📅 2023-yil 5-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 5 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 июля 2023 г. · Постановления Президента
Официальный текст. Официальный документ. Редакционные примечания не включены.
📅 5 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Сурхондарё вилоятида қуввати 1500 — 1600 МВт бўлган буғ-газ электр станцияси қурилишига оид қўшимча чора-тадбирлар тўғрисида
[Кўчирма]
Сурхондарё вилоятида қурилаётган иссиқлик электр станциясининг қурилишини жадаллаштириш ҳамда аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Қуйидагилар:
а) «Stone City Energy» компанияси (Нидерландия) (кейинги ўринларда — Инвестор) томонидан «Сурхондарё вилоятида қуввати 1 500 — 1 600 МВт бўлган буғ-газ электр станциясини қуриш» инвестиция лойиҳаси (кейинги ўринларда — Инвестиция лойиҳаси) тўғридан-тўғри хорижий инвестициялар ҳисобига амалга оширилаётганлиги;
б) Инвестиция лойиҳасини амалга ошириш мақсадида Инвестор томонидан «SCE Quvvat» МЧЖ (кейинги ўринларда — Лойиҳа компанияси) ташкил этилганлиги;
в) Ўзбекистон Республикаси Ҳукумати номидан Инвестициялар, саноат ва савдо вазирлиги, Инвестор ва Лойиҳа компанияси ўртасида 2021 йил 22 апрелда инвестиция битими (кейинги ўринларда — Инвестиция битими) имзоланганлиги;
г) «Ўзбекистон миллий электр тармоқлари» АЖ ва Лойиҳа компанияси ўртасида 2021 йил 22 апрелда Инвестиция лойиҳаси доирасида Электр энергиясини сотиб олиш тўғрисидаги битим (кейинги ўринларда — Электр энергиясини сотиб олиш тўғрисидаги битим) имзоланганлиги;
д) Инвестиция лойиҳасини молиялаштиришда Ислом тараққиёт банки (IDB) ва Хусусий секторни ривожлантириш бўйича Ислом корпорацияси (ICD) ҳамда бошқа кредиторлар иштирок этиши;
е) кредиторлар талабларига мувофиқ Инвестиция битими ва Электр энергиясини сотиб олиш тўғрисидаги битимга ўзгартириш ва қўшимчалар киритилганлиги маълумот учун қабул қилинсин.
2. Инвестиция лойиҳасини амалга ошириш доирасида:
Инвестиция битимига 2023 йил 29 июнда киритилган ўзгартириш ва қўшимчалар тасдиқлансин;
Электр энергиясини сотиб олиш тўғрисидаги битимга 2023 йил 8 майда киритилган ўзгартириш ва қўшимчалар маъқуллансин.
3. Белгилансинки, Инвестиция лойиҳасини молиялаштириш доирасида:
а) Ислом тараққиёт банки ва Хусусий секторни ривожлантириш бўйича Ислом корпорацияси томонидан Ўзбекистон Республикасининг амалдаги қонунчилигига зид бўлмаган тегишли Ислом молиялаштириш тузилмалари ва келишувларидан фойдаланилади.
Бунда Ўзбекистон Республикаси ва Саудия Арабистони Қироллиги ўртасида Солиқ шартномаси, шунингдек, Ислом тараққиёт банки ва Хусусий секторни ривожлантириш бўйича Ислом корпорацияси билан шартномалар тузилган бўлиб, улар ушбу Ислом молиялаштириш тузилмалари ва келишувларига нисбатан қўлланилади;
б) қуйидаги Ислом молиялаштириш тузилмалари ва келишувларидан фойдаланилади:
Ислом тараққиёт банки томонидан, шу жумладан бўлиб-бўлиб тўлаш тўғрисидаги асосий келишув, агентлик шартномаси (сотиб олиш мажбурияти), англашув меморандуми, тўловни амалга ошириш тўғрисидаги мурожаат, ушбу молиялаштириш усулининг бир қисми сифатида талаб қилинадиган тўловлар ва бошқа тегишли шартномалар ва воситаларга нисбатан тузиладиган ҳар қандай трансфер акти (сертификат);
Хусусий секторни ривожлантириш бўйича Ислом корпорацияси томонидан «Истисна» харид шартномаси, «форвард» ижара шартномаси, сотиб олиш ва сотиш мажбурияти, хизмат кўрсатиш агентлиги шартномаси (инвестиция агентлиги шартномаси), тўловни амалга ошириш тўғрисидаги мурожаат, ушбу молиялаштириш усулининг бир қисми сифатида талаб қилинадиган тўловлар ва бошқа тегишли шартномалар ва воситаларга нисбатан тузиладиган ҳар қандай трансфер акти (сертификат).
