📅 2023-yil 26-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 26 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 июня 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 26 June 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
НИЗОМ
СХЕМАСИ
ТАРКИБИ
НАМУНАВИЙ ТАРКИБИ
НАМУНАВИЙ ТАРКИБИ
Республика чегараолди шаҳар ва туманларидаги умумий ўрта таълим мактабларида ташкил этилган «Ёш чегарачилар» клублари фаолиятини тартибга солиш ва қўллаб-қувватлаш чора-тадбирлари тўғрисида
Ёшларни миллий қадриятлар ва маданиятга бўлган таҳдидлар ҳамда ёт ғоялардан асраш, ҳар томонлама ривожланган, замонавий билим ва ҳунарларни пухта эгаллаган, миллий анъаналарга садоқатли, дунёқараши кенг, ватанпарвар ва баркамол ёш авлодни тарбиялашга қаратилган «Ёш чегарачилар» клубларининг фаолиятини тартибга солиш, қўллаб-қувватлаш ва аҳоли орасида оммалаштириш мақсадида Вазирлар Маҳкамаси қарор қилади:
1. Ўзбекистон Республикаси Давлат хавфсизлик хизмати Чегара қўшинлари ҳамда Мактабгача ва мактаб таълими вазирлиги ҳамкорлигида чегараолди шаҳар ва туманлардаги умумий ўрта таълим мактабларида (академик лицейлар, ҳарбий-академик лицейлар ёки махсус ҳарбийлаштирилган мактаблар бундан мустасно) чақириққача тайёргарлик ёшидаги ўқувчилардан иборат «Ёш чегарачилар» клублари ташкил этилганлиги ва ҳар йили ушбу мактабларнинг жамоалари ўртасида уч босқичли мусобақа (кейинги ўринларда — мусобақа) ўтказиб келинаётганлиги маълумот учун қабул қилинсин.
2. Қуйидагилар:
«Ёш чегарачилар» клуби тўғрисидаги низом 1-иловага мувофиқ;
«Ёш чегарачилар» ҳарбий-ватанпарварлик мусобақасини ўтказиш тартиби тўғрисидаги низом 2-иловага мувофиқ;
«Ёш чегарачилар» ҳарбий-ватанпарварлик мусобақасини ўтказиш бўйича республика ташкилий қўмитаси таркиби 3-иловага мувофиқ;
«Ёш чегарачилар» ҳарбий-ватанпарварлик мусобақасини ўтказиш бўйича вилоят (Қорақалпоғистон Республикаси) ва туман (шаҳар) қўмиталарининг намунавий таркиблари 4 — 4а-иловаларга мувофиқ тасдиқлансин.
3. «Ёш чегарачилар» ҳарбий-ватанпарварлик мусобақасини ўтказиш бўйича республика ташкилий қўмитаси (С.С. Курбанов):
мусобақанинг барча босқичлари белгиланган тартибда пухта ташкил этилишини таъминласин;
мусобақанинг туман (шаҳар) ва вилоят босқичларини ўтказиш бўйича маҳаллий ва ҳудудий ташкилий қўмиталар тузилишини ҳамда уларнинг фаолияти тўғри йўлга қўйилишини, шу жумладан ҳар бир босқич тўғрисида тўлиқ маълумотлар белгиланган тартибда тақдим этилишини назоратга олсин.
4. Ўзбекистон Республикаси Давлат хавфсизлик хизмати Чегара қўшинлари Мактабгача ва мактаб таълими вазирлиги ҳамда Ёшлар сиёсати ва спорт вазирлиги ҳузуридаги Ёшлар ишлари агентлиги билан биргаликда мусобақанинг республика босқичини юқори савияда ўтказиш учун зарур шарт-шароитлар яратиш чораларини кўрсин.
5. Мусобақани ўтказишга масъул вазирлик ва идоралар ушбу қарорга 2-иловада белгиланган вазифалар сифатли бажарилишини таъминласин.
6. Белгилансинки, мусобақани ўтказиш билан боғлиқ харажатлар ушбу қарорга 2-иловада келтирилган тақсимотга асосан тегишли вазирлик ва идораларнинг бюджет ҳамда бюджетдан ташқари маблағлари, шунингдек, қонунчиликда тақиқланмаган бошқа манбалар ҳисобидан амалга оширилади.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов зиммасига юклансин.
Вазирлар Маҳкамасининг 2023 йил 26 июндаги 261-сон қарорига 1-ИЛОВА
«Ёш чегарачилар» тўғрисида
1-боб. Умумий қоидалар
1. Мазкур Низом чегараолди шаҳар ва туманлардаги умумий ўрта таълим мактаблари (кейинги ўринларда — мактаб) ўқувчилари иштирокида «Ёш чегарачилар» клубларини (кейинги ўринларда — клуб) ташкил этиш, клуб аъзолигига қабул қилиш ва аъзолигидан чиқариш, клубни бошқариш тартиби, шунингдек, аъзоларининг ҳуқуқ ва мажбуриятларини белгилайди.
2. Клуб Ўзбекистон Республикаси Давлат хавфсизлик хизмати Чегара қўшинларининг (кейинги ўринларда — ДХХ ЧҚ) ҳарбий қисмларига бириктирилган ҳамда клубни ташкил этиш истагини билдирган чегараолди шаҳар ва туманлардаги мактабларда ташкил этиладиган ёш кўнгиллилар жамоаси ҳисобланади.
Клуб юридик шахс ҳисобланмайди.
3. Клуб ёшларни ҳарбий-ватанпарварлик руҳида тарбиялаш, чегара соҳасида амалга оширилаётган ислоҳотлар ва қабул қилинаётган қонунчилик ҳужжатларининг мазмун-моҳиятини ўрганиш ҳамда кенг жамоатчиликка етказиш, онгли равишда чегараолди ҳудудда Ўзбекистон Республикаси Давлат чегараси хавфсизлигини таъминлашда дахлдорлик ҳиссини шакллантириш, ўзаро ҳамкорликни йўлга қўйиш, шунингдек, уларни чегарачи касбига қизиқтириш мақсадида ташкил этилади.
4. Клубни ташкил этиш бўйича мактаб директори, тегишли ҳарбий қисмнинг шахсий таркиб билан ишлаш бўйича офицери, мактаб тиббий ҳамшираси, жисмоний тарбия ўқитувчиси, ёшлар етакчиси ҳамда «Чақириққа қадар бошланғич тайёргарлик» фани ўқитувчисидан иборат таркибда ишчи гуруҳ тузилади.
Мактаб директори ва «Чақириққа қадар бошланғич тайёргарлик» фани ўқитувчиси ишчи гуруҳ раҳбари ва котиби ҳисобланади.
Клуб ишчи гуруҳ йиғилиши баёни билан ташкил этилади.
5. Клуб ўз фаолиятини Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари, шунингдек, давлат таълим стандартлари, ўқув режалари ва дастурлари ҳамда ушбу Низомга мувофиқ амалга оширилади.
6. Клуб мактаб директори томонидан тасдиқланган рамзий байроғи, вимпели ва шиорига эга бўлади.
7. Клуб фаолиятини ташкил этиш мактаб маъмурияти томонидан амалга оширилади. Мактаб маъмурияти ДХХ ЧҚ билан ҳамкорликда махсус хонани ташкил қилади. Клубнинг почта манзили мактабнинг жойлашган ери ҳисобланади.
8. Клуб фаолияти мактабнинг бюджет ва бюджетдан ташқари маблағлари, жисмоний ва юридик шахсларнинг ҳомийлик хайриялари ҳамда қонунчиликда тақиқланмаган бошқа манбалар ҳисобидан молиялаштирилади.
2-боб. Клубнинг асосий вазифалари
9. Қуйидагилар клубнинг асосий вазифалари ҳисобланади:
ёшларнинг маънавий-интеллектуал салоҳиятини ва дунёқарашини юксалтириш, уларни миллий қадрият ва анъаналарга ҳурмат руҳида тарбиялаш, ёшларда Амир Темур, Жалолиддин Мангуберди, Заҳириддин Муҳаммад Бобур, Нажмиддин Кубро каби буюк сиймоларнинг ватанпарварлик, мардлик ва жасурлик туйғуларини шакллантириш;
ёшларда миллий армия билан фахрланиш, Ватан ҳимоячисидек шарафли касбга ҳурмат ҳиссини уйғотиш, уларни ДХХ ЧҚнинг шонли ва жанговар анъаналарининг давомчилари этиб тарбиялаш ҳамда Ўзбекистон Республикаси Қуролли Кучлари олий ҳарбий таълим муассасаларига ўқишга кириш учун босқичма-босқич тайёрлаш;
ёшлар онгида чегараолди ҳудудлардаги Ўзбекистон Республикаси Давлат чегараси билан боғлиқ ҳуқуқбузарликларга нисбатан муросасиз муносабатни шакллантириш ҳамда улар ўртасида соғлом турмуш тарзини тарғиб қилиш;
ёшларда чегараолди ҳудудларда юз бериши мумкин бўлган ёки содир бўлган фавқулодда вазиятларда тўғри ҳаракатланиш ва жабрланганларга ёрдам кўрсатиш кўникмаларини шакллантириш, уларнинг чидамлилигини ошириш ҳамда ҳар қандай қийинчиликларни матонат билан енгишга ўргатиш;
клуб аъзоларини «Ёш чегарачилар» ҳарбий-ватанпарварлик мусобақасига (кейинги ўринларда — мусобақа) пухта тайёрлаш ҳамда бир жамоа бўлиб ҳамжиҳатликда ҳаракатланишга ўргатиш.
10. Клуб ўзига юкланган вазифаларни амалга ошириш учун:
клуб фаолияти тўғрисидаги маълумотларни ёритиб боради, клубда олиб борилаётган машғулотлар ва мусобақанинг маҳаллий ва ҳудудий босқичларидаги иштирокни акс эттирувчи фотоальбом ва ҳарбий варақани тайёрлайди;
клуб аъзолари учун назарий ва амалий машғулотларни ташкил этади;
ёшларда нутқ маданияти ва нотиқлик санъатини ривожлантиришга қаратилган тренинглар ўтказади;
клуб томонидан ташкил қилинадиган тадбирлар ва мусобақа жараёнлари ҳақида материаллар (видеолавҳа, мақола, фотоочерк ва бошқалар) тайёрлайди ҳамда оммавий ахборот воситалари ва ижтимоий тармоқларда орқали намойиш этади.
3-боб. Клуб аъзолигига қабул қилиш ва ундан чиқариш
11. Клуб аъзолигига мактабларнинг 9, 10 ва 11-синф ўқувчилари, ўз хоҳишига кўра, чекланмаган миқдорда қабул қилинади.
Клубга қабул қилиш учун аъзолик бадали ёки бошқа тўловлар амалга оширилишига йўл қўйилмайди.
12. Клуб аъзоси бўлиш учун ўқувчилар клуб раҳбарига қуйидаги ҳужжатларни тақдим этади:
клуб раҳбари номига ариза;
шахсни тасдиқловчи ҳужжат (биометрик паспорт, идентификацияловчи ID-карта ёки туғилганлик ҳақидаги гувоҳнома нусхаси);
Ф-086-у шаклдаги тиббий маълумотнома.
13. Клуб раҳбари тўпланган ҳужжатларни ишчи гуруҳга тақдим этади.
Ўқувчилар ишчи гуруҳ йиғилиши баёнига мувофиқ ҳарбий қисм командирининг буйруғи асосида клуб аъзолигига қабул қилинади.
Буйруқ ҳарбий қисм командирининг ўринбосари томонидан ўқувчилар орасида ўқиб эшиттирилади ва клуб аъзолари тантанали равишда таништирилади.
14. Клуб раҳбари клуб аъзолари орасидан сардорни тайинлайди.
15. Ўқувчилар қуйидаги ҳолларда клуб аъзолигидан чиқарилади:
ўз аризасига мувофиқ;
ушбу Низомнинг 20-бандида белгиланган мажбуриятларни бажармаганда;
мактабни битирганда ёки ўқишини бошқа таълим ташкилотига кўчирганда.
16. Ўқувчилар ишчи гуруҳ йиғилиши баёнига мувофиқ ҳарбий қисм командирининг буйруғи асосида клуб аъзолигидан чиқарилади.
4-боб. Клуб сардори ҳамда бошқа аъзоларининг ҳуқуқ ва мажбуриятлари
17. Клуб сардори қуйидаги ҳуқуқларга эга:
клуб аъзоларининг эришаётган ижобий натижаларини рағбатлантириш учун клуб раҳбарига тавсия бериш;
клуб аъзоларини содир этган салбий хатти-ҳаракатлари учун огоҳлантириш, ушбу хатти-ҳаракатлар такроран содир этилган тақдирда, ўқувчини клуб аъзолигидан чиқариш тўғрисида ишчи гуруҳга тақдимнома киритиш.
