📅 2023-yil 4-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 4 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 июля 2023 г. · Постановления Президента
Официальный текст. Официальный документ. Редакционные примечания не включены.
📅 4 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Самарқанд вилоятининг Нуробод туманида қуввати 500 МВт бўлган қуёш фотоэлектр станциясини, қуввати 334 МВт бўлган электр энергиясини сақлаш тизимини ҳамда унинг фаолиятини таъминлашга хизмат қилувчи подстанцияни қуриш (Sazagan Solar 2)» инвестиция лойиҳасини амалга ошириш чора-тадбирлари тўғрисида
Аҳолини ва иқтисодиёт тармоқларини энергия ресурслари билан барқарор таъминлаш, электр энергияси ишлаб чиқаришда табиий газдан фойдаланишни камайтириш ҳамда қайта тикланувчи энергия манбаларидан фойдаланиш кўламини кенгайтиришга тўғридан-тўғри хорижий инвестицияларни кенг жалб қилиш мақсадида:
1. Қуйидагилар:
а) «ACWA Power Company (Saudi Listed Joint Stock Company)» (Саудия Арабистони) компанияси томонидан (кейинги ўринларда — Инвестор) «Самарқанд вилоятининг Нуробод туманида қуввати 500 МВт бўлган қуёш фотоэлектр станциясини, қуввати 334 МВт бўлган электр энергиясини сақлаш тизимини ҳамда унинг фаолиятини таъминлашга хизмат қилувчи подстанцияни қуриш (Sazagan Solar 2)» инвестиция лойиҳаси (кейинги ўринларда — Инвестиция лойиҳаси) доирасида Ўзбекистон Республикасида масъулияти чекланган жамият шаклидаги «ACWA Power Sazagan Solar 2» хорижий корхонаси (кейинги ўринларда — Лойиҳа компанияси) таъсис этилганлиги;
б) Ўзбекистон Республикаси Ҳукумати номидан Инвестициялар, саноат ва савдо вазирлиги, Инвестор ва Лойиҳа компанияси ўртасида 2023 йил 19 апрелда инвестиция битими (кейинги ўринларда — Инвестиция битими) имзоланганлиги ҳамда унга мувофиқ Инвестор ва Лойиҳа компанияси:
Инвестиция лойиҳасини амалга оширишнинг бутун даври мобайнида Самарқанд вилоятининг Нуробод туманида қуввати 500 МВт бўлган қуёш фотоэлектр станциясини, қуввати 334 МВт бўлган электр энергиясини сақлаш тизимини лойиҳалаштириши, молиялаштириши, қуриши ҳамда эксплуатация қилиши;
юзага келиши мумкин бўлган хавф-хатарларни ўз зиммаларига олган ҳолда, дастлабки баҳолаш бўйича жами 1 049 млн АҚШ доллари миқдорида тўғридан-тўғри хорижий инвестицияларни жалб этиши;
в) «Ўзбекистон миллий электр тармоқлари» АЖ ва Лойиҳа компанияси ўртасида 2023 йил 19 апрелда Электр энергиясини сотиб олиш тўғрисида битим (кейинги ўринларда — Электр энергиясини сотиб олиш тўғрисидаги битим) имзоланганлиги ҳамда унга мувофиқ:
Лойиҳа компанияси ишлаб чиқарилган электр энергиясини «Ўзбекистон миллий электр тармоқлари» АЖга кафолатланган тарзда сотиш мажбуриятини олиши;
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 30 млн АҚШ доллари миқдорида биринчи даражали хорижий банк кафолатини тақдим этиши;
Инвестиция лойиҳаси доирасида фотоэлектр станциясини ягона электр энергияси тармоғига улаш учун подстанция ва ҳаво электр узатиш тармоқлари Лойиҳа компанияси томонидан қурилиши ҳамда ишга туширилгандан сўнг Лойиҳа компанияси уларни «Ўзбекистон миллий электр тармоқлари» АЖга топшириш мажбуриятини олиши;
фотоэлектр станциясини ягона электр энергияси тармоғига улаш учун подстанция ва ҳаво электр узатиш тармоқлари Лойиҳа компанияси томонидан қурилиши ҳамда ушбу ишлар учун сарфланган харажатлар «Ўзбекистон миллий электр тармоқлари» АЖ томонидан 10 йил давомида ойлик тўловлар асосида қопланиши;
Инвестиция лойиҳаси доирасида қуввати 334 МВт бўлган электр энергиясини сақлаш тизими Лойиҳа компанияси томонидан қурилиши ҳамда ишга туширилгандан сўнг Лойиҳа компанияси унинг иш режимини Энергетика вазирлиги ҳузуридаги «Миллий диспетчерлик маркази» ДУКнинг диспетчерлик бошқаруви билан мувофиқлаштириш мажбуриятини ўз зиммасига олиши;
«Ўзбекистон миллий электр тармоқлари» АЖ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши маълумот учун қабул қилинсин.
