📅 2023-yil 2-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 2 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июня 2023 г. · Постановления Президента
Официальный текст. Официальный документ. Редакционные примечания не включены.
📅 2 June 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
ТАРКИБИ
РЎЙХАТИ
Ўзбекистон Республикасининг Жаҳон савдо ташкилотига аъзо бўлиш жараёнини жадаллаштиришга доир қўшимча чора-тадбирлар тўғрисида
Ўзбекистон Республикасининг Жаҳон савдо ташкилотига (кейинги ўринларда — ЖСТ) аъзо бўлиш жараёнини тезлаштириш ва сифатли амалга оширишни таъминлаш мақсадида:
1. Жаҳон савдо ташкилоти билан ишлаш бўйича идоралараро комиссиянинг (кейинги ўринларда — Комиссия) янгиланган таркиби 1-иловага мувофиқ тасдиқлансин.
Комиссияга (Ж.А. Ходжаев) қуйидаги асосий вазифалар юклансин:
ЖСТга аъзо мамлакатлар билан бозорга кириш бўйича Ўзбекистон Республикасининг позициясини аниқ белгилаб бериш ҳамда икки ва кўп томонлама музокаралар жараёнида ташқи савдо режимини тариф ва нотариф чоралар орқали ўзгартириш бўйича қарорлар қабул қилиш;
миллий қонунчиликни ЖСТ битим, қоида ва меъёрларига мувофиқлаштириш бўйича Адлия вазирлиги, тегишли вазирлик ва идоралар томонидан тайёрланган таклифларни кўриб чиқиш ва миллий қонунчиликка имплементация қилиш юзасидан қарорлар қабул қилиш;
ЖСТга аъзо бўлиш жараёнида юқори профессионал маҳорат билан материалларни сифатли ва ўз вақтида тайёрлаш ҳамда музокаралар натижадорлигини таъминлашда фаоллик кўрсатган вазирлик ва идоралар раҳбарлари ҳамда масъул ходимларини моддий рағбатлантириш;
ЖСТга аъзо бўлиш жараёнига жалб қилиниб, вазифасига лоқайдлик ва масъулиятсизлик билан ёндашган вазирлик ва идоралар раҳбарларига нисбатан интизомий чоралар кўриш бўйича, шу жумладан уларнинг эгаллаб турган лавозимига лойиқлиги тўғрисида Ўзбекистон Республикаси Президенти ва Бош вазирига тақдимномалар киритиш;
Ўзбекистон Республикаси Президенти Администрацияси билан тезкор тарзда келишган ҳолда Жаҳон савдо ташкилоти билан ишлаш бўйича музокаралар гуруҳининг (кейинги ўринларда — музокаралар гуруҳи) хорижий мамлакатларда икки ва кўп томонлама музокаралар ўтказишини таъминлаш.
2. Ўзбекистон Республикаси Президенти Администрацияси тузилмасида Ўзбекистон Республикаси Президентининг Жаҳон савдо ташкилоти масалалари бўйича махсус вакили (кейинги ўринларда — махсус вакил) лавозими киритилсин.
Белгилансинки, махсус вакил:
бир пайтнинг ўзида Комиссия раисининг ўринбосари ҳамда музокаралар гуруҳи раҳбари — бош музокарачи ҳисобланади;
мақоми, меҳнатга ҳақ тўлаш, тиббий ва транспорт хизмати кўрсатиш шарт-шароитларига кўра Ўзбекистон Республикаси Президенти Администрациясининг шуъбаси мудирига тенглаштирилади.
3. Махсус вакилнинг асосий вазифалари этиб қуйидагилар белгилансин:
ЖСТга аъзо бўлиш жараёнини жадаллаштириш, масъул вазирлик ва идоралар фаолиятининг натижадорлигини таъминлаш бўйича ишларни мувофиқлаштириш;
ЖСТга аъзо бўлиш шартлари, шунингдек, ташкилотга аъзо давлатлар билан музокаралар ўтказишда ҳар бир масала бўйича аниқ позиция ишлаб чиқилиши ва таклифларнинг Комиссияга кўриб чиқиш учун киритилишини таъминлаш;
ЖСТга аъзо давлатлар билан икки томонлама музокараларни ўтказишга пухта ва ҳар томонлама тайёргарлик кўриш ҳамда уларнинг самарали ўтказилишини таъминлаш;
ЖСТга аъзо бўлиш жараёнида Ўзбекистон Республикаси позициясини етказиш мақсадида ЖСТ Котибияти ва аъзо давлатлар ҳамда халқаро ташкилотларнинг расмий вакиллари билан доимий ишчи алоқаларни ўрнатиш;
ЖСТга аъзо бўлиш жараёнида донорларнинг техник кўмаги ва улар томонидан ажратиладиган грант маблағларидан самарали фойдаланишни мувофиқлаштириш ва назорат қилиш.
4. Жаҳон савдо ташкилоти билан ишлаш бўйича музокаралар гуруҳининг янгиланган таркиби 2-иловага мувофиқ тасдиқлансин ва унинг асосий вазифалари этиб қуйидагилар белгилансин:
Комиссия томонидан белгилаб берилган позиция асосида ЖСТга аъзо мамлакатлар билан бозорга кириш бўйича самарали музокаралар олиб бориш;
музокаралар ҳолатидан келиб чиқиб ва келишувларда олдинга илдамлаш мақсадида, зарур ҳолларда, бозорга кириш бўйича музокаралар жараёнида таклифлар ишлаб чиқиш ва тезкор келишиш.
