UzbekAI

Ўзбекистон Республикаси Марказий сайлов комиссиясининг

қарори

2023 йил 30 апрелда ўтказилган Ўзбекистон Республикаси референдумининг якунлари тўғрисида

«Ўзбекистон Республикасининг референдуми тўғрисида»ги Ўзбекистон Республикаси Қонуни , шунингдек Ўзбекистон Республикаси Олий Мажлиси Қонунчилик палатасининг «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдумини ўтказиш ҳақида »ги 2023 йил 10 мартдаги 3017-IV-сонли ҳамда Ўзбекистон Республикаси Олий Мажлиси Сенатининг «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдумини ўтказиш ҳақида »ги 2023 йил 14 мартдаги СҚ-702-IV-сонли қарорларига мувофиқ, 2023 йил 30 апрель куни «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдуми ўтказилди.

«Ўзбекистон Республикасининг референдуми тўғрисида»ги Ўзбекистон Республикаси Қонунининг 18 , 38 ва 39-моддаларига мувофиқ ҳамда референдум ўтказувчи округ комиссияларининг округ бўйича референдум натижалари тўғрисидаги баённомалари асосида Ўзбекистон Республикаси Марказий сайлов комиссияси қарор қилади:

1. Референдум якунларига кўра овоз берувчилар рўйхатига киритилган 19 722 809 нафар фуқароларнинг ярмидан кўпи, яъни 16 667 097 нафари ёки 84,51 фоизи референдумда иштирок этганлигига асосланиб, 2023 йил 30 апрель куни ўтказилган «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдуми Ўзбекистон Республикаси Конституцияси ва «Ўзбекистон Республикасининг референдуми тўғрисида»ги Қонунига мувофиқ ҳақиқий ва бўлиб ўтган деб топилсин.

2. 2023 йил 30 апрель куни ўтказилган Ўзбекистон Республикаси референдумининг натижалари қуйидагича тасдиқлансин:

референдумда овоз берувчи фуқаролар рўйхатига киритилган Ўзбекистон Республикаси фуқароларининг умумий сони — 19 722 809 нафар;

овоз бериш бюллетенларини олган фуқароларнинг сони — 16 667 097 нафар;

овоз беришда иштирок этган фуқароларнинг сони — 16 667 097 нафар ёки овоз берувчи фуқаролар рўйхатига киритилган Ўзбекистон Республикаси фуқароларининг умумий сонидан 84,51 фоиз;

референдумга қўйилган масалани ёқлаб «Ҳа» деб берилган овозлар сони — 15 034 608 ёки овоз беришда иштирок этган фуқароларнинг 90,21 фоизи;

референдумга қўйилган масалага қарши «Йўқ» деб берилган овозлар сони — 1 558 817 ёки овоз беришда иштирок этган фуқароларнинг 9,35 фоизи;

ҳақиқий эмас деб топилган овоз бериш бюллетенларининг сони — 73 672 та.

3. Референдумда овоз беришда иштирок этган 16 667 097 нафар фуқароларнинг ярмидан кўпроғи, яъни 15 034 608 нафари ёки 90,21 фоизи референдумга қўйилган «Сиз «Ўзбекистон Республикаси Конституцияси тўғрисида»ги Ўзбекистон Республикаси Конституциявий Қонунини қабул қиласизми?» деган масалага «Ҳа» деб ёқлаб овоз берди.

4. «Ўзбекистон Республикаси Конституцияси тўғрисида»ги Ўзбекистон Республикаси Конституциявий Қонуни 2023 йил 30 апрель куни ўтказилган Ўзбекистон Республикаси референдумида умумхалқ овоз бериши орқали қабул қилинган деб ҳисоблансин.

5. «Ўзбекистон Республикаси Конституцияси тўғрисида»ги Ўзбекистон Республикаси Конституциявий Қонуни мазкур қарор расмий эълон қилинган кундан эътиборан кучга киради.

6. «Ўзбекистон Республикаси Конституцияси тўғрисида»ги Ўзбекистон Республикаси Конституциявий Қонуни ҳамда мазкур қарор референдум якунлари расмий эълон қилинган куннинг ўзида унинг ижросини ташкил этиш учун Ўзбекистон Республикаси Олий Мажлиси палаталарига ва Ўзбекистон Республикаси Президентига юборилсин.