Бунда молиялаштириш шартномалари сифатида Ислом молиялаштириш тузилмалари ва Хусусий секторни ривожлантириш бўйича Ислом корпорацияси томонидан қўлланиладиган шартномалар молиявий ижара ҳисобланади;
в) Ислом тараққиёт банки ва Хусусий секторни ривожлантириш бўйича Ислом корпорацияси томонидан ажратилаётган маблағлар капитал ҳаракати операцияси сифатида таснифланади ҳамда ташқи савдо операцияларига нисбатан қўлланиладиган рўйхатдан ўтиш талабидан озод этилади.
4. Адлия вазирлиги Инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулосалар берсин.
5. Ўзбекистон Республикаси Президентининг айрим ҳужжатларига иловага мувофиқ қўшимча ва ўзгартиришлар киритилсин.
6. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 5 июлдаги ПҚ-215-сон қарорига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 23 февралдаги «Бухоро вилоятининг Пешку туманида қуввати 300 — 500 МВт бўлган шамол электр станциясини қуриш» инвестиция лойиҳасини амалга ошириш чора-тадбирлари тўғрисида»ги ПҚ-5001-сон қарорининг 7-банди қуйидаги мазмундаги олтинчи хатбоши билан тўлдирилсин:
«учувчисиз учиш аппаратларини (дрон) харид қилиш ва белгиланган тартибда улар орқали қурилиш ишларининг мониторингини олиб бориш».
2. Ўзбекистон Республикаси Президентининг 2021 йил 23 февралдаги «Бухоро вилоятининг Ғиждувон туманида қуввати 500 МВт бўлган шамол электр станциясини қуриш» инвестиция лойиҳасини амалга ошириш чора-тадбирлари тўғрисида»ги ПҚ-5003-сон қарорининг 7-банди қуйидаги мазмундаги олтинчи хатбоши билан тўлдирилсин:
«учувчисиз учиш аппаратларини (дрон) харид қилиш ва белгиланган тартибда улар орқали қурилиш ишларининг мониторингини олиб бориш».
3. Ўзбекистон Республикаси Президентининг 2021 йил 24 июлдаги «Сурхондарё вилоятида қуввати 1500 — 1600 МВт бўлган буғ-газ электр станцияси қурилишини ташкил этиш бўйича чора-тадбирлар тўғрисида»ги ПҚ-5193-сон қарорида :
а) 4-банддаги «Инвестициялар ва ташқи савдо вазирлиги, «Ўзбекистон миллий электр тармоқлари» АЖ ва Сурхондарё вилояти ҳокимлигига» сўзлари «Инвестициялар, саноат ва савдо вазирлиги, «Ўзбекистон миллий электр тармоқлари» АЖ, Давлат активларини бошқариш агентлиги ва Сурхондарё вилояти ҳокимлигига» сўзлари билан алмаштирилсин;
б) 9-банд қуйидаги мазмундаги учинчи хатбоши билан тўлдирилсин:
«Лойиҳа доирасида ижарага бериладиган ер участкаси учун тўлов Лойиҳа компанияси томонидан амалга оширилиб, тўлов қиймати ер солиғи қийматига тенглаштирилсин».
