📅 2023-yil 16-iyun · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 16 июнь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 16 июня 2023 г. · Законы и кодексы
Официальный текст. Официальный документ. Редакционные примечания не включены.
📅 16 June 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига норасмий бандликни қисқартиришга қаратилган ўзгартишлар ва қўшимча киритиш тўғрисида
Қонунчилик палатаси томонидан 2023 йил 14 февралда қабул қилинган Сенат томонидан 2023 йил 1 июнда маъқулланган
Мамлакатимизда аҳолининг бандлигини таъминлаш ва ижтимоий ҳимоясини янада кучайтириш, норасмий бандлик улушини қисқартириш, шунингдек ўзини ўзи банд қилган шахсларни ҳар томонлама қўллаб-қувватлаш юзасидан кенг кўламли ислоҳотлар амалга оширилмоқда.
Шу билан бирга якка тартибдаги тадбиркорлар билан меҳнат муносабатларида бўлган жисмоний шахслар учун ҳар ойлик ижтимоий солиқ суммаси миқдорининг юқорилиги, шахсий томорқа ер участкасида фаолиятни амалга ошираётган фуқаролар учун меҳнат стажини ҳисоблаб чиқариш чоғида ортиқча талаблар ва тартиб-таомилларнинг мавжудлиги қонунчиликда назарда тутилган имкониятлардан тўлиқ фойдаланиш имконини бермайди.
Шу сабабли ушбу Қонун билан Ўзбекистон Республикасининг Солиқ кодексига савдо мажмуалари ва бозорларда фаолиятни амалга ошираётган якка тартибдаги тадбиркорларни истисно этган ҳолда, якка тартибдаги тадбиркорлар билан меҳнат муносабатларида бўлган жисмоний шахслар учун тўланиши лозим бўлган ҳар йилги ижтимоий солиқ суммасининг миқдори йилига базавий ҳисоблаш миқдорининг олти бараваридан бир бараваригача миқдорга камайтирилишини, шунингдек шахсий томорқа ер участкаларида фаолиятнинг айрим турлари билан банд бўлган фуқаролар томонидан томорқа ер участкаси майдонидан ҳамда улар парвариш қилаётган уй ҳайвонлари ва паррандалар сонидан қатъи назар, ижтимоий солиқни ихтиёрий равишда тўлаш имкониятини назарда тутувчи ўзгартишлар киритилмоқда.
Шунингдек «Томорқа хўжалиги тўғрисида»ги Ўзбекистон Республикаси Қонунига томорқа хўжалигида меҳнат фаолиятини тартибга солувчи тегишли ўзгартишлар киритилмоқда.
Мазкур Қонун бундан буён норасмий бандлик улушини қисқартиришга, якка тартибдаги тадбиркорлар билан меҳнат муносабатларида бўлган жисмоний шахслар, томорқа хўжалигида меҳнат фаолиятини амалга ошираётган фуқаролар учун ижтимоий солиқ тўловининг ҳисоб-китобини ва уларнинг меҳнат стажи ҳисобланишини соддалаштиришга, шунингдек якка тартибдаги тадбиркорлар томонидан янада кўпроқ иш ўринлари сони яратилишига хизмат қилади.
