UzbekAI

Ўзбекистон Республикасининг Қонуни

Телекоммуникациялар соҳасида айрим фаолият турларини амалга оширганлик учун давлат божи миқдорлари мақбуллаштирилиши муносабати билан «Давлат божи тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида

Қонунчилик палатаси томонидан 2023 йил 16 майда қабул қилинган Сенат томонидан 2023 йил 2 июнда маъқулланган

Кейинги йилларда мамлакатимизда телекоммуникациялар соҳасида тадбиркорлик фаолиятини амалга ошириш учун қулай шарт-шароитлар яратилди. Хусусан, ўтган даврда телекоммуникациялар тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш бўйича фаолиятни амалга оширишга доир лицензия бериш тартиби соддалаштирилди. Лицензия берганлик учун йиғимлар ва давлат божи тўловларини ягона биллинг тизими орқали амалга ошириш тартиби белгиланди.

Бироқ ўзининг мустақил алоқа тармоғига эга бўлмаган ва уяли алоқа операторларида мавжуд бўлган алоқа тармоқлари орқали радиотелефон (уяли) алоқа хизматларини кўрсатувчи уяли алоқа виртуал операторларига (провайдерларга) лицензиялар берганлик учун давлат божи ставкаларининг алоҳида миқдорлари мавжуд эмаслиги, шунингдек телерадиоэшиттиришларни тарқатиш (намойиш қилиш) тармоқларини лойиҳалаштириш, қуриш, улардан фойдаланиш ва уларнинг хизматларини кўрсатишга доир лицензия учун белгиланган йиллик давлат божларининг миқдори юқорилиги ҳамда давлат божини тўлашнинг амалдаги тартиби мураккаблиги мазкур соҳалардаги тадбиркорлик фаолияти янада ривожлантирилишини чеклаб қўймоқда.

Мазкур Қонун билан «Давлат божи тўғрисида»ги Ўзбекистон Республикаси Қонунига уяли алоқа виртуал операторлари (провайдерлар) томонидан кўчма радиотелефон (уяли) алоқа тармоқлари хизматларини кўрсатишга доир лицензиялар берганлик учун давлат божининг миқдори мақбуллаштирилишини, шунингдек телерадиоэшиттиришларни тарқатиш (намойиш қилиш) тармоқларини лойиҳалаштириш, қуриш, улардан фойдаланиш ва уларнинг хизматларини кўрсатишга доир лицензия берганлик учун давлат божининг миқдори камайтирилишини ҳамда уни йил давомида бўлиб-бўлиб тўлаш имконияти яратилишини назарда тутувчи ўзгартириш ва қўшимчалар киритилмоқда.

Ушбу Қонун телекоммуникациялар соҳасидаги, хусусан, кўчма радиотелефон (уяли) алоқа тармоқлари хизматларини кўрсатиш ва телерадиоэшиттиришларни тарқатиш (намойиш қилиш) соҳасидаги фаолиятни амалга ошираётган тадбиркорлик субъектларини ҳар томонлама қўллаб-қувватлашга, телекоммуникация тармоқларининг модернизация қилинишига, шунингдек телекоммуникациялар соҳасидаги рақобатни кучайтиришга хизмат қилади.

1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 816-модда) илованинг 33-бандига қуйидаги ўзгартириш ва қўшимчалар киритилсин:

1) «Ахборот технологиялари ва коммуникацияларини ривожлантириш» деган сўзлар «Рақамли технологиялар» деган сўзлар билан алмаштирилсин;

2) «э» кичик банд қуйидаги таҳрирда баён этилсин:

« э ) кўчма радиотелефон (уяли) алоқа тармоқларидан фойдаланиш ва уларнинг хизматларини кўрсатиш (бундан уяли алоқа виртуал операторлари (провайдерлар) томонидан кўчма радиотелефон (уяли) алоқа тармоқлари хизматларини кўрсатиш мустасно ) — БҲМнинг 140 000 баравари » ;