4. Ўзбекистон Республикаси Президентининг 2022 йил 18 мартдаги «Қорақалпоғистон Республикаси Қораўзак туманида қуввати 100 МВт бўлган шамол электр станциясини давлат-хусусий шериклик шартлари асосида қуриш ва бошқариш» лойиҳасини амалга ошириш чора-тадбирлари тўғрисида»ги ПҚ-169-сон қарорининг 6-банди қуйидаги мазмундаги бешинчи хатбоши билан тўлдирилсин:
«учувчисиз учиш аппаратларини (дрон) харид қилиш ва белгиланган тартибда улар орқали қурилиш ишларининг мониторингини олиб бориш».
Илованинг 5-банди эълон қилинмайди.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 5 июль,
ПҚ-215-сон
Oʻzbekiston Respublikasi Prezidentining
Qarori
Surxondaryo viloyatida quvvati 1500 — 1600 MVt boʻlgan bugʻ-gaz elektr stansiyasi qurilishiga oid qoʻshimcha chora-tadbirlar toʻgʻrisida
[Koʻchirma]
Surxondaryo viloyatida qurilayotgan issiqlik elektr stansiyasining qurilishini jadallashtirish hamda aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Quyidagilar:
a) “Stone City Energy” kompaniyasi (Niderlandiya) (keyingi oʻrinlarda — Investor) tomonidan “Surxondaryo viloyatida quvvati 1 500 — 1 600 MVt boʻlgan bugʻ-gaz elektr stansiyasini qurish” investitsiya loyihasi (keyingi oʻrinlarda — Investitsiya loyihasi) toʻgʻridan-toʻgʻri xorijiy investitsiyalar hisobiga amalga oshirilayotganligi;
b) Investitsiya loyihasini amalga oshirish maqsadida Investor tomonidan “SCE Quvvat” MChJ (keyingi oʻrinlarda — Loyiha kompaniyasi) tashkil etilganligi;
v) Oʻzbekiston Respublikasi Hukumati nomidan Investitsiyalar, sanoat va savdo vazirligi, Investor va Loyiha kompaniyasi oʻrtasida 2021-yil 22-aprelda investitsiya bitimi (keyingi oʻrinlarda — Investitsiya bitimi) imzolanganligi;
g) “Oʻzbekiston milliy elektr tarmoqlari” AJ va Loyiha kompaniyasi oʻrtasida 2021-yil 22-aprelda Investitsiya loyihasi doirasida Elektr energiyasini sotib olish toʻgʻrisidagi bitim (keyingi oʻrinlarda — Elektr energiyasini sotib olish toʻgʻrisidagi bitim) imzolanganligi;
d) Investitsiya loyihasini moliyalashtirishda Islom taraqqiyot banki (IDB) va Xususiy sektorni rivojlantirish boʻyicha Islom korporatsiyasi (ICD) hamda boshqa kreditorlar ishtirok etishi;
e) kreditorlar talablariga muvofiq Investitsiya bitimi va Elektr energiyasini sotib olish toʻgʻrisidagi bitimga oʻzgartirish va qoʻshimchalar kiritilganligi maʼlumot uchun qabul qilinsin.
2. Investitsiya loyihasini amalga oshirish doirasida:
Investitsiya bitimiga 2023-yil 29-iyunda kiritilgan oʻzgartirish va qoʻshimchalar tasdiqlansin;
Elektr energiyasini sotib olish toʻgʻrisidagi bitimga 2023-yil 8-mayda kiritilgan oʻzgartirish va qoʻshimchalar maʼqullansin.
3. Belgilansinki, Investitsiya loyihasini moliyalashtirish doirasida:
a) Islom taraqqiyot banki va Xususiy sektorni rivojlantirish boʻyicha Islom korporatsiyasi tomonidan Oʻzbekiston Respublikasining amaldagi qonunchiligiga zid boʻlmagan tegishli Islom moliyalashtirish tuzilmalari va kelishuvlaridan foydalaniladi.
