📅 2023-yil 20-iyun · Vazirlik va idoralar hujjatlari · Iqtisodiyot va moliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 20 июнь · Вазирлик ва идоралар ҳужжатлари · Иқтисодиёт ва молия вазири
Расмий матн. Расмий ҳужжат. Таҳририй изоҳлар киритилмаган.
📅 20 июня 2023 г. · Документы министерств и ведомств · Министр экономики и финансов
Официальный текст. Официальный документ. Редакционные примечания не включены.
📅 20 June 2023 · Ministry and agency documents · Iqtisodiyot va moliya vaziri
Official text. Official document. Editorial notes are not included.
Ўзбекистон Республикаси иқтисодиёт ва молия вазирининг
буйруғи
НИЗОМ
Бюджет тизими бюджетлари маблағлари ҳисобидан амалга ошириладиган қурилиш қиймати 10 млрд сўмгача бўлган объектларда назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2022 йил 14 февралдаги ПҚ-128-сон «Ўзбекистон Республикаси Давлат бюджети харажатларининг самарадорлигини янада ошириш ва давлат молиявий назорати органлари фаолиятини такомиллаштириш тўғрисида»ги қарорига мувофиқ буюраман:
1. Бюджет тизими бюджетлари маблағлари ҳисобидан амалга ошириладиган қурилиш қиймати 10 млрд сўмгача бўлган объектларда назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Қурилиш ва уй-жой коммунал хўжалиги вазирлиги ҳамда Савдо-саноат палатаси билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси иқтисодиёт ва молия вазирининг 2023 йил 20 июндаги 36-сон буйруғига ИЛОВА
Бюджет тизими бюджетлари маблағлари ҳисобидан амалга ошириладиган қурилиш қиймати 10 млрд сўмгача бўлган объектларда назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш тартиби тўғрисидаги
Мазкур Низом Ўзбекистон Республикасининг бюджет тизими бюджетлари (бундан буён матнда бюджет тизими бюджетлари деб юритилади) маблағлари ҳисобидан амалга ошириладиган қурилиш қиймати 10 млрд сўмгача бўлган объектларда (бундан буён матнда қурилиш қиймати 10 млрд сўмгача бўлган объектлар деб юритилади) назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш тартибини белгилайди.
1-боб. Умумий қоидалар
1. Ушбу Низомда қуйидаги асосий тушунчадан фойдаланилади:
буюртмачи ташкилот — қурилиш қиймати 10 млрд сўмгача бўлган объектларда лойиҳалаштириш, қуриш, реконструкция қилиш, мукаммал таъмирлаш ва жиҳозлаш ишларини ташкил этиш вазифаси юклатилган юридик шахс;
назорат ўлчови — қурилиш қиймати 10 млрд сўмгача бўлган объектларда ҳақиқатда бажарилган ишлар ҳажмини аниқлаш мақсадида объект фойдаланишга топширилгандан ва/ёки қурилиш-монтаж ишлари якунлангандан сўнг ўтказиладиган жараён;
назорат ўлчовини ўтказиш учун жалб қилинадиган тижорат ташкилотлари — назорат ўлчовини ўтказиш учун шаҳарсозлик соҳасида сертификатланган мутахассисларни жалб қилган, архитектура-шаҳарсозлик ҳужжатларини ишлаб чиқиш бўйича лицензияга эга бўлган ва қурилиш лойиҳаларини экспертизадан ўтказиш учун аккредитация қилинган, шаҳарсозлик соҳасида камида уч йиллик тажрибага эга бўлган юридик шахслар, тижорат банклари ҳамда бошқа ваколатли органлар;
эълон — давлат харидларини амалга ошириш усули, талаблари ва шартлари, таклифларни тақдим этиш муддатлари ҳамда тартиби кўрсатилган, махсус ахборот портали орқали давлат харидларининг электрон тизимига давлат буюртмачиси томонидан жойлаштириладиган бўлажак давлат харидлари тўғрисидаги ахборот.
2. Қурилиш қиймати 10 млрд сўмгача бўлган объектларда назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Давлат молиявий назорати инспекцияси (бундан буён матнда Инспекция деб юритилади) томонидан амалга оширилади.
3. Назорат қилувчи ва ҳуқуқни муҳофаза қилувчи органлар томонидан қурилиш қиймати 10 млрд сўмгача бўлган объектларда назорат ўлчовини ўтказиш учун Инспекцияга мурожаат қилиниши мумкин.
