📅 2023-yil 12-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 12 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 мая 2023 г. · Постановления Президента
Официальный текст. Официальный документ. Редакционные примечания не включены.
📅 12 May 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Яшил энергия» сертификатлари тизимини жорий этиш чора-тадбирлари тўғрисида
Ўзбекистон Республикаси Президентининг 2022 йил 2 декабрдаги «2030 йилгача Ўзбекистон Республикасининг «яшил» иқтисодиётга ўтишига қаратилган ислоҳотлар самарадорлигини ошириш бўйича чора-тадбирлар тўғрисида»ги ПҚ-436-сон қарорига асосан қайта тикланувчи энергия манбаларидан фойдаланишни ривожлантириш мақсадида:
1. Иқтисодиёт ва молия вазирлиги, Энергетика вазирлиги ва «Ўзбекгидроэнерго» акциядорлик жамиятининг электр энергиясининг қайта тикланувчи манбалардан фойдаланган ҳолда ишлаб чиқарилганини тасдиқловчи «яшил энергия» сертификатлари тизимини босқичма-босқич:
2023 йил 1 июлдан бошлаб — «Ўзбекгидроэнерго» акциядорлик жамияти тизимидаги гидроэлектр станцияларида ишлаб чиқарилган электр энергияси учун;
2023 йил 1 октябрдан бошлаб — қуёш, шамол ва гидроэлектр станцияларида ҳамда қайта тикланувчи бошқа энергия манбаларидан фойдаланган ҳолда ишлаб чиқарилган электр энергияси учун жорий этиш ҳақидаги таклифи маъқуллансин.
2. Шундай тартиб ўрнатилсинки, унга мувофиқ:
бир дона «яшил энергия» сертификати қайта тикланувчи энергия манбаларидан фойдаланган ҳолда 1000 кВт*соат электр энергияси ишлаб чиқарилганлигини тасдиқлайди;
«яшил энергия» сертификатлари тизимини юритиш, хусусан генерация объектларини рўйхатдан ўтказиш, «яшил энергия» сертификатларини чиқариш, генерация объектларига бериш ва уларнинг ҳаракати ҳисобини юритиш бўйича масъул орган Иқтисодиёт ва молия вазирлиги (эмитент) ҳисобланади;
«яшил энергия» сертификатлари фуқаролик ҳуқуқлари объектлари жумласига киради, эркин муомалада бўлиши ва қонунчиликда белгиланган тартибда ёки усулда бир шахсдан иккинчи шахсга ўтказилиши мумкин;
«яшил энергия» сертификатлари электр энергияси сотилганда ёки бундай сотувга боғлиқ бўлмаган ҳолларда ҳам бошқа шахсларга ўтказилиши мумкин;
генерация объектларини рўйхатдан ўтказиш, ноёб идентификация рақамига эга бўлган «яшил энергия» сертификатларини чиқариш, уларнинг ҳаракати ҳисобини юритиш «Яшил энергия» сертификатлари ягона электрон платформаси орқали халқаро стандартлар талаблари асосида амалга оширилади;
«яшил энергия» сертификатларини чиқариш, бериш, ҳисобдан чиқариш ва уларнинг айланмаси билан боғлиқ муносабатларга қимматли қоғозлар бозори тўғрисидаги қонунчилик татбиқ этилмайди.
3. 2023 йил 1 июлдан бошлаб юридик ва жисмоний шахсларга ваколатли органлар томонидан белгиланадиган, энергия сарфи ҳажмидаги қайта тикланувчи энергия манбаларидан фойдаланган ҳолда ишлаб чиқарилган энергия улушини ошириш бўйича талабларни бажаришда етишмаган энергия улушини тегишли миқдордаги «яшил энергия» сертификатлари ҳисобидан қоплаш ҳуқуқи берилсин.
4. Қайта тикланувчи манбалардан фойдаланишга асосланган генерация объектларининг «яшил энергия» сертификатлари савдосидан тушган даромадлари фойда солиғидан озод этилсин.