2. Инвестиция лойиҳасини амалга ошириш доирасида:
Ўзбекистон Республикаси Ҳукумати номидан Инвестициялар, саноат ва савдо вазирлиги, Инвестор ва Лойиҳа компанияси ўртасида имзоланган Инвестиция битими тасдиқлансин;
«Ўзбекистон миллий электр тармоқлари» АЖ ва Лойиҳа компанияси ўртасида тузилган Электр энергиясини сотиб олиш тўғрисидаги битим маъқуллансин.
3. Инвестиция битими ва Электр энергиясини сотиб олиш тўғрисидаги битимга мувофиқ уларнинг амал қилиш муддати давомида электр энергиясининг сотиб олиниши, электр энергиясини сақлаш тизимининг фойдаланишга тайёр ҳолати учун ва ҳаво электр узатиш тармоқларини қуришга сарфланган харажатлар бўйича тўловлар чет эл валютасида деноминацияланган қатъий тариф бўйича амалга оширилиши белгилаб қўйилсин.
4. Инвестициялар, саноат ва савдо вазирлиги, Энергетика вазирлиги ҳамда «Ўзбекистон миллий электр тармоқлари» АЖга Лойиҳа компанияси томонидан Инвестиция лойиҳасини амалга ошириш доирасида имзоланган битимлар бўйича мажбуриятлар бажарилмаган тақдирда, Лойиҳа компанияси ва Инвестор ҳуқуқини Инвестиция лойиҳасини молиялаштиришда иштирок этадиган бошқа кредиторларга тўғридан-тўғри ўтказиш юзасидан битимлар тузиш ҳуқуқи берилсин.
5. «Ўзбекистон миллий электр тармоқлари» АЖга:
Лойиҳа компанияси билан биргаликда Электр энергиясини сотиб олиш тўғрисидаги битимда белгиланган тартиб-таомилларга мувофиқ Инвестиция лойиҳасини амалга ошириш учун халқаро мустақил инжиниринг компаниясини ва бошқа маслаҳатчиларни мажбурий экспертиза ўтказмаган ҳолда танлаб олишга ҳамда улар билан шартномалар тузишга;
Лойиҳа компанияси томонидан ишлаб чиқариладиган электр энергиясини уч ой мобайнида сотиб олиш мажбурияти бажарилишининг таъминоти сифатида Лойиҳа компанияси фойдасига чет эл банкининг чет эл валютасида тасдиқланган ва тикланадиган аккредитивини очишга рухсат берилсин.
6. Иқтисодиёт ва молия вазирига Ўзбекистон Республикаси Ҳукумати номидан «Ўзбекистон миллий электр тармоқлари» АЖнинг аккредитив очадиган хорижий банк олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, ушбу банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
7. Инвестиция лойиҳасини амалга ошириш доирасида Лойиҳа компаниясига, барча солиқлар ва йиғимлар тўланган ҳолда, Инвестиция лойиҳасини молиялаштириш доирасида қуйидаги ҳуқуқлар берилсин:
кредит олиш, чет эл валютасида пул маблағлари олиш ва улардан фойдаланиш (шу жумладан чет эл валютасида кредит тушумлари) учун чет эллардаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
8. Инвестиция лойиҳаси доирасида фотоэлектр панелларини ўрнатиш билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Электр энергиясини сотиб олиш тўғрисидаги битим қоидаларига мувофиқ халқаро стандартлар билан тартибга солиниши белгилаб қўйилсин.
9. Қишлоқ хўжалиги вазирлиги, Сув хўжалиги вазирлиги, Инвестициялар, саноат ва савдо вазирлиги, Самарқанд ва Бухоро вилоятлари ҳокимликларининг Инвестиция лойиҳасини амалга ошириш учун ажратиладиган Самарқанд ва Бухоро вилоятларидаги иловага мувофиқ 1 062 гектар ер участкасини қишлоқ хўжалигига мўлжалланган ерлар тоифасидан саноат ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.
