UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

НАМУНАСИ

НАМУНАСИ

НАМУНАЛАРИ

СХЕМАСИ

ТЎЛОВ СТАВКАЛАРИ

МАЪМУРИЙ РЕГЛАМЕНТИ

НАМУНАСИ

НАМУНАСИ

НАМУНАЛАРИ

СХЕМАСИ

ТЎЛОВ СТАВКАЛАРИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

ТАЛАБЛАР

ТЎЛОВ СТАВКАЛАРИ

СХЕМАСИ

НАМУНАСИ

НАМУНАСИ

МАЪМУРИЙ РЕГЛАМЕНТИ

СХЕМАСИ

СЎРОВНОМА

ТАЛАБЛАР

МАЪМУРИЙ РЕГЛАМЕНТИ

НАМУНАСИ

СХЕМАСИ

СХЕМАСИ

ТЎЛОВ СТАВКАЛАРИ

РЎЙХАТИ

РЎЙХАТИ

Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида

Ўзбекистон Республикаси Президентининг « Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида » 2021 йил 24 июлдаги ПФ-6269-сон ҳамда « Давлат хизматлари кўрсатишни соддалаштириш, бюрократик тўсиқларни қисқартириш ҳамда давлат хизматлари кўрсатиш миллий тизимини ривожлантиришнинг қўшимча чора-тадбирлари тўғрисида » 2022 йил 20 апрелдаги ПФ-113-сон Фармонлари ижросини таъминлаш, шунингдек, қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини янада такомиллаштириш мақсадида Вазирлар Маҳкамаси қарор қилади:

1. Қуйидагиларни назарда тутувчи:

а) Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламенти 1-иловага мувофиқ:

давлат хизматларидан фойдаланган ҳолда қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш учун мурожаат қилиш ҳамда мурожаатга кўра давлат хизматларини кўрсатиш тартиби;

қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатганлик учун йиғимларни тўлаш тартиби;

қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказишни расмийлаштириш ҳамда уларга давлат рақами белгилари, техник паспорт ва техник гувоҳнома бериш тартиби;

б) Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламенти 2-иловага мувофиқ:

давлат хизматларидан фойдаланган ҳолда қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича мурожаатларни шакллантириш ва юбориш тартиби;

қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатганлик учун йиғимларни тўлаш тартиби;

қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказишни расмийлаштириш ҳамда уларга вақтинчалик техник паспорт, техник гувоҳнома ва давлат рақами белгиларини бериш тартиби;

в) Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатишнинг маъмурий регламенти 3-иловага мувофиқ:

давлат хизматларидан фойдаланган ҳолда қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича мурожаатларни шакллантириш ва юбориш тартиби;

қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатганлик учун йиғимларни тўлаш тартиби;

қишлоқ хўжалиги, мелиорация ва йўл-қурилиш техникаларини ҳисобдан чиқаришни расмийлаштириш ҳамда ҳисобдан чиқариш тартиби;

д) Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламенти 5-иловага мувофиқ:

жисмоний ва юридик шахсларнинг қишлоқ хўжалиги, мелиорация ва йўл-қурилиш техникаларини, сервис ва таъмирлаш жиҳозлари ҳамда бошқа ускуналарини мажбурий йиллик техник кўрикдан ўтказиш бўйича мурожаатларини шакллантириш ва юбориш тартиби;

жисмоний ва юридик шахсларнинг қишлоқ хўжалиги, мелиорация ва йўл-қурилиш техникаларини, сервис ва таъмирлаш жиҳозлари ҳамда бошқа ускуналарини техник кўрикдан ўтказиш ва техник кўрикдан ўтказишни расмийлаштириш тартиби;

д 1 ) жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг маъмурий регламенти 5 1 -иловага мувофиқ:

жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича мурожаат қилиш тартиби;

жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини тадбиркорлик субъектларини ҳисобга олиш тартиби;

е) Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламенти 6-иловага мувофиқ:

қишлоқ хўжалиги, мелиорация ва йўл-қурилиш техникаларини бошқарувчи тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ва расмийлаштириш тартиби;

қишлоқ хўжалиги, мелиорация ва йўл-қурилиш техникаларини бошқариш ҳуқуқини берувчи тракторчи-машинист гувоҳномасини олиш учун имтиҳон топширишга рухсат бериш, имтиҳон ўтказиш ҳамда тракторчи-машинист гувоҳномасини расмийлаштириш тартиби;

қишлоқ хўжалиги, мелиорация ва йўл-қурилиш техникаларини бошқариш ҳуқуқини берувчи тракторчи-машинист гувоҳномасини алмаштириш ёки йўқолган гувоҳнома ўрнига янгисини бериш тартиби;

ж) Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси томонидан назорат қилинадиган ва техник кўрикка жалб этиладиган қишлоқ хўжалиги, мелиорация ва йўл-қурилиш техникалари, таъмирлаш ва сервис асбоб-ускуналарининг рўйхати 7-иловага мувофиқ тасдиқлансин.

3. Ўзбекистон Республикаси Қишлоқ хўжалиги вазирлиги ҳузуридаги Агросаноат мажмуи устидан назорат қилиш инспекцияси (кейинги ўринларда — Ўзагроинспекция):

а) Рақамли технологиялар вазирлиги ва Адлия вазирлиги билан биргаликда уч ой муддатда:

давлат хизматларини кўрсатишда иштирок этувчи тузилмаларнинг Ўзбекистон Республикаси Ягона интерактив давлат хизматлари порталига (кейинги ўринларда — ЯИДХП) интеграция қилинишини таъминласин;

давлат хизматларини кўрсатишнинг ҳар бир босқичида жисмоний ва юридик шахсларнинг мурожаатлари кўриб чиқилишини ЯИДХПда кузатиб бориш чораларини кўрсин;

б) ЯИДХПда давлат хизматларини жорий қилиш бўйича техник ҳужжатни икки ой муддатда ишлаб чиқсин ҳамда белгиланган тартибда келишиш учун Рақамли технологиялар вазирлиги ва Адлия вазирлигига киритсин;

в) Рақамли технологиялар вазирлиги билан биргаликда:

уч ой муддатда давлат хизматларини кўрсатганлик учун тўлов ва йиғимларни тўлов тизимлари ҳамда ягона биллинг тизими орқали электрон шаклда тўлаш имкониятини яратсин;

2023 йил 1 июлга қадар Агросаноат мажмуи устидан назорат қилиш инспекциясини ривожлантириш жамғармаси маблағлари ҳисобидан «Техникалар техник кўриги» автоматлаштирилган ахборот тизимини ишлаб чиқсин.

4. Ўзагроинспекция 2023 йил 1 майдан бошлаб жисмоний ва юридик шахсларнинг қишлоқ хўжалиги, мелиорация ва йўл-қурилиш техникаларини ҳаракатланувчи (махсус автотранспорт) мобил техник назорат линияларидан фойдаланган ҳолда мажбурий йиллик техник кўрикдан ўтказиш амалиётини жорий этсин.

5. Юридик шахс бўлган тадбиркорлик субъектларига 2023 йил 1 сентябрдан бошлаб жисмоний шахсларнинг 100 от кучигача қувватга эга бўлган қишлоқ хўжалиги, мелиорация ва йўл-қурилиш техникаларини техник кўрикдан ўтказиш фаолияти билан шуғулланиш ҳуқуқи берилсин.

Ўзагроинспекция 2023 йил 1 октябрга қадар қонунчилик ҳужжатларида белгиланган тартибда қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш фаолиятини амалга оширадиган тадбиркорлик субъектларига ахборот хавфсизлиги талабларини инобатга олган ҳолда «Техникалар техник кўриги» автоматлаштирилган ахборот тизимига кириш имкониятини яратсин.

Белгилансинки:

«Техникалар техник кўриги» автоматлаштирилган ахборот тизимига тадбиркорлик субъектлари интеграция қилингунга қадар тадбиркорлик субъектлари томонидан мажбурий йиллик техник кўрикдан ўтказилган ва техник соз деб топилган қишлоқ хўжалиги, мелиорация ва йўл-қурилиш техникаларига уларнинг техник ҳолати ҳақидаги далолатнома берилади;

қишлоқ хўжалиги, мелиорация ва йўл-қурилиш техникаларининг техник ҳолати ҳақидаги далолатнома «Техникалар техник кўриги» автоматлаштирилган ахборот тизимига техник кўрик натижаларини киритиш учун асос бўлади.

6. Ўзагроинспекция томонидан қуйидаги ахборот тизимлари ишга туширилганлиги маълумот учун қабул қилинсин:

давлат рўйхатига олинган қишлоқ хўжалиги, мелиорация ва йўл-қурилиш техникаларининг электрон ҳисобини юритиш бўйича «Техникалар ҳисоби» автоматлаштирилган ахборот тизими;

тракторчи-машинистларни тайёрлаш ва қайта тайёрлаш бўйича ҳисобга олинган таълим ташкилотлари ва тракторчи-машинист гувоҳномасига эга бўлган шахсларнинг рўйхати акс эттирилган «Тракторчи-машинист» автоматлаштирилган ахборот тизими.

7. Ўзагроинспекция қуйидаги вазирлик ва идоралар билан биргаликда 2023 йил 1 августга қадар давлат хизматларини кўрсатиш учун зарур бўладиган маълумотларни электрон шаклда олиш ва алмашиш мақсадида «Техникалар ҳисоби», «Тракторчи-машинист» ва «Техникалар техник кўриги» автоматлаштирилган ахборот тизимларининг ўзаро интеграция қилинишини таъминласин:

Ўзбекистон Республикаси Адлия вазирлиги билан — нотариус томонидан тасдиқланган шартномалар (олди-сотди, айирбошлаш, ҳадя ва бошқалар) ҳамда тақиққа қўйиш ва тақиқдан ечишга оид ҳужжатлар тўғрисидаги маълумотлар;

Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси билан — қишлоқ хўжалиги, мелиорация ва йўл-қурилиш техникаларининг божхона расмийлаштирувидан ўтганлиги (божхона юк декларацияси) тўғрисидаги маълумотлар;

Ўзбекистон Республикаси Иқтисодиёт ва молия вазирлиги ҳузуридаги Солиқ қўмитаси билан — юридик шахсларнинг СТИР рақамлари, тўлиқ номи, жойлашган жойи (почта манзили) ҳамда тақиқ қўйиш ва тақиқдан ечиш ҳақидаги ҳужжатларга оид маълумотлар;

Ўзбекистон Республикаси Марказий банки билан — тўловларни реал вақт режимида кўриш имконини берувчи ҳисоб-китобларнинг клиринг тизими орқали амалга оширилишига оид маълумотлар;

Ўзбекистон Республикаси Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси билан — техникаларни давлат рўйхатига олиш ва рўйхатдан чиқаришга оид маълумотлар;

Ўзбекистон Республикаси Ички ишлар вазирлигининг Жамоат хавфсизлиги департаменти Йўл ҳаракати хавфсизлиги хизмати билан — техникаларни давлат рўйхатига олиш, техник кўрикдан ўтказиш ва рўйхатдан чиқаришга оид маълумотлар;

Ўзбекистон Республикаси Ягона интерактив давлат хизматлари портали билан — юридик шахсларнинг давлат рўйхатидан ўтказилганлиги тўғрисидаги гувоҳнома ҳамда жисмоний шахсларнинг ЖШШИР рақами, фамилияси, исми, отасининг исми, туғилган йили, яшаш манзили (паспорт ёки ID-карта) ҳақидаги маълумотлар.

8. 2023 йил 1 августдан бошлаб қишлоқ хўжалиги, мелиорация ва йўл-қурилиш техникаларини ишлаб чиқарувчи ёки махсус савдо ташкилотларида харидорларга сотилган янги техникалар учун қонунчилик ҳужжатларида белгиланган ҳужжатлар билан бирга Ўзагроинспекцияда рўйхатдан ўтказиш учун асос бўлиб хизмат қиладиган «Ҳисоб-маълумотнома» бериш амалиёти жорий этилсин.

Белгилансинки, Ўзагроинспекция қишлоқ хўжалиги, мелиорация ва йўл-қурилиш техникаларини ишлаб чиқарувчи ташкилотларни ҳамда махсус савдо объектларини ҳимояланганлик даражасига эга бўлган «Ҳисоб-маълумотнома» бланкалари билан бепул таъминлайди ва уларнинг сарфланишини назорат қилади.

9. Ўзагроинспекцияга мавжуд ахборот тизимларини такомиллаштириш, янги ахборот тизимларини яратиш, махсус бланкалар ва бошқа ҳужжатларни тайёрлаш, махсус планшет қурилмаларини ва ҳаракатланувчи (махсус автотранспорт) мобил техник назорат линияларини харид қилиш, ходимлар малакасини ошириш ва қайта тайёрлаш бўйича харажатларни қонунчилик ҳужжатларида белгиланган тартибда Агросаноат мажмуи устидан назорат қилиш инспекциясини ривожлантириш жамғармаси маблағлари ҳисобидан молиялаштиришга рухсат берилсин.

10. Қуйидагилар:

2023 йил 1 сентябрдан бошлаб қишлоқ хўжалиги, мелиорация ва йўл-қурилиш техникаларига техник кўрикдан ўтганлиги тўғрисида талон бериш амалиёти бекор қилинсин (хорижий давлатларга ишга юбориладиган техникалардан ташқари);

эски намунадаги техник паспорт, техник гувоҳнома, давлат рақами белгиси ва тракторчи-машинист гувоҳномасини мажбурий тартибда алмаштиришнинг якуний муддати 2023 йил 31 август этиб белгилансин;

эски намунадаги техник паспорт, техник гувоҳнома, давлат рақами белгиси ва тракторчи-машинист гувоҳномаси 2023 йил 1 сентябрдан бошлаб ҳақиқий эмас деб ҳисоблансин.

11. Ўзагроинспекция манфаатдор вазирликлар ва идоралар билан биргаликда 2023 йил 1 ноябрга қадар қишлоқ хўжалиги, мелиорация ва йўл-қурилиш техникалари ҳолатини назорат қиладиган инспекторларнинг махсус кийими ёки таниқлик белгилари ва уларни кийиб юриш қоидаларини назарда тутувчи Ҳукумат қарори лойиҳасини Вазирлар Маҳкамасига киритсин.

12. Ўзбекистон Республикаси Ҳукуматининг 8-иловага мувофиқ айрим қарорлари ўз кучини йўқотган деб ҳисоблансин.

13. Мазкур қарорнинг бажарилишини назорат қилиш Ўзбекистон Республикаси қишлоқ хўжалиги вазири А.Б. Воитов зиммасига юклансин.

Вазирлар Маҳкамасининг 2023 йил 29 апрелдаги 170-сон қарорига 1-ИЛОВА

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг

1-боб. Умумий қоидалар

1. Мазкур Регламент жисмоний ва юридик шахсларга (кейинги ўринларда — техника эгаси) қишлоқ хўжалиги, мелиорация ва йўл-қурилиш техникаларини (кейинги ўринларда — техника) давлат рўйхатидан ўтказиш ва қайта рўйхатдан ўтказиш бўйича давлат хизматларини кўрсатиш тартибини белгилайди.

2. Ташкилий шаклидан қатъи назар техникаларни давлат рўйхатидан ва қайта рўйхатдан ўтказиш Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Инспекция) томонидан мазкур Регламентга мувофиқ амалга оширилади.

3. Ушбу Регламентда қуйидаги асосий тушунчалардан фойдаланилади:

давлат рақами белгиси (кейинги ўринларда — ДРБ) — мазкур Регламентга 3-иловада белгиланган намунага мувофиқ техникани давлат рўйхатидан ўтказишни ҳисобга олиш учун ҳудудий кодлар ва давлат рақамлари белгиларининг типларига кўра бериладиган махсус рақамли белги;

давлат рўйхатидан ўтказиш тадбирлари — қонунчилик ҳужжатларига мувофиқ Инспекция томонидан техникаларни рўйхатдан ўтказиш, қайта рўйхатдан ўтказиш ва уларни ҳисобдан чиқариш, шунингдек, техникаларни рўйхатга олиш ҳақида техник паспорт ва гувоҳнома ҳамда ДРБ беришдан иборат давлат рўйхатидан ўтказиш бўйича ҳаракатлар комплекси;

қонунчилик ҳужжатларига мувофиқ Инспекция томонидан техникаларни рўйхатдан ўтказиш ҳақида техник паспорт ва техник гувоҳнома ҳамда ДРБни беришдан иборат давлат рўйхатидан ўтказиш бўйича ҳаракатлар комплекси;

жисмоний шахснинг вакили — жисмоний шахснинг нотариус томонидан тасдиқланган қонуний вакили;

расмий дилер (дистрибьютор) — Ўзбекистон Республикаси ҳудудида янги қишлоқ хўжалиги, мелиорация ва йўл-қурилиш техникаларини реализация қилиш бўйича ишлаб чиқарувчи билан тегишли дилерлик (дистрибьюторлик) келишувига эга юридик шахс;

рўйхатга олиш жойи — техникаларни давлат рўйхатидан ўтказишни амалга оширувчи Инспекция жойлашган жой;

рўйхатдан ўтказиш ҳужжати — техникадан фойдаланишга ҳуқуқ берилганлигини тасдиқловчи, яъни рўйхатдан ўтказиш ҳақида техник паспорт, техник гувоҳнома, шунингдек, техникани рўйхатдан ўтказиш китоби;

техника эгаси — техника воситасига мулк ҳуқуқи ёки бошқа ашёвий ҳуқуқлар асосида эгалик қилувчи юридик ёки жисмоний шахс;

техник гувоҳнома — техник паспорт берилмайдиган қишлоқ хўжалиги, мелиорация ва йўл-қурилиши ҳамда бошқа мақсадларга мўлжалланган агрегат, машина, механизм ва ускуналарга мазкур Регламентга 2-иловада белгиланган намунага мувофиқ бериладиган махсус ҳимояланган ҳужжат;

техник паспорт — қишлоқ хўжалиги, мелиорация ва йўл-қурилиш техникалари, тракторлар, трактор тиркамалари ва ўзиюрар машиналарга мазкур Регламентга 1-иловада белгиланган намунага мувофиқ бериладиган махсус ҳимояланган ҳужжат;

техникаларни давлат рўйхатидан ўтказиш — техникани доимий ҳисобга қўйиш, техникани рўйхатдан ўтказиш ҳақида техник паспорт ва ДРБ ёки техник гувоҳнома бериш;

техникаларни қайта рўйхатдан ўтказиш — тегишли ҳуқуқий асослар мавжуд бўлганда техниканинг рўйхатдан ўтказиш ҳужжатларига ўзгартириш ва қўшимчалар киритиш, техникани қайта рўйхатдан ўтказиш ҳақида техник паспорт ва ДРБ ёки техник гувоҳнома бериш;

қишлоқ хўжалиги, мелиорация ва йўл-қурилиш техникалари — идоравий бўйсунуви ва ташкилий-ҳуқуқий шаклидан қатъи назар қишлоқ ва ўрмон хўжалигига мўлжалланган барча турдаги тракторлар (ғилдиракли, занжирли ва ярим занжирли), ўзиюрар машиналар (ўзиюрар қишлоқ хўжалиги машиналари, ўзиюрар мелиоратив ҳамда йўл-қурилиш техникалари), трактор тиркамалари, қишлоқ хўжалиги, йўл-қурилиш, мелиоратив ва бошқа мақсадларга мўлжалланган тупроққа ва экинларга ишлов берувчи, юк ортувчи, дон ва уруғни қайта ишлашга мўлжалланган машиналар, чорвачилик, паррандачилик ва ем-хашак ишлаб чиқариш машина ва технологик ускуналари, сув насослари, кичик механизация мосламалари.

4. Техникаларни давлат рўйхатидан ва қайта рўйхатдан ўтказиш бўйича давлат хизматлари Инспекция, давлат хизматлари марказлари (кейинги ўринларда — Марказ) ва Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали техника эгаси ёки унинг вакилини сўровномасига асосан амалга оширилади.

5. Қишлоқ хўжалиги, мелиорация ва йўл-қурилиш техникалари, таъмирлаш ва сервис асбоб-ускуналарининг назорати Инспекция томонидан олиб борилади.

6. Техниканинг тузилмаси техник тартибга солиш соҳасидаги норматив-ҳуқуқий ҳужжатлар Вазирлар Маҳкамасининг 2016 йил 18 мартдаги 80-сон қарори билан тасдиқланган Қишлоқ хўжалиги техникалари конструкциясининг хавфсизлиги тўғрисидаги умумий техник регламент (кейинги ўринларда — Техник регламент), шунингдек, техника хавфсизлигини таъминлаш соҳасидаги меъёрий ҳужжатлар талабларига мос келиши лозим.

7. Техникаларни давлат рўйхатидан ёки қайта рўйхатдан ўтказиш ишлари тўловлар олдиндан амалга оширилгандан сўнг бажарилади.

8. Техникаларни давлат рўйхатидан ўтказиш қуйидаги ҳолларда амалга оширилади:

давлат рўйхатидан ўтказилмаган янги техника олинганда;

техникалар «эркин муомалага чиқариш (импорт)» божхона режимига жойлаштирилганда.

9. Техникаларни ишлаб чиқарувчи корхоналарнинг вакиллигини тасдиқловчи ҳужжатлари бўлмаганда, тижорат билан шуғулланувчи жисмоний ва юридик шахслар техникаларни белгиланган тартибда ўз номларига рўйхатдан ўтказишлари шарт.

10. Бошқарув ва ташкилий-ҳуқуқий шаклидан қатъи назар барча турдаги техникаларнинг олди-сотди шартномалари фақат нотариал идоралар томонидан расмийлаштирилиши шарт, ишлаб чиқарувчи, дилер, лизинг ташкилотларнинг шартномалари ҳамда Давлат активларини бошқариш агентлиги ҳузуридаги «Электрон онлайн аукционларни ташкил этиш маркази» давлат унитар корхонаси томонидан ташкил этилган аукционларда техникаларга эга бўлишни тасдиқловчи аукцион натижалари тўғрисидаги баённома бундан мустасно.

11. Техникалар техника эгасининг номига давлат рўйхатидан ёки қайта рўйхатдан ўтказилади.

12. Жисмоний шахсларнинг техникалари уларнинг доимий ёки вақтинчалик яшаш (турар) жойида давлат рўйхатидан ёки қайта рўйхатдан ўтказилади.

Техникалар 18 ёшга тўлган муомалага лаёқатли шахсларнинг номига давлат рўйхатидан ўтказилади.

Мерос, васиятнома, ҳадя, мукофот ёки қонунчиликда белгиланган ҳолатларда ташкил этилган оммавий ўйинларда ютиб олинган техникалар қонунчилик ҳужжатларида белгиланган тартибда вояга етмаган шахслар номига ҳам давлат рўйхатидан ўтказилиши мумкин.

Мерос, васиятнома, ҳадя қилинган ёки суд ажримларига асосан техникалар фақат битта шахс номига расмийлаштирилади.

13. Юридик шахсларнинг техникаларини давлат рўйхатидан ва қайта рўйхатдан ўтказиш юридик шахсларни давлат рўйхатдан ўтказиш гувоҳномасида кўрсатилган юридик шахс номи, жойлашган ери, СТИР рақами бўйича амалга оширилади.

14. Инспекцияда қуйидаги техникалар давлат рўйхатидан ўтказилмайди:

фақат конларда, шахта ва карьерларда қўлланиладиган махсус техникалар;

ички ишлар органларида рўйхатга олинган транспорт воситалари;

трамвай ва троллейбуслар;

Ўзбекистон Республикаси Мудофаа вазирлиги, Давлат хавфсизлик хизмати, Ички ишлар вазирлиги, Миллий гвардияга тегишли бўлган ҳарбий ва бошқа техникалар, шунингдек, Транспорт вазирлиги ҳамда Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси томонидан рўйхатга олинадиган техникалар.

15. Техникаларни давлат рўйхатидан ва қайта рўйхатдан ўтказишда улар Инспекция томонидан белгиланган тартибда техник кўрикдан ўтказилади.

Техник кўрикдан ўтказишда техниканинг созлиги, унинг тури, русуми, ДРБ, идентификацияловчи шассиси (рама) ва двигатель рақамининг рўйхатдан ўтказиш ҳужжатларида кўрсатилган маълумотларга мос келиши солиштирилади.

16. Марказ, ЯИДХП, Агропортал ва Инспекция ўртасида ахборотлар алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.

2-боб. Давлат хизматларини кўрсатиш тартиби

Техникаларни давлат рўйхатидан ўтказиш

17. Техникаларни давлат рўйхатидан ва қайта рўйхатдан ўтказиш бўйича давлат хизматларини кўрсатиш мазкур Регламентга 4-иловага мувофиқ схемага асосан амалга оширилади.

18. Техника эгаси ёки унинг вакили техникаларни давлат рўйхатидан ёки қайта рўйхатдан ўтказиш учун Инспекцияга ёки Марказга келиб мурожаат этганда, Инспекция ёки Марказ ходими техника эгаси номидан ушбу Регламентга 5-иловага мувофиқ шаклдаги сўровномани электрон шаклда тўлдиради.

Сўровномага қуйидаги ҳужжатлар илова қилинади:

мазкур Регламентнинг 22-бандида кўрсатилган техникага бўлган мулк ҳуқуқини тасдиқловчи ҳужжатлар;

амалдаги қонунчилик ҳужжатларида белгиланган имтиёзлардан (субсидия, солиқ ва божхона имтиёзлари ҳамда молиявий ёрдамлар) фойдаланган ҳолда харид қилинган, шу жумладан, республикада ишлаб чиқарилган ҳамда импорт қилинган янги трактор ва комбайнларни давлат рўйхатидан ўтказишда уларга «онлайн» (GPS) режимида масофадан кузатиш тизими ўрнатилгани тўғрисидаги маълумотнома («онлайн» (GPS) режимида масофадан кузатиш тизимини ўрнатган ташкилот томонидан муҳр билан тасдиқланган шаклда берилади).

Бунда техникага бўлган мулк ҳуқуқини тасдиқловчи аукцион натижалари тўғрисидаги баённома (электрон онлайн-аукцион баённомаси) «Рақамли ҳукумат» тизимининг идоралараро интеграциялашув платформаси орқали мустақил равишда олинади.

19. Техника эгаси ёки унинг вакили ЯИДХП ёки Агропортал орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирилганда фойдаланувчининг телефон рақамига юборилган хабарни тасдиқлаш орқали идентификацияланади.

20. Техника эгаси ёки унинг вакили техникаларни давлат рўйхатидан ўтказиш учун Марказга келиб мурожаат этганда, унинг сўровномаси Марказ ходими томонидан тўлдирилиб, техника эгаси томонидан тасдиқланганидан сўнг реал вақт режимида Инспекцияга электрон шаклда юборилади.

Техника эгаси ёки унинг вакили ЯИДХП ёки Агропортал орқали мурожаат қилганда, сўровнома автоматик тарзда Инспекцияга электрон шаклда юборилади.

21. Техника эгаси ёки унинг вакилининг шахсини тасдиқловчи ҳужжатларга қуйидагилар киради:

а) жисмоний шахслар учун — жисмоний шахснинг шахсни тасдиқловчи ҳужжати:

Ўзбекистон Республикаси фуқаролари учун — паспорт ёки шахсни тасдиқловчи бошқа ҳужжатлар (ID-карта), ҳайдовчилик гувоҳномаси;

16 ёшга тўлмаган Ўзбекистон Республикаси фуқаролари учун — туғилганлик ҳақида гувоҳнома ёки шахсни тасдиқловчи бошқа ҳужжатлар;

Ўзбекистон Республикаси ҳарбий хизматчилари учун — ички ишлар органларининг рўйхатдан ўтказилганлик тўғрисидаги ёки ҳарбий қисмларнинг уй ажратиш тўғрисидаги маълумотномасини илова қилган ҳолда ҳарбий қисм ёки ҳарбий муассасалар қўмондонлиги томонидан бериладиган шахсни тасдиқловчи ҳужжат ёки ҳарбий билет (ҳарбий хизматга мажбур фуқароларнинг ҳарбий билетлари бундан мустасно);

чет эл фуқаролари учун — Ўзбекистон Республикасида яшаш гувоҳномаси ёки ички ишлар органининг доимий ёки вақтинчалик рўйхатдан ўтказилган жойи тўғрисидаги белгиси қўйилган чет эл фуқаросининг миллий паспорти ёхуд дипломатик паспорти ёки Ўзбекистон Республикасида аккредитациядан ўтганлигини тасдиқловчи тегишли ҳужжат;

фуқаролиги бўлмаган шахслар учун — фуқаролиги бўлмаган шахсларнинг шахсини тасдиқловчи ички ишлар органларининг доимий ёки вақтинчалик рўйхатдан ўтказилган жойи ҳақидаги белгиси қўйилган Ўзбекистон Республикасида яшаш гувоҳномаси;

б) жисмоний шахснинг вакили учун:

нотариус томонидан тасдиқланган жисмоний шахснинг вакили ваколатларини тасдиқловчи ишончнома ёки жисмоний шахснинг қонуний вакили ваколатларини тасдиқловчи ҳужжат;

вакил шахсини тасдиқловчи ҳужжат (мазкур банднинг «а» кичик бандида кўрсатилган ҳужжатлар);

в) юридик шахслар учун:

юридик шахснинг раҳбари томонидан имзоланган ва унинг муҳри билан тасдиқланган юридик шахс вакилининг ваколатларини тасдиқловчи ишончнома;

вакил шахсини тасдиқловчи ҳужжат (мазкур банднинг «а» кичик бандида кўрсатилган ҳужжатлар).

Шунингдек, Инспекция ходими «Электрон ҳукумат» тизимининг идоралараро интеграциялашув платформаси орқали юридик шахснинг давлат рўйхатидан ўтказилганлиги тўғрисидаги гувоҳнома нусхасини электрон шаклда олади.

22. Техникага бўлган мулк ҳуқуқи ёки бошқа ашёвий ҳуқуқларни тасдиқловчи ҳужжатларга қуйидагилар киради:

нотариус томонидан тасдиқланган шартнома (олди-сотди, айирбошлаш, меросга бўлган ҳуқуқ, васиятнома, ҳадя, рента ва бошқалар) («Нотариус» ахборот тизимидан интеграциялашув платформаси орқали электрон шаклда олинади);

суднинг қарори;

ишлаб чиқарувчи ёки махсус савдо ташкилоти (техникани ишлаб чиқарувчи корхона, унинг вакили ёки воситачи (дилерлик, дистрибьюторлик) ташкилотлари) томонидан бериладиган махсус бланкадаги «Ҳисоб-маълумотнома»;

Давлат активларини бошқариш агентлиги ҳузуридаги «Электрон онлайн аукционларни ташкил этиш маркази» давлат унитар корхонаси томонидан ташкил этилган аукционларда техникага бўлган мулк ҳуқуқини тасдиқловчи аукцион натижалари тўғрисидаги баённома;

Бош прокуратура ҳузуридаги Мажбурий ижро бюросининг туман (шаҳар) бўлимлари қарорлари;

юқори турувчи давлат органининг техникани бир тизим ичидаги ташкилотга текинга бериш тўғрисидаги қарори (буйруғи ёки фармойиши);

юридик шахснинг юқори турувчи бошқарув органининг юридик шахснинг устав жамғармасига техникани киритиш тўғрисида ёки шу юридик шахснинг иштирокчисига (таъсисчи, аъзо) юридик шахснинг техникани дивиденд сифатида тўлаш тўғрисидаги қарори (иштирокчилари, таъсисчилари, аъзолари) умумий йиғилишининг баённомаси ёки ягона иштирокчининг қарори);

«эркин муомалага чиқариш (импорт)» божхона режимига жойлаштирилган божхона юк декларациясининг электрон нусхаси (Иқтисодиёт ва молия вазирлиги ҳузуридаги Божхона қўмитасининг ахборот тизимидан интеграциялашув платформаси орқали электрон шаклда олинади);

шахснинг техникани оммавий ўйинда (лотереяда) ютганлигини тасдиқловчи ҳужжат;

давлат органининг техникани мукофот (ҳадя) сифатида тақдим этганлиги тўғрисидаги қарори нусхаси;

лизингга берувчининг техникага бўлган мулк ҳуқуқини лизингга олувчига ўтганлигини тасдиқловчи топшириш-қабул қилиш далолатномаси.

23. Тугатилган юридик шахснинг техникалари янги ташкил этилган юридик шахснинг балансига ўтганда, техникаларни давлат рўйхатига олишда унинг ҳуқуқий ворислигини тасдиқловчи ҳужжатга юридик шахснинг устави ёки таъсис шартномаси киради.

Шунингдек, юридик шахснинг ҳуқуқий ворислигини тасдиқловчи ҳужжатлар «Электрон ҳукумат» тизимининг идоралараро интеграциялашув платформаси орқали электрон шаклда олинади.

24. Техникалар суд қарори асосида мусодара қилинганда, етказилган зарарни қоплашга қаратилганда, бошқа шахс ёки давлат эгалигига ўтказилганда, техникаларни давлат рўйхатидан ўтказиш суд қарори ёки аукцион натижалари тўғрисидаги баённомага асосан амалга оширилади.

Техникаларнинг рўйхатда туриш жойини ўзгартиришга олиб келадиган техника эгасининг яшаш (турар) жойи ёки жойлашган манзили (почта манзили) ўзгариши муносабати билан техникаларни давлат рўйхатидан ўтказишда, мазкур Регламентнинг 22-банди бешинчи хатбошисида келтирилган техникага бўлган мулк ҳуқуқи ёки бошқа ашёвий ҳуқуқларни тасдиқловчи ҳужжатларни тақдим этиш талаб этилмайди.

25. Техникаларни давлат рўйхатидан ва қайта рўйхатдан ўтказиш бўйича давлат хизматлари кўрсатганлик учун йиғимлар ушбу Регламентга 6-иловадаги тўлов ставкаларига мувофиқ амалга оширилади.

Давлат хизматларини кўрсатиш учун ЯИДХП ёки Агропортал орқали мурожаат этилганда, йигим суммасининг 90 фоизи ундирилади.

Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга ушбу банддаги тўлов ставкаларининг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган тўлов ставкаларининг 75 фоизи миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно). Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

Давлат хизматлари кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

25 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентга 6-иловадаги тўлов ставкаларининг 50 фоизи ундирилади.

26. Техникаларни давлат рўйхатидан ва қайта рўйхатдан ўтказиш бўйича давлат хизматлари кўрсатганлик учун ундириладиган йиғимлар қуйидаги тартибда тақсимланади:

а) Марказга ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — Ягона биллинг тизими орқали давлат хизматларини кўрсатганлик учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи — ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

в) Инспекцияга ўзи келиб мурожаат этганда:

20 фоизи — Республика бюджетига;

80 фоизи — Инспекциянинг ривожлантириш жамғармасига ўтказилади;

г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади.

27. Қуйидаги ҳолларда Инспекция томонидан техникаларни давлат рўйхатидан ёки қайта рўйхатдан ўтказиш рад этилади:

давлат хизматлари кўрсатганлик учун йиғимга тўловлар амалга оширилмаганда;

мазкур Регламентда белгиланган тегишли ҳужжатлар техника эгаси томонидан тўлиқ тақдим этилмаганда;

хизмат муддатини ўтаб бўлганлиги ва фойдаланишга яроқсизлиги туфайли техника ҳисобдан чиқарилган бўлса;

техника конструкциясига киритилган ўзгартиришлар техник тартибга солиш соҳасидаги норматив-ҳуқуқий ҳужжатлар талабларига, техника хавфсизлигини таъминлаш меъёрларига жавоб бермаганда;

техника техник регламентга мувофиқ бўлмаган эҳтиёт қисмлар ва агрегатлардан тайёрланган ёки йиғилган бўлса;

техникага ишлаб чиқарувчи томонидан қўйилган идентификация тамғасини яшириш, сохталаштириш, ўзгартириш, йўқ қилиш аломатлари, тақдим этилган ҳужжатларнинг сохталаштирилиши ёки ҳужжатлар ва рўйхатга оид ҳужжатларда кўрсатиб ўтилган маълумотларнинг техника ва агрегатлар рақамларига номувофиқлиги аниқланганда;

техниканинг рақамланган агрегати қидирувда эканлиги ёки тақдим этилган ҳужжатларнинг йўқолганлиги (ўғирланганлиги) тўғрисидаги маълумотлар мавжуд бўлганда.

2025 йил 1 мартдан бошлаб амалдаги қонунчилик ҳужжатларида белгиланган имтиёзлардан (субсидия, солиқ ва божхона имтиёзлари ҳамда молиявий ёрдамлар) фойдаланган ҳолда харид қилинган, шу жумладан, республикада ишлаб чиқарилган ҳамда импорт қилинган янги трактор ва комбайнларга «онлайн» (GPS) режимида масофадан кузатиш тизими ўрнатилмаганда.

Мазкур банднинг еттинчи-саккизинчи хатбошиларида кўрсатилган ҳолатлар аниқланганда, Инспекция томонидан тегишли ҳуқуқни муҳофаза қилиш органларига хабар берилади.

Давлат хизматлари кўрсатишни бошқа асослар бўйича рад этиш тақиқланади.

28. Техникаларни давлат рўйхатидан ёки қайта рўйхатдан ўтказишни рад этилишига сабаб бўлган ҳолатлар бартараф этилганда, техника эгаси ёки унинг вакили техникаларни давлат рўйхатидан ёки қайта рўйхатдан ўтказиш тўғрисида қайта мурожаат қилиш ҳуқуқига эга, бунда йиғимлар ундирилмайди.

Техникаларни қайта рўйхатдан ўтказиш

29. Техникани қайта рўйхатдан ўтказиш қуйидаги ҳолатларда амалга оширилади:

а) техника эгаси — жисмоний шахснинг фамилияси, исми, отасининг исми ўзгарганда, шунингдек, юридик шахс қайта ташкил этилганда ёки номи ўзгарганда;

б) техникаларни давлат рўйхатидан ўтказиш жойини ўзгартиришни талаб қилмаган ҳолда, техника эгасининг яшаш (турар) жойи ёки жойлашган манзили (почта манзили) ўзгарганда;

в) техниканинг ранги ва (ёки) агрегатлари рақами ўзгарганда;

г) техника қайта жиҳозланганда (техниканинг конструкциясига, яъни юриш қисми ва кабинасига ўзгартириш киритилганда ёки двигатели бошқа русумга мослаштирилганда);

д) техникаларни давлат рўйхатидан ўтказилганлиги тўғрисидаги техник паспорт ёки техник гувоҳнома яроқсиз ҳолга келганда, шикастланганда ёки ўғирланганда ва (ёки) ДРБ яроқсиз ҳолга келганда, шикастланганда ёки ўғирланганда;

е) давлат рўйхатидан ўтказилган техниканинг мулк эгаси ўзгарганда.

30. Техника эгаси ёки унинг вакили техникани қайта рўйхатдан ўтказиш учун Инспекцияга ёки Марказга келиб мурожаат этганда, Инспекция ёки Марказ ходими техника эгаси ёки унинг вакили номидан ушбу Регламентга 5-иловага мувофиқ шаклдаги сўровномани электрон шаклда тўлдиради.

Сўровномага мазкур Регламентнинг 34-бандида кўрсатилган техникани қайта рўйхатдан ўтказишга асос бўладиган ҳужжатлар илова қилинади.

Бунда техникага бўлган мулк ҳуқуқини тасдиқловчи аукцион натижалари тўғрисидаги баённома (электрон онлайн-аукцион баённомаси) «Рақамли ҳукумат» тизимининг идоралараро интеграциялашув платформаси орқали мустақил равишда олинади.

31. Техника эгаси ёки унинг вакили ЯИДХП ёки Агропортал орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирилганда фойдаланувчининг телефон рақамига юборилган хабарни тасдиқлаш орқали идентификацияланади.

32. Техника эгаси ёки унинг вакили техникани қайта рўйхатдан ўтказиш учун Марказга келиб мурожаат этганда, унинг сўровномаси Марказ ходими томонидан тўлдирилиб, техника эгаси томонидан тасдиқланганидан сўнг реал вақт режимида Инспекцияга электрон шаклда юборилади.

ЯИДХП ёки Агропортал орқали мурожаат қилинганда эса, сўровнома автоматик тарзда Инспекцияга электрон шаклда юборилади.

33. Техника эгаси ёки унинг вакили шахсини тасдиқловчи ҳужжатларга мазкур Регламентнинг 21-бандида кўрсатилган ҳужжатлар киради.

34. Техникаларни қайта рўйхатдан ўтказишга асос бўлувчи ҳужжатларга қуйидагилар киради:

техника эгаси — жисмоний шахснинг фамилияси, исми, отасининг исми ўзгарганлигини (ФҲДЁ органларининг маълумотномаси), шунингдек, юридик шахснинг қайта ташкил этилиши ёки номланиши ўзгарганлигини (юридик шахснинг давлат рўйхатидан ўтганлиги тўғрисида маълумот ва юридик шахснинг бошқарув органи қарори) тасдиқловчи ҳужжат;

техника эгасининг яшаш (турар) жойи ёки жойлашган манзили (почта манзили) ўзгарганлигини тасдиқловчи ҳужжат (яшаш жойи бўйича рўйхатдан ўтказилганлиги тўғрисидаги белги билан паспорт, юридик шахснинг давлат рўйхатидан ўтказилганлиги тўғрисидаги техник паспорт ёки техник гувоҳнома ва бошқалар);

техникага ўзгартириш киритиш ва уни қайта жиҳозлашни тасдиқловчи ҳужжат;

техниканинг ранги ва (ёки) агрегат рақами ўзгарганлигини тасдиқловчи ҳужжат (агрегатнинг қонуний олинганлигини тасдиқловчи ҳужжат (ҳисоб-маълумотнома, нотариус томонидан тасдиқланган олди-сотди шартномаси), техникаларни таъмирлаш ва техник хизмат кўрсатиш бўйича махсус корхонада агрегатларнинг алмаштирилганлиги ёки ранги ўзгартирилганлигини тасдиқловчи ҳужжат);

нотариус томонидан тасдиқланган шартнома (олди-сотди, айирбошлаш, меросга бўлган ҳуқуқ, васиятнома, ҳадя, рента ва бошқалар) («Нотариус» ахборот тизимидан интеграциялашув платформаси орқали электрон шаклда олинади);

суднинг қарори;

Давлат активларини бошқариш агентлиги ҳузуридаги «Электрон онлайн аукционларни ташкил этиш маркази» давлат унитар корхонаси томонидан ташкил этилган аукционларда техникага бўлган мулк ҳуқуқини тасдиқловчи аукцион натижалари тўғрисидаги баённома;

Бош прокуратура ҳузуридаги Мажбурий ижро бюросининг туман (шаҳар) бўлимлари қарорлари;

юқори турувчи давлат органининг техникани бир тизим ичидаги ташкилотга текинга бериш тўғрисидаги қарори (буйруғи ёки фармойиши);

юридик шахснинг юқори турувчи бошқарув органини юридик шахснинг устав жамғармасига техникани киритиш тўғрисида ёки шу юридик шахснинг иштирокчисига (таъсисчи, аъзо) юридик шахснинг техникани дивиденд сифатида тўлаш тўғрисидаги қарори (иштирокчилари, таъсисчилари, аъзоларининг умумий йиғилиши баённомаси ёки ягона иштирокчининг қарори);

лизингга берувчининг техникага бўлган мулк ҳуқуқини лизингга олувчига ўтганлигини тасдиқловчи топшириш-қабул қилиш далолатномаси.

35. Техникаларни қайта рўйхатдан ўтказиш бўйича давлат хизматлари кўрсатганлик учун йиғимлар ушбу Регламентга 6-иловадаги тўлов ставкаларига мувофиқ амалга оширилади.

Давлат хизматлари кўрсатиш учун ЯИДХП ёки Агропортал орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.

Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга ушбу банддаги тўлов ставкаларининг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган тўлов ставкаларининг 75 фоизи миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно). Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

Давлат хизматлари кўрсатганлик учун йиғимлар тўланганлигини тасдиқлаш ахборот-коммуникация тизимлари орқали амалга оширилади.

35 1 . Техникаларни қайта рўйхатдан ўтказишда таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентга 6-иловадаги тўлов ставкаларининг 50 фоизи ундирилади.

36. Йиғимлар 26-бандда келтирилган тартибда тақсимланади.

37. Инспекция томонидан давлат хизматлари кўрсатишни рад этиш учун мазкур Регламентнинг 27-бандида кўрсатилган ҳолатлар асос ҳисобланади.

38. Давлат хизматларини кўрсатишни бошқа асослар бўйича рад этиш тақиқланади.

39. Техника эгаси ёки унинг вакили давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Техника эгаси ёки унинг вакили давлат хизматларидан фойдаланишдан бош тортганда, унинг сўровномаси кўрилмасдан қолдирилади, бунда тўланган йиғим суммаси қайтарилмайди.

40. Давлат рўйхатига олинган техниканинг мулк эгаси ўзгарганда, техникани қайта рўйхатдан ўтказиш учун техника эгаси ёки унинг вакили Инспекцияга қуйидаги ҳужжатларни топширади:

техник паспорт ёки техник гувоҳномаси;

давлат рақами белгиси;

мазкур Регламентнинг 29-банди «д» кичик бандига асосан мурожаат қилинганда Инспекцияга қуйидаги ҳужжатлар тақдим этилади:

техникаларни давлат рўйхатидан ўтказилганлиги тўғрисидаги техник паспорт ёки техник гувоҳнома (у яроқсиз ҳолга келганда);

давлат рақами белгиси (у шикастланганда).

3-боб. Техникаларни давлат рўйхатидан ва қайта рўйхатдан ўтказишни расмийлаштириш ҳамда уларга давлат рақами белгилари, техник паспорт ва техник гувоҳнома бериш тартиби

41. Инспекция ходими техника эгаси ёки унинг вакили томонидан тақдим этилган ҳужжатларни кўриб чиқиб, техниканинг тури, русуми, ДРБ, идентификацияловчи шассиси (рама) ва двигатель рақамининг рўйхатдан ўтказиш ҳужжатларида кўрсатилган маълумотларга мос келишини кўрикдан ўтказиб, солиштиргандан кейин техникаларни давлат рўйхатидан ёки қайта рўйхатдан ўтказади ёки ўтказишни рад этади.

42. Техникаларни қайта рўйхатдан ўтказиш 1 иш кунида кўриб чиқилади. Мазкур Регламентнинг 22 ва 34-бандида кўрсатилган ҳужжатлар тўлиқ тақдим этилганда, Инспекция техника эгаси ёки унинг вакилини мазкур Регламентнинг 40-бандида кўрсатилган ҳужжатларни (техника қайта рўйхатдан ўтказилганда) ҳамда техникани техник кўрикдан ўтказиш учун тақдим этиши ҳақида ахборот-коммуникация тизими орқали хабардор қилади.

Инспекциянинг техника ҳолатини назорат қилиш инспектори 2 иш кунида тақдим қилинган ҳужжатларни кўриб чиқади ва техника бўйича маълумотларни сўровномада қайд этилган маълумотларга мувофиқлигини кўздан кечириб, техникани техник кўрикдан ўтказади. Бунда техника эгаси ёки унинг вакили Инспекцияга техникани техник кўрикдан ўтказиш учун тақдим этади.

Шунингдек, техникаларни давлат рўйхатидан ўтказишда қўшимча маълумот олиш талаб этилганда, ушбу масалалар бўйича келиб тушган аризалар 10 иш кунида кўриб чиқилади.

43. Техникалар техник кўрикдан ўтказилиб, ҳужжатлар аслига мувофиқ ва тўлиқ бўлганда, давлат рўйхатидан ёки қайта рўйхатдан ўтказилади. Бунда Инспекциянинг техникаларни рўйхатдан ўтказиш китобига ва тегишли ахборот тизимига техниканинг идентификацияловчи шассиси (рама), двигатель рақамлари ва бошқа техник параметрлари ҳамда техника эгаси ва унинг яшаш (турар) жойи ёки жойлашган манзили (почта манзили) тўғрисидаги маълумотлар киритилади.

Инспекция ходими томонидан техникаларни қайта рўйхатдан ўтказиш жараёнида техникалар ахборот тизимида аввалги рўйхатдан ўтказиш жойидан давлат рўйхатидан чиқарилади ва янги рўйхатдан ўтказиш жойига киритилади.

44. Техникаларни давлат рўйхатидан ёки қайта рўйхатдан ўтказилганлиги тўғрисидаги техник паспорт, ДРБ ёки техник гувоҳнома Инспекциянинг техника ҳолатини назорат қилиш инспектори томонидан техника эгаси ёки унинг вакилига унинг шахсини тасдиқловчи ҳужжатлар асосида техникаларни рўйхатдан ўтказиш китобига уни олганлиги тўғрисида имзо қўйилиб, топширилади.

45. Техникага аввал берилган техник паспорт, ДРБ ёки техник гувоҳнома техникаларни қайта рўйхатдан ўтказган Инспекция органига топширилади.

46. Давлат рўйхатидан ёки қайта рўйхатдан ўтказилган техникаларнинг орқа қисмига жойлаштириш учун мазкур Регламентга 3-иловага мувофиқ намунада тайёрланган ДРБ берилади.

ДРБ ундаги рақамларнинг ўсиб бориш тартибига мувофиқ равишда берилади:

юридик шахсларга — I ва III типли ДРБ;

жисмоний шахсларга — II ва IV типли ДРБ.

47. Техника эгаси берилган ДРБдан мақсадли фойдаланиши шарт.

48. Техникаларни давлат рўйхатидан ўтказилганлиги тўғрисидаги техник паспорт ёки техник гувоҳнома яроқсиз ҳолга келганда, шикастланганда, ўғирланганда ёки йўқолганда, техникаларни қайта рўйхатдан ўтказиш 2 иш кунида кўриб чиқилади. Бунда Инспекциянинг техника ҳолатини назорат қилиш инспектори томонидан мазкур Регламентнинг 40-бандида кўрсатилган ҳужжатлар тўлиқ тақдим этилганлиги кўриб чиқилади ва техникадаги маълумотларнинг сўровномада қайд этилган маълумотларга мувофиқлиги кўздан кечирилиб, техник кўрикдан ўтказади.

Тақдим этилган ҳужжатлар (маълумотлар) техникага мос бўлганда, Инспекция техникаларни давлат рўйхатига олиш ахборот тизими маълумотлари асосида техника эгаси ёки унинг вакилига унинг шахсини тасдиқловчи ҳужжатнинг аслига асосан техникаларни давлат рўйхатидан ўтказилганлиги тўғрисидаги техник паспорт ёки техник гувоҳноманинг янгисини беради.

49. Техникаларни давлат рўйхатидан ўтказилганлиги тўғрисидаги техник паспорт ёки техник гувоҳнома яроқсиз ҳолга келганда, шикастланганда, ўғирланганда ёки йўқолганда унинг ўрнига янгиси, шунингдек, ДРБ яроқсиз ҳолга келган, бузилган, шикастланган ёки йўқолганда янги ДРБ бериш учун ушбу Регламентга 6-иловага мувофиқ миқдорда йиғим ундирилади.

Давлати хизматлари кўрсатганлик учун йигим тўланганлигини тасдиқлаш ахборот-коммуникация тизимлари орқали амалга оширилади.

50. ДРБ шикастланганда, йўқолганда ёки ўғирланганда техникаларни давлат рўйхатидан ўтказиш маълумотларига асосан, шунингдек, белгиланган миқдорда йигим амалга оширилгач, Инспекция томонидан янги ДРБ берилади. Бунда ДРБ дубликатини берилишига йўл қўйилмайди.

Рўйхатга олиш тўғрисидаги маълумотлар (техникаларни давлат рўйхатига олинганлиги тўғрисидаги техник паспорт ёки техник гувоҳнома ва ДРБнинг янгисини бериш) техникаларни давлат рўйхатига олиш ахборот тизимига киритилади.

4-боб. Якунловчи қоидалар

51. Техникаларни давлат рўйхатига ва қайта рўйхатга олиш учун ҳаракатларни амалга ошириш учун асос бўладиган ҳужжатлар уч йил, техникаларни рўйхатга олиш китоби Инспекцияда йигирма беш йил сақланади ва ушбу муддат ўтгандан кейин белгиланган тартибда давлат архивига топширилади.

52. Инспекцияга ҳужжатлар тақдим қилинганда ёки электрон шаклда мурожаат қилинганда, уларни ўрганиш ёки техник кўрик жараёнларида асли билан таққосланиши шарт.

53. Техникалар янги харид қилинганда, техникага бўлган мулк ҳуқуқи ёки техника эгасининг манзили (номи) ўзгарганда, техникалар Инспекция томонидан 10 иш кунида давлат рўйхатидан ёки қайта рўйхатдан ўтказилади.

Бунда техника эгаси техниканинг техник ҳолатидан қатъи назар, мазкур Регламентнинг 22-бандида назарда тутилган ҳужжатларни тақдим этган ҳолда мурожаат қилади.

Агар мурожаат қилиш муддатининг охирги куни дам олиш, байрам ва бошқа иш куни бўлмаган кунларга тўғри келса, ундан кейинги биринчи иш куни муддатнинг тугаган куни ҳисобланади.

54. Техникаларни рўйхатга қўйиш муддатларининг бузилиши ёки белгиланган тартибда рўйхатдан ўтказилмаган техникалар бўйича жисмоний ва юридик шахслар қонунчилик ҳужжатларида белгиланган тартибда маъмурий жавобгарликка тортилади.

55. Инспекция техника эгаларига давлат хизматлари кўрсатилиши ҳамда йўл ҳаракати қатнашчилари (тракторчи-машинистлар) томонидан йўл ҳаракати қоидаларига риоя этилиши устидан назоратни қонунчилик ҳужжатларига мувофиқ амалга оширади.

56. Инспекция томонидан техникаларни тақиққа олиш ва тақиқдан чиқариш судья, прокурор, терговчи, суриштирувчи, давлат ижрочиси, нотариус, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ҳузуридаги идоравий нотариал архивлар мудирлари, солиқ органининг раҳбари (раҳбар ўринбосари) ва тегишли ваколатли ташкилотлар сўровлари асосида ахборот тизимидаги маълумотлар базасида акс эттирилади.

Шунингдек, ахборот тизимларини интеграциялаш орқали ваколатли ташкилотлар томонидан техникаларни тақиққа олиш ва тақиқдан чиқариш электрон шаклда амалга оширилиши мумкин.

Тақиққа олинган техникаларни давлат рўйхатига ва қайта рўйхатга олиш ҳаракатлари тақиққа олдирган идора томонидан тақиқ бекор қилингандан сўнг амалга оширилади.

57. Техниканинг лизинг (сублизинг) шартномасини амал қилиш муддати тугаши билан, техниканинг лизинг (сублизинг) шартномаси ва техникани лизингга берувчининг техникага бўлган мулк ҳуқуқи техникани лизингга олувчига ўтганлигини тасдиқловчи топшириш-қабул қилиш далолатномасига асосан техникалар лизингга олувчининг номига давлат рўйхатидан ўтказилади.

Техникалар лизингга берувчининг ёзма сўровига асосан лизингга олувчининг номига ҳам расмийлаштирилиши мумкин. Бунда техника лизингга берувчи номидан тақиққа олинади ва унинг мурожаати билан тақиқдан чиқарилади. Техникалар техникани лизингга олувчидан олиниб, бошқага ўтказилганда, янгидан рўйхатдан ўтказилади.

Лизингга (сублизингга) олувчи номига рўйхатдан ўтказилган техникани лизинг берувчига қайтариб берилишини ёки бошқа лизингга олувчининг номига ўтказилишини асословчи ҳужжатлар, шунингдек, суд ёки бошқа органларнинг ижро ҳужжати нусхаси илова қилинган ҳолда лизингга берувчининг аризасига асосан лизингга берувчининг ёки бошқа лизингга олувчининг номига рўйхатдан ўтказилади.

58. Инспекция, Марказ ва давлат хизматларини кўрсатишда иштирок этувчи бошқа ташкилотлар давлат хизматларини кўрсатиш бўйича олинган маълумотларнинг сир сақланишини таъминлайди.

59. Инспекция, Марказ ва давлат хизматларини кўрсатишда иштирок этувчи бошқа ташкилотлар манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.

60. Техника эгаси ёки унинг вакили давлат хизматларини кўрсатувчи ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

61. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 1-ИЛОВА

Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга бериладиган техник паспортнинг

Техник паспортнинг

ТАСНИФИ

Техникаларни давлат рўйхатидан ўтказилганлиги тўғрисидаги «TEXNIK PASPORT» халқаро стандартлар асосида 54х86 мм ўлчамдаги пластикдан тайёрланади. Техникаларни давлат рўйхатидан ўтказилганлиги тўғрисидаги «TEXNIK PASPORT»нинг ранги — очиқ сариқ пушти. Лотин ёзувидаги давлат тилидан фойдаланилади. Серияли рақами — тўрт ҳарфли (UZ-TP), рақами — олтита рақамли.

Техникаларни давлат рўйхатидан ўтказилганлиги тўғрисидаги «TEXNIK PASPORT»да жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) ва қурилмалар ўртасида бевосита алоқасиз ахборот айирбошлаш имконини берувчи электрон белги (NFC смарт-карт) бўлади.

Техникаларни давлат рўйхатидан ўтказилганлиги тўғрисидаги «TEXNIK PASPORT»нинг пластик шакли қуйидаги ҳимоя воситаларига эга:

микроматн — «TEXNIK PASPORT», «Технический паспорт», «Technical passport» ўлчами — максимум 30 микрон;

ультрабинафша қоплама;

«UZ» ёзуви, эгилганда бир рангдан бошқа рангга товланадиган оптик турланадиган бўёқ;

гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;

гувоҳнома пластик шаклининг серияли рақамини лазер ўйма нақши.

Техник паспортнинг олд томонида «TEXNIK PASPORT», «Технический паспорт», «Technical passport» сўзлари ёзилган, шунингдек, Ўзбекистон Республикаси Давлат байроғининг тасвири туширилган, «Ўзбекистон» сўзлари давлат тилида, рус ва инглиз тилларида ёзилган. Техниканинг давлат рақами белгиси, маркаси, модели, ранги, эгаси тўғрисидаги маълумотлар (фамилияси, исми, отасининг исми ёки ташкилотнинг номи, манзили), техник паспорт берилган сана, Инспекциянинг тегишли бўлими;

жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) мажбурий тартибда кўрсатилади.

Техникаларни давлат рўйхатидан ўтказилганлиги тўғрисидаги «TEXNIK PASPORT»нинг орқа томонида техника тўғрисидаги маълумотлар, ишлаб чиқарилган йил, тури, кузов/шасси рақами, тўла вазни, юксиз вазни, двигателнинг тоифаси ва қуввати, ёнилғи тури, алоҳида белгилар мажбурий тартибда кўрсатилади.

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 2-ИЛОВА

Қишлоқ хўжалиги, мелиорация ва йўл-қурилиши ҳамда бошқа мақсадларга мўлжалланган агрегат, машина, механизм ва ускуналарга бериладиган техник гувоҳноманинг

Техник гувоҳноманинг

ТАСНИФИ

Техникаларни давлат рўйхатидан ўтказилганлиги тўғрисидаги «TEXNIK GUVOНNOMA» халқаро стандартлар асосида 54х86 мм ўлчамда пластикдан тайёрланади. Техникаларни давлат рўйхатидан ўтказилганлиги тўғрисидаги «TEXNIK GUVOНNOMA»нинг ранги — кулранг пушти. Лотин ёзувидаги давлат тилидан фойдаланилади. Серияли рақам — тўрт ҳарфли (UZ-TG), номери — олтита рақамли.

Техникаларни давлат рўйхатидан ўтказилганлиги тўғрисидаги «TEXNIK GUVOНNOMA»да жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) ва қурилмалар ўртасида бевосита алоқасиз ахборот айирбошлаш имконини берувчи электрон белги (NFC смарт-карт) бўлади.

Техникаларни давлат рўйхатидан ўтказилганлиги тўғрисидаги «TEXNIK GUVOНNOMA»нинг пластик шакли қуйидаги ҳимоя воситаларига эга:

микроматн — «TEXNIK GUVOНNOMA», «Техническое свидетельство», «Technical certificate» ўлчами — максимум 30 микрон;

ультрабинафша қоплама;

«UZ» ёзувли, эгилганда бир рангдан бошқа рангга товланадиган оптик турланадиган бўёқ;

гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;

гувоҳнома пластик шаклининг серияли рақамининг лазер ўйма нақши.

Техник паспортнинг олд томонида «TEXNIK GUVOНNOMA», «Техническое свидетельство», «Technical certificate» сўзлари ёзилган, шунингдек, Ўзбекистон Республикаси Давлат байроғининг тасвири туширилган, «Ўзбекистон» сўзлари давлат тилида, рус ва инглиз тилларида ёзилган. Техниканинг номи, маркаси, модели, ранги, эгаси тўғрисидаги маълумотлар (фамилияси, исми, отасининг исми ёки ташкилотнинг номи, манзили), давлат рўйхатидан ўтказилганлиги тўғрисидаги «TEXNIK GUVOНNOMA» берилган сана, Инспекциянинг тегишли бўлими, жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) мажбурий тартибда кўрсатилади.

Техникаларни давлат рўйхатидан ўтказилганлиги тўғрисидаги «TEXNIK GUVOНNOMA»нинг орқа томонида техника тўғрисидаги маълумотлар; ишлаб чиқарилган йил, тури, агрегат рақами, тўла вазни, юксиз вазни, вазифаси, алоҳида белгилар мажбурий тартибда кўрсатилади.

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 3-ИЛОВА

Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарнинг давлат рақами белгилари

I тип — юридик шахсларнинг тракторлари, йўл-қурилиш ва мелиорация техникалари, ўзиюрар машиналарга бериладиган давлат рақами белгилари кабинанинг орқа қисмига маҳкамланади.

Давлат рақами белгисининг фони оқ рангда, четки қисми, рақам ва ҳарфлари қора рангда. Чап қисмида рўйхатга олиш сонлари билан баравар қилиб тракторнинг шартли расми, қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

II тип — жисмоний шахсларнинг тракторлари, йўл-қурилиш ва мелиорация техникалари, ўзиюрар машиналарга бериладиган давлат рақами белгилари кабинанинг орқа қисмига маҳкамланади.

Давлат рақами белгисининг фони сариқ рангда, четки қисми, рақам ва ҳарфлари қора рангда. Чап қисмида рўйхатга олиш сонлари билан баравар қилиб тракторнинг шартли расми, қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

III тип — юридик шахсларнинг трактор тиркамаларига бериладиган давлат рақами белгилари тиркаманинг орқа қисмига маҳкамланади.

Давлат рақами белгисининг фони оқ рангда, четки қисми, рақам ва ҳарфлари қора рангда. Қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

IV тип — жисмоний шахсларнинг трактор тиркамаларига бериладиган давлат рақами белгилари тиркаманинг орқа қисмига маҳкамланади.

Давлат рақами белгисининг фони сариқ рангда, четки қисми, рақам ва ҳарфлари қора рангда. Қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 4-ИЛОВА

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Техника эгаси ёки унинг вакили (жисмоний ёки юридик шахслар) 1. Техниканинг эгаси ёки унинг вакили давлат хизматларидан фойдаланиш учун Агросаноат мажмуи устидан назорат қилиш инспекциясига (кейинги ўринларда — Инспекция) ёки давлат хизматлари марказига (кейинги ўринларда — Марказ) ўзи келиб, шунингдек, давлат хизматларидан электрон фойдаланиш учун ягона интерактив давлат хизматлари порталида (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал) рўйхатдан ўтади. 1. Хоҳишига кўра 2. Инспекция, Марказ ёки ЯИДХП ёки Агропортал томонидан кўрсатиладиган давлат хизматлари учун йиғимни амалга оширади. 3. Техникани қайта рўйхатдан ўтказиш ҳолатларида Инспекцияга техникаларни давлат рўйхатидан ўтказилганлиги тўғрисидаги техник паспорт ҳамда давлат рақами белгиси (кейинги ўринларда — ДРБ) ёки техник гувоҳномани тақдим этади. 2. Мурожаат қилганда 2-босқич 1. Марказ 2. ЯИДХП 3. Агропортал Сўровномани Инспекцияга юборади. Сўровнома тўлдирилгандан сўнг автоматик тарзда 3-босқич Инспекция 1. Сўровнома ва тақдим этилган ҳужжатларни кўриб чиқиб, техникаларни техник кўрикдан ўтказгандан сўнг техникаларни давлат рўйхатидан ёки қайта рўйхатдан ўтказади ёхуд ўтказишни рад этиш тўғрисида қарор қабул қилади. 1. 2 иш кунидан кечиктирмасдан 2. Қабул қилинган қарорни электрон шаклда Марказга ёки ЯИДХП ёки Агропортал орқали техника эгасига юборади. 2. Қарор қабул қилингандан сўнг 2 иш кунида 4-босқич Инспекция 1. Техникаларни давлат рўйхатидан ёки қайта рўйхатдан ўтказилганлиги тўғрисидаги маълумотларни ўзининг ахборот тизимига киритади. 2. Техника эгасига ёки унинг вакилига техникаларни давлат рўйхатидан ёки қайта рўйхатдан ўтказилганлиги тўғрисидаги техник паспорт ҳамда давлат рақам белгиси ёки техник гувоҳномани беради. 2 иш кунида

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 5-ИЛОВА

__________________ (сана) ________________ (рақам) Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатиш юзасидан СЎРОВНОМА I. Техника эгаси — юридик шахс тўғрисида маълумот: 1. Ташкилот номи 2. Юридик манзили 3. СТИР рақами 4. Телефон рақами Юридик шахс вакили: 1. Ф.И.О. 2. Жисмоний шахснинг шахсий идентификация рақами II. Техника эгаси — жисмоний шахс тўғрисида маълумот: 1. Ф.И.О. 2. Жисмоний шахснинг шахсий идентификация рақами 3. Манзили 4. Телефон рақами III. Техника тўғрисида маълумот: 1. Номи 2. Русуми/модели 3. Ишлаб чиқарилган йили 4. Двигатель рақами 5. Завод рақами 6. Кузов/шасси рақами 7. Техник паспорт ёки техник гувоҳнома серияси ва рақами 8. Давлат рақами белгиси IV. Сўровномага техникага бўлган мулк ҳуқуқи ёки бошқа ашёвий ҳуқуқларни тасдиқловчи ҳужжатлар илова қилинади. Техникани қайта рўйхатдан ўтказиш ҳолатларида Инспекцияга техникаларни давлат рўйхатидан ўтказилганлиги тўғрисидаги техник паспорт, ДРБ ёки техник гувоҳнома тақдим этилади. V. Давлат хизматларидан фойдаланиш сабаби: Техникани давлат рўйхатидан ўтказиш Техникани қайта рўйхатдан ўтказиш Тасдиқлайман:

Қишлоқ хўжалиги, мелиорация ва йўл-қурилиш техникаларини давлат рўйхатидан ва қайта рўйхатдан ўтказиш бўйича давлат хизматларини кўрсатишнинг маъмурий регламентига 6-ИЛОВА

Техникаларни давлат рўйхатидан ва қайта рўйхатдан ўтказишда, шунингдек, техникаларга давлат рақами белгилари, техник паспорт ва техник гувоҳномани беришда ундириладиган

I. Давлат рўйхатидан ўтказилган қишлоқ хўжалиги, мелиорация ва йўл-қурилиш техникаларига давлат рақами белгиларини бериш учун

1. Қишлоқ хўжалиги, мелиорация ва йўл-қурилиш техникаларига давлат рақами белгиларини (кейинги ўринларда — ДРБ) бериш учун базавий ҳисоблаш миқдорининг 90 фоизи миқдорида

II. Техникаларни давлат рўйхатидан ёки қайта рўйхатдан ўтказиш учун

2. Техник паспорт бериладиган қишлоқ хўжалиги, мелиорация ва йўл-қурилиш техникалари ҳамда ўзиюрар машиналарни давлат рўйхатидан ёки қайта рўйхатдан ўтказиш учун базавий ҳисоблаш миқдорининг 20 фоизи миқдорида 3. Техник гувоҳнома бериладиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарини давлат рўйхатидан ёки қайта рўйхатдан ўтказиш учун базавий ҳисоблаш миқдорининг 18 фоизи миқдорида

III. Давлат рўйхатидан ўтказилган қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга техник паспорт бериш учун

4. Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга техник паспорт бериш учун базавий ҳисоблаш миқдорининг 50 фоизи миқдорида

IV. Техник паспорт берилмайдиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарига техник гувоҳнома бериш учун

5. Техник паспорт берилмайдиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарига техник гувоҳнома бериш учун базавий ҳисоблаш миқдорининг 30 фоизи миқдорида

V. Техникаларни давлат рўйхатидан ва қайта рўйхатдан ўтказишда техник кўрикдан ўтказиш учун

6. 100 от кучи ва ундан юқори қувватга эга ғилдиракли тракторлар, мелиорация ва йўл-қурилиш техникалари, ўзиюрар машиналар ҳамда занжирли ва ярим занжирли тракторлар учун базавий ҳисоблаш миқдорининг 30 фоизи миқдорида 7. 100 от кучигача қувватга эга ғилдиракли тракторлар, трактор тиркамалари, мелиорация ва йўл-қурилиш техникалари ҳамда ўзиюрар машиналар, осма ва ярим осма, занжирли, ярим занжирли ва йиғма машиналар учун базавий ҳисоблаш миқдорининг 20 фоизи миқдорида 8. Қишлоқ хўжалиги, мелиорация ва йўл-қурилиш машиналари ҳамда агрегатлар учун базавий ҳисоблаш миқдорининг 15 фоизи миқдорида 9. Йўл-қурилиш, мелиорация ва бошқа мақсадларга мўлжалланган юк ортувчи, пахта, дон ва уруғларни қайта ишлашга мўлжалланган машиналар, шунингдек, чорвачилик, паррандачилик ва ем-хашак ишлаб чиқариш машиналари ва ускуналари, кичик механизация мосламалари учун базавий ҳисоблаш миқдорининг 15 фоизи миқдорида 10. Машина-трактор парклари, таъмирлаш устахоналари, сервис пунктлари ва бошқалардаги ҳар бир станок, асбоб-ускуна ва жиҳозлар учун базавий ҳисоблаш миқдорининг 15 фоизи миқдорида 11. Сув насослари учун базавий ҳисоблаш миқдорининг 20 фоизи миқдорида

Вазирлар Маҳкамасининг 2023 йил 29 апрелдаги 170-сон қарорига 2-ИЛОВА

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг

1-боб. Умумий қоидалар

1. Мазкур Регламент жисмоний ва юридик шахсларга (кейинги ўринларда — техника эгаси) қишлоқ хўжалиги, мелиорация ва йўл-қурилиш техникаларини (кейинги ўринларда — техника) вақтинча рўйхатдан ўтказиш бўйича давлат хизматларини кўрсатиш тартибини белгилайди.

2. Ташкилий шаклидан қатъи назар техникаларни вақтинча рўйхатдан ўтказиш Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Инспекция) томонидан мазкур Регламентга мувофиқ амалга оширилади.