1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда) қуйидаги ўзгартишлар ва қўшимча киритилсин:
1) 408-модда :
биринчи қисмининг:
биринчи хатбошисидаги «иккинчи қисмида» деган сўзлар «иккинчи ва учинчи қисмларида» деган сўзлар билан алмаштирилсин;
2-банди қуйидаги таҳрирда баён этилсин:
«2) савдо мажмуалари ва бозорларда фаолиятни амалга ошираётган якка тартибдаги тадбиркор билан меҳнат муносабатларида бўлган жисмоний шахслар томонидан — ойига базавий ҳисоблаш миқдорининг 50 фоизи миқдорида»;
3-банди учинчи хатбошисининг ўзбекча матни «50 фоизи миқдорида» деган сўзлардан кейин «мажбурий тартибда тўланади» деган сўзлар билан тўлдирилсин;
иккинчи ва учинчи қисмлари қуйидаги мазмундаги иккинчи, учинчи ва тўртинчи қисмлар билан алмаштирилсин:
«Меҳнат стажини ҳисоблаб чиқариш учун йилига базавий ҳисоблаш миқдорининг камида бир баравари миқдорида:
ўзини ўзи банд қилган шахслар;
шахсий томорқа ер участкаларида банд бўлган ёки мазкур майдонда чорвачилик (қорамол, қўйлар, эчкилар, отлар ва бошқалар), иссиқхона хўжалиги, паррандачилик (товуқлар, беданалар, куркалар, ғозлар, ўрдаклар), қуёнчилик, асаларичилик, балиқчилик, боғдорчилик, лимончилик, гулчилик билан шуғулланаётган шахсий томорқа ер участкаларининг эгалари ёки уларнинг оила аъзолари бўлган фуқаролар томонидан (уларга тегишли томорқа ер участкасининг майдонидан ёки улар томонидан парвариш қилинаётган уй ҳайвонлари ва паррандаларнинг сонидан қатъи назар);
деҳқон хўжалигининг аъзолари (бундан деҳқон хўжалиги бошлиғи мустасно) ва деҳқон хўжалигида банд бўлган жисмоний шахслар;
меҳнат шартномаси асосида чет элда ёлланиб ишлаётган Ўзбекистон Республикаси фуқаролари;
Ўзбекистон Республикасининг давлат органлари ва бошқа ташкилотлари томонидан чет давлатларда ташкил этилган (очилган) савдо уйларида, ваколатхоналарда (шу жумладан юридик шахс ташкил этмасдан), ташкилотларда ишлаётган Ўзбекистон Республикаси фуқаролари;
ишламайдиган эри (хотини) учун солиқ тўловини амалга оширувчи ишлаётган фуқаролар томонидан ихтиёрий тартибда солиқ тўланади.
Меҳнат стажини ҳисоблаб чиқариш учун йилига базавий ҳисоблаш миқдорининг камида бир баравари миқдорида:
«Ҳунарманд» уюшмасининг аъзоси бўлган ҳунармандчилик фаолияти субъектлари;
«Уста-шогирд» мактаблари ўқувчилари — улар йигирма беш ёшга тўлгунига қадар ишлаган даврда;
деҳқон хўжалиги бошлиғи;
якка тартибдаги тадбиркор билан меҳнат муносабатларида бўлган жисмоний шахслар (бундан ушбу модда биринчи қисмининг 2-бандида кўрсатилган жисмоний шахслар мустасно) томонидан мажбурий тартибда солиқ тўланади.
Ёшга доир пенсия ва нафақа олувчи ҳунармандчилик фаолияти субъектлари бўлган «Ҳунарманд» уюшмасининг аъзолари солиқ тўлашдан озод этилади, ушбу модданинг биринчи, иккинчи ва учинчи қисмларида кўрсатилган, ёшга доир пенсия олиш ҳуқуқига эга бўлган қолган шахслар, шунингдек I ва II гуруҳ ногиронлиги бўлган шахслар учун эса солиқ миқдори унинг белгиланган энг кам миқдорининг камида 50 фоизини ташкил этиши керак. Мазкур имтиёзлар пенсия гувоҳномаси ёки тиббий-ижтимоий эксперт комиссиясининг маълумотномаси асосида берилади. Имтиёзларга бўлган ҳуқуқ календарь йил давомида вужудга келган ёки тугатилган тақдирда, солиқни қайта ҳисоб-китоб қилиш ушбу ҳуқуқ юзага келган ёки тугатилган ойдан эътиборан амалга оширилади»;
тўртинчи — ўн биринчи қисмлари тегишинча бешинчи — ўн иккинчи қисмлар деб ҳисоблансин;
бешинчи қисмининг учинчи хатбошисидаги «иккинчи қисмида» деган сўзлар «иккинчи ва учинчи қисмларида» деган сўзлар билан алмаштирилсин;
еттинчи қисмининг учинчи хатбошисидаги «якка тартибдаги тадбиркорнинг ходимлари учун» деган сўзлар «якка тартибдаги тадбиркор билан меҳнат муносабатларида бўлган жисмоний шахслар учун» деган сўзлар билан алмаштирилсин;
саккизинчи қисмидаги «(деҳқон хўжаликлари аъзолари учун — йил)» деган сўзлар «(деҳқон хўжаликлари аъзолари ва деҳқон хўжалигида банд бўлган жисмоний шахслар, шунингдек ушбу модда учинчи қисмининг бешинчи хатбошисида кўрсатилган жисмоний шахслар учун — йил)» деган сўзлар билан алмаштирилсин;
ўн иккинчи қисми қуйидаги таҳрирда баён этилсин:
«Ушбу модданинг биринчи қисмида, учинчи қисми бешинчи хатбошисида кўрсатилган солиқ тўловчилар солиқни ушбу Кодекснинг 405-моддасида кўрсатилган солиқ ставкалари бўйича жами йиллик даромад тўғрисида декларацияда кўрсатилган меҳнатга ҳақ тўлаш тарзида олинган даромадлар суммасидан келиб чиқиб, бироқ ушбу моддада белгиланган унинг энг кам миқдоридан кам бўлмаган ҳолда, солиқни ихтиёрий равишда тўлаш ҳақида жами йиллик даромад тўғрисидаги декларацияни тақдим этиш билан бир вақтда бериладиган ариза асосида тўлашга ҳақли. Бунда тўланиши лозим бўлган солиқнинг узил-кесил суммаси ушбу модданинг биринчи — олтинчи қисмларига мувофиқ тўланган суммаларни ҳисобга олган ҳолда аниқланади»;
2) 482-модда бешинчи қисмининг 1-бандидаги «408-моддасининг тўртинчи қисмида» деган сўзлар «408-моддасининг бешинчи қисмида» деган сўзлар билан алмаштирилсин.