10. Самарқанд, Жиззах, Сирдарё, Тошкент ва Бухоро вилоятлари ҳокимликлари бир ой муддатда Инвестиция битими ва Электр энергиясини сотиб олиш тўғрисидаги битимда кўрсатилган шартларга мос келадиган қуёш фотоэлектр станцияси, электр энергиясини сақлаш тизими ва уларнинг фаолиятини таъминлашга хизмат қилувчи подстанция ҳамда қуриладиган ҳаво электр узатиш тармоқлари учун зарур бўлган ер участкаларини Энергетика вазирлигига доимий фойдаланиш ҳуқуқи билан ажратилишини таъминласин.
Бунда:
а) Энергетика вазирлиги мазкур бандга асосан ўзига берилган тегишли ер участкаси:
қуёш фотоэлектр станцияси ва электр энергиясини сақлаш тизимини қуриш учун Инвестиция лойиҳасини амалга ошириш муддатига тенг даврга Лойиҳа компаниясига;
подстанция ва ҳаво электр узатиш тармоқларини қуриш учун «Ўзбекистон миллий электр тармоқлари» АЖга ижарага берилишини таъминласин;
б) Инвестиция лойиҳасини амалга ошириш доирасида:
Энергетика вазирлиги қишлоқ хўжалигига мўлжалланган ерлардан фойдаланганлик учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинсин;
Лойиҳа компанияси томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
11. Лойиҳа компаниясининг буюртманомасига биноан:
Ташқи ишлар вазирлиги — Инвестиция лойиҳасини амалга ошириш доирасида жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини (муддати узайтирилишини);
Ички ишлар вазирлиги — Лойиҳа компанияси ва Инвестиция лойиҳаси доирасида жалб қилинган пудрат ташкилотларининг хорижий мутахассислари ҳамда уларнинг оила аъзоларига кўп марталик виза муддатлари узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар белгиланган тартибда берилишини (муддати узайтирилишини) таъминласин.
12. Инвестициялар, саноат ва савдо вазирлиги Инвестиция лойиҳаси амалга оширилиши, шунингдек, томонларнинг Инвестиция битими ва Электр энергиясини сотиб олиш тўғрисидаги битим доирасидаги мажбуриятларини бажариши устидан доимий назорат ўрнатсин.
13. Адлия вазирлиги Инвестиция лойиҳасини амалга ошириш доирасида Инвестиция битими ҳамда унинг қоидаларига мувофиқ имзоланган битимлар юзасидан юридик хулосалар берсин.
14. Экология, атроф-муҳитни муҳофаза қилиш ва иқлим ўзгариши вазирлиги лойиҳа ҳужжатлари белгиланган тартибда экологик экспертизадан ўтказилишини ва Инвестиция лойиҳасини амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
15. Мазкур қарорнинг ижросини самарали ташкил этишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 4 июлдаги ПҚ-208-сон қарорига ИЛОВА
«Самарқанд вилоятининг Нуробод туманида қуввати 500 МВт бўлган қуёш фотоэлектр станциясини, қуввати 334 МВт бўлган электр энергиясини сақлаш тизимини ҳамда унинг фаолиятини таъминлашга хизмат қилувчи подстанцияни қуриш (Sazagan Solar 2)» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат ва бошқа мақсадларга мўлжалланган ерлар тоифасига ўтказилаётган ер участкалари
Ҳудуд номи Контур рақами Жами ер участкаси майдони (гектар) Шундан, лалми ерлар, яйловлар ва пичанзорлар (гектар) Фотоэлектр станцияни қуриш учун Самарқанд вилояти Нуробод тумани (Олға массиви) 506қ-507қ-509қ-531қ-932қ-933қ-934қ-935қ-936-937қ-938қ-1000қ-1001қ-1002қ 994 994 Янги қуриладиган подстанция учун Самарқанд вилояти Пастдарғом тумани (Дўстлик-3 массиви) 56 қ, 57 қ 35 35 Янги қуриладиган электр энергиясини сақлаш тизими учун Бухоро вилояти Қоракўл тумани 2474 қ 33 33 Жами 1062 1062
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 4 июль,
ПҚ-208-сон
Oʻzbekiston Respublikasi Prezidentining
Qarori
ROʻYXATI