3. Ушбу Регламентда қуйидаги асосий тушунчалардан фойдаланилади:

вақтинча рўйхатга олиш жойи — техникаларни вақтинча рўйхатдан ўтказишни амалга оширувчи Инспекция жойлашган жой;

вақтинча рўйхатдан ўтказиш тадбирлари — қонунчилик ҳужжатларига мувофиқ Инспекция томонидан техникаларни вақтинча рўйхатдан ўтказиш, шунингдек, техникаларни вақтинча рўйхатга олиш ҳақида вақтинча техник паспорт ва гувоҳнома ҳамда ДРБ беришдан иборат давлат рўйхатидан ўтказиш бўйича ҳаракатлар комплекси;

вақтинча техник паспорт — қишлоқ хўжалиги, мелиорация ва йўл-қурилиш техникалари, тракторлар, трактор тиркамалари ва ўзиюрар машиналарга мазкур Регламентга 1-иловада белгиланган намунага мувофиқ бериладиган махсус ҳимояланган вақтинчалик ҳужжат;

вақтинча техник гувоҳнома — техник паспорт берилмайдиган қишлоқ хўжалиги, мелиорация ва йўл-қурилиши ҳамда бошқа мақсадларга мўлжалланган агрегат, машина, механизм ва ускуналарга мазкур Регламентга 2-иловада белгиланган намунага мувофиқ бериладиган махсус ҳимояланган вақтинчалик ҳужжат;

давлат рақами белгиси (кейинги ўринларда — ДРБ) — мазкур Регламентга 3-иловада белгиланган намунага мувофиқ техникани давлат рўйхатидан ўтказишни ҳисобга олиш учун ҳудудий кодлар ва давлат рақамлари белгиларининг типларига кўра бериладиган махсус рақамли белги;

жисмоний шахснинг вакили — жисмоний шахснинг нотариус томонидан тасдиқланган қонуний вакили;

техника эгаси — техника воситасига мулк ҳуқуқи ёки бошқа ашёвий ҳуқуқлар асосида эгалик қилувчи юридик ёки жисмоний шахс;

техникаларни вақтинча рўйхатдан ўтказиш — техникани вақтинча рўйхатдан ўтказиш ҳақида техник паспорт ҳамда ДРБ ёки техник гувоҳнома бериш;

қишлоқ хўжалиги, мелиорация ва йўл-қурилиш техникалари — идоравий бўйсунуви ва ташкилий-ҳуқуқий шаклидан қатъи назар қишлоқ ва ўрмон хўжалигига мўлжалланган барча турдаги тракторлар (ғилдиракли, занжирли ва ярим занжирли), ўзиюрар машиналар (ўзиюрар қишлоқ хўжалиги машиналари, ўзиюрар мелиоратив ҳамда йўл-қурилиш техникалари), трактор тиркамалари, қишлоқ хўжалиги, йўл-қурилиш, мелиоратив ва бошқа мақсадларга мўлжалланган тупроққа ва экинларга ишлов берувчи, юк ортувчи, дон ва уруғни қайта ишлашга мўлжалланган машиналар, чорвачилик, паррандачилик ва ем-хашак ишлаб чиқариш машина ва технологик ускуналари, сув насослари, кичик механизация мосламалари.

4. Техникаларни вақтинча рўйхатдан ўтказиш бўйича давлат хизматлари Инспекция, давлат хизматлари маркази (кейинги ўринларда — Марказ) ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали техника эгаси ёки унинг вакилини сўровномасига асосан амалга оширилади.

5. Инспекция томонидан назорат қилинадиган ва техник кўрикка жалб этиладиган қишлоқ хўжалиги, мелиорация ва йўл-қурилиш техникалари, таъмирлаш ва сервис асбоб-ускуналари турлари устидан назорат қилиш Инспекциянинг марказий аппарати, ҳудудий бошқармалари ва туман (Қувасой шаҳар) бўлимлари томонидан амалга оширилади.

6. Техниканинг тузилмаси техник тартибга солиш соҳасидаги норматив-ҳуқуқий ҳужжатлар, Вазирлар Маҳкамасининг 2016 йил 18 мартдаги 80-сон қарори билан тасдиқланган Қишлоқ хўжалиги техникалари конструкциясининг хавфсизлиги тўғрисидаги умумий техник регламенти (кейинги ўринларда — Техник регламент), шунингдек, техника хавфсизлигини таъминлаш соҳасидаги меъёрий ҳужжатлар талабларига мос келиши лозим.

7. Техникаларни вақтинча рўйхатдан ўтказиш ишлари тўловлар олдиндан амалга оширилгандан сўнг бажарилади.

8. Техникаларни вақтинча рўйхатдан ўтказиш қуйидаги ҳолларда амалга оширилади:

техникалар «вақтинча олиб кириш» божхона режимига жойлаштирилганда;

техникалар тажриба синовларини ўтказиш учун олиб келинганда.

9. Техникаларни вақтинча рўйхатдан ўтказиш ҳужжатлари келгусида техникаларга оид мулкий ҳуқуқларни вужудга келтирмайди, ўзгартирмайди ёки бекор қилмайди.

10. Техникалар унинг эгаси ҳисобланувчи жисмоний ёки юридик шахснинг номига вақтинча рўйхатдан ўтказилади.

11. Жисмоний шахсларнинг техникалари уларнинг доимий ёки вақтинча яшаш (турар) жойида вақтинча рўйхатдан ўтказилади.

12. Юридик шахсларнинг техникаларини вақтинча рўйхатдан ўтказиш юридик шахсларни рўйхатдан ўтказиш гувоҳномасида кўрсатилган юридик манзили бўйича амалга оширилади.

13. Инспекцияда қуйидаги техникалар вақтинча рўйхатдан ўтказилмайди:

фақат конларда, шахта ва карьерларда қўлланиладиган махсус техникалар;

ички ишлар органларида рўйхатга олинган транспорт воситалари;

трамвай ва троллейбуслар;

Ўзбекистон Республикаси Мудофаа вазирлиги, Давлат хавфсизлик хизмати, Ички ишлар вазирлиги, Миллий гвардияга тегишли бўлган ҳарбий ва бошқа техникалар, шунингдек, Транспорт вазирлиги ҳамда Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси томонидан рўйхатга олинган техникалар.

14. Техникаларни вақтинча рўйхатдан ўтказишда улар Инспекция томонидан белгиланган тартибда техник кўрикдан ўтказилади.

Техник кўрикдан ўтказишда техниканинг созлиги, унинг тури, русуми, идентификацияловчи шассиси (рама) ва двигатель рақамининг рўйхатдан ўтказиш ҳужжатларида кўрсатилган маълумотларга мос келиши солиштирилади.

15. Марказ, ЯИДХП, Агропортал ва Инспекция ўртасида ахборотлар алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.

2-боб. Давлат хизматларини кўрсатиш тартиби

16. Техникаларни вақтинча рўйхатдан ўтказиш бўйича давлат хизматларини кўрсатиш мазкур Регламентга 4-иловага мувофиқ схемага асосан амалга оширилади.

17. Техника эгаси ёки унинг вакили техникани вақтинча рўйхатдан ўтказиш учун Инспекцияга ёки Марказга келиб мурожаат этганда, Инспекция ёки Марказ ходими техника эгаси номидан ушбу Регламентга 5-иловага мувофиқ шаклдаги сўровномани электрон шаклда тўлдиради.

Сўровномага техникани вақтинча рўйхатга олишга асос бўлувчи ҳужжатлар илова қилинади.

18. Техника эгаси ёки унинг вакили ЯИДХП ёки Агропортал орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирилганда фойдаланувчининг телефон рақамига юборилган хабарни тасдиқлаш орқали идентификацияланади.

19. Техника эгаси ёки унинг вакили техникаларни вақтинча рўйхатдан ўтказиш учун Марказга келиб мурожаат этганда, унинг сўровномаси Марказ ходими томонидан тўлдирилиб, техника эгаси томонидан тасдиқланганидан сўнг, реал вақт режимида Инспекцияга электрон шаклда юборилади.

ЯИДХП ёки Агропортал орқали мурожаат қилинганда эса сўровнома автоматик тарзда Инспекцияга электрон шаклда юборилади.

20. Техника эгаси ёки унинг вакилининг шахсини тасдиқловчи ҳужжатларга қуйидагилар киради:

а) жисмоний шахслар учун — жисмоний шахснинг шахсни тасдиқловчи ҳужжати:

Ўзбекистон Республикаси фуқаролари учун — паспорт ёки шахсни тасдиқловчи бошқа ҳужжатлар (ID-карта), ҳайдовчилик гувоҳномаси;

16 ёшга тўлмаган Ўзбекистон Республикаси фуқаролари учун — тугилганлик ҳақида гувоҳнома ёки шахсни тасдиқловчи бошқа ҳужжатлар;

Ўзбекистон Республикаси ҳарбий хизматчилари учун — ички ишлар органларининг рўйхатдан ўтказилганлик тўғрисидаги ёки ҳарбий қисмларнинг уй ажратиш тўғрисидаги маълумотномасини илова қилган ҳолда ҳарбий қисм ёки ҳарбий муассасалар қўмондонлиги томонидан бериладиган шахсни тасдиқловчи ҳужжат ёки ҳарбий билет (ҳарбий хизматга мажбур фуқароларнинг ҳарбий билетлари бундан мустасно);

чет эл фуқаролари учун — Ўзбекистон Республикасида яшаш гувоҳномаси ёки ички ишлар органининг доимий ёки вақтинча рўйхатдан ўтказилган жойи тўғрисидаги белгиси қўйилган чет эл фуқаросининг миллий паспорти ёхуд дипломатик паспорти ёки Ўзбекистон Республикасида аккредитациядан ўтганлигини тасдиқловчи тегишли ҳужжат;

фуқаролиги бўлмаган шахслар учун — фуқаролиги бўлмаган шахсларнинг шахсини тасдиқловчи ички ишлар органларининг доимий ёки вақтинча рўйхатдан ўтказилган жойи ҳақидаги белгиси қўйилган Ўзбекистон Республикасида яшаш гувоҳномаси;

б) жисмоний шахснинг вакили учун:

нотариус томонидан тасдиқланган жисмоний шахснинг вакили ваколатларини тасдиқловчи ишончнома ёки жисмоний шахснинг қонуний вакили ваколатларини тасдиқловчи ҳужжат;

вакил шахсини тасдиқловчи ҳужжат (мазкур банднинг «а» кичик бандида кўрсатилган ҳужжатлар);

в) юридик шахслар учун:

юридик шахснинг раҳбари томонидан имзоланган ва унинг муҳри билан тасдиқланган юридик шахс вакилининг ваколатларини тасдиқловчи ишончнома;

вакил шахсини тасдиқловчи ҳужжат (мазкур банднинг «а» кичик бандида кўрсатилган ҳужжатлар).

Шунингдек, Инспекция ходими «Электрон ҳукумат» тизимининг идоралараро интеграциялашув платформаси орқали юридик шахснинг давлат рўйхатидан ўтказилганлиги тўғрисидаги гувоҳнома нусхасини электрон шаклда олади.

21. Техникани вақтинча рўйхатга олишга асос бўлувчи ҳужжатларга қуйидагилар киради:

«вақтинчалик олиб кириш» божхона режимига жойлаштирилган божхона юк декларациясининг электрон нусхаси (Иқтисодиёт ва молия вазирлиги ҳузуридаги Божхона қўмитасининг ахборот тизимидан интеграциялашув платформаси орқали электрон шаклда олинади);

техникаларни синовдан ўтказилаётганлиги тўғрисидаги маълумот.

22. Ўзбекистон Республикаси ҳудудига олиб кирилган ва «вақтинчалик олиб кириш» божхона режимига жойлаштирилган техникаларни вақтинча рўйхатдан ўтказиш божхона юк декларациясида кўрсатилган муддатда амалга оширилади.

23. Техникаларни вақтинча рўйхатдан ўтказиш бўйича давлат хизматлари кўрсатганлик учун йиғимлар ушбу Регламентга 6-иловадаги тўлов ставкаларига мувофиқ амалга оширилади.

Давлат хизматларини кўрсатиш учун ЯИДХП ёки Агропортал орқали мурожаат этилганда, йиғим суммасининг 90 фоизи ундирилади.

Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга ушбу банддаги тўлов ставкаларининг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган тўлов ставкаларининг 75 фоизи миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно). Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

Давлат хизматлари кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

23 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентга 6-иловадаги тўлов ставкаларининг 50 фоизи ундирилади.

24. Техникаларни вақтинча рўйхатдан ўтказиш бўйича давлат хизматлари кўрсатганлик учун ундириладиган йиғимлар қуйидаги тартибда тақсимланади:

а) Марказга ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — Ягона биллинг тизими орқали давлат хизматларини кўрсатганлик учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи — ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

в) Инспекцияга ўзи келиб мурожаат этганда:

20 фоизи — Республика бюджетига;

80 фоизи — Инспекциянинг ривожлантириш жамғармасига ўтказилади;

г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади.

25. Қуйидаги ҳолатларда Инспекция томонидан техникаларни вақтинча рўйхатдан ўтказиш рад этилади:

давлат хизматлари кўрсатганлик учун йиғимга тўловлар амалга оширилмаганда;

мазкур Регламентда белгиланган тегишли ҳужжатлар техника эгаси томонидан тўлиқ тақдим этилмаганда;

хизмат муддатини ўтаб бўлганлиги ва фойдаланишга яроқсизлиги сабабли техника ҳисобдан чиқарилганда;

техника конструкциясига киритилган ўзгартиришлар техник тартибга солиш соҳасидаги норматив-ҳуқуқий ҳужжатлар талабларига, техника хавфсизлигини таъминлаш меъёрларига жавоб бермайдиган бўлса;

техника техник регламентга мувофиқ бўлмаган эҳтиёт қисмлар ва агрегатлардан тайёрланган ёки йиғилган бўлса;

техникага ишлаб чиқарувчи томонидан қўйилган идентификация тамғасини яшириш, сохталаштириш, ўзгартириш, йўқ қилиш аломатлари, тақдим этилган ҳужжатларнинг сохталаштирилиши ёки ҳужжатлар ва рўйхатга оид ҳужжатларда кўрсатиб ўтилган маълумотларнинг техника ва агрегатлар рақамларига номувофиқлиги аниқланганда;

техниканинг рақамланган агрегати қидирувда эканлиги ёки тақдим этилган ҳужжатларнинг йўқолганлиги (ўғирланганлиги) тўғрисидаги маълумотлар мавжуд бўлганда.

Мазкур банднинг еттинчи-саккизинчи хатбошиларида кўрсатилган ҳолатлар аниқланганда, Инспекция томонидан тегишли ҳуқуқни муҳофаза қилиш органларига хабар берилади.

Давлат хизматларини кўрсатишни бошқа асослар бўйича рад этиш тақиқланади.

26. Эгалик ҳуқуқи ва ҳужжатлари мавжуд бўлмаган техникалар суд қарорларига асосан доимий рўйхатга олинади.

Инспекция томонидан вақтинча рўйхатга олинган техникалар эгалик ҳуқуқини белгилаш тўғрисидаги суд қарори қабул қилингунига қадар белгиланган тартибда мажбурий йиллик техник кўрикдан ўтказиб борилади.

27. Техникаларни вақтинча рўйхатдан ўтказишни рад этилишига сабаб бўлган ҳолатлар бартараф этилганда, техника эгаси ёки унинг вакили техникаларни вақтинча рўйхатдан ўтказиш тўғрисида қайта мурожаат қилиш ҳуқуқига эга, бунда йиғимлар ундирилмайди.

3-боб. Техникаларни вақтинча рўйхатдан ўтказишни расмийлаштириш ҳамда уларга техник паспорт, техник гувоҳнома ва давлат рақам белгилари бериш тартиби

28. Инспекция ходими техника эгаси ёки унинг вакили томонидан тақдим этилган ҳужжатларни кўриб чиқиб, техниканинг тури, русуми, идентификацияловчи шассиси (рама) ва двигатель рақамининг рўйхатдан ўтказиш ҳужжатларида кўрсатилган маълумотларга мос келишини кўрикдан ўтказиб солиштиргандан кейин техникаларни вақтинча рўйхатдан ўтказади ёки ўтказишни рад этади.

29. Техникаларни вақтинча рўйхатдан ўтказиш 2 иш кунида кўриб чиқилади. Техникага тегишли ҳужжатлар тўлиқ тақдим этилганда, Инспекция техника эгаси ёки унинг вакилини техникани техник кўрикдан ўтказиш учун тақдим этиши ҳақида ахборот-коммуникация тизими орқали хабардор қилади.

Инспекциянинг техника ҳолатини назорат қилиш инспектори 2 иш кунида техника бўйича маълумотларни сўровномада қайд этилган маълумотларга мувофиқлигини кўздан кечириб, техникани техник кўрикдан ўтказади. Бунда техника эгаси ёки унинг вакили Инспекцияга техникани техник кўрикдан ўтказиш учун тақдим этади.

Шунингдек, техникаларни вақтинча рўйхатдан ўтказишда қўшимча маълумот олиш талаб этилганда, ушбу масалалар бўйича келиб тушган аризалар 10 иш кунида кўриб чиқилади.

30. Техникалар техник кўрикдан ўтказилиб, ҳужжатлар аслига мувофиқ ва тўлиқ бўлганда, вақтинча рўйхатдан ўтказилади. Бунда Инспекциянинг техникаларни рўйхатдан ўтказиш китобига ва тегишли ахборот тизимига техниканинг идентификацияловчи шассиси (рама), двигатель рақамлари ва бошқа техник параметрлари ҳамда техника эгаси ва унинг яшаш (турар) жойи ёки жойлашган манзили (почта манзили) тўғрисидаги маълумотлар киритилади.

31. Техникаларни вақтинча рўйхатдан ўтказилганлиги тўғрисидаги вақтинча техник паспорт, вақтинча техник гувоҳнома ва ДРБ Инспекциянинг техника ҳолатини назорат қилиш инспектори томонидан техника эгаси ёки унинг вакилига унинг шахсини тасдиқловчи ҳужжатлар асосида техникаларни рўйхатдан ўтказиш китобига уни олганлиги тўғрисида имзо қўйилиб топширилади.

32. Вақтинча рўйхатдан ўтказилган техникаларнинг орқа қисмига жойлаштириш учун мазкур Регламентга 3-иловага мувофиқ намунада тайёрланган ДРБ берилади.

ДРБ ундаги рақамларнинг ўсиб бориш тартибига мувофиқ равишда берилади:

юридик шахсларга — I ва III типли ДРБ;

жисмоний шахсларга — II ва IV типли ДРБ.

33. Техника эгаси берилган ДРБдан мақсадли фойдаланиши шарт.

34. Техникаларни вақтинча рўйхатдан ўтказиш 2 иш кунида кўриб чиқилади. Бунда Инспекциянинг техника ҳолатини назорат қилиш инспектори томонидан техникага оид ҳужжатлар тўлиқ тақдим этилганлиги кўриб чиқилади ва техникадаги маълумотлар сўровномада қайд этилган маълумотларга мувофиқлиги кўздан кечирилиб, техник кўрикдан ўтказилади.

Тақдим этилган ҳужжатлар (маълумотлар) техникага мос бўлганда, Инспекция техникани рўйхатга олиш ахборот тизими маълумотлари асосида техника эгаси ёки унинг вакилига унинг шахсини тасдиқловчи ҳужжатнинг аслига асосан техникани вақтинча рўйхатдан ўтказилганлиги тўғрисидаги вақтинча техник паспорт ёки техник гувоҳномани беради.

4-боб. Якунловчи қоидалар

35. Техникаларни вақтинча рўйхатга олиш учун ҳаракатларни амалга оширишда асос бўладиган ҳужжатлар уч йил, техникаларни рўйхатга олиш китоби Инспекцияда йигирма беш йил сақланади ва ушбу муддат ўтгандан кейин белгиланган тартибда давлат архивига топширилади.

36. Инспекцияга ҳужжатлар тақдим қилинганда ёки электрон шаклда мурожаат қилинганда, уларни ўрганиш ёки техник кўрик жараёнларида асли билан таққосланиши шарт.

37. Инспекция, Марказ ва давлат хизматларини кўрсатишда иштирок этувчи бошқа ташкилотлар давлат хизматларини кўрсатиш бўйича олинган маълумотларнинг сир сақланишини таъминлайди.

38. Инспекция, Марказ ва давлат хизматларини кўрсатишда иштирок этувчи бошқа ташкилотлар манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.

39. Техника эгаси ёки унинг вакили давлат хизматларини кўрсатувчи ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

40. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 1-ИЛОВА

Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга бериладиган вақтинча техник паспортнинг

Вақтинча техник паспортнинг

ТАСНИФИ

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK PASPORT» халқаро стандартлар асосида 54х86 мм ўлчамдаги пластикдан тайёрланади. Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK PASPORT»нинг ранги — очиқ сариқ пушти. Лотин ёзувидаги давлат тилидан фойдаланилади. Серияли рақами — тўрт ҳарфли (UZ-TP), рақами — олтита рақамли.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK PASPORT»да жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) ва қурилмалар ўртасида бевосита алоқасиз ахборот айирбошлаш имконини берувчи электрон белги (NFC смарт-карт) бўлади.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK PASPORT»нинг пластик шакли қуйидаги ҳимоя воситаларига эга:

микроматн — «VAQTINCНALIK TEXNIK PASPORT», «Временный технический паспорт», «Тemporary technical passport» ўлчами — максимум 30 микрон;

ультрабинафша қоплама;

«UZ» ёзуви, эгилганда бир рангдан бошқа рангга товланадиган оптик турланадиган бўёқ;

гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;

гувоҳнома пластик шаклининг серияли рақамини лазер ўйма нақши.

Вақтинча техник паспортнинг олд томонида «VAQTINCНALIK TEXNIK PASPORT», «Временный технический паспорт», «Interim tеchnical passport» сўзлари ёзилган, шунингдек, Ўзбекистон Республикаси Давлат байроғининг тасвири туширилган, «Ўзбекистон» сўзлари давлат тилида, рус ва инглиз тилларида ёзилган. Техниканинг давлат рақами белгиси, маркаси, модели, ранги, эгаси тўғрисидаги маълумотлар (фамилияси, исми, отасининг исми ёки ташкилотнинг номи, манзили), техник паспорт берилган сана, Инспекциянинг тегишли бўлими:

жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) мажбурий тартибда кўрсатилади.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK PASPORT»нинг орқа томонида техника тўғрисидаги маълумотлар, ишлаб чиқарилган йил, тури, кузов/шасси рақами, тўла вазни, юксиз вазни, двигателининг тоифаси ва қуввати, ёнилғи тури, алоҳида белгилар мажбурий тартибда кўрсатилади.

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 2-ИЛОВА

Қишлоқ хўжалиги, мелиорация ва йўл-қурилиши ҳамда бошқа мақсадларга мўлжалланган агрегат, машина, механизм ва ускуналарга бериладиган вақтинча техник гувоҳноманинг

Вақтинча техник гувоҳноманинг

ТАСНИФИ

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA» халқаро стандартлар асосида 54х86 мм ўлчамдаги пластикдан тайёрланади. Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA»нинг ранги — кулранг пушти. Лотин ёзувидаги давлат тилидан фойдаланилади. Серияли рақами — тўрт ҳарфли (UZ-VTG), рақами — олтита рақамли.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA»да жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) ва қурилмалар ўртасида бевосита алоқасиз ахборот айирбошлаш имконини берувчи электрон белги (NFC смарт-карт) бўлади.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA»нинг пластик шакли қуйидаги ҳимоя воситаларига эга:

микроматн — «VAQTINCНALIK TEXNIK GUVOНNOMA», «Временный техническое свидетельство», «Interim technical certificate» ўлчами — максимум 30 микрон;

ультрабинафша қоплама;

«UZ» ёзувли, эгилганда бир рангдан бошқа рангга товланадиган оптик турланадиган бўёқ;

гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;

гувоҳнома пластик шаклининг серияли рақамини лазер ўйма нақши.

Вақтинча техник гувоҳноманинг олд томонида «VAQTINCНALIK TEXNIK GUVOНNOMA», «Временный техническое свидетельство», «Interim technical certificate» сўзлари ёзилган, шунингдек, Ўзбекистон Республикаси Давлат байроғининг тасвири туширилган, «Ўзбекистон» сўзлари давлат тилида, рус ва инглиз тилларида ёзилган. Техниканинг номи, маркаси, модели, ранги, эгаси тўғрисидаги маълумотлар (фамилияси, исми, отасининг исми ёки ташкилотнинг номи, манзили), вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA» берилган сана, Инспекциянинг тегишли бўлими, жисмоний шахс учун — шахсий идентификация рақами (ЖШШИР), юридик шахс учун — солиқ тўловчининг идентификация рақами (СТИР) мажбурий тартибда кўрсатилади.

Техникани вақтинча рўйхатдан ўтказилганлиги тўғрисидаги «VAQTINCНALIK TEXNIK GUVOНNOMA»нинг орқа томонида техника тўғрисидаги маълумотлар, ишлаб чиқарилган йил, тури, агрегат рақами, тўла вазни, юксиз вазни, вазифаси, алоҳида белгилар мажбурий тартибда кўрсатилади.

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 3-ИЛОВА

Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарнинг давлат рақами белгилари

I тип — юридик шахсларнинг тракторлари, йўл-қурилиш ва мелиорация техникалари, ўзиюрар машиналарга бериладиган давлат рақами белгилари кабинанинг орқа қисмига маҳкамланади.

Давлат рақами белгисининг фони оқ рангда, четки қисми, рақам ва ҳарфлари қора рангда. Чап қисмида рўйхатга олиш сонлари билан баравар қилиб тракторнинг шартли расми, қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

II тип — жисмоний шахсларнинг тракторлари, йўл-қурилиш ва мелиорация техникалари, ўзиюрар машиналарга бериладиган давлат рақами белгилари кабинанинг орқа қисмига маҳкамланади.

Давлат рақами белгисининг фони сариқ рангда, четки қисми, рақам ва ҳарфлари қора рангда. Чап қисмида рўйхатга олиш сонлари билан баравар қилиб тракторнинг шартли расми, қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

III тип — юридик шахсларнинг трактор тиркамаларига бериладиган давлат рақами белгилари тиркаманинг орқа қисмига маҳкамланади.

Давлат рақами белгисининг фони оқ рангда, четки қисми, рақам ва ҳарфлари қора рангда. Қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

IV тип — жисмоний шахсларнинг трактор тиркамаларига бериладиган давлат рақами белгилари тиркаманинг орқа қисмига маҳкамланади.

Давлат рақами белгисининг фони сариқ рангда, четки қисми, рақам ва ҳарфлари қора рангда. Қуйида чап томонда фарқловчи ҳарфлар гуруҳлари ва ўнг томонда ҳудуднинг коди * , Ўзбекистон Республикасининг байроғи ва UZ ҳарфлари тасвирланган.

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 4-ИЛОВА

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Техника эгаси ёки унинг вакили (жисмоний ёки юридик шахслар) 1. Техниканинг эгаси ёки унинг вакили давлат хизматларидан фойдаланиш учун Агросаноат мажмуи устидан назорат қилиш инспекциясига (кейинги ўринларда — Инспекция) ёки давлат хизматлари марказига (кейинги ўринларда — Марказ) ўзи келиб, шунингдек, давлат хизматларидан электрон фойдаланиш учун ягона интерактив давлат хизматлари порталида (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал) рўйхатдан ўтади. 1. Хоҳишига кўра 2. Инспекция, Марказ ёки ЯИДХП ёки Агропортал томонидан кўрсатиладиган давлат хизматлари учун йиғимни амалга оширади. 2. Мурожаат қилганда 2-босқич 1. Марказ Сўровномани Инспекцияга юборади 1. 30 дақиқа мобайнида 2. ЯИДХП 3. Агропортал 2. Автоматик тарзда 3-босқич Инспекция 1. Сўровнома ва тақдим этилган ҳужжатларни кўриб чиқиб, техникаларни техник кўрикдан ўтказгандан сўнг техникаларни давлат рўйхатидан ёки қайта рўйхатдан ўтказади ёхуд ўтказишни рад этиш тўғрисида қарор қабул қилади. 1. 2 иш кунидан кечиктирмасдан 2. Қабул қилинган қарорни электрон шаклда Марказга ёки ЯИДХП ёки Агропортал орқали техника эгасига юборади. 2. Қарор қабул қилингандан сўнг 2 иш кунида 4-босқич Инспекция 1. Техникани вақтинча рўйхатдан ўтказилганлиги тўғрисидаги маълумотларнинг ўзининг ахборот тизимига киритади. 2. Техника эгаси ёки унинг вакилига вақтинча рўйхатдан ўтказилганлиги тўғрисидаги вақтинча техник паспорт ҳамда давлат рақам белгиси ёки техник гувоҳномани беради. 2 иш кунида

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 5-ИЛОВА

__________________ (сана) ________________ (рақам) Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш давлат хизматларини кўрсатиш бўйича СЎРОВНОМА I. Техника эгаси — юридик шахс тўғрисида маълумот: 1. Ташкилот номи 2. Юридик манзили 3. СТИР рақами 4. Телефон рақами Юридик шахс вакили: 1. Ф.И.О. 2. Жисмоний шахснинг шахсий идентификация рақами: II. Техника эгаси — жисмоний шахс тўғрисида маълумот: 1. Ф.И.О. 2. Жисмоний шахснинг шахсий идентификация рақами 3. Манзили 4. Телефон рақами III. Техника тўғрисида маълумот: 1. Номи 2. Русуми/модели 3. Ишлаб чиқарилган йили 4. Двигатель рақами 5. Завод рақами 6. Кузов/шасси рақами 7. Техник паспорт ёки техник гувоҳнома серияси ва рақами 8. Давлат рақами белгиси IV. Сўровномага техникани вақтинча рўйхатга олиш учун асос бўлувчи ҳужжатлар илова қилинади. Тасдиқлайман:

Қишлоқ хўжалиги, мелиорация ва йўл-қурилиш техникаларини вақтинча рўйхатдан ўтказиш бўйича давлат хизматларини кўрсатишнинг маъмурий регламентига 6-ИЛОВА

Техникаларни вақтинча рўйхатдан ўтказишда, шунингдек, техникаларга давлат рақами белгилари, вақтинча техник паспорт ва техник гувоҳномани беришда ундириладиган

I. Вақтинча рўйхатдан ўтказилган қишлоқ хўжалиги, мелиорация ва йўл-қурилиш техникаларига давлат рақами белгиларини бериш учун

1. Қишлоқ хўжалиги, мелиорация ва йўл-қурилиш техникаларига давлат рақами белгиларини (кейинги ўринларда — ДРБ) бериш учун базавий ҳисоблаш миқдорининг 90 фоизи миқдорида

II. Техникаларни вақтинча рўйхатдан ўтказиш учун

2. Техник паспорт бериладиган қишлоқ хўжалиги, мелиорация ва йўл-қурилиш техникалари ҳамда ўзиюрар машиналарни вақтинча рўйхатдан ўтказиш учун базавий ҳисоблаш миқдорининг 20 фоизи миқдорида 3. Техник гувоҳнома бериладиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарини вақтинча рўйхатдан ўтказиш учун базавий ҳисоблаш миқдорининг 18 фоизи миқдорида

III. Вақтинча рўйхатдан ўтказилган қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга вақтинча техник паспорт бериш учун

4. Қишлоқ хўжалиги, мелиорация ва йўл-қурилиш техникалари ҳамда ўзиюрар машиналарга вақтинча техник паспорт бериш учун базавий ҳисоблаш миқдорининг 50 фоизи миқдорида

IV. Техник паспорт берилмайдиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарига вақтинча техник гувоҳнома бериш учун

5. Техник паспорт берилмайдиган қишлоқ хўжалиги, мелиорация ва йўл-қурилиш машиналари, агрегатлари ва асбоб-ускуналарига вақтинча техник гувоҳнома бериш учун базавий ҳисоблаш миқдорининг 30 фоизи миқдорида

V. Техникани вақтинча рўйхатдан ўтказишда техник кўрикдан ўтказиш учун

6. 100 от кучи ва ундан юқори қувватга эга ғилдиракли тракторлар, мелиорация ва йўл-қурилиш техникалари, ўзиюрар машиналар ҳамда занжирли ва ярим занжирли тракторлар учун базавий ҳисоблаш миқдорининг 30 фоизи миқдорида 7. 100 от кучигача қувватга эга ғилдиракли тракторлар, трактор тиркамалари, мелиорация ва йўл-қурилиш техникалари ҳамда ўзиюрар машиналар, осма ва ярим осма, занжирли, ярим занжирли ва йиғма машиналар учун базавий ҳисоблаш миқдорининг 20 фоизи миқдорида 8. Қишлоқ хўжалиги, мелиорация ва йўл-қурилиш машиналари ҳамда агрегатлар учун базавий ҳисоблаш миқдорининг 15 фоизи миқдорида 9. Йўл-қурилиш, мелиорация ва бошқа мақсадларга мўлжалланган юк ортувчи, пахта, дон ва уруғларни қайта ишлашга мўлжалланган машиналар, шунингдек, чорвачилик, паррандачилик ва ем-хашак ишлаб чиқариш машиналари ва ускуналари, кичик механизация мосламалари учун базавий ҳисоблаш миқдорининг 15 фоизи миқдорида 10. Машина-трактор парклари, таъмирлаш устахоналари, сервис пунктлари ва бошқалардаги ҳар бир станок, асбоб-ускуна ва жиҳозлар учун базавий ҳисоблаш миқдорининг 15 фоизи миқдорида 11. Сув насослари учун базавий ҳисоблаш миқдорининг 20 фоизи миқдорида

Вазирлар Маҳкамасининг 2023 йил 29 апрелдаги 170-сон қарорига 3-ИЛОВА

Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатишнинг

1-боб. Умумий қоидалар

1. Мазкур Регламент жисмоний ва юридик шахсларга (кейинги ўринларда — техника эгаси) қишлоқ хўжалиги, мелиорация ва йўл-қурилиш техникаларини (кейинги ўринларда — техника) ҳисобдан чиқариш бўйича давлат хизматларини кўрсатиш тартибини белгилайди.

2. Ташкилий шаклидан қатъи назар техникаларни ҳисобдан чиқариш Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Инспекция) томонидан мазкур Регламентга мувофиқ амалга оширилади.

3. Ушбу Регламентда қуйидаги асосий тушунчалардан фойдаланилади:

техника эгаси — техника воситасига мулк ҳуқуқи ёки бошқа ашёвий ҳуқуқлар асосида эгалик қилувчи юридик ёки жисмоний шахс;

техникаларни ҳисобдан чиқариш — техникаларни кейинги фойдаланишга яроқсиз деб ҳисобланганда давлат рўйхатидан чиқариш;

қишлоқ хўжалиги, мелиорация ва йўл-қурилиш техникалари — идоравий бўйсунуви ва ташкилий-ҳуқуқий шаклидан қатъи назар қишлоқ ва ўрмон хўжалигига мўлжалланган барча турдаги тракторлар (ғилдиракли, занжирли ва ярим занжирли), ўзиюрар машиналар (ўзиюрар қишлоқ хўжалиги машиналари, ўзиюрар мелиоратив ҳамда йўл-қурилиш техникалари), трактор тиркамалари, қишлоқ хўжалиги, йўл-қурилиш, мелиоратив ва бошқа мақсадларга мўлжалланган тупроққа ва экинларга ишлов берувчи, юк ортувчи, дон ва уруғни қайта ишлашга мўлжалланган машиналар, чорвачилик, паррандачилик ва ем-хашак ишлаб чиқариш машина ва технологик ускуналари, сув насослари, кичик механизация мосламалари.

4. Техникаларни ҳисобдан чиқариш бўйича давлат хизматлари Инспекция, давлат хизматлари маркази (кейинги ўринларда — Марказ) ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали техника эгаси ёки унинг вакилини сўровномасига асосан амалга оширилади.

5. Техниканинг тузилмаси техник тартибга солиш соҳасидаги норматив-ҳуқуқий ҳужжатлар, Вазирлар Маҳкамасининг 2016 йил 18 мартдаги 80-сон қарори билан тасдиқланган Қишлоқ хўжалиги техникалари конструкциясининг хавфсизлиги тўғрисидаги умумий техник регламенти (кейинги ўринларда — Техник регламент), шунингдек, техника хавфсизлигини таъминлаш соҳасидаги меъёрий ҳужжатлар талабларига мос келиши лозим.

6. Техникаларни ҳисобдан чиқариш ишлари тўлов олдиндан амалга оширилгандан сўнг бажарилади.

7. Техникани ҳисобдан чиқариш қуйидаги ҳолларда амалга оширилади:

божхона юк декларациясига асосан техникалар Ўзбекистон Республикаси ҳудудидан товар сифатида чет элга чиқарилганда;

техникалар кейинги фойдаланиш учун яроқсиз ҳолатга келганда.

8. Техникаларни ҳисобдан чиқариш учун Инспекция томонидан белгиланган тартибда техник кўрик ўтказилади.

Техник кўрикни ўтказиш учун техниканинг типи, русуми, модели, давлат рақами белгиси (кейинги ўринларда — ДРБ), идентификацияловчи шассиси (рама), кузови ва двигатель рақамининг рўйхатдан ўтказиш ҳужжатларида кўрсатилган маълумотларга тўғри келиши солиштирилади.

2-боб. Давлат хизматларини кўрсатиш тартиби

9. Техникаларни ҳисобдан чиқариш бўйича давлат хизматларини кўрсатиш мазкур Регламентга 1-иловага мувофиқ схемага асосан амалга оширилади.

10. Техника эгаси ёки унинг вакили техникани ҳисобдан чиқариш учун Инспекцияга ёки Марказга келиб мурожаат этганда, Инспекция ёки Марказ ходими техника эгаси номидан ушбу Регламентга 2-иловага мувофиқ шаклдаги сўровномани электрон шаклда тўлдиради.

Сўровномага қуйидаги ҳужжатлар илова қилинади:

божхона юк декларацияси;

техникани кейинги фойдалананишга яроқсиз деб топиш ва уни ҳисобдан чиқаришда:

юридик шахслар учун — қарор, буйруқ, баённома ва тегишли далолатнома;

жисмоний шахслар учун — ариза (эр ва хотиннинг розилиги асосида), шунингдек, белгиланган тартибда тузилган далолатнома.

11. Техника эгаси ёки унинг вакили ЯИДХП ёки Агропортал орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирилганда фойдаланувчининг телефон рақамига юборилган хабарни тасдиқлаш орқали идентификацияланади.

12. Техника эгаси ёки унинг вакили техникаларни ҳисобдан чиқариш учун Марказга келиб мурожаат этганда, унинг сўровномаси Марказ ходими томонидан тўлдирилиб, техника эгаси томонидан тасдиқланганидан сўнг реал вақт режимида Инспекцияга электрон шаклда юборилади.

ЯИДХП ёки Агропортал орқали мурожаат қилинганда эса сўровнома автоматик тарзда Инспекцияга электрон шаклда юборилади.

Кейинги фойдаланишга яроқсиз деб ҳисобланган техника ҳисобдан чиқарилганда, техникани давлат рўйхатидан ўтказилганлиги тўғрисидаги техник паспорт ва ДРБ ёки техник гувоҳнома олиб қўйилади.

13. Юридик шахслардан техникани ҳисобдан чиқариш учун базавий ҳисоблаш миқдорининг 40 фоизи миқдорида йигим ундирилади.

Жисмоний шахслардан техникани ҳисобдан чиқариш учун йигим ундирилмайди.

Давлат хизматларини кўрсатиш учун ЯИДХП ёки Агропортал орқали мурожаат этилганда, йиғим суммасининг 90 фоизи ундирилади.

Давлат хизматлари кўрсатганлик учун йигим тўланганлигини тасдиқлаш ахборот-коммуникация тизимлари орқали амалга оширилади.

14. Техникаларни ҳисобдан чиқариш бўйича ундириладиган йиғимлар қуйидаги тартибда тақсимланади:

а) Марказга ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — Ягона биллинг тизими орқали давлат хизматларини кўрсатганлик учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи — ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

в) Инспекцияга ўзи келиб мурожаат этганда:

20 фоизи — Республика бюджетига;

80 фоизи — Инспекциянинг ривожлантириш жамғармасига ўтказилади;

г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади.

15. Инспекция томонидан қуйидаги ҳолларда техникаларни ҳисобдан чиқариш рад этилади:

мазкур Регламентда белгиланган ҳужжатлар техника эгаси томонидан тўлиқ тақдим этилмаганда;

техникага ишлаб чиқарувчи томонидан қўйилган идентификация тамғасини яшириш, сохталаштириш, ўзгартириш, йўқ қилиш аломатлари, тақдим этилган ҳужжатларнинг сохталаштирилиши ёки ҳужжатлар ва рўйхатга оид ҳужжатларда кўрсатиб ўтилган маълумотларнинг техника ва агрегатлар рақамларига номувофиқлиги аниқланганда;

техниканинг рақамланган агрегати қидирувда эканлиги ёки тақдим этилган ҳужжатларнинг йўқолганлиги (ўғирланганлиги) тўғрисидаги маълумотлар мавжуд бўлганда;

қонунчилик ҳужжатларига мувофиқ техникани тасарруф этишга тақиқ ёки хатлаб қўйилганда;

ҳуқуқни муҳофаза қилувчи органлар томонидан жиноят ишида техника ашёвий далил сифатида эътироф этилганда;

васийлик ва ҳомийлик органининг ёки вояга етмаган ёхуд муомалага лаёқатсиз техника эгасининг қонуний вакиллари рухсати бўлмаганда;

лизингга берувчининг розилиги мавжуд бўлмаганда (лизингга тақдим этилган техникалар учун);

давлат хизматлари кўрсатганлик учун йиғимга тўловлар амалга оширилмаган бўлса;

техниканинг эгалик ҳуқуқи ва ҳужжатлари ёки рўйхатдан ўтказиш маълумотлари мавжуд бўлмаганда.

Мазкур банднинг тўртинчи ва олтинчи хатбошиларида кўрсатилган ҳолатлар аниқланганда, Инспекция томонидан тегишли ҳуқуқни муҳофаза қилиш органларига хабар берилади.

Давлат хизматлари кўрсатишни бошқа асослар билан рад этиш тақиқланади.

16. Техникани ҳисобдан чиқаришни рад этилишига сабаб бўлган ҳолатлар бартараф этилганда, техника эгаси ёки унинг вакили техникани ҳисобдан чиқариш тўғрисида қайта мурожаат қилиш ҳуқуқига эга, бунда йиғимлар ундирилмайди.

17. Техникани ҳисобдан чиқариш учун техника эгаси ёки унинг вакили Инспекцияга техник паспорт (техник гувоҳнома) ва давлат рақами белгисини топширади.

18. Инспекция 2 иш кунида мазкур Регламентнинг 10 ва 17-бандлари бўйича техника эгаси ёки унинг вакили томонидан тақдим этилган ҳужжатларни кўриб чиқади ва техника бўйича маълумотларни техниканинг тури, русуми, ДРБ, идентификацияловчи шассиси (рама) ва двигатель рақамининг рўйхатдан ўтказиш ҳужжатларида қайд этилган маълумотларга мувофиқлигини кўздан кечириб, ундан кейин техникани ҳисобдан чиқаради ёки чиқаришни рад этади. Бунда техника эгаси ёки унинг вакили Инспекцияга техникани техник кўрикдан ўтказиш учун тақдим этади.

Шунингдек, техникани ҳисобдан чиқариш учун қўшимча маълумот олиш талаб этилганда, ушбу масалалар бўйича келиб тушган аризалар 10 иш кунида кўриб чиқилади.

19. Техника техник кўрикдан ўтказилиб, ҳужжатлар аслига мувофиқ ва тўлиқ бўлганда, техника ҳисобдан чиқарилади, бунда Инспекциянинг техникаларни рўйхатдан ўтказиш китобига ва тегишли ахборот тизимига техникани ҳисобдан чиқариш рақами ва санаси қайд қилинади.

20. Мазкур Регламентнинг 3-иловасига мувофиқ Техника ҳисобдан чиқарилганлиги тўғрисида маълумотномани Инспекциянинг масъул ходими электрон рақамли имзо билан тасдиқлаган ҳолда Марказга юборади ёки техника эгаси ёки унинг вакили ЯИДХП ёки Агропортал орқали мурожаат қилганда, электрон шаклда унга юборади.

Инспекциянинг масъул ходими техника эгаси ёки унинг вакилининг хоҳишига кўра маълумотномани техника ҳисобдан чиқарилган вақтнинг ўзида унга тақдим этади.

Марказ маълумотнома келиб тушгандан сўнг 10 дақиқа мобайнида уни техника эгаси ёки унинг вакилининг электрон почта манзилига юборади ёхуд техника эгаси ёки унинг вакилини бу ҳақда ахборот-коммуникация тизими орқали хабардор қилади. Марказга техника эгаси ёки унинг вакилининг ўзи келиб мурожаат қилганда, Марказ техника эгаси ёки унинг вакилининг сўровига кўра, маълумотномани техника эгаси ёки унинг вакилига электрон шаклда ёки қоғоз шаклда беради.

21. Ҳисобдан чиқарилиши лозим бўлган техниканинг техник паспорти ёки техник гувоҳномаси ёхуд ДРБ йўқолганда, уларни Инспекциянинг ахборот тизимида мавжудлиги текширилади ва белгиланган тартибда йигим ундирилгандан сўнг, техникани рўйхатга олиш китобига техниканинг техник паспорти ёки техник гувоҳномаси ёхуд ДРБ йўқолганлиги тўғрисидаги тегишли ёзув киритилади.

Зарур ҳолларда, техника эгасига белгиланган тартибда ҳисобдан чиқарилган техниканинг агрегат рақамлари тўғрисидаги тегишли маълумотнома берилади.

3-боб. Якунловчи қоидалар

22. Инспекцияда техникаларни ҳисобдан чиқариш ҳаракатларини амалга ошириш учун асос бўладиган ҳужжатлар уч йил сақланади ва ушбу муддат ўтгандан кейин белгиланган тартибда давлат архивига топширилади.

23. Инспекцияга ҳужжатлар тақдим қилинганда ёки электрон шаклда мурожаат қилинганда, уларни ўрганиш ёки техник кўрик жараёнларида асли билан таққосланиши шарт.

24. Инспекция, Марказ ва давлат хизматларини кўрсатишда иштирок этувчи бошқа ташкилотлар давлат хизматларини кўрсатиш бўйича олинган маълумотларнинг сир сақланишини таъминлайди.

25. Инспекция, Марказ ва давлат хизматларини кўрсатишда иштирок этувчи бошқа ташкилотлар манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.

26. Техника эгаси ёки унинг вакили давлат хизматларини кўрсатувчи ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

27. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатишнинг маъмурий регламентига 1-ИЛОВА

Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Техника эгаси ёки унинг вакили (жисмоний ёки юридик шахслар) 1. Техниканинг эгаси ёки унинг вакили давлат хизматларидан фойдаланиш учун Агросаноат мажмуи устидан назорат қилиш инспекциясига (кейинги ўринларда — Инспекция) ёки давлат хизматлари марказига (кейинги ўринларда — Марказ) ўзи келиб, шунингдек, давлат хизматларидан электрон фойдаланиш учун ягона интерактив давлат хизматлари порталида (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал) рўйхатдан ўтади. 1. Хоҳишига кўра 2. Инспекция, Марказ ёки ЯИДХП ёки Агропортал томонидан кўрсатиладиган давлат хизматлари учун йиғимни амалга оширади. 2. Мурожаат қилганда 2-босқич 1. Марказ Сўровномани Инспекцияга юборади. 1. 10 дақиқа мобайнида 2. ЯИДХП 3. Агропортал 2. Автоматик тарзда 3-босқич Инспекция 1. Сўровнома ва тақдим этилган ҳужжатларни кўриб чиқиб, техникаларни техник кўрикдан ўтказгандан сўнг техникаларни ҳисобдан чиқаради ёки ҳисобдан чиқаришни рад этиш тўғрисида қарор қабул қилади. 1. 2 иш кунидан кечиктирмасдан 2. Қабул қилинган қарорни электрон шаклда Марказга ёки ЯИДХП ёки Агропортал орқали техника эгасига юборади. 2. Қарор қабул қилингандан сўнг 2 иш кунида 4-босқич Инспекция 1. Техникаларни ҳисобдан чиқарилганлиги тўғрисидаги маълумотларни ўзининг ахборот тизимига киритади. 2. Техникани ҳисобдан чиқарилганлиги тўғрисидаги маълумотномани техника эгаси ёки унинг вакилининг шахсан ўзига, шунингдек, электрон шаклда Марказга ёки ЯИДХП ёки Агропортал орқали (Инспекцияга мурожаат этганда техника эгасига) юборади. 2 иш кунида

Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатишнинг маъмурий регламентига 2-ИЛОВА

__________________ (сана) _______________ (рақам) Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатиш юзасидан СЎРОВНОМА I. Техника эгаси — юридик шахс тўғрисида маълумот: 1. Ташкилот номи 2. Юридик манзили 3. СТИР рақами 4. Телефон рақами Юридик шахс вакили: 1. Ф.И.О. 2. Жисмоний шахснинг шахсий идентификация рақами II. Техника эгаси — жисмоний шахс тўғрисида маълумот: 1. Ф.И.О. 2. Жисмоний шахснинг шахсий идентификация рақами 3. Манзили 4. Телефон рақами III. Техника тўғрисида маълумот: 1. Номи 2. Русуми/модели 3. Ишлаб чиқарилган йили 4. Двигатель рақами 5. Завод рақами 6. Кузов/шасси рақами 7. Техник паспорт ёки техник гувоҳнома серияси ва рақами 8. Давлат рақами белгиси IV. Сўровномага қуйидаги ҳужжатлар илова қилинади: божхона юк декларацияси; техникани кейинги фойдаланишга яроқсиз деб топиш ва уни ҳисобдан чиқариш учун: юридик шахслар учун — қарор, буйруқ, баённома ва тегишли далолатнома; жисмоний шахслар учун — ариза (эр ва хотиннинг розилиги асосида), белгиланган тартибда тузилган далолатнома Тасдиқлайман:

Қишлоқ хўжалиги, мелиорация ва йўл-қурилиш техникаларини ҳисобдан чиқариш бўйича давлат хизматларини кўрсатишнинг маъмурий регламентига 3-ИЛОВА

__________________ (сана) ________________ (рақам) Қишлоқ хўжалиги, мелиорация ва йўл-қурилиш техникаларини ҳисобдан чиқарилганлиги тўғрисида МАЪЛУМОТНОМА I. Инспекциянинг марказий аппарати, ҳудудий бошқармаси ёки туман (Қувасой шаҳар) бўлими: II. Техника эгаси тўғрисида маълумот: 1. Техника эгаси — жисмоний шахснинг ЖШШИР рақами 2. Техника эгаси — юридик шахснинг СТИРи 3. Техника эгасининг Ф.И.О ёки номи 4. Манзили 5. Мобил телефон рақами III. Ҳисобдан чиқариладиган т ехника тўғрисида маълумот: 1. Номи 2. Русуми 3. Завод рақами 4. Двигатель рақами 5. Двигатель қуввати 6. Ишлаб чиқарилган йили 7. Техник паспорт ёки техник гувоҳнома серияси ва рақами 8. Рўйхатга қўйилган сана 9. Давлат рақами белгиси IV. Техникани ҳисобдан чиқариш учун асос бўлувчи ҳужжат: 1. Санаси (кун, ой, йил) 2. Рўйхатга олинган сон 3. Қайси ташкилот томонидан берилган V. Инспекция и нспектори тўғрисида маълумот : 1. Ф.И.О. 2. Мобил телефон рақами VI. Қўшимча маълумотлар :

Вазирлар Маҳкамасининг 2023 йил 29 апрелдаги 170-сон қарорига 5-ИЛОВА

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг

1-боб. Умумий қоидалар

1. Мазкур Регламент жисмоний ва юридик шахсларнинг (кейинги ўринларда — техника эгаси) қишлоқ хўжалиги, мелиорация ва йўл-қурилиш техникалари ҳамда сервис ва таъмирлаш жиҳозлари ва бошқа ускуналарини (кейинги ўринларда — техника) мажбурий йиллик техник кўрикдан (кейинги ўринларда — техник кўрик) ўтказиш тартибини белгилайди.

2. Техникаларни техник кўрикдан ўтказиш Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Инспекция) ҳамда юридик шахслар (кейинги ўринларда — тадбиркорлик субъектлари) томонидан мазкур Регламентга мувофиқ амалга оширилади.

Техникаларнинг техник ҳолатини аниқлаш учун Инспекция томонидан вазирликлар, идоралар ва бошқа ташкилотларнинг техника базалари, шунингдек, хусусий техник хизмат кўрсатиш станциялари шартнома асосида жалб этилиши мумкин.

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш тадбиркорлик субъектлари томонидан ҳам амалга оширилади.

3. Ушбу Регламентда қуйидаги асосий тушунчалар қўлланилади:

махсус майдонча — техникаларни техник кўрикдан ўтказиш, зарур ҳолатларда тегишли ўлчов асбоб-ускуналаридан фойдаланиш имкониятига эга бўлган майдон;

техника эгаси — техника воситасига мулк ҳуқуқи ёки бошқа ашёвий ҳуқуқлар асосида эгалик қилувчи юридик ёки жисмоний шахс;

техник гувоҳнома — техник паспорт берилмайдиган қишлоқ хўжалиги, мелиорация ва йўл-қурилиши ҳамда бошқа мақсадларга мўлжалланган агрегат, машина, механизм ва ускуналарга бериладиган махсус ҳимояланган ҳужжат;

техник паспорт — қишлоқ хўжалиги, мелиорация ва йўл-қурилиш техникалари, тракторлар, трактор тиркамалари ва ўзиюрар машиналарга бериладиган махсус ҳимояланган ҳужжат;

техник кўрик далолатномаси — мавжуд техникалар сони ва улар ҳақидаги маълумотларни ўз ичига олган ҳужжат;

техник кўрикдан ўтказилганлиги тўғрисидаги талон — техникаларни техник кўрикдан ўтказиш натижасига кўра ҳар бир техника учун бериладиган махсус ҳимояланган ҳужжат;

техникаларни юклашдан олдин техник кўрикдан ўтказиш — техникаларнинг умумий техник регламент ва давлат синови натижаларининг ижобий кўрсаткичларига мослигини кўриб чиқиш;

ўзиюрар машиналар — ўзининг ҳаракатлантирувчи қурилмасига эга қишлоқ хўжалиги, мелиорация ва йўл-қурилиш техникалари;

қишлоқ хўжалиги, мелиорация ва йўл-қурилиш техникалари — идоравий бўйсунуви ва ташкилий-ҳуқуқий шаклидан қатъи назар қишлоқ ва ўрмон хўжалигига мўлжалланган барча турдаги тракторлар (ғилдиракли, занжирли ва ярим занжирли), ўзиюрар машиналар (ўзиюрар қишлоқ хўжалиги машиналари, ўзиюрар мелиоратив ҳамда йўл-қурилиш техникалари), трактор тиркамалари, қишлоқ хўжалиги, йўл-қурилиш, мелиоратив ва бошқа мақсадларга мўлжалланган тупроққа ва экинларга ишлов берувчи, юк ортувчи, дон ва уруғни қайта ишлашга мўлжалланган машиналар, чорвачилик, паррандачилик ва ем-хашак ишлаб чиқариш машина ва технологик ускуналари, сув насослари, кичик механизация мосламалари.

4. Техникаларни техник кўрикдан ўтказишнинг асосий мақсади:

техникаларнинг техник ҳолати, улардан фойдаланиш нормалари ва қоидаларига риоя этилиши бўйича назоратни амалга ошириш;

техникаларнинг техник ҳолатини Ўзбекистон Республикасининг «Йўл ҳаракати хавфсизлиги тўғрисида»ги Қонуни ва Йўл ҳаракати хавфсизлиги қоидалари , Вазирлар Маҳкамасининг 2016 йил 18 мартдаги 80-сон қарори билан тасдиқланган Қишлоқ хўжалиги техникалари конструкциясининг хавфсизлиги тўғрисидаги умумий техник регламент ҳамда мазкур регламентнинг 1-иловасида келтирилган Қишлоқ хўжалиги, мелиорация ва йўл-қурилиш техникаларини (параметрлари) техник кўрикдан ўтказишга оид талабларга асосан стандартлар, қоидалар ва нормаларга мувофиқлигини баҳолаш;

техникаларнинг сони, ҳолати, амалда мавжудлиги, тегишлилиги ва рўйхатдан ўтказиш бўйича бошқа маълумотларни аниқлаштириш;

техникалардан фойдаланиш соҳасидаги ҳуқуқбузарликлар ва жиноятларнинг олдини олиш, уларни аниқлаш ҳамда уларга барҳам бериш юзасидан профилактика ишларини ташкил этиш ҳисобланади.

5. Юридик ва жисмоний шахсларга, шу жумладан, хорижий юридик ва жисмоний шахсларга тегишли бўлган ҳамда белгиланган тартибда Инспекция томонидан рўйхатдан ўтказилган техникалар техник кўрикдан ўтказилади.

Техник кўрикдан ўтказилган техникалар тўғрисидаги маълумотлар Инспекциянинг «Техникалар техник кўриги» автоматлаштирилган ахборот тизимига киритиб борилади.

6. Инспекция томонидан техникалар қуйидаги даврийликка мувофиқ техник кўрикдан ўтказилиши керак:

а) ишлаб чиқарилган йилидан, фойдаланиш ёки фойдаланмаслик, яроқли ёки яроқсизлигидан қатъи назар, барча турдаги техникалар — бир йилда бир марта;

б) навбатдаги техник кўрикдан ўтказишнинг аввалги белгиланган муддатидан қатъи назар, уларни Инспекцияда давлат рўйхатидан ўтказишда, қайта рўйхатдан ўтказишда, вақтинчалик рўйхатдан ўтказишда, ҳисобдан ҳамда рўйхатдан чиқарилишидан олдин;

7. Жисмоний ва юридик шахсларга тегишли техникаларнинг техник кўриги 1 январдан 31 декабргача ўтказилади.

Техникалар техник кўрикка белгиланган муддатдан олдин тақдим этилиши мумкин.

8. Техникаларни техник кўрикдан ўтказиш бўйича хизматлар кўрсатганлик учун йиғимлар ушбу Регламентга 2-иловадаги тўлов ставкаларига мувофиқ амалга оширилади.

Техникаларни техник кўрикдан ўтказиш бўйича хизматлар кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

Биринчи (олдинги) техник кўрикда носоз деб топилган техникалардан такрорий техник кўрикдан ўтказилганлик учун йиғим ундирилади.

9. Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш бўйича хизматлар кўрсатганлик учун йиғим миқдори тадбиркорлик субъектлари томонидан мустақил равишда белгиланади ҳамда келиб тушган маблағлар тўлиқ ҳажмда унинг тасарруфида қолдирилади.

2-боб. Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш тартиби

17. Инспекция жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларининг техникаларни техник кўрикдан ўтказиш жараёнини ҳар ойда камида бир марта текширувдан ўтказади.

Текширув натижалари бўйича далолатнома тузилиб, иш фаолиятида камчиликларга йўл қўйган тадбиркорлик субъектлари юзага келган камчиликларни бартараф этмаса, уларга нисбатан қонунчилик ҳужжатларида белгиланган тартибда таъсир чоралари қўлланилиши тўғрисида огоҳлантирилади.

18. Агар тадбиркорлик субъекти томонидан камчиликлар белгиланган муддатда бартараф этилмаса, ушбу тадбиркорлик субъектининг иш жараёнини тўхтатиш ёки унинг техник жиҳатдан малакалилиги маъқуллашдан ўтказилган гувоҳномани бекор қилиш бўйича Техник жиҳатдан тартибга солиш соҳасида назорат инспекциясига тақдимнома киритилади.

Шунингдек, мазкур тадбиркорлик субъектини «Техникалар техник кўриги» автоматлаштирилган ахборот тизимига кириши тўхтатилади.

19. Аниқланган камчиликлар тўлиқ бартараф этилганидан сўнг, тадбиркорлик субъектига ўз фаолиятини қайта йўлга қўйишга ва техник кўрикдан ўтказилган техникалар тўғрисидаги маълумотларни «Техникалар техник кўриги» автоматлаштирилган ахборот тизимига жойлаштиришга рухсат этилади.

3-боб. Тадбиркорлик субъектлари томонидан жисмоний шахсларнинг 100 от кучигача қувватга эга бўлган техникаларини техник кўрикдан ўтказиш тартиби

20. Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш ишлари тадбиркорлик субъектларининг ишлаб чиқариш-техника базасида амалга оширилади.

21. Жисмоний шахсларнинг 100 от кучигача қувватга эга бўлган техникаларини навбатдаги техник кўрикка қўйиш санаси жорий техник кўрик пайтида белгиланади.

Техника эгаси техникани навбатдаги техник кўрикка белгиланган муддатдан кечиктирмай тақдим этиши шарт.

22. Жисмоний шахсларнинг 100 от кучигача қувватга эга бўлган техникалари рўйхатдан ўтказилган ҳудудидан қатъи назар исталган ҳудудда техник кўрикдан ўтказилиши мумкин.

25. Техникаларни техник кўрикдан ўтказиш учун мўлжалланган ишлаб чиқариш-техника базаси жойлаштириладиган хона ва майдонларга оид талаблар ушбу Регламентга 4-иловага мувофиқ белгиланади.

26. Техникаларни техник кўрикдан ўтказиш учун тегишли мутахассисликка эга бўлган ёки диагностика қилиш технологияси, диагностика жиҳозларининг тузилиши ва ишлаш принциплари, диагностика воситаларини қўллаган ҳолда техник ҳолатни текшириш методлари, меҳнатни муҳофаза қилиш бўйича талабларни ўрганган шахслар қўйилиши мумкин.

27. Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш учун техника эгаси ёки унинг вакили тадбиркорлик субъекти ходимига мурожаат қилади ва қуйидаги ҳужжатларни кўрсатади:

тегишли тоифадаги техникани бошқариш ҳуқуқини берувчи тракторчи-машинист гувоҳномаси;

техниканинг техник паспорти;

жисмоний шахс вакилининг ваколатини тасдиқловчи ҳужжат.

28. Тадбиркорлик субъектининг ходими техникани техник кўрикдан ўтказишни дастлаб техникани рўйхатдан ўтказиш тўғрисидаги техник паспортда кўрсатилган маълумотларга техника тури, русуми, модели, давлат рақами белгиси, шасси (рама), двигатель ва идентификациялаш рақамларининг мувофиқлигини текширишдан бошлайди.

Шунингдек, техникалар Инспекциянинг «Техникалар техник кўриги» автоматлаштирилган ахборот тизими орқали текширилади ва маълумотлар мос келган тақдирда, белгиланган тартибда техник кўрикдан ўтказишга рухсат этилади.

29. Тадбиркорлик субъектлари ходими томонидан жисмоний шахсларнинг 100 от кучигача қувватга эга бўлган техникалари тадбиркорлик субъектларининг ишлаб чиқариш-техника базасида белгиланган тартибда техник кўрикдан ўтказилади.

30. Тадбиркорлик субъектининг ходими техника эгасининг қонунчилик ҳужжатлари талабларини бузганлиги (кўрсатилган ҳужжатлар ва агрегатлар идентификация рақамларининг сохталаштирилиши ва бошқа), техниканинг қидирувдалигини аниқлаганда, шунингдек, агрегат рақамлари техник ҳужжатларга мос келмаганда, техника йўл-транспорт ҳодисаси иштирокчиси бўлганлигига шубҳа уйғонганда, бу ҳақида дарҳол Инспекцияга ҳамда ички ишлар органларига хабар бериши шарт.

31. Тадбиркорлик субъекти қайта рўйхатдан ўтказилганда, номи ёки жойлашган жойи (почта манзили) ўзгарганда, бу ҳақида 7 иш кунида Инспекцияни хабардор қилади.

32. Тадбиркорлик субъекти томонидан жисмоний шахсларнинг 100 от кучигача қувватга эга бўлган техникаларини техник кўрикдан ўтганлиги тўғрисидаги далолатнома расмийлаштирилади ва маълумотлар 1 иш кунида Инспекциянинг «Техникалар техник кўриги» автоматлаштирилган ахборот тизимига жойлаштирилади.

4-боб. Инспекция томонидан жисмоний ва юридик шахсларнинг техникаларини техник кўрикдан ўтказишни ташкил этиш

33. Инспекция томонидан жисмоний ва юридик шахсларнинг техникалари рўйхатдан ўтказилган ҳудудидан қатъи назар улар исталган ҳудудда ва қуйидаги жойларда техник кўрикдан ўтказилади:

зарур шароитга (техник диагностика ускуналарига, кўтариш мосламаларига ёки қараб чиқиш учун чуқурчаларга, назорат-ўлчаш асбобларига, асфальт ёки бетон билан қопланган бир текис горизонтал майдончага) ва малакали мутахассисларга эга бўлган ташкилотларда;

техник хизмат кўрсатиш станцияларида;

Инспекциянинг диагностика станцияларида;

ҳаракатланувчи (махсус автотранспорт) мобил техник назорат линияларида.

Техникаларни техник кўрикдан ўтказганлик учун йиғим ушбу Регламентга 2-иловага мувофиқ миқдорда ундирилади.

Техникаларни техник кўрикдан ўтказиш жойлари Инспекциянинг ҳудудий бошқармалари ва туман (Қувасой шаҳар) бўлимлари томонидан белгиланади.

Инспекцияда техник кўриклар бошлангунга қадар, барча диагностика асбоб-ускуналари текширилиши ва ишчи ҳолатга келтирилиши шарт.

34. Техникаларни техник кўрикдан ўтказиш учун ҳаракатланувчи мобил техник назорат линияларининг базаси қуйидаги зарур техник диагностика воситалар билан жиҳозланган бўлиши лозим:

руль бошқарувидаги умумий люфтни ўлчаш ускунаси;

техникаларнинг тормоз тизимини текшириш учун техник диагностика воситалари;

газ анализаторига — ички ёнув двигателларига эга техниканинг ишлаб бўлинган газларида ифлослантирувчи моддаларнинг мавжудлигини аниқлаш ускунаси;

чироқлар ёруғлигини бошқариш ва кучини назорат қилиш ускунаси;

шиналарни техник диагностика қилиш воситалари (штангенциркуль);

двигатель айланиш частотаси ва мой ҳароратини ўлчаш ускунаси;

шовқинни ўлчаш ускунаси;

зарур компьютер техникаси.

Айрим техник диагностика воситалари хавфсиз фойдаланиш талабларига мувофиқ бўлиши шарти билан универсал техник воситаларга алмаштирилиши мумкин.

Шунингдек, ҳаракатланувчи мобил техник назорат линиялари диагностик воситалари махсус автотранспорт воситаларида олиб юрилиши лозим.

35. Техникаларнинг техник кўригини ўтказиш мазкур Регламентга 5-иловадаги жадвалга асосан режалаштирилади.

Ушбу жадвал техникаларнинг техник кўригини ўтказиш жойи, санаси ва вақти ҳамда кўрикка тақдим қилинган техникалар тўғрисидаги маълумотларни ўз ичига олган ҳолда тузилади.

Мазкур жадвалда юридик ва жисмоний шахсларнинг техникалари сони 10 та ва ундан ортиқ бўлганда, уларни жойида, техника сони 10 тадан кам бўлганда, ҳудуддаги машина-трактор парки ёки муқобил машина-трактор парки ёхуд махсус майдончада йиғиш (жамлаш) орқали техник кўрикни ташкил этиш назарда тутилади.

Техникаларни техник кўрикдан ўтказиш кунлари Инспекция томонидан техника эгаларининг буюртмалари, об-ҳаво ва ишлаб чиқариш шароити ва бошқа ҳолатларни ҳисобга олган ҳолда белгиланади.

36. Бир кунда техник кўрикка қўйиладиган техникаларнинг сони мавжуд диагностика ва назорат-ўлчаш ускуналарининг кунлик унумдорлигидан келиб чиқиб белгиланади.

37. Юридик шахсларга уларнинг техникаларини техник кўрикдан ўтказиш муддатлари тўғрисидаги билдиришнома юборилади.

Техник кўрикдан ўтказиш далолатномалари талаб этиладиган маълумотлар кўрсатилган ҳолда (техниканинг техник ҳолати тўғрисидаги маълумотдан ташқари) техникалар рўйхатига мувофиқ тўлдирилади. Техникаларни техник кўрикдан ўтказиш далолатномасида кўрсатилган маълумотлар Инспекциянинг ҳудудий бошқармалари ва туман (Қувасой шаҳар) бўлимларининг техникаларни ҳисобга олиш маълумотлари билан таққосланади.

38. Техникаларни техник кўрикдан ўтказиш ташкилотларда, ҳудудларга чиққан ҳолда ҳаракатланувчи мобил техник назорат линияларида ва техник хизмат кўрсатиш станцияларида иш вақтида амалга оширилади.

39. Техникаларни техник кўрикдан ўтказиш бўйича хизматлар кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

5-боб. Техникаларини техник кўрикдан ўтказиш

40. Техникаларни техник кўрикдан ўтказиш бўйича хизматларни кўрсатиш мазкур Регламентга 6-иловага мувофиқ схемага асосан амалга оширилади.

41. Техника эгаси ёки унинг вакили техникаларни техник кўрикдан ўтказиш учун Инспекцияга ўзи келиб мурожаат этганда, Инспекция ходими техника эгаси номидан ушбу Регламентга 7-иловага мувофиқ шаклдаги сўровномани тўлдиради ва сўровнома техника эгаси ёки унинг вакили томонидан текширилиб, унинг имзоси билан тасдиқланади.

42. Техникаларни техник кўрикдан ўтказиш учун техника эгаси ёки унинг вакили Инспекцияга қуйидаги ҳужжатларни тақдим этади:

техника эгаси ёки унинг вакилининг сўровномаси;

а) жисмоний шахслар учун:

техниканинг техник паспорти ёки техник гувоҳномаси;

техникани бошқарувчи тракторчи-машинистнинг гувоҳномаси;

б) юридик шахслар учун:

техниканинг техник паспорти ёки техник гувоҳномаси;

техникани бошқарувчи тракторчи-машинистнинг гувоҳномаси;

юридик шахснинг раҳбари томонидан имзоланган ва ташкилотнинг муҳри билан тасдиқланган (муҳри мавжуд бўлган тақдирда) юридик шахс вакилининг ваколатларини тасдиқловчи ишончнома.

43. Техникаларни техник кўрикдан ўтказиш бўйича хизматлар кўрсатганлик учун йиғимлар ушбу Регламентга 2-иловадаги тўлов ставкаларига мувофиқ амалга оширилади.

Йиғим тўланганлиги ахборот-коммуникация тизимлари орқали тасдиқланади.

44. Техникаларни техник кўрикдан ўтказиш бўйича хизматлар кўрсатиш учун йиғимнинг амалга оширилмаганлиги хизматлар кўрсатишни рад этишга асос ҳисобланади.

Шунингдек, Инспекция томонидан қуйидаги ҳолларда техникаларни техник кўрикдан ўтказиш бўйича сўровнома рад этилади:

сўровномада нотўғри маълумотлар кўрсатилганда;

техника эгаси ёки унинг вакили томонидан техникалар техник кўрикдан ўтказиш учун 10 иш куни ичида тақдим этилмаганда.

45. Техникаларни техник кўрикдан ўтказиш бўйича хизматлар кўрсатишни бошқа асослар билан рад этиш тақиқланади.

46. Техникаларни техник кўрикдан ўтказиш жойи ва вақти Инспекция томонидан белгиланади.

47. Инспекция ходими техникани техник кўрикдан ўтказишни дастлаб техникани рўйхатдан ўтказиш тўғрисидаги ҳужжатларда (техник паспорт ёки техник гувоҳнома) кўрсатилган маълумотларга техника тури, русуми, модели, давлат рақами белгиси, шасси (рама), двигатель ва идентификациялаш рақамларининг мувофиқлигини текширишдан бошлайди.