2-боб. Назорат ўлчовини ўтказиш билан боғлиқ харажатларни режалаштириш
4. Қурилиш қиймати 10 млрд сўмгача бўлган объектларда назорат ўлчовини ўтказиш билан боғлиқ харажатлар Ўзбекистон Республикаси Иқтисодиёт ва молия вазирлигининг асосланган ҳисоб-китобларига асосан Инспекциянинг келгуси йил учун харажатлар сметасида назарда тутилади.
5. Инспекция келгуси йил учун харажатлар сметасини тузишда назорат ўлчовини ўтказиш билан боғлиқ харажатлар юзасидан тегишли ҳисоб-китобларни жорий молия йилининг 1 майига қадар Ўзбекистон Республикаси Иқтисодиёт ва молия вазирлигига тақдим этади.
6. Келгуси йил учун назорат ўлчовини ўтказиш билан боғлиқ харажатлар ҳар йили тасдиқланадиган Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурида назарда тутилган қурилиш қиймати 10 млрд сўмгача бўлган объектлар умумий қийматининг (марказлашган капитал қўйилмалар лимити) 0,3 фоизидан ошмаган миқдорида белгиланган маблағлар ҳажмидан келиб чиққан ҳолда аниқланади.
7. Қурилиш қиймати 10 млрд сўмгача бўлган объектларда назорат ўлчови ўтказиш билан боғлиқ харажатлар Ўзбекистон Республикаси Давлат бюджетидан Инспекциянинг бюджет тизими бюджетлари харажатларининг иқтисодий таснифининг тегишли харажатлар моддаси орқали бир сатрда, йилнинг чораклари ва ойлари кесимида режалаштирилади.
8. Қурилиш қиймати 10 млрд сўмгача бўлган объектларда назорат ўлчови ўтказиш билан боғлиқ харажатлар Инспекция учун Ўзбекистон Республикаси Иқтисодиёт ва молия вазирлиги томонидан очиладиган алоҳида шахсий ғазна ҳисобварақда акс эттирилади.
9. Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига ўзгартириш киритилган тақдирда жорий молия йилида қурилиш қиймати 10 млрд сўмгача бўлган объектларда назорат ўлчовини ўтказиш учун режалаштирилган маблағлар доирасида харажатлар сметасига ўзгартиришлар киритилади.
10. Молия йили якуни бўйича фойдаланилмай қолган бюджет маблағлари Ўзбекистон Республикасининг республика бюджетига қайтарилади.
3-боб. Назорат ўлчовини ўтказиш учун жалб қилинадиган тижорат ташкилотларини танлаш, уларнинг хизмат ҳақини аниқлаш ва тўлаш
11. Буюртмачи ташкилот объект фойдаланишга топширилгандан ва/ёки қурилиш-монтаж ишлари якунлангандан сўнг назорат ўлчови ўтказиладиган қурилиш объектлари рўйхатини ҳар ойда ҳисобот ойидан кейинги ойнинг ўнинчи санасидан кечиктирмасдан Инспекциянинг ҳудудий бошқармаларига тақдим этади.
12. Инспекция буюртмачи ташкилот томонидан тақдим қилинган фойдаланишга топширилгандан ва/ёки қурилиш-монтаж ишлари якунланган қурилиш қиймати 10 млрд сўмгача бўлган объектлар рўйхатига асосан ушбу объектларда назорат ўлчовини ўтказиш учун тижорат ташкилотларини жалб қилиш бўйича эълон ҳар ойнинг йигирманчи санасига қадар берилади.
13. Қурилиш қиймати 10 млрд сўмгача бўлган объектларда назорат ўлчовини ўтказиш учун эълон бериш ва тижорат ташкилотларини танлаш Ўзбекистон Республикасининг «Давлат харидлари тўғрисида»ги Қонуни талабларига мувофиқ амалга оширилади.
14. Инспекция томонидан қурилиш қиймати 10 млрд сўмгача бўлган объектларда назорат ўлчовини ўтказиши учун тижорат ташкилотларига ушбу қурилиш объекти умумий қийматининг 0,3 фоизидан ошмаган миқдордаги хизмат ҳақи харид қилиш тартиб-таомилларига мувофиқ тузилган шартнома асосида тўлаб берилади.
15. Қурилиш қиймати 10 млрд сўмгача бўлган объектларда назорат ўлчовини ўтказиш учун тижорат ташкилотларини аниқлаш натижалари бўйича танланган тижорат ташкилоти билан Инспекция ўртасида шартнома тузилади.
16. Назорат ўлчовини ўтказиш шартнома асосида 15 фоиз аванс маблағлари ўтказилгандан сўнг бошланади.
Қолган 85 фоиз маблағлар назорат ўлчови натижаси бўйича расмийлаштирилган далолатноманинг бир нусхаси Инспекцияга тақдим этилгандан сўнг тўлаб берилади.
