📅 2023-yil 12-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 12 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 июня 2023 г. · Постановления Президента
Официальный текст. Официальный документ. Редакционные примечания не включены.
📅 12 June 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Жалолиддин Мангуберди номидаги ҳарбий-академик лицейи фаолиятини ташкил этиш чора-тадбирлари тўғрисида
Сўнгги йилларда мамлакатимизда Қуролли Кучлар тизимини сифат жиҳатидан янги босқичга кўтариш бўйича комплекс чора-тадбирлар амалга оширилди ва бу борада Мудофаа вазирлиги тизими учун малакали кадрларни мақсадли тайёрлашни янада такомиллаштиришга алоҳида эътибор қаратилмоқда.
Шу билан бирга, мамлакатимиз ва миллатимиз фахри, жасур саркарда, миллий қаҳрамон Жалолиддин Мангубердининг ҳаёти, тарихимиздаги ўчмас жасорати ёш авлодларимиз учун ўзига хос намуна бўлиб, мафкуравий иммунитетни мустаҳкамлашда муҳим маънавий қалқон вазифасини ўтаб келмоқда.
Ёшларни она Ватанга муҳаббат ва садоқат, маънавий-ахлоқий ва ҳарбий-ватанпарварлик, миллий ва умуминсоний қадриятларга ҳурмат руҳида тарбиялаш, уларнинг интеллектуал ва ижодий салоҳиятини янада ривожлантириш ҳамда ҳар томонлама қўллаб-қувватлаш борасида амалга оширилаётган ишларни изчил давом эттириш мақсадида:
1. Мудофаа вазирлиги, Олий таълим, фан ва инновациялар вазирлиги ҳамда Хоразм вилояти ҳокимлигининг:
Мудофаа вазирлиги таркибида давлат муассасаси шаклида Жалолиддин Мангуберди номидаги ҳарбий-академик лицейини (кейинги ўринларда — лицей) ташкил этиш;
Хоразм вилояти, Урганч шаҳри, Халқ сўзи кўчаси, 2-уй манзилида янги қуриб битказилган бино ва иншоотларни Мудофаа вазирлигига оператив бошқарув ҳуқуқи асосида бериш ва уларга лицейни жойлаштириш тўғрисидаги таклифларига розилик берилсин.
2. Қуйидагилар лицейнинг асосий вазифалари этиб белгилансин:
ўқувчиларда халқимизнинг маънавий-маърифий қадриятларига, маданияти ва урф-одатларига чуқур ҳурматни, уларда ҳалоллик, виждонийлик, ватанпарварлик, садоқат, фидокорлик сингари инсоний фазилатларни, шунингдек, миллий ғурур туйғуларини шакллантириш;
халқимизнинг тарихи ва бой маданияти, буюк аждодларимизнинг қолдирган бебаҳо мероси, Ватан озодлиги ва фаровонлиги йўлида ўзини қурбон қилган замондош ватандошларимизнинг қаҳрамонлиги асосида Ўзбекистон халқига содиқ, қатъий ҳаётий қарашлар ва фаол фуқаролик позициясига эга бўлган ўқувчиларни тарбиялаш;
ўқувчиларда кенг дунёқараш, интеллектуал салоҳият, ижодий ҳамда таҳлилий фикрлашни ривожлантириш, табиий ва аниқ фанлар, хорижий тиллар ва замонавий ахборот технологиялари бўйича мустаҳкам билимларни шакллантириш, шунингдек, уларга ҳарбий ишдаги бошланғич билимларни сингдириш;
нотиқлик ва етакчилик хислатларига эга, жисмонан ривожланган, чидамли, мард ва жасур Ватан ҳимоячиларини, шунингдек, Ўзбекистон Республикаси Қуролли Кучлари ва давлат хизмати учун кадрлар захирасини шакллантириш мақсадида республиканинг олий, олий ҳарбий ва ҳарбийлаштирилган таълим муассасаларига ўқишга кириши учун муносиб номзодларни тайёрлаш.
3. Жалолиддин Мангуберди номидаги ҳарбий-академик лицейининг ташкилий-штат тузилмаси иловага мувофиқ тасдиқлансин.
