📅 2023-yil 5-may · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 5 май · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 5 мая 2023 г. · Документы Центрального банка
Официальный текст. Официальный документ. Редакционные примечания не включены.
📅 5 May 2023 · Central Bank documents
Official text. Official document. Editorial notes are not included.
Ўзбекистон Республикаси Марказий банки БОШҚАРУВИНИНГ
Қарори
НИЗОМ
РЎЙХАТИ
Тижорат банклари томонидан кўчмас мулкни ва бошқа мол-мулкни сотиб олишга ҳамда унга эгалик қилишга, шунингдек юридик шахсларнинг устав фондидаги (устав капиталидаги) улушларини ёки акцияларини сотиб олишга қўйиладиган талаблар тўғрисидаги низомни тасдиқлаш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Банклар ва банк фаолияти тўғрисида »ги қонунларига мувофиқ Ўзбекистон Республикаси Марказий банки бошқаруви қарор қилади:
1. Тижорат банклари томонидан кўчмас мулкни ва бошқа мол-мулкни сотиб олишга ҳамда унга эгалик қилишга, шунингдек юридик шахсларнинг устав фондидаги (устав капиталидаги) улушларини ёки акцияларини сотиб олишга қўйиладиган талаблар тўғрисидаги низом 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур қарор расмий эълон қилинган кундан эътиборан уч ойдан кейин кучга киради.
Ўзбекистон Республикаси Марказий банки бошқарувининг 2023 йил 5 майдаги 10/5-сон қарорига 1-ИЛОВА
Тижорат банклари томонидан кўчмас мулкни ва бошқа мол-мулкни сотиб олишга ҳамда унга эгалик қилишга, шунингдек юридик шахсларнинг устав фондидаги (устав капиталидаги) улушларини ёки акцияларини сотиб олишга қўйиладиган талаблар тўғрисидаги
Мазкур Низом тижорат банклари, шу жумладан исломий банк фаолиятини амалга оширувчи банклар (бундан буён матнда банк деб юритилади) томонидан кўчмас мулкни ва бошқа мол-мулкни сотиб олишга ҳамда унга эгалик қилишга, шунингдек юридик шахсларнинг устав фондидаги (устав капиталидаги) улушларини ёки акцияларини сотиб олишга қўйиладиган талабларни белгилайди.
1-боб. Банк томонидан кўчмас мулкни ва бошқа мол-мулкни сотиб олишга ҳамда унга эгалик қилишга доир талаблар
1-§. Умумий қоидалар
1. Мазкур Низом талабларига мувофиқ банк фаолиятини амалга ошириш учун зарур бўлган кўчмас мулк ва бошқа мол-мулкларга қуйидагилар киради:
банкнинг фаолияти ва тўлиқ иш юритиши учун зарур бўлган, унга тегишли бинолар ва бошқа иншоотлар (хизмат бинолари, омбор, гараж, ошхона, ўқув маркази, ижтимоий инфраструктура объектлари);
банк фаолиятида фойдаланилаётган транспорт воситалари (автомашина, юк машиналари ва бошқа ҳаракатланувчи воситалар);
банк фаолияти учун сотиб олинган мебеллар, компьютерлар, бинолар учун мосламалар, офис учун ва бошқа ускуналар;
тўлов карталари билан ҳисоб-китобларни амалга ошириш ускуналари, банкоматлар, терминаллар, серверлар ва бошқа ускуналар;
операцион ижарага берилган асосий воситалар;
омбордаги асосий воситалар;
банк томонидан олинган ва омборда сақланаётган кам баҳоли ва тез эскирувчи буюмлар, шунингдек бошқа қимматликлар, шу жумладан банкнинг бино ва бошқа асосий воситаларини таъмирлаш учун мўлжалланган материаллар;
банкнинг тугатилган ёки тугатилиш жараёнида бўлган банклардаги маблағлари.
2. Мазкур Низом талабларига мувофиқ банк фаолиятини амалга ошириш учун зарурияти мавжуд бўлмаган (фойдаланилмайдиган) кўчмас мулк ва бошқа мол-мулкларга қуйидагилар киради:
сотиб олинган ер;
гаров ҳисобидан ундирилган кўчмас мулк ва бошқа мол-мулклар;
кредит ва лизинг бўйича ундирилган тугатилаётган банкрот корхоналар кўчмас мулки ва бошқа мол-мулклари;
ижара даромадини олиш ва капитал ўсиши учун ёки ҳар икки мақсад учун мўлжалланган кўчмас мулклар;
банк фаолиятини амалга ошириш учун сотиб олинган, бироқ банк фаолиятида ва (ёки) мулкка қилинган инвестиция сифатида уч йилдан ортиқ муддатда фойдаланилмаётган кўчмас мулк ва бошқа мол-мулклар.