«Яшил энергия» сертификатларини харид қилишга доир харажатлар фойда солиғи бўйича солиқ базасини аниқлашда чегириб ташланадиган харажатлар жумласига кириши маълумот учун қабул қилинсин.
Иқтисодиёт ва молия вазирлиги бир ой муддатда Солиқ кодексига мазкур банддан келиб чиқадиган ўзгартириш ва қўшимчалар бўйича таклифларни Вазирлар Маҳкамасига киритсин.
5. Иқтисодиёт ва молия вазирлиги:
«Иқлим ўзгаришига қарши курашиш бўйича молия вазирлари коалицияси»га аъзо бўлиш бўйича музокаралар олиб борилиши ҳамда белгиланган тартибда коалицияга аъзо бўлиш тўғрисидаги шартномани тузиш бўйича таклиф киритилишини;
халқаро даражада тан олинадиган «яшил энергия» сертификатлари тизимини жорий қилишга кўмаклашиш учун икки ой муддатда Халқаро қайта тикланувчи энергия манбаларини сертификатлаш ташкилоти (I-REC) билан келишувга эришиш ҳамда ушбу тизимни тартибга солувчи масъул орган (эмитент) сифатида ушбу ташкилот аккредитациясидан ўтишни;
«Ўзбекгидроэнерго» акциядорлик жамияти ва Солиқ қўмитаси билан биргаликда 2023 йил 15 июнга қадар I-REC кўмагини жалб қилган ҳолда «Яшил энергия» сертификатлари ягона электрон платформасини ишга туширишни;
Ўзбекистон республика товар-хом ашё биржаси билан биргаликда биржа савдоларида «яшил энергия» сертификатларини сотишга мўлжалланган алоҳида «яшил энергетика секцияси» ташкил қилинишини таъминласин.
6. Иқтисодиёт ва молия вазирлиги бир ой муддатда «яшил» иқтисодиётни илгари суриш ва «яшил» ўсиш тамойилларини жорий этиш, иқтисодиёт тармоқларида иссиқхона газлари ташланмаларини қисқартириш бўйича лойиҳаларни амалга ошириш мақсадида халқаро донор ташкилотларнинг техник кўмагини жалб қилган ҳолда вазирлик тизимда давлат муассасаси шаклида «Яшил иқтисодиёт лойиҳалари маркази» лойиҳа офисини ташкил этсин.
Лойиҳа офисини ташкил этиш, фаолиятини йўлга қўйиш ва уни олиб бориш билан боғлиқ харажатлар муассиснинг бюджетдан ташқари маблағлари ва бошқа маблағлар ҳисобидан молиялаштирилиши белгилансин.
7. Вазирлар Маҳкамаси бир ой муддатда қуйидагиларни назарда тутувчи «Яшил энергия» сертификатларини бериш ва муомалага киритиш тартиби тўғрисидаги низомни тасдиқлансин:
қайта тикланувчи энергия манбаларидан электр энергияси ишлаб чиқарувчилар (генерация объектлари) ва уларнинг харидорларини (иштирокчиларни) рўйхатдан ўтказиш тартиби;
«яшил энергия» сертификатларини чиқариш, уларнинг савдосини амалга ошириш тартиби;
«яшил энергия» сертификатларидан фойдаланиш ва ҳисобдан чиқариш тартиби.
8. Мазкур қарорнинг ижросини самарали ташкил қилишга масъул ва шахсий жавобгар этиб иқтисодиёт ва молия вазири Ш.Д. Кудбиев ҳамда энергетика вазири Ж.Т. Мирзамаҳмудов белгилансин.
