📅 2023-yil 10-aprel · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 апрель · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 10 апреля 2023 г. · Законы и кодексы
Официальный текст. Официальный документ. Редакционные примечания не включены.
📅 10 April 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
Молиявий истеъмол кредити бериш тизими такомиллаштирилиши муносабати билан «Истеъмол кредити тўғрисида»ги Ўзбекистон Республикаси Қонунининг 15-моддасига ўзгартиш киритиш ҳақида
Қонунчилик палатаси томонидан 2023 йил 17 январда қабул қилинган Сенат томонидан 2023 йил 2 мартда маъқулланган
Мамлакатимизда аҳоли ва тадбиркорлик субъектларини ҳар томонлама қўллаб-қувватлаш, аҳолининг таълим олиши, меҳнат ва турмуш шароитларини яхшилаш, шунингдек кредитлар олиш имкониятини таъминлаш борасида тизимли ишлар амалга оширилмоқда.
Қонунчиликда Ўзбекистон Республикасида ишлаб чиқарилган ва юридик шахслар томонидан реализация қилинадиган истеъмол товарларини (хизматларни) сотиб олиш учун молиявий истеъмол кредити бериш тўғрисидаги талабнинг мавжудлиги аҳоли учун ноқулайлик туғдирмоқда ҳамда товарларни (хизматларни) кредит маблағлари ҳисобидан сотиб олиш имкониятини чеклаб қўймоқда.
Ушбу Қонун билан «Истеъмол кредити тўғрисида»ги Ўзбекистон Республикаси Қонунига жисмоний ва юридик шахслар томонидан реализация қилинадиган товарлар (хизматлар) учун, шунингдек Ўзбекистон Республикасидан ташқарида ишлаб чиқарилган товарлар (хизматлар) учун молиявий истеъмол кредитлари бериш имкониятини назарда тутувчи ўзгартишлар киритилмоқда.
Ушбу Қонун молиявий истеъмол кредити бериш тартибини такомиллаштириш ва соддалаштиришга, шунингдек мамлакатимиз аҳолисининг таълим олиш, меҳнат ва турмуш шароитларини яхшилашга хизмат қилади.
1-модда. Ўзбекистон Республикасининг 2006 йил 6 майда қабул қилинган «Истеъмол кредити тўғрисида»ги ЎРҚ-33-сонли Қонуни (Ўзбекистон Республикаси Олий Мажлиси палаталарининг Ахборотномаси, 2006 йил, № 5, 216-модда; 2012 йил, № 4, 105-модда; 2021 йил, 4-сонга илова; 2022 йил, № 3, 216-модда, № 4, 340-модда) 15-моддасининг матни қуйидаги таҳрирда баён этилсин:
«Молиявий истеъмол кредитидан фойдаланишда шартнома товарни (хизматни) истеъмолчи томонидан сотиб олишга доир шартнома кучга киргунига қадар ёки кучга кирганидан кейин тузилиши мумкин.
Молиявий истеъмол кредити бериш истеъмол товарларини (хизматларни) ишлаб чиқарувчининг ёки реализация қилувчи субъектнинг (юридик ва жисмоний шахснинг) банкдаги ҳисобварағига банк ёхуд бошқа кредит ташкилоти томонидан пул маблағлари ўтказиш йўли билан амалга оширилади.
Молиявий истеъмол кредитининг нақд пулда берилишига йўл қўйилмайди».
2-модда. Ўзбекистон Республикаси Иқтисодиёт ва молия вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 10 апрель,
ЎРҚ-828-сон
Oʻzbekiston Respublikasining Qonuni
Moliyaviy isteʼmol krediti berish tizimi takomillashtirilishi munosabati bilan “Isteʼmol krediti toʻgʻrisida”gi Oʻzbekiston Respublikasi Qonunining 15-moddasiga oʻzgartish kiritish haqida
Qonunchilik palatasi tomonidan 2023-yil 17-yanvarda qabul qilingan Senat tomonidan 2023-yil 2-martda maʼqullangan
Mamlakatimizda aholi va tadbirkorlik subyektlarini har tomonlama qoʻllab-quvvatlash, aholining taʼlim olishi, mehnat va turmush sharoitlarini yaxshilash, shuningdek kreditlar olish imkoniyatini taʼminlash borasida tizimli ishlar amalga oshirilmoqda.