2-модда . Ўзбекистон Республикасининг 2021 йил 1 апрелда қабул қилинган «Томорқа хўжалиги тўғрисида»ги ЎРҚ-681-сонли Қонуни (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 287-модда) 11-моддаси иккинчи қисмининг биринчи жумласи қуйидаги таҳрирда баён этилсин:
«Шахсий томорқа ер участкасида банд бўлган ёки мазкур майдонда чорвачилик (қорамол, қўйлар, эчкилар, отлар ва бошқалар), иссиқхона хўжалиги, паррандачилик (товуқлар, беданалар, куркалар, ғозлар, ўрдаклар), қуёнчилик, асаларичилик, балиқчилик, боғдорчилик, лимончилик, гулчилик билан шуғулланаётган шахсий томорқа ер участкасининг эгаси ёки унинг оила аъзолари (уларга тегишли томорқа ер участкасининг майдонидан ёки улар томонидан парвариш қилинаётган уй ҳайвонлари ва паррандаларнинг сонидан қатъи назар) ижтимоий солиқ тўлаши мумкин».
3-модда. Ўзбекистон Республикаси Камбағалликни қисқартириш ва бандлик вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда . Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ушбу Қонун 1 ва 2-моддаларининг қоидалари 2023 йил 1 январдан эътиборан юзага келган муносабатларга нисбатан ҳам татбиқ этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 16 июнь,
ЎРҚ-847-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga norasmiy bandlikni qisqartirishga qaratilgan oʻzgartishlar va qoʻshimcha kiritish toʻgʻrisida
Qonunchilik palatasi tomonidan 2023-yil 14-fevralda qabul qilingan Senat tomonidan 2023-yil 1-iyunda maʼqullangan
Mamlakatimizda aholining bandligini taʼminlash va ijtimoiy himoyasini yanada kuchaytirish, norasmiy bandlik ulushini qisqartirish, shuningdek oʻzini oʻzi band qilgan shaxslarni har tomonlama qoʻllab-quvvatlash yuzasidan keng koʻlamli islohotlar amalga oshirilmoqda.
Shu bilan birga yakka tartibdagi tadbirkorlar bilan mehnat munosabatlarida boʻlgan jismoniy shaxslar uchun har oylik ijtimoiy soliq summasi miqdorining yuqoriligi, shaxsiy tomorqa yer uchastkasida faoliyatni amalga oshirayotgan fuqarolar uchun mehnat stajini hisoblab chiqarish chogʻida ortiqcha talablar va tartib-taomillarning mavjudligi qonunchilikda nazarda tutilgan imkoniyatlardan toʻliq foydalanish imkonini bermaydi.