Шундан сўнг мазкур Регламентнинг 24 ёки 34-бандларида келтирилган махсус диагностик воситалар ёрдамида техник кўрикдан ўтказилади.

48. Ҳар қайси техниканинг техник ҳолати ва жиҳозлари техник регламентлар, стандартлар, йўл ҳаракати хавфсизлиги қоидалари ва нормаларига мувофиқлиги жиҳатидан текширилади.

49. Тиркамалар ва ярим тиркамалар техник кўрикдан алоҳида турган ҳолда ҳам ўтказилади.

50. Жисмоний шахснинг техникасини техник кўрикдан ўтказиш жойига (носозлиги ёки бошқа сабабларга кўра) олиб бориш имконияти бўлмаганда, рўйхатдан ўтказиш, қайта рўйхатдан ўтказиш, ҳисобдан чиқариш учун ёки бошқа ҳолларда техника эгасининг ёзма шаклдаги аризасига кўра Инспекция ходими томонидан техника турган жойда техникани кўрикдан ўтказиш бўйича алоҳида далолатнома тузган ҳолда техник кўрикдан ўтказилиши мумкин.

51. Техниканинг техник ҳолати ва жиҳозлари йўл ҳаракати хавфсизлиги талабларидан ҳатто биттасига жавоб бермаганда, техника носоз ҳисобланади ва ундан фойдаланиш ман этилади.

Техникаларни техник кўрикдан ўтказиш натижасида техник жиҳатдан носоз деб топилган, шунингдек, техник ҳолати белгиланган талабларга жавоб бермайдиган ёки тегишли рухсатномасиз қайта жиҳозланган техниканинг давлат рақами белгиси камчиликлар ва носозликлар бартараф этилгунга қадар Инспекция томонидан белгиланган тартибда ечиб олинади.

Ушбу техникалар олдинги техник кўрикдан ўтказилган вақтдан бошлаб 20 кундан кечикмай, ушбу Регламентда белгиланган тартибда қайта техник кўрикдан ўтказилади.

Бундай ҳолларда техниканинг техник ҳолатини текшириш фақат олдинги техник кўрикдан ўтказиш пайтида аниқланган техника хавфсизлиги талабларига мувофиқ бўлмаган кўрсаткичлар бўйича ўтказилади.

Техник кўрикдан ўтказилган вақтдан бошлаб 20 кундан ортиқ бўлган муддатда қайта техник кўрикдан ўтказишга олиб келинган техникаларнинг техник ҳолатини текшириш тўлиқ ҳажмда амалга оширилади.

52. Маҳаллий корхоналарда ишлаб чиқарилган ёки хорижий давлатлардан импорт қилинган техникалар истеъмолчига юклашдан ёки божхона органларида расмийлаштиришдан олдин ишлаб чиқарувчи, импорт қилувчи, харид қилувчи сўровига асосан ёки назорат тартибида техник регламент талабларига мос эканлиги бўйича техник кўрикдан ўтказилади.

53. Техникаларни манзилига юклаб жўнатишдан олдин Инспекция томонидан ишлаб чиқарувчи ҳудудида ёки божхона омборида техник кўрикдан ўтказилади ва унинг якуни билан мазкур Регламентга 8-иловага мувофиқ далолатнома тузилади, имзоланади ва мулкдорга тақдим этилади. Манзилига юклаб жўнатишдан олдин техник кўрикдан ўтказилган техникаларга техник кўрикдан ўтганлиги тўғрисидаги талон берилмайди.

54. Техникаларни манзилига юклаб жўнатишдан олдин ўтказиладиган техник кўрик жисмоний шахслар томонидан хориждан келтириладиган ва ўз эҳтиёжи учун фойдаланадиган техникалар учун қўлланилмайди.

55. Техникаларни манзилига юклаб жўнатишдан олдин ўтказиладиган техник кўриклар тўлов амалга оширилгандан сўнг бажарилади.

6-боб. Техникаларни техник кўрикдан ўтказилганлигини расмийлаштириш

56. Техник кўрикдан ўтказилган техникага ушбу Регламентга 9 ва 9а-иловаларга мувофиқ шаклда далолатнома тузилади.

Далолатномага асосан мазкур Регламентнинг 10 ва 10а-иловаларга мувофиқ техникани техник кўрикдан ўтказилганлиги тўғрисидаги талонга муҳр қўйилади ҳамда техникани техник кўрикдан ўтказилган санаси, унинг амал қилиш муддати акс эттирилган ҳолда Инспекция ходимининг имзоси билан тасдиқланади ва техника эгаси ёки унинг вакилига тақдим этилади ҳамда маълумотлар «Техникалар техник кўриги» автоматлаштирилган ахборот тизимига жойлаштирилади.

57. 2023 йил 1 сентябрдан бошлаб техникаларни техник кўрикдан ўтказиш бўйича далолатнома маълумотлари «Техникалар техник кўриги» автоматлаштирилган ахборот тизимига киритилиб борилади (ушбу санадан бошлаб хорижий давлатларга чиқадиган техникалардан ташқари барча техникаларга техник кўрикдан ўтказилганлиги тўғрисидаги талон бериш амалиёти бекор қилинади).

58. Техника техник кўрикдан ўтказилгандан сўнг Инспекциянинг ходими томонидан техник кўрик далолатномаси тузилади ҳамда техник кўрик натижаси 1 иш кунида «Техникалар техник кўриги» автоматлаштирилган ахборот тизимига жойлаштирилади.

59. Техникани навбатдаги техник кўрикдан ўтказиш муддати тўғрисидаги маълумот «Техникалар техник кўриги» автоматлаштирилган ахборот тизими орқали 10 кун олдин техника эгаси ёки унинг вакилини телефон рақамига техникани техник кўрикдан ўтказиш вақти ҳақидаги хабарнома юборилади.

60. Техникани техник кўрикдан ўтказиш жойига олиб бориш имкони бўлмаганда, жисмоний ва юридик шахслар белгиланган муддатда Инспекциянинг ҳудудий бошқармалари ва туман (Қувасой шаҳар) бўлимларига ёзма шаклда сўровнома юборади. Сўровномага ушбу Регламентнинг 42-бандида кўрсатиб ўтилган ҳужжатлар илова қилинади.

Бунда Инспекциянинг ҳудудий бошқармаси ва туман (Қувасой шаҳар) бўлимларининг техника ҳолатини назорат қилиш инспектори томонидан «Техникалар техник кўриги» автоматлаштирилган ахборот тизимига носозлик тўғрисидаги маълумотлар киритилади.

Техникадаги носозликлар бартараф этилгандан кейин, техника эгаси ёки унинг вакили мазкур Регламент талабларига асосан техникани техник кўрикдан ўтказиш учун қайта тақдим этади.

7-боб. Якунловчи қоидалар

61. Техник кўрикдан ўтказилганлиги тўғрисидаги талон қатъий ҳисобда турадиган бланка ҳисобланади, уларни сақлаш, сарфлаш ва ҳисобга олиш белгиланган тартибда Инспекция томонидан амалга оширилади.

Талон бланкаларини тайёрлаш харажатлари марказлаштирилган тартибда Инспекцияни ривожлантириш жамғармаси маблағлари ҳисобидан амалга оширилади.

62. Инспекция ва тадбиркорлик субъектлари техникаларни мазкур Регламент талабларига мувофиқ техник кўрикдан ўтказилишини таъминлаш учун масъул ҳисобланади.

63. Техникалар республиканинг бошқа ҳудудида бўлганда, техникаларни техник кўрикдан ўтказиш ушбу ҳудуддаги Инспекция томонидан белгиланган тартибда амалга оширилади.

64. Техника эгаси ёки унинг вакили хизматлар кўрсатувчи ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

65. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 1-ИЛОВА

Қишлоқ хўжалиги, мелиорация ва йўл-қурилиш техникаларини техник кўрикдан ўтказишга оид

1-боб. Умумий қоидалар

1. Ушбу талаблар жисмоний ва юридик шахсларнинг қишлоқ хўжалиги, мелиорация ва йўл-қурилиш техникаларини техник кўрикдан ўтказишга оид техник нормаларни белгилайди.

2. Техникаларнинг техник ҳолатини кўрикдан ўтказиш соҳасидаги норматив ҳужжатлар талабларига мувофиқлигини баҳолашни ташкил этиш ва уни ўтказиш учун тегишли синов жиҳозлари ва ўлчаш воситалари бўлиши зарур.

2-боб. Тормоз тизимлари

3. Тормоз тизимлари тормозлаш самарадорлиги ва тормозлаш пайтида техниканинг барқарорлиги кўрсаткичларига мос келиши керак:

а) тракторлар ва ўзиюрар қишлоқ хўжалиги машиналари учун — «Халқаро стандарт. Меҳнат хавфсизлиги стандартлари тизими. Тракторлар ва ўзиюрар қишлоқ хўжалиги машиналари. Умумий хавфсизлик талаблари»;

б) трактор тиркамалари ва ярим тиркамалари учун — ГОСТ 10000-2017 5.5 — 5.8 «Давлатлараро стандарт. Трактор тиркамалари ва ярим тиркамалари. Умумий техник талаблар»;

в) ўзиюрар йўл-қурилиш машиналари учун — «Қазиш машиналари. Ғилдиракли машиналарнинг тормоз тизимлари. Самарадорлик талаблари ва синов усуллари».

4. Пневматик тормоз юритмали тракторларнинг тормоз тизимини фавқулодда (автоматик) тормозлаш режими ишчи ҳолатда бўлиши керак.

5. Пневматик тормоз тизимининг уланиш бўғинлари ва элементларидан сиқилган ҳаво чиқишига йўл қўйилмайди.

6. Гидравлик тормоз тизимида тормоз суюқлигининг оқиши ва (ёки) гидравлик тормоз узатмасининг қувурлари ёки уланишларининг зичлиги бузилишига йўл қўйилмайди.

7. Тормоз тизими зичлигининг йўқотилиши ёки бузилишига олиб келувчи занглашга йўл қўйилмайди.

8. Тормоз қувурларининг механик шикастланишига йўл қўйилмайди.

9. Тормоз юритмасида ёриқлар ёки қолдиқ деформацияга эга қисмларнинг бўлишига йўл қўйилмайди.

10. Тормоз тизимларининг сигнализацияси ва тормоз тизимини назорат қилиш воситалари, пневматик ёки пневмогидравлик тормоз узатмаларининг босим ўлчагичи ва тўхташ тормоз тизимини бошқариш мосламаси ишчи ҳолатда бўлиши керак.

11. Босим остида тормоз шлангларининг шишиши ва (ёки) кўринадиган ёриқлар, занглаш, ишқаланиш жойлари бўлишига йўл қўйилмайди.

12. Тракторлар пневматик тормоз шлангларининг жойлашиши ва узунлиги трактор ва тиркаманинг (ярим тиркаманинг) ўзаро ҳаракатланиши пайтида уларнинг шикастланишига олиб келмаслиги керак.

3-боб. Руль бошқаруви

13. Рулни буриш пайтида кучнинг ўзгариши унинг бурилиш бурчаги бўйлаб бир текис бўлиши керак. Руль кучайтиргичнинг ишламай қолишига (агар мавжуд бўлса) йўл қўйилмайди.

14. Двигатель ишлаётган пайтда руль кучайтиргичли тизимда руль чамбарагининг нейтрал ҳолатда ўз-ўзидан айланишига йўл қўйилмайди.

15. Руль бошқарувидаги умумий эркин юриш ишлаб чиқарувчи томонидан операцион ҳужжатларда белгиланган чегара қийматларидан ошмаслиги керак ёки ишлаб чиқарувчи томонидан ўрнатилган маълумотлар бўлмаса, тракторлар, шу жумладан, кичик ўлчамдаги ва ўзиюрар қишлоқ хўжалиги машиналари учун — 25 даражадан ошмаслиги керак.

16. Руль колоннаси ва бошқарув механизмининг картерини маҳкамлаш қисмларининг шикастланиши ва йўқлиги, шунингдек, руль юритмаси қисмларининг ишлаб чиқарувчи томонидан кўзда тутилмаган (операцион ҳужжатларда) бир-бирига ёки корпусга (рамкага) нисбатан ҳаракатланиш кўрсаткичларини оширишга йўл қўйилмайди. Резьбали бирикмалар ишлаб чиқарувчи томонидан кўрсатилган тарзда маҳкамланган ва ўрнатилган бўлиши керак. Бурилиш тирсаклари тортқилари ва руль тортқилари бўғинлари уланишларида салт юришга йўл қўйилмайди. Руль колоннаси ҳолатини созлаш мосламаси ишчи ҳолатига эга бўлиши керак.

17. Руль механизми ва руль юритмасида қолдиқ деформация излари, ёриқлар ва бошқа нуқсонлар бўлган қисмлардан фойдаланишга йўл қўйилмайди.

18. Руль чамбарагининг (рулнинг) максимал бурилиш бурчаги фақат машина конструкциясида назарда тутилган қурилмалар билан чекланиши керак.

4-боб. Занжирли машиналарни бошқариш механизми

19. Бурилиш муфталарини бошқариш дастаги тутқичларининг эркин юриши ишлаб чиқарувчи томонидан рухсат этилган қийматлардан четга чиқмаслиги керак.

20. Бошқариш дастаги ўзига тўлиқ тортилганда, бурилиш йўналиши бўйича қувват оқимининг тўлиқ узилиши таъминланиши керак.

21. Тормоз педалларининг эркин юриши ишлаб чиқарувчи томонидан белгиланган қийматлардан ошмаслиги керак.

22. Тормоз педалларининг турлича эркин юришига йўл қўйилмайди.

5-боб. Ташқи ёритиш мосламалари

23. Ёритиш мосламалари ва ёруғлик сигнализациясидан фойдаланиш қишлоқ хўжалиги, мелиорация ва йўл-қурилиш техникалари учун — ГОСТ 32431-2013 (ИСО 16154: 2005) 3.2 — 3.12-бандлари «Давлатлараро стандарт. Қишлоқ ва ўрмон хўжалиги учун машиналар. Умумий фойдаланиш йўлларида ҳаракатланиш учун ёритиш ва ёруғлик сигнализация мосламаларини ўрнатиш» асосида аниқланади.

24. Ёритиш мосламаларида емирилган нур ёйгичлар ёки уларнинг мавжуд эмаслиги ёки ушбу ёруғлик ускунаси турига мос келмайдиган нур ёйгичлар ва лампалар ишлатилишига йўл қўйилмайди.

25. Тормоз сигналлари (асосий ва қўшимча) ишчи ва фавқулодда тормоз тизимларини бошқариш воситаларига таъсир қилганда, ёниши ва доимий режимда ишлаши керак.

26. Олд томонда қизил нурли ёритгичлар ёки қизил рангли нур қайтаргичларни, орқа томонда — оқ рангдаги, орқага юриш чироқлари ва давлат рақам белгисини ёритгичларидан ташқари оқ рангдаги ёритгичларни ўрнатишга йўл қўйилмайди.

27. Йўлларни қуриш, таъмирлаш ёки техник хизмат кўрсатиш бўйича ишларни бажарадиган техникаларда, шунингдек, умумий фойдаланишдаги йўлларда соатига 20 км ва ундан кўпроқ тезликда ҳаракатланадиган ва кенглиги 2,55 метрдан ошадиган техникаларда сариқ ёки тўқ сариқ рангли махсус ёруғлик сигналлари (милтилловчи маёқлар) ўрнатилиши керак. Милтилловчи маёқларнинг сони ва жойлашиши уларнинг ёруғлик манбаи марказидан ўтувчи горизонтал текисликда 360 даража кўринишини таъминлаши керак.

6-боб. Олд ойна тозалагичлари ва ойна ювиш воситалари

28. Кабинаси бўлган машиналар камида битта ойна тозалагич билан жиҳозланган бўлиши керак.

29. Қишлоқ хўжалиги, ўзиюрар қишлоқ хўжалиги машиналари учун ойна тозалагичлар ва ювиш воситаларидан фойдаланиш «Давлатлараро стандарт. Меҳнат хавфсизлиги стандартлари тизими. Трактор ва ўзиюрар қишлоқ хўжалиги машиналари операторларининг кабиналари ва иш жойлари. Умумий хавфсизлик талаблари»га мувофиқ бўлиши керак.

30. Ойна тозалагичлар ва ойна ювиш воситалари ишчи ҳолатда бўлиши керак.

31. Шиша ювиш воситаси суюқликни ойнани тозалаш жойига етказиб беришни таъминлаши керак.

7-боб. Ғилдираклар, шиналар ва занжирлар

32. Ғилдирак шиналари тишларининг етарлича қолдиқ баландлигига (протектор нақшларига), жумладан:

а) етакчи ғилдиракларда:

5 миллиметрдан кам бўлмаган — 2 тоннагача тортиш синфидаги тракторлар учун;

10 миллиметрдан кам бўлмаган — 3 тонна ва ундан юқори тортиш синфидаги тракторлар учун;

б) бошқариладиган ғилдиракларда:

2 миллиметрдан кам бўлмаган — 2 тоннагача тортиш синфидаги тракторлар учун;

10 миллиметрдан кам бўлмаган — 3 тонна ва ундан юқори тортиш синфидаги тракторлар учун;

в) тиркама ғилдиракларида — 1 миллиметрдан кам бўлмаган ғилдирак шиналари тишларининг қолдиқ баландлигига эга бўлиши керак.

33. Шиналарда ташқи шикастланишлар (тешилишлар, кесилишлар, ёрилишлар), шнури (сими) очилган, шунингдек, проотектор ва ён деворнинг кўчиши бўлмаслиги керак.

34. Ғилдирак дисклари маҳкамланадиган больт ёки гайканинг бир донаси ҳам йўқ бўлишига йўл қўйилмайди.

35. Ғилдирак дискида ёриқлар мавжудлигига ҳамда уларни пайвандлаш усулида бартараф этишга рухсат этилмайди.

36. Ғилдирак дискини ўрнатиш тешикларининг шакли ва (ёки) ўлчамида кўринадиган ўзгаришлар мавжудлигига йўл қўйилмайди.

37. Шиналар ўлчами ёки рухсат этилган юклама бўйича машина моделига мос келиши керак.

38. Бир ўққа турли ўлчамларга, моделга, тузилишга ва турлича протектор нақшига эга шиналарни ўрнатиш мумкин эмас.

39. Шиналардаги босим шина маркировкасида кўрсатилган қийматдан ошмаслиги керак. Чап ва ўнг шиналар босими ўртасидаги фарқ 0,01 МПадан (0,1 кгс/см 2 ) ошмаслиги керак.

40. Занжирли юриш қисмига эга машиналар занжири осилиб туриши ишлаб чиқарувчи томонидан белгиланган қийматлардан, агар кўрсатилмаган бўлса 65 мм дан ошмаслиги керак.

41. Занжирли машиналар занжири тишларининг қолдиқ баландлиги 7 мм дан кам бўлмаслиги керак.

42. Чап ва ўнг томонлар занжирларидаги занжир қисмлари сони бир хил бўлиши керак.

43. Занжир қисмларида ёриқ ва синиқликлар бўлишига йўл қўйилмайди.

44. Чап ва ўнг занжирларнинг осилиб туриши орасидаги фарқ ишлаб чиқарувчи томонидан белгиланган қийматлардан, агар кўрсатилмаган бўлса 5 мм дан ошмаслиги керак.

8-боб. Двигатель ва унинг тизимлари

45. Тракторлар, ўзиюрар йўл-қурилиш ва бошқа дизелли ўзиюрар машиналар учун чиқинди газлардаги зарарли моддаларнинг миқдори ва газларнинг туташи «Давлатлараро стандарт. Табиатни муҳофаза қилиш. Атмосфера. Тракторлар ва ўзиюрар қишлоқ хўжалиги машиналари дизеллари чиқинди газларининг туташини аниқлаш нормалари ва усуллари»да белгиланган қийматларга мос келиши лозим.

46. Дизель двигателли машиналарнинг чиқинди газларидаги зарарли моддалар миқдори ишлаб чиқарувчи томонидан назарда тутилган талабларга мос келиши керак.

47. Дизель двигателларининг таъминлаш тизимидан ёнилғи оқиши ёки томишига йўл қўйилмайди.

48. Таъминлаш тизимининг ва ёнилғи идишининг ёпиш қурилмалари ишчи ҳолатда бўлиши керак.

49. Двигателларнинг тутун чиқариш тизими соз ва комплект ҳолда бўлиши керак.

9-боб. Конструкциянинг бошқа элементлари

50. Тракторлар, ўзиюрар йўл-қурилиш ва қишлоқ хўжалиги машиналари камида битта (чап) орқа кўриниш кўзгуси билан жиҳозланган бўлиши керак.

51. Тракторчи-машинист томонида жойлашган олд ойнанинг ойна тозалагич соҳасида ёриқлар бўлишига йўл қўйилмайди.

52. Кабина эшик қулфлари, тракторчи-машинист ўриндиғини созлаш механизмлари ва қулфлаш мосламалари, олд ойнани иситиш ва шамол йўналтириш мосламаси ишчи ҳолатда бўлиши керак.

53. Тиркама ва ярим тиркамаларнинг юк платформаси бортларини қулфлаш мосламалари ишчи ҳолатда бўлиши керак.

54. Фавқулодда чиқиш ва уни амалга ошириш қурилмалари, кабинани ички ёритиш чироқлари ишчи ҳолатда бўлиши керак.

55. Ўзиюрар қишлоқ хўжалиги, мелиорация ва йўл-қурилиш техникалари конструкциясида назарда тутилган товуш сигнали соз ҳолатда бўлиши керак.

Товуш сигнали бошқариш органи томонидан ишга туширилганда у узлуксиз ва монотон товуш бериши керак.

Товуш сигнали даражаси ишга туширилмаган двигателда 90 — 112 ДБа оралиғида бўлиши керак.

56. Ўзиюрар қишлоқ хўжалиги, мелиорация ва йўл-қурилиш техникалари конструкциясига кўра тиркама ва ярим тиркамаларда орқа ҳимоя қурилмалари ўрнатилган бўлиши керак.

57. Тиркама ва ярим тиркамалар ишга яроқли хавфсизлик мосламалари (занжир) билан жиҳозланган бўлиши керак. Хавфсизлик занжирларининг узунлиги тортиш мосламасининг синиши (бузилиши) ҳолатида тиркама боғлаш ҳалқасининг йўл юзасига тегишига йўл қўймаслиги керак.

58. Тиркамалар (бир ўқли тиркамалар бундан мустасно) тортиш мосламасини улаш ва ажратишни осонлаштирадиган ҳолатда тортувчи боғловчи ҳалқани ушлаб турадиган қурилма билан жиҳозланган бўлиши керак.

59. Тиркама боғичининг ёки тиркамани тортиш мосламасининг тиркама бўйлама симметриясига нисбатан ҳолатини бузадиган деформацияланган, тиркама ёки тиркама тортмасининг синиши, ёриқлари ва бошқа кўринадиган шикастланишлари бўлишига йўл қўйилмайди.

60. Ўзиюрар қишлоқ хўжалиги, мелиорация ва йўл-қурилиш техникалари, уларнинг тиркамалари ва ярим тиркамалар камида 2 та ўз-ўзидан юриб кетишга қарши ғилдирак таянчлари билан жиҳозланган бўлиши керак.

61. Ўзиюрар қишлоқ хўжалиги, мелиорация ва йўл-қурилиш техникалар камида 2 литр ҳажмдаги ва камида битта кукун ёки хладонли ёнғинга қарши восита билан жиҳозланган бўлиши керак.

Ёнғин ўчиргич муҳрланган ва унда амал қилиш муддати кўрсатилган ҳамда текшириш вақтида муддати ўтмаган бўлиши керак.

62. Аккумуляторлар батареялари, ўриндиқлар, шунингдек ўт ўчириш мосламалари ва тракторлар, ўзиюрар йўл-қурилиш техникаларидаги биринчи тиббий ёрдам тўплами конструкцияда назарда тутилган маҳкамлаш мосламаларига маҳкам ўрнатилиши керак.

63. Ғилдиракли қишлоқ хўжалиги, мелиорация ва йўл-қурилиш техникалари ғилдирак қанотлари билан жиҳозланган бўлиши керак. Ушбу қурилмаларнинг кенглиги ўрнатиладиган шиналарнинг кенглигидан кам бўлмаслиги керак.

64. Двигатель, узатмалар қутиси, борт редукторлари, кўприклар, муфта, аккумулятор, совутиш ва кондиционер тизимлари ҳамда қўшимча равишда ўрнатилган гидравлик қурилмалардан ёғлар ва ишчи суюқликларнинг оқиб чиқишига йўл қўйилмайди.

65. Ўзиюрар машиналарнинг конструкциясида назарда тутилган узатма қўшилган ҳолатда двигателни ишга тушириш имкониятини истисно қиладиган қурилма ишлайдиган бўлиши керак.

66. Машиналарнинг ҳаракатланувчи (айланувчи) қисмлари (карданли, занжирли, тасмали, тишли узатмалар ва бошқалар) ҳимоя қоплами билан тўсилган бўлиши керак.

67. Кабина, двигатель, компрессор, қоплама, ишчи органлар ва бошқа конструктив элементларни маҳкамлаш жойларининг бўшашишига йўл қўйилмайди.

68. Тракторчи-машинист ўриндиғидан кўришни чеклайдиган, ойнанинг шаффофлигини ёмонлаштирадиган, шикастланиш хавфини келтириб чиқарадиган қўшимча нарсаларни ўрнатиш ёки қопламаларни қўллашга йўл қўйилмайди.

69. Машиналар двигателини ишга тушириш учун ишлатиладиган аккумуляторлар, шу жумладан, электр юритмали машиналарнинг аккумуляторларининг кучланиши, вазни ёки ўлчамлари ишлаб чиқарувчи томонидан тақдим этилганидан фарқ қиладиган аккумуляторларга алмаштиришга йўл қўйилмайди.

70. Ишчи органлар юритмасининг сақловчи муфтаси соз ва ростланган бўлиши керак.

71. Ўзиюрар машиналар фавқулодда тўхташ белгиси билан жиҳозланиши лозим.

72. Техникаларнинг орқа томонида давлат рақами белгиси ўрнатилиши керак.

Давлат рақами белгиси текис вертикал юзага ўрнатилиши, бунда давлат рақами белгиси конструкция элементлари билан тўсилмаслиги, давлат рақами белгиси эса ташқи ёритиш ва ёруғлик сигналларини тўсмаслиги ҳамда ён габаритдан чиқиб турмаслиги керак.

Давлат рақами белгиси машина симметрик ўқи бўйича ёки машинанинг ҳаракатланиши йўналиши бўйича чап тарафда ўрнатилиши керак.

73. Максимал конструктив тезлиги 30 км/с дан катта бўлмаган ўзиюрар машиналарда «секин юрувчи транспорт воситаси» белгиси ўрнатилиши керак.

10-боб. Қишлоқ хўжалиги машиналари

74. Экиш машиналари (сеялкалар) ҳаракат узатувчи қисмлари: таянч ғилдирак, вал, ўқ, занжир, тишли юлдузчалар; уруғ ва ўғит идишлари ҳамда тақсимлаш ғалтаклари, уруғ ўтказгичлар, экгичлар (сошниклар), тупроқ зичлагич ва унинг пружиналари ва бошқалар фойдаланиш йўриқномасида кўрсатилган тартибда тўлиқ ва кўрсаткичларга мос бўлиши керак.

75. Тупроққа асосий ишлов берувчи машиналар (омоч, ер текислагич, чизель-культиватор, дискли борона ва бошқалар) ишчи органларининг ейилганлиги рухсат этилган меъёрдан ошиб кетмаслиги, гидроцилиндрлардан мой оқмаслиги, ишлов бериш чуқурлигини ростлаш механизми соз бўлиши керак.

76. Қатор орасига ишлов берувчи культиваторларнинг ҳаракат узатувчи механизми, ўғит идишлари, ўғитни тақсимлаш ва сепиш қурилмалари, сошник ҳамда бошқа ишчи органлари ва бошқалар улардан фойдаланиш йўриқномасида кўрсатилган тартибда тўлиқ ва ейилганлик қиймати рухсат этилган меъёрдан ошиб кетмаслиги керак.

77. Пуркагичларнинг корпуси бутун, суюқлик пуркаш қисмлари тешиклари бир хил ва тўғри ўрнатилган, суюқлик насоси меъёрдаги босимни бериши керак.

78. Минерал ўғит сепиш машиналарининг ўғит идиши ёрилмаган, тешилмаган, махсус элакка эга, редукторидан мой оқмаслиги, ҳаракат узатувчи карданнинг крестовиналари соз ва мойланган, ўғит сепиш мосламасининг парраклари тўлиқ ва эгилмаган бўлиши керак.

79. Барча турдаги қишлоқ хўжалиги машиналари ва агрегатларининг ҳаракат узатувчи ва бошқа ишчи қисмлари фойдаланиш йўриқномасидаги кўрсаткичларга мос келиши ва уларнинг ейилганлик қиймати рухсат этилган меъёрдан ошиб кетмаслиги бўйича техник кўрикдан ўтказилади.

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 2-ИЛОВА

Қишлоқ хўжалиги, мелиорация ва йўл-қурилиш техникаларини техник кўрикдан ўтказиш учун

1. 100 от кучи ва ундан юқори қувватга эга ғилдиракли тракторлар, мелиорация ва йўл-қурилиш техникалари, ўзиюрар машиналар ҳамда занжирли ва ярим занжирли тракторлар учун базавий ҳисоблаш миқдорининг 30 фоизи миқдорида 2. 100 от кучигача қувватга эга ғилдиракли тракторлар, трактор тиркамалари, мелиорация ва йўл-қурилиш техникалари ҳамда ўзиюрар машиналар, осма ва ярим осма, занжирли, ярим занжирли ва йиғма машиналар учун базавий ҳисоблаш миқдорининг 20 фоизи миқдорида 3. Қишлоқ хўжалиги, мелиорация ва йўл-қурилиш машиналари ҳамда агрегатлар учун базавий ҳисоблаш миқдорининг 15 фоизи миқдорида 4. Йўл-қурилиш, мелиорация ва бошқа мақсадларга мўлжалланган юк ортувчи, пахта, дон ва уруғларни қайта ишлашга мўлжалланган машиналар, шунингдек, чорвачилик, паррандачилик ва ем-хашак ишлаб чиқариш машиналари ва ускуналари, кичик механизация мосламалари учун базавий ҳисоблаш миқдорининг 15 фоизи миқдорида 5. Машина-трактор парклари, таъмирлаш устахоналари, сервис пунктлари ва бошқалардаги ҳар бир станок, асбоб-ускуна ва жиҳозлар учун базавий ҳисоблаш миқдорининг 15 фоизи миқдорида 6. Сув насослари учун базавий ҳисоблаш миқдорининг 20 фоизи миқдорида

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 5-ИЛОВА

«Тасдиқлайман» Инспекциянинг ______________ бўлими _____________________________ бошлиғи __________ _________________ 20__ йил «___»___________ _____________________ вилояти, ___________________ туманида қишлоқ хўжалиги, мелиорация ва йўл-қурилиш техникаларини техник кўрикдан ўтказиш режаси T/р Техниканинг номи Техника русуми Техник кўрикдан ўтказиш муддати Техник кўрикдан ўтказиш манзили Техник кўрикдан ўтказиш санаси 1. _____________________________________________________________________________________________________________________ (юридик ёки жисмоний шахс номи) 1.1 1.2 1.3 ... Техника ҳолатини назорат қилиш инспектори ___________ (имзо) __________________________ (Ф.И.О.)

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 6-ИЛОВА

Қишлоқ хўжалиги, мелиорация ва йўл-қурилиш техникаларини техник кўрикдан ўтказиш бўйича хизматлар кўрсатиш

Босқичлар Субъектлар Тадбирлар Бажариш муддатлари 1-босқич Техника эгаси ёки унинг вакили (жисмоний ёки юридик шахслар) 1. Техникаларни техник кўрикдан ўтказиш бўйича хизматлар кўрсатиш учун Агросаноат мажмуи устидан назорат қилиш инспекциясига (кейинги ўринларда — Инспекция) ёки юридик шахсларга (кейинги ўринларда — тадбиркорлик субъектлари) келиб мурожаат қилади ва тегишли ҳужжатларни тақдим этади. 1. Хоҳишига кўра 2. Инспекция ёки тадбиркорлик субъектлари томонидан кўрсатиладиган хизматлар учун йиғимни амалга оширади. 2. Мурожаат қилганда 2-босқич Инспекция ёки тадбиркорлик субъектлари 1. Техника эгаси ёки унинг вакили номидан сўровномани тўлдиради. 2. Техникани техник кўрикдан ўтказади ёки техник кўрикдан ўтказишни рад қилади. 3. Техникани техник кўрикдан ўтказиш далолатномасини тузади, техник кўрик талонини расмийлаштиради ҳамда маълумотларни «Техникалар техник кўриги» автоматлаштирилган ахборот тизимига жойлаштиради. 4. Техникани техник кўрикдан ўтказиш рад этилганда, бу ҳақида техника эгаси ёки унинг вакилини хабардор қилади. Мурожаат қилинган кунда 3-босқич Техника эгаси ёки унинг вакили Носозликлар ва камчиликларни бартараф этади ва техникани техник кўрикдан ўтказиш учун қайта мурожаат қилади. Техник кўрикдан ўтказилган кундан бошлаб 20 кун ичида 4-босқич Инспекция ёки тадбиркорлик субъекти 1. Техникани техник кўрикдан ўтказади. 2. Техникани техник кўрикдан ўтказиш бўйича далолатномани тузади, техник кўрик талонини расмийлаштиради ҳамда маълумотларни «Техникалар техник кўриги» автоматлаштирилган ахборот тизимига жойлаштиради. Мурожаат қилинган кунда

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 7-ИЛОВА

__________________ (сана) ________________ (рақам) Қишлоқ хўжалиги, мелиорация ва йўл-қурилиш техникаларини техник кўрикдан ўтказиш бўйича хизматлар кўрсатиш юзасидан СЎРОВНОМА I. Техника эгаси — юридик шахс тўғрисида маълумот: 1. Ташкилот номи 2. Юридик манзили 3. СТИР рақами 4. Телефон рақами Юридик шахс вакили: 1. Ф.И.О. 2. Жисмоний шахснинг шахсий идентификация рақами II. Техника эгаси — жисмоний шахс тўғрисида маълумот: 1. Ф.И.О. 2. Жисмоний шахснинг шахсий идентификация рақами 3. Манзили 4. Телефон рақами III. Техника тўғрисида маълумот: 1. Номи 2. Русуми/модели 3. Ишлаб чиқарилган йили 4. Двигатель рақами 5. Завод рақами 6. Кузов/шасси рақами 7. Техник паспорт ёки техник гувоҳнома серияси ва рақами 8. Давлат рақами белгиси Тасдиқлайман:

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 8-ИЛОВА

_____________________ вилояти, ___________________ туманида қишлоқ хўжалиги, мелиорация ва йўл-қурилиш техникаларини юклашдан олдин техник кўрикдан ўтказиш бўйича ДАЛОЛАТНОМА Т/р Техниканинг номи Техника русуми Юклашдан олдин техник кўрикдан ўтказилган сана Юклашдан олдин техник кўрик ўтказилган манзил Техник регламент талабларига мослиги (мос, мос эмас) 1. 2. 3. ... Техник регламент талабларига мос ёки мос эмаслиги тўғрисида маълумотлар: __________________ ___________________________________________________________________________________ _________________________________________________________________________________ _________________________________________________________________________________ _________________________________________________________________________________ Хулоса: __________________________________________________________________________ Техника ҳолатини назорат қилиш инспектори ____________________­­ ____________________________ М.Ў (имзо) (Ф.И.О.) Ишлаб чиқарувчи ёки импорт қилувчи ташкилот манзили: _____ ___________________________ __________________________________________________________________________________ Ишлаб чиқарувчи ёки импорт қилувчи ташкилот раҳбари: _________________________________ __________________________________________________________________________________ Харид қилувчи ташкилот манзили: ____________________________________________________ __________________________________________________________________________________ Харид қилувчи ташкилот раҳбари: _____________________________________________________ __________________________________________________________________________________

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 9-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________ вилояти, ___________ туманида қишлоқ хўжалиги, мелиорация ва йўл-қурилиш техникаларини алоҳида (биттасини) техник кўрикдан ўтказиш бўйича ‎ДАЛОЛАТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Тузилган санаси: 20 ____ йил «____» _______________ Техник кўрик ____________________________________________ томонидан ўтказилди ‎ ‎ ‎ ‎ (Ф.И.О.) ‎ ‎ ‎ ‎ ‎ ‎ 1. Техниканинг русуми ва модели: _______________________________ 6. Шасси (рама) рақами ____________ 2. Тури: _________________ ‎ ‎ 7. Двигатель рақами: ______________ 3. Ранги:__________________ ‎ ‎ 8. Кузов рақами: __________________ 4. Ишлаб чиқарилган йили _________ ‎ ‎ 9. Рўйхатдан ўтказиш тўғрисидаги техник гувоҳнома (техник паспорти) серияси ва рақами: __________________ 5. Давлат рақами белгиси:________ ‎ 10. Техника ________________________________________________________________________ (юридик шахснинг тўлиқ номи) ________________________________________________________________________ (якка тартибдаги транспорт воситаси эгасининг Ф.И.О.) 11. Жойлашган жойи (турар жойи):____________________________________________ 12. Қуйидаги техник носозликлар аниқланди: ____________________________________ ‎________________________________________________________________________ 13. Техниканинг ҳолати _____________________________________________________ ‎________________________________________________________________________ 14. Мавжуд камчиликлар: 15. Мотосоат ҳолати: ________________________________________________________ 16. Техник ҳолати тўғрисида хулоса: ____________________________________________ ‎ ‎ ‎ ‎ ‎ ‎ ‎ ‎ (техник жиҳатдан соз, носоз) Техника ҳолатини назорат қилиш инспектори: ‎ _________ ‎‎ ___________________ ‎ ‎ ‎ ‎ ‎ ‎ ‎ ‎ ‎ ‎ ‎ (имзо) (Ф.И.О.) М.Ў.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Далолатнома нусхасини олдим ва техник кўрикдан ўтмаган техникалардан фойдаланиш тақиқланиши ҳамда носоз техникадан фойдаланиш, фойдаланишга рухсат бериш МЖтКнинг тегишли моддалари билан маъмурий жавобгарликни келтириб чиқариши тўғрисида огоҳлантирилдим: ________________________________________________________________________ (имзо, Ф.И.О., юридик шахснинг номи, лавозими ёки жисмоний шахснинг Ф.И.О.) ________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 9а-ИЛОВА

___________________ вилояти, ______________ туманида қишлоқ хўжалиги, мелиорация ва йўл-қурилиш техникаларини техник кўрикдан ўтказиш учун тақдим этилган техникалар тўғрисидаги ДАЛОЛАТНОМА Тузилган санаси: 20___ йил «____» ___________ 20____ йил «___»________ дан 20___ йил «___»________гача Техникаларни техник кўрик учун тақдим этган юридик шахснинг номи ёки жисмоний шахснинг Ф.И.О.:________________________________________________________________________________ ______________________________________________________________________________________ СТИР:___________ Т/р Техника номи Русуми Техник паспорти ёки техник гувоҳномаси (инвентар) рақами ДРБ рақами ва серияси Техника ранги Ишлаб чиқарилган давлати Ишлаб чиқарилган йили Агрегатлар рақами Ёнилғи тури (бензин, дизель ёнилғиси, сиқилган табиий газда ёки суюлтирилган газ) завод рақами двигатель шасси (рама) 1 2 3 4 5 6 7 8 9 10 11 12 1. 2. 3. ... Ташкилот балансида _____ та техника мавжуд. Ташкилот раҳбари (мулк эгаси): _ __________________________________________ _______________________________________________________________________ (имзо, лавозими, ташкилот номи ва раҳбарининг Ф.И.О, жисмоний шахснинг Ф.И.О., паспорт маълумотлари) Рўйхатда кўрсатилган техника воситаларини рўйхатга олиш маълумотлари билан таққослаган Инспекция ходими ___ ____________________________________________ Масъул ҳисобчи ________________________________________________________ (имзо, лавозими, ташкилот номи, Ф.И.О.) _______________________________________________ _______________________________________________ (имзо, Ф.И.О.) М.Ў. ТЕХНИК КЎРИК НАТИЖАЛАРИ Ташкилот (мулк эгаси)_________________________________________________________________________ ҳисобида ____ та қишлоқ хўжалиги , ____ та мелиорация , ____ та йўл-қурилиш , ____ та ўзиюрар машиналар , ___ та тиркама ваярим тиркамалар , жами ______ та техника техник кўрикка қўйилган. ____ та қишлоқ хўжалиги , ____ та мелиорация, ____ та йўл-қурилиш , ____ та ўзиюрар машиналар , ___ та тиркама ваярим тиркамалар , жами ____ та техника техник кўрикдан ўтмади. Техникалар текширилганда ____ та қишлоқ хўжалиги , ____ та мелиорация , ____ та йўл-қурилиш , ____ та ўзиюрар машиналар , ___ та тиркама ваярим тиркамалар , жами _____ та техника техник жиҳатдан носоз деб топилди. Шу жумладан: ___ та техниканинг техник регламент талабларига мос бўлмаган конструкциясидаги ўзгартириш мавжудлиги; ___ та техниканинг техника ва ёнғин хавфсизлиги талабларига жавоб бермаслиги; ___ та техниканинг двигатель қисмининг носозлиги; ___ та техниканинг тормоз тизимининг носозлиги; ___ та техниканинг руль бошқарувидаги носозликлар; ___ та техниканинг ташқи ёритиш ускуналаридаги носозликлар; ___ та техникада фойдаланиш учун яроқсиз қисмлар мавжудлиги; ___ та техниканинг ишланган газида зарарли моддалар мавжудлиги ва уларнинг тутунлиги белгиланган меъёрдан ортиқчалиги аниқланди. Ҳисобдаги техникалардан ___ таси дизель ёнилғиси билан ишлайди. Дизель ёнилғисида ишлайдиган ___ тасидан ___ таси носоз деб топилди. ____ та техник ҳолати носоз техниканинг техник паспорти ёки техник гувоҳномаси олиб қўйилганлиги, ДРБ ечиб олинганлиги тўғрисидаги белги _____________________________ Техник кўрикдан ўтмаган техникалар 20___ йил «___»______________ да қайта техник кўрикдан ўтказилади. Инспекция ходими _______________________________________ _______________________________________ __________ _____________________________ (имзо) (Ф.И.О.) М.Ў. Далолатнома нусхасини олдим ва техник кўрикдан ўтмаган техникалардан фойдаланиш тақиқланиши ҳамда носоз техникадан фойдаланиш, фойдаланишга рухсат бериш МЖтКнинг тегишли моддалари билан маъмурий жавобгарликни келтириб чиқариши тўғрисида огоҳлантирилдим: _______________________ ____________________________ (имзо, Ф.И.О., юридик шахс номи, лавозими)

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 10-ИЛОВА

Қишлоқ хўжалиги, мелиорация ва йўл-қурилиш техникаларини техник кўрикдан ўтганлиги тўғрисидаги талон

Қишлоқ хўжалиги, мелиорация ва йўл-қурилиш техникаларини техник кўрикдан ўтганлиги тўғрисидаги талон

ТАВСИФИ

Техник кўрикдан ўтганлиги тўғрисидаги талон тўртбурчак шаклдаги, ўлчамлари 54 х 86 мм бўлган, зичлиги бир квадрат метрга 140+/-5 граммли 100% пахтадан олинган оч пушти рангли қоғоздан тайёрланади. Қоғоз қатлами орасига жойлашган, ультрабинафша нурда кўринадиган кўк ва оч яшил рангли тола ҳамда нурда яхши ажралиб турадиган «пахта чаноғи» кўринишидаги умумий «сув белги»си мавжуд.

Офсетли ёзув, минтақа коди, серияси — тўрт ҳарфли, номери — олти рақамли.

Бланка қуйидаги махсус ҳимояга эга:

кимёвий таъсирга бардошли бўёқдан фойдаланилади, юза қисмидаги катакларда нусха олишга ва сканер қилишга қарши ингичка чизиқлар мавжуд. Бир рангдан бошқа рангга расм чизиқлари бузилмасдан оҳиста жилоланиши таъминланган. Жуда катталаштирилганда микроматн кўринади, ультрабинафша нурда кўринмайдиган тасвирлар ва олтита рақамли сон кўринади. Махсус қабариқ ва ўйиқлар мавжуд.

Лотин алифбосидаги давлат тилидаги матндан фойдаланилган.

Олд томонида техниканинг русуми, давлат рўйхатидан ўтказиш рақами белгиси ҳамда орқа фонида техник кўрик ўтказилган йил яшил рангда (ҳар йили ўзгаради) кўрсатилади.

Талоннинг орқа томонида ўтказилган техник кўрик натижаси, жорий ва навбатдаги техник кўрикдан ўтиш санаси кўрсатилади.

Талондаги ёзувлар техника ҳолатини назорат қилиш инспектори томонидан амалга оширилади ҳамда унинг имзоси ва махсус штамп билан тасдиқланади.

Қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш бўйича хизматлар кўрсатишнинг маъмурий регламентига 10а-ИЛОВА

Қишлоқ хўжалиги, мелиорация ва йўл-қурилиш машиналарининг агрегатлари ҳамда ускуналарини техник кўрикдан ўтганлиги тўғрисидаги талон

Қишлоқ хўжалиги, мелиорация ва йўл-қурилиш машиналарининг агрегатлари ҳамда ускуналарини техник кўрикдан ўтганлиги тўғрисидаги талон

ТАВСИФИ

Техник кўрикдан ўтганлиги тўғрисидаги талон тўртбурчак шаклдаги, ўлчамлари 54 х 86 мм бўлган, зичлиги бир квадрат метрга 140+/-5 граммли 100% пахтадан олинган оч ҳаво рангли қоғоздан тайёрланади. Қоғоз қатлами орасига жойлашган, ультрабинафша нурда кўринадиган кўк ва оч яшил рангли тола ҳамда нурда яхши ажралиб турадиган «пахта чаноғи» кўринишидаги умумий «сув белги»си мавжуд.

Офсетли ёзув, минтақа коди, серияси — икки ҳарфли, номери — олти рақамли.

Бланка қуйидаги махсус ҳимояга эга:

кимёвий таъсирга бардошли бўёқдан фойдаланилади, юза қисмидаги катакларда нусха олишга ва сканер қилишга қарши ингичка чизиқлар мавжуд. Бир рангдан бошқа рангга расм чизиқлари бузилмасдан оҳиста жилоланиши таъминланган. Жуда катталаштирилганда микроматн кўринади, ультрабинафша нурда кўринмайдиган тасвирлар ва олтита рақамли сон кўринади. Махсус қабариқ ва ўйиқлар мавжуд.

Лотин алифбосидаги давлат тилидаги матндан фойдаланилган.

Олд томонида техниканинг русуми, давлат рўйхатидан ўтказиш рақами белгиси ҳамда орқа фонида техник кўрик ўтказилган йил пушти рангда (ҳар йили ўзгаради) кўрсатилади.

Талоннинг орқа томонида ўтказилган техник кўрик натижаси, жорий ва навбатдаги техник кўрикдан ўтиш санаси кўрсатилади.

Талондаги ёзувлар техника ҳолатини назорат қилиш инспектори томонидан амалга оширилади ҳамда унинг имзоси ва махсус штамп билан тасдиқланади.

Вазирлар Маҳкамасининг 2023 йил 29 апрелдаги 170-сон қарорига 5 1 -ИЛОВА

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг

1-боб. Умумий қоидалар

1. Ушбу Маъмурий регламент (кейинги ўринларда — Регламент) жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини (кейинги ўринларда — давлат хизмати) кўрсатиш тартибини белгилайди.

2. Давлат хизмати Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ёки унинг ҳудудий бошқармалари (кейинги ўринларда — ваколатли орган) жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланиш истагида бўлган тадбиркорлик субъектлари (юридик шахслар) раҳбари ёки вакилининг (кейинги ўринларда — ариза берувчи) ихтиёрий мурожаатига асосан бепул кўрсатилади.

3. Давлат хизмати ушбу Регламентга 1-иловадаги схемага мувофиқ кўрсатилади.

2-боб. Давлат хизматини кўрсатиш тартиби

4. Ариза берувчи давлат хизматидан фойдаланиш учун Давлат хизматлари марказига ўзи келиб мурожаат қилади ёки давлат хизматларидан электрон шаклда фойдаланиш учун Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) рўйхатдан ўтади.

Аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунлари тушганда, навбатдаги иш куни аризаларнинг ваколатли органга тушган ва ваколатли орган томонидан қабул қилинган кун ҳисобланади.

5. Ариза берувчи ўзи келиб мурожаат қилган тақдирда — Давлат хизматлари маркази ходими ариза берувчи номидан, ЯИДХП орқали мурожаат қилган тақдирда эса — мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.

Сўровнома тўлдирилганидан сўнг ариза берувчи маълумотлар тўғрилигини текширади ва имзоларни идентификация қилишнинг замонавий воситалари (дактилоскопия, электрон рақамли имзо, Мобил-ID ва бошқалар) билан тасдиқлайди.

Ариза берувчилар ЯИДХП орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.

6. Сўровномага қуйидаги ҳужжатлар илова қилинади:

тадбиркорлик субъектининг ишлаб чиқариш-техник базаси Техник жиҳатдан тартибга солиш соҳасида назорат инспекцияси томонидан белгиланган тартибда техник жиҳатдан малакалилиги маъқуллашдан ўтгани тўғрисидаги гувоҳноманинг нусхаси;

вакилнинг ваколатини тасдиқловчи ишончнома (вакил орқали мурожаат қилинганда).

7. Ариза берувчи давлат хизматидан фойдаланишдан хизмат кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг сўровномаси кўрилмасдан қолдирилади.

8. Ариза берувчи Давлат хизматлари марказига шахсан келиб мурожаат этганда, тегишли сўровнома Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар ўн дақиқа мобайнида ваколатли органга электрон шаклда юборилади. ЯИДХП орқали мурожаат қилинганда эса, сўровнома автоматик тарзда ваколатли органга юборилади.

9. Ваколатли орган бир иш кунида сўровнома ва унга илова қилинган ҳужжатларни ўрганиб чиқиб давлат хизматини рад этади ёки тадбиркорлик субъекти ҳисобга олингани ҳақида ушбу Регламентга 3-иловадаги маълумотномани QR-код (матрик штрихли код) билан расмийлаштиради ва уни ўз электрон рақамли имзоси билан тасдиқлайди ҳамда «Техникалар техник кўриги» автоматлаштирилган ахборот тизимига техник кўрикдан ўтказилган техникалар тўғрисидаги маълумотларни жойлаштириш учун логин ва паролни Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали юборади.

10. Давлат хизматлари маркази ўн дақиқа мобайнида хизмат натижасини ариза берувчининг электрон манзилига юборади ҳамда ариза берувчини бу ҳақида ахборот-коммуникация тизими орқали хабардор қилади. Ариза берувчининг сўровига кўра Давлат хизматлари маркази хизмат натижасини электрон ёки қоғоз шаклида тақдим этиши мумкин.

11. Тадбиркорлик субъектларининг ишлаб чиқариш-техник базаси Техник жиҳатдан тартибга солиш соҳасида назорат инспекцияси томонидан белгиланган тартибда техник жиҳатдан малакалилиги маъқуллашдан ўтказилган, техникаларни техник кўрикдан ўтказиш учун зарур технологик жиҳозлар билан таъминланган бўлиши зарур.

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш учун тадбиркорлик субъектларининг ишлаб чиқариш-техник базаси:

а) техник регламент талабларига мувофиқ бўлиши зарур;

б) техникаларнинг техник ҳолатини текширишни ташкил этиш ва ўтказиш учун зарур технологик жиҳозлар ҳамда диагностика воситаларига эга бўлиши лозим, шу жумладан:

ўқига тушадиган максимал оғирлик 13 500 килограммгача бўлган техникаларнинг тормоз тизимини текшириш учун тормоз тизимининг техник диагностика воситаларига;

пневматик ва пневмогидравлик тормоз узатмаларида сиқилган ҳаво босими ва герметикликни (босим тушишини) назорат қилиш воситаларига;

тиркамаларни улаш мосламасини босиб туриш қурилмасига;

руль бошқарувидаги умумий люфтни ўлчаш ускунасига;

руль бошқаруви ва осмаси деталларидаги люфтларни текшириш тестерига;

чироқлар ёруғлигини бошқариш ва кучини назорат қилиш ускунасига;

шиналарни техник диагностика қилиш воситаларига;

газ анализаторига — ички ёнув двигателларига эга техниканинг ишлаб бўлинган газларида ифлослантирувчи моддаларнинг мавжудлигини аниқлаш ускунасига;

двигатель айланиш частотасини ва мой ҳароратини ўлчаш ускуналарига;

шовқинни ўлчаш ускунасига;

компрессорга;

қинчали манометрга;

зарур компьютер техникасига.

Айрим техник диагностика воситалари хавфсиз фойдаланиш талабларига мувофиқ бўлиши шарти билан универсал техник воситаларга алмаштирилиши мумкин.

Қўлланадиган барча ўлчов воситалари тасдиқланган типда бўлиши, қонунчилик ҳужжатларига мувофиқ текширувдан ўтган бўлиши шарт.

12. Техникаларни техник кўрикдан ўтказиш учун мўлжалланган ишлаб чиқариш-техник база жойлаштириладиган хона ва майдонларга оид талаблар ушбу Регламентга 4-иловага мувофиқ белгиланади.

13. Қуйидагилар давлат хизматини рад этиш учун асос бўлади:

ушбу Регламентнинг 6-бандида назарда тутилган ҳужжат тақдим этилмаганда;

сўровномада нотўғри ёки бузиб кўрсатилган маълумотлар мавжуд бўлганда;

тадбиркорлик субъектининг техникалари ушбу Регламентнинг 11-банди ва 4-иловада белгиланган талабларга мувофиқ бўлмаганда.

Давлат хизматини кўрсатишни бошқа асосларга, шу жумладан, мақсадга мувофиқ эмаслиги сабабларига кўра рад этишга йўл қўйилмайди.

14. Ҳисобга олингани ҳақида маълумотларда ўзгартириш ва қўшимчалар юзага келган тақдирда, ариза берувчи етти иш кунидан кечиктирмасдан, ушбу Регламентнинг 4-бандида белгиланган тартибда мурожаат қилиши шарт.

Бунда ваколатли орган сўровномани ушбу Регламентнинг 9-бандида белгиланган муддатда кўриб чиқади ва киритилган ўзгаришлар тўғрисида Давлат хизматлари марказига ёки ЯИДХП орқали мурожаат этилганда — ариза берувчига хабарнома юборади.

15. Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектлари (юридик шахслар) қуйидаги ҳолларда ҳисобдан чиқарилади:

тадбиркорлик субъектлари (юридик шахслар) аризасига асосан;

тадбиркорлик субъектлари (юридик шахслар) тугатилганда.

Мазкур банднинг иккинчи хатбошисида кўрсатилган ҳолда ариза берувчи ушбу Регламентнинг 4-бандида белгиланган тартибда мурожаат қилади.

Мазкур банднинг учинчи хатбошисида кўрсатилган ҳолда тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими томонидан тадбиркорлик субъектлари бўлган юридик шахс тугатилгани тўғрисида ваколатли органга композит тарзда хабарнома юборилади.

3-боб. Якунловчи қоидалар

16. Давлат хизматлари маркази ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.

17. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари маркази Регламент талаблари бажарилиши бўйича давлат органлари ва бошқа ташкилотларнинг фаолияти устидан давлат хизматларини кўрсатиш давомида, шу жумладан, ЯИДХП орқали, доимий назорат ва мониторингни амалга оширади.

18. Ариза берувчилар ваколатли органлар ходимларининг хатти-ҳаракатлари устидан қонунчиликда белгиланган тартибда шикоят қилишлари мумкин.

19. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг маъмурий регламентига 1-ИЛОВА

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш

Босқичлар Субъектлар Тадбирлар Бажариш муддатлари 1-босқич Ариза берувчилар Давлат хизматидан фойдаланиш учун Давлат хизматлари марказига шахсан келиб ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади. Ўз хоҳишига кўра 2-босқич 1. Давлат хизматлари маркази 1. Марказ ходими сўровномани тўлдириб, ваколатли органга юборади. 1. Сўровнома тўлдирилгандан кейин 10 дақиқада 2. ЯИДХП 2. Тўлдирилган сўровномани автоматик тарзда ваколатли органга юборади. 2. Реал вақт режимида 3-босқич Агросаноат мажмуи устидан назорат қилиш инспекцияси Тақдим этилган ҳужжатларга асосан: 1. Давлат хизматини рад этади. 2. Тадбиркорлик субъектини реестрга киритади. 1 иш кунида 4-босқич 1. Давлат хизматлари маркази 1. Хизмат натижасини ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади. Ариза берувчининг ўзи келиб мурожаат қилганда, хизмат натижасини электрон ёки қоғоз шаклида унга тақдим этади. 1. 10 дақиқа ичида 2. ЯИДХП 2. Хизмат натижасини ариза берувчига электрон тарзда тақдим этади. 2. Реал вақт режимида

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг маъмурий регламентига 2-ИЛОВА

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича

I. Ариза берувчи — юридик шахс тўғрисида маълумот 1. Расмий номи (тўлиқ): 2. Жойлашган жойи: 3. СТИР: 3. Телефон рақами: 4. Электрон почта манзили (мавжуд бўлса): II. Ариза берувчи вакили тўғрисида маълумот 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Телефон рақами: III. Сўровномага илова қилинадиган ҳужжатлар 1. Вакилнинг ваколатини тасдиқловчи ишончнома; 2. Ишлаб чиқариш-техник базаси Техник жиҳатдан тартибга солиш соҳасида назорат инспекцияси томонидан белгиланган тартибда техник жиҳатдан малакалилиги маъқуллашдан ўтгани тўғрисидаги гувоҳноманинг нусхаси.

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг маъмурий регламентига 3-ИЛОВА

Жисмоний шахсларнинг 100 от кучигача қувватга эга бўлган техникаларини техник кўрикдан ўтказиш билан шуғулланувчи тадбиркорлик субъектларини ҳисобга олиш бўйича давлат хизматини кўрсатишнинг маъмурий регламентига 4-ИЛОВА

Техникаларни техник кўрикдан ўтказиш учун мўлжалланган ишлаб чиқариш-техник база жойлаштириладиган хона ва майдонларга оид

1-боб. Умумий қоидалар

1. Ушбу Талаблар Инспекция диагностика станцияси, техник хизмат кўрсатишга ихтисослашган ташкилотларга тегишли бўлган ишлаб чиқариш-техник база, тадбиркорлик субъектлари — юридик шахслар томонидан техникаларни техник кўрикдан ўтказиш учун мўлжалланган ишлаб чиқариш-техник база (кейинги ўринларда — ишлаб чиқариш-техник база) жойлаштириладиган хона ва майдонларнинг параметрларига оид техник нормаларни белгилайди.

2. Ишлаб чиқариш-техник база белгиланган тартибда техник жиҳатдан малакалилигини маъқуллашдан ўтказилган, техникаларнинг техник ҳолатини техник жиҳатидан тартибга солиш соҳасидаги норматив ҳужжатлар талабларига мувофиқлигини баҳолашни ташкил этиш ва ўтказиш учун тегишли технологик, синов жиҳозлари ва ўлчаш воситалари билан таъминланган бўлиши зарур.

2-боб. Ишлаб чиқариш-техник базанинг ҳудудига оид талаблар

3. Ишлаб чиқариш-техник базанинг ҳудудида қуйидагиларни мажбурий жойлаштириш имконияти назарда тутилган бўлиши керак:

ишлаб чиқариш хоналари;

техник кўрикдан ўтказилиши кутилаётган ва тугалланган техникалар учун майдон;

хона ва майдонларга кириш ва ўтиш йўллари.

4. Ишлаб чиқариш-техник базанинг ҳудудида техникалар ҳаракатини ташкил этиш учун қуйидагилар мавжуд бўлиши керак:

сунъий ёритиш чироқлари;

қатнов қисми текис ва қаттиқ қопламали (асфальт-бетонли ёки цемент-бетонли) бўлган кириш йўли, майдони;

периметри бўйича ўрнатилган тўсиқ.

5. Ишлаб чиқариш-техник базанинг ҳудуди ёки у жойлашган ташкилотга кириш жойи олдида ишлаб чиқариш-техник базанинг иш режими ва техник кўрикдан ўтказиладиган техникаларнинг ҳаракатланиш схемаси кўрсатилган ахборот стенди ўрнатилган бўлиши керак.

Ишлаб чиқариш-техник базанинг биносида кенглиги 2,0 метрдан ва баландлиги 0,7 метрдан кам бўлмаган ўлчамдаги, давлат тилида «Traktor texnik koʻrigi» ёзуви бўлган пешлавҳа ўрнатилган бўлиши керак. Ёзув бошқа тилларда такрорланиши ҳам мумкин.

6. Ишлаб чиқариш-техник базанинг ҳудудида ва унга кириш-чиқиш жойларида видеокузатув камералари ўрнатилган бўлиши керак.

7. Ишлаб чиқариш-техник базанинг ишлаб чиқариш хонасига кириш йўллари бўйлаб техникаларнинг ҳаракати қуйидаги талабларни ҳисобга олган ҳолда ташкил қилиниши зарур:

техникаларнинг бир томонлама ҳаракатини ташкил этиш;

техникаларнинг хавфсиз ҳаракатланиши учун имконият яратиш;

ишлаб чиқариш-техник базанинг ҳудудида техникаларнинг рухсат этилган ҳаракат йўналишларини тегишли йўл чизиқлари билан белгилаш.

8. Ишлаб чиқариш-техник базанинг ҳудуди ичимлик суви ва ишлаб чиқариш сув қувурлари билан жиҳозланган бўлиши керак.

9. Ишлаб чиқариш-техник базанинг ҳудуди майдонининг юзаси текис, унда сув қувурлари ва сув оқиб кетадиган ариқлар мавжуд бўлиши керак.

10. Ишлаб чиқариш-техник базага кириш ҳамда унинг ҳудуди бўйлаб техникаларнинг ҳаракатланиши, барча мавжуд иншоотлар, йўл белгилари ва чизиқлари кўрсатилган схема ташкилот раҳбари томонидан тасдиқланади.

Йўлнинг кенглиги 4,5 метрдан кам бўлмаслиги керак.

11. Техник кўрикдан ўтказиладиган ва техник кўрикдан ўтказилган техникаларни жойлаштириш учун майдонларнинг ўлчамларини аниқлаш учун техникаларнинг габарит ўлчамлари ва техник кўрик линиясининг камида бир соатлик ишлаб чиқариш қувватига тенг бўлган миқдордаги техникаларнинг техник кўрик линияси майдонида айнан бир вақтда бўлиши эътиборга олиниши керак.

12. Ишлаб чиқариш-техник базанинг ишлаб чиқариш хонасига кириш олдидаги майдон 70 кв.метрдан кам бўлмаслиги керак.

3-боб. Ишлаб чиқариш-техник базанинг хоналарига оид талаблар

13. Ишлаб чиқариш-техник база таркибига қуйидагилар киритилиши керак:

ишлаб чиқариш хонаси;

техникалар эгаларини қабул қилиш ва уларга хизмат кўрсатиш хонаси;

техникаларни техник кўрикдан ўтказиш натижаларини расмийлаштириш хонаси;

санитария-гигиена хоналари.

14. Ишлаб чиқариш-техник базанинг ишлаб чиқариш хоналари қуйидагиларни инобатга олган ҳолда ташкил қилинади:

техниканинг техник ҳолатини баҳолашдан ўтказиш дастури;

қўлланадиган ўлчаш воситалари ва синов жиҳозлари;

техниканинг техник ҳолатини баҳолаш ва натижаларини расмийлаштиришнинг технологик жараёни;

ёнғин хавфсизлиги ва меҳнатни муҳофаза қилиш талаблари.

15. Ишлаб чиқариш-техник базанинг ишлаб чиқариш хоналарининг ўлчамлари мазкур талабларга иловага мувофиқ техник кўрик линияларининг технологик постлари сони ва техниканинг габарит ўлчамларидан келиб чиққан ҳолда аниқланади.

16. Ишлаб чиқариш-техни базанинг ишлаб чиқариш хоналарини режаси ишлаб чиқаришнинг бино ва иншоотларини технологик лойиҳалаштириш қоидалари ва нормалари талабларига мувофиқ бўлиши керак.

Ишлаб чиқариш корпуси хонасининг бўртиб чиққан қурилиш конструкцияларигача бўлган баландлиги 7,0 метрдан кам бўлмаслиги керак.

Хоналарнинг поли текис, нефть маҳсулотлари таъсирига чидамли бўлиши керак.

17. Хоналарда барча технологик жараёнлар санитария-гигиена нормаларига мувофиқ ҳолда хавфсиз ва оқилона бажарилиши керак.

18. Ишлаб чиқариш хоналаридаги шовқин ва тебраниш даражаси санитария-гигиена нормаларида белгиланган ҳамда рухсат этилган кўрсаткичлардан ошмаслиги керак.

19. Хона ва иш жойларининг табиий ва сунъий ёритилиши ишларнинг хавфсиз бажарилиши, одамлар учун хавфсиз бўлиши ва уларнинг ҳаракатланишини таъминлаш учун етарли бўлиши керак.

Хона ва иш жойларининг табиий ва сунъий ёритилиши қуйидаги талабларга мувофиқ бўлиши лозим:

иш жойларида хонанинг поли сатҳида — камида 200 люкс;

ишчи хоналарда (кабинетларда) полдан 0,8 метр баландликдаги сатҳда — камида 200 люкс;

кўрикдан ўтказиш ҳандағида техниканинг таг қисми сатҳида — камида 150 люкс;

авария ҳолатларида ёритиш иш юзасини умумий ёритиш учун белгиланган норманинг 5 фоизидан кам бўлмаслиги, лекин камида 2 люкс бўлиши керак.

20. Техникаларни техник кўрикдан ўтказиш учун мўлжалланган хоналардаги ҳаво ҳарорати ўтказиладиган синов усулларига оид норматив ҳужжатлар талабларига мувофиқ бўлиши керак. Ишлаб чиқариш-техник базанинг биноларидаги ҳаво ҳарорати йилнинг совуқ даврида — 15°C дан 25°C гача, иссиқ даврида — 22°C дан 30°C гача оралиқда бўлиши керак.

21. Техникаларни корхонанинг ҳудудида ҳаракатланиши тезлиги очиқ йўлларда — 10 км/с дан, хона ичида — 5 км/с дан ортиқ бўлмаслиги керак.

22. Ишлаб чиқариш-техник базанинг ишлаб чиқариш хоналарига кириш жойи пешлавҳа билан белгиланади ва сутканинг қоронғи пайтида ёритилади. Ишлаб чиқариш хоналарига кириш (чиқиш) йўли ишлаб чиқариш хоналаридан бошқариладиган ёруғлик (масалан, светофор) сигнализацияси билан жиҳозланади.

Кириш дарвозаси устида 3.13. «Чекланган баландлик», 3.14. «Чекланган кенглик» ва 3.24. «Юқори тезлик чекланган (5 км/с)» йўл белгилари жойлаштирилади.

23. Ишлаб чиқариш-техник базанинг хоналарини мижозлар учун қулай бўлган жойида қуйидаги маълумотлар акс эттирилган ахборот стенди ёки бошқа махсус қурилмалар ўрнатилади:

ишлаб чиқариш-техник базанинг тегишлилиги, жойлашган жойи, иш тартиби ва режими, алоқа телефонлари;

Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг ишонч телефони рақамлари, таклиф ва эътирозлар китоби сақланадиган жой ва уни юритиш (сақлаш) учун масъул бўлган шахснинг фамилияси, исми, отасининг исми;

техникани техник кўрикдан ўтказиш тартиби, текшириладиган (баҳоланадиган) параметрлар ва нормативлар, техник кўрикдан ўтказишнинг даврийлиги ва техникаларнинг техник ҳолатини баҳолаш натижалари тўғрисидаги ҳужжатни бериш тартиби;

техникани техник кўрикдан ўтказиш учун қонунчилик ҳужжатларига мувофиқ кўрсатилиши зарур бўлган ҳужжатлар, техник кўрикдан ўтказиш учун тўлов миқдори, зарур жараёнларни амалга ошириш муддати ва бошқа маълумотлар.

24. Ишлаб чиқариш хоналари электр хавфсизлиги талабларини белгиловчи норматив-ҳуқуқий ҳужжатлар талабларига мувофиқ электр таъминоти (ёритиш) учун электр тармоқлари, шунингдек, қувват бериш кабеллари (диагностика жиҳозларининг электр энергияси таъминоти учун) ва тақсимлагич электрошитлар билан жиҳозланади.

25. Ишлаб чиқариш-техник базанинг ишлаб чиқариш хоналарида иккитадан кам бўлмаган эвакуация чиқиш жойлари мавжуд бўлиши назарда тутилади. Эвакуация чиқиш жойларининг эшиклари хонадан ташқари томонга очиладиган, ўтиш йўлагининг кенглиги 1 метрдан кам бўлмаслиги керак.

26. Ишлаб чиқариш-техник базанинг ёнғиндан ҳимояси, ёнғиннинг олдини олиш тизими ва ёнғин хавфсизлиги ҳамда портлаш хавфсизлигини таъминлаш бўйича ташкилий-техник тадбирлар қонунчилик ҳужжатларида белгиланган талабларга мувофиқ бўлиши керак.

27. Техникалар эгаларини қабул қилиш ва уларга хизмат кўрсатиш хоналари ҳамда техникаларнинг техник ҳолатини баҳолаш натижалари ҳақидаги ҳужжатни расмийлаштириш учун хоналар ишлаб чиқариш-техника базасининг ишлаб чиқариш хоналарига ёки унга яқин жойда бўлиши керак. Ушбу хоналарга кириш жойи тегишли кўрсаткичлар билан белгилаб қўйилади.

28. Техникаларнинг эгаларини қабул қилиш ва уларга хизмат кўрсатиш хоналарининг ўлчамларини аниқлашда, уларда ишлаб чиқариш-техника базасининг ходими томонидан ҳужжатларни расмийлаштириш учун иш жойлари ҳамда техникаларни эгаларининг кутиб туриш жойлари инобатга олиниши керак.

Техникалар эгаларининг кутиб туриш жойлари сони ҳар бир техник кўрик линиясига бештадан кам бўлмаслиги керак.

29. Ишлаб чиқариш-техник базанинг ишлаб чиқариш хоналарини санитария-гигиена нормалари ва қоидаларига мувофиқлиги санитария-эпидемиология назорати органининг тегишли хулосаси билан тасдиқланади.

4-боб. Ишлаб чиқариш-техник базанинг ишлаб чиқариш хоналарини технологик режалаштиришга оид талаблар

30. Ишлаб чиқариш-техник базанинг диагностика жиҳозлари технологик лойиҳалашга оид талаблар ва нормаларга амал қилган ҳолда ўрнатилиши керак.

31. Ишлаб чиқариш-техни базанинг ишлаб чиқариш хоналари техникаларнинг двигатели ишлаб турган пайтда газларни чиқариш қувурларидан чиқаётган газларни ташқарига олиб чиқиш тизими билан жиҳозланади.

32. Ишлаб чиқариш-техник базанинг ишлаб чиқариш хоналарига техникаларнинг кириши (чиқиши) учун техник кўрик линияларида кенглиги 3,0 метрдан ва баландлиги 4,3 метрдан кам бўлмаган ўлчамдаги кириш (чиқиш) дарвозалари ўрнатилади.

