📅 2023-yil 10-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июля 2023 г. · Постановления Президента
Официальный текст. Официальный документ. Редакционные примечания не включены.
📅 10 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қорақалпоғистон Республикаси Вазирлар Кенгаши ҳузурида Маданиятни қўллаб-қувватлаш жамғармасини ташкил этиш тўғрисида
Қорақалпоғистон Республикасида маданият ва санъат соҳаси вакиллари ҳамда ижодкорларни моддий ва маънавий жиҳатдан қўллаб-қувватлаш, ўзбек ва қорақалпоқ халқларининг бой ва қадимий маданиятини ўзаро уйғун ва ҳамоҳанг равишда ривожлантириш, шунингдек, бадиий жамоаларнинг маҳаллий ва хорижий гастроль сафарларини ташкил этиш ишларини доимий молиялаштириш тизимини яратиш мақсадида:
1. Қорақалпоғистон Республикаси Вазирлар Кенгаши ҳузурида юридик шахс мақомига эга бўлмаган Маданиятни қўллаб-қувватлаш жамғармаси (кейинги ўринларда — Жамғарма) ташкил этилсин.
2. Қуйидагилар:
а) Жамғарма маблағларини шакллантириш манбалари этиб белгилансин:
Қорақалпоғистон Республикаси республика бюджетининг қўшимча манбалари ҳамда Қорақалпоғистон Республикаси туман (шаҳар)ларининг маҳаллий бюджетларида шаклланган қўшимча манбалар ҳисобидан ҳар чоракда ажратиладиган маблағлар;
халқаро молия ташкилотлари ва хорижий давлатларнинг грантлари ҳамда техник кўмак маблағлари;
Жамғарманинг вақтинча бўш турган маблағларини тижорат банкларидаги депозитларга жойлаштиришдан олинадиган даромадлар;
давлат-хусусий шериклик асосида олинадиган даромадларнинг тақсимланишидан тушадиган маблағлар;
жисмоний ва юридик шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар;
б) Жамғарма маблағларидан фойдаланиш йўналишлари этиб белгилансин:
маданият ва санъат соҳаси вакиллари, иқтидорли ижодкорларни, айниқса, ёшларни моддий қўллаб-қувватлаш;
оғир иқтисодий вазиятга тушиб қолган, ижтимоий ҳимояга муҳтож маданият ва санъат ходимларини аниқлаш, уларга манзилли ижтимоий ва моддий ёрдам кўрсатиш тадбирларини ташкил этиш ҳамда молиялаштириш;
маданият ва санъат ташкилотлари фаолиятини моддий қўллаб-қувватлаш;
ижодкорлар, ижодий ва бадиий жамоаларнинг маҳаллий ва хорижий гастроль сафарларини ташкил этиш;
маданият ташкилотларининг бинолари ва маданият объектларида қурилиш-монтаж ишларини олиб бориш, уларнинг фаолиятига замонавий ахборот технологиялари ва илғор инновацияларни жорий этиш;
қонунчилик ҳужжатларида назарда тутилган бошқа харажатларни қоплаш.
3. Маданият ва туризм вазирлиги Жамғармага Ўзбекистон Республикаси республика бюджетидан 2023 йил учун Маданият ва туризм вазирлигига ажратилган маблағлар ҳисобидан 20 миллиард сўм ажратилишини таъминласин.
4. Қорақалпоғистон Республикаси Вазирлар Кенгаши Жамғармага Қорақалпоғистон Республикаси республика бюджетининг қўшимча манбалари ҳисобидан маблағлар ажратиш бўйича Қорақалпоғистон Республикаси Жўқорғи Кенгесига таклифлар киритиб борсин.
5. Вазирлар Маҳкамаси бир ҳафта муддатда Жамғарма тўғрисидаги низомни ва унинг васийлик кенгаши таркибини тасдиқласин.
6. Мазкур қарорнинг ижросини самарали ташкил қилишга масъул ва шахсий жавобгар этиб маданият ва туризм вазири О.А. Назарбеков ҳамда Қорақалпоғистон Республикаси Вазирлар Кенгаши Раиси Ф.У. Эрманов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 10 июль,
ПҚ-219-сон
Oʻzbekiston Respublikasi Prezidentining
Qarori
Qoraqalpogʻiston Respublikasi Vazirlar Kengashi huzurida Madaniyatni qoʻllab-quvvatlash jamgʻarmasini tashkil etish toʻgʻrisida
Qoraqalpogʻiston Respublikasida madaniyat va sanʼat sohasi vakillari hamda ijodkorlarni moddiy va maʼnaviy jihatdan qoʻllab-quvvatlash, oʻzbek va qoraqalpoq xalqlarining boy va qadimiy madaniyatini oʻzaro uygʻun va hamohang ravishda rivojlantirish, shuningdek, badiiy jamoalarning mahalliy va xorijiy gastrol safarlarini tashkil etish ishlarini doimiy moliyalashtirish tizimini yaratish maqsadida:
1. Qoraqalpogʻiston Respublikasi Vazirlar Kengashi huzurida yuridik shaxs maqomiga ega boʻlmagan Madaniyatni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin.