18. Клуб сардори:
клуб аъзоларининг тартиб-интизомга риоя этишларини таъминлашда клуб раҳбарига кўмаклашиши;
клуб аъзоларига ўқишда, меҳнатда ва одоб-ахлоқ масалаларида ҳар томонлама намуна бўлиши;
клуб аъзолари томонидан ушбу Низомнинг 20-бандида белгиланган мажбуриятлар бажарилиши устидан назорат қилиши;
клуб йиғилишини ташкил этиш, аъзоларнинг ижобий ташаббусларини қўллаб-қувватлаши;
клуб аъзолари билан ҳарбий тайёргарлик машғулотлари, шунингдек, мактаб ўқувчилари иштирокида ҳарбий-ватанпарварлик тадбирларини ўтказишда ҳарбий қисм масъул ҳарбий хизматчиларига кўмаклашиши шарт.
19. Клуб аъзолари қуйидаги ҳуқуқларга эга:
клуб йиғилишларида унинг фаолияти тўғрисида ўз фикр-мулоҳазаларини билдириш;
клуб фаолиятини ривожлантириш бўйича таклифлар бериш;
клуб сардорининг нотўғри хатти-ҳаракатлари бўйича ўз фикрини билдириш;
клубга аъзолиги давомида ўз ҳуқуқ ва эркинликлари бузилганлиги, шунингдек, клуб фаолиятига дахлдор масалалар юзасидан ҳарбий қисм қўмондонлигига мурожаат қилиш;
исталган вақтда клуб аъзолигидан чиқиш.
20. Клуб аъзолари:
Ўзбекистон Республикаси Конституцияси ва қонунларига, ушбу Низом ва клуб фаолиятини тартибга солувчи бошқа ҳужжатлар талабларига, шунингдек, ҳарбий қисм ва мактаб ички-тартиб қоидаларига қатъий риоя қилиши;
клуб фаолияти билан боғлиқ тадбирларда, шу жумладан ДХХ ЧҚ ва мактаб маъмурияти ўртасида тузилган ҳамкорлик режасига мувофиқ ташкил этиладиган «Очиқ эшиклар куни» ва бошқа тадбирларда иштирок этиши ҳамда клуб манфаатларини ҳимоя қилиши;
клуб машғулотларида мунтазам иштирок этиб, ўз билим ва маҳоратини ошириб бориши шарт.
21. Клуб аъзолари чегараолди ҳудудларда Давлат чегараси қонунчилигининг бузилиши билан боғлиқ ноқонуний хатти-ҳаракатларнинг олдини олишда ДХХ ЧҚга кўмаклашиши мумкин.
22. ДХХ ЧҚ сафларига муддатли ҳарбий хизматга қабул қилишда клуб аъзоси бўлган ўғил болалар қонунчиликда белгиланган тартибда устувор ҳуқуқда танлаб олинади.
23. Клуб аъзолари бир вақтнинг ўзида бошқа ҳарбий-ватанпарварлик клубларига аъзо бўлишига ва уларнинг ҳарбий-ватанпарварлик мусобақаларида иштирок этишига йўл қўйилмайди.
5-боб. Клубни бошқариш тартиби
24. Мактабнинг «Чақириққа қадар бошланғич тайёргарлик» фани ўқитувчиси ёки юқори ҳарбий билим ва малакага эга бошқа фан ўқитувчиси клуб раҳбари бўлиши мумкин.
Клуб раҳбари ишчи гуруҳ йиғилиши баёнига мувофиқ ҳарбий қисм командири буйруғи асосида тайинланади.
25. Қуйидагилар клуб раҳбарининг асосий вазифалари ҳисобланади:
клуб фаолиятини мазкур Низом асосида бошқариш ҳамда белгиланган вазифаларнинг клуб аъзолари томонидан бажарилишини назорат қилиш;
бошқа мактабларнинг клублари ва тегишли ҳарбий қисм масъул ҳарбий хизматчилари билан мустаҳкам ҳамкорликни ўрнатиш;
клуб аъзолари билан машғулотларни сифатли ўтказиш ва мусобақага жиддий тайёргарлик кўриш;
клубни ўқув-услубий қўлланмалар билан таъминлаш ҳамда унинг моддий-техник базасини ривожлантириш бўйича мактаб маъмуриятига таклифлар бериб бориш.
26. Қуйидагилар мактаб маъмуриятининг асосий вазифалари ҳисобланади:
мактаб ҳудудида клуб учун алоҳида хона(лар) ажратиш, уни «Чақириққа қадар бошланғич тайёргарлик» фани мавзулари бўйича кўргазмали қуроллар, машғулотлар жадвали, клуб аъзолари рўйхати, клуб фаолияти ва мусобақага оид ҳужжатлардан кўчирмалар, ҳарбий қисм ва мактаб ўртасидаги йиллик ҳамкорлик режаси, мусобақа босқичлари ва машғулотлар жараёни акс эттирилган фотоальбом, шунингдек, зарур анжомлар ва воситалар билан таъминлаш;
клуб аъзоларининг дарсдан ташқари машғулотлар ўтказиши учун зарур шарт-шароитлар яратиш;
мусобақада иштирок этувчи клуб аъзоларини спорт кийимлари билан таъминлаш;
клуб фаолиятини ташкил этишда техника ва ёнғин хавфсизлиги, шунингдек, санитария қоидалари, нормалари ва гигиена нормативларига риоя этилишини назорат қилиш.
27. Қуйидагилар мактаб бириктирилган (тегишли) ҳарбий қисмнинг асосий вазифалари ҳисобланади:
клуб аъзолари билан ўтказиладиган ватанпарварлик тадбирлари ва машғулотларни сифатли ташкил этиш юзасидан мактаб маъмурияти ҳамда клуб раҳбари билан яқиндан ҳамкорлик қилиш ва бу борада клубга ҳар томонлама ёрдам кўрсатиш;
мактаб ҳудудида клуб учун ажратилган хоналарни ДХХ ЧҚ фаолиятига оид тарғибот-ташвиқот материаллари, шу жумладан «Ўзбекистон Республикасининг Давлат чегараси тўғрисида»ги Ўзбекистон Республикасининг Қонуни , чегарачи қаҳрамонлар тўғрисидаги маълумотлар, ўқотар қуроллар ва ҳарбий техникалар тавсифлари ҳамда бошқа воситалар билан жиҳозлашга амалий ёрдам кўрсатиш;
клуб аъзоларини чегара хизматига қизиқтириш, шу жумладан ҳарбий қисм ҳудудига белгиланган тартибда олиб кириш, уларни ҳарбий хизматчиларга яратилган шарт-шароитлар билан таништириш;
клуб фаолияти, ўтказиладиган мусобақалар ва бошқа тадбирларни оммавий ахборот воситалари, ижтимоий тармоқлар ҳамда ДХХ ЧҚ нашрларида кенг ёритиш.
6-боб. Якунловчи қоида
28. Клуб фаолиятини ташкил этиш ва тугатиш қонунчиликда белгиланган тартибда амалга оширилади.
Вазирлар Маҳкамасининг 2023 йил 26 июндаги 261-сон қарорига 2-ИЛОВА
«Ёш чегарачилар» ҳарбий-ватанпарварлик мусобақасини ўтказиш тартиби тўғрисида
1-боб. Умумий қоидалар
1. Ушбу Низом чегараолди шаҳар ва туманлардаги умумий ўрта таълим мактабларида (кейинги ўринларда — мактаб) таҳсил олаётган, «Ёш чегарачилар» клубларининг (кейинги ўринларда — клуб) чақириққача тайёргарлик ёшидаги (10-11-синф) аъзолари ўртасида уч босқичли мусобақани ўтказиш тартибини белгилайди.
2. Мусобақа ёшларни ватанпарварлик руҳида тарбиялаш, давлат манфаатлари ва суверенитетини фидокорона ҳимоя қилишга тайёрлаш, жисмонан соғлом ва маънан етук ёш авлодни камол топтириш, улар ўртасида соғлом турмуш тарзини тарғиб қилиш, ўз юрти ва халқининг тақдири учун юксак масъулият ва жавобгарлик ҳиссини шакллантириш мақсадида ўтказилади.
3. Мусобақа ўқувчиларни ҳарбий касбга ва олий ҳарбий таълим муассасаларига ўқишга киришга йўналтириш ҳамда босқичма-босқич тайёрлаб бориш учун хизмат қилади.
4. Мусобақа қуйидаги уч босқичда ўтказилади:
туман (шаҳар) босқичи (кейинги ўринларда — туман босқичи) — мусобақани ўтказиш бўйича туман (шаҳар) ташкилий қўмитаси томонидан;
вилоят (Қорақалпоғистон Республикаси) босқичи (кейинги ўринларда — вилоят босқичи) — вилоят (Қорақалпоғистон Республикаси) ташкилий қўмитаси томонидан;
республика босқичи — республика ташкилий қўмитаси томонидан.
Туман (шаҳар), вилоят (Қорақалпоғистон Республикаси) ташкилий қўмиталари таркиблари тегишлича туман (шаҳар) ва вилоят ҳокимлари (Қорақалпоғистон Республикаси Вазирлар Кенгаши Раиси) томонидан мусобақа ўтказиладиган йил 1 февралга қадар тасдиқланади.
5. Қуйидагилар ташкилий қўмиталарнинг вазифалари ҳисобланади:
мусобақа ўтказиладиган жой ва санани белгилаш;
ҳакамлар ҳайъати таркиби ва апелляция комиссияси аъзолари рўйхатини тасдиқлаш;
мусобақанинг мазкур Низом талаблари асосида ўтказилишини таъминлаш;
мусобақа натижалари ва ғолиб бўлган жамоа аъзолари рўйхатини юқори турувчи ташкилий қўмитага тақдим этиш;
мусобақа жараёнларини оммавий ахборот воситалари ва ижтимоий тармоқларда ёритиб бориш.
6. Мусобақа ушбу Низомга иловадаги схемага мувофиқ ташкил этилади.
2-боб. Мусобақада иштирок этувчи жамоаларни шакллантириш ва мусобақада қатнашиш учун ариза тақдим этиш
7. Мусобақада иштирок этувчи жамоа ўқув йилининг бошида клубнинг мусобақа шартлари бўйича юқори натижа кўрсатаётган, чақириққача тайёргарлик ёшидаги (10-11-синф) 10 нафар аъзосидан (8 нафар ўғил, 2 нафар қиз) иборат таркибда тузилади.
Клуб сардори жамоа сардори этиб, клуб раҳбари жамоа мураббийси этиб белгиланади.
8. Мактаб директори томонидан жамоанинг мусабақада иштирок этиши учун ташкилий қўмитага мусобақа ўтказиш санасидан ўн кун аввал қуйидаги ҳужжатларни тақдим этади:
жамоа аъзоларининг рўйхати (муҳрланган фотосуратлари билан);
жамоа аъзолари ва мураббийсининг шахсини тасдиқловчи ҳужжатлари нусхалари (биометрик паспорти, идентификацияловчи ID-карта ёки туғилганлик ҳақидаги гувоҳнома нусхаси);
ҳудудий оилавий поликлиника ёки қишлоқ врачлик пунктларидаги мактабларга бириктирилган тиббиёт ходимлари томонидан берилган Ф-086-у шаклдаги тиббий маълумотнома;
ўқотар қуролдан фойдаланиш вақтида хавфсизлик қоидаларига риоя этиш ҳақидаги йўриқнома билан танишганлиги тўғрисида маълумотнома.
9. Ҳужжатлари белгиланган тартибда ва муддатда тақдим қилинмаган ёки ҳужжатларда нотўғри маълумотлар кўрсатилган жамоанинг мусобақада иштирок этишига йўл қўйилмайди.
Мусобақанинг ўтган йилги республика босқичида 1, 2 ва 3-ўринларни эгаллаган, шунингдек жорий йилда бошқа ҳарбий-ватанпарварлик мусобақаларида қатнашган жамоаларнинг мусобақада иштирок этишига йўл қўйилмайди.
10. Тегишли ташкилий қўмитага тақдим этилган рўйхатдаги жамоа аъзоларининг алмаштирилишига фақат ташкилий қўмитанинг розилиги билан йўл қўйилади.
3-боб. Мусобақани ташкил қилиш ва ўтказиш тартиби
11. Мусобақа қуйидаги вақтда ўтказилади:
туман босқичи — март-апрель ойларида;
вилоят босқичи — апрель ойининг учинчи ўн кунлигида;
республика босқичи — май ойининг иккинчи ўн кунлигида.
12. Мусобақа босқичларини ўтказишнинг аниқ санаси ва жойлари тегишли ташкилий қўмиталар томонидан мустақил равишда белгиланади.
Ташкилий қўмитаси аъзоларининг таклифига мувофиқ мусобақани ўтказиш муддати ва жойига ўзгартириш киритилиши мумкин.
