📅 2023-yil 19-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 19 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 июня 2023 г. · Указы Президента
Официальный текст. Официальный документ. Редакционные примечания не включены.
📅 19 June 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қишлоқ хўжалигини давлат томонидан қўллаб-қувватлаш харажатларини молиялаштиришнинг узлуксизлигини таъминлаш тўғрисида
Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасининг ресурс базасини мустаҳкамлаш мақсадида:
1. Қишлоқ хўжалигини давлат томонидан қўллаб-қувватлаш билан боғлиқ харажатларни молиялаштириш учун Тикланиш ва тараққиёт жамғармаси ҳисобидан Иқтисодиёт ва молия вазирлигига Қишлоқ хўжалигини давлат томонидан қўллаб-қувватлаш жамғармаси учун 250 миллион АҚШ доллари 24 ой муддатга фоизсиз ажратилсин.
Бунда, Қишлоқ хўжалигини давлат томонидан қўллаб-қувватлаш жамғармаси 2022 йилда пахта етиштиришни молиялаштириш учун тижорат банклари томонидан пахта-тўқимачилик кластерларига ажратилган кредитларнинг 250 миллион АҚШ доллари миқдоридаги қисми бўйича қайтариш муддатларини 24 ой муддатгача узайтириш чораларини кўрсин.
2. Ўзбекистон Республикаси Президентининг 2023 йил 10 январдаги «Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида»ги ПФ-2-сон Фармонига иловага мувофиқ ўзгартиришлар киритилсин.
3. Мазкур Фармоннинг ижросини самарали ташкил қилишга масъул ва шахсий жавобгар этиб иқтисодиёт ва молия вазири Ш.Д. Кудбиев ҳамда қишлоқ хўжалиги вазири А.Б. Воитов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2023 йил 19 июндаги ПФ-98-сон Фармонига ИЛОВА
Ўзбекистон Республикаси Президентининг 2023 йил 10 январдаги «Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида»ги ПФ-2-сон Фармонига киритилаётган ўзгартиришлар
1. 2-банднинг учинчи хатбошисидаги «200 миллион АҚШ доллари миқдоридаги маблағлар 3 йил муддатга» сўзлари «2023 йилда 50 миллион АҚШ доллари ва 2024 йилда 150 миллион АҚШ доллари миқдоридаги маблағлар 2026 йил 1 январга қадар қайтариш шарти билан» сўзларига алмаштирилсин.
2. 2-банднинг ўнинчи хатбошисидаги «1» рақами «2» рақами билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 19 июнь,
ПФ-98-сон
Oʻzbekiston Respublikasi Prezidentining
Farmoni
Qishloq xoʻjaligini davlat tomonidan qoʻllab-quvvatlash xarajatlarini moliyalashtirishning uzluksizligini taʼminlash toʻgʻrisida
Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasining resurs bazasini mustahkamlash maqsadida:
1. Qishloq xoʻjaligini davlat tomonidan qoʻllab-quvvatlash bilan bogʻliq xarajatlarni moliyalashtirish uchun Tiklanish va taraqqiyot jamgʻarmasi hisobidan Iqtisodiyot va moliya vazirligiga Qishloq xoʻjaligini davlat tomonidan qoʻllab-quvvatlash jamgʻarmasi uchun 250 million AQSh dollari 24 oy muddatga foizsiz ajratilsin.
Bunda, Qishloq xoʻjaligini davlat tomonidan qoʻllab-quvvatlash jamgʻarmasi 2022-yilda paxta yetishtirishni moliyalashtirish uchun tijorat banklari tomonidan paxta-toʻqimachilik klasterlariga ajratilgan kreditlarning 250 million AQSh dollari miqdoridagi qismi boʻyicha qaytarish muddatlarini 24 oy muddatgacha uzaytirish choralarini koʻrsin.
2. Oʻzbekiston Respublikasi Prezidentining 2023-yil 10-yanvardagi “Paxta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida”gi PF-2-son Farmoniga ilovaga muvofiq oʻzgartirishlar kiritilsin.
3. Mazkur Farmonning ijrosini samarali tashkil qilishga masʼul va shaxsiy javobgar etib iqtisodiyot va moliya vaziri Sh.D. Kudbiyev hamda qishloq xoʻjaligi vaziri A.B. Voitov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2023-yil 19-iyundagi PF-98-son Farmoniga ILOVA
Oʻzbekiston Respublikasi Prezidentining 2023-yil 10-yanvardagi “Paxta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida”gi PF-2-son Farmoniga kiritilayotgan oʻzgartirishlar
1. 2-bandning uchinchi xatboshisidagi “200 million AQSh dollari miqdoridagi mablagʻlar 3 yil muddatga” soʻzlari “2023-yilda 50 million AQSh dollari va 2024-yilda 150 million AQSh dollari miqdoridagi mablagʻlar 2026-yil 1-yanvarga qadar qaytarish sharti bilan” soʻzlariga almashtirilsin.
2. 2-bandning oʻninchi xatboshisidagi “1” raqami “2” raqami bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 19-iyun,
PF-98-son
Президента Республики Узбекистан
Указ
Об обеспечении непрерывности финансирования расходов на государственную поддержку сельского хозяйства
В целях укрепления ресурсной базы Фонда государственной поддержки сельского хозяйства при Министерстве экономики и финансов:
1. Выделить Министерству экономики и финансов для Фонда государственной поддержки сельского хозяйства за счет Фонда реконструкции и развития 250 миллионов долларов США на срок 24 месяцев без процентов на финансирование расходов, связанных с государственной поддержкой сельского хозяйства.
При этом Фонду государственной поддержки сельского хозяйства принять меры по продлению до 24 месяцев срока возврата кредитов, выделенных коммерческими банками хлопково-текстильным кластерам на финансирование выращивания хлопчатника в 2022 году, в части, составляющей 250 миллионов долларов США.
2. Внести изменения в Указ Президента Республики Узбекистан от 10 января 2023 года № УП-2 «О мерах по поддержке деятельности хлопково-текстильных кластеров, коренному реформированию текстильной и швейно-трикотажной промышленности, а также дальнейшему повышению экспортного потенциала сферы» согласно приложению .
3. Возложить на министра экономики и финансов Ш.Д. Кудбиева и министра сельского хозяйства А.Б. Воитова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ж.А. Ходжаева.
ПРИЛОЖЕНИЕ к Указу Президента Республики Узбекистан от 19 июня 2023 года № УП-98
Изменения, вносимые в Указ Президента Республики Узбекистан от 10 января 2023 года № УП-2 «О мерах по поддержке деятельности хлопково-текстильных кластеров, коренному реформированию текстильной и швейно-трикотажной промышленности, а также дальнейшему повышению экспортного потенциала сферы»
1. В абзаце третьем пункта 2 слова «средства в размере 200 миллионов долларов США сроком на 3 года» заменить словами «в 2023 году средства в размере 50 миллионов долларов США, в 2024 году — в размере 150 миллионов долларов США с условием возврата до 1 января 2026 года».
2. В абзаце десятом пункта 2 цифру «1» заменить цифрой «2».
Президент Республики Узбекистан Ш. МИРЗИЁЕВ
г. Ташкент,
19 июня 2023 г.,
№ УП-98