabul komissiyalari tomonidan Akademiya rasmiy veb-saytida darhol eʼlon qilinadi.

4-bob. Tanlovni oʻtkazish

45. Tanlov psixologik tanlov, mutaxassislik fanlaridan yozma imtihon, chet tili hamda informatika va axborot texnologiyalari fanlari boʻyicha test sinovidan iborat boʻladi.

46. Ekspert guruhi tomonidan tanlovni oʻtkazish uchun mutaxassislik fanlari boʻyicha savol va vazifalar tuziladi. Bunda, mutaxassislik fanlaridan yozma imtihon, qoida tariqasida, 2 ta savol va vazifadan iborat boʻladi.

47. Yozma imtihon uchun taklif etiladigan savol hamda vazifalarning tarkibini tasdiqlash Idoralararo qabul komissiyasi tomonidan amalga oshiriladi.

48. Psixologik tanlov uchun 50 ta, chet tilidan 30 ta, informatika va axborot texnologiyalaridan 30 ta test savollari hamda vazifalari Agentlik tomonidan tuziladi va oʻtkaziladi.

Har bir toʻgʻri javob uchun 2 ball beriladi.

Chet tili hamda informatika va axborot texnologiyalaridan oʻtkazilgan test sinovlari natijasi boʻyicha berilgan apellyatsiya shikoyatlari Agentlikning apellyatsiya komissiyasi tomonidan koʻrib chiqiladi.

Apellyatsiya arizalari imtihon natijalari eʼlon qilingan vaqtdan boshlab 24 soat ichida qabul qilinadi va apellyatsiya komissiyasi tomonidan murojaat qilganlarning sonidan kelib chiqqan holda bir kundan uch kungacha boʻlgan muddatda koʻrib chiqiladi.

49. Maxsus psixologik tanlov Agentlik tomonidan quyidagi mezon asosida baholanadi:

test topshiriqlarini bajarish uchun test savollariga 40 daqiqa (javoblar varaqasini toʻldirish bilan birga) vaqt beriladi;

maxsus psixologik tanlov natijalari 0 balldan 100 ballgacha baholanadi, 20 balldan past ball toʻplagan nomzodlar tanlovdan chetlashtiriladi;

maxsus psixologik tanlov natijalari apellyatsiya tartibida koʻrib chiqilmaydi.

50. Shakllantirilgan yozma imtihon biletlari konvertlarga solinadi, ular oʻz navbatida auditoriyalar sonini hisobga olgan holda alohida paketlarga solinadi. Konvertlar va paketlar Idoralararo qabul komissiyasining muhri bilan tasdiqlanadi va shtabda saqlanadi.

51. Auditoriya kuzatuvchilari nomzodlar guvohligida yozma imtihon biletlari solingan konvertlar muhrlanganligiga ishonch hosil qilgach, ularni ochadi.

Auditoriya kuzatuvchilari yozma imtihon biletlariga javob yozish uchun moʻljallangan qatʼiy hisobda turuvchi raqamlanib, muhrlangan daftarlarni tartib bilan tarqatadi.

Bunda, daftarlarning varaqlari almashtirish imkonini istisno qiladigan tarzda Idoralararo qabul komissiyasi muhri va komissiya masʼul kotibining imzosi bilan tasdiqlangan boʻlishi lozim.

52. Auditoriya kuzatuvchilari nomzodlarga daftar muqovasida oʻz familiyasi, ismi, otasining ismini koʻrsatishi, daftar varaqlarini buklamaslik, farq qiluvchi belgilar qoʻymaslik, yozuvlar tagiga chizmaslik, javoblarni belgilashda koʻk havorang sharikli ruchkadan boshqa ruchkadan foydalanmaslik haqida tushuntirish berishi, shuningdek ushbu talablarni buzish yozma imtihon oʻtkazish tartibini buzish deb hisoblanishi haqida ularni ogohlantirishi lozim.

53. Yozma imtihonni yozishga, qoida tariqasida, toʻrt soat vaqt beriladi.

54. Yozma imtihon yakunlangach, auditoriya kuzatuvchilari har bir daftarning muqovasi va birinchi varagʻiga maxsus shifrlar qoʻyib, daftarlar muqovasini yirtib oladi va daftarlar solingan qutilarni, shuningdek muhrlanib, imzolangan konvertga solingan daftarlar muqovalarini masʼul kotibga topshiradi.

55. Yozma ishlarni tekshirish va baholash maqsadida imtihon yakunlangan kunning oʻzida Akademiya boshligʻining buyrugʻi bilan maxsus komissiya tashkil etiladi.

56. Maxsus komissiya aʼzolari tomonidan yozma ishlarni tekshirish va baholash uchun ajratilgan xonaga uyali telefonlar, boshqa aloqa va telekommunikatsiya vositalarini olib kirish taqiqlanadi.

Yozma ishlarni tekshirish jarayoni videotasvirga olinadi va undan nusxa koʻchirish taqiqlanadi.

57. Maxsus komissiya raisi daftarlar solingan qutilarni masʼul kotibdan qabul qilib olib, maxsus komissiya aʼzolari ishtirokida ochadi va daftarlarning muqovalari ajratilganligi va shifrlanganligini tekshiradi.

Muqovasi ajratilmagan, shifrlanmagan yoki nomzodning shaxsini aniqlash imkonini beruvchi boshqa belgilar mavjud boʻlgan daftarlar aniqlangan taqdirda, dalolatnoma tuziladi. Bunday ishlar tekshirilmaydi.

58. Yozma ish natijalari tegishli shifrlar bilan alohida qaydnomaga kiritiladi.

Daftarlar va yozma ish natijalari qaydnomasi qutilarga solinadi hamda maxsus komissiya raisi tomonidan masʼul kotibga topshiriladi.

Oʻqishga qabul qilingan nomzodlarning yozma ishlari ularning oʻqish davrlari mobaynida, qabul qilinmagan nomzodlarning yozma ishlari 6 oy davomida saqlanadi, soʻng belgilangan tartibda yoʻq qilinadi.

59. Yozma ish natijalari Idoralararo qabul komissiyasining raisi tomonidan tasdiqlanadigan bayonnoma shaklidagi qaror bilan rasmiylashtiriladi.

60. Chet tili boʻyicha imtihon Agentlik tomonidan ushbu Nizom qoidalarini inobatga olgan holda, Akademiya bilan kelishilgan tartibda oʻtkaziladi va baholanadi.

61. Milliy sertifikat yoki xalqaro sertifikatlarning quyidagi darajalariga ega boʻlgan nomzodlarga chet tilidan imtihonlarsiz maksimal ball beriladi:

ingliz tili uchun — B2 (“Multilevel” test sinovida kamida 51 ball) va undan yuqori darajadagi milliy sertifikat yoki International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE xalqaro imtihon tizimlari boʻyicha tilni bilish darajalari B2 va undan yuqori;

nemis tili uchun — B2 va undan yuqori darajadagi milliy sertifikat yoki Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) xalqaro imtihon tizimlari boʻyicha tilni bilish darajalari B2 va undan yuqori;

fransuz tili uchun — B2 va undan yuqori darajadagi milliy sertifikat yoki Diplôme d'Etudes en Langue Française (DELF), Test de Connaissance du Français (TCF) xalqaro imtihon tizimlari boʻyicha tilni bilish darajalari B2 va undan yuqori;

yapon tili uchun — B2 va undan yuqori darajadagi milliy sertifikat yoki Japanese Language Proficiency Test (JLPT № 2) xalqaro imtihon tizimlari boʻyicha tilni bilish darajalari B2 va undan yuqori;

boshqa tillar (ispan, turk, arab, hind, xitoy, koreys, italyan) uchun — milliy sertifikat yoki xalqaro imtihon tizimlari boʻyicha tilni bilish darajasi B2 va undan yuqori.

5-bob. Tanlov natijalari boʻyicha shikoyatlarni koʻrib chiqish

62. Tanlov natijalaridan norozi boʻlgan nomzodlar natijalar Akademiya rasmiy veb-saytida eʼlon qilingan kundan boshlab uch ish kuni davomida Apellyatsiya komissiyasiga apellyatsiya berish huquqiga ega.

63. Tanlov natijalari boʻyicha nomzodlarning shikoyatlarini koʻrib chiqish uchun qabul komissiyalari faoliyatida ishtirok etmagan shaxslar orasidan kamida 5 nafar aʼzodan iborat Bosh prokuror buyrugʻi bilan apellyatsiya komissiyasi tuziladi.

Apellyatsiya komissiyasi taqdim etilgan apellyatsiyani u kelib tushgan kundan boshlab ikki ish kuni ichida koʻrib chiqadi. Nomzod apellyatsiyani koʻrib chiqish jarayonida ishtirok etish huquqiga ega.

Apellyatsiya koʻrib chiqiladigan kun haqida nomzodga xabar beriladi.

64. Apellyatsiya komissiyasi tomonidan apellyatsiyani koʻrib chiqishda tanlovning toʻgʻri oʻtkazilganligi, yozma imtihon javoblarining xolis tekshirilganligi va toʻgʻri baholanganligiga baho beriladi hamda uning natijasi boʻyicha apellyatsiya komissiyasi aʼzolarining oddiy koʻpchilik ovozi bilan quyidagi qarorlardan biri qabul qilinadi:

nomzodning shikoyatini qanoatlantirish toʻgʻrisida;

tanlov natijalarini oʻzgarishsiz qoldirish va nomzodning shikoyatini qanoatlantirishni rad qilish toʻgʻrisida.

Apellyatsiyani koʻrib chiqish jarayonida ishtirok etmagan nomzodga apellyatsiyani koʻrib chiqish natijasida qabul qilingan qaror toʻgʻrisida qaror qabul qilingan kuni axborot-kommunikatsiya vositalari orqali xabar beriladi.