3) қуйидаги мазмундаги «э 1 » кичик банд билан тўлдирилсин:

« э 1 ) уяли алоқа виртуал операторлари (провайдерлар) томонидан кўчма радиотелефон (уяли) алоқа тармоқлари хизматларини кўрсатиш — БҲМнинг 25 000 баравари » ;

4) «зз», «ии», «кк», «лл» ва «мм» кичик бандлар қуйидаги таҳрирда баён этилсин:

« зз) телерадиоэшиттиришларни тарқатиш (намойиш қилиш) тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш — БҲМнинг 170 баравари ии) телерадиоэшиттиришларни тарқатиш (намойиш қилиш) тармоқларини лойиҳалаштириш — БҲМнинг 10 баравари кк) телерадиоэшиттиришларни тарқатиш (намойиш қилиш) тармоқларини қуриш — БҲМнинг 10 баравари лл) телерадиоэшиттиришларни тарқатиш (намойиш қилиш) тармоқларидан фойдаланиш — БҲМнинг 75 баравари мм) телерадиоэшиттиришларни тарқатиш (намойиш қилиш) тармоқлари хизматларини кўрсатиш — БҲМнинг 75 баравари » ;

5) изоҳ:

қуйидаги мазмундаги тўртинчи ва бешинчи хатбошилар билан тўлдирилсин:

«Агар уяли алоқа виртуал оператори (провайдер) томонидан навбатдаги йиллик давлат божини тўлаш давридан олдинги молия йили учун кўрсатилган кўчма радиотелефон (уяли) алоқа тармоқлари хизматларининг қиймати базавий ҳисоблаш миқдорининг 1,5 миллион бараваридан ошса, «э 1 » кичик бандда назарда тутилган фаолият тури учун давлат божининг суммасига кўрсатилган кўчма радиотелефон (уяли) алоқа тармоқлари хизматлари қийматининг 1 фоизи миқдорида қўшимча белгиланади.

Уяли алоқа виртуал оператори (провайдер) томонидан ўтган молия йилида кўрсатилган кўчма радиотелефон (уяли) алоқа тармоқлари хизматларининг қиймати қўшилган қиймат солиғи ва акциз солиғи чегириб ташланган ҳолда аниқланади»;

тўртинчи — еттинчи хатбошилари тегишинча олтинчи — тўққизинчи хатбошилар деб ҳисоблансин;

қуйидаги мазмундаги ўнинчи хатбоши билан тўлдирилсин:

«зз», «ии», «кк», «лл», «мм» кичик бандларда назарда тутилган фаолият турлари учун навбатдаги ҳар йилги давлат божини ҳар чорак биринчи ойининг 10-санасига қадар келгуси чорак учун тенг улушларда бўлиб-бўлиб тўлашга йўл қўйилади».

2-модда. Ўзбекистон Республикаси Рақамли технологиялар вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ушбу Қонун 1-моддасининг 4-банди , 5-бандининг олтинчи ва еттинчи хатбошилари мазкур Қонун расмий эълон қилинган кундан эътиборан уч ой ўтгач амалга киритилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 14 июнь,

ЎРҚ-846-сон

(Қонунчилик маълумотлари миллий базаси, 15.06.2023 й., 03/23/846/0377-сон)

lex.uz

Oʻzbekiston Respublikasining Qonuni

Telekommunikatsiyalar sohasida ayrim faoliyat turlarini amalga oshirganlik uchun davlat boji miqdorlari maqbullashtirilishi munosabati bilan “Davlat boji toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida

Qonunchilik palatasi tomonidan 2023-yil 16-mayda qabul qilingan Senat tomonidan 2023-yil 2-iyunda maʼqullangan

Keyingi yillarda mamlakatimizda telekommunikatsiyalar sohasida tadbirkorlik faoliyatini amalga oshirish uchun qulay shart-sharoitlar yaratildi. Xususan, oʻtgan davrda telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatish boʻyicha faoliyatni amalga oshirishga doir litsenziya berish tartibi soddalashtirildi. Litsenziya berganlik uchun yigʻimlar va davlat boji toʻlovlarini yagona billing tizimi orqali amalga oshirish tartibi belgilandi.

