📅 2023-yil 26-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 26 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 апреля 2023 г. · Указы Президента
Официальный текст. Официальный документ. Редакционные примечания не включены.
📅 26 April 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида
Ёшларнинг мустақил ҳаётга қадам қўйишлари, ўз иқтидори ва салоҳиятини тўлиқ намоён этишлари учун шароитларни кенгайтириш, уларнинг бандлигига кўмаклашиш, доимий иш билан ҳамда муносиб даромад олишини таъминлаш борасида олиб борилаётган ислоҳотларни изчил давом эттириш мақсадида:
1. Белгилаб қўйилсинки, 2023 йил 1 майдан бошлаб 2025 йил 1 январга қадар иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар, шунингдек, ижтимоий солиқни 1 фоиз ставкада тўловчилар бундан мустасно) улар томонидан 25 ёшдан ошмаган ходимлар учун тўланган ижтимоий солиқ суммаси Давлат бюджетидан тўлиқ қоплаб берилади.
Бунда, ижтимоий солиқ суммаси ёш ходимлар олти ой давомида узлуксиз меҳнат фаолиятини амалга ошириши шарти билан еттинчи ойдан бошлаб қоплаб берилади.
2. Белгилансинки, иш берувчиларга ижтимоий солиқ суммасининг қоплаб берилиши 2023 йилда Ўзбекистон Республикасининг республика бюджетидан Иқтисодиёт ва молия вазирлиги ҳузуридаги бюджетдан ташқари Пенсия жамғармасига ажратиладиган трансфертлар ҳисобидан амалга оширилади.
3. Иқтисодиёт ва молия вазирлиги 2024 йил ва 2025 йил учун Давлат бюджетини шакллантиришда ижтимоий солиқ ҳисоботи ортиб борувчи якун билан ҳар ойда ҳисобот давридан кейинги ойнинг 15-санасидан кечиктирмасдан топширилишини инобатга олиб, 2024 йил ва 2025 йилнинг I чорагида иш берувчиларга ижтимоий солиқ суммасини қоплаб бериш харажатларини алоҳида қаторда режалаштиришни назарда тутсин.
4. Ёшлар сиёсати ва спорт вазирлиги Иқтисодиёт ва молия вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги билан биргаликда ушбу Фармон мақсади ва вазифаларини оммавий ахборот воситаларида ва Интернет тармоғида кенг ёритиш ишларини ташкил этсин.
5. Вазирлар Маҳкамасининг 2021 йил 24 июлдаги «Иш берувчиларга улар томонидан 25 ёшдан ошмаган ходимлар учун тўланган ижтимоий солиқ суммасини давлат бюджетидан тўлиқ қоплаб бериш тартиби тўғрисидаги вақтинчалик низомни тасдиқлаш ҳақида»ги 460-сон қарорига иловага мувофиқ ўзгартириш ва қўшимчалар киритилсин.
6. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 26 апрелдаги ПФ-61-сон Фармонига ИЛОВА
Вазирлар Маҳкамасининг 2021 йил 24 июлдаги «Иш берувчиларга улар томонидан 25 ёшдан ошмаган ходимлар учун тўланган ижтимоий солиқ суммасини Давлат бюджетидан тўлиқ қоплаб бериш тартиби тўғрисидаги вақтинчалик низомни тасдиқлаш ҳақида»ги 460-сон қарорига киритилаётган ўзгартириш ва қўшимчалар
1. Муқаддимадаги «Фармони» сўзи «ва «Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида» 2023 йил 26 апрелдаги ПФ-61-сон фармонлари» сўзлари билан алмаштирилсин.
2. 1-банд ўз кучини йўқотган деб ҳисоблансин.
3. 2-бандда :
учинчи хатбошидаги «Давлат солиқ қўмитаси» сўзлари «Иқтисодиёт ва молия вазирлиги ҳузуридаги Солиқ қўмитаси» сўзлари билан алмаштирилсин;
бешинчи хатбошидаги «Молия вазирлиги Ғазначилиги» сўзлари «Иқтисодиёт ва молия вазирлиги ҳузуридаги Ғазначилик хизмати қўмитаси» сўзлари билан алмаштирилсин.
4. Қуйидаги мазмундаги 3 1 -банд билан тўлдирилсин:
«3 1 . Иш берувчиларга ижтимоий солиқ суммасининг қоплаб берилиши 2023 йилда Ўзбекистон Республикасининг республика бюджетидан Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасига ажратиладиган трансфертлар ҳисобидан амалга оширилади».