Apellyatsiya komissiyasi qarori komissiya raisi, aʼzolari va kotibi tomonidan imzolanadigan bayonnoma bilan rasmiylashtiriladi.

65. Zarur hollarda, apellyatsiyani koʻrib chiqish jarayoniga maxsus komissiya aʼzolari, auditoriya kuzatuvchilari va boshqa shaxslar jalb qilinishi mumkin.

66. Nomzodning shikoyati qanoatlantirilgan taqdirda, apellyatsiya komissiyasi nomzodning imtihon ishiga uzil-kesil ball qoʻyadi.

Apellyatsiya komissiyasi qarori ustidan belgilangan tartibda sudga shikoyat qilinishi mumkin.

6-bob. Magistraturaga qabul qilish va oʻqitishni tashkil etish

67. Qabul komissiyasi tomonidan nomzodlarning hamda vakolatli davlat organlari nomzodlarining tanlovda olgan ballari jamlanib, umumiy qaydnomada har bir mutaxassislik boʻyicha tashqi va ichki nomzodlarning hamda vakolatli davlat organlari nomzodlarining alohida roʻyxati shakllantiriladi.

Roʻyxatda nomzodlar har bir mutaxassislik boʻyicha toʻplangan eng yuqori balldan boshlab kamayib borish tartibida hamda davlat granti va toʻlov-kontrakt asosida oʻqishga qabul qilinganlar ketma-ketligida joylashtiriladi.

Bunda, taʼlimning kunduzgi shakli boʻyicha bir oʻquv yilida qabul parametrlari doirasida ichki nomzodlardan:

bir hududdan, yaʼni Qoraqalpogʻiston Respublikasi, Toshkent shahar, viloyatlar prokuraturalari va unga tenglashtirilgan prokuraturalar, shuningdek Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va Majburiy ijro byurosidan nomzodning toʻplagan bali ketma-ketligiga koʻra koʻpi bilan 2 nafardan;

Oʻzbekiston Respublikasi Bosh prokuraturasi markaziy mahkamasining tarkibiy boʻlinmalaridan 1 nafardan, Akademiyadan koʻpi bilan 2 nafar nomzod oʻqishga qabul qilinishi mumkin.

Mazkur bandning uchinchi — beshinchi xatboshilarida nazarda tutilgan qoida “Kiberxavfsizlikni huquqiy taʼminlash” mutaxassisligiga nisbatan tatbiq etilmaydi.

68. Qabul parametrlari va tanlov natijalaridan kelib chiqib, Akademiya qabul komissiyasi tomonidan minimal oʻtish ballari belgilanadi.

69. Tanlov natijalariga koʻra, qabul parametrlari boʻyicha belgilangan roʻyxatda oxirgi oʻrinda turuvchi nomzodning toʻplagan jami bali bilan undan keyingi oʻrinda turuvchi nomzodlarning toʻplagan ballari bir xil boʻlsa, ularning barchasi oʻqishga qabul qilinadi.

Barcha mutaxassisliklar boʻyicha tanlovlar yakuniga koʻra oʻqishga tavsiya etilgan nomzod oʻqishni rad etgan taqdirda, ushbu oʻrin boʻsh qoladi.

70. “Tergov faoliyati” mutaxassisligidan boshqa mutaxassisliklar boʻyicha tasdiqlangan qabul kvotalari toʻlmay qolgan taqdirda, boshqa mutaxassislikka oʻqishga kirish uchun hujjat topshirib, belgilangan minimal oʻtish balidan kam ball toʻplagan nomzodlar ballar ketma-ketligi boʻyicha Qabul komissiyasining qarori asosida toʻlmay qolgan mutaxassislik kvotasi doirasida oʻqishga tavsiya etiladi.

71. Umumiy qaydnoma asosida Idoralararo qabul komissiyasi tomonidan “tergov faoliyati” mutaxassisligi, boshqa mutaxassisliklar boʻyicha Akademiya qabul komissiyasi tomonidan nomzodlarni magistraturaga oʻqishga qabul qilishga tavsiya etish toʻgʻrisida bayonnomalar rasmiylashtirilib, tasdiqlanadi.

72. Qabul komissiyalari bayonnomalariga asosan Akademiya boshligʻining nomzodlarni davlat granti asosida magistratura tinglovchilari safiga qabul qilish hamda toʻlov-kontrakt asosida nomzodlarni darsga qoʻyish haqidagi buyrugʻi chiqariladi hamda bu haqdagi maʼlumot Akademiya rasmiy veb-saytiga joylashtiriladi.

Toʻlov-kontrakt asosida oʻqishga qabul qilish tavsiya etilgan nomzodlar shartnomada belgilangan toʻlov summasining tegishli qismini belgilangan muddatda toʻlagan taqdirda Akademiya boshligʻining magistratura tinglovchilari safiga qabul qilish haqida buyrugʻi chiqariladi.

73. Toʻlov-kontrakt asosida darsga qoʻyilgan nomzodlar shartnomada belgilangan muddatda toʻlov summasini toʻliq amalga oshirishlari lozim.

Toʻlov-kontrakt boʻyicha shartnoma shartlarini belgilangan muddatda bajarmagan nomzodlar oʻqishdan chetlashtiriladi va bu haqda Akademiya boshligʻining buyrugʻi chiqariladi.

74. Akademiya magistraturasining kunduzgi yoki kechki shakliga oʻqishga qabul qilingan tinglovchilar arizalariga koʻra faqatgina oʻqishning birinchi semestri yakunida oʻqishni sirtqi yoki masofaviy shaklga oʻtkazishi mumkin, agar magistraturada taʼlimning ushbu shakllari mavjud boʻlsa.

Sirtqi yoki masofaviy shakldagi magistraturaga oʻqishga qabul qilingan tinglovchilar oʻqish davri davomida taʼlimning kunduzgi yoki kechki shakliga oʻtkazilishiga yoʻl qoʻyilmaydi.

Shuningdek, taʼlimning kunduzgi shaklida magistraturaning muayyan mutaxassisligiga oʻqishga qabul qilingan tinglovchining oʻqishi bir mutaxassislikdan boshqa mutaxassislikka koʻchirilishiga yoʻl qoʻyilmaydi.

75. Magistraturaga oʻqishga kirish uchun nomzodlar tomonidan topshirilgan hujjatlarning elektron nusxalari nomzodlar oʻqishni yakunlagunga qadar dasturiy taʼminotda saqlanadi.

76. Magistraturada oʻqitishni tashkil etish jarayoni Magistratura fakulteti tomonidan Akademiyaning kafedra, markaz va boʻlimlari bilan birgalikda amalga oshiriladi.

76 1 . Magistraturaga xorijiy fuqarolarni suhbat asosida oʻqishga qabul qilish tartibi Vasiylik kengashi tomonidan qonunchilik hujjatlariga muvofiq belgilanadi.

77. Magistraturada oʻqitish tinglovchilarni prokuratura organlari faoliyatining asosiy yoʻnalishlari, shuningdek vakolatli davlat organlarining tergov faoliyatiga doir ilmiy-tadqiqot ishlarini olib borishga tayyorlash maqsadida, ularni zarur oʻquv-metodik va moddiy-texnik baza bilan taʼminlagan holda tashkil etiladi.

78. Magistraturada akademik kredit tizimining joriy etilishi, Akademiya xodimlari, professor-oʻqituvchilar hamda tinglovchilarning huquq va majburiyatlari, oʻquv-metodik, ilmiy-pedagogik faoliyati, amaliyot oʻtashi, magistrlik dissertatsiyasini tayyorlashi va oʻqitishni tashkil etish bilan bogʻliq boshqa masalalar Akademiya tomonidan belgilanadi.

7-bob. Tinglovchini oʻqishdan chetlashtirish va qayta tiklash

79. Tinglovchi Akademiya magistraturasi tinglovchilari safidan quyidagi hollarda chetlashtirilishi mumkin:

oʻz xohishiga binoan;

salomatligi tufayli (tibbiy komissiya maʼlumotnomasi asosida);

oʻquv intizomini va Akademiya magistraturasida ichki tartib qoidalarini buzganligi uchun Akademiya kengashi qarori asosida;

akademik qarzdorligi tufayli Akademiya kengashi qarori asosida;

oʻquv yili davomida darslarni uzrli sabablarsiz 74 soatdan ortiq qoldirganligi sababli;

oʻqish uchun belgilangan toʻlov oʻz vaqtida amalga oshirilmaganligi sababli (toʻlov-kontrakt boʻyicha tahsil olayotganlar uchun);

tinglovchi sud tomonidan ozodlikdan mahrum etilganligi munosabati bilan;

sud qaroriga koʻra kirish imtihonlarida belgilangan tartibni buzganligi aniqlanganda (ushbu holatda tinglovchilar safidan chetlashtirilganlar qayta tiklanmaydi);

vafot etganligi sababli yoki sud qaroriga asosan bedarak yoʻqolgan yoxud vafot etgan deb eʼlon qilinganda.

80. Intizomiy jazoga tortilgan tinglovchi oʻziga qoʻllanilgan jazo chorasining qonuniyligi va adolatliligi yuzasidan Bosh prokurorga shikoyat qilishi mumkin.

81. Tinglovchiga nisbatan qoʻllanilgan intizomiy jazo yuzasidan maʼlumot uning shaxsiy yigʻmajildida saqlanadi.

82. Magistraturaning “tergov faoliyati” mutaxassisligi boʻyicha kunduzgi shaklda oʻqishga qabul qilingan vakolatli davlat organlari xodimlari, shuningdek, boshqa mutaxassisliklar boʻyicha magistraturaning kunduzgi shakliga oʻqishga qabul qilingan prokuratura organlari xodimlari tinglovchilar safidan chetlashtirilganda, unga oʻqishdan chetlashtirilguniga qadar toʻlanib kelingan oylik ish haqini qaytarish masalasi ish beruvchi tomonidan koʻrib chiqiladi.