5. Комиссиянинг қуйидаги таклифлари маъқуллансин:
Адлия вазирлигига маъмурий ислоҳотлар доирасида илгари мақбуллаштирилган штат бирликлари ҳисобидан қўшимча 5 та штат бирлигини ажратган ҳолда вазирликка миллий қонунчиликни ЖСТ битимларига уйғунлаштириш функциясини юклаш;
Инвестициялар, саноат ва савдо вазирлиги марказий аппарати тузилмасида мавжуд штат бирликлари доирасида ЖСТ билан ҳамкорлик қилиш, МДҲ ва Евроосиё иқтисодий иттифоқи билан ҳамкорлик қилиш ҳамда Тариф ва нотариф тартибга солиш чоралари бошқармалари негизида Жаҳон савдо ташкилоти билан ишлаш ва савдо музокаралари департаментини ташкил этиш;
мазкур қарорнинг 3-иловасида келтирилган вазирлик ва идоралар марказий аппарати тузилмасида белгиланган умумий штат бирлиги доирасида ЖСТ масалалари бўйича бўлинмаларни ташкил қилиш;
Ташқи ишлар вазирлиги хорижий мамлакатлардаги дипломатик ваколатхоналарнинг мавжуд вакант штатларни мақбуллаштириш ҳисобидан Ўзбекистон Республикасининг Женева шаҳридаги Бирлашган Миллатлар Ташкилоти бўлинмаси ва бошқа халқаро ташкилотлар ҳузуридаги доимий ваколатхонасида қўшимча 1 та штат бирлигида — ЖСТ масалалари бўйича биринчи котиб лавозимини киритиш.
Белгилаб қўйилсинки, вазирлик ва идораларнинг ЖСТ масалаларига масъул бўлган ходимларини бошқа ишга ўтказиш ёки лавозимидан озод этиш Комиссия билан келишилган ҳолдагина амалга оширилади.
5 1 . Комиссияга ташқи савдодаги тариф ва нотариф чораларни ЖСТ талаблари асосида вақтинча тартибга солиш бўйича қарорлар қабул қилиш ваколати берилсин.
6. Белгилансинки:
2023 йил 1 июлдан бошлаб ЖСТ қоида ва меъёрларига мувофиқ бўлмаган норматив-ҳуқуқий ҳужжатлар лойиҳаларини ишлаб чиқиш тақиқланади;
Ўзбекистоннинг ЖСТга аъзо бўлиш билан боғлиқ тадбирларни амалга ошириш учун 2023 йилда жами 30 млрд сўм, шу жумладан Вазирлар Маҳкамаси захира жамғармаси ҳисобидан 10 млрд сўм ва Экспортни рағбатлантириш агентлигига кўзда тутилган маблағлар доирасида 20 млрд сўм ҳамда 2024 йилдан бошлаб ушбу тадбирларни молиялаштириш учун Давлат бюджети параметрларида зарур маблағлар кўзда тутилади.
Комиссияга ЖСТга аъзо бўлиш билан боғлиқ тадбирлар, шу жумладан экспертларни жалб қилиш, таржима хизматларини ташкил этиш, таҳлилий тадқиқот ишларини олиб бориш, илмий асосларни тайёрлаш ва ЖСТга аъзо бўлиш жараёнида бевосита иштирок этувчи вазирлик ва идоралар раҳбарлари ва масъул ходимларининг хизмат сафарлари ҳамда уларни моддий рағбатлантириш билан боғлиқ харажатларни мазкур бандда кўзда тутилган маблағлар ҳисобидан, зарур ҳолларда тўғридан-тўғри шартномалар асосида, мустақил молиялаштириш ҳуқуқи берилсин.
Ушбу бандда назарда тутилган маблағлар Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг махсус ғазна ҳисобварағида жамланади ва фойдаланилади.
7. Мазкур қарорнинг ижросини самарали ташкил қилиш, амалга оширилган ишлар тўғрисида ҳар 15 кунда Ўзбекистон Республикаси Президентига ахборот бериб бориш Бош вазир ўринбосари Ж.А. Ходжаев ҳамда махсус вакил зиммасига юклансин.
Қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президентининг 2023 йил 2 июндаги ПҚ-181-сон қарорига 1-ИЛОВА
Жаҳон савдо ташкилоти билан ишлаш бўйича идоралараро комиссия
1. Ж.А. Ходжаев — Ўзбекистон Республикаси Бош вазири ўринбосари , Идоралараро комиссия раиси 2. А.А. Урунов — Ўзбекистон Республикаси Президентининг Жаҳон савдо ташкилоти масалалари бўйича махсус вакили, Идоралараро комиссия раисининг ўринбосари 3. Д.Х. Файзиева — Ўзбекистон Республикаси Олий Мажлиси Қонунчилик палатаси депутати 4. Д.А. Ганиев — Ўзбекистон Республикаси Олий Мажлиси Қонунчилик палатаси депутати 5. Г.Г. Фазилов — ташқи ишлар вазири ўринбосари 6. И.И. Норқулов — иқтисодиёт ва молия вазири ўринбосари 7. Д.Ш. Султанов — иқтисодиёт ва молия вазири ўринбосари 8. А.Н. Каримов — адлия вазири ўринбосари 9. А.Я. Хайдаров — қишлоқ хўжалиги вазири ўринбосари 10. Б.Н. Абидов — инвестициялар, саноат ва савдо вазири ўринбосари 11. Ж.Э. Чориев — транспорт вазири ўринбосари 12. Ж.Т. Максудов — рақамли технологиялар вазири ўринбосари 13. У.У. Шарифходжаев — мактабгача ва мактаб таълими вазирининг биринчи ўринбосари 14. С.М. Бузрукхонов — олий таълим, фан ва инновациялар вазири ўринбосари 15. О.Р. Фазилкаримов — соғлиқни сақлаш вазири ўринбосари 16. Р.Д. Махаммадиев — Миллий статистика қўмитаси раисининг ўринбосари 17. Б.Ю. Абубакиров — Марказий банк раиси ўринбосари 18. И.М. Мухторов — Божхона қўмитаси раисининг биринчи ўринбосари 19. Ж.И. Абдиев — Солиқ қўмитаси раиси ўринбосари 20. Ф.Э. Карабаев — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари 21. Б.