📅 2023-yil 20-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 20 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2023 г. · Постановления Президента
Официальный текст. Официальный документ. Редакционные примечания не включены.
📅 20 April 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Рамазон ҳайитини нишонлаш тўғрисида
Мамлакатимизда инсон қадрини улуғлаш, ўзаро ҳурмат, дўстлик ва ҳамжиҳатлик муҳитини мустаҳкамлаш, юртдошларимизнинг виждон эркинлиги борасидаги ҳуқуқларини таъминлаш бўйича олиб борилаётган кенг кўламли ислоҳотларимиз туфайли яратилган қулай имкониятлардан самарали фойдаланиб, халқимиз муборак Рамазон ойини тинчлик-хотиржамлик ва шукроналик билан ўтказмоқда.
Айниқса, маҳалла, ёшлар, хотин-қизлар ва нуронийлар жамоатчилиги, диний уламоларимиз томонидан жойларда кўплаб маънавий-маърифий ишлар амалга оширилаётгани, саховат ва меҳр-мурувват тадбирлари доирасида кам таъминланган, ёлғиз ва ногиронлиги бўлган инсонлар ҳолидан хабар олиниб, уларга амалий ёрдамлар кўрсатилаётгани Рамазон ойининг аҳамияти ва файзу тароватини янада оширмоқда.
Ана шундай хайрли ишларнинг давоми сифатида улуғ айём — Рамазон ҳайитини муносиб кутиб олиш ва юксак савияда ўтказиш, унинг моҳиятида мужассам бўлган меҳр-оқибат, саховат, олижаноблик ва бағрикенглик фазилатларини асраб-авайлаш ҳамда кенг тарғиб этиш, эл-юртимизнинг эзгу ният ва орзу-интилишларини қўллаб-қувватлаш мақсадида:
1. Жорий йилда Рамазон ҳайитининг биринчи куни 21 апрель — жума кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, мамлакатимизда 2023 йил 21 апрель куни Рамазон ҳайити байрами сифатида кенг нишонлансин.
2. Аҳолининг Рамазон ҳайити байрамини муносиб кутиб олиши ва юксак савияда ўтказиши учун қулай шарт-шароит яратиш мақсадида 2023 йил 24 апрель (душанба) куни иш ҳафтасининг туридан қатъи назар барча ходимлар учун қўшимча дам олиш куни сифатида белгилансин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита ҳамда ҳамкор ташкилотлар билан биргаликда Рамазон ҳайити халқимизнинг миллий анъана ва қадриятларига мос равишда ўтказилиши учун тегишли чора-тадбирларни амалга оширсин.
Маданият ва туризм вазирлиги Транспорт вазирлиги билан биргаликда юртдошларимиз учун муборак Рамазон ҳайити кунларида мўътабар зиёратгоҳлар ва тарихий қадамжоларга зиёратларини ташкил этиш мақсадида қулай шароит ва имкониятлар яратсин.
4. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 20 апрель,
ПҚ-125-сон
Oʻzbekiston Respublikasi Prezidentining
Qarori
Ramazon hayitini nishonlash toʻgʻrisida
Mamlakatimizda inson qadrini ulugʻlash, oʻzaro hurmat, doʻstlik va hamjihatlik muhitini mustahkamlash, yurtdoshlarimizning vijdon erkinligi borasidagi huquqlarini taʼminlash boʻyicha olib borilayotgan keng koʻlamli islohotlarimiz tufayli yaratilgan qulay imkoniyatlardan samarali foydalanib, xalqimiz muborak Ramazon oyini tinchlik-xotirjamlik va shukronalik bilan oʻtkazmoqda.
Ayniqsa, mahalla, yoshlar, xotin-qizlar va nuroniylar jamoatchiligi, diniy ulamolarimiz tomonidan joylarda koʻplab maʼnaviy-maʼrifiy ishlar amalga oshirilayotgani, saxovat va mehr-muruvvat tadbirlari doirasida kam taʼminlangan, yolgʻiz va nogironligi boʻlgan insonlar holidan xabar olinib, ularga amaliy yordamlar koʻrsatilayotgani Ramazon oyining ahamiyati va fayzu tarovatini yanada oshirmoqda.