4. Белгилансинки:
лицей ўрта махсус таълим муассасаси ҳисобланади;
лицейга қабул ва ўқув жараёни 2023/2024 ўқув йилидан бошланади;
лицейда ўқув жараёни давомийлиги икки йил бўлиб, йиллик қабул квотаси 150 нафарни ташкил этади;
ушбу лицейга илмий-методик ёрдам кўрсатиш мақсадида Урганч давлат университети ва Ўзбекистон Республикаси Ҳарбий хавфсизлик ва мудофаа университетининг Қуруқликдаги қўшинлар институти бириктирилади;
лицейга ўқув-методик жиҳатдан Олий таълим, фан ва инновациялар вазирлиги кўмаклашади;
Ўзбекистон Республикаси Президентининг 2019 йил 28 июндаги ПҚ-4375-сон қарорига мувофиқ «Темурбеклар мактаби» ҳарбий-академик лицейлари учун белгиланган талаблар лицейга, жумладан, меҳнатга ҳақ тўлаш шартлари ва оширилган лавозим маошлари миқдорлари, устама тўловлар, бошқа кафолат, ҳуқуқ ва имтиёзлар лицейнинг тегишлича раҳбар ва педагог ходимлари, ишчи ва хизматчилари, ҳарбий хизматчилари ва ўқувчиларига нисбатан татбиқ этилади;
мазкур қарорда белгиланган тадбирларни амалга ошириш билан боғлиқ харажатлар 2023 йилда Мудофаа вазирлигига ажратилган бюджет маблағлари ва вазирликнинг бюджетдан ташқари маблағлари ҳисобидан амалга оширилади, 2024 йилдан бошлаб Ўзбекистон Республикаси Давлат бюджети параметрларини шакллантиришда кўзда тутилади;
лицей ўқувчиларининг кийим-бош намуналари ва уларни кийиб юриш тартиби Мудофаа вазирлиги томонидан белгиланади.
5. Мазкур қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2023 йил 12 июндаги ПҚ-184-сон қарорига ИЛОВА
Жалолиддин Мангуберди номидаги ҳарбий-академик лицейининг ташкилий-штат тузилмаси
Директор * 1 * (1-0-0-0) Илмий педагогик кенгаш Директорнинг маънавий-маърифий ва тарбиявий ишлар бўйича биринчи ўринбосари * 1 (1-0-0-0) Директорнинг ўқув ишлари бўйича ўринбосари 1 (0-0-0-1) Директорнинг маъмурий-хўжалик ишлари бўйича ўринбосари 1 (0-0-0-1) Ахборот-ресурс маркази 3 (0-0-0-3) Тўгараклар 4 (0-0-0-4) Ўқув бўлими 2 (0-0-0-2) Ахборотлаштириш ва алоқа бўлинмаси 3 (0-0-0-3) Маъмурий бўлинма 3 (0-0-0-3) Хўжалик бўлинмаси 14 *** (0-0-0-14) Психолог 1 (0-0-0-1) Аниқ фанлар ўқув қисми 19 ** (0-0-0-19) Лаборатория 3 (0-0-0-3) Қўриқлаш бўлинмаси 8 (0-0-0-8) Тиббиёт бўлинмаси 4 (0-0-0-4) Ўқув курси (158 (1-7-150-0) Автомобиль секцияси 5 ** (0-1-0-4 * ) Ижтимоий-гуманитар фанлар ўқув қисми 16 ** (0-0-0-16) Юрисконсульт 1 (0-0-0-1) Кадрлар бўлинмаси 2 (0-1-0-1) Ўқув гуруҳи 26 (0-1-25-0) Молия хизмати 3 (0-1-0-2)
Шахсий таркиб сони Жами Офицерлар Сержантлар таркибига мансуб контракт бўйича ҳарбий хизматчилар Ўқувчилар Ишчи ва хизматчилар (ўқитувчилар) 2023 йил 1 августдан — 2024 йил 1 июлгача 221 2 10 150 59 (39) 2024 йил 1 августдан 411 3 17 300 91 (39)
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 12 июнь,
ПҚ-184-сон
Oʻzbekiston Respublikasi Prezidentining
qarori
Jaloliddin Manguberdi nomidagi harbiy-akademik litseyi faoliyatini tashkil etish chora-tadbirlari toʻgʻrisida
Soʻnggi yillarda mamlakatimizda Qurolli Kuchlar tizimini sifat jihatidan yangi bosqichga koʻtarish boʻyicha kompleks chora-tadbirlar amalga oshirildi va bu borada Mudofaa vazirligi tizimi uchun malakali kadrlarni maqsadli tayyorlashni yanada takomillashtirishga alohida eʼtibor qaratilmoqda.