3. Банк фаолиятини амалга ошириш учун зарур бўлган ёки зарурияти мавжуд бўлмаган (фойдаланилмайдиган) кўчмас мулк ва бошқа мол-мулкларнинг жами қиймати банкнинг биринчи даражали регулятив капиталининг бир баробаридан ошмаслиги керак.
4. Банк фаолиятини амалга ошириш учун зарур бўлган ёки зарурияти мавжуд бўлмаган (фойдаланилмайдиган) кўчмас мулк ва бошқа мол-мулкларнинг жами қиймати ҳисоб-китобларида:
асосий воситалар, бино (иншоотлар)ни қурилиши (реконструкцияси) билан боғлиқ бўлган лойиҳа-қидирув ишлари, қурилиш материаллари, меҳнат, харажатлар ҳамда асосий воситалар сотиб олиш билан боғлиқ бўлган бошқа капиталлаштириладиган харажатлар қиймати қўшилган ҳолда;
ушбу кўчмас мулк ва бошқа мол-мулклар бўйича эҳтимолий йўқотишларни қоплаш учун шакллантирилган захиралар ва йиғилган эскириш суммалари миқдори чегирилган ҳолда ҳисобга олинади.
2-§. Кўчмас мулк ва бошқа мол-мулкни сотиб олишга ва эгалик қилишга доир талаблар
5. Банклар банк фаолиятини амалга ошириш учун зарур бўлганда кўчмас мулкни ва бошқа мол-мулкни сотиб олишлари ҳамда уларга эгалик қилишлари мумкин.
6. Банклар банк фаолиятини амалга ошириш учун зарурияти мавжуд бўлмаган (фойдаланилмайдиган) кўчмас мулк ва бошқа мол-мулкларга вақтинчалик эгалик қилишлари ҳамда уч йил ичида сотиш чораларини кўриши ёки улардан фойдаланиш тўғрисида қарор қабул қилиши зарур.
7. Банк фаолиятини амалга ошириш учун зарурияти мавжуд бўлмаган (фойдаланилмайдиган) кўчмас мулк ва бошқа мол-мулкни сотишда сотувчи банк томонидан харидорнинг молияланишини ўз ичига олса, банк ушбу операцияга кредитлаш (молиялаштириш) сифатида ёндашиши лозим. Бунда банк кредитлашга (молиялаштиришга) нисбатан белгиланган талабларни бажариши зарур.
8. Кўчмас мулк ва бошқа мол-мулкни банк фаолиятини амалга ошириш учун зарурияти мавжуд бўлмаган (фойдаланилмайдиган) деб ҳисоблаш қуйидаги санадан бошланади:
банк фаолиятини амалга оширишда фойдаланилмайдиган кўчмас мулк ва бошқа мол-мулкка мулк ҳуқуқи банкка ўтган кундан бошлаб;
банкнинг бир биносидан бошқа биносига кўчиб ўтиши тугалланган кундан бошлаб;
банк фаолиятини амалга ошириш учун зарур бўлган сотиб олинган (эгалик қилинаётган) кўчмас мулк ва бошқа мол-мулкдан фойдаланмаслик тўғрисида қарор қабул қилинган кундан бошлаб;
гаров ҳисобидан ундирилган кўчмас мулк ва бошқа мол-мулк банк ихтиёрига ўтган кундан бошлаб.
9. Банкнинг ваколатли бошқарув органи банк фаолиятини амалга ошириш учун зарурияти мавжуд бўлмаган (фойдаланилмайдиган) кўчмас мулкдан ва бошқа мол-мулкдан мазкур Низомнинг 8-бандида назарда тутилган тегишли муддатдан бошлаб уч йилдан сўнг банк фаолиятини амалга оширишда фойдаланишга қарор қилганда ушбу кўчмас мулк ва мол-мулклардан фойдаланишнинг аниқ режасини ишлаб чиқиб, тасдиқлаши зарур.
