📅 2023-yil 20-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 20 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 июня 2023 г. · Постановления Президента
Официальный текст. Официальный документ. Редакционные примечания не включены.
📅 20 June 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзагролизинг» АЖ фаолиятини янада такомиллаштиришнинг қўшимча чора-тадбирлари тўғрисида
Мамлакатимизда қишлоқ хўжалиги корхоналарини замонавий ва энергия тежамкор техника билан таъминлаш, қайта ишлаш ва сақлаш мажмуаларини барпо этиш ҳамда тайёр ҳолда фойдаланувчиларга беришда лизинг хизматлари имкониятларидан кенг фойдаланиш мақсадида:
1. «Ўзагролизинг» АЖнинг (кейинги ўринларда — Жамият) 4 йиллик молиявий ҳисоботлари халқаро аудитдан ўтказилиб, «B+» барқарор халқаро рейтинги олинганлиги маълумот учун қабул қилинсин.
2. Қишлоқ хўжалиги вазирлиги ва Давлат активларини бошқариш агентлигининг (кейинги ўринларда — Агентлик) қишлоқ хўжалиги ишлаб чиқарувчиларини кенг турдаги замонавий юқори унумдор ва энергия тежамкор техника билан тизимли таъминлаш билан бир қаторда Жамият фаолиятини диверсификациялаш, хусусан хорижий инжиниринг компанияларини жалб қилган ҳолда:
фермер ва томорқа хўжаликларига механизация ва хизмат кўрсатиш сервислари;
муқобил энергия манбаларидан (қуёш, шамол, ва ер қаъри энергияси) фойдаланиладиган замонавий иссиқхона комплекслари ва шаҳарчалари;
майда шохли молларни бўрдоқи қилишга мўлжалланган замонавий технологиялар билан жиҳозланган чорва комплекслари;
республикада етиштириладиган мева-сабзавотларни юқори технологиялар асосида қайта ишловчи корхоналар ва логистика марказларини тайёр ҳолда лизингга бериш амалиётини йўлга қўйиш тўғрисидаги таклифлари маъқуллансин.
Қишлоқ хўжалиги вазирлиги (Воитов), Агентлик (Ортиков) ва Жамият (Отажонов) икки ой муддатда етакчи хорижий консалтинг компанияларини жалб қилган ҳолда Жамиятни ривожлантиришнинг 5 йиллик стратегиясини ишлаб чиқиб, акциядорлар умумий йиғилиши томонидан тасдиқланишини таъминласин.
3. Қишлоқ хўжалиги вазирлиги (Воитов) ва Жамият (Отажонов) Жамият фаолиятини диверсификациялаш учун халқаро молия институтларининг йилига 100 млн АҚШ долларидан кам бўлмаган миқдорда паст фоизли ва узоқ муддатли маблағлари тўғридан-тўғри жалб этилишини йўлга қўйсин.
4. Қишлоқ хўжалиги вазирлиги, Иқтисодиёт ва молия вазирлиги, Агентлик ҳамда Жамиятнинг халқаро молия институтлари маблағларини жалб этишда устав капиталининг етарлилигига қўйилган талабларни инобатга олган ҳолда:
Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасидан (кейинги ўринларда — Жамғарма) Жамиятга аввалги йилларда ажратилган лизинг портфелидаги қарз маблағлари ҳисобидан 285,9 млрд сўм маблағларни Иқтисодиёт ва молия вазирлигидан олинган бюджет ссудалари бўйича Жамғарманинг қарздорликларини ушбу суммага мос равишда камайтириш орқали Жамият устав капиталини оширишга йўналтириш;
Жамиятнинг Жамғарма олдидаги қолган қарздорлигини 2028 йилга қадар график асосида тўлиқ қайтариш;
Жамғарма томонидан Вазирлар Маҳкамасининг 2000 йил 2 ноябрдаги 424-сон қарори билан қишлоқ хўжалиги техникалари лизинги учун Жамиятга маблағлар ажратилишини тўхтатиш;
Жамиятнинг 2023 — 2028 йилларда олинадиган соф фойдасининг 50 фоизини дивиденд сифатида йўналтириш;
2026 йилда Жамиятнинг устав капиталидаги давлат улушини савдога чиқариш ҳақидаги таклифларига розилик берилсин.