Biroq oʻzining mustaqil aloqa tarmogʻiga ega boʻlmagan va uyali aloqa operatorlarida mavjud boʻlgan aloqa tarmoqlari orqali radiotelefon (uyali) aloqa xizmatlarini koʻrsatuvchi uyali aloqa virtual operatorlariga (provayderlarga) litsenziyalar berganlik uchun davlat boji stavkalarining alohida miqdorlari mavjud emasligi, shuningdek teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularning xizmatlarini koʻrsatishga doir litsenziya uchun belgilangan yillik davlat bojlarining miqdori yuqoriligi hamda davlat bojini toʻlashning amaldagi tartibi murakkabligi mazkur sohalardagi tadbirkorlik faoliyati yanada rivojlantirilishini cheklab qoʻymoqda.

Mazkur Qonun bilan “Davlat boji toʻgʻrisida”gi Oʻzbekiston Respublikasi Qonuniga uyali aloqa virtual operatorlari (provayderlar) tomonidan koʻchma radiotelefon (uyali) aloqa tarmoqlari xizmatlarini koʻrsatishga doir litsenziyalar berganlik uchun davlat bojining miqdori maqbullashtirilishini, shuningdek teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularning xizmatlarini koʻrsatishga doir litsenziya berganlik uchun davlat bojining miqdori kamaytirilishini hamda uni yil davomida boʻlib-boʻlib toʻlash imkoniyati yaratilishini nazarda tutuvchi oʻzgartirish va qoʻshimchalar kiritilmoqda.

Ushbu Qonun telekommunikatsiyalar sohasidagi, xususan, koʻchma radiotelefon (uyali) aloqa tarmoqlari xizmatlarini koʻrsatish va teleradioeshittirishlarni tarqatish (namoyish qilish) sohasidagi faoliyatni amalga oshirayotgan tadbirkorlik subyektlarini har tomonlama qoʻllab-quvvatlashga, telekommunikatsiya tarmoqlarining modernizatsiya qilinishiga, shuningdek telekommunikatsiyalar sohasidagi raqobatni kuchaytirishga xizmat qiladi.

1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 816-modda) ilovaning 33-bandiga quyidagi oʻzgartirish va qoʻshimchalar kiritilsin:

1) “Axborot texnologiyalari va kommunikatsiyalarini rivojlantirish” degan soʻzlar “Raqamli texnologiyalar” degan soʻzlar bilan almashtirilsin;

2) “e” kichik band quyidagi tahrirda bayon etilsin:

“ e ) koʻchma radiotelefon (uyali) aloqa tarmoqlaridan foydalanish va ularning xizmatlarini koʻrsatish (bundan uyali aloqa virtual operatorlari (provayderlar) tomonidan koʻchma radiotelefon (uyali) aloqa tarmoqlari xizmatlarini koʻrsatish mustasno ) — BHMning 140 000 baravari ” ;

3) quyidagi mazmundagi “e 1 ” kichik band bilan toʻldirilsin:

“ e 1 ) uyali aloqa virtual operatorlari (provayderlar) tomonidan koʻchma radiotelefon (uyali) aloqa tarmoqlari xizmatlarini koʻrsatish — BHMning 25 000 baravari ” ;

4) “zz”, “ii”, “kk”, “ll” va “mm” kichik bandlar quyidagi tahrirda bayon etilsin:

“ zz) teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularning xizmatlarini koʻrsatish — BHMning 170 baravari ii) teleradioeshittirishlarni tarqatish (namoyish qilish) tarmoqlarini loyihalashtirish — BHMning 10 baravari kk) teleradioeshittirishlarni tarqatish (namoyish qilish) tarmoqlarini qurish — BHMning 10 baravari ll) teleradioeshittirishlarni tarqatish (namoyish qilish) tarmoqlaridan foydalanish — BHMning 75 baravari mm) teleradioeshittirishlarni tarqatish (namoyish qilish) tarmoqlari xizmatlarini koʻrsatish — BHMning 75 baravari ” ;

5) izoh:

quyidagi mazmundagi toʻrtinchi va beshinchi xatboshilar bilan toʻldirilsin:

“Agar uyali aloqa virtual operatori (provayder) tomonidan navbatdagi yillik davlat bojini toʻlash davridan oldingi moliya yili uchun koʻrsatilgan koʻchma radiotelefon (uyali) aloqa tarmoqlari xizmatlarining qiymati bazaviy hisoblash miqdorining 1,5 million baravaridan oshsa, “e 1 ” kichik bandda nazarda tutilgan faoliyat turi uchun davlat bojining summasiga koʻrsatilgan koʻchma radiotelefon (uyali) aloqa tarmoqlari xizmatlari qiymatining 1 foizi miqdorida qoʻshimcha belgilanadi.

Uyali aloqa virtual operatori (provayder) tomonidan oʻtgan moliya yilida koʻrsatilgan koʻchma radiotelefon (uyali) aloqa tarmoqlari xizmatlarining qiymati qoʻshilgan qiymat soligʻi va aksiz soligʻi chegirib tashlangan holda aniqlanadi”;

toʻrtinchi — yettinchi xatboshilari tegishincha oltinchi — toʻqqizinchi xatboshilar deb hisoblansin;

quyidagi mazmundagi oʻninchi xatboshi bilan toʻldirilsin:

“zz”, “ii”, “kk”, “ll”, “mm” kichik bandlarda nazarda tutilgan faoliyat turlari uchun navbatdagi har yilgi davlat bojini har chorak birinchi oyining 10-sanasiga qadar kelgusi chorak uchun teng ulushlarda boʻlib-boʻlib toʻlashga yoʻl qoʻyiladi”.

2-modda. Oʻzbekiston Respublikasi Raqamli texnologiyalar vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasining 4-bandi , 5-bandining oltinchi va yettinchi xatboshilari mazkur Qonun rasmiy eʼlon qilingan kundan eʼtiboran uch oy oʻtgach amalga kiritiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 14-iyun,

OʻRQ-846-son

(Qonunchilik maʼlumotlari milliy bazasi, 15.06.2023-y., 03/23/846/0377-son)

lex.uz

Закон Республики Узбекистан

О внесении изменений и дополнений в Закон Республики Узбекистан «О государственной пошлине» в связи с оптимизацией размеров государственной пошлины за осуществление некоторых видов деятельности в сфере телекоммуникаций

Принят Законодательной палатой 16 мая 2023 года Одобрен Сенатом 2 июня 2023 года

В последние годы в стране созданы благоприятные условия для осуществления предпринимательской деятельности в сфере телекоммуникаций. В частности, за прошедший период упрощен порядок выдачи лицензии на осуществление деятельности по проектированию, строительству, эксплуатации и оказанию услуг сетей телекоммуникаций. Установлен порядок осуществления оплаты сборов и государственной пошлины за выдачу лицензии посредством единой биллинговой системы.

Однако отсутствие отдельных размеров ставок государственной пошлины за выдачу лицензий для виртуальных операторов сотовой связи (провайдеров), не имеющих собственной сети связи и оказывающих услуги радиотелефонной (сотовой) связи через сети связи, существующие у операторов сотовой связи, а также высокий размер годовых государственных пошлин, установленных за лицензию на проектирование, строительство, эксплуатацию и оказание услуг сетей распространения (трансляции) телерадиопередач, и сложность действующего порядка уплаты государственной пошлины ограничивают дальнейшее развитие предпринимательской деятельности в данных сферах.

