📅 2023-yil 26-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 26 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 июня 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 26 June 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТЕХНИК-ИҚТИСОДИЙ КЎРСАТКИЧЛАРИ
«Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш» инвестиция лойиҳасининг техник-иқтисодий кўрсаткичларини тасдиқлаш тўғрисида
Ўзбекистон Республикаси Президентининг «2023 — 2025 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида» 2022 йил 30 декабрдаги ПҚ-465-сон қарорига мувофиқ, Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш мақсадида Вазирлар Маҳкамаси қарор қилади:
1. Қуйидагилар:
«Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш» инвестиция лойиҳасининг (кейинги ўринларда — инвестиция лойиҳаси) техник иқтисодий кўрсаткичлари ишлаб чиқилганлиги ва белгиланган тартибда экспертизадан ўтказилганлиги;
инвестиция лойиҳасининг умумий қиймати 5 691,9 минг евро бўлиб, 2023-2024 йилларда амалга ошириш режалаштирилганлиги;
инвестиция лойиҳасини молиялаштириш учун Ўзбекистон Республикаси республика бюджетидан 68 000,0 млн сўм ажратилганлиги маълумот учун қабул қилинсин.
2. «Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш» инвестиция лойиҳасининг техник-иқтисодий кўрсаткичлари иловага мувофиқ тасдиқлансин.
3. Белгилаб қўйилсинки:
Ўзбекистон Миллий телерадиокомпанияси инвестиция лойиҳасини ўз вақтида ва сифатли амалга оширилишини таъминлаш учун масъул ижро этувчи орган ҳисобланади;
инвестиция лойиҳаси доирасида товарлар (ишлар ва хизматлар) етказиб берувчи ташкилот белгиланган тартибда ўтказиладиган тендер савдолари натижалари асосида аниқланади.
4. Ўзбекистон Республикаси Иқтисодиёт ва молия вазирлиги инвестиция лойиҳасини амалга ошириш учун талаб этиладиган маблағ белгиланган тартибда тасдиқланган лойиҳанинг манзилли рўйхати асосида ажратилишини таъминласин.
5. Ўзбекистон Миллий телерадиокомианияси икки ой муддатда инвестиция лойиҳаси доирасида белгиланган тартибда тендер ҳужжатларини ишлаб чиқиб, экспертизадан ўтказилишини ҳамда тендер савдолари натижалари асосида товарлар (ишлар ва хизматлар)ни етказиб берувчи ташкилот билан шартнома тузилишини таъминласин.
6. Мазкур қарорнинг бажарилишини назорат қилиш Ўзбекистон Республикаси иқтисодиёт ва молия вазири Ш.Д. Кудбиев ҳамда Ўзбекистон Миллий телерадиокомпанияси раиси А.Ж. Хаджаев зиммасига юклансин.
Вазирлар Маҳкамасининг 2023 йил 26 июндаги 257-сон қарорига ИЛОВА
«Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш» инвестиция лойиҳасининг
Т/р Кўрсаткичлар Ўлчов бирлиги Жами Давлат бюджети маблағлари * 1. Лойиҳанинг умумий қиймати минг евро 5 691,89 5 691,89 2. Капитал қўйилмалар ҳажми жами: минг евро 5 691,89 5 691,89 шу жумладан: машина ва ускуналар чет эл валютаси минг евро экв. минг евро 4 550,0 4 550,0 инвестиция давридаги молиявий харажатлар экв. минг евро 19,57 19,57 бошқа харажатлар: чет эл валютаси минг евро 1 122,32 1 122,32 3. Ташкилот қуввати, шу жумладан: йиллик маҳсулот ҳажми Жиззах вилояти телерадиокомпаниясини замонавий студия комплекси ва кўчма телевизион станция билан жиҳозлаш. Жумладан: теле — журналистик тўплам — 12 тўплам; радиоэшиттириш студияси мажмуаси — 1 тўплам; аппарат-студия комплекси — 1 тўплам; монтаж ва ишлаб чиқариш комплекси — 1 тўплам; кўчма телевизион станция (5 камерали) — 1 комплекс. йиллик экспорт ҳажми Ушбу лойиҳада маҳсулот ишлаб чиқариш назарда тутилмаган 4. Инвестиция муддати ** 2023-2024 йиллар (20 ой) 5. Яратилган ишлаб чиқариш фондлари қиймати экв. минг евро 5 672,32
Ўзбекистон Республикасининг Бош вазири А. АРИПОВ
Тошкент ш.,
2023 йил 26 июнь,
257-сон
Oʻzbekiston Respublikasi Vazirlar Mahkamasining
qarori
TEXNIK-IQTISODIY KOʻRSATKICHLARI
“Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash” investitsiya loyihasining texnik-iqtisodiy koʻrsatkichlarini tasdiqlash toʻgʻrisida
Oʻzbekiston Respublikasi Prezidentining “2023 — 2025-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2022-yil 30-dekabrdagi PQ-465-son qaroriga muvofiq, Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash maqsadida Vazirlar Mahkamasi qaror qiladi:
1. Quyidagilar:
“Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash” investitsiya loyihasining (keyingi oʻrinlarda — investitsiya loyihasi) texnik iqtisodiy koʻrsatkichlari ishlab chiqilganligi va belgilangan tartibda ekspertizadan oʻtkazilganligi;
investitsiya loyihasining umumiy qiymati 5 691,9 ming yevro boʻlib, 2023-2024-yillarda amalga oshirish rejalashtirilganligi;
investitsiya loyihasini moliyalashtirish uchun Oʻzbekiston Respublikasi respublika budjetidan 68 000,0 mln soʻm ajratilganligi maʼlumot uchun qabul qilinsin.
