UzbekAI

Ўзбекистон Республикасининг Қонуни

«Ўзбекистон Республикасининг Давлат байроғи тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида

Қонунчилик палатаси томонидан 2023 йил 20 июнда қабул қилинган Сенат томонидан 2023 йил 23 июнда маъқулланган

Бугунги кунда мамлакатимизнинг жаҳон майдонидаги нуфузи тобора ошиб бораётганлигини, айниқса, маданият, спорт ва илм-фан соҳаларида катта ғалабаларга эришилиб, Ўзбекистон Республикасининг Давлат байроғи жаҳон узра баланд кўтарилаётганлигини инобатга олиб,

шу муносабат билан фуқароларнинг ўз ватанпарварлик туйғуларини ифода этиш ҳамда Ватанимиз эришаётган ютуқларни қўллаб-қувватлаш мақсадида давлат рамзларидан, шу жумладан Ўзбекистон Республикасининг Давлат байроғидан кенг фойдаланишга бўлган талаб ошиб бораётганлигини англаган ҳолда,

шунга кўра, ҳозирги замон воқеликларини, фуқароларнинг таклифлари ва талаб-истакларини ҳисобга олган ҳолда, Ўзбекистон Республикасининг Давлат байроғидан фойдаланиш билан боғлиқ нормаларни янада такомиллаштириш зарурияти юзага келаётганлигини эътиборга олиб,

жисмоний ва юридик шахслар томонидан Ўзбекистон Республикасининг Давлат байроғидан зарур ҳурматни таъминлаган ҳолда фойдаланилиши ҳолларини кенгайтириш, шу жумладан Ўзбекистон Республикасининг Давлат байроғи тасвири билан устки кийим-бошни безатиш ёки Ўзбекистонга тегишлиликни белгилаш учун тушириш имкониятини яратиш мақсадида,

Ўзбекистон Республикасининг Давлат байроғига нисбатан ҳурматсизлик билан муносабатда бўлинишига йўл қўйилмайдиган аниқ ҳоллар белгиланишини назарда тутиб,

Ўзбекистон Республикасининг Давлат байроғидан кенг фойдаланилишини ҳамда Ватанга нисбатан фахр-ифтихор ва меҳр-муҳаббат туйғулари янада кучайтирилишини таъминлаш мақсадида ушбу Қонун қабул қилинмоқда.

1-модда. Ўзбекистон Республикасининг 1991 йил 18 ноябрда қабул қилинган «Ўзбекистон Республикасининг Давлат байроғи тўғрисида»ги 407-XII-сонли Қонунига (Ўзбекистон Республикаси Олий Кенгашининг Ахборотномаси, 1992 йил, № 1, 27-модда; Ўзбекистон Республикаси Олий Мажлисининг Ахборотномаси, 1999 йил, № 5, 124-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2010 йил, № 12, 473-модда; 2017 йил, № 9, 510-модда; 2019 йил, № 2, 47-модда, № 9, 589-модда; 2021 йил, 4-сонга илова) қуйидаги ўзгартириш ва қўшимчалар киритилсин:

1) 5-модда :

биринчи қисмининг 1 , 2 ва 3-бандлари қуйидаги таҳрирда баён этилсин:

«1) доимий равишда:

Ўзбекистон Республикаси Президенти қароргоҳларининг;

Ўзбекистон Республикаси Президенти Администрациясининг;

Ўзбекистон Республикаси Олий Мажлиси палаталарининг;

Ўзбекистон Республикаси Вазирлар Маҳкамасининг;

республика ижро этувчи ҳокимият органларининг;

Ўзбекистон Республикаси Давлат хавфсизлик хизматининг;

Ўзбекистон Республикаси Президенти давлат хавфсизлик хизматининг;

Ўзбекистон Республикаси Миллий гвардиясининг;

Ўзбекистон Республикаси Марказий банкининг;

Ўзбекистон Республикаси Ҳисоб палатасининг;

Ўзбекистон Республикаси Марказий сайлов комиссиясининг;

Қорақалпоғистон Республикаси Жўқорғи Кенгеси ва Вазирлар Кенгашининг;

маҳаллий давлат ҳокимияти органларининг;

судларнинг;

прокуратура органларининг биноларида;

2) доимий равишда:

Ўзбекистон Республикаси Президенти Администрациясининг;

Ўзбекистон Республикаси Олий Мажлиси палаталарининг;

Ўзбекистон Республикаси Вазирлар Маҳкамасининг;

Ўзбекистон Республикаси Конституциявий судининг, Ўзбекистон Республикаси Олий судининг;

республика ижро этувчи ҳокимият органларининг;