7. Мазкур қарор ҳамда референдумда қабул қилинган «Ўзбекистон Республикаси Конституцияси тўғрисида»ги Ўзбекистон Республикаси Конституциявий Қонунининг матни Ўзбекистон Республикаси Марказий сайлов комиссиясининг веб-сайтида ва расмий манбаларда эълон қилинсин.

Ўзбекистон Республикаси Марказий сайлов комиссияси раиси З. НИЗАМХОДЖАЕВ

Тошкент ш.,

2023 йил 1 май,

1245-сон

Oʻzbekiston Respublikasi Markaziy saylov komissiyasining

qarori

2023-yil 30-aprelda oʻtkazilgan Oʻzbekiston Respublikasi referendumining yakunlari toʻgʻrisida

“Oʻzbekiston Respublikasining referendumi toʻgʻrisida”gi Oʻzbekiston Respublikasi Qonuni , shuningdek Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumini oʻtkazish haqida ”gi 2023-yil 10-martdagi 3017-IV-sonli hamda Oʻzbekiston Respublikasi Oliy Majlisi Senatining “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumini oʻtkazish haqida ”gi 2023-yil 14-martdagi SQ-702-IV-sonli qarorlariga muvofiq, 2023-yil 30-aprel kuni “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumi oʻtkazildi.

“Oʻzbekiston Respublikasining referendumi toʻgʻrisida”gi Oʻzbekiston Respublikasi Qonunining 18 , 38 va 39-moddalariga muvofiq hamda referendum oʻtkazuvchi okrug komissiyalarining okrug boʻyicha referendum natijalari toʻgʻrisidagi bayonnomalari asosida Oʻzbekiston Respublikasi Markaziy saylov komissiyasi qaror qiladi:

1. Referendum yakunlariga koʻra ovoz beruvchilar roʻyxatiga kiritilgan 19 722 809 nafar fuqarolarning yarmidan koʻpi, yaʼni 16 667 097 nafari yoki 84,51 foizi referendumda ishtirok etganligiga asoslanib, 2023-yil 30-aprel kuni oʻtkazilgan “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumi Oʻzbekiston Respublikasi Konstitutsiyasi va “Oʻzbekiston Respublikasining referendumi toʻgʻrisida”gi Qonuniga muvofiq haqiqiy va boʻlib oʻtgan deb topilsin.

2. 2023-yil 30-aprel kuni oʻtkazilgan Oʻzbekiston Respublikasi referendumining natijalari quyidagicha tasdiqlansin:

referendumda ovoz beruvchi fuqarolar roʻyxatiga kiritilgan Oʻzbekiston Respublikasi fuqarolarining umumiy soni — 19 722 809 nafar;

ovoz berish byulletenlarini olgan fuqarolarning soni — 16 667 097 nafar;

ovoz berishda ishtirok etgan fuqarolarning soni — 16 667 097 nafar yoki ovoz beruvchi fuqarolar roʻyxatiga kiritilgan Oʻzbekiston Respublikasi fuqarolarining umumiy sonidan 84,51 foiz;

referendumga qoʻyilgan masalani yoqlab “Ha” deb berilgan ovozlar soni — 15 034 608 yoki ovoz berishda ishtirok etgan fuqarolarning 90,21 foizi;

referendumga qoʻyilgan masalaga qarshi “Yoʻq” deb berilgan ovozlar soni — 1 558 817 yoki ovoz berishda ishtirok etgan fuqarolarning 9,35 foizi;

haqiqiy emas deb topilgan ovoz berish byulletenlarining soni — 73 672 ta.

3. Referendumda ovoz berishda ishtirok etgan 16 667 097 nafar fuqarolarning yarmidan koʻprogʻi, yaʼni 15 034 608 nafari yoki 90,21 foizi referendumga qoʻyilgan “Siz “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonunini qabul qilasizmi?” degan masalaga “Ha” deb yoqlab ovoz berdi.

4. “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni 2023-yil 30-aprel kuni oʻtkazilgan Oʻzbekiston Respublikasi referendumida umumxalq ovoz berishi orqali qabul qilingan deb hisoblansin.

5. “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni mazkur qaror rasmiy eʼlon qilingan kundan eʼtiboran kuchga kiradi.

6. “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni hamda mazkur qaror referendum yakunlari rasmiy eʼlon qilingan kunning oʻzida uning ijrosini tashkil etish uchun Oʻzbekiston Respublikasi Oliy Majlisi palatalariga va Oʻzbekiston Respublikasi Prezidentiga yuborilsin.

