📅 2023-yil 19-aprel · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 19 апрель · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 19 апреля 2023 г. · Законы и кодексы
Официальный текст. Официальный документ. Редакционные примечания не включены.
📅 19 April 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Банклар ва банк фаолияти тўғрисида»ги Ўзбекистон Республикаси Қонунига ўзгартишлар киритиш ҳақида
Қонунчилик палатаси томонидан 2023 йил 7 февралда қабул қилинган Сенат томонидан 2023 йил 7 апрелда маъқулланган
Кейинги вақтларда мамлакатимизда молия ва банк секторининг барқарорлигини таъминлашга, банклар томонидан қулай ва сифатли молиявий хизматлар кўрсатиш, шунингдек аҳолининг банкларга бўлган ишончини оширишга қаратилган қатор чора-тадбирлар амалга оширилди.
Шу билан бирга банк секторининг барқарорлигини таъминлаш, банкларни капиталлаштириш даражасини ошириш ҳамда уларнинг ресурс базасини кўпайтириш, шунингдек мазкур соҳага чет эл инвестицияларини жалб этиш учун қўшимча ҳуқуқий шарт-шароитлар яратиш зарурияти юзага келди.
Ушбу Қонун билан «Банклар ва банк фаолияти тўғрисида»ги Ўзбекистон Республикаси Қонунига банк устав капиталининг энг кам миқдорини 2025 йилнинг 1 январига қадар юз миллиард сўмдан беш юз миллиард сўмгача босқичма-босқич ошириб бориш тўғрисидаги талаблар жорий этилишини назарда тутувчи ўзгартишлар киритилмоқда. Бундан ташқари норезидентларга чет эл фонд бозорларига жойлаштирилган акцияларни сотиб олиш ҳуқуқи берилган ҳолда, банкларнинг акцияларини улар томонидан сотиб олишга нисбатан чекловлар қисман бекор қилинмоқда.
Ушбу Қонун банкларни капиталлаштириш даражасини янада оширишга ва уларнинг ресурс базаларини кўпайтиришга, уларнинг иқтисодиётдаги таркибий ўзгаришлар жараёнларида иштирок этишини кенгайтиришга, шунингдек банк секторига чет эл инвестицияларини жалб этишга кўмаклашади.
1-модда. Ўзбекистон Республикасининг 1996 йил 25 апрелда қабул қилинган «Банклар ва банк фаолияти тўғрисида»ги 216-I-сонли Қонунига (Ўзбекистон Республикасининг 2019 йил 5 ноябрда қабул қилинган ЎРҚ-580-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2019 йил, № 11, 788-модда; 2020 йил, № 1, 1-модда; 2021 йил, 4-сонга илова, № 10, 968-модда) қуйидаги ўзгартишлар киритилсин:
1) 13-модданинг :
биринчи қисми қуйидаги таҳрирда баён этилсин:
«Банк устав капиталининг энг кам миқдори:
2023 йил 1 сентябрга қадар юз миллиард сўмни;
2023 йил 1 сентябрдан эътиборан икки юз миллиард сўмни;
2024 йил 1 апрелдан эътиборан уч юз эллик миллиард сўмни;
2025 йил 1 январдан эътиборан беш юз миллиард сўмни ташкил этиши керак»;
тўртинчи қисми қуйидаги мазмундаги тўртинчи ва бешинчи қисмлар билан алмаштирилсин:
«Ташкил этилаётган ёки қўшиб юбориш, бўлиш ва ажратиб чиқариш шаклида қайта ташкил этилаётган банк устав капитали ушбу модданинг биринчи қисмида назарда тутилган, банк ташкил этилаётган ёки қайта ташкил этилаётган кундаги банк устав капиталининг энг кам миқдоридан келиб чиққан ҳолда шакллантирилади. Бунда банк устав капиталининг энг кам миқдори банкни давлат рўйхатидан ўтказиш ва лицензия бериш тўғрисидаги ариза бериладиган пайтгача банк муассислари томонидан шакллантирилган бўлиши керак. Ташкил этилаётган банкнинг устав капиталига киритилган маблағлар банкда очилган жамғарма ҳисобварағига ўтказилади.
