📅 2023-yil 13-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 13 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 июля 2023 г. · Постановления Президента
Официальный текст. Официальный документ. Редакционные примечания не включены.
📅 13 July 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Қорақалпоғистон Республикаси Вазирлар Кенгаши ҳузурида Маҳаллаларни қўллаб-қувватлаш жамғармасини ташкил этиш тўғрисида
Қорақалпоғистон Республикасида маҳаллалар инфратузилмаларини такомиллаштириш, аҳолининг турмуш шароитларини янада яхшилаш, маҳаллаларни ижтимоий-иқтисодий ривожлантиришга қаратилган дастурлар ижросини ҳамда мавжуд муаммоларнинг самарали ва тезкор ҳал этилишини молиявий ва моддий жиҳатдан таъминлаш мақсадида:
1. Қорақалпоғистон Республикаси Вазирлар Кенгаши ҳузурида юридик шахс мақомига эга бўлмаган Маҳаллаларни қўллаб-қувватлаш жамғармаси (кейинги ўринларда — Жамғарма) ташкил этилсин.
Жамғарма Кузатув кенгаши раиси этиб Қорақалпоғистон Республикаси Жўқорғи Кенгеси Раиси (А.Орынбаев) белгилансин.
2. Иқтисодиёт ва молия вазирлиги бир ҳафта муддатда:
2023 йил давомида Қорақалпоғистон Республикасидаги 452 та маҳалла фуқаролар йиғинларининг ҳар бирига 500 млн сўмдан маблағ йўналтириш;
маҳаллада жиноятчиликнинг олдини олиш ҳамда ободонлаштириш ишларини таъминлашга ўз ҳиссасини қўшган ташаббускор фуқаролар, маҳаллалардаги кўчабоши ва уйбошиларни рағбатлантириш мақсадида республика ҳудудларини ижтимоий-иқтисодий ривожлантириш учун назарда тутилган маблағлар ҳисобидан Жамғармага жами 228 млрд сўм миқдорида маблағ ажратиш чораларини кўрсин.
3. Белгилансинки:
лойиҳалар маҳалла раислари томонидан ҳоким ёрдамчилари билан биргаликда маҳаллада яшовчи аҳолининг ҳудуддаги муаммоларни бартараф этиш бўйича таклиф ва тавсиялари умумлаштирилган ҳолда шакллантирилади;
Жамғарманинг Кузатув кенгаши (А.Орынбаев) беш кун ичида лойиҳаларни кўриб чиқиб, Жамғармадан маблағлар ажратиш бўйича қарор қабул қилади;
маҳалла раислари томонидан шакллантирилган ва бошқариладиган лойиҳаларни молиялаштириш учун ҳар бир маҳалла фуқаролар йиғинлари учун алоҳида ҳисобварақлар очилади.
Бунда, лойиҳаларни амалга ошириш билан боғлиқ барча жараёнлари, жумладан товарлар (ишлар, хизматлар)ни сотиб олиш бўйича танлов (тендер) савдоларини ўтказиш, амалга оширилган ишлар учун тўловларни амалга ошириш, бажарилган ишларни қабул қилиш маҳалла фуқаролар йиғинлари раислари томонидан амалга оширилади.
4. Вазирлар Маҳкамаси бир ҳафта муддатда Қорақалпоғистон Республикаси Вазирлар Кенгаши ҳузуридаги Маҳаллаларни қўллаб-қувватлаш жамғармаси тўғрисидаги низомни тасдиқласин.
5. Мазкур қарорнинг ижросини назорат қилиш Бош вазир ўринбосари Ж.А. Қўчқоров ва Қорақалпоғистон Республикаси Вазирлар Кенгаши Раиси Ф.У. Эрманов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 13 июль,
ПҚ-228-сон
Oʻzbekiston Respublikasi Prezidentining
qarori
Qoraqalpogʻiston Respublikasi Vazirlar Kengashi huzurida Mahallalarni qoʻllab-quvvatlash jamgʻarmasini tashkil etish toʻgʻrisida
Qoraqalpogʻiston Respublikasida mahallalar infratuzilmalarini takomillashtirish, aholining turmush sharoitlarini yanada yaxshilash, mahallalarni ijtimoiy-iqtisodiy rivojlantirishga qaratilgan dasturlar ijrosini hamda mavjud muammolarning samarali va tezkor hal etilishini moliyaviy va moddiy jihatdan taʼminlash maqsadida:
1. Qoraqalpogʻiston Respublikasi Vazirlar Kengashi huzurida yuridik shaxs maqomiga ega boʻlmagan Mahallalarni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin.
Jamgʻarma Kuzatuv kengashi raisi etib Qoraqalpogʻiston Respublikasi Joʻqorgʻi Kengesi Raisi (A.Orinbayev) belgilansin.