33. Техник кўрик линияларида техникаларни техник кўрикдан ўтказиш учун хандақлардан фойдаланилади. Бунда:

техник кўрикдан ўтказиш хандақларининг сони техник кўрикдан ўтказиш линиялари сонига мувофиқ бўлиши;

техник кўрикдан ўтказиш хандақларининг узунлиги техник кўрик линиясида текширилиши режалаштирилаётган техниканинг максимал узунлиги ва ундан чиқиб кетиш учун захира йўлнинг мавжудлиги ҳисобга олинган ҳолда бўлиши;

техник кўрикдан ўтказиш хандақлари тутунни тортиб олиш вентиляцияси билан жиҳозланган бўлиши;

техник кўрикдан ўтказиш хандақларининг кенглиги 0,9 метрдан кам бўлмаслиги;

техник кўрикдан ўтказиш хандақларининг максимал кенглиги техник кўрик линиясида текширилиши режалаштирилаётган минимал колеяли техниканинг хандақдан ўтиш имконияти ҳисобга олинган ҳолда бўлиши керак.

5-боб. Якунловчи қоидалар

34. Техникаларнинг техник ҳолатини баҳолашнинг технологик жараёни техник кўрик линиясининг режалаштириладиган ечимларини, текшириладиган техникаларнинг тоифасини, бажариладиган ишларнинг мураккаблигини, қўлланадиган жиҳозлар, ўлчов воситалари ва анжомларни ҳисобга олган ҳолда ишлаб чиқилади.

35. Техниканинг техник ҳолатини баҳолаш бўйича ишларни бажаришда техника хавфсизлиги ва меҳнат муҳофазаси соҳасидаги норматив-ҳуқуқий ҳужжатлар талабларига амал қилиш мажбурий ҳисобланади.

36. Технологик постларда диагностика параметрлари, техника хавфсизлиги қоидалари ва ишларнинг хавфсиз усуллари бўйича амалда бўлган тавсиялар кўрсатилган технологик хариталар жойлаштирилади.

37. Ишлаб чиқариш-техник базада техник ҳолати баҳоланадиган тоифага мансуб техникалардан фойдаланиш бўйича норматив-ҳуқуқий ҳужжатлар, техник тартибга солиш соҳасидаги норматив ҳужжатлар, қўлланмалар (йўриқномалар), техника тўғрисидаги маълумотлар ва бошқа зарур маълумотлар мавжуд бўлиши керак.

38. Ишлаб чиқариш-техник базада биринчи тиббий ёрдам кўрсатиш учун зарур бўладиган дори воситалари ва анжомлари жамланган тиббиёт қутичаси бўлиши керак.

Вазирлар Маҳкамасининг 2023 йил 29 апрелдаги 170-сон қарорига 6-ИЛОВА

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг

1-боб. Умумий қоидалар

1. Мазкур Регламент юридик шахсларнинг тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш, шунингдек, жисмоний шахсларга (кейинги ўринларда — талабгор) имтиҳонларга рухсат бериш, имтиҳонлар олиш, қишлоқ хўжалиги, мелиорация ва йўл-қурилиш техникаларини (кейинги ўринларда — техника) бошқариш ҳуқуқини берувчи тракторчи-машинист гувоҳномасини бериш тартибини белгилайди.

Тракторчи-машинистларни тайёрлаш ва қайта тайёрлаш йўналишидаги таълим ташкилотларига олий таълим ва малака ошириш муассасалари, профессионал таълим муассасалари ҳамда таълим бериш лицензиясига эга бўлган бошқа нодавлат ташкилотлари (кейинги ўринларда — таълим ташкилотлари) киради.

2. Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ва ўқув жараёнларини назорат қилиш ҳамда имтиҳонларга рухсат бериш, имтиҳонлар олиш, техникаларни бошқариш ҳуқуқини берувчи тракторчи-машинист гувоҳномасини бериш бўйича давлат хизматлари мазкур Регламентга мувофиқ Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси (кейинги ўринларда — Инспекция) томонидан амалга оширилади.

Тракторчи-машинист гувоҳномаси мазкур Регламентга 1-иловага мувофиқ намунага ва таснифга кўра Инспекция томонидан тайёрланади.

3. Тракторчи-машинист гувоҳномасини бериш бўйича кўрсатиладиган давлат хизматлари «Тракторчи-машинист» автоматлаштирилган ахборот тизими орқали амалга оширилади ва унга маълумотлар тегишлилиги бўйича таълим ташкилотлари ҳамда Инспекция томонидан киритилади.

Инспекция қуйидаги назорат функцияларини амалга оширади:

тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш;

тракторчи-машинистликка талабгорларнинг ўқув гуруҳларидаги дастлабки ва якуний электрон ҳисобини юритиш;

ўқув гуруҳларидаги тракторчи-машинистликка талабгорларнинг таълим жараёнидаги иштирокини ва якуний имтиҳонларни назорат қилиш, таълим сифатини баҳолаб бориш, шу жумладан, тракторчи-машинистликка талабгорларни ўқишга қабул қилиш, гуруҳдан гуруҳга ўтказиш, рўйхатдан чиқариш ва ўқишини тугатганлиги тўғрисидаги маълумотларни (сертификат, гувоҳнома ва бошқалар) электрон тарзда олиш;

техникаларни бошқариш ҳуқуқини бериш учун тракторчи-машинистликка талабгорлардан имтиҳонларни қабул қилишнинг электрон навбат тизимини йўлга қўйиш, имтиҳон топшираётган тракторчи-машинистликка талабгорларнинг шахсини идентификация қилиш ҳамда улар тўғрисидаги электрон маълумотлар базасини шакллантириш;

назарий имтиҳонларни инсон омили аралашувисиз қабул қилиш ҳамда натижаларни автоматик тарзда баҳолаш ва расмийлаштириш;

амалий имтиҳонларни махсус майдончада имтиҳон қайси тоифадаги техникаларни бошқариш ҳуқуқини олиш учун топширилаётган бўлса, ўша тоифага мансуб бўлган техникаларни бошқаришнинг амалий кўникмаларини баҳолаш;

тракторчи-машинист гувоҳномасини бериш ҳамда тракторчи-машинистлар рўйхатини шакллантириш.

4. Барча техникалар тури, вазифаси ва бошқариш хусусиятларига кўра «А», «B», «С», «D», «Е» ва «F» тоифаларига бўлинади. Уларни бошқариш учун берилган тракторчи-машинист гувоҳномасининг тегишли катагида рухсат берувчи белги қўйилади.

Тракторчи-машинист гувоҳномасининг «А», «B», «С», «D», «Е» ва «F» катагида рухсат берувчи белгиси бўлган шахслар қуйидаги транспорт воситаларини бошқариш ҳуқуқига эга:

«А» тоифа — 30 от кучигача эга бўлган ғилдиракли тракторлар;

«B» тоифа — 30 от кучи ва ундан юқори от кучига эга бўлган ғилдиракли тракторлар;

«C» тоифа — занжирли тракторлар;

«D» тоифа — механик трансмиссияли қишлоқ хўжалиги техникалари;

«E» тоифа — гидростатик трансмиссияли қишлоқ хўжалиги техникалари;

«F» тоифа — мелиорация ва йўл-қурилиш техникалари.

Тракторчи-машинист гувоҳномаси уч тоифага бўлинади:

«А», «B», «C» ва «D» тоифаси;

«А», «B», «C», «D» ва «E» тоифаси;

«А», «B», «C», «D», «E» ва «F» тоифаси.

Тракторчи-машинистларга тоифасига кўра, класслар қуйидаги тартибда:

III класс — тракторчи-машинист гувоҳномасига эга бўлган фуқароларга;

II класс — III классга ва шу йўналишда уч йиллик меҳнат фаолиятига эга бўлган фуқароларга;

I класс — II классга ва шу йўналишда уч йиллик меҳнат фаолиятига эга бўлган фуқароларга талабгорнинг ёки иш берувчининг сўровномасига асосан Инспекция томонидан берилади.

2-боб. Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ва уни расмийлаштириш тартиби

5. Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш бўйича давлат хизматларини кўрсатиш мазкур Регламентга 2-иловага мувофиқ схемага асосан амалга оширилади.

6. Таълим ташкилотлари тракторчи-машинистларни тайёрлаш ва қайта тайёрлаш бўйича ўз фаолиятини бошлашдан олдин Инспекцияга мурожаат этади.

7. Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш учун юридик шахс Инспекцияга қуйидаги ҳужжатларни топширади:

юридик шахснинг аризаси (мазкур Регламентга 3-иловадаги намунага мувофиқ);

юридик шахснинг давлат рўйхатидан ўтказилганлиги тўғрисида гувоҳнома.

8. Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш бўйича ариза 8 иш кунидан кечиктирилмасдан кўриб чиқилади.

9. Ариза келиб тушгандан сўнг, тракторчи-машинистларни тайёрлаш ва қайта тайёрлаш йўналишидаги таълим ташкилотининг моддий-техника ва ўқув-методик базасини кўрикдан ўтказиш учун Инспекциянинг туман (шаҳар) бўлимларининг буйруғига асосан текширув комиссияси тузилади.

Текширув комиссияси Инспекция, давлат ва хўжалик бошқаруви органлари ҳамда нодавлат ташкилотлар вакилларидан иборат таркибда тузилади. Инспекциянинг ходими комиссия раиси ҳисобланади.

10. Текширув комиссияси тракторчи-машинистларни тайёрлаш ва қайта тайёрлаш йўналишидаги таълим ташкилотининг моддий-техника ва ўқув-методик базасини қуйидаги талабларга жавоб беришини кўриб чиқади:

камида 48 кв.м. майдонга эга бўлган ўқув хоналарининг мавжудлиги, ўқувчилар учун зарур шароитлар яратилганлиги, белгиланган талабларга мувофиқ моддий-техника жиҳозлари билан таъминланганлиги;

таълим ташкилотининг иш режасига киритилган қишлоқ хўжалиги, мелиорация ва йўл-қурилиш техникаларини бошқариш бўйича амалий машғулотларни тўлиқ ўтказиш учун ёнилғи-мойлаш материаллари билан таъминланганлиги;

муҳандис-педагоглар, инструкторлар ҳамда ишлаб чиқариш усталарининг маълумотга эгалиги ва билим даражасининг етарлилиги;

тракторчи-машинистликка талабгорларга техникаларни амалий бошқаришни ўргатиш учун белгиланган талабларга мувофиқ жиҳозланган майдонча, дала майдончаси, техника ёки ундан фойдаланиш тўғрисида шартноманинг мавжудлиги.

Таълим ташкилотига мулк ёки ижара ҳуқуқи асосида тегишли бўлган ўқув хоналаридан, улардаги жиҳоз ва машқ техникаларидан ўқув машғулотлари жараёнида фойдаланилади.

11. Текширув комиссиясининг таълим ташкилотида тракторчи-машинистларни тайёрлаш ва қайта тайёрлаш йўналишидаги таълим ташкилотларини ташкил этиш бўйича талабларнинг бажарилганлигини ўрганиш натижалари юзасидан мазкур Регламентга 4-иловага мувофиқ намунада икки нусхада далолатнома тузилади ва Инспекция томонидан тасдиқланади. Далолатноманинг бир нусхаси Инспекцияда, иккинчи нусхаси таълим ташкилотида сақланади.

12. Далолатномада текширув комиссиясининг таълим ташкилотини тракторчи-машинистларни тайёрлаш ва қайта тайёрлаш бўйича талабларга жавоб бериши ёки жавоб бермаслиги тўғрисидаги хулосаси кўрсатиб ўтилади.

13. Далолатномада «жавоб беради» деб хулоса берилганда, далолатнома тузилган кундан бошлаб 1 иш кунида таълим ташкилоти тўғрисидаги маълумотлар Инспекциянинг «Тракторчи-машинист» автоматлаштирилган ахборот тизимига киритилади ва ушбу таълим ташкилоти тракторчи-машинистларни тайёрлаш ва қайта тайёрлаш йўналишидаги таълим ташкилоти ҳисобига олинади.

Ушбу таълим ташкилотига «Тракторчи-машинист» автоматлаштирилган ахборот тизимига таълим ташкилотининг ўқув гуруҳларига қабул қилинган талабгорлар тўғрисидаги маълумотларни киритиш учун логин ва пароль берилади.

Таълим ташкилоти «Тракторчи-машинист» автоматлаштирилган ахборот тизимига таълим ташкилотининг номи, манзили, банк реквизитлари, уставни тасдиқлаш (рўйхатдан ўтказиш) тўғрисидаги гувоҳнома рақамини ҳамда тайёрланадиган тракторчи-машинистлар тоифаларини киритади.

14. Таълим ташкилоти ўқув гуруҳларидаги ўқувчилар сони, назарий ва амалий машғулотларни бошлаш муддатларини Инспекция билан келишган ҳолда белгилайди.

15. Ўқув гуруҳларидаги ўқувчилар рўйхати ва улар тўғрисидаги маълумотлар машғулотлар бошланишидан олдин таълим ташкилоти томонидан «Тракторчи-машинист» автоматлаштирилган ахборот тизимига киритилади.

Ўқув гуруҳларида ўқиш жараёни бошланганидан бир кун ўтиб тақдим этилган ўқувчилар рўйхати «Тракторчи-машинист» автоматлаштирилган ахборот тизимига киритилмайди.

16. Тракторчи-машинистларни тайёрлаш ва қайта тайёрлаш ўқув гуруҳларида ўқувчилар сони 8 кишидан кам бўлмаслиги ҳамда 25 кишидан ошмаслиги керак.

17. Таълим ташкилотининг ўқув гуруҳларида ўқиш жараёни якунланганидан сўнг, ўқувчиларга тегишли тоифадаги техникани бошқариш бўйича ўқув дастурларини тугатганлиги ҳақидаги гувоҳнома берилган санадан бошлаб 5 иш куни ичида бу тўғрисидаги маълумотлар «Тракторчи-машинист» автоматлаштирилган ахборот тизимига киритилиши лозим.

18. Инспекцияда белгиланган тартибда ҳисобга олинган таълим ташкилотларининг ўқув моддий-техника базаси ва фаолияти ҳар йили камида бир марта, ўқув гуруҳларининг ўқув жараёни — ҳар ойда камида бир марта текширилади.

Текширув натижалари бўйича далолатнома тузилиб, иш фаолиятида камчиликларга йўл қўйган таълим ташкилотлари юзага келган камчиликларни бартараф этмаса, уларга нисбатан қонунчилик ҳужжатларида белгиланган тартибда таъсир чоралари қўлланилиши тўғрисида огоҳлантирилади.

19. Агар таълим ташкилоти томонидан камчиликлар белгиланган муддатда бартараф этилмаса, Инспекцияда янги ўқув гуруҳларини рўйхатдан ўтказиш тўхтатилади.

Ушбу таълим ташкилотида тракторчи-машинистларни тайёрлаш ва қайта тайёрлаш бўйича ўқув жараёнларини тўхтатиш ёки унинг лицензиясини бекор қилиш бўйича Олий таълим, фан ва инновациялар вазирлигига тақдимнома киритилади. Шунингдек, мазкур таълим ташкилотига «Тракторчи-машинист» автоматлаштирилган ахборот тизимига кириш тўхтатилади.

20. Аниқланган камчиликлар тўлиқ бартараф этилганидан сўнг, таълим ташкилотига ўз фаолиятини қайта йўлга қўйишига ва янги ўқув гуруҳларини рўйхатдан ўтказишига рухсат этилади.

21. Инспекцияда тракторчи-машинистларни тайёрлаш ва қайта тайёрлаш йўналишидаги таълим ташкилотлари бўйича назорат-кузатув йиғма жилди юритилади.

Унда таълим ташкилотининг моддий-техник базаси, ўқув техникалари рўйхати, амалий машғулот ўтказиладиган йўналишли харита нусхаси, ўқув гуруҳларини текшириш ҳақидаги маълумотлар, текшириш далолатномалари, йил давомида амалга оширилган ишларнинг таҳлили ва бошқа маълумотлар жамланади.

3-боб. Тракторчи-машинист гувоҳномасини олиш учун имтиҳон топширишга рухсат бериш бўйича давлат хизматларини кўрсатишнинг тартиби

22. Тракторчи-машинист гувоҳномасини олиш учун имтиҳон топширишга рухсат бериш ва имтиҳонни ўтказиш бўйича давлат хизматларини кўрсатиш мазкур Регламентга 5-иловага мувофиқ схемага асосан амалга оширилади.

23. Тракторчи-машинист гувоҳномасини олиш учун имтиҳон топширишга талабгорнинг (кейинги ўринларда — талабгор) мурожаати уни рўйхатдан ўтказилган ҳудудидан қатъи назар исталган ҳудудда кўриб чиқилади.

24. Талабгор тракторчи-машинист гувоҳномасини олиш учун имтиҳон топшириш учун Инспекцияга ёки давлат хизматлари марказига (кейинги ўринларда — Марказ) келиб мурожаат этганда, Инспекция ёки Марказ ходими талабгор номидан ушбу Регламентга 6-иловага мувофиқ шаклдаги сўровномани электрон шаклда тўлдиради.

Талабгор Ягона интерактив давлат хизматлари портали (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирилганда фойдаланувчининг телефон рақамига юборилган хабарни тасдиқлаш орқали идентификацияланади.

25. Талабгор тракторчи-машинист гувоҳномасини олиш учун имтиҳон топшириш учун Марказга келиб мурожаат этганда, унинг сўровномаси Марказ ходими томонидан тўлдирилиб, талабгор томонидан тасдиқланганидан сўнг, реал вақт режимида Инспекцияга электрон шаклда юборилади.

Талабгор ЯИДХП ёки Агропортал орқали мурожаат қилганда, сўровнома автоматик тарзда Инспекцияга электрон шаклда юборилади.

26. Талабгор тракторчи-машинист гувоҳномасини олиш учун имтиҳон топширишга рухсат бериш учун Инспекцияга қуйидаги ҳужжатларни тақдим этади:

сўровнома;

шахсни тасдиқловчи ҳужжат:

Инспекция ходими «Тракторчи-машинист» автоматлаштирилган ахборот тизими орқали талабгорнинг қуйидаги ҳужжатларини электрон шаклда олади:

тегишли тоифадаги техникани бошқариш учун дастурлар бўйича ўқишни тугатганлиги ҳақидаги гувоҳнома;

диплом ва ўқув дастуридаги фанларни ўқиганлиги тўғрисидаги диплом варақасидан кўчирма нусха;

тиббий маълумотномаси (083-шакл).

27. Талабгорнинг шахсини тасдиқловчи ҳужжатларга қуйидагилар киради:

Ўзбекистон Республикаси фуқаролари учун — идентификацияловчи ID-картаси (паспорт);

Ўзбекистон Республикаси ҳарбий хизматчилари учун — ички ишлар органларида рўйхатдан ўтказилганлик тўғрисидаги ёки ҳарбий қисмларнинг уй ажратиш тўғрисидаги маълумотномасини илова қилган ҳолда ҳарбий қисм ёки ҳарбий муассасалар қўмондонлиги томонидан бериладиган шахсни тасдиқловчи ҳужжат ёки ҳарбий билет (ҳарбий хизматга мажбур бўлган фуқароларнинг ҳарбий билетлари бундан мустасно);

чет эл фуқаролари учун — Ўзбекистон Республикасида яшаш гувоҳномаси ёки чет эл фуқаросининг идентификацияловчи ID-картаси ёки дипломатик паспорти ёхуд Ўзбекистон Республикасида аккредитациядан ўтганлигини тасдиқловчи тегишли ҳужжат;

фуқаролиги бўлмаган шахслар учун — чет эл фуқароси ва фуқаролиги бўлмаган шахснинг идентификацияловчи ID-картаси, фуқаролиги бўлмаган шахсларнинг ички ишлар органларининг доимий ёки вақтинчалик рўйхатдан ўтказилган жойи ҳақидаги белгиси қўйилган Ўзбекистон Республикасида яшаш гувоҳномаси.

28. Тракторчи-машинист гувоҳномасини олиш учун имтиҳон топширишга рухсат бериш бўйича давлат хизматлари кўрсатганлик учун йиғимлар ушбу Регламентга 7-иловадаги тўлов ставкаларига мувофиқ ундирилади.

Давлат хизматларини кўрсатиш учун ЯИДХП ёки Агропортал орқали мурожаат этилганда, йиғим суммасининг 90 фоизи ундирилади.

Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга ушбу банддаги тўлов ставкаларининг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган тўлов ставкаларининг 75 фоизи миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно). Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифадаги оила учун белгиланган миқдорда қўлланилади.

Давлат хизматлари кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

28 1 . Тракторчи-машинист гувоҳномасини олиш учун имтиҳон топширишга рухсат бериш бўйича давлат хизматлари кўрсатганлик учун таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентга 7-иловадаги тўлов ставкаларининг 50 фоизи ундирилади.

29. Тракторчи-машинист гувоҳномасини олиш учун имтиҳон топширишга рухсат бериш ва имтиҳонни ўтказиш бўйича давлат хизматлари кўрсатганлик учун ундириладиган йиғимлар қуйидаги тартибда тақсимланади:

а) Марказга ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — Ягона биллинг тизими орқали давлат хизматларини кўрсатганлик учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи — ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

в) Инспекцияга ўзи келиб мурожаат этганда:

20 фоизи — Республика бюджетига;

80 фоизи — Инспекциянинг ривожлантириш жамғармасига ўтказилади;

г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади.

30. Қуйидаги ҳолларда Инспекция томонидан тракторчи-машинист гувоҳномасини олиш учун имтиҳон топширишга рухсат бериш рад этилади:

давлат хизматлари кўрсатганлик учун йиғимга тўловлар амалга оширилмаганда;

сўровномада нотўғри маълумотлар кўрсатилганда;

мазкур Регламентнинг 26-бандида кўрсатиб ўтилган ҳужжатлар сўровнома топширилганидан сўнг 3 иш куни ичида тўлиқ тақдим этилмаганда.

31. Давлат хизматлари кўрсатишни бошқа асослар бўйича рад этиш тақиқланади.

32. Талабгорга тракторчи-машинист гувоҳномасини олиш учун имтиҳон топширишга рухсат беришни рад этилишига сабаб бўлган ҳолатлар бартараф этилганда, талабгор тракторчи-машинист гувоҳномасини олиш учун имтиҳон топширишга рухсат бериш тўғрисида қайта мурожаат қилиш ҳуқуқига эга, бунда йиғимлар ундирилмайди.

33. Талабгор тракторчи-машинист гувоҳномасини олиш учун имтиҳон топширишга рухсат бериш бўйича Марказга келиб мурожаат этганда, унинг сўровномаси Марказ ходими томонидан тўлдирилиб, талабгор томонидан тасдиқланганидан сўнг реал вақт режимида Инспекцияга электрон шаклда юборилади.

ЯИДХП ёки Агропортал орқали мурожаат қилинганда эса, сўровнома автоматик тарзда Инспекцияга электрон шаклда юборилади.

34. Инспекция тақдим этилган ҳужжатларни кўриб чиқиб, тегишли маълумотлар тўғрилигини текшириб, талабгорга тракторчи-машинист гувоҳномасини олиш учун имтиҳон топширишга рухсат беради ёки рад этади.

35. Талабгорга тракторчи-машинист гувоҳномасини олиш учун имтиҳон топширишга рухсат бериш 1 иш кунидан кечиктирилмасдан кўриб чиқилади.

36. Тақдим этилган ҳужжатлар кўриб чиқилганидан сўнг талабгор Инспекция ходими томонидан имтиҳон топширувчилар рўйхатига киритилади ҳамда назарий имтиҳонни ўтказиш санаси ва вақти ҳақида талабгорнинг электрон почта манзилига ёки унинг телефон рақамига хабарнома юборилади.

37. Талабгор узрли сабаб билан (бетоблиги туфайли ёки яқин қариндоши вафот этганда) белгиланган вақтда имтиҳонга келмай қолган ҳолларда, унинг яна бир бор имтиҳон топшириш имконияти сақланиб қолади.

38. «А», «B», «С», «D», «Е» ва «F» тоифаларидаги техникаларни бошқариш бўйича ўқув жараёни муддати якунида 18 ёшга тўлган шахсларга имтиҳон топширишга рухсат этилади.

39. «А», «B», «С» ва «D» тоифаларидаги техникаларни бошқариш ҳуқуқини берувчи тракторчи-машинист гувоҳномасини олиш учун 280 соатдан кам бўлмаган назарий ва амалий ўқув дастури асосида таълим ташкилотини битирган ва таълим ташкилоти томонидан бериладиган (сертификат, гувоҳнома ва бошқалар) ҳужжатга эга бўлган фуқароларга имтиҳон топширишга рухсат этилади.

«А», «B», «С» ва «D» тоифаларидаги техникаларни бошқариш ҳуқуқига эга бўлган фуқароларга:

«E» тоифаси учун — 86 соат;

«E ва «F» тоифалари учун — 152 соатли ўқув дастури асосида таълим олганидан сўнг имтиҳон топширишига рухсат этилади.

Шунингдек:

«А», «B», «С», «D» ва «Е» тоифалари учун — 360 соат;

«А», «B», «С», «D», «Е» ва «F» тоифалари учун — 440 соатдан кам бўлмаган назарий ва амалий ўқув дастури асосида таълим ташкилоти томонидан бериладиган (сертификат, гувоҳнома ва бошқалар) ҳужжатга эга бўлган фуқароларга имтиҳон топширишига рухсат этилади.

Машғулотларни ташкил этиш шаклидан қатъи назар, тракторчи-машинистларни тайёрлаш ва қайта тайёрлаш курсларида умумий ўқув юкламасининг ҳажми ҳафтасига 20 соатгача, ўқув юкламасининг бажарилишидан келиб чиққан ҳолда аудиторияда ўтказиладиган назарий ва амалий машғулотларнинг кундалик ҳажми 4 соатгача режалаштирилади.

Аудитория машғулотларининг барча турлари учун 80 дақиқа давом этадиган дарс жуфтлиги белгиланади.

Техникаларни бошқаришни ўргатиш учун ажратилган амалий машғулотларнинг кундалик ҳажми ҳар бир инструктор учун 8 соатдан ортиқ бўлмаган ҳолда белгиланади.

40. Тракторчи-машинист гувоҳномасини олиш учун имтиҳонлар «Тракторчи-машинист» автоматлаштирилган ахборот тизимида аввал назарий, ундан сўнг амалий кетма-кетликда ўтказилади.

Назарий имтиҳонда тракторчи-машинистликка талабгорнинг йўл ҳаракати қоидалари, техникалар хавфсизлиги қоидалари ва ўқув дастурида назарда тутилган бошқа фанлар бўйича билимлари, амалий имтиҳонда эса техникани бошқариш кўникмалари синовдан ўтказилади ва баҳоланади.

Имтиҳонлар жараёнида талабгорларнинг аввал назарий билимлари, кейин амалий билимлари текширилади.

Назарий имтиҳондан ўтмаган шахслар амалий имтиҳонларга қўйилмайди.

41. Назарий имтиҳон «Тракторчи-машинист» автоматлаштирилган ахборот тизимида тест шаклида ўтказилади.

Назарий имтиҳон 15 та электрон тест саволларидан тузилган, ҳар бир саволга 3 — 5 та жавоб вариантлари келтирилган ва жавоблардан 1 таси тўғри бўлиши керак.

Имтиҳон саволларига жавоб бериш (тўғри жавоб вариантини танлаш) учун тракторчи-машинистликка талабгорга 15 дақиқа вақт берилади. Имтиҳон хронометражи «Тракторчи-машинист» автоматлаштирилган ахборот тизими орқали юритилади, ушбу вақт тугагач имтиҳон автоматик тарзда тўхтатилади.

Назарий имтиҳон натижалари «Тракторчи-машинист» автоматлаштирилган ахборот тизими томонидан автоматик тарзда баҳоланади. Бунда тракторчи-машинистликка талабгор имтиҳон учун ажратилган вақтда имтиҳон саволларининг:

12 та ва ундан кўпига тўғри жавоб берса — «топширди»;

12 тадан камига тўғри жавоб берса — «топширмади» якуний баҳоси қўйилади.

Имтиҳонни топшириш жараёнида тракторчи-машинистликка талабгорга адабиётлар, мобил алоқа, техник ёки бошқа ахборот воситаларидан фойдаланишга, имтиҳон ўтказиш жараёнига дахлдор бўлмаган шахсларнинг тракторчи-машинистликка талабгор билан мулоқотга киришишга рухсат этилмайди.

42. Назарий имтиҳондан ўтган талабгорга амалий имтиҳонни топширишга рухсат этилади.

43. Назарий имтиҳонларда олинган ижобий баҳо икки ой давомида ҳақиқий ҳисобланади.

Агар талабгор ушбу муддат ичида амалий имтиҳонни топширамаса (топшира олмаса), у назарий имтиҳонни қайта топширишга юборилади.

44. Барча тоифадаги техникаларни бошқариш ҳуқуқини бериш учун амалий имтиҳонлар Инспекциянинг марказий аппарати, ҳудудий бошқармалари ва туман (Қувасой шаҳар) бўлимлари бошлиғининг буйруғига асосан тузиладиган имтиҳон комиссияси томонидан қабул қилинади.

Имтиҳон комиссияси таркиби камида уч кишидан иборат бўлади, комиссия таркибига Инспекция, давлат ва хўжалик бошқаруви органлари ҳамда бошқа нодавлат ташкилотларнинг вакиллари киритилиши мумкин. Инспекция ходими комиссия раиси ҳисобланади.

Имтиҳон комиссияси аъзолари йўл ҳаракати, техника хавфсизлиги қоидалари ва имтиҳон олиш усулини билиши, бошқарилиши текширилаётган тоифадаги техникага оид билимларга эга бўлиши шарт.

45. Амалий имтиҳонда талабгор қайси тоифадаги техникани бошқариш ҳуқуқини берувчи гувоҳномани олиш хоҳишини билдирган бўлса, унинг фақат шу тоифадаги техникани бошқариши бўйича малакаси текширилади.

46. Йўл ҳаракати, техника хавфсизлиги қоидалари ва амалий бошқариш бўйича талабгорнинг натижалари мазкур Регламентга 8-иловага мувофиқ тўлдириладиган тракторчи-машинистларга гувоҳномаларни бериш бўйича имтиҳон натижалари тўғрисидаги имтиҳон варақасига ёзилади ҳамда имтиҳон комиссиясининг баённомаси билан расмийлаштирилади. Баённома имтиҳонда иштирок этган комиссия аъзолари томонидан имзоланади.

47. Тракторчи-машинистларни техникани бошқариш ҳуқуқидан маҳрум қилиш тўғрисидаги қарор қонунчиликда белгиланган тартибда қабул қилинади. Техникани бошқариш ҳуқуқидан маҳрум қилинган фуқаролар, тракторчи-машинист гувоҳномасини олиш учун, маҳрум қилиш муддатидан қатъи назар, мажбурий тиббий кўрикдан ўтишлари ҳамда назарий ва амалий имтиҳон топширишлари лозим.

48. Чет эл фуқароларига тракторчи-машинист гувоҳномасини бериш тартиби ушбу Регламентда назарда тутилган умумий қоидалар асосида амалга оширилади.

Ўзбекистон Республикаси фуқароларига республика ҳудудида техникаларни бошқариш учун фақат Ўзбекистон Республикасининг тракторчи-машинист гувоҳномаси ҳақиқий ҳисобланади.

Чет элнинг тракторчи-машинист гувоҳномасига эга бўлган Ўзбекистон Республикаси фуқаролари кўрсатилган тўлов ставкаларида йиғимларни тўлагандан кейин уларга белгиланган тартибда Ўзбекистон Республикасининг тракторчи-машинист гувоҳномаси берилади.

49. Имтиҳонларни қабул қилиш ва «А», «B», «С», «D», «Е» ва «F» тоифаларидаги техникаларни бошқариш ҳуқуқини берувчи тракторчи-машинист гувоҳномасини бериш Инспекция томонидан амалга оширилади.

50. Техникани бошқариш ҳуқуқидан маҳрум қилиш муддати тугаганидан кейин тракторчи-машинист гувоҳномаси назарий ва амалий имтиҳон топшириш орқали қайта берилади.

4-боб. Тракторчи-машинист гувоҳномасини расмийлаштириш

51. Тракторчи-машинист гувоҳномасини бериш бўйича назарий ва амалий имтиҳонлардан ўтган талабгорларга тракторчи-машинист гувоҳномаси берилади.

«Тракторчи-машинист» автоматлаштирилган ахборот тизими орқали тракторчи-машинист гувоҳномасининг серияси ва тартиб рақами электрон ҳолда шакллантирилади ва имтиҳон варақасида қайд этилади.

Тракторчи-машинист гувоҳномасидаги маълумотлар «Тракторчи-машинист» автоматлаштирилган ахборот тизими ёрдамида тайёрланади.

Тракторчи-машинист гувоҳномасини бериш бўйича давлат хизматлари кўрсатганлик учун йиғимлар ушбу Регламентга 7-иловадаги тўлов ставкаларига мувофиқ амалга оширилади.

52. Талабгорга тракторчи-машинист гувоҳномасини беришнинг асослилиги ва ҳужжатларнинг тўғри тўлдирилганлиги Инспекция ходими томонидан текширилади.

«Тракторчи-машинист» автоматлаштирилган ахборот тизимида тракторчи-машинистлар тўғрисидаги маълумотлар электрон шаклда юритилади.

53. Тракторчи-машинист гувоҳномасида бошқаришга рухсат этилган техникалар тоифаси қайд қилинади.

54. Тракторчи-машинист гувоҳномаси фуқаро шахсини тасдиқловчи ҳужжатни кўрсатган ҳолда тракторчи-машинист гувоҳномасини олганидан ва қайд этиш китобига шахсан имзо қўйганидан сўнг берилади.

Тракторчи-машинист гувоҳномаси ишончнома бўйича берилмайди.

Таълим ташкилотларини тугатган фуқароларга тракторчи-машинист гувоҳномаси Инспекция томонидан имтиҳон ўтказиш якунлари бўйича берилиши мумкин.

5-боб. Тракторчи-машинист гувоҳномасини алмаштириш ва йўқолгани ўрнига янгисини бериш тартиби

55. Жисмоний шахсларга тракторчи-машинист гувоҳномасини алмаштириш ва йўқолгани ўрнига янгисини бериш бўйича давлат хизматларини кўрсатиш мазкур Регламентга 5-иловага мувофиқ схемага асосан амалга оширилади.

56. Жисмоний шахс тракторчи-машинист гувоҳномасини алмаштириш ёки йўқолгани ўрнига янгисини бериш бўйича Инспекцияга ёки Марказга келиб мурожаат этганда, Инспекция ёки Марказ ходими жисмоний шахс номидан ушбу Регламентга 6-иловага мувофиқ шаклдаги сўровномани электрон шаклда тўлдиради.

Жисмоний шахс ЯИДХП ёки Агропортал орқали мурожаат қилганда, сўровнома автоматик тарзда Инспекцияга электрон шаклда юборилади.

Жисмоний шахс ЯИДХП ёки Агропортал орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.

Мобил-ID тизими орқали сўровнома тўлдирганда фойдаланувчининг телефон рақамига юборилган хабарни тасдиқлаш орқали идентификацияланади.

57. Жисмоний шахс тракторчи-машинист гувоҳномасини алмаштириш ёки йўқолгани ўрнига янгисини бериш бўйича Марказга келиб мурожаат этганда, унинг сўровномаси Марказ ходими томонидан тўлдирилиб, жисмоний шахс томонидан тасдиқланганидан сўнг реал вақт режимида Инспекцияга электрон шаклда юборилади.

58. Жисмоний шахс тракторчи-машинист гувоҳномасини алмаштириш ёки йўқолгани ўрнига янгисини олиш учун Инспекцияга қуйидаги ҳужжатларни тақдим этади:

а) тракторчи-машинист гувоҳномасини алмаштириш учун:

сўровнома;

эски намунадаги ёки шикастланган ёхуд яроқсиз ҳолга келган тракторчи-машинист гувоҳномаси;

б) тракторчи-машинист гувоҳномаси йўқолганда янгисини бериш учун:

сўровнома;

шахсни тасдиқловчи ҳужжат.

59. Жисмоний шахснинг шахсини тасдиқловчи ҳужжатларга 36-бандда назарда тутилган ҳужжатлар киради.

60. Тракторчи-машинист гувоҳномаси йўқолганда янгисини олиш учун мурожаат этилганда Инспекция ходими «Тракторчи-машинист» автоматлаштирилган ахборот тизими орқали жисмоний шахс тўғрисидаги маълумотларни электрон шаклда олади.

61. Тракторчи-машинист гувоҳномасини алмаштириш ва йўқолгани ўрнига янгисини бериш бўйича давлат хизматлари кўрсатганлик учун йиғимлар ушбу Регламентга 7-иловадаги тўлов ставкаларига мувофиқ амалга оширилади.

Давлат хизматларини кўрсатиш учун ЯИДХП ёки Агропортал орқали мурожаат этилганда, йиғим суммасининг 90 фоизи ундирилади.

Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга ушбу банддаги тўлов ставкаларининг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган тўлов ставкаларининг 75 фоизи миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно). Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

Давлат хизматлари кўрсатганлик учун йиғим тўланганлигини тасдиқлаш ахборот-коммуникация тизимлари орқали амалга оширилади.

61 1 . Тракторчи-машинист гувоҳномасини алмаштириш ва йўқолгани ўрнига янгисини бериш бўйича давлат хизматлари кўрсатганлик учун таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентга 7-иловадаги тўлов ставкаларининг 50 фоизи ундирилади.

62. Тракторчи-машинист гувоҳномасини алмаштириш ва йўқолгани ўрнига янгисини бериш бўйича давлат хизматлари кўрсатганлик учун ундириладиган йиғимлар қуйидаги тартибда тақсимланади:

а) Марказга ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасига;

0,5 фоизи — Ягона биллинг тизими орқали давлат хизматларини кўрсатганлик учун Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи — ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

20 фоизи — Республика бюджетига;

қолган маблағлар — Инспекциянинг ривожлантириш жамғармасига ўтказилади;

в) Инспекцияга ўзи келиб мурожаат этганда:

20 фоизи — Республика бюджетига;

80 фоизи — Инспекциянинг ривожлантириш жамғармасига ўтказилади;

г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади.

63. Тракторчи-машинист гувоҳномасини алмаштириш ва йўқолгани ўрнига янгисини бериш бўйича давлат хизматлари кўрсатиш учун йиғимнинг амалга оширилмаганлиги хизматлар кўрсатишни рад этишга асос ҳисобланади.

Шунингдек, Инспекция томонидан қуйидаги ҳолларда тракторчи-машинист гувоҳномасини алмаштириш ва йўқолгани ўрнига янгисини бериш бўйича сўровнома рад этилади:

сўровномада нотўғри маълумотлар кўрсатилганда;

жисмоний шахс томонидан тракторчи-машинист гувоҳномасини алмаштириш ва йўқолгани ўрнига янгисини бериш бўйича ҳужжатлар 3 иш куни ичида тўлиқ тақдим этилмаганда.

Давлат хизматларини кўрсатишни бошқа асослар бўйича рад этиш тақиқланади.

64. Жисмоний шахс тракторчи-машинист гувоҳномасини алмаштириш ёки йўқолгани ўрнига янгисини беришга рад этиш асосларини бартараф этиб, қайта мурожаат қилишга ҳақли. Бундай ҳолда йиғимлар ундирилмайди.

65. Тракторчи-машинист гувоҳномасини алмаштириш ёки йўқолгани ўрнига янгисини бериш тўғрисидаги мурожаат техниканинг рўйхатдан ўтказилган ҳудудидан қатъи назар, исталган ҳудудда кўриб чиқилиши мумкин.

66. Инспекция тақдим этилган ҳужжатларни кўриб чиқиб, тракторчи-машинист гувоҳномасини алмаштириш ёки йўқолгани ўрнига янгисини беришга рухсат беради ёки рад этади.

67. Тракторчи-машинист гувоҳномасини алмаштириш ёки йўқолгани ўрнига янгисини бериш 1 иш кунидан кечиктирилмасдан кўриб чиқилади.

68. Тақдим этилган ҳужжатлар кўриб чиқилгандан сўнг, тракторчи-машинист гувоҳномасини алмаштириш ёки йўқолгани ўрнига янгисини бериш бўйича жисмоний шахснинг маълумотлари «Тракторчи-машинист» автоматлаштирилган ахборот тизимига жойлаштирилади, жисмоний шахснинг телефон рақамига, шунингдек, Давлат хизматлари марказига ёки ЯИДХП ёки Агропортал орқали тракторчи-машинист гувоҳномасини алмаштирилиши ёки йўқолгани ўрнига янгисини берилиши ҳақидаги хабарнома юборилади.

Жисмоний шахс Инспекцияга келиб «Тракторчи-машинист» автоматлаштирилган ахборот тизимида суратга тушади ва электрон имзо қўйгандан сўнг унга «Тракторчи-машинист» автоматлаштирилган ахборот тизими орқали тайёрланган тракторчи-машинист гувоҳномасини қайд этиш китобига имзо қўйган ҳолда олади.

69. Бир неча тоифадаги техникаларни бошқариш ҳуқуқига эга бўлган жисмоний шахс тракторчи-машинист гувоҳномасини алмаштиришда ўз хоҳишига кўра мавжуд тоифадан бирортасини ҳам олиши мумкин.

70. Тракторчи-машинист гувоҳномаси алмаштирилганда, янги берилаётган гувоҳноманинг «Алоҳида белгилар учун» номли катагига эски гувоҳноманинг серияси ва рақами ҳамда берилган куни ёзиб қўйилади.

71. Йўқолган (ўғирланган, ёнғин, табиий офат оқибатида ва бошқа ҳолатларда) тракторчи-машинист гувоҳномасининг янгиси 58-банднинг «б» кичик бандига асосан берилади.

72. Йўқолган тракторчи-машинист гувоҳномаси топилган тақдирда, у ҳақиқий эмас деб ҳисобланади ва Инспекцияга топширилади ҳамда белгиланган тартибда йўқ қилинади.

73. Янги намунадаги тракторчи-машинист гувоҳномасини олиш учун эски намунадаги тракторчи-машинист гувоҳномаси қайтариб олинади ва белгиланган тўлов ставкасида йиғимлар тўлангандан кейин янги намунадаги тракторчи-машинист гувоҳномаси берилади.

74. Тракторчи-машинистларга юқори класс бериш бўйича имтиҳон топширишга рухсат бериш ва тракторчи-машинист гувоҳномасини алмаштириш бўйича йиғимлар ушбу Регламентга 7-иловадаги тўлов ставкаларига мувофиқ амалга оширилади.

Юқори класс берилаётган тракторчи-машинистларнинг тракторчи-машинист гувоҳномаси янгисига алмаштирилиб, унинг алоҳида белгилар жойига класс қайд этилади.

6-боб. Якунловчи қоидалар

75. Тракторчи-машинист гувоҳномасини бериш учун асос бўладиган ҳужжатлар (сўровнома, имтиҳон варақаси, эски тракторчи-машинист гувоҳномаси ва бошқалар) ҳамда ўқув гуруҳларидаги ўқувчиларнинг рўйхати алоҳида иш ҳужжатлари сифатида йиғма жилдга тикилади ва белгиланган тартибда икки йил мобайнида сақланади.

76. Инспекцияда имтиҳон комиссиясининг баённомалари — 3 йил, тракторчи-машинист гувоҳномасини бериш китоби — 25 йил сақланади, белгиланган муддат ўтгандан кейин ҳужжатлар давлат архивига топширилади.

77. Тракторчи-машинистларни тайёрлаш ва қайта тайёрлаш, улардан имтиҳон олиш, тракторчи-машинист гувоҳномаларини бериш билан боғлиқ бўлган барча иш юритиш ҳужжатлари белгиланган тартибда Инспекция томонидан олиб борилади.

78. Намунавий ўқув дастурлари Инспекция ҳамда Олий таълим, фан ва инновациялар вазирлиги томонидан ишлаб чиқилади ва тасдиқланади.

79. Янги намунадаги тракторчи-машинист гувоҳномаси 10 йил муддатга берилади.

80. Талабгор томонидан тақдим қилинган ҳужжатлар уларни ўрганишдан ёки имтиҳонга киришдан, шунингдек, тракторчи-машинист гувоҳномасини алмаштириш ёхуд йўқолгани ўрнига янгисини беришдан аввал уларнинг асли билан таққосланиши шарт.

81. Тракторчи-машинист гувоҳномасини бериш бўйича аризалар 1 иш кунида кўриб чиқилади. Алоҳида қўшимча маълумот ёки маълумотларни аниқлаштирилиши лозим бўлган ҳолатларда — аризалар 10 иш кунида кўриб чиқилади.

82. Ушбу Регламент талабларининг бузилиши, тракторчи-машинист гувоҳномасининг қалбакилаштирилиши, тракторчи-машинист гувоҳномасига эга бўлмаган шахслар томонидан техникаларнинг бошқарилиши ҳамда бошқаришга рухсат этилиши белгиланган тартибда жавобгарликка тортишга сабаб бўлади.

83. Инспекция, Марказ ва давлат хизматларини кўрсатишда иштирок этувчи бошқа ташкилотлар манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.

84. Талабгорлар давлат хизматларини кўрсатувчи ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

85. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 1-ИЛОВА

Тракторчи-машинист гувоҳномасининг

Тракторчи-машинист гувоҳномасининг

ТАСНИФИ

Тракторчи-машинист гувоҳномаси халқаро стандартлар асосида 54 х 86 мм ўлчамдаги пластикдан тайёрланади. Гувоҳноманинг ранги — очиқ кулранг яшил. Лотин ёзувидаги давлат тилидан фойдаланилади. Серияли рақами — тўрт ҳарфли (UZ-TM), номери — олти рақамли.

Тракторчи-машинист гувоҳномасида жисмоний шахснинг шахсий идентификация рақами (ЖШШИР) ва қурилмалар ўртасида маълумотларни бевосита алоқасиз амалга ошириш имконини берувчи махсус электрон белги (NFC смарт-карта) бўлади.

Тракторчи-машинист гувоҳномасининг пластик шакли қуйидаги ҳимоя воситаларига эга:

Ўзбекистон Республикаси Давлат герби тасвири шаклидаги голограмма, у нишабликнинг турлича бурчагида ўз шаклини ўзгартиради;

микроматн — «TRAKTORCНI-MASНINIST GUVOНNOMASI», «Удостоверение тракториста-машиниста», «Driving licence», ўлчами — максимум 30 микрон;

ультрабинафша қоплама;

«UZ» ёзуви, эгилганда бир рангдан бошқа рангга товланадиган оптик турланадиган бўёқ;

гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;

тракторчи-машинист гувоҳномаси пластик шаклининг серияли рақамининг лазер ўйма нақши.

Тракторчи-машинист гувоҳномасининг олд томонида «TRAKTORCНI-MASНINIST GUVOНNOMASI», «Удостоверение тракториста-машиниста», «Driving licence» сўзлари ёзилади, шунингдек, Ўзбекистон Республикаси Давлат байроғининг тасвири туширилган, «Ўзбекистон» номи давлат тилида, рус ва инглиз тилларида ёзилган, фамилияси, исми, отасининг исми, туғилган жойи ва санаси, берилган санаси, амал қилиш муддати, берилган жойи, жисмоний шахснинг идентификация рақами, гувоҳнома рақами, яшаш жойи, тоифалари тўғрисидаги маълумотлар мажбурий тартибда кўрсатилади, фотосурат учун жой назарда тутилган.

Орқа томонида берилган санаси ва муддати мажбурий тартибда кўрсатилади.

1 — 12-бандлардаги маълумотлар қайд этилади.

Алоҳида белгилар учун жой назарда тутилган.

A, B, C, D, E, ва F тоифаларини бошқариш учун тракторчи-машинист гувоҳномасининг ҳақиқийлиги тегишли пиктограммалар билан ифодаланган.

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 2-ИЛОВА

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш

Босқичлар Субъектлар Тадбирлар Бажариш муддатлари 1-босқич Таълим ташкилотлари (олий таълим ва малака ошириш муассасалари, профессионал таълим муассасалари ҳамда таълим бериш лицензиясига эга бўлган бошқа нодавлат ташкилотлар) Тракторчи-машинистларни тайёрлаш ёки қайта тайёрлаш йўналишида таълим жараёнини ташкил қилиш учун Вазирлар Маҳкамаси ҳузуридаги Агросаноат мажмуи устидан назорат қилиш инспекциясига (кейинги ўринларда — Инспекция) ариза билан мурожаат қилади. Хоҳишига кўра 2-босқич Инспекция Тракторчи-машинистларни тайёрлаш ва қайта тайёрлаш йўналишидаги таълим ташкилотларининг моддий-техника ва ўқув-методик базасини кўрикдан ўтказиш учун текширув комиссиясини тузади ҳамда ўзининг буйруғи билан тасдиқлайди. Мурожаат келиб тушгандан кейин 2 иш куни мобайнида 3-босқич Инспекция Таълим ташкилотининг моддий-техник ва ўқув-методик базасини ушбу Регламентнинг 10-банди талабларига асосан кўрикдан ўтказади. Мурожаат келиб тушгандан кейин 3 иш кунидан 4-босқич Инспекция 1. Таълим ташкилотининг белгиланган талабларга мувофиқлигини ўрганиб чиқиш якунлари бўйича мазкур Регламентга 4-иловага мувофиқ намунадаги далолатномани икки нусхада тузади. 2. Далолатномада таълим ташкилотига белгиланган талабларга «жавоб беради» деб хулоса берилганда, ушбу таълим ташкилоти тўғрисидаги маълумотларни «Тракторчи-машинист» автоматлаштирилган ахборот тизимига киритади ҳамда тракторчи-машинистларни тайёрлаш ва қайта тайёрлаш йўналишидаги таълим ташкилотларни ҳисобга олади. Мурожаат келиб тушгандан кейин 8 иш кунида

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 3-ИЛОВА

__________________ (сана) _______________ (рақам) Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш бўйича давлат хизматларини кўрсатиш юзасидан АРИЗА I. Талабгор — юридик шахс тўғрисида маълумот: 1. Ташкилот номи 2. Юридик манзили 3. СТИР рақами 4. Телефон рақами II. Тадбиркорлик субъектининг давлат рўйхатидан ўтказилганлиги тўғрисида гувоҳнома: 1. Санаси (кун, ой, йил) 2. Рўйхатга олинган сон Юридик шахс вакили: 1. Ф.И.О. 2. Паспорт (идентификацияловчи ID-карта) маълумотлари (серияси, рақами) 3. Имзо

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 4-ИЛОВА

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ташкил этиш бўйича талабларнинг бажарилганлигини ўрганиш натижалари юзасидан ДАЛОЛАТНОМА 20___ йил «___»____________ ____________ Тракторчи-машинистларни тайёрлаш ва қайта тайёрлаш йўналишидаги таълим ташкилотининг номи, манзили, мулк шакли:__________________________________________________________________________________ ________________________________________________________________________________________ ________________________________________________________________________________________ Т/р Талаблар Талабга жавоб бериши ( беради, бермайди) Мулк шакли (ўз мулки ёки ижара) 1. Бинонинг ҳолати 2. Ўқув хонасининг ўлчами (камида 48 кв.м) 3. Ўқув хонасининг иситилиши 4. Ўқув хонасининг совутилиши 5. Моддий-техник базаси 6. Ўқув анжомлари ва қуроллари 7. Ўқув режалари 8. Муҳандис-педагоглар, инструкторлар ҳамда ишлаб чиқариш усталарининг маълумоти ва билим даражаси 9. Амалий машғулотлар учун техника ва бошқа шароитлар 10. Амалий машғулотлар учун майдон 11. Амалий машғулотлар учун ёқилғи-мойлаш материалларининг ҳолати 12. Бошқа шароитлар Таълим ташкилоти тракторчи-машинистларни тайёрлаш ва қайта тайёрлаш талабларига: ___________________________ (жавоб беради/бермайди) Комиссия аъзолари (имзоси, Ф.И.О., иш жойи ва лавозими): ____________ __________________________________________________________ ____________ __________________________________________________________ ____________ __________________________________________________________ Таълим муассасаси раҳбари (имзоси, Ф.И.О., лавозими)

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 5-ИЛОВА

Тракторчи-машинист гувоҳномасини олиш учун имтиҳон топширишга рухсат бериш ва имтиҳонни ўтказиш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Талабгор 1. Талабгор давлат хизматларидан фойдаланиш учун Агросаноат мажмуи устидан назорат қилиш инспекциясига (кейинги ўринларда — Инспекция) ёки давлат хизматлари марказига (кейинги ўринларда — Марказ) ўзи келиб, шунингдек, давлат хизматларидан электрон фойдаланиш учун ягона интерактив давлат хизматлари порталида (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал) рўйхатдан ўтади. 1. Хоҳишига кўра 2. Инспекция, Марказ ёки ЯИДХП ёхуд Агропортал томонидан кўрсатиладиган давлат хизматлари учун йиғимни амалга оширади. 2. Мурожаат қилганда 2-босқич Марказ, ЯИДХП, Агропортал Сўровномани Инспекцияга юборади. Сўровнома тўлдирилгандан сўнг автоматик тарзда 3-босқич Инспекция 1. Тракторчи-машинист гувоҳномасини олиш учун сўровнома ва тақдим этилган ҳужжатларни кўриб чиқиб, талабгорга имтиҳон топширишга рухсат бериш ёки рад этиш тўғрисида қарор қабул қилади. 2. Талабгорга имтиҳон топширишга рухсат этилганда, уни имтиҳон топширувчилар рўйхатига киритади ҳамда талабгорга назарий имтиҳон ўтказиш санаси ва вақти тўғрисида Давлат хизматлари маркази ёки ЯИДХП ёки Агропортал орқали хабарнома юборади. 3. Талабгорга имтиҳон топшириши рад этилганлиги тўғрисида Давлат хизматлари маркази ёки ЯИДХП ёки Агропортал орқали хабарнома юборади. Сўровнома келиб тушгандан сўнг 1 иш кунида 4-босқич Инспекция Тракторчи-машинист гувоҳномасини алмаштириш ёки йўқолгани ўрнига янгисини олиш учун мурожаат қилинганда гувоҳномани алмаштиришга ёхуд йўқолгани ўрнига янгисини олишга рухсат бериш ёки рад этиш тўғрисида қарор қабул қилади. Сўровнома келиб тушгандан сўнг 1 иш кунида 5-босқич Инспекция Тракторчи-машинист гувоҳномасини олиш учун имтиҳондан ўтган ёки тракторчи-машинист гувоҳномасини алмаштиришга ёхуд йўқолгани ўрнига янгисини олишга рухсат берилган талабгорга «Тракторчи-машинист» автоматлаштирилган ахборот тизимига суратга тушган ҳолда тракторчи-машинист гувоҳномасини олиб кетиши тўғрисидаги хабарномани юборади. Қарор қабул қилинган кунда

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 6-ИЛОВА

__________________ (сана) _______________ (рақам) Тракторчи-машинист гувоҳномасини алмаштириш ёки йўқолгани ўрнига янгисини олиш бўйича давлат хизматларини кўрсатиш юзасидан СЎРОВНОМА I. Талабгор — жисмоний шахс тўғрисида маълумот: 1. Ф.И.О. 2. Паспорт (идентификацияловчи ID-картаси) маълумотлари (серияси, рақами) 3. Жисмоний шахснинг шахсий идентификация рақами 4. Манзили 5. Телефон рақами II. Тамомлаган таълим ташкилоти ( тракторчи-машинист гувоҳномаси биринчи марта олинганда): 1. Номи 2. Сертификат, гувоҳнома ва бошқалар: а) рақами б) берилган санаси (кун, ой, йил) III. Эски тракторчи-машинист гувоҳномаси (алмаштириш ёки йўқолгани ўрнига янгисини олиш учун): 1. Серияси 2. Рақами 3. Берилган санаси (кун, ой, йил) Тасдиқлайман:

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 7-ИЛОВА

Тракторчи-машинист гувоҳномасини олиш учун имтиҳон топширишга рухсат бериш ва тракторчи-машинист гувоҳномасини бериш учун ундириладиган

1. Техникани бошқариш бўйича назарий имтиҳон топшириш учун базавий ҳисоблаш миқдорининг 27 фоизи миқдорида 2. Техникани бошқариш бўйича қайта назарий имтиҳон топшириш учун базавий ҳисоблаш миқдорининг 30 фоизи миқдорида 3. Техникани бошқариш бўйича амалий имтиҳон топшириш учун базавий ҳисоблаш миқдорининг 25 фоизи миқдорида 4. Техникани бошқариш бўйича қайта амалий имтиҳон топшириш учун базавий ҳисоблаш миқдорининг 30 фоизи миқдорида 5. Тракторчи-машинист гувоҳномасини бериш ёки эски намунадаги гувоҳномани алмаштириш учун базавий ҳисоблаш миқдорининг 50 фоизи миқдорида

Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентига 8-ИЛОВА

Тракторчи-машинистларга гувоҳномаларни бериш бўйича имтиҳон натижалари тўғрисидаги ИМТИҲОН ВАРАҚАСИ Ўзагроинспекция марказий аппарати, ҳудудий бошқармаси ёки туман (Қувасой шаҳар) бўлими номи: Имтиҳон ўтказилган сана (кун, ой, йил) Рақами I. Талабгор — жисмоний шахс тўғрисида маълумот: 1. Ф.И.О. 2. Паспорт (идентификацияловчи ID-картаси) маълумотлари (серияси, рақами) 3. Жисмоний шахснинг шахсий идентификация рақами 4. Манзили II. Тамомлаган таълим ташкилоти: 1. Номи 2. Сертификат, гувоҳнома ва ҳ.к. а) рақами б) берилган санаси (кун, ой, йил) III. Имтиҳон натижалари: 1. Назарий имтиҳон (ўтди ёки ўтмади) 2. Амалий имтиҳон (ўтди ёки ўтмади) Комиссия раиси: ______________ (имзо) ___________________________ (Ф.И.О.) Комиссия аъзолари: ______________ (имзо) ___________________________ (Ф.И.О.) ______________ (имзо) ___________________________ (Ф.И.О.) ______________ (имзо) ___________________________ (Ф.И.О.)

Вазирлар Маҳкамасининг 2023 йил 29 апрелдаги 170-сон қарорига 7-ИЛОВА

Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси томонидан назорат қилинадиган ва техник кўрикка жалб этиладиган қишлоқ хўжалиги, мелиорация ва йўл-қурилиш техникалари, таъмирлаш ва сервис асбоб-ускуналарининг

I. Қишлоқ хўжалиги техникалари

1. Тракторлар

2. Трактор тиркамалари

3. Ўзиюрар машиналар:

ғалла ўриш комбайнлари;

шоли ўриш комбайнлари;

маккажўхори ўриш комбайнлари;

пахта териш машиналари;

ем-хашак ўриш комбайнлари;

силос ўриш комбайнлари;

ўрмон хўжалиги техникалари;

қишлоқ хўжалигида фойдаланиладиган ўзи ҳаракатланувчи қурилмага (двигателга) эга бўлган бошқа машиналар.

4. Қишлоқ хўжалиги машиналари (трактор ҳамда ўзиюрар техникалар билан ишлатиладиган машиналарнинг барчаси):

плуглар;

чизеллар;

культиваторлар;

калта ва узун базали текислагичлар;

лазер бошқарувли текислагичлар;

тишли ва дискли бороналар;

молалар

чигит экиш сеялкалари;

пневматик сеялкалар;

дон экиш сеялкалари;

пуркагичлар;

минерал ўғит сепгичлар;

органик ўғит сепгичлар;

тупроққа ишлов бериш учун актив ишчи органли агрегатлар, фрезалар;

зичлаб-боғлагич;

ариқ қазгичлар;

илдиз суғургичлар;

майдалагичлар

мотоблоклар;

мотокультиваторлар;

махсус боғдорчилик машиналари;

махсус сабзавот-полизчилик машиналари;

махсус чорвачилик машиналари;

махсус ўрмон хўжалиги машиналари;

пахта, дон қабул қилиш пунктлари, корхоналарида мавжуд бўлган махсус уруғлик саралаш ва бошқа машиналар, ускуналар (махсус технологик жиҳозлардан, тола ажратгич, тегирмон кабилардан ташқари);

қишлоқ хўжалигида фойдаланиладиган бошқа машиналар.

5. Ўрмон хўжалиги техникалари:

дарахт ва бута қолдиқларини майдалагич машина ва агрегатлари;

дарахт кесиш ва ёғоч тайёрлаш техникалари;

ўрмон хўжалигида фойдаланиладиган бошқа техникалар.

II. Мелиорация техникалари

1. Экскаваторлар

2. Бульдозерлар

3. Скреперлар

4. Очиқ сув ҳавзасига ўрнатиладиган кўчма ва стационар насослар (22 кВт ва ундан юқори қувватли двигателлар билан жиҳозланган)

5. Суғориш машиналари

6. Мелиорацияга тегишли бошқа техника ва машиналар

III. Йўл-қурилиш техникалари

1. Грейдерлар

2. Асфальт ётқизгичлар

3. Цемент-бетон йўл ётқизгичлар

4. Йўлга йўл белгиларни чизиш машинаси

5. Ўзиюрар катоклар ва агрегатлар

6. Ўзиюрар бетонқоргичлар ва стационар (иш ҳажми 25 м3/соатдан юқори) бетон қориш агрегатлари

7. Тош майдалаш агрегатлари

8. Барча турдаги юклагич чўмичли, грейферли, вилкалилар (погрузчик)

9. Қувур ётқизувчи ўзиюрар техникалар ва агрегатлар

10. Туннел қазиш техникалари

11. Бурғулаш ўзиюрар техникалари ва агрегаталари

12. Компрессорлар

13. Йўл фрезалаш машиналари

14. Йўл юза қатламини қайта тикловчи техникалар

15. Ўзиюрар ва ўрнатма қозиқ қоқиш техникалари

16. Қор тозалаш машиналари

17. Йўл қурилишда фойдаланиладиган бошқа техника ва машиналар

IV. Жиҳоз ва асбоб-ускуналар

1. Техниканинг техник сервиси ва уларни таъмирлаш учун асбоблар ва мосламалар:

металлга ишлов берувчи станоклар;

кўчма ва стационар пайвандлаш қурилмалари;

темирчилик пресслаш асбоб-ускуналари;

электр энергияси билан ишловчи асбоблар, гидротизимлар, ёқилғи насослари ва форсункалар, двигателлар, бошқарув механизмлари диагностикаси учун қурилмалар.

2. Қишлоқ хўжалиги, мелиорация ва йўл-қурилиш техникаларини сервис ва таъмирлаш устахоналарида фойдаланиладиган бошқа жиҳозлар ҳамда ускуналар.

Вазирлар Маҳкамасининг 2023 йил 29 апрелдаги 170-сон қарорига 8-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган қарорлари

1. Вазирлар Маҳкамасининг «Қишлоқ хўжалиги, мелиорация ва йўл қурилиш техникаларидан фойдаланишни такомиллаштириш чора-тадбирлари тўғрисида» 2019 йил 17 апрелдаги 325-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида» 2019 йил 21 майдаги ПФ-5723-сон Фармони)» 2019 йил 28 декабрдаги 1046-сон қарорига илованинг 286-банди .

3. Вазирлар Маҳкамасининг «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида» 2020 йил 28 сентябрдаги 593-сон қарорига 4-илованинг 75-банди .

4. Вазирлар Маҳкамасининг «Давлат хизматлари кўрсатишнинг инфратузилмаси такомиллаштирилганлиги ва аҳолининг давлат хизматларидан фойдаланиш имкониятлари кенгайтирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2021 йил 28 октябрдаги 661-сон қарорига илованинг 20-банди .

5. Вазирлар Маҳкамасининг «Йўқолган ашёларни қабул қилиш, сақлаш ва эгаларига қайтариш ёки тегишли давлат ташкилотларига топшириш тартибини такомиллаштириш чора-тадбирлари тўғрисида» 2022 йил 18 январдаги 28-сон қарорига 2-илованинг 5-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 604-банди .

Ўзбекистон Республикасининг Бош вазири А. АРИПОВ

Тошкент ш.,

2023 йил 29 апрель,

170-сон

(Қонунчилик маълумотлари миллий базаси, 01.05.2023 й., 09/23/170/0233-сон; 22.07.2023 й., 09/23/304/0510-сон; 29.12.2023 й., 09/23/688/0996-сон; 12.07.2024 й., 09/24/371/0499-сон; 03.03.2025 й., 09/25/135/0208-сон; 02.04.2025 й., 09/25/197/0299-сон; 13.06.2025 й., 09/25/362/0507-сон; 19.06.2025 й., 09/25/378/0518-сон; 25.12.2025 й., 09/25/821/1211-сон; 06.01.2026 й., 09/26/840/0012-сон; 02.02.2026 й., 09/26/35/0101-сон; 17.04.2026 й., 09/26/175/0373-сон; 15.07.2026 й., 09/26/381/0734-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

NAMUNASI

NAMUNASI

NAMUNALARI

SXEMASI

TOʻLOV STAVKALARI

MAʼMURIY REGLAMENTI

NAMUNASI

NAMUNASI

NAMUNALARI

SXEMASI

TOʻLOV STAVKALARI

MAʼMURIY REGLAMENTI

SXEMASI

MAʼMURIY REGLAMENTI

TALABLAR

TOʻLOV STAVKALARI

SXEMASI

NAMUNASI

NAMUNASI

MAʼMURIY REGLAMENTI

SXEMASI

SOʻROVNOMA

TALABLAR

MAʼMURIY REGLAMENTI

NAMUNASI

SXEMASI

SXEMASI

TOʻLOV STAVKALARI

ROʻYXATI

ROʻYXATI

Qishloq xoʻjaligi, melioratsiya va yoʻl-qurilish texnikalaridan foydalanish sohasida davlat xizmatlari koʻrsatish tizimini takomillashtirish chora-tadbirlari toʻgʻrisida

Oʻzbekiston Respublikasi Prezidentining “ Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida ” 2021-yil 24-iyuldagi PF-6269-son hamda “ Davlat xizmatlari koʻrsatishni soddalashtirish, byurokratik toʻsiqlarni qisqartirish hamda davlat xizmatlari koʻrsatish milliy tizimini rivojlantirishning qoʻshimcha chora-tadbirlari toʻgʻrisida ” 2022-yil 20-apreldagi PF-113-son Farmonlari ijrosini taʼminlash, shuningdek, qishloq xoʻjaligi, melioratsiya va yoʻl-qurilish texnikalaridan foydalanish sohasida davlat xizmatlari koʻrsatish tizimini yanada takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamenti 1-ilovaga muvofiq:

davlat xizmatlaridan foydalangan holda qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish uchun murojaat qilish hamda murojaatga koʻra davlat xizmatlarini koʻrsatish tartibi;

qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatganlik uchun yigʻimlarni toʻlash tartibi;

qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazishni rasmiylashtirish hamda ularga davlat raqami belgilari, texnik pasport va texnik guvohnoma berish tartibi;

b) Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq:

davlat xizmatlaridan foydalangan holda qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha murojaatlarni shakllantirish va yuborish tartibi;

qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatganlik uchun yigʻimlarni toʻlash tartibi;

qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazishni rasmiylashtirish hamda ularga vaqtinchalik texnik pasport, texnik guvohnoma va davlat raqami belgilarini berish tartibi;

v) Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatishning maʼmuriy reglamenti 3-ilovaga muvofiq:

davlat xizmatlaridan foydalangan holda qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha murojaatlarni shakllantirish va yuborish tartibi;

qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatganlik uchun yigʻimlarni toʻlash tartibi;

qishloq xoʻjaligi, melioratsiya va yoʻl-qurilish texnikalarini hisobdan chiqarishni rasmiylashtirish hamda hisobdan chiqarish tartibi;

d) Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamenti 5-ilovaga muvofiq:

jismoniy va yuridik shaxslarning qishloq xoʻjaligi, melioratsiya va yoʻl-qurilish texnikalarini, servis va taʼmirlash jihozlari hamda boshqa uskunalarini majburiy yillik texnik koʻrikdan oʻtkazish boʻyicha murojaatlarini shakllantirish va yuborish tartibi;

jismoniy va yuridik shaxslarning qishloq xoʻjaligi, melioratsiya va yoʻl-qurilish texnikalarini, servis va taʼmirlash jihozlari hamda boshqa uskunalarini texnik koʻrikdan oʻtkazish va texnik koʻrikdan oʻtkazishni rasmiylashtirish tartibi;

d 1 ) jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning maʼmuriy reglamenti 5 1 -ilovaga muvofiq:

jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha murojaat qilish tartibi;

jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini tadbirkorlik subyektlarini hisobga olish tartibi;

e) Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamenti 6-ilovaga muvofiq:

qishloq xoʻjaligi, melioratsiya va yoʻl-qurilish texnikalarini boshqaruvchi traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish va rasmiylashtirish tartibi;

qishloq xoʻjaligi, melioratsiya va yoʻl-qurilish texnikalarini boshqarish huquqini beruvchi traktorchi-mashinist guvohnomasini olish uchun imtihon topshirishga ruxsat berish, imtihon oʻtkazish hamda traktorchi-mashinist guvohnomasini rasmiylashtirish tartibi;

qishloq xoʻjaligi, melioratsiya va yoʻl-qurilish texnikalarini boshqarish huquqini beruvchi traktorchi-mashinist guvohnomasini almashtirish yoki yoʻqolgan guvohnoma oʻrniga yangisini berish tartibi;

j) Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi tomonidan nazorat qilinadigan va texnik koʻrikka jalb etiladigan qishloq xoʻjaligi, melioratsiya va yoʻl-qurilish texnikalari, taʼmirlash va servis asbob-uskunalarining roʻyxati 7-ilovaga muvofiq tasdiqlansin.

3. Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Oʻzagroinspeksiya):

a) Raqamli texnologiyalar vazirligi va Adliya vazirligi bilan birgalikda uch oy muddatda:

davlat xizmatlarini koʻrsatishda ishtirok etuvchi tuzilmalarning Oʻzbekiston Respublikasi Yagona interaktiv davlat xizmatlari portaliga (keyingi oʻrinlarda — YIDXP) integratsiya qilinishini taʼminlasin;

davlat xizmatlarini koʻrsatishning har bir bosqichida jismoniy va yuridik shaxslarning murojaatlari koʻrib chiqilishini YIDXPda kuzatib borish choralarini koʻrsin;

b) YIDXPda davlat xizmatlarini joriy qilish boʻyicha texnik hujjatni ikki oy muddatda ishlab chiqsin hamda belgilangan tartibda kelishish uchun Raqamli texnologiyalar vazirligi va Adliya vazirligiga kiritsin;

v) Raqamli texnologiyalar vazirligi bilan birgalikda:

uch oy muddatda davlat xizmatlarini koʻrsatganlik uchun toʻlov va yigʻimlarni toʻlov tizimlari hamda yagona billing tizimi orqali elektron shaklda toʻlash imkoniyatini yaratsin;

2023-yil 1-iyulga qadar Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan “Texnikalar texnik koʻrigi” avtomatlashtirilgan axborot tizimini ishlab chiqsin.

4. Oʻzagroinspeksiya 2023-yil 1-maydan boshlab jismoniy va yuridik shaxslarning qishloq xoʻjaligi, melioratsiya va yoʻl-qurilish texnikalarini harakatlanuvchi (maxsus avtotransport) mobil texnik nazorat liniyalaridan foydalangan holda majburiy yillik texnik koʻrikdan oʻtkazish amaliyotini joriy etsin.

