📅 2023-yil 30-may · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 30 май · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 30 мая 2023 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 30 May 2023 · Ministry and agency documents · Sogʻliqni saqlash vaziri
Official text. Official document. Editorial notes are not included.
Ўзбекистон Республикаси Соғлиқни сақлаш вазирининг
буйруғи
низом
Давлат тиббий суғурта жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий жиҳозлар билан таъминлаш тартиби тўғрисидаги низомни тасдиқлаш тўғрисида
Ўзбекистон Республикаси Президентининг 2022 йил 26 октябрдаги ПҚ-411-сон «Аҳолини сифатли дори воситалари ва тиббий буюмлар билан таъминлаш юзасидан қўшимча чора-тадбирлар тўғрисида»ги қарорига мувофиқ буюраман:
1. Давлат тиббий суғурта жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий жиҳозлар билан таъминлаш тартиби тўғрисидаги низом иловага мувофиқ тасдиқлансин.
2. Мазкур буйруқ Иқтисодиёт ва молия вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Соғлиқни сақлаш вазирининг 2023 йил 30 майдаги 15-сон буйруғига ИЛОВА
Давлат тиббий суғурта жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий жиҳозлар билан таъминлаш тартиби тўғрисидаги
Мазкур Низом Давлат тиббий суғуртаси жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий жиҳозлар билан таъминлаш тартибини белгилайди.
1-боб. Умумий қоидалар
1. Мазкур Низом Ўзбекистон Республикаси Президентининг «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида» 2021 йил 28 июлдаги ПҚ-5199-сон қарорига мувофиқ Давлат тиббий суғуртаси жамғармаси орқали молиялаштириш тизимига ўтказилган республика даражасидаги давлат стационар тиббиёт муассасаларида (бундан буён матнда тиббиёт муассасаси деб юритилади) беморларни дори воситалари ва тиббий жиҳозлар билан тиббиёт муассасаси орқали таъминлашга нисбатан татбиқ этилади.
2. Ушбу Низомда қуйидаги асосий тушунчалар қўлланилади:
дори воситалари — касалликлар профилактикаси, уларга ташхис қўйиш ва уларни даволаш, шунингдек одам организмининг ҳолати ва функцияларини ўзгартириш учун тиббиёт амалиётида қўлланилишига рухсат этилган дори моддалари (субстанциялар) ва ёрдамчи моддалар асосида олинган воситалар, дори моддалари (субстанциялар) , дори препаратлари ;
ижтимоий аҳамиятга эга дори воситалари ва тиббий жиҳозлар — ижтимоий аҳамиятга эга ва атрофдагилар учун хавф туғдирадиган касалликларнинг олдини олиш ҳамда даволаш учун талаб юқори бўлган ва аҳоли, тиббиёт ташкилотлари томонидан кўп фойдаланиладиган, Ўзбекистон Республикаси Соғлиқни сақлаш вазирлиги тасдиқлайдиган Ижтимоий аҳамиятга эга дори воситалари ва тиббий жиҳозларнинг рўйхатига киритилган дори воситалари ва тиббий жиҳозлар;
тиббий жиҳозлар — касалликлар профилактикаси, ташхис қўйиш, даволаш, беморларни реабилитация қилиш ва (ёки) санаб ўтилган жараёнларни таъминлаш учун, шунингдек одам организмининг ҳолати ва функцияларини аниқлаш, тиклаш, алмаштириш ҳамда ўзгартириш, мониторинг қилиш, ҳомиладорликнинг олдини олиш учун тиббиёт амалиётида қўлланилишига рухсат этилган, қўлланилиши натижасида одам организмига фармакологик, иммунологик ёки метаболик таъсир кўрсатмайдиган, айрим ҳолда, мажмуа ёки тизимлар сифатида қўлланиладиган жиҳозлар, аппаратлар, ускуналар, приборлар, асбоблар, қурилмалар, мажмуалар ва дастурий таъминотлар;
тиббиёт муассасасининг Доимий фаолият кўрсатадиган комиссияси (бундан буён матнда Доимий фаолият кўрсатадиган комиссия деб юритилади) — тиббиёт муассасасида ташкил этиладиган ва ижтимоий аҳамиятга эга дори воситалари ҳамда тиббий жиҳозларига бўлган эҳтиёжни ҳисоблаб чиқадиган ва тасдиқлайдиган, уларни харид қилиш, ҳисобга олиш, тақсимлаш ҳамда қўллашни назорат қиладиган комиссия.
