📅 2023-yil 12-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 12 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 июня 2023 г. · Постановления Президента
Официальный текст. Официальный документ. Редакционные примечания не включены.
📅 12 June 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг 2023 йил 10 апрелдаги «Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида»ги ПҚ-118-сон қарорига ўзгартириш ва қўшимчалар киритиш ҳақида
Ижтимоий соҳа объектларининг иситиш тизимларини модернизация қилишда тадбиркорлик субъектларини молиялаштириш механизмларини такомиллаштириш ва солиқ имтиёзларини бериш орқали рағбатлантириш шунингдек, соҳага хусусий секторни жалб қилиш жараёнларини жадаллаштириш мақсадида:
1. Ўзбекистон Республикаси Президентининг 2023 йил 10 апрелдаги «Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида»ги ПҚ-118-сон қарорига иловага мувофиқ қуйидагиларни назарда тутувчи ўзгартириш ва қўшимчалар киритилсин:
хусусий шериклар томонидан кўмир маҳсулотлари захирасини яратишга бюджетдан режалаштирилган маблағлар доирасида олдиндан 50 фоизгача бўнак маблағларини молиялаштириш ва қолган маблағларни 1 сентябрга қадар молиялаштириш;
маҳаллий иситиш қозонлари ишлаб чиқарувчиларга Ўзбекистон Республикаси ҳудудига хом ашё ва эҳтиёт қисмларини олиб киришда қўшилган қиймат солиғини 6 ой муддатга фоизлар ҳисобланмаган ҳолда бўлиб-бўлиб тўлаш ҳуқуқини бериш;
халқ депутатлари туман (шаҳар) Кенгашлари хусусий шерикларнинг энг мақбул таклифларини танлаб олишда Қорақалпоғистон Республикасининг узоқ ҳудудларида жойлашган объектлар учун хусусий шериклар маблағлари улуши камида 30 фоиз ва ундан юқори бўлишига рухсат бериш.
2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 12 июндаги ПҚ-185-сон қарорига ИЛОВА
Ўзбекистон Республикаси Президентининг 2023 йил 10 апрелдаги «Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида»ги ПҚ-118-сон қарорига киритилаётган ўзгартириш ва қўшимчалар
1. 2-бандда :
биринчи хатбошидаги «ва вилоятлар» сўзлари «вилоятлар ва Тошкент шаҳар» сўзлари билан алмаштирилсин;
қуйидаги мазмундаги хатбоши билан тўлдирилсин:
«хусусий шерикка ижтимоий соҳа объектларидаги мавжуд соз ҳолатида бўлган иситиш қозонларидан фойдаланиш, биринчи босқичда эски ва самарасиз қозонларни алмаштириш ҳамда кейинги босқичларда лойиҳа давомида қолган қозонларни алмаштириш ҳуқуқи берилсин».
2. 5-бандда :
биринчи хатбошидаги «Андижон вилояти ҳокимлиги (Ш. Абдурахмонов), Наманган вилояти ҳокимлиги (Ш. Абдуразаков) ва Фарғона вилояти ҳокимлиги (Х. Бозаров)» сўзлари «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2-иловада белгиланган ҳудудлар бўйича» сўзлари билан алмаштирилсин;
қуйидаги мазмундаги тўртинчи хатбошиси билан тўлдирилсин:
«хусусий шерикка ижтимоий соҳа муассасаларининг фойдаланилмаётган, бўш турган бино ва иншоотларини фойдаланиш учун вақтинчалик ижарага бериш ёки омборхона қурилиши учун ер участкасини (ер майдонига эгалик қилиш ҳуқуқи берилмаган ҳолда) ажратиш»;
тўртинчи ва бешинчи хатбошилар тегишинча бешинчи ва олтинчи хатбошилар деб ҳисоблансин.