Bunda Oʻzbekiston Respublikasi va Saudiya Arabistoni Qirolligi oʻrtasida Soliq shartnomasi, shuningdek, Islom taraqqiyot banki va Xususiy sektorni rivojlantirish boʻyicha Islom korporatsiyasi bilan shartnomalar tuzilgan boʻlib, ular ushbu Islom moliyalashtirish tuzilmalari va kelishuvlariga nisbatan qoʻllaniladi;
b) quyidagi Islom moliyalashtirish tuzilmalari va kelishuvlaridan foydalaniladi:
Islom taraqqiyot banki tomonidan, shu jumladan boʻlib-boʻlib toʻlash toʻgʻrisidagi asosiy kelishuv, agentlik shartnomasi (sotib olish majburiyati), anglashuv memorandumi, toʻlovni amalga oshirish toʻgʻrisidagi murojaat, ushbu moliyalashtirish usulining bir qismi sifatida talab qilinadigan toʻlovlar va boshqa tegishli shartnomalar va vositalarga nisbatan tuziladigan har qanday transfer akti (sertifikat);
Xususiy sektorni rivojlantirish boʻyicha Islom korporatsiyasi tomonidan “Istisna” xarid shartnomasi, “forvard” ijara shartnomasi, sotib olish va sotish majburiyati, xizmat koʻrsatish agentligi shartnomasi (investitsiya agentligi shartnomasi), toʻlovni amalga oshirish toʻgʻrisidagi murojaat, ushbu moliyalashtirish usulining bir qismi sifatida talab qilinadigan toʻlovlar va boshqa tegishli shartnomalar va vositalarga nisbatan tuziladigan har qanday transfer akti (sertifikat).
Bunda moliyalashtirish shartnomalari sifatida Islom moliyalashtirish tuzilmalari va Xususiy sektorni rivojlantirish boʻyicha Islom korporatsiyasi tomonidan qoʻllaniladigan shartnomalar moliyaviy ijara hisoblanadi;
v) Islom taraqqiyot banki va Xususiy sektorni rivojlantirish boʻyicha Islom korporatsiyasi tomonidan ajratilayotgan mablagʻlar kapital harakati operatsiyasi sifatida tasniflanadi hamda tashqi savdo operatsiyalariga nisbatan qoʻllaniladigan roʻyxatdan oʻtish talabidan ozod etiladi.
4. Adliya vazirligi Investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosalar bersin.
5. Oʻzbekiston Respublikasi Prezidentining ayrim hujjatlariga ilovaga muvofiq qoʻshimcha va oʻzgartirishlar kiritilsin.
6. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 5-iyuldagi PQ-215-son qaroriga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 23-fevraldagi “Buxoro viloyatining Peshku tumanida quvvati 300 — 500 MVt boʻlgan shamol elektr stansiyasini qurish” investitsiya loyihasini amalga oshirish chora-tadbirlari toʻgʻrisida”gi PQ-5001-son qarorining 7-bandi quyidagi mazmundagi oltinchi xatboshi bilan toʻldirilsin:
“uchuvchisiz uchish apparatlarini (dron) xarid qilish va belgilangan tartibda ular orqali qurilish ishlarining monitoringini olib borish”.
2. Oʻzbekiston Respublikasi Prezidentining 2021-yil 23-fevraldagi “Buxoro viloyatining Gʻijduvon tumanida quvvati 500 MVt boʻlgan shamol elektr stansiyasini qurish” investitsiya loyihasini amalga oshirish chora-tadbirlari toʻgʻrisida”gi PQ-5003-son qarorining 7-bandi quyidagi mazmundagi oltinchi xatboshi bilan toʻldirilsin:
“uchuvchisiz uchish apparatlarini (dron) xarid qilish va belgilangan tartibda ular orqali qurilish ishlarining monitoringini olib borish”.