83. Magistraturaning “tergov faoliyati” mutaxassisligi boʻyicha kunduzgi shaklda oʻqishga qabul qilingan vakolatli davlat organlari xodimlari, shuningdek, boshqa mutaxassisliklar boʻyicha magistraturaning kunduzgi shakliga oʻqishga qabul qilingan prokuratura organlari xodimlari oʻqish davrida xizmatdan boʻshagan taqdirda, ular toʻliq oʻquv yili uchun toʻlov-kontrakt miqdorini toʻlashi lozim boʻladi.

84. Tinglovchi Akademiyadan chetlashtirilganda unga akademik maʼlumotnoma beriladi.

85. Tinglovchi Oʻzbekiston Respublikasi qonunchilik hujjatlari asosida oʻqishini qayta tiklash va koʻchirish huquqiga ega.

86. Davlat granti yoki toʻlov-kontrakt asosida magistraturada tahsil olayotgan tinglovchilar tinglovchilar safidan chetlashtirilgan taqdirda ular keyingi oʻquv yilida toʻlov-kontrakt asosida oʻqishga tiklanadi.

Oʻqishga tiklangan tinglovchilar modullar boʻyicha olinmay qolgan kreditlarga mos ravishda toʻlov-kontrakt summasini toʻlaydi.

87. Fanlar boʻyicha qayta taʼlim olish uchun toʻlov qiymati Akademiya tomonidan butun oʻquv yilining kontrakt summasidan kelib chiqqan holda belgilanadi. Qayta taʼlim olish uchun toʻlov mexanizmi Akademiya tomonidan bir kredit qiymatini hisoblash asosida belgilanadi. Bir kredit qiymati oʻquv yili davomidagi taʼlim olish uchun toʻlanadigan umumiy summani rejalashtirilgan kreditlar miqdoriga boʻlish yoʻli bilan aniqlanadi.

88. Tinglovchi tomonidan chetlashtirilgunga qadar oʻzlashtirgan sinov birliklari miqdori Akademiya tomonidan toʻliq hajmda hisobga olinadi. Akademik qarzdorligi tufayli tinglovchilar safidan chetlashtirilgan tinglovchilar keyingi oʻquv yilida tegishli oʻquv semestridan boshlab faqat oʻzlashtira olmagan modullarni takroran oʻqishi mumkin.

89. Tinglovchilar safidan chetlashtirilgan tinglovchi chetlashtirilgan oʻquv yilidan eʼtiboran besh yil ichida oʻqishni qayta tiklashiga yoʻl qoʻyiladi.

8-bob. Yakunlovchi qoidalar

90. Mazkur Nizomda nazarda tutilgan tadbirlarni amalga oshirish bilan bogʻliq xarajatlar Akademiya hamda vakolatli organlarning budjetdan tashqari jamgʻarmalari mablagʻlari hisobidan qoplanadi.

91. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Oʻzbekiston Respublikasi Huquqni muhofaza qilish akademiyasi magistraturasiga oʻqishga qabul qilish va oʻqishni tashkil etish tartibi toʻgʻrisida nizomga ILOVA

Oʻzbekiston Respublikasi Huquqni muhofaza qilish akademiyasi magistraturasiga qabul qilishni tashkil etish

Bosqichlar Masʼullar Oʻtkaziladigan tadbirlar Bajarish muddatlari 1-bosqich Huquqni muhofaza qilish akademiyasi (Akademiya) Oʻqishga qabul qilish muddatlari, mutaxassislik nomlari va qabul parametrlari toʻgʻrisida Akademiyaning rasmiy veb-sayti hamda ommaviy axborot vositalarida eʼlon berish. Har yili 1-maydan boshlab 2-bosqich Nomzodlar, Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (Agentlik) 1. Nomzodlar tomonidan Agentlikning maxsus platformasi orqali oʻqishga kirish uchun zarur hujjatlarni topshirish. Bunda, hujjatlar qabul qilinganligi toʻgʻrisida nomzodlarga maxsus platforma orqali darhol xabarnoma yuboriladi. 10-may — 10-iyun (“tergov faoliyati” mutaxassisligi boʻyicha) 10-iyun — 31-iyul (boshqa mutaxassisliklar boʻyicha) Qoraqalpogʻiston Respublikasi, viloyatlar va Toshkent shahar prokuraturalari, prokuratura organlari attestatsiya komissiyalari 2. Attestatsiya komissiyalarida ichki nomzodlar bilan suhbat oʻtkazish, suhbat natijasiga koʻra magistraturaga tanlovda ishtirok etishga tavsiya etilgan ichki nomzodlarning roʻyxatini shakllantirish. Oʻqishga kirish uchun hujjatlarni qabul qilish muddati tugaguniga qadar 3-bosqich Agentlik “Tergov faoliyati” mutaxassisligi boʻyicha oʻqishga kirishga nomzodlar uchun psixologik tanlov (test shaklida) oʻtkazish. Har yili iyul oyida (bir hafta ichida) 4-bosqich Akademiya, Agentlik “Tergov faoliyati” mutaxassisligi boʻyicha nomzodlar uchun yozma imtihon (esse shaklida) (Akademiya tomonidan) va test sinovi (Agentlik tomonidan) oʻtkazish. Boshqa mutaxassisliklar boʻyicha tashqi nomzodlarning bakalavriat diplom balli oʻrtacha koʻrsatkichi hamda xorijiy tilni bilish darajasi boʻyicha tegishli milliy yoki xalqaro sertifikat uchun berilgan ballni hisoblash. Bunda, boshqa mutaxassisliklar boʻyicha ichki nomzodlar uchun tanlov tartibi Bosh prokuror tomonidan belgilanadi. Har yili avgust oyida (bir hafta ichida) 5-bosqich Akademiya qabul komissiyalari Tanlov natijalarini Akademiya rasmiy veb-saytida eʼlon qilish. Tanlov yakunlangandan soʻng darhol 6-bosqich Nomzodlar 1. Tanlov natijalari boʻyicha shikoyat qilish. Tanlov natijalari eʼlon qilingan kundan boshlab 3 ish kuni ichida Apellyatsiya komissiyasi 2. Shikoyatlarni koʻrib chiqish. 2 ish kuni ichida 7-bosqich Akademiya Tanlovdan muvaffaqiyatli oʻtgan nomzodlarni magistraturaga oʻqishga qabul qilishga tavsiya etish. Tanlov natijalari eʼlon qilingandan eʼtiboran 10 kun ichida 8-bosqich Akademiya boshligʻi 1. Nomzodlarni davlat grantlari asosida magistraturaga qabul qilish va toʻlov-kontrakt asosida nomzodlarni darsga qoʻyish haqida buyruq chiqarish. Qabul komissiyasi oʻz ishini yakunlagandan soʻng 3 kun ichida 2. Nomzodlarni toʻlov-kontrakt asosida magistraturaga qabul qilish haqida buyruq chiqarish. Toʻlov-kontrakt summasining tegishli qismi toʻlangandan soʻng 3 kun ichida

Vazirlar Mahkamasining 2023-yil 6-apreldagi 143-son qaroriga 3-ILOVA

Oʻzbekiston Respublikasi Huquqni muhofaza qilish akademiyasida oliy taʼlimdan keyingi taʼlimga qabul qilish va oʻqitishni tashkil etish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Huquqni muhofaza qilish akademiyasi (keyingi oʻrinlarda — Akademiya) oliy taʼlimdan keyingi taʼlim institutiga qabul qilishni tashkil etish va oʻqitish tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

doktorant — Akademiyaga tayanch doktorantura yoki doktoranturaga belgilangan tartibda qabul qilingan shaxs;

doktorantura — fan doktori (Doctor of Science) (keyingi oʻrinlarda — fan doktori (DSc)) ilmiy darajasiga daʼvogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy taʼlimdan keyingi taʼlim shakli;

izlanuvchi — falsafa doktori (Doctor of Philosophy (PhD) (keyingi oʻrinlarda — falsafa doktori (PhD)) yoki fan doktori (DSc) ilmiy darajasini olish uchun doktorlik dissertatsiyasini tayyorlayotgan shaxs;

mustaqil izlanuvchilik — falsafa doktori (PhD) yoki fan doktori ((DSc) ilmiy darajalariga daʼvogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy taʼlimdan keyingi taʼlim shakli;

mustaqil izlanuvchi — Akademiyaga mustaqil izlanuvchilikka belgilangan tartibda qabul qilingan shaxs;

oliy taʼlimdan keyingi taʼlim — falsafa doktori (PhD) yoki fan doktori (DSc) ilmiy darajasini olish uchun doktorlik dissertatsiyasini tayyorlash va himoya qilish maqsadida mutaxassislikni chuqur oʻrganishni va ilmiy izlanishlar olib borishni nazarda tutadigan tayanch doktorantura, doktorantura va mustaqil izlanuvchilik asosida ilmiy darajaga ega ilmiy va ilmiy-pedagogik kadrlar tayyorlashni taʼminlaydigan taʼlim turi;

oliy taʼlimdan keyingi taʼlim instituti — Akademiyada tayanch doktorantura, doktorantura yoki mustaqil izlanuvchilik shakllaridagi oliy taʼlimdan keyingi taʼlimni amalga oshirish tizimi;

oliy taʼlimdan keyingi taʼlimni muvofiqlashtirishning yagona elektron tizimi (keyingi oʻrinlarda — Yagona elektron tizim) — oliy taʼlimdan keyingi taʼlim institutlariga qabul qilish va izlanuvchilarning yakka tartibdagi rejalari bajarilishi yuzasidan hisobotlarni shakllantirish boʻyicha hujjatlarning elektron almashinuvini tashkil etishga moʻljallangan axborot tizimi;

tayanch doktorantura — falsafa doktori (PhD) ilmiy darajasiga daʼvogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy taʼlimdan keyingi taʼlim shakli.