2. Quyidagilar:
a) Jamgʻarma mablagʻlarini shakllantirish manbalari etib belgilansin:
Qoraqalpogʻiston Respublikasi respublika budjetining qoʻshimcha manbalari hamda Qoraqalpogʻiston Respublikasi tuman (shahar)larining mahalliy budjetlarida shakllangan qoʻshimcha manbalar hisobidan har chorakda ajratiladigan mablagʻlar;
xalqaro moliya tashkilotlari va xorijiy davlatlarning grantlari hamda texnik koʻmak mablagʻlari;
Jamgʻarmaning vaqtincha boʻsh turgan mablagʻlarini tijorat banklaridagi depozitlarga joylashtirishdan olinadigan daromadlar;
davlat-xususiy sheriklik asosida olinadigan daromadlarning taqsimlanishidan tushadigan mablagʻlar;
jismoniy va yuridik shaxslarning homiylik xayriyalari;
qonunchilik hujjatlarida taqiqlanmagan boshqa manbalar;
b) Jamgʻarma mablagʻlaridan foydalanish yoʻnalishlari etib belgilansin:
madaniyat va sanʼat sohasi vakillari, iqtidorli ijodkorlarni, ayniqsa, yoshlarni moddiy qoʻllab-quvvatlash;
ogʻir iqtisodiy vaziyatga tushib qolgan, ijtimoiy himoyaga muhtoj madaniyat va sanʼat xodimlarini aniqlash, ularga manzilli ijtimoiy va moddiy yordam koʻrsatish tadbirlarini tashkil etish hamda moliyalashtirish;
madaniyat va sanʼat tashkilotlari faoliyatini moddiy qoʻllab-quvvatlash;
ijodkorlar, ijodiy va badiiy jamoalarning mahalliy va xorijiy gastrol safarlarini tashkil etish;
madaniyat tashkilotlarining binolari va madaniyat obyektlarida qurilish-montaj ishlarini olib borish, ularning faoliyatiga zamonaviy axborot texnologiyalari va ilgʻor innovatsiyalarni joriy etish;
qonunchilik hujjatlarida nazarda tutilgan boshqa xarajatlarni qoplash.
3. Madaniyat va turizm vazirligi Jamgʻarmaga Oʻzbekiston Respublikasi respublika budjetidan 2023-yil uchun Madaniyat va turizm vazirligiga ajratilgan mablagʻlar hisobidan 20 milliard soʻm ajratilishini taʼminlasin.
4. Qoraqalpogʻiston Respublikasi Vazirlar Kengashi Jamgʻarmaga Qoraqalpogʻiston Respublikasi respublika budjetining qoʻshimcha manbalari hisobidan mablagʻlar ajratish boʻyicha Qoraqalpogʻiston Respublikasi Joʻqorgʻi Kengesiga takliflar kiritib borsin.
5. Vazirlar Mahkamasi bir hafta muddatda Jamgʻarma toʻgʻrisidagi nizomni va uning vasiylik kengashi tarkibini tasdiqlasin.
6. Mazkur qarorning ijrosini samarali tashkil qilishga masʼul va shaxsiy javobgar etib madaniyat va turizm vaziri O.A. Nazarbekov hamda Qoraqalpogʻiston Respublikasi Vazirlar Kengashi Raisi F.U. Ermanov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 10-iyul,
PQ-219-son
Президента Республики Узбекистан
Постановление
О создании Фонда поддержки культуры при Совете Министров Республики Каракалпакстан
В целях создания системы постоянного финансирования работ по материальной и моральной поддержке представителей культуры и искусства, а также творческих деятелей Республики Каракалпакстан, развития в тесной взаимосвязи и гармонии богатой и древней культуры узбекского и каракалпакского народов, а также организации местных и зарубежных гастролей художественных коллективов:
1. Создать Фонд поддержки культуры при Совете Министров Республики Каракалпакстан (далее — Фонд) без статуса юридического лица.
2. Определить:
а) источниками формирования средств Фонда:
дополнительные источники республиканского бюджета Республики Каракалпакстан, а также средства, ежеквартально выделяемые за счет дополнительных источников, сформированных в местных бюджетах районов (городов) Республики Каракалпакстан;
гранты международных финансовых организаций и зарубежных государств, а также средства технического содействия;
доходы, получаемые от размещения временно свободных средств Фонда на депозитах коммерческих банков;
средства, поступающие от распределения доходов, получаемых на основе государственно-частного партнерства;
благотворительные пожертвования физических и юридических лиц;
иные источники, не запрещенные актами законодательства;
б) направлениями использования средств Фонда:
материальную поддержку представителей культуры и искусства, талантливых творческих деятелей, особенно молодежи;
организацию и финансирование мероприятий по выявлению работников культуры и искусства, оказавшихся в сложной экономической ситуации и нуждающихся в социальной защите, оказанию им адресной социальной и материальной помощи;
материальную поддержку деятельности организаций культуры и искусства;
организацию местных и зарубежных гастролей творческих деятелей, творческих и художественных коллективов;
проведение строительно-монтажных работ в зданиях организаций культуры и объектах культуры, внедрение в их деятельность современных информационных технологий и передовых инноваций;
покрытие других расходов, предусмотренных актами законодательства.
3. Министерству культуры и туризма обеспечить выделение Фонду 20 миллиардов сумов за счет средств, выделенных Министерству культуры и туризма на 2023 год из республиканского бюджета Республики Узбекистан.
4. Совету Министров Республики Каракалпакстан вносить в Жокаргы Кенес Республики Каракалпакстан предложения о выделении Фонду средств за счет дополнительных источников республиканского бюджета Республики Каракалпакстан.
5. Кабинету Министров в недельный срок утвердить положение и состав Попечительского совета Фонда.
6. Возложить на министра культуры и туризма О.А. Назарбекова и председателя Совета Министров Республики Каракалпакстан Ф.У. Эрманова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
10 июля 2023 г.,
№ ПП-219