Бунда, мазкур режа якуний ва оралиқ муддатларда амалга ошириладиган аниқ чора-тадбирларни ўз ичига олиши ҳамда ушбу режа тасдиқлангандан бошлаб банк фаолиятини амалга ошириш учун зарурияти мавжуд бўлмаган (фойдаланилмайдиган) кўчмас мулк ва бошқа мол-мулкдан икки йил ичида фойдаланишни бошлаш назарда тутиши лозим.
2-боб. Банклар томонидан юридик шахсларнинг устав фондидаги (устав капиталидаги) улушларини ёки акцияларини сотиб олишга қўйиладиган талаблар
10. Банклар Марказий банк томонидан бериладиган банк фаолиятини амалга ошириш ҳуқуқини берувчи лицензия ва (ёки) исломий банк фаолиятини амалга ошириш ҳуқуқини берувчи лицензия асосида қонунчилик ҳужжатларига мувофиқ Марказий банк билан боғлиқ операцияларни амалга оширишлари мумкин.
11. Банкларга юридик шахсларни ташкил этиш ва (ёки) юридик шахсларнинг устав фондларидаги (устав капиталларидаги) улушларни ёки акцияларни олиш тақиқланади, бундан қуйидагилар мустасно:
кредит, суғурта , факторинг ва лизинг операцияларини профессионал асосда амалга оширувчи юридик шахслар;
молия бозори инфратузилмасининг бир қисми бўлган ёки банкларга ахборот ва маслаҳат хизматларини кўрсатувчи юридик шахслар;
қимматли қоғозлар бозорида профессионал фаолиятни амалга оширувчи юридик шахслар;
банкнинг кафолати остида қимматли қоғозларни чиқариш ва жойлаштириш мақсадида мазкур банкнинг хорижда ташкил этиладиган шуъба ташкилотлари;
фақат инкассация фаолияти билан шуғулланувчи юридик шахслар;
банк операциялари бўйича ҳисоб-китоблар, шу жумладан банк карталари билан операцияларга доир ҳисоб-китоблар иштирокчилари ўртасида ўзаро боғлиқлигини таъминлаш бўйича хизматлар кўрсатувчи юридик шахслар;
фонд ва валюта биржалари;
кредит бюролари;
қимматли қоғозларнинг иккиламчи бозорига жойлаштирилган акцияларнинг йигирма фоизидан ортиқ бўлмаган миқдорда фонд биржаси листингига киритилган акциядорлик жамиятлари.
исломий молия операциялари сифатида мижозни молиялаштириш мақсадида ташкил этилган юридик шахслар ва (ёки) юридик шахсларнинг устав фондларидаги (устав капиталларидаги) сотиб олинган улушлар ёки акциялар.
12. Банк томонидан бир юридик шахснинг устав фондидаги (устав капиталидаги) улушларини ёки акцияларини олиш банкнинг биринчи даражали регулятив капиталининг ўн беш фоизидан ошмаслиги керак. Ушбу чеклов банк томонидан мазкур юридик шахсларнинг устав фондидаги (устав капиталидаги) улушларига ёки акцияларига эгалик қилишга, шу жумладан мазкур юридик шахсларнинг ташкил этилиши ҳолларига нисбатан ҳам татбиқ этилади.
13. Юридик шахсларнинг устав фондидаги (устав капиталидаги) улушларини ёки акцияларини сотиб олиш йиғиндиси банкнинг биринчи даражали регулятив капиталининг эллик фоизидан ошмаслиги керак.
14. Агар банк томонидан юридик шахслар устав фондидаги (устав капиталидаги) улушларига ёки акцияларига эгалик қилиш ушбу Низомнинг 12 ва 13-бандларида кўрсатилган миқдордан ортиқ бўлса, ушбу ортган қисмни банк бир йил ичида сотиши шарт.
15. Мазкур Низомнинг 12 ва 13-бандларида белгиланган чекловлар банк активлари таъминоти учун қабул қилинган қимматли қоғозларга нисбатан қўлланилмайди.
3-боб. Якуний қоидалар
16. Банклар сотиб олинган ва эгалигидаги кўчмас мулкни ва бошқа мол-мулкни, шунингдек сотиб олинган юридик шахсларнинг устав фондидаги (устав капиталидаги) улушларини ёки акцияларини ҳисобини юритиши ва бу тўғрисидаги ҳисоботларни ҳар ойнинг ўнинчи санасига қадар Марказий банкка тақдим этиб бориши лозим.
17. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўладилар.
Ўзбекистон Республикаси Марказий банки бошқарувининг 2023 йил 5 майдаги 10/5-сон қарорига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси Марказий банки бошқаруви томонидан 1998 йил 9 ноябрда 427-сон билан тасдиқланган Тижорат банкларининг кўчмас мулкка бўлган инвестицияларига қўйиладиган талаблар тўғрисида низом (рўйхат рақами 572, 1998 йил 19 декабрь).
2. Ўзбекистон Республикаси Марказий банки бошқарувининг 2010 йил 23 октябрдаги 34/15-сон «Тижорат банкларининг кўчмас мулкка бўлган инвестицияларига қўйиладиган талаблар тўғрисидаги низомга ўзгартиришлар киритиш ҳақида»ги қарори (рўйхат рақами 572-1, 2010 йил 8 ноябрь) (Ўзбекистон Республикаси қонун ҳужжатлари тўплами, 2010 й., 44-45-сон, 407-модда).
3. Ўзбекистон Республикаси Марказий банки бошқарувининг 2008 йил 27 декабрдаги 30/2-сон «Тижорат банклари томонидан қимматли қоғозлар билан ўтказиладиган операцияларга ва уларнинг бошқа корхоналар устав капиталида қатнашишига қўйиладиган талаблар тўғрисидаги низомни тасдиқлаш ҳақида»ги қарори (рўйхат рақами 1894, 2009 йил 2 февраль) (Ўзбекистон Республикаси қонун ҳужжатлари тўплами, 2009 й., 6-сон, 57-модда).
4. Ўзбекистон Республикаси Марказий банки бошқарувининг 2015 йил 22 июлдаги 19/5-сон «Тижорат банклари томонидан қимматли қоғозлар билан ўтказиладиган операцияларга ва уларнинг бошқа корхоналар устав капиталида қатнашишига қўйиладиган талаблар тўғрисидаги низомга ўзгартиришлар киритиш ҳақида»ги қарори (рўйхат рақами 1894-1, 2015 йил 29 июль) (Ўзбекистон Республикаси қонун ҳужжатлари тўплами, 2015 йил, 30-сон, 401-модда).
5. Ўзбекистон Республикаси Марказий банки бошқарувининг 2017 йил 24 июндаги 14/18-сон «Тижорат банклари томонидан қимматли қоғозлар билан ўтказиладиган операцияларга ва уларнинг бошқа корхоналар устав капиталида қатнашишига қўйиладиган талаблар тўғрисидаги низомга ўзгартиришлар ва қўшимча киритиш ҳақида»ги қарори (рўйхат рақами 1894-2, 2017 йил 24 июль) (Ўзбекистон Республикаси қонун ҳужжатлари тўплами, 2017 й., 30-сон, 746-модда).
6. Ўзбекистон Республикаси Марказий банки бошқарувининг 2018 йил 18 августдаги 27/12-сон «Тижорат банклари томонидан қимматли қоғозлар билан ўтказиладиган операцияларга ва уларнинг бошқа корхоналар устав капиталида қатнашишига қўйиладиган талаблар тўғрисидаги низомга ўзгартиришлар киритиш ҳақида»ги қарори (рўйхат рақами 1894-3, 2018 йил 6 сентябрь) (Қонун ҳужжатлари маълумотлари миллий базаси, 06.09.2018 й., 10/18/1894-3/1846-сон).
Раис М. НУРМУРАТОВ
Тошкент ш.,
2023 йил 5 май,
10/5-сон
Oʻzbekiston Respublikasi Markaziy banki BOSHQARUVINING
Qarori
NIZOM
ROʻYXATI
Tijorat banklari tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar toʻgʻrisidagi nizomni tasdiqlash haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Banklar va bank faoliyati toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:
1. Tijorat banklari tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar toʻgʻrisidagi nizom 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi Markaziy banki boshqaruvining 2023-yil 5-maydagi 10/5-son qaroriga 1-ILOVA
Tijorat banklari tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar toʻgʻrisidagi
Mazkur Nizom tijorat banklari, shu jumladan islomiy bank faoliyatini amalga oshiruvchi banklar (bundan buyon matnda bank deb yuritiladi) tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablarni belgilaydi.