Ўзбекистон Республикаси Бош прокуратурасининг;

Ўзбекистон Республикаси Давлат хавфсизлик хизматининг;

Ўзбекистон Республикаси Президенти давлат хавфсизлик хизматининг;

Ўзбекистон Республикаси Миллий гвардиясининг;

Ўзбекистон Республикаси Марказий банкининг;

Ўзбекистон Республикаси Ҳисоб палатасининг;

Ўзбекистон Республикаси Марказий сайлов комиссиясининг;

Қорақалпоғистон Республикаси Жўқорғи Кенгеси ва Вазирлар Кенгашининг;

маҳаллий давлат ҳокимияти органларининг мажлислар залларида;

3) доимий равишда:

Ўзбекистон Республикаси Президентининг;

Ўзбекистон Республикаси Олий Мажлиси Қонунчилик палатаси Спикерининг;

Ўзбекистон Республикаси Олий Мажлиси Сенати Раисининг;

Ўзбекистон Республикаси Бош вазирининг;

Ўзбекистон Республикаси Конституциявий суди, Ўзбекистон Республикаси Олий суди раисларининг;

республика ижро этувчи ҳокимият органлари раҳбарларининг;

Ўзбекистон Республикаси Бош прокурорининг;

Ўзбекистон Республикаси Давлат хавфсизлик хизмати раисининг;

Ўзбекистон Республикаси Президенти давлат хавфсизлик хизмати раисининг;

Ўзбекистон Республикаси Миллий гвардияси қўмондонининг;

Ўзбекистон Республикаси Марказий банки бошқаруви раисининг;

Ўзбекистон Республикаси Ҳисоб палатаси раисининг;

Ўзбекистон Республикаси Марказий сайлов комиссияси раисининг;

Қорақалпоғистон Республикаси Жўқорғи Кенгеси ва Вазирлар Кенгаши раисларининг;

вилоятлар, туманлар ва шаҳарлар ҳокимларининг;

Ўзбекистон Республикасининг дипломатик ваколатхоналари, консуллик муассасалари, шунингдек халқаро ташкилотлар ҳузуридаги ваколатхоналари бошлиқларининг хизмат хоналарида»;

иккинчи қисми қуйидаги таҳрирда баён этилсин:

«Ўзбекистон Республикасининг Давлат байроғига нисбатан ҳурматни таъминлаган ҳолда, ундан ушбу модданинг биринчи қисмида кўрсатилмаган объектларда, шунингдек умуммиллий байрамларда, спорт мусобақаларида, оммавий жисмоний тарбия тадбирларида, маданий ва ўзга оммавий тадбирларда, расмий халқаро тадбирларда, тантанали тадбирларда, оилавий байрамларда, хотира саналарини нишонлашда, жамият ва давлат арбобларининг, ҳарбий хизматчиларнинг дафн маросимларида ҳамда бошқа ҳолларда, шу жумладан ёғоч дастани (байроқ дастасини) ишлатмасдан фойдаланилиши мумкин»;

қуйидаги мазмундаги учинчи қисм билан тўлдирилсин:

«Ўзбекистон Республикасининг Давлат байроғига нисбатан ҳурматни таъминлаган ҳолда, ундан жамоат жойларида, бинолар ва бошқа объектларда, яшаш ёки иш жойларида, шунингдек уларга туташ бўлган ҳудудларда, транспорт воситаларининг салонида фойдаланилиши мумкин»;

2) 5 1 -модда :

иккинчи қисми қуйидаги таҳрирда баён этилсин:

«Ўзбекистон Республикасига тегишлиликни белгилаш мақсадида давлат органларининг рамзий белгиларида (байроқ, эмблема — геральдик белги, вимпел ва бошқа рамзлар) ва уларнинг Интернет жаҳон ахборот тармоғидаги расмий веб-сайтларида, Ўзбекистон Республикаси давлат мукофотларининг асоси ёки элементи сифатида, шунингдек Ўзбекистон Республикасига тегишлиликни белгилаш мақсадида предметларда, ўқув-тарбия жараёнида Ўзбекистон Республикаси Давлат байроғининг тасвири туширилган белгилардан фойдаланилиши мумкин»;

қуйидаги мазмундаги учинчи — олтинчи қисмлар билан тўлдирилсин:

«Ўзбекистон Республикасига тегишлиликни белгилаш мақсадида расмий халқаро тадбирларда Ўзбекистон Республикаси вакили бўлган жисмоний ва юридик шахслар томонидан Ўзбекистон Республикаси Давлат байроғининг тасвири туширилган белгилардан фойдаланилиши мумкин.