Ш. Усмонов — Давлат активларини бошқариш агентлиги директори ўринбосари 22. Д.Н. Саттаров — Ўзбекистон техник жиҳатдан тартибга солиш агентлиги бош директори 23. Б.Қ.Юсупалиев — Санитария-эпидемиологик осойишталик ва жамоат саломатлиги қўмитаси раиси 24. И.К. Эргашев — Ўсимликлар карантини ва ҳимояси агентлиги бош директори 25. А.А. Акбаров — Ветеринария ва чорвачиликни ривожлантириш қўмитаси раиси ўринбосари 26. Д.А. Ваҳобов — Савдо-саноат палатаси раиси 27. Ш.Ф. Озодзода — Ўзбекистон Республикаси Президенти Администрацияси масъул ходими 28. Ф.А. Кадиров — Марказий Осиё халқаро институти директори ўринбосари 29. Е.С. Каньязов — Адлия вазирлиги департаменти бошлиғи 30. Лавозими бўйича — Адлия вазирлигининг миллий қонунчиликни Жаҳон савдо ташкилоти битимларига уйғунлаштириш бўйича бўлинмаси бошлиғи 31. А.Э. Мирсаидов — Ўзбекистон Республикасининг Женева шаҳридаги БМТ бўлинмаси ва бошқа халқаро ташкилотлар ҳузуридаги Доимий ваколатхонаси маслаҳатчиси — Ўзбекистон Республикасининг ЖСТдаги вакили 32. Лавозими бўйича — Инвестициялар, саноат ва савдо вазирлиги ЖСТ билан ишлаш ва савдо музокаралари департаменти директори, Идоралараро комиссия масъул котиби
Ўзбекистон Республикаси Президентининг 2023 йил 2 июндаги ПҚ-181-сон қарорига 2-ИЛОВА
Жаҳон савдо ташкилоти билан ишлаш бўйича музокаралар гуруҳи
1. Ж.А.Ходжаев — Ўзбекистон Республикаси Бош вазири ўринбосари , Идоралараро комиссия раиси 2. А.А. Урунов — Ўзбекистон Республикаси Президентининг Жаҳон савдо ташкилоти масалалари бўйича махсус вакили, Музокаралар гуруҳи раҳбари — бош музокарачи 3. И.И. Норқулов — иқтисодиёт ва молия вазири ўринбосари 4. Д.Ш. Султанов — иқтисодиёт ва молия вазири ўринбосари 5. А.Н. Каримов — адлия вазири ўринбосари 6. А.Я. Хайдаров — қишлоқ хўжалиги вазири ўринбосари 7. Б.Н. Абидов — инвестициялар, саноат ва савдо вазири ўринбосари 8. И.М. Мухторов — Божхона қўмитаси раисининг биринчи ўринбосари 9. Ф.Э. Карабаев — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари 10. Б.Ш. Усмонов — Давлат активларини бошқариш агентлиги директори ўринбосари 11. Д.Н. Саттаров — Ўзбекистон техник жиҳатдан тартибга солиш агентлиги директори 12. Б.Қ. Юсупалиев — Санитария-эпидемиологик осойишталик ва жамоат саломатлиги қўмитаси раиси 13. И.К. Эргашев — Ўсимликлар карантини ва ҳимояси агентлиги бош директори 14. А.А. Акбаров — Ветеринария ва чорвачиликни ривожлантириш қўмитаси раиси ўринбосари 15. Е.С. Каньязов — Адлия вазирлиги Департаменти директори 16. А.Э. Мирсаидов — Ўзбекистон Республикасининг Женева шаҳридаги БМТ бўлинмаси ва бошқа халқаро ташкилотлар ҳузуридаги доимий ваколатхонаси маслаҳатчиси — Ўзбекистон Республикасининг ЖСТдаги вакили 17. Лавозими бўйича — Инвестициялар, саноат ва савдо вазирлиги ЖСТ билан ишлаш ва савдо музокаралари департаменти директори, Музокаралар гуруҳи котиби
Ўзбекистон Республикаси Президентининг 2023 йил 2 июндаги ПҚ-181-сон қарорига 3-ИЛОВА
Жаҳон савдо ташкилоти масалалари бўйича бўлинмалар ташкил этиладиган вазирлик ва идоралар
1. Иқтисодиёт ва молия вазирлиги;
2. Қишлоқ хўжалиги вазирлиги;
3. Сув хўжалиги вазирлиги;
4. Қурилиш ва уй-жой коммунал хўжалиги вазирлиги;
5. Камбағалликни қисқартириш ва бандлик вазирлиги;
6. Олий таълим, фан ва инновациялар вазирлиги;
7. Мактабгача ва мактаб таълими вазирлиги;
8. Ёшлар сиёсати ва спорт вазирлиги;
9. Рақамли технологиялар вазирлиги;
10. Транспорт вазирлиги;
11. Маданият ва туризм вазирлиги;
12. Соғлиқни сақлаш вазирлиги;
13. Марказий банк;
14. Давлат активларини бошқариш агентлиги;
15. Рақобатни ривожлантириш ва истеъмолчилар ҳуқуқларини ҳимоя қилиш қўмитаси;
16. Санитария-эпидемиологик осойишталик ва жамоат саломатлиги қўмитаси;
17. Ўсимликлар карантини ва ҳимояси агентлиги;
18. Ветеринария ва чорвачиликни ривожлантириш қўмитаси;
19. Божхона қўмитаси;
20. Ўзбекистон техник жиҳатдан тартибга солиш агентлиги.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 2 июнь,
ПҚ-181-сон
Oʻzbekiston Respublikasi Prezidentining
Qarori
TARKIBI
TARKIBI
ROʻYXATI
Oʻzbekiston Respublikasining Jahon savdo tashkilotiga aʼzo boʻlish jarayonini jadallashtirishga doir qoʻshimcha chora-tadbirlar toʻgʻrisida
Oʻzbekiston Respublikasining Jahon savdo tashkilotiga (keyingi oʻrinlarda — JST) aʼzo boʻlish jarayonini tezlashtirish va sifatli amalga oshirishni taʼminlash maqsadida:
1. Jahon savdo tashkiloti bilan ishlash boʻyicha idoralararo komissiyaning (keyingi oʻrinlarda — Komissiya) yangilangan tarkibi 1-ilovaga muvofiq tasdiqlansin.