3. Akademiyada oliy taʼlimdan keyingi taʼlim instituti quyidagi shakllarda tashkil etiladi:

tayanch doktorantura;

doktorantura;

mustaqil izlanuvchilik.

4. Oliy taʼlimdan keyingi taʼlim instituti fan va texnikaning muhim tarmoqlarida oliy malakali ilmiy va ilmiy-pedagogik kadrlar tayyorlash, shuningdek fan va texnologiyalarning ustuvor yoʻnalishlarida fundamental tadqiqotlarni rivojlantirish, davlat ilmiy dasturlarini amalga oshirish maqsadida ochiladi.

5. Oʻzbekiston Respublikasi fuqarolarini oliy taʼlimdan keyingi taʼlim institutiga qabul qilish quyidagicha amalga oshiriladi:

bepul tayanch doktorantura va doktorantura shaklida oʻqitish;

bepul va toʻlov-kontrakt asosida mustaqil tadqiqotchilik shaklida oʻqitish.

Xorijiy fuqarolar va fuqaroligi boʻlmagan shaxslarni (Oʻzbekiston Respublikasi hududida istiqomat qilayotgan fuqaroligi boʻlmagan shaxslar bundan mustasno) oliy taʼlimdan keyingi taʼlim institutlariga oʻqishga qabul qilish Oʻzbekiston Respublikasi qonunchiligiga yoki xalqaro shartnomalarga muvofiq toʻlov-kontrakt asosida amalga oshiriladi.

Oʻzbekiston Respublikasi hududida istiqomat qilayotgan fuqaroligi boʻlmagan shaxslar oliy taʼlimdan keyingi taʼlim institutlariga oʻqishga fuqarolar bilan teng huquqlarda qabul qilinadi.

Oʻzbekiston Respublikasida investitsiya vizasiga ega boʻlgan xorijiy investorlar hamda ularning oila aʼzolari Oʻzbekiston Respublikasi fuqarolari uchun nazarda tutilgan shartlarda oliy taʼlimdan keyingi taʼlim institutlariga oʻqishga kirishga va taʼlim olishga haqli.

6. Oliy taʼlimdan keyingi taʼlim institutiga qabul qilinayotgan magistr yoki mutaxassislik dasturlari boʻyicha olingan oliy maʼlumot toʻgʻrisidagi diplomga ega boʻlishi, fan nomzodi, falsafa doktori (PhD) yoki unga tenglashtirilgan xorijiy mamlakatlarda ilmiy darajaga ega boʻlganlar mutaxassisligi oliy taʼlimdan keyingi taʼlim ixtisosligi tegishli boʻlgan fan sohasiga muvofiq boʻlishi shart. Fan sohalari mos kelmaganda yoki oliy taʼlimdan keyingi taʼlimda fanning turdosh sohalari boʻyicha olish rejalashtirilganda talabgorlar Oʻzbekiston Respublikasi Oliy taʼlim, fan va innovatsiyalar vazirligi huzuridagi Oliy attestatsiya komissiyasi (keyingi oʻrinlarda — OAK) belgilagan fanlar boʻyicha qoʻshimcha imtihonlar topshirishi lozim.

Bakalavriat taʼlimi yoʻnalishi va magistratura mutaxassisligi taʼlimning turli sohalariga tegishli boʻlganda, OAK tomonidan belgilangan fanlar boʻyicha qoʻshimcha imtihonlar topshirish sharti bilan, bakalavriat taʼlimining yoʻnalishiga tegishli boʻlgan taʼlim sohasiga muvofiq mutaxassislik boʻyicha falsafa doktori (PhD) ilmiy darajasini olish uchun doktorlik dissertatsiyasining belgilangan tartibda tayyorlanishiga va himoya qilinishiga yoʻl qoʻyiladi (Akademiya magistraturasi bitiruvchilari bundan mustasno).

7. Oliy malakali ilmiy va ilmiy-pedagogik kadrlarni sifatli tayyorlashni taʼminlash, shuningdek dissertatsiya tadqiqotlarini oʻtkazishda ularga ilmiy va oʻquv-uslubiy yordam koʻrsatish maqsadida falsafa doktori (PhD) ilmiy darajasini olish istagidagi talabgorlar Akademiya kengashi qarori bilan ilmiy rahbarlarga, fan doktori (DSc) ilmiy darajasini olish istagidagi talabgorlar esa — ilmiy konsultantlarga biriktiriladi.

Fan doktori (DSc) ilmiy darajasini olish uchun tayyorlanadigan dissertatsiya tadqiqotlari ilmiy konsultantni tayinlanmasdan ham amalga oshirilishi mumkin.

Tanlangan tadqiqot mavzusi asosida barcha tadqiqotchilar Akademiya kengashi qarorlari bilan Akademiyaning tarkibiy boʻlinmasiga biriktiriladi.

8. Akademiyaning fan doktori bir vaqtning oʻzida oltitadan koʻp boʻlmagan doktorantlar uchun rahbar va maslahatchi boʻlishi mumkin.

Ilmiy unvoni boʻlgan fan nomzodi yoki falsafa doktori (PhD) bir vaqtning oʻzida uchtadan koʻp boʻlmagan izlanuvchilarga ilmiy rahbarlik qilishi mumkin. Soʻnggi uch yilda izlanuvchilari oʻz vaqtida himoya qilgan ilmiy rahbarlarga Akademiya kengashi xulosasi asosida toʻrttadan koʻp boʻlmagan izlanuvchilar biriktirilishi mumkin.

Ilmiy unvoni boʻlmagan fan nomzodi yoki falsafa doktori (PhD) ilmiy rahbar bir vaqtning oʻzida ikkitadan koʻp boʻlmagan doktorant va mustaqil izlanuvchilarning ilmiy rahbari boʻlishi mumkin. Soʻnggi uch yilda izlanuvchilari oʻz vaqtida himoya qilgan ilmiy rahbarlarga Akademiya kengashi xulosasi asosida uchtadan koʻp boʻlmagan izlanuvchilar biriktirilishi mumkin.

Xorijiy fuqarolarga yoki fuqaroligi boʻlmagan izlanuvchilarga oʻrnatilgan meʼyordan ortiq ilmiy rahbar yoki konsultantlar tayinlanishi mumkin.

9. Oliy taʼlimdan keyingi taʼlim institutini akkreditatsiya qilish vakolatli davlat organi tomonidan qonunchilik hujjatlarida belgilangan tartibda amalga oshiriladi.

10. Oʻzbekiston Respublikasi Oliy taʼlim, fan va innovatsiyalar vazirligi (keyingi oʻrinlarda — Oliy taʼlim, fan va innovatsiyalar vazirligi) oliy malakali ilmiy va ilmiy-pedagog kadrlar tayyorlash masalalarida Akademiyaning faoliyatini muvofiqlashtiradi.

2-bob. Oliy taʼlimdan keyingi taʼlimni tayanch doktorantura va doktorantura shaklida tashkil etish

11. Tayanch doktorantura va doktoranturaga Oʻzbekiston Respublikasi Davlat budjeti mablagʻlari hisobiga va toʻlov-kontrakt asosida oʻqitish uchun qabul kvotasi (keyingi oʻrinlarda — qabul kvotasi), qoida tariqasida, tegishli oʻquv yili uchun tasdiqlangan oliy taʼlim muassasalariga davlat buyurtmasi asosida magistratura mutaxassisliklariga oʻqishga qabul qilish umumiy parametrlarining 30 foizidan kam boʻlmagan miqdorda belgilanadi.

Ilmiy markaz boshligʻining taqdimnomasiga asosan Akademiya boshligʻi ruxsat bergan taqdirda, Akademiya doktorantlari haftasiga 10 soatdan oshmagan hajmda soatbay tartibidagi pedagogik faoliyat bilan shugʻullanishlari mumkin. Boshqa har qanday mehnat faoliyati taqiqlanadi.

Akademiya doktorantlariga stipendiyasi saqlab qolingan holda 21 kalendar kunidan iborat har yilgi mehnat taʼtillari beriladi.

Huquqni muhofaza qilish akademiyasi tayanch doktorantura hamda doktorantura bosqichiga oʻqishga qabul qilish mazkur Nizomga 1-ilovada keltirilgan sxemaga muvofiq tashkil etiladi.

Akademiya har yili 1-iyunga qadar Yagona elektron tizim orqali elektron shaklda Oliy taʼlim, fan va innovatsiyalar vazirligiga ilmiy darajali kadrlarga boʻlgan ehtiyojlar, amaldagi oliy taʼlimdan keyingi taʼlim institutlarining samaradorligi, taʼlim olayotgan doktorantlar va mustaqil izlanuvchilar kontingenti, ilmiy rahbarlar va ilmiy konsultantlarning samarali ishlari, shuningdek, mazkur Nizomda belgilangan bitta ilmiy rahbar va bitta ilmiy konsultantga biriktiriladigan izlanuvchilar sonidan kelib chiqib, keyingi yildan boshlab attestatsiyadan oʻtgan yoʻnalishlar boʻyicha tayanch doktoranturaga va doktoranturaga qabul kvotasi boʻyicha asoslangan takliflar bilan murojaat qiladi.

12. Akademiya tomonidan qabul kvotasi boʻyicha asoslangan takliflarni har yili 10-iyunga qadar Yagona elektron tizim orqali Oʻzbekiston Respublikasi Iqtisodiyot va moliya vazirligi bilan kelishish uchun Oliy taʼlim, fan va innovatsiyalar vazirligiga yuborilishini taʼminlaydi.