3. 6-бандда :
қуйидаги мазмундаги иккинчи хатбоши билан тўлдирилсин:
«лойиҳа-смета ҳужжатларини ишлаб чиқиш учун лойиҳа институтлари — электрон тендер (танлов) савдолари платформалари орқали ва (ёки) Халқ депутатлари вилоят, туман (шаҳар) Кенгаши қарорлари асосида энг мақбул таклифлари асосида танлаб олинади ва танлов асосида жалб қилинган лойиҳа институтлари билан Ягона буюртмачи хизмати инжиниринг компанияси ўртасида шартномалар расмийлаштирилади»;
иккинчи ва учинчи хатбошилар тегишинча учинчи ва тўртинчи хатбошилар деб ҳисоблансин.
4. 8-банд қуйидаги таҳрирда баён этилсин:
«8. Белгилансинки:
Лойиҳаларни амалга оширишда модернизация қилиш ва таъмирлаш харажатлари учун талаб этиладиган инвестиция маблағлари хусусий шериклар ва Давлат бюджети маблағлари ҳисобидан ажратилади;
хусусий шериклар томонидан кўмир маҳсулотлари захирасини яратишга бюджетдан режалаштирилган маблағлар доирасида олдиндан 50 фоизгача бўнак маблағлари молиялаштирилади ҳамда қолган маблағлар 1 сентябрга қадар молиялаштирилади;
хусусий шерикларнинг улуши камида 50 фоизни, Қорақалпоғистон Республикасининг узоқ ҳудудларида (туман (шаҳар) марказидан камида 30 км) жойлашган кичик ва айрим объектлар учун камида 30 фоизни ҳамда объектларни эксплуатация қилиш муддати 10 йилни ташкил этади;
лойиҳаларни бошқариш ва эксплуатация қилиш даври давомида хусусий шериклар томонидан кўрсатиладиган хизматлар 2023 йилда маҳаллий бюджет параметрларида ушбу мақсадлар учун кўзда тутилган маблағлар, шунингдек, мавжуд штат бирликларини қисқартириш ҳамда энергия ресурсларини тежаш ҳисобига иқтисод қилинадиган маблағлар ҳисобидан молиялаштирилади.
Бунда, Қорақалпоғистон Республикасининг узоқ ҳудудларда (туман (шаҳар) марказидан камида 30 км) жойлашган кичик ва айрим объектларнинг эксплуатация харажатларига 2023 йилда маҳаллий бюджет параметрларида ушбу мақсадлар учун кўзда тутилган маблағларга нисбатан қўшимча 30 фоизгача маблағ ажратилиши мумкин;
айрим ҳудудларда ижтимоий соҳа иситиш тизими табиий газдан кўмирга ўтказилишини ҳамда кўмир харажатларининг нормалари ва нархини ошишини инобатга олиб, маҳаллий бюджет параметрларида эксплуатация харажатлари учун кўзда тутилган маблағларни ҳисоб-китобларга кўра оширишга рухсат берилади ва улар маҳаллий бюджетнинг қўшимча манбалари ёки мақбуллаштириш ҳисобига амалга оширилади;
давлат-хусусий шериклик тўғрисидаги битимлар доирасида ижтимоий соҳа объектларида иссиқлик энергияси йўқотишларини камайтириш ва объектнинг энергия самарадорлигини ошириш тадбирлари кўзда тутилиши мумкин;
туман (шаҳар) ҳокимлари ижтимоий соҳа объектларининг иситиш тизимлари тўлақонли фаолият кўрсатиши учун масъул ва шахсий жавобгар ҳисобланади;
маҳаллий иситиш қозонлари ишлаб чиқарувчиларига Ўзбекистон Республикаси ҳудудига хом ашё ва эҳтиёт қисмларини олиб киришда қўшилган қиймат солиғини 6 ой муддатга фоизлар ҳисобланмаган ҳолда бўлиб-бўлиб тўлаш ҳуқуқи берилади;
туман (шаҳар) ҳокимлари давлат-хусусий шериклик тўғрисидаги битимлар доирасида хусусий шерикка ўз мажбуриятларини бажаришга ҳар томонлама, шу жумладан кўмир ёқилғисини муддатидан олдин жамлаб қўйишда амалий ёрдам кўрсатсин».