“Samarqand viloyatining Nurobod tumanida quvvati 500 MVt boʻlgan quyosh fotoelektr stansiyasini, quvvati 334 MVt boʻlgan elektr energiyasini saqlash tizimini hamda uning faoliyatini taʼminlashga xizmat qiluvchi podstansiyani qurish (Sazagan Solar 2)” investitsiya loyihasini amalga oshirish chora-tadbirlari toʻgʻrisida
Aholini va iqtisodiyot tarmoqlarini energiya resurslari bilan barqaror taʼminlash, elektr energiyasi ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish koʻlamini kengaytirishga toʻgʻridan-toʻgʻri xorijiy investitsiyalarni keng jalb qilish maqsadida:
1. Quyidagilar:
a) “ACWA Power Company (Saudi Listed Joint Stock Company)” (Saudiya Arabistoni) kompaniyasi tomonidan (keyingi oʻrinlarda — Investor) “Samarqand viloyatining Nurobod tumanida quvvati 500 MVt boʻlgan quyosh fotoelektr stansiyasini, quvvati 334 MVt boʻlgan elektr energiyasini saqlash tizimini hamda uning faoliyatini taʼminlashga xizmat qiluvchi podstansiyani qurish (Sazagan Solar 2)” investitsiya loyihasi (keyingi oʻrinlarda — Investitsiya loyihasi) doirasida Oʻzbekiston Respublikasida masʼuliyati cheklangan jamiyat shaklidagi “ACWA Power Sazagan Solar 2” xorijiy korxonasi (keyingi oʻrinlarda — Loyiha kompaniyasi) taʼsis etilganligi;
b) Oʻzbekiston Respublikasi Hukumati nomidan Investitsiyalar, sanoat va savdo vazirligi, Investor va Loyiha kompaniyasi oʻrtasida 2023-yil 19-aprelda investitsiya bitimi (keyingi oʻrinlarda — Investitsiya bitimi) imzolanganligi hamda unga muvofiq Investor va Loyiha kompaniyasi:
Investitsiya loyihasini amalga oshirishning butun davri mobaynida Samarqand viloyatining Nurobod tumanida quvvati 500 MVt boʻlgan quyosh fotoelektr stansiyasini, quvvati 334 MVt boʻlgan elektr energiyasini saqlash tizimini loyihalashtirishi, moliyalashtirishi, qurishi hamda ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmalariga olgan holda, dastlabki baholash boʻyicha jami 1 049 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
v) “Oʻzbekiston milliy elektr tarmoqlari” AJ va Loyiha kompaniyasi oʻrtasida 2023-yil 19-aprelda Elektr energiyasini sotib olish toʻgʻrisida bitim (keyingi oʻrinlarda — Elektr energiyasini sotib olish toʻgʻrisidagi bitim) imzolanganligi hamda unga muvofiq:
Loyiha kompaniyasi ishlab chiqarilgan elektr energiyasini “Oʻzbekiston milliy elektr tarmoqlari” AJga kafolatlangan tarzda sotish majburiyatini olishi;
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 30 mln AQSH dollari miqdorida birinchi darajali xorijiy bank kafolatini taqdim etishi;
Investitsiya loyihasi doirasida fotoelektr stansiyasini yagona elektr energiyasi tarmogʻiga ulash uchun podstansiya va havo elektr uzatish tarmoqlari Loyiha kompaniyasi tomonidan qurilishi hamda ishga tushirilgandan soʻng Loyiha kompaniyasi ularni “Oʻzbekiston milliy elektr tarmoqlari” AJga topshirish majburiyatini olishi;
fotoelektr stansiyasini yagona elektr energiyasi tarmogʻiga ulash uchun podstansiya va havo elektr uzatish tarmoqlari Loyiha kompaniyasi tomonidan qurilishi hamda ushbu ishlar uchun sarflangan xarajatlar “Oʻzbekiston milliy elektr tarmoqlari” AJ tomonidan 10 yil davomida oylik toʻlovlar asosida qoplanishi;
Investitsiya loyihasi doirasida quvvati 334 MVt boʻlgan elektr energiyasini saqlash tizimi Loyiha kompaniyasi tomonidan qurilishi hamda ishga tushirilgandan soʻng Loyiha kompaniyasi uning ish rejimini Energetika vazirligi huzuridagi “Milliy dispetcherlik markazi” DUKning dispetcherlik boshqaruvi bilan muvofiqlashtirish majburiyatini oʻz zimmasiga olishi;
“Oʻzbekiston milliy elektr tarmoqlari” AJ 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi maʼlumot uchun qabul qilinsin.