3. Доимий фаолият кўрсатадиган комиссия тиббиёт муассасаси раҳбарининг буйруғи билан мазкур тиббиёт муассасасининг малакали мутахассисларидан камида беш кишидан иборат таркибда шакллантирилади.
4. Тиббиёт муассасасида беморларни дори воситалари ва тиббий жиҳозлар билан таъминлаш харажатлар сметаси бўйича ажратилиши кўзда тутилган маблағлар ҳисобидан кафолатланган тиббий хизматлар ва дори воситалари пакети доирасида бепул, қолган ҳолларда пуллик асосда тиббиёт муассасасига кирим қилинган нархларда амалга оширилади.
2-боб. Тиббиёт муассасаларида дори воситалари ва тиббий жиҳозларга бўлган эҳтиёжни аниқлаш
5. Тиббиёт муассасаларида дори воситалари ва тиббий жиҳозларга бўлган эҳтиёж ҳар йил учун алоҳида ҳар бир дори воситаси ва тиббий жиҳоз бўйича шакллантирилади.
6. Дори воситалари ва тиббий жиҳозларга (бундан ижтимоий аҳамиятга эга дори воситалари ва тиббий жиҳозлар мустасно) бўлган эҳтиёжни аниқлаш қуйидаги босқичларда амалга оширилади:
а) биринчи босқич — тиббиёт муассасасининг ҳар бир бўлими ўз фаолият туридан ҳамда ўтган давр учун беморларни таъминлаш мақсадида сарфланган дори воситалари ва тиббий жиҳозлар миқдоридан келиб чиқиб, ўзининг келгуси йил учун эҳтиёжини аниқлайди ҳамда ҳар йили 30 ноябрга қадар тегишли тиббиёт муассасасининг Доимий фаолият кўрсатадиган комиссиясига тақдим этади;
б) иккинчи босқич — Доимий фаолият кўрсатадиган комиссия ҳар йили 20 декабрга қадар бўлимлардан олинган эҳтиёж тўғрисидаги маълумотларни умумлаштиради ҳамда тиббиёт муассасасидаги шифо ўрни, даволанган беморлар ҳамда уларнинг ўртача даволаниш кунлари, даволаш стандартлари, клиник қўлланмалар, шунингдек кўрсатилаётган тиббий ёрдам ҳажмидан келиб чиққан ҳолда тиббиёт муассасасининг йиғма эҳтиёжини шакллантиради.
Тиббиёт муассасаларида дори воситалари ва тиббий жиҳозларга бўлган йиғма эҳтиёж ҳар йили 25 декабрга қадар тиббиёт муассасасининг раҳбари томонидан тасдиқланади.
7. Тиббиёт муассасаларида дори воситалари ва тиббий жиҳозларга (бундан ижтимоий аҳамиятга эга дори воситалари ва тиббий жиҳозлар мустасно) бўлган эҳтиёж қуйидаги формула бўйича аниқланади:
Э = С х Б х В
бунда:
Э — дори воситалари ва тиббий жиҳозларга бўлган йиллик эҳтиёж;
С — бир нафар беморга бир кунлик даволаш учун сарфланадиган дори воситалари ва тиббий жиҳозлар миқдори;
Б — бир нафар беморда ўтказиладиган даволаш курслари давомийлиги;
В — даволаш учун дори воситаси ва тиббий жиҳоз қўлланиладиган беморларнинг йиллик сони (касалланиш).
8. Ижтимоий аҳамиятга эга дори воситалари ва тиббий жиҳозларга бўлган эҳтиёж Вазирлар Маҳкамасининг 2017 йил 18 сентябрдаги 741-сон қарори билан тасдиқланган Ижтимоий аҳамиятга эга дори воситалари ва тиббий буюмларга эҳтиёжни аниқлаш тартиби тўғрисидаги низомга мувофиқ аниқланади.
Бунда, ижтимоий аҳамиятга эга дори воситалари таркибига кирадиган наркотик ва психотроп моддаларга бўлган эҳтиёж Вазирлар Маҳкамасининг 2003 йил 29 октябрдаги 472-сон қарори билан тасдиқланган Ўзбекистон Республикасининг гиёҳвандлик воситалари, психотроп моддалар ва прекурсорларга бўлган эҳтиёжини аниқлаш тартиби тўғрисидаги низомга мувофиқ аниқланади.