Shu sababli ushbu Qonun bilan Oʻzbekiston Respublikasining Soliq kodeksiga savdo majmualari va bozorlarda faoliyatni amalga oshirayotgan yakka tartibdagi tadbirkorlarni istisno etgan holda, yakka tartibdagi tadbirkorlar bilan mehnat munosabatlarida boʻlgan jismoniy shaxslar uchun toʻlanishi lozim boʻlgan har yilgi ijtimoiy soliq summasining miqdori yiliga bazaviy hisoblash miqdorining olti baravaridan bir baravarigacha miqdorga kamaytirilishini, shuningdek shaxsiy tomorqa yer uchastkalarida faoliyatning ayrim turlari bilan band boʻlgan fuqarolar tomonidan tomorqa yer uchastkasi maydonidan hamda ular parvarish qilayotgan uy hayvonlari va parrandalar sonidan qatʼi nazar, ijtimoiy soliqni ixtiyoriy ravishda toʻlash imkoniyatini nazarda tutuvchi oʻzgartishlar kiritilmoqda.
Shuningdek “Tomorqa xoʻjaligi toʻgʻrisida”gi Oʻzbekiston Respublikasi Qonuniga tomorqa xoʻjaligida mehnat faoliyatini tartibga soluvchi tegishli oʻzgartishlar kiritilmoqda.
Mazkur Qonun bundan buyon norasmiy bandlik ulushini qisqartirishga, yakka tartibdagi tadbirkorlar bilan mehnat munosabatlarida boʻlgan jismoniy shaxslar, tomorqa xoʻjaligida mehnat faoliyatini amalga oshirayotgan fuqarolar uchun ijtimoiy soliq toʻlovining hisob-kitobini va ularning mehnat staji hisoblanishini soddalashtirishga, shuningdek yakka tartibdagi tadbirkorlar tomonidan yanada koʻproq ish oʻrinlari soni yaratilishiga xizmat qiladi.
1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda) quyidagi oʻzgartishlar va qoʻshimcha kiritilsin:
1) 408-modda :
birinchi qismining:
birinchi xatboshisidagi “ikkinchi qismida” degan soʻzlar “ikkinchi va uchinchi qismlarida” degan soʻzlar bilan almashtirilsin;
2-bandi quyidagi tahrirda bayon etilsin:
“2) savdo majmualari va bozorlarda faoliyatni amalga oshirayotgan yakka tartibdagi tadbirkor bilan mehnat munosabatlarida boʻlgan jismoniy shaxslar tomonidan — oyiga bazaviy hisoblash miqdorining 50 foizi miqdorida”;
3-bandi uchinchi xatboshisining oʻzbekcha matni “50 foizi miqdorida” degan soʻzlardan keyin “majburiy tartibda toʻlanadi” degan soʻzlar bilan toʻldirilsin;
ikkinchi va uchinchi qismlari quyidagi mazmundagi ikkinchi, uchinchi va toʻrtinchi qismlar bilan almashtirilsin:
“Mehnat stajini hisoblab chiqarish uchun yiliga bazaviy hisoblash miqdorining kamida bir baravari miqdorida:
oʻzini oʻzi band qilgan shaxslar;
shaxsiy tomorqa yer uchastkalarida band boʻlgan yoki mazkur maydonda chorvachilik (qoramol, qoʻylar, echkilar, otlar va boshqalar), issiqxona xoʻjaligi, parrandachilik (tovuqlar, bedanalar, kurkalar, gʻozlar, oʻrdaklar), quyonchilik, asalarichilik, baliqchilik, bogʻdorchilik, limonchilik, gulchilik bilan shugʻullanayotgan shaxsiy tomorqa yer uchastkalarining egalari yoki ularning oila aʼzolari boʻlgan fuqarolar tomonidan (ularga tegishli tomorqa yer uchastkasining maydonidan yoki ular tomonidan parvarish qilinayotgan uy hayvonlari va parrandalarning sonidan qatʼi nazar);
dehqon xoʻjaligining aʼzolari (bundan dehqon xoʻjaligi boshligʻi mustasno) va dehqon xoʻjaligida band boʻlgan jismoniy shaxslar;
mehnat shartnomasi asosida chet elda yollanib ishlayotgan Oʻzbekiston Respublikasi fuqarolari;
Oʻzbekiston Respublikasining davlat organlari va boshqa tashkilotlari tomonidan chet davlatlarda tashkil etilgan (ochilgan) savdo uylarida, vakolatxonalarda (shu jumladan yuridik shaxs tashkil etmasdan), tashkilotlarda ishlayotgan Oʻzbekiston Respublikasi fuqarolari;
ishlamaydigan eri (xotini) uchun soliq toʻlovini amalga oshiruvchi ishlayotgan fuqarolar tomonidan ixtiyoriy tartibda soliq toʻlanadi.