5. 9-банднинг иккинчи хатбошиси қуйидаги таҳрирда баён этилсин:
«хусусий шериклар маблағларининг улуши камида 50 фоиз, Қорақалпоғистон Республикасининг узоқ ҳудудларда (туман (шаҳар) марказидан камида 30 км) жойлашган кичик ва айрим объектлар учун камида 30 фоиз ва ундан юқори бўлиши»;
6. 11-банднинг биринчи хатбошисидаги «шундан Андижон, Наманган ва Фарғона вилоятлари учун 250 млрд сўм, Қорақалпоғистон Республикаси ва Қашқадарё вилоятига 50 млрд сўмдан маблағ ажратсин» сўзлари «ажратсин ҳамда давлат-хусусий шериклик битими расмийлаштирилишига қараб молиялаштириб борилишини таъминласин» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 12 июнь,
ПҚ-185-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining 2023-yil 10-apreldagi “Ijtimoiy soha obyektlarining isitish tizimlarini davlat-xususiy sheriklik asosida modernizatsiya qilish toʻgʻrisida”gi PQ-118-son qaroriga oʻzgartirish va qoʻshimchalar kiritish haqida
Ijtimoiy soha obyektlarining isitish tizimlarini modernizatsiya qilishda tadbirkorlik subyektlarini moliyalashtirish mexanizmlarini takomillashtirish va soliq imtiyozlarini berish orqali ragʻbatlantirish shuningdek, sohaga xususiy sektorni jalb qilish jarayonlarini jadallashtirish maqsadida:
1. Oʻzbekiston Respublikasi Prezidentining 2023-yil 10-apreldagi “Ijtimoiy soha obyektlarining isitish tizimlarini davlat-xususiy sheriklik asosida modernizatsiya qilish toʻgʻrisida”gi PQ-118-son qaroriga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
xususiy sheriklar tomonidan koʻmir mahsulotlari zaxirasini yaratishga budjetdan rejalashtirilgan mablagʻlar doirasida oldindan 50 foizgacha boʻnak mablagʻlarini moliyalashtirish va qolgan mablagʻlarni 1-sentabrga qadar moliyalashtirish;
mahalliy isitish qozonlari ishlab chiqaruvchilarga Oʻzbekiston Respublikasi hududiga xomashyo va ehtiyot qismlarini olib kirishda qoʻshilgan qiymat soligʻini 6 oy muddatga foizlar hisoblanmagan holda boʻlib-boʻlib toʻlash huquqini berish;
xalq deputatlari tuman (shahar) Kengashlari xususiy sheriklarning eng maqbul takliflarini tanlab olishda Qoraqalpogʻiston Respublikasining uzoq hududlarida joylashgan obyektlar uchun xususiy sheriklar mablagʻlari ulushi kamida 30 foiz va undan yuqori boʻlishiga ruxsat berish.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 12-iyundagi PQ-185-son qaroriga ILOVA
Oʻzbekiston Respublikasi Prezidentining 2023-yil 10-apreldagi “Ijtimoiy soha obyektlarining isitish tizimlarini davlat-xususiy sheriklik asosida modernizatsiya qilish toʻgʻrisida”gi PQ-118-son qaroriga kiritilayotgan oʻzgartirish va qoʻshimchalar
1. 2-bandda :
birinchi xatboshidagi “va viloyatlar” soʻzlari “viloyatlar va Toshkent shahar” soʻzlari bilan almashtirilsin;
quyidagi mazmundagi xatboshi bilan toʻldirilsin:
“xususiy sherikka ijtimoiy soha obyektlaridagi mavjud soz holatida boʻlgan isitish qozonlaridan foydalanish, birinchi bosqichda eski va samarasiz qozonlarni almashtirish hamda keyingi bosqichlarda loyiha davomida qolgan qozonlarni almashtirish huquqi berilsin”.