Ўзбекистон Республикасининг Давлат байроғига нисбатан ҳурматни таъминлаган ҳолда унинг тасвири туширилган белгилардан жамоат жойларида, бинолар ва бошқа объектларда, яшаш ёки иш жойларида, шунингдек уларга туташ бўлган ҳудудларда, транспорт воситаларининг салонида фойдаланилиши мумкин.

Ҳарбий ёки бошқа давлат хизматида бўлган шахсларнинг кийим-бошида ва фарқловчи нишонларида Ўзбекистон Республикаси Давлат байроғининг тасвири туширилган белгилардан фойдаланилиши мумкин.

Халқаро спорт мусобақалари ҳамда Ўзбекистон Республикаси чемпионатлари учун спорт кийим-бошини тайёрлашда Ўзбекистон Республикаси Давлат байроғининг тасвири туширилган белгилардан фойдаланилиши мумкин»;

3) 5 2 -модда :

иккинчи ва учинчи қисмлари қуйидаги мазмундаги иккинчи, учинчи ва тўртинчи қисмлар билан алмаштирилсин:

«Ўзбекистон Республикаси Давлат байроғининг тасвири туширилган белгилардан ишлаб чиқарилаётган ёки реализация қилинаётган товарларни (ишларни, хизматларни) ўтказиш учун тижорат мақсадларида фойдаланиш мумкин эмас, бундан Ўзбекистон Республикасининг Давлат байроғига нисбатан ҳурматни таъминлаган ҳолда унинг тасвири туширилган белгилардан устки кийим-бошни безатиш ёки Ўзбекистон Республикасига тегишлиликни белгилаш мақсадида фойдаланиш мустасно.

Ўзбекистон Республикасининг Давлат байроғига нисбатан ҳурматсиз муносабатда бўлишга, шу жумладан:

Ўзбекистон Республикасининг Давлат байроғидан ва унинг тасвири туширилган белгилардан йиртилган, ифлосланган, тешилган, ранги ўчган ҳолда ва бошқа номаъқул тарзда фойдаланишга;

Ўзбекистон Республикасининг Давлат байроғидан бирор-бир нарса учун устки ёпинғич сифатида фойдаланишга;

Ўзбекистон Республикасининг Давлат байроғини столларга, ўриндиқларга, стулларга тўшашга ёки унинг тасвирини туширишга ва ундан қоплама сифатида фойдаланишга, шунингдек уни ўтириладиган бошқа жойларга ёки оёқ остига тўшашга ёки унинг тасвирини туширишга;

Ўзбекистон Республикасининг Давлат байроғидан кийим-бош, дастрўмол ёки кўрпа-тўшак сифатида, шунингдек буюмларни сақлаш ва ташиш учун фойдаланишга;

Ўзбекистон Республикаси Давлат байроғининг тасвири туширилган белгиларни пойабзалга, дастрўмолга, кўрпа-тўшакка, ички кийимга, сочиқларга, қутиларга (ўровларга), бир марта фойдаланиш ва ташлаб юбориш учун мўлжалланган буюмларга босиб чиқаришга ёки унинг тасвирини бошқача тарзда туширишга;

Ўзбекистон Республикасининг Давлат байроғидан ва унинг тасвири туширилган белгилардан одоб-ахлоқ қоидалари ва жамиятда юриш-туриш қоидаларига зид равишда ёхуд уларни таҳқирлаш ҳисобланадиган бошқача тарзда фойдаланишга йўл қўйилмайди.

Нодавлат нотижорат ташкилотларининг рамзий белгилари Ўзбекистон Республикасининг Давлат байроғига ўхшаш бўлиши мумкин эмас»;

4) 11-модда қуйидаги мазмундаги иккинчи қисм билан тўлдирилсин:

«Ўзбекистон Республикасининг Давлат байроғидан ва унинг тасвири туширилган белгилардан бутун (йиртилмаган, тешилмаган), тоза (ифлосланмаган), ранги ўчмаган ҳолда ва маъқул тарзда фойдаланиш учун масъулият ушбу Қонунга мувофиқ Ўзбекистон Республикасининг Давлат байроғидан ва унинг тасвири туширилган белгилардан фойдаланадиган жисмоний ва юридик шахсларнинг, шу жумладан давлат органларининг зиммасига юклатилади».