3-боб. Тиббиёт муассасаларида дори воситалари ва тиббий жиҳозларни харид қилиш ва сақлаш
9. Тиббиёт муассасалари томонидан дори воситалари ва тиббий жиҳозлар мазкур тиббиёт муассасаларида аниқланган йиллик эҳтиёждан келиб чиққан ҳолда Ўзбекистон Республикасининг «Давлат харидлари тўғрисида»ги Қонунига мувофиқ харид қилинади.
10. Тиббиёт муассасаси томонидан яроқлилик муддати 12 ойдан кам бўлмаган дори воситалар ва тиббий жиҳозлар харид қилинади.
Бунда, харид қилинадиган дори воситаларининг нархи белгиланган улгуржи референт нархларидан юқори бўлмаслиги лозим.
11. Харид қилинган дори воситалари ва тиббий жиҳозлар тиббиёт муассассанинг дорихонасида СанҚваН-0337-16 «Дорихоналар тузилмаси, жиҳозлари ва фаолият юритиши учун санитария қоидалари ва меъёрлари» талабларига мувофиқ сақланади.
4-боб. Тиббиёт муассасаларида беморларни дори воситалари ва тиббий жиҳозлар билан таъминлаш
12. Тиббиёт муассасасининг дорихонасидан дори воситалари ва тиббий жиҳозлар тиббиёт муассасасининг бўлимларига мазкур бўлимларнинг эҳтиёжидан келиб чиққан ҳолда, уларнинг талабномаси асосида уч кунлик ҳажмда берилади.
13. Тиббиёт муассасасининг бўлимларига дори воситалари ва тиббий жиҳозларнинг тақсимланиши бўйича ҳар бир ҳолат Доимий фаолият кўрсатадиган комиссия баённомаси билан расмийлаштирилади.
14. Беморларга Давлат тиббий суғуртаси жамғармаси маблағлари ҳисобидан қопланиши кўзда тутилмаган дори воситалари ва тиббий жиҳозларнинг қиймати беморнинг ўз маблағлари ҳисобидан тиббиёт муассасасининг ғазнасига тўлов қилиш орқали қопланади.
15. Тиббиёт муассасасининг дорихонасидан тиббиёт муассасаси бўлимлари эҳтиёжи учун олинган дори воситалари ва тиббий жиҳозларнинг кирим-чиқими ва ҳисоби бўлим катта ҳамшираси томонидан компьютерда махсус электрон дастур ёрдамида юритилади.
16. Бўлим ҳамширалари шифокор тавсияси бўйича бемор учун сарфланган дори воситаси ва тиббий жиҳозлар миқдорини ушбу дори воситалари ва тиббий жиҳозлар беморга қўлланилган вақтнинг ўзида беморнинг фамилияси, исми ва отасининг исми ҳамда касаллик тарихининг тартиб рақами бўйича махсус электрон дастурга киритиб қўяди.
17. Дори воситалари ва тиббий жиҳозларнинг кирим-чиқими ва сарфланиши бўйича маълумотларнинг махсус электрон дастурга ўз вақтида киритилиши учун бўлим мудири шахсан жавобгар ҳисобланади.
18. Тиббиёт муассасаларида харид қилинган дори воситалари ва тиббий жиҳозларнинг кунлик қолдиғи ҳамда нархлари манбалар кесимида тиббиёт муассасаларининг расмий веб-сайтларига жойлаштирилади ҳамда мунтазам янгилаб борилади.
5-боб. Якунловчи қоидалар
19. Тиббиёт муассасаларида беморларга белгиланган тартибда тиббий ёрдамни ташкил этиш, уларни тиббиёт муассасаси томонидан дори воситалари ва тиббий жиҳозлар билан талаб даражасида таъминлаш учун тиббиёт муассасасининг раҳбари ва ушбу муассаса дорихонасининг мудири жавобгар ҳисобланади.
20. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўлади.