13. Мусобақаларни ўтказиш жараёнига ДХХ ЧҚ ҳарбий қисмлари қўмондонлиги умумий раҳбарлик қилади.
14. Мусобақада жамоалар қуйидаги шартлар бўйича иштирок этади:
жамоаларнинг саф тайёргарлиги кўриги;
ҳарбий варақалар, альбом, вимпел, жамоанинг рамзий байроғи ва номи ёзилган тахтача кўриги;
жамоаларнинг махсус формаси кўриги;
умумтаълим фанлари бўйича тест синови;
Калашников автоматини нотўлиқ қисмларга ажратиш;
Калашников автоматини йиғиш;
ўғил болалар 1000 метрга, қизлар 100 метрга югуриш;
турникда тортилиш;
азимут бўйича ҳаракатланиш;
граната улоқтириш;
заҳарланган ҳудуддан ўтиш;
тўсиқлар йўлагидан ўтиш;
тиббий ёрдам кўрсатиш;
ўқ-дориларни ташиш;
Калашников автоматидан ўқ отиш;
Калашников автоматининг макети кўриги.
15. Мусобақа шартларини бажариш тартиби ва баҳолаш мезонлари ДХХ ЧҚ, Ўзбекистон Республикаси Мактабгача ва мактаб таълими вазирлиги ҳамда Ёшлар сиёсати ва спорт вазирлигининг қўшма қарори билан тасдиқланади.
16. Ҳакамлар ҳайъати мусобақанинг ҳар бир босқичида ДХХ ЧҚ, Ўзбекистон Республикаси Мактабгача ва мактаб таълими вазирлиги, Ёшлар сиёсати ва спорт вазирлиги ҳамда унинг ҳузуридаги Ёшлар ишлари агентлиги (кейинги ўринларда — Ёшлар ишлари агентлиги), Соғлиқни сақлаш вазирлиги, Ўзбекистон ёшлар иттифоқи ҳамда ушбу ташкилотларнинг тегишли ҳудудий бўлинмалари вакилларидан иборат таркибда тегишли ташкилий қўмита томонидан тасдиқланади.
17. Ҳакамлар томонидан мусобақани ўтказиш вақтида йўл қўйилган камчиликлар ташкилий қўмита томонидан ўрганиб чиқилади ва бартараф этилади.
18. Мусобақага ўз вақтида етиб келмаган жамоанинг мусобақада иштирок этиш-этмаслиги ҳакамлар ҳайъати томонидан кўриб чиқилади.
19. Ташкилий қўмитага тақдим этилган жамоа аъзолари рўйхатига киритилмаган мактаб ўқувчиси мусобақада иштирок этаётганлиги аниқланган тақдирда, ушбу жамоа мусобақадан четлаштирилади. Бундай ҳолат мусобақа тугаллангандан сўнг аниқланган тақдирда, жамоанинг натижаси бекор қилинади ҳамда совринли ўрин ушбу жамоа натижасидан кейинги натижани қайд этган жамоага берилади.
20. Жамоа мураббийси ёки аъзолари томонидан мазкур Низом талаблари бузилган ҳолларда ташкилий қўмита қарорига асосан ушбу жамоа мусобақадан четлаштирилади.
21. Мусобақанинг натижалари ва кейинги босқичга ўтган жамоалар тўғрисида ташкилий қўмиталар ўзидан юқори турувчи ташкилий қўмитага уч кун муддат ичида ахборот беради.
22. Вилоят босқичида 1-ўринни эгаллаган жамоа жойлашган ҳудуддаги ДХХ ЧҚ ҳарбий қисмидан бир нафар ҳарбий хизматчи республика босқичида ҳамроҳлик қилади.
23. Мусобақа ҳар бир босқичининг 1, 2 ва 3-ўринни эгаллаган жамоалар мусобақанинг тантанали ёпилиш маросимида ташкилий қўмита томонидан диплом, кубок ва совғалар билан мукофотланадилар.
24. Мусобақа ҳар бир босқичининг «Энг илғор» номинацияси ғолиблари ташкилий қўмита томонидан алоҳида совғалар билан тақдирланади.
4-боб. Жамоа мураббийси, мусобақа иштирокчилари ва ҳакамларнинг мажбуриятлари
25. Жамоалар мураббийлари, мусобақа иштирокчилари ва ҳакамлар ушбу Низом талаблари ва одоб-ахлоқ қоидаларига қатъий риоя қилишлари шарт.
26. Жамоалар мураббийлари ҳакамлар фаолиятига аралашишга ҳақли эмас. Улар иштирокчиларнинг мусобақа ўтказиладиган ҳудудда ҳамда унинг ташқарисида бўлган вақтдаги хатти-ҳаракатлари учун жавобгардирлар.
27. Мусобақа иштирокчилари мусобақа жараёнида хавфсизлик қоидаларига ҳамда мусобақа ўтказиладиган ҳудудда белгиланган тартиб-қоидаларга қатъий риоя қилиши, шунингдек, у ердаги жиҳозларга зиён етказмаслиги шарт.
28. Жамоалар мураббийлари ва ДХХ ЧҚ ҳарбий қисмларининг вакиллари жамоа аъзоларининг хавфсизлигини таъминлашга масъулдирлар.
5-боб. Ташкилий қўмиталар аъзоларининг вазифалари
29. Қуйидагилар ДХХ ЧҚ Қўмондонлиги ва ҳарбий қисмларнинг вазифалари ҳисобланади:
клубларда машғулотлар ўтказилиши учун зарур шарт-шароитларни яратишга ҳар томонлама кўмаклашиш (фақат ҳарбий қисмлар);
клуб аъзолари билан сифатли машғулотлар ўтказиш ва мусобақаларга жиддий тайёргарлик кўриш (фақат ҳарбий қисмлар);
мусобақа ўтказиш жойларини танлаш, тайёрлаш ва барча зарур моддий-техник воситалар билан таъминлаш;
мусобақанинг республика босқичи иштирокчиларини дала ўқув майдони учун дала кийими билан таъминлаш (фақат ДХХ ЧҚ Қўмондонлиги);
мусобақанинг республика босқичи иштирокчиларини ётоқхона ва озиқ-овқат билан таъминлаш;
мусобақанинг вилоят босқичи иштирокчилари учун тушлик ташкил этиш (фақат ҳарбий қисмлар);
мусобақада 1, 2 ва 3-ўринларни эгаллаган жамоалар учун совғалар ажратиш;
Ёшлар ишлари агентлиги, Ўзбекистон ёшлар иттифоқи билан биргаликда мусобақанинг вилоят ва республика босқичи ўтказиладиган объектларни байрамона безатиш ҳамда мусобақага мос кўргазмали материаллар билан таъминлаш;
мусобақанинг республика босқичида ғолибларни тақдирлаш маросимининг тантанали ўтказилишини таъминлаш (фақат ДХХ ЧҚ Қўмондонлиги);
мусобақада ҳакамлик қилиш учун малакали мутахассисларни жалб қилиш;
мусобақа жараёнларини оммавий ахборот воситаларида ёритиш.
30. Қуйидагилар Ёшлар ишлари агентлиги ҳамда унинг ҳудудий бўлинмаларининг вазифалари ҳисобланади:
клубларда машғулотлар ўтказилиши учун зарур шарт-шароитларни яратишга кўмаклашиш (фақат ҳудудий бўлинмалар);
мусобақанинг барча босқичларини ёшлар ўртасида кенг тарғиб этиш, оммавий ахборот воситалари ва ижтимоий тармоқларда ёритиш чораларини кўриш;
мусобақанинг республика босқичига етиб келган иштирокчилар ҳарбий қисмга жойлаштирилишидан аввал бир марта тушлик ташкил қилиш (фақат Агентлик марказий аппарати);
мусобақанинг республика босқичига етиб келган иштирокчиларни мусобақа ўтказиладиган жойга олиб бориш ва мусобақа тугагандан сўнг олиб кетиш, шунингдек, иштирокчилар учун диққатга сазовор жойларга саёҳатлар ташкил этишга автотранспорт воситаларини ажратиш (фақат Агентлик марказий аппарати);
мусобақанинг вилоят ва республика босқичи ўтказиладиган объектларни байрамона безатиш ҳамда мусобақага мос кўргазмали материаллар билан таъминлашга ДХХ ЧҚга ҳар томонлама кўмаклашиш;
мусобақанинг вилоят ва республика босқичларига спорт турлари бўйича халқаро мусобақалар ғолибларини жалб этиб, улар иштирокида давра суҳбатлари ҳамда учрашувлар ташкил этиш;
мусобақанинг ҳудудий босқичларида 1-ўринни эгаллаган жамоаларга, шунингдек, республика босқичида 1, 2 ва 3-ўринни эгаллаган жамоалар учун совғалар ажратиш;
мусобақада ҳакамлик қилиш учун малакали мутахассисларни жалб қилиш.
31. Қуйидагилар Ўзбекистон Республикаси Мактабгача ва мактаб таълими вазирлиги ҳамда унинг ҳудудий бўлинмаларининг вазифалари ҳисобланади:
клубларда машғулотлар ўтказилиши учун зарур шарт-шароитларни яратишга ҳар томонлама кўмаклашиш (фақат ҳудудий бўлинмалар);
клуб аъзолари билан сифатли машғулотлар ўтказилиши ҳамда мусобақаларга жиддий тайёргарлик кўрилишини таъминлаш (фақат ҳудудий бўлинмалар);
ҳамкор ташкилотлар билан биргаликда ўқувчиларни оммавий равишда мусобақаларга жалб этиш;
мусобақанинг барча босқичлари учун умумтаълим фанлари (тарих, она тили ва адабиёт, математика, физика, инглиз тили, география, чақирувга қадар бошланғич тайёргарлик фанлари) бўйича тест саволларини тайёрлаш;
мусобақада ҳакамлик қилиш учун малакали мутахассисларни жалб қилиш;
Ёшлар ишлари агентлиги ва Ўзбекистон ёшлар иттифоқи билан биргаликда мусобақанинг республика босқичи иштирокчиларини кутиб олиш ва кузатиш (фақат вазирлик марказий аппарати);
мусобақанинг республика босқичида 1, 2 ва 3-ўринни эгаллаган жамоалар ҳамда ушбу жамоаларнинг мураббийлари учун совғалар ажратиш (фақат вазирлик марказий аппарати).
32. Қуйидагилар Ўзбекистон Республикаси Соғлиқни сақлаш вазирлиги ҳамда унинг ҳудудий бўлинмаларининг вазифалари ҳисобланади:
мусобақа ўтказиладиган жойларда керакли дори-дармон ва тиббий ускуналар билан жиҳозланган тез тиббий ёрдам бригадаларининг навбатчилигини ташкил этиш;
мусобақада ҳакамлик қилиш учун малакали мутахассисларни жалб қилиш.
33. Қуйидагилар Ўзбекистон Республикаси Маданият вазирлиги ҳамда унинг ҳудудий бўлинмаларининг вазифалари ҳисобланади:
мусобақанинг вилоят ва республика босқичининг тантанали очилиш ҳамда ёпилиш тадбирларида фойдаланиш учун зарур бўладиган овоз кучайтиргич ва бошқа асбоб-ускуналарни қонунчиликда белгиланган тартибда мусобақа ўтказиладиган жойга олиб бориб ўрнатиш;
мусобақанинг вилоят босқичи тантанали ёпилиш маросимига қонунчиликда белгиланган тартибда бадиий ҳаваскорлик жамоалари ва санъаткорларни жалб этиш (фақат ҳудудий бўлинмалар).
34. Қуйидагилар Ўзбекистон Маҳаллалар уюшмаси ҳамда унинг ҳудудий бўлинмаларининг вазифалари ҳисобланади:
мусобақанинг барча босқичлари ғолиблари иштирокида маҳаллаларда учрашувлар ташкил этиш ва маҳаллаларда мусобақа тарғиботини олиб бориш;
«Маҳалла» хайрия жамоат фонди билан ҳамкорликда мусобақанинг республика босқичида 1, 2 ва 3-ўринни эгаллаган жамоалар учун совғалар ажратиш (фақат вазирлик марказий аппарати).
35. Қуйидагилар Қорақалпоғистон Республикаси Вазирлар Кенгаши, вилоятлар ва туман (шаҳар) ҳокимликларининг вазифалари ҳисобланади:
Ёшлар ишлари агентлиги ва Ўзбекистон ёшлар иттифоқи билан биргаликда мусобақанинг вилоят ва республика босқичларида иштирок этувчи жамоаларни махсус кийимлар билан таъминлаш;
мусобақа ўтказиладиган объектларни тайёрлашда ДХХ ЧҚга ҳар томонлама кўмаклашиш;
мусобақанинг тегишли босқичида ғолиб бўлган жамоаларнинг кейинги босқичда иштирок этиши учун транспорт харажатларини қоплаб бериш;
мусобақада 1, 2 ва 3-ўринларни эгаллаган жамоалар, уларнинг мураббийлари ҳамда фаол иштирокчилар учун совғалар ажратиш.
36. Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ва унинг ҳудудий бўлинмалари ДХХ ЧҚ ва ҳарбий қисмлар мурожаатига асосан мусобақанинг барча босқичларида жамоаларнинг мусобақани ўтказиш жойига келиш-кетишида йўл ҳаракати хавфсизлигини таъминлашга кўмаклашади.
37. «Ўзбекистон темир йўллари» АЖ ДХХ ЧҚнинг буюртмалари асосида мусобақанинг республика босқичи иштирокчиларини мусобақа ўтказиладиган жойларга келиш-кетиш учун республика ичида ҳаракатланувчи тезюрар ва йўловчи поездларига бепул чипталар билан таъминлашда амалий ёрдам беради, юқори тезликда ҳаракатланувчи поездларнинг ва барча йўловчи поездларининг СВ, ВИП вагонлари бундан мустасно.
38. Ўзбекистон ёшлар иттифоқи Марказий Кенгаши ва ҳудудий кенгашлари қуйидагиларни амалга оширишда амалий ёрдам кўрсатади:
клубларда машғулотлар ўтказилиши учун зарур шарт-шароитларни яратиш (фақат ҳудудий кенгашлари);
мусобақада 1, 2 ва 3-ўринларни эгаллаган жамоалар учун диплом, кубок ва медаллар тайёрлаш;
мусобақанинг вилоят ва республика босқичи ўтказиладиган объектларни байрамона безатиш ҳамда мусобақага мос кўргазмали материаллар билан таъминлашга ДХХ ЧҚга ҳар томонлама кўмаклашиш;
мусобақанинг республика босқичига етиб келган иштирокчиларни мусобақа ўтказиладиган жойга олиб бориш ва олиб келиш учун масъулларни бириктириш (фақат Марказий Кенгаш).
39. Республика Маънавият ва маърифат маркази мусобақанинг республика босқичида 1, 2 ва 3-ўринларни эгаллаган жамоалар учун совғалар ажратишда ҳамда мусобақанинг тантанали ёпилиш тадбирини ташкил этишда амалий ёрдам кўрсатади.
6-боб. Якунловчи қоидалар
40. Мусобақа натижаларидан норози бўлган жамоалар уч иш кунида республика ташкилий қўмитасига ёзма равишда шикоят қилиш ҳуқуқига эга.
Бунда шикоят республика ташкилий қўмитаси томонидан шикоят муаллифи (муаллифлари), шунингдек ҳакамлар ҳайъати таркибининг камида 50 фоизи иштирокида ўн беш иш кунида кўриб чиқилади. Кўриб чиқиш натижаларига кўра шикоятни қаноатлантириш ёки қаноатлантиришни рад этиш тўғрисида қарор қабул қилинади.
41. Мусобақани ўтказиш билан боғлиқ барча харажатлар тегишли вазирлик ва идораларнинг бюджет ҳамда бюджетдан ташқари маблағлари, жисмоний ва юридик шахсларнинг ҳомийлик хайриялари, шунингдек қонунчилик ҳужжатларида тақиқланмаган бошқа маблағлар ҳисобидан амалга оширилади.
42. Мусобақани ўтказишга доир ҳужжатлар ДХХ ЧҚнинг тегишли ҳарбий қисмларида сақланади.
43. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
«Ёш чегарачилар» ҳарбий-ватанпарварлик мусобақасини ўтказиш тартиби тўғрисидаги низомга ИЛОВА
«Ёш чегарачилар» ҳарбий-ватанпарварлик мусобақасини ўтказиш
Босқичлар Субъектлар Чора-тадбирлар Бажариш муддатлари 1-босқич Умумий ўрта таълим мактаби «Ёш чегарачилар» клубининг 10-11-синф аъзоларидан 10 нафардан (8 нафар ўғил, 2 нафар қиз) иборат таркибда жамоа тузади. Ўқув йили бошида 2-босқич Вилоятлар, туман (шаҳар) ҳокимлари, Қорақалпоғистон Республикаси Вазирлар Кенгаши Раиси Мусобақани ўтказиш бўйича туман (шаҳар), вилоят (Қорақалпоғистон Республикаси) ташкилий қўмиталари таркибларини тасдиқлайди. 1 февраль 3-босқич Умумий ўрта таълим мактаби Жамоанинг мусобақада иштирок этиши учун ташкилий қўмитага ариза ва тегишли ҳужжатларни тақдим этади. Мусобақа ўтказиш санасидан ўн кун аввал 4-босқич Туман (шаҳар) ташкилий қўмиталари 1. Мусобақанинг туман (шаҳар) босқичини ўтказади. 2. Ғолиб ва совриндорларни тантанали равишда диплом, кубок, эсдалик ва бошқа қимматбаҳо совғалар билан тақдирлайди. Март-апрель ойларида 3. Вилоят ташкилий қўмитасига мусобақанинг натижалари ва кейинги босқичга ўтган жамоалар тўғрисида ахборот беради. Мусобақадан сўнг уч кун муддатда 5-босқич Вилоят (Қорақалпоғистон Республикаси) ташкилий қўмиталари 1. Мусобақанинг туман (шаҳар) босқичини ўтказади. 2. Ғолиб ва совриндорларни тантанали равишда диплом, кубок, эсдалик ва бошқа қимматбаҳо совғалар билан тақдирлайди. Апрель ойининг учинчи ўн кунлигида 3. Республика ташкилий қўмитасига мусобақанинг натижалари ва кейинги босқичга ўтган жамоалар тўғрисида ахборот беради. Мусобақадан сўнг уч кун муддатда 6-босқич Республика ташкилий қўмитаси 1. Мусобақанинг республика босқичини ўтказади. 2. Ғолиб ва совриндорларни тантанали равишда диплом, кубок, эсдалик ва бошқа қимматбаҳо совғалар билан тақдирлайди. Май ойининг иккинчи ўн кунлигида
Вазирлар Маҳкамасининг 2023 йил 26 июндаги 261-сон қарорига 3-ИЛОВА
«Ёш чегарачилар» ҳарбий-ватанпарварлик мусобақасини ўтказиш бўйича республика ташкилий қўмитаси
С.С. Курбанов — ДХХ Чегара қўшинлари қўмондонининг ўринбосари, ташкилий қўмита раиси Б.Ж. Ходжаев — Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлиги директорининг биринчи ўринбосари А.А. Муминов — Ўзбекистон Республикаси транспорт вазири ўринбосари Д.С. Эрматов — Ўзбекистон Республикаси Мактабгача ва мактаб таълими вазирлиги Таълим ташкилотларида тарбиявий ишларни мувофиқлаштириш бошқармаси бошлиғи Ж.Ш. Чориев — Ўзбекистон маҳаллалари уюшмаси бошқарма бошлиғи Р.Н. Курганов — Ўзбекистон Республикаси Соғлиқни сақлаш вазирлигининг Мурожаатлар билан ишлаш ва тезкор алоқа бўлими бошлиғи И.Ф. Юнусов — Ўзбекистон Республикаси Маданият вазирлиги Ижодкор ёшлар билан ишлаш бўлими бошлиғи М.А. Мўминов — Ўзбекистон Республикаси Ёшлар сиёсати ва спорт вазирлиги Ёшларни ватанпарварлик руҳида тарбиялаш ва уларни бўш вақтини мазмунли ташкил этиш бўлими бошлиғи Ж.А. Каримов — Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати бошлиғининг ўринбосари Лавозимига кўра — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари Келишувга кўра — Ўзбекистон ёшлар иттифоқи Марказий Кенгаши раисининг ўринбосари Келишувга кўра — Республика Маънавият ва маърифат маркази вакили Келишувга кўра — Ўзбекистон Давлат муассасалари ва жамоат хизмати ходимлари касаба уюшмаси республика кенгаши вакили А.А. Мамуров — ДХХ Чегара қўшинлари Тарбиявий ва мафкуравий ишлар бошқармаси бўлим бошлиғи, ташкилий қўмита котиби
Вазирлар Маҳкамасининг 2023 йил 26 июндаги 261-сон қарорига 4-ИЛОВА
«Ёш чегарачилар» ҳарбий-ватанпарварлик мусобақасини ўтказиш бўйича вилоят (Қорақалпоғистон Республикаси) ташкилий қўмитасининг
Лавозимига кўра — ДХХ Чегара қўшинлари Оператив қўмондонлик бошлиғининг ўринбосари, ташкилий қўмита раиси Лавозимига кўра — Қорақалпоғистон Республикаси Вазирлар Кенгаши Раисининг, вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Лавозимига кўра — Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлигининг Қорақалпоғистон Республикаси, вилоят бошқармаси бошлиғи Лавозимига кўра — Қорақалпоғистон Республикаси мактабгача ва мактаб таълими вазирининг тарбиявий ишлар ва ихтисослаштирилган муассасаларни мувофиқлаштириш бўйича ўринбосари, Вилоят мактабгача ва мактаб таълими бошқармаси бошлиғининг тарбиявий ишлар ва ихтисослаштирилган муассасаларни мувофиқлаштириш бўйича ўринбосари Лавозимига кўра — Республика тез тиббий ёрдам маркази вилоят филиали директори Лавозимига кўра — Ўзбекистон маҳаллалари уюшмасининг Қорақалпоғистон Республикаси, вилоятлар бошқармалари бошлиқлари Лавозимига кўра — Қорақалпоғистон Республикаси маданият вазирининг ўринбосари, вилоят маданият бошқармаси бошлиғи Лавозимига кўра — Қорақалпоғистон Республикаси ёшлар сиёсати ва спорт вазирининг ўринбосари, Вилоят ёшлар сиёсати ва спорт бошқармаси бошлиғи Лавозимига кўра — Қорақалпоғистон Республикаси Ички ишлар вазирлиги Жамоат хавфсизлиги хизмати Йўл ҳаракати хавфсизлиги бошқармаси бошлиғининг биринчи ўринбосари, Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати вилоят бошқармаси бошлиғининг биринчи ўринбосари Лавозимига кўра — Ўзбекистон ёшлар иттифоқининг Қорақалпоғистон Республикаси, вилоят кенгаши раиси Лавозимига кўра — Республика Маънавият ва маърифат марказининг Қорақалпоғистон Республикаси, вилоят бўлими раҳбари Лавозимига кўра — Ўзбекистон давлат муассасалари ва жамоат хизмати ходимлари касаба уюшмасининг Қорақалпоғистон кенгаши, вилоят кенгаши раиси Лавозимига кўра — ДХХ Чегара қўшинлари Оператив қўмондонлиги ҳарбий хизматчиси, ташкилий қўмита котиби
Вазирлар Маҳкамасининг 2023 йил 26 июндаги 261-сон қарорига 4а-ИЛОВА
«Ёш чегарачилар» ҳарбий-ватанпарварлик мусобақасини ўтказиш бўйича туман (шаҳар) ташкилий қўмитасининг
Лавозимига кўра — ДХХ Чегара қўшинлари ҳарбий қисм командирининг ўринбосари, ташкилий қўмита раиси Лавозимига кўра — туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Лавозимига кўра — Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлигининг туман (шаҳар) бўлими бошлиғи Лавозимига кўра — Туман (шаҳар) мактабгача ва мактаб таълими бўлими бошлиғи Лавозимига кўра — Республика тез тиббий ёрдам маркази туман филиали директори Лавозимига кўра — Ўзбекистон маҳаллалари уюшмасининг туман (шаҳар) бўлими бошлиғи Лавозимига кўра — Туман (шаҳар) маданият бўлими бошлиғи Лавозимига кўра — Ўзбекистон ёшлар иттифоқининг туман (шаҳар) к енгаши раиси Лавозимига кўра — Республика Маънавият ва маърифат марказининг туман (шаҳар) бўлинмаси раҳбари Лавозимига кўра — Ўзбекистон давлат муассасалари ва жамоат хизмати ходимлари касаба уюшмасининг туман (шаҳар) кенгаши раиси Лавозимига кўра — ДХХ Чегара қўшинлари ҳарбий қисм ҳарбий хизматчиси, ташкилий қўмита котиби
Ўзбекистон Республикасининг Бош вазири А. АРИПОВ
Тошкент ш.,
2023 йил 26 июнь,
261-сон
Oʻzbekiston Respublikasi Vazirlar Mahkamasining
qarori
NIZOM
NIZOM
SXEMASI
TARKIBI
NAMUNAVIY TARKIBI
NAMUNAVIY TARKIBI
Respublika chegaraoldi shahar va tumanlaridagi umumiy oʻrta taʼlim maktablarida tashkil etilgan “Yosh chegarachilar” klublari faoliyatini tartibga solish va qoʻllab-quvvatlash chora-tadbirlari toʻgʻrisida
Yoshlarni milliy qadriyatlar va madaniyatga boʻlgan tahdidlar hamda yot gʻoyalardan asrash, har tomonlama rivojlangan, zamonaviy bilim va hunarlarni puxta egallagan, milliy anʼanalarga sadoqatli, dunyoqarashi keng, vatanparvar va barkamol yosh avlodni tarbiyalashga qaratilgan “Yosh chegarachilar” klublarining faoliyatini tartibga solish, qoʻllab-quvvatlash va aholi orasida ommalashtirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat xavfsizlik xizmati Chegara qoʻshinlari hamda Maktabgacha va maktab taʼlimi vazirligi hamkorligida chegaraoldi shahar va tumanlardagi umumiy oʻrta taʼlim maktablarida (akademik litseylar, harbiy-akademik litseylar yoki maxsus harbiylashtirilgan maktablar bundan mustasno) chaqiriqqacha tayyorgarlik yoshidagi oʻquvchilardan iborat “Yosh chegarachilar” klublari tashkil etilganligi va har yili ushbu maktablarning jamoalari oʻrtasida uch bosqichli musobaqa (keyingi oʻrinlarda — musobaqa) oʻtkazib kelinayotganligi maʼlumot uchun qabul qilinsin.