1-bob. Bank tomonidan koʻchmas mulkni va boshqa mol-mulkni sotib olishga hamda unga egalik qilishga doir talablar
1-§. Umumiy qoidalar
1. Mazkur Nizom talablariga muvofiq bank faoliyatini amalga oshirish uchun zarur boʻlgan koʻchmas mulk va boshqa mol-mulklarga quyidagilar kiradi:
bankning faoliyati va toʻliq ish yuritishi uchun zarur boʻlgan, unga tegishli binolar va boshqa inshootlar (xizmat binolari, ombor, garaj, oshxona, oʻquv markazi, ijtimoiy infrastruktura obyektlari);
bank faoliyatida foydalanilayotgan transport vositalari (avtomashina, yuk mashinalari va boshqa harakatlanuvchi vositalar);
bank faoliyati uchun sotib olingan mebellar, kompyuterlar, binolar uchun moslamalar, ofis uchun va boshqa uskunalar;
toʻlov kartalari bilan hisob-kitoblarni amalga oshirish uskunalari, bankomatlar, terminallar, serverlar va boshqa uskunalar;
operatsion ijaraga berilgan asosiy vositalar;
ombordagi asosiy vositalar;
bank tomonidan olingan va omborda saqlanayotgan kam baholi va tez eskiruvchi buyumlar, shuningdek boshqa qimmatliklar, shu jumladan bankning bino va boshqa asosiy vositalarini taʼmirlash uchun moʻljallangan materiallar;
bankning tugatilgan yoki tugatilish jarayonida boʻlgan banklardagi mablagʻlari.
2. Mazkur Nizom talablariga muvofiq bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulk va boshqa mol-mulklarga quyidagilar kiradi:
sotib olingan yer;
garov hisobidan undirilgan koʻchmas mulk va boshqa mol-mulklar;
kredit va lizing boʻyicha undirilgan tugatilayotgan bankrot korxonalar koʻchmas mulki va boshqa mol-mulklari;
ijara daromadini olish va kapital oʻsishi uchun yoki har ikki maqsad uchun moʻljallangan koʻchmas mulklar;
bank faoliyatini amalga oshirish uchun sotib olingan, biroq bank faoliyatida va (yoki) mulkka qilingan investitsiya sifatida uch yildan ortiq muddatda foydalanilmayotgan koʻchmas mulk va boshqa mol-mulklar.
3. Bank faoliyatini amalga oshirish uchun zarur boʻlgan yoki zaruriyati mavjud boʻlmagan (foydalanilmaydigan) koʻchmas mulk va boshqa mol-mulklarning jami qiymati bankning birinchi darajali regulyativ kapitalining bir barobaridan oshmasligi kerak.
4. Bank faoliyatini amalga oshirish uchun zarur boʻlgan yoki zaruriyati mavjud boʻlmagan (foydalanilmaydigan) koʻchmas mulk va boshqa mol-mulklarning jami qiymati hisob-kitoblarida:
asosiy vositalar, bino (inshootlar)ni qurilishi (rekonstruksiyasi) bilan bogʻliq boʻlgan loyiha-qidiruv ishlari, qurilish materiallari, mehnat, xarajatlar hamda asosiy vositalar sotib olish bilan bogʻliq boʻlgan boshqa kapitallashtiriladigan xarajatlar qiymati qoʻshilgan holda;
ushbu koʻchmas mulk va boshqa mol-mulklar boʻyicha ehtimoliy yoʻqotishlarni qoplash uchun shakllantirilgan zaxiralar va yigʻilgan eskirish summalari miqdori chegirilgan holda hisobga olinadi.
2-§. Koʻchmas mulk va boshqa mol-mulkni sotib olishga va egalik qilishga doir talablar
5. Banklar bank faoliyatini amalga oshirish uchun zarur boʻlganda koʻchmas mulkni va boshqa mol-mulkni sotib olishlari hamda ularga egalik qilishlari mumkin.
6. Banklar bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulk va boshqa mol-mulklarga vaqtinchalik egalik qilishlari hamda uch yil ichida sotish choralarini koʻrishi yoki ulardan foydalanish toʻgʻrisida qaror qabul qilishi zarur.
7. Bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulk va boshqa mol-mulkni sotishda sotuvchi bank tomonidan xaridorning moliyalanishini oʻz ichiga olsa, bank ushbu operatsiyaga kreditlash (moliyalashtirish) sifatida yondashishi lozim. Bunda bank kreditlashga (moliyalashtirishga) nisbatan belgilangan talablarni bajarishi zarur.
8. Koʻchmas mulk va boshqa mol-mulkni bank faoliyatini amalga oshirish uchun zaruriyati mavjud boʻlmagan (foydalanilmaydigan) deb hisoblash quyidagi sanadan boshlanadi:
bank faoliyatini amalga oshirishda foydalanilmaydigan koʻchmas mulk va boshqa mol-mulkka mulk huquqi bankka oʻtgan kundan boshlab;
bankning bir binosidan boshqa binosiga koʻchib oʻtishi tugallangan kundan boshlab;
bank faoliyatini amalga oshirish uchun zarur boʻlgan sotib olingan (egalik qilinayotgan) koʻchmas mulk va boshqa mol-mulkdan foydalanmaslik toʻgʻrisida qaror qabul qilingan kundan boshlab;
garov hisobidan undirilgan koʻchmas mulk va boshqa mol-mulk bank ixtiyoriga oʻtgan kundan boshlab.
9. Bankning vakolatli boshqaruv organi bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulkdan va boshqa mol-mulkdan mazkur Nizomning 8-bandida nazarda tutilgan tegishli muddatdan boshlab uch yildan soʻng bank faoliyatini amalga oshirishda foydalanishga qaror qilganda ushbu koʻchmas mulk va mol-mulklardan foydalanishning aniq rejasini ishlab chiqib, tasdiqlashi zarur.
Bunda, mazkur reja yakuniy va oraliq muddatlarda amalga oshiriladigan aniq chora-tadbirlarni oʻz ichiga olishi hamda ushbu reja tasdiqlangandan boshlab bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulk va boshqa mol-mulkdan ikki yil ichida foydalanishni boshlash nazarda tutishi lozim.
2-bob. Banklar tomonidan yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar
10. Banklar Markaziy bank tomonidan beriladigan bank faoliyatini amalga oshirish huquqini beruvchi litsenziya va (yoki) islomiy bank faoliyatini amalga oshirish huquqini beruvchi litsenziya asosida qonunchilik hujjatlariga muvofiq Markaziy bank bilan bogʻliq operatsiyalarni amalga oshirishlari mumkin.
11. Banklarga yuridik shaxslarni tashkil etish va (yoki) yuridik shaxslarning ustav fondlaridagi (ustav kapitallaridagi) ulushlarni yoki aksiyalarni olish taqiqlanadi, bundan quyidagilar mustasno:
kredit, sugʻurta , faktoring va lizing operatsiyalarini professional asosda amalga oshiruvchi yuridik shaxslar;
moliya bozori infratuzilmasining bir qismi boʻlgan yoki banklarga axborot va maslahat xizmatlarini koʻrsatuvchi yuridik shaxslar;
qimmatli qogʻozlar bozorida professional faoliyatni amalga oshiruvchi yuridik shaxslar;
bankning kafolati ostida qimmatli qogʻozlarni chiqarish va joylashtirish maqsadida mazkur bankning xorijda tashkil etiladigan shuʼba tashkilotlari;
faqat inkassatsiya faoliyati bilan shugʻullanuvchi yuridik shaxslar;
bank operatsiyalari boʻyicha hisob-kitoblar, shu jumladan bank kartalari bilan operatsiyalarga doir hisob-kitoblar ishtirokchilari oʻrtasida oʻzaro bogʻliqligini taʼminlash boʻyicha xizmatlar koʻrsatuvchi yuridik shaxslar;
fond va valyuta birjalari;
kredit byurolari;
qimmatli qogʻozlarning ikkilamchi bozoriga joylashtirilgan aksiyalarning yigirma foizidan ortiq boʻlmagan miqdorda fond birjasi listingiga kiritilgan aksiyadorlik jamiyatlari.
islomiy moliya operatsiyalari sifatida mijozni moliyalashtirish maqsadida tashkil etilgan yuridik shaxslar va (yoki) yuridik shaxslarning ustav fondlaridagi (ustav kapitallaridagi) sotib olingan ulushlar yoki aksiyalar.