2. 5-bandda :
birinchi xatboshidagi “Andijon viloyati hokimligi (Sh. Abduraxmonov), Namangan viloyati hokimligi (Sh. Abdurazakov) va Fargʻona viloyati hokimligi (X. Bozarov)” soʻzlari “Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2-ilovada belgilangan hududlar boʻyicha” soʻzlari bilan almashtirilsin;
quyidagi mazmundagi toʻrtinchi xatboshisi bilan toʻldirilsin:
“xususiy sherikka ijtimoiy soha muassasalarining foydalanilmayotgan, boʻsh turgan bino va inshootlarini foydalanish uchun vaqtinchalik ijaraga berish yoki omborxona qurilishi uchun yer uchastkasini (yer maydoniga egalik qilish huquqi berilmagan holda) ajratish”;
toʻrtinchi va beshinchi xatboshilar tegishincha beshinchi va oltinchi xatboshilar deb hisoblansin.
3. 6-bandda :
quyidagi mazmundagi ikkinchi xatboshi bilan toʻldirilsin:
“loyiha-smeta hujjatlarini ishlab chiqish uchun loyiha institutlari — elektron tender (tanlov) savdolari platformalari orqali va (yoki) Xalq deputatlari viloyat, tuman (shahar) Kengashi qarorlari asosida eng maqbul takliflari asosida tanlab olinadi va tanlov asosida jalb qilingan loyiha institutlari bilan Yagona buyurtmachi xizmati injiniring kompaniyasi oʻrtasida shartnomalar rasmiylashtiriladi”;
ikkinchi va uchinchi xatboshilar tegishincha uchinchi va toʻrtinchi xatboshilar deb hisoblansin.
4. 8-band quyidagi tahrirda bayon etilsin:
“8. Belgilansinki:
Loyihalarni amalga oshirishda modernizatsiya qilish va taʼmirlash xarajatlari uchun talab etiladigan investitsiya mablagʻlari xususiy sheriklar va Davlat budjeti mablagʻlari hisobidan ajratiladi;
xususiy sheriklar tomonidan koʻmir mahsulotlari zaxirasini yaratishga budjetdan rejalashtirilgan mablagʻlar doirasida oldindan 50 foizgacha boʻnak mablagʻlari moliyalashtiriladi hamda qolgan mablagʻlar 1-sentabrga qadar moliyalashtiriladi;
xususiy sheriklarning ulushi kamida 50 foizni, Qoraqalpogʻiston Respublikasining uzoq hududlarida (tuman (shahar) markazidan kamida 30 km) joylashgan kichik va ayrim obyektlar uchun kamida 30 foizni hamda obyektlarni ekspluatatsiya qilish muddati 10 yilni tashkil etadi;
loyihalarni boshqarish va ekspluatatsiya qilish davri davomida xususiy sheriklar tomonidan koʻrsatiladigan xizmatlar 2023-yilda mahalliy budjet parametrlarida ushbu maqsadlar uchun koʻzda tutilgan mablagʻlar, shuningdek, mavjud shtat birliklarini qisqartirish hamda energiya resurslarini tejash hisobiga iqtisod qilinadigan mablagʻlar hisobidan moliyalashtiriladi.