Вазир А. ИНОЯТОВ
Иқтисодиёт ва молия вазири Ш. КУДБИЕВ
Тошкент ш.,
2023 йил 30 май,
2023 йил 30 май
15-сон
Oʻzbekiston Respublikasi Sogʻliqni saqlash vazirining
buyrugʻi
nizom
Davlat tibbiy sugʻurta jamgʻarmasi orqali moliyalashtiriladigan respublika darajasidagi davlat statsionar tibbiyot muassasalarida bemorlarni dori vositalari va tibbiy jihozlar bilan taʼminlash tartibi toʻgʻrisidagi nizomni tasdiqlash toʻgʻrisida
Oʻzbekiston Respublikasi Prezidentining 2022-yil 26-oktabrdagi PQ-411-son “Aholini sifatli dori vositalari va tibbiy buyumlar bilan taʼminlash yuzasidan qoʻshimcha chora-tadbirlar toʻgʻrisida”gi qaroriga muvofiq buyuraman:
1. Davlat tibbiy sugʻurta jamgʻarmasi orqali moliyalashtiriladigan respublika darajasidagi davlat statsionar tibbiyot muassasalarida bemorlarni dori vositalari va tibbiy jihozlar bilan taʼminlash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Iqtisodiyot va moliya vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Sogʻliqni saqlash vazirining 2023-yil 30-maydagi 15-son buyrugʻiga ILOVA
Davlat tibbiy sugʻurta jamgʻarmasi orqali moliyalashtiriladigan respublika darajasidagi davlat statsionar tibbiyot muassasalarida bemorlarni dori vositalari va tibbiy jihozlar bilan taʼminlash tartibi toʻgʻrisidagi
Mazkur Nizom Davlat tibbiy sugʻurtasi jamgʻarmasi orqali moliyalashtiriladigan respublika darajasidagi davlat statsionar tibbiyot muassasalarida bemorlarni dori vositalari va tibbiy jihozlar bilan taʼminlash tartibini belgilaydi.
1-bob. Umumiy qoidalar
1. Mazkur Nizom Oʻzbekiston Respublikasi Prezidentining “Sogʻliqni saqlash sohasida ixtisoslashtirilgan tibbiy yordam koʻrsatish tizimini yanada takomillashtirish chora-tadbirlari toʻgʻrisida” 2021-yil 28-iyuldagi PQ-5199-son qaroriga muvofiq Davlat tibbiy sugʻurtasi jamgʻarmasi orqali moliyalashtirish tizimiga oʻtkazilgan respublika darajasidagi davlat statsionar tibbiyot muassasalarida (bundan buyon matnda tibbiyot muassasasi deb yuritiladi) bemorlarni dori vositalari va tibbiy jihozlar bilan tibbiyot muassasasi orqali taʼminlashga nisbatan tatbiq etiladi.
2. Ushbu Nizomda quyidagi asosiy tushunchalar qoʻllaniladi:
dori vositalari — kasalliklar profilaktikasi, ularga tashxis qoʻyish va ularni davolash, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruxsat etilgan dori moddalari (substansiyalar) va yordamchi moddalar asosida olingan vositalar, dori moddalari (substansiyalar) , dori preparatlari ;
ijtimoiy ahamiyatga ega dori vositalari va tibbiy jihozlar — ijtimoiy ahamiyatga ega va atrofdagilar uchun xavf tugʻdiradigan kasalliklarning oldini olish hamda davolash uchun talab yuqori boʻlgan va aholi, tibbiyot tashkilotlari tomonidan koʻp foydalaniladigan, Oʻzbekiston Respublikasi Sogʻliqni saqlash vazirligi tasdiqlaydigan Ijtimoiy ahamiyatga ega dori vositalari va tibbiy jihozlarning roʻyxatiga kiritilgan dori vositalari va tibbiy jihozlar;
tibbiy jihozlar — kasalliklar profilaktikasi, tashxis qoʻyish, davolash, bemorlarni reabilitatsiya qilish va (yoki) sanab oʻtilgan jarayonlarni taʼminlash uchun, shuningdek odam organizmining holati va funksiyalarini aniqlash, tiklash, almashtirish hamda oʻzgartirish, monitoring qilish, homiladorlikning oldini olish uchun tibbiyot amaliyotida qoʻllanilishiga ruxsat etilgan, qoʻllanilishi natijasida odam organizmiga farmakologik, immunologik yoki metabolik taʼsir koʻrsatmaydigan, ayrim holda, majmua yoki tizimlar sifatida qoʻllaniladigan jihozlar, apparatlar, uskunalar, priborlar, asboblar, qurilmalar, majmualar va dasturiy taʼminotlar;
tibbiyot muassasasining Doimiy faoliyat koʻrsatadigan komissiyasi (bundan buyon matnda Doimiy faoliyat koʻrsatadigan komissiya deb yuritiladi) — tibbiyot muassasasida tashkil etiladigan va ijtimoiy ahamiyatga ega dori vositalari hamda tibbiy jihozlariga boʻlgan ehtiyojni hisoblab chiqadigan va tasdiqlaydigan, ularni xarid qilish, hisobga olish, taqsimlash hamda qoʻllashni nazorat qiladigan komissiya.