13. Akademiya har yili 1-sentabrdan kechikmasdan ommaviy axborot vositalarida qabul kvotalariga muvofiq hujjatlarni qabul qilish muddatlarini, talab qilinadigan hujjatlar, topshiriladigan imtihonlar roʻyxatini va qabul kvotasi miqdorini koʻrsatgan holda tayanch doktorantura va doktoranturada oʻqish uchun talabgorlarning hujjatlarini qabul qilish toʻgʻrisida eʼlon beradi.

Hujjatlar Akademiya tomonidan 15-sentabrdan 15-oktabrgacha boʻlgan davrda Yagona elektron tizim orqali qabul qilinadi.

14. Tayanch doktoranturaga quyidagilar qabul qilinadi:

bakalavr va magistr diplomlari (faqat yuridik soha boʻyicha) yoki oliy maʼlumot toʻgʻrisidagi (ixtisoslik boʻyicha) diplomga ega boʻlganlar;

Akademiya magistraturasi bitiruvchilari;

yuridik soha boʻyicha bakalavr diplomiga ega Oʻzbekiston Respublikasi Prezidenti huzuridagi Davlat boshqaruv akademiyasi hamda Oʻzbekiston Respublikasi Strategik tahlil va istiqbolni belgilash oliy maktabi magistraturasi bitiruvchilari;

yuridik fanlar boʻyicha falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin boʻlgan ilmiy natijalar, shu jumladan, ilmiy jurnallarda chop etilgan kamida bitta maqola hamda tegishli yoʻnalishlar boʻyicha ikkitadan kam boʻlmagan ilmiy ishlar toʻplamlariga kiritilgan maʼruza tezislariga ega boʻlganlar;

chet tilini bilish darajasining milliy yoki tegishli xalqaro sertifikatiga ega boʻlganlar, Oliy taʼlim, fan va innovatsiyalar vazirligi tomonidan tasdiqlanadigan xalqaro reytinglarda birinchi 300 ta oʻrindan birini egallagan oliy taʼlim tashkilotlari bitiruvchilari bundan mustasno.

15. Akademiyada boshliq raisligida qabul komissiyasi tuziladi. Qabul komissiyasi aʼzolari boshliq tomonidan tegishli ixtisoslik boʻyicha yetakchi mutaxassislar orasidan tayinlanadi.

Ixtisoslik boʻyicha imtihonlarni topshirishda qabul komissiyasi tarkibida kamida bitta fan doktori yoki professor boʻlishi zarur, komissiyaning qolgan aʼzolari fan nomzodlari yoki falsafa doktorlari (PhD) boʻlishi mumkin.

16. Tayanch doktoranturada oʻqishga talabgorlar Akademiyaga quyidagi hujjatlarni taqdim etadilar:

qisqacha biografik maʼlumotnoma;

tegishli xalqaro sertifikatning nusxasi;

nashr etilgan ilmiy ishlar roʻyxati, shuningdek ularning nusxalari.

Talabgorlarning oliy taʼlim muassasasi bakalavr va magistraturasi diplom maʼlumotlari, milliy sertifikati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

17. Doktoranturaga quyidagilarga ega boʻlganlar qabul qilinadi:

yuridik fanlar nomzodi yoki yuridik fanlari boʻyicha falsafa doktori (PhD) yoxud ularga tenglashtirilgan xorijiy davlatlarda olingan ilmiy darajalar;

yuridik fanlar nomzodi yoki yuridik fanlari boʻyicha falsafa doktori (PhD) ilmiy darajasi yoxud ularga tenglashtirilgan boshqa ilmiy darajalar olgandan soʻng muhim ilmiy yutuqlarga erishish, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin boʻlgan ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yoʻnalishlar boʻyicha ilmiy ishlar toʻplamlarida kamida ikkita tezisga ega boʻlish.

18. Doktoranturada oʻqishga talabgorlar Akademiyaga quyidagi hujjatlarni taqdim etadilar:

qisqacha biografik maʼlumotnoma;

yuridik fanlar nomzodi yoxud yuridik fanlar boʻyicha falsafa doktori (PhD) yoki xorijiy davlatlarda unga tenglashtirilgan ilmiy darajaga ega boʻlganligi toʻgʻrisidagi diplom nusxasi;

tadqiqot mavzusi boʻyicha ilmiy maʼruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi;

nashr etilgan ilmiy ishlar roʻyxati, shuningdek ularning nusxalari.

Talabgorlarning oliy maʼlumot toʻgʻrisidagi diplom maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

19. Tayanch doktoranturada oʻqish uchun chet tilini bilish toʻgʻrisidagi quyidagi milliy yoki xalqaro sertifikatga ega talabgorlar mutaxassislik boʻyicha kirish imtihonlarini topshiradilar:

IELTS — oʻrtacha balli kamida 5,5;

TOEFL (RVT) — 567 balldan kam boʻlmagan;

TOEFL (iBT) — 87 balldan kam boʻlmagan;

CEFR — V2 darajadan past boʻlmagan.

Kirish imtihonlari savollari Akademiyaning tarkibiy tarmoqlari tomonidan tuziladi hamda Akademiya boshligʻining ilmiy ishlar va innovatsiyalar boʻyicha oʻrinbosari tomonidan tasdiqlanadi.

Doktoranturaga daʼvogarlar qabul komissiyasi tomonidan oʻtkaziladigan mutaxassislik boʻyicha suhbatdan oʻtadilar.

20. Tayanch doktoranturaga kirish imtihonlari va doktoranturaga kirish uchun suhbat har yili 1 — 25-noyabr kunlari oraligʻida oʻtkaziladi.

21. Tayanch doktoranturaga va doktoranturaga kiruvchi talabgorlarning kirish imtihonlari, suhbat natijalaridan va ajratilgan qabul kvotasidan kelib chiqib, qabul komissiyasi tomonidan 30-noyabrgacha boʻlgan muddatda qabul qilinganlardan tanlanadi.

Bir necha talabgorlarning tayanch doktoranturaga va doktoranturaga kirish imtihonlari yoki suhbat natijalari boʻyicha ular tomonidan toʻplangan yakuniy ballari teng boʻlgan taqdirda quyidagi talabgorlarga ustunlik beriladi:

a) tayanch doktoranturaga:

magistraturani aʼlo baholar bilan tamomlaganlar;

mualliflik guvohnomalari va patentga ega boʻlganlar;

koʻp yillik mehnat stajiga ega boʻlganlar;

b) doktoranturaga:

5 yildan ortiq ilmiy-pedagogik stajga ega boʻlganlar;

mualliflik guvohnomalari va patentga ega boʻlganlar;

monografiya, talabgorning dissertatsiya mavzusi boʻyicha tegishli ilmiy jurnallarda, shu jumladan xorijiy jurnallarda chop etilgan soni boʻyicha (boshqa talabgorlarga nisbatan) koʻp miqdorda ilmiy maqolaga ega boʻlganlar;

dissertatsiya tadqiqoti hajmining 50 foizdan koʻp qismini bajarganlar.

22. Qabul komissiyasi tayanch doktorantura va doktoranturada taʼlim oluvchilarning kirish imtihonlari va oʻtkazilgan suhbat natijalarini majlis bayonnomasi bilan rasmiylashtiradi va besh kun muddatda Akademiya kengashiga tasdiqlash uchun kiritadi.

Akademiya boshligʻining buyrugʻi bilan bir vaqtning oʻzida tayanch doktorantura va doktoranturaga qabul qilingan shaxslarning dissertatsiyalari mavzulari, shuningdek ular biriktirilgan tarkibiy tarmoqlar tasdiqlanadi.

Qabul komissiyasi kirish imtihonlari va suhbat jarayonlarini video kuzatuv ostida (onlayn translyatsiya) oʻtkazish choralarini koʻradi.

23. Tayanch doktorantura va doktoranturaga oʻqishga qabul qilish Akademiya boshligʻi buyrugʻi bilan har yili 5-dekabrgacha amalga oshiriladi. Bunda tayanch doktorantura va doktoranturada taʼlim olish keyingi yilning 1-yanvaridan boshlanadi.

Oʻqishga qabul qilish toʻgʻrisidagi buyruqda ilmiy rahbarlar va ilmiy konsultantlar (konsultant boʻlgan taqdirda) ham belgilanadi.

24. Tayanch doktorantura va (yoki) doktoranturada oʻqishga qabul qilinganlar, ularning tasdiqlangan mavzulari, ilmiy rahbarlari va ilmiy konsultantlari (konsultantlar tayinlangan holatlarda) toʻgʻrisidagi maʼlumot Akademiya tomonidan har yili 15-dekabrgacha Yagona elektron tizimga kiritiladi.

25. Doktorantlar dissertatsiyalarining tasdiqlangan mavzulari, ilmiy rahbar va ilmiy maslahatchi toʻgʻrisidagi maʼlumotlar (maslahatchi tayinlanganda) Yagona elektron tizimiga kiritilishi, shuningdek OAKning Byulletenida eʼlon qilinishi lozim.

26. Doktorant ilmiy rahbar va konsultant (konsultant tayinlangan holatlarda) bilan birgalikda yakka tartibdagi rejasini ishlab chiqadi. Yakka tartibdagi reja tayanch doktoranturaga yoki doktoranturaga oʻqishga qabul qilingandan keyin bir oyda Akademiya boshligʻining ilmiy ishlar va innovatsiyalar boʻyicha oʻrinbosari tomonidan tasdiqlanadi.

27. Ilmiy rahbar doktorant uchun ixtisoslik boʻyicha nazariy-metodologik dastur ishlab chiqadi. Nazariy-metodologik dastur tayanch doktoranturaga oʻqishga qabul qilingandan boshlab bir oy muddat ichida Akademiya kengashi tomonidan tasdiqlanadi.