Ana shunday xayrli ishlarning davomi sifatida ulugʻ ayyom — Ramazon hayitini munosib kutib olish va yuksak saviyada oʻtkazish, uning mohiyatida mujassam boʻlgan mehr-oqibat, saxovat, olijanoblik va bagʻrikenglik fazilatlarini asrab-avaylash hamda keng targʻib etish, el-yurtimizning ezgu niyat va orzu-intilishlarini qoʻllab-quvvatlash maqsadida:
1. Joriy yilda Ramazon hayitining birinchi kuni 21-aprel — juma kuniga toʻgʻri kelishi toʻgʻrisida Oʻzbekiston musulmonlari idorasi Ulamolar kengashi tomonidan qabul qilingan qarorni inobatga olib, mamlakatimizda 2023-yil 21-aprel kuni Ramazon hayiti bayrami sifatida keng nishonlansin.
2. Aholining Ramazon hayiti bayramini munosib kutib olishi va yuksak saviyada oʻtkazishi uchun qulay shart-sharoit yaratish maqsadida 2023-yil 24-aprel (dushanba) kuni ish haftasining turidan qatʼi nazar barcha xodimlar uchun qoʻshimcha dam olish kuni sifatida belgilansin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita hamda hamkor tashkilotlar bilan birgalikda Ramazon hayiti xalqimizning milliy anʼana va qadriyatlariga mos ravishda oʻtkazilishi uchun tegishli chora-tadbirlarni amalga oshirsin.
Madaniyat va turizm vazirligi Transport vazirligi bilan birgalikda yurtdoshlarimiz uchun muborak Ramazon hayiti kunlarida moʻtabar ziyoratgohlar va tarixiy qadamjolarga ziyoratlarini tashkil etish maqsadida qulay sharoit va imkoniyatlar yaratsin.
4. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bogʻliq tadbirlarni keng yoritish tavsiya etilsin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi M.M. Kamilov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 20-aprel,
PQ-125-son
Президента Республики Узбекистан
Постановление
О праздновании Рамазан хайита
Наш народ, эффективно воспользовавшись благоприятными возможностями, созданными в результате реализуемых в стране широкомасштабных реформ по защите чести и достоинства человека как высшей ценности, укреплению взаимного уважения, дружбы и согласия, обеспечению прав наших соотечественников на свободу совести, провел священный месяц Рамазан с чувством благодарности, дорожа каждым днем мирной и спокойной жизни.
Проводимые на местах активистами махалли, представителями молодежи, женщин и старшего поколения, нашими улемами весомая духовно-просветительская работа, посещение в рамках мероприятий доброты, милосердия и великодушия малообеспеченных, одиноких граждан и лиц с инвалидностью, оказание им практической помощи еще более повышают значение и гуманистическую суть месяца Рамазан.
В продолжение такой благородной работы в целях достойной встречи и проведения на высоком уровне священного праздника Рамазан хайит, бережного сохранения и широкой пропаганды воплощенных в нем ценностей, таких как доброта и забота, щедрость, благородство и великодушие, поддержки добрых помыслов, надежд и устремлений нашего народа:
1. Принимая во внимание принятое Советом улемов Управления мусульман Узбекистана решение о совпадении в текущем году первого дня Рамазан хайита с 21 апреля (пятница), 21 апреля 2023 года широко отметить в нашей стране как праздник Рамазан хайит.
2. В целях создания благоприятных условий для достойной встречи и проведения на высоком уровне населением праздника Рамазан хайит определить 24 апреля 2023 года (понедельник) дополнительным нерабочим днем для всех работников, независимо от видов рабочей недели.
3. Совету Министров Республики Каракалпакстан, хокимиятам областей и города Ташкента совместно с Комитетом по делам религий и организациями-партнерами осуществить соответствующие меры для проведения Рамазан хайита созвучно национальным традициям и ценностям нашего народа.
Министерству культуры и туризма совместно с Министерством транспорта создать благоприятные условия и возможности в целях организации для наших соотечественников в дни священного Рамазан хайита посещений священных мест паломничества и исторических святынь.
4. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Рамазан хайита.
5. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан М.М. Камилова.
Президент Республики Узбекистан Ш. МИРЗИЁЕВ
г. Ташкент,
20 апреля 2023 г.,
№ ПП-125