5. Агентлик давлат улушини ошириш учун Жамиятнинг қўшимча чиқариладиган акцияларини номинал қийматда жойлаштиришни таъминласин.
6. Қишлоқ хўжалиги вазирлиги манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 20 июнь,
ПҚ-198-сон
Oʻzbekiston Respublikasi Prezidentining
Qarori
“Oʻzagrolizing” AJ faoliyatini yanada takomillashtirishning qoʻshimcha chora-tadbirlari toʻgʻrisida
Mamlakatimizda qishloq xoʻjaligi korxonalarini zamonaviy va energiya tejamkor texnika bilan taʼminlash, qayta ishlash va saqlash majmualarini barpo etish hamda tayyor holda foydalanuvchilarga berishda lizing xizmatlari imkoniyatlaridan keng foydalanish maqsadida:
1. “Oʻzagrolizing” AJning (keyingi oʻrinlarda — Jamiyat) 4 yillik moliyaviy hisobotlari xalqaro auditdan oʻtkazilib, “B+” barqaror xalqaro reytingi olinganligi maʼlumot uchun qabul qilinsin.
2. Qishloq xoʻjaligi vazirligi va Davlat aktivlarini boshqarish agentligining (keyingi oʻrinlarda — Agentlik) qishloq xoʻjaligi ishlab chiqaruvchilarini keng turdagi zamonaviy yuqori unumdor va energiya tejamkor texnika bilan tizimli taʼminlash bilan bir qatorda Jamiyat faoliyatini diversifikatsiyalash, xususan xorijiy injiniring kompaniyalarini jalb qilgan holda:
fermer va tomorqa xoʻjaliklariga mexanizatsiya va xizmat koʻrsatish servislari;
muqobil energiya manbalaridan (quyosh, shamol, va yer qaʼri energiyasi) foydalaniladigan zamonaviy issiqxona komplekslari va shaharchalari;
mayda shoxli mollarni boʻrdoqi qilishga moʻljallangan zamonaviy texnologiyalar bilan jihozlangan chorva komplekslari;
respublikada yetishtiriladigan meva-sabzavotlarni yuqori texnologiyalar asosida qayta ishlovchi korxonalar va logistika markazlarini tayyor holda lizingga berish amaliyotini yoʻlga qoʻyish toʻgʻrisidagi takliflari maʼqullansin.
Qishloq xoʻjaligi vazirligi (Voitov), Agentlik (Ortikov) va Jamiyat (Otajonov) ikki oy muddatda yetakchi xorijiy konsalting kompaniyalarini jalb qilgan holda Jamiyatni rivojlantirishning 5 yillik strategiyasini ishlab chiqib, aksiyadorlar umumiy yigʻilishi tomonidan tasdiqlanishini taʼminlasin.
3. Qishloq xoʻjaligi vazirligi (Voitov) va Jamiyat (Otajonov) Jamiyat faoliyatini diversifikatsiyalash uchun xalqaro moliya institutlarining yiliga 100 mln AQSH dollaridan kam boʻlmagan miqdorda past foizli va uzoq muddatli mablagʻlari toʻgʻridan-toʻgʻri jalb etilishini yoʻlga qoʻysin.
4. Qishloq xoʻjaligi vazirligi, Iqtisodiyot va moliya vazirligi, Agentlik hamda Jamiyatning xalqaro moliya institutlari mablagʻlarini jalb etishda ustav kapitalining yetarliligiga qoʻyilgan talablarni inobatga olgan holda:
Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasidan (keyingi oʻrinlarda — Jamgʻarma) Jamiyatga avvalgi yillarda ajratilgan lizing portfelidagi qarz mablagʻlari hisobidan 285,9 mlrd soʻm mablagʻlarni Iqtisodiyot va moliya vazirligidan olingan budjet ssudalari boʻyicha Jamgʻarmaning qarzdorliklarini ushbu summaga mos ravishda kamaytirish orqali Jamiyat ustav kapitalini oshirishga yoʻnaltirish;
Jamiyatning Jamgʻarma oldidagi qolgan qarzdorligini 2028-yilga qadar grafik asosida toʻliq qaytarish;
Jamgʻarma tomonidan Vazirlar Mahkamasining 2000-yil 2-noyabrdagi 424-son qarori bilan qishloq xoʻjaligi texnikalari lizingi uchun Jamiyatga mablagʻlar ajratilishini toʻxtatish;
Jamiyatning 2023 — 2028-yillarda olinadigan sof foydasining 50 foizini dividend sifatida yoʻnaltirish;
2026-yilda Jamiyatning ustav kapitalidagi davlat ulushini savdoga chiqarish haqidagi takliflariga rozilik berilsin.