Nazariy-metodologik dastur metodologiyaning umumiy konsepsiyasi va masalalarini, mazkur ixtisoslik boʻyicha nazariy asoslarni va ilmiy tadqiqot usullarini oʻz ichiga oladi. Nazariy-metodologik dastur tayanch doktorant tomonidan oʻqishning birinchi yili mobaynida ilmiy rahbarning yordamida oʻzlashtiriladi.

28. Oʻqishga qabul qilingan shaxslarga, shu kundan boshlab stipendiya umumiy belgilangan miqdor va tartibda toʻlanadi.

29. Oʻzbekiston Respublikasi Iqtisodiyot va moliya vazirligi hamda Oliy taʼlim, fan va innovatsiyalar vazirligi tomonidan tayanch doktorantura va doktoranturaga oʻqishga qabul qilish boʻyicha tasdiqlangan kvotalarini hisobga olgan holda tayyorlangan xarajatlar smetasiga muvofiq Oʻzbekiston Respublikasi Davlat budjeti xarajatlar parametrlarida belgilangan tartibda Akademiyaning tegishli sohalariga zarur mablagʻlar ajratishni nazarda tutadi.

30. Tegishli hujjatlar mavjud boʻlgan taqdirda, tayanch doktorantura va doktoranturada oʻqish muddati uzoq vaqt kasal boʻlish, homiladorlik va tugʻish taʼtilida boʻlish davriga, shuningdek harbiy yigʻinlarga chaqirilish munosabati bilan ikki yil muddatgacha uzaytirilishi mumkin.

31. Falsafa doktori (PhD) ilmiy darajasiga izlanuvchilar doktorlik dissertatsiyalarini Oliy taʼlimdan keyingi taʼlimga qoʻyiladigan davlat taʼlim talablariga muvofiq malakaviy imtihonlarni topshirganlaridan keyin himoya qilishga qoʻyiladilar.

32. Akademiyada ilmiy rahbarlar va konsultantlarning doktorantlar bilan mehnatiga haq toʻlash har oyda oʻquv mashgʻulotlari oʻtkazganlik uchun mehnatga soatbay haq toʻlashning qonunchilikda belgilangan tartibda har bir doktorant uchun bir yilda 100 soat hisobida Oʻzbekiston Respublikasi Davlat budjetidan ajratilgan mablagʻlar hisobidan amalga oshiriladi.

Xorijiy fuqarolar yoki fuqaroligi boʻlmagan, shuningdek, toʻlov-kontrakt asosida qabul qilingan doktorantlarning ilmiy rahbarlari va konsultantlarning mehnatiga haq toʻlash oʻqitish uchun kelib tushadigan mablagʻlar hisobidan amalga oshiriladi.

33. Tayanch doktorantura va doktoranturada oʻqish muddati uch yilni tashkil etadi, bu vaqt doktorantlarning umumiy ish stajiga qoʻshiladi.

34. Oliy taʼlimdan keyingi taʼlimni tugatganlar tayanch doktorantura yoki doktoranturaga qayta qabul qilinmaydi.

3-bob. Oliy taʼlimdan keyingi taʼlimni mustaqil izlanuvchilik shaklida tashkil etish

35. Falsafa doktori (PhD) ilmiy darajasi uchun mustaqil izlanuvchilikka quyidagilarga ega shaxslar rasmiylashtiriladi:

bakalavr va magistr diplomlari (faqat yuridik soha boʻyicha) yoki oliy maʼlumot toʻgʻrisidagi (ixtisoslik boʻyicha) diplomga ega boʻlganlar;

belgilangan ilmiy maqolalariga ega boʻlganlar, shu jumladan, ilmiy jurnalda chop etilgan kamida bitta ilmiy maqola va falsafa doktori (PhD) ilmiy darajasini olish uchun dissertatsiya tadqiqotining asosini tashkil etishi mumkin boʻlgan tegishli ilmiy sohalardagi ilmiy ishlar toʻplamlarida kamida ikkita tezis.

Huquqni muhofaza qilish akademiyasi mustaqil izlanuvchilikka oʻqishga qabul qilish mazkur Nizomga 2-ilovada keltirilgan sxemaga muvofiq tashkil etiladi.

36. Fan doktori (DSc) ilmiy darajasi uchun mustaqil izlanuvchilikka yuridik fanlari nomzodi yoki yuridik fanlar boʻyicha falsafa doktori (PhD) yoxud ularga tenglashtirilgan xorijiy mamlakatlarda olingan diplomga ega boʻlgan, belgilangan tartibda talablarga muvofiq ilmiy daraja olganidan soʻng salmoqli ilmiy yutuqlarga erishgan shaxslar rasmiylashtiriladi.

Fanlari nomzodi yoki fanlar boʻyicha falsafa doktori (PhD) yuridik fan sohasiga mos kelmaganda yoki oliy taʼlimdan keyingi taʼlimda fanning turdosh sohalari boʻyicha olish rejalashtirilganda talabgorlar yuridik soha boʻyicha bakalavr diplomiga ega boʻlishi lozim va ushbu nizomning 6-bandiga muvofiq rasmiylashtiriladi.

37. Akademiya talabgorlarning mustaqil izlanuvchilikka hujjatlarini qabul qilish yil davomida amalga oshiriladi.

38. Mustaqil izlanuvchilikka talabgor quyidagi hujjatlarni ilova qilgan holda Akademiyaga Yagona elektron tizim orqali murojaat qiladi:

qisqacha biografik maʼlumotnoma;

falsafa doktori (PhD) ilmiy darajasini olish uchun mustaqil izlanuvchi sifatida rasmiylashtirish uchun bakalavr va magistrlik yoxud oliy maʼlumot (mutaxassislik dasturi boʻyicha) toʻgʻrisidagi diplom nusxasi;

ilmiy ishlar roʻyxati va ularning nusxasi;

fan doktori (DSc) ilmiy darajasini olish uchun mustaqil izlanuvchi sifatida rasmiylashtirish uchun yuridik fanlar nomzodi yoki yuridik fanlar boʻyicha falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;

ish joyidan tavsifnoma.

39. Mustaqil izlanuvchilikka talabgorlarni tanlab olish har chorakning uchinchi oyigacha boʻlgan muddatda ixtisoslik boʻyicha suhbat natijalari va Akademiyadagi qabul komissiyasining tegishli xulosasi boʻyicha amalga oshiriladi.

40. Talabgorlar Akademiya boshligʻining har chorakda 5-mart, 5-iyun, 5-sentabr va 5-dekabrga qadar eʼlon qilinadigan buyrugʻi bilan mustaqil izlanuvchilikka rasmiylashtiriladilar. Buyruqda, shuningdek, mustaqil izlanuvchilarning ilmiy rahbarlari va ilmiy konsultantlari (konsultant boʻlgan taqdirda) belgilanadi.

41. Mustaqil izlanuvchilikka qabul qilish toʻgʻrisidagi buyruq Akademiya boshligʻi tomonidan qabul qilinganidan soʻng 5 kun davomida Yagona elektron tizimga kiritiladi.

42. Mustaqil izlanuvchilar dissertatsiyalarining tasdiqlangan mavzulari hamda ilmiy rahbar va ilmiy maslahatchi toʻgʻrisidagi maʼlumotlar (maslahatchi tayinlanganda) Yagona elektron tizimiga kiritilishi, shuningdek OAKning Byulletenida eʼlon qilinishi lozim.

43. Mustaqil izlanuvchilar rasmiylashtirilganlaridan soʻng bir oy muddatda ilmiy rahbar yoki konsultant (konsultant boʻlgan taqdirda) bilan kelishgan holda yakka tartibdagi rejalarini Akademiyada koʻrib chiqish va tasdiqlash uchun taqdim etadilar.

Mustaqil izlanuvchi yakka tartibdagi rejasini qabul qilinganidan soʻng 5 kun davomida Yagona elektron tizimga kiritadi.

44. Amaldagi barcha talablarni bajargan va dissertatsiyasini OAK talablariga muvofiq ravishda rasmiylashtirgan mustaqil izlanuvchilar dissertatsiya himoyasiga qoʻyiladi.

45. Akademiyada ilmiy rahbarlar va konsultantlarning mustaqil izlanuvchilar bilan olib boradigan ishi uchun haq mehnatga soatbay haq toʻlash boʻyicha qonunchilikda belgilangan tartibda oʻquv mashgʻulotlari olib borilgani uchun har bir izlanuvchi hisobiga bir yilda 50 soat hisobidan har oyda toʻlanadi.

Akademiyada ilmiy rahbar yoki konsultant muassasaning budjetdan tashqari mablagʻlari hisobdan oylik maosh olayotgan boʻlsa, mustaqil izlanuvchilar bilan ishlash uning umumiy oʻquv yuklamasi hajmiga kiritilishi mumkin.

Ilmiy rahbarlar va konsultantlarning xorijiy fuqarolar yoki fuqaroligi boʻlmagan mustaqil izlanuvchilar bilan mehnatiga haq toʻlash oʻqish boʻyicha tuzilgan shartnomalarga muvofiq amalga oshiriladi.

46. Bir necha ilmiy tashkilot yoki taʼlim muassasasida bir vaqtning oʻzida mustaqil izlanuvchilikka yoʻl qoʻyilmaydi.

4-bob. Oliy taʼlimdan keyingi taʼlimni toʻlov-kontrakt asosida tashkil etish

47. Oliy taʼlimdan keyingi taʼlimning ortiqcha kvotasiga doktorant, tayanch doktorant hamda chet el fuqarosi boʻlgan doktorant va mustaqil izlanuvchilarni qabul qilish toʻlov-kontrakt asosida tashkil etiladi.

Bepul asosda qabul qilingan izlanuvchilarning qabul kvotasi har chorakda Akademiya kengashi qarori bilan yuqori malakali ilmiy va ilmiy-pedagogik kadrlarga boʻlgan haqiqiy ehtiyojni, Akademiya talabalar kontingentining mavjudligini tahlil qilish asosida tasdiqlanadi, belgilangan tartibda doktorantlar va mustaqil izlanuvchilarning ilmiy rahbarlari va ilmiy maslahatchilarining samaradorligi belgilanadi.