Komissiyaga (J.A. Xodjayev) quyidagi asosiy vazifalar yuklansin:
JSTga aʼzo mamlakatlar bilan bozorga kirish boʻyicha Oʻzbekiston Respublikasining pozitsiyasini aniq belgilab berish hamda ikki va koʻp tomonlama muzokaralar jarayonida tashqi savdo rejimini tarif va notarif choralar orqali oʻzgartirish boʻyicha qarorlar qabul qilish;
milliy qonunchilikni JST bitim, qoida va meʼyorlariga muvofiqlashtirish boʻyicha Adliya vazirligi, tegishli vazirlik va idoralar tomonidan tayyorlangan takliflarni koʻrib chiqish va milliy qonunchilikka implementatsiya qilish yuzasidan qarorlar qabul qilish;
JSTga aʼzo boʻlish jarayonida yuqori professional mahorat bilan materiallarni sifatli va oʻz vaqtida tayyorlash hamda muzokaralar natijadorligini taʼminlashda faollik koʻrsatgan vazirlik va idoralar rahbarlari hamda masʼul xodimlarini moddiy ragʻbatlantirish;
JSTga aʼzo boʻlish jarayoniga jalb qilinib, vazifasiga loqaydlik va masʼuliyatsizlik bilan yondashgan vazirlik va idoralar rahbarlariga nisbatan intizomiy choralar koʻrish boʻyicha, shu jumladan ularning egallab turgan lavozimiga loyiqligi toʻgʻrisida Oʻzbekiston Respublikasi Prezidenti va Bosh vaziriga taqdimnomalar kiritish;
Oʻzbekiston Respublikasi Prezidenti Administratsiyasi bilan tezkor tarzda kelishgan holda Jahon savdo tashkiloti bilan ishlash boʻyicha muzokaralar guruhining (keyingi oʻrinlarda — muzokaralar guruhi) xorijiy mamlakatlarda ikki va koʻp tomonlama muzokaralar oʻtkazishini taʼminlash.
2. Oʻzbekiston Respublikasi Prezidenti Administratsiyasi tuzilmasida Oʻzbekiston Respublikasi Prezidentining Jahon savdo tashkiloti masalalari boʻyicha maxsus vakili (keyingi oʻrinlarda — maxsus vakil) lavozimi kiritilsin.
Belgilansinki, maxsus vakil:
bir paytning oʻzida Komissiya raisining oʻrinbosari hamda muzokaralar guruhi rahbari — bosh muzokarachi hisoblanadi;
maqomi, mehnatga haq toʻlash, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidenti Administratsiyasining shuʼbasi mudiriga tenglashtiriladi.
3. Maxsus vakilning asosiy vazifalari etib quyidagilar belgilansin:
JSTga aʼzo boʻlish jarayonini jadallashtirish, masʼul vazirlik va idoralar faoliyatining natijadorligini taʼminlash boʻyicha ishlarni muvofiqlashtirish;
JSTga aʼzo boʻlish shartlari, shuningdek, tashkilotga aʼzo davlatlar bilan muzokaralar oʻtkazishda har bir masala boʻyicha aniq pozitsiya ishlab chiqilishi va takliflarning Komissiyaga koʻrib chiqish uchun kiritilishini taʼminlash;
JSTga aʼzo davlatlar bilan ikki tomonlama muzokaralarni oʻtkazishga puxta va har tomonlama tayyorgarlik koʻrish hamda ularning samarali oʻtkazilishini taʼminlash;
JSTga aʼzo boʻlish jarayonida Oʻzbekiston Respublikasi pozitsiyasini yetkazish maqsadida JST Kotibiyati va aʼzo davlatlar hamda xalqaro tashkilotlarning rasmiy vakillari bilan doimiy ishchi aloqalarni oʻrnatish;
JSTga aʼzo boʻlish jarayonida donorlarning texnik koʻmagi va ular tomonidan ajratiladigan grant mablagʻlaridan samarali foydalanishni muvofiqlashtirish va nazorat qilish.
4. Jahon savdo tashkiloti bilan ishlash boʻyicha muzokaralar guruhining yangilangan tarkibi 2-ilovaga muvofiq tasdiqlansin va uning asosiy vazifalari etib quyidagilar belgilansin:
Komissiya tomonidan belgilab berilgan pozitsiya asosida JSTga aʼzo mamlakatlar bilan bozorga kirish boʻyicha samarali muzokaralar olib borish;
muzokaralar holatidan kelib chiqib va kelishuvlarda oldinga ildamlash maqsadida, zarur hollarda, bozorga kirish boʻyicha muzokaralar jarayonida takliflar ishlab chiqish va tezkor kelishish.
5. Komissiyaning quyidagi takliflari maʼqullansin:
Adliya vazirligiga maʼmuriy islohotlar doirasida ilgari maqbullashtirilgan shtat birliklari hisobidan qoʻshimcha 5 ta shtat birligini ajratgan holda vazirlikka milliy qonunchilikni JST bitimlariga uygʻunlashtirish funksiyasini yuklash;
Investitsiyalar, sanoat va savdo vazirligi markaziy apparati tuzilmasida mavjud shtat birliklari doirasida JST bilan hamkorlik qilish, MDH va Yevroosiyo iqtisodiy ittifoqi bilan hamkorlik qilish hamda Tarif va notarif tartibga solish choralari boshqarmalari negizida Jahon savdo tashkiloti bilan ishlash va savdo muzokaralari departamentini tashkil etish;
mazkur qarorning 3-ilovasida keltirilgan vazirlik va idoralar markaziy apparati tuzilmasida belgilangan umumiy shtat birligi doirasida JST masalalari boʻyicha boʻlinmalarni tashkil qilish;
Tashqi ishlar vazirligi xorijiy mamlakatlardagi diplomatik vakolatxonalarning mavjud vakant shtatlarni maqbullashtirish hisobidan Oʻzbekiston Respublikasining Jeneva shahridagi Birlashgan Millatlar Tashkiloti boʻlinmasi va boshqa xalqaro tashkilotlar huzuridagi doimiy vakolatxonasida qoʻshimcha 1 ta shtat birligida — JST masalalari boʻyicha birinchi kotib lavozimini kiritish.