Mehnat stajini hisoblab chiqarish uchun yiliga bazaviy hisoblash miqdorining kamida bir baravari miqdorida:
“Hunarmand” uyushmasining aʼzosi boʻlgan hunarmandchilik faoliyati subyektlari;
“Usta-shogird” maktablari oʻquvchilari — ular yigirma besh yoshga toʻlguniga qadar ishlagan davrda;
dehqon xoʻjaligi boshligʻi;
yakka tartibdagi tadbirkor bilan mehnat munosabatlarida boʻlgan jismoniy shaxslar (bundan ushbu modda birinchi qismining 2-bandida koʻrsatilgan jismoniy shaxslar mustasno) tomonidan majburiy tartibda soliq toʻlanadi.
Yoshga doir pensiya va nafaqa oluvchi hunarmandchilik faoliyati subyektlari boʻlgan “Hunarmand” uyushmasining aʼzolari soliq toʻlashdan ozod etiladi, ushbu moddaning birinchi, ikkinchi va uchinchi qismlarida koʻrsatilgan, yoshga doir pensiya olish huquqiga ega boʻlgan qolgan shaxslar, shuningdek I va II guruh nogironligi boʻlgan shaxslar uchun esa soliq miqdori uning belgilangan eng kam miqdorining kamida 50 foizini tashkil etishi kerak. Mazkur imtiyozlar pensiya guvohnomasi yoki tibbiy-ijtimoiy ekspert komissiyasining maʼlumotnomasi asosida beriladi. Imtiyozlarga boʻlgan huquq kalendar yil davomida vujudga kelgan yoki tugatilgan taqdirda, soliqni qayta hisob-kitob qilish ushbu huquq yuzaga kelgan yoki tugatilgan oydan eʼtiboran amalga oshiriladi”;
toʻrtinchi — oʻn birinchi qismlari tegishincha beshinchi — oʻn ikkinchi qismlar deb hisoblansin;
beshinchi qismining uchinchi xatboshisidagi “ikkinchi qismida” degan soʻzlar “ikkinchi va uchinchi qismlarida” degan soʻzlar bilan almashtirilsin;
yettinchi qismining uchinchi xatboshisidagi “yakka tartibdagi tadbirkorning xodimlari uchun” degan soʻzlar “yakka tartibdagi tadbirkor bilan mehnat munosabatlarida boʻlgan jismoniy shaxslar uchun” degan soʻzlar bilan almashtirilsin;
sakkizinchi qismidagi “(dehqon xoʻjaliklari aʼzolari uchun — yil)” degan soʻzlar “(dehqon xoʻjaliklari aʼzolari va dehqon xoʻjaligida band boʻlgan jismoniy shaxslar, shuningdek ushbu modda uchinchi qismining beshinchi xatboshisida koʻrsatilgan jismoniy shaxslar uchun — yil)” degan soʻzlar bilan almashtirilsin;
oʻn ikkinchi qismi quyidagi tahrirda bayon etilsin:
“Ushbu moddaning birinchi qismida, uchinchi qismi beshinchi xatboshisida koʻrsatilgan soliq toʻlovchilar soliqni ushbu Kodeksning 405-moddasida koʻrsatilgan soliq stavkalari boʻyicha jami yillik daromad toʻgʻrisida deklaratsiyada koʻrsatilgan mehnatga haq toʻlash tarzida olingan daromadlar summasidan kelib chiqib, biroq ushbu moddada belgilangan uning eng kam miqdoridan kam boʻlmagan holda, soliqni ixtiyoriy ravishda toʻlash haqida jami yillik daromad toʻgʻrisidagi deklaratsiyani taqdim etish bilan bir vaqtda beriladigan ariza asosida toʻlashga haqli. Bunda toʻlanishi lozim boʻlgan soliqning uzil-kesil summasi ushbu moddaning birinchi — oltinchi qismlariga muvofiq toʻlangan summalarni hisobga olgan holda aniqlanadi”;
2) 482-modda beshinchi qismining 1-bandidagi “408-moddasining toʻrtinchi qismida” degan soʻzlar “408-moddasining beshinchi qismida” degan soʻzlar bilan almashtirilsin.