Kvota boʻyicha qabul qilingan doktorant, tayanch doktorant hamda chet el fuqarosi boʻlgan doktorant va mustaqil izlanuvchilar oʻqishga qabul qilingandan soʻng uch yil mobaynida doktorlik dissertatsiyasini himoya qilishlari shart.

48. Xorijiy fuqarolarni va fuqaroligi boʻlmagan shaxslarni oliy taʼlimdan keyingi taʼlim institutlariga qabul qilish va oʻqitish qonunchilik va (yoki) Oʻzbekiston Respublikasining xalqaro shartnomalariga muvofiq oliy taʼlimdan keyingi taʼlimga qabul kvotalaridan tashqari toʻlov-kontrakt asosida amalga oshiriladi.

Oʻzbekiston Respublikasida investitsiya vizasiga ega boʻlgan xorijiy investorlar hamda ularning oila aʼzolari Oʻzbekiston Respublikasi fuqarolari uchun nazarda tutilgan shartlarda oliy taʼlimdan keyingi taʼlim institutlariga oʻqishga kirishga va taʼlim olishga haqlidir.

49. Akademiyada toʻlov-kontrakt asosida oʻqish stavkalari har yili Akademiyaning Muvofiqlashtiruvchi vasiylik kengashi tomonidan belgilanadi.

50. Oliy taʼlimdan keyingi taʼlimni toʻlov-kontrakt asosida taqdim etishda toʻlov miqdori, boshqa narsalar qatori, ilmiy rahbarlar va maslahatchilar, opponentlar, shuningdek ilmiy seminar va ilmiy kengash aʼzolarining tadqiqotlar va eksperimentlar oʻtkazish bilan bogʻliq xarajatlarni inobatga oladigan haq miqdori bilan bogʻliq xarajatlarni hisobga oladi.

Akademiyaning budjetdan tashqari jamgʻarmasidan qoʻshimcha toʻlovlar miqdori ilmiy rahbar va maslahatchilar, opponentlar, taqrizchilar, shuningdek ilmiy seminar va ilmiy kengash aʼzolarining ish haqiga har yili Akademiyaning kengash tomonidan tasdiqlanadi.

5-bob. Izlanuvchilar faoliyati samaradorligining monitoringi

51. Akademiya Oliy taʼlim, fan va innovatsiyalar vazirligi bilan kelishilgan holda tadqiqotchilarning faoliyati samaradorligini nazorat qiladi.

52. Falsafa doktori (PhD) ilmiy darajasi uchun izlanuvchilar faoliyati samaradorligining monitoringi quyidagi mezonlar boʻyicha amalga oshiriladi:

a) oʻqishning birinchi yilida:

dissertatsiya mavzusi boʻyicha tasdiqlangan yakka tartibdagi rejaning mavjudligi va uning bajarilishi;

ixtisoslik boʻyicha tasdiqlangan nazariy-metodologik dasturning mavjudligi va uning bajarilishi (doktorantlar uchun);

tegishli jurnallarda dissertatsiya mavzusi boʻyicha kamida bitta ilmiy maqolaning chop etilganligi;

ilmiy konferensiyada dissertatsiya mavzusi boʻyicha maʼruza bilan ishtirok etganligi;

dissertatsiya mavzusi boʻyicha tahliliy umumlashtiruvchi qisqacha maʼlumotning mavjudligi;

Akademiya seminarida dissertatsiya mavzusiga doir tahliliy umumlashtiruvchi qisqacha maʼlumot natijalari boʻyicha (ilmiy rahbar bilan birgalikda) maʼruza qilganligi;

Akademiyaning ichki tartib qoidalariga rioya qilganligi;

b) oʻqishning ikkinchi yilida:

tegishli jurnallarda dissertatsiya mavzusi boʻyicha hisobot davrida chop etilgan kamida bitta ilmiy maqolaning mavjudligi;

dissertatsiya mavzusi boʻyicha hisobot davrida ilmiy konferensiya materiallarida kamida bitta chop etilgan maʼruza tezisining mavjudligi;

tegishli xorijiy jurnalda dissertatsiya mavzusi boʻyicha kamida bitta chop etilgan ilmiy maqola mavjudligi;

Akademiya tarkibiy tarmoqlari ilmiy seminarida dissertatsiya ishining dastlabki natijalari boʻyicha (mustaqil) maʼruza bilan ishtirok etganligi;

dissertatsiya mavzusi boʻyicha yakka tartibdagi rejasining bajarilishi boʻyicha hisobot berganligi;

Akademiyaning ichki tartib qoidalariga rioya qilinganligi;

v) oʻqishning uchinchi yilida:

jurnallarda, shu jumladan xorijiy jurnallarda soni belgilangan talablarga muvofiq chop etilgan ilmiy maqolalari mavjudligi;

OAK talablariga muvofiq tayyorlangan tugallangan dissertatsiya ishi, avtoreferatining mavjudligi;

Akademiya tarkibiy tarmoqlari majlislarida dissertatsiya va avtoreferatining koʻrib chiqilganligi va muhokama qilinganligi.

Akademiyaning ichki tartib qoidalariga rioya qilinganligi.

53. Fan doktori (DSc) ilmiy darajasi uchun izlanuvchilar faoliyati samaradorligining monitoringi quyidagi mezonlar boʻyicha amalga oshiriladi:

a) oʻqishning birinchi yilida:

dissertatsiya mavzusi boʻyicha yakka tartibdagi rejaning mavjudligi va uning bajarilganligi;

dissertatsiyaning birinchi va ikkinchi boblari tayyorligi;

dissertatsiya mavzusi boʻyicha tegishli jurnallarda kamida uchta ilmiy maqola chop etilganligi;

dissertatsiya mavzusi boʻyicha respublika va xalqaro ilmiy konferensiyalar materiallarida kamida bitta maʼruza tezisi chop etilganligi;

dissertatsiya mavzusi boʻyicha ilmiy konferensiya yoki seminarda maʼruza qilganligi;

dissertatsiya mavzusi boʻyicha tahliliy sharh;

dissertatsiya mavzusi boʻyicha tahliliy sharh natijalari boʻyicha seminarda soʻzga chiqqanligi;

Akademiyaning ichki tartib qoidalariga rioya qilganligi;

b) oʻqishning ikkinchi yilida:

dissertatsiyaning uchinchi va toʻrtinchi boblari tayyorligi;

tegishli jurnallarda dissertatsiya mavzusi boʻyicha hisobot davrida chop etilgan kamida toʻrtta ilmiy maqola eʼlon qilinganligi (shu jumladan, bittasi xorijda);

dissertatsiya mavzusi boʻyicha xalqaro va respublika ilmiy konferensiyalar materiallarida chop etilgan kamida ikkita maʼruza tezisining mavjudligi;

dissertatsiya ishining dastlabki natijalari boʻyicha seminar oʻtkazganligi;

konferensiya yoki seminarda maʼruza bilan qatnashish (kamida bir marta);

dissertatsiya mavzusi boʻyicha yakka tartibdagi rejaning bajarilishi toʻgʻrisidagi hisobot;

Akademiyaning ichki tartib qoidalariga rioya qilganligi;

v) oʻqishning uchinchi yilida:

tegishli jurnallarda dissertatsiya mavzusi boʻyicha hisobot davrida chop etilgan kamida uchta ilmiy maqola eʼlon qilinganligi;

dissertatsiya natijalari boʻyicha chop etilgan monografiyaning mavjudligi;

Akademiyaning ichki tartib qoidalariga rioya qilganligi;

OAK talablariga muvofiq tayyorlangan tugallangan dissertatsiya ishi va avtoreferatning mavjudligi;

dissertatsiya yoki avtoreferatni Akademiya tarkibiy tarmoqlarida koʻrib chiqilganligi va muhokama etilganligi.

54. Monitoring natijalari Akademiya kengashi tomonidan koʻrib chiqiladi va tasdiqlanadi. Yakka tartibdagi rejalarini bajarmagan izlanuvchilarga nisbatan tegishli qarorlar qabul qilinadi.

Yakka tartibdagi rejalarini bajarmagan doktorantlar Akademiya boshligʻi buyrugʻi bilan tayanch doktorantura yoki doktoranturadan chetlatiladi va oʻqishga qayta tiklanmaydi.

Doktoranturadan monitoring natijalari boʻyicha chetlatilgan yoki dissertatsiyasini muddatida himoya qilmagan shaxslar dissertatsiyasini tugatish va himoya qilish davrida mustaqil izlanuvchi sifatida rasmiylashtirilishi mumkin. Akademiyaning ichki tartib qoidalarini buzganligi uchun oʻqishdan chetlatilgan shaxslar oʻqishga tiklanmaydi.

Yakka tartibdagi rejalarni bajarmagan mustaqil izlanuvchilar Akademiya boshligʻining buyrugʻi bilan mustaqil izlanuvchilar safidan chetlashtiriladi.

Yakka tartibdagi rejalarini bajarmagan mustaqil izlanuvchilarning ilmiy rahbarlari va konsultantlariga nisbatan Akademiya kengashi qarori bilan rahbarlik va maslahat uchun toʻlanadigan haq toʻxtatiladi.

55. Muntazam ravishda (qatorasiga ikki marta va undan koʻp) izlanuvchilarning dissertatsiyalarini oʻz vaqtida himoya qilishni taʼminlamagan ilmiy rahbarlar va konsultantlar Akademiya kengashi qarori bilan uch yilgacha boʻlgan davrga ilmiy rahbarlik yoki konsultantlikdan chetlatilishi mumkin.

56. Akademiya kengashi tavsiyasi boʻyicha izlanuvchilarning yakka tartibdagi rejalariga oʻzgartirishlar kiritilishi mumkin.