Belgilab qoʻyilsinki, vazirlik va idoralarning JST masalalariga masʼul boʻlgan xodimlarini boshqa ishga oʻtkazish yoki lavozimidan ozod etish Komissiya bilan kelishilgan holdagina amalga oshiriladi.
5 1 . Komissiyaga tashqi savdodagi tarif va notarif choralarni JST talablari asosida vaqtincha tartibga solish boʻyicha qarorlar qabul qilish vakolati berilsin.
6. Belgilansinki:
2023-yil 1-iyuldan boshlab JST qoida va meʼyorlariga muvofiq boʻlmagan normativ-huquqiy hujjatlar loyihalarini ishlab chiqish taqiqlanadi;
Oʻzbekistonning JSTga aʼzo boʻlish bilan bogʻliq tadbirlarni amalga oshirish uchun 2023-yilda jami 30 mlrd soʻm, shu jumladan Vazirlar Mahkamasi zaxira jamgʻarmasi hisobidan 10 mlrd soʻm va Eksportni ragʻbatlantirish agentligiga koʻzda tutilgan mablagʻlar doirasida 20 mlrd soʻm hamda 2024-yildan boshlab ushbu tadbirlarni moliyalashtirish uchun Davlat budjeti parametrlarida zarur mablagʻlar koʻzda tutiladi.
Komissiyaga JSTga aʼzo boʻlish bilan bogʻliq tadbirlar, shu jumladan ekspertlarni jalb qilish, tarjima xizmatlarini tashkil etish, tahliliy tadqiqot ishlarini olib borish, ilmiy asoslarni tayyorlash va JSTga aʼzo boʻlish jarayonida bevosita ishtirok etuvchi vazirlik va idoralar rahbarlari va masʼul xodimlarining xizmat safarlari hamda ularni moddiy ragʻbatlantirish bilan bogʻliq xarajatlarni mazkur bandda koʻzda tutilgan mablagʻlar hisobidan, zarur hollarda toʻgʻridan-toʻgʻri shartnomalar asosida, mustaqil moliyalashtirish huquqi berilsin.
Ushbu bandda nazarda tutilgan mablagʻlar Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasining maxsus gʻazna hisobvaragʻida jamlanadi va foydalaniladi.
7. Mazkur qarorning ijrosini samarali tashkil qilish, amalga oshirilgan ishlar toʻgʻrisida har 15 kunda Oʻzbekiston Respublikasi Prezidentiga axborot berib borish Bosh vazir oʻrinbosari J.A. Xodjayev hamda maxsus vakil zimmasiga yuklansin.
Qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
Oʻzbekiston Respublikasi Prezidentining 2023-yil 2-iyundagi PQ-181-son qaroriga 1-ILOVA
Jahon savdo tashkiloti bilan ishlash boʻyicha idoralararo komissiya
1. J.A. Xodjayev — Oʻzbekiston Respublikasi Bosh vaziri oʻrinbosari , Idoralararo komissiya raisi 2. A.A. Urunov — Oʻzbekiston Respublikasi Prezidentining Jahon savdo tashkiloti masalalari boʻyicha maxsus vakili, Idoralararo komissiya raisining oʻrinbosari 3. D.X. Fayziyeva — Oʻzbekiston Respublikasi Oliy Majlisi Qonunchilik palatasi deputati 4. D.A. Ganiyev — Oʻzbekiston Respublikasi Oliy Majlisi Qonunchilik palatasi deputati 5. G.G. Fazilov — tashqi ishlar vaziri oʻrinbosari 6. I.I. Norqulov — iqtisodiyot va moliya vaziri oʻrinbosari 7. D.Sh. Sultanov — iqtisodiyot va moliya vaziri oʻrinbosari 8. A.N. Karimov — adliya vaziri oʻrinbosari 9. A.Ya. Xaydarov — qishloq xoʻjaligi vaziri oʻrinbosari 10. B.N. Abidov — investitsiyalar, sanoat va savdo vaziri oʻrinbosari 11. J.E. Choriyev — transport vaziri oʻrinbosari 12. J.T. Maksudov — raqamli texnologiyalar vaziri oʻrinbosari 13. U.U. Sharifxodjayev — maktabgacha va maktab taʼlimi vazirining birinchi oʻrinbosari 14. S.M. Buzrukxonov — oliy taʼlim, fan va innovatsiyalar vaziri oʻrinbosari 15. O.R. Fazilkarimov — sogʻliqni saqlash vaziri oʻrinbosari 16. R.D. Maxammadiyev — Milliy statistika qoʻmitasi raisining oʻrinbosari 17. B.Yu. Abubakirov — Markaziy bank raisi oʻrinbosari 18. I.M. Muxtorov — Bojxona qoʻmitasi raisining birinchi oʻrinbosari 19. J.I. Abdiyev — Soliq qoʻmitasi raisi oʻrinbosari 20. F.E. Karabayev — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari 21. B.Sh. Usmonov — Davlat aktivlarini boshqarish agentligi direktori oʻrinbosari 22. D.N. Sattarov — Oʻzbekiston texnik jihatdan tartibga solish agentligi bosh direktori 23. B.Q.Yusupaliyev — Sanitariya-epidemiologik osoyishtalik va jamoat salomatligi qoʻmitasi raisi 24. I.K. Ergashev — Oʻsimliklar karantini va himoyasi agentligi bosh direktori 25. A.A. Akbarov — Veterinariya va chorvachilikni rivojlantirish qoʻmitasi raisi oʻrinbosari 26. D.A. Vahobov — Savdo-sanoat palatasi raisi 27. Sh.F. Ozodzoda — Oʻzbekiston