3. Oʻzbekiston Respublikasi Prezidentining 2021-yil 24-iyuldagi “Surxondaryo viloyatida quvvati 1500 — 1600 MVt boʻlgan bugʻ-gaz elektr stansiyasi qurilishini tashkil etish boʻyicha chora-tadbirlar toʻgʻrisida”gi PQ-5193-son qarorida :
a) 4-banddagi “Investitsiyalar va tashqi savdo vazirligi, “Oʻzbekiston milliy elektr tarmoqlari” AJ va Surxondaryo viloyati hokimligiga” soʻzlari “Investitsiyalar, sanoat va savdo vazirligi, “Oʻzbekiston milliy elektr tarmoqlari” AJ, Davlat aktivlarini boshqarish agentligi va Surxondaryo viloyati hokimligiga” soʻzlari bilan almashtirilsin;
b) 9-band quyidagi mazmundagi uchinchi xatboshi bilan toʻldirilsin:
“Loyiha doirasida ijaraga beriladigan yer uchastkasi uchun toʻlov Loyiha kompaniyasi tomonidan amalga oshirilib, toʻlov qiymati yer soligʻi qiymatiga tenglashtirilsin”.
4. Oʻzbekiston Respublikasi Prezidentining 2022-yil 18-martdagi “Qoraqalpogʻiston Respublikasi Qoraoʻzak tumanida quvvati 100 MVt boʻlgan shamol elektr stansiyasini davlat-xususiy sheriklik shartlari asosida qurish va boshqarish” loyihasini amalga oshirish chora-tadbirlari toʻgʻrisida”gi PQ-169-son qarorining 6-bandi quyidagi mazmundagi beshinchi xatboshi bilan toʻldirilsin:
“uchuvchisiz uchish apparatlarini (dron) xarid qilish va belgilangan tartibda ular orqali qurilish ishlarining monitoringini olib borish”.
Ilovaning 5-bandi eʼlon qilinmaydi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 5-iyul,
PQ-215-son
Президента Республики Узбекистан
Постановление
О дополнительных мерах по строительству парогазовой электростанции мощностью 1500 — 1600 МВт в Сурхандарьинской области
[Извлечение]
В целях ускорения строительства теплоэлектростанции, строящейся в Сурхандарьинской области, а также устойчивого обеспечения населения и отраслей экономики энергоресурсами:
1. Принять к сведению, что:
а) компанией «Stone City Energy» (Нидерланды) (далее — Инвестор) реализуется инвестиционный проект «Строительство парогазовой электростанции мощностью 1 500 — 1 600 МВт в Сурхандарьинской области» (далее — Инвестиционный проект) за счет прямых иностранных инвестиций;
б) в целях реализации Инвестиционного проекта Инвестором создано ООО «SCE Quvvat» (далее — Проектная компания);
в) между Правительством Республики Узбекистан в лице Министерства инвестиций, промышленности и торговли, Инвестором и Проектной компанией 22 апреля 2021 года подписано инвестиционное соглашение (далее — Инвестиционное соглашение);
г) между АО «Национальные электрические сети Узбекистана» и Проектной компанией 22 апреля 2021 года в рамках Инвестиционного проекта подписано Соглашение о закупке электрической энергии (далее — Соглашение о закупке электрической энергии);
д) при финансировании Инвестиционного проекта участвуют Исламский банк развития (IDB) и Исламская корпорация по развитию частного сектора (ICD), а также другие кредиторы;
е) согласно требованиям кредиторов в Инвестиционное соглашение и Соглашение о закупке электрической энергии внесены изменения и дополнения.
2. В рамках реализации Инвестиционного проекта:
утвердить изменения и дополнения, внесенные 29 июня 2023 года в Инвестиционное соглашение;
одобрить изменения и дополнения, внесенные 8 мая 2023 года в Соглашение о закупке электрической энергии.
3. Определить, что в рамках финансирования Инвестиционного проекта:
а) Исламским банком развития и Исламской корпорацией по развитию частного сектора используются соответствующие исламские структуры финансирования и договоренности, не противоречащие действующему законодательству Республики Узбекистан.