Qonunchilikda Oʻzbekiston Respublikasida ishlab chiqarilgan va yuridik shaxslar tomonidan realizatsiya qilinadigan isteʼmol tovarlarini (xizmatlarni) sotib olish uchun moliyaviy isteʼmol krediti berish toʻgʻrisidagi talabning mavjudligi aholi uchun noqulaylik tugʻdirmoqda hamda tovarlarni (xizmatlarni) kredit mablagʻlari hisobidan sotib olish imkoniyatini cheklab qoʻymoqda.
Ushbu Qonun bilan “Isteʼmol krediti toʻgʻrisida”gi Oʻzbekiston Respublikasi Qonuniga jismoniy va yuridik shaxslar tomonidan realizatsiya qilinadigan tovarlar (xizmatlar) uchun, shuningdek Oʻzbekiston Respublikasidan tashqarida ishlab chiqarilgan tovarlar (xizmatlar) uchun moliyaviy isteʼmol kreditlari berish imkoniyatini nazarda tutuvchi oʻzgartishlar kiritilmoqda.
Ushbu Qonun moliyaviy isteʼmol krediti berish tartibini takomillashtirish va soddalashtirishga, shuningdek mamlakatimiz aholisining taʼlim olish, mehnat va turmush sharoitlarini yaxshilashga xizmat qiladi.
1-modda. Oʻzbekiston Respublikasining 2006-yil 6-mayda qabul qilingan “Isteʼmol krediti toʻgʻrisida”gi OʻRQ-33-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2006-yil, № 5, 216-modda; 2012-yil, № 4, 105-modda; 2021-yil, 4-songa ilova; 2022-yil, № 3, 216-modda, № 4, 340-modda) 15-moddasining matni quyidagi tahrirda bayon etilsin:
“Moliyaviy isteʼmol kreditidan foydalanishda shartnoma tovarni (xizmatni) isteʼmolchi tomonidan sotib olishga doir shartnoma kuchga kirguniga qadar yoki kuchga kirganidan keyin tuzilishi mumkin.
Moliyaviy isteʼmol krediti berish isteʼmol tovarlarini (xizmatlarni) ishlab chiqaruvchining yoki realizatsiya qiluvchi subyektning (yuridik va jismoniy shaxsning) bankdagi hisobvaragʻiga bank yoxud boshqa kredit tashkiloti tomonidan pul mablagʻlari oʻtkazish yoʻli bilan amalga oshiriladi.
Moliyaviy isteʼmol kreditining naqd pulda berilishiga yoʻl qoʻyilmaydi”.
2-modda. Oʻzbekiston Respublikasi Iqtisodiyot va moliya vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 10-aprel,
OʻRQ-828-son
Закон Республики Узбекистан
О внесении изменения в статью 15 Закона Республики Узбекистан «О потребительском кредите» в связи с совершенствованием системы предоставления финансового потребительского кредита
Принят Законодательной палатой 17 января 2023 года Одобрен Сенатом 2 марта 2023 года
В нашей стране проводится системная работа по всесторонней поддержке населения и субъектов предпринимательства, улучшению условий получения образования, труда и жизни населения, а также обеспечению доступности кредитов.
Наличие в законодательстве требования о предоставлении финансового потребительского кредита для приобретения потребительских товаров (услуг), произведенных в Республике Узбекистан и реализуемых юридическими лицами, создает неудобства для населения и ограничивает возможность их приобретения за счет кредитных средств.
Настоящим Законом в Закон Республики Узбекистан «О потребительском кредите» вносятся изменения, предусматривающие возможность предоставления финансовых потребительских кредитов на товары (услуги), реализуемые физическими и юридическими лицами, а также товары (услуги), произведенные за пределами Республики Узбекистан.
Настоящий Закон послужит совершенствованию и упрощению порядка предоставления финансового потребительского кредита, а также улучшению условий получения образования, труда и жизни населения страны.
Статья 1. Текст статьи 15 Закона Республики Узбекистан от 6 мая 2006 года № ЗРУ-33 «О потребительском кредите» (Ведомости палат Олий Мажлиса Республики Узбекистан, 2006 г., № 5, ст. 216; 2012 г., № 4, ст. 105; 2021 г., приложение к № 4; 2022 г., № 3, ст. 216, № 4, ст. 340) изложить в следующей редакции:
«При использовании финансового потребительского кредита договор может быть заключен до или после вступления в силу договора на приобретение потребителем товара (услуги).
Предоставление финансового потребительского кредита осуществляется путем перечисления банком или иной кредитной организацией денежных средств на банковский счет производителя или субъекта (юридического и физического лица), реализующего потребительские товары (услуги).
Выдача финансового потребительского кредита наличными деньгами не допускается».
Статья 2. Министерству экономики и финансов Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
10 апреля 2023 г.,
№ ЗРУ-828