3. Doimiy faoliyat koʻrsatadigan komissiya tibbiyot muassasasi rahbarining buyrugʻi bilan mazkur tibbiyot muassasasining malakali mutaxassislaridan kamida besh kishidan iborat tarkibda shakllantiriladi.
4. Tibbiyot muassasasida bemorlarni dori vositalari va tibbiy jihozlar bilan taʼminlash xarajatlar smetasi boʻyicha ajratilishi koʻzda tutilgan mablagʻlar hisobidan kafolatlangan tibbiy xizmatlar va dori vositalari paketi doirasida bepul, qolgan hollarda pullik asosda tibbiyot muassasasiga kirim qilingan narxlarda amalga oshiriladi.
2-bob. Tibbiyot muassasalarida dori vositalari va tibbiy jihozlarga boʻlgan ehtiyojni aniqlash
5. Tibbiyot muassasalarida dori vositalari va tibbiy jihozlarga boʻlgan ehtiyoj har yil uchun alohida har bir dori vositasi va tibbiy jihoz boʻyicha shakllantiriladi.
6. Dori vositalari va tibbiy jihozlarga (bundan ijtimoiy ahamiyatga ega dori vositalari va tibbiy jihozlar mustasno) boʻlgan ehtiyojni aniqlash quyidagi bosqichlarda amalga oshiriladi:
a) birinchi bosqich — tibbiyot muassasasining har bir boʻlimi oʻz faoliyat turidan hamda oʻtgan davr uchun bemorlarni taʼminlash maqsadida sarflangan dori vositalari va tibbiy jihozlar miqdoridan kelib chiqib, oʻzining kelgusi yil uchun ehtiyojini aniqlaydi hamda har yili 30-noyabrga qadar tegishli tibbiyot muassasasining Doimiy faoliyat koʻrsatadigan komissiyasiga taqdim etadi;
b) ikkinchi bosqich — Doimiy faoliyat koʻrsatadigan komissiya har yili 20-dekabrga qadar boʻlimlardan olingan ehtiyoj toʻgʻrisidagi maʼlumotlarni umumlashtiradi hamda tibbiyot muassasasidagi shifo oʻrni, davolangan bemorlar hamda ularning oʻrtacha davolanish kunlari, davolash standartlari, klinik qoʻllanmalar, shuningdek koʻrsatilayotgan tibbiy yordam hajmidan kelib chiqqan holda tibbiyot muassasasining yigʻma ehtiyojini shakllantiradi.
Tibbiyot muassasalarida dori vositalari va tibbiy jihozlarga boʻlgan yigʻma ehtiyoj har yili 25-dekabrga qadar tibbiyot muassasasining rahbari tomonidan tasdiqlanadi.
7. Tibbiyot muassasalarida dori vositalari va tibbiy jihozlarga (bundan ijtimoiy ahamiyatga ega dori vositalari va tibbiy jihozlar mustasno) boʻlgan ehtiyoj quyidagi formula boʻyicha aniqlanadi:
E = S x B x V
bunda:
E — dori vositalari va tibbiy jihozlarga boʻlgan yillik ehtiyoj;
S — bir nafar bemorga bir kunlik davolash uchun sarflanadigan dori vositalari va tibbiy jihozlar miqdori;
B — bir nafar bemorda oʻtkaziladigan davolash kurslari davomiyligi;
V — davolash uchun dori vositasi va tibbiy jihoz qoʻllaniladigan bemorlarning yillik soni (kasallanish).
8. Ijtimoiy ahamiyatga ega dori vositalari va tibbiy jihozlarga boʻlgan ehtiyoj Vazirlar Mahkamasining 2017-yil 18-sentabrdagi 741-son qarori bilan tasdiqlangan Ijtimoiy ahamiyatga ega dori vositalari va tibbiy buyumlarga ehtiyojni aniqlash tartibi toʻgʻrisidagi nizomga muvofiq aniqlanadi.