Қарорнинг ижросини назорат қилиш ҳамда ижро учун масъул идоралар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 12 май,
ПҚ-156-сон
Oʻzbekiston Respublikasi Prezidentining
Qarori
“Yashil energiya” sertifikatlari tizimini joriy etish chora-tadbirlari toʻgʻrisida
Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida”gi PQ-436-son qaroriga asosan qayta tiklanuvchi energiya manbalaridan foydalanishni rivojlantirish maqsadida:
1. Iqtisodiyot va moliya vazirligi, Energetika vazirligi va “Oʻzbekgidroenergo” aksiyadorlik jamiyatining elektr energiyasining qayta tiklanuvchi manbalardan foydalangan holda ishlab chiqarilganini tasdiqlovchi “yashil energiya” sertifikatlari tizimini bosqichma-bosqich:
2023-yil 1-iyuldan boshlab — “Oʻzbekgidroenergo” aksiyadorlik jamiyati tizimidagi gidroelektr stansiyalarida ishlab chiqarilgan elektr energiyasi uchun;
2023-yil 1-oktabrdan boshlab — quyosh, shamol va gidroelektr stansiyalarida hamda qayta tiklanuvchi boshqa energiya manbalaridan foydalangan holda ishlab chiqarilgan elektr energiyasi uchun joriy etish haqidagi taklifi maʼqullansin.
2. Shunday tartib oʻrnatilsinki, unga muvofiq:
bir dona “yashil energiya” sertifikati qayta tiklanuvchi energiya manbalaridan foydalangan holda 1000 kVt*soat elektr energiyasi ishlab chiqarilganligini tasdiqlaydi;
“yashil energiya” sertifikatlari tizimini yuritish, xususan generatsiya obyektlarini roʻyxatdan oʻtkazish, “yashil energiya” sertifikatlarini chiqarish, generatsiya obyektlariga berish va ularning harakati hisobini yuritish boʻyicha masʼul organ Iqtisodiyot va moliya vazirligi (emitent) hisoblanadi;
“yashil energiya” sertifikatlari fuqarolik huquqlari obyektlari jumlasiga kiradi, erkin muomalada boʻlishi va qonunchilikda belgilangan tartibda yoki usulda bir shaxsdan ikkinchi shaxsga oʻtkazilishi mumkin;
“yashil energiya” sertifikatlari elektr energiyasi sotilganda yoki bunday sotuvga bogʻliq boʻlmagan hollarda ham boshqa shaxslarga oʻtkazilishi mumkin;
generatsiya obyektlarini roʻyxatdan oʻtkazish, noyob identifikatsiya raqamiga ega boʻlgan “yashil energiya” sertifikatlarini chiqarish, ularning harakati hisobini yuritish “Yashil energiya” sertifikatlari yagona elektron platformasi orqali xalqaro standartlar talablari asosida amalga oshiriladi;
“yashil energiya” sertifikatlarini chiqarish, berish, hisobdan chiqarish va ularning aylanmasi bilan bogʻliq munosabatlarga qimmatli qogʻozlar bozori toʻgʻrisidagi qonunchilik tatbiq etilmaydi.
3. 2023-yil 1-iyuldan boshlab yuridik va jismoniy shaxslarga vakolatli organlar tomonidan belgilanadigan, energiya sarfi hajmidagi qayta tiklanuvchi energiya manbalaridan foydalangan holda ishlab chiqarilgan energiya ulushini oshirish boʻyicha talablarni bajarishda yetishmagan energiya ulushini tegishli miqdordagi “yashil energiya” sertifikatlari hisobidan qoplash huquqi berilsin.
4. Qayta tiklanuvchi manbalardan foydalanishga asoslangan generatsiya obyektlarining “yashil energiya” sertifikatlari savdosidan tushgan daromadlari foyda soligʻidan ozod etilsin.
“Yashil energiya” sertifikatlarini xarid qilishga doir xarajatlar foyda soligʻi boʻyicha soliq bazasini aniqlashda chegirib tashlanadigan xarajatlar jumlasiga kirishi maʼlumot uchun qabul qilinsin.
Iqtisodiyot va moliya vazirligi bir oy muddatda Soliq kodeksiga mazkur banddan kelib chiqadigan oʻzgartirish va qoʻshimchalar boʻyicha takliflarni Vazirlar Mahkamasiga kiritsin.