Shu bilan birga, mamlakatimiz va millatimiz faxri, jasur sarkarda, milliy qahramon Jaloliddin Manguberdining hayoti, tariximizdagi oʻchmas jasorati yosh avlodlarimiz uchun oʻziga xos namuna boʻlib, mafkuraviy immunitetni mustahkamlashda muhim maʼnaviy qalqon vazifasini oʻtab kelmoqda.
Yoshlarni ona Vatanga muhabbat va sadoqat, maʼnaviy-axloqiy va harbiy-vatanparvarlik, milliy va umuminsoniy qadriyatlarga hurmat ruhida tarbiyalash, ularning intellektual va ijodiy salohiyatini yanada rivojlantirish hamda har tomonlama qoʻllab-quvvatlash borasida amalga oshirilayotgan ishlarni izchil davom ettirish maqsadida:
1. Mudofaa vazirligi, Oliy taʼlim, fan va innovatsiyalar vazirligi hamda Xorazm viloyati hokimligining:
Mudofaa vazirligi tarkibida davlat muassasasi shaklida Jaloliddin Manguberdi nomidagi harbiy-akademik litseyini (keyingi oʻrinlarda — litsey) tashkil etish;
Xorazm viloyati, Urganch shahri, Xalq soʻzi koʻchasi, 2-uy manzilida yangi qurib bitkazilgan bino va inshootlarni Mudofaa vazirligiga operativ boshqaruv huquqi asosida berish va ularga litseyni joylashtirish toʻgʻrisidagi takliflariga rozilik berilsin.
2. Quyidagilar litseyning asosiy vazifalari etib belgilansin:
oʻquvchilarda xalqimizning maʼnaviy-maʼrifiy qadriyatlariga, madaniyati va urf-odatlariga chuqur hurmatni, ularda halollik, vijdoniylik, vatanparvarlik, sadoqat, fidokorlik singari insoniy fazilatlarni, shuningdek, milliy gʻurur tuygʻularini shakllantirish;
xalqimizning tarixi va boy madaniyati, buyuk ajdodlarimizning qoldirgan bebaho merosi, Vatan ozodligi va farovonligi yoʻlida oʻzini qurbon qilgan zamondosh vatandoshlarimizning qahramonligi asosida Oʻzbekiston xalqiga sodiq, qatʼiy hayotiy qarashlar va faol fuqarolik pozitsiyasiga ega boʻlgan oʻquvchilarni tarbiyalash;
oʻquvchilarda keng dunyoqarash, intellektual salohiyat, ijodiy hamda tahliliy fikrlashni rivojlantirish, tabiiy va aniq fanlar, xorijiy tillar va zamonaviy axborot texnologiyalari boʻyicha mustahkam bilimlarni shakllantirish, shuningdek, ularga harbiy ishdagi boshlangʻich bilimlarni singdirish;
notiqlik va yetakchilik xislatlariga ega, jismonan rivojlangan, chidamli, mard va jasur Vatan himoyachilarini, shuningdek, Oʻzbekiston Respublikasi Qurolli Kuchlari va davlat xizmati uchun kadrlar zaxirasini shakllantirish maqsadida respublikaning oliy, oliy harbiy va harbiylashtirilgan taʼlim muassasalariga oʻqishga kirishi uchun munosib nomzodlarni tayyorlash.
3. Jaloliddin Manguberdi nomidagi harbiy-akademik litseyining tashkiliy-shtat tuzilmasi ilovaga muvofiq tasdiqlansin.
4. Belgilansinki:
litsey oʻrta maxsus taʼlim muassasasi hisoblanadi;
litseyga qabul va oʻquv jarayoni 2023/2024 oʻquv yilidan boshlanadi;
litseyda oʻquv jarayoni davomiyligi ikki yil boʻlib, yillik qabul kvotasi 150 nafarni tashkil etadi;
ushbu litseyga ilmiy-metodik yordam koʻrsatish maqsadida Urganch davlat universiteti va Oʻzbekiston Respublikasi Harbiy xavfsizlik va mudofaa universitetining Quruqlikdagi qoʻshinlar instituti biriktiriladi;
litseyga oʻquv-metodik jihatdan Oliy taʼlim, fan va innovatsiyalar vazirligi koʻmaklashadi;
Oʻzbekiston Respublikasi Prezidentining 2019-yil 28-iyundagi PQ-4375-son qaroriga muvofiq “Temurbeklar maktabi” harbiy-akademik litseylari uchun belgilangan talablar litseyga, jumladan, mehnatga haq toʻlash shartlari va oshirilgan lavozim maoshlari miqdorlari, ustama toʻlovlar, boshqa kafolat, huquq va imtiyozlar litseyning tegishlicha rahbar va pedagog xodimlari, ishchi va xizmatchilari, harbiy xizmatchilari va oʻquvchilariga nisbatan tatbiq etiladi;
mazkur qarorda belgilangan tadbirlarni amalga oshirish bilan bogʻliq xarajatlar 2023-yilda Mudofaa vazirligiga ajratilgan budjet mablagʻlari va vazirlikning budjetdan tashqari mablagʻlari hisobidan amalga oshiriladi, 2024-yildan boshlab Oʻzbekiston Respublikasi Davlat budjeti parametrlarini shakllantirishda koʻzda tutiladi;
litsey oʻquvchilarining kiyim-bosh namunalari va ularni kiyib yurish tartibi Mudofaa vazirligi tomonidan belgilanadi.