2. “Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash” investitsiya loyihasining texnik-iqtisodiy koʻrsatkichlari ilovaga muvofiq tasdiqlansin.
3. Belgilab qoʻyilsinki:
Oʻzbekiston Milliy teleradiokompaniyasi investitsiya loyihasini oʻz vaqtida va sifatli amalga oshirilishini taʼminlash uchun masʼul ijro etuvchi organ hisoblanadi;
investitsiya loyihasi doirasida tovarlar (ishlar va xizmatlar) yetkazib beruvchi tashkilot belgilangan tartibda oʻtkaziladigan tender savdolari natijalari asosida aniqlanadi.
4. Oʻzbekiston Respublikasi Iqtisodiyot va moliya vazirligi investitsiya loyihasini amalga oshirish uchun talab etiladigan mablagʻ belgilangan tartibda tasdiqlangan loyihaning manzilli roʻyxati asosida ajratilishini taʼminlasin.
5. Oʻzbekiston Milliy teleradiokomianiyasi ikki oy muddatda investitsiya loyihasi doirasida belgilangan tartibda tender hujjatlarini ishlab chiqib, ekspertizadan oʻtkazilishini hamda tender savdolari natijalari asosida tovarlar (ishlar va xizmatlar)ni yetkazib beruvchi tashkilot bilan shartnoma tuzilishini taʼminlasin.
6. Mazkur qarorning bajarilishini nazorat qilish Oʻzbekiston Respublikasi iqtisodiyot va moliya vaziri Sh.D. Kudbiyev hamda Oʻzbekiston Milliy teleradiokompaniyasi raisi A.J. Xadjayev zimmasiga yuklansin.
Vazirlar Mahkamasining 2023-yil 26-iyundagi 257-son qaroriga ILOVA
“Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash” investitsiya loyihasining
T/r Koʻrsatkichlar Oʻlchov birligi Jami Davlat budjeti mablagʻlari * 1. Loyihaning umumiy qiymati ming yevro 5 691,89 5 691,89 2. Kapital qoʻyilmalar hajmi jami: ming yevro 5 691,89 5 691,89 shu jumladan: mashina va uskunalar chet el valyutasi ming yevro ekv. ming yevro 4 550,0 4 550,0 investitsiya davridagi moliyaviy xarajatlar ekv. ming yevro 19,57 19,57 boshqa xarajatlar: chet el valyutasi ming yevro 1 122,32 1 122,32 3. Tashkilot quvvati, shu jumladan: yillik mahsulot hajmi Jizzax viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash. Jumladan: tele — jurnalistik toʻplam — 12 toʻplam; radioeshittirish studiyasi majmuasi — 1 toʻplam; apparat-studiya kompleksi — 1 toʻplam; montaj va ishlab chiqarish kompleksi — 1 toʻplam; koʻchma televizion stansiya (5 kamerali) — 1 kompleks. yillik eksport hajmi Ushbu loyihada mahsulot ishlab chiqarish nazarda tutilmagan 4. Investitsiya muddati ** 2023-2024-yillar (20 oy) 5. Yaratilgan ishlab chiqarish fondlari qiymati ekv. ming yevro 5 672,32
Oʻzbekiston Respublikasining Bosh vaziri A. ARIPOV
Toshkent sh.,
2023-yil 26-iyun,
257-son