2. Investitsiya loyihasini amalga oshirish doirasida:
Oʻzbekiston Respublikasi Hukumati nomidan Investitsiyalar, sanoat va savdo vazirligi, Investor va Loyiha kompaniyasi oʻrtasida imzolangan Investitsiya bitimi tasdiqlansin;
“Oʻzbekiston milliy elektr tarmoqlari” AJ va Loyiha kompaniyasi oʻrtasida tuzilgan Elektr energiyasini sotib olish toʻgʻrisidagi bitim maʼqullansin.
3. Investitsiya bitimi va Elektr energiyasini sotib olish toʻgʻrisidagi bitimga muvofiq ularning amal qilish muddati davomida elektr energiyasining sotib olinishi, elektr energiyasini saqlash tizimining foydalanishga tayyor holati uchun va havo elektr uzatish tarmoqlarini qurishga sarflangan xarajatlar boʻyicha toʻlovlar chet el valyutasida denominatsiyalangan qatʼiy tarif boʻyicha amalga oshirilishi belgilab qoʻyilsin.
4. Investitsiyalar, sanoat va savdo vazirligi, Energetika vazirligi hamda “Oʻzbekiston milliy elektr tarmoqlari” AJga Loyiha kompaniyasi tomonidan Investitsiya loyihasini amalga oshirish doirasida imzolangan bitimlar boʻyicha majburiyatlar bajarilmagan taqdirda, Loyiha kompaniyasi va Investor huquqini Investitsiya loyihasini moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish yuzasidan bitimlar tuzish huquqi berilsin.
5. “Oʻzbekiston milliy elektr tarmoqlari” AJga:
Loyiha kompaniyasi bilan birgalikda Elektr energiyasini sotib olish toʻgʻrisidagi bitimda belgilangan tartib-taomillarga muvofiq Investitsiya loyihasini amalga oshirish uchun xalqaro mustaqil injiniring kompaniyasini va boshqa maslahatchilarni majburiy ekspertiza oʻtkazmagan holda tanlab olishga hamda ular bilan shartnomalar tuzishga;
Loyiha kompaniyasi tomonidan ishlab chiqariladigan elektr energiyasini uch oy mobaynida sotib olish majburiyati bajarilishining taʼminoti sifatida Loyiha kompaniyasi foydasiga chet el bankining chet el valyutasida tasdiqlangan va tiklanadigan akkreditivini ochishga ruxsat berilsin.
6. Iqtisodiyot va moliya vaziriga Oʻzbekiston Respublikasi Hukumati nomidan “Oʻzbekiston milliy elektr tarmoqlari” AJning akkreditiv ochadigan xorijiy bank oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, ushbu bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
7. Investitsiya loyihasini amalga oshirish doirasida Loyiha kompaniyasiga, barcha soliqlar va yigʻimlar toʻlangan holda, Investitsiya loyihasini moliyalashtirish doirasida quyidagi huquqlar berilsin:
kredit olish, chet el valyutasida pul mablagʻlari olish va ulardan foydalanish (shu jumladan chet el valyutasida kredit tushumlari) uchun chet ellardagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
8. Investitsiya loyihasi doirasida fotoelektr panellarini oʻrnatish bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Elektr energiyasini sotib olish toʻgʻrisidagi bitim qoidalariga muvofiq xalqaro standartlar bilan tartibga solinishi belgilab qoʻyilsin.
9. Qishloq xoʻjaligi vazirligi, Suv xoʻjaligi vazirligi, Investitsiyalar, sanoat va savdo vazirligi, Samarqand va Buxoro viloyatlari hokimliklarining Investitsiya loyihasini amalga oshirish uchun ajratiladigan Samarqand va Buxoro viloyatlaridagi ilovaga muvofiq 1 062 gektar yer uchastkasini qishloq xoʻjaligiga moʻljallangan yerlar toifasidan sanoat va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
10. Samarqand, Jizzax, Sirdaryo, Toshkent va Buxoro viloyatlari hokimliklari bir oy muddatda Investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan quyosh fotoelektr stansiyasi, elektr energiyasini saqlash tizimi va ularning faoliyatini taʼminlashga xizmat qiluvchi podstansiya hamda quriladigan havo elektr uzatish tarmoqlari uchun zarur boʻlgan yer uchastkalarini Energetika vazirligiga doimiy foydalanish huquqi bilan ajratilishini taʼminlasin.