5. Mazkur qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2023-yil 12-iyundagi PQ-184-son qaroriga ILOVA
Jaloliddin Manguberdi nomidagi harbiy-akademik litseyining tashkiliy-shtat tuzilmasi
Direktor * 1 * (1-0-0-0) Ilmiy pedagogik kengash Direktorning maʼnaviy-maʼrifiy va tarbiyaviy ishlar boʻyicha birinchi oʻrinbosari * 1 (1-0-0-0) Direktorning oʻquv ishlari boʻyicha oʻrinbosari 1 (0-0-0-1) Direktorning maʼmuriy-xoʻjalik ishlari boʻyicha oʻrinbosari 1 (0-0-0-1) Axborot-resurs markazi 3 (0-0-0-3) Toʻgaraklar 4 (0-0-0-4) Oʻquv boʻlimi 2 (0-0-0-2) Axborotlashtirish va aloqa boʻlinmasi 3 (0-0-0-3) Maʼmuriy boʻlinma 3 (0-0-0-3) Xoʻjalik boʻlinmasi 14 *** (0-0-0-14) Psixolog 1 (0-0-0-1) Aniq fanlar oʻquv qismi 19 ** (0-0-0-19) Laboratoriya 3 (0-0-0-3) Qoʻriqlash boʻlinmasi 8 (0-0-0-8) Tibbiyot boʻlinmasi 4 (0-0-0-4) Oʻquv kursi (158 (1-7-150-0) Avtomobil seksiyasi 5 ** (0-1-0-4 * ) Ijtimoiy-gumanitar fanlar oʻquv qismi 16 ** (0-0-0-16) Yuriskonsult 1 (0-0-0-1) Kadrlar boʻlinmasi 2 (0-1-0-1) Oʻquv guruhi 26 (0-1-25-0) Moliya xizmati 3 (0-1-0-2)
Shaxsiy tarkib soni Jami Ofitserlar Serjantlar tarkibiga mansub kontrakt boʻyicha harbiy xizmatchilar Oʻquvchilar Ishchi va xizmatchilar (oʻqituvchilar) 2023-yil 1-avgustdan — 2024-yil 1-iyulgacha 221 2 10 150 59 (39) 2024-yil 1-avgustdan 411 3 17 300 91 (39)
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 12-iyun,
PQ-184-son
Президента Республики Узбекистан
Постановление
О мерах по организации деятельности военно-академического лицея имени Джалолиддина Мангуберды
В последние годы в стране проведен комплекс мер по поднятию системы Вооруженных Сил на качественно новый уровень и в этом направлении уделяется особое внимание дальнейшему совершенствованию целевой подготовки квалифицированных кадров для системы Министерства обороны.
Вместе с тем жизнь и немеркнущее мужество в истории нашего народа отважного полководца, национального героя Джалолиддина Мангуберды, гордости нашей страны и нации, являются своеобразным образцом для молодого поколения, выполняют важную функцию духовного щита в укреплении идеологического иммунитета.
В целях воспитания молодежи в духе любви и преданности Родине, уважения духовно-нравственных и военно-патриотических, национальных и общечеловеческих ценностей, а также последовательного продолжения осуществляемой работы по дальнейшему развитию интеллектуального и творческого потенциала молодого поколения и всесторонней его поддержке:
1. Согласиться с предложениями Министерства обороны, Министерства высшего образования, науки и инноваций и хокимията Хорезмской области:
о создании в структуре Министерства обороны Военно-академического лицея имени Джалолиддина Мангуберды (далее — лицей) в форме государственного учреждения;
о передаче новых завершенных строительством зданий и сооружений по адресу: Хорезмская область, город Ургенч, улица Халк сузи, дом 2 Министерству обороны с правом оперативного управления и размещении в них лицея.