Ilmiy rahbarlar va ilmiy konsultantlar faoliyatining samaradorligini nazorat qilish Akademiya kengashi tomonidan amalga oshiriladi.

57. Tayanch doktorantura yoki doktoranturadan chetlatish uchun quyidagi asoslar hisoblanadi:

oʻz arizasiga muvofiq;

salomatlik tufayli;

yakka tartibdagi rejalarni bajarmaslik;

Akademiya ichki tartib-qoidalarini tizimli (uch yoki undan ortiq) buzish;

sud qarori bilan ozodlikdan mahrum qilish;

hisobotlarni muddatida taqdim etmaganlik;

dissertatsiyani tayyorlash va himoya qilish talabini buzish.

58. Mustaqil izlanuvchini chetlashtirish uchun quyidagi asoslar hisoblanadi:

oʻz arizasiga muvofiq;

yakka tartibdagi rejalarni bajarmaslik;

hisobotlarni muddatida taqdim etmaganlik;

toʻlov-kontrakt toʻlamasligi.

6-bob. Oliy taʼlimdan keyingi taʼlim toʻgʻrisidagi hujjatlar

60. Qonunchilikda nazarda tutilgan oliy taʼlimdan keyingi taʼlim talablarini bajargan va belgilangan tartibda dissertatsiya himoya qilgan shaxslarga oʻrnatilgan tartibda davlat namunasidagi tegishli falsafa doktori (PhD) va fan doktori (DSc) diplomi beriladi.

Oʻzbekiston Respublikasi Huquqni muhofaza qilish akademiyasi oliy taʼlimdan keyingi taʼlimga oʻqishga qabul qilish va oʻqitishni tashkil etish tartibi toʻgʻrisida nizomga 1-ILOVA

Huquqni muhofaza qilish akademiyasi tayanch doktorantura hamda doktorantura bosqichiga oʻqishga qabul qilishni tashkil etish

Bosqichlar Masʼullar Oʻtkaziladigan tadbirlar Bajarish muddatlari 1-bosqich Huquqni muhofaza qilish akademiyasi (Akademiya) Akademiyaning rasmiy veb-saytida va ommaviy axborot vositalarida qabul toʻgʻrisida eʼlon berish. Har yili 1-sentabrga qadar 2-bosqich Akademiya Tegishli hujjatlarni oliy taʼlimdan keyingi taʼlimni muvofiqlashtirishning yagona elektron tizimi orqali qabul qilish. Har yili 15-sentabrdan 15-oktabrga qadar 3-bosqich Akademiya Tayanch doktoranturaga kirish imtihonlarini hamda doktoranturaga kirish suhbatini oʻtkazish. Har yili 1-noyabrdan 25-noyabrga qadar 4-bosqich Akademiya Qabul komissiyasi tomonidan nomzodlar orasidan kirish imtihonlari hamda suhbatdan muvaffaqiyatli oʻtganlarni tanlab olish. Har yili 30-noyabrga qadar 5-bosqich Akademiya Kirish imtihonlari hamda suhbatdan muvaffaqiyatli oʻtgan nomzodlarni oʻqishga qabul qilish toʻgʻrisida Akademiya boshligʻining buyrugʻini qabul qilish. Har yili 5-dekabrga qadar

Oʻzbekiston Respublikasi Huquqni muhofaza qilish akademiyasi oliy taʼlimdan keyingi taʼlimga oʻqishga qabul qilish va oʻqitishni tashkil etish tartibi toʻgʻrisida nizomga 2-ILOVA

Huquqni muhofaza qilish akademiyasiga mustaqil izlanuvchilikka oʻqishga qabul qilishni tashkil etish

Bosqichlar Masʼullar Oʻtkaziladigan tadbirlar Bajarish muddatlari 1-bosqich Huquqni muhofaza qilish akademiyasi (Akademiya) Akademiyaning rasmiy veb-saytida va ommaviy axborot vositalarida qabul toʻgʻrisida eʼlon berish. Har chorakda birinchi oyning 15 sanasidan keyingi oyning 15 sanasiga qadar 2-bosqich Akademiya Tegishli hujjatlarni oliy taʼlimdan keyingi taʼlimni muvofiqlashtirishning yagona elektron tizimi orqali qabul qilish. Har chorak 1 oy davomida 3-bosqich Akademiya Mustaqil izlanuvchilikka talabgorlarni tanlab olish maqsadida kirish suhbatini oʻtkazish. Har chorakning soʻnggi oyiga qadar 4-bosqich Akademiya Kirish suhbatidan muvaffaqiyatli oʻtgan nomzodlarni oʻqishga qabul qilish toʻgʻrisida Akademiya boshligʻining tegishli buyrugʻini qabul qilish. Har yili chorakning 5-mart, 5-iyun, 5-sentabr, 5-dekabr sanalariga qadar

Vazirlar Mahkamasining 2023-yil 6-apreldagi 143-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1997-yil 3-iyuldagi 339-son qarori bilan tasdiqlangan Davlat xizmatchilarining lavozimlari roʻyxatining “Oʻzbekiston Respublikasi Bosh prokuraturasining Akademiyasi” boʻlimi quyidagi tahrirda bayon etilsin:

“Oʻzbekiston Respublikasi Huquqni muhofaza qilish akademiyasi

Boshliq

Boshliqning birinchi oʻrinbosari

Boshliq oʻrinbosari

Boshliq yordamchisi

Kafedra (boshqarma, fakultet, boʻlim, markaz) boshligʻi

Professor

Dotsent

Katta oʻqituvchi

Oʻqituvchi

Boʻlim (boshqarma, fakultet, markaz) katta prokurori

Boʻlim (boshqarma, fakultet, markaz) prokurori

Bosh mutaxassisi

Yetakchi mutaxassis

1-toifali mutaxassis

2-toifali mutaxassis”.

3. Vazirlar Mahkamasining 2017-yil 26-sentabrdagi 764-son qarori bilan tasdiqlangan Oʻzbekiston Respublikasi ichki ishlar organlarida tibbiy tekshiruvni tashkil etish va harbiy-tibbiy ekspertizani oʻtkazish tartibi toʻgʻrisidagi nizomning 4-bandi quyidagi mazmundagi “j” kichik band bilan toʻldirilsin:

“j) Oʻzbekiston Respublikasi Huquqni muhofaza qilish akademiyasi bakalavriatiga kirish uchun nomzodlar”.

5. Vazirlar Mahkamasining 2018-yil 26-oktabrdagi 873-son qarori bilan tasdiqlangan Prokuratura organlari xodimlariga imtiyozli shartlarda kreditga uy-joy va avtotransport vositalarini sotib olish uchun dastlabki badalni kiritish maqsadida Majburiy ijro byurosini rivojlantirish jamgʻarmasi mablagʻlari hisobidan foizsiz qarz berish tartibi toʻgʻrisidagi nizomning 1-bandidagi “Bosh prokuraturasi Akademiyasi” soʻzlari “Huquqni muhofaza qilish akademiyasi” soʻzlari bilan almashtirilsin.

6. Vazirlar Mahkamasining 2020-yil 4-martdagi 122-son qarori bilan tasdiqlangan Oliy taʼlim muassasalarini sport turlariga ixtisoslashtirish jadvalidan 107-pozitsiya chiqarib tashlansin.

7. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 84-bandi oʻz kuchini yoʻqotgan deb hisoblansin.

8. Vazirlar Mahkamasining “Oʻzbekiston Respublikasi Ichki ishlar vazirligining umumiy oʻrta va oʻrta maxsus taʼlim muassasalarida oʻquv jarayonini takomillashtirish chora-tadbirlari toʻgʻrisida” 2021-yil 28-iyuldagi 466-son qaroriga 2-ilovaning 2-bandi oʻz kuchini yoʻqotgan deb hisoblansin.

9. Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida” 2021-yil 22-noyabrdagi 705-son qaroriga 3-ilovaning 13-bandi oʻz kuchini yoʻqotgan deb hisoblansin.

10. Vazirlar Mahkamasining “Davlat oliy taʼlim muassasalari magistratura bosqichida taʼlim olayotgan xotin-qizlarning toʻlov-kontrakt mablagʻlarini toʻlab berish chora-tadbirlari toʻgʻrisida” 2022-yil 15-avgustdagi 447-son qarorining 2-bandi ikkinchi xatboshisidagi “Bosh prokuratura” soʻzlari “Huquqni muhofaza qilish” soʻzlari bilan almashtirilsin.

11. Vazirlar Mahkamasining “Prezident taʼlim muassasalari agentligi tizimidagi ixtisoslashtirilgan maktablar tarmogʻining kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2022-yil 19-avgustdagi 463-son qaroriga ilovaning 2-bandi oʻz kuchini yoʻqotgan deb hisoblansin.

12. Vazirlar Mahkamasining 2006-yil 26-apreldagi 180-f-son farmoyishi bilan tasdiqlangan Oʻzbekiston Respublikasining aeroportlarida rasmiy delegatsiyalarga xizmat koʻrsatish zali toʻgʻrisidagi nizom ilovasining rus tilidagi matnining 5-bandi 5.5.-kichik bandi “, nachalnik Pravooxranitelnoy akademii” soʻzlari bilan toʻldirilsin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 6-aprel,

143-son

(Qonunchilik maʼlumotlari milliy bazasi, 07.04.2023-y., 09/23/143/0199-son; 13.06.2025-y., 09/25/362/0507-son; 15.09.2025-y., 09/25/578/0826-son; 06.01.2026-y., 09/26/840/0012-son; 02.02.2026-y., 09/26/35/0101-son; 17.04.2026-y., 09/26/175/0373-son; 25.08.2026-y., 09/26/456/0870-son; 18.09.2026-y., 09/26/500/0950-son)

lex.uz