Bunda, Qoraqalpogʻiston Respublikasining uzoq hududlarda (tuman (shahar) markazidan kamida 30 km) joylashgan kichik va ayrim obyektlarning ekspluatatsiya xarajatlariga 2023-yilda mahalliy budjet parametrlarida ushbu maqsadlar uchun koʻzda tutilgan mablagʻlarga nisbatan qoʻshimcha 30 foizgacha mablagʻ ajratilishi mumkin;
ayrim hududlarda ijtimoiy soha isitish tizimi tabiiy gazdan koʻmirga oʻtkazilishini hamda koʻmir xarajatlarining normalari va narxini oshishini inobatga olib, mahalliy budjet parametrlarida ekspluatatsiya xarajatlari uchun koʻzda tutilgan mablagʻlarni hisob-kitoblarga koʻra oshirishga ruxsat beriladi va ular mahalliy budjetning qoʻshimcha manbalari yoki maqbullashtirish hisobiga amalga oshiriladi;
davlat-xususiy sheriklik toʻgʻrisidagi bitimlar doirasida ijtimoiy soha obyektlarida issiqlik energiyasi yoʻqotishlarini kamaytirish va obyektning energiya samaradorligini oshirish tadbirlari koʻzda tutilishi mumkin;
tuman (shahar) hokimlari ijtimoiy soha obyektlarining isitish tizimlari toʻlaqonli faoliyat koʻrsatishi uchun masʼul va shaxsiy javobgar hisoblanadi;
mahalliy isitish qozonlari ishlab chiqaruvchilariga Oʻzbekiston Respublikasi hududiga xomashyo va ehtiyot qismlarini olib kirishda qoʻshilgan qiymat soligʻini 6 oy muddatga foizlar hisoblanmagan holda boʻlib-boʻlib toʻlash huquqi beriladi;
tuman (shahar) hokimlari davlat-xususiy sheriklik toʻgʻrisidagi bitimlar doirasida xususiy sherikka oʻz majburiyatlarini bajarishga har tomonlama, shu jumladan koʻmir yoqilgʻisini muddatidan oldin jamlab qoʻyishda amaliy yordam koʻrsatsin”.
5. 9-bandning ikkinchi xatboshisi quyidagi tahrirda bayon etilsin:
“xususiy sheriklar mablagʻlarining ulushi kamida 50 foiz, Qoraqalpogʻiston Respublikasining uzoq hududlarda (tuman (shahar) markazidan kamida 30 km) joylashgan kichik va ayrim obyektlar uchun kamida 30 foiz va undan yuqori boʻlishi”;
6. 11-bandning birinchi xatboshisidagi “shundan Andijon, Namangan va Fargʻona viloyatlari uchun 250 mlrd soʻm, Qoraqalpogʻiston Respublikasi va Qashqadaryo viloyatiga 50 mlrd soʻmdan mablagʻ ajratsin” soʻzlari “ajratsin hamda davlat-xususiy sheriklik bitimi rasmiylashtirilishiga qarab moliyalashtirib borilishini taʼminlasin” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 12-iyun,
PQ-185-son
Президента Республики Узбекистан
Постановление
О внесении изменений и дополнений в постановление Президента Республики Узбекистан от 10 апреля 2023 года № ПП-118 «О модернизации систем отопления объектов социальной сферы на основе государственно-частного партнерства»
В целях совершенствования механизмов финансирования субъектов предпринимательства при модернизации систем отопления объектов социальной сферы и их стимулирования путем предоставления налоговых льгот, а также ускорения процессов привлечения частного сектора в данную сферу:
1. Внести изменения и дополнения в постановление Президента Республики Узбекистан от 10 апреля 2023 года № ПП-118 «О модернизации систем отопления объектов социальной сферы на основе государственно-частного партнерства» согласно приложению , предусматривающие:
выделение на создание частными партнерами запасов угля предварительно до 50 процентов авансовых средств, остальных средств — до 1 сентября, — в рамках средств, запланированных из бюджета;
предоставление отечественным производителям отопительных котлов права оплаты налога на добавленную стоимость в рассрочку в течение 6 месяцев без начисления процентов — при ввозе сырья и запасных частей на территорию Республики Узбекистан;
предоставление Кенгашами народных депутатов районов (городов) при отборе наилучших предложений частных партнеров разрешения на долю средств частных партнеров в размере не менее 30 процентов и более — по объектам, расположенным на отдаленных территориях Республики Каракалпакстан.
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 12 июня 2023 года № ПП-185
Изменения и дополнения, вносимые в постановление Президента Республики Узбекистан от 10 апреля 2023 года № ПП-118 «О модернизации систем отопления объектов социальной сферы на основе государственно-частного партнерства»
1. В пункте 2 :
в абзаце первом слова «и хокимиятам областей» заменить словами «хокимиятам областей и города Ташкента»;
дополнить абзацем следующего содержания:
«предоставить частному партнеру право на эксплуатацию действующих отопительных котлов на объектах социальной сферы, в том числе на первом этапе — замену старых и неэффективных котлов, на следующих этапах — замену остальных котлов в период реализации проекта».