2. Определить основными задачами лицея:
формирование у учащихся глубокого уважения к духовно-просветительским ценностям, культуре, обычаям и традициям народа, таких качеств, как честность, порядочность, патриотизм, преданность, самоотверженность, а также чувства национальной гордости;
воспитание учащихся преданными народу Узбекистана, с твердыми жизненными взглядами и активной гражданской позицией на основе истории и богатой культуры нашего народа, бесценного наследия наших великих предков, героизма наших соотечественников-современников, пожертвовавших своей жизнью во имя свободы и благополучия Родины;
развитие у учащихся широкого мировоззрения, интеллектуального потенциала, творческого и аналитического мышления, формирование прочных знаний по естественным и точным наукам, иностранным языкам и современным информационным технологиям, а также обучение их начальным знаниям военного дела;
подготовку достойных кандидатов для поступления на учебу в высшие, высшие военные и военизированные образовательные учреждения в целях формирования физически развитых, выносливых, мужественных и отважных защитников Родины, обладающих ораторскими и лидерскими качествами, а также резерва кадров для Вооруженных Сил Республики Узбекистан и государственной службы.
3. Утвердить организационно-штатную структуру Военно-академического лицея имени Джалолидцина Мангуберды согласно приложению .
4. Определить, что:
лицей является средним специальным образовательным учреждением;
прием в лицей и учебный процесс в нем начинаются с 2023/2024 учебного года;
продолжительность учебного процесса в лицее составляет два года, годовая квота приема — 150 человек;
в целях оказания научно-методической помощи к данному лицею прикрепляются Ургенчский государственный университет и Институт сухопутных войск Университета военной безопасности и обороны Республики Узбекистан;
лицею учебно-методическое содействие оказывает Министерство высшего образования, науки и инноваций;
в соответствии с постановлением Президента Республики Узбекистан от 28 июня 2019 года № ПП-4375 требования, определенные для военно-академических лицеев «Темурбеклар мактаби», применяются к лицею, в частности условия оплаты труда и повышенные размеры должностных окладов, надбавки, другие гарантии, права и льготы — в отношении соответственно руководящих и педагогических работников, рабочих и служащих, военнослужащих и учащихся;
расходы, связанные с осуществлением мер, определенных в настоящем постановлении, в 2023 году осуществляются за счет бюджетных средств, выделенных Министерству обороны, и внебюджетных средств министерства, с 2024 года предусматриваются при формировании параметров Государственного бюджета Республики Узбекистан;
образцы формы одежды и головных уборов учащихся лицея и порядок их ношения определяются Министерством обороны.
5. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 12 июня 2023 года № ПП-184
Организационно-штатная структура Военно-академического лицея имени Джалолиддина Мангуберды
Директор * 1 * (1-0-0-0) Научно-педагогический совет Первый заместитель директора по духовно-просветительской и воспитательной работе * 1 (1-0-0-0) Заместитель директора по учебной работе 1 (0-0-0-1) Заместитель директора по административно-хозяйственной работе 1 (0-0-0-1) Информационно-ресурсный центр 3 (0-0-0-3) Кружки 4 (0-0-0-4) Учебный отдел 2 (0-0-0-2) Подразделение информатизации и связи 3 (0-0-0-3) Административное подразделение 3 (0-0-0-3) Хозяйственное подразделение 14 *** (0-0-0-14) Психолог 1 (0-0-0-1) Учебная часть по точным наукам 19 ** (0-0-0-19) Лаборатория 3 (0-0-0-3) Охранное подразделение 8 (0-0-0-8) Медицинское подразделение 4 (0-0-0-4) Учебный курс (158 (1-7-150-0) Автомобильная секция 5 ** (0-1-0-4 * ) Учебная часть по общественно-гуманитарным наукам 16 ** (0-0-0-16) Юрисконсульт 1 (0-0-0-1) Кадровое подразделение 2 (0-1-0-1) Учебная группа 26 (0-1-25-0) Финансовая служба 3 (0-1-0-2)
Численность личного состава Всего Офицеры Военнослужащие по контракту сержантского состава Учащиеся Рабочие и служащие (преподаватели) С 1 августа 2023 года по 1 июля 2024 года 221 2 10 150 59 (39) С 1 августа 2024 года 411 3 17 300 91 (39)
Президент Республики Узбекистан Ш. МИРЗИЁЕВ
г. Ташкент,
12 июня 2023 г.,
№ ПП-184