2-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2023 йил 7 июль,

ЎРҚ-853-сон

(Қонунчилик маълумотлари миллий базаси, 08.07.2023 й., 03/23/853/0462-сон)

lex.uz

Oʻzbekiston Respublikasining Qonuni

“Oʻzbekiston Respublikasining Davlat bayrogʻi toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida

Qonunchilik palatasi tomonidan 2023-yil 20-iyunda qabul qilingan Senat tomonidan 2023-yil 23-iyunda maʼqullangan

Bugungi kunda mamlakatimizning jahon maydonidagi nufuzi tobora oshib borayotganligini, ayniqsa, madaniyat, sport va ilm-fan sohalarida katta gʻalabalarga erishilib, Oʻzbekiston Respublikasining Davlat bayrogʻi jahon uzra baland koʻtarilayotganligini inobatga olib,

shu munosabat bilan fuqarolarning oʻz vatanparvarlik tuygʻularini ifoda etish hamda Vatanimiz erishayotgan yutuqlarni qoʻllab-quvvatlash maqsadida davlat ramzlaridan, shu jumladan Oʻzbekiston Respublikasining Davlat bayrogʻidan keng foydalanishga boʻlgan talab oshib borayotganligini anglagan holda,

shunga koʻra, hozirgi zamon voqeliklarini, fuqarolarning takliflari va talab-istaklarini hisobga olgan holda, Oʻzbekiston Respublikasining Davlat bayrogʻidan foydalanish bilan bogʻliq normalarni yanada takomillashtirish zaruriyati yuzaga kelayotganligini eʼtiborga olib,

jismoniy va yuridik shaxslar tomonidan Oʻzbekiston Respublikasining Davlat bayrogʻidan zarur hurmatni taʼminlagan holda foydalanilishi hollarini kengaytirish, shu jumladan Oʻzbekiston Respublikasining Davlat bayrogʻi tasviri bilan ustki kiyim-boshni bezatish yoki Oʻzbekistonga tegishlilikni belgilash uchun tushirish imkoniyatini yaratish maqsadida,

Oʻzbekiston Respublikasining Davlat bayrogʻiga nisbatan hurmatsizlik bilan munosabatda boʻlinishiga yoʻl qoʻyilmaydigan aniq hollar belgilanishini nazarda tutib,

Oʻzbekiston Respublikasining Davlat bayrogʻidan keng foydalanilishini hamda Vatanga nisbatan faxr-iftixor va mehr-muhabbat tuygʻulari yanada kuchaytirilishini taʼminlash maqsadida ushbu Qonun qabul qilinmoqda.

1-modda. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining Davlat bayrogʻi toʻgʻrisida”gi 407-XII-sonli Qonuniga (Oʻzbekiston Respublikasi Oliy Kengashining Axborotnomasi, 1992-yil, № 1, 27-modda; Oʻzbekiston Respublikasi Oliy Majlisining Axborotnomasi, 1999-yil, № 5, 124-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 9, 510-modda; 2019-yil, № 2, 47-modda, № 9, 589-modda; 2021-yil, 4-songa ilova) quyidagi oʻzgartirish va qoʻshimchalar kiritilsin:

1) 5-modda :

birinchi qismining 1 , 2 va 3-bandlari quyidagi tahrirda bayon etilsin:

“1) doimiy ravishda:

Oʻzbekiston Respublikasi Prezidenti qarorgohlarining;

Oʻzbekiston Respublikasi Prezidenti Administratsiyasining;

Oʻzbekiston Respublikasi Oliy Majlisi palatalarining;

Oʻzbekiston Respublikasi Vazirlar Mahkamasining;

respublika ijro etuvchi hokimiyat organlarining;

Oʻzbekiston Respublikasi Davlat xavfsizlik xizmatining;

Oʻzbekiston Respublikasi Prezidenti davlat xavfsizlik xizmatining;

Oʻzbekiston Respublikasi Milliy gvardiyasining;

Oʻzbekiston Respublikasi Markaziy bankining;

Oʻzbekiston Respublikasi Hisob palatasining;

Oʻzbekiston Respublikasi Markaziy saylov komissiyasining;

Qoraqalpogʻiston Respublikasi Joʻqorgʻi Kengesi va Vazirlar Kengashining;

mahalliy davlat hokimiyati organlarining;

sudlarning;

prokuratura organlarining binolarida;

2) doimiy ravishda:

Oʻzbekiston Respublikasi Prezidenti Administratsiyasining;

Oʻzbekiston Respublikasi Oliy Majlisi palatalarining;

Oʻzbekiston Respublikasi Vazirlar Mahkamasining;

Oʻzbekiston Respublikasi Konstitutsiyaviy sudining, Oʻzbekiston Respublikasi Oliy sudining;

respublika ijro etuvchi hokimiyat organlarining;

Oʻzbekiston Respublikasi Bosh prokuraturasining;

Oʻzbekiston Respublikasi Davlat xavfsizlik xizmatining;

Oʻzbekiston Respublikasi Prezidenti davlat xavfsizlik xizmatining;