12. Bank tomonidan bir yuridik shaxsning ustav fondidagi (ustav kapitalidagi) ulushlarini yoki aksiyalarini olish bankning birinchi darajali regulyativ kapitalining oʻn besh foizidan oshmasligi kerak. Ushbu cheklov bank tomonidan mazkur yuridik shaxslarning ustav fondidagi (ustav kapitalidagi) ulushlariga yoki aksiyalariga egalik qilishga, shu jumladan mazkur yuridik shaxslarning tashkil etilishi hollariga nisbatan ham tatbiq etiladi.
13. Yuridik shaxslarning ustav fondidagi (ustav kapitalidagi) ulushlarini yoki aksiyalarini sotib olish yigʻindisi bankning birinchi darajali regulyativ kapitalining ellik foizidan oshmasligi kerak.
14. Agar bank tomonidan yuridik shaxslar ustav fondidagi (ustav kapitalidagi) ulushlariga yoki aksiyalariga egalik qilish ushbu Nizomning 12 va 13-bandlarida koʻrsatilgan miqdordan ortiq boʻlsa, ushbu ortgan qismni bank bir yil ichida sotishi shart.
15. Mazkur Nizomning 12 va 13-bandlarida belgilangan cheklovlar bank aktivlari taʼminoti uchun qabul qilingan qimmatli qogʻozlarga nisbatan qoʻllanilmaydi.
3-bob. Yakuniy qoidalar
16. Banklar sotib olingan va egaligidagi koʻchmas mulkni va boshqa mol-mulkni, shuningdek sotib olingan yuridik shaxslarning ustav fondidagi (ustav kapitalidagi) ulushlarini yoki aksiyalarini hisobini yuritishi va bu toʻgʻrisidagi hisobotlarni har oyning oʻninchi sanasiga qadar Markaziy bankka taqdim etib borishi lozim.
17. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
Oʻzbekiston Respublikasi Markaziy banki boshqaruvining 2023-yil 5-maydagi 10/5-son qaroriga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi Markaziy banki boshqaruvi tomonidan 1998-yil 9-noyabrda 427-son bilan tasdiqlangan Tijorat banklarining koʻchmas mulkka boʻlgan investitsiyalariga qoʻyiladigan talablar toʻgʻrisida nizom (roʻyxat raqami 572, 1998-yil 19-dekabr).
2. Oʻzbekiston Respublikasi Markaziy banki boshqaruvining 2010-yil 23-oktabrdagi 34/15-son “Tijorat banklarining koʻchmas mulkka boʻlgan investitsiyalariga qoʻyiladigan talablar toʻgʻrisidagi nizomga oʻzgartirishlar kiritish haqida”gi qarori (roʻyxat raqami 572-1, 2010-yil 8-noyabr) (Oʻzbekiston Respublikasi qonun hujjatlari toʻplami, 2010-y., 44-45-son, 407-modda).
3. Oʻzbekiston Respublikasi Markaziy banki boshqaruvining 2008-yil 27-dekabrdagi 30/2-son “Tijorat banklari tomonidan qimmatli qogʻozlar bilan oʻtkaziladigan operatsiyalarga va ularning boshqa korxonalar ustav kapitalida qatnashishiga qoʻyiladigan talablar toʻgʻrisidagi nizomni tasdiqlash haqida”gi qarori (roʻyxat raqami 1894, 2009-yil 2-fevral) (Oʻzbekiston Respublikasi qonun hujjatlari toʻplami, 2009-y., 6-son, 57-modda).
4. Oʻzbekiston Respublikasi Markaziy banki boshqaruvining 2015-yil 22-iyuldagi 19/5-son “Tijorat banklari tomonidan qimmatli qogʻozlar bilan oʻtkaziladigan operatsiyalarga va ularning boshqa korxonalar ustav kapitalida qatnashishiga qoʻyiladigan talablar toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1894-1, 2015-yil 29-iyul) (Oʻzbekiston Respublikasi qonun hujjatlari toʻplami, 2015-yil, 30-son, 401-modda).
5. Oʻzbekiston Respublikasi Markaziy banki boshqaruvining 2017-yil 24-iyundagi 14/18-son “Tijorat banklari tomonidan qimmatli qogʻozlar bilan oʻtkaziladigan operatsiyalarga va ularning boshqa korxonalar ustav kapitalida qatnashishiga qoʻyiladigan talablar toʻgʻrisidagi nizomga oʻzgartirishlar va qoʻshimcha kiritish haqida”gi qarori (roʻyxat raqami 1894-2, 2017-yil 24-iyul) (Oʻzbekiston Respublikasi qonun hujjatlari toʻplami, 2017-y., 30-son, 746-modda).