5. Қуйидаги мазмундаги 4 1 -банд билан тўлдирилсин:
«4 1 . Ўзбекистон Республикаси Иқтисодиёт ва молия вазирлиги 2024 йил ва 2025 йил учун Давлат бюджетини шакллантиришда ижтимоий солиқ ҳисоботи ортиб борувчи якун билан ҳар ойда ҳисобот давридан кейинги ойнинг 15-санасидан кечиктирмасдан топширилишини инобатга олиб, 2024 йил ва 2025 йилнинг I чорагида иш берувчиларга ижтимоий солиқ суммасини қоплаб бериш харажатларини алоҳида қаторда режалаштиришни назарда тутсин».
6. Иловада :
2-банд «юридик шахсларга» сўзларидан кейин «, шунингдек, ижтимоий солиқни 1 фоиз ставкада тўловчиларга» сўзлари билан тўлдирилсин;
3-банднинг иккинчи хатбошисидаги «Молия вазирлиги» ва «Давлат солиқ қўмитасининг» сўзлари тегишлича «Иқтисодиёт ва молия вазирлиги» ҳамда «Иқтисодиёт ва молия вазирлиги ҳузуридаги Солиқ қўмитасининг» сўзлари билан алмаштирилсин;
қуйидаги мазмундаги 4 1 -банд билан тўлдирилсин:
«4 1 . Ижтимоий солиқ ҳисоботи ортиб борувчи якун билан ҳар ойда ҳисобот давридан кейинги ойнинг 15-санасидан кечиктирмасдан топширилишини инобатга олиб, ушбу Низом 2023 йил 1 майдан 2025 йил 15 январга қадар тўланган ижтимоий солиқ суммасини Давлат бюджетидан қоплаб беришга нисбатан татбиқ этилади. Бунда, 2024 йил декабрь ойи учун тўланган ижтимоий солиқ суммасини қоплаб бериш учун иш берувчи томонидан ариза беришнинг охирги муддати 2025 йил 1 апрель куни этиб белгиланади»;
9-банддаги «Молия вазирлиги Ғазначилигига» сўзлари «Иқтисодиёт ва молия вазирлиги ҳузуридаги Ғазначилик хизмати қўмитасига» сўзлари билан алмаштирилсин;
16-банд қуйидаги таҳрирда баён этилсин:
«16. Иш берувчиларга Давлат бюджетидан тўлиқ қоплаб берилган ижтимоий солиқ суммасига доир чораклик ҳисобот Иқтисодиёт ва молия вазирлиги ҳузуридаги Солиқ қўмитаси томонидан ҳар чоракда ҳисобот давридан кейинги ойнинг 25-санасига қадар Иқтисодиёт ва молия вазирлигига киритиб борилади»;
18-банддаги «2023 йил» сўзлари «2025 йил» сўзлари билан алмаштирилсин;
Вақтинчалик низомга 2-иловада :
3-босқич «Тадбирлар» устунидаги «Молия вазирлиги Ғазначилигига» сўзлари «Иқтисодиёт ва молия вазирлиги ҳузуридаги Ғазначилик хизмати қўмитасига» сўзлари билан алмаштирилсин;
4-босқич «Субъектлар» устунидаги «Молия вазирлиги Ғазначилиги» сўзлари «Иқтисодиёт ва молия вазирлиги ҳузуридаги Ғазначилик хизмати қўмитаси» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 26 апрель,
ПФ-61-сон
Oʻzbekiston Respublikasi Prezidentining
Farmoni
Yoshlarning bandligiga koʻmaklashish hamda ularni doimiy ish bilan taʼminlashga oid qoʻshimcha chora-tadbirlar toʻgʻrisida
Yoshlarning mustaqil hayotga qadam qoʻyishlari, oʻz iqtidori va salohiyatini toʻliq namoyon etishlari uchun sharoitlarni kengaytirish, ularning bandligiga koʻmaklashish, doimiy ish bilan hamda munosib daromad olishini taʼminlash borasida olib borilayotgan islohotlarni izchil davom ettirish maqsadida:
1. Belgilab qoʻyilsinki, 2023-yil 1-maydan boshlab 2025-yil 1-yanvarga qadar ish beruvchilarga (budjet tashkilotlari, davlat korxonalari, ustav jamgʻarmasi (kapitali)da davlat ulushi 50 foiz va undan ortiq boʻlgan yuridik shaxslar, shuningdek, ijtimoiy soliqni 1 foiz stavkada toʻlovchilar bundan mustasno) ular tomonidan 25 yoshdan oshmagan xodimlar uchun toʻlangan ijtimoiy soliq summasi Davlat budjetidan toʻliq qoplab beriladi.