4-боб. Якуний қоида
17. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўладилар.
Вазир Ш. КУДБИЕВ
Ўзбекистон Савдо-саноат палатаси Раиси Д. ВАХАБОВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Қурилиш ва уй-жой коммунал хўжалиги вазири Б. ЗАКИРОВ
Тошкент ш.,
2023 йил 20 июнь,
2023 йил 1 июнь
2023 йил 5 июнь
2023 йил 16 июнь
36-сон
Oʻzbekiston Respublikasi iqtisodiyot va moliya vazirining
buyrugʻi
NIZOM
Budjet tizimi budjetlari mablagʻlari hisobidan amalga oshiriladigan qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2022-yil 14-fevraldagi PQ-128-son “Oʻzbekiston Respublikasi Davlat budjeti xarajatlarining samaradorligini yanada oshirish va davlat moliyaviy nazorati organlari faoliyatini takomillashtirish toʻgʻrisida”gi qaroriga muvofiq buyuraman:
1. Budjet tizimi budjetlari mablagʻlari hisobidan amalga oshiriladigan qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Qurilish va uy-joy kommunal xoʻjaligi vazirligi hamda Savdo-sanoat palatasi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi iqtisodiyot va moliya vazirining 2023-yil 20-iyundagi 36-son buyrugʻiga ILOVA
Budjet tizimi budjetlari mablagʻlari hisobidan amalga oshiriladigan qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash tartibi toʻgʻrisidagi
Mazkur Nizom Oʻzbekiston Respublikasining budjet tizimi budjetlari (bundan buyon matnda budjet tizimi budjetlari deb yuritiladi) mablagʻlari hisobidan amalga oshiriladigan qurilish qiymati 10 mlrd soʻmgacha boʻlgan obyektlarda (bundan buyon matnda qurilish qiymati 10 mlrd soʻmgacha boʻlgan obyektlar deb yuritiladi) nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash tartibini belgilaydi.
1-bob. Umumiy qoidalar
1. Ushbu Nizomda quyidagi asosiy tushunchadan foydalaniladi:
buyurtmachi tashkilot — qurilish qiymati 10 mlrd soʻmgacha boʻlgan obyektlarda loyihalashtirish, qurish, rekonstruksiya qilish, mukammal taʼmirlash va jihozlash ishlarini tashkil etish vazifasi yuklatilgan yuridik shaxs;
nazorat oʻlchovi — qurilish qiymati 10 mlrd soʻmgacha boʻlgan obyektlarda haqiqatda bajarilgan ishlar hajmini aniqlash maqsadida obyekt foydalanishga topshirilgandan va/yoki qurilish-montaj ishlari yakunlangandan soʻng oʻtkaziladigan jarayon;
nazorat oʻlchovini oʻtkazish uchun jalb qilinadigan tijorat tashkilotlari — nazorat oʻlchovini oʻtkazish uchun shaharsozlik sohasida sertifikatlangan mutaxassislarni jalb qilgan, arxitektura-shaharsozlik hujjatlarini ishlab chiqish boʻyicha litsenziyaga ega boʻlgan va qurilish loyihalarini ekspertizadan oʻtkazish uchun akkreditatsiya qilingan, shaharsozlik sohasida kamida uch yillik tajribaga ega boʻlgan yuridik shaxslar, tijorat banklari hamda boshqa vakolatli organlar;
eʼlon — davlat xaridlarini amalga oshirish usuli, talablari va shartlari, takliflarni taqdim etish muddatlari hamda tartibi koʻrsatilgan, maxsus axborot portali orqali davlat xaridlarining elektron tizimiga davlat buyurtmachisi tomonidan joylashtiriladigan boʻlajak davlat xaridlari toʻgʻrisidagi axborot.
2. Qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi (bundan buyon matnda Inspeksiya deb yuritiladi) tomonidan amalga oshiriladi.
3. Nazorat qiluvchi va huquqni muhofaza qiluvchi organlar tomonidan qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun Inspeksiyaga murojaat qilinishi mumkin.
2-bob. Nazorat oʻlchovini oʻtkazish bilan bogʻliq xarajatlarni rejalashtirish
4. Qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish bilan bogʻliq xarajatlar Oʻzbekiston Respublikasi Iqtisodiyot va moliya vazirligining asoslangan hisob-kitoblariga asosan Inspeksiyaning kelgusi yil uchun xarajatlar smetasida nazarda tutiladi.
5. Inspeksiya kelgusi yil uchun xarajatlar smetasini tuzishda nazorat oʻlchovini oʻtkazish bilan bogʻliq xarajatlar yuzasidan tegishli hisob-kitoblarni joriy moliya yilining 1-mayiga qadar Oʻzbekiston Respublikasi Iqtisodiyot va moliya vazirligiga taqdim etadi.