Respublikasi Prezidenti Administratsiyasi masʼul xodimi 28. F.A. Kadirov — Markaziy Osiyo xalqaro instituti direktori oʻrinbosari 29. E.S. Kanyazov — Adliya vazirligi departamenti boshligʻi 30. Lavozimi boʻyicha — Adliya vazirligining milliy qonunchilikni Jahon savdo tashkiloti bitimlariga uygʻunlashtirish boʻyicha boʻlinmasi boshligʻi 31. A.E. Mirsaidov — Oʻzbekiston Respublikasining Jeneva shahridagi BMT boʻlinmasi va boshqa xalqaro tashkilotlar huzuridagi Doimiy vakolatxonasi maslahatchisi — Oʻzbekiston Respublikasining JSTdagi vakili 32. Lavozimi boʻyicha — Investitsiyalar, sanoat va savdo vazirligi JST bilan ishlash va savdo muzokaralari departamenti direktori, Idoralararo komissiya masʼul kotibi
Oʻzbekiston Respublikasi Prezidentining 2023-yil 2-iyundagi PQ-181-son qaroriga 2-ILOVA
Jahon savdo tashkiloti bilan ishlash boʻyicha muzokaralar guruhi
1. J.A.Xodjayev — Oʻzbekiston Respublikasi Bosh vaziri oʻrinbosari , Idoralararo komissiya raisi 2. A.A. Urunov — Oʻzbekiston Respublikasi Prezidentining Jahon savdo tashkiloti masalalari boʻyicha maxsus vakili, Muzokaralar guruhi rahbari — bosh muzokarachi 3. I.I. Norqulov — iqtisodiyot va moliya vaziri oʻrinbosari 4. D.Sh. Sultanov — iqtisodiyot va moliya vaziri oʻrinbosari 5. A.N. Karimov — adliya vaziri oʻrinbosari 6. A.Ya. Xaydarov — qishloq xoʻjaligi vaziri oʻrinbosari 7. B.N. Abidov — investitsiyalar, sanoat va savdo vaziri oʻrinbosari 8. I.M. Muxtorov — Bojxona qoʻmitasi raisining birinchi oʻrinbosari 9. F.E. Karabayev — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari 10. B.Sh. Usmonov — Davlat aktivlarini boshqarish agentligi direktori oʻrinbosari 11. D.N. Sattarov — Oʻzbekiston texnik jihatdan tartibga solish agentligi direktori 12. B.Q. Yusupaliyev — Sanitariya-epidemiologik osoyishtalik va jamoat salomatligi qoʻmitasi raisi 13. I.K. Ergashev — Oʻsimliklar karantini va himoyasi agentligi bosh direktori 14. A.A. Akbarov — Veterinariya va chorvachilikni rivojlantirish qoʻmitasi raisi oʻrinbosari 15. E.S. Kanyazov — Adliya vazirligi Departamenti direktori 16. A.E. Mirsaidov — Oʻzbekiston Respublikasining Jeneva shahridagi BMT boʻlinmasi va boshqa xalqaro tashkilotlar huzuridagi doimiy vakolatxonasi maslahatchisi — Oʻzbekiston Respublikasining JSTdagi vakili 17. Lavozimi boʻyicha — Investitsiyalar, sanoat va savdo vazirligi JST bilan ishlash va savdo muzokaralari departamenti direktori, Muzokaralar guruhi kotibi
Oʻzbekiston Respublikasi Prezidentining 2023-yil 2-iyundagi PQ-181-son qaroriga 3-ILOVA
Jahon savdo tashkiloti masalalari boʻyicha boʻlinmalar tashkil etiladigan vazirlik va idoralar
1. Iqtisodiyot va moliya vazirligi;
2. Qishloq xoʻjaligi vazirligi;
3. Suv xoʻjaligi vazirligi;
4. Qurilish va uy-joy kommunal xoʻjaligi vazirligi;
5. Kambagʻallikni qisqartirish va bandlik vazirligi;
6. Oliy taʼlim, fan va innovatsiyalar vazirligi;
7. Maktabgacha va maktab taʼlimi vazirligi;
8. Yoshlar siyosati va sport vazirligi;
9. Raqamli texnologiyalar vazirligi;
10. Transport vazirligi;
11. Madaniyat va turizm vazirligi;
12. Sogʻliqni saqlash vazirligi;
13. Markaziy bank;
14. Davlat aktivlarini boshqarish agentligi;
15. Raqobatni rivojlantirish va isteʼmolchilar huquqlarini himoya qilish qoʻmitasi;
16. Sanitariya-epidemiologik osoyishtalik va jamoat salomatligi qoʻmitasi;
17. Oʻsimliklar karantini va himoyasi agentligi;
18. Veterinariya va chorvachilikni rivojlantirish qoʻmitasi;
19. Bojxona qoʻmitasi;
20. Oʻzbekiston texnik jihatdan tartibga solish agentligi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 2-iyun,
PQ-181-son
Президента Республики Узбекистан
Постановление
СОСТАВ
СОСТАВ
О дополнительных мерах по ускорению процесса вступления Республики Узбекистан во Всемирную торговую организацию
В целях ускорения процесса и обеспечения качественной реализации задач по вступлению Республики Узбекистан во Всемирную торговую организацию (далее — ВТО):
1. Утвердить Межведомственную комиссию по работе со Всемирной торговой организацией (далее — Комиссия) в обновленном составе согласно приложению № 1 .