6. Oʻzbekiston Respublikasi Markaziy banki boshqaruvining 2018-yil 18-avgustdagi 27/12-son “Tijorat banklari tomonidan qimmatli qogʻozlar bilan oʻtkaziladigan operatsiyalarga va ularning boshqa korxonalar ustav kapitalida qatnashishiga qoʻyiladigan talablar toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1894-3, 2018-yil 6-sentabr) (Qonun hujjatlari maʼlumotlari milliy bazasi, 06.09.2018-y., 10/18/1894-3/1846-son).
Rais M. NURMURATOV
Toshkent sh.,
2023-yil 5-may,
10/5-son
ПРАВЛЕНИЯ Центрального банка Республики Узбекистан
Постановление
ПЕРЕЧЕНЬ
Об утверждении Положения о требованиях к приобретению и владению недвижимостью и другим имуществом, а также приобретению долей или акций в уставном фонде (уставном капитале) юридических лиц коммерческими банками
В соответствии с законами Республики Узбекистан « О Центральном банке Республики Узбекистан » и « О банках и банковской деятельности » правление Центрального банка Республики Узбекистан постановляет:
1. Утвердить Положение о требованиях к приобретению и владению недвижимостью и другим имуществом, а также приобретению долей или акций в уставном фонде (уставном капитале) юридических лиц коммерческими банками согласно приложению № 1 * .
2. Признать утратившими силу некоторые ведомственные нормативно-правовые акты согласно приложению № 2 .
3. Настоящее постановление вступает в силу по истечении трех месяцев со дня его официального опубликования.
ПРИЛОЖЕНИЕ № 2 к постановлению правления Центрального банка Республики Узбекистан от 5 мая 2023 года № 10/5
ведомственных нормативно-правовых актов, признаваемых утратившими силу
1. Положение о требованиях к инвестициям коммерческих банков в недвижимость, утвержденное правлением Центрального банка Республики Узбекистан 9 ноября 1998 года № 427 (рег. № 572 от 19 декабря 1998 года).
2. Постановление правления Центрального банка Республики Узбекистан от 23 октября 2010 года № 34/15 «О внесении изменений в Положение о требованиях к инвестициям коммерческих банков в недвижимость» (рег. № 572-1 от 8 ноября 2010 года) (Собрание законодательства Республики Узбекистан, 2010 г., № 44-45, ст. 407).
3. Постановление правления Центрального банка Республики Узбекистан от 27 декабря 2008 года № 30/2 «Об утверждении Положения о требованиях по проведению коммерческими банками операций с ценными бумагами и их участию в уставном капитале других предприятий» (рег. № 1894 от 2 февраля 2009 года) (Собрание законодательства Республики Узбекистан, 2009 г., № 6, ст. 57).
4. Постановление правления Центрального банка Республики Узбекистан от 22 июля 2015 года № 19/5 «О внесении изменений в Положение о требованиях по проведению коммерческими банками операций с ценными бумагами и их участию в уставном капитале других предприятий» (рег. № 1894-1 от 29 июля 2015 года) (Собрание законодательства Республики Узбекистан, 2015 г., № 30, ст. 401).
5. Постановление правления Центрального банка Республики Узбекистан от 24 июня 2017 года № 14/18 «О внесении изменений и дополнения в Положение о требованиях по проведению коммерческими банками операций с ценными бумагами и их участию в уставном капитале других предприятий» (рег. № 1894-2 от 24 июля 2017 года) (Собрание законодательства Республики Узбекистан, 2017 г., № 30, ст. 746).
6. Постановление правления Центрального банка Республики Узбекистан от 18 августа 2018 года № 27/12 «О внесении изменений в Положение о требованиях по проведению коммерческими банками операций с ценными бумагами и их участию в уставном капитале других предприятий» (рег. № 1894-3 от 6 сентября 2018 года) (Национальная база данных законодательства, 06.09.2018 г., № 10/18/1894-3/1846).
Председатель М. НУРМУРАТОВ
г. Ташкент,
5 мая 2023 г.,
№ 10/5