2-modda . Oʻzbekiston Respublikasining 2021-yil 1-aprelda qabul qilingan “Tomorqa xoʻjaligi toʻgʻrisida”gi OʻRQ-681-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 287-modda) 11-moddasi ikkinchi qismining birinchi jumlasi quyidagi tahrirda bayon etilsin:
“Shaxsiy tomorqa yer uchastkasida band boʻlgan yoki mazkur maydonda chorvachilik (qoramol, qoʻylar, echkilar, otlar va boshqalar), issiqxona xoʻjaligi, parrandachilik (tovuqlar, bedanalar, kurkalar, gʻozlar, oʻrdaklar), quyonchilik, asalarichilik, baliqchilik, bogʻdorchilik, limonchilik, gulchilik bilan shugʻullanayotgan shaxsiy tomorqa yer uchastkasining egasi yoki uning oila aʼzolari (ularga tegishli tomorqa yer uchastkasining maydonidan yoki ular tomonidan parvarish qilinayotgan uy hayvonlari va parrandalarning sonidan qatʼi nazar) ijtimoiy soliq toʻlashi mumkin”.
3-modda. Oʻzbekiston Respublikasi Kambagʻallikni qisqartirish va bandlik vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda . Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1 va 2-moddalarining qoidalari 2023-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 16-iyun,
OʻRQ-847-son
Закон Республики Узбекистан
О внесении изменений и дополнения в некоторые законодательные акты Республики Узбекистан, направленных на сокращение неформальной занятости
Принят Законодательной палатой 14 февраля 2023 года Одобрен Сенатом 1 июня 2023 года
В стране проводятся масштабные реформы по обеспечению занятости и дальнейшему усилению социальной защиты населения, сокращению доли неформальной занятости, а также всесторонней поддержке самозанятых лиц.
Вместе с тем высокий размер ежемесячной суммы социального налога для физических лиц, состоящих в трудовых отношениях с индивидуальными предпринимателями, наличие излишних требований и процедур при исчислении трудового стажа для граждан, осуществляющих деятельность на личном приусадебном земельном участке, не позволяют использовать предусмотренные законодательством возможности в полной мере.
В связи с этим настоящим Законом в Налоговый кодекс Республики Узбекистан вносятся изменения, предусматривающие снижение размера ежегодной суммы социального налога, подлежащей уплате за физических лиц, состоящих в трудовых отношениях с индивидуальными предпринимателями, с шести до одного размера базовой расчетной величины в год, за исключением индивидуальных предпринимателей, осуществляющих деятельность в торговых комплексах и на рынках, а также возможность добровольной уплаты социального налога гражданами, занятыми некоторыми видами деятельности на личных приусадебных земельных участках, независимо от площади приусадебного земельного участка и количества выращиваемых ими домашних животных и птиц.
В Закон Республики Узбекистан «О подсобном хозяйстве» также вносятся соответствующие изменения, регулирующие трудовую деятельность в подсобном хозяйстве.
Данный Закон послужит дальнейшему сокращению доли неформальной занятости, упрощению расчета уплаты социального налога и учета трудового стажа для физических лиц, состоящих в трудовых отношениях с индивидуальными предпринимателями, граждан, осуществляющих трудовую деятельность в подсобном хозяйстве, а также созданию еще большего количества рабочих мест индивидуальными предпринимателями.
Статья 1. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190), следующие изменения и дополнение:
1) в статье 408 :
в части первой :
в абзаце первом слова «частью второй» заменить словами «частями второй и третьей»;
пункт 2 изложить в следующей редакции:
«2) физическими лицами, состоящими в трудовых отношениях с индивидуальным предпринимателем, осуществляющим деятельность в торговых комплексах и на рынках, — в размере 50 процентов базовой расчетной величины в месяц»;
абзац третий пункта 3 текста на узбекском языке после слов «50 фоизи миқдорида» дополнить словами «мажбурий тартибда тўланади»;
части вторую и третью заменить частями второй, третьей и четвертой следующего содержания:
«Для исчисления трудового стажа налог в размере не менее одной базовой расчетной величины в год уплачивается в добровольном порядке:
самозанятыми лицами;
гражданами, являющимися владельцами личных приусадебных земельных участков, или членами их семей, занятыми на личных приусадебных земельных участках или занимающихся животноводством (крупный рогатый скот, овцы, козы, лошади и другие), тепличным хозяйством, птицеводством (куры, перепелки, индюки, гуси, утки), кролиководством, пчеловодством, рыбоводством, садоводством, лимоноводством, цветоводством на данной площади (независимо от площади принадлежащего им приусадебного земельного участка или количества выращиваемых ими домашних животных и птиц);
членами дехканского хозяйства (за исключением главы дехканского хозяйства) и физическими лицами, занятыми в дехканском хозяйстве;
гражданами Республики Узбекистан, работающими за границей по найму на основе трудового договора;
гражданами Республики Узбекистан, работающими в торговых домах, представительствах (в том числе без образования юридического лица), организациях, созданных (открытых) в иностранных государствах государственными органами и другими организациями Республики Узбекистан;
работающими гражданами, осуществляющими уплату налога за их неработающих супругов.