5. Iqtisodiyot va moliya vazirligi:
“Iqlim oʻzgarishiga qarshi kurashish boʻyicha moliya vazirlari koalitsiyasi”ga aʼzo boʻlish boʻyicha muzokaralar olib borilishi hamda belgilangan tartibda koalitsiyaga aʼzo boʻlish toʻgʻrisidagi shartnomani tuzish boʻyicha taklif kiritilishini;
xalqaro darajada tan olinadigan “yashil energiya” sertifikatlari tizimini joriy qilishga koʻmaklashish uchun ikki oy muddatda Xalqaro qayta tiklanuvchi energiya manbalarini sertifikatlash tashkiloti (I-REC) bilan kelishuvga erishish hamda ushbu tizimni tartibga soluvchi masʼul organ (emitent) sifatida ushbu tashkilot akkreditatsiyasidan oʻtishni;
“Oʻzbekgidroenergo” aksiyadorlik jamiyati va Soliq qoʻmitasi bilan birgalikda 2023-yil 15-iyunga qadar I-REC koʻmagini jalb qilgan holda “Yashil energiya” sertifikatlari yagona elektron platformasini ishga tushirishni;
Oʻzbekiston respublika tovar-xom ashyo birjasi bilan birgalikda birja savdolarida “yashil energiya” sertifikatlarini sotishga moʻljallangan alohida “yashil energetika seksiyasi” tashkil qilinishini taʼminlasin.
6. Iqtisodiyot va moliya vazirligi bir oy muddatda “yashil” iqtisodiyotni ilgari surish va “yashil” oʻsish tamoyillarini joriy etish, iqtisodiyot tarmoqlarida issiqxona gazlari tashlanmalarini qisqartirish boʻyicha loyihalarni amalga oshirish maqsadida xalqaro donor tashkilotlarning texnik koʻmagini jalb qilgan holda vazirlik tizimda davlat muassasasi shaklida “Yashil iqtisodiyot loyihalari markazi” loyiha ofisini tashkil etsin.
Loyiha ofisini tashkil etish, faoliyatini yoʻlga qoʻyish va uni olib borish bilan bogʻliq xarajatlar muassisning budjetdan tashqari mablagʻlari va boshqa mablagʻlar hisobidan moliyalashtirilishi belgilansin.
7. Vazirlar Mahkamasi bir oy muddatda quyidagilarni nazarda tutuvchi “Yashil energiya” sertifikatlarini berish va muomalaga kiritish tartibi toʻgʻrisidagi nizomni tasdiqlansin:
qayta tiklanuvchi energiya manbalaridan elektr energiyasi ishlab chiqaruvchilar (generatsiya obyektlari) va ularning xaridorlarini (ishtirokchilarni) roʻyxatdan oʻtkazish tartibi;
“yashil energiya” sertifikatlarini chiqarish, ularning savdosini amalga oshirish tartibi;
“yashil energiya” sertifikatlaridan foydalanish va hisobdan chiqarish tartibi.
8. Mazkur qarorning ijrosini samarali tashkil qilishga masʼul va shaxsiy javobgar etib iqtisodiyot va moliya vaziri Sh.D. Kudbiyev hamda energetika vaziri J.T. Mirzamahmudov belgilansin.
Qarorning ijrosini nazorat qilish hamda ijro uchun masʼul idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 12-may,
PQ-156-son
Президента Республики Узбекистан
Постановление
О мерах по внедрению системы сертификатов «зеленой энергии»
В целях развития использования возобновляемых источников энергии на основании постановления Президента Республики Узбекистан от 2 декабря 2022 года № ПП-436 «О мерах по повышению эффективности реформ, направленных на переход Республики Узбекистан на «зеленую» экономику до 2030 года»:
1. Одобрить предложение Министерства экономики и финансов, Министерства энергетики и Акционерного общества «Узбекгидроэнерго» о поэтапном внедрении системы сертификатов «зеленой энергии», подтверждающих выработку электроэнергии с использованием возобновляемых источников энергии:
с 1 июля 2023 года — для электроэнергии, выработанной на гидроэлектростанциях системы акционерного общества «Узбекгидроэнерго»;
с 1 октября 2023 года — для электроэнергии, выработанной на солнечных, ветровых и гидроэлектростанциях, а также от других возобновляемых источников энергии.