Банклар ушбу модданинг биринчи қисмида белгиланган муддатларда ўз устав капитали миқдорини мазкур модданинг биринчи қисмида кўрсатилган талабларга мувофиқлаштириши керак. Устав капиталида давлат улуши мавжуд бўлган банклар норезидентларга давлат улушини тўлиқ сотиш орқали хусусийлаштирилганда Марказий банк бошқаруви банк устав капиталини мазкур модданинг биринчи қисмида белгиланган энг кам миқдорга мувофиқлаштириш бўйича белгилангандан бошқа муддатларни ўрнатишга ҳақли»;
бешинчи қисми олтинчи қисм деб ҳисоблансин;
2) 17-модданинг бешинчи қисми қуйидаги таҳрирда баён этилсин:
«Имтиёзли солиқ режимини тақдим этувчи ва (ёки) охирги бенефициар мулкдорнинг шахсини ошкор қилиш ҳамда молиявий операцияларни ўтказиш чоғида ахборот тақдим этиш назарда тутилмайдиган давлатда ёки ҳудудда рўйхатга олинган юридик шахслар ва шундай давлатда ёки ҳудудда яшайдиган жисмоний шахслар банкнинг муассислари ва акциядорлари бўлиши мумкин эмас (бундан чет эл фонд бозорларида банк акцияларини сотиб олган юридик ва жисмоний шахслар мустасно)»;
3) 22-модданинг :
бешинчи қисми чиқариб ташлансин;
олтинчи — ўнинчи қисмлари тегишинча бешинчи — тўққизинчи қисмлар деб ҳисоблансин.
2-модда. Ўзбекистон Республикаси Марказий банки ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддаси 1-бандининг қоидалари мазкур Қонун амалга киритилгунига қадар юзага келган ҳуқуқий муносабатларга нисбатан ҳам татбиқ этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 19 апрель,
ЎРҚ-831-сон
Oʻzbekiston Respublikasining Qonuni
“Banklar va bank faoliyati toʻgʻrisida”gi Oʻzbekiston Respublikasi Qonuniga oʻzgartishlar kiritish haqida
Qonunchilik palatasi tomonidan 2023-yil 7-fevralda qabul qilingan Senat tomonidan 2023-yil 7-aprelda maʼqullangan
Keyingi vaqtlarda mamlakatimizda moliya va bank sektorining barqarorligini taʼminlashga, banklar tomonidan qulay va sifatli moliyaviy xizmatlar koʻrsatish, shuningdek aholining banklarga boʻlgan ishonchini oshirishga qaratilgan qator chora-tadbirlar amalga oshirildi.
Shu bilan birga bank sektorining barqarorligini taʼminlash, banklarni kapitallashtirish darajasini oshirish hamda ularning resurs bazasini koʻpaytirish, shuningdek mazkur sohaga chet el investitsiyalarini jalb etish uchun qoʻshimcha huquqiy shart-sharoitlar yaratish zaruriyati yuzaga keldi.
Ushbu Qonun bilan “Banklar va bank faoliyati toʻgʻrisida”gi Oʻzbekiston Respublikasi Qonuniga bank ustav kapitalining eng kam miqdorini 2025-yilning 1-yanvariga qadar yuz milliard soʻmdan besh yuz milliard soʻmgacha bosqichma-bosqich oshirib borish toʻgʻrisidagi talablar joriy etilishini nazarda tutuvchi oʻzgartishlar kiritilmoqda. Bundan tashqari norezidentlarga chet el fond bozorlariga joylashtirilgan aksiyalarni sotib olish huquqi berilgan holda, banklarning aksiyalarini ular tomonidan sotib olishga nisbatan cheklovlar qisman bekor qilinmoqda.
Ushbu Qonun banklarni kapitallashtirish darajasini yanada oshirishga va ularning resurs bazalarini koʻpaytirishga, ularning iqtisodiyotdagi tarkibiy oʻzgarishlar jarayonlarida ishtirok etishini kengaytirishga, shuningdek bank sektoriga chet el investitsiyalarini jalb etishga koʻmaklashadi.