5. Agentlik davlat ulushini oshirish uchun Jamiyatning qoʻshimcha chiqariladigan aksiyalarini nominal qiymatda joylashtirishni taʼminlasin.
6. Qishloq xoʻjaligi vazirligi manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri A.B. Voitov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 20-iyun,
PQ-198-son
Президента Республики Узбекистан
Постановление
О дополнительных мерах по дальнейшему совершенствованию деятельности АО «Узагролизинг»
В стране в целях широкого использования возможностей лизинговых услуг в обеспечении сельскохозяйственных предприятий современной и энергосберегающей техникой, строительстве и передаче пользователям «под ключ» комплексов переработки и хранения:
1. Принять к сведению проведение международного финансового аудита четырехлетней финансовой отчетности и получение международного рейтинга «B +» стабильный АО «Узагролизинг» (далее — Общество).
2. Одобрить предложение Министерства сельского хозяйства и Агентства по управлению государственными активами (далее — Агентство) о диверсификации деятельности Общества наряду с системным обеспечением сельскохозяйственных производителей современной высокоэффективной и энергосберегающей техникой широкого спектра, в частности внедрении практики передачи в лизинг «под ключ» с привлечением зарубежных инжиниринговых компаний:
сервисов механизации и оказания услуг фермерским и приусадебным хозяйствам;
современных тепличных комплексов и городков, использующих альтернативные источники энергии (солнечной, ветровой и геотермальной);
животноводческих комплексов с современными технологиями, предназначенных для откорма мелкого рогатого скота;
предприятий, занимающихся переработкой выращенной в республике продовольственной продукции на основе высоких технологий, и логистических центров.
Министерству сельского хозяйства (Воитов), Агентству (Ортиков) и Обществу (Отажонов) в двухмесячный срок обеспечить разработку и утверждение общим собранием акционеров пятилетней стратегии развития Общества с привлечением ведущих зарубежных консалтинговых компаний.
3. Министерству сельского хозяйства (Воитов) и Обществу (Отажонов) в целях диверсификации деятельности Общества наладить прямое привлечение низкопроцентных и долгосрочных средств международных финансовых институтов в размере не менее 100 млн долларов США в год.
4. Согласиться с предложениями Министерства сельского хозяйства, Министерства экономики и финансов, Агентства и Общества, учитывающими требования, предъявляемые к достаточности уставного капитала при привлечении средств международных финансовых институтов, предусматривающими:
направление из Фонда государственной поддержки сельского хозяйства при Министерстве экономики и финансов (далее — Фонд) 285,9 млрд сумов на увеличение уставного капитала Общества за счет заемных средств в лизинговом портфеле, выделенных Обществу в предыдущие годы, путем уменьшения задолженности Фонда по бюджетным ссудам, предоставленным Министерством экономики и финансов, соразмерно данной сумме;
полное погашение оставшейся части задолженности Общества перед Фондом на основе графика до 2028 года;
приостановление выделения Фондом средств Обществу за лизинг сельскохозяйственной техники по постановлению Кабинета Министров от 2 ноября 2000 года № 424;
направление в качестве дивидендов 50 процентов чистой прибыли Общества, получаемой в 2023 — 2028 годах;
выставление на продажу в 2026 году государственной доли в уставном капитале Общества.
5. Агентству обеспечить размещение дополнительно выпускаемых акций Общества по номинальной стоимости в целях увеличения государственной доли.
6. Министерству сельского хозяйства совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Возложить на министра сельского хозяйства А.Б. Воитова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
20 июня 2023 г.,
№ ПП-198