2. Quyidagilar:
“Yosh chegarachilar” klubi toʻgʻrisidagi nizom 1-ilovaga muvofiq;
“Yosh chegarachilar” harbiy-vatanparvarlik musobaqasini oʻtkazish tartibi toʻgʻrisidagi nizom 2-ilovaga muvofiq;
“Yosh chegarachilar” harbiy-vatanparvarlik musobaqasini oʻtkazish boʻyicha respublika tashkiliy qoʻmitasi tarkibi 3-ilovaga muvofiq;
“Yosh chegarachilar” harbiy-vatanparvarlik musobaqasini oʻtkazish boʻyicha viloyat (Qoraqalpogʻiston Respublikasi) va tuman (shahar) qoʻmitalarining namunaviy tarkiblari 4 — 4a-ilovalarga muvofiq tasdiqlansin.
3. “Yosh chegarachilar” harbiy-vatanparvarlik musobaqasini oʻtkazish boʻyicha respublika tashkiliy qoʻmitasi (S.S. Kurbanov):
musobaqaning barcha bosqichlari belgilangan tartibda puxta tashkil etilishini taʼminlasin;
musobaqaning tuman (shahar) va viloyat bosqichlarini oʻtkazish boʻyicha mahalliy va hududiy tashkiliy qoʻmitalar tuzilishini hamda ularning faoliyati toʻgʻri yoʻlga qoʻyilishini, shu jumladan har bir bosqich toʻgʻrisida toʻliq maʼlumotlar belgilangan tartibda taqdim etilishini nazoratga olsin.
4. Oʻzbekiston Respublikasi Davlat xavfsizlik xizmati Chegara qoʻshinlari Maktabgacha va maktab taʼlimi vazirligi hamda Yoshlar siyosati va sport vazirligi huzuridagi Yoshlar ishlari agentligi bilan birgalikda musobaqaning respublika bosqichini yuqori saviyada oʻtkazish uchun zarur shart-sharoitlar yaratish choralarini koʻrsin.
5. Musobaqani oʻtkazishga masʼul vazirlik va idoralar ushbu qarorga 2-ilovada belgilangan vazifalar sifatli bajarilishini taʼminlasin.
6. Belgilansinki, musobaqani oʻtkazish bilan bogʻliq xarajatlar ushbu qarorga 2-ilovada keltirilgan taqsimotga asosan tegishli vazirlik va idoralarning budjet hamda budjetdan tashqari mablagʻlari, shuningdek, qonunchilikda taqiqlanmagan boshqa manbalar hisobidan amalga oshiriladi.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.
Vazirlar Mahkamasining 2023-yil 26-iyundagi 261-son qaroriga 1-ILOVA
“Yosh chegarachilar” toʻgʻrisida
1-bob. Umumiy qoidalar
1. Mazkur Nizom chegaraoldi shahar va tumanlardagi umumiy oʻrta taʼlim maktablari (keyingi oʻrinlarda — maktab) oʻquvchilari ishtirokida “Yosh chegarachilar” klublarini (keyingi oʻrinlarda — klub) tashkil etish, klub aʼzoligiga qabul qilish va aʼzoligidan chiqarish, klubni boshqarish tartibi, shuningdek, aʼzolarining huquq va majburiyatlarini belgilaydi.
2. Klub Oʻzbekiston Respublikasi Davlat xavfsizlik xizmati Chegara qoʻshinlarining (keyingi oʻrinlarda — DXX CHQ) harbiy qismlariga biriktirilgan hamda klubni tashkil etish istagini bildirgan chegaraoldi shahar va tumanlardagi maktablarda tashkil etiladigan yosh koʻngillilar jamoasi hisoblanadi.
Klub yuridik shaxs hisoblanmaydi.
3. Klub yoshlarni harbiy-vatanparvarlik ruhida tarbiyalash, chegara sohasida amalga oshirilayotgan islohotlar va qabul qilinayotgan qonunchilik hujjatlarining mazmun-mohiyatini oʻrganish hamda keng jamoatchilikka yetkazish, ongli ravishda chegaraoldi hududda Oʻzbekiston Respublikasi Davlat chegarasi xavfsizligini taʼminlashda daxldorlik hissini shakllantirish, oʻzaro hamkorlikni yoʻlga qoʻyish, shuningdek, ularni chegarachi kasbiga qiziqtirish maqsadida tashkil etiladi.
4. Klubni tashkil etish boʻyicha maktab direktori, tegishli harbiy qismning shaxsiy tarkib bilan ishlash boʻyicha ofitseri, maktab tibbiy hamshirasi, jismoniy tarbiya oʻqituvchisi, yoshlar yetakchisi hamda “Chaqiriqqa qadar boshlangʻich tayyorgarlik” fani oʻqituvchisidan iborat tarkibda ishchi guruh tuziladi.
Maktab direktori va “Chaqiriqqa qadar boshlangʻich tayyorgarlik” fani oʻqituvchisi ishchi guruh rahbari va kotibi hisoblanadi.
Klub ishchi guruh yigʻilishi bayoni bilan tashkil etiladi.
5. Klub oʻz faoliyatini Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, shuningdek, davlat taʼlim standartlari, oʻquv rejalari va dasturlari hamda ushbu Nizomga muvofiq amalga oshiriladi.
6. Klub maktab direktori tomonidan tasdiqlangan ramziy bayrogʻi, vimpeli va shioriga ega boʻladi.
7. Klub faoliyatini tashkil etish maktab maʼmuriyati tomonidan amalga oshiriladi. Maktab maʼmuriyati DXX CHQ bilan hamkorlikda maxsus xonani tashkil qiladi. Klubning pochta manzili maktabning joylashgan yeri hisoblanadi.
8. Klub faoliyati maktabning budjet va budjetdan tashqari mablagʻlari, jismoniy va yuridik shaxslarning homiylik xayriyalari hamda qonunchilikda taqiqlanmagan boshqa manbalar hisobidan moliyalashtiriladi.
2-bob. Klubning asosiy vazifalari
9. Quyidagilar klubning asosiy vazifalari hisoblanadi:
yoshlarning maʼnaviy-intellektual salohiyatini va dunyoqarashini yuksaltirish, ularni milliy qadriyat va anʼanalarga hurmat ruhida tarbiyalash, yoshlarda Amir Temur, Jaloliddin Manguberdi, Zahiriddin Muhammad Bobur, Najmiddin Kubro kabi buyuk siymolarning vatanparvarlik, mardlik va jasurlik tuygʻularini shakllantirish;
yoshlarda milliy armiya bilan faxrlanish, Vatan himoyachisidek sharafli kasbga hurmat hissini uygʻotish, ularni DXX CHQning shonli va jangovar anʼanalarining davomchilari etib tarbiyalash hamda Oʻzbekiston Respublikasi Qurolli Kuchlari oliy harbiy taʼlim muassasalariga oʻqishga kirish uchun bosqichma-bosqich tayyorlash;
yoshlar ongida chegaraoldi hududlardagi Oʻzbekiston Respublikasi Davlat chegarasi bilan bogʻliq huquqbuzarliklarga nisbatan murosasiz munosabatni shakllantirish hamda ular oʻrtasida sogʻlom turmush tarzini targʻib qilish;
yoshlarda chegaraoldi hududlarda yuz berishi mumkin boʻlgan yoki sodir boʻlgan favqulodda vaziyatlarda toʻgʻri harakatlanish va jabrlanganlarga yordam koʻrsatish koʻnikmalarini shakllantirish, ularning chidamliligini oshirish hamda har qanday qiyinchiliklarni matonat bilan yengishga oʻrgatish;
klub aʼzolarini “Yosh chegarachilar” harbiy-vatanparvarlik musobaqasiga (keyingi oʻrinlarda — musobaqa) puxta tayyorlash hamda bir jamoa boʻlib hamjihatlikda harakatlanishga oʻrgatish.
10. Klub oʻziga yuklangan vazifalarni amalga oshirish uchun:
klub faoliyati toʻgʻrisidagi maʼlumotlarni yoritib boradi, klubda olib borilayotgan mashgʻulotlar va musobaqaning mahalliy va hududiy bosqichlaridagi ishtirokni aks ettiruvchi fotoalbom va harbiy varaqani tayyorlaydi;
klub aʼzolari uchun nazariy va amaliy mashgʻulotlarni tashkil etadi;
yoshlarda nutq madaniyati va notiqlik sanʼatini rivojlantirishga qaratilgan treninglar oʻtkazadi;
klub tomonidan tashkil qilinadigan tadbirlar va musobaqa jarayonlari haqida materiallar (videolavha, maqola, fotoocherk va boshqalar) tayyorlaydi hamda ommaviy axborot vositalari va ijtimoiy tarmoqlarda orqali namoyish etadi.
3-bob. Klub aʼzoligiga qabul qilish va undan chiqarish
11. Klub aʼzoligiga maktablarning 9, 10 va 11-sinf oʻquvchilari, oʻz xohishiga koʻra, cheklanmagan miqdorda qabul qilinadi.
Klubga qabul qilish uchun aʼzolik badali yoki boshqa toʻlovlar amalga oshirilishiga yoʻl qoʻyilmaydi.
12. Klub aʼzosi boʻlish uchun oʻquvchilar klub rahbariga quyidagi hujjatlarni taqdim etadi:
klub rahbari nomiga ariza;
shaxsni tasdiqlovchi hujjat (biometrik pasport, identifikatsiyalovchi ID-karta yoki tugʻilganlik haqidagi guvohnoma nusxasi);
F-086-u shakldagi tibbiy maʼlumotnoma.
13. Klub rahbari toʻplangan hujjatlarni ishchi guruhga taqdim etadi.
Oʻquvchilar ishchi guruh yigʻilishi bayoniga muvofiq harbiy qism komandirining buyrugʻi asosida klub aʼzoligiga qabul qilinadi.
Buyruq harbiy qism komandirining oʻrinbosari tomonidan oʻquvchilar orasida oʻqib eshittiriladi va klub aʼzolari tantanali ravishda tanishtiriladi.
14. Klub rahbari klub aʼzolari orasidan sardorni tayinlaydi.
15. Oʻquvchilar quyidagi hollarda klub aʼzoligidan chiqariladi:
oʻz arizasiga muvofiq;
ushbu Nizomning 20-bandida belgilangan majburiyatlarni bajarmaganda;
maktabni bitirganda yoki oʻqishini boshqa taʼlim tashkilotiga koʻchirganda.
16. Oʻquvchilar ishchi guruh yigʻilishi bayoniga muvofiq harbiy qism komandirining buyrugʻi asosida klub aʼzoligidan chiqariladi.
4-bob. Klub sardori hamda boshqa aʼzolarining huquq va majburiyatlari
17. Klub sardori quyidagi huquqlarga ega:
klub aʼzolarining erishayotgan ijobiy natijalarini ragʻbatlantirish uchun klub rahbariga tavsiya berish;
klub aʼzolarini sodir etgan salbiy xatti-harakatlari uchun ogohlantirish, ushbu xatti-harakatlar takroran sodir etilgan taqdirda, oʻquvchini klub aʼzoligidan chiqarish toʻgʻrisida ishchi guruhga taqdimnoma kiritish.
18. Klub sardori:
klub aʼzolarining tartib-intizomga rioya etishlarini taʼminlashda klub rahbariga koʻmaklashishi;
klub aʼzolariga oʻqishda, mehnatda va odob-axloq masalalarida har tomonlama namuna boʻlishi;
klub aʼzolari tomonidan ushbu Nizomning 20-bandida belgilangan majburiyatlar bajarilishi ustidan nazorat qilishi;
klub yigʻilishini tashkil etish, aʼzolarning ijobiy tashabbuslarini qoʻllab-quvvatlashi;
klub aʼzolari bilan harbiy tayyorgarlik mashgʻulotlari, shuningdek, maktab oʻquvchilari ishtirokida harbiy-vatanparvarlik tadbirlarini oʻtkazishda harbiy qism masʼul harbiy xizmatchilariga koʻmaklashishi shart.
