📅 2023-yil 31-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 31 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 мая 2023 г. · Постановления Президента
Официальный текст. Официальный документ. Редакционные примечания не включены.
📅 31 May 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Атроф муҳитни муҳофаза қилиш соҳасида Ўзбекистон Республикасининг халқаро шартномалар ва халқаро ташкилотларга аъзолик бўйича мажбуриятларини бажаришга қаратилган қўшимча чора-тадбирлар тўғрисида
Мамлакатимизда атроф муҳитни муҳофаза қилиш, табиий ресурслардан оқилона фойдаланиш ва уларни қайта тиклаш, биологик хилма-хилликнинг барқарорлигини таъминлаш, муҳофаза этиладиган табиий ҳудудларни ривожлантириш ва кенгайтириш, чиқиндилар билан боғлиқ ишларни комплекс бошқариш ҳамда санитария ҳолатини яхшилаш борасида халқаро ҳамкорликни мустаҳкамлашга қаратилган изчил ишлар амалга оширилмоқда.
Хусусан, халқаро нормаларни миллий қонунчиликка уйғунлаштириш, атроф муҳитни муҳофаза қилиш соҳасида техник ва технологик жараёнлар оқибатида юзага келаётган муаммоларни ҳал этишга янгича ёндашувларни татбиқ этиш ҳамда атроф муҳитнинг хавфсиз даражасини сақлаб қолиш ва иқлим ўзгаришига қарши курашиш борасидаги халқаро ҳамжамиятнинг саъй-ҳаракатларида фаол иштирок этиш мақсадида Ўзбекистон Республикаси янги халқаро шартнома ва халқаро ташкилотларга аъзо бўлмоқда.
Ўзбекистон Республикасининг халқаро шартномалар ҳамда халқаро ташкилотлар талабларидан келиб чиқадиган мажбуриятларининг самарали бажарилишини таъминлаш мақсадида:
1. Қуйидагилар:
Ўзбекистон Республикасининг «Турғун органик ифлослантирувчи моддалар ҳақидаги Стокгольм конвенциясини (Стокгольм, 2001 йил 22 май) ратификация қилиш тўғрисида»ги Қонунига мувофиқ Ўзбекистон Республикаси томонидан Турғун органик ифлослантирувчи моддалар ҳақидаги Стокгольм конвенцияси ратификация қилинганлиги;
Ўзбекистон Республикаси 2021 йил 20 октябрь куни Халқаро табиатни муҳофаза қилиш иттифоқига аъзо бўлганлиги;
халқаро шартнома ва халқаро ташкилот талабларига мувофиқ Ўзбекистон Республикаси аъзолик бадалини тўлаб бориш юзасидан мажбурият олганлиги маълумот учун қабул қилинсин.
2. Экология, атроф-муҳитни муҳофаза қилиш ва иқлим ўзгариши вазирлигининг 2023 йил учун Турғун органик ифлослантирувчи моддалар ҳақидаги Стокгольм конвенцияси ҳамда Халқаро табиатни муҳофаза қилиш иттифоқига Ўзбекистон Республикасининг аъзолик бадалини бюджетдан ташқари жамғармаси маблағлари ҳисобидан тўлаб бериш тўғрисидаги таклифи маъқуллансин.
3. Иқтисодиёт ва молия вазирлиги 2024 йилдан бошлаб Экология, атроф-муҳитни муҳофаза қилиш ва иқлим ўзгариши вазирлигининг сўровига асосан аъзолик бадалларини тўлаш учун зарур бўлган маблағлар Давлат бюджетининг прогноз параметрларида назарда тутиб борилишини таъминласин.
5. Мазкур қарор ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 31 май,
ПҚ-172-сон
Oʻzbekiston Respublikasi Prezidentining
Qarori
Atrof muhitni muhofaza qilish sohasida Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarini bajarishga qaratilgan qoʻshimcha chora-tadbirlar toʻgʻrisida
Mamlakatimizda atrof muhitni muhofaza qilish, tabiiy resurslardan oqilona foydalanish va ularni qayta tiklash, biologik xilma-xillikning barqarorligini taʼminlash, muhofaza etiladigan tabiiy hududlarni rivojlantirish va kengaytirish, chiqindilar bilan bogʻliq ishlarni kompleks boshqarish hamda sanitariya holatini yaxshilash borasida xalqaro hamkorlikni mustahkamlashga qaratilgan izchil ishlar amalga oshirilmoqda.