1-modda. Oʻzbekiston Respublikasining 1996-yil 25-aprelda qabul qilingan “Banklar va bank faoliyati toʻgʻrisida”gi 216-I-sonli Qonuniga (Oʻzbekiston Respublikasining 2019-yil 5-noyabrda qabul qilingan OʻRQ-580-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2019-yil, № 11, 788-modda; 2020-yil, № 1, 1-modda; 2021-yil, 4-songa ilova, № 10, 968-modda) quyidagi oʻzgartishlar kiritilsin:
1) 13-moddaning :
birinchi qismi quyidagi tahrirda bayon etilsin:
“Bank ustav kapitalining eng kam miqdori:
2023-yil 1-sentabrga qadar yuz milliard soʻmni;
2023-yil 1-sentabrdan eʼtiboran ikki yuz milliard soʻmni;
2024-yil 1-apreldan eʼtiboran uch yuz ellik milliard soʻmni;
2025-yil 1-yanvardan eʼtiboran besh yuz milliard soʻmni tashkil etishi kerak”;
toʻrtinchi qismi quyidagi mazmundagi toʻrtinchi va beshinchi qismlar bilan almashtirilsin:
“Tashkil etilayotgan yoki qoʻshib yuborish, boʻlish va ajratib chiqarish shaklida qayta tashkil etilayotgan bank ustav kapitali ushbu moddaning birinchi qismida nazarda tutilgan, bank tashkil etilayotgan yoki qayta tashkil etilayotgan kundagi bank ustav kapitalining eng kam miqdoridan kelib chiqqan holda shakllantiriladi. Bunda bank ustav kapitalining eng kam miqdori bankni davlat roʻyxatidan oʻtkazish va litsenziya berish toʻgʻrisidagi ariza beriladigan paytgacha bank muassislari tomonidan shakllantirilgan boʻlishi kerak. Tashkil etilayotgan bankning ustav kapitaliga kiritilgan mablagʻlar bankda ochilgan jamgʻarma hisobvaragʻiga oʻtkaziladi.
Banklar ushbu moddaning birinchi qismida belgilangan muddatlarda oʻz ustav kapitali miqdorini mazkur moddaning birinchi qismida koʻrsatilgan talablarga muvofiqlashtirishi kerak. Ustav kapitalida davlat ulushi mavjud boʻlgan banklar norezidentlarga davlat ulushini toʻliq sotish orqali xususiylashtirilganda Markaziy bank boshqaruvi bank ustav kapitalini mazkur moddaning birinchi qismida belgilangan eng kam miqdorga muvofiqlashtirish boʻyicha belgilangandan boshqa muddatlarni oʻrnatishga haqli”;
beshinchi qismi oltinchi qism deb hisoblansin;
2) 17-moddaning beshinchi qismi quyidagi tahrirda bayon etilsin:
“Imtiyozli soliq rejimini taqdim etuvchi va (yoki) oxirgi benefitsiar mulkdorning shaxsini oshkor qilish hamda moliyaviy operatsiyalarni oʻtkazish chogʻida axborot taqdim etish nazarda tutilmaydigan davlatda yoki hududda roʻyxatga olingan yuridik shaxslar va shunday davlatda yoki hududda yashaydigan jismoniy shaxslar bankning muassislari va aksiyadorlari boʻlishi mumkin emas (bundan chet el fond bozorlarida bank aksiyalarini sotib olgan yuridik va jismoniy shaxslar mustasno)”;
3) 22-moddaning :
beshinchi qismi chiqarib tashlansin;
oltinchi — oʻninchi qismlari tegishincha beshinchi — toʻqqizinchi qismlar deb hisoblansin.