19. Klub aʼzolari quyidagi huquqlarga ega:
klub yigʻilishlarida uning faoliyati toʻgʻrisida oʻz fikr-mulohazalarini bildirish;
klub faoliyatini rivojlantirish boʻyicha takliflar berish;
klub sardorining notoʻgʻri xatti-harakatlari boʻyicha oʻz fikrini bildirish;
klubga aʼzoligi davomida oʻz huquq va erkinliklari buzilganligi, shuningdek, klub faoliyatiga daxldor masalalar yuzasidan harbiy qism qoʻmondonligiga murojaat qilish;
istalgan vaqtda klub aʼzoligidan chiqish.
20. Klub aʼzolari:
Oʻzbekiston Respublikasi Konstitutsiyasi va qonunlariga, ushbu Nizom va klub faoliyatini tartibga soluvchi boshqa hujjatlar talablariga, shuningdek, harbiy qism va maktab ichki-tartib qoidalariga qatʼiy rioya qilishi;
klub faoliyati bilan bogʻliq tadbirlarda, shu jumladan DXX CHQ va maktab maʼmuriyati oʻrtasida tuzilgan hamkorlik rejasiga muvofiq tashkil etiladigan “Ochiq eshiklar kuni” va boshqa tadbirlarda ishtirok etishi hamda klub manfaatlarini himoya qilishi;
klub mashgʻulotlarida muntazam ishtirok etib, oʻz bilim va mahoratini oshirib borishi shart.
21. Klub aʼzolari chegaraoldi hududlarda Davlat chegarasi qonunchiligining buzilishi bilan bogʻliq noqonuniy xatti-harakatlarning oldini olishda DXX CHQga koʻmaklashishi mumkin.
22. DXX CHQ saflariga muddatli harbiy xizmatga qabul qilishda klub aʼzosi boʻlgan oʻgʻil bolalar qonunchilikda belgilangan tartibda ustuvor huquqda tanlab olinadi.
23. Klub aʼzolari bir vaqtning oʻzida boshqa harbiy-vatanparvarlik klublariga aʼzo boʻlishiga va ularning harbiy-vatanparvarlik musobaqalarida ishtirok etishiga yoʻl qoʻyilmaydi.
5-bob. Klubni boshqarish tartibi
24. Maktabning “Chaqiriqqa qadar boshlangʻich tayyorgarlik” fani oʻqituvchisi yoki yuqori harbiy bilim va malakaga ega boshqa fan oʻqituvchisi klub rahbari boʻlishi mumkin.
Klub rahbari ishchi guruh yigʻilishi bayoniga muvofiq harbiy qism komandiri buyrugʻi asosida tayinlanadi.
25. Quyidagilar klub rahbarining asosiy vazifalari hisoblanadi:
klub faoliyatini mazkur Nizom asosida boshqarish hamda belgilangan vazifalarning klub aʼzolari tomonidan bajarilishini nazorat qilish;
boshqa maktablarning klublari va tegishli harbiy qism masʼul harbiy xizmatchilari bilan mustahkam hamkorlikni oʻrnatish;
klub aʼzolari bilan mashgʻulotlarni sifatli oʻtkazish va musobaqaga jiddiy tayyorgarlik koʻrish;
klubni oʻquv-uslubiy qoʻllanmalar bilan taʼminlash hamda uning moddiy-texnik bazasini rivojlantirish boʻyicha maktab maʼmuriyatiga takliflar berib borish.
26. Quyidagilar maktab maʼmuriyatining asosiy vazifalari hisoblanadi:
maktab hududida klub uchun alohida xona(lar) ajratish, uni “Chaqiriqqa qadar boshlangʻich tayyorgarlik” fani mavzulari boʻyicha koʻrgazmali qurollar, mashgʻulotlar jadvali, klub aʼzolari roʻyxati, klub faoliyati va musobaqaga oid hujjatlardan koʻchirmalar, harbiy qism va maktab oʻrtasidagi yillik hamkorlik rejasi, musobaqa bosqichlari va mashgʻulotlar jarayoni aks ettirilgan fotoalbom, shuningdek, zarur anjomlar va vositalar bilan taʼminlash;
klub aʼzolarining darsdan tashqari mashgʻulotlar oʻtkazishi uchun zarur shart-sharoitlar yaratish;
musobaqada ishtirok etuvchi klub aʼzolarini sport kiyimlari bilan taʼminlash;
klub faoliyatini tashkil etishda texnika va yongʻin xavfsizligi, shuningdek, sanitariya qoidalari, normalari va gigiyena normativlariga rioya etilishini nazorat qilish.
27. Quyidagilar maktab biriktirilgan (tegishli) harbiy qismning asosiy vazifalari hisoblanadi:
klub aʼzolari bilan oʻtkaziladigan vatanparvarlik tadbirlari va mashgʻulotlarni sifatli tashkil etish yuzasidan maktab maʼmuriyati hamda klub rahbari bilan yaqindan hamkorlik qilish va bu borada klubga har tomonlama yordam koʻrsatish;
maktab hududida klub uchun ajratilgan xonalarni DXX CHQ faoliyatiga oid targʻibot-tashviqot materiallari, shu jumladan “Oʻzbekiston Respublikasining Davlat chegarasi toʻgʻrisida”gi Oʻzbekiston Respublikasining Qonuni , chegarachi qahramonlar toʻgʻrisidagi maʼlumotlar, oʻqotar qurollar va harbiy texnikalar tavsiflari hamda boshqa vositalar bilan jihozlashga amaliy yordam koʻrsatish;
klub aʼzolarini chegara xizmatiga qiziqtirish, shu jumladan harbiy qism hududiga belgilangan tartibda olib kirish, ularni harbiy xizmatchilarga yaratilgan shart-sharoitlar bilan tanishtirish;
klub faoliyati, oʻtkaziladigan musobaqalar va boshqa tadbirlarni ommaviy axborot vositalari, ijtimoiy tarmoqlar hamda DXX CHQ nashrlarida keng yoritish.
6-bob. Yakunlovchi qoida
28. Klub faoliyatini tashkil etish va tugatish qonunchilikda belgilangan tartibda amalga oshiriladi.
Vazirlar Mahkamasining 2023-yil 26-iyundagi 261-son qaroriga 2-ILOVA
“Yosh chegarachilar” harbiy-vatanparvarlik musobaqasini oʻtkazish tartibi toʻgʻrisida
1-bob. Umumiy qoidalar
1. Ushbu Nizom chegaraoldi shahar va tumanlardagi umumiy oʻrta taʼlim maktablarida (keyingi oʻrinlarda — maktab) tahsil olayotgan, “Yosh chegarachilar” klublarining (keyingi oʻrinlarda — klub) chaqiriqqacha tayyorgarlik yoshidagi (10-11-sinf) aʼzolari oʻrtasida uch bosqichli musobaqani oʻtkazish tartibini belgilaydi.
2. Musobaqa yoshlarni vatanparvarlik ruhida tarbiyalash, davlat manfaatlari va suverenitetini fidokorona himoya qilishga tayyorlash, jismonan sogʻlom va maʼnan yetuk yosh avlodni kamol toptirish, ular oʻrtasida sogʻlom turmush tarzini targʻib qilish, oʻz yurti va xalqining taqdiri uchun yuksak masʼuliyat va javobgarlik hissini shakllantirish maqsadida oʻtkaziladi.
3. Musobaqa oʻquvchilarni harbiy kasbga va oliy harbiy taʼlim muassasalariga oʻqishga kirishga yoʻnaltirish hamda bosqichma-bosqich tayyorlab borish uchun xizmat qiladi.
4. Musobaqa quyidagi uch bosqichda oʻtkaziladi:
tuman (shahar) bosqichi (keyingi oʻrinlarda — tuman bosqichi) — musobaqani oʻtkazish boʻyicha tuman (shahar) tashkiliy qoʻmitasi tomonidan;
viloyat (Qoraqalpogʻiston Respublikasi) bosqichi (keyingi oʻrinlarda — viloyat bosqichi) — viloyat (Qoraqalpogʻiston Respublikasi) tashkiliy qoʻmitasi tomonidan;
respublika bosqichi — respublika tashkiliy qoʻmitasi tomonidan.
Tuman (shahar), viloyat (Qoraqalpogʻiston Respublikasi) tashkiliy qoʻmitalari tarkiblari tegishlicha tuman (shahar) va viloyat hokimlari (Qoraqalpogʻiston Respublikasi Vazirlar Kengashi Raisi) tomonidan musobaqa oʻtkaziladigan yil 1-fevralga qadar tasdiqlanadi.
5. Quyidagilar tashkiliy qoʻmitalarning vazifalari hisoblanadi:
musobaqa oʻtkaziladigan joy va sanani belgilash;
hakamlar hayʼati tarkibi va apellyatsiya komissiyasi aʼzolari roʻyxatini tasdiqlash;
musobaqaning mazkur Nizom talablari asosida oʻtkazilishini taʼminlash;
musobaqa natijalari va gʻolib boʻlgan jamoa aʼzolari roʻyxatini yuqori turuvchi tashkiliy qoʻmitaga taqdim etish;
musobaqa jarayonlarini ommaviy axborot vositalari va ijtimoiy tarmoqlarda yoritib borish.
6. Musobaqa ushbu Nizomga ilovadagi sxemaga muvofiq tashkil etiladi.
2-bob. Musobaqada ishtirok etuvchi jamoalarni shakllantirish va musobaqada qatnashish uchun ariza taqdim etish
7. Musobaqada ishtirok etuvchi jamoa oʻquv yilining boshida klubning musobaqa shartlari boʻyicha yuqori natija koʻrsatayotgan, chaqiriqqacha tayyorgarlik yoshidagi (10-11-sinf) 10 nafar aʼzosidan (8 nafar oʻgʻil, 2 nafar qiz) iborat tarkibda tuziladi.
Klub sardori jamoa sardori etib, klub rahbari jamoa murabbiysi etib belgilanadi.
8. Maktab direktori tomonidan jamoaning musabaqada ishtirok etishi uchun tashkiliy qoʻmitaga musobaqa oʻtkazish sanasidan oʻn kun avval quyidagi hujjatlarni taqdim etadi:
jamoa aʼzolarining roʻyxati (muhrlangan fotosuratlari bilan);
jamoa aʼzolari va murabbiysining shaxsini tasdiqlovchi hujjatlari nusxalari (biometrik pasporti, identifikatsiyalovchi ID-karta yoki tugʻilganlik haqidagi guvohnoma nusxasi);
hududiy oilaviy poliklinika yoki qishloq vrachlik punktlaridagi maktablarga biriktirilgan tibbiyot xodimlari tomonidan berilgan F-086-u shakldagi tibbiy maʼlumotnoma;
oʻqotar quroldan foydalanish vaqtida xavfsizlik qoidalariga rioya etish haqidagi yoʻriqnoma bilan tanishganligi toʻgʻrisida maʼlumotnoma.
9. Hujjatlari belgilangan tartibda va muddatda taqdim qilinmagan yoki hujjatlarda notoʻgʻri maʼlumotlar koʻrsatilgan jamoaning musobaqada ishtirok etishiga yoʻl qoʻyilmaydi.
Musobaqaning oʻtgan yilgi respublika bosqichida 1, 2 va 3-oʻrinlarni egallagan, shuningdek joriy yilda boshqa harbiy-vatanparvarlik musobaqalarida qatnashgan jamoalarning musobaqada ishtirok etishiga yoʻl qoʻyilmaydi.
10. Tegishli tashkiliy qoʻmitaga taqdim etilgan roʻyxatdagi jamoa aʼzolarining almashtirilishiga faqat tashkiliy qoʻmitaning roziligi bilan yoʻl qoʻyiladi.
3-bob. Musobaqani tashkil qilish va oʻtkazish tartibi
11. Musobaqa quyidagi vaqtda oʻtkaziladi:
tuman bosqichi — mart-aprel oylarida;
viloyat bosqichi — aprel oyining uchinchi oʻn kunligida;
respublika bosqichi — may oyining ikkinchi oʻn kunligida.
12. Musobaqa bosqichlarini oʻtkazishning aniq sanasi va joylari tegishli tashkiliy qoʻmitalar tomonidan mustaqil ravishda belgilanadi.
Tashkiliy qoʻmitasi aʼzolarining taklifiga muvofiq musobaqani oʻtkazish muddati va joyiga oʻzgartirish kiritilishi mumkin.