Bunda, ijtimoiy soliq summasi yosh xodimlar olti oy davomida uzluksiz mehnat faoliyatini amalga oshirishi sharti bilan yettinchi oydan boshlab qoplab beriladi.
2. Belgilansinki, ish beruvchilarga ijtimoiy soliq summasining qoplab berilishi 2023-yilda Oʻzbekiston Respublikasining respublika budjetidan Iqtisodiyot va moliya vazirligi huzuridagi budjetdan tashqari Pensiya jamgʻarmasiga ajratiladigan transfertlar hisobidan amalga oshiriladi.
3. Iqtisodiyot va moliya vazirligi 2024-yil va 2025-yil uchun Davlat budjetini shakllantirishda ijtimoiy soliq hisoboti ortib boruvchi yakun bilan har oyda hisobot davridan keyingi oyning 15-sanasidan kechiktirmasdan topshirilishini inobatga olib, 2024-yil va 2025-yilning I choragida ish beruvchilarga ijtimoiy soliq summasini qoplab berish xarajatlarini alohida qatorda rejalashtirishni nazarda tutsin.
4. Yoshlar siyosati va sport vazirligi Iqtisodiyot va moliya vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi bilan birgalikda ushbu Farmon maqsadi va vazifalarini ommaviy axborot vositalarida va Internet tarmogʻida keng yoritish ishlarini tashkil etsin.
5. Vazirlar Mahkamasining 2021-yil 24-iyuldagi “Ish beruvchilarga ular tomonidan 25 yoshdan oshmagan xodimlar uchun toʻlangan ijtimoiy soliq summasini davlat budjetidan toʻliq qoplab berish tartibi toʻgʻrisidagi vaqtinchalik nizomni tasdiqlash haqida”gi 460-son qaroriga ilovaga muvofiq oʻzgartirish va qoʻshimchalar kiritilsin.
6. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 26-apreldagi PF-61-son Farmoniga ILOVA
Vazirlar Mahkamasining 2021-yil 24-iyuldagi “Ish beruvchilarga ular tomonidan 25 yoshdan oshmagan xodimlar uchun toʻlangan ijtimoiy soliq summasini Davlat budjetidan toʻliq qoplab berish tartibi toʻgʻrisidagi vaqtinchalik nizomni tasdiqlash haqida”gi 460-son qaroriga kiritilayotgan oʻzgartirish va qoʻshimchalar
1. Muqaddimadagi “Farmoni” soʻzi “va “Yoshlarning bandligiga koʻmaklashish hamda ularni doimiy ish bilan taʼminlashga oid qoʻshimcha chora-tadbirlar toʻgʻrisida” 2023-yil 26-apreldagi PF-61-son farmonlari” soʻzlari bilan almashtirilsin.
2. 1-band oʻz kuchini yoʻqotgan deb hisoblansin.
3. 2-bandda :
uchinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi huzuridagi Soliq qoʻmitasi” soʻzlari bilan almashtirilsin;
beshinchi xatboshidagi “Moliya vazirligi Gʻaznachiligi” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasi” soʻzlari bilan almashtirilsin.
4. Quyidagi mazmundagi 3 1 -band bilan toʻldirilsin:
“3 1 . Ish beruvchilarga ijtimoiy soliq summasining qoplab berilishi 2023-yilda Oʻzbekiston Respublikasining respublika budjetidan Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasiga ajratiladigan transfertlar hisobidan amalga oshiriladi”.
5. Quyidagi mazmundagi 4 1 -band bilan toʻldirilsin:
“4 1 . Oʻzbekiston Respublikasi Iqtisodiyot va moliya vazirligi 2024-yil va 2025-yil uchun Davlat budjetini shakllantirishda ijtimoiy soliq hisoboti ortib boruvchi yakun bilan har oyda hisobot davridan keyingi oyning 15-sanasidan kechiktirmasdan topshirilishini inobatga olib, 2024-yil va 2025-yilning I choragida ish beruvchilarga ijtimoiy soliq summasini qoplab berish xarajatlarini alohida qatorda rejalashtirishni nazarda tutsin”.