5. Yuridik shaxs boʻlgan tadbirkorlik subyektlariga 2023-yil 1-sentabrdan boshlab jismoniy shaxslarning 100 ot kuchigacha quvvatga ega boʻlgan qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish faoliyati bilan shugʻullanish huquqi berilsin.

Oʻzagroinspeksiya 2023-yil 1-oktabrga qadar qonunchilik hujjatlarida belgilangan tartibda qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish faoliyatini amalga oshiradigan tadbirkorlik subyektlariga axborot xavfsizligi talablarini inobatga olgan holda “Texnikalar texnik koʻrigi” avtomatlashtirilgan axborot tizimiga kirish imkoniyatini yaratsin.

Belgilansinki:

“Texnikalar texnik koʻrigi” avtomatlashtirilgan axborot tizimiga tadbirkorlik subyektlari integratsiya qilingunga qadar tadbirkorlik subyektlari tomonidan majburiy yillik texnik koʻrikdan oʻtkazilgan va texnik soz deb topilgan qishloq xoʻjaligi, melioratsiya va yoʻl-qurilish texnikalariga ularning texnik holati haqidagi dalolatnoma beriladi;

qishloq xoʻjaligi, melioratsiya va yoʻl-qurilish texnikalarining texnik holati haqidagi dalolatnoma “Texnikalar texnik koʻrigi” avtomatlashtirilgan axborot tizimiga texnik koʻrik natijalarini kiritish uchun asos boʻladi.

6. Oʻzagroinspeksiya tomonidan quyidagi axborot tizimlari ishga tushirilganligi maʼlumot uchun qabul qilinsin:

davlat roʻyxatiga olingan qishloq xoʻjaligi, melioratsiya va yoʻl-qurilish texnikalarining elektron hisobini yuritish boʻyicha “Texnikalar hisobi” avtomatlashtirilgan axborot tizimi;

traktorchi-mashinistlarni tayyorlash va qayta tayyorlash boʻyicha hisobga olingan taʼlim tashkilotlari va traktorchi-mashinist guvohnomasiga ega boʻlgan shaxslarning roʻyxati aks ettirilgan “Traktorchi-mashinist” avtomatlashtirilgan axborot tizimi.

7. Oʻzagroinspeksiya quyidagi vazirlik va idoralar bilan birgalikda 2023-yil 1-avgustga qadar davlat xizmatlarini koʻrsatish uchun zarur boʻladigan maʼlumotlarni elektron shaklda olish va almashish maqsadida “Texnikalar hisobi”, “Traktorchi-mashinist” va “Texnikalar texnik koʻrigi” avtomatlashtirilgan axborot tizimlarining oʻzaro integratsiya qilinishini taʼminlasin:

Oʻzbekiston Respublikasi Adliya vazirligi bilan — notarius tomonidan tasdiqlangan shartnomalar (oldi-sotdi, ayirboshlash, hadya va boshqalar) hamda taqiqqa qoʻyish va taqiqdan yechishga oid hujjatlar toʻgʻrisidagi maʼlumotlar;

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi bilan — qishloq xoʻjaligi, melioratsiya va yoʻl-qurilish texnikalarining bojxona rasmiylashtiruvidan oʻtganligi (bojxona yuk deklaratsiyasi) toʻgʻrisidagi maʼlumotlar;

Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasi bilan — yuridik shaxslarning STIR raqamlari, toʻliq nomi, joylashgan joyi (pochta manzili) hamda taqiq qoʻyish va taqiqdan yechish haqidagi hujjatlarga oid maʼlumotlar;

Oʻzbekiston Respublikasi Markaziy banki bilan — toʻlovlarni real vaqt rejimida koʻrish imkonini beruvchi hisob-kitoblarning kliring tizimi orqali amalga oshirilishiga oid maʼlumotlar;

Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi bilan — texnikalarni davlat roʻyxatiga olish va roʻyxatdan chiqarishga oid maʼlumotlar;

Oʻzbekiston Respublikasi Ichki ishlar vazirligining Jamoat xavfsizligi departamenti Yoʻl harakati xavfsizligi xizmati bilan — texnikalarni davlat roʻyxatiga olish, texnik koʻrikdan oʻtkazish va roʻyxatdan chiqarishga oid maʼlumotlar;

Oʻzbekiston Respublikasi Yagona interaktiv davlat xizmatlari portali bilan — yuridik shaxslarning davlat roʻyxatidan oʻtkazilganligi toʻgʻrisidagi guvohnoma hamda jismoniy shaxslarning JSHSHIR raqami, familiyasi, ismi, otasining ismi, tugʻilgan yili, yashash manzili (pasport yoki ID-karta) haqidagi maʼlumotlar.

8. 2023-yil 1-avgustdan boshlab qishloq xoʻjaligi, melioratsiya va yoʻl-qurilish texnikalarini ishlab chiqaruvchi yoki maxsus savdo tashkilotlarida xaridorlarga sotilgan yangi texnikalar uchun qonunchilik hujjatlarida belgilangan hujjatlar bilan birga Oʻzagroinspeksiyada roʻyxatdan oʻtkazish uchun asos boʻlib xizmat qiladigan “Hisob-maʼlumotnoma” berish amaliyoti joriy etilsin.

Belgilansinki, Oʻzagroinspeksiya qishloq xoʻjaligi, melioratsiya va yoʻl-qurilish texnikalarini ishlab chiqaruvchi tashkilotlarni hamda maxsus savdo obyektlarini himoyalanganlik darajasiga ega boʻlgan “Hisob-maʼlumotnoma” blankalari bilan bepul taʼminlaydi va ularning sarflanishini nazorat qiladi.

9. Oʻzagroinspeksiyaga mavjud axborot tizimlarini takomillashtirish, yangi axborot tizimlarini yaratish, maxsus blankalar va boshqa hujjatlarni tayyorlash, maxsus planshet qurilmalarini va harakatlanuvchi (maxsus avtotransport) mobil texnik nazorat liniyalarini xarid qilish, xodimlar malakasini oshirish va qayta tayyorlash boʻyicha xarajatlarni qonunchilik hujjatlarida belgilangan tartibda Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan moliyalashtirishga ruxsat berilsin.

10. Quyidagilar:

2023-yil 1-sentabrdan boshlab qishloq xoʻjaligi, melioratsiya va yoʻl-qurilish texnikalariga texnik koʻrikdan oʻtganligi toʻgʻrisida talon berish amaliyoti bekor qilinsin (xorijiy davlatlarga ishga yuboriladigan texnikalardan tashqari);

eski namunadagi texnik pasport, texnik guvohnoma, davlat raqami belgisi va traktorchi-mashinist guvohnomasini majburiy tartibda almashtirishning yakuniy muddati 2023-yil 31-avgust etib belgilansin;

eski namunadagi texnik pasport, texnik guvohnoma, davlat raqami belgisi va traktorchi-mashinist guvohnomasi 2023-yil 1-sentabrdan boshlab haqiqiy emas deb hisoblansin.

11. Oʻzagroinspeksiya manfaatdor vazirliklar va idoralar bilan birgalikda 2023-yil 1-noyabrga qadar qishloq xoʻjaligi, melioratsiya va yoʻl-qurilish texnikalari holatini nazorat qiladigan inspektorlarning maxsus kiyimi yoki taniqlik belgilari va ularni kiyib yurish qoidalarini nazarda tutuvchi Hukumat qarori loyihasini Vazirlar Mahkamasiga kiritsin.

12. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.

13. Mazkur qarorning bajarilishini nazorat qilish Oʻzbekiston Respublikasi qishloq xoʻjaligi vaziri A.B. Voitov zimmasiga yuklansin.

Vazirlar Mahkamasining 2023-yil 29-apreldagi 170-son qaroriga 1-ILOVA

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Reglament jismoniy va yuridik shaxslarga (keyingi oʻrinlarda — texnika egasi) qishloq xoʻjaligi, melioratsiya va yoʻl-qurilish texnikalarini (keyingi oʻrinlarda — texnika) davlat roʻyxatidan oʻtkazish va qayta roʻyxatdan oʻtkazish boʻyicha davlat xizmatlarini koʻrsatish tartibini belgilaydi.

2. Tashkiliy shaklidan qatʼi nazar texnikalarni davlat roʻyxatidan va qayta roʻyxatdan oʻtkazish Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Inspeksiya) tomonidan mazkur Reglamentga muvofiq amalga oshiriladi.

3. Ushbu Reglamentda quyidagi asosiy tushunchalardan foydalaniladi:

davlat raqami belgisi (keyingi oʻrinlarda — DRB) — mazkur Reglamentga 3-ilovada belgilangan namunaga muvofiq texnikani davlat roʻyxatidan oʻtkazishni hisobga olish uchun hududiy kodlar va davlat raqamlari belgilarining tiplariga koʻra beriladigan maxsus raqamli belgi;

davlat roʻyxatidan oʻtkazish tadbirlari — qonunchilik hujjatlariga muvofiq Inspeksiya tomonidan texnikalarni roʻyxatdan oʻtkazish, qayta roʻyxatdan oʻtkazish va ularni hisobdan chiqarish, shuningdek, texnikalarni roʻyxatga olish haqida texnik pasport va guvohnoma hamda DRB berishdan iborat davlat roʻyxatidan oʻtkazish boʻyicha harakatlar kompleksi;

qonunchilik hujjatlariga muvofiq Inspeksiya tomonidan texnikalarni roʻyxatdan oʻtkazish haqida texnik pasport va texnik guvohnoma hamda DRBni berishdan iborat davlat roʻyxatidan oʻtkazish boʻyicha harakatlar kompleksi;

jismoniy shaxsning vakili — jismoniy shaxsning notarius tomonidan tasdiqlangan qonuniy vakili;

rasmiy diler (distribyutor) — Oʻzbekiston Respublikasi hududida yangi qishloq xoʻjaligi, melioratsiya va yoʻl-qurilish texnikalarini realizatsiya qilish boʻyicha ishlab chiqaruvchi bilan tegishli dilerlik (distribyutorlik) kelishuviga ega yuridik shaxs;

roʻyxatga olish joyi — texnikalarni davlat roʻyxatidan oʻtkazishni amalga oshiruvchi Inspeksiya joylashgan joy;

roʻyxatdan oʻtkazish hujjati — texnikadan foydalanishga huquq berilganligini tasdiqlovchi, yaʼni roʻyxatdan oʻtkazish haqida texnik pasport, texnik guvohnoma, shuningdek, texnikani roʻyxatdan oʻtkazish kitobi;

texnika egasi — texnika vositasiga mulk huquqi yoki boshqa ashyoviy huquqlar asosida egalik qiluvchi yuridik yoki jismoniy shaxs;

texnik guvohnoma — texnik pasport berilmaydigan qishloq xoʻjaligi, melioratsiya va yoʻl-qurilishi hamda boshqa maqsadlarga moʻljallangan agregat, mashina, mexanizm va uskunalarga mazkur Reglamentga 2-ilovada belgilangan namunaga muvofiq beriladigan maxsus himoyalangan hujjat;

texnik pasport — qishloq xoʻjaligi, melioratsiya va yoʻl-qurilish texnikalari, traktorlar, traktor tirkamalari va oʻziyurar mashinalarga mazkur Reglamentga 1-ilovada belgilangan namunaga muvofiq beriladigan maxsus himoyalangan hujjat;

texnikalarni davlat roʻyxatidan oʻtkazish — texnikani doimiy hisobga qoʻyish, texnikani roʻyxatdan oʻtkazish haqida texnik pasport va DRB yoki texnik guvohnoma berish;

texnikalarni qayta roʻyxatdan oʻtkazish — tegishli huquqiy asoslar mavjud boʻlganda texnikaning roʻyxatdan oʻtkazish hujjatlariga oʻzgartirish va qoʻshimchalar kiritish, texnikani qayta roʻyxatdan oʻtkazish haqida texnik pasport va DRB yoki texnik guvohnoma berish;

qishloq xoʻjaligi, melioratsiya va yoʻl-qurilish texnikalari — idoraviy boʻysunuvi va tashkiliy-huquqiy shaklidan qatʼi nazar qishloq va oʻrmon xoʻjaligiga moʻljallangan barcha turdagi traktorlar (gʻildirakli, zanjirli va yarim zanjirli), oʻziyurar mashinalar (oʻziyurar qishloq xoʻjaligi mashinalari, oʻziyurar meliorativ hamda yoʻl-qurilish texnikalari), traktor tirkamalari, qishloq xoʻjaligi, yoʻl-qurilish, meliorativ va boshqa maqsadlarga moʻljallangan tuproqqa va ekinlarga ishlov beruvchi, yuk ortuvchi, don va urugʻni qayta ishlashga moʻljallangan mashinalar, chorvachilik, parrandachilik va yem-xashak ishlab chiqarish mashina va texnologik uskunalari, suv nasoslari, kichik mexanizatsiya moslamalari.

4. Texnikalarni davlat roʻyxatidan va qayta roʻyxatdan oʻtkazish boʻyicha davlat xizmatlari Inspeksiya, davlat xizmatlari markazlari (keyingi oʻrinlarda — Markaz) va Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasi (keyingi oʻrinlarda — Agroportal) orqali texnika egasi yoki uning vakilini soʻrovnomasiga asosan amalga oshiriladi.

5. Qishloq xoʻjaligi, melioratsiya va yoʻl-qurilish texnikalari, taʼmirlash va servis asbob-uskunalarining nazorati Inspeksiya tomonidan olib boriladi.

6. Texnikaning tuzilmasi texnik tartibga solish sohasidagi normativ-huquqiy hujjatlar Vazirlar Mahkamasining 2016-yil 18-martdagi 80-son qarori bilan tasdiqlangan Qishloq xoʻjaligi texnikalari konstruksiyasining xavfsizligi toʻgʻrisidagi umumiy texnik reglament (keyingi oʻrinlarda — Texnik reglament), shuningdek, texnika xavfsizligini taʼminlash sohasidagi meʼyoriy hujjatlar talablariga mos kelishi lozim.

7. Texnikalarni davlat roʻyxatidan yoki qayta roʻyxatdan oʻtkazish ishlari toʻlovlar oldindan amalga oshirilgandan soʻng bajariladi.

8. Texnikalarni davlat roʻyxatidan oʻtkazish quyidagi hollarda amalga oshiriladi:

davlat roʻyxatidan oʻtkazilmagan yangi texnika olinganda;

texnikalar “erkin muomalaga chiqarish (import)” bojxona rejimiga joylashtirilganda.

9. Texnikalarni ishlab chiqaruvchi korxonalarning vakilligini tasdiqlovchi hujjatlari boʻlmaganda, tijorat bilan shugʻullanuvchi jismoniy va yuridik shaxslar texnikalarni belgilangan tartibda oʻz nomlariga roʻyxatdan oʻtkazishlari shart.

10. Boshqaruv va tashkiliy-huquqiy shaklidan qatʼi nazar barcha turdagi texnikalarning oldi-sotdi shartnomalari faqat notarial idoralar tomonidan rasmiylashtirilishi shart, ishlab chiqaruvchi, diler, lizing tashkilotlarning shartnomalari hamda Davlat aktivlarini boshqarish agentligi huzuridagi “Elektron onlayn auksionlarni tashkil etish markazi” davlat unitar korxonasi tomonidan tashkil etilgan auksionlarda texnikalarga ega boʻlishni tasdiqlovchi auksion natijalari toʻgʻrisidagi bayonnoma bundan mustasno.

11. Texnikalar texnika egasining nomiga davlat roʻyxatidan yoki qayta roʻyxatdan oʻtkaziladi.

12. Jismoniy shaxslarning texnikalari ularning doimiy yoki vaqtinchalik yashash (turar) joyida davlat roʻyxatidan yoki qayta roʻyxatdan oʻtkaziladi.

Texnikalar 18 yoshga toʻlgan muomalaga layoqatli shaxslarning nomiga davlat roʻyxatidan oʻtkaziladi.

Meros, vasiyatnoma, hadya, mukofot yoki qonunchilikda belgilangan holatlarda tashkil etilgan ommaviy oʻyinlarda yutib olingan texnikalar qonunchilik hujjatlarida belgilangan tartibda voyaga yetmagan shaxslar nomiga ham davlat roʻyxatidan oʻtkazilishi mumkin.

Meros, vasiyatnoma, hadya qilingan yoki sud ajrimlariga asosan texnikalar faqat bitta shaxs nomiga rasmiylashtiriladi.

13. Yuridik shaxslarning texnikalarini davlat roʻyxatidan va qayta roʻyxatdan oʻtkazish yuridik shaxslarni davlat roʻyxatdan oʻtkazish guvohnomasida koʻrsatilgan yuridik shaxs nomi, joylashgan yeri, STIR raqami boʻyicha amalga oshiriladi.

14. Inspeksiyada quyidagi texnikalar davlat roʻyxatidan oʻtkazilmaydi:

faqat konlarda, shaxta va karyerlarda qoʻllaniladigan maxsus texnikalar;

ichki ishlar organlarida roʻyxatga olingan transport vositalari;

tramvay va trolleybuslar;

Oʻzbekiston Respublikasi Mudofaa vazirligi, Davlat xavfsizlik xizmati, Ichki ishlar vazirligi, Milliy gvardiyaga tegishli boʻlgan harbiy va boshqa texnikalar, shuningdek, Transport vazirligi hamda Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi tomonidan roʻyxatga olinadigan texnikalar.

15. Texnikalarni davlat roʻyxatidan va qayta roʻyxatdan oʻtkazishda ular Inspeksiya tomonidan belgilangan tartibda texnik koʻrikdan oʻtkaziladi.

Texnik koʻrikdan oʻtkazishda texnikaning sozligi, uning turi, rusumi, DRB, identifikatsiyalovchi shassisi (rama) va dvigatel raqamining roʻyxatdan oʻtkazish hujjatlarida koʻrsatilgan maʼlumotlarga mos kelishi solishtiriladi.

16. Markaz, YIDXP, Agroportal va Inspeksiya oʻrtasida axborotlar almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

2-bob. Davlat xizmatlarini koʻrsatish tartibi

Texnikalarni davlat roʻyxatidan oʻtkazish

17. Texnikalarni davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatish mazkur Reglamentga 4-ilovaga muvofiq sxemaga asosan amalga oshiriladi.

18. Texnika egasi yoki uning vakili texnikalarni davlat roʻyxatidan yoki qayta roʻyxatdan oʻtkazish uchun Inspeksiyaga yoki Markazga kelib murojaat etganda, Inspeksiya yoki Markaz xodimi texnika egasi nomidan ushbu Reglamentga 5-ilovaga muvofiq shakldagi soʻrovnomani elektron shaklda toʻldiradi.

Soʻrovnomaga quyidagi hujjatlar ilova qilinadi:

mazkur Reglamentning 22-bandida koʻrsatilgan texnikaga boʻlgan mulk huquqini tasdiqlovchi hujjatlar;

amaldagi qonunchilik hujjatlarida belgilangan imtiyozlardan (subsidiya, soliq va bojxona imtiyozlari hamda moliyaviy yordamlar) foydalangan holda xarid qilingan, shu jumladan, respublikada ishlab chiqarilgan hamda import qilingan yangi traktor va kombaynlarni davlat roʻyxatidan oʻtkazishda ularga “onlayn” (GPS) rejimida masofadan kuzatish tizimi oʻrnatilgani toʻgʻrisidagi maʼlumotnoma (“onlayn” (GPS) rejimida masofadan kuzatish tizimini oʻrnatgan tashkilot tomonidan muhr bilan tasdiqlangan shaklda beriladi).

Bunda texnikaga boʻlgan mulk huquqini tasdiqlovchi auksion natijalari toʻgʻrisidagi bayonnoma (elektron onlayn-auksion bayonnomasi) “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

19. Texnika egasi yoki uning vakili YIDXP yoki Agroportal orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirilganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

20. Texnika egasi yoki uning vakili texnikalarni davlat roʻyxatidan oʻtkazish uchun Markazga kelib murojaat etganda, uning soʻrovnomasi Markaz xodimi tomonidan toʻldirilib, texnika egasi tomonidan tasdiqlanganidan soʻng real vaqt rejimida Inspeksiyaga elektron shaklda yuboriladi.

Texnika egasi yoki uning vakili YIDXP yoki Agroportal orqali murojaat qilganda, soʻrovnoma avtomatik tarzda Inspeksiyaga elektron shaklda yuboriladi.

21. Texnika egasi yoki uning vakilining shaxsini tasdiqlovchi hujjatlarga quyidagilar kiradi:

a) jismoniy shaxslar uchun — jismoniy shaxsning shaxsni tasdiqlovchi hujjati:

Oʻzbekiston Respublikasi fuqarolari uchun — pasport yoki shaxsni tasdiqlovchi boshqa hujjatlar (ID-karta), haydovchilik guvohnomasi;

16 yoshga toʻlmagan Oʻzbekiston Respublikasi fuqarolari uchun — tugʻilganlik haqida guvohnoma yoki shaxsni tasdiqlovchi boshqa hujjatlar;

Oʻzbekiston Respublikasi harbiy xizmatchilari uchun — ichki ishlar organlarining roʻyxatdan oʻtkazilganlik toʻgʻrisidagi yoki harbiy qismlarning uy ajratish toʻgʻrisidagi maʼlumotnomasini ilova qilgan holda harbiy qism yoki harbiy muassasalar qoʻmondonligi tomonidan beriladigan shaxsni tasdiqlovchi hujjat yoki harbiy bilet (harbiy xizmatga majbur fuqarolarning harbiy biletlari bundan mustasno);

chet el fuqarolari uchun — Oʻzbekiston Respublikasida yashash guvohnomasi yoki ichki ishlar organining doimiy yoki vaqtinchalik roʻyxatdan oʻtkazilgan joyi toʻgʻrisidagi belgisi qoʻyilgan chet el fuqarosining milliy pasporti yoxud diplomatik pasporti yoki Oʻzbekiston Respublikasida akkreditatsiyadan oʻtganligini tasdiqlovchi tegishli hujjat;

fuqaroligi boʻlmagan shaxslar uchun — fuqaroligi boʻlmagan shaxslarning shaxsini tasdiqlovchi ichki ishlar organlarining doimiy yoki vaqtinchalik roʻyxatdan oʻtkazilgan joyi haqidagi belgisi qoʻyilgan Oʻzbekiston Respublikasida yashash guvohnomasi;

b) jismoniy shaxsning vakili uchun:

notarius tomonidan tasdiqlangan jismoniy shaxsning vakili vakolatlarini tasdiqlovchi ishonchnoma yoki jismoniy shaxsning qonuniy vakili vakolatlarini tasdiqlovchi hujjat;

vakil shaxsini tasdiqlovchi hujjat (mazkur bandning “a” kichik bandida koʻrsatilgan hujjatlar);

v) yuridik shaxslar uchun:

yuridik shaxsning rahbari tomonidan imzolangan va uning muhri bilan tasdiqlangan yuridik shaxs vakilining vakolatlarini tasdiqlovchi ishonchnoma;

vakil shaxsini tasdiqlovchi hujjat (mazkur bandning “a” kichik bandida koʻrsatilgan hujjatlar).

Shuningdek, Inspeksiya xodimi “Elektron hukumat” tizimining idoralararo integratsiyalashuv platformasi orqali yuridik shaxsning davlat roʻyxatidan oʻtkazilganligi toʻgʻrisidagi guvohnoma nusxasini elektron shaklda oladi.

22. Texnikaga boʻlgan mulk huquqi yoki boshqa ashyoviy huquqlarni tasdiqlovchi hujjatlarga quyidagilar kiradi:

notarius tomonidan tasdiqlangan shartnoma (oldi-sotdi, ayirboshlash, merosga boʻlgan huquq, vasiyatnoma, hadya, renta va boshqalar) (“Notarius” axborot tizimidan integratsiyalashuv platformasi orqali elektron shaklda olinadi);

sudning qarori;

ishlab chiqaruvchi yoki maxsus savdo tashkiloti (texnikani ishlab chiqaruvchi korxona, uning vakili yoki vositachi (dilerlik, distribyutorlik) tashkilotlari) tomonidan beriladigan maxsus blankadagi “Hisob-maʼlumotnoma”;

Davlat aktivlarini boshqarish agentligi huzuridagi “Elektron onlayn auksionlarni tashkil etish markazi” davlat unitar korxonasi tomonidan tashkil etilgan auksionlarda texnikaga boʻlgan mulk huquqini tasdiqlovchi auksion natijalari toʻgʻrisidagi bayonnoma;

Bosh prokuratura huzuridagi Majburiy ijro byurosining tuman (shahar) boʻlimlari qarorlari;

yuqori turuvchi davlat organining texnikani bir tizim ichidagi tashkilotga tekinga berish toʻgʻrisidagi qarori (buyrugʻi yoki farmoyishi);

yuridik shaxsning yuqori turuvchi boshqaruv organining yuridik shaxsning ustav jamgʻarmasiga texnikani kiritish toʻgʻrisida yoki shu yuridik shaxsning ishtirokchisiga (taʼsischi, aʼzo) yuridik shaxsning texnikani dividend sifatida toʻlash toʻgʻrisidagi qarori (ishtirokchilari, taʼsischilari, aʼzolari) umumiy yigʻilishining bayonnomasi yoki yagona ishtirokchining qarori);

“erkin muomalaga chiqarish (import)” bojxona rejimiga joylashtirilgan bojxona yuk deklaratsiyasining elektron nusxasi (Iqtisodiyot va moliya vazirligi huzuridagi Bojxona qoʻmitasining axborot tizimidan integratsiyalashuv platformasi orqali elektron shaklda olinadi);

shaxsning texnikani ommaviy oʻyinda (lotereyada) yutganligini tasdiqlovchi hujjat;

davlat organining texnikani mukofot (hadya) sifatida taqdim etganligi toʻgʻrisidagi qarori nusxasi;

lizingga beruvchining texnikaga boʻlgan mulk huquqini lizingga oluvchiga oʻtganligini tasdiqlovchi topshirish-qabul qilish dalolatnomasi.

23. Tugatilgan yuridik shaxsning texnikalari yangi tashkil etilgan yuridik shaxsning balansiga oʻtganda, texnikalarni davlat roʻyxatiga olishda uning huquqiy vorisligini tasdiqlovchi hujjatga yuridik shaxsning ustavi yoki taʼsis shartnomasi kiradi.

Shuningdek, yuridik shaxsning huquqiy vorisligini tasdiqlovchi hujjatlar “Elektron hukumat” tizimining idoralararo integratsiyalashuv platformasi orqali elektron shaklda olinadi.

24. Texnikalar sud qarori asosida musodara qilinganda, yetkazilgan zararni qoplashga qaratilganda, boshqa shaxs yoki davlat egaligiga oʻtkazilganda, texnikalarni davlat roʻyxatidan oʻtkazish sud qarori yoki auksion natijalari toʻgʻrisidagi bayonnomaga asosan amalga oshiriladi.

Texnikalarning roʻyxatda turish joyini oʻzgartirishga olib keladigan texnika egasining yashash (turar) joyi yoki joylashgan manzili (pochta manzili) oʻzgarishi munosabati bilan texnikalarni davlat roʻyxatidan oʻtkazishda, mazkur Reglamentning 22-bandi beshinchi xatboshisida keltirilgan texnikaga boʻlgan mulk huquqi yoki boshqa ashyoviy huquqlarni tasdiqlovchi hujjatlarni taqdim etish talab etilmaydi.

25. Texnikalarni davlat roʻyxatidan va qayta roʻyxatdan oʻtkazish boʻyicha davlat xizmatlari koʻrsatganlik uchun yigʻimlar ushbu Reglamentga 6-ilovadagi toʻlov stavkalariga muvofiq amalga oshiriladi.

Davlat xizmatlarini koʻrsatish uchun YIDXP yoki Agroportal orqali murojaat etilganda, yigim summasining 90 foizi undiriladi.

Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga ushbu banddagi toʻlov stavkalarining 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlov stavkalarining 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

Davlat xizmatlari koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

25 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentga 6-ilovadagi toʻlov stavkalarining 50 foizi undiriladi.

26. Texnikalarni davlat roʻyxatidan va qayta roʻyxatdan oʻtkazish boʻyicha davlat xizmatlari koʻrsatganlik uchun undiriladigan yigʻimlar quyidagi tartibda taqsimlanadi:

a) Markazga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlarini koʻrsatganlik uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi — yagona billing tizimi orqali davlat xizmatlari koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

v) Inspeksiyaga oʻzi kelib murojaat etganda:

20 foizi — Respublika budjetiga;

80 foizi — Inspeksiyaning rivojlantirish jamgʻarmasiga oʻtkaziladi;

g) Agroportal orqali murojaat etilganda:

11,75 foizi (shundan 0,5 foizi — “Agrobilling” axborot tizimi orqali davlat xizmatlari koʻrsatilganda) — Oʻzbekiston Respublikasi Qishloq xoʻjaligi vazirligining “Agrosanoatni raqamlashtirish markazi” masʼuliyati cheklangan jamiyatining shaxsiy hisobvaragʻiga;

20 foizi — Oʻzbekiston Respublikasi respublika budjetiga;

qolgan mablagʻlar — Oʻzagroinspeksiyaning rivojlantirish jamgʻarmasiga oʻtkaziladi.

27. Quyidagi hollarda Inspeksiya tomonidan texnikalarni davlat roʻyxatidan yoki qayta roʻyxatdan oʻtkazish rad etiladi:

davlat xizmatlari koʻrsatganlik uchun yigʻimga toʻlovlar amalga oshirilmaganda;

mazkur Reglamentda belgilangan tegishli hujjatlar texnika egasi tomonidan toʻliq taqdim etilmaganda;

xizmat muddatini oʻtab boʻlganligi va foydalanishga yaroqsizligi tufayli texnika hisobdan chiqarilgan boʻlsa;

texnika konstruksiyasiga kiritilgan oʻzgartirishlar texnik tartibga solish sohasidagi normativ-huquqiy hujjatlar talablariga, texnika xavfsizligini taʼminlash meʼyorlariga javob bermaganda;

texnika texnik reglamentga muvofiq boʻlmagan ehtiyot qismlar va agregatlardan tayyorlangan yoki yigʻilgan boʻlsa;

texnikaga ishlab chiqaruvchi tomonidan qoʻyilgan identifikatsiya tamgʻasini yashirish, soxtalashtirish, oʻzgartirish, yoʻq qilish alomatlari, taqdim etilgan hujjatlarning soxtalashtirilishi yoki hujjatlar va roʻyxatga oid hujjatlarda koʻrsatib oʻtilgan maʼlumotlarning texnika va agregatlar raqamlariga nomuvofiqligi aniqlanganda;

texnikaning raqamlangan agregati qidiruvda ekanligi yoki taqdim etilgan hujjatlarning yoʻqolganligi (oʻgʻirlanganligi) toʻgʻrisidagi maʼlumotlar mavjud boʻlganda.

2025-yil 1-martdan boshlab amaldagi qonunchilik hujjatlarida belgilangan imtiyozlardan (subsidiya, soliq va bojxona imtiyozlari hamda moliyaviy yordamlar) foydalangan holda xarid qilingan, shu jumladan, respublikada ishlab chiqarilgan hamda import qilingan yangi traktor va kombaynlarga “onlayn” (GPS) rejimida masofadan kuzatish tizimi oʻrnatilmaganda.

Mazkur bandning yettinchi-sakkizinchi xatboshilarida koʻrsatilgan holatlar aniqlanganda, Inspeksiya tomonidan tegishli huquqni muhofaza qilish organlariga xabar beriladi.

Davlat xizmatlari koʻrsatishni boshqa asoslar boʻyicha rad etish taqiqlanadi.

28. Texnikalarni davlat roʻyxatidan yoki qayta roʻyxatdan oʻtkazishni rad etilishiga sabab boʻlgan holatlar bartaraf etilganda, texnika egasi yoki uning vakili texnikalarni davlat roʻyxatidan yoki qayta roʻyxatdan oʻtkazish toʻgʻrisida qayta murojaat qilish huquqiga ega, bunda yigʻimlar undirilmaydi.

Texnikalarni qayta roʻyxatdan oʻtkazish

29. Texnikani qayta roʻyxatdan oʻtkazish quyidagi holatlarda amalga oshiriladi:

a) texnika egasi — jismoniy shaxsning familiyasi, ismi, otasining ismi oʻzgarganda, shuningdek, yuridik shaxs qayta tashkil etilganda yoki nomi oʻzgarganda;

b) texnikalarni davlat roʻyxatidan oʻtkazish joyini oʻzgartirishni talab qilmagan holda, texnika egasining yashash (turar) joyi yoki joylashgan manzili (pochta manzili) oʻzgarganda;

v) texnikaning rangi va (yoki) agregatlari raqami oʻzgarganda;

g) texnika qayta jihozlanganda (texnikaning konstruksiyasiga, yaʼni yurish qismi va kabinasiga oʻzgartirish kiritilganda yoki dvigateli boshqa rusumga moslashtirilganda);

d) texnikalarni davlat roʻyxatidan oʻtkazilganligi toʻgʻrisidagi texnik pasport yoki texnik guvohnoma yaroqsiz holga kelganda, shikastlanganda yoki oʻgʻirlanganda va (yoki) DRB yaroqsiz holga kelganda, shikastlanganda yoki oʻgʻirlanganda;

e) davlat roʻyxatidan oʻtkazilgan texnikaning mulk egasi oʻzgarganda.

30. Texnika egasi yoki uning vakili texnikani qayta roʻyxatdan oʻtkazish uchun Inspeksiyaga yoki Markazga kelib murojaat etganda, Inspeksiya yoki Markaz xodimi texnika egasi yoki uning vakili nomidan ushbu Reglamentga 5-ilovaga muvofiq shakldagi soʻrovnomani elektron shaklda toʻldiradi.

Soʻrovnomaga mazkur Reglamentning 34-bandida koʻrsatilgan texnikani qayta roʻyxatdan oʻtkazishga asos boʻladigan hujjatlar ilova qilinadi.

Bunda texnikaga boʻlgan mulk huquqini tasdiqlovchi auksion natijalari toʻgʻrisidagi bayonnoma (elektron onlayn-auksion bayonnomasi) “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

31. Texnika egasi yoki uning vakili YIDXP yoki Agroportal orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirilganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

32. Texnika egasi yoki uning vakili texnikani qayta roʻyxatdan oʻtkazish uchun Markazga kelib murojaat etganda, uning soʻrovnomasi Markaz xodimi tomonidan toʻldirilib, texnika egasi tomonidan tasdiqlanganidan soʻng real vaqt rejimida Inspeksiyaga elektron shaklda yuboriladi.

YIDXP yoki Agroportal orqali murojaat qilinganda esa, soʻrovnoma avtomatik tarzda Inspeksiyaga elektron shaklda yuboriladi.

33. Texnika egasi yoki uning vakili shaxsini tasdiqlovchi hujjatlarga mazkur Reglamentning 21-bandida koʻrsatilgan hujjatlar kiradi.

34. Texnikalarni qayta roʻyxatdan oʻtkazishga asos boʻluvchi hujjatlarga quyidagilar kiradi:

texnika egasi — jismoniy shaxsning familiyasi, ismi, otasining ismi oʻzgarganligini (FHDY organlarining maʼlumotnomasi), shuningdek, yuridik shaxsning qayta tashkil etilishi yoki nomlanishi oʻzgarganligini (yuridik shaxsning davlat roʻyxatidan oʻtganligi toʻgʻrisida maʼlumot va yuridik shaxsning boshqaruv organi qarori) tasdiqlovchi hujjat;

texnika egasining yashash (turar) joyi yoki joylashgan manzili (pochta manzili) oʻzgarganligini tasdiqlovchi hujjat (yashash joyi boʻyicha roʻyxatdan oʻtkazilganligi toʻgʻrisidagi belgi bilan pasport, yuridik shaxsning davlat roʻyxatidan oʻtkazilganligi toʻgʻrisidagi texnik pasport yoki texnik guvohnoma va boshqalar);

texnikaga oʻzgartirish kiritish va uni qayta jihozlashni tasdiqlovchi hujjat;

texnikaning rangi va (yoki) agregat raqami oʻzgarganligini tasdiqlovchi hujjat (agregatning qonuniy olinganligini tasdiqlovchi hujjat (hisob-maʼlumotnoma, notarius tomonidan tasdiqlangan oldi-sotdi shartnomasi), texnikalarni taʼmirlash va texnik xizmat koʻrsatish boʻyicha maxsus korxonada agregatlarning almashtirilganligi yoki rangi oʻzgartirilganligini tasdiqlovchi hujjat);

notarius tomonidan tasdiqlangan shartnoma (oldi-sotdi, ayirboshlash, merosga boʻlgan huquq, vasiyatnoma, hadya, renta va boshqalar) (“Notarius” axborot tizimidan integratsiyalashuv platformasi orqali elektron shaklda olinadi);

sudning qarori;

Davlat aktivlarini boshqarish agentligi huzuridagi “Elektron onlayn auksionlarni tashkil etish markazi” davlat unitar korxonasi tomonidan tashkil etilgan auksionlarda texnikaga boʻlgan mulk huquqini tasdiqlovchi auksion natijalari toʻgʻrisidagi bayonnoma;

Bosh prokuratura huzuridagi Majburiy ijro byurosining tuman (shahar) boʻlimlari qarorlari;

yuqori turuvchi davlat organining texnikani bir tizim ichidagi tashkilotga tekinga berish toʻgʻrisidagi qarori (buyrugʻi yoki farmoyishi);

yuridik shaxsning yuqori turuvchi boshqaruv organini yuridik shaxsning ustav jamgʻarmasiga texnikani kiritish toʻgʻrisida yoki shu yuridik shaxsning ishtirokchisiga (taʼsischi, aʼzo) yuridik shaxsning texnikani dividend sifatida toʻlash toʻgʻrisidagi qarori (ishtirokchilari, taʼsischilari, aʼzolarining umumiy yigʻilishi bayonnomasi yoki yagona ishtirokchining qarori);

lizingga beruvchining texnikaga boʻlgan mulk huquqini lizingga oluvchiga oʻtganligini tasdiqlovchi topshirish-qabul qilish dalolatnomasi.

35. Texnikalarni qayta roʻyxatdan oʻtkazish boʻyicha davlat xizmatlari koʻrsatganlik uchun yigʻimlar ushbu Reglamentga 6-ilovadagi toʻlov stavkalariga muvofiq amalga oshiriladi.

Davlat xizmatlari koʻrsatish uchun YIDXP yoki Agroportal orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.

Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga ushbu banddagi toʻlov stavkalarining 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlov stavkalarining 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

Davlat xizmatlari koʻrsatganlik uchun yigʻimlar toʻlanganligini tasdiqlash axborot-kommunikatsiya tizimlari orqali amalga oshiriladi.

35 1 . Texnikalarni qayta roʻyxatdan oʻtkazishda taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentga 6-ilovadagi toʻlov stavkalarining 50 foizi undiriladi.

36. Yigʻimlar 26-bandda keltirilgan tartibda taqsimlanadi.

37. Inspeksiya tomonidan davlat xizmatlari koʻrsatishni rad etish uchun mazkur Reglamentning 27-bandida koʻrsatilgan holatlar asos hisoblanadi.

38. Davlat xizmatlarini koʻrsatishni boshqa asoslar boʻyicha rad etish taqiqlanadi.

39. Texnika egasi yoki uning vakili davlat xizmatlaridan foydalanishdan uni koʻrsatishning har qanday bosqichida bosh tortish huquqiga ega. Texnika egasi yoki uning vakili davlat xizmatlaridan foydalanishdan bosh tortganda, uning soʻrovnomasi koʻrilmasdan qoldiriladi, bunda toʻlangan yigʻim summasi qaytarilmaydi.

40. Davlat roʻyxatiga olingan texnikaning mulk egasi oʻzgarganda, texnikani qayta roʻyxatdan oʻtkazish uchun texnika egasi yoki uning vakili Inspeksiyaga quyidagi hujjatlarni topshiradi:

texnik pasport yoki texnik guvohnomasi;

davlat raqami belgisi;

mazkur Reglamentning 29-bandi “d” kichik bandiga asosan murojaat qilinganda Inspeksiyaga quyidagi hujjatlar taqdim etiladi:

texnikalarni davlat roʻyxatidan oʻtkazilganligi toʻgʻrisidagi texnik pasport yoki texnik guvohnoma (u yaroqsiz holga kelganda);

davlat raqami belgisi (u shikastlanganda).

3-bob. Texnikalarni davlat roʻyxatidan va qayta roʻyxatdan oʻtkazishni rasmiylashtirish hamda ularga davlat raqami belgilari, texnik pasport va texnik guvohnoma berish tartibi

41. Inspeksiya xodimi texnika egasi yoki uning vakili tomonidan taqdim etilgan hujjatlarni koʻrib chiqib, texnikaning turi, rusumi, DRB, identifikatsiyalovchi shassisi (rama) va dvigatel raqamining roʻyxatdan oʻtkazish hujjatlarida koʻrsatilgan maʼlumotlarga mos kelishini koʻrikdan oʻtkazib, solishtirgandan keyin texnikalarni davlat roʻyxatidan yoki qayta roʻyxatdan oʻtkazadi yoki oʻtkazishni rad etadi.

42. Texnikalarni qayta roʻyxatdan oʻtkazish 1 ish kunida koʻrib chiqiladi. Mazkur Reglamentning 22 va 34-bandida koʻrsatilgan hujjatlar toʻliq taqdim etilganda, Inspeksiya texnika egasi yoki uning vakilini mazkur Reglamentning 40-bandida koʻrsatilgan hujjatlarni (texnika qayta roʻyxatdan oʻtkazilganda) hamda texnikani texnik koʻrikdan oʻtkazish uchun taqdim etishi haqida axborot-kommunikatsiya tizimi orqali xabardor qiladi.

Inspeksiyaning texnika holatini nazorat qilish inspektori 2 ish kunida taqdim qilingan hujjatlarni koʻrib chiqadi va texnika boʻyicha maʼlumotlarni soʻrovnomada qayd etilgan maʼlumotlarga muvofiqligini koʻzdan kechirib, texnikani texnik koʻrikdan oʻtkazadi. Bunda texnika egasi yoki uning vakili Inspeksiyaga texnikani texnik koʻrikdan oʻtkazish uchun taqdim etadi.

Shuningdek, texnikalarni davlat roʻyxatidan oʻtkazishda qoʻshimcha maʼlumot olish talab etilganda, ushbu masalalar boʻyicha kelib tushgan arizalar 10 ish kunida koʻrib chiqiladi.

43. Texnikalar texnik koʻrikdan oʻtkazilib, hujjatlar asliga muvofiq va toʻliq boʻlganda, davlat roʻyxatidan yoki qayta roʻyxatdan oʻtkaziladi. Bunda Inspeksiyaning texnikalarni roʻyxatdan oʻtkazish kitobiga va tegishli axborot tizimiga texnikaning identifikatsiyalovchi shassisi (rama), dvigatel raqamlari va boshqa texnik parametrlari hamda texnika egasi va uning yashash (turar) joyi yoki joylashgan manzili (pochta manzili) toʻgʻrisidagi maʼlumotlar kiritiladi.

Inspeksiya xodimi tomonidan texnikalarni qayta roʻyxatdan oʻtkazish jarayonida texnikalar axborot tizimida avvalgi roʻyxatdan oʻtkazish joyidan davlat roʻyxatidan chiqariladi va yangi roʻyxatdan oʻtkazish joyiga kiritiladi.

44. Texnikalarni davlat roʻyxatidan yoki qayta roʻyxatdan oʻtkazilganligi toʻgʻrisidagi texnik pasport, DRB yoki texnik guvohnoma Inspeksiyaning texnika holatini nazorat qilish inspektori tomonidan texnika egasi yoki uning vakiliga uning shaxsini tasdiqlovchi hujjatlar asosida texnikalarni roʻyxatdan oʻtkazish kitobiga uni olganligi toʻgʻrisida imzo qoʻyilib, topshiriladi.

45. Texnikaga avval berilgan texnik pasport, DRB yoki texnik guvohnoma texnikalarni qayta roʻyxatdan oʻtkazgan Inspeksiya organiga topshiriladi.

46. Davlat roʻyxatidan yoki qayta roʻyxatdan oʻtkazilgan texnikalarning orqa qismiga joylashtirish uchun mazkur Reglamentga 3-ilovaga muvofiq namunada tayyorlangan DRB beriladi.

DRB undagi raqamlarning oʻsib borish tartibiga muvofiq ravishda beriladi:

yuridik shaxslarga — I va III tipli DRB;

jismoniy shaxslarga — II va IV tipli DRB.

47. Texnika egasi berilgan DRBdan maqsadli foydalanishi shart.

48. Texnikalarni davlat roʻyxatidan oʻtkazilganligi toʻgʻrisidagi texnik pasport yoki texnik guvohnoma yaroqsiz holga kelganda, shikastlanganda, oʻgʻirlanganda yoki yoʻqolganda, texnikalarni qayta roʻyxatdan oʻtkazish 2 ish kunida koʻrib chiqiladi. Bunda Inspeksiyaning texnika holatini nazorat qilish inspektori tomonidan mazkur Reglamentning 40-bandida koʻrsatilgan hujjatlar toʻliq taqdim etilganligi koʻrib chiqiladi va texnikadagi maʼlumotlarning soʻrovnomada qayd etilgan maʼlumotlarga muvofiqligi koʻzdan kechirilib, texnik koʻrikdan oʻtkazadi.

Taqdim etilgan hujjatlar (maʼlumotlar) texnikaga mos boʻlganda, Inspeksiya texnikalarni davlat roʻyxatiga olish axborot tizimi maʼlumotlari asosida texnika egasi yoki uning vakiliga uning shaxsini tasdiqlovchi hujjatning asliga asosan texnikalarni davlat roʻyxatidan oʻtkazilganligi toʻgʻrisidagi texnik pasport yoki texnik guvohnomaning yangisini beradi.

49. Texnikalarni davlat roʻyxatidan oʻtkazilganligi toʻgʻrisidagi texnik pasport yoki texnik guvohnoma yaroqsiz holga kelganda, shikastlanganda, oʻgʻirlanganda yoki yoʻqolganda uning oʻrniga yangisi, shuningdek, DRB yaroqsiz holga kelgan, buzilgan, shikastlangan yoki yoʻqolganda yangi DRB berish uchun ushbu Reglamentga 6-ilovaga muvofiq miqdorda yigʻim undiriladi.

Davlati xizmatlari koʻrsatganlik uchun yigim toʻlanganligini tasdiqlash axborot-kommunikatsiya tizimlari orqali amalga oshiriladi.

50. DRB shikastlanganda, yoʻqolganda yoki oʻgʻirlanganda texnikalarni davlat roʻyxatidan oʻtkazish maʼlumotlariga asosan, shuningdek, belgilangan miqdorda yigim amalga oshirilgach, Inspeksiya tomonidan yangi DRB beriladi. Bunda DRB dublikatini berilishiga yoʻl qoʻyilmaydi.

Roʻyxatga olish toʻgʻrisidagi maʼlumotlar (texnikalarni davlat roʻyxatiga olinganligi toʻgʻrisidagi texnik pasport yoki texnik guvohnoma va DRBning yangisini berish) texnikalarni davlat roʻyxatiga olish axborot tizimiga kiritiladi.

4-bob. Yakunlovchi qoidalar

51. Texnikalarni davlat roʻyxatiga va qayta roʻyxatga olish uchun harakatlarni amalga oshirish uchun asos boʻladigan hujjatlar uch yil, texnikalarni roʻyxatga olish kitobi Inspeksiyada yigirma besh yil saqlanadi va ushbu muddat oʻtgandan keyin belgilangan tartibda davlat arxiviga topshiriladi.

52. Inspeksiyaga hujjatlar taqdim qilinganda yoki elektron shaklda murojaat qilinganda, ularni oʻrganish yoki texnik koʻrik jarayonlarida asli bilan taqqoslanishi shart.

53. Texnikalar yangi xarid qilinganda, texnikaga boʻlgan mulk huquqi yoki texnika egasining manzili (nomi) oʻzgarganda, texnikalar Inspeksiya tomonidan 10 ish kunida davlat roʻyxatidan yoki qayta roʻyxatdan oʻtkaziladi.

Bunda texnika egasi texnikaning texnik holatidan qatʼi nazar, mazkur Reglamentning 22-bandida nazarda tutilgan hujjatlarni taqdim etgan holda murojaat qiladi.

Agar murojaat qilish muddatining oxirgi kuni dam olish, bayram va boshqa ish kuni boʻlmagan kunlarga toʻgʻri kelsa, undan keyingi birinchi ish kuni muddatning tugagan kuni hisoblanadi.

54. Texnikalarni roʻyxatga qoʻyish muddatlarining buzilishi yoki belgilangan tartibda roʻyxatdan oʻtkazilmagan texnikalar boʻyicha jismoniy va yuridik shaxslar qonunchilik hujjatlarida belgilangan tartibda maʼmuriy javobgarlikka tortiladi.

55. Inspeksiya texnika egalariga davlat xizmatlari koʻrsatilishi hamda yoʻl harakati qatnashchilari (traktorchi-mashinistlar) tomonidan yoʻl harakati qoidalariga rioya etilishi ustidan nazoratni qonunchilik hujjatlariga muvofiq amalga oshiradi.

56. Inspeksiya tomonidan texnikalarni taqiqqa olish va taqiqdan chiqarish sudya, prokuror, tergovchi, surishtiruvchi, davlat ijrochisi, notarius, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari huzuridagi idoraviy notarial arxivlar mudirlari, soliq organining rahbari (rahbar oʻrinbosari) va tegishli vakolatli tashkilotlar soʻrovlari asosida axborot tizimidagi maʼlumotlar bazasida aks ettiriladi.

Shuningdek, axborot tizimlarini integratsiyalash orqali vakolatli tashkilotlar tomonidan texnikalarni taqiqqa olish va taqiqdan chiqarish elektron shaklda amalga oshirilishi mumkin.

Taqiqqa olingan texnikalarni davlat roʻyxatiga va qayta roʻyxatga olish harakatlari taqiqqa oldirgan idora tomonidan taqiq bekor qilingandan soʻng amalga oshiriladi.

57. Texnikaning lizing (sublizing) shartnomasini amal qilish muddati tugashi bilan, texnikaning lizing (sublizing) shartnomasi va texnikani lizingga beruvchining texnikaga boʻlgan mulk huquqi texnikani lizingga oluvchiga oʻtganligini tasdiqlovchi topshirish-qabul qilish dalolatnomasiga asosan texnikalar lizingga oluvchining nomiga davlat roʻyxatidan oʻtkaziladi.

Texnikalar lizingga beruvchining yozma soʻroviga asosan lizingga oluvchining nomiga ham rasmiylashtirilishi mumkin. Bunda texnika lizingga beruvchi nomidan taqiqqa olinadi va uning murojaati bilan taqiqdan chiqariladi. Texnikalar texnikani lizingga oluvchidan olinib, boshqaga oʻtkazilganda, yangidan roʻyxatdan oʻtkaziladi.

Lizingga (sublizingga) oluvchi nomiga roʻyxatdan oʻtkazilgan texnikani lizing beruvchiga qaytarib berilishini yoki boshqa lizingga oluvchining nomiga oʻtkazilishini asoslovchi hujjatlar, shuningdek, sud yoki boshqa organlarning ijro hujjati nusxasi ilova qilingan holda lizingga beruvchining arizasiga asosan lizingga beruvchining yoki boshqa lizingga oluvchining nomiga roʻyxatdan oʻtkaziladi.

58. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar davlat xizmatlarini koʻrsatish boʻyicha olingan maʼlumotlarning sir saqlanishini taʼminlaydi.

59. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar manfaatdor shaxsga maʼmuriy hujjatni qabul qilish uchun ahamiyatga ega boʻlgan barcha holatlar yuzasidan oʻz fikrini bildirish imkoniyatini beradi.

60. Texnika egasi yoki uning vakili davlat xizmatlarini koʻrsatuvchi va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

61. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 1-ILOVA

Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga beriladigan texnik pasportning

Texnik pasportning

TASNIFI

Texnikalarni davlat roʻyxatidan oʻtkazilganligi toʻgʻrisidagi “TEXNIK PASPORT” xalqaro standartlar asosida 54x86 mm oʻlchamdagi plastikdan tayyorlanadi. Texnikalarni davlat roʻyxatidan oʻtkazilganligi toʻgʻrisidagi “TEXNIK PASPORT”ning rangi — ochiq sariq pushti. Lotin yozuvidagi davlat tilidan foydalaniladi. Seriyali raqami — toʻrt harfli (UZ-TP), raqami — oltita raqamli.

Texnikalarni davlat roʻyxatidan oʻtkazilganligi toʻgʻrisidagi “TEXNIK PASPORT”da jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) va qurilmalar oʻrtasida bevosita aloqasiz axborot ayirboshlash imkonini beruvchi elektron belgi (NFC smart-kart) boʻladi.

Texnikalarni davlat roʻyxatidan oʻtkazilganligi toʻgʻrisidagi “TEXNIK PASPORT”ning plastik shakli quyidagi himoya vositalariga ega:

mikromatn — “TEXNIK PASPORT”, “Texnicheskiy pasport”, “Technical passport” oʻlchami — maksimum 30 mikron;

ultrabinafsha qoplama;

“UZ” yozuvi, egilganda bir rangdan boshqa rangga tovlanadigan optik turlanadigan boʻyoq;

gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;

guvohnoma plastik shaklining seriyali raqamini lazer oʻyma naqshi.

Texnik pasportning old tomonida “TEXNIK PASPORT”, “Texnicheskiy pasport”, “Technical passport” soʻzlari yozilgan, shuningdek, Oʻzbekiston Respublikasi Davlat bayrogʻining tasviri tushirilgan, “Oʻzbekiston” soʻzlari davlat tilida, rus va ingliz tillarida yozilgan. Texnikaning davlat raqami belgisi, markasi, modeli, rangi, egasi toʻgʻrisidagi maʼlumotlar (familiyasi, ismi, otasining ismi yoki tashkilotning nomi, manzili), texnik pasport berilgan sana, Inspeksiyaning tegishli boʻlimi;

jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) majburiy tartibda koʻrsatiladi.

Texnikalarni davlat roʻyxatidan oʻtkazilganligi toʻgʻrisidagi “TEXNIK PASPORT”ning orqa tomonida texnika toʻgʻrisidagi maʼlumotlar, ishlab chiqarilgan yil, turi, kuzov/shassi raqami, toʻla vazni, yuksiz vazni, dvigatelning toifasi va quvvati, yonilgʻi turi, alohida belgilar majburiy tartibda koʻrsatiladi.

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 2-ILOVA

Qishloq xoʻjaligi, melioratsiya va yoʻl-qurilishi hamda boshqa maqsadlarga moʻljallangan agregat, mashina, mexanizm va uskunalarga beriladigan texnik guvohnomaning

Texnik guvohnomaning

TASNIFI

Texnikalarni davlat roʻyxatidan oʻtkazilganligi toʻgʻrisidagi “TEXNIK GUVONNOMA” xalqaro standartlar asosida 54x86 mm oʻlchamda plastikdan tayyorlanadi. Texnikalarni davlat roʻyxatidan oʻtkazilganligi toʻgʻrisidagi “TEXNIK GUVONNOMA”ning rangi — kulrang pushti. Lotin yozuvidagi davlat tilidan foydalaniladi. Seriyali raqam — toʻrt harfli (UZ-TG), nomeri — oltita raqamli.

Texnikalarni davlat roʻyxatidan oʻtkazilganligi toʻgʻrisidagi “TEXNIK GUVONNOMA”da jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) va qurilmalar oʻrtasida bevosita aloqasiz axborot ayirboshlash imkonini beruvchi elektron belgi (NFC smart-kart) boʻladi.

Texnikalarni davlat roʻyxatidan oʻtkazilganligi toʻgʻrisidagi “TEXNIK GUVONNOMA”ning plastik shakli quyidagi himoya vositalariga ega:

mikromatn — “TEXNIK GUVONNOMA”, “Texnicheskoye svidetelstvo”, “Technical certificate” oʻlchami — maksimum 30 mikron;

ultrabinafsha qoplama;

“UZ” yozuvli, egilganda bir rangdan boshqa rangga tovlanadigan optik turlanadigan boʻyoq;

gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;

guvohnoma plastik shaklining seriyali raqamining lazer oʻyma naqshi.

Texnik pasportning old tomonida “TEXNIK GUVONNOMA”, “Texnicheskoye svidetelstvo”, “Technical certificate” soʻzlari yozilgan, shuningdek, Oʻzbekiston Respublikasi Davlat bayrogʻining tasviri tushirilgan, “Oʻzbekiston” soʻzlari davlat tilida, rus va ingliz tillarida yozilgan. Texnikaning nomi, markasi, modeli, rangi, egasi toʻgʻrisidagi maʼlumotlar (familiyasi, ismi, otasining ismi yoki tashkilotning nomi, manzili), davlat roʻyxatidan oʻtkazilganligi toʻgʻrisidagi “TEXNIK GUVONNOMA” berilgan sana, Inspeksiyaning tegishli boʻlimi, jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) majburiy tartibda koʻrsatiladi.

Texnikalarni davlat roʻyxatidan oʻtkazilganligi toʻgʻrisidagi “TEXNIK GUVONNOMA”ning orqa tomonida texnika toʻgʻrisidagi maʼlumotlar; ishlab chiqarilgan yil, turi, agregat raqami, toʻla vazni, yuksiz vazni, vazifasi, alohida belgilar majburiy tartibda koʻrsatiladi.

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 3-ILOVA

Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarning davlat raqami belgilari

I tip — yuridik shaxslarning traktorlari, yoʻl-qurilish va melioratsiya texnikalari, oʻziyurar mashinalarga beriladigan davlat raqami belgilari kabinaning orqa qismiga mahkamlanadi.

Davlat raqami belgisining foni oq rangda, chetki qismi, raqam va harflari qora rangda. Chap qismida roʻyxatga olish sonlari bilan baravar qilib traktorning shartli rasmi, quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

II tip — jismoniy shaxslarning traktorlari, yoʻl-qurilish va melioratsiya texnikalari, oʻziyurar mashinalarga beriladigan davlat raqami belgilari kabinaning orqa qismiga mahkamlanadi.

Davlat raqami belgisining foni sariq rangda, chetki qismi, raqam va harflari qora rangda. Chap qismida roʻyxatga olish sonlari bilan baravar qilib traktorning shartli rasmi, quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

III tip — yuridik shaxslarning traktor tirkamalariga beriladigan davlat raqami belgilari tirkamaning orqa qismiga mahkamlanadi.

Davlat raqami belgisining foni oq rangda, chetki qismi, raqam va harflari qora rangda. Quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

IV tip — jismoniy shaxslarning traktor tirkamalariga beriladigan davlat raqami belgilari tirkamaning orqa qismiga mahkamlanadi.

Davlat raqami belgisining foni sariq rangda, chetki qismi, raqam va harflari qora rangda. Quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 4-ILOVA

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Texnika egasi yoki uning vakili (jismoniy yoki yuridik shaxslar) 1. Texnikaning egasi yoki uning vakili davlat xizmatlaridan foydalanish uchun Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) yoki davlat xizmatlari markaziga (keyingi oʻrinlarda — Markaz) oʻzi kelib, shuningdek, davlat xizmatlaridan elektron foydalanish uchun yagona interaktiv davlat xizmatlari portalida (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasida (keyingi oʻrinlarda — Agroportal) roʻyxatdan oʻtadi. 1. Xohishiga koʻra 2. Inspeksiya, Markaz yoki YIDXP yoki Agroportal tomonidan koʻrsatiladigan davlat xizmatlari uchun yigʻimni amalga oshiradi. 3. Texnikani qayta roʻyxatdan oʻtkazish holatlarida Inspeksiyaga texnikalarni davlat roʻyxatidan oʻtkazilganligi toʻgʻrisidagi texnik pasport hamda davlat raqami belgisi (keyingi oʻrinlarda — DRB) yoki texnik guvohnomani taqdim etadi. 2. Murojaat qilganda 2-bosqich 1. Markaz 2. YIDXP 3. Agroportal Soʻrovnomani Inspeksiyaga yuboradi. Soʻrovnoma toʻldirilgandan soʻng avtomatik tarzda 3-bosqich Inspeksiya 1. Soʻrovnoma va taqdim etilgan hujjatlarni koʻrib chiqib, texnikalarni texnik koʻrikdan oʻtkazgandan soʻng texnikalarni davlat roʻyxatidan yoki qayta roʻyxatdan oʻtkazadi yoxud oʻtkazishni rad etish toʻgʻrisida qaror qabul qiladi. 1. 2 ish kunidan kechiktirmasdan 2. Qabul qilingan qarorni elektron shaklda Markazga yoki YIDXP yoki Agroportal orqali texnika egasiga yuboradi. 2. Qaror qabul qilingandan soʻng 2 ish kunida 4-bosqich Inspeksiya 1. Texnikalarni davlat roʻyxatidan yoki qayta roʻyxatdan oʻtkazilganligi toʻgʻrisidagi maʼlumotlarni oʻzining axborot tizimiga kiritadi. 2. Texnika egasiga yoki uning vakiliga texnikalarni davlat roʻyxatidan yoki qayta roʻyxatdan oʻtkazilganligi toʻgʻrisidagi texnik pasport hamda davlat raqam belgisi yoki texnik guvohnomani beradi. 2 ish kunida

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 5-ILOVA

__________________ (sana) ________________ (raqam) Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatish yuzasidan SOʻROVNOMA I. Texnika egasi — yuridik shaxs toʻgʻrisida maʼlumot: 1. Tashkilot nomi 2. Yuridik manzili 3. STIR raqami 4. Telefon raqami Yuridik shaxs vakili: 1. F.I.O. 2. Jismoniy shaxsning shaxsiy identifikatsiya raqami II. Texnika egasi — jismoniy shaxs toʻgʻrisida maʼlumot: 1. F.I.O. 2. Jismoniy shaxsning shaxsiy identifikatsiya raqami 3. Manzili 4. Telefon raqami III. Texnika toʻgʻrisida maʼlumot: 1. Nomi 2. Rusumi/modeli 3. Ishlab chiqarilgan yili 4. Dvigatel raqami 5. Zavod raqami 6. Kuzov/shassi raqami 7. Texnik pasport yoki texnik guvohnoma seriyasi va raqami 8. Davlat raqami belgisi IV. Soʻrovnomaga texnikaga boʻlgan mulk huquqi yoki boshqa ashyoviy huquqlarni tasdiqlovchi hujjatlar ilova qilinadi. Texnikani qayta roʻyxatdan oʻtkazish holatlarida Inspeksiyaga texnikalarni davlat roʻyxatidan oʻtkazilganligi toʻgʻrisidagi texnik pasport, DRB yoki texnik guvohnoma taqdim etiladi. V. Davlat xizmatlaridan foydalanish sababi: Texnikani davlat roʻyxatidan oʻtkazish Texnikani qayta roʻyxatdan oʻtkazish Tasdiqlayman:

Qishloq xoʻjaligi, melioratsiya va yoʻl-qurilish texnikalarini davlat roʻyxatidan va qayta roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 6-ILOVA

Texnikalarni davlat roʻyxatidan va qayta roʻyxatdan oʻtkazishda, shuningdek, texnikalarga davlat raqami belgilari, texnik pasport va texnik guvohnomani berishda undiriladigan

I. Davlat roʻyxatidan oʻtkazilgan qishloq xoʻjaligi, melioratsiya va yoʻl-qurilish texnikalariga davlat raqami belgilarini berish uchun

1. Qishloq xoʻjaligi, melioratsiya va yoʻl-qurilish texnikalariga davlat raqami belgilarini (keyingi oʻrinlarda — DRB) berish uchun bazaviy hisoblash miqdorining 90 foizi miqdorida

II. Texnikalarni davlat roʻyxatidan yoki qayta roʻyxatdan oʻtkazish uchun

2. Texnik pasport beriladigan qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarni davlat roʻyxatidan yoki qayta roʻyxatdan oʻtkazish uchun bazaviy hisoblash miqdorining 20 foizi miqdorida 3. Texnik guvohnoma beriladigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalarini davlat roʻyxatidan yoki qayta roʻyxatdan oʻtkazish uchun bazaviy hisoblash miqdorining 18 foizi miqdorida

III. Davlat roʻyxatidan oʻtkazilgan qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga texnik pasport berish uchun

4. Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga texnik pasport berish uchun bazaviy hisoblash miqdorining 50 foizi miqdorida

IV. Texnik pasport berilmaydigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalariga texnik guvohnoma berish uchun

5. Texnik pasport berilmaydigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalariga texnik guvohnoma berish uchun bazaviy hisoblash miqdorining 30 foizi miqdorida

V. Texnikalarni davlat roʻyxatidan va qayta roʻyxatdan oʻtkazishda texnik koʻrikdan oʻtkazish uchun

6. 100 ot kuchi va undan yuqori quvvatga ega gʻildirakli traktorlar, melioratsiya va yoʻl-qurilish texnikalari, oʻziyurar mashinalar hamda zanjirli va yarim zanjirli traktorlar uchun bazaviy hisoblash miqdorining 30 foizi miqdorida 7. 100 ot kuchigacha quvvatga ega gʻildirakli traktorlar, traktor tirkamalari, melioratsiya va yoʻl-qurilish texnikalari hamda oʻziyurar mashinalar, osma va yarim osma, zanjirli, yarim zanjirli va yigʻma mashinalar uchun bazaviy hisoblash miqdorining 20 foizi miqdorida 8. Qishloq xoʻjaligi, melioratsiya va yoʻl-qurilish mashinalari hamda agregatlar uchun bazaviy hisoblash miqdorining 15 foizi miqdorida 9. Yoʻl-qurilish, melioratsiya va boshqa maqsadlarga moʻljallangan yuk ortuvchi, paxta, don va urugʻlarni qayta ishlashga moʻljallangan mashinalar, shuningdek, chorvachilik, parrandachilik va yem-xashak ishlab chiqarish mashinalari va uskunalari, kichik mexanizatsiya moslamalari uchun bazaviy hisoblash miqdorining 15 foizi miqdorida 10. Mashina-traktor parklari, taʼmirlash ustaxonalari, servis punktlari va boshqalardagi har bir stanok, asbob-uskuna va jihozlar uchun bazaviy hisoblash miqdorining 15 foizi miqdorida 11. Suv nasoslari uchun bazaviy hisoblash miqdorining 20 foizi miqdorida

Vazirlar Mahkamasining 2023-yil 29-apreldagi 170-son qaroriga 2-ILOVA

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Reglament jismoniy va yuridik shaxslarga (keyingi oʻrinlarda — texnika egasi) qishloq xoʻjaligi, melioratsiya va yoʻl-qurilish texnikalarini (keyingi oʻrinlarda — texnika) vaqtincha roʻyxatdan oʻtkazish boʻyicha davlat xizmatlarini koʻrsatish tartibini belgilaydi.

2. Tashkiliy shaklidan qatʼi nazar texnikalarni vaqtincha roʻyxatdan oʻtkazish Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Inspeksiya) tomonidan mazkur Reglamentga muvofiq amalga oshiriladi.

3. Ushbu Reglamentda quyidagi asosiy tushunchalardan foydalaniladi:

vaqtincha roʻyxatga olish joyi — texnikalarni vaqtincha roʻyxatdan oʻtkazishni amalga oshiruvchi Inspeksiya joylashgan joy;

vaqtincha roʻyxatdan oʻtkazish tadbirlari — qonunchilik hujjatlariga muvofiq Inspeksiya tomonidan texnikalarni vaqtincha roʻyxatdan oʻtkazish, shuningdek, texnikalarni vaqtincha roʻyxatga olish haqida vaqtincha texnik pasport va guvohnoma hamda DRB berishdan iborat davlat roʻyxatidan oʻtkazish boʻyicha harakatlar kompleksi;

vaqtincha texnik pasport — qishloq xoʻjaligi, melioratsiya va yoʻl-qurilish texnikalari, traktorlar, traktor tirkamalari va oʻziyurar mashinalarga mazkur Reglamentga 1-ilovada belgilangan namunaga muvofiq beriladigan maxsus himoyalangan vaqtinchalik hujjat;

vaqtincha texnik guvohnoma — texnik pasport berilmaydigan qishloq xoʻjaligi, melioratsiya va yoʻl-qurilishi hamda boshqa maqsadlarga moʻljallangan agregat, mashina, mexanizm va uskunalarga mazkur Reglamentga 2-ilovada belgilangan namunaga muvofiq beriladigan maxsus himoyalangan vaqtinchalik hujjat;

davlat raqami belgisi (keyingi oʻrinlarda — DRB) — mazkur Reglamentga 3-ilovada belgilangan namunaga muvofiq texnikani davlat roʻyxatidan oʻtkazishni hisobga olish uchun hududiy kodlar va davlat raqamlari belgilarining tiplariga koʻra beriladigan maxsus raqamli belgi;

jismoniy shaxsning vakili — jismoniy shaxsning notarius tomonidan tasdiqlangan qonuniy vakili;

texnika egasi — texnika vositasiga mulk huquqi yoki boshqa ashyoviy huquqlar asosida egalik qiluvchi yuridik yoki jismoniy shaxs;

texnikalarni vaqtincha roʻyxatdan oʻtkazish — texnikani vaqtincha roʻyxatdan oʻtkazish haqida texnik pasport hamda DRB yoki texnik guvohnoma berish;

qishloq xoʻjaligi, melioratsiya va yoʻl-qurilish texnikalari — idoraviy boʻysunuvi va tashkiliy-huquqiy shaklidan qatʼi nazar qishloq va oʻrmon xoʻjaligiga moʻljallangan barcha turdagi traktorlar (gʻildirakli, zanjirli va yarim zanjirli), oʻziyurar mashinalar (oʻziyurar qishloq xoʻjaligi mashinalari, oʻziyurar meliorativ hamda yoʻl-qurilish texnikalari), traktor tirkamalari, qishloq xoʻjaligi, yoʻl-qurilish, meliorativ va boshqa maqsadlarga moʻljallangan tuproqqa va ekinlarga ishlov beruvchi, yuk ortuvchi, don va urugʻni qayta ishlashga moʻljallangan mashinalar, chorvachilik, parrandachilik va yem-xashak ishlab chiqarish mashina va texnologik uskunalari, suv nasoslari, kichik mexanizatsiya moslamalari.

4. Texnikalarni vaqtincha roʻyxatdan oʻtkazish boʻyicha davlat xizmatlari Inspeksiya, davlat xizmatlari markazi (keyingi oʻrinlarda — Markaz) yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasi (keyingi oʻrinlarda — Agroportal) orqali texnika egasi yoki uning vakilini soʻrovnomasiga asosan amalga oshiriladi.

5. Inspeksiya tomonidan nazorat qilinadigan va texnik koʻrikka jalb etiladigan qishloq xoʻjaligi, melioratsiya va yoʻl-qurilish texnikalari, taʼmirlash va servis asbob-uskunalari turlari ustidan nazorat qilish Inspeksiyaning markaziy apparati, hududiy boshqarmalari va tuman (Quvasoy shahar) boʻlimlari tomonidan amalga oshiriladi.

6. Texnikaning tuzilmasi texnik tartibga solish sohasidagi normativ-huquqiy hujjatlar, Vazirlar Mahkamasining 2016-yil 18-martdagi 80-son qarori bilan tasdiqlangan Qishloq xoʻjaligi texnikalari konstruksiyasining xavfsizligi toʻgʻrisidagi umumiy texnik reglamenti (keyingi oʻrinlarda — Texnik reglament), shuningdek, texnika xavfsizligini taʼminlash sohasidagi meʼyoriy hujjatlar talablariga mos kelishi lozim.