13. Musobaqalarni oʻtkazish jarayoniga DXX CHQ harbiy qismlari qoʻmondonligi umumiy rahbarlik qiladi.
14. Musobaqada jamoalar quyidagi shartlar boʻyicha ishtirok etadi:
jamoalarning saf tayyorgarligi koʻrigi;
harbiy varaqalar, albom, vimpel, jamoaning ramziy bayrogʻi va nomi yozilgan taxtacha koʻrigi;
jamoalarning maxsus formasi koʻrigi;
umumtaʼlim fanlari boʻyicha test sinovi;
Kalashnikov avtomatini notoʻliq qismlarga ajratish;
Kalashnikov avtomatini yigʻish;
oʻgʻil bolalar 1000 metrga, qizlar 100 metrga yugurish;
turnikda tortilish;
azimut boʻyicha harakatlanish;
granata uloqtirish;
zaharlangan hududdan oʻtish;
toʻsiqlar yoʻlagidan oʻtish;
tibbiy yordam koʻrsatish;
oʻq-dorilarni tashish;
Kalashnikov avtomatidan oʻq otish;
Kalashnikov avtomatining maketi koʻrigi.
15. Musobaqa shartlarini bajarish tartibi va baholash mezonlari DXX CHQ, Oʻzbekiston Respublikasi Maktabgacha va maktab taʼlimi vazirligi hamda Yoshlar siyosati va sport vazirligining qoʻshma qarori bilan tasdiqlanadi.
16. Hakamlar hayʼati musobaqaning har bir bosqichida DXX CHQ, Oʻzbekiston Respublikasi Maktabgacha va maktab taʼlimi vazirligi, Yoshlar siyosati va sport vazirligi hamda uning huzuridagi Yoshlar ishlari agentligi (keyingi oʻrinlarda — Yoshlar ishlari agentligi), Sogʻliqni saqlash vazirligi, Oʻzbekiston yoshlar ittifoqi hamda ushbu tashkilotlarning tegishli hududiy boʻlinmalari vakillaridan iborat tarkibda tegishli tashkiliy qoʻmita tomonidan tasdiqlanadi.
17. Hakamlar tomonidan musobaqani oʻtkazish vaqtida yoʻl qoʻyilgan kamchiliklar tashkiliy qoʻmita tomonidan oʻrganib chiqiladi va bartaraf etiladi.
18. Musobaqaga oʻz vaqtida yetib kelmagan jamoaning musobaqada ishtirok etish-etmasligi hakamlar hayʼati tomonidan koʻrib chiqiladi.
19. Tashkiliy qoʻmitaga taqdim etilgan jamoa aʼzolari roʻyxatiga kiritilmagan maktab oʻquvchisi musobaqada ishtirok etayotganligi aniqlangan taqdirda, ushbu jamoa musobaqadan chetlashtiriladi. Bunday holat musobaqa tugallangandan soʻng aniqlangan taqdirda, jamoaning natijasi bekor qilinadi hamda sovrinli oʻrin ushbu jamoa natijasidan keyingi natijani qayd etgan jamoaga beriladi.
20. Jamoa murabbiysi yoki aʼzolari tomonidan mazkur Nizom talablari buzilgan hollarda tashkiliy qoʻmita qaroriga asosan ushbu jamoa musobaqadan chetlashtiriladi.
21. Musobaqaning natijalari va keyingi bosqichga oʻtgan jamoalar toʻgʻrisida tashkiliy qoʻmitalar oʻzidan yuqori turuvchi tashkiliy qoʻmitaga uch kun muddat ichida axborot beradi.
22. Viloyat bosqichida 1-oʻrinni egallagan jamoa joylashgan hududdagi DXX CHQ harbiy qismidan bir nafar harbiy xizmatchi respublika bosqichida hamrohlik qiladi.
23. Musobaqa har bir bosqichining 1, 2 va 3-oʻrinni egallagan jamoalar musobaqaning tantanali yopilish marosimida tashkiliy qoʻmita tomonidan diplom, kubok va sovgʻalar bilan mukofotlanadilar.
24. Musobaqa har bir bosqichining “Eng ilgʻor” nominatsiyasi gʻoliblari tashkiliy qoʻmita tomonidan alohida sovgʻalar bilan taqdirlanadi.
4-bob. Jamoa murabbiysi, musobaqa ishtirokchilari va hakamlarning majburiyatlari
25. Jamoalar murabbiylari, musobaqa ishtirokchilari va hakamlar ushbu Nizom talablari va odob-axloq qoidalariga qatʼiy rioya qilishlari shart.
26. Jamoalar murabbiylari hakamlar faoliyatiga aralashishga haqli emas. Ular ishtirokchilarning musobaqa oʻtkaziladigan hududda hamda uning tashqarisida boʻlgan vaqtdagi xatti-harakatlari uchun javobgardirlar.
27. Musobaqa ishtirokchilari musobaqa jarayonida xavfsizlik qoidalariga hamda musobaqa oʻtkaziladigan hududda belgilangan tartib-qoidalarga qatʼiy rioya qilishi, shuningdek, u yerdagi jihozlarga ziyon yetkazmasligi shart.
28. Jamoalar murabbiylari va DXX CHQ harbiy qismlarining vakillari jamoa aʼzolarining xavfsizligini taʼminlashga masʼuldirlar.
5-bob. Tashkiliy qoʻmitalar aʼzolarining vazifalari
29. Quyidagilar DXX CHQ Qoʻmondonligi va harbiy qismlarning vazifalari hisoblanadi:
klublarda mashgʻulotlar oʻtkazilishi uchun zarur shart-sharoitlarni yaratishga har tomonlama koʻmaklashish (faqat harbiy qismlar);
klub aʼzolari bilan sifatli mashgʻulotlar oʻtkazish va musobaqalarga jiddiy tayyorgarlik koʻrish (faqat harbiy qismlar);
musobaqa oʻtkazish joylarini tanlash, tayyorlash va barcha zarur moddiy-texnik vositalar bilan taʼminlash;
musobaqaning respublika bosqichi ishtirokchilarini dala oʻquv maydoni uchun dala kiyimi bilan taʼminlash (faqat DXX CHQ Qoʻmondonligi);
musobaqaning respublika bosqichi ishtirokchilarini yotoqxona va oziq-ovqat bilan taʼminlash;
musobaqaning viloyat bosqichi ishtirokchilari uchun tushlik tashkil etish (faqat harbiy qismlar);
musobaqada 1, 2 va 3-oʻrinlarni egallagan jamoalar uchun sovgʻalar ajratish;
Yoshlar ishlari agentligi, Oʻzbekiston yoshlar ittifoqi bilan birgalikda musobaqaning viloyat va respublika bosqichi oʻtkaziladigan obyektlarni bayramona bezatish hamda musobaqaga mos koʻrgazmali materiallar bilan taʼminlash;
musobaqaning respublika bosqichida gʻoliblarni taqdirlash marosimining tantanali oʻtkazilishini taʼminlash (faqat DXX CHQ Qoʻmondonligi);
musobaqada hakamlik qilish uchun malakali mutaxassislarni jalb qilish;
musobaqa jarayonlarini ommaviy axborot vositalarida yoritish.
30. Quyidagilar Yoshlar ishlari agentligi hamda uning hududiy boʻlinmalarining vazifalari hisoblanadi:
klublarda mashgʻulotlar oʻtkazilishi uchun zarur shart-sharoitlarni yaratishga koʻmaklashish (faqat hududiy boʻlinmalar);
musobaqaning barcha bosqichlarini yoshlar oʻrtasida keng targʻib etish, ommaviy axborot vositalari va ijtimoiy tarmoqlarda yoritish choralarini koʻrish;
musobaqaning respublika bosqichiga yetib kelgan ishtirokchilar harbiy qismga joylashtirilishidan avval bir marta tushlik tashkil qilish (faqat Agentlik markaziy apparati);
musobaqaning respublika bosqichiga yetib kelgan ishtirokchilarni musobaqa oʻtkaziladigan joyga olib borish va musobaqa tugagandan soʻng olib ketish, shuningdek, ishtirokchilar uchun diqqatga sazovor joylarga sayohatlar tashkil etishga avtotransport vositalarini ajratish (faqat Agentlik markaziy apparati);
musobaqaning viloyat va respublika bosqichi oʻtkaziladigan obyektlarni bayramona bezatish hamda musobaqaga mos koʻrgazmali materiallar bilan taʼminlashga DXX CHQga har tomonlama koʻmaklashish;
musobaqaning viloyat va respublika bosqichlariga sport turlari boʻyicha xalqaro musobaqalar gʻoliblarini jalb etib, ular ishtirokida davra suhbatlari hamda uchrashuvlar tashkil etish;
musobaqaning hududiy bosqichlarida 1-oʻrinni egallagan jamoalarga, shuningdek, respublika bosqichida 1, 2 va 3-oʻrinni egallagan jamoalar uchun sovgʻalar ajratish;
musobaqada hakamlik qilish uchun malakali mutaxassislarni jalb qilish.
31. Quyidagilar Oʻzbekiston Respublikasi Maktabgacha va maktab taʼlimi vazirligi hamda uning hududiy boʻlinmalarining vazifalari hisoblanadi:
klublarda mashgʻulotlar oʻtkazilishi uchun zarur shart-sharoitlarni yaratishga har tomonlama koʻmaklashish (faqat hududiy boʻlinmalar);
klub aʼzolari bilan sifatli mashgʻulotlar oʻtkazilishi hamda musobaqalarga jiddiy tayyorgarlik koʻrilishini taʼminlash (faqat hududiy boʻlinmalar);
hamkor tashkilotlar bilan birgalikda oʻquvchilarni ommaviy ravishda musobaqalarga jalb etish;
musobaqaning barcha bosqichlari uchun umumtaʼlim fanlari (tarix, ona tili va adabiyot, matematika, fizika, ingliz tili, geografiya, chaqiruvga qadar boshlangʻich tayyorgarlik fanlari) boʻyicha test savollarini tayyorlash;
musobaqada hakamlik qilish uchun malakali mutaxassislarni jalb qilish;
Yoshlar ishlari agentligi va Oʻzbekiston yoshlar ittifoqi bilan birgalikda musobaqaning respublika bosqichi ishtirokchilarini kutib olish va kuzatish (faqat vazirlik markaziy apparati);
musobaqaning respublika bosqichida 1, 2 va 3-oʻrinni egallagan jamoalar hamda ushbu jamoalarning murabbiylari uchun sovgʻalar ajratish (faqat vazirlik markaziy apparati).
32. Quyidagilar Oʻzbekiston Respublikasi Sogʻliqni saqlash vazirligi hamda uning hududiy boʻlinmalarining vazifalari hisoblanadi:
musobaqa oʻtkaziladigan joylarda kerakli dori-darmon va tibbiy uskunalar bilan jihozlangan tez tibbiy yordam brigadalarining navbatchiligini tashkil etish;
musobaqada hakamlik qilish uchun malakali mutaxassislarni jalb qilish.
33. Quyidagilar Oʻzbekiston Respublikasi Madaniyat vazirligi hamda uning hududiy boʻlinmalarining vazifalari hisoblanadi:
musobaqaning viloyat va respublika bosqichining tantanali ochilish hamda yopilish tadbirlarida foydalanish uchun zarur boʻladigan ovoz kuchaytirgich va boshqa asbob-uskunalarni qonunchilikda belgilangan tartibda musobaqa oʻtkaziladigan joyga olib borib oʻrnatish;
musobaqaning viloyat bosqichi tantanali yopilish marosimiga qonunchilikda belgilangan tartibda badiiy havaskorlik jamoalari va sanʼatkorlarni jalb etish (faqat hududiy boʻlinmalar).
34. Quyidagilar Oʻzbekiston Mahallalar uyushmasi hamda uning hududiy boʻlinmalarining vazifalari hisoblanadi:
musobaqaning barcha bosqichlari gʻoliblari ishtirokida mahallalarda uchrashuvlar tashkil etish va mahallalarda musobaqa targʻibotini olib borish;
“Mahalla” xayriya jamoat fondi bilan hamkorlikda musobaqaning respublika bosqichida 1, 2 va 3-oʻrinni egallagan jamoalar uchun sovgʻalar ajratish (faqat vazirlik markaziy apparati).
35. Quyidagilar Qoraqalpogʻiston Respublikasi Vazirlar Kengashi, viloyatlar va tuman (shahar) hokimliklarining vazifalari hisoblanadi:
Yoshlar ishlari agentligi va Oʻzbekiston yoshlar ittifoqi bilan birgalikda musobaqaning viloyat va respublika bosqichlarida ishtirok etuvchi jamoalarni maxsus kiyimlar bilan taʼminlash;
musobaqa oʻtkaziladigan obyektlarni tayyorlashda DXX CHQga har tomonlama koʻmaklashish;
musobaqaning tegishli bosqichida gʻolib boʻlgan jamoalarning keyingi bosqichda ishtirok etishi uchun transport xarajatlarini qoplab berish;
musobaqada 1, 2 va 3-oʻrinlarni egallagan jamoalar, ularning murabbiylari hamda faol ishtirokchilar uchun sovgʻalar ajratish.
36. Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati va uning hududiy boʻlinmalari DXX CHQ va harbiy qismlar murojaatiga asosan musobaqaning barcha bosqichlarida jamoalarning musobaqani oʻtkazish joyiga kelish-ketishida yoʻl harakati xavfsizligini taʼminlashga koʻmaklashadi.
37. “Oʻzbekiston temir yoʻllari” AJ DXX CHQning buyurtmalari asosida musobaqaning respublika bosqichi ishtirokchilarini musobaqa oʻtkaziladigan joylarga kelish-ketish uchun respublika ichida harakatlanuvchi tezyurar va yoʻlovchi poyezdlariga bepul chiptalar bilan taʼminlashda amaliy yordam beradi, yuqori tezlikda harakatlanuvchi poyezdlarning va barcha yoʻlovchi poyezdlarining SV, VIP vagonlari bundan mustasno.
38. Oʻzbekiston yoshlar ittifoqi Markaziy Kengashi va hududiy kengashlari quyidagilarni amalga oshirishda amaliy yordam koʻrsatadi:
klublarda mashgʻulotlar oʻtkazilishi uchun zarur shart-sharoitlarni yaratish (faqat hududiy kengashlari);
musobaqada 1, 2 va 3-oʻrinlarni egallagan jamoalar uchun diplom, kubok va medallar tayyorlash;
musobaqaning viloyat va respublika bosqichi oʻtkaziladigan obyektlarni bayramona bezatish hamda musobaqaga mos koʻrgazmali materiallar bilan taʼminlashga DXX CHQga har tomonlama koʻmaklashish;
musobaqaning respublika bosqichiga yetib kelgan ishtirokchilarni musobaqa oʻtkaziladigan joyga olib borish va olib kelish uchun masʼullarni biriktirish (faqat Markaziy Kengash).
39. Respublika Maʼnaviyat va maʼrifat markazi musobaqaning respublika bosqichida 1, 2 va 3-oʻrinlarni egallagan jamoalar uchun sovgʻalar ajratishda hamda musobaqaning tantanali yopilish tadbirini tashkil etishda amaliy yordam koʻrsatadi.
6-bob. Yakunlovchi qoidalar
40. Musobaqa natijalaridan norozi boʻlgan jamoalar uch ish kunida respublika tashkiliy qoʻmitasiga yozma ravishda shikoyat qilish huquqiga ega.
Bunda shikoyat respublika tashkiliy qoʻmitasi tomonidan shikoyat muallifi (mualliflari), shuningdek hakamlar hayʼati tarkibining kamida 50 foizi ishtirokida oʻn besh ish kunida koʻrib chiqiladi. Koʻrib chiqish natijalariga koʻra shikoyatni qanoatlantirish yoki qanoatlantirishni rad etish toʻgʻrisida qaror qabul qilinadi.
41. Musobaqani oʻtkazish bilan bogʻliq barcha xarajatlar tegishli vazirlik va idoralarning budjet hamda budjetdan tashqari mablagʻlari, jismoniy va yuridik shaxslarning homiylik xayriyalari, shuningdek qonunchilik hujjatlarida taqiqlanmagan boshqa mablagʻlar hisobidan amalga oshiriladi.
42. Musobaqani oʻtkazishga doir hujjatlar DXX CHQning tegishli harbiy qismlarida saqlanadi.
43. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
“Yosh chegarachilar” harbiy-vatanparvarlik musobaqasini oʻtkazish tartibi toʻgʻrisidagi nizomga ILOVA
“Yosh chegarachilar” harbiy-vatanparvarlik musobaqasini oʻtkazish
Bosqichlar Subyektlar Chora-tadbirlar Bajarish muddatlari 1-bosqich Umumiy oʻrta taʼlim maktabi “Yosh chegarachilar” klubining 10-11-sinf aʼzolaridan 10 nafardan (8 nafar oʻgʻil, 2 nafar qiz) iborat tarkibda jamoa tuzadi. Oʻquv yili boshida 2-bosqich Viloyatlar, tuman (shahar) hokimlari, Qoraqalpogʻiston Respublikasi Vazirlar Kengashi Raisi Musobaqani oʻtkazish boʻyicha tuman (shahar), viloyat (Qoraqalpogʻiston Respublikasi) tashkiliy qoʻmitalari tarkiblarini tasdiqlaydi. 1-fevral 3-bosqich Umumiy oʻrta taʼlim maktabi Jamoaning musobaqada ishtirok etishi uchun tashkiliy qoʻmitaga ariza va tegishli hujjatlarni taqdim etadi. Musobaqa oʻtkazish sanasidan oʻn kun avval 4-bosqich Tuman (shahar) tashkiliy qoʻmitalari 1. Musobaqaning tuman (shahar) bosqichini oʻtkazadi. 2. Gʻolib va sovrindorlarni tantanali ravishda diplom, kubok, esdalik va boshqa qimmatbaho sovgʻalar bilan taqdirlaydi. Mart-aprel oylarida 3. Viloyat tashkiliy qoʻmitasiga musobaqaning natijalari va keyingi bosqichga oʻtgan jamoalar toʻgʻrisida axborot beradi. Musobaqadan soʻng uch kun muddatda 5-bosqich Viloyat (Qoraqalpogʻiston Respublikasi) tashkiliy qoʻmitalari 1. Musobaqaning tuman (shahar) bosqichini oʻtkazadi. 2. Gʻolib va sovrindorlarni tantanali ravishda diplom, kubok, esdalik va boshqa qimmatbaho sovgʻalar bilan taqdirlaydi. Aprel oyining uchinchi oʻn kunligida 3. Respublika tashkiliy qoʻmitasiga musobaqaning natijalari va keyingi bosqichga oʻtgan jamoalar toʻgʻrisida axborot beradi. Musobaqadan soʻng uch kun muddatda 6-bosqich Respublika tashkiliy qoʻmitasi 1. Musobaqaning respublika bosqichini oʻtkazadi. 2. Gʻolib va sovrindorlarni tantanali ravishda diplom, kubok, esdalik va boshqa qimmatbaho sovgʻalar bilan taqdirlaydi. May oyining ikkinchi oʻn kunligida
Vazirlar Mahkamasining 2023-yil 26-iyundagi 261-son qaroriga 3-ILOVA
“Yosh chegarachilar” harbiy-vatanparvarlik musobaqasini oʻtkazish boʻyicha respublika tashkiliy qoʻmitasi
S.S. Kurbanov — DXX Chegara qoʻshinlari qoʻmondonining oʻrinbosari, tashkiliy qoʻmita raisi B.J. Xodjayev — Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligi direktorining birinchi oʻrinbosari A.A. Muminov — Oʻzbekiston Respublikasi transport vaziri oʻrinbosari D.S. Ermatov — Oʻzbekiston Respublikasi Maktabgacha va maktab taʼlimi vazirligi Taʼlim tashkilotlarida tarbiyaviy ishlarni muvofiqlashtirish boshqarmasi boshligʻi J.Sh. Choriyev — Oʻzbekiston mahallalari uyushmasi boshqarma boshligʻi R.N. Kurganov — Oʻzbekiston Respublikasi Sogʻliqni saqlash vazirligining Murojaatlar bilan ishlash va tezkor aloqa boʻlimi boshligʻi I.F. Yunusov — Oʻzbekiston Respublikasi Madaniyat vazirligi Ijodkor yoshlar bilan ishlash boʻlimi boshligʻi M.A. Moʻminov — Oʻzbekiston Respublikasi Yoshlar siyosati va sport vazirligi Yoshlarni vatanparvarlik ruhida tarbiyalash va ularni boʻsh vaqtini mazmunli tashkil etish boʻlimi boshligʻi J.A. Karimov — Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boshligʻining oʻrinbosari Lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari Kelishuvga koʻra — Oʻzbekiston yoshlar ittifoqi Markaziy Kengashi raisining oʻrinbosari Kelishuvga koʻra — Respublika Maʼnaviyat va maʼrifat markazi vakili Kelishuvga koʻra — Oʻzbekiston Davlat muassasalari va jamoat xizmati xodimlari kasaba uyushmasi respublika kengashi vakili A.A. Mamurov — DXX Chegara qoʻshinlari Tarbiyaviy va mafkuraviy ishlar boshqarmasi boʻlim boshligʻi, tashkiliy qoʻmita kotibi
Vazirlar Mahkamasining 2023-yil 26-iyundagi 261-son qaroriga 4-ILOVA
“Yosh chegarachilar” harbiy-vatanparvarlik musobaqasini oʻtkazish boʻyicha viloyat (Qoraqalpogʻiston Respublikasi) tashkiliy qoʻmitasining
Lavozimiga koʻra — DXX Chegara qoʻshinlari Operativ qoʻmondonlik boshligʻining oʻrinbosari, tashkiliy qoʻmita raisi Lavozimiga koʻra — Qoraqalpogʻiston Respublikasi Vazirlar Kengashi Raisining, viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Lavozimiga koʻra — Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligining Qoraqalpogʻiston Respublikasi, viloyat boshqarmasi boshligʻi Lavozimiga koʻra — Qoraqalpogʻiston Respublikasi maktabgacha va maktab taʼlimi vazirining tarbiyaviy ishlar va ixtisoslashtirilgan muassasalarni muvofiqlashtirish boʻyicha oʻrinbosari, Viloyat maktabgacha va maktab taʼlimi boshqarmasi boshligʻining tarbiyaviy ishlar va ixtisoslashtirilgan muassasalarni muvofiqlashtirish boʻyicha oʻrinbosari Lavozimiga koʻra — Respublika tez tibbiy yordam markazi viloyat filiali direktori Lavozimiga koʻra — Oʻzbekiston mahallalari uyushmasining Qoraqalpogʻiston Respublikasi, viloyatlar boshqarmalari boshliqlari Lavozimiga koʻra — Qoraqalpogʻiston Respublikasi madaniyat vazirining oʻrinbosari, viloyat madaniyat boshqarmasi boshligʻi Lavozimiga koʻra — Qoraqalpogʻiston Respublikasi yoshlar siyosati va sport vazirining oʻrinbosari, Viloyat yoshlar siyosati va sport boshqarmasi boshligʻi Lavozimiga koʻra — Qoraqalpogʻiston Respublikasi Ichki ishlar vazirligi Jamoat xavfsizligi xizmati Yoʻl harakati xavfsizligi boshqarmasi boshligʻining birinchi oʻrinbosari, Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati viloyat boshqarmasi boshligʻining birinchi oʻrinbosari Lavozimiga koʻra — Oʻzbekiston yoshlar ittifoqining Qoraqalpogʻiston Respublikasi, viloyat kengashi raisi Lavozimiga koʻra — Respublika Maʼnaviyat va maʼrifat markazining Qoraqalpogʻiston Respublikasi, viloyat boʻlimi rahbari Lavozimiga koʻra — Oʻzbekiston davlat muassasalari va jamoat xizmati xodimlari kasaba uyushmasining Qoraqalpogʻiston kengashi, viloyat kengashi raisi Lavozimiga koʻra — DXX Chegara qoʻshinlari Operativ qoʻmondonligi harbiy xizmatchisi, tashkiliy qoʻmita kotibi
Vazirlar Mahkamasining 2023-yil 26-iyundagi 261-son qaroriga 4a-ILOVA
“Yosh chegarachilar” harbiy-vatanparvarlik musobaqasini oʻtkazish boʻyicha tuman (shahar) tashkiliy qoʻmitasining
Lavozimiga koʻra — DXX Chegara qoʻshinlari harbiy qism komandirining oʻrinbosari, tashkiliy qoʻmita raisi Lavozimiga koʻra — tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Lavozimiga koʻra — Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligining tuman (shahar) boʻlimi boshligʻi Lavozimiga koʻra — Tuman (shahar) maktabgacha va maktab taʼlimi boʻlimi boshligʻi Lavozimiga koʻra — Respublika tez tibbiy yordam markazi tuman filiali direktori Lavozimiga koʻra — Oʻzbekiston mahallalari uyushmasining tuman (shahar) boʻlimi boshligʻi Lavozimiga koʻra — Tuman (shahar) madaniyat boʻlimi boshligʻi Lavozimiga koʻra — Oʻzbekiston yoshlar ittifoqining tuman (shahar) k yengashi raisi Lavozimiga koʻra — Respublika Maʼnaviyat va maʼrifat markazining tuman (shahar) boʻlinmasi rahbari Lavozimiga koʻra — Oʻzbekiston davlat muassasalari va jamoat xizmati xodimlari kasaba uyushmasining tuman (shahar) kengashi raisi Lavozimiga koʻra — DXX Chegara qoʻshinlari harbiy qism harbiy xizmatchisi, tashkiliy qoʻmita kotibi
Oʻzbekiston Respublikasining Bosh vaziri A. ARIPOV
Toshkent sh.,
2023-yil 26-iyun,
261-son