2. Iqtisodiyot va moliya vazirligi bir hafta muddatda:
2023-yil davomida Qoraqalpogʻiston Respublikasidagi 452 ta mahalla fuqarolar yigʻinlarining har biriga 500 mln soʻmdan mablagʻ yoʻnaltirish;
mahallada jinoyatchilikning oldini olish hamda obodonlashtirish ishlarini taʼminlashga oʻz hissasini qoʻshgan tashabbuskor fuqarolar, mahallalardagi koʻchaboshi va uyboshilarni ragʻbatlantirish maqsadida respublika hududlarini ijtimoiy-iqtisodiy rivojlantirish uchun nazarda tutilgan mablagʻlar hisobidan Jamgʻarmaga jami 228 mlrd soʻm miqdorida mablagʻ ajratish choralarini koʻrsin.
3. Belgilansinki:
loyihalar mahalla raislari tomonidan hokim yordamchilari bilan birgalikda mahallada yashovchi aholining hududdagi muammolarni bartaraf etish boʻyicha taklif va tavsiyalari umumlashtirilgan holda shakllantiriladi;
Jamgʻarmaning Kuzatuv kengashi (A.Orinbayev) besh kun ichida loyihalarni koʻrib chiqib, Jamgʻarmadan mablagʻlar ajratish boʻyicha qaror qabul qiladi;
mahalla raislari tomonidan shakllantirilgan va boshqariladigan loyihalarni moliyalashtirish uchun har bir mahalla fuqarolar yigʻinlari uchun alohida hisobvaraqlar ochiladi.
Bunda, loyihalarni amalga oshirish bilan bogʻliq barcha jarayonlari, jumladan tovarlar (ishlar, xizmatlar)ni sotib olish boʻyicha tanlov (tender) savdolarini oʻtkazish, amalga oshirilgan ishlar uchun toʻlovlarni amalga oshirish, bajarilgan ishlarni qabul qilish mahalla fuqarolar yigʻinlari raislari tomonidan amalga oshiriladi.
4. Vazirlar Mahkamasi bir hafta muddatda Qoraqalpogʻiston Respublikasi Vazirlar Kengashi huzuridagi Mahallalarni qoʻllab-quvvatlash jamgʻarmasi toʻgʻrisidagi nizomni tasdiqlasin.
5. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov va Qoraqalpogʻiston Respublikasi Vazirlar Kengashi Raisi F.U. Ermanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 13-iyul,
PQ-228-son
Президента Республики Узбекистан
Постановление
Об образовании Фонда по поддержке махаллей при Совете Министров Республики Каракалпакстан
В целях финансового и материального обеспечения реализации программ, направленных на совершенствование инфраструктуры махаллей, дальнейшее улучшение условий жизни населения, социально-экономическое развитие, а также эффективного и оперативного решения имеющихся в махаллях Республики Каракалпакстан проблем:
1. Образовать Фонд по поддержке махаллей (далее — Фонд) при Совете Министров Республики Каракалпакстан без статуса юридического лица.
Определить Председателя Жокаргы Кенеса Республики Каракалпакстан (А. Орынбаев) председателем Наблюдательного совета Фонда.
2. Министерству экономики и финансов в недельный срок принять меры:
по направлению в каждый из 452 сходов граждан махаллей Республики Каракалпакстан по 500 млн сумов в течение 2023 года;
выделению Фонду средств в размере в общей сложности 228 млрд сумов за счет средств, направляемых на социально-экономическое развитие регионов республики, в целях поощрения инициативных граждан, старейшин улиц и домкомов в махаллях, внесших вклад в предупреждение преступности и обеспечение благоустройства махалли.
3. Определить, что:
проекты по решению проблем территорий формируются председателями махаллей совместно с помощниками хокимов с обобщением предложений и рекомендаций жителей махаллей;
Наблюдательный совет Фонда (А. Орынбаев) в течение пяти дней рассматривает проекты и принимает решения о выделении средств Фонда;
для финансирования проектов, формируемых и управляемых председателями махаллей, для каждого схода граждан махалли открывается отдельный счет.
При этом все процессы, связанные с реализацией проектов, включая проведение конкурсных (тендерных) торгов по закупке товаров (работ, услуг), а также оплатой и приемкой выполненных работ, осуществляются председателями сходов граждан махаллей.
4. Кабинету Министров в недельный срок утвердить Положение о Фонде по поддержке махаллей при Совете Министров Республики Каракалпакстан.
5. Контроль за исполнением настоящего постановления возложить на заместителя Премьер-министра Д.А. Кучкарова и Председателя Совета Министров Республики Каракалпакстан Ф.У. Эрманова.
Президент Республики Узбекистан Ш. МИРЗИЁЕВ
г. Ташкент,
13 июля 2023 г.,
№ ПП-228