Bunda, ijtimoiy ahamiyatga ega dori vositalari tarkibiga kiradigan narkotik va psixotrop moddalarga boʻlgan ehtiyoj Vazirlar Mahkamasining 2003-yil 29-oktabrdagi 472-son qarori bilan tasdiqlangan Oʻzbekiston Respublikasining giyohvandlik vositalari, psixotrop moddalar va prekursorlarga boʻlgan ehtiyojini aniqlash tartibi toʻgʻrisidagi nizomga muvofiq aniqlanadi.
3-bob. Tibbiyot muassasalarida dori vositalari va tibbiy jihozlarni xarid qilish va saqlash
9. Tibbiyot muassasalari tomonidan dori vositalari va tibbiy jihozlar mazkur tibbiyot muassasalarida aniqlangan yillik ehtiyojdan kelib chiqqan holda Oʻzbekiston Respublikasining “Davlat xaridlari toʻgʻrisida”gi Qonuniga muvofiq xarid qilinadi.
10. Tibbiyot muassasasi tomonidan yaroqlilik muddati 12 oydan kam boʻlmagan dori vositalar va tibbiy jihozlar xarid qilinadi.
Bunda, xarid qilinadigan dori vositalarining narxi belgilangan ulgurji referent narxlaridan yuqori boʻlmasligi lozim.
11. Xarid qilingan dori vositalari va tibbiy jihozlar tibbiyot muassassaning dorixonasida SanQvaN-0337-16 “Dorixonalar tuzilmasi, jihozlari va faoliyat yuritishi uchun sanitariya qoidalari va meʼyorlari” talablariga muvofiq saqlanadi.
4-bob. Tibbiyot muassasalarida bemorlarni dori vositalari va tibbiy jihozlar bilan taʼminlash
12. Tibbiyot muassasasining dorixonasidan dori vositalari va tibbiy jihozlar tibbiyot muassasasining boʻlimlariga mazkur boʻlimlarning ehtiyojidan kelib chiqqan holda, ularning talabnomasi asosida uch kunlik hajmda beriladi.
13. Tibbiyot muassasasining boʻlimlariga dori vositalari va tibbiy jihozlarning taqsimlanishi boʻyicha har bir holat Doimiy faoliyat koʻrsatadigan komissiya bayonnomasi bilan rasmiylashtiriladi.
14. Bemorlarga Davlat tibbiy sugʻurtasi jamgʻarmasi mablagʻlari hisobidan qoplanishi koʻzda tutilmagan dori vositalari va tibbiy jihozlarning qiymati bemorning oʻz mablagʻlari hisobidan tibbiyot muassasasining gʻaznasiga toʻlov qilish orqali qoplanadi.
15. Tibbiyot muassasasining dorixonasidan tibbiyot muassasasi boʻlimlari ehtiyoji uchun olingan dori vositalari va tibbiy jihozlarning kirim-chiqimi va hisobi boʻlim katta hamshirasi tomonidan kompyuterda maxsus elektron dastur yordamida yuritiladi.
16. Boʻlim hamshiralari shifokor tavsiyasi boʻyicha bemor uchun sarflangan dori vositasi va tibbiy jihozlar miqdorini ushbu dori vositalari va tibbiy jihozlar bemorga qoʻllanilgan vaqtning oʻzida bemorning familiyasi, ismi va otasining ismi hamda kasallik tarixining tartib raqami boʻyicha maxsus elektron dasturga kiritib qoʻyadi.
17. Dori vositalari va tibbiy jihozlarning kirim-chiqimi va sarflanishi boʻyicha maʼlumotlarning maxsus elektron dasturga oʻz vaqtida kiritilishi uchun boʻlim mudiri shaxsan javobgar hisoblanadi.
18. Tibbiyot muassasalarida xarid qilingan dori vositalari va tibbiy jihozlarning kunlik qoldigʻi hamda narxlari manbalar kesimida tibbiyot muassasalarining rasmiy veb-saytlariga joylashtiriladi hamda muntazam yangilab boriladi.
5-bob. Yakunlovchi qoidalar
19. Tibbiyot muassasalarida bemorlarga belgilangan tartibda tibbiy yordamni tashkil etish, ularni tibbiyot muassasasi tomonidan dori vositalari va tibbiy jihozlar bilan talab darajasida taʼminlash uchun tibbiyot muassasasining rahbari va ushbu muassasa dorixonasining mudiri javobgar hisoblanadi.
20. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladi.
Vazir A. INOYATOV
Iqtisodiyot va moliya vaziri Sh. KUDBIYEV
Toshkent sh.,
2023-yil 30-may,
2023-yil 30-may
15-son