UzbekAI

Ўзбекистон Республикаси Конституциявий судининг

қарори

«Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси қонуни лойиҳасини Ўзбекистон Республикаси Олий Мажлиси Қонунчилик палатасига киритиш тўғрисида

Ўзбекистон Республикаси Конституциясининг 98-моддаси , «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунининг 5 , 72-моддалари ва «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Ўзбекистон Республикаси Қонунининг 3 , 5 , 26-моддаларига мувофиқ Конституциявий суд қарор қилди:

1. «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси қонуни лойиҳаси қонунчилик ташаббуси тартибида Ўзбекистон Республикаси Олий Мажлиси Қонунчилик палатасига киритилсин (илова қилинади).

2. Ушбу қонун лойиҳасини Ўзбекистон Республикаси Олий Мажлиси Қонунчилик палатасида кўриб чиқиш чогида иштирок этиш учун Конституциявий суднинг вакили этиб судья А. Рахимов, уни биринчи ўқишда кўриб чиқиш чоғида маъруза билан сўзга чиқадиган вакил этиб Конституциявий суд раисининг ўринбосари А. Гафуров белгилансин.

3. Ушбу қарор «Ўзбекистон Республикаси Конституциявий суди Ахборотномаси», Ўзбекистон Республикаси қонун ҳужжатлари маълумотлари миллий базаси ва Конституциявий суднинг расмий веб-сайтида расман эълон қилинсин.

Ўзбекистон Республикасининг Конституциявий суди

Тошкент ш.,

2023 йил 9 июнь,

КСҚ-5-сон

lex.uz

Oʻzbekiston Respublikasi Konstitutsiyaviy sudining

qarori

“Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi qonuni loyihasini Oʻzbekiston Respublikasi Oliy Majlisi Qonunchilik palatasiga kiritish toʻgʻrisida

Oʻzbekiston Respublikasi Konstitutsiyasining 98-moddasi , “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonunining 5 , 72-moddalari va “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasi Qonunining 3 , 5 , 26-moddalariga muvofiq Konstitutsiyaviy sud qaror qildi:

1. “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi qonuni loyihasi qonunchilik tashabbusi tartibida Oʻzbekiston Respublikasi Oliy Majlisi Qonunchilik palatasiga kiritilsin (ilova qilinadi).

2. Ushbu qonun loyihasini Oʻzbekiston Respublikasi Oliy Majlisi Qonunchilik palatasida koʻrib chiqish chogida ishtirok etish uchun Konstitutsiyaviy sudning vakili etib sudya A. Raximov, uni birinchi oʻqishda koʻrib chiqish chogʻida maʼruza bilan soʻzga chiqadigan vakil etib Konstitutsiyaviy sud raisining oʻrinbosari A. Gafurov belgilansin.

3. Ushbu qaror “Oʻzbekiston Respublikasi Konstitutsiyaviy sudi Axborotnomasi”, Oʻzbekiston Respublikasi qonun hujjatlari maʼlumotlari milliy bazasi va Konstitutsiyaviy sudning rasmiy veb-saytida rasman eʼlon qilinsin.

Oʻzbekiston Respublikasining Konstitutsiyaviy sudi

Toshkent sh.,

2023-yil 9-iyun,

KSQ-5-son

lex.uz