Возложить на Комиссию (Ж.А. Ходжаев) следующие основные задачи:
определение позиции Республики Узбекистан по доступу на рынок, а также принятие решений по внешнеторговому режиму посредством изменений тарифных и нетарифных мер в процессе двухсторонних и многосторонних переговоров со странами-членами ВТО;
рассмотрение предложений, подготовленных Министерством юстиции, соответствующими министерствами и ведомствами, по гармонизации национального законодательства с соглашениями, правилами и нормами ВТО и принятие решений по их имплементации в национальное законодательство;
материальное стимулирование руководителей и ответственных работников министерств и ведомств, проявивших активность и высокий профессионализм в качественной и своевременной подготовке материалов, а также обеспечении результативности переговоров в процессе вступления Республики Узбекистан в ВТО;
внесение Президенту Республики Узбекистан и Премьер-министру Республики Узбекистан представлений по принятию дисциплинарных мер в отношении руководителей министерств и ведомств, безответственно и халатно отнесшихся к возложенным на них задачам в рамках их участия в процессе вступления в ВТО, в том числе об их соответствии занимаемой должности;
обеспечение проведения Переговорной группой по работе со Всемирной торговой организацией (далее — переговорная группа) двухсторонних и многосторонних переговоров в зарубежных странах с оперативным согласованием с Администрацией Президента Республики Узбекистан.
2. Ввести в структуре Администрации Президента Республики Узбекистан должность специального представителя Президента Республики Узбекистан по вопросам Всемирной торговой организации (далее — специальный представитель).
Определить, что специальный представитель:
одновременно является заместителем председателя Комиссии и руководителем переговорной группы — главным переговорщиком;
по статусу, условиям оплаты труда, медицинскому и транспортному обслуживанию приравнивается к заведующему сектором Администрации Президента Республики Узбекистан.
3. Определить основными задачами специального представителя:
ускорение процесса вступления в ВТО, координацию работ по обеспечению результативности деятельности ответственных министерств и ведомств;
обеспечение выработки конкретной позиции по условиям вступления в ВТО, а также по каждому вопросу при проведении переговоров с государствами-членами организации и внесения предложений в Комиссию для рассмотрения;
тщательную и всестороннюю подготовку и обеспечение эффективного проведения двухсторонних переговоров с государствами-членами ВТО;
установление постоянных деловых контактов с официальными представителями Секретариата и государств-членов ВТО, а также международных организаций в целях доведения позиции Республики Узбекистан в процессе вступления Республики Узбекистан в ВТО;
осуществление координации и контроля за эффективным использованием технического содействия доноров и выделяемых ими грантовых средств в процессе вступления Республики Узбекистан в ВТО.
4. Утвердить обновленный состав Переговорной группы по работе со Всемирной торговой организацией согласно приложению № 2 , определив ее основными задачами:
эффективное проведение переговоров по доступу на рынок со странами-членами ВТО на основе позиции, определенной Комиссией;
разработку и, при необходимости, оперативное согласование предложений в процессе переговоров по доступу на рынок исходя из состояния переговоров и в целях продвижения договоренностей.
5 . Одобрить предложения Комиссии о:
возложении на Министерство юстиции функции гармонизации национального законодательства с соглашениями ВТО с выделением министерству дополнительно 5 штатных единиц за счет ранее оптимизированных штатных единиц в рамках административных реформ;
создании в структуре центрального аппарата Министерства инвестиций, промышленности и торговли в рамках имеющихся штатных единиц Департамента по работе со Всемирной торговой организацией и торговых переговоров на базе управлений по сотрудничеству с ВТО, по сотрудничеству с СНГ и Евразийским экономическим союзом, а также по тарифному и нетарифному регулированию;
создании подразделений по вопросам ВТО в структуре центрального аппарата министерств и ведомств, приведенных в приложении № 3 к настоящему постановлению, в пределах установленной общей штатной численности;
введении дополнительной 1 штатной единицы — должности первого секретаря по вопросам ВТО в Постоянном представительстве Республики Узбекистан при Отделениии Организации Объединенных Наций и других международных организациях в Женеве за счет оптимизации имеющихся вакантных штатов дипломатических представительств Министерства иностранных дел в зарубежных странах.
Определить, что перевод на другую работу или освобождение от должности ответственных работников министерств и ведомств, вовлеченных в процесс вступления Республики Узбекистан ВТО осуществляются исключительно по согласованию с Комиссией.
5 1 . Предоставить Комиссии полномочие по принятию решений о временном регулировании тарифных и нетарифных мер во внешней торговле на основании требований ВТО.
6. Установить, что:
с 1 июля 2023 года запрещается разработка проектов нормативно-правовых актов, не соответствующих правилам и нормам ВТО;
для осуществления мероприятий, связанных со вступлением Узбекистана в ВТО, в 2023 году выделяется всего 30 млрд сумов, в том числе за счет резервного фонда Кабинета Министров — 10 млрд сумов и в рамках средств, предусмотренных Агентству продвижения экспорта, — 20 млрд сумов, а также начиная с 2024 года для финансирования данных мероприятий необходимые средства предусматриваются в параметрах Государственного бюджета.
Предоставить Комиссии право самостоятельного финансирования расходов, связанных с мероприятиями по вступлению в ВТО, в том числе привлечением экспертов, организацией службы переводов, проведением аналитико-исследовательской работы, подготовкой научных основ, а также служебными командировками и материальным стимулированием руководителей и ответственных работников министерств и ведомств, непосредственно участвующих в процессе вступления Республики Узбекистан в ВТО, за счет средств, предусмотренных в настоящем пункте, при необходимости — на основе прямых договоров.
Средства, предусмотренные данным пунктом, аккумулируются и используются из специального казначейского счета Комитета казначейской службы при Министерстве экономики и финансов Республики Узбекистан.
7 . Возложить на заместителя Премьер-министра Ж.А. Ходжаева и специального представителя персональную ответственность за эффективную организацию исполнения настоящего постановления, внесение Президенту Республики Узбекистан каждые 15 дней информации о проведенной работе.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан С.У. Умурзакова.