2. Установить порядок, в соответствии с которым:
один сертификат «зеленой энергии» подтверждает выработку 1 000 кВт*час электроэнергии с использованием возобновляемых источников энергии;
Министерство экономики и финансов (эмитент) является органом, ответственным за ведение системы сертификатов «зеленой энергии», в частности регистрацию объектов генерации, выпуск, выдачу объектам генерации и ведение учета движения сертификатов «зеленой энергии»;
сертификаты «зеленой энергии» относятся к объектам гражданского права, находятся в свободном обращении и могут передаваться одним лицом другому в порядке или способом, установленными законодательством;
сертификаты «зеленой энергии» могут передаваться другим лицам как вместе с продажей электрической энергией, так и независимо от такой продажи;
регистрация объектов генерации, выпуск сертификатов «зеленой энергии», имеющих уникальный идентификационный номер, ведение учета их движения осуществляются на Единой электронной платформе сертификатов «зеленой энергии» на основе требований международных стандартов;
на отношения, связанные с выпуском, выдачей, погашением и обращением сертификатов «зеленой энергии», законодательство о рынке ценных бумаг не распространяется.
3. Предоставить с 1 июля 2023 года юридическим и физическим лицам право на покрытие доли энергии в объеме энергопотребления, недостаточной для исполнения требований увеличения доли энергии, вырабатываемой с использованием возобновляемых источников энергии, устанавливаемых уполномоченными органами, за счет соразмерного количества сертификатов «зеленой энергии».
4. Освободить от налога на прибыль доходы объектов генерации, поступившие от реализации сертификатов «зеленой энергии», основанные на использовании возобновляемых источников энергии.
Принять к сведению, что при определении налоговой базы налога на прибыль расходы на приобретение сертификатов «зеленой энергии» относятся к вычитаемым расходам.
Министерству экономики и финансов в месячный срок внести в Кабинет Министров предложения об изменениях и дополнениях в Налоговый кодекс , вытекающих из настоящего пункта.
5. Министерству экономики и финансов обеспечить:
проведение переговоров о вступлении в Коалицию министров финансов по борьбе с изменениями климата и внесение в установленном порядке предложения по составлению договора о принятии в состав членов коалиции;
в двухмесячный срок — достижение соглашения с Международной организацией по сертификации возобновляемых источников энергии (I-REC) и прохождение аккредитации в этой организации в качестве ответственного органа (эмитента), регулирующего данную систему, в целях содействия внедрению системы сертификатов «зеленой энергии», признаваемых на международном уровне;
в срок до 15 июня 2023 года совместно с акционерным обществом «Узбекгидроэнерго» и Налоговым комитетом — запуск Единой электронной платформы сертификатов «зеленой энергии» с привлечением содействия I-REC;
совместно с Узбекской Республиканской товарно-сырьевой биржей — создание отдельной «секции зеленой энергетики», предназначенной для реализации сертификатов «зеленой энергии» на биржевых торгах.
6. Министерству экономики и финансов в месячный срок с привлечением технической поддержки международных организаций-доноров создать Проектный офис «Центр проектов зеленой экономики» в форме государственного учреждения в системе министерства в целях продвижения «зеленой» экономики, внедрения принципов «зеленого» роста, реализации проектов сокращения выбросов парниковых газов в отраслях экономики.
Установить, что расходы, связанные с созданием, организацией и осуществлением деятельности Проектного офиса, финансируются за счет внебюджетных учредителя и иных средств.
7. Кабинету Министров в месячный срок утвердить Положение о порядке выдачи и введения в обращение сертификатов «зеленой энергии», предусматривающее:
порядок регистрации производителей электроэнергии от возобновляемых источников энергии (объектов генерации) и их покупателей (участников);
порядок выпуска и реализации сертификатов «зеленой энергии»;
порядок использования и погашения сертификатов «зеленой энергии».
8. Возложить на министра экономики и финансов Ш.Д. Кудбиева и министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Осуществление контроля за исполнением настоящего постановления и координации деятельности ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
12 мая 2023 г.,
№ ПП-156