Oʻzbekiston Respublikasi Milliy gvardiyasining;

Oʻzbekiston Respublikasi Markaziy bankining;

Oʻzbekiston Respublikasi Hisob palatasining;

Oʻzbekiston Respublikasi Markaziy saylov komissiyasining;

Qoraqalpogʻiston Respublikasi Joʻqorgʻi Kengesi va Vazirlar Kengashining;

mahalliy davlat hokimiyati organlarining majlislar zallarida;

3) doimiy ravishda:

Oʻzbekiston Respublikasi Prezidentining;

Oʻzbekiston Respublikasi Oliy Majlisi Qonunchilik palatasi Spikerining;

Oʻzbekiston Respublikasi Oliy Majlisi Senati Raisining;

Oʻzbekiston Respublikasi Bosh vazirining;

Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi raislarining;

respublika ijro etuvchi hokimiyat organlari rahbarlarining;

Oʻzbekiston Respublikasi Bosh prokurorining;

Oʻzbekiston Respublikasi Davlat xavfsizlik xizmati raisining;

Oʻzbekiston Respublikasi Prezidenti davlat xavfsizlik xizmati raisining;

Oʻzbekiston Respublikasi Milliy gvardiyasi qoʻmondonining;

Oʻzbekiston Respublikasi Markaziy banki boshqaruvi raisining;

Oʻzbekiston Respublikasi Hisob palatasi raisining;

Oʻzbekiston Respublikasi Markaziy saylov komissiyasi raisining;

Qoraqalpogʻiston Respublikasi Joʻqorgʻi Kengesi va Vazirlar Kengashi raislarining;

viloyatlar, tumanlar va shaharlar hokimlarining;

Oʻzbekiston Respublikasining diplomatik vakolatxonalari, konsullik muassasalari, shuningdek xalqaro tashkilotlar huzuridagi vakolatxonalari boshliqlarining xizmat xonalarida”;

ikkinchi qismi quyidagi tahrirda bayon etilsin:

“Oʻzbekiston Respublikasining Davlat bayrogʻiga nisbatan hurmatni taʼminlagan holda, undan ushbu moddaning birinchi qismida koʻrsatilmagan obyektlarda, shuningdek umummilliy bayramlarda, sport musobaqalarida, ommaviy jismoniy tarbiya tadbirlarida, madaniy va oʻzga ommaviy tadbirlarda, rasmiy xalqaro tadbirlarda, tantanali tadbirlarda, oilaviy bayramlarda, xotira sanalarini nishonlashda, jamiyat va davlat arboblarining, harbiy xizmatchilarning dafn marosimlarida hamda boshqa hollarda, shu jumladan yogʻoch dastani (bayroq dastasini) ishlatmasdan foydalanilishi mumkin”;

quyidagi mazmundagi uchinchi qism bilan toʻldirilsin:

“Oʻzbekiston Respublikasining Davlat bayrogʻiga nisbatan hurmatni taʼminlagan holda, undan jamoat joylarida, binolar va boshqa obyektlarda, yashash yoki ish joylarida, shuningdek ularga tutash boʻlgan hududlarda, transport vositalarining salonida foydalanilishi mumkin”;

2) 5 1 -modda :

ikkinchi qismi quyidagi tahrirda bayon etilsin:

“Oʻzbekiston Respublikasiga tegishlilikni belgilash maqsadida davlat organlarining ramziy belgilarida (bayroq, emblema — geraldik belgi, vimpel va boshqa ramzlar) va ularning Internet jahon axborot tarmogʻidagi rasmiy veb-saytlarida, Oʻzbekiston Respublikasi davlat mukofotlarining asosi yoki elementi sifatida, shuningdek Oʻzbekiston Respublikasiga tegishlilikni belgilash maqsadida predmetlarda, oʻquv-tarbiya jarayonida Oʻzbekiston Respublikasi Davlat bayrogʻining tasviri tushirilgan belgilardan foydalanilishi mumkin”;

quyidagi mazmundagi uchinchi — oltinchi qismlar bilan toʻldirilsin:

“Oʻzbekiston Respublikasiga tegishlilikni belgilash maqsadida rasmiy xalqaro tadbirlarda Oʻzbekiston Respublikasi vakili boʻlgan jismoniy va yuridik shaxslar tomonidan Oʻzbekiston Respublikasi Davlat bayrogʻining tasviri tushirilgan belgilardan foydalanilishi mumkin.

Oʻzbekiston Respublikasining Davlat bayrogʻiga nisbatan hurmatni taʼminlagan holda uning tasviri tushirilgan belgilardan jamoat joylarida, binolar va boshqa obyektlarda, yashash yoki ish joylarida, shuningdek ularga tutash boʻlgan hududlarda, transport vositalarining salonida foydalanilishi mumkin.