ПРИЛОЖЕНИЕ № 1 к постановлению Президента Республики Узбекистан от 2 июня 2023 года № ПП-181
Межведомственной комиссии по работе со Всемирной торговой организацией
1. Ж.А. Ходжаев — заместитель Премьер-министра Республики Узбекистан, председатель Межведомственной комиссии 2. А.А. Урунов — специальный представитель Президента Республики Узбекистан по вопросам Всемирной торговой организации, заместитель Межведомственной комиссии 3. Д.Х. Файзиева — депутат Законодательной палаты Олий Мажлиса Республики Узбекистан 4. Д.А. Ганиев — депутат Законодательной палаты Олий Мажлиса Республики Узбекистан 5. Г.Г. Фазилов — заместитель министра иностранных дел 6. И.И. Норкулов — заместитель министра экономики и финансов 7. Д.Ш. Султанов — заместитель министра экономики и финансов 8. А.Н. Каримов — заместитель министра юстиции 9. А.Я. Хайдаров — заместитель министра сельского хозяйства 10. Б.Н. Абидов — заместитель министра инвестиций, промышленности и торговли 11. Ж.Э.Чориев — заместитель министра транспорта 12. Ж.Т. Максудов — заместитель министра цифровых технологий 13. У.У. Шарифходжаев — первый заместитель министра дошкольного и школьного образования 14. С.М. Бузрукхонов — заместитель министра высшего образования, науки и инноваций 15. О.Р. Фазилкаримов — заместитель министра здравоохранения 16. Р.Д. Махаммадиев — заместитель председателя Национального комитета по статистике 17. Б.Ю. Абубакиров — заместитель председателя Центрального банка 18. И.М. Мухтаров — первый заместитель председателя Таможенного комитета 19. Ж.И. Абдиев — заместитель председателя Налогового комитета 20. Ф.Э. Карабаев — заместитель председателя Комитета по развитию конкуренции и защите прав потребителей 21. Б.Ш. Усмонов — заместитель директора Агентства по управлению государственными активами 22. Д.Н. Саттаров — генеральный директор Узбекского агентства по техническому регулированию 23. Б.К. Юсупалиев — председатель Комитета санитарно-эпидемиологического благополучия и общественного здоровья 24. И.К. Эргашев — генеральный директор Агентства по карантину и защите растений 25. А.А. Акбаров — заместитель председателя Комитета ветеринарии и развития животноводства 26. Д.А. Вахабов — председатель Торгово-промышленной палаты 27. Ш.Ф. Озодзода — ответственный работник Администрации Президента Республики Узбекистан 28. Ф.А. Кадыров — заместитель директора Международного института Центральной Азии 29. Е.С. Каньязов — начальник департамента Министерства юстиции 30. По должности — начальник подразделения Министерства юстиции по гармонизации национального законодательства с соглашениями ВТО 31. А.Э. Мирсаидов — советник Постоянного представительства Республики Узбекистан при Отделении ООН и других международных организациях в Женеве — представитель Республики Узбекистан при ВТО 32. По должности — директор Департамента по работе с ВТО и торговых переговоров Министерства инвестиций, промышленности и торговли, ответственный секретарь Межведомственной комиссии
ПРИЛОЖЕНИЕ № 2 к постановлению Президента Республики Узбекистан от 2 июня 2023 года № ПП-181
Переговорной группы по присоединению к Всемирной торговой организации
1. Ж.А. Ходжаев — заместитель Премьер-министра Республики Узбекистан, председатель Межведомственной комиссии 2. А.А. Урунов — специальный представитель Президента Республики Узбекистан по вопросам Всемирной торговой организации, руководитель Переговорнойгруппы — главный переговорщик 3. И.И. Норкулов — заместитель министра экономики и финансов 4. Д.Ш. Султанов — заместитель министра экономики и финансов 5. А.Н. Каримов — заместитель министра юстиции 6. А.Я. Хайдаров — заместитель министра сельского хозяйства 7. Б.Н. Абидов — заместитель министра инвестиций, промышленности и торговли 8. И.М. Мухтаров — первый заместитель председателя Таможенного комитета 9. Ф.Э. Карабаев — заместитель председателя Комитета по развитию конкуренции и защите прав потребителей 10. Б.Ш. Усмонов — заместитель директора Агентства по управлению государственными активами 11. Д.Н. Саттаров — генеральный директор Узбекского агентства по техническому регулированию 12. Б.К. Юсупалиев — председатель Комитета санитарно-эпидемиологического благополучия и общественного здоровья 13. И.К. Эргашев — генеральный директор Агентства по карантину и защите растений 14. А.А. Акбаров — заместитель председателя Комитета ветеринарии и развития животноводства 15. Е.С. Каньязов — начальник департамента Министерства юстиции 16. А.Э. Мирсаидов — советник Постоянного представительства Республики Узбекистан при Отделении ООН и других международных организациях в Женеве — представитель Республики Узбекистан при ВТО 17. По должности — директор Департамента по работе с ВТО и торговых переговоров Министерства инвестиций, промышленности и торговли, секретарь Переговорной группы
ПРИЛОЖЕНИЕ № 3 к постановлению Президента Республики Узбекистан от 2 июня 2023 года № ПП-181
Перечень министерств и ведомств, в структуре которых создаются подразделения по вопросам ВТО
1. Министерство экономики и финансов;
2. Министерство сельского хозяйства;
3. Министерство водного хозяйства;
4. Министерство строительства и жилищно-коммунального хозяйства;
5. Министерство занятости и сокращения бедности;
6. Министерство высшего образования, науки и инноваций;
7. Министерство дошкольного и школьного образования;
8. Министерство молодежной политики и спорта;
9. Министерство цифровых технологий;
10. Министерство транспорта;
11. Министерство культуры и туризма;
12. Министерство здравоохранения;
13. Центральный банк;
14. Агентство по управлению государственными активами;
15. Комитет по развитию конкуренции и защите прав потребителей;
16. Комитет санитарно-эпидемиологического благополучия и общественного здоровья;
17. Агентство по карантину и защите растений;
18. Комитет ветеринарии и развития животноводства;
19. Таможенный комитет;
20. Узбекское агентство по техническому регулированию.
Президент Республики Узбекистан Ш. МИРЗИЁЕВ
г. Ташкент,
2 июня 2023 г.,
№ ПП-181