Bunda:
a) Energetika vazirligi mazkur bandga asosan oʻziga berilgan tegishli yer uchastkasi:
quyosh fotoelektr stansiyasi va elektr energiyasini saqlash tizimini qurish uchun Investitsiya loyihasini amalga oshirish muddatiga teng davrga Loyiha kompaniyasiga;
podstansiya va havo elektr uzatish tarmoqlarini qurish uchun “Oʻzbekiston milliy elektr tarmoqlari” AJga ijaraga berilishini taʼminlasin;
b) Investitsiya loyihasini amalga oshirish doirasida:
Energetika vazirligi qishloq xoʻjaligiga moʻljallangan yerlardan foydalanganlik uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinsin;
Loyiha kompaniyasi tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
11. Loyiha kompaniyasining buyurtmanomasiga binoan:
Tashqi ishlar vazirligi — Investitsiya loyihasini amalga oshirish doirasida jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini (muddati uzaytirilishini);
Ichki ishlar vazirligi — Loyiha kompaniyasi va Investitsiya loyihasi doirasida jalb qilingan pudrat tashkilotlarining xorijiy mutaxassislari hamda ularning oila aʼzolariga koʻp martalik viza muddatlari uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar belgilangan tartibda berilishini (muddati uzaytirilishini) taʼminlasin.
12. Investitsiyalar, sanoat va savdo vazirligi Investitsiya loyihasi amalga oshirilishi, shuningdek, tomonlarning Investitsiya bitimi va Elektr energiyasini sotib olish toʻgʻrisidagi bitim doirasidagi majburiyatlarini bajarishi ustidan doimiy nazorat oʻrnatsin.
13. Adliya vazirligi Investitsiya loyihasini amalga oshirish doirasida Investitsiya bitimi hamda uning qoidalariga muvofiq imzolangan bitimlar yuzasidan yuridik xulosalar bersin.
14. Ekologiya, atrof-muhitni muhofaza qilish va iqlim oʻzgarishi vazirligi loyiha hujjatlari belgilangan tartibda ekologik ekspertizadan oʻtkazilishini va Investitsiya loyihasini amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
15. Mazkur qarorning ijrosini samarali tashkil etishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 4-iyuldagi PQ-208-son qaroriga ILOVA
“Samarqand viloyatining Nurobod tumanida quvvati 500 MVt boʻlgan quyosh fotoelektr stansiyasini, quvvati 334 MVt boʻlgan elektr energiyasini saqlash tizimini hamda uning faoliyatini taʼminlashga xizmat qiluvchi podstansiyani qurish (Sazagan Solar 2)” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat va boshqa maqsadlarga moʻljallangan yerlar toifasiga oʻtkazilayotgan yer uchastkalari
Hudud nomi Kontur raqami Jami yer uchastkasi maydoni (gektar) Shundan, lalmi yerlar, yaylovlar va pichanzorlar (gektar) Fotoelektr stansiyani qurish uchun Samarqand viloyati Nurobod tumani (Olgʻa massivi) 506q-507q-509q-531q-932q-933q-934q-935q-936-937q-938q-1000q-1001q-1002q 994 994 Yangi quriladigan podstansiya uchun Samarqand viloyati Pastdargʻom tumani (Doʻstlik-3 massivi) 56 q, 57 q 35 35 Yangi quriladigan elektr energiyasini saqlash tizimi uchun Buxoro viloyati Qorakoʻl tumani 2474 q 33 33 Jami 1062 1062
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 4-iyul,
PQ-208-son
Президента Республики Узбекистан
Постановление
ПЕРЕЧЕНЬ
О мерах по реализации инвестиционного проекта «Строительство солнечной фотоэлектрической станции мощностью 500 МВт, системы накопления электрической энергии мощностью 334 МВт и подстанции, способствующей обеспечению ее функционирования, в Нурабадском районе Самаркандской области — Sazagan Solar 2»
В целях стабильного обеспечения населения и отраслей экономики энергоресурсами, сокращения потребления природного газа при выработке электроэнергии, а также широкого привлечения прямых иностранных инвестиций для расширения масштаба использования возобновляемых источников энергии:
1. Принять к сведению, что:
а) компанией «ACWA Power Company (Saudi Listed Joint Stock Company)» (Саудовская Аравия) (далее — Инвестор) в рамках инвестиционного проекта «Строительство солнечной фотоэлектрической станции мощностью 500 МВт, системы накопления электрической энергии мощностью 334 МВт и подстанции, способствующей обеспечению ее функционирования, в Нурабадском районе Самаркандской области — Sazagan Solar 2» (далее — Инвестиционный проект) в Республике Узбекистан учреждено иностранное предприятие в форме общества с ограниченной ответственностью «ACWA Power Sazagan Solar 2» (далее — Проектная компания);
б) между Правительством Республики Узбекистан в лице Министерства инвестиций, промышленности и торговли, Инвестором и Проектной компанией 19 апреля 2023 года подписано инвестиционное соглашение (далее — Инвестиционное соглашение), предусматривающее осуществление Инвестором и Проектной компанией:
проектирования, финансирования, строительства и эксплуатации солнечной фотоэлектрической станции мощностью 500 МВт, системы накопления электрической энергии мощностью 334 МВт в Нурабадском районе Самаркандской области на протяжении всего периода реализации Инвестиционного проекта;
привлечения прямых иностранных инвестиций в размере по предварительной оценке всего 1 049 млн долларов США с принятием на себя возможных рисков;
в) между АО «Национальные электрические сети Узбекистана» и Проектной компанией 19 апреля 2023 года подписано Соглашение о закупке электрической энергии (далее — Соглашение о закупке электрической энергии), в соответствии с которым:
Проектная компания приняла обязательство по гарантированной продаже произведенной электрической энергии АО «Национальные электрические сети Узбекистана»;
Проектная компания в качестве обеспечения надлежащего исполнения своих обязательств в период строительства предоставила гарантию первоклассного иностранного банка в размере 30 млн долларов США;
Проектная компания в рамках Инвестиционного проекта приняла обязательство по строительству подстанции и воздушных линий электропередач для подключения солнечной фотоэлектрической станции к единой электроэнергетической сети, после их ввода в эксплуатацию — передаче АО «Национальные электрические сети Узбекистана»;
строительство подстанции и воздушных линий электропередач для подключения солнечной фотоэлектрической станции к единой электроэнергетической сети осуществляется Проектной компанией, а также расходы, затраченные на указанные работы, покрываются АО «Национальные электрические сети Узбекистана» в течение 10 лет на основе ежемесячных платежей;
Проектная компания в рамках Инвестиционного проекта приняла обязательство по строительству системы накопления электрической энергии мощностью 334 МВт, после ввода в эксплуатацию — координации ее рабочего режима с диспетчерским управлением ГУП «Национальный диспетчерский центр» при Министерстве энергетики;
АО «Национальные электрические сети Узбекистана» приняло обязательство по гарантированной закупке электрической энергии и осуществлению оплаты за электрическую энергию в национальной валюте в течение 25 лет.
2. В рамках реализации Инвестиционного проекта:
утвердить Инвестиционное соглашение, подписанное между Правительством Республики Узбекистан в лице Министерства инвестиций, промышленности и торговли, Инвестором и Проектной компанией;
одобрить Соглашение о закупке электрической энергии, заключенное между АО «Национальные электрические сети Узбекистана» и Проектной компанией.
3. Определить, что в соответствии с Инвестиционным соглашением и Соглашением о закупке электрической энергии в течение срока их действия платежи по закупке электроэнергии, расходам за состояние готовности к использованию системы накопления электрической энергии и строительство воздушных линий электропередач осуществляются по фиксированному тарифу, деноминированному в иностранной валюте.
4. Предоставить Министерству инвестиций, промышленности и торговли, Министерству энергетики и АО «Национальные электрические сети Узбекистана» право на заключение соглашений о прямой передаче прав Проектной компании и Инвестора другим кредиторам, принимающим участие в финансировании Инвестиционного проекта, в случае неисполнения Проектной компанией обязательств по соглашениям, подписанным в рамках реализации Инвестиционного проекта.
5. Разрешить АО «Национальные электрические сети Узбекистана»:
проведение совместно с Проектной компанией отбора и заключение договоров с международными независимыми инжиниринговыми компаниями и иными консультантами для реализации Инвестиционного проекта без проведения обязательной экспертизы в соответствии с процедурами, определенными в Соглашении о закупке электрической энергии;
открытие подтвержденного в иностранной валюте, возобновляемого аккредитива иностранного банка, в пользу Проектной компании в качестве обеспечения исполнения обязательства закупки на протяжении трех месяцев производимой Проектной компанией электрической энергии.
6. Уполномочить министра экономики и финансов подписать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения обязательств АО «Национальные электрические сети Узбекистана» перед вышеуказанным банком под гарантию Азиатского банка развития, Всемирного банка либо Европейского банка реконструкции и развития.