7. Texnikalarni vaqtincha roʻyxatdan oʻtkazish ishlari toʻlovlar oldindan amalga oshirilgandan soʻng bajariladi.

8. Texnikalarni vaqtincha roʻyxatdan oʻtkazish quyidagi hollarda amalga oshiriladi:

texnikalar “vaqtincha olib kirish” bojxona rejimiga joylashtirilganda;

texnikalar tajriba sinovlarini oʻtkazish uchun olib kelinganda.

9. Texnikalarni vaqtincha roʻyxatdan oʻtkazish hujjatlari kelgusida texnikalarga oid mulkiy huquqlarni vujudga keltirmaydi, oʻzgartirmaydi yoki bekor qilmaydi.

10. Texnikalar uning egasi hisoblanuvchi jismoniy yoki yuridik shaxsning nomiga vaqtincha roʻyxatdan oʻtkaziladi.

11. Jismoniy shaxslarning texnikalari ularning doimiy yoki vaqtincha yashash (turar) joyida vaqtincha roʻyxatdan oʻtkaziladi.

12. Yuridik shaxslarning texnikalarini vaqtincha roʻyxatdan oʻtkazish yuridik shaxslarni roʻyxatdan oʻtkazish guvohnomasida koʻrsatilgan yuridik manzili boʻyicha amalga oshiriladi.

13. Inspeksiyada quyidagi texnikalar vaqtincha roʻyxatdan oʻtkazilmaydi:

faqat konlarda, shaxta va karyerlarda qoʻllaniladigan maxsus texnikalar;

ichki ishlar organlarida roʻyxatga olingan transport vositalari;

tramvay va trolleybuslar;

Oʻzbekiston Respublikasi Mudofaa vazirligi, Davlat xavfsizlik xizmati, Ichki ishlar vazirligi, Milliy gvardiyaga tegishli boʻlgan harbiy va boshqa texnikalar, shuningdek, Transport vazirligi hamda Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi tomonidan roʻyxatga olingan texnikalar.

14. Texnikalarni vaqtincha roʻyxatdan oʻtkazishda ular Inspeksiya tomonidan belgilangan tartibda texnik koʻrikdan oʻtkaziladi.

Texnik koʻrikdan oʻtkazishda texnikaning sozligi, uning turi, rusumi, identifikatsiyalovchi shassisi (rama) va dvigatel raqamining roʻyxatdan oʻtkazish hujjatlarida koʻrsatilgan maʼlumotlarga mos kelishi solishtiriladi.

15. Markaz, YIDXP, Agroportal va Inspeksiya oʻrtasida axborotlar almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

2-bob. Davlat xizmatlarini koʻrsatish tartibi

16. Texnikalarni vaqtincha roʻyxatdan oʻtkazish boʻyicha davlat xizmatlarini koʻrsatish mazkur Reglamentga 4-ilovaga muvofiq sxemaga asosan amalga oshiriladi.

17. Texnika egasi yoki uning vakili texnikani vaqtincha roʻyxatdan oʻtkazish uchun Inspeksiyaga yoki Markazga kelib murojaat etganda, Inspeksiya yoki Markaz xodimi texnika egasi nomidan ushbu Reglamentga 5-ilovaga muvofiq shakldagi soʻrovnomani elektron shaklda toʻldiradi.

Soʻrovnomaga texnikani vaqtincha roʻyxatga olishga asos boʻluvchi hujjatlar ilova qilinadi.

18. Texnika egasi yoki uning vakili YIDXP yoki Agroportal orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirilganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

19. Texnika egasi yoki uning vakili texnikalarni vaqtincha roʻyxatdan oʻtkazish uchun Markazga kelib murojaat etganda, uning soʻrovnomasi Markaz xodimi tomonidan toʻldirilib, texnika egasi tomonidan tasdiqlanganidan soʻng, real vaqt rejimida Inspeksiyaga elektron shaklda yuboriladi.

YIDXP yoki Agroportal orqali murojaat qilinganda esa soʻrovnoma avtomatik tarzda Inspeksiyaga elektron shaklda yuboriladi.

20. Texnika egasi yoki uning vakilining shaxsini tasdiqlovchi hujjatlarga quyidagilar kiradi:

a) jismoniy shaxslar uchun — jismoniy shaxsning shaxsni tasdiqlovchi hujjati:

Oʻzbekiston Respublikasi fuqarolari uchun — pasport yoki shaxsni tasdiqlovchi boshqa hujjatlar (ID-karta), haydovchilik guvohnomasi;

16 yoshga toʻlmagan Oʻzbekiston Respublikasi fuqarolari uchun — tugilganlik haqida guvohnoma yoki shaxsni tasdiqlovchi boshqa hujjatlar;

Oʻzbekiston Respublikasi harbiy xizmatchilari uchun — ichki ishlar organlarining roʻyxatdan oʻtkazilganlik toʻgʻrisidagi yoki harbiy qismlarning uy ajratish toʻgʻrisidagi maʼlumotnomasini ilova qilgan holda harbiy qism yoki harbiy muassasalar qoʻmondonligi tomonidan beriladigan shaxsni tasdiqlovchi hujjat yoki harbiy bilet (harbiy xizmatga majbur fuqarolarning harbiy biletlari bundan mustasno);

chet el fuqarolari uchun — Oʻzbekiston Respublikasida yashash guvohnomasi yoki ichki ishlar organining doimiy yoki vaqtincha roʻyxatdan oʻtkazilgan joyi toʻgʻrisidagi belgisi qoʻyilgan chet el fuqarosining milliy pasporti yoxud diplomatik pasporti yoki Oʻzbekiston Respublikasida akkreditatsiyadan oʻtganligini tasdiqlovchi tegishli hujjat;

fuqaroligi boʻlmagan shaxslar uchun — fuqaroligi boʻlmagan shaxslarning shaxsini tasdiqlovchi ichki ishlar organlarining doimiy yoki vaqtincha roʻyxatdan oʻtkazilgan joyi haqidagi belgisi qoʻyilgan Oʻzbekiston Respublikasida yashash guvohnomasi;

b) jismoniy shaxsning vakili uchun:

notarius tomonidan tasdiqlangan jismoniy shaxsning vakili vakolatlarini tasdiqlovchi ishonchnoma yoki jismoniy shaxsning qonuniy vakili vakolatlarini tasdiqlovchi hujjat;

vakil shaxsini tasdiqlovchi hujjat (mazkur bandning “a” kichik bandida koʻrsatilgan hujjatlar);

v) yuridik shaxslar uchun:

yuridik shaxsning rahbari tomonidan imzolangan va uning muhri bilan tasdiqlangan yuridik shaxs vakilining vakolatlarini tasdiqlovchi ishonchnoma;

vakil shaxsini tasdiqlovchi hujjat (mazkur bandning “a” kichik bandida koʻrsatilgan hujjatlar).

Shuningdek, Inspeksiya xodimi “Elektron hukumat” tizimining idoralararo integratsiyalashuv platformasi orqali yuridik shaxsning davlat roʻyxatidan oʻtkazilganligi toʻgʻrisidagi guvohnoma nusxasini elektron shaklda oladi.

21. Texnikani vaqtincha roʻyxatga olishga asos boʻluvchi hujjatlarga quyidagilar kiradi:

“vaqtinchalik olib kirish” bojxona rejimiga joylashtirilgan bojxona yuk deklaratsiyasining elektron nusxasi (Iqtisodiyot va moliya vazirligi huzuridagi Bojxona qoʻmitasining axborot tizimidan integratsiyalashuv platformasi orqali elektron shaklda olinadi);

texnikalarni sinovdan oʻtkazilayotganligi toʻgʻrisidagi maʼlumot.

22. Oʻzbekiston Respublikasi hududiga olib kirilgan va “vaqtinchalik olib kirish” bojxona rejimiga joylashtirilgan texnikalarni vaqtincha roʻyxatdan oʻtkazish bojxona yuk deklaratsiyasida koʻrsatilgan muddatda amalga oshiriladi.

23. Texnikalarni vaqtincha roʻyxatdan oʻtkazish boʻyicha davlat xizmatlari koʻrsatganlik uchun yigʻimlar ushbu Reglamentga 6-ilovadagi toʻlov stavkalariga muvofiq amalga oshiriladi.

Davlat xizmatlarini koʻrsatish uchun YIDXP yoki Agroportal orqali murojaat etilganda, yigʻim summasining 90 foizi undiriladi.

Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga ushbu banddagi toʻlov stavkalarining 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlov stavkalarining 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

Davlat xizmatlari koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

23 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentga 6-ilovadagi toʻlov stavkalarining 50 foizi undiriladi.

24. Texnikalarni vaqtincha roʻyxatdan oʻtkazish boʻyicha davlat xizmatlari koʻrsatganlik uchun undiriladigan yigʻimlar quyidagi tartibda taqsimlanadi:

a) Markazga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlarini koʻrsatganlik uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi — yagona billing tizimi orqali davlat xizmatlari koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

v) Inspeksiyaga oʻzi kelib murojaat etganda:

20 foizi — Respublika budjetiga;

80 foizi — Inspeksiyaning rivojlantirish jamgʻarmasiga oʻtkaziladi;

g) Agroportal orqali murojaat etilganda:

11,75 foizi (shundan 0,5 foizi — “Agrobilling” axborot tizimi orqali davlat xizmatlari koʻrsatilganda) — Oʻzbekiston Respublikasi Qishloq xoʻjaligi vazirligining “Agrosanoatni raqamlashtirish markazi” masʼuliyati cheklangan jamiyatining shaxsiy hisobvaragʻiga;

20 foizi — Oʻzbekiston Respublikasi respublika budjetiga;

qolgan mablagʻlar — Oʻzagroinspeksiyaning rivojlantirish jamgʻarmasiga oʻtkaziladi.

25. Quyidagi holatlarda Inspeksiya tomonidan texnikalarni vaqtincha roʻyxatdan oʻtkazish rad etiladi:

davlat xizmatlari koʻrsatganlik uchun yigʻimga toʻlovlar amalga oshirilmaganda;

mazkur Reglamentda belgilangan tegishli hujjatlar texnika egasi tomonidan toʻliq taqdim etilmaganda;

xizmat muddatini oʻtab boʻlganligi va foydalanishga yaroqsizligi sababli texnika hisobdan chiqarilganda;

texnika konstruksiyasiga kiritilgan oʻzgartirishlar texnik tartibga solish sohasidagi normativ-huquqiy hujjatlar talablariga, texnika xavfsizligini taʼminlash meʼyorlariga javob bermaydigan boʻlsa;

texnika texnik reglamentga muvofiq boʻlmagan ehtiyot qismlar va agregatlardan tayyorlangan yoki yigʻilgan boʻlsa;

texnikaga ishlab chiqaruvchi tomonidan qoʻyilgan identifikatsiya tamgʻasini yashirish, soxtalashtirish, oʻzgartirish, yoʻq qilish alomatlari, taqdim etilgan hujjatlarning soxtalashtirilishi yoki hujjatlar va roʻyxatga oid hujjatlarda koʻrsatib oʻtilgan maʼlumotlarning texnika va agregatlar raqamlariga nomuvofiqligi aniqlanganda;

texnikaning raqamlangan agregati qidiruvda ekanligi yoki taqdim etilgan hujjatlarning yoʻqolganligi (oʻgʻirlanganligi) toʻgʻrisidagi maʼlumotlar mavjud boʻlganda.

Mazkur bandning yettinchi-sakkizinchi xatboshilarida koʻrsatilgan holatlar aniqlanganda, Inspeksiya tomonidan tegishli huquqni muhofaza qilish organlariga xabar beriladi.

Davlat xizmatlarini koʻrsatishni boshqa asoslar boʻyicha rad etish taqiqlanadi.

26. Egalik huquqi va hujjatlari mavjud boʻlmagan texnikalar sud qarorlariga asosan doimiy roʻyxatga olinadi.

Inspeksiya tomonidan vaqtincha roʻyxatga olingan texnikalar egalik huquqini belgilash toʻgʻrisidagi sud qarori qabul qilinguniga qadar belgilangan tartibda majburiy yillik texnik koʻrikdan oʻtkazib boriladi.

27. Texnikalarni vaqtincha roʻyxatdan oʻtkazishni rad etilishiga sabab boʻlgan holatlar bartaraf etilganda, texnika egasi yoki uning vakili texnikalarni vaqtincha roʻyxatdan oʻtkazish toʻgʻrisida qayta murojaat qilish huquqiga ega, bunda yigʻimlar undirilmaydi.

3-bob. Texnikalarni vaqtincha roʻyxatdan oʻtkazishni rasmiylashtirish hamda ularga texnik pasport, texnik guvohnoma va davlat raqam belgilari berish tartibi

28. Inspeksiya xodimi texnika egasi yoki uning vakili tomonidan taqdim etilgan hujjatlarni koʻrib chiqib, texnikaning turi, rusumi, identifikatsiyalovchi shassisi (rama) va dvigatel raqamining roʻyxatdan oʻtkazish hujjatlarida koʻrsatilgan maʼlumotlarga mos kelishini koʻrikdan oʻtkazib solishtirgandan keyin texnikalarni vaqtincha roʻyxatdan oʻtkazadi yoki oʻtkazishni rad etadi.

29. Texnikalarni vaqtincha roʻyxatdan oʻtkazish 2 ish kunida koʻrib chiqiladi. Texnikaga tegishli hujjatlar toʻliq taqdim etilganda, Inspeksiya texnika egasi yoki uning vakilini texnikani texnik koʻrikdan oʻtkazish uchun taqdim etishi haqida axborot-kommunikatsiya tizimi orqali xabardor qiladi.

Inspeksiyaning texnika holatini nazorat qilish inspektori 2 ish kunida texnika boʻyicha maʼlumotlarni soʻrovnomada qayd etilgan maʼlumotlarga muvofiqligini koʻzdan kechirib, texnikani texnik koʻrikdan oʻtkazadi. Bunda texnika egasi yoki uning vakili Inspeksiyaga texnikani texnik koʻrikdan oʻtkazish uchun taqdim etadi.

Shuningdek, texnikalarni vaqtincha roʻyxatdan oʻtkazishda qoʻshimcha maʼlumot olish talab etilganda, ushbu masalalar boʻyicha kelib tushgan arizalar 10 ish kunida koʻrib chiqiladi.

30. Texnikalar texnik koʻrikdan oʻtkazilib, hujjatlar asliga muvofiq va toʻliq boʻlganda, vaqtincha roʻyxatdan oʻtkaziladi. Bunda Inspeksiyaning texnikalarni roʻyxatdan oʻtkazish kitobiga va tegishli axborot tizimiga texnikaning identifikatsiyalovchi shassisi (rama), dvigatel raqamlari va boshqa texnik parametrlari hamda texnika egasi va uning yashash (turar) joyi yoki joylashgan manzili (pochta manzili) toʻgʻrisidagi maʼlumotlar kiritiladi.

31. Texnikalarni vaqtincha roʻyxatdan oʻtkazilganligi toʻgʻrisidagi vaqtincha texnik pasport, vaqtincha texnik guvohnoma va DRB Inspeksiyaning texnika holatini nazorat qilish inspektori tomonidan texnika egasi yoki uning vakiliga uning shaxsini tasdiqlovchi hujjatlar asosida texnikalarni roʻyxatdan oʻtkazish kitobiga uni olganligi toʻgʻrisida imzo qoʻyilib topshiriladi.

32. Vaqtincha roʻyxatdan oʻtkazilgan texnikalarning orqa qismiga joylashtirish uchun mazkur Reglamentga 3-ilovaga muvofiq namunada tayyorlangan DRB beriladi.

DRB undagi raqamlarning oʻsib borish tartibiga muvofiq ravishda beriladi:

yuridik shaxslarga — I va III tipli DRB;

jismoniy shaxslarga — II va IV tipli DRB.

33. Texnika egasi berilgan DRBdan maqsadli foydalanishi shart.

34. Texnikalarni vaqtincha roʻyxatdan oʻtkazish 2 ish kunida koʻrib chiqiladi. Bunda Inspeksiyaning texnika holatini nazorat qilish inspektori tomonidan texnikaga oid hujjatlar toʻliq taqdim etilganligi koʻrib chiqiladi va texnikadagi maʼlumotlar soʻrovnomada qayd etilgan maʼlumotlarga muvofiqligi koʻzdan kechirilib, texnik koʻrikdan oʻtkaziladi.

Taqdim etilgan hujjatlar (maʼlumotlar) texnikaga mos boʻlganda, Inspeksiya texnikani roʻyxatga olish axborot tizimi maʼlumotlari asosida texnika egasi yoki uning vakiliga uning shaxsini tasdiqlovchi hujjatning asliga asosan texnikani vaqtincha roʻyxatdan oʻtkazilganligi toʻgʻrisidagi vaqtincha texnik pasport yoki texnik guvohnomani beradi.

4-bob. Yakunlovchi qoidalar

35. Texnikalarni vaqtincha roʻyxatga olish uchun harakatlarni amalga oshirishda asos boʻladigan hujjatlar uch yil, texnikalarni roʻyxatga olish kitobi Inspeksiyada yigirma besh yil saqlanadi va ushbu muddat oʻtgandan keyin belgilangan tartibda davlat arxiviga topshiriladi.

36. Inspeksiyaga hujjatlar taqdim qilinganda yoki elektron shaklda murojaat qilinganda, ularni oʻrganish yoki texnik koʻrik jarayonlarida asli bilan taqqoslanishi shart.

37. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar davlat xizmatlarini koʻrsatish boʻyicha olingan maʼlumotlarning sir saqlanishini taʼminlaydi.

38. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar manfaatdor shaxsga maʼmuriy hujjatni qabul qilish uchun ahamiyatga ega boʻlgan barcha holatlar yuzasidan oʻz fikrini bildirish imkoniyatini beradi.

39. Texnika egasi yoki uning vakili davlat xizmatlarini koʻrsatuvchi va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.

40. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 1-ILOVA

Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga beriladigan vaqtincha texnik pasportning

Vaqtincha texnik pasportning

TASNIFI

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK PASPORT” xalqaro standartlar asosida 54x86 mm oʻlchamdagi plastikdan tayyorlanadi. Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK PASPORT”ning rangi — ochiq sariq pushti. Lotin yozuvidagi davlat tilidan foydalaniladi. Seriyali raqami — toʻrt harfli (UZ-TP), raqami — oltita raqamli.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK PASPORT”da jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) va qurilmalar oʻrtasida bevosita aloqasiz axborot ayirboshlash imkonini beruvchi elektron belgi (NFC smart-kart) boʻladi.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK PASPORT”ning plastik shakli quyidagi himoya vositalariga ega:

mikromatn — “VAQTINCNALIK TEXNIK PASPORT”, “Vremenniy texnicheskiy pasport”, “Temporary technical passport” oʻlchami — maksimum 30 mikron;

ultrabinafsha qoplama;

“UZ” yozuvi, egilganda bir rangdan boshqa rangga tovlanadigan optik turlanadigan boʻyoq;

gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;

guvohnoma plastik shaklining seriyali raqamini lazer oʻyma naqshi.

Vaqtincha texnik pasportning old tomonida “VAQTINCNALIK TEXNIK PASPORT”, “Vremenniy texnicheskiy pasport”, “Interim technical passport” soʻzlari yozilgan, shuningdek, Oʻzbekiston Respublikasi Davlat bayrogʻining tasviri tushirilgan, “Oʻzbekiston” soʻzlari davlat tilida, rus va ingliz tillarida yozilgan. Texnikaning davlat raqami belgisi, markasi, modeli, rangi, egasi toʻgʻrisidagi maʼlumotlar (familiyasi, ismi, otasining ismi yoki tashkilotning nomi, manzili), texnik pasport berilgan sana, Inspeksiyaning tegishli boʻlimi:

jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) majburiy tartibda koʻrsatiladi.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK PASPORT”ning orqa tomonida texnika toʻgʻrisidagi maʼlumotlar, ishlab chiqarilgan yil, turi, kuzov/shassi raqami, toʻla vazni, yuksiz vazni, dvigatelining toifasi va quvvati, yonilgʻi turi, alohida belgilar majburiy tartibda koʻrsatiladi.

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 2-ILOVA

Qishloq xoʻjaligi, melioratsiya va yoʻl-qurilishi hamda boshqa maqsadlarga moʻljallangan agregat, mashina, mexanizm va uskunalarga beriladigan vaqtincha texnik guvohnomaning

Vaqtincha texnik guvohnomaning

TASNIFI

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA” xalqaro standartlar asosida 54x86 mm oʻlchamdagi plastikdan tayyorlanadi. Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA”ning rangi — kulrang pushti. Lotin yozuvidagi davlat tilidan foydalaniladi. Seriyali raqami — toʻrt harfli (UZ-VTG), raqami — oltita raqamli.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA”da jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) va qurilmalar oʻrtasida bevosita aloqasiz axborot ayirboshlash imkonini beruvchi elektron belgi (NFC smart-kart) boʻladi.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA”ning plastik shakli quyidagi himoya vositalariga ega:

mikromatn — “VAQTINCNALIK TEXNIK GUVONNOMA”, “Vremenniy texnicheskoye svidetelstvo”, “Interim technical certificate” oʻlchami — maksimum 30 mikron;

ultrabinafsha qoplama;

“UZ” yozuvli, egilganda bir rangdan boshqa rangga tovlanadigan optik turlanadigan boʻyoq;

gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;

guvohnoma plastik shaklining seriyali raqamini lazer oʻyma naqshi.

Vaqtincha texnik guvohnomaning old tomonida “VAQTINCNALIK TEXNIK GUVONNOMA”, “Vremenniy texnicheskoye svidetelstvo”, “Interim technical certificate” soʻzlari yozilgan, shuningdek, Oʻzbekiston Respublikasi Davlat bayrogʻining tasviri tushirilgan, “Oʻzbekiston” soʻzlari davlat tilida, rus va ingliz tillarida yozilgan. Texnikaning nomi, markasi, modeli, rangi, egasi toʻgʻrisidagi maʼlumotlar (familiyasi, ismi, otasining ismi yoki tashkilotning nomi, manzili), vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA” berilgan sana, Inspeksiyaning tegishli boʻlimi, jismoniy shaxs uchun — shaxsiy identifikatsiya raqami (JSHSHIR), yuridik shaxs uchun — soliq toʻlovchining identifikatsiya raqami (STIR) majburiy tartibda koʻrsatiladi.

Texnikani vaqtincha roʻyxatdan oʻtkazilganligi toʻgʻrisidagi “VAQTINCNALIK TEXNIK GUVONNOMA”ning orqa tomonida texnika toʻgʻrisidagi maʼlumotlar, ishlab chiqarilgan yil, turi, agregat raqami, toʻla vazni, yuksiz vazni, vazifasi, alohida belgilar majburiy tartibda koʻrsatiladi.

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 3-ILOVA

Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarning davlat raqami belgilari

I tip — yuridik shaxslarning traktorlari, yoʻl-qurilish va melioratsiya texnikalari, oʻziyurar mashinalarga beriladigan davlat raqami belgilari kabinaning orqa qismiga mahkamlanadi.

Davlat raqami belgisining foni oq rangda, chetki qismi, raqam va harflari qora rangda. Chap qismida roʻyxatga olish sonlari bilan baravar qilib traktorning shartli rasmi, quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

II tip — jismoniy shaxslarning traktorlari, yoʻl-qurilish va melioratsiya texnikalari, oʻziyurar mashinalarga beriladigan davlat raqami belgilari kabinaning orqa qismiga mahkamlanadi.

Davlat raqami belgisining foni sariq rangda, chetki qismi, raqam va harflari qora rangda. Chap qismida roʻyxatga olish sonlari bilan baravar qilib traktorning shartli rasmi, quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

III tip — yuridik shaxslarning traktor tirkamalariga beriladigan davlat raqami belgilari tirkamaning orqa qismiga mahkamlanadi.

Davlat raqami belgisining foni oq rangda, chetki qismi, raqam va harflari qora rangda. Quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

IV tip — jismoniy shaxslarning traktor tirkamalariga beriladigan davlat raqami belgilari tirkamaning orqa qismiga mahkamlanadi.

Davlat raqami belgisining foni sariq rangda, chetki qismi, raqam va harflari qora rangda. Quyida chap tomonda farqlovchi harflar guruhlari va oʻng tomonda hududning kodi * , Oʻzbekiston Respublikasining bayrogʻi va UZ harflari tasvirlangan.

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 4-ILOVA

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Texnika egasi yoki uning vakili (jismoniy yoki yuridik shaxslar) 1. Texnikaning egasi yoki uning vakili davlat xizmatlaridan foydalanish uchun Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) yoki davlat xizmatlari markaziga (keyingi oʻrinlarda — Markaz) oʻzi kelib, shuningdek, davlat xizmatlaridan elektron foydalanish uchun yagona interaktiv davlat xizmatlari portalida (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasida (keyingi oʻrinlarda — Agroportal) roʻyxatdan oʻtadi. 1. Xohishiga koʻra 2. Inspeksiya, Markaz yoki YIDXP yoki Agroportal tomonidan koʻrsatiladigan davlat xizmatlari uchun yigʻimni amalga oshiradi. 2. Murojaat qilganda 2-bosqich 1. Markaz Soʻrovnomani Inspeksiyaga yuboradi 1. 30 daqiqa mobaynida 2. YIDXP 3. Agroportal 2. Avtomatik tarzda 3-bosqich Inspeksiya 1. Soʻrovnoma va taqdim etilgan hujjatlarni koʻrib chiqib, texnikalarni texnik koʻrikdan oʻtkazgandan soʻng texnikalarni davlat roʻyxatidan yoki qayta roʻyxatdan oʻtkazadi yoxud oʻtkazishni rad etish toʻgʻrisida qaror qabul qiladi. 1. 2 ish kunidan kechiktirmasdan 2. Qabul qilingan qarorni elektron shaklda Markazga yoki YIDXP yoki Agroportal orqali texnika egasiga yuboradi. 2. Qaror qabul qilingandan soʻng 2 ish kunida 4-bosqich Inspeksiya 1. Texnikani vaqtincha roʻyxatdan oʻtkazilganligi toʻgʻrisidagi maʼlumotlarning oʻzining axborot tizimiga kiritadi. 2. Texnika egasi yoki uning vakiliga vaqtincha roʻyxatdan oʻtkazilganligi toʻgʻrisidagi vaqtincha texnik pasport hamda davlat raqam belgisi yoki texnik guvohnomani beradi. 2 ish kunida

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 5-ILOVA

__________________ (sana) ________________ (raqam) Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish davlat xizmatlarini koʻrsatish boʻyicha SOʻROVNOMA I. Texnika egasi — yuridik shaxs toʻgʻrisida maʼlumot: 1. Tashkilot nomi 2. Yuridik manzili 3. STIR raqami 4. Telefon raqami Yuridik shaxs vakili: 1. F.I.O. 2. Jismoniy shaxsning shaxsiy identifikatsiya raqami: II. Texnika egasi — jismoniy shaxs toʻgʻrisida maʼlumot: 1. F.I.O. 2. Jismoniy shaxsning shaxsiy identifikatsiya raqami 3. Manzili 4. Telefon raqami III. Texnika toʻgʻrisida maʼlumot: 1. Nomi 2. Rusumi/modeli 3. Ishlab chiqarilgan yili 4. Dvigatel raqami 5. Zavod raqami 6. Kuzov/shassi raqami 7. Texnik pasport yoki texnik guvohnoma seriyasi va raqami 8. Davlat raqami belgisi IV. Soʻrovnomaga texnikani vaqtincha roʻyxatga olish uchun asos boʻluvchi hujjatlar ilova qilinadi. Tasdiqlayman:

Qishloq xoʻjaligi, melioratsiya va yoʻl-qurilish texnikalarini vaqtincha roʻyxatdan oʻtkazish boʻyicha davlat xizmatlarini koʻrsatishning maʼmuriy reglamentiga 6-ILOVA

Texnikalarni vaqtincha roʻyxatdan oʻtkazishda, shuningdek, texnikalarga davlat raqami belgilari, vaqtincha texnik pasport va texnik guvohnomani berishda undiriladigan

I. Vaqtincha roʻyxatdan oʻtkazilgan qishloq xoʻjaligi, melioratsiya va yoʻl-qurilish texnikalariga davlat raqami belgilarini berish uchun

1. Qishloq xoʻjaligi, melioratsiya va yoʻl-qurilish texnikalariga davlat raqami belgilarini (keyingi oʻrinlarda — DRB) berish uchun bazaviy hisoblash miqdorining 90 foizi miqdorida

II. Texnikalarni vaqtincha roʻyxatdan oʻtkazish uchun

2. Texnik pasport beriladigan qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarni vaqtincha roʻyxatdan oʻtkazish uchun bazaviy hisoblash miqdorining 20 foizi miqdorida 3. Texnik guvohnoma beriladigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalarini vaqtincha roʻyxatdan oʻtkazish uchun bazaviy hisoblash miqdorining 18 foizi miqdorida

III. Vaqtincha roʻyxatdan oʻtkazilgan qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga vaqtincha texnik pasport berish uchun

4. Qishloq xoʻjaligi, melioratsiya va yoʻl-qurilish texnikalari hamda oʻziyurar mashinalarga vaqtincha texnik pasport berish uchun bazaviy hisoblash miqdorining 50 foizi miqdorida

IV. Texnik pasport berilmaydigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalariga vaqtincha texnik guvohnoma berish uchun

5. Texnik pasport berilmaydigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalariga vaqtincha texnik guvohnoma berish uchun bazaviy hisoblash miqdorining 30 foizi miqdorida

V. Texnikani vaqtincha roʻyxatdan oʻtkazishda texnik koʻrikdan oʻtkazish uchun

6. 100 ot kuchi va undan yuqori quvvatga ega gʻildirakli traktorlar, melioratsiya va yoʻl-qurilish texnikalari, oʻziyurar mashinalar hamda zanjirli va yarim zanjirli traktorlar uchun bazaviy hisoblash miqdorining 30 foizi miqdorida 7. 100 ot kuchigacha quvvatga ega gʻildirakli traktorlar, traktor tirkamalari, melioratsiya va yoʻl-qurilish texnikalari hamda oʻziyurar mashinalar, osma va yarim osma, zanjirli, yarim zanjirli va yigʻma mashinalar uchun bazaviy hisoblash miqdorining 20 foizi miqdorida 8. Qishloq xoʻjaligi, melioratsiya va yoʻl-qurilish mashinalari hamda agregatlar uchun bazaviy hisoblash miqdorining 15 foizi miqdorida 9. Yoʻl-qurilish, melioratsiya va boshqa maqsadlarga moʻljallangan yuk ortuvchi, paxta, don va urugʻlarni qayta ishlashga moʻljallangan mashinalar, shuningdek, chorvachilik, parrandachilik va yem-xashak ishlab chiqarish mashinalari va uskunalari, kichik mexanizatsiya moslamalari uchun bazaviy hisoblash miqdorining 15 foizi miqdorida 10. Mashina-traktor parklari, taʼmirlash ustaxonalari, servis punktlari va boshqalardagi har bir stanok, asbob-uskuna va jihozlar uchun bazaviy hisoblash miqdorining 15 foizi miqdorida 11. Suv nasoslari uchun bazaviy hisoblash miqdorining 20 foizi miqdorida

Vazirlar Mahkamasining 2023-yil 29-apreldagi 170-son qaroriga 3-ILOVA

Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Reglament jismoniy va yuridik shaxslarga (keyingi oʻrinlarda — texnika egasi) qishloq xoʻjaligi, melioratsiya va yoʻl-qurilish texnikalarini (keyingi oʻrinlarda — texnika) hisobdan chiqarish boʻyicha davlat xizmatlarini koʻrsatish tartibini belgilaydi.

2. Tashkiliy shaklidan qatʼi nazar texnikalarni hisobdan chiqarish Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Inspeksiya) tomonidan mazkur Reglamentga muvofiq amalga oshiriladi.

3. Ushbu Reglamentda quyidagi asosiy tushunchalardan foydalaniladi:

texnika egasi — texnika vositasiga mulk huquqi yoki boshqa ashyoviy huquqlar asosida egalik qiluvchi yuridik yoki jismoniy shaxs;

texnikalarni hisobdan chiqarish — texnikalarni keyingi foydalanishga yaroqsiz deb hisoblanganda davlat roʻyxatidan chiqarish;

qishloq xoʻjaligi, melioratsiya va yoʻl-qurilish texnikalari — idoraviy boʻysunuvi va tashkiliy-huquqiy shaklidan qatʼi nazar qishloq va oʻrmon xoʻjaligiga moʻljallangan barcha turdagi traktorlar (gʻildirakli, zanjirli va yarim zanjirli), oʻziyurar mashinalar (oʻziyurar qishloq xoʻjaligi mashinalari, oʻziyurar meliorativ hamda yoʻl-qurilish texnikalari), traktor tirkamalari, qishloq xoʻjaligi, yoʻl-qurilish, meliorativ va boshqa maqsadlarga moʻljallangan tuproqqa va ekinlarga ishlov beruvchi, yuk ortuvchi, don va urugʻni qayta ishlashga moʻljallangan mashinalar, chorvachilik, parrandachilik va yem-xashak ishlab chiqarish mashina va texnologik uskunalari, suv nasoslari, kichik mexanizatsiya moslamalari.

4. Texnikalarni hisobdan chiqarish boʻyicha davlat xizmatlari Inspeksiya, davlat xizmatlari markazi (keyingi oʻrinlarda — Markaz) yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasi (keyingi oʻrinlarda — Agroportal) orqali texnika egasi yoki uning vakilini soʻrovnomasiga asosan amalga oshiriladi.

5. Texnikaning tuzilmasi texnik tartibga solish sohasidagi normativ-huquqiy hujjatlar, Vazirlar Mahkamasining 2016-yil 18-martdagi 80-son qarori bilan tasdiqlangan Qishloq xoʻjaligi texnikalari konstruksiyasining xavfsizligi toʻgʻrisidagi umumiy texnik reglamenti (keyingi oʻrinlarda — Texnik reglament), shuningdek, texnika xavfsizligini taʼminlash sohasidagi meʼyoriy hujjatlar talablariga mos kelishi lozim.

6. Texnikalarni hisobdan chiqarish ishlari toʻlov oldindan amalga oshirilgandan soʻng bajariladi.

7. Texnikani hisobdan chiqarish quyidagi hollarda amalga oshiriladi:

bojxona yuk deklaratsiyasiga asosan texnikalar Oʻzbekiston Respublikasi hududidan tovar sifatida chet elga chiqarilganda;

texnikalar keyingi foydalanish uchun yaroqsiz holatga kelganda.

8. Texnikalarni hisobdan chiqarish uchun Inspeksiya tomonidan belgilangan tartibda texnik koʻrik oʻtkaziladi.

Texnik koʻrikni oʻtkazish uchun texnikaning tipi, rusumi, modeli, davlat raqami belgisi (keyingi oʻrinlarda — DRB), identifikatsiyalovchi shassisi (rama), kuzovi va dvigatel raqamining roʻyxatdan oʻtkazish hujjatlarida koʻrsatilgan maʼlumotlarga toʻgʻri kelishi solishtiriladi.

2-bob. Davlat xizmatlarini koʻrsatish tartibi

9. Texnikalarni hisobdan chiqarish boʻyicha davlat xizmatlarini koʻrsatish mazkur Reglamentga 1-ilovaga muvofiq sxemaga asosan amalga oshiriladi.

10. Texnika egasi yoki uning vakili texnikani hisobdan chiqarish uchun Inspeksiyaga yoki Markazga kelib murojaat etganda, Inspeksiya yoki Markaz xodimi texnika egasi nomidan ushbu Reglamentga 2-ilovaga muvofiq shakldagi soʻrovnomani elektron shaklda toʻldiradi.

Soʻrovnomaga quyidagi hujjatlar ilova qilinadi:

bojxona yuk deklaratsiyasi;

texnikani keyingi foydalananishga yaroqsiz deb topish va uni hisobdan chiqarishda:

yuridik shaxslar uchun — qaror, buyruq, bayonnoma va tegishli dalolatnoma;

jismoniy shaxslar uchun — ariza (er va xotinning roziligi asosida), shuningdek, belgilangan tartibda tuzilgan dalolatnoma.

11. Texnika egasi yoki uning vakili YIDXP yoki Agroportal orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirilganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

12. Texnika egasi yoki uning vakili texnikalarni hisobdan chiqarish uchun Markazga kelib murojaat etganda, uning soʻrovnomasi Markaz xodimi tomonidan toʻldirilib, texnika egasi tomonidan tasdiqlanganidan soʻng real vaqt rejimida Inspeksiyaga elektron shaklda yuboriladi.

YIDXP yoki Agroportal orqali murojaat qilinganda esa soʻrovnoma avtomatik tarzda Inspeksiyaga elektron shaklda yuboriladi.

Keyingi foydalanishga yaroqsiz deb hisoblangan texnika hisobdan chiqarilganda, texnikani davlat roʻyxatidan oʻtkazilganligi toʻgʻrisidagi texnik pasport va DRB yoki texnik guvohnoma olib qoʻyiladi.

13. Yuridik shaxslardan texnikani hisobdan chiqarish uchun bazaviy hisoblash miqdorining 40 foizi miqdorida yigim undiriladi.

Jismoniy shaxslardan texnikani hisobdan chiqarish uchun yigim undirilmaydi.

Davlat xizmatlarini koʻrsatish uchun YIDXP yoki Agroportal orqali murojaat etilganda, yigʻim summasining 90 foizi undiriladi.

Davlat xizmatlari koʻrsatganlik uchun yigim toʻlanganligini tasdiqlash axborot-kommunikatsiya tizimlari orqali amalga oshiriladi.

14. Texnikalarni hisobdan chiqarish boʻyicha undiriladigan yigʻimlar quyidagi tartibda taqsimlanadi:

a) Markazga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlarini koʻrsatganlik uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi — yagona billing tizimi orqali davlat xizmatlari koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

v) Inspeksiyaga oʻzi kelib murojaat etganda:

20 foizi — Respublika budjetiga;

80 foizi — Inspeksiyaning rivojlantirish jamgʻarmasiga oʻtkaziladi;

g) Agroportal orqali murojaat etilganda:

11,75 foizi (shundan 0,5 foizi — “Agrobilling” axborot tizimi orqali davlat xizmatlari koʻrsatilganda) — Oʻzbekiston Respublikasi Qishloq xoʻjaligi vazirligining “Agrosanoatni raqamlashtirish markazi” masʼuliyati cheklangan jamiyatining shaxsiy hisobvaragʻiga;

20 foizi — Oʻzbekiston Respublikasi respublika budjetiga;

qolgan mablagʻlar — Oʻzagroinspeksiyaning rivojlantirish jamgʻarmasiga oʻtkaziladi.

15. Inspeksiya tomonidan quyidagi hollarda texnikalarni hisobdan chiqarish rad etiladi:

mazkur Reglamentda belgilangan hujjatlar texnika egasi tomonidan toʻliq taqdim etilmaganda;

texnikaga ishlab chiqaruvchi tomonidan qoʻyilgan identifikatsiya tamgʻasini yashirish, soxtalashtirish, oʻzgartirish, yoʻq qilish alomatlari, taqdim etilgan hujjatlarning soxtalashtirilishi yoki hujjatlar va roʻyxatga oid hujjatlarda koʻrsatib oʻtilgan maʼlumotlarning texnika va agregatlar raqamlariga nomuvofiqligi aniqlanganda;

texnikaning raqamlangan agregati qidiruvda ekanligi yoki taqdim etilgan hujjatlarning yoʻqolganligi (oʻgʻirlanganligi) toʻgʻrisidagi maʼlumotlar mavjud boʻlganda;

qonunchilik hujjatlariga muvofiq texnikani tasarruf etishga taqiq yoki xatlab qoʻyilganda;

huquqni muhofaza qiluvchi organlar tomonidan jinoyat ishida texnika ashyoviy dalil sifatida eʼtirof etilganda;

vasiylik va homiylik organining yoki voyaga yetmagan yoxud muomalaga layoqatsiz texnika egasining qonuniy vakillari ruxsati boʻlmaganda;

lizingga beruvchining roziligi mavjud boʻlmaganda (lizingga taqdim etilgan texnikalar uchun);

davlat xizmatlari koʻrsatganlik uchun yigʻimga toʻlovlar amalga oshirilmagan boʻlsa;

texnikaning egalik huquqi va hujjatlari yoki roʻyxatdan oʻtkazish maʼlumotlari mavjud boʻlmaganda.

Mazkur bandning toʻrtinchi va oltinchi xatboshilarida koʻrsatilgan holatlar aniqlanganda, Inspeksiya tomonidan tegishli huquqni muhofaza qilish organlariga xabar beriladi.

Davlat xizmatlari koʻrsatishni boshqa asoslar bilan rad etish taqiqlanadi.

16. Texnikani hisobdan chiqarishni rad etilishiga sabab boʻlgan holatlar bartaraf etilganda, texnika egasi yoki uning vakili texnikani hisobdan chiqarish toʻgʻrisida qayta murojaat qilish huquqiga ega, bunda yigʻimlar undirilmaydi.

17. Texnikani hisobdan chiqarish uchun texnika egasi yoki uning vakili Inspeksiyaga texnik pasport (texnik guvohnoma) va davlat raqami belgisini topshiradi.

18. Inspeksiya 2 ish kunida mazkur Reglamentning 10 va 17-bandlari boʻyicha texnika egasi yoki uning vakili tomonidan taqdim etilgan hujjatlarni koʻrib chiqadi va texnika boʻyicha maʼlumotlarni texnikaning turi, rusumi, DRB, identifikatsiyalovchi shassisi (rama) va dvigatel raqamining roʻyxatdan oʻtkazish hujjatlarida qayd etilgan maʼlumotlarga muvofiqligini koʻzdan kechirib, undan keyin texnikani hisobdan chiqaradi yoki chiqarishni rad etadi. Bunda texnika egasi yoki uning vakili Inspeksiyaga texnikani texnik koʻrikdan oʻtkazish uchun taqdim etadi.

Shuningdek, texnikani hisobdan chiqarish uchun qoʻshimcha maʼlumot olish talab etilganda, ushbu masalalar boʻyicha kelib tushgan arizalar 10 ish kunida koʻrib chiqiladi.

19. Texnika texnik koʻrikdan oʻtkazilib, hujjatlar asliga muvofiq va toʻliq boʻlganda, texnika hisobdan chiqariladi, bunda Inspeksiyaning texnikalarni roʻyxatdan oʻtkazish kitobiga va tegishli axborot tizimiga texnikani hisobdan chiqarish raqami va sanasi qayd qilinadi.

20. Mazkur Reglamentning 3-ilovasiga muvofiq Texnika hisobdan chiqarilganligi toʻgʻrisida maʼlumotnomani Inspeksiyaning masʼul xodimi elektron raqamli imzo bilan tasdiqlagan holda Markazga yuboradi yoki texnika egasi yoki uning vakili YIDXP yoki Agroportal orqali murojaat qilganda, elektron shaklda unga yuboradi.

Inspeksiyaning masʼul xodimi texnika egasi yoki uning vakilining xohishiga koʻra maʼlumotnomani texnika hisobdan chiqarilgan vaqtning oʻzida unga taqdim etadi.

Markaz maʼlumotnoma kelib tushgandan soʻng 10 daqiqa mobaynida uni texnika egasi yoki uning vakilining elektron pochta manziliga yuboradi yoxud texnika egasi yoki uning vakilini bu haqda axborot-kommunikatsiya tizimi orqali xabardor qiladi. Markazga texnika egasi yoki uning vakilining oʻzi kelib murojaat qilganda, Markaz texnika egasi yoki uning vakilining soʻroviga koʻra, maʼlumotnomani texnika egasi yoki uning vakiliga elektron shaklda yoki qogʻoz shaklda beradi.

21. Hisobdan chiqarilishi lozim boʻlgan texnikaning texnik pasporti yoki texnik guvohnomasi yoxud DRB yoʻqolganda, ularni Inspeksiyaning axborot tizimida mavjudligi tekshiriladi va belgilangan tartibda yigim undirilgandan soʻng, texnikani roʻyxatga olish kitobiga texnikaning texnik pasporti yoki texnik guvohnomasi yoxud DRB yoʻqolganligi toʻgʻrisidagi tegishli yozuv kiritiladi.

Zarur hollarda, texnika egasiga belgilangan tartibda hisobdan chiqarilgan texnikaning agregat raqamlari toʻgʻrisidagi tegishli maʼlumotnoma beriladi.

3-bob. Yakunlovchi qoidalar

22. Inspeksiyada texnikalarni hisobdan chiqarish harakatlarini amalga oshirish uchun asos boʻladigan hujjatlar uch yil saqlanadi va ushbu muddat oʻtgandan keyin belgilangan tartibda davlat arxiviga topshiriladi.

23. Inspeksiyaga hujjatlar taqdim qilinganda yoki elektron shaklda murojaat qilinganda, ularni oʻrganish yoki texnik koʻrik jarayonlarida asli bilan taqqoslanishi shart.

24. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar davlat xizmatlarini koʻrsatish boʻyicha olingan maʼlumotlarning sir saqlanishini taʼminlaydi.

25. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar manfaatdor shaxsga maʼmuriy hujjatni qabul qilish uchun ahamiyatga ega boʻlgan barcha holatlar yuzasidan oʻz fikrini bildirish imkoniyatini beradi.

26. Texnika egasi yoki uning vakili davlat xizmatlarini koʻrsatuvchi va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

27. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatishning maʼmuriy reglamentiga 1-ILOVA

Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Texnika egasi yoki uning vakili (jismoniy yoki yuridik shaxslar) 1. Texnikaning egasi yoki uning vakili davlat xizmatlaridan foydalanish uchun Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) yoki davlat xizmatlari markaziga (keyingi oʻrinlarda — Markaz) oʻzi kelib, shuningdek, davlat xizmatlaridan elektron foydalanish uchun yagona interaktiv davlat xizmatlari portalida (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasida (keyingi oʻrinlarda — Agroportal) roʻyxatdan oʻtadi. 1. Xohishiga koʻra 2. Inspeksiya, Markaz yoki YIDXP yoki Agroportal tomonidan koʻrsatiladigan davlat xizmatlari uchun yigʻimni amalga oshiradi. 2. Murojaat qilganda 2-bosqich 1. Markaz Soʻrovnomani Inspeksiyaga yuboradi. 1. 10 daqiqa mobaynida 2. YIDXP 3. Agroportal 2. Avtomatik tarzda 3-bosqich Inspeksiya 1. Soʻrovnoma va taqdim etilgan hujjatlarni koʻrib chiqib, texnikalarni texnik koʻrikdan oʻtkazgandan soʻng texnikalarni hisobdan chiqaradi yoki hisobdan chiqarishni rad etish toʻgʻrisida qaror qabul qiladi. 1. 2 ish kunidan kechiktirmasdan 2. Qabul qilingan qarorni elektron shaklda Markazga yoki YIDXP yoki Agroportal orqali texnika egasiga yuboradi. 2. Qaror qabul qilingandan soʻng 2 ish kunida 4-bosqich Inspeksiya 1. Texnikalarni hisobdan chiqarilganligi toʻgʻrisidagi maʼlumotlarni oʻzining axborot tizimiga kiritadi. 2. Texnikani hisobdan chiqarilganligi toʻgʻrisidagi maʼlumotnomani texnika egasi yoki uning vakilining shaxsan oʻziga, shuningdek, elektron shaklda Markazga yoki YIDXP yoki Agroportal orqali (Inspeksiyaga murojaat etganda texnika egasiga) yuboradi. 2 ish kunida

Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatishning maʼmuriy reglamentiga 2-ILOVA

__________________ (sana) _______________ (raqam) Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatish yuzasidan SOʻROVNOMA I. Texnika egasi — yuridik shaxs toʻgʻrisida maʼlumot: 1. Tashkilot nomi 2. Yuridik manzili 3. STIR raqami 4. Telefon raqami Yuridik shaxs vakili: 1. F.I.O. 2. Jismoniy shaxsning shaxsiy identifikatsiya raqami II. Texnika egasi — jismoniy shaxs toʻgʻrisida maʼlumot: 1. F.I.O. 2. Jismoniy shaxsning shaxsiy identifikatsiya raqami 3. Manzili 4. Telefon raqami III. Texnika toʻgʻrisida maʼlumot: 1. Nomi 2. Rusumi/modeli 3. Ishlab chiqarilgan yili 4. Dvigatel raqami 5. Zavod raqami 6. Kuzov/shassi raqami 7. Texnik pasport yoki texnik guvohnoma seriyasi va raqami 8. Davlat raqami belgisi IV. Soʻrovnomaga quyidagi hujjatlar ilova qilinadi: bojxona yuk deklaratsiyasi; texnikani keyingi foydalanishga yaroqsiz deb topish va uni hisobdan chiqarish uchun: yuridik shaxslar uchun — qaror, buyruq, bayonnoma va tegishli dalolatnoma; jismoniy shaxslar uchun — ariza (er va xotinning roziligi asosida), belgilangan tartibda tuzilgan dalolatnoma Tasdiqlayman:

Qishloq xoʻjaligi, melioratsiya va yoʻl-qurilish texnikalarini hisobdan chiqarish boʻyicha davlat xizmatlarini koʻrsatishning maʼmuriy reglamentiga 3-ILOVA

__________________ (sana) ________________ (raqam) Qishloq xoʻjaligi, melioratsiya va yoʻl-qurilish texnikalarini hisobdan chiqarilganligi toʻgʻrisida MAʼLUMOTNOMA I. Inspeksiyaning markaziy apparati, hududiy boshqarmasi yoki tuman (Quvasoy shahar) boʻlimi: II. Texnika egasi toʻgʻrisida maʼlumot: 1. Texnika egasi — jismoniy shaxsning JSHSHIR raqami 2. Texnika egasi — yuridik shaxsning STIRi 3. Texnika egasining F.I.O yoki nomi 4. Manzili 5. Mobil telefon raqami III. Hisobdan chiqariladigan t yexnika toʻgʻrisida maʼlumot: 1. Nomi 2. Rusumi 3. Zavod raqami 4. Dvigatel raqami 5. Dvigatel quvvati 6. Ishlab chiqarilgan yili 7. Texnik pasport yoki texnik guvohnoma seriyasi va raqami 8. Roʻyxatga qoʻyilgan sana 9. Davlat raqami belgisi IV. Texnikani hisobdan chiqarish uchun asos boʻluvchi hujjat: 1. Sanasi (kun, oy, yil) 2. Roʻyxatga olingan son 3. Qaysi tashkilot tomonidan berilgan V. Inspeksiya i nspektori toʻgʻrisida maʼlumot : 1. F.I.O. 2. Mobil telefon raqami VI. Qoʻshimcha maʼlumotlar :

Vazirlar Mahkamasining 2023-yil 29-apreldagi 170-son qaroriga 5-ILOVA

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning

1-bob. Umumiy qoidalar

1. Mazkur Reglament jismoniy va yuridik shaxslarning (keyingi oʻrinlarda — texnika egasi) qishloq xoʻjaligi, melioratsiya va yoʻl-qurilish texnikalari hamda servis va taʼmirlash jihozlari va boshqa uskunalarini (keyingi oʻrinlarda — texnika) majburiy yillik texnik koʻrikdan (keyingi oʻrinlarda — texnik koʻrik) oʻtkazish tartibini belgilaydi.

2. Texnikalarni texnik koʻrikdan oʻtkazish Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Inspeksiya) hamda yuridik shaxslar (keyingi oʻrinlarda — tadbirkorlik subyektlari) tomonidan mazkur Reglamentga muvofiq amalga oshiriladi.

Texnikalarning texnik holatini aniqlash uchun Inspeksiya tomonidan vazirliklar, idoralar va boshqa tashkilotlarning texnika bazalari, shuningdek, xususiy texnik xizmat koʻrsatish stansiyalari shartnoma asosida jalb etilishi mumkin.

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish tadbirkorlik subyektlari tomonidan ham amalga oshiriladi.

3. Ushbu Reglamentda quyidagi asosiy tushunchalar qoʻllaniladi:

maxsus maydoncha — texnikalarni texnik koʻrikdan oʻtkazish, zarur holatlarda tegishli oʻlchov asbob-uskunalaridan foydalanish imkoniyatiga ega boʻlgan maydon;

texnika egasi — texnika vositasiga mulk huquqi yoki boshqa ashyoviy huquqlar asosida egalik qiluvchi yuridik yoki jismoniy shaxs;

texnik guvohnoma — texnik pasport berilmaydigan qishloq xoʻjaligi, melioratsiya va yoʻl-qurilishi hamda boshqa maqsadlarga moʻljallangan agregat, mashina, mexanizm va uskunalarga beriladigan maxsus himoyalangan hujjat;

texnik pasport — qishloq xoʻjaligi, melioratsiya va yoʻl-qurilish texnikalari, traktorlar, traktor tirkamalari va oʻziyurar mashinalarga beriladigan maxsus himoyalangan hujjat;

texnik koʻrik dalolatnomasi — mavjud texnikalar soni va ular haqidagi maʼlumotlarni oʻz ichiga olgan hujjat;

texnik koʻrikdan oʻtkazilganligi toʻgʻrisidagi talon — texnikalarni texnik koʻrikdan oʻtkazish natijasiga koʻra har bir texnika uchun beriladigan maxsus himoyalangan hujjat;

texnikalarni yuklashdan oldin texnik koʻrikdan oʻtkazish — texnikalarning umumiy texnik reglament va davlat sinovi natijalarining ijobiy koʻrsatkichlariga mosligini koʻrib chiqish;

oʻziyurar mashinalar — oʻzining harakatlantiruvchi qurilmasiga ega qishloq xoʻjaligi, melioratsiya va yoʻl-qurilish texnikalari;

qishloq xoʻjaligi, melioratsiya va yoʻl-qurilish texnikalari — idoraviy boʻysunuvi va tashkiliy-huquqiy shaklidan qatʼi nazar qishloq va oʻrmon xoʻjaligiga moʻljallangan barcha turdagi traktorlar (gʻildirakli, zanjirli va yarim zanjirli), oʻziyurar mashinalar (oʻziyurar qishloq xoʻjaligi mashinalari, oʻziyurar meliorativ hamda yoʻl-qurilish texnikalari), traktor tirkamalari, qishloq xoʻjaligi, yoʻl-qurilish, meliorativ va boshqa maqsadlarga moʻljallangan tuproqqa va ekinlarga ishlov beruvchi, yuk ortuvchi, don va urugʻni qayta ishlashga moʻljallangan mashinalar, chorvachilik, parrandachilik va yem-xashak ishlab chiqarish mashina va texnologik uskunalari, suv nasoslari, kichik mexanizatsiya moslamalari.

4. Texnikalarni texnik koʻrikdan oʻtkazishning asosiy maqsadi:

texnikalarning texnik holati, ulardan foydalanish normalari va qoidalariga rioya etilishi boʻyicha nazoratni amalga oshirish;

texnikalarning texnik holatini Oʻzbekiston Respublikasining “Yoʻl harakati xavfsizligi toʻgʻrisida”gi Qonuni va Yoʻl harakati xavfsizligi qoidalari , Vazirlar Mahkamasining 2016-yil 18-martdagi 80-son qarori bilan tasdiqlangan Qishloq xoʻjaligi texnikalari konstruksiyasining xavfsizligi toʻgʻrisidagi umumiy texnik reglament hamda mazkur reglamentning 1-ilovasida keltirilgan Qishloq xoʻjaligi, melioratsiya va yoʻl-qurilish texnikalarini (parametrlari) texnik koʻrikdan oʻtkazishga oid talablarga asosan standartlar, qoidalar va normalarga muvofiqligini baholash;

texnikalarning soni, holati, amalda mavjudligi, tegishliligi va roʻyxatdan oʻtkazish boʻyicha boshqa maʼlumotlarni aniqlashtirish;

texnikalardan foydalanish sohasidagi huquqbuzarliklar va jinoyatlarning oldini olish, ularni aniqlash hamda ularga barham berish yuzasidan profilaktika ishlarini tashkil etish hisoblanadi.

5. Yuridik va jismoniy shaxslarga, shu jumladan, xorijiy yuridik va jismoniy shaxslarga tegishli boʻlgan hamda belgilangan tartibda Inspeksiya tomonidan roʻyxatdan oʻtkazilgan texnikalar texnik koʻrikdan oʻtkaziladi.

Texnik koʻrikdan oʻtkazilgan texnikalar toʻgʻrisidagi maʼlumotlar Inspeksiyaning “Texnikalar texnik koʻrigi” avtomatlashtirilgan axborot tizimiga kiritib boriladi.

6. Inspeksiya tomonidan texnikalar quyidagi davriylikka muvofiq texnik koʻrikdan oʻtkazilishi kerak:

a) ishlab chiqarilgan yilidan, foydalanish yoki foydalanmaslik, yaroqli yoki yaroqsizligidan qatʼi nazar, barcha turdagi texnikalar — bir yilda bir marta;

b) navbatdagi texnik koʻrikdan oʻtkazishning avvalgi belgilangan muddatidan qatʼi nazar, ularni Inspeksiyada davlat roʻyxatidan oʻtkazishda, qayta roʻyxatdan oʻtkazishda, vaqtinchalik roʻyxatdan oʻtkazishda, hisobdan hamda roʻyxatdan chiqarilishidan oldin;

7. Jismoniy va yuridik shaxslarga tegishli texnikalarning texnik koʻrigi 1-yanvardan 31-dekabrgacha oʻtkaziladi.

Texnikalar texnik koʻrikka belgilangan muddatdan oldin taqdim etilishi mumkin.

8. Texnikalarni texnik koʻrikdan oʻtkazish boʻyicha xizmatlar koʻrsatganlik uchun yigʻimlar ushbu Reglamentga 2-ilovadagi toʻlov stavkalariga muvofiq amalga oshiriladi.

Texnikalarni texnik koʻrikdan oʻtkazish boʻyicha xizmatlar koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

Birinchi (oldingi) texnik koʻrikda nosoz deb topilgan texnikalardan takroriy texnik koʻrikdan oʻtkazilganlik uchun yigʻim undiriladi.

9. Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish boʻyicha xizmatlar koʻrsatganlik uchun yigʻim miqdori tadbirkorlik subyektlari tomonidan mustaqil ravishda belgilanadi hamda kelib tushgan mablagʻlar toʻliq hajmda uning tasarrufida qoldiriladi.

2-bob. Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish tartibi

17. Inspeksiya jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarining texnikalarni texnik koʻrikdan oʻtkazish jarayonini har oyda kamida bir marta tekshiruvdan oʻtkazadi.

Tekshiruv natijalari boʻyicha dalolatnoma tuzilib, ish faoliyatida kamchiliklarga yoʻl qoʻygan tadbirkorlik subyektlari yuzaga kelgan kamchiliklarni bartaraf etmasa, ularga nisbatan qonunchilik hujjatlarida belgilangan tartibda taʼsir choralari qoʻllanilishi toʻgʻrisida ogohlantiriladi.

18. Agar tadbirkorlik subyekti tomonidan kamchiliklar belgilangan muddatda bartaraf etilmasa, ushbu tadbirkorlik subyektining ish jarayonini toʻxtatish yoki uning texnik jihatdan malakaliligi maʼqullashdan oʻtkazilgan guvohnomani bekor qilish boʻyicha Texnik jihatdan tartibga solish sohasida nazorat inspeksiyasiga taqdimnoma kiritiladi.

Shuningdek, mazkur tadbirkorlik subyektini “Texnikalar texnik koʻrigi” avtomatlashtirilgan axborot tizimiga kirishi toʻxtatiladi.

19. Aniqlangan kamchiliklar toʻliq bartaraf etilganidan soʻng, tadbirkorlik subyektiga oʻz faoliyatini qayta yoʻlga qoʻyishga va texnik koʻrikdan oʻtkazilgan texnikalar toʻgʻrisidagi maʼlumotlarni “Texnikalar texnik koʻrigi” avtomatlashtirilgan axborot tizimiga joylashtirishga ruxsat etiladi.

3-bob. Tadbirkorlik subyektlari tomonidan jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish tartibi

20. Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish ishlari tadbirkorlik subyektlarining ishlab chiqarish-texnika bazasida amalga oshiriladi.

21. Jismoniy shaxslarning 100 ot kuchigacha quvvatga ega boʻlgan texnikalarini navbatdagi texnik koʻrikka qoʻyish sanasi joriy texnik koʻrik paytida belgilanadi.

Texnika egasi texnikani navbatdagi texnik koʻrikka belgilangan muddatdan kechiktirmay taqdim etishi shart.

22. Jismoniy shaxslarning 100 ot kuchigacha quvvatga ega boʻlgan texnikalari roʻyxatdan oʻtkazilgan hududidan qatʼi nazar istalgan hududda texnik koʻrikdan oʻtkazilishi mumkin.

25. Texnikalarni texnik koʻrikdan oʻtkazish uchun moʻljallangan ishlab chiqarish-texnika bazasi joylashtiriladigan xona va maydonlarga oid talablar ushbu Reglamentga 4-ilovaga muvofiq belgilanadi.

26. Texnikalarni texnik koʻrikdan oʻtkazish uchun tegishli mutaxassislikka ega boʻlgan yoki diagnostika qilish texnologiyasi, diagnostika jihozlarining tuzilishi va ishlash prinsiplari, diagnostika vositalarini qoʻllagan holda texnik holatni tekshirish metodlari, mehnatni muhofaza qilish boʻyicha talablarni oʻrgangan shaxslar qoʻyilishi mumkin.

27. Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish uchun texnika egasi yoki uning vakili tadbirkorlik subyekti xodimiga murojaat qiladi va quyidagi hujjatlarni koʻrsatadi:

tegishli toifadagi texnikani boshqarish huquqini beruvchi traktorchi-mashinist guvohnomasi;

texnikaning texnik pasporti;

jismoniy shaxs vakilining vakolatini tasdiqlovchi hujjat.

28. Tadbirkorlik subyektining xodimi texnikani texnik koʻrikdan oʻtkazishni dastlab texnikani roʻyxatdan oʻtkazish toʻgʻrisidagi texnik pasportda koʻrsatilgan maʼlumotlarga texnika turi, rusumi, modeli, davlat raqami belgisi, shassi (rama), dvigatel va identifikatsiyalash raqamlarining muvofiqligini tekshirishdan boshlaydi.

Shuningdek, texnikalar Inspeksiyaning “Texnikalar texnik koʻrigi” avtomatlashtirilgan axborot tizimi orqali tekshiriladi va maʼlumotlar mos kelgan taqdirda, belgilangan tartibda texnik koʻrikdan oʻtkazishga ruxsat etiladi.

29. Tadbirkorlik subyektlari xodimi tomonidan jismoniy shaxslarning 100 ot kuchigacha quvvatga ega boʻlgan texnikalari tadbirkorlik subyektlarining ishlab chiqarish-texnika bazasida belgilangan tartibda texnik koʻrikdan oʻtkaziladi.

30. Tadbirkorlik subyektining xodimi texnika egasining qonunchilik hujjatlari talablarini buzganligi (koʻrsatilgan hujjatlar va agregatlar identifikatsiya raqamlarining soxtalashtirilishi va boshqa), texnikaning qidiruvdaligini aniqlaganda, shuningdek, agregat raqamlari texnik hujjatlarga mos kelmaganda, texnika yoʻl-transport hodisasi ishtirokchisi boʻlganligiga shubha uygʻonganda, bu haqida darhol Inspeksiyaga hamda ichki ishlar organlariga xabar berishi shart.

31. Tadbirkorlik subyekti qayta roʻyxatdan oʻtkazilganda, nomi yoki joylashgan joyi (pochta manzili) oʻzgarganda, bu haqida 7 ish kunida Inspeksiyani xabardor qiladi.

32. Tadbirkorlik subyekti tomonidan jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtganligi toʻgʻrisidagi dalolatnoma rasmiylashtiriladi va maʼlumotlar 1 ish kunida Inspeksiyaning “Texnikalar texnik koʻrigi” avtomatlashtirilgan axborot tizimiga joylashtiriladi.

4-bob. Inspeksiya tomonidan jismoniy va yuridik shaxslarning texnikalarini texnik koʻrikdan oʻtkazishni tashkil etish

33. Inspeksiya tomonidan jismoniy va yuridik shaxslarning texnikalari roʻyxatdan oʻtkazilgan hududidan qatʼi nazar ular istalgan hududda va quyidagi joylarda texnik koʻrikdan oʻtkaziladi:

zarur sharoitga (texnik diagnostika uskunalariga, koʻtarish moslamalariga yoki qarab chiqish uchun chuqurchalarga, nazorat-oʻlchash asboblariga, asfalt yoki beton bilan qoplangan bir tekis gorizontal maydonchaga) va malakali mutaxassislarga ega boʻlgan tashkilotlarda;

texnik xizmat koʻrsatish stansiyalarida;

Inspeksiyaning diagnostika stansiyalarida;

harakatlanuvchi (maxsus avtotransport) mobil texnik nazorat liniyalarida.

Texnikalarni texnik koʻrikdan oʻtkazganlik uchun yigʻim ushbu Reglamentga 2-ilovaga muvofiq miqdorda undiriladi.

Texnikalarni texnik koʻrikdan oʻtkazish joylari Inspeksiyaning hududiy boshqarmalari va tuman (Quvasoy shahar) boʻlimlari tomonidan belgilanadi.

Inspeksiyada texnik koʻriklar boshlangunga qadar, barcha diagnostika asbob-uskunalari tekshirilishi va ishchi holatga keltirilishi shart.

34. Texnikalarni texnik koʻrikdan oʻtkazish uchun harakatlanuvchi mobil texnik nazorat liniyalarining bazasi quyidagi zarur texnik diagnostika vositalar bilan jihozlangan boʻlishi lozim:

rul boshqaruvidagi umumiy lyuftni oʻlchash uskunasi;

texnikalarning tormoz tizimini tekshirish uchun texnik diagnostika vositalari;

gaz analizatoriga — ichki yonuv dvigatellariga ega texnikaning ishlab boʻlingan gazlarida ifloslantiruvchi moddalarning mavjudligini aniqlash uskunasi;

chiroqlar yorugʻligini boshqarish va kuchini nazorat qilish uskunasi;

shinalarni texnik diagnostika qilish vositalari (shtangensirkul);

dvigatel aylanish chastotasi va moy haroratini oʻlchash uskunasi;

shovqinni oʻlchash uskunasi;

zarur kompyuter texnikasi.

Ayrim texnik diagnostika vositalari xavfsiz foydalanish talablariga muvofiq boʻlishi sharti bilan universal texnik vositalarga almashtirilishi mumkin.

Shuningdek, harakatlanuvchi mobil texnik nazorat liniyalari diagnostik vositalari maxsus avtotransport vositalarida olib yurilishi lozim.

35. Texnikalarning texnik koʻrigini oʻtkazish mazkur Reglamentga 5-ilovadagi jadvalga asosan rejalashtiriladi.

Ushbu jadval texnikalarning texnik koʻrigini oʻtkazish joyi, sanasi va vaqti hamda koʻrikka taqdim qilingan texnikalar toʻgʻrisidagi maʼlumotlarni oʻz ichiga olgan holda tuziladi.

Mazkur jadvalda yuridik va jismoniy shaxslarning texnikalari soni 10 ta va undan ortiq boʻlganda, ularni joyida, texnika soni 10 tadan kam boʻlganda, hududdagi mashina-traktor parki yoki muqobil mashina-traktor parki yoxud maxsus maydonchada yigʻish (jamlash) orqali texnik koʻrikni tashkil etish nazarda tutiladi.

Texnikalarni texnik koʻrikdan oʻtkazish kunlari Inspeksiya tomonidan texnika egalarining buyurtmalari, ob-havo va ishlab chiqarish sharoiti va boshqa holatlarni hisobga olgan holda belgilanadi.

36. Bir kunda texnik koʻrikka qoʻyiladigan texnikalarning soni mavjud diagnostika va nazorat-oʻlchash uskunalarining kunlik unumdorligidan kelib chiqib belgilanadi.

37. Yuridik shaxslarga ularning texnikalarini texnik koʻrikdan oʻtkazish muddatlari toʻgʻrisidagi bildirishnoma yuboriladi.

Texnik koʻrikdan oʻtkazish dalolatnomalari talab etiladigan maʼlumotlar koʻrsatilgan holda (texnikaning texnik holati toʻgʻrisidagi maʼlumotdan tashqari) texnikalar roʻyxatiga muvofiq toʻldiriladi. Texnikalarni texnik koʻrikdan oʻtkazish dalolatnomasida koʻrsatilgan maʼlumotlar Inspeksiyaning hududiy boshqarmalari va tuman (Quvasoy shahar) boʻlimlarining texnikalarni hisobga olish maʼlumotlari bilan taqqoslanadi.

38. Texnikalarni texnik koʻrikdan oʻtkazish tashkilotlarda, hududlarga chiqqan holda harakatlanuvchi mobil texnik nazorat liniyalarida va texnik xizmat koʻrsatish stansiyalarida ish vaqtida amalga oshiriladi.

39. Texnikalarni texnik koʻrikdan oʻtkazish boʻyicha xizmatlar koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

5-bob. Texnikalarini texnik koʻrikdan oʻtkazish

40. Texnikalarni texnik koʻrikdan oʻtkazish boʻyicha xizmatlarni koʻrsatish mazkur Reglamentga 6-ilovaga muvofiq sxemaga asosan amalga oshiriladi.

41. Texnika egasi yoki uning vakili texnikalarni texnik koʻrikdan oʻtkazish uchun Inspeksiyaga oʻzi kelib murojaat etganda, Inspeksiya xodimi texnika egasi nomidan ushbu Reglamentga 7-ilovaga muvofiq shakldagi soʻrovnomani toʻldiradi va soʻrovnoma texnika egasi yoki uning vakili tomonidan tekshirilib, uning imzosi bilan tasdiqlanadi.

42. Texnikalarni texnik koʻrikdan oʻtkazish uchun texnika egasi yoki uning vakili Inspeksiyaga quyidagi hujjatlarni taqdim etadi:

texnika egasi yoki uning vakilining soʻrovnomasi;

a) jismoniy shaxslar uchun:

texnikaning texnik pasporti yoki texnik guvohnomasi;

texnikani boshqaruvchi traktorchi-mashinistning guvohnomasi;

b) yuridik shaxslar uchun:

texnikaning texnik pasporti yoki texnik guvohnomasi;

texnikani boshqaruvchi traktorchi-mashinistning guvohnomasi;

yuridik shaxsning rahbari tomonidan imzolangan va tashkilotning muhri bilan tasdiqlangan (muhri mavjud boʻlgan taqdirda) yuridik shaxs vakilining vakolatlarini tasdiqlovchi ishonchnoma.

43. Texnikalarni texnik koʻrikdan oʻtkazish boʻyicha xizmatlar koʻrsatganlik uchun yigʻimlar ushbu Reglamentga 2-ilovadagi toʻlov stavkalariga muvofiq amalga oshiriladi.

Yigʻim toʻlanganligi axborot-kommunikatsiya tizimlari orqali tasdiqlanadi.

44. Texnikalarni texnik koʻrikdan oʻtkazish boʻyicha xizmatlar koʻrsatish uchun yigʻimning amalga oshirilmaganligi xizmatlar koʻrsatishni rad etishga asos hisoblanadi.

Shuningdek, Inspeksiya tomonidan quyidagi hollarda texnikalarni texnik koʻrikdan oʻtkazish boʻyicha soʻrovnoma rad etiladi:

soʻrovnomada notoʻgʻri maʼlumotlar koʻrsatilganda;

texnika egasi yoki uning vakili tomonidan texnikalar texnik koʻrikdan oʻtkazish uchun 10 ish kuni ichida taqdim etilmaganda.