При этом между Республикой Узбекистан и Королевством Саудовская Аравия заключены Налоговый договор, а также договора с Исламским банком развития и Исламской корпорацией по развитию частного сектора, которые используются в отношении данных исламских структур финансирования и договоренностей;
б) используются следующие исламские структуры финансирования и договоренности:
Исламским банком развития, в том числе, основное соглашение о рассрочке, агентский договор (обязательство покупки), меморандум взаимопонимания, обращение об осуществлении платежа, любой акт трансфера (сертификат), составляемый относительно платежей и других соответствующих договоров и средств, требуемых в качестве части данного метода финансирования;
Исламской корпорацией по развитию частного сектора — закупочный договор «Истисна», договор аренды «форвард», обязательство купли-продажи, договор обслуживающего агентства (договор инвестиционного агентства), обращение об осуществлении платежа, любой акт трансфера (сертификат), составляемый относительно платежей и других соответствующих договоров и средств, требуемых в качестве части данного метода финансирования.
При этом договора, применяемые исламскими структурами финансирования и Исламской корпорацией по развитию частного сектора в качестве договоров финансирования, являются финансовой арендой;
в) средства, выделяемые Исламским банком развития и Исламской корпорацией по развитию частного сектора, классифицируются в качестве операции движения капитала, а также освобождаются от требования регистрации, применяемой относительно внешнеторговых операций.
4. Министерству юстиции выдать юридические заключения по соглашениям, подписанным в рамках реализации Инвестиционного проекта, согласно положениям Инвестиционного соглашения.
5. Внести изменения и дополнения в некоторые акты Президента Республики Узбекистан согласно приложению .
6. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 5 июля 2023 года № ПП-215
Изменения и дополнения, вносимые в некоторые акты Президента Республики Узбекистан
1. Пункт 7 постановления Президента Республики Узбекистан от 23 февраля 2021 года № ПП-5001 «О мерах по реализации инвестиционного проекта «Строительство ветряной электростанции мощностью 300 — 500 МВт в Пешкунском районе Бухарской области» дополнить абзацем шестым следующего содержания:
«приобретать беспилотные летательные аппараты (дроны) и проводить мониторинг строительных работ посредством их использования в установленном порядке».
2. Пункт 7 постановления Президента Республики Узбекистан от 23 февраля 2021 года № ПП-5003 «О мерах по реализации инвестиционного проекта «Строительство ветряной электростанции мощностью 500 МВт в Гиждуванском районе Бухарской области» дополнить абзацем шестым следующего содержания:
«приобретать беспилотные летательные аппараты (дроны) и проводить мониторинг строительных работ посредством их использования в установленном порядке».
3. В постановлении Президента Республики Узбекистан от 24 июля 2021 года № ПП-5193 «О мерах по организации строительства парогазовой электростанции мощностью 1500 — 1600 МВт в Сурхандарьинской области»:
а) в пункте 4 слова «Министерству инвестиций и внешней торговли, АО «Национальные электрические сети Узбекистана» и хокимияту Сурхандарьинской области» заменить словами «Министерству инвестиций, промышленности и торговли, АО «Национальные электрические сети Узбекистана», Агентству по управлению государственными активами и хокимияту Сурхандарьинской области»;
б) пункт 9 дополнить абзацем третьим следующего содержания:
«Плату за земельный участок, предоставляемый в аренду в рамках проекта, осуществлять Проектной компанией и стоимость оплаты приравнять к стоимости земельного налога».
4. Пункт 6 постановления Президента Республики Узбекистан от 18 марта 2022 года № ПП-169 «О мерах по реализации проекта «Строительство и эксплуатация ветряной электростанции мощностью 100 МВт в Караузякском районе Республики Каракалпакстан на основе условий государственно-частного партнерства»« дополнить абзацем пятым следующего содержания:
«приобретать беспилотные летательные аппараты (дроны) и проводить мониторинг строительных работ посредством их использования в установленном порядке».
5-пункт приложении не подлежит публикации.
Президент Республики Узбекистан Ш. МИРЗИЁЕВ
г. Ташкент,
5 июля 2023 г.,
№ ПП-215