📅 2023-yil 29-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 29 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 апреля 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 29 April 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Бюджет сиёсатининг 2023 йилга мўлжалланган асосий йўналишлари қабул қилинганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Мамлакатимизда бюджет тизими бюджетлари маблағларидан мақсадли ва самарали фойдаланиш, шунингдек, бюджет маблағлари ҳисобидан аҳоли ҳамда тадбиркорлик субъектларини қўллаб-қувватлаш чора-тадбирлари натижадорлигини янада оширишга қаратилган тизимли ишлар амалга оширилмоқда.
Шу билан бирга, Ўзбекистон Республикаси Президентининг «Ўзбекистон Республикасининг «2023 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида» 2022 йил 30 декабрдаги ПҚ-471-сон қарори қабул қилинганлиги муносабати билан бюджет жараёни иштирокчиларининг фаолиятини тартибга солувчи тегишли норматив-ҳуқуқий ҳужжатларни ушбу қарорга мувофиқлаштириш зарурати юзага келмоқда.
Ўзбекистон Республикаси Президентининг «Ўзбекистон Республикасининг «2023 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида» 2022 йил 30 декабрдаги ПҚ-471-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
давлат мактабгача таълим ташкилотларида бола таъминоти учун ота-оналар тўлови миқдорларига нисбатан туманлар тоифасидан келиб чиқиб, камайтирувчи коэффициентларни қўллаш;
балиқчилик хўжаликларига интенсив усулда етиштирилган балиқларнинг ҳар бир килограмми учун қонунчилик ҳужжатларида белгиланган миқдорларда субсидия ажратиш;
малака сертификатига эга бўлмаган шахсларни Ўзбекистон Республикаси Иқтисодиёт ва молия вазирлиги ҳузуридаги Давлат молиявий назорати инспекцияси ва ички аудит хизматининг ходими лавозимига ишга қабул қилишга ҳамда уларнинг ушбу тизимларда фаолият юритишига йўл қўйилмаслиги бўйича жорий этилган малака талаби амал қилишининг бошланиш муддатини 2023 йил 1 сентябрдан 2024 йил 1 январга ўзгартириш.
2. Мазкур қарорнинг бажарилишини назорат қилиш Ўзбекистон Республикаси иқтисодиёт ва молия вазири Ш.Д. Кудбиев зиммасига юклансин.
Вазирлар Маҳкамасининг 2023 йил 29 апрелдаги 174-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
2. Вазирлар Маҳкамасининг 2021 йил 12 июлдаги 434-сон қарори билан тасдиқланган Чорвачилик, паррандачилик ва балиқчилик хўжаликларига улар томонидан етиштирилган ва сотилган маҳсулотлар учун субсидия ажратиш тартиби тўғрисидаги низом 4-бандининг тўртинчи хатбошиси қуйидаги таҳрирда баён этилсин:
«2024 йил 1 январга қадар балиқчилик ҳўжаликларига — интенсив усулда совуқ сувда етиштирилган балиқларнинг (лосось, форель ва осётр) ҳар бир килограмми учун 1 500 сўм, қолган турдаги балиқлар учун 500 сўм миқдорида».
3. Вазирлар Маҳкамасининг 2022 йил 1 августдаги 416-сон қарори билан тасдиқланган Вазирлик ва идораларнинг ички аудит хизмати тўғрисидаги намунавий низомнинг 20-бандидаги «2023 йил 1 сентябрдан» сўзлари «2024 йил 1 январдан» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2023 йил 29 апрель,
174-сон
Oʻzbekiston Respublikasi Vazirlar Mahkamasining
qarori
Budjet siyosatining 2023-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Mamlakatimizda budjet tizimi budjetlari mablagʻlaridan maqsadli va samarali foydalanish, shuningdek, budjet mablagʻlari hisobidan aholi hamda tadbirkorlik subyektlarini qoʻllab-quvvatlash chora-tadbirlari natijadorligini yanada oshirishga qaratilgan tizimli ishlar amalga oshirilmoqda.
Shu bilan birga, Oʻzbekiston Respublikasi Prezidentining “Oʻzbekiston Respublikasining “2023-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida” 2022-yil 30-dekabrdagi PQ-471-son qarori qabul qilinganligi munosabati bilan budjet jarayoni ishtirokchilarining faoliyatini tartibga soluvchi tegishli normativ-huquqiy hujjatlarni ushbu qarorga muvofiqlashtirish zarurati yuzaga kelmoqda.
Oʻzbekiston Respublikasi Prezidentining “Oʻzbekiston Respublikasining “2023-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida” 2022-yil 30-dekabrdagi PQ-471-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
davlat maktabgacha taʼlim tashkilotlarida bola taʼminoti uchun ota-onalar toʻlovi miqdorlariga nisbatan tumanlar toifasidan kelib chiqib, kamaytiruvchi koeffitsiyentlarni qoʻllash;
baliqchilik xoʻjaliklariga intensiv usulda yetishtirilgan baliqlarning har bir kilogrammi uchun qonunchilik hujjatlarida belgilangan miqdorlarda subsidiya ajratish;
malaka sertifikatiga ega boʻlmagan shaxslarni Oʻzbekiston Respublikasi Iqtisodiyot va moliya vazirligi huzuridagi Davlat moliyaviy nazorati inspeksiyasi va ichki audit xizmatining xodimi lavozimiga ishga qabul qilishga hamda ularning ushbu tizimlarda faoliyat yuritishiga yoʻl qoʻyilmasligi boʻyicha joriy etilgan malaka talabi amal qilishining boshlanish muddatini 2023-yil 1-sentabrdan 2024-yil 1-yanvarga oʻzgartirish.
2. Mazkur qarorning bajarilishini nazorat qilish Oʻzbekiston Respublikasi iqtisodiyot va moliya vaziri Sh.D. Kudbiyev zimmasiga yuklansin.
Vazirlar Mahkamasining 2023-yil 29-apreldagi 174-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
2. Vazirlar Mahkamasining 2021-yil 12-iyuldagi 434-son qarori bilan tasdiqlangan Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizom 4-bandining toʻrtinchi xatboshisi quyidagi tahrirda bayon etilsin:
“2024-yil 1-yanvarga qadar baliqchilik hoʻjaliklariga — intensiv usulda sovuq suvda yetishtirilgan baliqlarning (losos, forel va osyotr) har bir kilogrammi uchun 1 500 soʻm, qolgan turdagi baliqlar uchun 500 soʻm miqdorida”.
3. Vazirlar Mahkamasining 2022-yil 1-avgustdagi 416-son qarori bilan tasdiqlangan Vazirlik va idoralarning ichki audit xizmati toʻgʻrisidagi namunaviy nizomning 20-bandidagi “2023-yil 1-sentabrdan” soʻzlari “2024-yil 1-yanvardan” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 29-aprel,
174-son