45. Texnikalarni texnik koʻrikdan oʻtkazish boʻyicha xizmatlar koʻrsatishni boshqa asoslar bilan rad etish taqiqlanadi.

46. Texnikalarni texnik koʻrikdan oʻtkazish joyi va vaqti Inspeksiya tomonidan belgilanadi.

47. Inspeksiya xodimi texnikani texnik koʻrikdan oʻtkazishni dastlab texnikani roʻyxatdan oʻtkazish toʻgʻrisidagi hujjatlarda (texnik pasport yoki texnik guvohnoma) koʻrsatilgan maʼlumotlarga texnika turi, rusumi, modeli, davlat raqami belgisi, shassi (rama), dvigatel va identifikatsiyalash raqamlarining muvofiqligini tekshirishdan boshlaydi.

Shundan soʻng mazkur Reglamentning 24 yoki 34-bandlarida keltirilgan maxsus diagnostik vositalar yordamida texnik koʻrikdan oʻtkaziladi.

48. Har qaysi texnikaning texnik holati va jihozlari texnik reglamentlar, standartlar, yoʻl harakati xavfsizligi qoidalari va normalariga muvofiqligi jihatidan tekshiriladi.

49. Tirkamalar va yarim tirkamalar texnik koʻrikdan alohida turgan holda ham oʻtkaziladi.

50. Jismoniy shaxsning texnikasini texnik koʻrikdan oʻtkazish joyiga (nosozligi yoki boshqa sabablarga koʻra) olib borish imkoniyati boʻlmaganda, roʻyxatdan oʻtkazish, qayta roʻyxatdan oʻtkazish, hisobdan chiqarish uchun yoki boshqa hollarda texnika egasining yozma shakldagi arizasiga koʻra Inspeksiya xodimi tomonidan texnika turgan joyda texnikani koʻrikdan oʻtkazish boʻyicha alohida dalolatnoma tuzgan holda texnik koʻrikdan oʻtkazilishi mumkin.

51. Texnikaning texnik holati va jihozlari yoʻl harakati xavfsizligi talablaridan hatto bittasiga javob bermaganda, texnika nosoz hisoblanadi va undan foydalanish man etiladi.

Texnikalarni texnik koʻrikdan oʻtkazish natijasida texnik jihatdan nosoz deb topilgan, shuningdek, texnik holati belgilangan talablarga javob bermaydigan yoki tegishli ruxsatnomasiz qayta jihozlangan texnikaning davlat raqami belgisi kamchiliklar va nosozliklar bartaraf etilgunga qadar Inspeksiya tomonidan belgilangan tartibda yechib olinadi.

Ushbu texnikalar oldingi texnik koʻrikdan oʻtkazilgan vaqtdan boshlab 20 kundan kechikmay, ushbu Reglamentda belgilangan tartibda qayta texnik koʻrikdan oʻtkaziladi.

Bunday hollarda texnikaning texnik holatini tekshirish faqat oldingi texnik koʻrikdan oʻtkazish paytida aniqlangan texnika xavfsizligi talablariga muvofiq boʻlmagan koʻrsatkichlar boʻyicha oʻtkaziladi.

Texnik koʻrikdan oʻtkazilgan vaqtdan boshlab 20 kundan ortiq boʻlgan muddatda qayta texnik koʻrikdan oʻtkazishga olib kelingan texnikalarning texnik holatini tekshirish toʻliq hajmda amalga oshiriladi.

52. Mahalliy korxonalarda ishlab chiqarilgan yoki xorijiy davlatlardan import qilingan texnikalar isteʼmolchiga yuklashdan yoki bojxona organlarida rasmiylashtirishdan oldin ishlab chiqaruvchi, import qiluvchi, xarid qiluvchi soʻroviga asosan yoki nazorat tartibida texnik reglament talablariga mos ekanligi boʻyicha texnik koʻrikdan oʻtkaziladi.

53. Texnikalarni manziliga yuklab joʻnatishdan oldin Inspeksiya tomonidan ishlab chiqaruvchi hududida yoki bojxona omborida texnik koʻrikdan oʻtkaziladi va uning yakuni bilan mazkur Reglamentga 8-ilovaga muvofiq dalolatnoma tuziladi, imzolanadi va mulkdorga taqdim etiladi. Manziliga yuklab joʻnatishdan oldin texnik koʻrikdan oʻtkazilgan texnikalarga texnik koʻrikdan oʻtganligi toʻgʻrisidagi talon berilmaydi.

54. Texnikalarni manziliga yuklab joʻnatishdan oldin oʻtkaziladigan texnik koʻrik jismoniy shaxslar tomonidan xorijdan keltiriladigan va oʻz ehtiyoji uchun foydalanadigan texnikalar uchun qoʻllanilmaydi.

55. Texnikalarni manziliga yuklab joʻnatishdan oldin oʻtkaziladigan texnik koʻriklar toʻlov amalga oshirilgandan soʻng bajariladi.

6-bob. Texnikalarni texnik koʻrikdan oʻtkazilganligini rasmiylashtirish

56. Texnik koʻrikdan oʻtkazilgan texnikaga ushbu Reglamentga 9 va 9a-ilovalarga muvofiq shaklda dalolatnoma tuziladi.

Dalolatnomaga asosan mazkur Reglamentning 10 va 10a-ilovalarga muvofiq texnikani texnik koʻrikdan oʻtkazilganligi toʻgʻrisidagi talonga muhr qoʻyiladi hamda texnikani texnik koʻrikdan oʻtkazilgan sanasi, uning amal qilish muddati aks ettirilgan holda Inspeksiya xodimining imzosi bilan tasdiqlanadi va texnika egasi yoki uning vakiliga taqdim etiladi hamda maʼlumotlar “Texnikalar texnik koʻrigi” avtomatlashtirilgan axborot tizimiga joylashtiriladi.

57. 2023-yil 1-sentabrdan boshlab texnikalarni texnik koʻrikdan oʻtkazish boʻyicha dalolatnoma maʼlumotlari “Texnikalar texnik koʻrigi” avtomatlashtirilgan axborot tizimiga kiritilib boriladi (ushbu sanadan boshlab xorijiy davlatlarga chiqadigan texnikalardan tashqari barcha texnikalarga texnik koʻrikdan oʻtkazilganligi toʻgʻrisidagi talon berish amaliyoti bekor qilinadi).

58. Texnika texnik koʻrikdan oʻtkazilgandan soʻng Inspeksiyaning xodimi tomonidan texnik koʻrik dalolatnomasi tuziladi hamda texnik koʻrik natijasi 1 ish kunida “Texnikalar texnik koʻrigi” avtomatlashtirilgan axborot tizimiga joylashtiriladi.

59. Texnikani navbatdagi texnik koʻrikdan oʻtkazish muddati toʻgʻrisidagi maʼlumot “Texnikalar texnik koʻrigi” avtomatlashtirilgan axborot tizimi orqali 10 kun oldin texnika egasi yoki uning vakilini telefon raqamiga texnikani texnik koʻrikdan oʻtkazish vaqti haqidagi xabarnoma yuboriladi.

60. Texnikani texnik koʻrikdan oʻtkazish joyiga olib borish imkoni boʻlmaganda, jismoniy va yuridik shaxslar belgilangan muddatda Inspeksiyaning hududiy boshqarmalari va tuman (Quvasoy shahar) boʻlimlariga yozma shaklda soʻrovnoma yuboradi. Soʻrovnomaga ushbu Reglamentning 42-bandida koʻrsatib oʻtilgan hujjatlar ilova qilinadi.

Bunda Inspeksiyaning hududiy boshqarmasi va tuman (Quvasoy shahar) boʻlimlarining texnika holatini nazorat qilish inspektori tomonidan “Texnikalar texnik koʻrigi” avtomatlashtirilgan axborot tizimiga nosozlik toʻgʻrisidagi maʼlumotlar kiritiladi.

Texnikadagi nosozliklar bartaraf etilgandan keyin, texnika egasi yoki uning vakili mazkur Reglament talablariga asosan texnikani texnik koʻrikdan oʻtkazish uchun qayta taqdim etadi.

7-bob. Yakunlovchi qoidalar

61. Texnik koʻrikdan oʻtkazilganligi toʻgʻrisidagi talon qatʼiy hisobda turadigan blanka hisoblanadi, ularni saqlash, sarflash va hisobga olish belgilangan tartibda Inspeksiya tomonidan amalga oshiriladi.

Talon blankalarini tayyorlash xarajatlari markazlashtirilgan tartibda Inspeksiyani rivojlantirish jamgʻarmasi mablagʻlari hisobidan amalga oshiriladi.

62. Inspeksiya va tadbirkorlik subyektlari texnikalarni mazkur Reglament talablariga muvofiq texnik koʻrikdan oʻtkazilishini taʼminlash uchun masʼul hisoblanadi.

63. Texnikalar respublikaning boshqa hududida boʻlganda, texnikalarni texnik koʻrikdan oʻtkazish ushbu hududdagi Inspeksiya tomonidan belgilangan tartibda amalga oshiriladi.

64. Texnika egasi yoki uning vakili xizmatlar koʻrsatuvchi va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

65. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 1-ILOVA

Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazishga oid

1-bob. Umumiy qoidalar

1. Ushbu talablar jismoniy va yuridik shaxslarning qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazishga oid texnik normalarni belgilaydi.

2. Texnikalarning texnik holatini koʻrikdan oʻtkazish sohasidagi normativ hujjatlar talablariga muvofiqligini baholashni tashkil etish va uni oʻtkazish uchun tegishli sinov jihozlari va oʻlchash vositalari boʻlishi zarur.

2-bob. Tormoz tizimlari

3. Tormoz tizimlari tormozlash samaradorligi va tormozlash paytida texnikaning barqarorligi koʻrsatkichlariga mos kelishi kerak:

a) traktorlar va oʻziyurar qishloq xoʻjaligi mashinalari uchun — “Xalqaro standart. Mehnat xavfsizligi standartlari tizimi. Traktorlar va oʻziyurar qishloq xoʻjaligi mashinalari. Umumiy xavfsizlik talablari”;

b) traktor tirkamalari va yarim tirkamalari uchun — GOST 10000-2017 5.5 — 5.8 “Davlatlararo standart. Traktor tirkamalari va yarim tirkamalari. Umumiy texnik talablar”;

v) oʻziyurar yoʻl-qurilish mashinalari uchun — “Qazish mashinalari. Gʻildirakli mashinalarning tormoz tizimlari. Samaradorlik talablari va sinov usullari”.

4. Pnevmatik tormoz yuritmali traktorlarning tormoz tizimini favqulodda (avtomatik) tormozlash rejimi ishchi holatda boʻlishi kerak.

5. Pnevmatik tormoz tizimining ulanish boʻgʻinlari va elementlaridan siqilgan havo chiqishiga yoʻl qoʻyilmaydi.

6. Gidravlik tormoz tizimida tormoz suyuqligining oqishi va (yoki) gidravlik tormoz uzatmasining quvurlari yoki ulanishlarining zichligi buzilishiga yoʻl qoʻyilmaydi.

7. Tormoz tizimi zichligining yoʻqotilishi yoki buzilishiga olib keluvchi zanglashga yoʻl qoʻyilmaydi.

8. Tormoz quvurlarining mexanik shikastlanishiga yoʻl qoʻyilmaydi.

9. Tormoz yuritmasida yoriqlar yoki qoldiq deformatsiyaga ega qismlarning boʻlishiga yoʻl qoʻyilmaydi.

10. Tormoz tizimlarining signalizatsiyasi va tormoz tizimini nazorat qilish vositalari, pnevmatik yoki pnevmogidravlik tormoz uzatmalarining bosim oʻlchagichi va toʻxtash tormoz tizimini boshqarish moslamasi ishchi holatda boʻlishi kerak.

11. Bosim ostida tormoz shlanglarining shishishi va (yoki) koʻrinadigan yoriqlar, zanglash, ishqalanish joylari boʻlishiga yoʻl qoʻyilmaydi.

12. Traktorlar pnevmatik tormoz shlanglarining joylashishi va uzunligi traktor va tirkamaning (yarim tirkamaning) oʻzaro harakatlanishi paytida ularning shikastlanishiga olib kelmasligi kerak.

3-bob. Rul boshqaruvi

13. Rulni burish paytida kuchning oʻzgarishi uning burilish burchagi boʻylab bir tekis boʻlishi kerak. Rul kuchaytirgichning ishlamay qolishiga (agar mavjud boʻlsa) yoʻl qoʻyilmaydi.

14. Dvigatel ishlayotgan paytda rul kuchaytirgichli tizimda rul chambaragining neytral holatda oʻz-oʻzidan aylanishiga yoʻl qoʻyilmaydi.

15. Rul boshqaruvidagi umumiy erkin yurish ishlab chiqaruvchi tomonidan operatsion hujjatlarda belgilangan chegara qiymatlaridan oshmasligi kerak yoki ishlab chiqaruvchi tomonidan oʻrnatilgan maʼlumotlar boʻlmasa, traktorlar, shu jumladan, kichik oʻlchamdagi va oʻziyurar qishloq xoʻjaligi mashinalari uchun — 25 darajadan oshmasligi kerak.

16. Rul kolonnasi va boshqaruv mexanizmining karterini mahkamlash qismlarining shikastlanishi va yoʻqligi, shuningdek, rul yuritmasi qismlarining ishlab chiqaruvchi tomonidan koʻzda tutilmagan (operatsion hujjatlarda) bir-biriga yoki korpusga (ramkaga) nisbatan harakatlanish koʻrsatkichlarini oshirishga yoʻl qoʻyilmaydi. Rezbali birikmalar ishlab chiqaruvchi tomonidan koʻrsatilgan tarzda mahkamlangan va oʻrnatilgan boʻlishi kerak. Burilish tirsaklari tortqilari va rul tortqilari boʻgʻinlari ulanishlarida salt yurishga yoʻl qoʻyilmaydi. Rul kolonnasi holatini sozlash moslamasi ishchi holatiga ega boʻlishi kerak.

17. Rul mexanizmi va rul yuritmasida qoldiq deformatsiya izlari, yoriqlar va boshqa nuqsonlar boʻlgan qismlardan foydalanishga yoʻl qoʻyilmaydi.

18. Rul chambaragining (rulning) maksimal burilish burchagi faqat mashina konstruksiyasida nazarda tutilgan qurilmalar bilan cheklanishi kerak.

4-bob. Zanjirli mashinalarni boshqarish mexanizmi

19. Burilish muftalarini boshqarish dastagi tutqichlarining erkin yurishi ishlab chiqaruvchi tomonidan ruxsat etilgan qiymatlardan chetga chiqmasligi kerak.

20. Boshqarish dastagi oʻziga toʻliq tortilganda, burilish yoʻnalishi boʻyicha quvvat oqimining toʻliq uzilishi taʼminlanishi kerak.

21. Tormoz pedallarining erkin yurishi ishlab chiqaruvchi tomonidan belgilangan qiymatlardan oshmasligi kerak.

22. Tormoz pedallarining turlicha erkin yurishiga yoʻl qoʻyilmaydi.

5-bob. Tashqi yoritish moslamalari

23. Yoritish moslamalari va yorugʻlik signalizatsiyasidan foydalanish qishloq xoʻjaligi, melioratsiya va yoʻl-qurilish texnikalari uchun — GOST 32431-2013 (ISO 16154: 2005) 3.2 — 3.12-bandlari “Davlatlararo standart. Qishloq va oʻrmon xoʻjaligi uchun mashinalar. Umumiy foydalanish yoʻllarida harakatlanish uchun yoritish va yorugʻlik signalizatsiya moslamalarini oʻrnatish” asosida aniqlanadi.

24. Yoritish moslamalarida yemirilgan nur yoygichlar yoki ularning mavjud emasligi yoki ushbu yorugʻlik uskunasi turiga mos kelmaydigan nur yoygichlar va lampalar ishlatilishiga yoʻl qoʻyilmaydi.

25. Tormoz signallari (asosiy va qoʻshimcha) ishchi va favqulodda tormoz tizimlarini boshqarish vositalariga taʼsir qilganda, yonishi va doimiy rejimda ishlashi kerak.

26. Old tomonda qizil nurli yoritgichlar yoki qizil rangli nur qaytargichlarni, orqa tomonda — oq rangdagi, orqaga yurish chiroqlari va davlat raqam belgisini yoritgichlaridan tashqari oq rangdagi yoritgichlarni oʻrnatishga yoʻl qoʻyilmaydi.

27. Yoʻllarni qurish, taʼmirlash yoki texnik xizmat koʻrsatish boʻyicha ishlarni bajaradigan texnikalarda, shuningdek, umumiy foydalanishdagi yoʻllarda soatiga 20 km va undan koʻproq tezlikda harakatlanadigan va kengligi 2,55 metrdan oshadigan texnikalarda sariq yoki toʻq sariq rangli maxsus yorugʻlik signallari (miltillovchi mayoqlar) oʻrnatilishi kerak. Miltillovchi mayoqlarning soni va joylashishi ularning yorugʻlik manbai markazidan oʻtuvchi gorizontal tekislikda 360 daraja koʻrinishini taʼminlashi kerak.

6-bob. Old oyna tozalagichlari va oyna yuvish vositalari

28. Kabinasi boʻlgan mashinalar kamida bitta oyna tozalagich bilan jihozlangan boʻlishi kerak.

29. Qishloq xoʻjaligi, oʻziyurar qishloq xoʻjaligi mashinalari uchun oyna tozalagichlar va yuvish vositalaridan foydalanish “Davlatlararo standart. Mehnat xavfsizligi standartlari tizimi. Traktor va oʻziyurar qishloq xoʻjaligi mashinalari operatorlarining kabinalari va ish joylari. Umumiy xavfsizlik talablari”ga muvofiq boʻlishi kerak.

30. Oyna tozalagichlar va oyna yuvish vositalari ishchi holatda boʻlishi kerak.

31. Shisha yuvish vositasi suyuqlikni oynani tozalash joyiga yetkazib berishni taʼminlashi kerak.

7-bob. Gʻildiraklar, shinalar va zanjirlar

32. Gʻildirak shinalari tishlarining yetarlicha qoldiq balandligiga (protektor naqshlariga), jumladan:

a) yetakchi gʻildiraklarda:

5 millimetrdan kam boʻlmagan — 2 tonnagacha tortish sinfidagi traktorlar uchun;

10 millimetrdan kam boʻlmagan — 3 tonna va undan yuqori tortish sinfidagi traktorlar uchun;

b) boshqariladigan gʻildiraklarda:

2 millimetrdan kam boʻlmagan — 2 tonnagacha tortish sinfidagi traktorlar uchun;

10 millimetrdan kam boʻlmagan — 3 tonna va undan yuqori tortish sinfidagi traktorlar uchun;

v) tirkama gʻildiraklarida — 1 millimetrdan kam boʻlmagan gʻildirak shinalari tishlarining qoldiq balandligiga ega boʻlishi kerak.

33. Shinalarda tashqi shikastlanishlar (teshilishlar, kesilishlar, yorilishlar), shnuri (simi) ochilgan, shuningdek, prootektor va yon devorning koʻchishi boʻlmasligi kerak.

34. Gʻildirak disklari mahkamlanadigan bolt yoki gaykaning bir donasi ham yoʻq boʻlishiga yoʻl qoʻyilmaydi.

35. Gʻildirak diskida yoriqlar mavjudligiga hamda ularni payvandlash usulida bartaraf etishga ruxsat etilmaydi.

36. Gʻildirak diskini oʻrnatish teshiklarining shakli va (yoki) oʻlchamida koʻrinadigan oʻzgarishlar mavjudligiga yoʻl qoʻyilmaydi.

37. Shinalar oʻlchami yoki ruxsat etilgan yuklama boʻyicha mashina modeliga mos kelishi kerak.

38. Bir oʻqqa turli oʻlchamlarga, modelga, tuzilishga va turlicha protektor naqshiga ega shinalarni oʻrnatish mumkin emas.

39. Shinalardagi bosim shina markirovkasida koʻrsatilgan qiymatdan oshmasligi kerak. Chap va oʻng shinalar bosimi oʻrtasidagi farq 0,01 MPadan (0,1 kgs/sm 2 ) oshmasligi kerak.

40. Zanjirli yurish qismiga ega mashinalar zanjiri osilib turishi ishlab chiqaruvchi tomonidan belgilangan qiymatlardan, agar koʻrsatilmagan boʻlsa 65 mm dan oshmasligi kerak.

41. Zanjirli mashinalar zanjiri tishlarining qoldiq balandligi 7 mm dan kam boʻlmasligi kerak.

42. Chap va oʻng tomonlar zanjirlaridagi zanjir qismlari soni bir xil boʻlishi kerak.

43. Zanjir qismlarida yoriq va siniqliklar boʻlishiga yoʻl qoʻyilmaydi.

44. Chap va oʻng zanjirlarning osilib turishi orasidagi farq ishlab chiqaruvchi tomonidan belgilangan qiymatlardan, agar koʻrsatilmagan boʻlsa 5 mm dan oshmasligi kerak.

8-bob. Dvigatel va uning tizimlari

45. Traktorlar, oʻziyurar yoʻl-qurilish va boshqa dizelli oʻziyurar mashinalar uchun chiqindi gazlardagi zararli moddalarning miqdori va gazlarning tutashi “Davlatlararo standart. Tabiatni muhofaza qilish. Atmosfera. Traktorlar va oʻziyurar qishloq xoʻjaligi mashinalari dizellari chiqindi gazlarining tutashini aniqlash normalari va usullari”da belgilangan qiymatlarga mos kelishi lozim.

46. Dizel dvigatelli mashinalarning chiqindi gazlaridagi zararli moddalar miqdori ishlab chiqaruvchi tomonidan nazarda tutilgan talablarga mos kelishi kerak.

47. Dizel dvigatellarining taʼminlash tizimidan yonilgʻi oqishi yoki tomishiga yoʻl qoʻyilmaydi.

48. Taʼminlash tizimining va yonilgʻi idishining yopish qurilmalari ishchi holatda boʻlishi kerak.

49. Dvigatellarning tutun chiqarish tizimi soz va komplekt holda boʻlishi kerak.

9-bob. Konstruksiyaning boshqa elementlari

50. Traktorlar, oʻziyurar yoʻl-qurilish va qishloq xoʻjaligi mashinalari kamida bitta (chap) orqa koʻrinish koʻzgusi bilan jihozlangan boʻlishi kerak.

51. Traktorchi-mashinist tomonida joylashgan old oynaning oyna tozalagich sohasida yoriqlar boʻlishiga yoʻl qoʻyilmaydi.

52. Kabina eshik qulflari, traktorchi-mashinist oʻrindigʻini sozlash mexanizmlari va qulflash moslamalari, old oynani isitish va shamol yoʻnaltirish moslamasi ishchi holatda boʻlishi kerak.

53. Tirkama va yarim tirkamalarning yuk platformasi bortlarini qulflash moslamalari ishchi holatda boʻlishi kerak.

54. Favqulodda chiqish va uni amalga oshirish qurilmalari, kabinani ichki yoritish chiroqlari ishchi holatda boʻlishi kerak.

55. Oʻziyurar qishloq xoʻjaligi, melioratsiya va yoʻl-qurilish texnikalari konstruksiyasida nazarda tutilgan tovush signali soz holatda boʻlishi kerak.

Tovush signali boshqarish organi tomonidan ishga tushirilganda u uzluksiz va monoton tovush berishi kerak.

Tovush signali darajasi ishga tushirilmagan dvigatelda 90 — 112 DBa oraligʻida boʻlishi kerak.

56. Oʻziyurar qishloq xoʻjaligi, melioratsiya va yoʻl-qurilish texnikalari konstruksiyasiga koʻra tirkama va yarim tirkamalarda orqa himoya qurilmalari oʻrnatilgan boʻlishi kerak.

57. Tirkama va yarim tirkamalar ishga yaroqli xavfsizlik moslamalari (zanjir) bilan jihozlangan boʻlishi kerak. Xavfsizlik zanjirlarining uzunligi tortish moslamasining sinishi (buzilishi) holatida tirkama bogʻlash halqasining yoʻl yuzasiga tegishiga yoʻl qoʻymasligi kerak.

58. Tirkamalar (bir oʻqli tirkamalar bundan mustasno) tortish moslamasini ulash va ajratishni osonlashtiradigan holatda tortuvchi bogʻlovchi halqani ushlab turadigan qurilma bilan jihozlangan boʻlishi kerak.

59. Tirkama bogʻichining yoki tirkamani tortish moslamasining tirkama boʻylama simmetriyasiga nisbatan holatini buzadigan deformatsiyalangan, tirkama yoki tirkama tortmasining sinishi, yoriqlari va boshqa koʻrinadigan shikastlanishlari boʻlishiga yoʻl qoʻyilmaydi.

60. Oʻziyurar qishloq xoʻjaligi, melioratsiya va yoʻl-qurilish texnikalari, ularning tirkamalari va yarim tirkamalar kamida 2 ta oʻz-oʻzidan yurib ketishga qarshi gʻildirak tayanchlari bilan jihozlangan boʻlishi kerak.

61. Oʻziyurar qishloq xoʻjaligi, melioratsiya va yoʻl-qurilish texnikalar kamida 2 litr hajmdagi va kamida bitta kukun yoki xladonli yongʻinga qarshi vosita bilan jihozlangan boʻlishi kerak.

Yongʻin oʻchirgich muhrlangan va unda amal qilish muddati koʻrsatilgan hamda tekshirish vaqtida muddati oʻtmagan boʻlishi kerak.

62. Akkumulyatorlar batareyalari, oʻrindiqlar, shuningdek oʻt oʻchirish moslamalari va traktorlar, oʻziyurar yoʻl-qurilish texnikalaridagi birinchi tibbiy yordam toʻplami konstruksiyada nazarda tutilgan mahkamlash moslamalariga mahkam oʻrnatilishi kerak.

63. Gʻildirakli qishloq xoʻjaligi, melioratsiya va yoʻl-qurilish texnikalari gʻildirak qanotlari bilan jihozlangan boʻlishi kerak. Ushbu qurilmalarning kengligi oʻrnatiladigan shinalarning kengligidan kam boʻlmasligi kerak.

64. Dvigatel, uzatmalar qutisi, bort reduktorlari, koʻpriklar, mufta, akkumulyator, sovutish va konditsioner tizimlari hamda qoʻshimcha ravishda oʻrnatilgan gidravlik qurilmalardan yogʻlar va ishchi suyuqliklarning oqib chiqishiga yoʻl qoʻyilmaydi.

65. Oʻziyurar mashinalarning konstruksiyasida nazarda tutilgan uzatma qoʻshilgan holatda dvigatelni ishga tushirish imkoniyatini istisno qiladigan qurilma ishlaydigan boʻlishi kerak.

66. Mashinalarning harakatlanuvchi (aylanuvchi) qismlari (kardanli, zanjirli, tasmali, tishli uzatmalar va boshqalar) himoya qoplami bilan toʻsilgan boʻlishi kerak.

67. Kabina, dvigatel, kompressor, qoplama, ishchi organlar va boshqa konstruktiv elementlarni mahkamlash joylarining boʻshashishiga yoʻl qoʻyilmaydi.

68. Traktorchi-mashinist oʻrindigʻidan koʻrishni cheklaydigan, oynaning shaffofligini yomonlashtiradigan, shikastlanish xavfini keltirib chiqaradigan qoʻshimcha narsalarni oʻrnatish yoki qoplamalarni qoʻllashga yoʻl qoʻyilmaydi.

69. Mashinalar dvigatelini ishga tushirish uchun ishlatiladigan akkumulyatorlar, shu jumladan, elektr yuritmali mashinalarning akkumulyatorlarining kuchlanishi, vazni yoki oʻlchamlari ishlab chiqaruvchi tomonidan taqdim etilganidan farq qiladigan akkumulyatorlarga almashtirishga yoʻl qoʻyilmaydi.

70. Ishchi organlar yuritmasining saqlovchi muftasi soz va rostlangan boʻlishi kerak.

71. Oʻziyurar mashinalar favqulodda toʻxtash belgisi bilan jihozlanishi lozim.

72. Texnikalarning orqa tomonida davlat raqami belgisi oʻrnatilishi kerak.

Davlat raqami belgisi tekis vertikal yuzaga oʻrnatilishi, bunda davlat raqami belgisi konstruksiya elementlari bilan toʻsilmasligi, davlat raqami belgisi esa tashqi yoritish va yorugʻlik signallarini toʻsmasligi hamda yon gabaritdan chiqib turmasligi kerak.

Davlat raqami belgisi mashina simmetrik oʻqi boʻyicha yoki mashinaning harakatlanishi yoʻnalishi boʻyicha chap tarafda oʻrnatilishi kerak.

73. Maksimal konstruktiv tezligi 30 km/s dan katta boʻlmagan oʻziyurar mashinalarda “sekin yuruvchi transport vositasi” belgisi oʻrnatilishi kerak.

10-bob. Qishloq xoʻjaligi mashinalari

74. Ekish mashinalari (seyalkalar) harakat uzatuvchi qismlari: tayanch gʻildirak, val, oʻq, zanjir, tishli yulduzchalar; urugʻ va oʻgʻit idishlari hamda taqsimlash gʻaltaklari, urugʻ oʻtkazgichlar, ekgichlar (soshniklar), tuproq zichlagich va uning prujinalari va boshqalar foydalanish yoʻriqnomasida koʻrsatilgan tartibda toʻliq va koʻrsatkichlarga mos boʻlishi kerak.

75. Tuproqqa asosiy ishlov beruvchi mashinalar (omoch, yer tekislagich, chizel-kultivator, diskli borona va boshqalar) ishchi organlarining yeyilganligi ruxsat etilgan meʼyordan oshib ketmasligi, gidrotsilindrlardan moy oqmasligi, ishlov berish chuqurligini rostlash mexanizmi soz boʻlishi kerak.

76. Qator orasiga ishlov beruvchi kultivatorlarning harakat uzatuvchi mexanizmi, oʻgʻit idishlari, oʻgʻitni taqsimlash va sepish qurilmalari, soshnik hamda boshqa ishchi organlari va boshqalar ulardan foydalanish yoʻriqnomasida koʻrsatilgan tartibda toʻliq va yeyilganlik qiymati ruxsat etilgan meʼyordan oshib ketmasligi kerak.

77. Purkagichlarning korpusi butun, suyuqlik purkash qismlari teshiklari bir xil va toʻgʻri oʻrnatilgan, suyuqlik nasosi meʼyordagi bosimni berishi kerak.

78. Mineral oʻgʻit sepish mashinalarining oʻgʻit idishi yorilmagan, teshilmagan, maxsus elakka ega, reduktoridan moy oqmasligi, harakat uzatuvchi kardanning krestovinalari soz va moylangan, oʻgʻit sepish moslamasining parraklari toʻliq va egilmagan boʻlishi kerak.

79. Barcha turdagi qishloq xoʻjaligi mashinalari va agregatlarining harakat uzatuvchi va boshqa ishchi qismlari foydalanish yoʻriqnomasidagi koʻrsatkichlarga mos kelishi va ularning yeyilganlik qiymati ruxsat etilgan meʼyordan oshib ketmasligi boʻyicha texnik koʻrikdan oʻtkaziladi.

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 2-ILOVA

Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish uchun

1. 100 ot kuchi va undan yuqori quvvatga ega gʻildirakli traktorlar, melioratsiya va yoʻl-qurilish texnikalari, oʻziyurar mashinalar hamda zanjirli va yarim zanjirli traktorlar uchun bazaviy hisoblash miqdorining 30 foizi miqdorida 2. 100 ot kuchigacha quvvatga ega gʻildirakli traktorlar, traktor tirkamalari, melioratsiya va yoʻl-qurilish texnikalari hamda oʻziyurar mashinalar, osma va yarim osma, zanjirli, yarim zanjirli va yigʻma mashinalar uchun bazaviy hisoblash miqdorining 20 foizi miqdorida 3. Qishloq xoʻjaligi, melioratsiya va yoʻl-qurilish mashinalari hamda agregatlar uchun bazaviy hisoblash miqdorining 15 foizi miqdorida 4. Yoʻl-qurilish, melioratsiya va boshqa maqsadlarga moʻljallangan yuk ortuvchi, paxta, don va urugʻlarni qayta ishlashga moʻljallangan mashinalar, shuningdek, chorvachilik, parrandachilik va yem-xashak ishlab chiqarish mashinalari va uskunalari, kichik mexanizatsiya moslamalari uchun bazaviy hisoblash miqdorining 15 foizi miqdorida 5. Mashina-traktor parklari, taʼmirlash ustaxonalari, servis punktlari va boshqalardagi har bir stanok, asbob-uskuna va jihozlar uchun bazaviy hisoblash miqdorining 15 foizi miqdorida 6. Suv nasoslari uchun bazaviy hisoblash miqdorining 20 foizi miqdorida

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 5-ILOVA

“Tasdiqlayman” Inspeksiyaning ______________ boʻlimi _____________________________ boshligʻi __________ _________________ 20__ yil “___”___________ _____________________ viloyati, ___________________ tumanida qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish rejasi T/r Texnikaning nomi Texnika rusumi Texnik koʻrikdan oʻtkazish muddati Texnik koʻrikdan oʻtkazish manzili Texnik koʻrikdan oʻtkazish sanasi 1. _____________________________________________________________________________________________________________________ (yuridik yoki jismoniy shaxs nomi) 1.1 1.2 1.3 ... Texnika holatini nazorat qilish inspektori ___________ (imzo) __________________________ (F.I.O.)

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 6-ILOVA

Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish boʻyicha xizmatlar koʻrsatish

Bosqichlar Subyektlar Tadbirlar Bajarish muddatlari 1-bosqich Texnika egasi yoki uning vakili (jismoniy yoki yuridik shaxslar) 1. Texnikalarni texnik koʻrikdan oʻtkazish boʻyicha xizmatlar koʻrsatish uchun Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) yoki yuridik shaxslarga (keyingi oʻrinlarda — tadbirkorlik subyektlari) kelib murojaat qiladi va tegishli hujjatlarni taqdim etadi. 1. Xohishiga koʻra 2. Inspeksiya yoki tadbirkorlik subyektlari tomonidan koʻrsatiladigan xizmatlar uchun yigʻimni amalga oshiradi. 2. Murojaat qilganda 2-bosqich Inspeksiya yoki tadbirkorlik subyektlari 1. Texnika egasi yoki uning vakili nomidan soʻrovnomani toʻldiradi. 2. Texnikani texnik koʻrikdan oʻtkazadi yoki texnik koʻrikdan oʻtkazishni rad qiladi. 3. Texnikani texnik koʻrikdan oʻtkazish dalolatnomasini tuzadi, texnik koʻrik talonini rasmiylashtiradi hamda maʼlumotlarni “Texnikalar texnik koʻrigi” avtomatlashtirilgan axborot tizimiga joylashtiradi. 4. Texnikani texnik koʻrikdan oʻtkazish rad etilganda, bu haqida texnika egasi yoki uning vakilini xabardor qiladi. Murojaat qilingan kunda 3-bosqich Texnika egasi yoki uning vakili Nosozliklar va kamchiliklarni bartaraf etadi va texnikani texnik koʻrikdan oʻtkazish uchun qayta murojaat qiladi. Texnik koʻrikdan oʻtkazilgan kundan boshlab 20 kun ichida 4-bosqich Inspeksiya yoki tadbirkorlik subyekti 1. Texnikani texnik koʻrikdan oʻtkazadi. 2. Texnikani texnik koʻrikdan oʻtkazish boʻyicha dalolatnomani tuzadi, texnik koʻrik talonini rasmiylashtiradi hamda maʼlumotlarni “Texnikalar texnik koʻrigi” avtomatlashtirilgan axborot tizimiga joylashtiradi. Murojaat qilingan kunda

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 7-ILOVA

__________________ (sana) ________________ (raqam) Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish boʻyicha xizmatlar koʻrsatish yuzasidan SOʻROVNOMA I. Texnika egasi — yuridik shaxs toʻgʻrisida maʼlumot: 1. Tashkilot nomi 2. Yuridik manzili 3. STIR raqami 4. Telefon raqami Yuridik shaxs vakili: 1. F.I.O. 2. Jismoniy shaxsning shaxsiy identifikatsiya raqami II. Texnika egasi — jismoniy shaxs toʻgʻrisida maʼlumot: 1. F.I.O. 2. Jismoniy shaxsning shaxsiy identifikatsiya raqami 3. Manzili 4. Telefon raqami III. Texnika toʻgʻrisida maʼlumot: 1. Nomi 2. Rusumi/modeli 3. Ishlab chiqarilgan yili 4. Dvigatel raqami 5. Zavod raqami 6. Kuzov/shassi raqami 7. Texnik pasport yoki texnik guvohnoma seriyasi va raqami 8. Davlat raqami belgisi Tasdiqlayman:

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 8-ILOVA

_____________________ viloyati, ___________________ tumanida qishloq xoʻjaligi, melioratsiya va yoʻl-qurilish texnikalarini yuklashdan oldin texnik koʻrikdan oʻtkazish boʻyicha DALOLATNOMA T/r Texnikaning nomi Texnika rusumi Yuklashdan oldin texnik koʻrikdan oʻtkazilgan sana Yuklashdan oldin texnik koʻrik oʻtkazilgan manzil Texnik reglament talablariga mosligi (mos, mos emas) 1. 2. 3. ... Texnik reglament talablariga mos yoki mos emasligi toʻgʻrisida maʼlumotlar: __________________ ___________________________________________________________________________________ _________________________________________________________________________________ _________________________________________________________________________________ _________________________________________________________________________________ Xulosa: __________________________________________________________________________ Texnika holatini nazorat qilish inspektori ____________________­­ ____________________________ M.Oʻ (imzo) (F.I.O.) Ishlab chiqaruvchi yoki import qiluvchi tashkilot manzili: _____ ___________________________ __________________________________________________________________________________ Ishlab chiqaruvchi yoki import qiluvchi tashkilot rahbari: _________________________________ __________________________________________________________________________________ Xarid qiluvchi tashkilot manzili: ____________________________________________________ __________________________________________________________________________________ Xarid qiluvchi tashkilot rahbari: _____________________________________________________ __________________________________________________________________________________

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 9-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________ viloyati, ___________ tumanida qishloq xoʻjaligi, melioratsiya va yoʻl-qurilish texnikalarini alohida (bittasini) texnik koʻrikdan oʻtkazish boʻyicha ‎DALOLATNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Tuzilgan sanasi: 20 ____ yil “____” _______________ Texnik koʻrik ____________________________________________ tomonidan oʻtkazildi ‎ ‎ ‎ ‎ (F.I.O.) ‎ ‎ ‎ ‎ ‎ ‎ 1. Texnikaning rusumi va modeli: _______________________________ 6. Shassi (rama) raqami ____________ 2. Turi: _________________ ‎ ‎ 7. Dvigatel raqami: ______________ 3. Rangi:__________________ ‎ ‎ 8. Kuzov raqami: __________________ 4. Ishlab chiqarilgan yili _________ ‎ ‎ 9. Roʻyxatdan oʻtkazish toʻgʻrisidagi texnik guvohnoma (texnik pasporti) seriyasi va raqami: __________________ 5. Davlat raqami belgisi:________ ‎ 10. Texnika ________________________________________________________________________ (yuridik shaxsning toʻliq nomi) ________________________________________________________________________ (yakka tartibdagi transport vositasi egasining F.I.O.) 11. Joylashgan joyi (turar joyi):____________________________________________ 12. Quyidagi texnik nosozliklar aniqlandi: ____________________________________ ‎________________________________________________________________________ 13. Texnikaning holati _____________________________________________________ ‎________________________________________________________________________ 14. Mavjud kamchiliklar: 15. Motosoat holati: ________________________________________________________ 16. Texnik holati toʻgʻrisida xulosa: ____________________________________________ ‎ ‎ ‎ ‎ ‎ ‎ ‎ ‎ (texnik jihatdan soz, nosoz) Texnika holatini nazorat qilish inspektori: ‎ _________ ‎‎ ___________________ ‎ ‎ ‎ ‎ ‎ ‎ ‎ ‎ ‎ ‎ ‎ (imzo) (F.I.O.) M.Oʻ.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Dalolatnoma nusxasini oldim va texnik koʻrikdan oʻtmagan texnikalardan foydalanish taqiqlanishi hamda nosoz texnikadan foydalanish, foydalanishga ruxsat berish MJtKning tegishli moddalari bilan maʼmuriy javobgarlikni keltirib chiqarishi toʻgʻrisida ogohlantirildim: ________________________________________________________________________ (imzo, F.I.O., yuridik shaxsning nomi, lavozimi yoki jismoniy shaxsning F.I.O.) ________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 9a-ILOVA

___________________ viloyati, ______________ tumanida qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtkazish uchun taqdim etilgan texnikalar toʻgʻrisidagi DALOLATNOMA Tuzilgan sanasi: 20___ yil “____” ___________ 20____ yil “___”________ dan 20___ yil “___”________gacha Texnikalarni texnik koʻrik uchun taqdim etgan yuridik shaxsning nomi yoki jismoniy shaxsning F.I.O.:________________________________________________________________________________ ______________________________________________________________________________________ STIR:___________ T/r Texnika nomi Rusumi Texnik pasporti yoki texnik guvohnomasi (inventar) raqami DRB raqami va seriyasi Texnika rangi Ishlab chiqarilgan davlati Ishlab chiqarilgan yili Agregatlar raqami Yonilgʻi turi (benzin, dizel yonilgʻisi, siqilgan tabiiy gazda yoki suyultirilgan gaz) zavod raqami dvigatel shassi (rama) 1 2 3 4 5 6 7 8 9 10 11 12 1. 2. 3. ... Tashkilot balansida _____ ta texnika mavjud. Tashkilot rahbari (mulk egasi): _ __________________________________________ _______________________________________________________________________ (imzo, lavozimi, tashkilot nomi va rahbarining F.I.O, jismoniy shaxsning F.I.O., pasport maʼlumotlari) Roʻyxatda koʻrsatilgan texnika vositalarini roʻyxatga olish maʼlumotlari bilan taqqoslagan Inspeksiya xodimi ___ ____________________________________________ Masʼul hisobchi ________________________________________________________ (imzo, lavozimi, tashkilot nomi, F.I.O.) _______________________________________________ _______________________________________________ (imzo, F.I.O.) M.Oʻ. TEXNIK KOʻRIK NATIJALARI Tashkilot (mulk egasi)_________________________________________________________________________ hisobida ____ ta qishloq xoʻjaligi , ____ ta melioratsiya , ____ ta yoʻl-qurilish , ____ ta oʻziyurar mashinalar , ___ ta tirkama vayarim tirkamalar , jami ______ ta texnika texnik koʻrikka qoʻyilgan. ____ ta qishloq xoʻjaligi , ____ ta melioratsiya, ____ ta yoʻl-qurilish , ____ ta oʻziyurar mashinalar , ___ ta tirkama vayarim tirkamalar , jami ____ ta texnika texnik koʻrikdan oʻtmadi. Texnikalar tekshirilganda ____ ta qishloq xoʻjaligi , ____ ta melioratsiya , ____ ta yoʻl-qurilish , ____ ta oʻziyurar mashinalar , ___ ta tirkama vayarim tirkamalar , jami _____ ta texnika texnik jihatdan nosoz deb topildi. Shu jumladan: ___ ta texnikaning texnik reglament talablariga mos boʻlmagan konstruksiyasidagi oʻzgartirish mavjudligi; ___ ta texnikaning texnika va yongʻin xavfsizligi talablariga javob bermasligi; ___ ta texnikaning dvigatel qismining nosozligi; ___ ta texnikaning tormoz tizimining nosozligi; ___ ta texnikaning rul boshqaruvidagi nosozliklar; ___ ta texnikaning tashqi yoritish uskunalaridagi nosozliklar; ___ ta texnikada foydalanish uchun yaroqsiz qismlar mavjudligi; ___ ta texnikaning ishlangan gazida zararli moddalar mavjudligi va ularning tutunligi belgilangan meʼyordan ortiqchaligi aniqlandi. Hisobdagi texnikalardan ___ tasi dizel yonilgʻisi bilan ishlaydi. Dizel yonilgʻisida ishlaydigan ___ tasidan ___ tasi nosoz deb topildi. ____ ta texnik holati nosoz texnikaning texnik pasporti yoki texnik guvohnomasi olib qoʻyilganligi, DRB yechib olinganligi toʻgʻrisidagi belgi _____________________________ Texnik koʻrikdan oʻtmagan texnikalar 20___ yil “___”______________ da qayta texnik koʻrikdan oʻtkaziladi. Inspeksiya xodimi _______________________________________ _______________________________________ __________ _____________________________ (imzo) (F.I.O.) M.Oʻ. Dalolatnoma nusxasini oldim va texnik koʻrikdan oʻtmagan texnikalardan foydalanish taqiqlanishi hamda nosoz texnikadan foydalanish, foydalanishga ruxsat berish MJtKning tegishli moddalari bilan maʼmuriy javobgarlikni keltirib chiqarishi toʻgʻrisida ogohlantirildim: _______________________ ____________________________ (imzo, F.I.O., yuridik shaxs nomi, lavozimi)

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 10-ILOVA

Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtganligi toʻgʻrisidagi talon

Qishloq xoʻjaligi, melioratsiya va yoʻl-qurilish texnikalarini texnik koʻrikdan oʻtganligi toʻgʻrisidagi talon

TAVSIFI

Texnik koʻrikdan oʻtganligi toʻgʻrisidagi talon toʻrtburchak shakldagi, oʻlchamlari 54 x 86 mm boʻlgan, zichligi bir kvadrat metrga 140+/-5 grammli 100% paxtadan olingan och pushti rangli qogʻozdan tayyorlanadi. Qogʻoz qatlami orasiga joylashgan, ultrabinafsha nurda koʻrinadigan koʻk va och yashil rangli tola hamda nurda yaxshi ajralib turadigan “paxta chanogʻi” koʻrinishidagi umumiy “suv belgi”si mavjud.

Ofsetli yozuv, mintaqa kodi, seriyasi — toʻrt harfli, nomeri — olti raqamli.

Blanka quyidagi maxsus himoyaga ega:

kimyoviy taʼsirga bardoshli boʻyoqdan foydalaniladi, yuza qismidagi kataklarda nusxa olishga va skaner qilishga qarshi ingichka chiziqlar mavjud. Bir rangdan boshqa rangga rasm chiziqlari buzilmasdan ohista jilolanishi taʼminlangan. Juda kattalashtirilganda mikromatn koʻrinadi, ultrabinafsha nurda koʻrinmaydigan tasvirlar va oltita raqamli son koʻrinadi. Maxsus qabariq va oʻyiqlar mavjud.

Lotin alifbosidagi davlat tilidagi matndan foydalanilgan.

Old tomonida texnikaning rusumi, davlat roʻyxatidan oʻtkazish raqami belgisi hamda orqa fonida texnik koʻrik oʻtkazilgan yil yashil rangda (har yili oʻzgaradi) koʻrsatiladi.

Talonning orqa tomonida oʻtkazilgan texnik koʻrik natijasi, joriy va navbatdagi texnik koʻrikdan oʻtish sanasi koʻrsatiladi.

Talondagi yozuvlar texnika holatini nazorat qilish inspektori tomonidan amalga oshiriladi hamda uning imzosi va maxsus shtamp bilan tasdiqlanadi.

Qishloq xoʻjaligi, melioratsiya va yoʻl-qurilish texnikalarini majburiy yillik texnik koʻrikdan oʻtkazish boʻyicha xizmatlar koʻrsatishning maʼmuriy reglamentiga 10a-ILOVA

Qishloq xoʻjaligi, melioratsiya va yoʻl-qurilish mashinalarining agregatlari hamda uskunalarini texnik koʻrikdan oʻtganligi toʻgʻrisidagi talon

Qishloq xoʻjaligi, melioratsiya va yoʻl-qurilish mashinalarining agregatlari hamda uskunalarini texnik koʻrikdan oʻtganligi toʻgʻrisidagi talon

TAVSIFI

Texnik koʻrikdan oʻtganligi toʻgʻrisidagi talon toʻrtburchak shakldagi, oʻlchamlari 54 x 86 mm boʻlgan, zichligi bir kvadrat metrga 140+/-5 grammli 100% paxtadan olingan och havo rangli qogʻozdan tayyorlanadi. Qogʻoz qatlami orasiga joylashgan, ultrabinafsha nurda koʻrinadigan koʻk va och yashil rangli tola hamda nurda yaxshi ajralib turadigan “paxta chanogʻi” koʻrinishidagi umumiy “suv belgi”si mavjud.

Ofsetli yozuv, mintaqa kodi, seriyasi — ikki harfli, nomeri — olti raqamli.

Blanka quyidagi maxsus himoyaga ega:

kimyoviy taʼsirga bardoshli boʻyoqdan foydalaniladi, yuza qismidagi kataklarda nusxa olishga va skaner qilishga qarshi ingichka chiziqlar mavjud. Bir rangdan boshqa rangga rasm chiziqlari buzilmasdan ohista jilolanishi taʼminlangan. Juda kattalashtirilganda mikromatn koʻrinadi, ultrabinafsha nurda koʻrinmaydigan tasvirlar va oltita raqamli son koʻrinadi. Maxsus qabariq va oʻyiqlar mavjud.

Lotin alifbosidagi davlat tilidagi matndan foydalanilgan.

Old tomonida texnikaning rusumi, davlat roʻyxatidan oʻtkazish raqami belgisi hamda orqa fonida texnik koʻrik oʻtkazilgan yil pushti rangda (har yili oʻzgaradi) koʻrsatiladi.

Talonning orqa tomonida oʻtkazilgan texnik koʻrik natijasi, joriy va navbatdagi texnik koʻrikdan oʻtish sanasi koʻrsatiladi.

Talondagi yozuvlar texnika holatini nazorat qilish inspektori tomonidan amalga oshiriladi hamda uning imzosi va maxsus shtamp bilan tasdiqlanadi.

Vazirlar Mahkamasining 2023-yil 29-apreldagi 170-son qaroriga 5 1 -ILOVA

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning

1-bob. Umumiy qoidalar

1. Ushbu Maʼmuriy reglament (keyingi oʻrinlarda — Reglament) jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

2. Davlat xizmati Vazirlar Mahkamasi huzuridagi Agrosanoat majmui ustidan nazorat qilish inspeksiyasi yoki uning hududiy boshqarmalari (keyingi oʻrinlarda — vakolatli organ) jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanish istagida boʻlgan tadbirkorlik subyektlari (yuridik shaxslar) rahbari yoki vakilining (keyingi oʻrinlarda — ariza beruvchi) ixtiyoriy murojaatiga asosan bepul koʻrsatiladi.

3. Davlat xizmati ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatini koʻrsatish tartibi

4. Ariza beruvchi davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki davlat xizmatlaridan elektron shaklda foydalanish uchun Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi.

Arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari tushganda, navbatdagi ish kuni arizalarning vakolatli organga tushgan va vakolatli organ tomonidan qabul qilingan kun hisoblanadi.

5. Ariza beruvchi oʻzi kelib murojaat qilgan taqdirda — Davlat xizmatlari markazi xodimi ariza beruvchi nomidan, YIDXP orqali murojaat qilgan taqdirda esa — mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.

Soʻrovnoma toʻldirilganidan soʻng ariza beruvchi maʼlumotlar toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron raqamli imzo, Mobil-ID va boshqalar) bilan tasdiqlaydi.

Ariza beruvchilar YIDXP orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.

6. Soʻrovnomaga quyidagi hujjatlar ilova qilinadi:

tadbirkorlik subyektining ishlab chiqarish-texnik bazasi Texnik jihatdan tartibga solish sohasida nazorat inspeksiyasi tomonidan belgilangan tartibda texnik jihatdan malakaliligi maʼqullashdan oʻtgani toʻgʻrisidagi guvohnomaning nusxasi;

vakilning vakolatini tasdiqlovchi ishonchnoma (vakil orqali murojaat qilinganda).

7. Ariza beruvchi davlat xizmatidan foydalanishdan xizmat koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning soʻrovnomasi koʻrilmasdan qoldiriladi.

8. Ariza beruvchi Davlat xizmatlari markaziga shaxsan kelib murojaat etganda, tegishli soʻrovnoma Davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar oʻn daqiqa mobaynida vakolatli organga elektron shaklda yuboriladi. YIDXP orqali murojaat qilinganda esa, soʻrovnoma avtomatik tarzda vakolatli organga yuboriladi.

9. Vakolatli organ bir ish kunida soʻrovnoma va unga ilova qilingan hujjatlarni oʻrganib chiqib davlat xizmatini rad etadi yoki tadbirkorlik subyekti hisobga olingani haqida ushbu Reglamentga 3-ilovadagi maʼlumotnomani QR-kod (matrik shtrixli kod) bilan rasmiylashtiradi va uni oʻz elektron raqamli imzosi bilan tasdiqlaydi hamda “Texnikalar texnik koʻrigi” avtomatlashtirilgan axborot tizimiga texnik koʻrikdan oʻtkazilgan texnikalar toʻgʻrisidagi maʼlumotlarni joylashtirish uchun login va parolni Davlat xizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali yuboradi.

10. Davlat xizmatlari markazi oʻn daqiqa mobaynida xizmat natijasini ariza beruvchining elektron manziliga yuboradi hamda ariza beruvchini bu haqida axborot-kommunikatsiya tizimi orqali xabardor qiladi. Ariza beruvchining soʻroviga koʻra Davlat xizmatlari markazi xizmat natijasini elektron yoki qogʻoz shaklida taqdim etishi mumkin.

11. Tadbirkorlik subyektlarining ishlab chiqarish-texnik bazasi Texnik jihatdan tartibga solish sohasida nazorat inspeksiyasi tomonidan belgilangan tartibda texnik jihatdan malakaliligi maʼqullashdan oʻtkazilgan, texnikalarni texnik koʻrikdan oʻtkazish uchun zarur texnologik jihozlar bilan taʼminlangan boʻlishi zarur.

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish uchun tadbirkorlik subyektlarining ishlab chiqarish-texnik bazasi:

a) texnik reglament talablariga muvofiq boʻlishi zarur;

b) texnikalarning texnik holatini tekshirishni tashkil etish va oʻtkazish uchun zarur texnologik jihozlar hamda diagnostika vositalariga ega boʻlishi lozim, shu jumladan:

oʻqiga tushadigan maksimal ogʻirlik 13 500 kilogrammgacha boʻlgan texnikalarning tormoz tizimini tekshirish uchun tormoz tizimining texnik diagnostika vositalariga;

pnevmatik va pnevmogidravlik tormoz uzatmalarida siqilgan havo bosimi va germetiklikni (bosim tushishini) nazorat qilish vositalariga;

tirkamalarni ulash moslamasini bosib turish qurilmasiga;

rul boshqaruvidagi umumiy lyuftni oʻlchash uskunasiga;

rul boshqaruvi va osmasi detallaridagi lyuftlarni tekshirish testeriga;

chiroqlar yorugʻligini boshqarish va kuchini nazorat qilish uskunasiga;

shinalarni texnik diagnostika qilish vositalariga;

gaz analizatoriga — ichki yonuv dvigatellariga ega texnikaning ishlab boʻlingan gazlarida ifloslantiruvchi moddalarning mavjudligini aniqlash uskunasiga;

dvigatel aylanish chastotasini va moy haroratini oʻlchash uskunalariga;

shovqinni oʻlchash uskunasiga;

kompressorga;

qinchali manometrga;

zarur kompyuter texnikasiga.

Ayrim texnik diagnostika vositalari xavfsiz foydalanish talablariga muvofiq boʻlishi sharti bilan universal texnik vositalarga almashtirilishi mumkin.

Qoʻllanadigan barcha oʻlchov vositalari tasdiqlangan tipda boʻlishi, qonunchilik hujjatlariga muvofiq tekshiruvdan oʻtgan boʻlishi shart.

12. Texnikalarni texnik koʻrikdan oʻtkazish uchun moʻljallangan ishlab chiqarish-texnik baza joylashtiriladigan xona va maydonlarga oid talablar ushbu Reglamentga 4-ilovaga muvofiq belgilanadi.

13. Quyidagilar davlat xizmatini rad etish uchun asos boʻladi:

ushbu Reglamentning 6-bandida nazarda tutilgan hujjat taqdim etilmaganda;

soʻrovnomada notoʻgʻri yoki buzib koʻrsatilgan maʼlumotlar mavjud boʻlganda;

tadbirkorlik subyektining texnikalari ushbu Reglamentning 11-bandi va 4-ilovada belgilangan talablarga muvofiq boʻlmaganda.

Davlat xizmatini koʻrsatishni boshqa asoslarga, shu jumladan, maqsadga muvofiq emasligi sabablariga koʻra rad etishga yoʻl qoʻyilmaydi.

14. Hisobga olingani haqida maʼlumotlarda oʻzgartirish va qoʻshimchalar yuzaga kelgan taqdirda, ariza beruvchi yetti ish kunidan kechiktirmasdan, ushbu Reglamentning 4-bandida belgilangan tartibda murojaat qilishi shart.

Bunda vakolatli organ soʻrovnomani ushbu Reglamentning 9-bandida belgilangan muddatda koʻrib chiqadi va kiritilgan oʻzgarishlar toʻgʻrisida Davlat xizmatlari markaziga yoki YIDXP orqali murojaat etilganda — ariza beruvchiga xabarnoma yuboradi.

15. Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlari (yuridik shaxslar) quyidagi hollarda hisobdan chiqariladi:

tadbirkorlik subyektlari (yuridik shaxslar) arizasiga asosan;

tadbirkorlik subyektlari (yuridik shaxslar) tugatilganda.

Mazkur bandning ikkinchi xatboshisida koʻrsatilgan holda ariza beruvchi ushbu Reglamentning 4-bandida belgilangan tartibda murojaat qiladi.

Mazkur bandning uchinchi xatboshisida koʻrsatilgan holda tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi tomonidan tadbirkorlik subyektlari boʻlgan yuridik shaxs tugatilgani toʻgʻrisida vakolatli organga kompozit tarzda xabarnoma yuboriladi.

3-bob. Yakunlovchi qoidalar

16. Davlat xizmatlari markazi va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.

17. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazi Reglament talablari bajarilishi boʻyicha davlat organlari va boshqa tashkilotlarning faoliyati ustidan davlat xizmatlarini koʻrsatish davomida, shu jumladan, YIDXP orqali, doimiy nazorat va monitoringni amalga oshiradi.

18. Ariza beruvchilar vakolatli organlar xodimlarining xatti-harakatlari ustidan qonunchilikda belgilangan tartibda shikoyat qilishlari mumkin.

19. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning maʼmuriy reglamentiga 1-ILOVA

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish

Bosqichlar Subyektlar Tadbirlar Bajarish muddatlari 1-bosqich Ariza beruvchilar Davlat xizmatidan foydalanish uchun Davlat xizmatlari markaziga shaxsan kelib yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 1. Markaz xodimi soʻrovnomani toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnomani avtomatik tarzda vakolatli organga yuboradi. 2. Real vaqt rejimida 3-bosqich Agrosanoat majmui ustidan nazorat qilish inspeksiyasi Taqdim etilgan hujjatlarga asosan: 1. Davlat xizmatini rad etadi. 2. Tadbirkorlik subyektini reyestrga kiritadi. 1 ish kunida 4-bosqich 1. Davlat xizmatlari markazi 1. Xizmat natijasini ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi. Ariza beruvchining oʻzi kelib murojaat qilganda, xizmat natijasini elektron yoki qogʻoz shaklida unga taqdim etadi. 1. 10 daqiqa ichida 2. YIDXP 2. Xizmat natijasini ariza beruvchiga elektron tarzda taqdim etadi. 2. Real vaqt rejimida

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning maʼmuriy reglamentiga 2-ILOVA

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha

I. Ariza beruvchi — yuridik shaxs toʻgʻrisida maʼlumot 1. Rasmiy nomi (toʻliq): 2. Joylashgan joyi: 3. STIR: 3. Telefon raqami: 4. Elektron pochta manzili (mavjud boʻlsa): II. Ariza beruvchi vakili toʻgʻrisida maʼlumot 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Telefon raqami: III. Soʻrovnomaga ilova qilinadigan hujjatlar 1. Vakilning vakolatini tasdiqlovchi ishonchnoma; 2. Ishlab chiqarish-texnik bazasi Texnik jihatdan tartibga solish sohasida nazorat inspeksiyasi tomonidan belgilangan tartibda texnik jihatdan malakaliligi maʼqullashdan oʻtgani toʻgʻrisidagi guvohnomaning nusxasi.

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning maʼmuriy reglamentiga 3-ILOVA

Jismoniy shaxslarning 100 ot kuchigacha quvvatga ega boʻlgan texnikalarini texnik koʻrikdan oʻtkazish bilan shugʻullanuvchi tadbirkorlik subyektlarini hisobga olish boʻyicha davlat xizmatini koʻrsatishning maʼmuriy reglamentiga 4-ILOVA

Texnikalarni texnik koʻrikdan oʻtkazish uchun moʻljallangan ishlab chiqarish-texnik baza joylashtiriladigan xona va maydonlarga oid

1-bob. Umumiy qoidalar

1. Ushbu Talablar Inspeksiya diagnostika stansiyasi, texnik xizmat koʻrsatishga ixtisoslashgan tashkilotlarga tegishli boʻlgan ishlab chiqarish-texnik baza, tadbirkorlik subyektlari — yuridik shaxslar tomonidan texnikalarni texnik koʻrikdan oʻtkazish uchun moʻljallangan ishlab chiqarish-texnik baza (keyingi oʻrinlarda — ishlab chiqarish-texnik baza) joylashtiriladigan xona va maydonlarning parametrlariga oid texnik normalarni belgilaydi.

2. Ishlab chiqarish-texnik baza belgilangan tartibda texnik jihatdan malakaliligini maʼqullashdan oʻtkazilgan, texnikalarning texnik holatini texnik jihatidan tartibga solish sohasidagi normativ hujjatlar talablariga muvofiqligini baholashni tashkil etish va oʻtkazish uchun tegishli texnologik, sinov jihozlari va oʻlchash vositalari bilan taʼminlangan boʻlishi zarur.

2-bob. Ishlab chiqarish-texnik bazaning hududiga oid talablar

3. Ishlab chiqarish-texnik bazaning hududida quyidagilarni majburiy joylashtirish imkoniyati nazarda tutilgan boʻlishi kerak:

ishlab chiqarish xonalari;

texnik koʻrikdan oʻtkazilishi kutilayotgan va tugallangan texnikalar uchun maydon;

xona va maydonlarga kirish va oʻtish yoʻllari.

4. Ishlab chiqarish-texnik bazaning hududida texnikalar harakatini tashkil etish uchun quyidagilar mavjud boʻlishi kerak:

sunʼiy yoritish chiroqlari;

qatnov qismi tekis va qattiq qoplamali (asfalt-betonli yoki sement-betonli) boʻlgan kirish yoʻli, maydoni;

perimetri boʻyicha oʻrnatilgan toʻsiq.

5. Ishlab chiqarish-texnik bazaning hududi yoki u joylashgan tashkilotga kirish joyi oldida ishlab chiqarish-texnik bazaning ish rejimi va texnik koʻrikdan oʻtkaziladigan texnikalarning harakatlanish sxemasi koʻrsatilgan axborot stendi oʻrnatilgan boʻlishi kerak.

Ishlab chiqarish-texnik bazaning binosida kengligi 2,0 metrdan va balandligi 0,7 metrdan kam boʻlmagan oʻlchamdagi, davlat tilida “Traktor texnik koʻrigi” yozuvi boʻlgan peshlavha oʻrnatilgan boʻlishi kerak. Yozuv boshqa tillarda takrorlanishi ham mumkin.

6. Ishlab chiqarish-texnik bazaning hududida va unga kirish-chiqish joylarida videokuzatuv kameralari oʻrnatilgan boʻlishi kerak.

7. Ishlab chiqarish-texnik bazaning ishlab chiqarish xonasiga kirish yoʻllari boʻylab texnikalarning harakati quyidagi talablarni hisobga olgan holda tashkil qilinishi zarur:

texnikalarning bir tomonlama harakatini tashkil etish;

texnikalarning xavfsiz harakatlanishi uchun imkoniyat yaratish;

ishlab chiqarish-texnik bazaning hududida texnikalarning ruxsat etilgan harakat yoʻnalishlarini tegishli yoʻl chiziqlari bilan belgilash.

8. Ishlab chiqarish-texnik bazaning hududi ichimlik suvi va ishlab chiqarish suv quvurlari bilan jihozlangan boʻlishi kerak.

9. Ishlab chiqarish-texnik bazaning hududi maydonining yuzasi tekis, unda suv quvurlari va suv oqib ketadigan ariqlar mavjud boʻlishi kerak.

10. Ishlab chiqarish-texnik bazaga kirish hamda uning hududi boʻylab texnikalarning harakatlanishi, barcha mavjud inshootlar, yoʻl belgilari va chiziqlari koʻrsatilgan sxema tashkilot rahbari tomonidan tasdiqlanadi.

Yoʻlning kengligi 4,5 metrdan kam boʻlmasligi kerak.

11. Texnik koʻrikdan oʻtkaziladigan va texnik koʻrikdan oʻtkazilgan texnikalarni joylashtirish uchun maydonlarning oʻlchamlarini aniqlash uchun texnikalarning gabarit oʻlchamlari va texnik koʻrik liniyasining kamida bir soatlik ishlab chiqarish quvvatiga teng boʻlgan miqdordagi texnikalarning texnik koʻrik liniyasi maydonida aynan bir vaqtda boʻlishi eʼtiborga olinishi kerak.

12. Ishlab chiqarish-texnik bazaning ishlab chiqarish xonasiga kirish oldidagi maydon 70 kv.metrdan kam boʻlmasligi kerak.

3-bob. Ishlab chiqarish-texnik bazaning xonalariga oid talablar

13. Ishlab chiqarish-texnik baza tarkibiga quyidagilar kiritilishi kerak:

ishlab chiqarish xonasi;

texnikalar egalarini qabul qilish va ularga xizmat koʻrsatish xonasi;

texnikalarni texnik koʻrikdan oʻtkazish natijalarini rasmiylashtirish xonasi;

sanitariya-gigiyena xonalari.

14. Ishlab chiqarish-texnik bazaning ishlab chiqarish xonalari quyidagilarni inobatga olgan holda tashkil qilinadi:

texnikaning texnik holatini baholashdan oʻtkazish dasturi;

qoʻllanadigan oʻlchash vositalari va sinov jihozlari;

texnikaning texnik holatini baholash va natijalarini rasmiylashtirishning texnologik jarayoni;

yongʻin xavfsizligi va mehnatni muhofaza qilish talablari.

15. Ishlab chiqarish-texnik bazaning ishlab chiqarish xonalarining oʻlchamlari mazkur talablarga ilovaga muvofiq texnik koʻrik liniyalarining texnologik postlari soni va texnikaning gabarit oʻlchamlaridan kelib chiqqan holda aniqlanadi.

16. Ishlab chiqarish-texni bazaning ishlab chiqarish xonalarini rejasi ishlab chiqarishning bino va inshootlarini texnologik loyihalashtirish qoidalari va normalari talablariga muvofiq boʻlishi kerak.

Ishlab chiqarish korpusi xonasining boʻrtib chiqqan qurilish konstruksiyalarigacha boʻlgan balandligi 7,0 metrdan kam boʻlmasligi kerak.

Xonalarning poli tekis, neft mahsulotlari taʼsiriga chidamli boʻlishi kerak.

17. Xonalarda barcha texnologik jarayonlar sanitariya-gigiyena normalariga muvofiq holda xavfsiz va oqilona bajarilishi kerak.

18. Ishlab chiqarish xonalaridagi shovqin va tebranish darajasi sanitariya-gigiyena normalarida belgilangan hamda ruxsat etilgan koʻrsatkichlardan oshmasligi kerak.

19. Xona va ish joylarining tabiiy va sunʼiy yoritilishi ishlarning xavfsiz bajarilishi, odamlar uchun xavfsiz boʻlishi va ularning harakatlanishini taʼminlash uchun yetarli boʻlishi kerak.

Xona va ish joylarining tabiiy va sunʼiy yoritilishi quyidagi talablarga muvofiq boʻlishi lozim:

ish joylarida xonaning poli sathida — kamida 200 lyuks;

ishchi xonalarda (kabinetlarda) poldan 0,8 metr balandlikdagi sathda — kamida 200 lyuks;

koʻrikdan oʻtkazish handagʻida texnikaning tag qismi sathida — kamida 150 lyuks;

avariya holatlarida yoritish ish yuzasini umumiy yoritish uchun belgilangan normaning 5 foizidan kam boʻlmasligi, lekin kamida 2 lyuks boʻlishi kerak.

20. Texnikalarni texnik koʻrikdan oʻtkazish uchun moʻljallangan xonalardagi havo harorati oʻtkaziladigan sinov usullariga oid normativ hujjatlar talablariga muvofiq boʻlishi kerak. Ishlab chiqarish-texnik bazaning binolaridagi havo harorati yilning sovuq davrida — 15°C dan 25°C gacha, issiq davrida — 22°C dan 30°C gacha oraliqda boʻlishi kerak.

21. Texnikalarni korxonaning hududida harakatlanishi tezligi ochiq yoʻllarda — 10 km/s dan, xona ichida — 5 km/s dan ortiq boʻlmasligi kerak.

22. Ishlab chiqarish-texnik bazaning ishlab chiqarish xonalariga kirish joyi peshlavha bilan belgilanadi va sutkaning qorongʻi paytida yoritiladi. Ishlab chiqarish xonalariga kirish (chiqish) yoʻli ishlab chiqarish xonalaridan boshqariladigan yorugʻlik (masalan, svetofor) signalizatsiyasi bilan jihozlanadi.

Kirish darvozasi ustida 3.13. “Cheklangan balandlik”, 3.14. “Cheklangan kenglik” va 3.24. “Yuqori tezlik cheklangan (5 km/s)” yoʻl belgilari joylashtiriladi.

23. Ishlab chiqarish-texnik bazaning xonalarini mijozlar uchun qulay boʻlgan joyida quyidagi maʼlumotlar aks ettirilgan axborot stendi yoki boshqa maxsus qurilmalar oʻrnatiladi:

ishlab chiqarish-texnik bazaning tegishliligi, joylashgan joyi, ish tartibi va rejimi, aloqa telefonlari;

Vazirlar Mahkamasi huzuridagi Agrosanoat majmui ustidan nazorat qilish inspeksiyasining ishonch telefoni raqamlari, taklif va eʼtirozlar kitobi saqlanadigan joy va uni yuritish (saqlash) uchun masʼul boʻlgan shaxsning familiyasi, ismi, otasining ismi;

texnikani texnik koʻrikdan oʻtkazish tartibi, tekshiriladigan (baholanadigan) parametrlar va normativlar, texnik koʻrikdan oʻtkazishning davriyligi va texnikalarning texnik holatini baholash natijalari toʻgʻrisidagi hujjatni berish tartibi;

texnikani texnik koʻrikdan oʻtkazish uchun qonunchilik hujjatlariga muvofiq koʻrsatilishi zarur boʻlgan hujjatlar, texnik koʻrikdan oʻtkazish uchun toʻlov miqdori, zarur jarayonlarni amalga oshirish muddati va boshqa maʼlumotlar.

24. Ishlab chiqarish xonalari elektr xavfsizligi talablarini belgilovchi normativ-huquqiy hujjatlar talablariga muvofiq elektr taʼminoti (yoritish) uchun elektr tarmoqlari, shuningdek, quvvat berish kabellari (diagnostika jihozlarining elektr energiyasi taʼminoti uchun) va taqsimlagich elektroshitlar bilan jihozlanadi.