Xususan, xalqaro normalarni milliy qonunchilikka uygʻunlashtirish, atrof muhitni muhofaza qilish sohasida texnik va texnologik jarayonlar oqibatida yuzaga kelayotgan muammolarni hal etishga yangicha yondashuvlarni tatbiq etish hamda atrof muhitning xavfsiz darajasini saqlab qolish va iqlim oʻzgarishiga qarshi kurashish borasidagi xalqaro hamjamiyatning saʼy-harakatlarida faol ishtirok etish maqsadida Oʻzbekiston Respublikasi yangi xalqaro shartnoma va xalqaro tashkilotlarga aʼzo boʻlmoqda.
Oʻzbekiston Respublikasining xalqaro shartnomalar hamda xalqaro tashkilotlar talablaridan kelib chiqadigan majburiyatlarining samarali bajarilishini taʼminlash maqsadida:
1. Quyidagilar:
Oʻzbekiston Respublikasining “Turgʻun organik ifloslantiruvchi moddalar haqidagi Stokgolm konvensiyasini (Stokgolm, 2001-yil 22-may) ratifikatsiya qilish toʻgʻrisida”gi Qonuniga muvofiq Oʻzbekiston Respublikasi tomonidan Turgʻun organik ifloslantiruvchi moddalar haqidagi Stokgolm konvensiyasi ratifikatsiya qilinganligi;
Oʻzbekiston Respublikasi 2021-yil 20-oktabr kuni Xalqaro tabiatni muhofaza qilish ittifoqiga aʼzo boʻlganligi;
xalqaro shartnoma va xalqaro tashkilot talablariga muvofiq Oʻzbekiston Respublikasi aʼzolik badalini toʻlab borish yuzasidan majburiyat olganligi maʼlumot uchun qabul qilinsin.
2. Ekologiya, atrof-muhitni muhofaza qilish va iqlim oʻzgarishi vazirligining 2023-yil uchun Turgʻun organik ifloslantiruvchi moddalar haqidagi Stokgolm konvensiyasi hamda Xalqaro tabiatni muhofaza qilish ittifoqiga Oʻzbekiston Respublikasining aʼzolik badalini budjetdan tashqari jamgʻarmasi mablagʻlari hisobidan toʻlab berish toʻgʻrisidagi taklifi maʼqullansin.
3. Iqtisodiyot va moliya vazirligi 2024-yildan boshlab Ekologiya, atrof-muhitni muhofaza qilish va iqlim oʻzgarishi vazirligining soʻroviga asosan aʼzolik badallarini toʻlash uchun zarur boʻlgan mablagʻlar Davlat budjetining prognoz parametrlarida nazarda tutib borilishini taʼminlasin.
5. Mazkur qaror ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 31-may,
PQ-172-son
Президента Республики Узбекистан
Постановление
О дополнительных мерах по выполнению обязательств по международным договорам и членству Республики Узбекистан в международных организациях в сфере охраны окрующей среды
В стране проводится последовательная работа по укреплению международного сотрудничества в сфере охраны окружающей среды, рационального использования и восстановления природных ресурсов, обеспечения стабильности биологического разнообразия, развития и расширения охраняемых природных территорий, комплексного управления деятельностью по обращению с отходами, а также улучшения санитарного состояния.
В частности, в целях имплементации международных норм в национальное законодательство, применения новых подходов в решении проблем, возникающих вследствие технических и технологических процессов в сфере охраны окружающей среды, а также активного участия в усилиях международного сообщества, направленных на сохранение безопасного уровня окружающей среды и борьбу с изменениями климата, Республика Узбекистан становится участником новых международных договоров и членом международных организаций.
В целях обеспечения эффективного выполнения обязательств Республики Узбекистан, вытекающих из требований международных договоров и международных организаций:
1. Принять к сведению что:
в соответствии с Законом Республики Узбекистан «О ратификации Стокгольмской конвенции о стойких органических загрязнителях (Стокгольм, 22 мая 2001 года)» Республикой Узбекистан ратифицирована Стокгольмская конвенция о стойких органических загрязнителях;
Республика Узбекистан 20 октября 2021 года стала членом Международного союза охраны природы;
в соответствии с требованиями международных договоров и международных организаций Республика Узбекистан приняла на себя обязательство по уплате членских взносов.
2. Одобрить предложение Министерства экологии, охраны окружающей среды и изменения климата по оплате членских взносов Республики Узбекистан в Стокгольмскую конвенцию о стойких органических загрязнителях и Международный союз охраны природы за 2023 год за счет средств его Внебюджетного фонда.
3. Министерству экономики и финансов по заявкам Министерства экологии, охраны окружающей среды и изменения климата обеспечить с 2024 года предусмотрение в прогнозных параметрах Государственного бюджета средств, необходимых для уплаты членских взносов.
5. Возложить на министра экологии, охраны окружающей среды и изменения климата персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова
Президент Республики Узбекистан Ш. МИРЗИЁЕВ
г. Ташкент,
31 мая 2023 г.,
№ ПП-172