Harbiy yoki boshqa davlat xizmatida boʻlgan shaxslarning kiyim-boshida va farqlovchi nishonlarida Oʻzbekiston Respublikasi Davlat bayrogʻining tasviri tushirilgan belgilardan foydalanilishi mumkin.

Xalqaro sport musobaqalari hamda Oʻzbekiston Respublikasi chempionatlari uchun sport kiyim-boshini tayyorlashda Oʻzbekiston Respublikasi Davlat bayrogʻining tasviri tushirilgan belgilardan foydalanilishi mumkin”;

3) 5 2 -modda :

ikkinchi va uchinchi qismlari quyidagi mazmundagi ikkinchi, uchinchi va toʻrtinchi qismlar bilan almashtirilsin:

“Oʻzbekiston Respublikasi Davlat bayrogʻining tasviri tushirilgan belgilardan ishlab chiqarilayotgan yoki realizatsiya qilinayotgan tovarlarni (ishlarni, xizmatlarni) oʻtkazish uchun tijorat maqsadlarida foydalanish mumkin emas, bundan Oʻzbekiston Respublikasining Davlat bayrogʻiga nisbatan hurmatni taʼminlagan holda uning tasviri tushirilgan belgilardan ustki kiyim-boshni bezatish yoki Oʻzbekiston Respublikasiga tegishlilikni belgilash maqsadida foydalanish mustasno.

Oʻzbekiston Respublikasining Davlat bayrogʻiga nisbatan hurmatsiz munosabatda boʻlishga, shu jumladan:

Oʻzbekiston Respublikasining Davlat bayrogʻidan va uning tasviri tushirilgan belgilardan yirtilgan, ifloslangan, teshilgan, rangi oʻchgan holda va boshqa nomaʼqul tarzda foydalanishga;

Oʻzbekiston Respublikasining Davlat bayrogʻidan biror-bir narsa uchun ustki yopingʻich sifatida foydalanishga;

Oʻzbekiston Respublikasining Davlat bayrogʻini stollarga, oʻrindiqlarga, stullarga toʻshashga yoki uning tasvirini tushirishga va undan qoplama sifatida foydalanishga, shuningdek uni oʻtiriladigan boshqa joylarga yoki oyoq ostiga toʻshashga yoki uning tasvirini tushirishga;

Oʻzbekiston Respublikasining Davlat bayrogʻidan kiyim-bosh, dastroʻmol yoki koʻrpa-toʻshak sifatida, shuningdek buyumlarni saqlash va tashish uchun foydalanishga;

Oʻzbekiston Respublikasi Davlat bayrogʻining tasviri tushirilgan belgilarni poyabzalga, dastroʻmolga, koʻrpa-toʻshakka, ichki kiyimga, sochiqlarga, qutilarga (oʻrovlarga), bir marta foydalanish va tashlab yuborish uchun moʻljallangan buyumlarga bosib chiqarishga yoki uning tasvirini boshqacha tarzda tushirishga;

Oʻzbekiston Respublikasining Davlat bayrogʻidan va uning tasviri tushirilgan belgilardan odob-axloq qoidalari va jamiyatda yurish-turish qoidalariga zid ravishda yoxud ularni tahqirlash hisoblanadigan boshqacha tarzda foydalanishga yoʻl qoʻyilmaydi.

Nodavlat notijorat tashkilotlarining ramziy belgilari Oʻzbekiston Respublikasining Davlat bayrogʻiga oʻxshash boʻlishi mumkin emas”;

4) 11-modda quyidagi mazmundagi ikkinchi qism bilan toʻldirilsin:

“Oʻzbekiston Respublikasining Davlat bayrogʻidan va uning tasviri tushirilgan belgilardan butun (yirtilmagan, teshilmagan), toza (ifloslanmagan), rangi oʻchmagan holda va maʼqul tarzda foydalanish uchun masʼuliyat ushbu Qonunga muvofiq Oʻzbekiston Respublikasining Davlat bayrogʻidan va uning tasviri tushirilgan belgilardan foydalanadigan jismoniy va yuridik shaxslarning, shu jumladan davlat organlarining zimmasiga yuklatiladi”.