25. Ishlab chiqarish-texnik bazaning ishlab chiqarish xonalarida ikkitadan kam boʻlmagan evakuatsiya chiqish joylari mavjud boʻlishi nazarda tutiladi. Evakuatsiya chiqish joylarining eshiklari xonadan tashqari tomonga ochiladigan, oʻtish yoʻlagining kengligi 1 metrdan kam boʻlmasligi kerak.

26. Ishlab chiqarish-texnik bazaning yongʻindan himoyasi, yongʻinning oldini olish tizimi va yongʻin xavfsizligi hamda portlash xavfsizligini taʼminlash boʻyicha tashkiliy-texnik tadbirlar qonunchilik hujjatlarida belgilangan talablarga muvofiq boʻlishi kerak.

27. Texnikalar egalarini qabul qilish va ularga xizmat koʻrsatish xonalari hamda texnikalarning texnik holatini baholash natijalari haqidagi hujjatni rasmiylashtirish uchun xonalar ishlab chiqarish-texnika bazasining ishlab chiqarish xonalariga yoki unga yaqin joyda boʻlishi kerak. Ushbu xonalarga kirish joyi tegishli koʻrsatkichlar bilan belgilab qoʻyiladi.

28. Texnikalarning egalarini qabul qilish va ularga xizmat koʻrsatish xonalarining oʻlchamlarini aniqlashda, ularda ishlab chiqarish-texnika bazasining xodimi tomonidan hujjatlarni rasmiylashtirish uchun ish joylari hamda texnikalarni egalarining kutib turish joylari inobatga olinishi kerak.

Texnikalar egalarining kutib turish joylari soni har bir texnik koʻrik liniyasiga beshtadan kam boʻlmasligi kerak.

29. Ishlab chiqarish-texnik bazaning ishlab chiqarish xonalarini sanitariya-gigiyena normalari va qoidalariga muvofiqligi sanitariya-epidemiologiya nazorati organining tegishli xulosasi bilan tasdiqlanadi.

4-bob. Ishlab chiqarish-texnik bazaning ishlab chiqarish xonalarini texnologik rejalashtirishga oid talablar

30. Ishlab chiqarish-texnik bazaning diagnostika jihozlari texnologik loyihalashga oid talablar va normalarga amal qilgan holda oʻrnatilishi kerak.

31. Ishlab chiqarish-texni bazaning ishlab chiqarish xonalari texnikalarning dvigateli ishlab turgan paytda gazlarni chiqarish quvurlaridan chiqayotgan gazlarni tashqariga olib chiqish tizimi bilan jihozlanadi.

32. Ishlab chiqarish-texnik bazaning ishlab chiqarish xonalariga texnikalarning kirishi (chiqishi) uchun texnik koʻrik liniyalarida kengligi 3,0 metrdan va balandligi 4,3 metrdan kam boʻlmagan oʻlchamdagi kirish (chiqish) darvozalari oʻrnatiladi.

33. Texnik koʻrik liniyalarida texnikalarni texnik koʻrikdan oʻtkazish uchun xandaqlardan foydalaniladi. Bunda:

texnik koʻrikdan oʻtkazish xandaqlarining soni texnik koʻrikdan oʻtkazish liniyalari soniga muvofiq boʻlishi;

texnik koʻrikdan oʻtkazish xandaqlarining uzunligi texnik koʻrik liniyasida tekshirilishi rejalashtirilayotgan texnikaning maksimal uzunligi va undan chiqib ketish uchun zaxira yoʻlning mavjudligi hisobga olingan holda boʻlishi;

texnik koʻrikdan oʻtkazish xandaqlari tutunni tortib olish ventilyatsiyasi bilan jihozlangan boʻlishi;

texnik koʻrikdan oʻtkazish xandaqlarining kengligi 0,9 metrdan kam boʻlmasligi;

texnik koʻrikdan oʻtkazish xandaqlarining maksimal kengligi texnik koʻrik liniyasida tekshirilishi rejalashtirilayotgan minimal koleyali texnikaning xandaqdan oʻtish imkoniyati hisobga olingan holda boʻlishi kerak.

5-bob. Yakunlovchi qoidalar

34. Texnikalarning texnik holatini baholashning texnologik jarayoni texnik koʻrik liniyasining rejalashtiriladigan yechimlarini, tekshiriladigan texnikalarning toifasini, bajariladigan ishlarning murakkabligini, qoʻllanadigan jihozlar, oʻlchov vositalari va anjomlarni hisobga olgan holda ishlab chiqiladi.

35. Texnikaning texnik holatini baholash boʻyicha ishlarni bajarishda texnika xavfsizligi va mehnat muhofazasi sohasidagi normativ-huquqiy hujjatlar talablariga amal qilish majburiy hisoblanadi.

36. Texnologik postlarda diagnostika parametrlari, texnika xavfsizligi qoidalari va ishlarning xavfsiz usullari boʻyicha amalda boʻlgan tavsiyalar koʻrsatilgan texnologik xaritalar joylashtiriladi.

37. Ishlab chiqarish-texnik bazada texnik holati baholanadigan toifaga mansub texnikalardan foydalanish boʻyicha normativ-huquqiy hujjatlar, texnik tartibga solish sohasidagi normativ hujjatlar, qoʻllanmalar (yoʻriqnomalar), texnika toʻgʻrisidagi maʼlumotlar va boshqa zarur maʼlumotlar mavjud boʻlishi kerak.

38. Ishlab chiqarish-texnik bazada birinchi tibbiy yordam koʻrsatish uchun zarur boʻladigan dori vositalari va anjomlari jamlangan tibbiyot qutichasi boʻlishi kerak.

Vazirlar Mahkamasining 2023-yil 29-apreldagi 170-son qaroriga 6-ILOVA

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Reglament yuridik shaxslarning traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish, shuningdek, jismoniy shaxslarga (keyingi oʻrinlarda — talabgor) imtihonlarga ruxsat berish, imtihonlar olish, qishloq xoʻjaligi, melioratsiya va yoʻl-qurilish texnikalarini (keyingi oʻrinlarda — texnika) boshqarish huquqini beruvchi traktorchi-mashinist guvohnomasini berish tartibini belgilaydi.

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlariga oliy taʼlim va malaka oshirish muassasalari, professional taʼlim muassasalari hamda taʼlim berish litsenziyasiga ega boʻlgan boshqa nodavlat tashkilotlari (keyingi oʻrinlarda — taʼlim tashkilotlari) kiradi.

2. Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish va oʻquv jarayonlarini nazorat qilish hamda imtihonlarga ruxsat berish, imtihonlar olish, texnikalarni boshqarish huquqini beruvchi traktorchi-mashinist guvohnomasini berish boʻyicha davlat xizmatlari mazkur Reglamentga muvofiq Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda — Inspeksiya) tomonidan amalga oshiriladi.

Traktorchi-mashinist guvohnomasi mazkur Reglamentga 1-ilovaga muvofiq namunaga va tasnifga koʻra Inspeksiya tomonidan tayyorlanadi.

3. Traktorchi-mashinist guvohnomasini berish boʻyicha koʻrsatiladigan davlat xizmatlari “Traktorchi-mashinist” avtomatlashtirilgan axborot tizimi orqali amalga oshiriladi va unga maʼlumotlar tegishliligi boʻyicha taʼlim tashkilotlari hamda Inspeksiya tomonidan kiritiladi.

Inspeksiya quyidagi nazorat funksiyalarini amalga oshiradi:

traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish;

traktorchi-mashinistlikka talabgorlarning oʻquv guruhlaridagi dastlabki va yakuniy elektron hisobini yuritish;

oʻquv guruhlaridagi traktorchi-mashinistlikka talabgorlarning taʼlim jarayonidagi ishtirokini va yakuniy imtihonlarni nazorat qilish, taʼlim sifatini baholab borish, shu jumladan, traktorchi-mashinistlikka talabgorlarni oʻqishga qabul qilish, guruhdan guruhga oʻtkazish, roʻyxatdan chiqarish va oʻqishini tugatganligi toʻgʻrisidagi maʼlumotlarni (sertifikat, guvohnoma va boshqalar) elektron tarzda olish;

texnikalarni boshqarish huquqini berish uchun traktorchi-mashinistlikka talabgorlardan imtihonlarni qabul qilishning elektron navbat tizimini yoʻlga qoʻyish, imtihon topshirayotgan traktorchi-mashinistlikka talabgorlarning shaxsini identifikatsiya qilish hamda ular toʻgʻrisidagi elektron maʼlumotlar bazasini shakllantirish;

nazariy imtihonlarni inson omili aralashuvisiz qabul qilish hamda natijalarni avtomatik tarzda baholash va rasmiylashtirish;

amaliy imtihonlarni maxsus maydonchada imtihon qaysi toifadagi texnikalarni boshqarish huquqini olish uchun topshirilayotgan boʻlsa, oʻsha toifaga mansub boʻlgan texnikalarni boshqarishning amaliy koʻnikmalarini baholash;

traktorchi-mashinist guvohnomasini berish hamda traktorchi-mashinistlar roʻyxatini shakllantirish.

4. Barcha texnikalar turi, vazifasi va boshqarish xususiyatlariga koʻra “A”, “B”, “S”, “D”, “E” va “F” toifalariga boʻlinadi. Ularni boshqarish uchun berilgan traktorchi-mashinist guvohnomasining tegishli katagida ruxsat beruvchi belgi qoʻyiladi.

Traktorchi-mashinist guvohnomasining “A”, “B”, “S”, “D”, “E” va “F” katagida ruxsat beruvchi belgisi boʻlgan shaxslar quyidagi transport vositalarini boshqarish huquqiga ega:

“A” toifa — 30 ot kuchigacha ega boʻlgan gʻildirakli traktorlar;

“B” toifa — 30 ot kuchi va undan yuqori ot kuchiga ega boʻlgan gʻildirakli traktorlar;

“C” toifa — zanjirli traktorlar;

“D” toifa — mexanik transmissiyali qishloq xoʻjaligi texnikalari;

“E” toifa — gidrostatik transmissiyali qishloq xoʻjaligi texnikalari;

“F” toifa — melioratsiya va yoʻl-qurilish texnikalari.

Traktorchi-mashinist guvohnomasi uch toifaga boʻlinadi:

“A”, “B”, “C” va “D” toifasi;

“A”, “B”, “C”, “D” va “E” toifasi;

“A”, “B”, “C”, “D”, “E” va “F” toifasi.

Traktorchi-mashinistlarga toifasiga koʻra, klasslar quyidagi tartibda:

III klass — traktorchi-mashinist guvohnomasiga ega boʻlgan fuqarolarga;

II klass — III klassga va shu yoʻnalishda uch yillik mehnat faoliyatiga ega boʻlgan fuqarolarga;

I klass — II klassga va shu yoʻnalishda uch yillik mehnat faoliyatiga ega boʻlgan fuqarolarga talabgorning yoki ish beruvchining soʻrovnomasiga asosan Inspeksiya tomonidan beriladi.

2-bob. Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish va uni rasmiylashtirish tartibi

5. Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish boʻyicha davlat xizmatlarini koʻrsatish mazkur Reglamentga 2-ilovaga muvofiq sxemaga asosan amalga oshiriladi.

6. Taʼlim tashkilotlari traktorchi-mashinistlarni tayyorlash va qayta tayyorlash boʻyicha oʻz faoliyatini boshlashdan oldin Inspeksiyaga murojaat etadi.

7. Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish uchun yuridik shaxs Inspeksiyaga quyidagi hujjatlarni topshiradi:

yuridik shaxsning arizasi (mazkur Reglamentga 3-ilovadagi namunaga muvofiq);

yuridik shaxsning davlat roʻyxatidan oʻtkazilganligi toʻgʻrisida guvohnoma.

8. Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish boʻyicha ariza 8 ish kunidan kechiktirilmasdan koʻrib chiqiladi.

9. Ariza kelib tushgandan soʻng, traktorchi-mashinistlarni tayyorlash va qayta tayyorlash yoʻnalishidagi taʼlim tashkilotining moddiy-texnika va oʻquv-metodik bazasini koʻrikdan oʻtkazish uchun Inspeksiyaning tuman (shahar) boʻlimlarining buyrugʻiga asosan tekshiruv komissiyasi tuziladi.

Tekshiruv komissiyasi Inspeksiya, davlat va xoʻjalik boshqaruvi organlari hamda nodavlat tashkilotlar vakillaridan iborat tarkibda tuziladi. Inspeksiyaning xodimi komissiya raisi hisoblanadi.

10. Tekshiruv komissiyasi traktorchi-mashinistlarni tayyorlash va qayta tayyorlash yoʻnalishidagi taʼlim tashkilotining moddiy-texnika va oʻquv-metodik bazasini quyidagi talablarga javob berishini koʻrib chiqadi:

kamida 48 kv.m. maydonga ega boʻlgan oʻquv xonalarining mavjudligi, oʻquvchilar uchun zarur sharoitlar yaratilganligi, belgilangan talablarga muvofiq moddiy-texnika jihozlari bilan taʼminlanganligi;

taʼlim tashkilotining ish rejasiga kiritilgan qishloq xoʻjaligi, melioratsiya va yoʻl-qurilish texnikalarini boshqarish boʻyicha amaliy mashgʻulotlarni toʻliq oʻtkazish uchun yonilgʻi-moylash materiallari bilan taʼminlanganligi;

muhandis-pedagoglar, instruktorlar hamda ishlab chiqarish ustalarining maʼlumotga egaligi va bilim darajasining yetarliligi;

traktorchi-mashinistlikka talabgorlarga texnikalarni amaliy boshqarishni oʻrgatish uchun belgilangan talablarga muvofiq jihozlangan maydoncha, dala maydonchasi, texnika yoki undan foydalanish toʻgʻrisida shartnomaning mavjudligi.

Taʼlim tashkilotiga mulk yoki ijara huquqi asosida tegishli boʻlgan oʻquv xonalaridan, ulardagi jihoz va mashq texnikalaridan oʻquv mashgʻulotlari jarayonida foydalaniladi.

11. Tekshiruv komissiyasining taʼlim tashkilotida traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini tashkil etish boʻyicha talablarning bajarilganligini oʻrganish natijalari yuzasidan mazkur Reglamentga 4-ilovaga muvofiq namunada ikki nusxada dalolatnoma tuziladi va Inspeksiya tomonidan tasdiqlanadi. Dalolatnomaning bir nusxasi Inspeksiyada, ikkinchi nusxasi taʼlim tashkilotida saqlanadi.

12. Dalolatnomada tekshiruv komissiyasining taʼlim tashkilotini traktorchi-mashinistlarni tayyorlash va qayta tayyorlash boʻyicha talablarga javob berishi yoki javob bermasligi toʻgʻrisidagi xulosasi koʻrsatib oʻtiladi.

13. Dalolatnomada “javob beradi” deb xulosa berilganda, dalolatnoma tuzilgan kundan boshlab 1 ish kunida taʼlim tashkiloti toʻgʻrisidagi maʼlumotlar Inspeksiyaning “Traktorchi-mashinist” avtomatlashtirilgan axborot tizimiga kiritiladi va ushbu taʼlim tashkiloti traktorchi-mashinistlarni tayyorlash va qayta tayyorlash yoʻnalishidagi taʼlim tashkiloti hisobiga olinadi.

Ushbu taʼlim tashkilotiga “Traktorchi-mashinist” avtomatlashtirilgan axborot tizimiga taʼlim tashkilotining oʻquv guruhlariga qabul qilingan talabgorlar toʻgʻrisidagi maʼlumotlarni kiritish uchun login va parol beriladi.

Taʼlim tashkiloti “Traktorchi-mashinist” avtomatlashtirilgan axborot tizimiga taʼlim tashkilotining nomi, manzili, bank rekvizitlari, ustavni tasdiqlash (roʻyxatdan oʻtkazish) toʻgʻrisidagi guvohnoma raqamini hamda tayyorlanadigan traktorchi-mashinistlar toifalarini kiritadi.

14. Taʼlim tashkiloti oʻquv guruhlaridagi oʻquvchilar soni, nazariy va amaliy mashgʻulotlarni boshlash muddatlarini Inspeksiya bilan kelishgan holda belgilaydi.

15. Oʻquv guruhlaridagi oʻquvchilar roʻyxati va ular toʻgʻrisidagi maʼlumotlar mashgʻulotlar boshlanishidan oldin taʼlim tashkiloti tomonidan “Traktorchi-mashinist” avtomatlashtirilgan axborot tizimiga kiritiladi.

Oʻquv guruhlarida oʻqish jarayoni boshlanganidan bir kun oʻtib taqdim etilgan oʻquvchilar roʻyxati “Traktorchi-mashinist” avtomatlashtirilgan axborot tizimiga kiritilmaydi.

16. Traktorchi-mashinistlarni tayyorlash va qayta tayyorlash oʻquv guruhlarida oʻquvchilar soni 8 kishidan kam boʻlmasligi hamda 25 kishidan oshmasligi kerak.

17. Taʼlim tashkilotining oʻquv guruhlarida oʻqish jarayoni yakunlanganidan soʻng, oʻquvchilarga tegishli toifadagi texnikani boshqarish boʻyicha oʻquv dasturlarini tugatganligi haqidagi guvohnoma berilgan sanadan boshlab 5 ish kuni ichida bu toʻgʻrisidagi maʼlumotlar “Traktorchi-mashinist” avtomatlashtirilgan axborot tizimiga kiritilishi lozim.

18. Inspeksiyada belgilangan tartibda hisobga olingan taʼlim tashkilotlarining oʻquv moddiy-texnika bazasi va faoliyati har yili kamida bir marta, oʻquv guruhlarining oʻquv jarayoni — har oyda kamida bir marta tekshiriladi.

Tekshiruv natijalari boʻyicha dalolatnoma tuzilib, ish faoliyatida kamchiliklarga yoʻl qoʻygan taʼlim tashkilotlari yuzaga kelgan kamchiliklarni bartaraf etmasa, ularga nisbatan qonunchilik hujjatlarida belgilangan tartibda taʼsir choralari qoʻllanilishi toʻgʻrisida ogohlantiriladi.

19. Agar taʼlim tashkiloti tomonidan kamchiliklar belgilangan muddatda bartaraf etilmasa, Inspeksiyada yangi oʻquv guruhlarini roʻyxatdan oʻtkazish toʻxtatiladi.

Ushbu taʼlim tashkilotida traktorchi-mashinistlarni tayyorlash va qayta tayyorlash boʻyicha oʻquv jarayonlarini toʻxtatish yoki uning litsenziyasini bekor qilish boʻyicha Oliy taʼlim, fan va innovatsiyalar vazirligiga taqdimnoma kiritiladi. Shuningdek, mazkur taʼlim tashkilotiga “Traktorchi-mashinist” avtomatlashtirilgan axborot tizimiga kirish toʻxtatiladi.

20. Aniqlangan kamchiliklar toʻliq bartaraf etilganidan soʻng, taʼlim tashkilotiga oʻz faoliyatini qayta yoʻlga qoʻyishiga va yangi oʻquv guruhlarini roʻyxatdan oʻtkazishiga ruxsat etiladi.

21. Inspeksiyada traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlari boʻyicha nazorat-kuzatuv yigʻma jildi yuritiladi.

Unda taʼlim tashkilotining moddiy-texnik bazasi, oʻquv texnikalari roʻyxati, amaliy mashgʻulot oʻtkaziladigan yoʻnalishli xarita nusxasi, oʻquv guruhlarini tekshirish haqidagi maʼlumotlar, tekshirish dalolatnomalari, yil davomida amalga oshirilgan ishlarning tahlili va boshqa maʼlumotlar jamlanadi.

3-bob. Traktorchi-mashinist guvohnomasini olish uchun imtihon topshirishga ruxsat berish boʻyicha davlat xizmatlarini koʻrsatishning tartibi

22. Traktorchi-mashinist guvohnomasini olish uchun imtihon topshirishga ruxsat berish va imtihonni oʻtkazish boʻyicha davlat xizmatlarini koʻrsatish mazkur Reglamentga 5-ilovaga muvofiq sxemaga asosan amalga oshiriladi.

23. Traktorchi-mashinist guvohnomasini olish uchun imtihon topshirishga talabgorning (keyingi oʻrinlarda — talabgor) murojaati uni roʻyxatdan oʻtkazilgan hududidan qatʼi nazar istalgan hududda koʻrib chiqiladi.

24. Talabgor traktorchi-mashinist guvohnomasini olish uchun imtihon topshirish uchun Inspeksiyaga yoki davlat xizmatlari markaziga (keyingi oʻrinlarda — Markaz) kelib murojaat etganda, Inspeksiya yoki Markaz xodimi talabgor nomidan ushbu Reglamentga 6-ilovaga muvofiq shakldagi soʻrovnomani elektron shaklda toʻldiradi.

Talabgor Yagona interaktiv davlat xizmatlari portali (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasi (keyingi oʻrinlarda — Agroportal) orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirilganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

25. Talabgor traktorchi-mashinist guvohnomasini olish uchun imtihon topshirish uchun Markazga kelib murojaat etganda, uning soʻrovnomasi Markaz xodimi tomonidan toʻldirilib, talabgor tomonidan tasdiqlanganidan soʻng, real vaqt rejimida Inspeksiyaga elektron shaklda yuboriladi.

Talabgor YIDXP yoki Agroportal orqali murojaat qilganda, soʻrovnoma avtomatik tarzda Inspeksiyaga elektron shaklda yuboriladi.

26. Talabgor traktorchi-mashinist guvohnomasini olish uchun imtihon topshirishga ruxsat berish uchun Inspeksiyaga quyidagi hujjatlarni taqdim etadi:

soʻrovnoma;

shaxsni tasdiqlovchi hujjat:

Inspeksiya xodimi “Traktorchi-mashinist” avtomatlashtirilgan axborot tizimi orqali talabgorning quyidagi hujjatlarini elektron shaklda oladi:

tegishli toifadagi texnikani boshqarish uchun dasturlar boʻyicha oʻqishni tugatganligi haqidagi guvohnoma;

diplom va oʻquv dasturidagi fanlarni oʻqiganligi toʻgʻrisidagi diplom varaqasidan koʻchirma nusxa;

tibbiy maʼlumotnomasi (083-shakl).

27. Talabgorning shaxsini tasdiqlovchi hujjatlarga quyidagilar kiradi:

Oʻzbekiston Respublikasi fuqarolari uchun — identifikatsiyalovchi ID-kartasi (pasport);

Oʻzbekiston Respublikasi harbiy xizmatchilari uchun — ichki ishlar organlarida roʻyxatdan oʻtkazilganlik toʻgʻrisidagi yoki harbiy qismlarning uy ajratish toʻgʻrisidagi maʼlumotnomasini ilova qilgan holda harbiy qism yoki harbiy muassasalar qoʻmondonligi tomonidan beriladigan shaxsni tasdiqlovchi hujjat yoki harbiy bilet (harbiy xizmatga majbur boʻlgan fuqarolarning harbiy biletlari bundan mustasno);

chet el fuqarolari uchun — Oʻzbekiston Respublikasida yashash guvohnomasi yoki chet el fuqarosining identifikatsiyalovchi ID-kartasi yoki diplomatik pasporti yoxud Oʻzbekiston Respublikasida akkreditatsiyadan oʻtganligini tasdiqlovchi tegishli hujjat;

fuqaroligi boʻlmagan shaxslar uchun — chet el fuqarosi va fuqaroligi boʻlmagan shaxsning identifikatsiyalovchi ID-kartasi, fuqaroligi boʻlmagan shaxslarning ichki ishlar organlarining doimiy yoki vaqtinchalik roʻyxatdan oʻtkazilgan joyi haqidagi belgisi qoʻyilgan Oʻzbekiston Respublikasida yashash guvohnomasi.

28. Traktorchi-mashinist guvohnomasini olish uchun imtihon topshirishga ruxsat berish boʻyicha davlat xizmatlari koʻrsatganlik uchun yigʻimlar ushbu Reglamentga 7-ilovadagi toʻlov stavkalariga muvofiq undiriladi.

Davlat xizmatlarini koʻrsatish uchun YIDXP yoki Agroportal orqali murojaat etilganda, yigʻim summasining 90 foizi undiriladi.

Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga ushbu banddagi toʻlov stavkalarining 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlov stavkalarining 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifadagi oila uchun belgilangan miqdorda qoʻllaniladi.

Davlat xizmatlari koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

28 1 . Traktorchi-mashinist guvohnomasini olish uchun imtihon topshirishga ruxsat berish boʻyicha davlat xizmatlari koʻrsatganlik uchun taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentga 7-ilovadagi toʻlov stavkalarining 50 foizi undiriladi.

29. Traktorchi-mashinist guvohnomasini olish uchun imtihon topshirishga ruxsat berish va imtihonni oʻtkazish boʻyicha davlat xizmatlari koʻrsatganlik uchun undiriladigan yigʻimlar quyidagi tartibda taqsimlanadi:

a) Markazga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlarini koʻrsatganlik uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi — yagona billing tizimi orqali davlat xizmatlari koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

v) Inspeksiyaga oʻzi kelib murojaat etganda:

20 foizi — Respublika budjetiga;

80 foizi — Inspeksiyaning rivojlantirish jamgʻarmasiga oʻtkaziladi;

g) Agroportal orqali murojaat etilganda:

11,75 foizi (shundan 0,5 foizi — “Agrobilling” axborot tizimi orqali davlat xizmatlari koʻrsatilganda) — Oʻzbekiston Respublikasi Qishloq xoʻjaligi vazirligining “Agrosanoatni raqamlashtirish markazi” masʼuliyati cheklangan jamiyatining shaxsiy hisobvaragʻiga;

20 foizi — Oʻzbekiston Respublikasi respublika budjetiga;

qolgan mablagʻlar — Oʻzagroinspeksiyaning rivojlantirish jamgʻarmasiga oʻtkaziladi.

30. Quyidagi hollarda Inspeksiya tomonidan traktorchi-mashinist guvohnomasini olish uchun imtihon topshirishga ruxsat berish rad etiladi:

davlat xizmatlari koʻrsatganlik uchun yigʻimga toʻlovlar amalga oshirilmaganda;

soʻrovnomada notoʻgʻri maʼlumotlar koʻrsatilganda;

mazkur Reglamentning 26-bandida koʻrsatib oʻtilgan hujjatlar soʻrovnoma topshirilganidan soʻng 3 ish kuni ichida toʻliq taqdim etilmaganda.

31. Davlat xizmatlari koʻrsatishni boshqa asoslar boʻyicha rad etish taqiqlanadi.

32. Talabgorga traktorchi-mashinist guvohnomasini olish uchun imtihon topshirishga ruxsat berishni rad etilishiga sabab boʻlgan holatlar bartaraf etilganda, talabgor traktorchi-mashinist guvohnomasini olish uchun imtihon topshirishga ruxsat berish toʻgʻrisida qayta murojaat qilish huquqiga ega, bunda yigʻimlar undirilmaydi.

33. Talabgor traktorchi-mashinist guvohnomasini olish uchun imtihon topshirishga ruxsat berish boʻyicha Markazga kelib murojaat etganda, uning soʻrovnomasi Markaz xodimi tomonidan toʻldirilib, talabgor tomonidan tasdiqlanganidan soʻng real vaqt rejimida Inspeksiyaga elektron shaklda yuboriladi.

YIDXP yoki Agroportal orqali murojaat qilinganda esa, soʻrovnoma avtomatik tarzda Inspeksiyaga elektron shaklda yuboriladi.

34. Inspeksiya taqdim etilgan hujjatlarni koʻrib chiqib, tegishli maʼlumotlar toʻgʻriligini tekshirib, talabgorga traktorchi-mashinist guvohnomasini olish uchun imtihon topshirishga ruxsat beradi yoki rad etadi.

35. Talabgorga traktorchi-mashinist guvohnomasini olish uchun imtihon topshirishga ruxsat berish 1 ish kunidan kechiktirilmasdan koʻrib chiqiladi.

36. Taqdim etilgan hujjatlar koʻrib chiqilganidan soʻng talabgor Inspeksiya xodimi tomonidan imtihon topshiruvchilar roʻyxatiga kiritiladi hamda nazariy imtihonni oʻtkazish sanasi va vaqti haqida talabgorning elektron pochta manziliga yoki uning telefon raqamiga xabarnoma yuboriladi.

37. Talabgor uzrli sabab bilan (betobligi tufayli yoki yaqin qarindoshi vafot etganda) belgilangan vaqtda imtihonga kelmay qolgan hollarda, uning yana bir bor imtihon topshirish imkoniyati saqlanib qoladi.

38. “A”, “B”, “S”, “D”, “E” va “F” toifalaridagi texnikalarni boshqarish boʻyicha oʻquv jarayoni muddati yakunida 18 yoshga toʻlgan shaxslarga imtihon topshirishga ruxsat etiladi.

39. “A”, “B”, “S” va “D” toifalaridagi texnikalarni boshqarish huquqini beruvchi traktorchi-mashinist guvohnomasini olish uchun 280 soatdan kam boʻlmagan nazariy va amaliy oʻquv dasturi asosida taʼlim tashkilotini bitirgan va taʼlim tashkiloti tomonidan beriladigan (sertifikat, guvohnoma va boshqalar) hujjatga ega boʻlgan fuqarolarga imtihon topshirishga ruxsat etiladi.

“A”, “B”, “S” va “D” toifalaridagi texnikalarni boshqarish huquqiga ega boʻlgan fuqarolarga:

“E” toifasi uchun — 86 soat;

“E va “F” toifalari uchun — 152 soatli oʻquv dasturi asosida taʼlim olganidan soʻng imtihon topshirishiga ruxsat etiladi.

Shuningdek:

“A”, “B”, “S”, “D” va “E” toifalari uchun — 360 soat;

“A”, “B”, “S”, “D”, “E” va “F” toifalari uchun — 440 soatdan kam boʻlmagan nazariy va amaliy oʻquv dasturi asosida taʼlim tashkiloti tomonidan beriladigan (sertifikat, guvohnoma va boshqalar) hujjatga ega boʻlgan fuqarolarga imtihon topshirishiga ruxsat etiladi.

Mashgʻulotlarni tashkil etish shaklidan qatʼi nazar, traktorchi-mashinistlarni tayyorlash va qayta tayyorlash kurslarida umumiy oʻquv yuklamasining hajmi haftasiga 20 soatgacha, oʻquv yuklamasining bajarilishidan kelib chiqqan holda auditoriyada oʻtkaziladigan nazariy va amaliy mashgʻulotlarning kundalik hajmi 4 soatgacha rejalashtiriladi.

Auditoriya mashgʻulotlarining barcha turlari uchun 80 daqiqa davom etadigan dars juftligi belgilanadi.

Texnikalarni boshqarishni oʻrgatish uchun ajratilgan amaliy mashgʻulotlarning kundalik hajmi har bir instruktor uchun 8 soatdan ortiq boʻlmagan holda belgilanadi.

40. Traktorchi-mashinist guvohnomasini olish uchun imtihonlar “Traktorchi-mashinist” avtomatlashtirilgan axborot tizimida avval nazariy, undan soʻng amaliy ketma-ketlikda oʻtkaziladi.

Nazariy imtihonda traktorchi-mashinistlikka talabgorning yoʻl harakati qoidalari, texnikalar xavfsizligi qoidalari va oʻquv dasturida nazarda tutilgan boshqa fanlar boʻyicha bilimlari, amaliy imtihonda esa texnikani boshqarish koʻnikmalari sinovdan oʻtkaziladi va baholanadi.

Imtihonlar jarayonida talabgorlarning avval nazariy bilimlari, keyin amaliy bilimlari tekshiriladi.

Nazariy imtihondan oʻtmagan shaxslar amaliy imtihonlarga qoʻyilmaydi.

41. Nazariy imtihon “Traktorchi-mashinist” avtomatlashtirilgan axborot tizimida test shaklida oʻtkaziladi.

Nazariy imtihon 15 ta elektron test savollaridan tuzilgan, har bir savolga 3 — 5 ta javob variantlari keltirilgan va javoblardan 1 tasi toʻgʻri boʻlishi kerak.

Imtihon savollariga javob berish (toʻgʻri javob variantini tanlash) uchun traktorchi-mashinistlikka talabgorga 15 daqiqa vaqt beriladi. Imtihon xronometraji “Traktorchi-mashinist” avtomatlashtirilgan axborot tizimi orqali yuritiladi, ushbu vaqt tugagach imtihon avtomatik tarzda toʻxtatiladi.

Nazariy imtihon natijalari “Traktorchi-mashinist” avtomatlashtirilgan axborot tizimi tomonidan avtomatik tarzda baholanadi. Bunda traktorchi-mashinistlikka talabgor imtihon uchun ajratilgan vaqtda imtihon savollarining:

12 ta va undan koʻpiga toʻgʻri javob bersa — “topshirdi”;

12 tadan kamiga toʻgʻri javob bersa — “topshirmadi” yakuniy bahosi qoʻyiladi.

Imtihonni topshirish jarayonida traktorchi-mashinistlikka talabgorga adabiyotlar, mobil aloqa, texnik yoki boshqa axborot vositalaridan foydalanishga, imtihon oʻtkazish jarayoniga daxldor boʻlmagan shaxslarning traktorchi-mashinistlikka talabgor bilan muloqotga kirishishga ruxsat etilmaydi.

42. Nazariy imtihondan oʻtgan talabgorga amaliy imtihonni topshirishga ruxsat etiladi.

43. Nazariy imtihonlarda olingan ijobiy baho ikki oy davomida haqiqiy hisoblanadi.

Agar talabgor ushbu muddat ichida amaliy imtihonni topshiramasa (topshira olmasa), u nazariy imtihonni qayta topshirishga yuboriladi.

44. Barcha toifadagi texnikalarni boshqarish huquqini berish uchun amaliy imtihonlar Inspeksiyaning markaziy apparati, hududiy boshqarmalari va tuman (Quvasoy shahar) boʻlimlari boshligʻining buyrugʻiga asosan tuziladigan imtihon komissiyasi tomonidan qabul qilinadi.

Imtihon komissiyasi tarkibi kamida uch kishidan iborat boʻladi, komissiya tarkibiga Inspeksiya, davlat va xoʻjalik boshqaruvi organlari hamda boshqa nodavlat tashkilotlarning vakillari kiritilishi mumkin. Inspeksiya xodimi komissiya raisi hisoblanadi.

Imtihon komissiyasi aʼzolari yoʻl harakati, texnika xavfsizligi qoidalari va imtihon olish usulini bilishi, boshqarilishi tekshirilayotgan toifadagi texnikaga oid bilimlarga ega boʻlishi shart.

45. Amaliy imtihonda talabgor qaysi toifadagi texnikani boshqarish huquqini beruvchi guvohnomani olish xohishini bildirgan boʻlsa, uning faqat shu toifadagi texnikani boshqarishi boʻyicha malakasi tekshiriladi.

46. Yoʻl harakati, texnika xavfsizligi qoidalari va amaliy boshqarish boʻyicha talabgorning natijalari mazkur Reglamentga 8-ilovaga muvofiq toʻldiriladigan traktorchi-mashinistlarga guvohnomalarni berish boʻyicha imtihon natijalari toʻgʻrisidagi imtihon varaqasiga yoziladi hamda imtihon komissiyasining bayonnomasi bilan rasmiylashtiriladi. Bayonnoma imtihonda ishtirok etgan komissiya aʼzolari tomonidan imzolanadi.

47. Traktorchi-mashinistlarni texnikani boshqarish huquqidan mahrum qilish toʻgʻrisidagi qaror qonunchilikda belgilangan tartibda qabul qilinadi. Texnikani boshqarish huquqidan mahrum qilingan fuqarolar, traktorchi-mashinist guvohnomasini olish uchun, mahrum qilish muddatidan qatʼi nazar, majburiy tibbiy koʻrikdan oʻtishlari hamda nazariy va amaliy imtihon topshirishlari lozim.

48. Chet el fuqarolariga traktorchi-mashinist guvohnomasini berish tartibi ushbu Reglamentda nazarda tutilgan umumiy qoidalar asosida amalga oshiriladi.

Oʻzbekiston Respublikasi fuqarolariga respublika hududida texnikalarni boshqarish uchun faqat Oʻzbekiston Respublikasining traktorchi-mashinist guvohnomasi haqiqiy hisoblanadi.

Chet elning traktorchi-mashinist guvohnomasiga ega boʻlgan Oʻzbekiston Respublikasi fuqarolari koʻrsatilgan toʻlov stavkalarida yigʻimlarni toʻlagandan keyin ularga belgilangan tartibda Oʻzbekiston Respublikasining traktorchi-mashinist guvohnomasi beriladi.

49. Imtihonlarni qabul qilish va “A”, “B”, “S”, “D”, “E” va “F” toifalaridagi texnikalarni boshqarish huquqini beruvchi traktorchi-mashinist guvohnomasini berish Inspeksiya tomonidan amalga oshiriladi.

50. Texnikani boshqarish huquqidan mahrum qilish muddati tugaganidan keyin traktorchi-mashinist guvohnomasi nazariy va amaliy imtihon topshirish orqali qayta beriladi.

4-bob. Traktorchi-mashinist guvohnomasini rasmiylashtirish

51. Traktorchi-mashinist guvohnomasini berish boʻyicha nazariy va amaliy imtihonlardan oʻtgan talabgorlarga traktorchi-mashinist guvohnomasi beriladi.

“Traktorchi-mashinist” avtomatlashtirilgan axborot tizimi orqali traktorchi-mashinist guvohnomasining seriyasi va tartib raqami elektron holda shakllantiriladi va imtihon varaqasida qayd etiladi.

Traktorchi-mashinist guvohnomasidagi maʼlumotlar “Traktorchi-mashinist” avtomatlashtirilgan axborot tizimi yordamida tayyorlanadi.

Traktorchi-mashinist guvohnomasini berish boʻyicha davlat xizmatlari koʻrsatganlik uchun yigʻimlar ushbu Reglamentga 7-ilovadagi toʻlov stavkalariga muvofiq amalga oshiriladi.

52. Talabgorga traktorchi-mashinist guvohnomasini berishning asosliligi va hujjatlarning toʻgʻri toʻldirilganligi Inspeksiya xodimi tomonidan tekshiriladi.

“Traktorchi-mashinist” avtomatlashtirilgan axborot tizimida traktorchi-mashinistlar toʻgʻrisidagi maʼlumotlar elektron shaklda yuritiladi.

53. Traktorchi-mashinist guvohnomasida boshqarishga ruxsat etilgan texnikalar toifasi qayd qilinadi.

54. Traktorchi-mashinist guvohnomasi fuqaro shaxsini tasdiqlovchi hujjatni koʻrsatgan holda traktorchi-mashinist guvohnomasini olganidan va qayd etish kitobiga shaxsan imzo qoʻyganidan soʻng beriladi.

Traktorchi-mashinist guvohnomasi ishonchnoma boʻyicha berilmaydi.

Taʼlim tashkilotlarini tugatgan fuqarolarga traktorchi-mashinist guvohnomasi Inspeksiya tomonidan imtihon oʻtkazish yakunlari boʻyicha berilishi mumkin.

5-bob. Traktorchi-mashinist guvohnomasini almashtirish va yoʻqolgani oʻrniga yangisini berish tartibi

55. Jismoniy shaxslarga traktorchi-mashinist guvohnomasini almashtirish va yoʻqolgani oʻrniga yangisini berish boʻyicha davlat xizmatlarini koʻrsatish mazkur Reglamentga 5-ilovaga muvofiq sxemaga asosan amalga oshiriladi.

56. Jismoniy shaxs traktorchi-mashinist guvohnomasini almashtirish yoki yoʻqolgani oʻrniga yangisini berish boʻyicha Inspeksiyaga yoki Markazga kelib murojaat etganda, Inspeksiya yoki Markaz xodimi jismoniy shaxs nomidan ushbu Reglamentga 6-ilovaga muvofiq shakldagi soʻrovnomani elektron shaklda toʻldiradi.

Jismoniy shaxs YIDXP yoki Agroportal orqali murojaat qilganda, soʻrovnoma avtomatik tarzda Inspeksiyaga elektron shaklda yuboriladi.

Jismoniy shaxs YIDXP yoki Agroportal orqali davlat xizmatlaridan foydalanganda, soʻrovnomani elektron raqamli imzo bilan tasdiqlash talab etilmaydi.

Mobil-ID tizimi orqali soʻrovnoma toʻldirganda foydalanuvchining telefon raqamiga yuborilgan xabarni tasdiqlash orqali identifikatsiyalanadi.

57. Jismoniy shaxs traktorchi-mashinist guvohnomasini almashtirish yoki yoʻqolgani oʻrniga yangisini berish boʻyicha Markazga kelib murojaat etganda, uning soʻrovnomasi Markaz xodimi tomonidan toʻldirilib, jismoniy shaxs tomonidan tasdiqlanganidan soʻng real vaqt rejimida Inspeksiyaga elektron shaklda yuboriladi.

58. Jismoniy shaxs traktorchi-mashinist guvohnomasini almashtirish yoki yoʻqolgani oʻrniga yangisini olish uchun Inspeksiyaga quyidagi hujjatlarni taqdim etadi:

a) traktorchi-mashinist guvohnomasini almashtirish uchun:

soʻrovnoma;

eski namunadagi yoki shikastlangan yoxud yaroqsiz holga kelgan traktorchi-mashinist guvohnomasi;

b) traktorchi-mashinist guvohnomasi yoʻqolganda yangisini berish uchun:

soʻrovnoma;

shaxsni tasdiqlovchi hujjat.

59. Jismoniy shaxsning shaxsini tasdiqlovchi hujjatlarga 36-bandda nazarda tutilgan hujjatlar kiradi.

60. Traktorchi-mashinist guvohnomasi yoʻqolganda yangisini olish uchun murojaat etilganda Inspeksiya xodimi “Traktorchi-mashinist” avtomatlashtirilgan axborot tizimi orqali jismoniy shaxs toʻgʻrisidagi maʼlumotlarni elektron shaklda oladi.

61. Traktorchi-mashinist guvohnomasini almashtirish va yoʻqolgani oʻrniga yangisini berish boʻyicha davlat xizmatlari koʻrsatganlik uchun yigʻimlar ushbu Reglamentga 7-ilovadagi toʻlov stavkalariga muvofiq amalga oshiriladi.

Davlat xizmatlarini koʻrsatish uchun YIDXP yoki Agroportal orqali murojaat etilganda, yigʻim summasining 90 foizi undiriladi.

Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga ushbu banddagi toʻlov stavkalarining 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlov stavkalarining 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

Davlat xizmatlari koʻrsatganlik uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

61 1 . Traktorchi-mashinist guvohnomasini almashtirish va yoʻqolgani oʻrniga yangisini berish boʻyicha davlat xizmatlari koʻrsatganlik uchun taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentga 7-ilovadagi toʻlov stavkalarining 50 foizi undiriladi.

62. Traktorchi-mashinist guvohnomasini almashtirish va yoʻqolgani oʻrniga yangisini berish boʻyicha davlat xizmatlari koʻrsatganlik uchun undiriladigan yigʻimlar quyidagi tartibda taqsimlanadi:

a) Markazga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlarini koʻrsatganlik uchun Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi — yagona billing tizimi orqali davlat xizmatlari koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

20 foizi — Respublika budjetiga;

qolgan mablagʻlar — Inspeksiyaning rivojlantirish jamgʻarmasiga oʻtkaziladi;

v) Inspeksiyaga oʻzi kelib murojaat etganda:

20 foizi — Respublika budjetiga;

80 foizi — Inspeksiyaning rivojlantirish jamgʻarmasiga oʻtkaziladi;

g) Agroportal orqali murojaat etilganda:

11,75 foizi (shundan 0,5 foizi — “Agrobilling” axborot tizimi orqali davlat xizmatlari koʻrsatilganda) — Oʻzbekiston Respublikasi Qishloq xoʻjaligi vazirligining “Agrosanoatni raqamlashtirish markazi” masʼuliyati cheklangan jamiyatining shaxsiy hisobvaragʻiga;

20 foizi — Oʻzbekiston Respublikasi respublika budjetiga;

qolgan mablagʻlar — Oʻzagroinspeksiyaning rivojlantirish jamgʻarmasiga oʻtkaziladi.

63. Traktorchi-mashinist guvohnomasini almashtirish va yoʻqolgani oʻrniga yangisini berish boʻyicha davlat xizmatlari koʻrsatish uchun yigʻimning amalga oshirilmaganligi xizmatlar koʻrsatishni rad etishga asos hisoblanadi.

Shuningdek, Inspeksiya tomonidan quyidagi hollarda traktorchi-mashinist guvohnomasini almashtirish va yoʻqolgani oʻrniga yangisini berish boʻyicha soʻrovnoma rad etiladi:

soʻrovnomada notoʻgʻri maʼlumotlar koʻrsatilganda;

jismoniy shaxs tomonidan traktorchi-mashinist guvohnomasini almashtirish va yoʻqolgani oʻrniga yangisini berish boʻyicha hujjatlar 3 ish kuni ichida toʻliq taqdim etilmaganda.

Davlat xizmatlarini koʻrsatishni boshqa asoslar boʻyicha rad etish taqiqlanadi.

64. Jismoniy shaxs traktorchi-mashinist guvohnomasini almashtirish yoki yoʻqolgani oʻrniga yangisini berishga rad etish asoslarini bartaraf etib, qayta murojaat qilishga haqli. Bunday holda yigʻimlar undirilmaydi.

65. Traktorchi-mashinist guvohnomasini almashtirish yoki yoʻqolgani oʻrniga yangisini berish toʻgʻrisidagi murojaat texnikaning roʻyxatdan oʻtkazilgan hududidan qatʼi nazar, istalgan hududda koʻrib chiqilishi mumkin.

66. Inspeksiya taqdim etilgan hujjatlarni koʻrib chiqib, traktorchi-mashinist guvohnomasini almashtirish yoki yoʻqolgani oʻrniga yangisini berishga ruxsat beradi yoki rad etadi.

67. Traktorchi-mashinist guvohnomasini almashtirish yoki yoʻqolgani oʻrniga yangisini berish 1 ish kunidan kechiktirilmasdan koʻrib chiqiladi.

68. Taqdim etilgan hujjatlar koʻrib chiqilgandan soʻng, traktorchi-mashinist guvohnomasini almashtirish yoki yoʻqolgani oʻrniga yangisini berish boʻyicha jismoniy shaxsning maʼlumotlari “Traktorchi-mashinist” avtomatlashtirilgan axborot tizimiga joylashtiriladi, jismoniy shaxsning telefon raqamiga, shuningdek, Davlat xizmatlari markaziga yoki YIDXP yoki Agroportal orqali traktorchi-mashinist guvohnomasini almashtirilishi yoki yoʻqolgani oʻrniga yangisini berilishi haqidagi xabarnoma yuboriladi.

Jismoniy shaxs Inspeksiyaga kelib “Traktorchi-mashinist” avtomatlashtirilgan axborot tizimida suratga tushadi va elektron imzo qoʻygandan soʻng unga “Traktorchi-mashinist” avtomatlashtirilgan axborot tizimi orqali tayyorlangan traktorchi-mashinist guvohnomasini qayd etish kitobiga imzo qoʻygan holda oladi.

69. Bir necha toifadagi texnikalarni boshqarish huquqiga ega boʻlgan jismoniy shaxs traktorchi-mashinist guvohnomasini almashtirishda oʻz xohishiga koʻra mavjud toifadan birortasini ham olishi mumkin.

70. Traktorchi-mashinist guvohnomasi almashtirilganda, yangi berilayotgan guvohnomaning “Alohida belgilar uchun” nomli katagiga eski guvohnomaning seriyasi va raqami hamda berilgan kuni yozib qoʻyiladi.

71. Yoʻqolgan (oʻgʻirlangan, yongʻin, tabiiy ofat oqibatida va boshqa holatlarda) traktorchi-mashinist guvohnomasining yangisi 58-bandning “b” kichik bandiga asosan beriladi.

72. Yoʻqolgan traktorchi-mashinist guvohnomasi topilgan taqdirda, u haqiqiy emas deb hisoblanadi va Inspeksiyaga topshiriladi hamda belgilangan tartibda yoʻq qilinadi.

73. Yangi namunadagi traktorchi-mashinist guvohnomasini olish uchun eski namunadagi traktorchi-mashinist guvohnomasi qaytarib olinadi va belgilangan toʻlov stavkasida yigʻimlar toʻlangandan keyin yangi namunadagi traktorchi-mashinist guvohnomasi beriladi.

74. Traktorchi-mashinistlarga yuqori klass berish boʻyicha imtihon topshirishga ruxsat berish va traktorchi-mashinist guvohnomasini almashtirish boʻyicha yigʻimlar ushbu Reglamentga 7-ilovadagi toʻlov stavkalariga muvofiq amalga oshiriladi.

Yuqori klass berilayotgan traktorchi-mashinistlarning traktorchi-mashinist guvohnomasi yangisiga almashtirilib, uning alohida belgilar joyiga klass qayd etiladi.

6-bob. Yakunlovchi qoidalar

75. Traktorchi-mashinist guvohnomasini berish uchun asos boʻladigan hujjatlar (soʻrovnoma, imtihon varaqasi, eski traktorchi-mashinist guvohnomasi va boshqalar) hamda oʻquv guruhlaridagi oʻquvchilarning roʻyxati alohida ish hujjatlari sifatida yigʻma jildga tikiladi va belgilangan tartibda ikki yil mobaynida saqlanadi.

76. Inspeksiyada imtihon komissiyasining bayonnomalari — 3 yil, traktorchi-mashinist guvohnomasini berish kitobi — 25 yil saqlanadi, belgilangan muddat oʻtgandan keyin hujjatlar davlat arxiviga topshiriladi.

77. Traktorchi-mashinistlarni tayyorlash va qayta tayyorlash, ulardan imtihon olish, traktorchi-mashinist guvohnomalarini berish bilan bogʻliq boʻlgan barcha ish yuritish hujjatlari belgilangan tartibda Inspeksiya tomonidan olib boriladi.

78. Namunaviy oʻquv dasturlari Inspeksiya hamda Oliy taʼlim, fan va innovatsiyalar vazirligi tomonidan ishlab chiqiladi va tasdiqlanadi.

79. Yangi namunadagi traktorchi-mashinist guvohnomasi 10 yil muddatga beriladi.

80. Talabgor tomonidan taqdim qilingan hujjatlar ularni oʻrganishdan yoki imtihonga kirishdan, shuningdek, traktorchi-mashinist guvohnomasini almashtirish yoxud yoʻqolgani oʻrniga yangisini berishdan avval ularning asli bilan taqqoslanishi shart.

81. Traktorchi-mashinist guvohnomasini berish boʻyicha arizalar 1 ish kunida koʻrib chiqiladi. Alohida qoʻshimcha maʼlumot yoki maʼlumotlarni aniqlashtirilishi lozim boʻlgan holatlarda — arizalar 10 ish kunida koʻrib chiqiladi.

82. Ushbu Reglament talablarining buzilishi, traktorchi-mashinist guvohnomasining qalbakilashtirilishi, traktorchi-mashinist guvohnomasiga ega boʻlmagan shaxslar tomonidan texnikalarning boshqarilishi hamda boshqarishga ruxsat etilishi belgilangan tartibda javobgarlikka tortishga sabab boʻladi.

83. Inspeksiya, Markaz va davlat xizmatlarini koʻrsatishda ishtirok etuvchi boshqa tashkilotlar manfaatdor shaxsga maʼmuriy hujjatni qabul qilish uchun ahamiyatga ega boʻlgan barcha holatlar yuzasidan oʻz fikrini bildirish imkoniyatini beradi.

84. Talabgorlar davlat xizmatlarini koʻrsatuvchi va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

85. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 1-ILOVA

Traktorchi-mashinist guvohnomasining

Traktorchi-mashinist guvohnomasining

TASNIFI

Traktorchi-mashinist guvohnomasi xalqaro standartlar asosida 54 x 86 mm oʻlchamdagi plastikdan tayyorlanadi. Guvohnomaning rangi — ochiq kulrang yashil. Lotin yozuvidagi davlat tilidan foydalaniladi. Seriyali raqami — toʻrt harfli (UZ-TM), nomeri — olti raqamli.

Traktorchi-mashinist guvohnomasida jismoniy shaxsning shaxsiy identifikatsiya raqami (JSHSHIR) va qurilmalar oʻrtasida maʼlumotlarni bevosita aloqasiz amalga oshirish imkonini beruvchi maxsus elektron belgi (NFC smart-karta) boʻladi.

Traktorchi-mashinist guvohnomasining plastik shakli quyidagi himoya vositalariga ega:

Oʻzbekiston Respublikasi Davlat gerbi tasviri shaklidagi gologramma, u nishablikning turlicha burchagida oʻz shaklini oʻzgartiradi;

mikromatn — “TRAKTORCNI-MASNINIST GUVONNOMASI”, “Udostovereniye traktorista-mashinista”, “Driving licence”, oʻlchami — maksimum 30 mikron;

ultrabinafsha qoplama;

“UZ” yozuvi, egilganda bir rangdan boshqa rangga tovlanadigan optik turlanadigan boʻyoq;

gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;

traktorchi-mashinist guvohnomasi plastik shaklining seriyali raqamining lazer oʻyma naqshi.

Traktorchi-mashinist guvohnomasining old tomonida “TRAKTORCNI-MASNINIST GUVONNOMASI”, “Udostovereniye traktorista-mashinista”, “Driving licence” soʻzlari yoziladi, shuningdek, Oʻzbekiston Respublikasi Davlat bayrogʻining tasviri tushirilgan, “Oʻzbekiston” nomi davlat tilida, rus va ingliz tillarida yozilgan, familiyasi, ismi, otasining ismi, tugʻilgan joyi va sanasi, berilgan sanasi, amal qilish muddati, berilgan joyi, jismoniy shaxsning identifikatsiya raqami, guvohnoma raqami, yashash joyi, toifalari toʻgʻrisidagi maʼlumotlar majburiy tartibda koʻrsatiladi, fotosurat uchun joy nazarda tutilgan.

Orqa tomonida berilgan sanasi va muddati majburiy tartibda koʻrsatiladi.

1 — 12-bandlardagi maʼlumotlar qayd etiladi.

Alohida belgilar uchun joy nazarda tutilgan.

A, B, C, D, E, va F toifalarini boshqarish uchun traktorchi-mashinist guvohnomasining haqiqiyligi tegishli piktogrammalar bilan ifodalangan.

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 2-ILOVA

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish

Bosqichlar Subyektlar Tadbirlar Bajarish muddatlari 1-bosqich Taʼlim tashkilotlari (oliy taʼlim va malaka oshirish muassasalari, professional taʼlim muassasalari hamda taʼlim berish litsenziyasiga ega boʻlgan boshqa nodavlat tashkilotlar) Traktorchi-mashinistlarni tayyorlash yoki qayta tayyorlash yoʻnalishida taʼlim jarayonini tashkil qilish uchun Vazirlar Mahkamasi huzuridagi Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) ariza bilan murojaat qiladi. Xohishiga koʻra 2-bosqich Inspeksiya Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarining moddiy-texnika va oʻquv-metodik bazasini koʻrikdan oʻtkazish uchun tekshiruv komissiyasini tuzadi hamda oʻzining buyrugʻi bilan tasdiqlaydi. Murojaat kelib tushgandan keyin 2 ish kuni mobaynida 3-bosqich Inspeksiya Taʼlim tashkilotining moddiy-texnik va oʻquv-metodik bazasini ushbu Reglamentning 10-bandi talablariga asosan koʻrikdan oʻtkazadi. Murojaat kelib tushgandan keyin 3 ish kunidan 4-bosqich Inspeksiya 1. Taʼlim tashkilotining belgilangan talablarga muvofiqligini oʻrganib chiqish yakunlari boʻyicha mazkur Reglamentga 4-ilovaga muvofiq namunadagi dalolatnomani ikki nusxada tuzadi. 2. Dalolatnomada taʼlim tashkilotiga belgilangan talablarga “javob beradi” deb xulosa berilganda, ushbu taʼlim tashkiloti toʻgʻrisidagi maʼlumotlarni “Traktorchi-mashinist” avtomatlashtirilgan axborot tizimiga kiritadi hamda traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarni hisobga oladi. Murojaat kelib tushgandan keyin 8 ish kunida

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 3-ILOVA

__________________ (sana) _______________ (raqam) Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish boʻyicha davlat xizmatlarini koʻrsatish yuzasidan ARIZA I. Talabgor — yuridik shaxs toʻgʻrisida maʼlumot: 1. Tashkilot nomi 2. Yuridik manzili 3. STIR raqami 4. Telefon raqami II. Tadbirkorlik subyektining davlat roʻyxatidan oʻtkazilganligi toʻgʻrisida guvohnoma: 1. Sanasi (kun, oy, yil) 2. Roʻyxatga olingan son Yuridik shaxs vakili: 1. F.I.O. 2. Pasport (identifikatsiyalovchi ID-karta) maʼlumotlari (seriyasi, raqami) 3. Imzo

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 4-ILOVA

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini tashkil etish boʻyicha talablarning bajarilganligini oʻrganish natijalari yuzasidan DALOLATNOMA 20___ yil “___”____________ ____________ Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotining nomi, manzili, mulk shakli:__________________________________________________________________________________ ________________________________________________________________________________________ ________________________________________________________________________________________ T/r Talablar Talabga javob berishi ( beradi, bermaydi) Mulk shakli (oʻz mulki yoki ijara) 1. Binoning holati 2. Oʻquv xonasining oʻlchami (kamida 48 kv.m) 3. Oʻquv xonasining isitilishi 4. Oʻquv xonasining sovutilishi 5. Moddiy-texnik bazasi 6. Oʻquv anjomlari va qurollari 7. Oʻquv rejalari 8. Muhandis-pedagoglar, instruktorlar hamda ishlab chiqarish ustalarining maʼlumoti va bilim darajasi 9. Amaliy mashgʻulotlar uchun texnika va boshqa sharoitlar 10. Amaliy mashgʻulotlar uchun maydon 11. Amaliy mashgʻulotlar uchun yoqilgʻi-moylash materiallarining holati 12. Boshqa sharoitlar Taʼlim tashkiloti traktorchi-mashinistlarni tayyorlash va qayta tayyorlash talablariga: ___________________________ (javob beradi/bermaydi) Komissiya aʼzolari (imzosi, F.I.O., ish joyi va lavozimi): ____________ __________________________________________________________ ____________ __________________________________________________________ ____________ __________________________________________________________ Taʼlim muassasasi rahbari (imzosi, F.I.O., lavozimi)

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 5-ILOVA

Traktorchi-mashinist guvohnomasini olish uchun imtihon topshirishga ruxsat berish va imtihonni oʻtkazish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Talabgor 1. Talabgor davlat xizmatlaridan foydalanish uchun Agrosanoat majmui ustidan nazorat qilish inspeksiyasiga (keyingi oʻrinlarda — Inspeksiya) yoki davlat xizmatlari markaziga (keyingi oʻrinlarda — Markaz) oʻzi kelib, shuningdek, davlat xizmatlaridan elektron foydalanish uchun yagona interaktiv davlat xizmatlari portalida (keyingi oʻrinlarda — YIDXP) yoki “Raqamli qishloq xoʻjaligi” yagona integratsion platformasida (keyingi oʻrinlarda — Agroportal) roʻyxatdan oʻtadi. 1. Xohishiga koʻra 2. Inspeksiya, Markaz yoki YIDXP yoxud Agroportal tomonidan koʻrsatiladigan davlat xizmatlari uchun yigʻimni amalga oshiradi. 2. Murojaat qilganda 2-bosqich Markaz, YIDXP, Agroportal Soʻrovnomani Inspeksiyaga yuboradi. Soʻrovnoma toʻldirilgandan soʻng avtomatik tarzda 3-bosqich Inspeksiya 1. Traktorchi-mashinist guvohnomasini olish uchun soʻrovnoma va taqdim etilgan hujjatlarni koʻrib chiqib, talabgorga imtihon topshirishga ruxsat berish yoki rad etish toʻgʻrisida qaror qabul qiladi. 2. Talabgorga imtihon topshirishga ruxsat etilganda, uni imtihon topshiruvchilar roʻyxatiga kiritadi hamda talabgorga nazariy imtihon oʻtkazish sanasi va vaqti toʻgʻrisida Davlat xizmatlari markazi yoki YIDXP yoki Agroportal orqali xabarnoma yuboradi. 3. Talabgorga imtihon topshirishi rad etilganligi toʻgʻrisida Davlat xizmatlari markazi yoki YIDXP yoki Agroportal orqali xabarnoma yuboradi. Soʻrovnoma kelib tushgandan soʻng 1 ish kunida 4-bosqich Inspeksiya Traktorchi-mashinist guvohnomasini almashtirish yoki yoʻqolgani oʻrniga yangisini olish uchun murojaat qilinganda guvohnomani almashtirishga yoxud yoʻqolgani oʻrniga yangisini olishga ruxsat berish yoki rad etish toʻgʻrisida qaror qabul qiladi. Soʻrovnoma kelib tushgandan soʻng 1 ish kunida 5-bosqich Inspeksiya Traktorchi-mashinist guvohnomasini olish uchun imtihondan oʻtgan yoki traktorchi-mashinist guvohnomasini almashtirishga yoxud yoʻqolgani oʻrniga yangisini olishga ruxsat berilgan talabgorga “Traktorchi-mashinist” avtomatlashtirilgan axborot tizimiga suratga tushgan holda traktorchi-mashinist guvohnomasini olib ketishi toʻgʻrisidagi xabarnomani yuboradi. Qaror qabul qilingan kunda

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 6-ILOVA

__________________ (sana) _______________ (raqam) Traktorchi-mashinist guvohnomasini almashtirish yoki yoʻqolgani oʻrniga yangisini olish boʻyicha davlat xizmatlarini koʻrsatish yuzasidan SOʻROVNOMA I. Talabgor — jismoniy shaxs toʻgʻrisida maʼlumot: 1. F.I.O. 2. Pasport (identifikatsiyalovchi ID-kartasi) maʼlumotlari (seriyasi, raqami) 3. Jismoniy shaxsning shaxsiy identifikatsiya raqami 4. Manzili 5. Telefon raqami II. Tamomlagan taʼlim tashkiloti ( traktorchi-mashinist guvohnomasi birinchi marta olinganda): 1. Nomi 2. Sertifikat, guvohnoma va boshqalar: a) raqami b) berilgan sanasi (kun, oy, yil) III. Eski traktorchi-mashinist guvohnomasi (almashtirish yoki yoʻqolgani oʻrniga yangisini olish uchun): 1. Seriyasi 2. Raqami 3. Berilgan sanasi (kun, oy, yil) Tasdiqlayman:

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 7-ILOVA

Traktorchi-mashinist guvohnomasini olish uchun imtihon topshirishga ruxsat berish va traktorchi-mashinist guvohnomasini berish uchun undiriladigan

1. Texnikani boshqarish boʻyicha nazariy imtihon topshirish uchun bazaviy hisoblash miqdorining 27 foizi miqdorida 2. Texnikani boshqarish boʻyicha qayta nazariy imtihon topshirish uchun bazaviy hisoblash miqdorining 30 foizi miqdorida 3. Texnikani boshqarish boʻyicha amaliy imtihon topshirish uchun bazaviy hisoblash miqdorining 25 foizi miqdorida 4. Texnikani boshqarish boʻyicha qayta amaliy imtihon topshirish uchun bazaviy hisoblash miqdorining 30 foizi miqdorida 5. Traktorchi-mashinist guvohnomasini berish yoki eski namunadagi guvohnomani almashtirish uchun bazaviy hisoblash miqdorining 50 foizi miqdorida

Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentiga 8-ILOVA

Traktorchi-mashinistlarga guvohnomalarni berish boʻyicha imtihon natijalari toʻgʻrisidagi IMTIHON VARAQASI Oʻzagroinspeksiya markaziy apparati, hududiy boshqarmasi yoki tuman (Quvasoy shahar) boʻlimi nomi: Imtihon oʻtkazilgan sana (kun, oy, yil) Raqami I. Talabgor — jismoniy shaxs toʻgʻrisida maʼlumot: 1. F.I.O. 2. Pasport (identifikatsiyalovchi ID-kartasi) maʼlumotlari (seriyasi, raqami) 3. Jismoniy shaxsning shaxsiy identifikatsiya raqami 4. Manzili II. Tamomlagan taʼlim tashkiloti: 1. Nomi 2. Sertifikat, guvohnoma va h.k. a) raqami b) berilgan sanasi (kun, oy, yil) III. Imtihon natijalari: 1. Nazariy imtihon (oʻtdi yoki oʻtmadi) 2. Amaliy imtihon (oʻtdi yoki oʻtmadi) Komissiya raisi: ______________ (imzo) ___________________________ (F.I.O.) Komissiya aʼzolari: ______________ (imzo) ___________________________ (F.I.O.) ______________ (imzo) ___________________________ (F.I.O.) ______________ (imzo) ___________________________ (F.I.O.)

Vazirlar Mahkamasining 2023-yil 29-apreldagi 170-son qaroriga 7-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi tomonidan nazorat qilinadigan va texnik koʻrikka jalb etiladigan qishloq xoʻjaligi, melioratsiya va yoʻl-qurilish texnikalari, taʼmirlash va servis asbob-uskunalarining

I. Qishloq xoʻjaligi texnikalari

1. Traktorlar

2. Traktor tirkamalari

3. Oʻziyurar mashinalar:

gʻalla oʻrish kombaynlari;

sholi oʻrish kombaynlari;

makkajoʻxori oʻrish kombaynlari;

paxta terish mashinalari;

yem-xashak oʻrish kombaynlari;

silos oʻrish kombaynlari;

oʻrmon xoʻjaligi texnikalari;

qishloq xoʻjaligida foydalaniladigan oʻzi harakatlanuvchi qurilmaga (dvigatelga) ega boʻlgan boshqa mashinalar.

4. Qishloq xoʻjaligi mashinalari (traktor hamda oʻziyurar texnikalar bilan ishlatiladigan mashinalarning barchasi):

pluglar;

chizellar;

kultivatorlar;

kalta va uzun bazali tekislagichlar;

lazer boshqaruvli tekislagichlar;

tishli va diskli boronalar;

molalar

chigit ekish seyalkalari;

pnevmatik seyalkalar;

don ekish seyalkalari;

purkagichlar;

mineral oʻgʻit sepgichlar;

organik oʻgʻit sepgichlar;

tuproqqa ishlov berish uchun aktiv ishchi organli agregatlar, frezalar;

zichlab-bogʻlagich;

ariq qazgichlar;

ildiz sugʻurgichlar;

maydalagichlar

motobloklar;

motokultivatorlar;

maxsus bogʻdorchilik mashinalari;

maxsus sabzavot-polizchilik mashinalari;

maxsus chorvachilik mashinalari;

maxsus oʻrmon xoʻjaligi mashinalari;

paxta, don qabul qilish punktlari, korxonalarida mavjud boʻlgan maxsus urugʻlik saralash va boshqa mashinalar, uskunalar (maxsus texnologik jihozlardan, tola ajratgich, tegirmon kabilardan tashqari);

qishloq xoʻjaligida foydalaniladigan boshqa mashinalar.

5. Oʻrmon xoʻjaligi texnikalari:

daraxt va buta qoldiqlarini maydalagich mashina va agregatlari;

daraxt kesish va yogʻoch tayyorlash texnikalari;

oʻrmon xoʻjaligida foydalaniladigan boshqa texnikalar.

II. Melioratsiya texnikalari

1. Ekskavatorlar

2. Buldozerlar

3. Skreperlar

4. Ochiq suv havzasiga oʻrnatiladigan koʻchma va statsionar nasoslar (22 kVt va undan yuqori quvvatli dvigatellar bilan jihozlangan)

5. Sugʻorish mashinalari

6. Melioratsiyaga tegishli boshqa texnika va mashinalar

III. Yoʻl-qurilish texnikalari

1. Greyderlar

2. Asfalt yotqizgichlar

3. Sement-beton yoʻl yotqizgichlar

4. Yoʻlga yoʻl belgilarni chizish mashinasi

5. Oʻziyurar katoklar va agregatlar

6. Oʻziyurar betonqorgichlar va statsionar (ish hajmi 25 m3/soatdan yuqori) beton qorish agregatlari

7. Tosh maydalash agregatlari

8. Barcha turdagi yuklagich choʻmichli, greyferli, vilkalilar (pogruzchik)

9. Quvur yotqizuvchi oʻziyurar texnikalar va agregatlar

10. Tunnel qazish texnikalari

11. Burgʻulash oʻziyurar texnikalari va agregatalari

12. Kompressorlar

13. Yoʻl frezalash mashinalari

14. Yoʻl yuza qatlamini qayta tiklovchi texnikalar

15. Oʻziyurar va oʻrnatma qoziq qoqish texnikalari

16. Qor tozalash mashinalari

17. Yoʻl qurilishda foydalaniladigan boshqa texnika va mashinalar

IV. Jihoz va asbob-uskunalar

1. Texnikaning texnik servisi va ularni taʼmirlash uchun asboblar va moslamalar:

metallga ishlov beruvchi stanoklar;

koʻchma va statsionar payvandlash qurilmalari;

temirchilik presslash asbob-uskunalari;

elektr energiyasi bilan ishlovchi asboblar, gidrotizimlar, yoqilgʻi nasoslari va forsunkalar, dvigatellar, boshqaruv mexanizmlari diagnostikasi uchun qurilmalar.

2. Qishloq xoʻjaligi, melioratsiya va yoʻl-qurilish texnikalarini servis va taʼmirlash ustaxonalarida foydalaniladigan boshqa jihozlar hamda uskunalar.

Vazirlar Mahkamasining 2023-yil 29-apreldagi 170-son qaroriga 8-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari

1. Vazirlar Mahkamasining “Qishloq xoʻjaligi, melioratsiya va yoʻl qurilish texnikalaridan foydalanishni takomillashtirish chora-tadbirlari toʻgʻrisida” 2019-yil 17-apreldagi 325-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida” 2019-yil 21-maydagi PF-5723-son Farmoni)” 2019-yil 28-dekabrdagi 1046-son qaroriga ilovaning 286-bandi .

3. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 75-bandi .

4. Vazirlar Mahkamasining “Davlat xizmatlari koʻrsatishning infratuzilmasi takomillashtirilganligi va aholining davlat xizmatlaridan foydalanish imkoniyatlari kengaytirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2021-yil 28-oktabrdagi 661-son qaroriga ilovaning 20-bandi .

5. Vazirlar Mahkamasining “Yoʻqolgan ashyolarni qabul qilish, saqlash va egalariga qaytarish yoki tegishli davlat tashkilotlariga topshirish tartibini takomillashtirish chora-tadbirlari toʻgʻrisida” 2022-yil 18-yanvardagi 28-son qaroriga 2-ilovaning 5-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 604-bandi .

Oʻzbekiston Respublikasining Bosh vaziri A. ARIPOV

Toshkent sh.,

2023-yil 29-aprel,

170-son

(Qonunchilik maʼlumotlari milliy bazasi, 01.05.2023-y., 09/23/170/0233-son; 22.07.2023-y., 09/23/304/0510-son; 29.12.2023-y., 09/23/688/0996-son; 12.07.2024-y., 09/24/371/0499-son; 03.03.2025-y., 09/25/135/0208-son; 02.04.2025-y., 09/25/197/0299-son; 13.06.2025-y., 09/25/362/0507-son; 19.06.2025-y., 09/25/378/0518-son; 25.12.2025-y., 09/25/821/1211-son; 06.01.2026-y., 09/26/840/0012-son; 02.02.2026-y., 09/26/35/0101-son; 17.04.2026-y., 09/26/175/0373-son; 15.07.2026-y., 09/26/381/0734-son)

lex.uz