6. Kelgusi yil uchun nazorat oʻlchovini oʻtkazish bilan bogʻliq xarajatlar har yili tasdiqlanadigan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida nazarda tutilgan qurilish qiymati 10 mlrd soʻmgacha boʻlgan obyektlar umumiy qiymatining (markazlashgan kapital qoʻyilmalar limiti) 0,3 foizidan oshmagan miqdorida belgilangan mablagʻlar hajmidan kelib chiqqan holda aniqlanadi.
7. Qurilish qiymati 10 mlrd soʻmgacha boʻlgan obyektlarda nazorat oʻlchovi oʻtkazish bilan bogʻliq xarajatlar Oʻzbekiston Respublikasi Davlat budjetidan Inspeksiyaning budjet tizimi budjetlari xarajatlarining iqtisodiy tasnifining tegishli xarajatlar moddasi orqali bir satrda, yilning choraklari va oylari kesimida rejalashtiriladi.
8. Qurilish qiymati 10 mlrd soʻmgacha boʻlgan obyektlarda nazorat oʻlchovi oʻtkazish bilan bogʻliq xarajatlar Inspeksiya uchun Oʻzbekiston Respublikasi Iqtisodiyot va moliya vazirligi tomonidan ochiladigan alohida shaxsiy gʻazna hisobvaraqda aks ettiriladi.
9. Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga oʻzgartirish kiritilgan taqdirda joriy moliya yilida qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun rejalashtirilgan mablagʻlar doirasida xarajatlar smetasiga oʻzgartirishlar kiritiladi.
10. Moliya yili yakuni boʻyicha foydalanilmay qolgan budjet mablagʻlari Oʻzbekiston Respublikasining respublika budjetiga qaytariladi.
3-bob. Nazorat oʻlchovini oʻtkazish uchun jalb qilinadigan tijorat tashkilotlarini tanlash, ularning xizmat haqini aniqlash va toʻlash
11. Buyurtmachi tashkilot obyekt foydalanishga topshirilgandan va/yoki qurilish-montaj ishlari yakunlangandan soʻng nazorat oʻlchovi oʻtkaziladigan qurilish obyektlari roʻyxatini har oyda hisobot oyidan keyingi oyning oʻninchi sanasidan kechiktirmasdan Inspeksiyaning hududiy boshqarmalariga taqdim etadi.
12. Inspeksiya buyurtmachi tashkilot tomonidan taqdim qilingan foydalanishga topshirilgandan va/yoki qurilish-montaj ishlari yakunlangan qurilish qiymati 10 mlrd soʻmgacha boʻlgan obyektlar roʻyxatiga asosan ushbu obyektlarda nazorat oʻlchovini oʻtkazish uchun tijorat tashkilotlarini jalb qilish boʻyicha eʼlon har oyning yigirmanchi sanasiga qadar beriladi.
13. Qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun eʼlon berish va tijorat tashkilotlarini tanlash Oʻzbekiston Respublikasining “Davlat xaridlari toʻgʻrisida”gi Qonuni talablariga muvofiq amalga oshiriladi.
14. Inspeksiya tomonidan qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazishi uchun tijorat tashkilotlariga ushbu qurilish obyekti umumiy qiymatining 0,3 foizidan oshmagan miqdordagi xizmat haqi xarid qilish tartib-taomillariga muvofiq tuzilgan shartnoma asosida toʻlab beriladi.
15. Qurilish qiymati 10 mlrd soʻmgacha boʻlgan obyektlarda nazorat oʻlchovini oʻtkazish uchun tijorat tashkilotlarini aniqlash natijalari boʻyicha tanlangan tijorat tashkiloti bilan Inspeksiya oʻrtasida shartnoma tuziladi.
16. Nazorat oʻlchovini oʻtkazish shartnoma asosida 15 foiz avans mablagʻlari oʻtkazilgandan soʻng boshlanadi.
Qolgan 85 foiz mablagʻlar nazorat oʻlchovi natijasi boʻyicha rasmiylashtirilgan dalolatnomaning bir nusxasi Inspeksiyaga taqdim etilgandan soʻng toʻlab beriladi.
4-bob. Yakuniy qoida
17. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
Vazir Sh. KUDBIYEV
Oʻzbekiston Savdo-sanoat palatasi Raisi D. VAXABOV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Qurilish va uy-joy kommunal xoʻjaligi vaziri B. ZAKIROV
Toshkent sh.,
2023-yil 20-iyun,
2023-yil 1-iyun
2023-yil 5-iyun
2023-yil 16-iyun
36-son