6. Ilovada :
2-band “yuridik shaxslarga” soʻzlaridan keyin “, shuningdek, ijtimoiy soliqni 1 foiz stavkada toʻlovchilarga” soʻzlari bilan toʻldirilsin;
3-bandning ikkinchi xatboshisidagi “Moliya vazirligi” va “Davlat soliq qoʻmitasining” soʻzlari tegishlicha “Iqtisodiyot va moliya vazirligi” hamda “Iqtisodiyot va moliya vazirligi huzuridagi Soliq qoʻmitasining” soʻzlari bilan almashtirilsin;
quyidagi mazmundagi 4 1 -band bilan toʻldirilsin:
“4 1 . Ijtimoiy soliq hisoboti ortib boruvchi yakun bilan har oyda hisobot davridan keyingi oyning 15-sanasidan kechiktirmasdan topshirilishini inobatga olib, ushbu Nizom 2023-yil 1-maydan 2025-yil 15-yanvarga qadar toʻlangan ijtimoiy soliq summasini Davlat budjetidan qoplab berishga nisbatan tatbiq etiladi. Bunda, 2024-yil dekabr oyi uchun toʻlangan ijtimoiy soliq summasini qoplab berish uchun ish beruvchi tomonidan ariza berishning oxirgi muddati 2025-yil 1-aprel kuni etib belgilanadi”;
9-banddagi “Moliya vazirligi Gʻaznachiligiga” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasiga” soʻzlari bilan almashtirilsin;
16-band quyidagi tahrirda bayon etilsin:
“16. Ish beruvchilarga Davlat budjetidan toʻliq qoplab berilgan ijtimoiy soliq summasiga doir choraklik hisobot Iqtisodiyot va moliya vazirligi huzuridagi Soliq qoʻmitasi tomonidan har chorakda hisobot davridan keyingi oyning 25-sanasiga qadar Iqtisodiyot va moliya vazirligiga kiritib boriladi”;
18-banddagi “2023-yil” soʻzlari “2025-yil” soʻzlari bilan almashtirilsin;
Vaqtinchalik nizomga 2-ilovada :
3-bosqich “Tadbirlar” ustunidagi “Moliya vazirligi Gʻaznachiligiga” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasiga” soʻzlari bilan almashtirilsin;
4-bosqich “Subyektlar” ustunidagi “Moliya vazirligi Gʻaznachiligi” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 26-aprel,
PF-61-son
Президента Республики Узбекистан
Указ
О дополнительных мерах по содействию занятости и обеспечению постоянной работой молодежи
В целях последовательного продолжения осуществляемых реформ по расширению условий для вступления в самостоятельную жизнь, полной реализации способностей и потенциала молодых людей, оказанию содействия в их занятости, обеспечению постоянной работой и получения ими достойного дохода:
1. Установить, что в период с 1 мая 2023 года по 1 января 2025 года работодателям (за исключением бюджетных организаций, государственных предприятий, юридических лиц, в уставном фонде (капитале) которых государственная доля составляет 50 процентов и более, а также плательщиков социального налога по ставке 1 процент) из Государственного бюджета полностью возмещается сумма социального налога, оплаченная ими за работников не старше 25 лет.
При этом сумма социального налога возмещается при условии осуществления молодыми работниками непрерывной трудовой деятельности в течение шести месяцев начиная с седьмого месяца.
2. Определить, что возмещение суммы социального налога осуществляется за счет трансфертов, выделяемых внебюджетному Пенсионному фонду при Министерстве экономики и финансов из республиканского бюджета Республики Узбекистан на 2023 год.
3. Министерству экономики и финансов, принимая во внимание, что отчет по социальному налогу представляется ежемесячно не позднее 15-го числа месяца, следующего за отчетным периодом, с нарастающим итогом, при формировании Государственного бюджета на 2024 и 2025 годы планируемые расходы на возмещение работодателям сумм социального налога в первом квартале 2024 и 2025 годов предусматривать отдельной строкой.
4. Министерству молодежной политики и спорта совместно с Министерством экономики и финансов, Национальным информационным агентством Узбекистана, Национальной телерадиокомпанией Узбекистана и Агентством информации и массовых коммуникаций организовать работу по широкому освещению целей и задач настоящего Указа в средствах массовой информации и сети Интернет.
5. Внести изменения и дополнения в постановление Кабинета Министров от 24 июля 2021 года № 460 «Об утверждении Временного положения о порядке полного возмещения работодателям из Государственного бюджета суммы социального налога, уплаченного ими за работников не старше 25 лет» согласно приложению .
6. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 26 апреля 2023 года № УП-61
Изменения и дополнения, вносимые в текст на государственном языке постановления Кабинета Министров от 24 июля 2021 года № 460 «Об утверждении Временного положения о порядке полного возмещения работодателям из Государственного бюджета суммы социального налога, уплаченного ими за работников не старше 25 лет»
1. В преамбуле слово «Фармони» заменить словами «ва «Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида» 2023 йил 26 апрелдаги ПФ-61-сон фармонлари».
2. Пункт 1 признать утратившим силу.
3. В пункте 2 :
в абзаце третьем слова «Давлат солиқ қўмитаси» заменить словами «Иқтисодиёт ва молия вазирлиги ҳузуридаги Солиқ қўмитаси»;
в абзаце пятом слова «Молия вазирлиги Ғазначилиги» заменить словами «Иқтисодиёт ва молия вазирлиги ҳузуридаги Ғазначилик хизмати қўмитаси».
4. Дополнить пунктом 3 1 следующего содержания:
«3 1 . Иш берувчиларга ижтимоий солиқ суммасининг қоплаб берилиши 2023 йилда Ўзбекистон Республикасининг республика бюджетидан Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасига ажратиладиган трансфертлар ҳисобидан амалга оширилади».
5. Дополнить пунктом 4 1 следующего содержания:
«4 1 . Ўзбекистон Республикаси Иқтисодиёт ва молия вазирлиги 2024 йил ва 2025 йил учун Давлат бюджетини шакллантиришда ижтимоий солиқ ҳисоботи ортиб борувчи якун билан ҳар ойда ҳисобот давридан кейинги ойнинг 15-санасидан кечиктирмасдан топширилишини инобатга олиб, 2024 йил ва 2025 йилнинг I чорагида иш берувчиларга ижтимоий солиқ суммасини қоплаб бериш харажатларини алоҳида қаторда режалаштиришни назарда тутсин».
6. В приложении :
пункт 2 после слов «юридик шахсларга» дополнить словами «, шунингдек, ижтимоий солиқни 1 фоиз ставкада тўловчиларга»;
в абзаце втором пункта 3 слова «Молия вазирлиги» и «Давлат солиқ қўмитасининг» заменить соответственно словами «Иқтисодиёт ва молия вазирлиги» и «Иқтисодиёт ва молия вазирлиги ҳузуридаги Солиқ қўмитасининг»;
дополнить пунктом 4 1 следующего содержания:
«4 1 . Ижтимоий солиқ ҳисоботи ортиб борувчи якун билан ҳар ойда ҳисобот давридан кейинги ойнинг 15-санасидан кечиктирмасдан топширилишини инобатга олиб, ушбу Низом 2023 йил 1 майдан 2025 йил 15 январга қадар тўланган ижтимоий солиқ суммасини Давлат бюджетидан қоплаб беришга нисбатан татбиқ этилади. Бунда, 2024 йил декабрь ойи учун тўланган ижтимоий солиқ суммасини қоплаб бериш учун иш берувчи томонидан ариза беришнинг охирги муддати 2025 йил 1 апрель куни этиб белгиланади»;
в пункте 9 слова «Молия вазирлиги Ғазначилигига» заменить словами «Иқтисодиёт ва молия вазирлиги ҳузуридаги Ғазначилик хизмати қўмитасига»;
пункт 16 изложить в следующей редакции:
«16. Иш берувчиларга Давлат бюджетидан тўлиқ қоплаб берилган ижтимоий солиқ суммасига доир чораклик ҳисобот Иқтисодиёт ва молия вазирлиги ҳузуридаги Солиқ қўмитаси томонидан ҳар чоракда ҳисобот давридан кейинги ойнинг 25-санасига қадар Иқтисодиёт ва молия вазирлигига киритиб борилади»;
в пункте 18 слова «2023 йил» заменить словами «2025 йил»;
в приложении № 2 к Временному положению:
в графе «Тадбирлар» 3-го этапа слова «Молия вазирлиги Ғазначилигига» заменить словами «Иқтисодиёт ва молия вазирлиги ҳузуридаги Ғазначилик хизмати қўмитасига»;
в графе «Субъектлар» 4-го этапа слова «Молия вазирлиги Ғазначилиги» заменить словами «Иқтисодиёт ва молия вазирлиги ҳузуридаги Ғазначилик хизмати қўмитаси».
Президент Республики Узбекистан Ш. МИРЗИЁЕВ
г. Ташкент,
26 апреля 2023 г.,
№ УП-61