7. Mazkur qaror hamda referendumda qabul qilingan “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonunining matni Oʻzbekiston Respublikasi Markaziy saylov komissiyasining veb-saytida va rasmiy manbalarda eʼlon qilinsin.

Oʻzbekiston Respublikasi Markaziy saylov komissiyasi raisi Z. NIZAMXODJAYEV

Toshkent sh.,

2023-yil 1-may,

1245-son

Центральной избирательной комиссии Республики Узбекистан

Постановление

Об итогах референдума Республики Узбекистан, проведенного 30 апреля 2023 года

В соответствии с Законом Республики Узбекистан «О референдуме Республики Узбекистан», а также постановлением Законодательной палаты Олий Мажлиса Республики Узбекистан от 10 марта 2023 года № 3017-IV «О проведении референдума Республики Узбекистан по проекту Конституционного Закона Республики Узбекистан «О Конституции Республики Узбекистан» и постановлением Сената Олий Мажлиса Республики Узбекистан от 14 марта 2023 года № ПС-702-IV «О проведении референдума Республики Узбекистан по проекту Конституционного Закона Республики Узбекистан «О Конституции Республики Узбекистан» 30 апреля 2023 года был проведен референдум Республики Узбекистан по проекту Конституционного Закона Республики Узбекистан «О Конституции Республики Узбекистан».

В соответствии со статьями 18 , 38 и 39 Закона Республики Узбекистан «О референдуме Республики Узбекистан» и на основании протоколов окружных комиссий по проведению референдума о результатах референдума по округу, Центральная избирательная комиссия Республики Узбекистан постановляет:

1. Основываясь на том, что по итогам референдума из 19 722 809 граждан, включенных в списки голосующих, более половины, то есть 16 667 097 человек, или 84,51 процента, приняли участие в референдуме, признать референдум Республики Узбекистан по проекту Конституционного Закона Республики Узбекистан «О Конституции Республики Узбекистан», проведенный 30 апреля 2023 года, состоявшимся и действительным в соответствии с Конституцией Республики Узбекистан и Законом «О референдуме Республики Узбекистан».

2. Утвердить следующие результаты референдума Республики Узбекистан от 30 апреля 2023 года:

общее число граждан Республики Узбекистан, включенных в список голосующих граждан на референдуме, — 19 722 809;

число граждан, получивших бюллетени для голосования — 16 667 097;

число граждан, принявших участие в голосовании, — 16 667 097, или 84,51% от общего числа граждан Республики Узбекистан, включенных в список голосующих граждан на референдуме;

число поданных голосов «да» за вынесенный на референдум вопрос — 15 034 608, или 90,21% от числа граждан, принявших участие в голосовании;

число поданных голосов «нет» против вынесенного на референдум вопроса — 1 558 817, или 9,35 % от числа граждан, принявших участие в голосовании;

число бюллетеней для голосования, признанных недействительными, — 73 672.

3. Более половины из 16 667 097 граждан, принявших участие в голосовании на референдуме, т. е. 15 034 608, или 90,21 процента, проголосовали «да» за вынесенный вопрос на референдум «Принимаете ли вы Конституционный Закон Республики Узбекистан «О Конституции Республики Узбекистан»?».

4. Конституционный Закон Республики Узбекистан «О Конституции Республики Узбекистан» считать принятым всенародным голосованием на референдуме Республики Узбекистан, проведенном 30 апреля 2023 года.

5. Конституционный Закон Республики Узбекистан «О Конституции Республики Узбекистан» вступает в силу со дня официального опубликования настоящего постановления.

6. Конституционный Закон Республики Узбекистан «О Конституции Республики Узбекистан» и настоящее постановление в день официального опубликования итогов референдума для организации его исполнения направить в палаты Олий Мажлиса Республики Узбекистан и Президенту Республики Узбекистан для организации его исполнения.

7. Опубликовать настоящее постановление, а также текст принятого на референдуме Конституционного Закона Республики Узбекистан «О Конституции Республики Узбекистан» на веб-сайте Центральной избирательной комиссии Республики Узбекистан и в официальных источниках.

Председатель Центральной избирательной комиссии Республики Узбекистан З. НИЗАМХОДЖАЕВ

г. Ташкент,

1 мая 2023 г.,

№ 1245