2-modda. Oʻzbekiston Respublikasi Markaziy banki va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasi 1-bandining qoidalari mazkur Qonun amalga kiritilguniga qadar yuzaga kelgan huquqiy munosabatlarga nisbatan ham tatbiq etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 19-aprel,
OʻRQ-831-son
Закон Республики Узбекистан
О внесении изменений в Закон Республики Узбекистан «О банках и банковской деятельности»
Принят Законодательной палатой 7 февраля 2023 года Одобрен Сенатом 7 апреля 2023 года
В последнее время в стране реализован ряд мер, направленных на обеспечение финансовой стабильности и устойчивости банковского сектора, создание условий для оказания банками доступных и качественных финансовых услуг, а также повышение доверия населения к банкам.
Вместе с тем возникает необходимость создания дополнительных правовых условий для обеспечения стабильности и устойчивости банковского сектора, повышения уровня капитализации банков и увеличения их ресурсной базы, а также привлечения иностранных инвестиций в данную сферу.
Настоящим Законом в Закон Республики Узбекистан «О банках и банковской деятельности» вносятся изменения, предусматривающие введение требований о поэтапном увеличении минимального размера уставного капитала банка со ста до пятисот миллиардов сумов к 1 января 2025 года. Кроме того, частично отменяются ограничения в отношении приобретения акций банков нерезидентами путем предоставления им права приобретения акций, размещенных на иностранных фондовых рынках.
Настоящий Закон будет способствовать дальнейшему повышению уровня капитализации банков и увеличению их ресурсной базы, расширению их участия в процессах структурных преобразований экономики, а также привлечению иностранных инвестиций в банковский сектор.
Статья 1. Внести в Закон Республики Узбекистан от 25 апреля 1996 года № 216-I «О банках и банковской деятельности» (в редакции Закона Республики Узбекистан от 5 ноября 2019 года № ЗРУ-580) (Ведомости палат Олий Мажлиса Республики Узбекистан, 2019 г., № 11, ст. 788; 2020 г., № 1, ст. 1; 2021 г., приложение к № 4, № 10, ст. 968) следующие изменения:
1) в статье 13 :
часть первую изложить в следующей редакции:
«Минимальный размер уставного капитала банка должен составлять:
до 1 сентября 2023 года сто миллиардов сумов;
с 1 сентября 2023 года двести миллиардов сумов;
с 1 апреля 2024 года триста пятьдесят миллиардов сумов;
с 1 января 2025 года пятьсот миллиардов сумов»;
часть четвертую заменить частями четвертой и пятой следующего содержания:
«Уставный капитал банка, создаваемого или реорганизованного в форме слияния, разделения и выделения, формируется исходя из минимального размера уставного капитала банка, предусмотренного частью первой настоящей статьи, на день создания или реорганизации банка. При этом минимальный размер уставного капитала банка должен быть сформирован учредителями банка к моменту подачи заявления о государственной регистрации банка и выдаче лицензии. Средства, внесенные в уставный капитал создаваемого банка, зачисляются на накопительный счет, открытый в банке.
Банки в сроки, установленные частью первой настоящей статьи, должны привести размер своего уставного капитала в соответствие с требованиями, указанными в части первой настоящей статьи. При приватизации банков с государственной долей в уставном капитале путем полной продажи государственной доли нерезидентам правление Центрального банка вправе устанавливать иные сроки, чем те, которые установлены для приведения уставного капитала банка в соответствие с минимальным размером, указанным в части первой настоящей статьи»;
часть пятую считать частью шестой;
2) часть пятую статьи 17 изложить в следующей редакции:
«Учредителями и акционерами банка не могут быть юридические лица, зарегистрированные, и физические лица, проживающие в государстве или на территории, предоставляющей льготный налоговый режим и (или) не предусматривающей раскрытие личности конечного бенефициарного собственника и предоставление информации при проведении финансовых операций (за исключением юридических и физических лиц, приобретших акции банка на иностранных фондовых рынках)»;
3) в статье 22 :
часть пятую исключить;
части шестую — десятую считать соответственно частями пятой — девятой.
Статья 2. Центральному банку Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Положения пункта 1 статьи 1 настоящего Закона также распространяются на правоотношения, возникшие до введения в действие настоящего Закона.
Президент Республики Узбекистан Ш. МИРЗИЁЕВ
г. Ташкент,
19 апреля 2023 г.,
№ ЗРУ-831