2. В пункте 5 :
в абзаце первом слова «хокимияту Андижанской области (Ш. Абдурахмонов), хокимияту Наманганской области (Ш. Абдуразаков) и хокимияту Ферганской области (Х. Бозаров)» заменить словами «Совету Министров Республики Каракалпакстан, хокимиятам областей и города Ташкента по регионам, определенным в приложении № 2»;
дополнить абзацем четвертым следующего содержания:
«передать в эксплуатацию частному партнеру неиспользуемые, пустующие здания и сооружения учреждений социальной сферы на основе временной аренды либо выделить ему земельный участок для строительства склада (без предоставления права собственности на земельную площадь)»;
абзацы четвертый и пятый считать абзацами пятым и шестым соответственно.
3. В пункте 6 :
дополнить абзацем вторым следующего содержания:
«проектные институты для разработки проектно-сметной документации — посредством платформ электронных тендерных (конкурсных) торгов и (или) отбора наилучших предложений на основании решений Кенгашей народных депутатов областей, районов (городов) и между проектными институтами, привлеченными на конкурсной основе, и инжиниринговой компанией «Служба единого заказчика» оформляются договора»;
абзацы второй и третий считать соответственно абзацами третьим и четвертым.
4. Пункт 8 изложить в следующей редакции:
«8. Определить, что:
при реализации Проектов инвестиционные средства, требуемые на расходы по модернизации и ремонту, выделяются за счет средств частных партнеров и Государственного бюджета;
на создание частными партнерами запасов угля в рамках средств, запланированных из бюджета, выделяется предварительно до 50 процентов авансовых средств, остальные средства выделяются до 1 сентября;
при этом к средствам, предусмотренным в параметрах местных бюджетов на 2023 год на эксплуатационные расходы малых и отдельных объектов, расположенных на отдаленных (не менее 30 километров от районного (городского) центра) территориях Республики Каракалпакстан, может дополнительно выделяться до 30 процентов средств;
принимая во внимание перевод с природного газа на уголь системы отопления социальной сферы и повышение норм потребления и цен на уголь на отдельных территориях, разрешается на основе расчетов увеличивать средства, предусмотренные для эксплуатационных расходов в параметрах местных бюджетов, за счет дополнительных источников либо оптимизации местных бюджетов;
в рамках соглашений о государственно-частном партнерстве могут предусматриваться мероприятия по уменьшению потерь тепловой энергии и повышению энергоэффективности объектов социальной сферы;
хокимы районов (городов) несут персональную ответственность за полноценное функционирование систем отопления объектов социальной сферы;
отечественным производителям отопительных котлов при ввозе сырья и запасных частей для них на территорию Республики Узбекистан предоставляется право оплаты налога на добавленную стоимость в рассрочку в течение 6 месяцев без начисления процентов;
хокимы районов (городов) в рамках соглашений о государственно-частном партнерстве оказывают всестороннюю практическую помощь частным партнерам в исполнении их обязательств, в том числе по досрочному накоплению угля».
5. Абзац второй пункта 9 изложить в следующей редакции:
«доля средств частных партнеров должна составлять не менее 50 процентов, малых и отдельных объектов, расположенных на отдаленных (не менее 30 километров от районного (городского) центра) территориях Республики Каракалпакстан, — не менее 30 процентов и более».
6. В абзаце первом пункта 11 слова «из них для Андижанской, Наманганской и Ферганской областей — 250 млрд сумов, Республики Каракалпакстан и Кашкадарьинской области — по 50 млрд сумов» заменить словами «и обеспечить финансирование в зависимости от оформления договоров государственно-частного партнерства».
Президент Республики Узбекистан Ш. МИРЗИЁЕВ
г. Ташкент,
12 июня 2023 г.,
№ ПП-185