2-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 7-iyul,

OʻRQ-853-son

(Qonunchilik maʼlumotlari milliy bazasi, 08.07.2023-y., 03/23/853/0462-son)

lex.uz

Закон Республики Узбекистан

О внесении изменений и дополнений в Закон Республики Узбекистан «О Государственном флаге Республики Узбекистан»

Принят Законодательной палатой 20 июня 2023 года Одобрен Сенатом 23 июня 2023 года

Принимая во внимание, что сегодня на мировой арене все больше возрастает статус нашей страны, особенно с достижением больших побед в сфере культуры, спорта и науки, Государственный флаг Республики Узбекистан высоко поднимается в мире,

в связи с этим в целях выражения гражданами своих патриотических чувств и поддержки достижений Родины, осознавая возрастающую потребность в широком использовании государственных символов, в том числе Государственного флага Республики Узбекистан,

соответственно, с учетом реалий настоящего времени, предложений и требований граждан, принимая во внимание возникающую необходимость в дальнейшем совершенствовании норм, связанных с использованием Государственного флага Республики Узбекистан,

в целях расширения случаев использования физическими и юридическими лицами Государственного флага Республики Узбекистан с обеспечением должного уважения, в частности предоставления возможности нанесения изображения Государственного флага Республики Узбекистан на верхнюю одежду в декоративных целях или для определения принадлежности к Узбекистану,

предусматривая определение конкретных случаев недопущения неуважительного отношения к Государственному флагу Республики Узбекистан,

в целях обеспечения широкого использования Государственного флага Республики Узбекистан и дальнейшего усиления чувства гордости и любви к Родине принимается настоящий Закон.

Статья 1 . Внести в Закон Республики Узбекистан от 18 ноября 1991 года № 407-XII «О Государственном флаге Республики Узбекистан» (Ведомости Верховного Совета Республики Узбекистан, 1992 г., № 1, ст. 27; Ведомости Олий Мажлиса Республики Узбекистан, 1999 г., № 5, ст. 124; 2005 г., № 1, ст. 18; Ведомости палат Олий Мажлиса Республики Узбекистан, 2010 г., № 12, ст. 473; 2017 г., № 9, ст. 510; 2019 г., № 2, ст. 47, № 9, ст. 589; 2021 г., приложение к № 4) следующие изменения и дополнения:

1) в статье 5 :

пункты 1 , 2 и 3 части первой изложить в следующей редакции:

«1) постоянно на зданиях:

резиденций Президента Республики Узбекистан;

Администрации Президента Республики Узбекистан;

палат Олий Мажлиса Республики Узбекистан;

Кабинета Министров Республики Узбекистан;

республиканских органов исполнительной власти;

Службы государственной безопасности Республики Узбекистан;

Государственной службы безопасности Президента Республики Узбекистан;

Национальной гвардии Республики Узбекистан;

Центрального банка Республики Узбекистан;

Счетной палаты Республики Узбекистан;

Центральной избирательной комиссии Республики Узбекистан;

Жокаргы Кенеса и Совета Министров Республики Каракалпакстан;

органов государственной власти на местах;

судов;

органов прокуратуры;

2) постоянно в залах заседаний:

Администрации Президента Республики Узбекистан;

палат Олий Мажлиса Республики Узбекистан;

Кабинета Министров Республики Узбекистан;

Конституционного суда Республики Узбекистан, Верховного суда Республики Узбекистан;

республиканских органов исполнительной власти;

Генеральной прокуратуры Республики Узбекистан;

Службы государственной безопасности Республики Узбекистан;

Государственной службы безопасности Президента Республики Узбекистан;

Национальной гвардии Республики Узбекистан;

Центрального банка Республики Узбекистан;

Счетной палаты Республики Узбекистан;

Центральной избирательной комиссии Республики Узбекистан;

Жокаргы Кенеса и Совета Министров Республики Каракалпакстан;

органов государственной власти на местах;

3) постоянно в служебных кабинетах:

Президента Республики Узбекистан;

Спикера Законодательной палаты Олий Мажлиса Республики Узбекистан;

Председателя Сената Олий Мажлиса Республики Узбекистан;

Премьер-министра Республики Узбекистан;

председателей Конституционного суда Республики Узбекистан, Верховного суда Республики Узбекистан;

руководителей республиканских органов исполнительной власти;

Генерального прокурора Республики Узбекистан;

председателя Службы государственной безопасности Республики Узбекистан;

председателя Государственной службы безопасности Президента Республики Узбекистан;

командующего Национальной гвардией Республики Узбекистан;

председателя правления Центрального банка Республики Узбекистан;

председателя Счетной палаты Республики Узбекистан;

председателя Центральной избирательной комиссии Республики Узбекистан;

председателей Жокаргы Кенеса и Совета Министров Республики Каракалпакстан;

хокимов областей, районов и городов;

глав дипломатических представительств, консульских учреждений, а также представительств Республики Узбекистан при международных организациях»;

часть вторую изложить в следующей редакции:

«Государственный флаг Республики Узбекистан при обеспечении уважения к нему может использоваться на объектах, не указанных в части первой настоящей статьи, а также на общенациональных праздниках, спортивных соревнованиях, физкультурно-массовых мероприятиях, культурных и иных массовых мероприятиях, официальных международных мероприятиях, торжественных мероприятиях, семейных праздниках, празднованиях памятных дат, похоронных мероприятиях общественных и государственных деятелей, военнослужащих и в иных случаях, в том числе без использования древка (флагштока)»;

дополнить частью третьей следующего содержания:

«Государственный флаг Республики Узбекистан при обеспечении уважения к нему может использоваться в общественных местах, зданиях и иных объектах, местах жительства или работы, а также на прилегающих к ним территориях, в салоне транспортных средств»;

2) в статье 5 1 :

часть вторую изложить в следующей редакции:

«Обозначения, представляющие собой изображение Государственного флага Республики Узбекистан, в целях обозначения принадлежности к Республике Узбекистан могут быть использованы в символиках (флаг, эмблема — геральдический знак, вымпел и другие символы) государственных органов и на их официальных веб-сайтах во всемирной информационной сети Интернет, в качестве основы или элемента государственных наград Республики Узбекистан, а также на предметах в целях обозначения принадлежности к Республике Узбекистан, в учебно-воспитательном процессе»;

дополнить частями третьей — шестой следующего содержания:

«В целях обозначения принадлежности к Республике Узбекистан физические и юридические лица, представляющие Республику Узбекистан на официальных международных мероприятиях, могут использовать обозначения, представляющие собой изображение Государственного флага Республики Узбекистан.

При обеспечении уважения к Государственному флагу Республики Узбекистан обозначения, представляющие собой его изображение, можно использовать в общественных местах, зданиях и иных объектах, местах жительства или работы, а также на прилегающих к ним территориях, в салоне транспортных средств.

Обозначения, представляющие собой изображение Государственного флага Республики Узбекистан, могут быть использованы на одежде и знаках отличия лиц, находящихся на военной или иной государственной службе.

При подготовке спортивной одежды к международным спортивным соревнованиям и чемпионатам Республики Узбекистан могут использоваться обозначения, представляющие собой изображение Государственного флага Республики Узбекистан»;

3) в статье 5 2 :

части вторую и третью заменить частями второй, третьей и четвертой следующего содержания:

«Обозначения, представляющие собой изображение Государственного флага Республики Узбекистан, не могут быть использованы в коммерческих целях для продвижения производимых или реализуемых товаров (работ, услуг), за исключением нанесения обозначений, представляющих собой его изображение, на верхнюю одежду в декоративных целях или в целях обозначения принадлежности к Республике Узбекистан с обеспечением уважения к Государственному флагу Республики Узбекистан.

Не допускается неуважительное отношение к Государственному флагу Республики Узбекистан, в том числе:

использовать Государственный флаг Республики Узбекистан и обозначения, представляющие собой его изображение, в разорванном, грязном, дырявом, выцветшем и в ином неподобающем виде;

использовать Государственный флаг Республики Узбекистан в качестве покрывала для чего-либо;

стелить или наносить изображение Государственного флага Республики Узбекистан на столы, кресла, стулья и использовать его в качестве покрытия, а также стелить или наносить его изображение в иные места, куда садятся, или под ноги;

использовать Государственный флаг Республики Узбекистан в качестве одежды, носового платка или постельного белья, а также для хранения и переноски вещей;

печатать обозначения, представляющие собой изображение Государственного флага Республики Узбекистан, или иным образом наносить его изображение на обувь, носовой платок, постельное белье, нижнее белье, полотенца, коробки (упаковки), предметы, которые предназначены для разового использования и выбрасывания;

использовать Государственный флаг Республики Узбекистан и обозначения, представляющие собой его изображение, в нарушение правил этики и правил поведения в обществе или иным способом, считающимся их осквернением.

Символики негосударственных некоммерческих организаций не могут быть схожи с Государственным флагом Республики Узбекистан»;

4) статью 11 дополнить частью второй следующего содержания:

«Ответственность за использование Государственного флага Республики Узбекистан и обозначений, представляющих собой его изображение, целым (не порванным, не проколотым), чистым (не грязным), невыцветшим и подобающим образом возлагается на физические и юридические лица, в том числе государственные органы, использующие Государственный флаг Республики Узбекистан и обозначения, представляющие собой его изображение, в соответствии с настоящим Законом».

Статья 2. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

7 июля 2023 г.,

№ ЗРУ-853

(Национальная база данных законодательства, 08.07.2023 г., № 03/23/853/0462)

lex.uz