📅 2023-yil 5-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 5 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 5 июня 2023 г. · Указы Президента
Официальный текст. Официальный документ. Редакционные примечания не включены.
📅 5 June 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қатар Давлати фуқаролари учун Ўзбекистон Республикасига киришда визасиз режимни белгилаш тўғрисида
Ўзбекистон Республикаси ҳамда Қатар Давлати ўртасида маданий, илмий ва инвестициявий муҳитни яхшилаш, шунингдек, мамлакатимизнинг туристик салоҳиятини ривожлантиришга ижобий таъсир кўрсатадиган халқаро муносабатларни ривожлантириш учун янада қулай шарт-шароитларни яратиш мақсадида:
1. Қатар Давлати фуқаролари учун Ўзбекистон Республикаси ҳудудига кирган кундан эътиборан 30 кунлик муддатга визасиз режим белгилансин.
2. Ўзбекистон Республикаси Президентининг айрим фармонларига иловага мувофиқ ўзгартиришлар киритилсин.
3. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 5 июндаги ПФ-86-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар
1. Ўзбекистон Республикаси Президентининг 2018 йил 3 февралдаги ПФ-5326-сон Фармони билан тасдиқланган Фуқаролари учун туризм визаларини расмийлаштиришнинг соддалаштирилган тартиби жорий қилинадиган мамлакатлар рўйхатининг 9-банди ўз кучини йўқотган деб ҳисоблансин.
2. Ўзбекистон Республикаси Президентининг 2019 йил 5 январдаги ПФ-5611-сон Фармони билан тасдиқланган 2019 йил 1 февралдан бошлаб фуқаролари электрон кириш визасини олиш имкониятига эга бўлган мамлакатлар рўйхатининг 9-банди ўз кучини йўқотган деб ҳисоблансин.
3. Ўзбекистон Республикаси Президентининг 2021 йил 9 февралдаги «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги ПФ-6165-сон Фармонининг 6-бандидан «Қатар Давлати» сўзлари чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 5 июнь,
ПФ-86-сон
Oʻzbekiston Respublikasi Prezidentining
Farmoni
Qatar Davlati fuqarolari uchun Oʻzbekiston Respublikasiga kirishda vizasiz rejimni belgilash toʻgʻrisida
Oʻzbekiston Respublikasi hamda Qatar Davlati oʻrtasida madaniy, ilmiy va investitsiyaviy muhitni yaxshilash, shuningdek, mamlakatimizning turistik salohiyatini rivojlantirishga ijobiy taʼsir koʻrsatadigan xalqaro munosabatlarni rivojlantirish uchun yanada qulay shart-sharoitlarni yaratish maqsadida:
1. Qatar Davlati fuqarolari uchun Oʻzbekiston Respublikasi hududiga kirgan kundan eʼtiboran 30 kunlik muddatga vizasiz rejim belgilansin.
2. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar kiritilsin.
3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 5-iyundagi PF-86-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar
1. Oʻzbekiston Respublikasi Prezidentining 2018-yil 3-fevraldagi PF-5326-son Farmoni bilan tasdiqlangan Fuqarolari uchun turizm vizalarini rasmiylashtirishning soddalashtirilgan tartibi joriy qilinadigan mamlakatlar roʻyxatining 9-bandi oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2019-yil 5-yanvardagi PF-5611-son Farmoni bilan tasdiqlangan 2019-yil 1-fevraldan boshlab fuqarolari elektron kirish vizasini olish imkoniyatiga ega boʻlgan mamlakatlar roʻyxatining 9-bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2021-yil 9-fevraldagi “Oʻzbekiston Respublikasida ichki va ziyorat turizmini yanada rivojlantirish chora-tadbirlari toʻgʻrisida”gi PF-6165-son Farmonining 6-bandidan “Qatar Davlati” soʻzlari chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 5-iyun,
PF-86-son
Президента Республики Узбекистан
Указ
Об установлении безвизового режима въезда в Республику Узбекистан для граждан Государства Катар
В целях создания наиболее благоприятных условий для развития международных отношений между Республикой Узбекистан и Государством Катар, способствующих улучшению культурного, научного и инвестиционного климата, а также положительно влияющих на развитие туристского потенциала страны:
1. Установить безвизовый режим сроком на 30 дней со дня въезда на территорию Республики Узбекистан для граждан Государства Катар.
2. Внести изменения в некоторые указы Президента Республики Узбекистан согласно приложению .
3. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к Указу Президента Республики Узбекистан от 5 июня 2023 года № УП-86
Изменения, вносимые в некоторые указы Президента Республики Узбекистан
1. Пункт 9 Перечня стран, для граждан которых вводится упрощенный порядок оформления туристских виз, утвержденный Указом Президента Республики Узбекистан от 3 февраля 2018 года № УП-5326, признать утратившим силу.
2. Пункт 9 Перечня стран, граждане которых с 1 февраля 2019 года имеют возможность получения электронной въездной визы, утвержденный Указом Президента Республики Узбекистан от 5 января 2019 года № УП-5611, признать утратившим силу.
3. Из пункта 6 Указа Президента Республики Узбекистан от 9 февраля 2021 года № УП-6165 «О мерах по дальнейшему развитию внутреннего и паломнического туризма в Республике Узбекистан» слова «Государства Катар» исключить.
Президент Республики Узбекистан Ш. МИРЗИЁЕВ
г. Ташкент,
5 июня 2023 г.,
№ УП-86