7. Предоставить Проектной компании в рамках реализации Инвестиционного проекта после оплаты всех налогов и сборов следующие права в рамках финансирования Инвестиционного проекта:
открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
8. Установить, что в рамках Инвестиционного проекта нормы и правила выполнения строительных и земельных работ, связанных с установкой фотоэлектрических панелей, а также проектирования фундаментов зданий и сооружений регулируются международными стандартами в соответствии с положениями Соглашения о закупке электрической энергии.
9. Согласиться с предложением Министерства сельского хозяйства, Министерства водного хозяйства, Министерства инвестиций, промышленности и торговли, а также хокимиятов Самаркандской и Бухарской областей о переводе 1 062 гектаров земельных участков на территории Самаркандской и Бухарской областей, выделяемых для реализации Инвестиционного проекта, из категории земель сельскохозяйственного назначения в категорию земель промышленного и иного назначения согласно приложению .
10. Хокимиятам Самаркандской, Джизакской, Сырдарьинской, Ташкентской и Бухарской областей в месячный срок обеспечить выделение Министерству энергетики земельных участков, соответствующих условиям, указанным в Инвестиционном соглашении и Соглашении о закупке электрической энергии, необходимых для солнечной фотоэлектрической станции, системы накопления электрической энергии, подстанции, способствующей обеспечению их функционирования, а также строящихся воздушных линий электропередач, с правом постоянного пользования.
При этом:
а) Министерству энергетики обеспечить предоставление в аренду соответствующих земельных участков, переданных ему на основании настоящего пункта:
Проектной компании — для строительства солнечной фотоэлектрической станции и системы накопления электрической энергии на период, равный сроку реализации Инвестиционного проекта;
АО «Национальные электрические сети Узбекистана» — для строительства подстанции и воздушных линий электропередач;
б) в рамках реализации Инвестиционного проекта:
освободить Министерство энергетики от возмещения потерь сельскохозяйственного производства (компенсационных выплат) за использование земель сельскохозяйственного назначения;
приравнять размер арендной платы, оплачиваемой Проектной компанией за земельные участки, к размеру земельного налога.
11. По заявкам Проектной компании обеспечить:
Министерству иностранных дел — оформление (продление) в установленном порядке въездных виз зарубежным специалистам, привлекаемым в рамках реализации Инвестиционного проекта, при необходимости в международном аэропорту «Ташкент» имени Ислама Каримова;
Министерству внутренних дел — продление срока действия многоразовых виз, а также регистрацию и ее продление по месту пребывания зарубежным специалистам Проектной компании и подрядных организаций, привлеченным в рамках Инвестиционного проекта, а также членам их семей;
Министерству занятости и сокращения бедности — выдачу (продление) в установленном порядке иностранным гражданам подтверждений на право осуществления трудовой деятельности на территории Республики Узбекистан.
12. Министерству инвестиций, промышленности и торговли установить постоянный контроль за реализацией Инвестиционного проекта, а также выполнением сторонами обязательств в рамках Инвестиционного соглашения и Соглашения о закупке электрической энергии.
13. Министерству юстиции выдать юридические заключения по Инвестиционному соглашению и соглашениям, подписанным в соответствии с его положениями, в рамках реализации Инвестиционного проекта.
14. Министерству экологии, охраны окружающей среды и изменения климата обеспечить в установленном порядке проведение экологической экспертизы проектной документации и соблюдение актов законодательства по охране природы при реализации Инвестиционного проекта.
15. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 4 июля 2023 года № ПП-208
земельных участков, переводимых из категории земель сельскохозяйственного назначения в категорию земель промышленного и иного назначения в рамках реализации инвестиционного проекта «Строительство солнечной фотоэлектрической станции мощностью 500 МВт, системы накопления электрической энергии мощностью 334 МВт и подстанции, способствующей обеспечению ее функционирования, в Нурабадском районе Самаркандской области — Sazagan Solar 2»
Наименование территории Номер контура Общая площадь земельного участка (в гектарах) Из них богарные земли, пастбища и сенокосы (в гектарах) Для строительства фотоэлектрической станции Самаркандская область, Нурабадский район (массив Олга) 506к-507к-509к-531к-932к-933к-934к-935к-936-937к-938к-1000к-1001к-1002к 994 994 Для строящейся новой подстанции Самаркандская область, Пастдаргомский район (массив Дустлик-3) 56 к, 57 к 35 35 Для строящейся новой системы накопления электрической энергии Бухарская область, Каракульский район 2474 к 33 33 Всего 1 062 1 062
Президент Республики Узбекистан Ш. МИРЗИЁЕВ
г. Ташкент,
4 июля 2023 г.,
№ ПП-208