Данным Законом вносятся изменения и дополнения в Закон Республики Узбекистан «О государственной пошлине», предусматривающие оптимизацию размера государственной пошлины за выдачу лицензий на оказание услуг сетей подвижной радиотелефонной (сотовой) связи виртуальными операторами сотовой связи (провайдерами), а также уменьшение размера государственной пошлины за выдачу лицензии на проектирование, строительство, эксплуатацию и оказание услуг сетей распространения (трансляции) телерадиопередач и создание возможности ее уплаты в рассрочку в течение года.

Настоящий Закон послужит комплексной поддержке субъектов предпринимательства, осуществляющих деятельность в сфере телекоммуникаций, в частности в сфере оказания услуг сетей подвижной радиотелефонной (сотовой) связи и распространения (трансляции) телерадиопередач, модернизации сетей телекоммуникаций, а также усилению конкуренции в сфере телекоммуникаций.

Статья 1. Внести в пункт 33 приложения к Закону Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 816) следующие изменения и дополнения:

1) слова «по развитию информационных технологий и коммуникаций» заменить словами «цифровых технологий»;

2) подпункт «э» изложить в следующей редакции:

« э) эксплуатация и оказание услуг сетей подвижной радиотелефонной (сотовой) связи (за исключением оказания услуг сетей подвижной радиотелефонной (сотовой) связи виртуальными операторами сотовой связи (провайдерами) — 140 000-кратный размер БРВ »;

3) дополнить подпунктом «э 1 » следующего содержания:

« э 1 ) оказание услуг сетей подвижной радиотелефонной (сотовой) связи виртуальными операторами сотовой связи (провайдерами) — 25 000-кратный размер БРВ »;

4) подпункты «зз», «ии», «кк», «лл» и «мм» изложить в следующей редакции:

« зз) проектирование, строительство, эксплуатация и оказание услуг сетей распространения (трансляции) телерадиопередач — 170-кратный размер БРВ ии) проектирование сетей распространения (трансляции) телерадиопередач — 10-кратный размер БРВ кк) строительство сетей распространения (трансляции) телерадиопередач — 10-кратный размер БРВ лл) эксплуатация сетей распространения (трансляции) телерадиопередач — 75-кратный размер БРВ мм) оказание услуг сетей распространения (трансляции) телерадиопередач — 75-кратный размер БРВ »;

5) в примечании:

дополнить абзацами четвертым и пятым следующего содержания:

«Если стоимость услуг сетей подвижной радиотелефонной (сотовой) связи, оказанных виртуальным оператором сотовой связи (провайдером) за финансовый год, предшествующий периоду оплаты очередной годовой государственной пошлины, превышает 1,5 миллион кратного размера базовой расчетной величины, то к сумме государственной пошлины за предусмотренный подпунктом «э 1 » вид деятельности устанавливается дополнение в размере 1 процента от стоимости оказанных услуг сетей подвижной радиотелефонной (сотовой) связи.

Стоимость услуг сетей подвижной радиотелефонной (сотовой) связи, оказанных виртуальным оператором сотовой связи (провайдером) в предыдущем финансовом году, определяется с вычетом налога на добавленную стоимость и акцизного налога»;

абзацы четвертый — седьмой считать соответственно абзацами шестым — девятым;

дополнить абзацем десятым следующего содержания:

«Оплата очередной ежегодной государственной пошлины за виды деятельности, предусмотренные подпунктами «зз», «ии», «кк», «лл», «мм», допускается в рассрочку равными долями за предстоящий квартал до 10-го числа первого месяца каждого квартала».

Статья 2. Министерству цифровых технологий, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4. Настоящий Закон вступает в силу со дня его официального опубликования.

Пункт 4 , абзацы шестой и седьмой пункта 5 статьи 1 настоящего Закона вводятся в действие по истечении трех месяцев со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

14 июня 2023 г.,

№ ЗРУ-846

(Национальная база данных законодательства, 15.06.2023 г., № 03/23/846/0377)

lex.uz