Для исчисления трудового стажа налог в размере не менее одной базовой расчетной величины в год уплачивается в обязательном порядке:
субъектами ремесленнической деятельности — членами ассоциации «Хунарманд»;
учениками школ «Уста — шогирд» — в период их работы до достижения двадцати пяти лет;
главой дехканского хозяйства;
физическими лицами, состоящими в трудовых отношениях с индивидуальным предпринимателем (за исключением физических лиц, указанных в пункте 2 части первой настоящей статьи).
Субъекты ремесленнической деятельности — члены ассоциации «Хунарманд», получающие пенсии и пособия по возрасту, освобождаются от уплаты налога, а для остальных лиц, указанных в частях первой, второй и третьей настоящей статьи, имеющих право на пенсию по возрасту, а также лиц с инвалидностью I и II групп размер налога должен составлять не менее 50 процентов от его установленного минимального размера. Данные льготы предоставляются на основании пенсионного удостоверения или справки медико-социальной экспертной комиссии. При возникновении или прекращении права на льготы в течение календарного года перерасчет налога производится с месяца, в котором возникло или прекращено это право»;
части четвертую — одиннадцатую считать соответственно частями пятой — двенадцатой;
в абзаце третьем части пятой слова «в части второй» заменить словами «в частях второй и третьей»;
в абзаце третьем части седьмой слова «за работников индивидуального предпринимателя» заменить словами «за физических лиц, состоящих в трудовых отношениях с индивидуальным предпринимателем»;
в части восьмой слова «(для членов дехканских хозяйств — за год)» заменить словами «(для членов дехканских хозяйств и физических лиц, занятых в дехканском хозяйстве, а также физических лиц, указанных в абзаце пятом части третьей настоящей статьи, — за год)»;
часть двенадцатую изложить в следующей редакции:
«Налогоплательщики, указанные в части первой, абзаце пятом части третьей настоящей статьи, вправе уплатить налог исходя из суммы полученных доходов в виде оплаты труда, указанных в декларации о совокупном годовом доходе, по налоговым ставкам, указанным в статье 405 настоящего Кодекса, но не менее его минимальных размеров, установленных настоящей статьей, на основании заявления о добровольной уплате налога, подаваемого одновременно с представлением декларации о совокупном годовом доходе. При этом окончательная сумма налога, подлежащая уплате, определяется с учетом сумм, уплаченных в соответствии с частями первой — шестой настоящей статьи»;
2) в пункте 1 части пятой статьи 482 слова «частью четвертой статьи 408» заменить словами «частью пятой статьи 408».
Статья 2. Первое предложение части второй статьи 11 Закона Республики Узбекистан от 1 апреля 2021 года № ЗРУ-681 «О подсобном хозяйстве» (Ведомости палат Олий Мажлиса Республики Узбекистан, 2021 г., № 4, ст. 287) изложить в следующей редакции:
«Владелец личного приусадебного земельного участка или члены его семьи, занятые на личном приусадебном земельном участке или занимающиеся животноводством (крупный рогатый скот, овцы, козы, лошади и другие), тепличным хозяйством, птицеводством (куры, перепелки, индейки, гуси, утки), кролиководством, пчеловодством, рыбоводством, садоводством, лимоноводством, цветоводством на данной площади (независимо от площади принадлежащего им приусадебного земельного участка или количества выращиваемых ими домашних животных и птиц), могут уплачивать социальный налог».
Статья 3. Министерству занятости и сокращения бедности Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу со дня его официального опубликования.
Положения статей 1 и 2 настоящего Закона распространяются также на отношения, возникшие с 1 января 2023 года.
Президент Республики Узбекистан Ш. МИРЗИЁЕВ
г. Ташкент,
16 июня 2023 г.,
№ ЗРУ-847